မိုးခေါ်ပွဲတွေကို မြန်မာနိုင်ငံမှာသာမက နိုင်ငံတော်တော်များများမှာလည်း ဆောင်ရွက်နေကြပြီး မြန်မာနိုင်ငံရိုးရာ မိုးခေါ်ပွဲကို  ယူနက်စကိုက အသိအမှတ်ပြုအောင်ရည်ရွယ်ကျင်းပတာဖြစ်တယ်။
Yangon_Times/tthl
#Local_News
#Published_ 04 May 2024
#YMG_News #Yangon_Times #Yangon_Media_Group

Published 4 May 2024

မွန်ပြည်နယ် ဘီးလင်းမြို့နယ် သပြေနီကျေးရွာ အနီး ယာဉ်တစ်စီးတိမ်းမှောက်မှု ဖြစ်ကာ အမျိုးသားတစ်ဦး​ေ-သဆုံးမှု ခဲ့ကြောင်းဘီးလင်းမြို့အရေးပေါ်ကယ်ဆယ်ရေးအဖွဲ့စုစည်းအားမာန်လူမှုကူညီရေးအသင်းထံက သိရသည်။

မေလ ၄ရက် မနက်ပိုင်းက ဘီးလင်းမြို့နယ် သပြေနီကျေးရွာအဝင်ကွေ့တွင် အန်ဇာတုန်းယဥ် အရှိန်လွန်တိမ်းမှောက်မှု့ဖြစ် ပွားခဲ့ခြင်း ဖြစ်သည်။

အဆိုပါယာဉ် တိမ်းမှောက်မှုကြောင့်ယာဉ်ပေါ်ပါ ၈ဦး အနက် ၆ဦး ထိခိုက်ဒဏ်ရာရရှိ ခဲ့ ပြီး အမျိုးသားတစ်ဦးမှာ ဦးခေါင်း ထိခိုက်ဒဏ်ရာ နှင့်ညာခြေပြတ်ဒဏ်ရာ များ ဖြင့် ဆေးရုံ သို့ပို့ဆောင်စဉ် သေဆုံးခဲ့ကြောင်း သိရသည်။

ထိခိုက်ဒဏ်ရာရသူများကို ဘီးလင်းဆေးရုံသို့ အရေးပေါ်ကယ်ဆယ်ရေးယာဥ်(3)စီးဖြင့်ပူးပေါင်းကူညီကယ်ဆယ်ပေးခဲ့ကြကြောင်း သိရသည်။
Yangon_Times/LW
#Local_News
#Published_ 04 May 2024
#YMG_News #Yangon_Times #Yangon_Media_Group

သက်ြန်မတိုင်မီက ကျဆင်းခဲ့တဲ့ မြန်မာ့ပြောင်းဆံဈေးနှုန်း‌တွေက သက်ြန်ကာလနောက်ပိုင်းက‌နေ ပြောင်းဈေး တွေ ပြန်တက်နေတယ်လို့ မြန်မာနိုင်ငံ ပြောင်းလုပ်ငန်းအသင်းက သိရပါတယ်။
Yangon_Times/NN
#Local_News
#Published_ 04 May 2024
#YMG_News #Yangon_Times #Yangon_Media_Group

ထန်းတက်သမား ရှားလာတာကြောင့် ရာသီချိန်ဖြစ်ပေမယ့် ဈေးကွက်ထဲကို ထန်းလျက်ကုန်အဝင်နည်းကာ စျေးမြင့်လာတယ်လို့ ထန်းလျက်ပွဲရုံ‌တွေ့ထံ ကသိရပါတယ်။
Yangon_Times/LW
#Local_News
#Published_ 04 May 2024
#YMG_News #Yangon_Times #Yangon_Media_Group

ရွှေတိဂုံ လုံးတော်ပြည့်ရွှေသင်္ကန်းကပ်ဖို့က ခွင့်ပြုချက်ရမှစတင်ဆောင်ရွက်နိုင်မယ်။
မိုးကုန်မှ ငြမ်းဆင်‌တာ‌တွေ စတင်နိုင်မှာဖြစ်သလို ငြမ်းဆင်ချိန်က စုစုပေါင်းတစ်လခွဲခန့် ကြာမြင့်နိုင်တယ်။
Yangon_Times/tthl
#Local_News
#Published_ 04 May 2024
#YMG_News #Yangon_Times #Yangon_Media_Group

Published_ 04 May 2024

"Painted Jezebel" လိပ်ပြာပုံ ၂၀၀ ကျပ်တန် စာပို့တံဆိပ်ခေါင်းသစ် တစ်မျိုးကို  မေလ ၅ ရက်၌ ထုတ်ဝေသွားမည်ဖြစ်ရာ ရန်ကုန်စာတိုက်ကြီးအပါအဝင် စာတိုက်ကြီးများ၌ တစ်ပြိုင် တည်း ရောင်းချပေးသွားမည်ဖြစ်ကြောင်း မြန်မာ့စာတိုက်လုပ်ငန်းမှ သိရသည်။

ပို့ဆောင်ရေးနှင့်ဆက်သွယ်ရေးဝန်ကြီးဌာန၊ မြန်မာ့စာတိုက်လုပ်ငန်းမှ သယံဇာတနှင့် သဘာဝပတ်ဝန်းကျင် ထိန်းသိမ်းရေးဝန်ကြီးဌာနက မြန်မာနိုင်ငံမှ တွေ့ရှိရသော လိပ်ပြာမျိုးစိတ်အဖြစ် မှတ်တမ်းတင်သဘောထား မှတ်ချက် ပြုထားသော"Painted Jezebel" လိပ်ပြာပုံ အားတံဆိပ်ခေါင်းအဖြစ် မေလ၅ရက် တွင်စတင်ထုတ်ဝေမည်ဖြစ်သည်။

ထို့အပြင် ယင်းနေ့ ၉ နာရီခွဲမှ စတင်ပြီး နေပြည်တော်ဗဟို စာတိုက်ကြီး၊ ရန်ကုန်စာတိုက်ကြီး၊ မန္တလေးစာတိုက်ကြီးနှင့်  တိုင်းဒေသကြီး၊ ပြည်နယ်များရှိ စာတိုက်ကြီးများတွင်  တစ်ပြိုင် တည်း ရောင်းချပေးသွားမည်ဖြစ်‌ကြောင်း၊အထူးအစီအစဉ်တစ်ရပ်အနေဖြင့် နေပြည်တော်ဗဟိုစာတိုက်ကြီး၊ ရန်ကုန်စာတိုက်ကြီးနှင့် မန္တလေးစာတိုက်ကြီး တို့တွင် မေလ ၅ ရက် တနင်္ဂနွေနေ့၌  ဝယ်ယူသော စာပို့တံဆိပ်ခေါင်းများပေါ်တွင် နေ့စွဲအမှတ်အသား တံဆိပ် ရိုက်နှိပ်ပေးသွားမည်ဖြစ်ကြောင်းသိရသည်။
Yangon_Times/NN
#Local_News
#Published_ 04 May 2024
#YMG_News #Yangon_Times #Yangon_Media_Group

Publicshed 4 May 2024

ရာသီဥတု ပူပြင်းသဖြင့်ခရီးရှည်မြင်းစီးအားကစားအရည်အချင်းစစ်ပြိုင်ပွဲ(FEI, One star Qualification round-3)ပြိုင်ပွဲ ရက်ရွှေ့ဆိုင်း လိုက်ကြောင်းမြန်မာနိုင်ငံမြင်းစီးအားကစားအဖွဲ့ချုပ်၊သတင်းနှင့်ပြန်ကြားရေး
မှသိရသည်။

မြန်မာနိုင်ငံ မြင်းစီးအားကစားအဖွဲ့ချုပ်သည် ကနဦးအနေဖြင့်၂၀၂၄ခုနှစ်အတွက်ရေးဆွဲထားသော အားကစားပြက္ခဒိန်အရ(၃)ကြိမ်မြောက် ခရီးရှည်မြင်းစီးအားကစားအရည်အချင်းစစ်ပြိုင်ပွဲ(FEI, One star Qualification round-3)ပြိုင်ပွဲကို၂၀၂၄ခုနှစ်၊မေလ(၃၀)ရက်နေ့တွင် နေပြည်တော်၌ ကျင်းပရန်သတ်မှတ်ထားခြင်းဖြစ်သည်။

သို့သော် လက်ရှိ ပူပြင်းလှသောရာသီဥတုအခြေအနေကြာင့် FEI, One star Qualification round-3 ကို  ၂၀၂၄ခုနှစ်၊ဇွန်လ၊(၃၀)ရက်နေ့သို့ ပြောင်းလည်းကျင်းပရန် သတ်မှတ်လိုက်ကြောင်း
သိရသည် ။

နေပြည်တော်၌ စခန်းသွင်းလေ့ကျင့်လိုသော ကလပ် အသင်းများအနေဖြင့် ပြိုင်ပွဲရက်မတိုင်မီရက်(၃၀) ကြိုတင်၍ စာရင်းပေးသွင်းရမည်ဖြစ်ပြီး မြင်းစီးအားကစားဝါသနာရှင်များနှင့်မြင်းစီးအားကစားသမားများအား
အသေးစိတ်အချက်အလက်များကို အချိန်နှင့်တပြေးညီ ထပ်မံကြေငြာပေးသွားမည်ဖြစ်ကြောင်းသိရသည်။
Yangon_Times/NN
#Local_News
#Published_ 04 May 2024
#YMG_News #Yangon_Times #Yangon_Media_Group

Published 4 May 2024

မန္တလေးတိုင်းဒေသကြီး၊ ပျော်ဘွယ်မြို့နယ်၊ ရန်ကုန်-မန္တလေးလမ်းဟောင်း တွင် ပျော်ဘွယ်မြို့နယ်မီးသတ်စခန်း မှ သိရသည်။

မေလ ၄ရက် နံနက် ၅နာရီ ၁၅ မိနစ်ခန့်က ပျော်ဘွယ်မြို့နယ်၊ ရန်ကုန်-မန္တလေးလမ်းဟောင်း၊ မိုင်တိုင်အမှတ်၂၉၁/၆-၇ကြားတွင် Fuso အမျိုးအစား ကွန်တိန်နာ(၂၂)ဘီးယာဉ် မီးလောင်ခဲ့ကြောင်း သိရသည်။

မီးလောင်မှုဖြစ်ပွားကြောင်း သတင်းရရှိသဖြင့် ပျော်ဘွယ်မြို့နယ်မီးသတ်စခန်းမှ မီးငြှိမ်းသတ်ယာဉ်(၁)စီး၊ မီးသတ်ရေသယ်ယာဉ်(၁)စီး၊ ပြည်သာယာနယ်မြေမီးသတ်စခန်းမှ အုပ်ချုပ်မှုယာဉ်(၁)စီး၊ မီးသတ်ရေသယ်ယာဉ်(၁)စီးတို့ဖြင့် သွားရောက်ငြှိမ်းသတ်ခဲ့ရာ ၅နာရီ ၃၀မိနစ် အချိန် မီးငြိမ်းခဲ့ကြောင်း သိရသည်။
Yangon_Times/LW
#Local_News
#Published_ 04 May 2024
#YMG_News #Yangon_Times #Yangon_Media_Group

၄ ဧပြီ ၂၀၂၄

ကာကွယ်ရေးဦးစီးချုပ်(လေ) ဗိုလ်ချုပ်ကြီး ထွန်းအောင် နှင့် ထိုင်းဘုရင့် လေတပ်ဦးစီးချုပ် Air Chief Marshal Punpakdee Pattanakul တပ်မတော်(လေ)နှင့် ထိုင်းဘုရင့်လေတပ်အကြား ချစ်ကြည်ရင်းနှီးမှုနှင့် ပူးပေါင်း ဆောင်ရွက်မှု တိုးမြှင့်စေရေး ဆွေးနွေးခဲ့ကြတယ်လို့ နစကရဲ့သတင်းထုတ်ပြန်ချက်အရသိရပါတယ်။

မြန်မာနှင့်ထိုင်းလေတပ်နှစ်ရပ်အကြား ချစ်ကြည်ရင်းနှီးမှုနှင့် ပူးပေါင်း ဆောင်ရွက်မှုများ ပိုမိုမြှင့်တင်နိုင်ရန်အတွက် ကာကွယ်ရေးဦးစီးချုပ်(လေ) ဗိုလ်ချုပ်ကြီး ထွန်းအောင် ဦးဆောင်တဲ့  တပ်မတော်(လေ)ကိုယ်စားလှယ်အဖွဲ့သည် ထိုင်းဘုရင့် လေတပ်ဦးစီးချုပ် Air Chief Marshal Punpakdee Pattanakul ၏ ဖိတ်ကြားချက်အရ ဧပြီလ ၃၀ ရက်မှ မေလ၃ ရက်အထိ ထိုင်းနိုင်ငံသို့ ချစ်ကြည်ရေးခရီးသွားရောက်ခဲ့ပြီး ထိုင်းဘုရင့်လေတပ်ဦးစီးချုပ် Air Chief Marshal Punpakdee Pattanakul နှင့် တွေ့ဆုံ၍ နှစ်နိုင်ငံလေတပ်အကြား ချစ်ကြည်ရင်းနှီးမှုနှင့် ပူးပေါင်းဆောင်ရွက်မှုများ ပိုမိုမြှင့်တင် နိုင်ရေး ကိစ္စရပ်များနှင့်ပတ်သက်၍ တွေ့ဆုံဆွေးနွေးခဲ့ကြတာဖြစ်ပါတယ်။

မေလ ၁ ရက်နေ့တွင် ကာကွယ်ရေးဦးစီးချုပ်(လေ)အား ထိုင်းဘုရင့်လေတပ် ဦးစီးချုပ် Air Chief Marshal Punpakdee Pattanakul က ဂုဏ်ပြုတပ်ဖွဲ့ဖြင့် ကြိုဆိုခဲ့ကြပြီး ကာကွယ်ရေးဦးစီးချုပ်(လေ)က ဂုဏ်ပြုတပ်ဖွဲ့၏ အလေးပြုခြင်းကို ခံယူခဲ့ပြီး ဂုဏ်ပြုတပ်ဖွဲ့အား စစ်ဆေးခဲ့တယ်လို့သိရပါတယ်။

ဗိုလ်ချုပ်ကြီးထွန်းအောင်သည် ထိုင်းဘုရင့်လေတပ်မတော်အား စတင် တည်ထောင်သူ Field Marshal Prince Chakrabongse ၏ ရုပ်တုရှေ့တွင် ဂုဏ်ပြုပန်းခွေချခြင်း၊ ထိုင်းဘုရင့်လေတပ်ဌာနချုပ် ဧည့်သည်တော်မှတ်တမ်းစာအုပ် တွင် လက်မှတ်ရေးထိုးခြင်း၊ ထိုင်းဘုရင့်လေတပ်ဌာနချုပ်ဧည့်ခန်းမတွင် ထိုင်းဘုရင့် လေတပ်ဦးစီးချုပ် Air Chief Marshal Punpakdee Pattanakul နှင့် တွေ့ဆုံ ဆွေးနွေးခြင်းများဆောင်ရွက်ပြီး နှစ်နိုင်ငံလေတပ်အထိမ်းအမှတ်တံဆိပ်များ အပြန် အလှန်လဲလှယ်ပေးအပ်ခဲ့ကြသည်။ဆက်လက်၍ထိုင်းဘုရင့်လေတပ်ဌာနချုပ် Conference Room တွင် တပ်မတော်(လေ)နှင့် ထိုင်းဘုရင့်လေတပ်အကြား ချစ်ကြည်ရင်းနှီးမှုနှင့် ပူးပေါင်း ဆောင်ရွက်မှု တိုးမြှင့်စေရေး ဆွေးနွေးမှုများပြုလုပ်ခဲ့ကြတယ်လို့ သတင်းထုတ်ပြန်ထားပါတယ်။ ယင်းနောက် ထိုင်းဘုရင့်လေတပ်ဦးစီးချုပ်က တည်ခင်းဧည့်ခံတဲ့ ဂုဏ်ပြုညစားစားပွဲကိုလည်း တက်ရောက်ခဲ့ကြောင်းသိရှိရပါတယ်။

ယင်းနောက် Air War College သို့ သွားရောက်လေ့လာကာ အပြန် အလှန်ဆွေးနွေးမှုများပြုလုပ်ခဲ့ပြီး သင်တန်းသားအရာရှိကြီးများ၏  National Security လက်တွေ့လေ့ကျင့်ခန်း Practice Negotiating ပြုလုပ်နေမှုများအား ကြည့်ရှုလေ့လာခဲ့ကြတယ်လို့လည်း သတင်းမှာဖော်ပြထားပါတယ်။

@ymg/knl

Published 04 May 2024

ယမန်နှစ်က ဆစ်ခ်ဘာသာရေး ခွဲထွက်ရေးခေါင်းဆောင် ဟာဒီ့ပ်ဆင်းနစ်ဂျာ သတ်ဖြတ်ခံရမှုနဲ့ ပတ်သက်ပြီး ကနေဒါရဲတပ်ဖွဲ့က အိန္ဒိယလူမျိုး ၃ ဦးကို သောကြာနေ့က ဖမ်းဆီးတရားစွဲဆိုလိုက်ပါတယ်။

တရားခံတွေဟာ အိန္ဒိယအစိုးရနဲ့ ပတ်သက်မှုရှိမရှိကိုလည်း စုံစမ်းစစ်ဆေးနေကြပါတယ်။

ပြီးခဲ့တဲ့ ဇွန်လက ဆစ်ခ်ဘာသာဝင် အများအပြားရှိရာ ဗန်ကူဗာဆင်ခြေဖုံးအရပ်တစ်ခုဖြစ်တဲ့ ဆာရေးရှိ ဆစ်ခ်ဘုရားကျောင်း အပြင်ဘက်မှာ အသက် ၄၅ နှစ်အရွယ် နစ်ဂျာ ပစ်သတ်ခံခဲ့ရပါတယ်။

လအနည်းငယ်အကြာမှာ ကနေဒါဝန်ကြီးချုပ် ဂျက်စတင်ထရူဒေါက်က အိန္ဒိယအစိုးရ ပါဝင်ပတ်သက်နေတဲ့ အထောက်အထားတွေကို ချပြခဲ့ရာ နှစ်နိုင်ငံသံတမန်ရေးရာ ပြဿနာဖြစ်လာခဲ့ပါတယ်။

တရားခံ ၃ ဦးက အသက် ၂၈ နှစ်ရှိ ကာရန်ပရိဆင်း၊ အသက် ၂၂ နှစ်ရှိ ကာမယ်ပရိဆင်း၊ အသက် ၂၂ နှစ်ရှိ ကာရန်ဘရာတို့ ဖြစ်တယ်လို့ ကနေဒါတော်ဝင်ရဲတပ်ဖွဲ့က ထုတ်ပြန်လိုက်ပါတယ်။

ကနေဒါရှိ အိန္ဒိယသံရုံးကတော့ ဒါနဲ့ပတ်သက်ပြီး မှတ်ချက်မပြောသေးပါဘူး။

နစ်ဂျာက ကနေဒါနိုင်ငံသားတစ်ဦးဖြစ်ပြီး အိန္ဒိယမှခွဲထွက်ကာ ခါလိစ်တန်လို့ခေါ်တဲ့ ဆစ်ခ်လွတ်လပ်မြေကို ထူထောင်ဖို့အတွက် စည်းရုံးနေသူဖြစ်ပါတယ်။

ကနေဒါမှာ ဆစ်ခ်ခွဲထွက်ရေးအဖွဲ့တွေ ရှိနေခြင်းက အိန္ဒိယကို အနှောင့်အယက် ဖြစ်စေတာကြာပြီဖြစ်ပြီး နစ်ဂျာကို အကြမ်းဖက်သမားလို့ သတ်မှတ်ထားပါတယ်။

ကနေဒါနဲ့ အမေရိကန်တို့မှာ ဖြစ်ပွားခဲ့တဲ့ လုပ်ကြံသတ်ဖြတ်မှုတွေမှာ အိန္ဒိယထောက်လှမ်းရေး ပါဝင်နေမှာကို အိမ်ဖြူတော်က စိုးရိမ်မိတယ်လို့ ပြီးခဲ့တဲ့ ရက်သတ္တပတ်က ထုတ်ဖော်ခဲ့ပါတယ်။

ကနေဒါရဲတွေက အမေရိကန် ဥပဒေစိုးမိုးရေးအဖွဲ့များနဲ့ ပူးပေါင်းလုပ်ကိုင်နေကာ နောက်ထပ်ဖမ်းဆီးထိန်းသိမ်းမှုများ ရှိလာနိုင်တယ်လို့ ယူဆရပါတယ်။

တရားခံ အိန္ဒိယနိုင်ငံသား ၃ ဦးကို သောကြာနေ့က အယ်ဘာတာ အက်ဒ်မန်တန်မြို့မှာ ဖမ်းဆီးခဲ့တာဖြစ်ပြီး တနင်္လာနေ့မှာ ဗြိတိသျှကိုလံဘီယာသို့ ရောက်ရှိမှာ ဖြစ်ပါတယ်။

လုပ်ကြံသတ်ဖြတ်မှုမှာ အိန္ဒိယအစိုးရ ပတ်သက်နေတယ်လို့ ကနေဒါအာဏာပိုင်များ စွပ်စွဲထားတာကို အိန္ဒိယဘက်မှ ငြင်းပယ်ထားပါတယ်။

အဖမ်းခံရသူတွေက လုပ်ကြံရေးအဖွဲ့က ဖြစ်ပေမယ့် သူတို့ကို ညွှန်ကြားတဲ့လူရှိတယ်ဆိုတာ ထင်ရှားနေတယ်လို့ ကနေဒါအခြေစိုက် ကမ္ဘာ့ဆစ်ခ်အဖွဲ့အစည်းမှ ပြောရေးဆိုခွင့်ရှိသူ ဘယ်ပရိဆင်းက ပြောကြားခဲ့ပါတယ်။
Source: Reuters.
#World_News
#Published_ 04 May 2024
#YMG_News #Yangon_Times #Yangon_Media_Group

Published_ 03 May 2024

ပဲခူးတိုင်း၊သာယာဝတီမြို့အနီး အင်အား(၄.၀) အဆင့်ရှိ မြေငလျင်လှုပ်ခတ်သွားကြောင်း မိုးလေဝသနှင့်ဇလဗေဒညွှန်ကြားမှုဦးစီးဌာနမှသိရသည်။

ယင်းငလျင်လှုပ်ခတ်မှုသည် ရန်ကုန်တိုင်းရှိမှော်ဘီနှင့်တိုက်ကြီးမြို့အထိသက်ရောက်မှုရှိပြီး  ဆွဲလှုပ်သလိုသိသိသာသာခံစားခဲ့ရ‌သည်ဟုဒေသခံများထံမှ သိရသည်။

မိုးလေဝသနှင့်ဇလဗေဒညွှန်ကြားမှုဦးစီးဌာန၏ ထုတ်ပြန်ချက်တွင်၂၀၂၄ ခုနှစ်၊ မေလ ၃ ရက်နေ့၊ မြန်မာစံတော်ချိန် (၂၀)နာရီ၊ (၄၆)မိနစ်၊ (၅၆) စက္ကန့် အချိန်တွင် ကမ္ဘာအေးမြေငလျင်စခန်းမှ မြောက်-အနောက်မြောက်ဘက် (၅၂) မိုင်ခန့်အကွာ၊ မြန်မာနိုင်ငံပြည်တွင်း (သာယာဝတီမြို့၏ အရှေ့-အရှေ့တောင်ဘက် (၁၆) မိုင်ခန့်အကွာ)၊ မြောက်လတ္တီတွဒ် (၁၇.၆၀)ဒီဂရီ၊ အရှေ့လောင်ဂျီတွဒ် (၉၆.၀၄)ဒီဂရီ၊ အနက်(၁၀) ကီလိုမီတာကို ဗဟိုပြု၍ အင်အားရစ်(ခ်)တာစကေး (၄.၀) အဆင့်ရှိ အင်အားအနည်းငယ်ရှိသော မြေငလျင်တစ်ခု လှုပ်ရှားသွားကြောင်း ဖော်ပြပါရှိသည်။
Yangon_Times/tthl
#Local_News
#Published_ 03 May 2024
#YMG_News #Yangon_Times #Yangon_Media_Group

Published 04 May 2024

မကြာသေးမီက လေ့လာချက်တစ်ခုမှာ ကျန်းမာရေးအနေအထား အကောင်းဆုံးဖြစ်ဖို့အတွက် တစ်နေ့ကို ၄ နာရီခန့် လှုပ်ရှားမှုပြုလုပ်ပေးဖို့ လိုပါတယ်။

အကောင်းမွန်ဆုံး ကျန်းမာရေးရရှိဖို့ အားစိုက်ထုတ်ခြင်းနဲ့ အနားယူခြင်းကို ဘယ်လိုမှန်ကန်အောင် ပြုလုပ်ရမလဲဆိုတာနဲ့ ပတ်သက်ပြီး သိရဖို့ လူပေါင်း ၂ ထောင်ရဲ့ စိတ်အခြေအနေကို ၂၄ နာရီ အတိုင်းအတာအတွင်း ဩစတြေးလျ ဆွင်းဘန်းတက္ကသိုလ်မှ သုတေသီများ ဆန်းစစ်ခဲ့ကြပါတယ်။

စံပြသတ်မှတ်ချိန်တွေကတော့ ပျမ်းမျှအားဖြင့် အိပ်ချိန် ၈ နာရီ၊ မတ်တပ်ရပ်ချိန် ၅ နာရီ၊ ထိုင်ချိန် ၆ နာရီ၊ အပေါ့စားနဲ့ သာမန်လှုပ်ရှားမှု ပြုလုပ်ချိန် ၄ နာရီခန့် ရှိသင့်ပါတယ်။

ထိုကဲ့သို့ အချိန်ခွဲခြားတာက ဂလူးကို့စ်ထိန်းချုပ်ခြင်းနဲ့ နှလုံးကျန်းမာရေး ထိန်းချုပ်ခြင်းတို့အတွက် သင့်လျော်ပါတယ်။

ကျန်းမာရေးအကောင်းဆုံးဖြစ်ဖို့ အိပ်ချိန် ၈ နာရီ ၂၀ မိနစ်ရှိသင့်ကြောင်း အကြံပြုထားပြီး ထိုထက် အိပ်ချိန််နည်းခြင်း များခြင်းကို ရှောင်ရှားသင့်ပါတယ်။

တစ်ညကို အိပ်ချိန် ၉ နာရီထက်များခြင်းက လေဖြတ်ခြင်းအန္တရာယ် များစေပါတယ်။

ထိုင်ချိန်နည်းပြီး မတ်တပ်ရပ်ချိန်၊ လှုပ်ရှားမှုပြုလုပ်ချိန်၊ အိပ်ချိန်များခြင်းတို့က နှလုံးကျန်းမာရေးကို အထောက်အကူ ပြုစေပါတယ်။
Source: New York Post.
#World_Health
#Published_ 04 May 2024
#YMG_News #Yangon_Times #Yangon_Media_Group