#World_Health
Published 08 May 2024

▪️ စိတ်ဖိစီးစရာအဖြစ်ကို ပြန်လည်တွေးတောပြီး ဒေါသထွက်နေတာဟာ သွေးစီးဆင်းမှုအတွက် လိုအပ်တဲ့ သွေးကြောများ ပြေလျော့နိုင်စွမ်းကို ယာယီအားဖြင့် ထိခိုက်စေတယ်လို့ လေ့လာဖော်ပြထားပါတယ်။

▪️ နယူးယော့ခ်မြို့မှ လူ ၂၈၀ ဦးကို စိတ်ဆိုးစိတ်ပျက်စရာအဖြစ်များ ၈ မိနစ်ကြာအောင် ပြန်လည်စဥ်းစားခိုင်းခဲ့ပါတယ်။

▪️ ပြန်လည်စဥ်းစားခြင်းမပြုခင်နဲ့ စမ်းသပ်ပြီးနောက် သွေးကြောများရှိ ဆဲလ်များကို တိုင်းတာစစ်ဆေးခဲ့ကြပါတယ်။

▪️  သွေးစီးဆင်းမှု ကောင်းမွန်စေတဲ့ သွေးကြောကျယ်ခြင်းကို မိနစ် ၄၀ ခန့်အထိ ထိခိုက်စေကြောင်း တွေ့ရှိခဲ့ကြပါတယ်။

▪️  စိတ်ဆိုးစိတ်ပျက်စရာများ စဥ်းစားပြီးနောက် သွေးကြောနံရံတွေမှာ သိသိသာသာ ပြောင်းလဲသွားခြင်း မရှိတာကို တွေ့ရှိခဲ့ကြပါတယ်။

▪️ ဒေါသထွက်ခြင်းနဲ့ သွေးကြောများ ထိခိုက်ခြင်းတို့ကြား ဆက်စပ်မှုများကို လေ့လာခြင်းဖြင့် နှလုံးသွေးကြောပြဿနာ ဖြစ်နိုင်ခြေများတဲ့သူတွေမှာ ထိရောက်စွာ ကာကွယ်ကုသနိုင်စေမှာဖြစ်ကြောင်း ကိုလံဘီယာတက္ကသိုလ် အာဗင်းဆေးဘက်ဆိုင်ရာဌာနမှ ပရော်ဖက်ဆာ ဒေါက်တာ ဒိုင်အိချိရှင်ဘိုက ပြောပြပါတယ်။

▪️ နှလုံးနဲ့ ဦးနှောက်သို့ သွေးစီးဆင်းမှု ပိတ်ဆို့သွားတဲ့အခါ နှလုံးဖောက်ခြင်း၊ လေဖြတ်ခြင်းတို့ ဖြစ်တတ်ပါတယ်။

▪️ အမေရိကန်မှာ စက္ကန့် ၄၀ ကြာတိုင်း တစ်ယောက်နှုန်းဖြင့် နှလုံးဖောက်နေကြပြီး နှလုံးသွေးကြောရောဂါကြောင့် ၃၃ စက္ကန့်ကြာတိုင်း ၁ ယောက်နှုန်း သေဆုံးနေကြကြောင်း အမေရိကန် နှလုံးအဖွဲ့အစည်းက ဖော်ပြထားပါတယ်။

▪️ ထိုတွေ့ရှိချက်တွေက နှလုံးရောဂါရှိပြီး ဒေါသမထိန်းနိုင်တဲ့ သူတွေအနေနဲ့ ယောဂကျင့်ခြင်း၊ လေ့ကျင့်ခန်းလုပ်ခြင်း၊ အခြားကုသနည်းလမ်းတို့ဖြင့် ဒေါသထိန်းနိုင်ဖို့ အထောက်အကူ ဖြစ်စေနိုင်ကြောင်း နှလုံးအထူးကု ဒေါက်တာ ဟိုလီမစ်ဒယ်ကော့ဖ်က ဆိုပါတယ်။

▪️ စမ်းသပ်ချက်က လက်တွေ့အခြေအနေတွေမှာ စမ်းသပ်တာ မဟုတ်သလို အချိန်ကြာမြင့်စွာ စမ်းသပ်တာမျိုး မဟုတ်ပါဘူး။

#Source: New York Post

#World_Health
Published 08 May 2024

▪️ ဟောလစ်(Horlicks)နဲ့ ဘုစ်(Boost)တို့လို အမှတ်တံဆိပ်တွေ ထုတ်လုပ်နေတဲ့ ဟိန္ဒူစတန်ယူနီလီဗာ (Hindustan Unilever)ကုမ္ပဏီဟာ ယင်းရဲ့ ကျန်းမာရေးအဖြစ် သောက်စရာများဆိုတဲ့ ခေါင်းစဥ်ကို ပြုပြင်ဖော်ပြလိုက်ပါတယ်။

ဟောလစ်ရဲ့ ကျန်းမာရေးဖြစ်ဆိုတဲ့ အမှတ်အသားကို ဖြုတ်ချလိုက်ကာ ကျန်းမာရေးထောက်ကူ စားသောက်ကုန်ဆိုပြီး ပြောင်းလဲသတ်မှတ်လိုက်တာ ဖြစ်ပါတယ်။

▪️ ကုန်သွယ်ရေးနဲ့ စက်မှုဝန်ကြီးက သောက်သုံးစရာများကို ကျန်းမာရေးဖြစ်ဆိုတဲ့ ခေါင်းစဥ်အောက်နေ ဖယ်ရှားရန် တောင်းဆိုလိုက်ပြီးနောက် အခုလို ကြေညာလိုက်တာ ဖြစ်ပါတယ်။

▪️ ယခုလိုပြောင်းလဲလိုက်ခြင်းက အမျိုးအစား ဖော်ပြချက်မှာ ပိုမိုတိကျမြင်သာစေမှာ ဖြစ်တယ်လို့ ဟိန္ဒူစတန်ယူနီလီဗာ ဘဏ္ဍာရေးမှူးချုပ် ရီတက်ရှ်တီဝါရီက ဧပြီ ၂၄ ရက်နေ့ မီဒီယာကွန်ဖရင့်မှာ ပြောကြားလိုက်ပါတယ်။

▪️ ကျန်းမာရေးထောက်ပံ့ အာဟာရဖြစ် သောက်သုံးစရာ အမျိုးအစားကဏ္ဍဆိုတာဟာ အာဟာရဓာတ်ချို့တဲ့သူတွေ လိုအပ်တဲ့ ပရိုတိန်းနဲ့ အာဟာရဓာတ်ကို ဆိုလိုပါတယ်။

▪️ ထိုအမျိုးအစားဟာ အပင်၊ တိရိစ္ဆာန်၊ အဏုဇီဝတို့မှရတဲ့ ဇီဝသတ္တိကြွပစ္စည်း ပါဝင်တာကြောင့် ကျန်းမာရေးအတွက် အကျိုးကျေးဇူးများ ရရှိစေမယ့် အယ်လ်ကိုဟောမပါသော သောက်စရာများ ဖြစ်ပါတယ်။

▪️ အစားအစာ ဘေးကင်းရေးနှင့် စံနှုန်းအက်ဥပဒေ ၂၀၀၆ အရ ကျန်းမာရေးဖြစ် သောက်သုံးစရာဆိုပြီး တိကျသေချာတဲ့ သတ်မှတ်ချက် မရှိတာကြောင့် အခုလို ပြောင်းလဲပေးရန် အမိန့်ချလိုက်တာ ဖြစ်ပါတယ်။

▪️ ဟောလစ်၊ ဘွန်ဗီတာတို့လို သောက်စရာတွေမှာ သကြားဓာတ်ပါဝင်မှု မြင့်မားတာကြောင့် စိုးရိမ်မှုများ မြင့်တက်လာခဲ့ပြီး ယခုလို ထုတ်ပြန်လာကြတာ ဖြစ်ပါတယ်။

#Source: India Today

၇ မေ ၂၀၂၄

နစက ဥက္ကဋ္ဌ၊ နိုင်ငံတော်ဝန်ကြီးချုပ် ဗိုလ်ချုပ်မှူးကြီးမင်းအောင်လှိုင်သည် ကမ္ဘောဒီးယားနိုင်ငံ အထက်လွှတ်တော်(ဆီးနိတ်) ဥက္ကဋ္ဌ ဆမ်ဒက်အက်ခါမိုဟာ ဆီနာပါဒိုင်းတက်ချို ဟွန်ဆန်နှင့် မေလ ၇ ရက် ယနေ့မနက်ပိုင်းက ဗွီဒီယိုကွန်ဖရင့်စနစ်ဖြင့် တွေ့ဆုံဆွေးနွေးခဲ့တယ်လို့ နစက, က သတင်းထုတ်ပြန်ပါတယ်။

ထိုသို့ဆွေးနွေးကြရာမှာ နှစ်နိုင်ငံအကြားဆက်ဆံရေးကောင်းမွန်လျက်ရှိမှု၊ မြန်မာနိုင်ငံတွင် ကိုဗစ်-၁၉ ရောဂါဖြစ်ပွားချိန်နှင့် မိုခါမုန်တိုင်းကျရောက် ချိန်တွင် ကမ္ဘောဒီးယားနိုင်ငံမှ အကူအညီများပေးပို့ခဲ့မှု၊ မြန်မာနိုင်ငံအနေဖြင့် အာဆီယံ အဖွဲ့အတွင်း အပြုသဘောဆောင်စွာဖြင့် ပါဝင်ဆောင်ရွက်လျက်ရှိမှု၊ လွတ်လပ်ပြီးတရားမျှတသည့် ပါတီစုံဒီမိုကရေစီ အထွေထွေ  ရွေးကောက်ပွဲ ကျင်းပနိုင်ရေးတွေကိုဆွေးနွေးခဲ့ကြတယ်လို့ သတင်းထုတ်ပြန်ချက်မှာဖော်ပြထားပါတယ်။

ထို့အပြင် မြန်မာနိုင်ငံတွင် လူဦးရေနှင့်အိမ်အကြောင်းအရာသန်းခေါင်စာရင်းကောက်ယူမှုအပါအဝင် အခြား လိုအပ်သည်   များကို ကြိုတင်ပြင်ဆင်ဆောင်ရွက်လျက်ရှိမှု၊ ရွေးကောက်ပွဲကိုဖွဲ့စည်းပုံ အခြေခံဥပဒေ (၂၀၀၈ ခုနှစ်)နှင့်အညီ အောင်မြင် စွာကျင်းပနိုင်ရေး ပြင်ဆင်ဆောင်ရွက်လျက်ရှိမှု၊ ကမ္ဘောဒီးယားနိုင်ငံမှ အာဆီယံတွင် မြန်မာနိုင်ငံနှင့်စပ်လျဉ်း၍ ဆောင်ရွက်  နေမှု၊ ကမ္ဘောဒီးယားနိုင်ငံ ရွေးကောက်ပွဲအတွေ့အကြုံမျှဝေလိုမှု အခြေအနေတွေကိုလည်း ဆွေးနွေးခဲ့ကြတယ်လို့ နစကရဲ့ သတင်းထုတ်ပြန်ချက်အရသိရပါတယ်။

ဟွန်ဆန်က ဗိုလ်ချုပ်မှူးကြီးမင်းအောင်လှိုင်ကိုထပ်တွေ့ရတဲ့အတွက် ဝမ်းမြောက်မိကြောင်းနှင့် ဆီးနိတ်ဥက္ကဋ္ဌအဖြစ်  သူအရွေးချယ်ခံရခြင်းအတွက် ဂုဏ်ပြုသဝဏ်လွှာပေးပို့တဲ့အတွက် ကျေးဇူးတင်တယ်လို့ ပြောတယ်လို့ ကမ္ဘောဒီးယားမီဒီယာများကရေးသားကြပါတယ်။

ဟွန်ဆန်က တွေ့ဆုံဆွေးနွေးရတဲ့ ရည်ရွယ်ချက်ကတော့ မြန်မာနိုင်ငံရဲ့ဖွံ့ဖြိုးတိုးတက်မှုနောက်ဆုံးအခြေအနေတွေကို ဖလှယ်ဖို့နှင့် အပြန်အလှန်လည်ပတ်ရေးဖြစ်နိုင်ချေတွေကို ရှာဖွေဖို့ဖြစ်တယ်လို့ပြောတယ်လို့လည်း ကမ္ဘောဒီးယား  မီဒီယာများက သတင်းထုတ်ပြန်ပါတယ်။

ယခုတွေ့ဆုံရတဲ့အခွင့်အရေးကိုရယူပြီး ဟွန်ဆန်က သူ့အနေနှင့် အာဆီယံအရေးကိစ္စတွေမှာ နှစ်ပေါင်းများစွာ ပူးပေါင်း ဆောင်ရွက်ခဲ့တဲ့ မိတ်ဆွေတစ်ဦးဖြစ်ခဲ့တဲ့ ဒေါ်အောင်ဆန်းစုကြည်နှင့် ဗွီဒီယိုဖြင့် တွေ့ဆုံခွင့်ပေးဖို့ ဗိုလ်ချုပ်မှူးကြီးကို မေတ္တာရပ်ခံခဲ့တယ်လို့လည်း ကမ္ဘောဒီးယားမှပေးပို့တဲ့ သတင်းများမှာဖော်ပြထားပါတယ်။

ယင်းအပြင် အာဆီယံရဲ့ ဘုံသဘောတူညီချက် (၅)ချက် အကောင်အထည်ဖော်ရေး အရေးကြီးကြောင်း နှင့် မြန်မာက ဦးဆောင်မှုအခန်းကဏ္ဍကနေ ဒါကိုတိုးတက်အောင်လုပ်ရင် ငြိမ်းချမ်းရေး လုပ်ငန်းစဉ်ကို အထောက်အကူပြုမယ် လို့သူယုံကြည်တယ်လို့လည်း ဟွန်ဆန်ကပြောဆိုကြောင်းလည်း ခမာတိုင်းမ်သတင်းစာကရေးသားပါတယ်။

မြန်မာနစကအနေနှင့် ဇန်နဝါရီတုန်းကျင်းပတဲ့ အာဆီယံနိုင်ငံခြားရေးဝန်ကြီးများအစည်းအဝေးသို့ နိုင်ငံရေးမဟုတ်သူ    ကိုယ်စားလှယ်တစ်ဦးစေလွှတ်ပေးခဲ့တဲ့ ဆုံးဖြတ်ချက်ကို ဟွန်ဆန်ကကြိုဆိုလိုက်ပြီး မြန်မာအနေ နှင့် အဓိက အာဆီယံအစည်းအဝေးတွေကို ကိုယ်စားလှယ်တွေဆက်လက်ခန့်ထားပေးဖို့လည်း တိုက်တွန်းအားပေးခဲ့တယ်လို့လည်း အဆိုပါသတင်းကဆိုပါတယ်။

ဗိုလ်ချုပ်မှူးကြီးမင်းအောင်လှိုင်ကလည်း ဟွန်ဆန်ကို ဆီးနိတ်ဥက္ကဋ္ဌအဖြစ်ရွေးချယ်ခံရမှုအပေါ် ဂုဏ်ယူဝမ်းမြောက်ကြောင်း ထပ်လောင်းပြောဆိုခဲ့ပါတယ်။ မြန်မာနိုင်ငံကိုလာရောက်လည်ပတ်စဉ်အတွင်း မြန်မာနိုင်ငံအပေါ် တန်ဖိုးရှိလှတဲ့ ကူညီပံ့ပိုးမှုတွေကို ကျေးဇူးတင်ကြောင်းလည်း ဗိုလ်ချုပ်မှူးကြီးကပြောတယ်လို့ ခမာတိုင်းမ်က ရေးသားပါတယ်။

အာဆီယံဥက္ကဋ္ဌအဖြစ်တာဝန်ယူစဉ်မြန်မာ့ အရေးဖြေရှင်းရန်ကြိုးပမ်းအားထုတ်ခဲ့တာတွေကိုလည်း ဗိုလ်ချုပ်မှူးကြီးက အသိအမှတ်ပြုတယ်လို့ပြောဆိုပြီးအာဆီယံထိပ်သီးအစည်းအဝေးတွေနှင့်ဆက်စပ်အစည်းအဝေးတွေကို နိုင်ငံရေးမဟုတ်တဲ့ကိုယ်စားလှယ်တွေ ဆက်လက်စေလွှတ်ဦးမယ်လို့ ဗိုလ်ချုပ်မှူးကြီးက အတည်ပြုပြောဆိုကြောင်းလည်း အဆိုပါသတင်းကရေးသားပါတယ်။

အဲဒီအပြင် အခြားသော အဆိုပြုချက်တွေကိုလည်း သူစဉ်းစားပေးမှာဖြစ်ပြီး အဲဒီကိစ္စတွေဆက်လက်ဆွေးနွေးဖို့ မကြာသောကာလမှာ ကမ္ဘောဒီးယားနိုင်ငံသို့ အထူးကိုယ်စားလှယ်တစ်ဦးစေလွှတ်ပေးမယ်လို့လည်း ဗိုလ်ချုပ်မှူးကြီး ကပြောတယ်လို့ ခမာတိုင်းမ်ကဆိုပါတယ်။

အဲဒီအပြင် လွတ်လပ်၍တရားမျှတပြီး သိသာမြင်သာသော ရွေးကောက်ပွဲများ ဆောင်ရွက်တဲ့ ကမ္ဘောဒီးယားနိုင်ငံ အမျိုးသားရွေးကောက်ပွဲကော်မတီရဲ့ အတွေ့အကြုံတွေကို လေ့လာသင်ယူလိုပါကြောင်းလည်း ပြောကြားခဲ့တယ်လို့ သတင်းများမှာဖော်ပြထားပါတယ်။

အဆိုပါတွေ့ဆုံပွဲသို့ ဗိုလ်ချုပ်မှူးကြီးနှင့်အတူ ကောင်စီတွဲဖက်အတွင်းရေးမှူး ဒုတိယဗိုလ်ချုပ်ကြီး ရဲဝင်းဦး၊ ဒုတိယ ဝန်ကြီးချုပ်နှင့် နိုင်ငံခြားရေးဝန်ကြီးဌာန ပြည်ထောင်စုဝန်ကြီး ဦးသန်းဆွေနှင့် တာဝန် ရှိသူများ တက်ရောက်ခဲ့ကြကြောင်း သတင်းရရှိပါတယ်။

Source: SAC, Khmer Times

အမြင်အာရုံချို့ယွင်းသူများအတွက်ခြေ(၆)ချောင်းပါသော စက်ရုပ်လမ်းပြခွေးအား တရုတ်သုတေသီများ တီထွင်

တရုတ်နိုင်ငံမှ ထုတ်လုပ်တဲ့ စက်ရုပ်ခွေးဟာ နိုင်ငံအတွင်း လမ်းပြခွေးရှားပါးမှုကို ကူညီပေးသွားမှာဖြစ်ပြီး အမြင်အာရုံချိုယွင်းသူများအတွက် ပိုမိုအဆင်ပြေစေမှာ ဖြစ်ပါတယ်။
#Asia_Technology
Published 07 May 2024
#စက်ရုပ်လမ်းပြခွေးတီထွင် #အမြင်အာရုံချို့ယွင်းသူများ
#Yangon_Times #YMG_News #Yangon_Media_Group

#Daily_News
Published_07 May 2024

၁။ ယခုဘဏ္ဍာနှစ်အစ၌ ဆန်နှင့် ဆန်ကွဲတန်ချိန် တစ်သိန်းကျော်စတင်တင်ပို့

၂။ ရန်ကုန်အပါအဝင်ဒေသအချို့တွင် နေ့အပူချိန်တိုး၍ မိုးထစ်ချုန်းရွာမည်

၃။ ၀င်္ဂဘော်ဆင်စခန်းကို လာ​ရောက်လည်ပတ်သူနည်းလာသော်လည်း အဝေးမှအလှူငွေပေးပို့ကာ ဆင်စာဘူဖေးကျွေးသူများပြားဟုဆို

၄။ အမြင်အာရုံချို့ယွင်းသူများအတွက် ခြေ(၆)ချောင်းပါသော စက်ရုပ်လမ်းပြခွေးအား တရုတ်သုတေသီများတီထွင် ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Times #Daily_News #YMG_News #Yangon_Media_Group

၇ မေ ၂၀၂၄

ထိုင်းဝန်ကြီးချုပ်ဟောင်း သက်ဆင်ရှင်နာဝါထရာနှင့် မြန်မာအတိုက်အခံအုပ်စုကိုယ်စားလှယ်တွေ တွေ့ဆုံခဲ့တယ် ဆိုတဲ့ သတင်းတွေအပေါ် သူစိတ်မပူဘူးလို့ အသစ်ခန့်အပ်ခံရတဲ့ ထိုင်း နိုင်ငံခြားရေးဝန်ကြီး မာရစ် ဆန်ဉာဏ်ပွန်က  ယနေ့(မေ၇)မှာ ပြောဆိုလိုက်ပါတယ်။

သက်ဆင်ဟာ မြန်မာနိုင်ငံ စစ်တပ်ကို တိုက်ခိုက်နေတဲ့  သူပုန်အုပ်စုတွေနှင့်တွေ့ဆုံဆွေးနွေးတာဟာ သူ့ကိုယ်ပိုင်လုပ်နိုင်စွမ်း နှင့် လုပ်တာဖြစ်တယ်လို့လည်း သူကပြောပါတယ်။

“ မြန်မာအတိုက်အခံအုပ်စုတွေက သက်ဆင်ဆီက အကူအညီရယူဖို့ဆုံးဖြတ်တယ်ဆိုရင်လည်း သူတို့လုပ်ကြပေါ့၊ ဒါသူတို့ ဆုံးဖြတ်ချက်နှင့်သူတို့ပဲ” လို့ မာရစ်က ဆက်ပြောပါတယ်။

“ သက်ဆင်နှင့်မြန်မာတွေပြောကြဆိုကြတာတွေဟာ ထိုင်းအစိုးရနှင့်ဘာမှမဆိုင်ဘူး။ ကျွန်တော် ဒီကိစ္စကို မီဒီယာတွေကနေ အခုမှသိရတာ။ အဲဒါကြောင့် ကျွန်တော့်မှာ အသေးစိတ်မရှိသေးဘူး” လို့လည်း သူက ဖြည့်စွက်ပြောပါတယ်။

ဗွီအိုအေမြန်မာက သက်ဆင်ဟာ မြန်မာသူပုန်အုပ်စုတွေနှင့် လွန်ခဲ့တဲ့ နှစ်လက ထိုင်းနိုင်ငံမြောက်ပိုင်း ချင်းမိုင်နှင့် ဘန်ကောက်တို့မှာတွေ့ဆုံခဲ့တယ်လို့သတင်းဖော်ပြခဲ့တာဖြစ်ပါတယ်။

သံအမတ်ဟောင်းတစ်ဦးဖြစ်တဲ့ မာရစ်ဟာ  အကြောင်းပြချက်ရှင်းရှင်းလင်းလင်းမရှိဘဲ သူ့ခံယူချက်နှင့်သူရပ်တည်  ထားတယ်လို့သာပြောပြီး ရာထူးမှနှုတ်ထွက်သွားတဲ့ နိုင်ငံခြားရေးဝန်ကြီး ပန်ပရီနေရာ အစားထိုးဝင်ရောက်လာသူဖြစ်ပါတယ်။

အချို့သော နိုင်ငံရေးသုံးသပ်သူတွေကတော့ ပန်ပရီနှုတ်ထွက်သွားတာဟာ သက်ဆင်က နိုင်ငံခြားရေးရာကိစ္စတွေ ဝင်ရောက်စွက်ဖွယ်နေပုံရလို့ဖြစ်တယ်လို့ ထင်ကြေးပေးထားကြပါတယ်။

ဘန်ကောက်အနေနှင့် မြန်မာနိုင်ငံမှာ ငြိမ်းချမ်းရေးနှင့် စေ့စပ်ညှိနှိုင်းခြင်းတွေပြန်လည်ဖြစ်လာဖို့ ထိုင်းရဲ့ရပ်တည်ချက်ကို ဆက်လက်ရပ်တည်နေတယ်လို့လည်း မာရစ်ကပြောပါတယ်။

“ ကျွန်တော်တို့ တိုက်ပွဲတွေဆက်လက်ဖြစ်တာကို ခွင့်ပြုနေရင်  နယ်စပ်အတူတကွရှိနေတဲ့ ထိုင်းအနေနှင့် ပြဿာတွေနှင့် ရင်ဆိုင်ရလိမ့်မယ်” လို့ သူကပြောပါတယ်။ ထိုင်းနိုင်ငံဟာ အာဆီယံအဖွဲ့ရဲ့မူဘောင်အတွင်းကနေ မြန်မာနိုင်ငံကို လူသားချင်း စာနာထောက်ထားမှုအကူအညီတွေဆက်ပေးမယ်လို့လည်း သူကဖြည့်စွက်ပြောပါတယ်။

Source PBS

ထိုင်းမြန်မာနယ်စပ်မြဝတီချစ်ကြည်ရေး တံတားအမှတ် ၂ကို ဧပြီ ၃၀ရက်က ပြန်လည်ဖွင့်လှစ်ခဲ့ပေမယ့် MOU အလုပ်သမားတွေကို ယင်းတံတားကနေ ပြန်လည်စေလွှတ်မှုမရှိသေးဘူးလို့ အလုပ်သမားဝန်ကြီးဌာနထံက သိရပါတယ်။
#Local_News
Published_07 May 2024
#အဆောက်အဦးအချို့ပြင်ဆင် #လုပ်သားစေလွှတ်မှုမရနိုင်
#YMG/LW #Yangon_Times

တရုတ်ယွမ်(၂.၅)သန်းကိုဗဟိုဘဏ်က မေလ(၇)ရက်မှာ ထပ်မံရောင်းချပေးမယ်။ တရုတ်ယွမ် (၅)သန်းနဲ့ ထိုင်းဘတ်သန်း(၃၀)ကို မေလ (၂) ရက်မှာလည်း ရောင်းပေးထားတယ်။
(မြန်မာနိုင်ငံတော်ဗဟိုဘဏ်)
#Local_News
Published_07 May 2024
#တရုတ်ယွမ်(၂.၅)သန်း #ဘတ်သန်း(၃၀)ထပ်ရောင်း
#tthl #Yangon_Times

#Local_News
Published_07 May 2024

▪️ ငါးမွေးမြူရေးလုပ်ငန်းများကို စိတ်ဝင်စားသူများ အနေဖြင့် ရန်ကုန်တက္ကသိုလ်၊ငါးလုပ်ငန်းပညာဌာနမှဖွင့်လှစ်မည့် 'ရေသတ္တဝါမွေးမြူရေးဆိုင်ရာဘွဲ့လွန်ဒီပလိုမာ‌'သင်တန်းကို တက်ရောက်နိုင်မည်ဖြစ်ကြောင်း သိရသည်။

▪️ ရေသတ္တဝါမွေးမြူရေး ဆိုင်ရာဘွဲ့လွန်ဒီပလိုမာ‌ သင်တန်းကိုဇွန်လ(၁)ရက်၌စတင်ဖွင့်လှစ်သွားမည်ဖြစ်ပြီးမေလ(၈)ရက်မှ(၂၄)ရက်အတွင်း လျှောက် လွှာများထုတ်ယူလျှောက်ထားနိုင်ကြောင်း သိရသည်။

▪️ အဆိုပါသင်တန်းကို ဘွဲ့တစ်ခုရရှိထားသူ(ဘာသာ ရပ်အသီးသီးမှဘွဲ့ )မည်သူ မဆိုလျှောက်ထားနိုင်ကာ အသက်အရွယ်မကန့်သတ်ထားဘဲ သင်တန်းသားဦးရေ ၅၀လက်ခံသင်ကြားပေးမည်ဟု ဆိုသည်။

▪️ သင်တန်းကာလ(၉)လနှင့် Project Paper စာတမ်း ပြုစုဖြေဆိုရမည်ဖြစ်ပြီးအပတ်စဉ် စနေ၊တနင်္ဂနွေ မနက်၉နာရီမှ ညနေ၄နာရီအထိ သင်ကြားရမည်ဖြစ်‌ကြောင်းနှင့်သင်တန်းကြေး Semester တစ်ခုလျှင် (၂)သိန်းကျပ်ဖြင့်စုစုပေါင်း(၄)သိန်းကျပ် ကုန်ကျမည်ဖြစ်ကြောင်း သိရသည်။

#tthl #Yangon_Times

#Local_News
Publicshed 7 May 2024

▪️ ယခုဘဏ္ဍာနှစ်စဖြစ်သည့် ၂၀၂၄ -၂၀၂၅  ဧပြီလတစ်လတာအတွင်း ပြည်ပသို့သတ္ထုတွင်းထွက်ပစ္စည်းများ တင်ပို့ရာတွင် ပုဂ္ဂလိကတင်ပို့မှုမှ ကန်ဒေါ်လာကိုးသန်းကျော်ရရှိထားကြောင်း စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၏ အချက်အလက်များအရ သိရသည်။

▪️ ထိုသို့တင်ပို့ရာတွင်  ယခုဘဏ္ဍာနှစ်တွင် နိုင်ငံပိုင်တင်ပို့မှုမရှိဘဲ ပုဂ္ဂလိကတင်ပို့မှု တစ်ခုတည်းသာရှိကြောင်း ၊ပြည်ပနိုင်ငံများသို့ တင်ပို့ရောင်းချလျက်ရှိသည့် မြန်မာ့သတ္ထုတွင်းထွက်ပစ္စည်းများမှာ ကျောက်စိမ်း၊ စိန်၊ ရွှေ၊ ပုလဲ၊ ခဲ၊ ခဲမဖြူ၊ အဖြိုက်နက်၊ ကြေးနီ၊ ငွေ၊ ကျောက်မီးသွေး၊ သွပ်နှင့် အခြားတွင်းထွက်သတ္ထုများပါဝင်ကြောင်း သိရသည်။

▪️ လက်ရှိတွင်လည်း နေပြည်တော်၌ (၅၉)ကြိမ်မြောက် မြန်မာ့ကျောက်မျက်ရတနာပြပွဲကို နေပြည်တော်ရှိ မဏိရတနာကျောက်စိမ်းခန်းမ၌ မေ (၃) ရက်မှ (၁၂) ရက်အထိ ကျင်းပနေခြင်းဖြစ်သည်။

▪️ ယင်း ပြပွဲတွင် ပုလဲအတွဲပေါင်း (၄၀၀)၊ ကျောက်မျက် အတွဲပေါင်း (၁၆၀) နှင့် ကျောက်စိမ်းအတွဲပေါင်း (၄၅၅၀) တို့ကို ပြည်တွင်း ပြည်ပရတနာကုန်သည်များအား အိတ်ဖွင့်တင်ဒါစနစ်ဖြင့် ရောင်းချပေးလျှက်ရှိကြောင်း သိရသည်။

#YMG/ NN #Yangon_Times

#Local_News
Published 7 May 2024

▪️ ကိုရီးယားသမ္မတနိုင်ငံသို့ အစိုးရပြည်ပအလုပ် အကိုင်အေဂျင်စီ (POEA)မှ တစ်ဆင့် EPS စနစ်ဖြင့် မြန်မာအလုပ်သမား ၁၇၀ဦးကို မေလ ၇ရက် မနက်ပိုင်းက ထပ်မံစေလွှတ်ခဲ့ကြောင်း မြန်မာသံရုံး၊ (ဆိုးလ်မြို့ )၏ သတင်းထုတ်ပြန်ချက်အရ သိရသည်။

▪️ အဆိုပါ အလုပ်သမား ၁၇၀ ဦးတွင် ကုန်ထုတ်လုပ်သားသစ် ၁၄၆ ဦးနှင့် စိုက်ပျိုး/မွေးမြူရေးလုပ်သားသစ် ၂၄ ဦး ဖြစ်ပြီး ရန်ကုန်မြို့မှ အင်ချွန်းအပြည်ပြည်ဆိုင်ရာလေဆိပ်သို့ မြန်မာအမျိုးသားလေကြောင်းလိုင်း UB 8301 (Charter Flight) နှင့် ထိုင်းလေကြောင်းလိုင်း TG 656 ခရီးစဉ်တို့ဖြင့် ရောက်ရှိလာကြောင်း သိရသည်။

▪️ ရောက်ရှိလာသည့် မြန်မာအလုပ်သမားများကို မြန်မာသံရုံး၊ ဆိုးလ်မြို့မှ အလုပ်သမားသံအရာရှိက ကြိုဆို၍ အလုပ်သမားများ သိရှိလိုက်နာသင့်သည့် အချက်များကို မှာကြားခဲ့ပြီး လိုအပ်သည်များ ကူညီပံ့ပိုးပေးခဲ့ကြောင်း သိရသည်။

▪️ ပြီးခဲ့သည့် ဧပြီလကလည်း ကိုရီးယားနိုင်ငံသို့ EPS စနစ်ဖြင့် မြန်မာအလုပ်သမား ၄၂၁ဦးကို စေလွှတ်ခဲ့ကြောင်း သိရသည်။

#YMG/LW #Yangon_Times

၃၉မိုင်အနီး ရန်ကုန်-မော်လမြိုင်ကားလမ်းပေါ်က ဝင်္ဂဘော်ကျေးရွာရှိ ဝင်္ဂဘော်ဆင်စခန်းကိုလာရောက်လည်ပတ်သူ နည်းလာပေမယ့်နယ်ဝေးကနေ အလှူငွေပေးပို့ကာ ဆင်စာဘူဖေးကျွေးသူများတယ်လို့ ဝင်္ဂဘော်ဆင်စခန်းတာဝန်ခံထံက သိရပါတယ်။
#Local_News
Published_07 May 2024
#ဝင်္ဂဘော်ဆင်စခန်း #ဆင်စာဘူဖေးကျွေးသူများ
#YMG/LW #Yangon_Times