မေလ(၈)ရက်နဲ့(၉)ရက်မှာ နေပြည်တော်၊ ရန်ကုန်၊ မန္တ‌လေးစတဲ့ဒေသ(၁၀)ခုမှာ နေ့အပူချိန်‌တွေအနည်းငယ်တိုးလာနိုင်တယ်။‌ ဒေသ(၁၁)ခုနဲ့ ကျန်တိုင်းဒေသကြီးနှင့် ပြည်နယ်တို့မှာ နေရာကွက်ကျား မိုးထစ်ချုန်းရွာမယ်။
#Local_News
Published_07 May 2024
#ရန်ကုန်အပါအဝင်ဒေသအချို့ #နေ့အပူချိန်တိုး
#tthl #Yangon_Times

ဧပြီလအတွင်း ကုမ္ပဏီ ၄၅ ခုက ဝယ်လက်နိုင်ငံတွေထံဆန်တန်ချိန် ၄၂,၇၇၀ နဲ့  ဆန်ကွဲ ၆၉,၀၉၂ တန် စုစုပေါင်း ဆန်နှင့်ဆန်ကွဲ ၁၁၁,၈၆၂ တန်တင်ပို့နိုင်ခဲ့တယ်လို့ မြန်မာနိုင်ငံဆန်စပါးအသင်းချုပ်က သိရပါတယ်။
#Local_News
Published_07 May 2024
#ဆန်နှင့် ဆန်ကွဲတန်ချိန် #မြန်မာနိုင်ငံဆန်စပါးအသင်းချုပ်
#YMG/ NN #Yangon_Times

၇ မေ ၂၀၂၄

အိန္ဒိယနိုင်ငံ မီဇိုရမ်တက္ကသိုလ်၊ သတ္တဗေဒဌာနမှ ပါမောက္ခ နှင့် ပညာရှင်များသည် မြန်မာနိုင်ငံ ရခိုင်ပြည်နယ်တွင် မြွေမျိုးစိတ်အသစ်များကို ရှာဖွေတွေ့ရှိခဲ့ကြတယ်လို့ အိန္ဒိယပြည်တွင်းသတင်းများတွင်ဖော်ပြပါတယ်။

အဆိုပါအဖွဲ့မှာ အဆိုပါမီဇိုရမ်တက္ကသိုလ် သတ္တဗေဒဌာနပါမောက္ခ အိတ်ချ်တီ လာရမ်ဆန်ဂါဦးဆောင်ပြီး သုတေသနပညာရှင် လာဘီရက်ဇူအာလာ၊ဗီယက်နမ် တွားသွားသတ္တဝါပညာရှင် တန်ဗန်ငုယင်နှင့် ဂျာမနီတွားသွားသတ္တဝါပညာရှင် ဂါနောတ့် ဗိုဂဲလ် တို့ ပါဝင်ကြပါတယ်။

သူတို့ဟာ မီဇိုရမ်၊ဘင်္ဂလားဒေ့ရှ်နှင့် မြန်မာနိုင်ငံတို့မှ ရုပ်သွင်ပညာရပ်ဆိုင်ရာနှင့် မော်လီကျူးဆိုင်ရာ အချက်အလက်တွေကို အခြေခံပြီးနောက် ရှုပ်ထွေးလှတဲ့ တွားသွားသတ္တဝါမျိုးစိတ်တွေကို မျိုးခွဲလေ့လာခဲ့ခြင်းဖြစ်ပါတယ်။ အဲဒီအခါ မြန်မာနိုင်ငံ ရခိုင်ပြည်နယ်ရဲ့ ရခိုင်ရိုးမဆင်ရိုင်းဘေးမဲ့တောအတွင်းမှာ မြွေမျိုးစိတ်အသစ်တွေရှာတွေ့ခဲ့တာလို့ သတင်းမှာဖော်ပြထားပါတယ်။

အသစ်ရှာတွေတဲ့ မြွေအမျိုးအစားကို ဒါဗီဒီ မြွေမျိုးကွဲ လို့အမည်ပေးထားပါတယ်။ ပြင်သစ်တွားသွားသတ္တဝါပညာရှင် ပက်ထရစ် ဒေးဗစ်ရဲ့အမည်ကို ဂုဏ်ပြုအမည်ပေးထားတာပါ။ အဆိုပါမြွေမျိုးစိတ်အသစ်တွေ့ရှိကြောင်းကို ၂၀၂၄ခု မေလ ၄ရက်ထုတ် သိပ္ပံသုတေသနဂျာနယ်တစ်စောင်ဖြစ်တဲ့ European Journal of Taxonomy  အတွဲ ၉၃၂ မှာ ပုံနှိပ်ဖော်ပြထားပါတယ်။

“ ရှာတွေ့တဲ့ မြွေမျိုးစိတ်အသစ်ဟာ အင်မတန်ရှားပါးတဲ့မြွေမျိုးပါ။ နောက်ကြောင်းခံလိုက်ကြည့်သမျှ ပြောပြရရင် အဆိပ် မပြင်းတဲ့မြွေအမျိုးအစားထဲပါပြီး အရှည်က တစ်ပေ ၉လက်မကနေ ၁၁လက်မအကြားရှိတာတွေ့ရတယ်” လို့ ပါမောက္ခ အိတ်ချ်တီ လာရမ်ဆန်ဂါ ကပြောပါတယ်။

သူတို့ဟာ ဖားကို စားကြတယ်။ စိုးထိုင်းဆမြင့်မားပြီး မြေနိမ့်ပိုင်းရွှံ့နွံတွေထဲမှာ နေထိုင်ကျက်စားလေ့ရှိတယ်” လို့ သူကဆက်ပြောပါတယ်။

@ymg/knl

#Local_News
Published 7 May 2024

▪️ ရန်ကုန်တိုင်းဒေသကြီး ၊လှိုင်သာယာ(အရှေ့ပိုင်း)မြို့နယ်အတွင်းရှိ ယာယီရွှေ့ပြောင်းနေထိုင်သူများအားပန်းခင်းစီမံချက်ဖြင့် အိမ်ထောင်စုလူဦးရေစာရင်း၊နိုင်ငံသားစိစစ်ရေးကတ်ထုတ်ပေးမှုနှင့် Biometric ကောက်ယူခဲ့ကြောင်း လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာနမှ သိရသည်။

▪️ ထိုကဲ့သို့ ဆောင်ရွက်ရာတွင် မေလ၅ရက်နေ့က လှိုင်သာယာ (အရှေ့ပိုင်း) မြို့နယ်အတွင်းရှိ ယာယီရွှေ့ပြောင်းနေထိုင်သူများအား သက်ဆိုင်ရာမြို့နယ်ငါးဦးကော်မတီအဖွဲ့ဝင်များက စိစစ်မေးမြန်း အတည်ပြုဆောင်ရွက်ခြင်း၊ ငါးဦးကော်မတီ၏ ထောက်ခံချက်အရ မြို့နယ်ရုံးဝန်ထမ်းများက လူတစ်ဦးချင်းစီ၏ ကိုယ်ရေးအချက်အလက် များ သတ်မှတ်ပုံစံများတွင် ဖြည့်သွင်းဆောင်ရွက်၍ လုပ်ထုံးလုပ်နည်း နှင့်အညီ အိမ်ထောင်စုလူဦးရေစာရင်းနှင့် နိုင်ငံသားစိစစ်ရေးကတ် ထုတ်ပေးရေးလုပ်ငန်းစဉ် အဆင့်ဆင့်ဆောင်ရွက်ခဲ့ကြောင်းသိရသည်။

▪️ ယင်းသို့ဆောင်ရွက်ရာတွင် လှိုင်သာယာ(အရှေ့ပိုင်း)မြို့နယ် အတွင်းရှိ ယာယီရွှေ့ပြောင်းနေထိုင်သူများအား ပန်းခင်းစီမံချက် အဆင့် (၃) ဖြင့် အိမ်ထောင်စုလူဦးရေစာရင်း အစောင် ၇၀ နှင့် နိုင်ငံသားစိစစ်ရေးကတ် ၁၁၀ ကို စိစစ်ထုတ်ပေး၍ နိုင်ငံသားကတ်ရရှိပြီးသူများအား e-ID စနစ်ဖြင့် Biometric ကောက်ယူကာ ဂဏန်း ၁၀ လုံးပါ Unique ID နံပါတ်များ တစ်ပါတည်းထုတ်ပေးနိုင်ခဲ့ကြောင်း သိရသည်။

#YMG/ NN #Yangon_Times

#Local_News
Published_07 May 2024

▪️ နိုင်ငံခြားနှင့် ပြည်တွင်းရင်းနှီးမြှုပ်နှံမှုလုပ်ငန်းအသစ်(၇)ခုကို မြန်မာနိုင်ငံ၌ရင်းနှီးမြုပ်နှံရန်ထပ်မံခွင့်ပြု‌ပေးခဲ့ကြောင်း မြန်မာနိုင်ငံရင်းနှီးမြှုပ်နှံမှုကော်မရှင်မှသိရသည်။

▪️ အသစ်ရင်းနှီးမြုပ်နှံခွင့်ပြုလိုက်သော လုပ်ငန်းများမှာစက်မှုကဏ္ဍ၊ ဝန်ဆောင်မှုကဏ္ဍနှင့် အိမ်ရာအဆောက်အအုံ တည်ဆောက်ဖွံ့ဖြိုးမှုကဏ္ဍတို့မှ နိုင်ငံခြားနှင့် ပြည်တွင်းရင်းနှီးမြှုပ်နှံမှုလုပ်ငန်းအသစ် (၇)ခုဖြစ်သည်ဟုဆိုသည်။ 

▪️ အဆိုပါလုပ်ငန်းများ၏ ရင်းနှီးမြှုပ်နှံမှုပမာဏသည် အမေရိကန်ဒေါ်လာ ၉ ဒသမ ၂၈၁ သန်းနှင့် ငွေကျပ် ၂၈၂၇၀၂ ဒသမ ၈၉၅ သန်းဖြစ်ပြီးပြည်တွင်းအလုပ်အကိုင်အခွင့်အလမ်းပေါင်း (၁၄၂၃) ဦးကို ဖန်တီးပေးနိုင်မည်ဖြစ်သည်ဟုဆိုသည်။

▪️ ၂၀၂၄ ခုနှစ်၊ ဧပြီလကုန်အထိ မြန်မာနိုင်ငံတွင် ရင်းနှီးမြှုပ်နှံထားသည့် နိုင်ငံ/ ဒေသပေါင်း ၅၃ ခုအနက် ရင်းနှီးမြှုပ်နှံမှု အများဆုံးပြုလုပ်သော နိုင်ငံ/ ဒေသများမှာ စင်ကာပူနိုင်ငံ၊ တရုတ်နိုင်ငံနှင့် ထိုင်းနိုင်ငံတို့ ဖြစ်သည်။

▪️ စီးပွားရေးကဏ္ဍ ၁၂ ခုအနက် အများဆုံး ရင်းနှီးမြှုပ်နှံထားသည့်ကဏ္ဍများမှာ စွမ်းအင်ကဏ္ဍတွင် စုစုပေါင်းရင်းနှီးမြှုပ်နှံမှု၏ ၂၈ ဒသမ ၄၇ရာခိုင် နှုန်းဖြင့်လည်းကောင်း၊ ရေနံနှင့်သဘာဝဓာတ်ငွေ့ကဏ္ဍတွင် စုစုပေါင်းရင်းနှီးမြှုပ်နှံမှု၏ ၂၄ ဒသမ ၄၃ ရာခိုင်နှုန်းဖြင့်လည်းကောင်း၊ ကုန်ထုတ်လုပ်မှုကဏ္ဍတွင် စုစုပေါင်းရင်းနှီးမြှုပ်နှံမှု၏ ၁၄ ဒသမ ၄၇ ရာခိုင်နှုန်းဖြင့်လည်းကောင်း ရင်းနှီးမြှုပ်နှံထားသည်။

▪️ မြန်မာနိုင်ငံရင်းနှီးမြှုပ်နှံမှုကော်မရှင်သည် ပြည်တွင်း၊ ပြည်ပ ရင်းနှီးမြှုပ်နှံသူများမှ တင်ပြလာသည့် ရင်းနှီးမြှုပ်နှံမှုအဆိုပြုလွှာများအား စိစစ်ခွင့်ပြုခြင်း၊  ရင်းနှီးမြှုပ်နှံမှုဆိုင်ရာ ဝန်ဆောင်မှုများကို မြန်မာနိုင်ငံ ရင်းနှီးမြှုပ်နှံမှုဥပဒေနှင့်အညီ ပံ့ပိုးကူညီဆောင်ရွက်ပေးလျက်ရှိကြောင်း သိရသည်။

▪️ မြန်မာနိုင်ငံရင်းနှီးမြှုပ်နှံမှုကော်မရှင်၏ (၅/၂၀၂၄) ကြိမ်မြောက် အစည်းအဝေးကိုနေပြည်တော်ရှိ ရုံးအမှတ် (၁၈) အစည်းအဝေးခန်းမ၌ ကျင်းပရာ အစည်းအဝေးသို့ နိုင်ငံတော်စီမံအုပ်ချုပ်ရေးကောင်စီအဖွဲ့ဝင်၊ ဒုတိယဝန်ကြီးချုပ်နှင့် မြန်မာနိုင်ငံ ရင်းနှီးမြှုပ်နှံမှုကော်မရှင်ဥက္ကဋ္ဌ ဗိုလ်ချုပ်ကြီးမြထွန်းဦးနှင့် ကော်မရှင်အဖွဲ့ဝင်များ တက်ရောက်ခဲ့‌ကြောင်းနှင့် ယင်းအစည်းအ‌ဝေး၌ လုပ်ငန်းသစ်(၇)ခုထပ်မံခွင့်ပြုခဲ့‌ကြောင်း သိရသည်။

#tthl #Yangon_Times

#World_News
Published 07 May 2024

▪️ ဂါဇာအရေးနဲ့ ပတ်သက်ပြီး ကြားဝင်စေ့စပ်သူများမှ တင်ပြတဲ့ အပစ်အခတ်ရပ်စဲရေး အဆိုပြုချက်တစ်ရပ်ကို ပါလက်စ်တိုင်း စစ်သွေးကြွဟားမတ်စ်အဖွဲ့က တနင်္လာနေ့မှာ သဘောတူလိုက်ပါတယ်။ ဒါပေမဲ့ အစ္စရေးလ်တို့ကတော့ ထိုအဆိုပြုချက်ထဲက အချက်အလက်တွေဟာ ယင်းတို့လိုချင်တဲ့ အချက်တွေနဲ့ မကိုက်ညီဘဲ စေ့စပ်ညှိနှိုင်းမှုတွေ ဆက်လက်ပြုလုပ်နေစဉ်မှာပဲ ရာဖာကို ဆက်လက်ဖိအားပေး တိုက်ခိုက်နေဦးမယ်လို့ ဆိုပါတယ်။

▪️ ၇ လသက်တမ်းကြာလာပြီဖြစ်တဲ့ ဂါဇာစစ်ပွဲနဲ့ ပတ်သက်ပြီး တိုးတက်မှုတွေ ရှိလာပေမယ့် အစ္စရေးလ်တပ်တွေက ဂါဇာတောင်ဘက်ခြမ်းရှိ ရာဖာကို လေကြောင်းနဲ့ မြေပြင်တို့ကနေ တိုက်ခိုက်နေကာ အရပ်သားတွေကို ထွက်ပြေးခိုင်းထားပါတယ်။

▪️ အပစ်အခတ် ရပ်စဲရေး အဆိုပြုကမ်းလှမ်းချက်က အစ္စရေးလ်လိုချင်တာတွေနဲ့ မကိုက်ညီပေမယ့် သဘောတူညီချက် ရရှိဖို့ ညှိနှိုင်းဆွေးနွေးရန် ကိုယ်စားလှယ်အဖွဲ့ စေလွှတ်သွားမယ်လို့ အစ္စရေးလ်ဝန်ကြီးချုပ် ဘင်ဂျမင်နေတန်ညာဟူ အုပ်ချုပ်ရေးအဖွဲ့က ထုတ်ပြန်လိုက်ပါတယ်။

▪️ ကာတာနိုင်ငံခြားရေး ဝန်ကြီးဌာနကတော့ အစ္စရေးလ်နဲ့ ဟားမတ်စ်တို့ကြား ဆွေးနွေးညှိနှိုင်းမှုများ ပြန်လည်စတင်ရန် ကိုယ်စားလှယ်အဖွဲ့ကို ကိုင်ရိုသို့ စေလွှတ်သွားမယ်လို့ ဆိုပါတယ်။

▪️ အစ္စရေးလ်အစိုးရအဖွဲ့မှ ထုတ်ပြန်တာမှာ ရာဖာမှာ စစ်ဆင်ရေး ဆက်လက်ပြုလုပ်သွားဖို့ကို ဝန်ကြီးများအဖွဲ့က အသိအမှတ်ပြုလိုက်တယ်လို့ သိရပါတယ်။

▪️ အစ္စရေးလ်ဘက်က စစ်ပွဲအပြီးသတ် ရပ်စဲရေးကတိမပေးဘဲ ဓားစာခံတွေ ထပ်မံလွှတ်ပေးဖို့ကို ဟားမတ်စ်တို့က ငြင်းဆိုထားရာ သဘောတူညီချက် အသစ်တစ်ခုရဖို့ ကြိုးပမ်းလာရတာ ဖြစ်ပါတယ်။

▪️ ယခုအဆိုပြုချက်က ဟားမတ်စ်တို့ အလိုရှိတဲ့အတိုင်း ဂါဇာမှာ ပြန်လည်တည်ဆောက်ရေး၊ စစ်ဘေးရှောင် ပါလက်စ်တိုင်းအရပ်သားများ ပြန်လည်နေရာချထားရေး၊ အစ္စရေးလ်ဓားစာခံများကို အစ္စရေးလ်အကျဉ်းထောင်များရှိ ပါလက်စ်တိုင်း အကျဉ်းသားများနဲ့ လဲလှယ်ရေးတို့နဲ့ ကိုက်ညီနေပါတယ်။

▪️ ရာဖာမှာ ဟားမတ်စ်တိုက်ခိုက်ရေးသမား အများအပြားအပြင် ဓားစာခံဒါဇင်ခန့် ရှိနေမယ်လို့ အစ္စရေးလ်တို့က ယုံကြည်နေကာ အောင်ပွဲရရေးမှာ ထိုမြို့ကိုသိမ်းယူဖို့က အဓိကကျတယ်လို့ ဆိုထားပါတယ်။

▪️ အစ္စရေးလ်ရဲ့ အနီးစပ်ဆုံးမဟာမိတ် အမေရိကန်က ရာဖာကို အစ္စရေးလ်တိုက်ခိုက်မှာ စိုးရိမ်နေပြီး အရပ်သားကာကွယ်ရေး အစီအစဉ်တွေ မရှိဘဲနဲ့ မတိုက်ရဘူးလို့ မှာကြားထားပါတယ်။

#Source: Reuters

#Local_News
Published_ 7 May 2024

▪️ စွမ်းအင်ဝန်ကြီးဌာနက စက်မှုဝန်ကြီးဌာနရှိ စက်ရုံ ၁၂ ရုံသို့ သဘာဝဓာတ်ငွေ့တစ်နှစ်လျှင် ၃၀ ကုဗပေသန်း ပို့လွှတ်ပေးနေကြောင်း စွမ်းအင်ဝန်ကြီးဌာန၌ မေ ၆ ရက်က ကျင်းပတဲ့ မြန်မာ့ရေနံနှင့် သဘာဝဓာတ်ငွေ့လုပ်ငန်းနှင့် စက်မှုဝန်ကြီးဌာန၊ အမှတ်(၁) အထည်စက်ရုံ (ရွှေတောင်)အတွက် သဘာဝဓာတ်ငွေ့ ဝယ်ယူ၊ ရောင်းချမှု သဘောတူ စာချုပ် လက်မှတ်ရေးထိုးပွဲ သတင်းထုတ်ပြန်ချက်အရ သိရပါတယ်။

▪️ စက်မှုဝန်ကြီး ဒေါက်တာချာလီသန်းက စက်မှုဝန်ကြီးဌာနမှထုတ်လုပ်တဲ့ ထုတ်ကုန်ပစ္စည်းများကို ဈေးကွက်အတွင်း ယှဉ်ပြိုင်ရောင်းချနိုင်ရေးအတွက် ကြိုးစားနေပြီး အမှတ် (၁) အထည်စက်ရုံ (ရွှေတောင်) မှထုတ်လုပ်သော ပိတ်ဖြူ၊ ပိတ်ညိုများကိုအဖြူချွတ်ပြီး ဂျပန်နိုင်ငံ ဆူရာတိုမိုကုမ္ပဏီလီမိတက်နှင့် အကျိုးတူပူးပေါင်း၍ ဆေးဆိုးခြင်း လုပ်ငန်းများကို ဆောင်ရွက်လျက်ရှိတယ်လို့ ဆိုပါတယ်။

▪️ ပြည်တွင်း၌လိုအပ်သော အထည်များချုပ်လုပ်နိုင်ရန်အတွက်ပိတ်များ ရက်လုပ်လျက်ရှိကာ သဘာဝဓာတ်ငွေ့ရရှိပါက ကုန်ထုတ်လုပ်မှုလုပ်ငန်းများ တိုးမြှင့်နိုင်မည့်အပြင် ထုတ်ကုန်ပစ္စည်းများရဲ့ အရည်အသွေးများလည်း တိုးတက်ကောင်းမွန်လာမှာဖြစ်ပြီး စွမ်းအင်ဝန်ကြီးဌာနမှ ပို့လွှတ်သည့် သဘာဝဓာတ်ငွေ့များကို အကျိုးရှိထိရောက်စွာ အသုံးပြုသွားမယ်လို့ ပြောဆိုပါတယ်။

▪️ စွမ်းအင်ဝန်ကြီးဌာနဝန်ကြီး ဦးကိုကိုလွင်က အမှတ်(၁)အထည်စက်ရုံ (ရွှေတောင်) အတွက် လိုအပ်သော သဘာဝဓာတ်ငွေ့များကို ရေနံချောင်းမြို့ရှိ ခွဲလွှတ်ရုံမှ ပေးပို့နိုင်ရေး သီးသန့်ပိုက်လိုင်းတစ်ခု တည်ဆောက်ပေးခဲ့ကာ သဘာဝဓာတ်ငွေ့နှင့် ရေနံများကို ကန့်သတ်ချက်များဖြင့် ထုတ်ယူနေရတဲ့အတွက် ပို့လွှတ်သည့် သဘာဝဓာတ်ငွေ့များကို အကျိုးရှိစွာ သုံးစွဲစေလိုကြောင်း ပြောပါတယ်။

▪️ စွမ်းအင်ဝန်ကြီးဌာနအနေဖြင့် အထည်စက်ရုံ (ရွှေတောင်)သို့ သဘာဝဓာတ်ငွေ့ များကို ၁၉၈၇ ခုနှစ်မှစတင်၍ ပြည်ရေနံမြေ၊ အဖျောက်ရေနံမြေတို့မှ ပို့လွှတ်ခဲ့ကြောင်း၊ စက်ရုံအနေဖြင့် စာချုပ်ချုပ်ဆို ထားသည့်ပမာဏအတိုင်း သုံးစွဲစေလိုကြောင်း၊ စွမ်းအင်ဝန်ကြီးဌာနအနေဖြင့် လိုအပ်ချက်များရှိပါက ပူးပေါင်းဆောင်ရွက်သွားမယ်လို့ ပြောကြားခဲ့ပါတယ်။

#Ymg_mnn #Yangon_Media_Group

Published 07 May 2024

မိခင်ဝမ်းဗိုက်ထဲမှာ သန္ဓေသားရဲ့ မျက်နှာပုံသဏ္ဍာန် ဖြစ်ပေါ်ပုံက မျိုးဗီဇတင်မကဘဲ ဖိအားသက်ရောက်မှုနဲ့လည်း သက်ဆိုင်နေတယ်လို့ UCL မှသုတေသီများက ဆိုပါတယ်။

လေ့လာချက်ထဲမှာ ကြွက်နဲ့ဖား သန္ဓေသားတွေတင်မက ဓာတ်ခွဲခန်းထုတ် လူသားသန္ဓေသားဆဲလ်တွေပါ စမ်းသပ်ခဲ့ကြပြီး ပုံမှန်ထက်ဖိအားများခြင်းက မျက်နှာဖြစ်ပေါ်ပုံကို ထိခိုက်စေကြောင်း တွေ့ရှိဖော်ပြခဲ့ကြပါတယ်။

ဖိအားကွာခြားမှုတွေက မျက်နှာသွင်ပြင် ပုံမမှန်ခြင်း ဖြစ်နိုင်ခြေ များစေတယ်လို့ ယူဆရပါတယ်။

ကလေးငယ်ရဲ့ ဦးခေါင်း၊ မျက်နှာရိုးတွေက ပူးသွားတာမျိုး၊ ပုံမှန်မဟုတ်တာမျိုး ဖြစ်ပေါ်ပြီး မျက်နှာမှာ ပုံပျက်သွားတဲ့ လက္ခဏာ ဖြစ်ပါတယ်။

မျက်နှာပုံသဏ္ဍာန် ဖြစ်ပေါ်စေတဲ့ ဆဲလ်တွေက ဖိအားများတဲ့ဒဏ်ကို ခံစားရတာ ဖြစ်ပါတယ်။

ပြင်ပရော အတွင်းမှာပါ ဖိအားပြောင်းလဲသွားခြင်းက သန္ဓေသားဖွံ့ဖြိုးမှုကို ထိခိုက်စေနိုင်ပုံကို နားလည်ရန် လိုအပ်တယ်လို့ ပရော်ဖက်ဆာ မိုင်ယာက ပြောပြသွားပါတယ်။

ထိုတွေ့ရှိချက်တွေက ပင်မစတမ်းဆဲလ် သုတေသနကိုလည်း သက်ရောက်လာနိုင်ပါတယ်။

ပင်မစတမ်းဆဲလ် ဖွံ့ဖြိုးမှုနဲ့ လုပ်ဆောင်ချက်တွေကို ဖိအားက သက်ရောက်နေတာကြောင့် ဆေးဘက်ဆိုင်ရာကိစ္စတွေမှာ ဘယ်လိုအသုံးပြုမလဲဆိုတာ ပြောင်းလဲလာနိုင်ပါတယ်။
Source: India Today
#World_Science
#Published_07 May 2024
#Yangon_Times #YMG_News #Yangon_Media_Group

Published 07 May 2024

ကိုဗစ်-၁၉ မျိုးဗီဇကွဲအသစ်ဖြစ်တဲ့ FLiRT အမျိုးအစားဟာ အမေရိကန်မှာ ပျံ့နှံ့နေပါတယ်။

ယင်းတို့ဟာ အိုမီခရွန်မျိုးဗီဇကွဲရဲ့ မျိုးနွယ်ဖြစ်သလို JN.1 ရဲ့မျိုးဆက်လည်း ဖြစ်ပါတယ်။

ယခုမျိုးဗီဇကွဲထဲမှာမှ KP.2 က အလွန်စိုးရိမ်စရာ ဖြစ်လာပါတယ်။

အမေရိကန် ရောဂါထိန်းချုပ်ကာကွယ်ရေး (CDC)ရဲ့ အချက်အလက်များအရ လွန်ခဲ့တဲ့ နှစ်ပတ်အတွင်း ကူးစက်မှုအသစ်တွေထဲမှာ KP.2 က ၂၅ ရာခိုင်နှုန်းခန့် ရှိတယ်လို့ သိရပါတယ်။

FLiRT မျိုးဗီဇကွဲတွေနဲ့ ပတ်သက်ပြီး သုတေသီများ ထပ်မံလေ့လာနေဆဲ ဖြစ်ပါတယ်။

လက်ရှိ အမေရိကန်မှာ KP.2 က ပျံ့နှံ့နေပေမယ့် နောက်လတွေမှာလည်း အဓိကကူးစက်မှုကြီး ဖြစ်လာမလားဆိုတာတော့ ပြောလို့မရသေးပါဘူး။

KP.2 နဲ့ဆက်စပ်မျိုးဗီဇကွဲတွေက ကူးစက်မှုလှိုင်းကြီးတွေလောက်တော့ မဖြစ်နိုင်ပါဘူး။

ကိုဗစ်ကြောင့် ဆေးရုံတက်ကုသရမှုနဲ့ အသက်ဆုံးပါးခြင်းတို့ကို ကာကွယ်ဆေးတွေက ကာကွယ်နိုင်ဆဲ ဆိုပေမယ့် အကြိုလေ့လာချက်များအရ FLiRT မျိုးဗီဇကွဲတွေဟာ ကာကွယ်ဆေးရဲ့ အာနိသင်ကို ပိုမိုရှောင်ရှားနိုင်ဖွယ် ရှိနေပါတယ်။

ဗိုင်းရပ်စ်က ဘယ်လိုပဲ ဗီဇပြောင်းပြောင်း ပြည်သူ့ကျန်းမာရေး လမ်းညွှန်ချက်တွေကတော့ ယခင်အတိုင်း ဆက်ရှိနေဦးမှာ ဖြစ်ပါတယ်။
Source: WION
#World_Health
#Published_07 May 2024
#Yangon_Times #YMG_News #Yangon_Media_Group

လကမ္ဘာအဝေးဖက်ခြမ်းမှ ပထမဦးဆုံးသော နမူနာများ ရယူပြန်ပို့မယ့် ချန်ဂယ်-၆ လကမ္ဘာစူးစမ်းရေးယာဥ်ကို တရုတ်က သောကြာနေ့မှာ လွှတ်တင်လိုက်ပါတယ်။
Long March-5 Y8 တင်ဆောင်ရေးဒုံးပျံထိပ်မှာ တပ်ဆင်ထားတဲ့ စူးစမ်းရေးယာဥ်ဟာ တရုတ်တောင်ပိုင်း ဟေနန်ပြည်နယ်ရှိ ဝမ်ချန်အာကာသယာဥ် လွှတ်တင်ရေးစခန်းကနေ ပေကျင်းစံတော်ချိန် ညနေ ၅ နာရီ ၂၇ မိနစ်မှာ ပစ်လွှတ်လိုက်ပြီး လကမ္ဘာတာဝန်ကို ၅၃ ရက်ကြာ ထမ်းဆောင်မှာ ဖြစ်ပါတယ်။
#World_Science
#Published_06 May 2024
#Yangon_Times #YMG_News #Yangon_Media_Group

Published_ 6 May 2024

ကရင်ပြည်နယ်၊ ကော့ကရိတ်မြို့တွင်းသို့ ပြန်လည်ဝင်ရောက် နေထိုင်နေကြသည့် ပြည်သူများနေထိုင်မှု၊ ရေနှင့်လျှပ်စစ်မီးများ အဆင်ပြေစွာ သုံးစွဲနိုင်ရေးအတွက် နေ့စဉ်နေ့တိုင်း ဆောင်ရွက်ပေးနေကြောင်း သိရပါတယ်။

တပ်မတော်သားများ၊ မြန်မာနိုင်ငံရဲတပ်ဖွဲ့ဝင်များ၊ စည်ပင်သာယာရေးအဖွဲ့မှ ဝန်ထမ်းများ၊ လျှပ်စစ်ဓတ်အားဖြန့်ဖြူးရေးလုပ်ငန်းမှ ဝန်ထမ်းများက သစ်ပင်သစ်ကိုင်း များ ခုတ်ထွင်ရှင်းလင်းခြင်း၊ ဓာတ်မီးတိုင်နှင့် လျှပ်စစ်ကြိုးများ ရှင်းလင်းသွယ်တန်းခြင်း များကို နေ့စဥ်ဆောင်ရွက်ပေးနေတာ ဖြစ်ပါတယ်။

မေ ၄ ရက်တွင် ကေ့ာကရိတ်မြို အမှတ်(၆)ရပ်ကွက်၌ နေအိမ် (၆) လုံးရှိ လက်တူးတွင်း (၆) တွင်းကို သက်ဆိုင်ရာတာဝန်ရှိသူများက Bleaching Powder (Chlorine) ဆေးခတ်ပေးခဲ့ပြီး ထောက်ပံ့ပစ္စည်းများလည်း ပေးအပ်ခဲ့ပါတယ်။

မေ ၅ ရက်နေ့အထိ အိမ်ထောင်စု (၁၀၈)စု၊ လူဦးရေ (၅၁၂)ဦး နေထိုင်စားသောက်မှု အဆင်ပြေစေရေးအတွက် ကရင်ပြည်နယ်အစိုးရအဖွဲ၏ စီမံကြီးကြပ်ဆောင်ရွက်မှုဖြင့် အိမ်ထောင်စုတစ်စုလျှင် ဆန်(၈)ပြည်၊ ဆီငါးဆယ်ကျပ်သား၊ ခေါက်ဆွဲထုပ်(၁၀)ထုပ် စုစုပေါင်းတန်ဖိုး ငွေကျပ် (၄၃)သိန်းကျော်ဖိုး ထောက်ပံ့ပေးပြီးဖြစ်ကြောင်း သိရပါတယ်။
Ymg_mnn
#Local_News
#Published_06 May 2024
#Yangon_Times #YMG_News #Yangon_Media_Group

#Daily_News
Published_06 May 2024

၁။ နေပြင်း‌တာနှင့် မိုးလေလွတ်အောင် အင်းလေး‌ဒေသကို ခရီးသွားများ မနက်စောစောလာလည်စေချင်ဟုဆို

၂။ တဟုန်ထိုး စျေးမြင့်တက်ခဲ့သည့် ဒဂုံမြို့သစ်လေးမြို့နယ်ရှိ အိမ်ခြံမြေစျေးကွက် ဈေးအနည်းငယ်ပြန်ကျလာ

၃။ ဆောက်လုပ်ရေးလုပ်ငန်းသုံးပစ္စည်းများ ၁၀ရာခိုင်နှုန်း မှ ၅၀ရာခိုင်နှုန်းအထိ မြင့်တက်နေ

၄။ လကမ္ဘာအဝေးဖက်ခြမ်း၏ နမူနာများရယူရန် ချန်ဂယ်-၆စူးစမ်းယာဥ်အား တရုတ်လွှတ်တင် ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Times #Daily_News #YMG_News #Yangon_Media_Group