#Local_News
Published 23 December 2024

▪️ ဖန်ကန်ရာဇီရေခဲတောင်သို့ တက်ရောက်လိုသူများအတွက် ရေခဲတောင်တက်ခ ရီးစဉ်များကို လာမည့်နှစ် ဖေဖော်ဝါရီလဆန်းပိုင်းတွင် စတင်သွားမည်ဖြစ်ကြောင်း နှစ်စဉ်ခရီးသွားများကို ပို့ဆောင်ပေးလျှက်ရှိသည့် ကိုရဲ(ပူတာအို)ထံမှ သိရသည်။

▪️ ရေခဲတောင်တက်ခရီးစဉ်အတွက် ဖေဖော်ဝါရီလမှမေလအထိ ခရီးစဉ် လေးခုစီစဉ်ထားပြီး ခရီးစဉ်တစ်ခုလျှင် တစ်ပတ်ကြာမြင်မည်ဖြစ်ကာခရီး စဉ်များကို ပူတာအိုမြို့မှ စတက်ထွက်ခွာမည်ဖြစ်ကြောင်း သိရသည်။

▪️ "ခုခရီးစဉ်လေးခုက တောင်တက်သမားတွေမဟုတ်တဲ့ သာမန်တောင်တက်ဝါသနာရှင်တွေနဲပ ရေခဲကိုထိတွေ့ကိုင်တွယ်လိုသူတွေအတွက် စီစဉ်ပေးတဲ့ခရီးစဉ်ပါ"ဟု ကိုရဲ(ပူတာအို)က ပြောသည်။

▪️ ဖန်ကန်ရာဇီရေခဲတောင်သို့ စုပေါင်း ထွက်ခွါမည့် ရက်စွဲများမှာ ၆.၂.၂၀၂၅ ရက်မှ ၁၂.၂.၂၀၂၅ ရက်အထိ၊ ၆.၃.၂၀၂၅ ရက်မှ ၁၂.၃.၂၀၂၅ ရက်အထိ၊၁၀.၄.၂၀၂၅ ရက်မှ ၁၆.၄.၂၀၂၅ ရက်အထိနှင့်၁.၅.၂၀၂၅ ရက်မှ ၇.၅.၂၀၂၅ ရက်အ ထိမိမိအဖွဲ့နှင့် မိမိ သီးသန့် တက်ရောက်လိုသူများကိုလည်း နှစ်သက်ရာ ရက်စွဲဖြင့် စီစဉ်ပေးကြောင်း၊ ဖုန်ကန်ရာဇီ ရေခဲတောင်တက်ခရီးသည် သာမန်သူများ အနေဖြင့် ပူတာအိုမှ ဖန်ကန်ရာဇီ ရေခဲတောင်သို့ ပုံမှန်လမ်းလျှောက်သွားလျှင် ၄ ညအိပ် ၅ ရက် ကြာမြင့်မည်ဖြစ်ပြီး၊ ဆိုင်ကယ် (၂)ရက်၊ ရန်ကုန် - မန္တလေး- မြစ်ကြီးနားမှ လာလျှင် လေယာဉ်ဖြင့်လာရပြီး ပူတာအိုရောက်ရှိသောနေ့နှင့် ပူတာအိုမှမိမိနေရပ်သို့ ပြန်သောနေ့ နှစ်ရက်ပိုမည်ဖြစ်သောကြောင့် ဖန်ကန်ရာဇီခရီးစဉ်သည် ရန်ကုန် မန္တလေး မြစ်ကြီးနားမှ လာလျှင် ၈ ညအိပ် ၉ ရက် ကြာမြင့်သွားမည်ဖြစ်ကြောင်း သိရသည်။

#YMG/SW #Yangon_Times

#Local_News
Published 23 December 2024

▪️ ယခုဘဏ္ဍာနှစ် ရှစ်လတာကာလအတွင်း ပြည်ပနိုင်ငံများသို့  အမေရိကန်ဒေါ်လာ ၁၇သန်းကျော် တန်ဖိုးရှိ ပုစွန်မက်ထရစ်တန်ချိန် ၅,၀၀၀ ကျော်တင်ပို့နိုင်ခဲ့ကြောင်း ငါးလုပ်ငန်းဦးစီးဌာနမှ  သိရသည်။

▪️ ၂၀၂၄-၂၀၂၅ ဘဏ္ဍာနှစ် ဧပြီလ ၁ ရက်မှ နိုဝင်ဘာလ ၃၀ ရက်အထိ ရှစ်လတာကာလအတွင်း ပြည်ပသို့ပုံမှန်ကုန်သွယ်မှုမှ မက်ထရစ်တန် ၄,၃၃၅ ဒသမ ၆၅၇ တန်တင်ပို့ပြီး အမေရိကန်ဒေါ်လာ ၁၂ ဒသမ ၅၄၃ သန်းရရှိခဲ့ပြီး နယ်စပ်ကုန်သွယ်မှုမှ မက်ထရစ်တန် ၉၆၂ ဒသမ ၉ တန်တင်ပို့ပြီး အမေရိကန်ဒေါ်လာ ၅ ဒသမ ၃၂၈ သန်းရရှိခဲ့ကြောင်းသိရသည်။    

▪️ ထို့ကြောင့်  စုစုပေါင်းတင်ပို့မှု ပုစွန်မက်ထရစ်တန် ၅,၂၉၈ ဒသမ ၅၅၇ တန်တင်ပို့ခဲ့ရာမှ အမေရိကန်ဒေါ်လာ ၁၇ ဒသမ ၈၇၁ သန်း ရရှိခဲ့ကြောင်း သိရသည်။

▪️ ရေထွက်ကုန်များကို တရုတ်၊ ထိုင်း၊ ဘင်္ဂလားဒေ့ရှ်၊ ဂျပန် စသည့် နိုင်ငံပေါင်း ၄၀ ကျော်သို့ တင်ပို့လျက်ရှိပြီး ပင်လယ်ရေကြောင်းအပြင် နယ်စပ်ကုန်သွယ်ရေးမှလည်း တိုက်ရိုက်တင်ပို့လျက်ရှိကြောင်း သိရသည်။

#YMG/NN #Yangon_Times

#Local_News
Published 23 December 2024

▪️ (၉) ကြိမ်မြောက် သီတဂူမျက်စိအလှူတော်ကို ရန်ကုန်မြို့၌ ဒီဇင်ဘာ၂၄ရက်  မနက်ဖန်တွင် ပြုလုပ်သွားမည်ဖြစ်ကြောင်းသီတဂူစက္ခုဒါနဆေးရုံ (ရန်ကုန်) မှ သိရသည်။

▪️ အဆိုပါ (၉) ကြိမ်မြောက် သီတဂူမျက်စိအလှူတော် အစီအစဉ်ကို ဒဂုံမြို့သစ်မြောက်ပိုင်းမြို့နယ်၊ သီတဂူစက္ခုဒါနဆေးရုံ(ရန်ကုန်)၌ သီတဂူအဖွဲ့က မြန်မာနိုင်ငံ အရပ်မျက်နှာအသီးသီးမှ မျက်စိဝေဒနာရှင်များအား ကြည့်ရှု စစ်ဆေးစမ်းသပ် ခွဲစိပ်ကုသခြင်းလုပ်ငန်းများကို အခမဲ့ (FOC) စီစဉ်ဆောင်ရွက်ပေးသွားမည်ဖြစ်ကြောင်း သိရသည်။

▪️ ယင်းအစီအစဉ်အား ဒီဇင်ဘာလ ၂၄ ရက်မှ ၂၉ ရက်အထိ ‌ခြောက်ရက်တိုင်တိုင် ပြုလုပ်သွားမည် ဖြစ်ကာ နိုဝင်ဘာလအတွင်းက စမ်းသပ်စစ်ဆေးပြီးသူများကိုသာ ခေါ်ယူသွားမည်ဖြစ်ပြီး ယခုအကြိမ်တွင် ပြင်ပစမ်းသပ်ခြင်းမရှိ၍ အသစ်မခေါ်သေးကြောင်း သိရသည်။

#YMG/NN #Yangon_Times

#World_News
Published 23 December 2024

▪️ အမေရိကန် ရွေးချယ်ခံသမ္မတ ဒေါ်နယ်ထရမ့်က အမေရိကန်မှာ TikTokကို အနည်းဆုံးတော့ နောက်ထပ်အချိန်အနည်းငယ် ဆက်လက်လည်ပတ်ခွင့် ပြုလိုကာ သမ္မတမဲဆွယ်စည်းရုံးရေးများ ပြုလုပ်စဉ်က TikTokကနေ ကြည့်ရှုသူ ဘီလီယံနဲ့ချီ ရရှိခဲ့တယ်လို့ တနင်္ဂနွေနေ့က ပြောသွားပါတယ်။

▪️ အရီဇိုးနားပြည်နယ် ဖီးနစ်မြို့မှာ ကွန်ဆာဗေးတစ်ထောက်ခံသူများရှေ့မှောက် ထရမ့်ပြောကြားခဲ့တာဖြစ်ပြီး အမေရိကန်ဈေးကွက်ကနေ TikTokထွက်ခွာနိုင်ဖွယ်ရှိတာကို ဆန့်ကျင်နေပေမယ့်လည်း ယခုပြောကြားချက်ကတော့ အပြင်းထန်ဆုံး သတိပေးချက်တစ်ခု ဖြစ်လာပါတယ်။

▪️ နိုင်ငံတော်လုံခြုံရေး စိုးရိမ်မှုများကို အကြောင်းပြုပြီး အမေရိကန် အထက်လွှတ်တော်က တရုတ်မှ TikTokမူရင်းကုမ္ပဏီ ByteDanceကို အက်ပလီကေးရှင်း လည်ပတ်ခွင့်ရုပ်သိမ်းဖို့ ဧပြီလက ဥပဒေတစ်ရပ် အတည်ပြုခဲ့ပါတယ်။

▪️ TikTokပိုင်ရှင်တွေက ထိုဥပဒေပိတ်ပင်ဖို့ ကြိုးပမ်းခဲ့ကြပြီး အမေရိကန် တရားရုံးချုပ်က အမှုကြားနာရန် သဘောတူခဲ့ပါတယ်။

▪️ ဒါပေမဲ့ တရားရုံးက ByteDanceကို မျက်နှာသာမပေးဘဲ အက်ပလီကေးရှင်း မရုပ်သိမ်းဘူးဆိုရင် ထရမ့်သမ္မတတာဝန်မယူခင် တစ်ရက်အလို ဇန်နဝါရီ ၁၉ရက်နေ့မှာ အမေရိကန်အတွင်း ထိထိရောက်ရောက် ပိတ်ပင်သွားမှာ ဖြစ်ပါတယ်။

▪️ TikTokပိုင်ရှင်လွှဲပြောင်းရောင်းချခြင်း အမိန့်ကို ထရမ့်ပြန်လည်ပြုပြင်မလားဆိုတာ သေချာမသိရသေးပါဘူး။

▪️ "TikTok အသုံးပြုနေဆဲ ဖြစ်တယ်ဆိုရင် ပြန်လည်စဉ်းစားစရာ ဖြစ်လာပြီး ကြည့်ရှုသူ ဘီလီယံနဲ့ချီ ရှိနေတာက ရွေးကောက်ပွဲမှာ မှတ်တမ်းသစ် ထူထောင်နိုင်ခဲ့တာကြောင့် နောက်ထပ်ခဏလောက်တော့ ခွင့်ပြုထားနိုင်ဖွယ် ရှိပါတယ်" လို့ ထရမ့်က AmericaFest မှာ ပြောကြားလိုက်ပါတယ်။

▪️ ထရမ့်က တနင်္လာနေ့မှာ TikTok စီအီးအိုနဲ့ တွေ့ဆုံခဲ့ပြီး စည်းရုံးရေးအောင်ပွဲအတွက် ကျေးဇူးတင်ရှိကြောင်း ကြိုဆိုလိုက်ပါတယ်။

▪️ တရုတ်ထိန်းချုပ်ထားတဲ့ TikTokဟာ အမေရိကန်တို့ရဲ့ လုံခြုံရေးကို ခြိမ်းခြောက်နေတယ်လို့ တရားစီရင်ရေးဌာနက ဆိုထားပြီး လွှတ်တော်အမတ်အများစုကလည်း ဒါကိုထောက်ခံနေပါတယ်။

▪️ TikTokကတော့ ဒီစွပ်စွဲချက်ဟာ မှားယွင်းနေပြီး အမေရိကန်မှ အသုံးပြုသူတွေရဲ့ အချက်အလက်တွေနဲ့ ပါဝင်တဲ့ အကြောင်းအရာတွေဟာ အမေရိကန်မှ Oracle Corpကုမ္ပဏီ ကိုင်တွယ်နေတဲ့ cloudဆာဗာတွေမှာ သိမ်းဆည်းထားကာ အမေရိကန်သုံးစွဲသူတွေအပေါ် အကြောင်းအရာ စိစစ်ဆုံးဖြတ်ချက်တွေကိုလည်း အမေရိကန်မှာပဲ လုပ်တယ်လို့ ပြောပါတယ်။

#Source: Reuters

#World_Health
Published 23 December 2024

▪️ ကမ္ဘာတဝှမ်းက အသက် ၂၅ နှစ်မှ ၄၉ နှစ်ကြားလူတွေမှာ အူမကြီးကင်ဆာ စောစီးစွာဖြစ်ပွားမှု မြင့်မားလာပြီး အထူးသဖြင့် အင်္ဂလန်ဟာ တခြားနိုင်ငံတွေထက် ပိုပြီးအဖြစ်များနေပါတယ်။

▪️ အမျှင်ဓာတ်စားသုံးမှု နည်းခြင်း၊ အဆင့်ဆင့်ထုပ်ပိုး စားစရာစားသုံးခြင်း၊ အဝလွန်ခြင်း၊ လေ့ကျင့်ခန်း မလုပ်ခြင်းတို့က အဓိကအကြောင်းအရင်း ဖြစ်နေပြီး ယူကေမှာ တတိယအဖြစ်အများဆုံး ကင်ဆာဖြစ်နေပါတယ်။

▪️ အူမကြီးကင်ဆာဆိုတာ အူမကြီးနဲ့ စအိုလမ်းကြောင်းတလျှောက်မှာ ကင်ဆာအကျိတ်ဖြစ်ပွားတာ ဖြစ်ပါတယ်။

▪️ အဆင့်ဆင့်ထုပ်ပိုး စားစရာများကြောင့် ဆီးချို၊ နှလုံးရောဂါ၊ ကင်ဆာ၊ အဝလွန်ခြင်းတို့အပြင် ဦးနှောက်စွမ်းရည် ကျဆင်းမှုပါ ဖြစ်နိုင်ပါတယ်။

▪️ အူမကြီးကင်ဆာ လက္ခဏာတွေထဲမှာ ဝမ်းပုံစံပြောင်းလဲခြင်း၊ ပုံမှန်မဟုတ် ဝမ်းလျှောဝမ်းပိတ်ခြင်း၊ အိမ်သာခဏခဏသွားရခြင်း၊ ဝမ်းထဲသွေးပါခြင်း၊ သွေးယိုခြင်း၊ အစာအိမ်အောင့်ခြင်း၊ ဝမ်းဖောခြင်း၊ ကိုယ်အလေးချိန်ကျဆင်းခြင်း၊ အလွန်မောပန်းခြင်းတို့ ခံစားရနိုင်ပါတယ်။

▪️ အူမကြီးကင်ဆာကို ခွဲစိတ်ဖယ်ရှားခြင်းဖြင့် ကုသကြသလို ကင်ဆာအဆင့်အပေါ် မူတည်ပြီး ဓာတုကုထုံး၊ ဓာတ်ရောင်ခြည်၊ ပစ်မှတ်နေရာသတ်မှတ်ကုသခြင်း၊ ရေဒီယိုကြိမ်နှုန်း ကုသနည်းများလည်း ရှိနေပါတယ်။

▪️ ကင်ဆာအစောပိုင်းအဆင့်မှာ လက္ခဏာမတွေ့ရပေမယ့် ရောဂါစစ်ဆေးခြင်းဖြင့် တွေ့နိုင်ပါတယ်။

▪️ ကျန်းမာရေးနဲ့ ညီညွတ်တဲ့ စားသောက်နေထိုင်ပုံစံ ပြောင်းလဲပေးပါက အူမကြီးကင်ဆာ ကာကွယ်နိုင်ပါတယ်။

▪️ (၁) အမျှင်ဓာတ်များများစားခြင်း - အစိမ်းရောင်ဟင်းရွက်များ၊ အမျှင်ဓာတ်ပါတဲ့ အသီးများ၊ အခွံမာသီးနဲ့ အစေ့အဆန်များ၊ ဂျုံပြောင်း၊ အုတ်စပါး၊ ပါစတာ၊ ပဲကြီး၊ ကုလားပဲ၊ ပဲနီကလေးတို့မှာ အမျှင်ဓာတ်မြင့်မားစွာ ပါဝင်ပြီး တစ်နေ့ကို ၃၀ ဂရမ်စားသုံးခြင်းဖြင့် အူမကြီးကင်ဆာ ဖြစ်နိုင်ခြေ လျှော့ချနိုင်ပါတယ်။

▪️ (၂) ရေလုံလောက်စွာသောက်ခြင်း - တစ်နေ့ကို ရေ ၆-၈ ခွက်ခန့်သောက်ဖို့လိုအပ်ပြီး ဒါမှသာ အူမကြီးမှ အဆိပ်အတောက်များ၊ အညစ်အကြေးများ သန့်စင်နိုင်ကာ ဆဲလ်တွေထဲ စုပြုံမနေမှာ ဖြစ်ပါတယ်။

▪️ (၃) လေ့ကျင့်ခန်းပုံမှန်လုပ်ခြင်း - အထိုင်များတဲ့ နေထိုင်စားသောက်မှုပုံစံက အူမကြီးကင်ဆာ ဖြစ်စေတဲ့ အကြောင်းအရင်းတစ်ခုဖြစ်ပြီး နေ့စဉ်လှုပ်ရှားသွားလာကာ ပုံမှန်လေ့ကျင့်ခန်း ပြုလုပ်ခြင်းဖြင့် ကင်ဆာဖြစ်နိုင်ခြေ လျော့ကျနိုင်ပါတယ်။

▪️ (၄) ကိုယ်အလေးချိန်ထိန်းသိမ်းခြင်း - ယူကေမှာ အူမကြီးကင်ဆာ ဖြစ်သူတွေရဲ့ ၁၁ ရာခိုင်နှုန်းက ကိုယ်အလေးချိန် မညီညွတ်တာကြောင့်ဖြစ်ပြီး မလိုအပ်တဲ့ ကိုယ်အလေးချိန် လျှော့ချခြင်းဖြင့် အူမကြီးကင်ဆာဖြစ်နိုင်ခြေ လျော့နည်းစေပါတယ်။

▪️ (၅) ဆေးလိပ်အရက်ရှောင်ရှားခြင်း - ယူကေမှာ အူမကြီးကင်ဆာ ဖြစ်သူတွေရဲ့ ၆ ရာခိုင်နှုန်းက ဆေးလိပ်သောက်ခြင်းကြောင့် ဖြစ်ပြီး တစ်ပတ်ကို အယ်လ်ကိုဟော ၁၄ ခွက်ထက် ပိုမသောက်ဖို့လည်း အကြံပြုထားပါတယ်။

#Source: Times Of India

#World_Health
Published 23 December 2024

▪️ အသက် ၅၀ အောက်လူတွေမှာ အူမကြီးကင်ဆာ အဖြစ်များလာတာကြောင့် ဒီလိုဖြစ်ရတဲ့ အကြောင်းအရင်းကို ရှာဖွေလာကြပါတယ်။

▪️ ဆဲလ်များရောင်ရမ်းခြင်း ဖြစ်စေကာ အူမကြီးကင်ဆာဖြစ်စေနိုင်တဲ့ အဆင့်ဆင့် ထုတ်လုပ်ထုပ်ပိုးစားစရာတွေမှာ ပေါများစွာပါဝင်တဲ့ ဖက်တီးအက်ဆစ် အဆီတွေကို လေ့လာခဲ့ကြပါတယ်။

▪️ အမေရိကန်မှ လူ ၈၁ ယောက်ရဲ့ အူမကြီးကင်ဆာအကျိတ်များမှ အသားစများရယူလေ့လာရာမှာ အိုမီဂါ-၆ ဖက်တီးအက်ဆစ်လို့ခေါ်တဲ့ ရောင်ရမ်းခြင်းဖြစ်စေတဲ့ အဆီများ အလွန်အကျွံ ပါဝင်နေပြီး ရောင်ရမ်းခြင်းကို လျှော့ချပေးတဲ့ အိုမီဂါ-၃ ဖက်တီးအက်ဆစ်တွေတော့ နည်းပါးနေတာ တွေ့ရပါတယ်။

▪️ ရောင်ရမ်းခြင်းဖြစ်စဉ်က ကြာမြင့်လာတဲ့အခါ ဆဲလ်တွေကို ထိခိုက်စေပြီး ကင်ဆာဆဲလ်ကြီးထွားမှုကို ဟန့်တားနိုင်စွမ်း နည်းလာပါတယ်။

▪️ အဆင့်ဆင့်ထုပ်ပိုး စားစရာတွေဟာ ဈေးသက်သာပြီး လွယ်ကူလျင်မြန်စွာ ရနိုင်တာကြောင့် ယနေ့ခေတ် လူငယ်တွေ ပိုမိုစားသုံးမိကြတယ်လို့ ဖလော်ရီဒါတောင်ပိုင်းတက္ကသိုလ်မှ ခွဲစိတ်ပရော်ဖက်ဆာ တင်မိုသီယိမန်းက ဆိုပါတယ်။

▪️ အဆင့်ဆင့်ထုပ်ပိုး စားစရာများနဲ့ လမ်းဘေးစာတွေဟာ ဟင်းရွက်ဆီနဲ့ ကြော်လှော်ကြပြီး ဒီလိုဆီတွေမှာ အိုမီဂါ-၆ ဖက်တီးအက်ဆစ် မြင့်မားစွာပါဝင်နေပေမယ့် အူမကြီးကင်ဆာအကျိတ်မှာ တွေ့ရတဲ့ အဆီတွေက စားစရာတွေ ဆီတွေနဲ့ ဆက်စပ်ခြင်းရှိမရှိတော့ သေချာမလေ့လာရသေးပါဘူး။

▪️ မျိုးရိုးဗီဇ၊ လေ့ကျင့်မှု၊ နေထိုင်စားသောက်ပုံစံ၊ ဓာတုပစ္စည်းများနဲ့ ပတ်ဝန်းကျင်ထိတွေ့မှုတို့ကလည်း အူမကြီးကင်ဆာ ဖြစ်နိုင်ခြေကို သက်ရောက်နေသလို စားလိုက်တဲ့ စားစရာတွေကို ခန္ဓာကိုယ်ထဲ ဘယ်လိုချေဖျက် လုပ်ဆောင်သလဲ ဆိုတာကလည်း သက်ဆိုင်နေတယ်လို့ ဟားဗတ်ဆေးတက္ကသိုလ်နဲ့ မာဆာချူဆက်စ်အထွေထွေဆေးရုံမှ အစာအိမ်အူလမ်းကြောင်းဆရာဝန် အန်ဒရူးချန်းက ပြောပါတယ်။

▪️ ကျန်းမာရေးနဲ့ ညီညွတ်တဲ့အဆီ ဥပမာအားဖြင့် ငါးတွေကအဆီလိုမျိုး အိုမီဂါ-၃ ဖက်တီးအက်ဆစ်တွေကတော့ ဒီရောဂါဖြစ်နိုင်ခြေကို ကာကွယ်နိုင်စွမ်းပါ ရှိနေတာကို တွေ့ရှိထားပြီး ဖြစ်ပါတယ်။

▪️ ခန္ဓာကိုယ်မှာ တစ်ခုခုထိခိုက်တဲ့အခါ ရောင်ရမ်းခြင်းကို လှုံ့ဆော်ကာ သက်သာမှုပေးပေမယ့် ကြာရှည်လာရင် ကင်ဆာဖြစ်တတ်ပါတယ်။

▪️ အိုမီဂါ-၆ ဖက်တီးအက်ဆစ်က ထိုကဲ့သို့ ဘေးအန္တရာယ် ဖြစ်စေနိုင်ဖွယ်ရှိပေမယ့် မရှိမဖြစ် ဖက်တီးအက်ဆစ်တစ်မျိုး ဖြစ်တာကြောင့် သင့်တင့်တဲ့ပမာဏတော့ ရှိသင့်ပါတယ်။

#Source: ScientificAmerican

၂၂ ဒီဇင်ဘာ ၂၀၂၄

▪️ပင်လယ်နီပေါ်ပျံသန်းနေတဲ့ အမေရိကန် ရေတပ်ရဲ့ F/A-18  တိုက်လေယာဉ်ကို ယနေ့ ဒီဇင်ဘာ ၂၂ ရက်က မှားယွင်းစွာပစ်ချခံခဲ့ရတဲ့ အတွက် လေယာဉ်မှူးနှစ်ဦးဟာ လေယာဉ်ပေါ်ကနေ အချိန်မီ ခုန်ထွက် ခဲ့ရတယ်လို့ သိရပါတယ်။

▪️အမေရိကန်စစ်တပ် အလယ်ပိုင်းစစ်တိုင်းဌာနချုပ်က သတင်းထုတ်ပြန်မှုအရ လေယာဉ်မှူးနှစ်ဦး အနက် တစ်ဦးမှာ ဒဏ်ရာအနည်းငယ်ရရှိသွားတယ်လို့ ဆိုပါတယ်။

▪️အမေရိကန်ရဲ့ ပဲ့ထိန်းဒုံးကျည်တပ်စစ်ရေယာဉ် USS Gettysburg ကနေ အဲဒီတိုက်လေယာဉ်ကို မှား  ယွင်းပစ်ချမိခဲ့တာဖြစ်ပါတယ်။ USS Gettysburg ဟာ USS Harry S Truman လေယာဉ်  တင်တိုက်ခိုက်ရေး သင်္ဘောအုပ်စုမှာပါဝင်တဲ့စစ်ရေယာဉ်ဖြစ်ပြီး ပစ်ချခံရတဲ့ တိုက်လေယာဉ်ဟ  ယင်းတို့  အပေါ်ကနေ ပျံသန်း စဉ် ပစ်ချခံရတာလို့ဆိုပါတယ်။

▪️အစ္စရေးနှင့်ဟားမာ့စ်စစ်ပွဲစကတည်းက အီရန်ကကျောထောက်နောက်ခံပြုထားတဲ့ ယီမင်နိုင်ငံရဲ့ ဟောက်သီသူပုန်အုပ်စုက ကူးသန်းသွားလာရေးသင်္ဘောတွေကို ပစ်ခိုက်တိုက်ခိုက်မှုတွေလုပ်နေလို့ အမေရိကန် ရေတပ်က အဲဒီနားတစ်ဝိုက်ကို ကင်းလှည့်နေရတာဖြစ်ပါတယ်။

▪️အဲဒီစစ်ဆင်ရေးမှာ အမေရိကန်လေတပ်၊အမေရိကန်ရေတပ်နှင့် F/A-18 တိုက်လေယာဉ်များ ပါဝင်ဆောင် ရွက်နေကြတာလို့သိရပါတယ်။ သူတို့ဟာ ပင်လယ်နီပေါ်ဖြတ်သန်းပျံသန်းလာတဲ့ ဟောက် သီတွေရဲ့ဒရုန်းတွေနှင့် သင်္ဘောဖျက်ဒုံးကျည်တစ်စီးကို ပစ်ချနိုင်ခဲ့တယ်လို့ သတင်းထုတ်ပြန်ထားပါ  တယ်။

Source ANI

၂၂ ဒီဇင်ဘာ ၂၀၂၄
တရုတ်နိုင်ငံရဲ့ ပင်လယ်ရေနက် စူးစမ်းရှာဖွေရေးကြိုးပမ်းအားထုတ်မှုတွေဟာ မှတ်တိုင်အသစ်တစ်ခုကို စိုက်ထူနိုင်ခဲ့ပြီဖြစ်ပါတယ်။ တရုတ်သိပ္ပံအကယ်ဒမီလက်အောက်က ပင်လယ်ရေနက်သိပ္ပံနှင့်အင်ဂျင် နီယာလုပ်ငန်းတက္ကသိုလ်က အဲဒါကိုဆောင်ရွက်နေတာပါ။
Source CCTV+

#World_Science
Published 22 December 2024

▪️ စက်ပစ္စည်းတွေကို နှစ်ထောင်ချီ စွမ်းအင်ပေးနိုင်မယ့် ဘက်ထရီတစ်မျိုးကို သိပ္ပံပညာရှင်များ ဖန်တီးလိုက်ကြပါတယ်။

▪️ ဘရစ္စတိုလ်တက္ကသိုလ်နဲ့ ယူကေအဏုမြူစွမ်းအင် အဖွဲ့အစည်း(UKAEA)မှ သိပ္ပံပညာရှင်များက ကမ္ဘာ့ပထမဆုံး ကာဗွန်-၁၄ စိန်ဘက်ထရီကို တီထွင်လိုက်တာ ဖြစ်ပါတယ်။

▪️ အဆိုပါ စွမ်းအင်ရင်းမြစ်ကို ပတ်ဝန်းကျင် အခြေအနေအမျိုးမျိုးမှာ အသုံးပြုနိုင်ပြီး ရေရှည်တည်တံ့မြဲ ဖြေရှင်းချက်တစ်ခု ဖြစ်လာနိုင်ပါတယ်။

▪️ ရေဒီယိုကာဗွန်ဒိတ်တင်းမှာ အသုံးပြုလေ့ရှိတဲ့ ကာဗွန်-၁၄ ရေဒီယိုသတ္တိကြွ အိုင်ဆိုတုပ်မှ ပြိုကွဲပျက်စီးမှုကို ဘက်ထရီကနေ အကျိုးရှိရှိ အသုံးချတာ ဖြစ်ပါတယ်။

▪️ ကာဗွန်-၁၄ ဘက်ထရီကို စိန်နားကွပ်ထဲထည့်ထားသဖြင့် ခံနိုင်ရည်ရှိစေပြီး မာကျော်ကြံ့ခိုင်စေသလို ဓာတ်ရောင်ခြည်ကို ဘေးကင်းစွာ စုပ်ယူကာ စွမ်းအင်ထုတ်လုပ်နိုင်စေပါတယ်။

▪️ စိန်ဘက်ထရီဟာ ဆိုလာပြားလို အလုပ်လုပ်ပေမယ့် မတူတာက ရေဒီယိုသတ္တိကြွ ပြိုကွဲပျက်စီးမှုမှ လျင်မြန်စွာရွေ့လျားတဲ့ အီလက်ထရွန်တွေကို မှီခိုရတာ ဖြစ်ပါတယ်။

▪️ ကာဗွန်-၁၄ ကနေ ရောင်ခြည်တိုများ ထုတ်လွှတ်ပေမယ့် စိန်နားကွပ်ထားတဲ့အတွက် ယိုယွင်းခြင်း မရှိပါဘူး။

▪️ စိန်နားကွပ်ကနေ ရောင်ခြည်ကို စုပ်ယူပြီး ဘက်ထရီကနေ လျှပ်စစ်ဓာတ်အားအနည်းငယ် ထုတ်လုပ်ပေးပါတယ်။

▪️ ကာဗွန်-၁၄ ဟာ သက်တမ်းနှစ်ပေါင်း ၅၇၀၀ ခန့်ရှိပြီး ဘက်ထရီတွေ နှစ်ထောင်ချီကြာပြီးတာတောင် ဓာတ်အားတဝက်လောက် ကျန်နေဦးမှာဖြစ်ပါတယ်။

▪️ စိန်ဘက်ထရီတွေဟာ ဓာတ်အားမိုက်ခရိုဝပ်လောက်ကို ဘေးကင်းစွာဖြင့် အဆက်မပြတ် ပေးစွမ်းနိုင်မှာ ဖြစ်တယ်လို့ UKAEA မှ ညွှန်ကြားရေးမှူး ဆယ်ရာကလာ့ခ်က ပြောပါတယ်။

▪️ ဒါ့အပြင် နျူကလီးယားဓာတ်ပေါင်းဖိုများမှ စွန့်ပစ်ပစ္စည်း ဂရပ်ဖိုက်တုံးတွေကနေ ကာဗွန်-၁၄ကို ထုတ်ယူထားတာကြောင့် နျူကလီးယား စွန့်ပစ်ပစ္စည်းများလျှော့ချနိုင်မယ့် နည်းလမ်းလည်း ဖြစ်ပါတယ်။

▪️ စိန်ဘက်ထရီကို သမားရိုးကျ ဓာတ်အားမသုံးနိုင်တဲ့ နေရာတွေမှာ အသုံးပြုနိုင်ပြီး အထူးသဖြင့် ကျန်းမာရေး စက်ပစ္စည်းတွေမှာ စိန်ဘက်ထရီ အသုံးပြုလိုက်ရင် လူနာတွေဟာ နှစ်တွေကြာတဲ့အထိ ဘက်ထရီလဲလှယ်စရာ မလိုတော့ပါဘူး။

▪️ အာကာသယာဉ်နဲ့ ဂြိုဟ်တုတွေမှာလည်း ဓာတ်အားရင်းမြစ်လဲလှယ်ဖို့ စိတ်မပူရတော့ဘဲ နှစ်ပေါင်းများစွာတိုင်အောင် ဆောင်ရွက်နိုင်မှာ ဖြစ်ပါတယ်။

#Source: WION

#World_Health
Published 22 December 2024

▪️ အမေရိကန်ဈေးကွက်မှာ ရောင်းချနေတဲ့ နွားနို့စိမ်းတွေမှာ ဘေးအန္တရာယ်တွေ ရှိနေနိုင်တယ်လို့ လေ့လာတွေ့ရှိထားပါတယ်။

▪️ ရေခဲသေတ္တာထဲမှာထားတဲ့ နွားနို့စိမ်းထဲမှာ တုပ်ကွေးဗိုင်းရပ်စ်ဟာ ၅ ရက်အထိ နေထိုင်နိုင်တယ်လို့ တွေ့ရှိထားတာ ဖြစ်ပါတယ်။

▪️ နို့စားနွားတွေမှာ ငှက်တုပ်ကွေး ကူးစက်ပျံ့ပွားနေပြီး ကပ်ရောဂါဖြစ်လာနိုင်ဖွယ် ရှိတယ်လို့ စိုးရိမ်နေကြတဲ့အချိန်မှာ အခုလို တွေ့ရှိလာတာဖြစ်ကာ စတန်းဖို့ဒ်တက္ကသိုလ်မှ လေ့လာထားတာ ဖြစ်ပါတယ်။

▪️ ဒီလေ့လာချက်က နွားနို့စိမ်း သောက်သုံးခြင်းကြောင့် တုပ်ကွေးရောဂါ ကူးစက်နိုင်ခြေရှိပုံနဲ့ နို့ကိုကြိုချက်သောက်သုံးရန် အရေးကြီးကြောင်းကို ဖော်ပြလိုတာ ဖြစ်တယ်လို့ စတန်းဖို့ဒ်တက္ကသိုလ်မှ အဲလက်ဇန်ဒရီယာဘိုဟမ်က ရေးသားထားပါတယ်။

▪️ အမေရိကန်မှာ နှစ်စဉ် နွားနို့စိမ်းသောက်သုံးသူ ၁၄ သန်းကျော်ရှိပါတယ်။
နို့စိမ်းဟာ အပူပေးပိုးသတ်ထားတာ မဟုတ်ဘဲ ရောဂါပိုးမွှားတွေ ရှင်သန်နေနိုင်ပါတယ်။

▪️ ဒါပေမဲ့ နွားနို့ကို အစိမ်းလိုက်သောက်ခြင်းဖြင့် အကျိုးပြု အာဟာရဓာတ်များ၊ အင်မ်ဇိုင်းများ၊ ပရိုဘိုင်အိုတစ်များ ပိုမိုပါဝင်ကာ ကိုယ်ခံအားနဲ့ အစာအိမ်အူလမ်းကြောင်း ကျန်းမာရေးကို မြှင့်တင်ပေးနိုင်ပါတယ်။

▪️ နို့အစိမ်းလိုက်သောက်ခြင်းကြောင့် ရောဂါဖြစ်ပွားမှုပေါင်း ၂၀၀ ကျော်ရှိထားကာ အီးကိုလိုင်၊ ဆယ်လ်မွန်နဲလားတို့လို ပိုးမွှားများ ပါဝင်တတ်တာကြောင့် ကျန်းမာရေးအန္တရာယ်ဆိုး ဖြစ်စေနိုင်တယ်လို့ FDA နဲ့ ရောဂါထိန်းချုပ်ကာကွယ်ရေးစင်တာတို့က သတိပေးထားပါတယ်။

▪️ H1N1 PR8လို့ခေါ်တဲ့ တုပ်ကွေးဗိုင်းရပ်စ်ဟာ နွားနို့ထဲမှာ ၅ ရက်အထိ ရှင်သန်နိုင်ပြီး ရောဂါဖြစ်စေနိုင်ပါတယ်။

▪️ ထိုဗိုင်းရပ်စ်မျိုးဟာ မွေးမြူရေးခြံတွေနားက မျက်နှာပြင်တွေ၊ အရာဝတ္ထုတွေမှာ ကူးစက်ရောက်ရှိနိုင်ပြီး တိရိစ္ဆာန်တွေနဲ့ လူသားတွေကို အန္တရာယ်ဖြစ်စေနိုင်တယ်လို့ သုတေသနပြုစုသူ မန်ယန်ကျန်းက ပြောပါတယ်။

▪️ အမေရိကန်မှာ တုပ်ကွေးဗိုင်းရပ်စ်တွေက နှစ်စဉ် လူပေါင်းသန်း ၄၀ ကျော်မှာကူးစက်ကာ ၅ သောင်းကျော် အသက်ဆုံးရှုံးစေရပါတယ်။

▪️ ငှက်တုပ်ကွေးဟာ လူသားတွေမှာ အန္တရာယ်ဖြစ်စေတယ်လို့ မတွေ့ရသေးပေမယ့် ဆင့်ကဲပြောင်းလဲလာနိုင်ပါတယ်။

#Source: ANI

ဆီးရီးယားပဋိပက္ခများဖြစ်ပြီးနောက် စီးပွားရေးပြန်လည်ထူထောင်ရန်လိုအပ်ချက်များအား ကုလသမဂ္ဂအထူးကိုယ်စားလှယ်ထောက်ပြ

ဆီးရီးယားနိုင်ငံဆိုင်ရာ ကုလသမဂ္ဂအထူးသံတမန် ဂယ်ယာပက်ဒါဆန်က ဆီးရီးယားနိုင်ငံရေး ပြဿနာများ ဖြစ်ပြီးနောက်မှာ တိုးတက်မှုများမြင်ရရန် မျှော်လင့်ထားသလို ကျန်ရှိနေသေးတဲ့ အခက်အခဲများကိုလည်း သဘောပေါက်တယ်လို့ ဗုဒ္ဓဟူးနေ့က ပြောသွားပါတယ်။
#World_News
Published 21 December 2024
#ဆီးရီးယားပဋိပက္ခ #ကုလသမဂ္ဂအထူးကိုယ်စားလှယ်
#YMG #Yangon_Times #Yangon_Media_Group

#Daily_News
Published 21 December 2024

၁။ မြန်မာ့ပြောင်း တန်ချိန် ၁၇ သိန်းကျော်ပြည်ပသို့တင်ပို့ထား

၂။ ၂၀၂၅ ခုနှစ် မိုးဦးအကျစောနိုင်ပြီး လာနီညာဖြစ်နိုင်ခြေ ၅၀ ရာခိုင်နှုန်းကျော်သာရှိဟုဆို

၃။ လာမည့်နှစ်တွင် သဘာဝဘေးကြုံတွေ့ပါက လှူဒါန်းရန် ဆန်တန်ချိန် ၃၅၀ဝ ကို စီစဉ်ထား

၄။ ဆီးရီးယားပဋိပက္ခများဖြစ်ပြီးနောက် စီးပွားရေးပြန်လည်ထူထောင်ရန်လိုအပ်ချက်များအား ကုလသမဂ္ဂအထူးကိုယ်စားလှယ်ထောက်ပြ ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group