ပြည်ပနိုင်ငံတွေကနေ  စားအုန်းဆီတင်သွင်းတဲ့ မူဝါဒများပြောင်းလဲခဲ့ပြီးနောက် ပြည်တွင်းဆီစက်၇၀ရာခိုင်နှုန်းအထိ ပြန်လည်လည်ပတ်လာနိုင်ခဲ့တယ်လို့မြန်မာနိုင်ငံဆီစက်လုပ်ငန်းရှင်များအသင်းက သိရပါတယ်။

#Local_News
Published 7 December 2024
#ပြည်တွင်းဆီစက် #၇၀ရာခိုင်နှုန်းပြန်လည်လည်ပတ်
#YMG/NN #Yangon_Times

တရုတ်-မြန်မာအထည်အလိပ်နဲ့  စက်ယန္တရားကုန်စည်ပြပွဲကို ရန်ကုန်မြို့ရှိ   Yangon Convention Center မှာ သုံးရက်ကြာကျင်းပနေပါတယ်။

#Local_News
Published 7 December 2024
#တရုတ်-မြန်မာ #အထည်အလိပ်နှင့် စက်ယန္တရားကုန်စည်ပြပွဲရန်ကုန်၌ကျင်းပ
#YMG/NN #Yangon_Timesmes

ထိုင်းနိုင်ငံရောက် မြန်မာလုပ်သားတွေကို နိုင်ငံကူးလက်မှတ် (Passport - စာအုပ်အနီ) နဲ့ မည်သူမည်ဝါဖြစ်ကြောင်းသက်သေခံလက်မှတ် (CI - စာအုပ်အစိမ်း)ထုတ်ပေးရာမှာငွေကြေးကောက်ခံခြင်းမရှိဘူးလို ဗန်ကောက်မြိုမှာရှိတဲ့ မြန်မာသံရုံးက ဒီဇင်ဘာလ၆ရက်က ထုတ်ပြန်လိုက်ပါတယ်။

#Local_News
Published 7 December 2024
#နိုင်ငံကူးလက်မှတ်/သက်သေခံလက်မှတ် #ငွေကြေးကောက်ခံခြင်းမရှိ
#YMG/SW #Yangon_Times

#Local_News
Published 07 December 2024

▪️ ထိုင်းနိုင်ငံရှိ စက်ရုံ၊ အလုပ်ရုံများနှင့် ဆောက်လုပ်ရေးလုပ်ငန်းများတွင် အလုပ်လုပ်ကိုင်နေသော မြန်မာလုပ်သားများ နိုင်ငံကူးလက်မှတ်နှင့် CI စာအုပ် သက်တမ်းတိုးရန်အတွက် Mobile Team ‌စေလွှတ်လုပ်ဆောင်ပေးမည်ဖြစ်ကြောင်း ဘန်ကောက်မြို့ရှိ မြန်မာသံရုံးက ယနေ့ ဒီဇင်ဘာလ ၇ရက်တွင် ထုတ်ပြန်ကြေညာလိုက်သည်။

▪️ ထိုင်းနိုင်ငံအစိုးရအဖွဲ့၏ ၂၄-၉-၂၀၂၄ ရက်နေ့ ထုတ်ပြန်ချက်အရ နိုင်ငံကူး လက်မှတ် နှင့် CI ကိုင်ဆောင်ထားသော မြန်မာလုပ်သားများအား ထိုင်းနိုင်ငံအတွင်း (၂) နှစ် သက်တမ်းရှိသည့် ယာယီနေထိုင်အလုပ်လုပ်ကိုင်ခွင့်ပြုမှုကို ပေးအပ်မည်ဖြစ်ရာ နိုင်ငံကူးလက်မှတ်များ နှင့် CI စာအုပ်များ သက်တမ်းတိုးရန် လိုအပ်လာဖြစ်ကြောင်း၊ စက်ရုံ/အလုပ်ရုံများနှင့် ဆောက်လုပ်ရေးလုပ်ငန်းများတွင် နိုင်ငံကူးလက်မှတ် သက်တမ်းတိုးရမည့်သူအရေအတွက် ၄၀ဝ ဦးနှင့်အထက်ရှိပါက လုပ်ငန်းမရပ်တံ့စေရေးနှင့် လုပ်သားများနေ့တွက် စရိတ်မဆုံးရှုံးစေရေးကို ရည်ရွယ်၍ စက်ရုံ/အလုပ်ရုံနှင့် လုပ်ငန်းခွင်သို့ Mobile Team ‌စေလွှတ်လုပ်ဆောင်ပေးမည်ဖြစ်ကြောင်း၊ ထို့ကြောင့် လုပ်သားစာရင်းအား သတ်မှတ်ပုံစံ ဖြည့်စွက်၍ လုပ်ငန်းခွင်၏ HR Manager ထောက်ခံချက်နှင့်အတူ မြန်မာသံရုံး/ ကောင်စစ် ဝန်ချုပ်ရုံးတို့၏ ကောင်စစ်ဌာနသို့ (၉-၁၂-၂၀၂၄) ရက်မှစတင်၍ လာရောက်တင်ပြရန် လိုအပ်ကြောင်း ထုတ်ပြန်ထားသည်။

▪️ နိုင်ငံကူးလက်မှတ်စာအုပ်များအနေဖြင့် (၂) နှစ် သက်တမ်းတိုးနိုင်ရန်အတွက် ပုံမှန်အားဖြင့် စာအုပ်သက်တမ်း အနည်းဆုံး ၂ နှစ် ၆ လခန့် ကျန်ရှိရန် လိုအပ်ကြောင်း၊ သို့ရာတွင် ထိုင်းနိုင်ငံ၏ သက်ဆိုင်ရာဌာနများအနေဖြင့် စာအုပ်၏ လက်ကျန်သက်တမ်း အတွင်း ယာယီနေထိုင်အလုပ်လုပ်ကိုင်ခွင့် (Work Permit / Visa) ကို ခွင့်ပြုဆောင်ရွက်ပေးမည်ဆိုပါလျှင် စာအုပ်သက်တမ်းကုန်ချိန် ရောက်ရှိပါက မြန်မာသံရုံး (ဗန်ကောက်) နှင့် ကောင်စစ်ဝန်ချုပ်ရုံး (ချင်းမိုင်) တို့တွင် စာအုပ်အသစ်ပြုလုပ်ခြင်း၊ စာအုပ်နှစ်အုပ်မှာ တစ်ဉီးတည်းဖြစ်ကြောင်း ထောက်ခံချက် (လိုအပ်လျှင်) ပြုလုပ်ခြင်းတို့ကို ဆောင်ရွက်ပေးမည်ဖြစ်ကြောင်း သိရသည်။

#YMG/SW #Yangon_Times

#Local_News
Published 07 December 2024

▪️ ရန်ကုန်-ပြည်လမ်းပေါ်တွင် ယာဉ်တိုက်မှုဖြစ်ပွားပြီး အမျိုးသမီးတစ်ဦး‌သေဆုံးခဲ့ ကြောင်း မြန်မာနိုင်ငံမီးသတ်တပ်ဖွဲ့မှ သိရသည်။

▪️ ဒီဇင်ဘာ ၇ ရက် နံနက် ၁၀ နာရီ ၅၆ မိနစ်အချိန်က ရန်ကုန်တိုင်းဒေသကြီး၊ တိုက်ကြီးမြို့နယ်၊ တာဂွကျေးရွာရှိ ရန်ကုန်-ပြည်လမ်းတွင် ယာဉ်တိုက်မှုဖြစ်ပွား၍ လူညပ်နေကြောင်း သတင်းရရှိသဖြင့် တိုက်ကြီးမြို့နယ်မီးသတ်စခန်းမှ ရှာဖွေကယ်ဆယ်ရေးတပ်ဖွဲ့ဝင်များ၊ အရန်မီးသတ်တပ်ဖွဲ့ဝင်များဖြင့် ရှာဖွေကယ်ဆယ်ရေးလုပ်ငန်းများ ထွက်ခွာဆောင်ရွက်ခဲ့ကြောင်းသိရသည်။

▪️ အဆိုပါဖြစ်စဉ်ကြောင့် မ(၁)ဦး(သေဆုံး)အား နိဗ္ဗာန်ချမ်းသာလူမှုကူညီရေးအသင်းယာဉ်ဖြင့် တိုက်ကြီးပြည်သူ့ဆေးရုံသို့ ပို့ဆောင်ပေးခဲ့ကြောင်း သိရသည်။

#YMG/SW #Yangon_Times

#Local_News
Published 7 December 2024

▪️ အလှကုန်နှင့် စားသောက်ကုန်ပစ္စည်း အမျိုးအစားပေါင်း၄၀ကျော်ကို သုံးစွဲရန်မ သင့်ကြောင်း အစားအသောက်နှင့်ဆေးဝါးကွပ်ကဲရေးဦးစီးဌာန(FDA Myanmar) က အသိပေးထုတ်ပြန်ထားသည်။

▪️ အာဆီယံဒေသတွင်းနိုင်ငံများ၏ Post- Marketing Alert System(PMAS) Report အစီအစဉ်အရ အာဆီယံဒေသတွင်းတွေ့ရှိရသော တားမြစ်ဓာတုပစ္စည်းပါဝင်သည့် အလှကုန်ပစ္စည်း (၂၀)မျိုးသည် အစားအသောက်နှင့် ဆေးဝါးကွပ်ကဲရေး ဦးစီးဌာနတွင် မှတ်ပုံတင်ထားခြင်းမရှိကြောင်း၊ ထို့ပြင် ကျန်းမာရေးအတွက် ဘေးအန္တရာယ် ဖြစ်စေနိုင်သော တားမြစ်ဓာတုပစ္စည်းများ ပါဝင်နေသဖြင့် အများပြည်သူသုံးစွဲရန် မသင့်ကြောင်း ၊ ထိုတားမြစ်ဓာတုပစ္စည်းများသည် အရေပြားယားယံခြင်း အပါအဝင် ရောင်ရမ်းခြင်း၊ အရေပြားမှတဆင့်ခန္ဓာကိုယ်အတွင်းသို့ စုပ်ယူ၍ ထုံကျင်ခြင်း၊ ပင်ပန်းနွမ်းနယ်ခြင်း၊ ခေါင်းကိုက်ခြင်းနှင့် စိတ်ကျရောဂါများအပြင် ရေရှည်သုံးစွဲပါက ကျောက်ကပ်ပျက်စီးခြင်းနှင့် အခြားရောဂါများ ဖြစ်ပွားနိုင်ကြောင်း ထုတ်ပြန်ချက်တွင် ဖော်ပြထားသည်။

▪️ ထို့အတူဈေးကွက်များတွင် ရောင်းချလျက်ရှိသော အစားအသောက်များကို ဈေးများ၊ ကျောင်းမုန့်ဈေးတန်းများမှ ဝယ်ယူစစ်ဆေးရာ အစားအသောက်(၂၁)မျိုးတွင် စားသုံးသူများ၏ ကျန်းမာရေးကိုထိခိုက်နိုင်သည့် ခွင့်မပြုဆိုးဆေးများနှင့် ခွင့်ပြုအစားအသောက် ထပ်ဖြည့်ပစ္စည်းများကို သတ်မှတ်ပမာဏထက် ပိုမိုကျော်လွန်သုံးစွဲထားကြောင်း၊ထိုအစားအသောက်များတွင် Weslsy(Yogurt Milk)၊ DJ-BIOJ(စတော်ဘယ်ရီသီးအချိုရည်)၊ပြည်‌ကျော်(သစ်သီးယို)နှင့် ခေတ်သစ်(ပုန်းရည်ကြီး) အပါအဝင် စားသောက်ကုန်(၂၁)မျိုးပါဝင်ပြီး ရေရှည်စားသုံးမိပါက အစာအိမ်၊ အသည်း၊ ကျောက်ကပ်များ ပျက်စီးခြင်းနှင့် ကင်ဆာရောဂါများဖြစ်ပွားနိုင်ကြောင်း ထုတ်ပြန်ချက်တွင်ဖော်ပြထားသည်။

▪️ အစားအသောက်ထုတ်ကုန်၊ ဖြန့်ဖြူး၊ ရောင်းချသူများသည် အစားအသောက် တွင် သုံးစွဲရန်ခွင့်မပြုသောဆိုးဆေးများ၊ ခွင့်မပြုတာရှည်ခံ ဓာတုပစ္စည်းများကို လုံးဝ အသုံးမပြုရန်နှင့် ခွင့်ပြုအစားအ‌သောက်ထပ်ဖြည့်စွက်ပစ္စည်းများကို သတ်မှတ်ပမာဏ အတွင်းသာ အသုံးပြုရန် လိုပြီး လိုက်နာဆောင်ရွက်ခြင်းမရှိပါက အမျိုးသားအစား အသောက်ဥပဒေပုဒ်မ ၂၈(က)အရ အရေးယူမည်ဖြစ်ကြောင်း သိရသည်။

#YMG/SW #Yangon_Times

၇ ဒီဇင်ဘာ ၂၀၂၄

🔳အိန္ဒိယဝန်ကြီးချုပ်မိုဒီရဲ့ ဘီဂျေပီ ပါတီက အမေရိကန်နိုင်ငံခြားရေးဝန်ကြီးဌာနဟာ အိန္ဒိယကို ပစ်မှတ်ထား တိုက်ခိုက်နေတယ်လို့ ဝေဖန်လိုက်ပါတယ်။

🔳အမေရိကန်နိုင်ငံခြားရေးဝန်ကြီးဌာနဟာ အိန္ဒိယနိုင်ငံ မတည်ငြိမ်အောင်လုပ်ဖို့ မီဒီယာအုပ်စုတစ်ခုကို ငွေ ကြေးထောက်ပံ့ပေးနေတယ်လို့စွပ်စွဲလိုက်ပါတယ်။

🔳အမေရိကန်ရဲ့ 'deep state’(နောက်ကွယ်အစိုးရ) မီဒီယာအုပ်စု၊ ဂျော့ဆိုးရော့စ်နှင့် ရာဟူးဂန္ဒီတို့ ပေါင်း  ကြံနေကြတယ်လို့ ဘီဂျေပီပါတီကပြောပါတယ်။

🔳သတင်းသမားတွေကိုထောက်ပံ့ကူညီပေမယ့် သူတို့ဟာ အယ်ဒီတာပိုင်းဆိုင်ရာဆုံးဖြတ်ချက်တွေ  အပေါ် ဩဇာမလွှမ်းမိုးပါဘူးလို့ အမေရိကန်ကတုန့်ပြန်ပါတယ်။

🔳အိန္ဒိယစွပ်စွဲထားတဲ့ အဲဒီ မီဒီယာအုပ်စုဖြစ်တဲ့ Organized Crime and Corruption Reporting Project (OCCRP)က သူတို့ဟာ အမေရိကန်အစိုးရရဲ့ ရန်ပုံငွေနှင့်လုပ်နေပေမယ့် လွတ်လပ်တယ်လို့ ပြန်ဖြေရှင်း ထားပါတယ်။

🔳ရာဟူးဂန္ဒီရဲ့ ကွန်ဂရက်ပါတီဟာ   အိန္ဒိယရဲ့ အက်ဒါနီစီးပွားရေးအုပ်စုနှင့် အဲဒီအုပ်စုက အစိုးရနှင့် ဆက်နွယ်မှုတွေကို သီးခြား ရည်ရွယ်ရေးသားတဲ့ OCCRP ရဲ့ ဆောင်းပါးတွေကို အသုံးပြုပြီး ထိုးနှက်နေ တယ်လို့ ဘီဂျေပီက ဝေဖန်ထားတာဖြစ်ပါတယ်။

Source-Reuters and agencies

#World_News
Published 07 December 2024

▪️ တောင်ကိုရီးယားသမ္မတ ယွန်ဆော့ယောလ်ကို စွဲချက်တင်ဖို့ ပါလီမန်မှာ မဲခွဲဆုံးဖြတ်မှု မပြုလုပ်ခင် နာရီပိုင်းလောက်မှာ စစ်အုပ်ချုပ်ရေးအမိန့် ချမှတ်ရန် ကြိုးပမ်းခဲ့ခြင်းကြောင့် အများပြည်သူ စိုးရိမ်ပူပန်မှု ဖြစ်စေခဲ့တဲ့အတွက် သမ္မတက စနေနေ့မှာ တောင်းပန်လိုက်ပါတယ်။

▪️ အမိန့်ကြေညာချက်အတွက် ဥပဒေရေးရာနဲ့ နိုင်ငံရေးအကျိုးဆက် တာဝန်များကို ရှောင်လွှဲမှာမဟုတ်သလို ထပ်မံချမှတ်ဖို့လည်း ကြိုးပမ်းမှာမဟုတ်ဘူးလို့ ကတိပြုခဲ့ကြောင်း စနေနေ့နံနက်ပိုင်း ရုပ်သံအစီအစဉ်ကနေ ပြောသွားပါတယ်။

▪️ ယင်းရဲ့ သမ္မတရာထူးသက်တမ်းနဲ့ ပတ်သက်တဲ့ ကိစ္စများ အပါအဝင် နိုင်ငံရေး မတည်ငြိမ်မှုတွေကို ကျော်ဖြတ်လမ်းပြဖို့ ကွန်ဆာဗေးတစ် နိုင်ငံရေးပါတီကို လွှဲသွားမယ်လို့ ဆိုပါတယ်။

▪️ နိုင်ငံတဝှမ်းမှာ ယင်းကိုရာထူးမှ ဖယ်ရှားဖို့ ဆန္ဒပြနေကြရာ တောင်ကိုရီးယား လွှတ်တော်အမတ်များက စစ်အုပ်ချုပ်ရေးအမိန့်ချမှတ်ရန် ခဏတာကြိုးပမ်းခဲ့တဲ့ သမ္မတကို စွဲချက်တင်ရန် မဲခွဲဆုံးဖြတ်မှာ ဖြစ်ပါတယ်။

▪️ စွဲချက်တင်ဖို့ရာ အတိုက်အခံ လွှတ်တော်အမတ်များမှ ကြိုးပမ်းခဲ့ခြင်းက လိုအပ်တဲ့မဲ ၃ ပုံ ၂ ပုံရရှိခြင်း ရှိမရှိ သေချာမသိရပါဘူး။

▪️ ဒါပေမဲ့ သမ္မတရဲ့ပါတီခေါင်းဆောင်ကပင် ယွန်ဆော့ယောလ်ဟာ ဒီထက်ပြင်းထန်တဲ့ လုပ်ရပ်တွေ ကိုင်တွယ်ဖို့နဲ့ သမ္မတရာထူး ဆက်လက်ထိန်းသိမ်းဖို့ မသင့်လျော်ဘူးလို့ ပြောလာကာ သူ့ရဲ့လုပ်ပိုင်ခွင့်အာဏာကို ဆိုင်းငံ့ရန် တောင်းဆိုလာပါတယ်။

▪️ သမ္မတကို စွဲချက်တင်ဖို့အတွက် နိုင်ငံတော် လွှတ်တော်ညီလာခံ အဖွဲ့ဝင် ၃၀၀ ထဲမှ ထောက်ခံမဲ ၂၀၀ ရရှိရန်လိုအပ်ပြီး အတိုက်အခံပါတီတွေက နေရာစုစုပေါင်း ၁၉၂ နေရာရှိပါတယ်။

▪️ ဒါကြောင့် သမ္မတရဲ့ ပြည်သူ့အာဏာပါတီ(PPP)မှ အနည်းဆုံး ၈ မဲရရှိရင် ဆုံးဖြတ်မဲအရေအတွက် ပြည့်မီပါပြီ။

▪️ ယွန်ဆော့ယောလ်က အတိုက်အခံတွေ ထိန်းချုပ်ထားတဲ့ ပါလီမန်ကို ရာဇဝတ်သားများ ခိုအောင်းတဲ့နေရာလို့ ပြောလိုက်ပြီး ရုပ်သံကနေ စစ်အုပ်ချုပ်ရေးအမိန့်ကြေညာချက် ထုတ်လိုက်ပြီးနောက် ၃ နာရီမတိုင်ခင်မှာပဲ ဗုဒ္ဓဟူးနေ့မှာ ထိုအမိန့်ဥပဒေကို ပါလီမန်က ကန့်ကွက်မဲမရှိ ၁၉၀-၀ မဲဖြင့် တညီတညွတ်တည်း ဖျက်သိမ်းခဲ့ကြတာ ဖြစ်ပါတယ်။

#Source: AP News

#Local_News
Published 7 December 2024

▪️ ယနေ့မနက်အစောပိုင်း၌ စမ်းချောင်းမြို့နယ်တွင် မီးလောင်မှု တစ်ခုဖြစ်ပွားခဲ့ရာ အမျိုးသားတစ်ဦး‌သေဆုံးခဲ့ကြောင်း မြန်မာနိုင်ငံမီးသတ်တပ်ဖွဲ့နှင့် ရဲသူရိန် စမ်းချောင်းအရန်မီးသတ်တပ်ဖွဲ့မှသိရသည်။

▪️ ဒီဇင်ဘာလ ၇ ရက်နေ့၊ မနက်၃နာရီ ၈ မိနစ်အချိန်ခန့်က ရန်ကုန်တိုင်းဒေသကြီး၊ စမ်းချောင်းမြို့နယ်၊ အောင်ချမ်းသာရပ်ကွက်၊ သီရိမင်္ဂလာလမ်းတွင် မီးလောင်မှုဖြစ်ပွားခဲ့ကြောင်း သိရသည်။

▪️ အဆိုပါ သတင်းရရှိသဖြင့် အနောက်ပိုင်းခရိုင်မီးသတ်စခန်းမှ ရေသယ်ယာဉ်(၁)စီး၊ အလုံမြို့နယ် မီးသတ်စခန်းမှ မီးငြှိမ်းသတ်ယာဉ်(၁)စီး၊ စမ်းချောင်းမြို့နယ်မီးသတ်စခန်းမှ မီးသတ်ယာဉ်အုပ်စုထွက်ခွာငြိမ်းသတ်ခဲ့ကြောင်းသိရသည်။

▪️ ထိုသို့ငြိမ်းသတ်ခဲ့ရာ မနက်၃ နာရီ၂၂ မိနစ်အချိန်၌  မီးထိန်းနိုင်ခဲ့ပြီး
၃ နာရီ၃၇မိနစ်အချိန်တွင်  မီးငြိမ်းခဲ့ ကြောင်း ၊မီးလောင် ကြောင့် အမျိုးသားတစ်ဦး‌သေဆုံးခဲ့ပြီး ဖြစ်စဥ်နှင့်ပျက်စီးဆုံးရှုံးမှုတန်ဖိုးများအား ဆက်လက်စုံစမ်းလျှက်ရှိ‌ ကြောင်းသိရသည်။

#YMG/NN #Yangon_Times

#World_Science
Published 07 December 2024

▪️ လွန်ခဲ့တဲ့နှစ် ၁ သန်းခွဲလောက်က လူသားမျိုးနွယ် ၂ မျိုး ယှဉ်တွဲနေထိုင်ခဲ့ပြီး အပြန်အလှန် ပြုမူခဲ့ကြဟန်ရှိတယ်လို့ လေ့လာတွေ့ရှိလာပါတယ်။

▪️ ယနေ့ခေတ် ကင်ညာနိုင်ငံရှိနေတဲ့ ရေကန်တစ်ခုနားမှာ ရှေးခေတ်လူသားမျိုးစိတ် ၂ မျိုး သွားလာခဲ့ကြကာ ထိုရေကန်က ကူဘီဖိုရာ ရုပ်ကြွင်းနေရာမှာ ရှိပါတယ်။

▪️ သဲပြင်နေရာတွေထဲမှာ ရုပ်ကြွင်းခြေရာများကို မထင်မှတ်ဘဲ တွေ့ရှိခဲ့တာ ဖြစ်ပါတယ်။

▪️ ယင်းမျိုးစိတ် ၂ မျိုးဟာ အိမ်နီးချင်းတွေလိုမျိုး ရင်းနှီးစွာ နေထိုင်ခဲ့ဟန်ရှိတယ်လို့ သိပ္ပံပညာရှင်များ ဆိုပါတယ်။

▪️ မျက်နှာပြင်တစ်မျိုးထဲမှာ ၂ မျိုးစလုံးကို တူညီတဲ့အချိန်အတွင်း နီးစပ်စွာ တွေ့ရတယ်လို့ အမေရိကန် ရုဂျာစ်တက္ကသိုလ်မှ ဘူမိဗေဒပညာရှင် ခရိတ်ဖေဘယ်က ပြောသွားပါတယ်။

▪️ ရေကန်ရဲ့ အနီးတဝိုက်မှာ နီးကပ်စွာတွေ့ရပြီး ၂ ရက်လောက်အထိ နာရီပိုင်းအတွင်း ဖြတ်သန်းသွားကြတယ်လို့ ယူဆရကြောင်း ချာသမ်တက္ကသိုလ်မှ ဇီဝဗေဒတွဲဖက်ပရော်ဖက်ဆာ ကယ်ဗင်ဟာတယ်လာက ပြောသွားပါတယ်။

▪️ တစ်ဖက်နဲ့ တစ်ဖက်သိနေကြပြီး အပြန်အလှန် ဆက်သွယ်ခဲ့ကြဟန်ရှိတယ်လို့ ဆိုပါတယ်။

▪️ ကူဘီဖိုရာရှိ ခြေရာများကို ၂၀၀၇ မှာ စတင်တွေ့ရှိခဲ့ပြီး ယနေ့ခေတ် လူသားတွေလိုမျိုး မတ်တပ်ရပ်လမ်းလျှောက်ကြတဲ့ သက်တမ်းအရင့်ဆုံး လူသားမျိုးနွယ်များလို့ သိထားပါတယ်။

▪️ ထိုနေရာမှာပဲ ရှေးခေတ်လူသားမျိုးနွယ် အများအပြားရဲ့ ရုပ်ကြင်းများကိုလည်း တွေ့ရှိထားပါတယ်။

▪️ တွေ့ရှိခဲ့တဲ့ မျိုးစိတ် ၂ ခုဟာ မတူညီတဲ့ နေထိုင်စားသောက်မှုပုံစံ ရှိကြပေမယ့် တစ်ဦးနဲ့တစ်ဦး ယှဉ်ပြိုင်ခြင်းမရှိဘဲ ငြိမ်းချမ်းစွာ နေထိုင်ခဲ့ကြတယ်လို့ သုတေသီများ ဆိုပါတယ်။

#Source: WION

#World_Health
Published 07 December 2024

▪️ မျက်လုံးသွေးယို ဗိုင်းရပ်စ်လို့ခေါ်တဲ့ မားဘာ့ဂ်ဗိုင်းရပ်စ်အပြင် မျောက်ကျောက်နဲ့ အော်ရိုပေါ့ချ်အဖျားရောဂါတို့ ပျံ့နှံ့နေတာကြောင့် နိုင်ငံ ၁၇ နိုင်ငံမှာ ခရီးသွားဧည့်သည်များကို သတိပေးချက် ထုတ်ပြန်ထားပါတယ်။

▪️ မားဘာ့ဂ်ဗိုင်းရပ်စ်ကြောင့် ရဝမ်ဒါမှာ ၁၅ ဦးသေဆုံးထားကာ ရာနဲ့ချီ ကူးစက်ထားတယ်လို့ ခန့်မှန်းရပါတယ်။

▪️ မားဘာ့ဂ်ဗိုင်းရပ်စ်ဟာ ရောဂါလက္ခဏာပြင်းထန်ပြီး ဗိုင်းရပ်စ်သွေးလွန်တုပ်ကွေး ဖြစ်နိုင်ကာ သွေးကြောများ ထိခိုက်တတ်ပြီး သွေးထွက်တတ်ပါတယ်။

▪️ အီဘိုလာမျိုးနွယ်ဝင်ဖြစ်ပြီး အသီးစားလင်းနို့တွေကနေ အစပြုကာ လူသားတွေမှာတော့ ခန္ဓာကိုယ်ထဲက အရည်များဖြစ်တဲ့ သွေး၊ တံတွေး၊ ဆီးတို့နဲ့ တိုက်ရိုက်ထိတွေ့ပြီး ကူးစက်နိုင်ပါတယ်။

▪️ ကူးစက်ခံရသူတွေဟာ အဖျားကြီးခြင်း၊ အပြင်းအထန် ခေါင်းကိုက်ခြင်း၊ ကြွက်သားနာခြင်း၊ အော့အန်ခြင်း၊ ဝမ်းလျှောခြင်းတို့ ဖြစ်နိုင်ကာ ဒီထက်ပြင်းထန်ရင် ကိုယ်တွင်းသွေးထွက်ခြင်း၊ အင်္ဂါပျက်ခြင်းနဲ့ သေဆုံးခြင်းအထိပါ ဖြစ်နိုင်ပါတယ်။

▪️ ကျန်းမာရေး စောင့်ရှောက်မှုနဲ့ ဗိုင်းရပ်စ်မျိုးနွယ်အပေါ် မူတည်ပြီး အသက်အန္တရာယ်က ၂၄ ကနေ ၈၈ ရာခိုင်နှုန်းအထိ ပြောင်းလဲနိုင်ပါတယ်။

▪️ အောက်တိုဘာလအတွင်း ရဝမ်ဒါ ကျန်းမာရေးအရာရှိများက ရောဂါပိုးကူးစက်သူများကို သီးသန့်ခွဲထားခဲ့ပြီး ထိတွေ့မိသူများကို ခြေရာခံလိုက်ခဲ့ပါတယ်။

▪️ အီဘိုလာနဲ့ လက္ခဏာတွေ ကူးစက်ပုံတွေ ဆင်တူတာကြောင့် ပျံ့ပွားမှုကို ကာကွယ်ဖို့ အရေးကြီးပါတယ်။

▪️ ရောဂါပြင်းထန်တဲ့သူတွေမှာ ရင်ဘတ်အောင့်ခြင်း၊ အော့အန်ခြင်း၊ ဝမ်းလျှောခြင်း၊ မူးဝေခြင်း၊ ဝိတ်ကျခြင်း၊ သွေးအန်ခြင်း၊ နှာခေါင်း မျက်လုံး ပါးစပ် ယောနိတို့ကနေ သွေးထွက်ခြင်းတို့ပင် ဖြစ်နိုင်ပါတယ်။

▪️ ထိုအချိန်မှာ လူနာရဲ့ပုံပန်းသဏ္ဍာန်က သရဲလိုပုံစံမျိုးဖြစ်နေပြီး မျက်တွင်းကျခြင်း၊ မျက်နှာခံစားချက်မဲ့ခြင်း၊ အားအင်ကုန်ခမ်းခြင်းတို့ ဖြစ်နိုင်တယ်လို့ WHOက ဆိုပါတယ်။

#Source: India Today

#News&Views

News

ရွေးကောက်ခံအမေရိကန်သမ္မတ ဒေါ်နယ်ထရမ့်က ဂျော်ဂျီယာဆီးနိတ်အမတ်ဟောင်း ဒေးဗစ် ပါဂျူးကို  တရုတ်နိုင်ငံဆိုင်ရာ အမေရိကန်သံအမတ်ကြီးအဖြစ် အဆိုပြုရွေးချယ်လိုက်ပါတယ်။ ယခုအခါ အသက် ၇၄နှစ်ရှိပြီဖြစ်တဲ့ ဒေးဗစ်ပါဂျူးဟာ အမတ်ဟောင်းတစ်ဦးဖြစ်သလို့ စီပွားရေးလုပ်ငန်းတွေရဲ့ အကြီးတန်း အမှုဆောင်ရာထူးများထမ်းဆောင်ခဲ့သူလည်းဖြစ်ပါတယ်။သူသာ တရုတ်နိုင်ငံဆိုင်ရာ သံအမတ်ကြီး ဖြစ်လာရင် တရုတ်-အမေရိကန်ဆက်ဆံရေးအခြေအနေကောင်းလာမလား ဆိုးလာမလား။

Views

အမြင်တွေက နှစ်မျိုးစလုံးရှိနေပါတယ်။ ပထမဦးဆုံး အကောင်းမြင်သူတွေက ဘာကို အခြေခံပြီး ပြောကြသလဲဆန်းစစ်ကြည့်ကြရအောင်။

စီးပွားရေးလုပ်ငန်းနောက်ခံ-

ပါဂျူးရဲ့ စီးပွားရေးလုပ်ငန်းတွေရဲ့ ခေါင်းဆောင်အဖြစ်  အဲဒီအထဲမှာ Reebok နှင့်  Dollar General  ကုမ္ပဏီကြီးတွေမှာ ဆောင်ရွက်ခဲ့တဲ့ ကြီးမားလှတဲ့ အတွေ့အကြုံတွေရှိနေတဲ့သူဟာ အမေရိကန်-တရုတ်   ဆက်ဆံရေးမှာ အရေးပါလှတဲ့နေရာမှာရှိနေတဲ့ ဆိုးရွာရှုပ်ထွေးလှတဲ့ စီးပွားရေးအပေးအယူတွေ   လုပ်ကြ ရတော့မယ်ဆိုရင် ကျွမ်းကျင်လိမ္မာစွာကိုင်တွယ်နိုင်လိမ့်မယ်လို့ ယူဆကြပါတယ်။

မဟာဗျူဟာအမြင်-

သူဟာဆီးနိတ်အမတ်လည်းလုပ်ခဲ့စဉ်က တရုတ်နိုင်ငံရဲ့ စိန်ခေါ်မှုတွေဖြေရှင်းဖို့ အမေရိကန်ရဲ့စစ်ရေး အရည်အသွေးတွေမြှင့်တင်ဖို့ စည်းရုံးလုပ်ရှားဖူးခဲ့ပါတယ်။ အဲဒါတွေက လုံခြုံရေးကိစ္စတွေနှင့်ပတ်သက်  လို့ အမေရိကန်ရဲ့အနေအထားကို အားကောင်းအောင်လုပ်ပေးနိုင်ပါလိမ့်မယ်။

မကောင်းတဲ့အမြင်ရှိသူတွေကတော့ ဒီလိုသုံးသပ်ကြပါတယ်။

စီပွားရေးနှင့်စစ်ရေးမူဝါဒ-

မကောင်းတဲ့ဘက်ကမြင်သူတွေကတော့ သူဟာ  တရုတ်ဆန့်ကျင်ရေးသမားတစ်ဦးလို့ တံဆိပ်ကပ်ကြ ပါတယ်။  သူ့ရဲ့ စီးပွားရေးရဲ့စစ်ရေးမူဝါဒတွေအပေါ် ခိုင်မာစွာရပ်တည်တဲ့သဘောထားအပေါ် သုံးသပ် ကြတာဖြစ်ပါတယ်။ အဲဒါတွေကြောင် တရုတ်နှင့်ဆက်ဆံရေးအပေါ် ထိခိုက်ဆိုးရွားစေနိုင်တယ်လို့ မြင်ထားကြပါတယ်။

တစ်ဘက်တည်းရပ်သူ-

သူဟာထရမ့်နှင့်နီးကပ်သူဖြစ်ပြီး အမေရိကန်ရွေးကောက်ပွဲ ဂုဏ်သိက္ခာရှိရဲ့လားလို့မေးခွန်းထုတ်ခဲ့တာ မျိုးအပါအဝင် အငြင်းပွားဖွယ်မူဝါဒတွေနှင့် ထရမ့်ဘက်မှာပဲရှိခဲ့ပါတယ်။ အဲဒါကြောင့် သူဟာ မျှတတဲ့ သံတမန်ရေးဆိုင်ရာချည်းကပ်မှုတွေလုပ်နိုင်ပါ့မလားလို့ သံသယရှိနေကြပါတယ်။

သုံးသပ်ချက်

တရုတ်နိုင်ငံအတွက်တော့ သူ့ကိုခန့်လိုက်တဲ့အပေါ် စိန်ခေါ်မှုတစ်ခုလို့ မြင်ကောင်းမြင်နိုင်ပါတယ်။ ဒါပေမယ့် သူ့ရဲ့အပြုသဘောဆောင်တဲ့ စီးပွားရေးလုပ်ငန်းဆိုင်ရာချည်းကပ်တတ်မှုတွေဟာ  အကယ်၍ နှစ်နိုင်ငံက အပြန်အလှန်အကျိုးစီးပွားကို အာရုံစိုက်လာရင် စီးပွားရေးအပေးအယူလုပ်ရာမှာ အသုံး ပိုတည့် လာနိုင်ပါတယ်။

ထရမ့်ကတော့ “ ဒေသတွင်းမှာ ငြိမ်းချမ်းရေးနှင့် တရုတ်ခေါင်းဆောင်တွေနှင့် အလုပ်ဖြစ်တဲ့ လုပ်ငန်းပိုင်း  ဆိုင်ရာဆက်ဆံရေးတစ်ခုထိန်းသိမ်းနိုင်ရေးအတွက် ကျွန်တော့်ရဲ့ မဟာဗျူဟာကို အကောင်အထည်ဖော် ရာမှာ သူဟာ အရေးပါလာပါလိမ့်မယ်” လို့ ပြောထားပါတယ်။

#knl/ymg