ရန်ကုန်စတော့အိတ်ချိန်း YSX  စာရင်းဝင်အကြိုစျေးကွက်တွင်မြန်မာ့လယ်ယာထွက်ကုန်နှင့် အထွေထွေဖွံ့ဖြိုးတိုးတက်ရေး အများပိုင်ကုမ္ပဏီလီမိတက် MAGDPL မှ ပထမဆုံးမှတ်ပုံတင်ကုမ္ပဏီ ဖြစ်လာတယ်လို့ YSX ကသိရပါတယ်။
#Local_News
Published 1 May 2024  
#ရန်ကုန်စတော့အိတ်ချိန်း
#YMG/NN #Yangon_Times

နစ်ကေးအေးရှား မဂ္ဂဇင်းအွန်လိုင်းစာမျက်နှာပါ ဆောင်းပါးရှင် Michael Haack ၏ U.S. 'nonlethal' aid for Myanmar's ethnic armies likely to backfire ဆောင်းပါးကို ဆီလျော်အောင်မြန်မာဘာသာသို့ပြန်ဆိုပါသည်။

၁ မေ ၂၀၂၄

မကြာသေးသော စစ်ပွဲများတွင်  မြန်မာခုခံရေးတပ်များ၏ အနိုင်ရမှုတွေက ၂၀၂၁ခုနှစ်တွင် အာဏာရယူခဲ့သော မြန်မာစစ်တပ်သည် ခံစစ်တွင်ရှိနေသည်ကို ညွှန်ပြနေသည်။

ယခုလစောစောပိုင်းက စစ်အစိုးရသည် ထိုင်းနယ်စပ်တလျောက်က ကုန်သွယ်ရေးစင်တာတစ်ခုဖြစ်သည့် မြဝတီမြို့ကို ထိန်းချုပ်မှုဆုံးရှုံးခဲ့သည်။ခုခံရေးအဖွဲ့များသည် နေပြည်တော်ရှိ ပစ်မှတ်များနှင့် မန္တလေးအနီးရှိ စစ်တက္ကသိုလ်တို့ကိုလည်း ဒရုန်းတိုက်ခိုက်မှုများပြုလုပ်ခဲ့သည်။

မြန်မာခုခံရေးအပေါ် အနောက်၏ ထောက်ခံအားပေးမှုကို သုံးသပ်ရန် သင့်တော်သည့်အချိန်တစ်ခုရောက်ပါပြီ။

ပဋိပက္ခသည် တိုင်းရင်းသားလက်နက်ကိုင်အဖွဲ့များကို ပို၍အားကောင်းလာစေသည်။ ယင်းတို့ထဲမှ တော်တော်များများသည် ဆယ်စုနှစ်များစွာကတည်းက တည်ထောင်ထားကြပြီး သူတို့သည် ဒီမိုကရေစီရေးထက် လူမျိုးစုအရေတွေက ပိုများသည်။

ဒီမိုကရေစီကိုမြှင့်တင်ရေးထက် သေကြေစေသည့်အကွဲအပြဲများကို ပိုမိုဆိုးရွားစေသည့် အန္တရာယ်ရှိနေသော အကူအညီပေး ရေးမူဝါဒကို အကောင်အထည်ဖော်လုနီးပါးဖြစ်နေသည့် ဝါရှင်တန်အတွက် ဤအဖွဲ့များကို ဘယ်လိုကိုင်တွယ်မည်လဲဆို  သည်က အဓိကပြဿနာဖြစ်လာသည်။

အမေရိကန်အနေဖြင့် လူဦးရေအများဆုံးနေထိုင်သည့် နေရာများကို ထိန်းချုပ်ထားသည့် စစ်တပ်ပြိုလဲကျသွားမည့်   ဘက်က   နေပြီး  လောင်းပစ်လိုက်လို့မရပါ။ အထူးသဖြင့် ဝါရှင်တန်သည်  ဆီရီးယား ပြည်တွင်းစစ်တွင် အကျိုးမဖြစ်ထွန်းသည့်အတွေ့ အကြုံရရှိပြီးနောက် ခုခံမှုများသို့ စစ်ရေးအကူအညီကမ်းလှမ်ခြင်းကို ပြန်ရုပ်သိမ်းခဲ့သည်။ သို့သော် မြန်မာနိုင်ငံတွင် ဝါရှင်   တန်က လက်နက်မဟုတ်သည့် အကူအညီများပေးနေသည်ဆိုသောအခြေအနေများတွင် ယင်းက ရှောင်ရှားရန်   ကြိုးစားနေ  သည့် ရလာဒ်များကို ဖန်တီးသွားစေနိုင်သည့် အန္တရာယ်တွေရှိလာနေသည်။

ပြီးခဲ့သည့်လက အမေရိကန်ကွန်ဂရက်ကအတည်ပြုခဲ့သော ဒေါ်လာ ၁.၂ ထရီလီယံရန်ပုံငွေအထုပ်ကြီးတွင်  မြန်မာနိုင်ငံ အတွက် ယခုဘဏ္ဍာရေးနှစ်၌ ယင်း၏ ၂၃ရာခိုင်နှဒန်းဖြစ်သော ဒေါ်လာ ၁၆၇သန်းပါဝင်နေသည်။ ထိုအထဲတွင် ဒေါ်လာ ၇၅သန်းသည့် နယ်စပ်ဖြတ်ကျော်အကူအညီများအတွက်ဖြစ်ပြီး ဒေါ်လာ ၂၅သန်းမှာ စစ်အစိုးရကိုတိုက်ခိုက်နေသည့် တိုင်းရင်း သားလက်နက်ကိုင်အဖွဲ့အစည်း များနှင့် ပီဒီအက်ဖ်များအတွက် လက်နက်မဟုတ်သည့်အကူအညီများအတွက်ဖြစ်သည်။

ဒီလိုမျိုးဝါရှင်တန်က အရင်ရှိခဲ့ဖူးပါသည်။ သူတို့သုံးသည့်  ဝေါဟာရက ဆီးရီးယားနှင့်သက်ဆိုင်သည့် ယခင်ရန်ပုံငွေများ အတည်ပြုရာတွင် သုံးခဲ့သည်။ ဆီးရီးယားတွင် သူတို့က ကျည်ကာအင်္ကျီနှင့် ရန်သူတပ်များတည်နေရာနှင့်ပတ်သက်သော ထောက်လှမ်းရေးသတင်းအချက်အလက်များ ပါဝင်သည့်အကူအညီများကို  လက်နက်မဟုတ်သော အကူအညီဟူ၍   ပေးခဲ့ သည်။ ယင်းက နောက်ဆုံးမတော့ သေစေလောက်သည့်လက်နက်ကိရိယာများကို ဖြန့်ကျက်ချထားရေးဆီသို့သာ မယောင် မလည်နှင့် ဦးတည်သွားခဲ့သည်သာ ဖြစ်သည်။

အမေရိကန်၏ လှုပ်ရှားမှု လက်ငင်းအကျိုးသက်ရောက်သွားရသည်က မြန်မာ၏ အိမ်နီးချင်းနိုင်ငံများဖြစ်သည်။ သူတို့က ပဋိပက္ခတွင် အမေရိကန်၏ ပါဝင်ပတ်သက်မှု အရှိန်မြှင့်တင်လာခြင်းတစ်ခုဟု အခြေအနေကို ရှုမြင်ကြလိမ့်မည်။

တရုတ်က စစ်အစိုးရနှင့် နယ်စပ်တလျောက်ရှိတိုင်းရင်းသားလက်နက်ကိုင်အုပ်စုနှစ်ဘက်စလုံးကို ကူညီကာ ခြံစည်းရိုးခွထိုင် နေခဲ့သည်။ အိန္ဒိယနှင့်ထိုင်းတို့ကလည်း စစ်တပ်အုပ်ချုပ်မှုကိုလက်ခံ၊ လက်နက်များနှင့် တိုက်ခိုက်ရေးသမားများ သူတို့၏ နယ်စပ်များကိုဖြတ်ကျော်သွားလာနေခြင်းများကိုလည်း ခွင့်ပြုပြီးနေလာခဲ့ကြသည်။ သူတို့အားလုံး ဘယ်သူကမျှ အမေရိကန်  ၏ ပိုမိုကြီးမားလာသည့် ပတ်သက်ညိတွယ်မှုကို မြင်တွေ့လိုခြင်းမရှိကြပါ။

လက်နက်မဟုတ်သည့် အကူအညီများပေးရေးအစီအစဉ်သည်  အမေရိကန်၏ ဗျူရိုကရက်များကိုလည်း ခေါင်းကိုက်စေ   ပါလိမ့်မည်။  အမေရိကန်သည် ပင်လယ်ရပ်ခြား ဒီမိုကရေစီများကို အားပေးထောက်ခံရန်ဟူသည့် အတွေးအခေါ်ဖြင့်  မောင်းနှင်နေချိန်တွင် မြန်မာနိုင်ငံသည် (ဒေါ်)အောင်ဆန်းစုကြည် နိုင်ငံတကာဇာတ်ညွှန်းများကို မောင်းနှင်နေသည့်  အချိန်တုန်းကထက် ယခုပိုမိုရှပ်ထွေးနေသည်ကို ယခုအခါ ဝါရှင်တန်က နားလည်သဘောပေါက်လာသည်။

အင်အားအကြီးမားဆုံးသော လက်နက်ကိုင်အုပ်စုများသည် လူမျိုးစုအလိုက်ဖွဲ့စည်းထားသည်။ မြန်မာနိုင်ငံ၏ ပိုင်နက်ကို ဘယ်လိုခွဲခြမ်းမလဲဆိုသည်နှင့်ပတ်သက်၍  မတူကွဲပြားမှုများက ကာလရှည်ကြာစွာပင် အမြစ်တွယ်နေသည်။

သူတို့နှင့်အတူရှိနေသည်က စစ်အစိုးရ၏ လမ်းပေါ်ကဆန္ဒပြမှုများနှင့် သပိတ်မှောက်မှုများကို ရက်စက်စွာနှိမ်နှင်းခဲ့မှုအပေါ် ပြန်လည်တုန့်ပြန်ရန် မြို့ပြလူငယ်များဖြင့်ဖွဲ့စည်းထားသည့်ပြည်သူ့ကာကွယ်ရေးတပ်အုပ်စု(ပီဒီအက်ဖ်)များဖြစ်သည်။ သူတို့သည် အစပိုင်းတွက် လက်နက်လည်းမရှိ၊ စစ်သင်တန်းတွေလည်းမရှိဘဲ  တိုင်းရင်းသားစစ်တပ်များ၏ အကူအညီတစ်ခု တည်းဖြင့် သမားရိုးကျစစ်ပွဲကို ဆင်နွှဲနိုင်ခဲ့ကြသည်။

စစ်ကိုင်းတိုင်းဒေသကြီး အနောက်မြောက်ပိုင်းတွင် အစိုးရတပ်များသည် လတ်တလောတွင် နယ်မြေများဆုံးရှုံးခဲ့သည်။ မြို့ပြ ဒေသများရှိ တိုက်ပွဲကြီးများလိုလိုတွင် ကေအိုင်အေ၊ချင်းအမျိုးသားကာကွယ်ရေးတပ်(CNF)နှင့် ၁၉၈၈ လူထုအုံကြွမှုအပြီး  ဖွဲ့စည်းခဲ့သည့် ABSDF တို့ ၏ ဦးဆောင်မှု သို့မဟုတ် ပါဝင်ပတ်သက်မှုတွေရှိခဲ့သည်။

အမေရိကန်သည် ခုံခံရေးအဖွဲ့များနှင့် ယခင်ကမရှိခဲ့ဖူးသည့်ထိတွေ့ဆက်ဆံမှုများ လူသိရှင်ကြားရှိလာသည်။ နိုင်ငံခြားရေး ဝန်ကြီးဌာနအကြံပေးပုဂ္ဂိုလ် ဒါရက် ချိုလက်သည်  ကရင်၊ကချင်၊ ကရင်နီနှင့်ချင်းအုပ်စုများမှ ခေါင်းဆောင်များနှင့် တွေ့ဆုံ   ခဲ့ပြီး မြန်မာနိုင်ငံတွင် ဖက်ဒရယ်ဒီမိုကရေစီရေး သူတို့၏ ထူးချွန်စွာကြိုးပမ်းအားထုတ်မှုများကို ဂုဏ်ပြုခဲ့ကြောင်း ဆိုရှယ်   မီဒီယာ ပလက်ဖောင်း အိတ်စ်မှတစ်ဆင့် ကြေညာခဲ့သည်။

ယင်းလုပ်ရပ်က ဝါရှင်တန်အတွက် တိုင်းရင်းသားလက်နက်ကိုင်အဖွဲ့များကို မြန်မာနိုင်ငံ၏ သူရဲကောင်းအသစ်များအဖြစ် မြှောက်စားရန် သွေးဆောင်သိမ်းသွင်းခြင်းဖြစ်သည်။ သို့သော် သူတို့ကို တွန်းအားပေးနေသော သွေးနှင့်မြေ အမျိုးသား  ရေးဝါဒက အမေရိကန်ပြည်ထောင်စု၏ မဏ္ဍိုင်များဖြစ်သော ဉာဏ်အမြင်တန်ဖိုးတွေနှင့် အတော့်ကို ဆင်တူခြင်း မရှိလှပါ။

မြန်မာနိုင်ငံ၌ တရုတ်ဩဇာအပေါ်တန်ပြန်သည့်ရည်မှန်းချက်ဆိုလျှင်ပင် ဘေဂျင်းက နှစ်ဖက်စလုံးကို လက်နက်များ   ကူညီနေသည့်အတွက်  အမေရိကန်၏ အားပေးထောက်ခံမှုက ဘာမှ အကြီးအကျယ်ခြားနားမှုရှိလာနိုင်ဖွယ် မမြင်ပါ။ သို့သော် ခါးသီးဖွယ်ကောင်းလှသည့်အမှန်တရားမှာ လူမျိုးစုအစိတ်စိတ်အပိုင်းပိုင်းနယ်မြေများအဖြစ် မြန်မာနိုင်ငံကိုဦးတည်ရွေ့လျား   နေစေခြင်းသာ ဖြစ်ပါသည်။

ပြည်ပမှသာ အဓိကအားဖြင့် လုပ်ငန်းလုပ်ဆောင်နေသော ဒီမိုကရေစီလိုလားသော မျက်နှာစာ၏တစ်ခုဖြစ်သည့် အမျိုးသား  ညီညွတ်ရေးအစိုးရသည် သံတမန်ရေးများနှင့် မဟာမိတ်များတည်ဆောက်ရေးအခန်းကဏ္ဍကို လုပ်ဆောင်နေပြီး မြန်မာပြည်    တွင်း၌ သူတို့သည် လူမျိုးစုတပ်များ၏ အင်အားကိုသာ အဓိကအားထားနေခဲ့ကြရသည်။မည်သည့် ငြိမ်းချမ်းရေး ပြေငြိမ်းမှုများ  မဆို ဤအင်အားချိန်ခွင်လျှာများကို စဉ်းစားသုံးသပ်ကြရလိမ့်မည်ဖြစ်ပြီး ယင်းက လူမျိုးစုအခြေပြုသည့် ဒေသအလိုက်     အုပ်ချုပ်ရေးနယ်မြေများဖန်တီးခြင်းကို ဦးတည်သွားနိုင်ဖွယ်ရှိနေသည်။

စစ်ပွဲများတွင်ပတ်သက်နေသည့် လက်နက်ကိုင်အုပ်စုများကို အားပေးထောက်ပံ့ခြင်းဖြင့် အကြမ်းဖက်မှုအခြေအနေများ မြင့် တက်လာမည်ကို အမေရိကန်ရော မြန်မာကပါ မလိုလားကြပါ။ တရုတ်ကို စစ်ပွဲတွေအတွင်း ပိုကျွံသွားအောင် ဆွပေးဖို့ကြိုးစား ခြင်းကလည်း အမေရိကန်အတွက် ဘာအကျိုးမှမရှိပါ။

တရုတ်နှင့်အမေရိကန်အကြား ကစားပြီး အရှေ့တောင်အာရှနိုင်ငံအများစုက အကျိုးဖြစ်ထွန်းနေချိန်တွင် မြန်မာအတွက် ဖြစ်လာနိုင်ဖွယ်အရှိဆုံး ရလာဒ်က အကြမ်းဖက်မှုများနှင့်သေဆုံးမှုများ ပိုမိုများပြားလာခြင်းပဲဖြစ်သည်။ ယင်းက စစ်ပွဲတွေ  မရပ်မနားဖြစ်နေဖို့ အခြေအနေတွေကိုသာ ဖန်တိးပေးလိမ့်မည်။   နိုင်ငံကို အစိတ်အပိုင်းအများကြီးအကွဲကွဲဖြစ်သွားစေ ခြင်းက ငြိမ်းချမ်းရေးအဓွန့်ရှည်ဖို့ အကောင်းဆုံးမျှော်လင့်ချက်ကို ဖြစ်စေနိုင်သည်ဟု အချို့က စောဒကတက်ကြသည်။ သို့သော်  လတ်တလောတွင် ချင်းပြည်နယ်၌ ပြိုင်ဘက် ဒေသကောင်စီများအကြား အကြမ်းဖက်မှုများ ဖြစ်ပွားနေခြင်းက လူမျိုးစုများအတွင်း အကွဲအပြဲများက ရှုပ်ထွေးမှုနောက်အသစ်များကို ဦးတည်သွားနိုင်ဖွယ်ရှိကြောင်း ညွှန်းဆိုပြသနေသည်။

ငြင်းမရသော အမှန်တရားတစ်ခုမှာ ယခုပဋိပက္ခသည် ခပ်မြန်မြန် ခပ်လွယ်လွယ်ဖြေရှင်း၍ရသည့် ပဋိပက္ခတစ်ခု မဟုတ်ခြင်းပင်။ရလာဒ်ကို ဆုံးဖြတ်ဖန်တီးရန် အမေရိကန်၏ မည်သည့်ကြိုးပမ်းမှုမျိုးမဆို ကျရှုံးဖို့များသည်။ မြန်မာနိုင်ငံ အတွက် လူသားချင်းစာနာထောက်ထားမှုဆိုင်ရာ အကူအညီများနှင့် အရပ်ဖက်အဖွဲ့အစည်းများ အားကောင်းလာစေရန်ဆောင်ရွက်ခြင်းတို့ကို ဝါရှင်တန်က တိုးမြှင့်ဆောင်ရွက်သင့်ပါသည်။ စစ်ပွဲတွေ ပိုဖြစ်လာဖို့ အမေရိကန်က ထောက်ခံအားမပေးသင့်ပါ။

(ဆောင်းပါးရှင် မိုက်ကယ်လ်ဟက်သည် ဝါရှင်တန်အခြေစိုက် မြန်မာမူဝါဒအင်စတီကျူ အဖွဲ့၏ advocacy coordinator အဖြစ် တာဝန်ထမ်းဆောင်ခဲ့သူဖြစ်သည်)

U.S. 'nonlethal' aid for Myanmar's ethnic armies likely to backfire by Michael Haack published in Nikkei Asia

(မှတ်ချက်။ ယခုဆောင်းပါးကို မူရင်းအင်္ဂလိပ်ဘာသာအတိုင်း မြန်မာသို့ပြန်ဆိုခြင်းဖြစ်၍ မြန်မာနိုင်ငံတွင် တရားဝင်ခေါ်ဝေါ်သုံးစွဲမှုများနှင့်ကွဲလွဲမှုရှိနိုင်ပါသည်။ သို့သော် ဘာသာပြန်သူ၏ မူရင်းကိုသိရှိစေရန် နှင့်အာဘော်ကိုခြုံငုံမိစေရန်ရည်ရွယ်၍ အတတ်နိုင်ဆုံး တိုက်ရိုက်ဘာသာပြန်ဆိုထားခြင်းဖြစ်ပါသည်)

ဇီ၀ဇိုးငှက်တွေကို ငှက်အိမ်တွေဆောက်လုပ်ပေးတာဟာ စားသုံးရန်မဟုတ်ဘဲ စိတ်အေးချမ်းသာစွာ သားပေါက်နိုင်ရန်အတွက် ဆောက်လုပ်ပေးတာဖြစ်ပြီး သားပေါက်ပြီး အသုံးမပြုတော့တဲ့ ငှက်သိုက်ကိုသာခွာယူရတာ ဖြစ်တဲ့အတွက်ဇီ၀ဇိုးငှက်အိမ်ဆောက်လုပ်မွေးမြူလာတာများလာပေမယ့် ငှက်အိမ်တွေထဲကို ငှက်၀င်ရောက်မှု လျော့ကျလာမှာကိုတော့ စိုးရိမ်စရာမရှိဘူးလို့ ဇီဝဇိုးငှက်အိမ်ဆောက်လုပ်သူတွေနဲ့မွေးမြူသူတွေထံက သိရပါတယ်။
#Local_News
Published 1 May 2024
#ဇီ၀ဇိုးငှက် #တပိုင်တနိုင်‌မွေးမြူသူများလာ
#YMG/LW #Yangon_Times

#Local_News
Publicshed 1 May 2024

▪️ (၆၂) ကြိမ်မြောက် အောင်ဘာလေသိန်းဆုထီ ၌  စုစု‌ပေါင်းထီဆုငွေ ကျပ်သန်း ၃၈၆၅ ဒသမ ၉၃၂ (ကျပ် ၃ ဒသမ ၈ ဘီလျံကျော်) ချီးမြှင့်မည် ဖြစ်ပြီး ကျပ်သိန်းငါးထောင်ဆုကို(ဂ) ၁၈၅၆၇၇ နံပါတ်မှ ဆွတ်ခူးရရှိ ကြောင်းသိရသည်။

▪️ အဆိုပါ ၆၂ ကြိမ်မြောက် ကျပ် ၁၀၀၀ တန် အောင်ဘာလေထီဆုဖွင့်ပွဲကို ၂၀၂၄ ခုနှစ်၊ မေလ ၁ ရက် နံနက် ၈ နာရီအချိန်တွင် လည်းကောင်း၊ အောင်ဘာလေ အွန်လိုင်းသိန်းဆုထီဖွင့်ပွဲကို နံနက် ၁၀ နာရီတွင်လည်းကောင်း ရန်ကုန်မြို့ရှိ အောင်ဘာလေသိန်းဆုဌာနခွဲတွင် ကျင်းပခဲ့ရာ အမြင့်ဆုံးဆုဖြစ်သည့် ကျပ်သိန်းငါးထောင်ဆုကို(ဂ) ၁၈၅၆၇၇ နံပါတ်မှလည်းကောင်း၊ ကျပ်သိန်းနှစ်ထောင်ဆုကို (စျ) ၉၂၆၅၇၈၊ ကျပ် သိန်းတစ်ထောင်ဆုကို (ခ) ၄၉၀၀၂၂ မှဆွတ်ခူးရရှိခဲ့ကြောင်း သိရသည်။

▪️ မေလ ၁ ရက်တွင် ကျင်းပသည့် ၆၂ ကြိမ်မြောက် ကျပ် ၁,၀၀၀ တန် အောင်ဘာလေသိန်းဆုထီ လက်မှတ်‌ရောင်းရ‌ငွေ  ကျပ် ၅၅၂၂ ဒသမ ၇၆၀ သန်း (၅ ဒသမ ၅ ဘီလျံကျော်) ဖြစ်သဖြင့် ရာခိုင်နှုန်း ၇၀ ခွဲဝေချီးမြှင့်ပေးမည့် ထီဆုငွေမှာ ကျပ်သန်း ၃၈၆၅ ဒသမ ၉၃၂ (ကျပ် ၃ ဒသမ ၈ ဘီလျံကျော်) ဖြစ်ကြောင်းနှင့် ဘဏ္ဍာသိမ်းရငွေ ကျပ်သန်း ၂၅၀ မှ ကျပ်ဆယ်သိန်း လေးဆု၊ ကျပ်သုံးသိန်း ၂၀ ဆု၊ ကျပ်နှစ်သိန်း ၂၀၀ ဆု၊ ကျပ်တစ်သိန်း ၂,၀၀၀ ဆု ချီးမြှင့်သွားမည်ဖြစ်ကြောင်းစီမံကိန်းနှင့် ဘဏ္ဍာရေးဝန်ကြီးဌာနမှ သိရသည်။

▪️ ထို့အပြင် ၆၂ ကြိမ်မြောက် အောင်ဘာလေဆုများအနေဖြင့် ကျပ်သိန်းငါးထောင် တစ်ဆု၊ ကျပ်သိန်းနှစ်ထောင် တစ်ဆု၊ ကျပ်သိန်းတစ်ထောင် တစ်ဆု၊ ကျပ်သိန်းငါးရာ လေးဆု၊ ကျပ်သိန်းနှစ်ရာငါးဆု၊ ကျပ်သိန်းတစ်ရာကိုးဆု၊ ကျပ်သိန်းငါးဆယ် ၁၂ ဆု၊ ကျပ်သိန်းနှစ်ဆယ် ၁၆ ဆု၊ ကျပ်ဆယ်သိန်း ၁၄ ဆုများအပြင် ဝေဝေဆာဆာပဒေသာဆုအနေဖြင့် ကျပ်သုံးသိန်း ၃၀ ဆု၊ ကျပ်နှစ်သိန်း ၃၀၀ ဆု၊ ကျပ်တစ်သိန်း ၅,၀၀၀ ဆု၊ ကျပ်ငါးသောင်း ၂၀,၀၀၀ ဆု၊ ကျပ်တစ်သောင်း ၁၀၀,၀၀၀ ဆု ချီးမြှင့်ပေးခဲ့‌ကြောင်း သိရသည်။

#YMG/NN #Yangon-Times

ဒီနှစ်မှာရန်ကုန်ကိုရောက်ရှိနေတဲ့ ရှမ်းတို့၊ ချင်းတို့၊ ရခိုင်တို့မှ စစ်ဘေးရှောင်ကလေးငယ်တွေလည်း ကျောင်းအပ်ဖို့ရှိလို့ကျောင်းသားဦးရေ တွေတိုးလာနိုင်တယ်။
(ပန်းတစ်ပွင့်တောင်ဘုန်းတော်ကြီးသင်ကျောင်းမှ ဆရာမတစ်ဦး)
#Local_News
Published 1 May 2024
#စစ်ဘေးရှောင်ကလေးငယ်များ #ကျောင်းသားဦးရေတိုးနိုင်
#tthl #Yangon_Times

#Local_News
Published 1 May 2024

▪️ ယခုနှစ်ငါးလတာအတွင်း မြန်မာနိုင်ငံသို့နိုင်ငံတကာ ကုန်သေတ္တာတင်သင်္ဘော၂၅၀ကျော် ဆိုက်ကပ်မည်ဖြစ်ကြောင်း မြန်မာ့ဆိပ်ကမ်းအာဏာပိုင်မှ သိရသည်။

▪️ ထိုသို့ဆိုက်ကပ်ရာတွင် ၂၀၂၄ ခုနှစ် ဇန်နဝါရီလတွင် (၄၉) စင်း၊ ဖေဖော်ဝါရီလတွင် (၅၃) စင်း၊မတ်လတွင် (၅၅) စင်း၊ ဧပြီလတွင် (၅၀) စင်းဝင်ရောက်ဆိုက်ကပ်ခဲ့ပြီး ယခု မေလတွင် (၅၂)စင်းဝင်ရောက်ဆိုက်ကပ်မည်ဖြစ်ကြောင်း သိရသည်။

▪️ ရန်ကုန်ဆိပ်ကမ်းဧရိယာတွင် အပြည်ပြည်ဆိုင်ရာ ရေယာဉ်ကြီးများ ဆိုက်ကပ်နိုင်သည့် ဆိပ်ကမ်းတံတား (၂၇) စင်း၊ ရန်ကုန်သီလဝါအပြင်ဆိပ်ကမ်းဧရိယာတွင် ဆိပ်ကမ်းတံတား (၁၉) စင်း စုစုပေါင်း (၄၆) စင်းဖြင့် ဝန်ဆောင်မှုပေးနေခြင်းဖြစ်သည်။

▪️ မြန်မာနိုင်ငံသို့ နိုင်ငံတကာမှ နိုင်ငံတကာကုန်သေတ္တာတင်သင်္ဘောများတစ်နှစ်လျှင် အစင်းရေ ၆၀၀ကျော်အထိဝင်ရောက်ဆိုက်ကပ်လေ့ရှိရာပြီးခဲ့သည့် ၂၀၂၂ ခုနှစ်တွင် နိုင်ငံတကာ သင်္ဘောလိုင်းများ၏ ကုန်သေတ္တာတင်သင်္ဘော ၆၄၇ စင်းဝင်ရောက်ခဲ့ပြီး  ၂၀၂၃ ခုနှစ် ဇန်နဝါရီမှ ဒီဇင်ဘာလကုန်ထိ တစ်နှစ်တာကာလအတွင်း ရန်ကုန်ဆိပ်ကမ်းများသို့ နိုင်ငံတကာ သင်္ဘောလိုင်းများမှ ကုန်သေတ္တာတင်သင်္ဘော (၆၄၅) စင်း ဝင်ရောက်ခဲ့သည်။

▪️ ရန်ကုန်အပြည်ပြည်ဆိုင်ရာဆိပ်ကမ်းများသို့ အပြည်ပြည်ဆိုင်ရာကုန်သေတ္တာတင်သင်္ဘောများ လစဉ်ပုံမှန်ဝင်ရောက်ဆိုက်ကပ်လျက်ရှိခြင်းဖြစ်ကာ ကုန်သွယ်မှု လုပ်ငန်းများကို ပင်လယ်ရေကြောင်း ကုန်သွယ်ရေးလမ်းကြောင်းမှ ပိုမိုဆောင်ရွက်လျှက်ရှိခြင်းဖြစ်သည်။

▪️ ထို့အပြင်ပို့ကုန်များ တိုးမြှင့်တင်ပို့နိုင်ရေးအတွက်လည်းကောင်း၊ ပြည်တွင်းလိုအပ်ချက်အရ သွင်းကုန်များလည်း တိုးမြှင့်တင်သွင်းနိုင်ရန်အတွက်လည်းကောင်း၊ ကုန်သေတ္တာသင်္ဘောလိုင်းအသီးသီးမှခရီးစဉ်များပြန်လည် တိုးချဲ့ပြေးဆွဲရန် စီစဉ်ထားရှိကြောင်း သိရသည်။

#YMG/NN #Yangon-Times

#Local_News
Published 1 May 2024

▪️ “လန်ချန်း-မဲခေါင်ပုံရိပ်အမြင်”ဗီဒီယိုအတိုပြိုင်ပွဲတွင် မြန်မာမှ ဗီဒီယိုအတိုဖန်တီးသူများ ပါဝင်ယှဉ်ပြိုင်နိုင်ကြောင်း မြန်မာနိုင်ငံဆိုင်ရာတရုတ်သံရုံးမှ သိရသည်။

▪️ အဆိုပါ ဗီဒီယိုအတိုလက်ရာများကို စက်တင်ဘာလလကုန်အထိ လက်ခံသွားမည်ဖြစ်သည်ဟုဆိုသည်။

▪️ လန်ချန်း-မဲခေါင် ပူးပေါင်းဆောင်ရွက်မှု ယန္ထရားထူထောင်ခြင်း (၈) နှစ်ပြည့် အခါသမယတွင် China News Service မှ ကြီးမှူးကျင်းပသော“လန်ချန်း-မဲခေါင်ပုံရိပ်အမြင်”ဗီဒီယိုအတိုပြိုင်ပွဲကို ဧပြီလ ၂၄ ရက်နေ့မှ စတင်ကျင်းပနေခြင်းဖြစ်ပြီး စက်တင်ဘာလအထိကျင်းပသွားမည်ဖြစ်သည်။

▪️ အဆိုပါပြိုင်ပွဲတွင် လန်ချန်း-မဲခေါင်ဒေသ ၆ နိုင်ငံမှပြည်သူများက ဗီဒီယိုအတိုဖြင့်ပါဝင်ယှဉ်ပြိုင်နိုင်ပါသည်။

▪️ ဖန်တီးရိုက်ကူးသူသည် စစ်မှန်၍ သက်ဝင်လှုပ်ရှားသော ဗီဒီယိုမှတ်တမ်းဖြင့် လန်ချန်း-မဲခေါင်မြစ်ကမ်းနှစ်ဖက်ရှိ အရောင်အသွေးစုံလင်သော သဘာဝပတ်ဝန်းကျင်နှင့် ပြည်သူအချင်းချင်း ကူးလူးဖလှယ်သည့်ရူခင်းများကို မှတ်တမ်းတင်ရိုက်ကူး၍   ကင်မရာဖြင့် “လန်ချန်း-မဲခေါင်ပူးပေါင်းဆောင်ရွက်မှုအကြောင်း” တင်ဆက်ပြီး ယဉ်ကျေးမှုဖလှယ်ရေး “သံတမန်” အဖြစ်ထမ်းဆောင်ရန် တိုက်တွန်းထားသည်။

▪️ ဗီဒီယိုအတိုများကို အောက်ပါလင့်သို့ ပေးပို့ခြင်းဖြင့် ပါဝင်ယှဉ်ပြိုင်နိုင်ပါသည်။  http://www.ecns.cn/cns-wire/2024-04-29/detail-ihczzkiq6812202.shtml ပြိုင်ပွဲတွင်ပါဝင်ယှဉ်ပြိုင်မည့်သူများသည် မိမိဖန်တီးထားသောလက်ရာများကို အထက်ဖော်ပြပါလင့်မှတစ်ဆင့် ပေးပိုနိုင်မည်ဖြစ်ပြီး လက်ရာများကို ၂၀၂၄ ခုနှစ် စက်တင်ဘာလ လကုန်အထိ လက်ခံသွားမည်ဖြစ်ကြောင်းနှင့်ပြိုင်ပွဲကြီးမှူးကျင်းပသူမှ ဆုရရှိသောလက်ရာများကို ရွေးချယ်ပြီး ဆုလက်ဆောင်များချီးမြှင့်ပေးသွားမည်ဖြစ်ကြောင်း သိရသည်။

#tthl #Yangon_Times

၁ မေ ၂၀၂၄

မြန်မာနိုင်ငံသို့ပေးပို့မည့် ဖောက်ခွဲဖျက်ဆိးရေးပစ္စည်း အမြောက်အများကို အိန္ဒိယ-မြန်မာနယ်စပ် အိုင်ဇိုမြို့ပြင်မှာ စစ်ဆင်ရေးဆောင်ရွက်နေစဉ်အတွင်း ဖမ်းဆီးရမိခဲ့တယ်လို့ မီဇိုရမ်ရဲတပ်ဖွဲ့ကပြောတဲ့အကြောင်း အိန္ဒိယမီဒီယာများက သတင်းရေးသားကြပါတယ်။

ဧပြီ ၃၀ ရက် မနက်စောစောမှာ  နာသီယယ်လ်ရဲစခန်းမှ ရဲတပ်ဖွဲ့ဝင်တွေဟာ MZ 01 AA 3655 ယာဉ်အမှတ်ပါ ကက်ဗ် ကားတစ်စီးကို ကြားဖြတ်ဟန့်တားခဲ့ပါတယ်။ ကားမောင်းသူဟာ မီဇိုရမ်တောင်ပိုင်း မြန်မာနယ်စပ်အနီး   ဆန်ဂိုမြို့ဒေသခံတစ်ဦးဖြစ်တဲ့ အသက် ၂၄နှစ်အရွယ် အိတ်ချ်ရမ်မိုပူရီယာဆိုသူဖြစ်ပါတယ်။ သူဟာ ဆန်ဂိုမြို့သို့  ဒိုင်းနမိုက်  ၈၀၀၀ ခုနှင့် စနက်တံ ၁၅၀၀တို့ကို ကားနှင့် တရားမဝင် သယ်ဆောင်လာစဉ်ဖမ်းမိခဲ့တာလို့သတင်းမှာဖော်ပြထားပါတယ်။

အဆိုပါဖောက်ခွဲဖျက်ဆီးရေးပစ္စည်းတွေကို မြန်မာနိုင်ငံက လက်နက်ကိုင်အုပ်စုတွေအတွက် သယ်ဆောင်တာဖြစ်နိုင်တယ်လို့ ရဲက ပြောပါတယ်။ ဒိုင်းနမိုက်တွေကို ကတ်ထူဘူး ၄၀နှင့် စနက်တံတွေကို ဘူး ၅ ဘူးထဲ ဝှက်ထည့်လာတာဖြစ်ပါတယ်။

ယခင်ကလည်း အလားတူ ဖောက်ခွဲဖျက်ဆီးရေးပစ္စည်းတွေကို မြန်မာနိုင်ငံချင်းပြည်နယ်မှ ဘန်တလန်ရွာသို့ပေးပို့ခဲ့တဲ့ ဖြစ်ရပ်တွေလည်းရှိခဲ့ဖူးကြောင်း မီဒီယာများကရေးသားကြပါတယ်။

ယင်းအပြင် အဲဒီရက်မွန်းလွဲပိုင်းမှာပဲ  အဆိုပါဖောက်ခွဲဖျက်ဆီးရေးပစ္စည်းတွေကို ပိုင်ဆိုင်တယ်လို့ဆိုသူ မြန်မာနိုင်ငံ ဘန်တလန်ရွာက စထရာလျန်နာကိုလည်း ဆန်ဂိုမြို့မှာဖမ်းဆီးလိုက်တယ်လို့လည်း သတင်းမှာဖော်ပြထားပါတယ်။

@ymg/knl

#World_News
Published 01 May 2024

▪️ အမေရိကန် အစိုးရအုပ်ချုပ်ရေးအဖွဲ့က ဆေးခြောက်ကို ဘေးအန္တရာယ်နည်းတဲ့ ဆေးအဖြစ် အမျိုးအစား ပြောင်းလဲသတ်မှတ်ဖို့ သုံးသပ်သွားမှာ ဖြစ်ပါတယ်။

▪️ ဒါကြောင့် ဆေးခြောက်အသုံးပြုခြင်းဟာ ရာဇဝတ်မှုမြောက်ပြီး သူ့ရဲ့ ဆေးဖက်ဆိုင်ရာ အသုံးဝင်ပုံများကို လုံးဝလစ်လျူရှုထားတဲ့ ဆယ်စုနှစ်များကြာ မူဝါဒကို အဆုံးသတ်သွားမှာ ဖြစ်ပါတယ်။

▪️ အမေရိကန် မူးယစ်ဆေးဝါး ထိန်းသိမ်းရေးအဖွဲ့က ဆေးခြောက်ကို အမျိုးအစား(၃) ထိန်းသိမ်းအသုံးပြုရေး ပစ္စည်းအဖြစ် ပြန်လည်သတ်မှတ်ဖို့ အကြံပြုထောက်ခံသွားမှာ ဖြစ်ပြီး ကီတမင်း၊ တိုင်လေနောလ်၊ ကိုဒင်းတို့နဲ့ အဆင့်ချင်းတူညီသွားမှာ ဖြစ်ပါတယ်။

▪️ တရားရေးဌာနက ဒီစည်းမျဥ်းအတွက် ဆက်လက်လုပ်ဆောင်နေပြီး အခုအချိန်မှာ ဘာမှမှတ်ချက် မပြုလိုဘူးလို့ အမေရိကန် အရာရှိတစ်ဦးက ဆိုလိုက်ပါတယ်။

▪️ မူးယစ်ဆေးဝါး ထိန်းသိမ်းရေးအဖွဲ့ရဲ့ အကြံပြုထောက်ခံချက်ကို အိမ်ဖြူတော်က သုံးသပ်သွားမှာဖြစ်ပြီး ကွန်ဂရက်လွှတ်တော်မှ အသိအမှတ်ပြုဖို့လည်း လိုအပ်လာနိုင်ပါတယ်။

▪️ လွန်ခဲ့တဲ့ နှစ် ၅၀ အတွင်း ဆေးခြောက်ကို အမျိုးအစား(၁) ပစ္စည်းအဖြစ် သတ်မှတ်ထားခဲ့ကာ ဟီရိုအင်၊ ရေချိုးဆားတို့လိုမျိုး ဖြစ်ပါတယ်။

▪️ ထိုအမျိုးအစား ပစ္စည်းတွေက ဆေးဖက်ဆိုင်ရာ အသုံးဝင်ပုံ မရှိဘဲ အလွဲသုံးစားသုံးနိုင်ခြေ အလွန်များပါတယ်။

▪️ ဆေးခြောက်ကို အမေရိကန် အစားအစာနဲ့ ဆေးဝါးကွပ်ကဲရေး(FDA)က အမျိုးအစား ပြောင်းလဲသတ်မှတ်ဖို့ ထောက်ခံရာမှာ စံနှုန်းသတ်မှတ်ချက် ၃ ချက်နဲ့ ကိုက်ညီခဲ့ပါတယ်။

▪️ (၁) အမျိုးအစား(၁)၊ (၂)ပစ္စည်းတို့ထက်စာရင် အလွဲသုံးစား အသုံးပြုနိုင်ခြေ ပိုမိုနည်းပါးခြင်း။

▪️ (၂) ဆေးဖက်ဆိုင်ရာ အကျိုးကျေးဇူးများရှိခြင်း။

▪️ (၃) အလွဲသုံးစားပြုသူတွေမှာ စွဲလမ်းမှု အတန်အသင့် နည်းပါးနိုင်ခြေရှိခြင်း။

▪️ ယနေ့အချိန်အထိ အမေရိကန် ပြည်နယ် ၂၄ ခုနဲ့ ဒီစီတို့မှာ ဆေးခြောက်ကို အပန်းဖြေသုံးစွဲခွင့် တရားဝင်ခွင့်ပြုထားပြီး ပြည်နယ် ၃၈ ခုမှာတော့ ဆေးဖက်ဆိုင်ရာအတွက် အသုံးပြုခွင့် ပေးထားပါတယ်။

▪️ ပြီးခဲ့တဲ့ ဆယ်စုနှစ်အတွင်း အမေရိကန်ရှိ ဆေးခြောက်လုပ်ငန်းကနေ ဘီလီယံချီ စီးပွားရေး တိုးတက်လာပြီး နောက်ထပ်အခွင့်အလမ်းတွေ ပေါ်ပေါက်လာနိုင်ပါတယ်။

▪️ ကွန်ဂရက်ကလည်း ဆေးခြောက်ကန့်သတ် သုံးစွဲရေးကို တရားဝင်ဖြစ်အောင် ယင်းကိုယ်ပိုင်ဥပဒေကြမ်းများဖြင့် လုပ်ဆောင်နေတယ်လို့ ယူဆရပါတယ်။

▪️ SAFER ဘဏ်အက်ဥပဒေက တရားဝင် ဆေးခြောက်စီးပွားရေးလုပ်ငန်းကို သမားရိုးကျ ဘဏ်နဲ့ ဘဏ္ဍာရေးဝန်ဆောင်မှုများ အသုံးပြုခွင့်ပေးနိုင်ဖွယ်ရှိပြီး နှစ်ကုန်မှာ လွှတ်တော်နှစ်ရပ်စလုံးကနေ ခွင့်ပြုနိုင်ဖွယ်ရှိပါတယ်။

#Source: WION

#Local_News
Publicshed 1 May 2024

▪️ Basement ၆ ထပ် ဈေးရုံကြီး (၁) ရုံပါရှိသည့် တာမွေအဆင့်မြင့်ဈေးတည်ဆောက်ခြင်းဆိုင်ရာလုပ်ငန်း အကျိုးတူပူး‌ပေါင်းဆောင်ရွက်ခြင်း သဘောတူစာချုပ် လက်မှတ် ရေးထိုးလိုက်ကြောင်းရန်ကုန်မြို့တော်စည်ပင်သာယာရေးကော်မတီမှသိရသည်။

▪️ ရန်ကုန်မြို့တော်စည်ပင်သာယာရေးကော်မတီနှင့် One One One Co.,Ltd တို့ အကျိုးတူပူးပေါင်း ဆောင်ရွက်မည့် တာမွေအဆင့်မြင့်ဈေးတည်ဆောက်ခြင်းဆိုင်ရာလုပ်ငန်း အကျိုးတူပူး‌ပေါင်းဆောင်ရွက်ခြင်း သဘောတူစာချုပ် လက်မှတ်ရေးထိုးခြင်းအခမ်းအနားကို ယမန်‌နေ့က ရန်ကုန်မြို့တော် စည်ပင်သာယာရေးကော်မတီ မြို့တော်ခန်းမ ပထမထပ်ရှိ အစည်းအဝေးခန်းမ (၄) ၌ ကျင်းပပြုလုပ်ခဲ့ခြင်းဖြစ်သည်။

▪️ အဆိုပါ တာမွေအဆင့်မြင့်ဈေးတွင် Basement ၆ ထပ် ဈေးရုံကြီး (၁) ရုံ၊ Shophouse ၃ ထပ် အဆောက်အဦ (၃၄) လုံး၊ နို့ဈေး ၂ ထပ်အဆောက်အဦ (၁) လုံး၊ (၁၀) ခန်းတွဲ ၂ ထပ်အိမ်သာ (၁) လုံး၊ 3.5 MVA ဓာတ်အားခွဲရုံ (၁) ရုံ၊ Bin Center (၁) ခုနှင့် ဈေးတာဝန်ခံရုံးခန်းတို့ပါဝင်မည်ဖြစ်ကြောင်း သိရသည်။

▪️ ယင်းအခမ်းအနားသို့ ရန်ကုန်မြို့တော်စည်ပင်သာယာရေးကော်မတီ ဒုတိယဥက္ကဋ္ဌ (ဒုတိယမြို့တော်ဝန်) ဦးညီညီ၊ အတွင်းရေးမှူး ဦးညွန့်ဖေနှင့် ကော်မတီဝင်များ၊ ဌာနမှူးများ၊ One One One Co.,Ltd မန်နေဂျင်းဒါရိုက်တာ ဦးရဲရင့်အောင်နှင့် ဒါရိုက်တာအဖွဲ့ဝင်များ၊ သက်ဆိုင်ရာတာဝန်ရှိသူများ တက်ရောက်ကြသည်။

▪️ One One One Co.,Ltd မန်နေဂျင်းဒါရိုက်တာ ဦးရဲရင့်အောင်က စီမံကိန်းလုပ်ငန်းများ အား သတ်မှတ်ကာလအတွင်း ကျွမ်းကျင်ပညာရှင်များ၊ ကျွမ်းကျင်သည့်လုပ်သားများဖြင့် ပြီးစီးအောင်ဆောင် ရွက်သွားမည်ဖြစ်ကြောင်းနှင့် စီမံကိန်းဆောင်ရွက်မည့်လုပ်ငန်းအခြေအနေများကို ရှင်းလင်းတင်ပြသည်။

▪️ ထို့နောက် တာမွေအဆင့်မြင့်ဈေးတည်ဆောက်ခြင်းဆိုင်ရာလုပ်ငန်း အကျိုးတူပူး‌ပေါင်းဆောင်ရွက်ခြင်း သဘောတူစာချုပ်ကို ဈေးများနှင့်ကုန်စည်ပွဲရုံများဌာန၊ ဌာနမှူး (ဒုတိယညွှန်ကြားရေးမှူးချုပ်) ဦးသန်းထိုက် နှင့် One One One Co.,Ltd မန်နေဂျင်းဒါရိုက်တာ ဦးရဲရင့်အောင်တို့က စာချုပ်တွင် လက်မှတ်အသီးသီး ရေးထိုးကြပြီးနောက် မှတ်တမ်းတင်ဓာတ်ပုံရိုက်ကူးပြီး အခမ်းအနားအား ရုပ်သိမ်းလိုက် ကြောင်းသိရသည်။

#YMG/NN #Yangon_Times

Published 1 May 2024

ကမ္ဘာမြေအတွက် ဘေးအန္တရာယ် ဖြစ်နိုင်ဖွယ်ရှိတဲ့ ဂြိုဟ်မွှားတစ်ခုဟာ လာမယ့် ၅ နှစ်အတွင်း ကမ္ဘာဂြိုဟ်နဲ့ မိုင် ၂ သောင်းခန့်ပင် မဝေးတဲ့ အကွာအဝေးလောက်ကနေ ဖြတ်သန်းသွားနိုင်ပါတယ်။

အေပိုဖစ်ဂြိုဟ်ဟာ ၂၀၂၉ ဧပြီ ၁၃ ရက်နေ့မှာ ကမ္ဘာဂြိုဟ်နားကနေ ဖြတ်သွားမှာဖြစ်ပြီး လကမ္ဘာထက် ၁၀ ဆပိုမိုနီးကပ်မှာ ဖြစ်ပါတယ်။

ဒါကို ၂၀၀၄ ခုနှစ်မှာ သိပ္ပံပညာရှင်များ ပထမဆုံးတွေ့ရှိခဲ့ပြီး ပေ ၁၁၀၀ ကျယ်တဲ့ အရာဝတ္ထုကြီးကို ကမ္ဘာမြေအတွက် အန္တရာယ် ဖြစ်စေနိုင်တဲ့ ဂြိုဟ်သိမ်တစ်ခုအဖြစ် သတ်မှတ်ခဲ့ကြပါတယ်။

နောက်ပိုင်းလေ့လာချက်တွေ အရတော့ ဒီဂြိုဟ်ဟာ အနည်းဆုံး နောက်ထပ် ရာစုနှစ်အထိ ကမ္ဘာဂြိုဟ်ကို ဝင်တိုက်ဖွယ်မရှိဘူးလို့ ဖော်ပြခဲ့ကြပါတယ်။

ဒါကို အခွင့်ယူပြီး ဒီဂြိုဟ်မွှားကို လေ့လာခွင့်ရဖို့ သိပ္ပံပညာရှင်တွေ မျှော်လင့်နေကြပါတယ်။

ဂြိုဟ်မွှားတွေမှာ ပုံစံပြောင်းလဲသွားတာတွေက ဂြိုဟ်လမ်းကြောင်း ပြောင်းလဲသွားစေတယ်လို့ ယူဆနေကြပါတယ်။

ပုဂ္ဂလိကဆိုင်ရာ အာကာသကုမ္ပဏီတွေက ဒီကိစ္စမှာ ပါဝင်ဆောင်ရွက်ဖို့ ကမ်းလှမ်းနေကြပါတယ်။

ဖေဖော်ဝါရီလက ဆန်းသစ်တဲ့ နည်းလမ်းများဖြင့် အာကာသတာဝန်များ ထမ်းဆောင်ရန် ပုဂ္ဂလိကအပိုင်းကနေ အကြံဉာဏ်များရယူမယ့် ဆွေးနွေးပွဲတစ်ခုကို နာဆာက ပြုလုပ်ခဲ့ပါတယ်။

နာဆာမှ OSIRIS-APEX အာကာသယာဥ်ဟာ ဂြိုဟ်သိမ်ကို လေ့လာဖို့ သွားရောက်နေပြီဖြစ်ပြီး အာကာသယာဥ် အပိုတစ်ခုလည်း ပါဝင်ပါတယ်။

ဒီဖြစ်ရပ်နဲ့ ပတ်သက်ပြီး လာမယ့်နှစ်တွေမှာ အာကာသအဖွဲ့အစည်းတွေနဲ့ ပုဂ္ဂလိက ကုမ္ပဏီတွေဟာ အာကာသတာဝန်တွေကို ကြေညာနိုင်မှာဖြစ်ပါတယ်။
Source: WION
#World_Science
#Published_ 1 May 2024
#YMG_News #Yangon_Times #Yangon_Media_Group

Published 1 May 2024

အိပ်တဲ့အခါ ဟောက်တတ်သူများအနေနဲ့ တင်းကြပ်တဲ့ ခြေအိတ်ဝတ်ပြီး အိပ်လိုက်ရင် သက်သာဖွယ်ရှိတယ်လို့ ပညာရှင်တစ်ဦးက ဆိုပါတယ်။

ဆေးဘက်ဆိုင်ရာမှာလည်း အသုံးပြုတဲ့ ထိုကဲ့သို့ ခြေအိတ်တွေက လူတစ်ယောက်လှဲနေချိန်မှာ ခန္ဓာကိုယ်မှာ လှည့်ပတ်နေတဲ့ သွေးတွေစုပြုံမလာအောင်နဲ့ ဟောက်တာကို ကာကွယ်ပေးတယ်လို့ အိပ်စက်မှုကျန်းမာရေး ပညာရှင် မာတင်ဆီလေက ပြောပြပါတယ်။

ကမ္ဘာ့မြေဆွဲငင်အားကြောင့် လည်ပင်းမှာ အချို့အရည်တွေ စုလာပြီး သလိပ်တွေနဲ့ ပေါင်းသွားကာ ဟောက်ရခြင်းဖြစ်ပေါ်တယ်လို့ ရှင်းပြပါတယ်။

ထိုကဲ့သို့ခြေအိတ်မျိုး ဝတ်အိပ်တဲ့သူတွေမှာတော့ အိပ်နေစဥ် အနှောင့်အယှက် ဖြစ်တာမျိုး တဝက်ခန့် သက်သာသွားတယ်လို့ တွေ့ရှိခဲ့ကြပါတယ်။

ဟောက်တာကို ကာကွယ်ချင်တယ်ဆိုရင် အိပ်ခါနီး ဝိုင်မသောက်ဖို့ကိုလည်း ဆီလေက အကြံပြုလိုက်ပါတယ်။

အယ်လ်ကိုဟောက လည်ချောင်းထဲက ကြွက်သားတွေ ပြေလျော့စေပေမယ့် တစ်ရှူးပျော့တွေကို တဖန်တုန်ခါစေပါတယ်။

အိပ်တဲ့အခါ ပက်လက်လှန်အိပ်တာထက် ဘေးတစောင်းအိပ်ဖို့ကိုလည်း အကြံပြုသွားပါတယ်။

အလာဂျစ်အဖြစ်နည်းတဲ့ ခေါင်းအုံးဖြင့် အိပ်ခြင်းဖြင့် ပါးစပ်နဲ့ နှာခေါင်းထဲသို့ အမှုန်ဝင်ရောက်မှု နည်းပါးစေပါတယ်။

ညမအိပ်ခင် ပြုလုပ်သင့်တဲ့ လေ့ကျင့်ခန်းတစ်မျိုးကတော့ ပါးစပ်ကိုပိတ်၊ လျှာကို ဘေးတဖက်သို့ ၁၀ ကြိမ်၊ နောက်တဖက်သို့ ၁၀ ကြိမ်၊ နောက်ထပ်တဖက်သို့ ၁၀ ကြိမ် ရွေ့လျားပေးဖို့ အကြံပြုပါတယ်။

ဒီလိုမျိုး ၃ ညလောက် လုပ်ပေးရင် ပိုမိုကောင်းမွန်စွာ အိပ်စက်နိုင်မယ်လို့ ပြောပြပါတယ်။

ကျန်းမာရေးသုံးခြေအိတ်တွေဟာ သွေးကြောထုံး အခြေအနေ အပါအဝင် ပြဿနာအချို့ကို ကုသရာမှာ လူသုံးများလာပါတယ်။
Source: New York Post
#World_Health
#Published_ 1 May 2024
#YMG_News #Yangon_Times #Yangon_Media_Group