#Local_News
Published_17 March 2025

▪️ လာမည့်ဧပြီလမှစတင်၍ တည်ဆောက်ဆဲ ဒလ တံတားအောက်မှခုတ်မောင်းဖြတ်သန်းရမည့် ရေယာဉ်များ၏ Air Draft သည် ၄၁ မီတာအထိသာ ဖြတ်သန်းခုတ်မောင်းနိုင်မည်ဖြစ်သောကြောင့် လိုအပ်ပါက Round Turn Arichorage (RTA)တွင် ကျောက်ချရပ်နားပြီး ရေစစ်ချိန်ထိစောင့်ဆိုင်းဖြတ်သန်းခြင်း ဆောင်ရွက်သွားရမည်ဖြစ်ကြောင်း မြန်မာ့ဆိပ်ကမ်းအာဏာပိုင်က ထုတ်ပြန်ထားသည်။

▪️ သံမဏိဆိုင်းကြိုးတပ်ဆင်ခြင်းလုပ်ငန်း ဆိုင်းကြိုး ၁၂/၁၃ မှ ဆိုင်းကြိုး ၂၀ အထိလုပ်ငန်း ဆောင်ရွက်နေစဉ် တံ တားအောက်မှဖြတ်သန်းခုတ်မောင်းရမည့် ရေယာဉ်ကြီးများ၏ ရေလမ်း ကင်းလွတ်အမြင့်သည် ရေထရက် ရေ အမြင့်ဆုံးအချိန် ရေပြင်မှ Form Traveller အောက်ခြေအထိ ၄၀ ဒသမ ၈ မီတာရှိပြီး မြေပြင်တိုင်းတာတွေ့ ရှိ ချက်များအရ ၄၃ ဒသမ ၁၃ မီတာရှိသောကြောင့် အထက်ပါအတိုင်း သတိပေးထုတ်ပြန်ခြင်း ဖြစ်ကြောင်း သိရ သည်။

▪️ လက်ရှိတွင် ကိုရီးယား-မြန်မာချစ်ကြည်ရေး (ဒလ) တံတားစီမံကိန်း၏ ရေလယ်ပင်မတံတား သံမဏိ ဆိုင်းကြိုးများ တပ်ဆင်ခြင်းလုပ်ငန်းများဆောင်ရွက်လျက်ရှိရာ ဧပြီလတွင် ဒလဘက်အခြမ်း၌ ဆိုင်းကြိုး ၁၃ နှင့် ရန်ကုန်ဘက်အခြမ်း၌ ဆိုင်းကြိုး ၁၂ တပ်ဆင်ပြီးစီးမည်ဖြစ်ကြောင်း သိရသည်။

▪️ ယင်းကြောင့်ရေလမ်းကင်းလွတ်အကျယ် ၁၃၃ မီတာသာ ကျန်ရှိတော့မည်ဖြစ်သည့်အတွက် ကိုရီးယား-မြန်မာ ချစ်ကြည်ရေး (ဒလ) တံတားစီမံကိန်း၏ ရေလည်ပင်မတံတား သံမဏိဆိုင်းကြိုးများ တပ်ဆင်ခြင်း လုပ်ငန်း ဆောင် ရွက်နေစဉ်အတွင်း ပင်မတံတားအောက်မှ ဖြတ်သန်းသွားလာမည့် ရေယာဉ်ကြီးများဘေးအန္တရာယ် ကင်းရှင်းစွာဖြတ်သန်းသွားလာနိုင်ရေး အတွက် ရေကြောင်းသတိပေးချက် (Notice To Mariners) ကို ထုတ်ပြန်ခြင်းဖြစ်ကြောင်း သိရသည်။

▪️ ယင်းကြောင့် တံတားတိုင်ခြေများ၏ မြစ်ညှာနှင့်မြစ်ခြေ ၂ ဖက်၊ ကမ်းနှစ်ဖက်လုံးတွင် Radar Reflecdor တပ်ဆင်ထားသော မီးအချက်ပြ Buoy များကို ရေဒါစနစ်ဖြင့် အလွယ်တကူဖမ်းယူရရှိနိုင်ပြီး ဘေးအန္တရာယ်ကင်းစွာ ဖြတ်သန်းဝင်ရောက်နိုင်ရန် Coordinate ၈ ခုကိုလည်း ချထားပေးထားကြောင်းလည်း သိရသည်။

#YangonTimes/PP

#World_Science
Published 16 March 2025

▪️ ဇီဝနည်းပညာကုမ္ပဏီ Colossal Biosciencesမှ သိပ္ပံပညာရှင်များက ရှေးခေတ်သားရဲတိရိစ္ဆာန်များကို ပြန်လည်ဖော်ဆောင်ဖို့ ကြိုးစားနေကာ အမွှေးရှည်ဆင်များကဲ့သို့ မျိုးသုဉ်းမျိုးစိတ်များနဲ့ ဆင်တူတဲ့ မျိုးဗီဇပြုပြင် သက်ရှိသတ္တဝါများကို ကြိုးပမ်းနေပါတယ်။

▪️ အမွှေးရှည်ဆင်တွေဟာ လွန်ခဲ့တဲ့နှစ် ၄,၀၀၀ ခန့်က မျိုးမသုဉ်းခင်အထိ ဥရောပ၊ အာရှ၊ မြောက်အမေရိကန်တို့မှ အေးခဲနေတဲ့ တန်ဒြာတွေမှာ လှည့်လည်နေထိုင်ခဲ့ကြပါတယ်။

▪️ Colossalကုမ္ပဏီက ၂၀၂၁မှာ အမွှေးရှည်ဆင်နဲ့ ဒိုဒိုငှက်တို့ကို ပြန်အသက်သွင်းမယ့် အစီအစဉ်ကို ချပြခဲ့ပြီး ယမန်နှစ်က တက်စ်မာနီယန်ကျားကို ပြန်လည်ဖော်ဆောင်ဖို့ ကြိုးပမ်းရာမှာ အောင်မြင်မှုရှိလာတယ်လို့ ဆိုပါတယ်။

▪️ ရှေးခေတ် DNAများကို လေ့လာပြီး မျိုးသုဉ်းသွားတဲ့ တိရိစ္ဆာန်တွေရဲ့ အဓိကဝိသေသလက္ခဏာများကို ရှာဖွေဖို့ အာရုံစိုက်ထားကြောင်း စီအီးအို ဘင်လမ်းက ပြောပါတယ်။

▪️ ပြင်ပသိပ္ပံပညာရှင်တွေကြားမှာတော့ ဒီလိုမျိုးသုဉ်းရှေးဟောင်းမျိုးစိတ်တွေကို ပြန်အသက်သွင်းမယ့် အစီအစဉ်က ပတ်ဝန်းကျင် ထိန်းသိမ်းခြင်းအတွက် အကူအညီဖြစ်စေမှာလားဆိုတာ အမြင်အမျိုးမျိုး ဖြစ်နေကြပါတယ်။

▪️ အင်္ဂါနေ့က Colossalဟာ ကြွက်သန္ဓေသားမှာ မျိုးဗီဇ ၇ ခုကို တပြိုင်တည်းပြုပြင်ခဲ့ပြီး Colossal အမွှေးရှည်ကြွက်လို့ခေါ်တဲ့ အမွှေးရှည်ရှည်ပွပွကြွက်တွေကို ဖန်တီးမယ်ဆိုပြီး ကြေညာခဲ့ပါတယ်။

▪️ သိပ္ပံပညာရှင်တွေက ၁၉၇၀ ဝန်းကျင်တွေတည်းက မျိုးဗီဇပြုပြင်မှုများ ပြုလုပ်နေပေမယ့် CRISPRလိုမျိုး နည်းပညာအသစ်တွေက ပိုမိုထိရောက်လွယ်ကူနိုင်စေမယ်လို့ ဘက်ဖလိုတက္ကသိုလ်မှ ဇီဝဗေဒပညာရှင် ဗင်းဆင့်လင့်ချ်က ပြောပါတယ်။

▪️ အာတိတ်ရေခဲခေတ်တုန်းက အမွှေးရှည်ဆင်များ အသက်ရှင်နိုင်စေတဲ့ အအေးဒဏ်ခံနိုင်ရည်စွမ်းလိုမျိုး ဗီဇပြောင်းလဲမှုများကြောင့် လက္ခဏာ ၂ မျိုးကို သိပ္ပံပညာရှင်များ ရွေးချယ်ခဲ့ကြပါတယ်။

▪️ ကြွက်တွေကို အရင်ဆုံးအာရုံစိုက်လုပ်ဆောင်မှာဖြစ်ပြီး ဒီနောက်မှာမှ အမွှေးရှည်ဆင်တွေနဲ့ အနီးစပ်ဆုံးဖြစ်တဲ့ အာရှဆင်တွေရဲ့ သန္ဓေတွေကို ပြုပြင်မှာဖြစ်တယ်လို့ Colossalကပြောပါတယ်။

▪️ မွန်တာနာတက္ကသိုလ်မှ ပရက်စ်တန်က အမွှေးရှည်ဆင်မျိုးကို ပြန်ခေါ်တာမျိုး မဟုတ်ဘဲ အာရှဆင်ကို ပြောင်းလဲတာသာ ဖြစ်နိုင်တယ်လို့ ဆိုပါတယ်။

▪️ ဒီလိုနည်းလမ်းများဖြင့် လူတွေမှာ ရောဂါတိုက်ဖျက်နိုင်ဖို့ အကူအညီဖြစ်စေနိုင်မယ်လို့ လမ်းက ပြောပါတယ်။

#Source: CBS News

#World_Health
Published 16 March 2025

▪️ ဆယ်ကျော်သက်တွေနဲ့ လူငယ်တွေမှာ ဖြစ်တတ်တဲ့ ဝက်ခြံက အရွယ်ရောက်ပြီး လူကြီးတွေမှာလည်း ဖြစ်တတ်ပါတယ်။

▪️ လူကြီးတွေမှာ ဝက်ခြံထွက်ရတဲ့ အကြောင်းအရင်းများစွာ ရှိပါတယ်။
- ဓမ္မတာစက်ဝန်းအချိန်၊ ကိုယ်ဝန်ဆောင်ချိန်စတဲ့ ဟော်မုန်းအပြောင်းအလဲကြောင့် ဖြစ်နိုင်ပါတယ်။

- စိတ်ဖိစီးမှု မထိန်းချုပ်နိုင်ခြင်းကြောင့် ဟော်မုန်းမညီမမျှဖြစ်ကာ အဆီပိုမိုထွက်စေပါတယ်။

- ဂလူးကို့စ်မြင့်မားတဲ့ အစားအစာတွေနဲ့ နို့ထွက်ပစ္စည်းတွေက ဝက်ခြံဖြစ်ပေါ်ခြင်းကို အားပေးပါတယ်။

- ကိုယ်ဝန်တားဆေးလိုမျိုး အချို့သောဆေးဝါးတွေက ဝက်ခြံကိုပိုဆိုးစေပါတယ်။

- အင်ဆူလင်ယဉ်ပါးခြင်းနဲ့ သိုင်းရွိုက်ရောဂါတို့လို ကျန်းမာရေးပြဿနာတွေက ဝက်ခြံဖြစ်စေနိုင်ပါတယ်။

▪️ လူကြီးတွေမှာထွက်တဲ့ ဝက်ခြံတွေကို ထိန်းသိမ်းနိုင်မယ့် နည်းလမ်းတွေထဲမှာ..

- Retinoids ၊ benzoyl peroxide ၊ salicylic acidနဲ့ ပဋိဇီဝဆေးတို့ကို လိမ်းဆေးအဖြစ် အသုံးပြုနိုင်ပြီး ကျွမ်းကျင်သူတွေနဲ့ အသင့်လျော်ဆုံးကို တိုင်ပင်သင့်ပါတယ်။

- ညီညွတ်မျှတစွာ စားသုံးခြင်း၊ စိတ်ပြေလျော့စေတဲ့ နည်းနာများဖြင့် ဖိစီးမှုကို ထိန်းချုပ်ခြင်း၊ အရေပြားထိန်းသိမ်းခြင်းစသဖြင့် အစားအသောက်နဲ့ နေထိုင်စားသောက်မှုပုံစံ ပြောင်းလဲခြင်းဖြင့် သက်သာစေနိုင်ပါတယ်။

- ရှားစောင်းလက်ပတ်ဂျယ်၊ နနွင်း၊ လက်ဖက်ပင်ဆီ၊ လက်ဖက်စိမ်းဆီတို့လို အိမ်တွင်းလိမ်းဆေးများက အရေပြားကို အထောက်အကူဖြစ်စေပါတယ်။

- ဓာတုကုထုံး၊ လေဆာကုထုံးစတဲ့ ဆေးဘက်ဆိုင်ရာ ကုသမှုတွေလည်း ရွေးချယ်နိုင်ပါတယ်။

▪️ ဝက်ခြံသက်သာစေတဲ့ နည်းလမ်းများစွာရှိပေမယ့် အကောင်းဆုံးက မိမိရဲ့ အရေပြားနဲ့ ဝက်ခြံပြင်းထန်မှုအပေါ် မူတည်ပါတယ်။

#Source: DoctorNDTV

တရုတ်သုတေသီများက ကမ္ဘာ့ပထမဆုံး အက်တမ်အလွှာသတ္တုပြားကြီးကို အောင်မြင်စွာထုတ်လုပ်ပြီး ဒြပ်ဝတ္ထုသိပ္ပံပညာမှာ ထင်ရှားတဲ့ အောင်မြင်မှုကြီး ရရှိခဲ့ပါတယ်။
#World_Technology
Published 15 March 2025
#လူ့ဆံပင်ထက်အဆသိန်းချီပါးလွှာ #ကမ္ဘာ့ပထမဆုံးအက်တမ်လွှာသတ္တုပြား
#YMG #Yangon_Times #Yangon_Media_Group

၁၅ မတ် ၂၀၂၄

▪️ထရမ့်အစိုးရက နိုင်ငံပေါင်း  ၄၁နိုင်ငံမှ  နိင်ငံသားများအပေါ် အမေရိကန်ပြည်ထောင်စုသို့ ခရီးသွားလာမှု ကန့်သတ်မည့် အစီအစဉ်ကိုစဉ်းစားနေကြောင်းသိရပြီး ထိုနိုင်ငံများစာရင်းတွင် မြန်မာ နိုင်ငံပါဝင်လာ သည်။

▪️ရိုက်တာသတင်းဌာနက ရရှိသည့် ရုံးတွင်မှတ်တမ်းတွင် ယင်းတို့ကိုဖော်ပြထားခြင်းဖြစ်သည်ဟု ရိုက်တာ သတင်းဌာနက ဖွင့်ချရေးသားထားသည်။

▪️ဗီဇာကန့်သတ်မည့် နိုင်ငံပေါင်း ၄၁နိုင်ငံကို အုပ်စု (၃)စုခွဲထားပြီး ပထမအုပ်စုသည် အပြည့်အဝေ ဗီဇာပိတ်ပစ်မည့်နိုင်ငံများဖြစ်ပြီး ကျူးဘား၊အီရန်နှင့်မြောက်ကိုရီးယားအပါအဝင် နိုင်ငံ ၁၀ နိုင်ငံပါဝင်  သည်။

▪️ဒုတိယအုပ်စုတွင် တစ်ပိုင်းတစ်စ ဗီဇာပိတ်မည့်နိုင်ငံ (၅)နိုင်ငံရှိကာ ယင်းအထဲတွင် မြန်မာနိုင်ငံ ပါဝင်လာခြင်းဖြစ်သည်။ တစ်ပိုင်းတစ်စဗီဇာပိတ်ခြင်းဆိုသည်မှာ ခရီသွား၊ ကျောင်းသားနှင့်အခြားဗီဇာ များပါဝင်မည်ဟုသိရပြီး အတိအကျရေးမထားပေ။

▪️တတိယအုပ်စုတွင် လိုအပ်ချက်များ မဖြေရှင်းနိုင်ပါက ဗီဇာကန့်သတ်မည့် နိုင်ငံ (၂၆)နိုင်ငံပါဝင်ပြီး ယင်းတို့အထဲတွင် အာရှမှ ကမ္ဘောဒီးယား၊ပါကစ္စတန်နှင့်အရှေ့တီမောတို့ပါဝင်ကြကြောင်းသိရှိရသည်။

▪️ယခုစာရင်းများမှာ အမေရိကန်နိုင်ငံခြားရေးဝန်ကြီး မာကိုရူဘီရိုအပါအဝင် အစိုးရပိုင်းမှ အတည်  မပြုရသေး၍ စာရင်းအပြောင်းအလဲရှိနိုင်ကြောင်း အမည်မဖော်လိုသည့် အမေရိကန်အရာရှိ  တစ်ဦးက ရိုက်တာသို့ပြောသည်။

အမေရိကန်ပြည်ထောင်စုက အုပ်စုအလိုက် ခရီးသွားလာမှုပိတ်ပင်မည့် နိုင်ငံ (၄၁)နိုင်ငံ

▪️အပြည့်အဝဗီဇာရပ်ဆိုင်းခံရမည့်နိုင်ငံများ (၁၀နိုင်ငံ) (အနီရောင်အုပ်စု)

၁။အာဖဂန်နစ္စတန်

၂။ ကျူးဘား

၃။ အီရန်

၄။ လစ်ဗျား

၅။ မြောက်ကိုရီးယား

၆။ ဆိုမေးလီးယား

၇။ ဆူဒန်

၈။ ဆီးရီးယား

၉။ ဗင်နီဇွဲလား

၁၀။ ယီမင်

▪️တစ်ပိုင်းတစ်စ ဗီဇာရပ်ဆိုင်းခံရမည့် နိုင်ငံများ ( ၅ နိုင်ငံ) (လိမ္မော်ရောင်အုပ်စု)

၁။ အီရီထရီးယား

၂။ ဟေတီ

၃။ လာအို

၄။ မြန်မာ

၅။ တောင်ဆူဒန်

▪️လိုအပ်ချက်များမဖြည့်ဆည်းပါက တစ်ပိုင်းတစ်စ ဗီဇာရပ်ဆိုင်းခံရမည့်နိုင်ငံများ (၂၆)နိုင်ငံ (အဝါရောင်အုပ်စု)

၁။ အင်ဂိုလာ

၂။ အင်တီဂွာ နှင့်ဘာဘူဒါ

၃။ ဘီလာရုစ်

၄။ ဘီနင်

၅။ ဘူတန်

၆။ ဘာကီနာဖာဆို

၇။ ကာဘိုဗာဒီ

၈။ ကမ္ဘောဒီးယား

၉။ ကင်မရွန်

၁၀။ ချတ်ဒ်

၁၁။ ကွန်ဂိုဒီမိုကရက်တစ်သမ္မတနိုင်ငံ

၁၂။ ဒိုမီနီကား

၁၃။ အီကွေတိုရီယယ် ဂီနီ

၁၄။ ဂမ်ဘီယာ

၁၅။ လီဘာရီယား

၁၆။ မာလာဝီ

၁၇။ မောရစ်သျှ

၁၈။ ပါကစ္စတန်

၁၉။ ကွန်ဂိုသမ္မတနိုင်ငံ

၂၀။ စိန့်ကစ်နှင့်နီဗစ်

၂၁။ စိန်လူစီယာ

၂၂။ Sao Tome and Principe

၂၃။ ဆီယာလီယွန်

၂၄။ အရှေ့တီမော

၂၅။ တာ့ခ်မင်နစ္စတန်

၂၆။ Vanuatu

Source Reuters

#Daily_News

Published 15 March 2025

၁။ အွန်လိုင်းမှတဆင့် ဂျပန်ဗီဇာလျှောက်ထားမှုကို ဧပြီလ ၁ရက်တွင် ပြန်လည်လက်ခံသွားမည်

၂။ ရန်ပုံငွေမလုံလောက်မှုကြောင့် လူဦးရေတစ်သန်းအတွက်စားနပ်ရိက္ခာအထောက်အပံ့များ ရပ်ဆိုင်းမည်

၃။ နှစ်ပတ်တာအတွင်း စက်သုံးဆီဈေးနှုန်းများ တစ်လီတာ ၁၅၀ကျပ်ဝန်းကျင်အထိကျဆင်း

၄။ လူ့ဆံပင်ထက်အဆသိန်းချီပါးလွှာသော ကမ္ဘာ့ပထမဆုံးအက်တမ်လွှာသတ္တုပြားအား တရုတ်သုတေသီများအောင်မြင်စွာထုတ်လုပ် ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

#World_News
Published 15 March 2025

▪️ တောင်ကိုရီးယားသမ္မတမှ စစ်အုပ်ချုပ်ရေးဥပဒေ ခေတ္တခဏချမှတ်ခဲ့ခြင်းနဲ့ နျူကလီးယားလက်နက်များ ထုတ်လုပ်ရေးအကြောင်း ဆွေးနွေးမှုများ ပြုလုပ်ပြီးနောက် အမေရိကန် စွမ်းအင်ဌာန(DOE)က တောင်ကိုရီးယားကို စောင့်ကြည့်ကြပ်မတ်ရမယ့် နိုင်ငံများစာရင်းထဲ ထည့်သွင်းသတ်မှတ်လိုက်ကြောင်း ပြောရေးဆိုခွင့်ရှိသူတစ်ဦးက သောကြာနေ့မှာ ပြောသွားပါတယ်။

▪️ သမ္မတဟောင်း ဂျိုးဘိုင်ဒင်ရာထူးမှ မဆင်းခင် ဇန်နဝါရီလက စောင့်ကြည့်ကြပ်မတ်ရမယ့် နိုင်ငံများစာရင်းထဲမှာ တောင်ကိုရီးယားကို အောက်ဆုံးအလွှာမှာ ထားခဲ့တယ်လို့ DOEက ဖော်ပြထားပါတယ်။

▪️ ဘာကြောင့် တောင်ကိုရီးယားကို ဒီစာရင်းထဲ ထည့်သွင်းတာလဲဆိုတာ မရှင်းပြထားသလို သမ္မတဒေါ်နယ်ထရမ့်မှ ဒီသတ်မှတ်ချက်ကို ပြန်ပြောင်းချင်တဲ့ပုံစံလည်း မပြထားပါဘူး။

▪️ သိပ္ပံနဲ့ နည်းပညာပိုင်း နှစ်နိုင်ငံပူးပေါင်းဆောင်ရွက်မှုတွေမှာတော့ ကန့်သတ်ချက်တွေ မရှိပါဘူး။

▪️ ဧပြီ ၁၅ ရက်နေ့ အဆိုပါထည့်သွင်းသတ်မှတ်ချက် မစတင်ခင်မှာ ဒီကိစ္စကိုဖြေရှင်းဖို့ တောင်ကိုရီးယားက အမေရိကန်နဲ့ ဆွေးနွေးနေတယ်လို့ ယွန်ဟပ်သတင်းဌာနက ဖော်ပြထားပါတယ်။

▪️ DOEရဲ့ စောင့်ကြည့်နိုင်ငံများစာရင်းထဲမှာ တရုတ်၊ ထိုင်ဝမ်၊ အစ္စရေးလ်၊ ရုရှား၊ အီရန်၊ မြောက်ကိုရီးယားတို့ ပါဝင်ပြီး အီရန်နဲ့ မြောက်ကိုရီးယားတို့ကို အကြမ်းဖက်များအဖြစ် သတ်မှတ်ထားပါတယ်။

▪️ မြောက်ကိုရီးယားဘက်က နျူကလီးယားလက်နက်များနဲ့ ပဲ့ထိန်းဒုံးကျည်အစီအစဉ်များ အရှိန်မြှင့်လုပ်ဆောင်လာတဲ့အပေါ် စိုးရိမ်ပြီး တောင်ကိုရီးယားကလည်း နျူကလီးယားလက်နက်လမ်းစဉ် ကျင့်သုံးသွားဖို့အကြောင်းကို သမ္မတ ယွန်ဆော့ယောလ်နဲ့ ကာကွယ်ရေးဝန်ကြီးဟောင်း ကင်မ်ယုံဟျွန်းတို့ ရှုမြင်ခဲ့ကြပါတယ်။

▪️ ဒီဇင်ဘာလက တောင်ကိုရီးယား စစ်အုပ်ချုပ်ရေးဥပဒေ ၆ နာရီမျှကြာအောင် ထုတ်ပြန်ခဲ့ခြင်းအပေါ် ယွန်ဆော့ယောလ်နဲ့ ကင်မ်ယုံဟျွန်းတို့ကို တရားစွဲဆိုခဲ့ကြပါတယ်။

▪️ တောင်ကိုရီးယားက ယင်းတို့ကိုယ်တိုင် နျူကလီးယားဗုံး မထုတ်လုပ်ဘူးဆိုတဲ့ ကတိပြုချက်ကို ပေးထားပါတယ်။

▪️ နိုင်ငံခြားရေးဝန်ကြီး ချိုထယ်ယူက နိုင်ငံတကာ အခြေအနေတွေဟာ ခန့်မှန်းလို့မရဘဲ ဖြစ်နေတာကြောင့် ဖြစ်နိုင်ခြေအားလုံးအတွက် ပြင်ဆင်ထားရမယ်လို့ ပါလီမန်မှာ ပြောခဲ့ပါတယ်။

▪️ DOEရဲ့ စောင့်ကြည့်စာရင်းက နိုင်ငံတော်လုံခြုံရေး၊ နျူကလီးယားကိစ္စ၊ အကြမ်းဖက်ထောက်ပံ့မှု အကြောင်းပြချက်တွေနဲ့ ပတ်သက်တဲ့ နိုင်ငံများကို ထည့်သွင်းတာဖြစ်ပြီး အမေရိကန်နဲ့ ဆက်ဆံရေး ပျက်ပြားသွားတဲ့ သဘောတော့ မဟုတ်ပါဘူး။

#Source: Reuters

တိုင်းနဲ့ပြည်နယ်တွေမှာ နေ့အပူချိန်တွေမြင့်တက်လာတာကြောင့် လေပြင်းတိုက်တာ၊ မိုးသီးကြွေတာ အပါအဝင် နွေကာလမှာ  ဖြစ်ပေါ်တတ်တဲ့  မိုးလေဝသဖြစ်စဉ်တွေ ဖြစ်ပေါ်နိုင်တာကြောင့် ယင်းဖြစ်စဉ်တွေနဲ့  ပတ်သက်လို့  ကြိုတင်သတိထားကြဖို့ မိုးလေဝသနှင့်ဇလဗေဒညွှန်ကြားမှုဦးစီးဌာနက မတ်လ ၁၅ရက်‌နေ့မှာ သတိပေးထားပါတယ်။
#Local_News 
Published 15 March 2025
#နေ့အပူချိန်မြင့်တက် #မိုးသီးကြွေခြင်းများဖြစ်ပွားနိုင်
#YMG/NN #Yangon_Times

#Local_News
Published 15 March 2025

▪️ ကနဦးယာဉ်မှတ်ပုံတင်ကြေး ပေးသွင်းရာတွင် PO ၊ ဘဏ်ငွေသွင်းချလန်ဖြင့် ပေးသွင်းခြင်းကို လတ်တလောတွင် ခေတ္တရပ်နားထားမည်ဖြစ်ကြောင်း ကုန်းလမ်းပို့ဆောင်ရေးညွှန်ကြားမှုဦးစီးဌာနက ထုတ်ပြန်ကြေညာထားသည်။

▪️ ထိုသို့ခေတ္တရပ်နားခြင်းမှာ ၂ဝ၂၄-၂ဝ၂၅ ခုနှစ်၊ ဘဏ္ဍာရေးနှစ် ကုန်ဆုံးချိန်တွင် နှစ်ချုပ်စာရင်းများ ဆောင်ရွက်ရန်အတွက်ဖြစ်ပြီး ကနဦးယာဉ်မှတ်ပုံတင်ကြေးအား PO နှင့် ဘဏ်ငွေသွင်းချလန်ဖြင့် ပေးသွင်းခြင်းများကို မတ်လ ၁၆ ရက်မှ ၃၁ ရက်အထိ ယာယီရပ်နားထားမည်ဖြစ်ကြောင်း ၊ လုပ်ငန်းဆောင်ရွက်သူများ အဆင်ပြေမှုရှိစေရန် မတ်လ ၂၆ ရက်မှ မတ်လ ၃၁ ရက် နံနက် ၁၂ နာရီအထိ ငွေသားဖြင့် လက်ခံဆောင်ရွက်ပေးမည်ဖြစ်ပြီး လာမည့် ဧပြီလ ၁ ရက်မှစ၍ ကနဦးယာဉ်မှတ်ပုံတင်ခများ ပေးသွင်းခြင်းအား PO နှင့် ဘဏ်ငွေသွင်းချလန်တို့ဖြင့် ပြန်လည်လက်ခံဆောင်ရွက်ပေးသွားမည်ဖြစ်ကြောင်း သိရသည်။

▪️ ကုန်းလမ်းပို့ဆောင်ရေးညွှန်ကြားမှုဦးစီးဌာနအနေဖြင့် ကနဦးမှတ်ပုံတင်ခြင်းဆိုင်ရာ မှတ်ပုံတင်အခငွေများကို POစနစ်ဖြင့်လည်းကောင်း ၊ ဘဏ်ငွေသွင်းချလန်ဖြင့် လည်းကောင်း၊ငွေသားဖြင့်လည်းကောင်း ရုံးချုပ်၊ ကနဦးမော်တော်ယာဉ်မှတ်ပုံတင်ဌာန (နေပြည်တော်)၊ ရုံးချုပ်၊ ကနဦးမော်တော်ယာဉ်မှတ်ပုံတင်ဌာန (ထောက်ကြန့်)၊ ရုံးချုပ်၊ ကနဦးမော်တော်ယာဉ်မှတ်ပုံတင်ဌာန (ရွာသာကြီး)နှင့် ရုံးချုပ်၊ ကနဦးမော်တော်ယာဉ်မှတ်ပုံတင်ဌာန (မန္တလေး)တို့တွင် လက်ခံဆောင်ရွက်ပေးလျှက်ရှိကြောင်း သိရသည်။

#YMG/SW #Yangon_Times

စက်သုံးဆီရည်ညွှန်းဈေးနှုန်းတွေကတော့ ရန်ကုန်ဈေးကွက်ထဲမှာ အမျိုးအစားအားလုံး ဈေးဆက်လက်ကျဆင်းနေပြီး နှစ်ပတ်တာအတွင်း တစ်လီတာကို ၁၅၀ကျပ်ဝန်းကျင်အထိကျဆင်းလာတယ်လို့ စက်သုံးဆီတင်သွင်းသိုလှောင်ဖြန့်ဖြူးခြင်းလုပ်ငန်းကြီးကြပ်ရေးကော်မတီက သိရပါတယ်။
#Local_News
Published 15 March 2025
#စက်သုံးဆီဈေးနှုန်းကျဆင်း #စက်သုံးဆီတင်သွင်းသိုလှောင်
#YMG/NN #Yangon_Times

#Local_News
Published 15 March 2025

▪️ မုန်းဇလဲကျေးရွာရှိ ဘုန်းတော်ကြီးကျောင်း (၃) ကျောင်းတွင် ဖွင့်လှစ်ထားရှိသော ယာယီမီးဘေးရှောင်စခန်းမှာ မီးဘေးသင့်ပြည်သူ ၁၄၄၅ ဦးအား ထောက်ပံ့ငွေနှင့် စားနပ်ရိက္ခာများ ပေးအပ်ခဲ့ကြောင်း သိရသည်။

▪️ မကွေးတိုင်းဒေသကြီးအစိုးရအဖွဲ့ဝန်ကြီးချုပ် ဦးတင့်လွင်သည် တိုင်းဒေသကြီးအစိုးရအဖွဲ့ဝင် ဝန်ကြီးများ၊ တိုင်းဒေသကြီး/ ခရိုင်နှင့် မြို့နယ်အဆင့် ဌာနဆိုင်ရာ တာဝန်ရှိသူများနှင့်အတူ မုန်းဇလဲကျေးရွာ ဘုန်းတော်ကြီးကျောင်း (၃) ကျောင်းတွင် ဖွင့်လှစ်ထားရှိသော ယာယီမီးဘေးရှောင်စခန်းသို့ သွားရောက်၍ မီးဘေးသင့်ပြည်သူ ၁၄၄၅ ဦးအား တွေ့ဆုံ၍ အားပေးစကားများ ပြောကြားကာ မီးဘေးသင့်ပြည်သူများ၏ တင်ပြချက်များအပေါ် ကူညီဖြည့်ဆည်းဆောင်ရွက်ပေးနိုင်ရေး သက်ဆိုင်ရာဆက်စပ်ဌာနများနှင့် ပေါင်းစပ်ညှိနှိင်းဆောင်ရွက်ပေးခဲ့ကြောင်း သိရသည်။

▪️ ထိုသို့တွေ့ဆုံစဥ် မီးဘေးသင့် အိမ်ထောင်စု ၃၇၂ စု ၊ လူဦးရေ ၁၄၄၅ ဦးတိုအတွက် နေထိုင်စားသောက်ရေး အဆင်ပြေစေရန် ထောက်ပံ့ငွေ ၊ ဆန် ၊ ဆီ ၊ ကုလားပဲ ၊ အဝတ်အထည်ကယ်ဆယ်ရေးပစ္စည်းများနှင့် သောက်ရေသန့်ဗူးကြီးများကို မီးဘေးသင့် ပြည်သူများထံ ထောက်ပံ့ပေးအပ်ပြီး ကျေးရွာတွင်း မီးလောင်ပျက်စီးမှုအခြေအနေများကို လိုက်လံကြည့်ရှုစစ်ဆေးခဲ့ကြောင်း သိရသည်။

မကွေးတိုင်း‌ဒေသကြီး၊ ပွင့်ဖြူမြို့နယ် မုန်းဇလဲကျေးရွာ၌ မတ် ၁၂ ရက်နေ့က ပေါ့ဆမှုကြောင့် မီးလောင်မှုဖြစ်ပွားခဲ့ပြီး ကျေးရွာရှိ အိမ်ခြေ ၄၅၀၊ အိမ်ထောင်စု ၄၇၀ ရှိသည့်အနက် အိမ်ခြေ ၃၆၀ မီးလောင်ပျက်စီးဆုံးရှုံးခဲ့ပြီး အိမ်ထောင်စု ၃၇၂ စု၊ လူဦးရေ ၁၄၄၅ ဦး မီးဘေးဒဏ်သင့်ခဲ့ကာ ဌာနဆိုင်ရာတာဝန်ရှိသူများက မီးဘေးသင့်ပြည်သူများ အဆင်ပြေစွာ နေထိုင်နိုင်ရေးအတွက် ဘုန်းတော်ကြီးကျောင်း (၃) ကျောင်းတွင် ယာယီမီးဘေးရှောင်စခန်းဖွင့်လှစ်ထားရှိပြီး လိုအပ်သည့် ထောက်ပံ့ကူညီမှုများ ဆောင်ရွက်ပေးလျက်ရှိသည့်အပြင် ဒေသတွင်းရှိ လူမှုကူညီရေးအသင်းအဖွဲ့များ၊ ရပ်ဝေးရပ်နီးမှ စေတနာအလှူရှင်များက မိမိတို့တတ်အားသရွေ့ အလှူငွေများ၊ အခြေခံစားသောက်ကုန်ပစ္စည်းများ၊ အဝတ်အထည်များနှင့် အိမ်အသုံးအဆောင်ပစ္စည်းများကို လာရောက်ကူညီထောက်ပံ့ပေးလျက်ရှိကြောင်း သိရသည်။

#YMG/SW #Yangon_Times

#Local_News
Published  15 March 2025

▪️ ဆော်ဒီအာရေဗျနိုင်ငံတွင် အခက်အခဲကြုံနေသည့် မြန်မာအမျိုးသမီးကို မြန်မာသံရုံးမှ အမိနိုင်ငံသို့ပြန်လည်ပို့ဆောင်ပေးခဲ့ကြောင်း သိရသည်။

▪️ အဆိုပါ ဆော်ဒီအာရေဗျနိုင်ငံ Tabuk မြို့တွင် အခက်အခဲကြုံတွေ့နေရသည့် မညိမ်းညိမ်းခက်ဆိုသူ မြန်မာနိုင်ငံသား အမျိုးသမီးတစ်ဦးကို အမိနိုင်ငံသို့ အမြန်ဆုံး ပြန်လည်ပို့ဆောင်နိုင်ရန်အတွက် မြန်မာသံရုံးနှင့် ကောင်စစ်ဝန်ချုပ်ရုံးတို့က သက်ဆိုင်ရာနိုင်ငံ လူဝင်မှုကြီးကြပ်ရေးဌာန၊ သက်ဆိုင်ရာတာဝန်ရှိသူများနှင့်ချိတ်ဆက်၍ ညှိနှိုင်းဆောင်ရွက်ပေးခဲ့ခြင်းဖြစ်သည်။

▪️ ထိုသို့ဆောင်ရွက်ပေးခဲ့မှုကြောင့်ပင် မညိမ်းညိမ်းခက် ဆိုသူမြန်မာနိုင်ငံသားမှာ မတ် ၁၀ ရက်တွင် ရီရတ်ဒ်-နယူးဒေလီ-ဗန်ကောက်-ရန်ကုန် လေကြောင်းခရီးစဉ်ဖြင့် ပြန်လည်ထွက်ခွာနိုင်ခဲ့ပြီး မတ်လ ၁၃ ရက်၊ မနက်အစောပိုင်းတွင် အမိနိုင်ငံ ရန်ကုန်မြို့သို့ ပြန်လည်ရောက်ရှိခဲ့‌ကြောင်း သိရသည်။

▪️ နိုင်ငံတော်အစိုးရအနေဖြင့် ပြည်ပတွင်အလုပ်လုပ်ကိုင်စဉ် အခက်အခဲကြုံတွေ့ရသည့် မြန်မာနိုင်ငံသားများကို မြန်မာသံရုံးနှင့် ကောင်စစ်ဝန်ချုပ်ရုံးတို့၏ ညှိနှိုင်းကူညီဆောင်ရွက်မှုဖြင့် အမိနိုင်ငံသို့ ပြန်လည်ခေါ်ဆောင်ပေးလျက်ရှိသဖြင့် အခက်အခဲကြုံတွေ့နေရသူများအနေဖြင့် ဆက်သွယ်အကူအညီတောင်းခံနိုင်ကြောင်း သိရသည်။

#YMG/NN #Yangon_Times