Published 3 May 2024

မကွေးတိုင်းဒေသကြီး၊ စလင်းမြို့နယ်၊ သာစည်ကျေးရွာအနီး စလင်း-ဆင်ဖြူကျွန်းကားလမ်း တွင် ယာဉ်တစ်စီး အရှိန်မထိန်းဘဲ လမ်းဘေးသစ်ပင် ၀င်တိုက်မှုဖြစ်ပွားကြောင်း မြို့နယ်မီးသတ်တပ်ဖွဲ့ထံကသိရသည်။

မေလ ၃ရက် နံနက် ၈နာရီ ခန့်က စလင်းမြို့နယ်၊ သာစည်ကျေးရွာအနီး စလင်း-ဆင်ဖြူကျွန်းကားလမ်း၊ မိုင်တိုင်အမှတ်(၄၁)နှင့်(၄၂)ကြားတွင် ယာဉ်(၁)စီးသည် မိုးရွာသွန်းမှုကြောင့် အရှိန်မထိန်းနိုင်ဘဲ လမ်းဘေးသစ်ပင်အား ဝင်ရောက်တိုက်မိပြီး တိမ်းမှောက်မှုဖြစ်ပွားကြောင်းသိရသည်။

အဆိုပါဖြစ်စဉ်ကြောင့် ယာဉ်ပေါ်ပါ ယာဉ်မောင်းအပါအဝင် အမျိုးသား(၃)ဦး ထိခိုက်ဒဏ်ရာ(မစိုးရိမ်ရ)တို့ရရှိခဲ့ကြောင်းသိရသည်။

ထိုသို့တိမ်းမှောက်ကြောင်း သတင်းရရှိသဖြင့်စလင်းမြို့နယ်မီးသတ်စခန်းမှ မီးသတ်ယာဉ်(၁)စီး၊ ဆင်ဖြူကျွန်းနယ်မြေမီးသတ်စခန်းမှ မီးသတ်ယာဉ်(၁)စီး၊ သန္ဓေမီးသတ်တပ်ဖွဲ့ဝင်များဖြင့် ရှာဖွေကယ်ဆယ်ရေးလုပ်ငန်းများ သွားရောက်ကူညီဆောင်ရွက်ခဲ့ကြောင်း သိရသည်။

ထိခိုက်ဒဏ်ရာရသူတို့အား စလင်းမြို့ကြက်ခြေနီအသင်းယာဉ်ဖြင့် စလင်းပြည်သူ့ဆေးရုံသို့ ပို့ဆောင်ပေးခဲ့ကြောင်း သိရသည်။
Yangon_Times/LW
#Local_News
#Published_ 03 May 2024
#YMG_News #Yangon_Times #Yangon_Media_Group

Published_ 3 May 2024

မြန်မာနိုင်ငံရှိ MSME လုပ်ငန်းများ၏ ၇၀ ရာခိုင်နှုန်းသည် အစားအသောက် ထုတ်လုပ်သည့် လုပ်ငန်းများဖြစ်တယ်လို့ ကျန်းမာရေးဝန်ကြီးရဲ့ ပြောကြားချက်အရ သိရပါတယ်။

မေ ၂ ရက်က နေပြည်တော်မှာ ကျင်းပတဲ့ အမျိုးသားအဆင့် အစားအသောက် ဘေးအန္တရာယ် ကင်းရှင်းရေးမူဝါဒပါ အခန်းကဏ္ဍနှင့် တာဝန်ဝတ္တရားများ ချမှတ်နိုင်ရေး အလုပ်ရုံဆွေးနွေးပွဲ၌ ကျန်းမာရေးဝန်ကြီး ပါမောက္ခ ဒေါက်တာသက်ခိုင်ဝင်း ပြောကြားခဲ့ တာဖြစ်ပါတယ်။

အမျိုးသားအဆင့် အစားအသောက် ဘေးအန္တရာယ်ကင်းရှင်းရေး မူဝါဒကို မိတ်ဆက်ဖြန့်ဝေခဲ့ပြီး အဆိုပါအလုပ်ရုံဆွေးနွေးပွဲသည် မူဝါဒပါ အခန်းကဏ္ဍနှင့် တာဝန်ဝတ္တရားများ ချမှတ်ဆောင်ရွက်နိုင်ရေး ရည်ရွယ်ကျင်းပခြင်း ဖြစ်ပါတယ်။

ပြည်သူလူထုကျန်းမာရေး အဆင့်အတန်းမြင့်မားရေးအတွက် အရေးကြီးသည့် အစားအသောက် ဘေးအန္တရာယ်ကင်းရှင်းရေးနှင့် အရည်အသွေးပြည့်မီရေး ဆောင်ရွက် လျက်ရှိပြီး စိုက်ပျိုးမွေးမြူ ထုတ်လုပ်မှုမှ တည်ခင်းစားသုံးမှုအထိ အစားအသောက် ကွင်းဆက်တစ်လျှောက် အစားအသောက်ဘေးကင်းရေးစံချိန် စံညွှန်းများကို လိုက်နာဖို့ လိုတယ်လို့ ကျန်းမာရေးဝန်ကြီးကဆိုပါတယ်။

ဘေးအန္တရာယ်ရှိသော အစားအသောက်များကို စားသုံးမိခြင်းကြောင့် ချက်ချင်း လက်ငင်း ကျန်းမာရေးဆိုးကျိုးများ ရရှိနိုင်သကဲ့သို အချိုကိစ္စရပ်များတွင် နာတာရှည် ရောဂါများဖြစ်ပွားနိုင်ကြောင်း၊ တိုးတက်လာသည့် လူဦးရေ၊ ဖွံဖြိုးလာသည့် နည်းပညာများ ကြောင့် ပြည်တွင်း/ပြည်ပမှ ထုတ်လုပ်၊ တင်သွင်းသည့် အစားအသောက်များ လွန်စွာ များပြားလာသည့်အတွက် အစားအသောက် ဘေးအန္တရာယ်ကင်းရှင်းရေး လုပ်ငန်းများကို ကြီးကြပ်ကွပ်ကဲရာတွင် များစွာ အခက်အခဲရှိနေပါတယ်။

အဆိုပါ အလုပ်ရုံဆွေးနွေးပွဲသည် နစက၏ စီးပွားရေးဦးတည်ချက်ဖြစ်သည့် တိုးတက်ကောင်းမွန်လာသည့် စီးပွားရေး မောင်းနှင်အားကို မဏ္ဍိုင်ပြု၍ MSME စက်မှုလုပ်ငန်းများကို အားပေးဆောင်ရွက်ကာ ပိုကုန်ကဏ္ဍမြှင့်တင်ရေး ဦးတည်ချက်ကို များစွာအထောက်အကူဖြစ်နိုင်မှာ ဖြစ်တယ်လို့ သိရပါတယ်။

အလုပ်ရုံဆွေးနွေးပွဲသို တက်ရောက်လာကြတဲ့ ဝန်ကြီးဌာနများ၏ ဘာသာရပ် ဆိုင်ရာ တာဝန်ရှိသူများက အစားအသောက်ကွင်းဆက်တစ်လျှောက်တွင် သက်ဆိုင်ရာ ကဏ္ဍအလိုက် ပါဝင်ဆောင်ရွက်နေမှုများကို ဆွေးနွေးခဲ့ကြကြောင်း သတင်းရရှိပါတယ်။
Ymg_mnn
#Local_News
#Published_ 03 May 2024
#YMG_News #Yangon_Times #Yangon_Media_Group

Published 03 May 2024

နိုင်ဂျာနိုင်ငံထဲက အမေရိကန်တပ်များ ရှိနေတဲ့ လေတပ်စခန်းတစ်ခုသို့ ရုရှားတပ်များ ဝင်ရောက်လာကြောင်း အမေရိကန် ကာကွယ်ရေး အကြီးတန်းအရာရှိတစ်ဦးက ရိုက်တာသတင်းဌာနကို ပြောပြခဲ့ပါတယ်။

နိုင်ဂျာမှ စစ်အာဏာရှင်က အမေရိကန်တပ်များကို တိုင်းပြည်တွင်းမှ နှင်ထုတ်ရန် ဆုံးဖြတ်ပြီးနောက် အခုလို ရုရှားတပ်များ ဝင်ရောက်လာတာ  ဖြစ်ပါတယ်။

နိုင်ဂျာကို အုပ်စိုးနေတဲ့ စစ်အရာရှိများက အမေရိကန်စစ်မှုထမ်း ၁ ထောင်နီးပါးကို ဆုတ်ခွာပေးဖို့ မှာကြားထားပါတယ်။

ယမန်နှစ်ကအထိ သူပုန်များကို အမေရိကန်က တိုက်ခိုက်ပေးရာမှာ အာဏာသိမ်းစစ်တပ်က အဓိကမိတ်ဆွေ ဖြစ်ခဲ့ပါတယ်။

ရုရှားတပ်တွေက အမေရိကန်တပ်တွေနဲ့ ရောနှောနေထိုင်ခြင်းမရှိဘဲ နိုင်ဂျာမြို့တော် ဒီယော်ရီဟာမာနီ အပြည်ပြည်ဆိုင်ရာ လေဆိပ်ဘေး လေတပ်အခြေစိုက်စခန်း ၁၀၁ ရှိ သီးခြားလေယာဥ်ရုံတစ်ခုမှာ နေထိုင်ပါတယ်။

ရုရှားနဲ့ အမေရိကန်တို့ ယူကရိန်းအရေးနဲ့ ပတ်သက်ပြီး ပြိုင်ဆိုင်မှုပြင်းထန်နေချိန်မှာ ယခုလိုမျိုး အမေရိကန်တပ်တွေနဲ့ ရုရှားတပ်တွေ အနီးကပ်ဆုံးအနေအထား ရောက်ရှိလာပါတယ်။

အာဖရိကနိုင်ငံအချို့မှာ အာဏာသိမ်းမှုများ ဖြစ်ပွားပြီး အာဏာရလာသူတွေက အနောက်တိုင်းအစိုးရများနဲ့ ကင်းကွာချင်တာကြောင့် အမေရိကန်နဲ့ မဟာမိတ်တပ်များကို ဆုတ်ခွာခိုင်းနေကြပါတယ်။

ရုရှားကတော့ အာဖရိကနိုင်ငံတွေနဲ့ ဆက်ဆံရေးမြှင့်တင်ဖို့ ကြိုးပမ်းလာပါတယ်။

မာလီနိုင်ငံဆိုရင် မကြာသေးမီနှစ်များအတွင်း ရုရှားနဲ့ အရင်းနှီးဆုံး အာဖရိကနိုင်ငံတွေထဲက တစ်နိုင်ငံဖြစ်လာပြီး ရုရှားမှ ဝက်ဂ်နာကြေးစားအဖွဲ့က မာလီမှ ဂျီဟဒ်သူပုန်များကို ကူညီတိုက်ခိုက်ပေးခဲ့ပါတယ်။

နိုင်ဂျာမှာ ရုရှားစစ်မှုထမ်း ၆၀ ခန့်ရှိလိမ့်မယ်လို့ နိုင်ဂျာအာဏာပိုင်များက ပြောကြားထားကြောင်း အမေရိကန် အရာရှိတစ်ဦးက ဆိုပါတယ်။

အမေရိကန်တပ်တွေနဲ့ ထောက်လှမ်းရေးစနစ်တွေ မရှိတဲ့အခါ ဆာဟယ်ဒေသမှာ အစ္စလာမ်စစ်သွေးကြွတွေ တိုးချဲ့လာမှာကို အမေရိကန်က စိုးရိမ်နေပါတယ်။

အမေရိကန်တပ်များ တရားဝင် စနစ်တကျ ဆုတ်ခွာဖို့အတွက် နိုင်ဂျာသို့ ကြယ် ၂ ပွင့်ဗိုလ်ချုပ်တစ်ဦးကို အမေရိကန်က စေလွှတ်လိုက်ပါတယ်။
Source: Reuters
#World_News
#Published_ 03 May 2024
#YMG_News #Yangon_Times #Yangon_Media_Group

Published 03 May 2024

အနောက်တိုင်းနိုင်ငံတွေက လူတွေရဲ့ နေ့စဥ်စားစရာတွေထဲမှာ အဆင့်ဆင့်ထုပ်ပိုး ထုတ်လုပ်ထားသော အစားအစာများက ၆၀ ရာခိုင်နှုန်းလောက် ပါဝင်ပါတယ်။

ထိုအစားအစာတွေမှာ ပါဝင်တဲ့ တာရှည်ခံဆေးများက ဘာအာဟာရမှ မရှိပါဘူး။

ဒီလိုမျိုး တာရှည်ခံ စွဲလမ်းစေတဲ့ အရာများ များများစားမိခြင်းနဲ့ ဆီးချိုလိုရောဂါများ ဖြစ်နိုင်ခြေများခြင်းတို့ကြား ဆက်စပ်မှုကို တွေ့ရှိလာကြပါတယ်။

ကိတ်မုန့်၊ ကွတ်ကီး၊ ဒိန်ချဥ်၊ ရေခဲမုန့်၊ ချောကလက်တောင့်၊ ပေါင်မုန့်တို့လို အစားအစာတွေမှာ ပါဝင်တဲ့ ပျစ်ခဲစေတဲ့ ဓာတ်ပစ္စည်းတွေဟာ အရသာ၊ ပုံပန်းသဏ္ဍာန် တာရှည်ခံစေရန် အသုံးပြုကြပါတယ်။

ပါဝင်ပစ္စည်းစာရင်းထဲမှာဆိုရင် ‘Eနံပါတ်များ’ဖြင့် ရေးသားလေ့ရှိပြီး ဘယ်လိုမျိုး ဘေးဥပါဒ်ဖြစ်စေလဲဆိုတာ မသိကြပါဘူး။

မကြာသေးမီ လေ့လာချက်များအရ ပျစ်ခဲနေစေတဲ့ ပစ္စည်းတွေဟာ အူလမ်းကြောင်းပိုးမွှားစနစ်ကို ထိခိုက်စေပြီး ရောင်ရမ်းခြင်းကို ဖြစ်စေကာ ဆီးချိုဖြစ်လာနိုင်စေပါတယ်။

ပြင်သစ်နိုင်ငံမှ လူပေါင်း ၁ သိန်းကျော်ရဲ့ အချက်အလက်တွေကို အခြေခံလေ့လာထားပါတယ်။

သူတို့စားသောက်တဲ့ မှတ်တမ်းများကို ၆ လတစ်ကြိမ်ဖြင့် ၁၄ နှစ်ကြအောင် စောင့်ကြည့်မေးမြန်းခဲ့ကြပါတယ်။

ထိုအခါမှာ အယောက်တစ်ထောင်ကျော်က ဆီးချိုရောဂါဖြစ်တာကို တွေ့ရှိခဲ့ကြပါတယ်။

နှစ်ရှည်လများ ထပ်မံလေ့လာရာမှာတော့ ပျစ်ခဲအောင်ထိန်းသိမ်းတဲ့ ပစ္စည်းတွေက ဆီးချိုရောဂါ ဖြစ်နိုင်ခြေနဲ့ ဆက်စပ်နေတာကို တွေ့ရှိခဲ့ကြပါတယ်။

ထိုတွေ့ရှိချက်တွေက ပြင်သစ်လူမျိုးတွေမှာသာ လေ့လာပြီး အချိန်အခိုက်အတန့် တစ်ခုမှာသာ စောင့်ကြည့်တာ ဖြစ်တာကြောင့် တရားသေတော့ ကောက်ချက်မချနိုင်ပါဘူး။

ဘယ်လိုပဲဖြစ်ဖြစ် စားသုံးသူတွေဘေးကင်းဖို့ တာရှည်ခပစ္စည်းများ အသုံးပြုခြင်းနဲ့ ပတ်သက်ပြီး စည်းမျဥ်းများ ထုတ်ပြန်သင့်တယ်လို့ သုတေသနပြုစုသူ ပရော်ဖက်ဆာ ဘားနက်ဆရော်က ပြောပြသွားပါတယ်။
Source: The Jerusalem Post
#World_Health
#Published_ 3 May 2024
#YMG_News #Yangon_Times #Yangon_Media_Group

Published 03 May 2024 

အီရန်ရေတပ်က ပါရှန်းပင်လယ်ကွေ့ လုံခြုံရေးကို စောင့်ရှောက်ကာကွယ်မယ်လို့ ကတိပြုလိုက်ပြီး ရန်လိုသူမှန်သမျှကို ပြတ်သားစွာ တုန့်ပြန်သွားမယ်လို့ အီရန်အစ္စလာမ် တော်လှန်ရေးအစောင့်တပ် (IRGC)မှ ရေတပ်ကွန်မန်ဒါတစ်ဦးက ပါရှန်းပင်လယ်ကွေ့ အမျိုးသားနေ့အခမ်းအနားမှာ ပြောကြားခဲ့ပါတယ်။
#World_News
#Published_ 2 May 2024
#YMG_News #Yangon_Times #Yangon_Media_Group

#Daily_News
Published 2 May 2024

၁။ ရွှေတိဂုံစေတီတော်နှင့် ပြည်သူ့ရင်ပြင်ကို ဆက်သွယ်မည့် မြေအောက်လမ်းကူး လူသွားဥမင်တည်ဆောက်မှု ၆၀ ရာခိုင်နှုန်းကျော် ပြီးစီးနေပြီဟုဆို

၂။ လျှပ်စစ်မီးမမှန်၍ သောက်ရေသန့်များနှင့် ရေသန့်ဗူးခွံဈေးများ အနည်းငယ်တက်

၃။ ပြည်တွင်း‌ဈေးကွက်သာ အားထားရောင်းချနေရသည့် စိန်တစ်လုံးသရက်ဈေးနှုန်း ကျဆင်းလာ

၄။ ပါရှန်းပင်လယ်ကွေ့ကို ထိန်းသိမ်းစောင့်ရှောက်မည်ဟု အီရန်ရေတပ်က ကတိပြုပြောကြား ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Times #Daily_News #YMG_News #Yangon_Media_Group

ပြောင်းလဲလာတဲ့ ရာသီဥတုအပေါ် တောင်သူတွေအနေနဲ့ လိုက်လျောညီထွေစွာ စိုက်ပျိုးနိုင်ဖို့အတွက် ရာသီဥတုနှင့်လိုက်လျောညီထွေ စိုက်ပျိုးနည်းစနစ်သင်တန်းတွေကို ယခုမေလမှာ မျှဝေသင်ကြားပေးမယ်လို့ ပေါင်းစုလုပ်အားကူညီပေးရေးအဖွဲ့ထံ က သိရပါတယ်။
Yangon_Times/LW
#Local_News
#Published_ 2 May 2024
#YMG_News #Yangon_Times #Yangon_Media_Group

မဟာဗောဓိမြိုင်ဆရာတော်ကြီးရဲ့ ရုပ်ကလာပ်တော်ကို မီးမပူဇော်တော့ဘဲ အများပြည်သူဖူးမြော်နိုင်အောင် ဆရာတော်ကြီးသီတင်းသုံးခဲ့တဲ့စစ်ကိုင်း၊ ကန့်ဘလူးရှိ ဉေယျဓမ်တောရစံကျောင်းမှာပဲ အပူဇော်ခံထားရှိထားတယ်။
Yangon_Times/tthl
#Local_News
#Published_ 2 May 2024
#YMG_News #Yangon_Times #Yangon_Media_Group

နယ်စပ်လမ်းကြောင်းအခြေအ‌နေတွေကြောင့် အခုနှစ်ရာသီချိန်မှာ ပြည်တွင်း ဈေးကွက်ကိုသာ အဓိကအားထားရောင်းချနေရတဲ့  စိန်တစ်လုံးသရက်ဈေးနှုန်း‌တွေ ကျဆင်းလာတယ်လို့ သရက်ခြံလုပ်ငန်းလုပ်ကိုင်သူတွေထံက သိရပါတယ်။
Yangon_Times/NN
#Local_News
#Published_ 2 May 2024
#YMG_News #Yangon_Times #Yangon_Media_Group

ရေသန့်ဗူးဈေးနှုန်းတွေဟာ မီးမမှန်လို့ မီးစက်နဲ့တင်ရတာက တစ်ကြောင်း၊ ရေသန့်ဗူးခွံအလွတ် ဈေးအနည်းငယ်တက်လာတာက တစ်ကြောင်းကြောင့် မြို့နယ်အလိုက် မူလဈေးထက် ကျပ်၁၀၀၊ ၂၀၀လောက် အခုရက်ပိုင်းတွေမှာ တက်လာတယ်။
Yangon_Times/tthl
#Local_News
#Published_ 2 May 2024
#YMG_News #Yangon_Times #Yangon_Media_Group