#Local_News
Published 8 May 2024

▪️ ရန်ကုန်တိုင်းဒေသကြီး ၊ သင်္ဃန်းကျွန်းမြို့နယ်ရှိ လူကူးကုန်းတံတားပေါ်မှ လူငယ်တစ်ဦးခုန်ချမှု ဖြစ်ပွားခဲ့ကြောင်း Medical လူငယ်များ လူမှုကူညီရေးအသင်းဆီမှ သိရသည်။

▪️ မေလ ၈ရက် နေ့လည် ၁နာရီခွဲဝန်းကျင်က ဖြစ်ပွားခဲ့ခြင်းဖြစ်ကာ အသက်၂၀ ဝန်းကျင်ရှိ အမျိုးသားတစ်ဦးဖြစ်ကြောင်း သိရသည်။

▪️ ခုန်ချခဲ့သည့်လူငယ်ကို သင်္ဃန်းကျွန်းမြို့ စံပြဆေးရုံကတစ်ဆင့် မြောက်ဥက္ကလာပမြို့နယ်ရှိ မေဓါဝတီဆေးရုံကို အရေးပေါ်လွှဲပြောင်းပို့ဆောင်ပေးထားကာ ဒဏ်ရာများက သွေးထွက်များနေကြောင်း သိရသည်။

▪️ ပြီးခဲ့သည့်ဧပြီ ၂၆ရက်ကလည်း လှည်းတန်းဂုံးကျော်တံတားပေါ်မှ အသက်၁၉နှစ်အရွယ် အမျိုးသမီးတစ်ဦးခုန်ချမှုဖြစ်ပွားခဲ့သေးကြောင်း သိရသည်။

#YMG/LW #Yangon_Times

သင်္ကြန်ကာလနောက်ပိုင်းဆန်ဈေးတက်သော်လည်း စပါးဈေးများစွာ မတက်ဘဲ အနည်းငယ်သာတက်တာကြောင့် ဆန်စက်ပိုင်‌တွေ တွက်ခြေကိုက်ပြီး စပါးဝယ်ယူမှုများပြား
နေတယ်လို့ မြန်မာနိုင်ငံဆန်စပါးကုန်သည်များအသင်းက သိရပါတယ်။
‌#Local_News
Published_08 May 2024
#စပါးဈေးမတက် #ဆန်ဈေးတက်
#YMG/ NN #Yangon_Times

#Local_News
Published_08 May 2024

▪️ ပြင်ဦးလွင်မြို့၊ တောင်ပုလတောင်တော်စေတီတော်တွင် မေလ(၂၅)ရက်၌ ဒူးရင်းသီးစတုဒိသာပွဲနှင့် သစ်ပင်စိုက်ပျိုးပွဲကျင်းပမည်ဖြစ်ကြောင်း သိရသည်။

▪️ ဒူးရင်းသီးစတုဒိသာပွဲတွင် ဒူးရင်းသီး အလုံး (၃၀၀၀) ကျော်နှင့်အထက် ကျွေးမွေးလှူဒါန်းသွားရန်ရှိပြီး ထူးခြားမှုအနေဖြင့် ယခုနှစ်တွင် သစ်ပင်စိုက်ပွဲတော်ကိုပါ ထည့်သွင်းစိုက်ပျိုးသွားမည်ဟုဆိုသည်။

▪️"ဒူးရင်းသီးစတုဒိသာနှင့် သစ်ပင်စိုက်ပွဲတော်(၂၅.၅.၂၀၂၄) (စနေနေ့)နံနက်(၀၉:၃၀)မှ စတင်ကုသိုလ်ပြုပါမယ်။ ဒူးရင်းသီးအလုံး (၃၀၀၀) ကျော်နှင့်အထက်ကျွေးမွေးလှူဒါန်းသွားမယ်"ဟု တောင်ပုလဆရာတော်မှ ရေးသားဖော်ပြထားသည်။

▪️တောင်ပုလသစ်ပင်စိုက်ပျိုးပွဲတော်အတွက်သစ်တောဦးစီးဌာန၊ ဝန်ကြီးရုံးမှခရေ(၅၀၀)ပင်၊ ကံကော် (၇၀၀)ပင်၊ငုဝါ(၅၀၀)ပင်၊သစ်ပိတောက် (၅၀၀)ပင်၊ထောက်ကြံ့(၅၀၀)ပင်၊ကညင် (၁၀၀၀)ပင်၊ အင်ကြင်း (၁၅၀၀)ပင်၊ မဟော်ဂနီ (၁၅၀၀)ပင် လှူဒါန်းထားကြောင်း သိရသည်။

▪️ တောင်ပုလ(ဒူးရင်းသီးပွဲတော်) ပြင်ဦးလွင်နှင့် မန္တလေး 7မိုင်ကမ်းခြေခရီးစဉ်များလည်း ခရီးသွားလုပ်ငန်းများကပြေးဆွဲနေပြီးတစ်ဦးလျှင်ကားခသီးသန့်75000/Ksနှင့်မေလ စတုတ္ထအပတ် (24-5-24) ရက်နေ့ ည(၆)နာရီထွက်မည်ဖြစ်ကြာင်းနှင့် (၃)ည အိပ်ခရီး (27-5-24) ပြန်ရောက်ဖြစ်ကြောင်းလည်း Aung Family ခရီးသွားလုပ်ငန်းမှ ဖော်ပြထားကြောင်း သိရသည်။

#tthl #Yangon_Times

မကွေးတိုင်းဒေသကြီးအတွင်းက ဆောင်း‌မြေပဲအတောင့်ရောင်းချခဲ့တဲ့ တောင်သူတွေကို ပို့ကုန်လုပ်ငန်းရှင်က ကာလပေါက်ဈေးပေးဝယ်တဲ့အပြင် ‌မြေပဲအဆံရောင်းချလို့ရရှိတဲ့ အကျိုးအမြတ်ထဲက ၂၀ရာခိုင်နှုန်းကို ပေးအပ်ရာတောင်သူ ၄၉၀ဦးအတွက် ကျပ်သိန်း ၄၅၀ကျော် ရရှိခဲ့တယ်လို့ မကွေးတိုင်းတောင်သူဖွံ့ဖြိုးရေးအဖွဲ့ထံက သိရပါတယ်။
#Local_News
Published_08 May 2024
#ဆောင်း‌မြေပဲအတောင့်ရောင်းချ #မကွေးတိုင်းဒေသကြီး
#YMG/LW #Yangon_Times

ပြည်တွင်း‌မှာ ရွှေတွေထွက်နေပြီး ရွှေဈေးကွက်ကကျရမယ့်အချိန်ဖြစ်ပြီး ကမ္ဘာ့ရွှေဈေး မကျသေးတဲ့အတွက် ကျသင့်သလောက်မကျဘဲအကျ‌‌ နှေးနေတာဖြစ်တယ်။
(ရန်ကုန်တိုင်းဒေသကြီးရွှေလုပ်ငန်းရှင်များအသင်းမှ ဝာာဝန်ရှိသူတစ်ဦး)
#Local_News
Published_08 May 2024
#ရွှေထွက်ရာသီဖြစ် #မြန်မာ့ရွှေဈေးပြန်ကျ
#tthl #Yangon_Times

မဟာဗောဓိမြိုင်ဆရာတော်ဘုရားကြီးအတွက် ထိုင်းနိုင်ငံမှပေးပို့သော အထူးမှန်သေတ္တာအခေါင်းမြဝတီမြို့မှ တစ်ဆင့်‌ရောက်ရှိလာတာကြောင့် ပါဝင်ကုသိုလ်ပြုခွင့်ရခဲ့တယ်လို့ လူမှုကူညီရေးအဖွဲ့တွေက သိရပါတယ်။
#Local_News
Published_08 May 2024
#မဟာဗောဓိမြိုင်ဆရာတော်ဘုရားကြီး #အထူးမှန်သေတ္တာအခေါင်း
#YMG/NN #Yangon_Times

#Local_News
Published_08 May 2024

▪️ ထိုင်း-မြန်မာနယ်စပ် တာခ့်ခရိုင် မဲဆောက်မြို့အနီး တွင် တရားမဝင် မြန်မာအလုပ်သမားများ တင်ဆောင်လာသည့် ကားတိမ်းမှောက်တာကြောင့် ၁၂ဦး ထိခိုက်ဒဏ်ရာရရှိခဲ့ကြောင်း ထိုင်းသတင်းဌာနများ၏ ဖေါ်ပြချက်အရသိရသည်။

▪️ မေလ ၇ ရက် နံနက် ၉နာရီ ခန့်က ဖြစ်ပွား ခဲ့ ခြင်း ဖြစ်ကာ အဆိုပါ ကားပေါ်တွင် မြန်မာနိုင်ငံသား ၁၂ဦး လိုက်ပါလာခဲ့ပြီး စစ်ဆေးရေး ဂိတ်အရောက်တွင် ကားသမားက စစ်ဆေးခြင်းမခံဘဲ မောင်းပြေးရာ မှစစ်ဆေးရေး ဂိတ်နှင့် မီတာ ၅၀၀ခန့် တွင် တိမ်းမှောက်ခဲ့ ခြင်း ဖြစ်ကြောင်း သိရသည်။

▪️ ယာဉ်တိမ်းမှောက်မှုကြောင့် ကားပေါ်ပါ ၁၂ဦး ထိခိုက်ဒဏ်ရာ ရကာ သုံးဦးမှာဒဏ်ရာ ပြင်းထန်ကြောင်း နှင့် ယာဉ်မောင်းမှာ ထွက်ပြေးသွားကြောင်းသိရသည်။

▪️ ဒဏ်ရာရရှိသူများကို ကယ်ဆယ်ရေးအဖွဲ့များက ဖို့ဖရာ‌‌ဒေသအတွင်းရှိဆေးရုံသို့ ပို့ဆောင်ပေးခဲ့ကြောင်းသိရသည်။

▪️ အဆိုပါ တရားမဝင် ဝင်ရောက်လာသည့် မြန်မာနိုင်ငံသား ၁၂ဦး ကို ဆေးကုသမှုခံယူစေပြီးပါက ဥပဒေအရ ဆက်လက်ဆောင်ရွက်သွားမည်ဖြစ်ကြောင်း ထိုင်းသတင်းဌာနတွင်ဖေါ်ပြထားသည်။

#YMG/LW #Yangon_Times

#World_News
Published 08 May 2024

▪️ တစ်တော့(TikTok)နဲ့ တရုတ်မူရင်းကုမ္ပဏီ ByteDance တို့က အမေရိကန်သမ္မတ ဂျိုးဘိုင်ဒင် လက်မှတ်ရေးထိုးထားတဲ့ ဥပဒေတစ်ရပ်ကို ကန့်ကွက်ရန်အတွက် အမေရိကန် ဖက်ဒရယ်တရားရုံးမှာ အင်္ဂါနေ့က တရားစွဲဆိုလိုက်ပါတယ်။

▪️ ထိုဥပဒေဟာ အမေရိကန် နိုင်ငံသား သန်း ၁၇၀ ခန့် အသုံးပြုနေတဲ့ တစ်တော့အက်ပ်လီကေးရှင်းကို ရောင်းချခြင်း ဒါမှမဟုတ် ပိတ်ပင်ခြင်းပြုလုပ်မယ့် ဥပဒေ ဖြစ်ပါတယ်။

▪️ အဆိုပါ ကုမ္ပဏီတွေက ကိုလံဘီယာခရိုင် အမေရိကန် အယူခံဝင်ရေး တရားရုံးမှာ တရားစွဲဆိုချက်များကို တင်ပြခဲ့ပြီး ထိုဥပဒေဟာ လွတ်လပ်စွာ ထုတ်ဖော်ပြောဆိုခွင့် ကာကွယ်ရေး ပထမပြင်ဆင်ချက် အပါအဝင် အမေရိကန် ဖွဲ့စည်းပုံအခြေခံဥပဒေကို ချိုးဖောက်ရာကျတယ်လို့ ဆိုလိုက်ပါတယ်။

▪️ ဧပြီ ၂၄ ရက်နေ့က ဂျိုးဘိုင်ဒင် လက်မှတ်ရေးထိုးလိုက်တဲ့ ဥပဒေဟာ တစ်တော့ကို ရောင်းချရန် ဒါမှမဟုတ် ပိတ်ပင်သွားရန် ByteDance ကို ဇန်နဝါရီ ၁၉ ရက်နေ့မတိုင်မီအထိ အချိန်ပေးထားပါတယ်။

▪️ လွတ်လပ်စွာ ဖော်ထုတ်ပြောဆိုကြတဲ့ ဆိုရှယ်အက်ပ်တစ်ခုကို အမည်တပ်ပြီး နိုင်ငံတဝှမ်း ရာသက်ပန်ပိတ်ပင်လိုက်တဲ့ ဥပဒေကို ပြဌာန်းလိုက်တာ ဒါပထမဆုံး မြင်ဖူးတာပါပဲလို့ တရားစွဲဆိုချက်တွေမှာ ဖော်ပြထားပါတယ်။

▪️ တစ်တော့အနေနဲ့ အမေရိကန်မှာ ပိတ်သိမ်းခြင်း မခံရဖို့ အခုနောက်ဆုံး တရားစွဲဆိုလာတာဖြစ်ပါတယ်။

▪️ ဒီအချိန်မှာ Snap နဲ့ Meta တို့ကတော့ တစ်တော့ရဲ့ နိုင်ငံရေးမရေရာခြင်းကို အခွင့်ကောင်းယူကာ ကြော်ငြာခတွေ ရရှိဖို့ ကြိုးပမ်းလာပါတယ်။

▪️ တရုတ်က တစ်တော့အက်ပ်ကို အသုံးပြုပြီး အမေရိကန်များထံမှ အချက်အလက်များ ရယူခြင်း၊ လျှို့ဝှက်စုံစမ်းခြင်းများ ပြုလုပ်မှာကို အမေရိကန် လွှတ်တော်အမတ်များ စိုးရိမ်နေကြသဖြင့် ဥပဒေကြမ်း အဆိုပြုပြီး ရက်သတ္တပတ်အကြာမှာပဲ မဲအပြတ်အသတ်ဖြင့် ကွန်ဂရက်ကနေ အတည်ပြုခဲ့တာ ဖြစ်ပါတယ်။

▪️ တစ်တော့ကတော့ အမေရိကန်တွေရဲ့ အချက်အလက်တွေကို အသုံးပြုမျှဝေခြင်း မရှိဘူးလို့ ငြင်းဆန်လိုက်ကာ အမေရိကန် လွှတ်တော်အမတ်တွေကို စွပ်စွဲလိုက်ပါတယ်။

▪️ ထိုကဲ့သို့ အက်ပ်တွေကနေ နိုင်ငံတော်လုံခြုံရေးကို ခြိမ်းခြောက်နေတဲ့ ပြဿနာဖြေရှင်းရန် တစ်ခုတည်းသောနည်းလမ်းက ဥပဒေရေးရာဖြင့်သာ ဖြစ်ကြောင်း၊ ByteDance အနေနဲ့ ရောင်းချဖို့အစီအစဥ် စတင်သင့်ပြီဖြစ်ကြောင်း တရုတ်ပြည်ဆိုင်ရာ အောက်လွှတ်တော်ကော်မတီ ထိပ်သီးဒီမိုကရက်တစ်ဦးဖြစ်တဲ့ ရာဂျာခရစ်ရှ်နာမူအာသီက ပြောပြသွားပါတယ်။

▪️ အမေရိကန်မှာ တစ်တော့အောင်မြင်ရခြင်းရဲ့ အဓိကအချက်ဖြစ်တဲ့ ByteDance ကို အတင်းရောင်းချခြင်းမျိုး တရုတ်အစိုးရက ခွင့်မပြုနိုင်ဘူးလို့ ရှင်းရှင်းလင်းလင်း အသိပေးထားကြောင်း တရားစွဲဆိုချက်မှာ ပါဝင်ပါတယ်။

▪️ တရုတ်ပြည်မှာ နိုင်ငံတော်လုံခြုံရေး ကာကွယ်တဲ့အနေနဲ့ Meta ရဲ့ WhatsApp နဲ့ Threads တို့ကို ဖယ်ရှားရန် တရုတ်က အမိန့်ပေးထားပါတယ်။

#Source: Reuters

#Local_News
Published_08 May 2024

▪️ မေလ ၁ရက်နေ့မှစပြီး ယာယီရပ်ဆိုင်းထားသည့် အမျိုးသားများအတွက် ပြည်ပအလုပ်ခေါ်စာ ကို မေလ၇ရက်က ပြန်လည်ခွင့်ပြုသော်လည်း အသက်၂၃နှစ်မှ ၃၁နှစ်အထိ အမျိုးသားများ ပြည်ပထွက်အလုပ်လုပ်ခွင့်မရရှိသေးကြောင်း ပြည်ပအလုပ်အကိုင်ဝန်ဆောင်ပေးသည့်လိုင်စင်ရအေဂျင်စီများထံက သိရသည်။

▪️ ဧပြီ ၃၀ရက်က အလုပ်သမားဝန်ကြီးနှင့် အေဂျင်စီများ တွေ့ဆုံရာတွင် ယခင်ခွင့်ပြုထားသည့် အလုပ်ခေါ်စာများကို စေလွှတ်ခွင့်ပြုထားပြီး မေ၁ရက်ကစပြီး အမျိုးသားလုပ်သားများကို ပြည်ပထွက်ခွာခွင့် ယာယီပိတ်ကာ အလုပ်ခေါ်စာအသစ်တွေကို လက်ခံမှုကို ယာယီရပ်ထားမည်ဟု နှုတ်ဖြင့်ပြောကြားခဲ့ရာမှ တပတ်အကြာတွင်ခေါ်စာ အသစ်များ ပြန်လည်တင်ခွင့်ပြု ကြောင်းသိရသည်။

▪️" အလုပ်ခေါ်စာ အသစ်တွေ တင်လို့ရတယ်။ ဒါပေမယ့် ထိုင်း အတွက် စာချုပ်ချုပ်ခွင့် တင်ထားတဲ့ အေဂျင်စီတွေကိုတော့ အလုပ်သမားဝန်ကြီးဌာနက အီးမေးကနေပေးပို့တဲ့ အကြောင်းကြားစာမှာ အမျိုးသား အသက် ၂၃နှစ်ကနေ၃၁နှစ် အထိ ကို စာချုပ်ချုပ်ခွင့်မပြုဘူး ဒါကြောင့် စာချုပ်ချုပ်ဖို့ တင်ထားတဲ့ လူစာရင်းကို ပြန်လည်ပြင်ဆင်ပြီးဌာနကို ပြန်ပို့ပေးပါလို့ အီးမေးကနေတစ်ဆင့် အကြောင်းကြားလာတယ်"ဟုလိုင်စင်ရအေဂျင်စီမှတာဝန်ရှိသူတစ်ဦးကပြောသည်။

▪️ ယခုကဲ့သို့ အမျိုးသားများ ပြည်ပအလုပ်ထွက်လုပ်ရန် အသက်ကန့်သက်ချက်မှာ ထိုင်းနိုင်ငံအတွက်သာ အကြောင်းကြားလာပြီး အခြားနိုင်ငံများ ပါ ပါရှိခြင်း ရှိမရှိကိုတော့ မသိရှိရသေးကြောင်း ယင်းကဆက်လက်ပြောကြားသည်။

▪️ အဆိုပါ အကြောင်းရာနှင့်ပက်သက်ပြီး အလုပ်သမားဝန်ကြီးဌာနမှ တာဝန်ရှိသူ ကို ဖုန်းဖြင့်ဆက်သွယ် မေးမြန်းသော်လည်း ပြန်လည်ဖြေကြားခြင်းမရှိပေ။

▪️ ထိုင်းနိုင်ငံသို့လုပ်သား ပို့ဆောင်ရန် အတွက် စာချုပ်ချုပ်ခွင့်တောင်းဆိုထားသည့် လိုင်စင်ရအေဂျင်စီများ အနေဖြင့် ယခုကဲ့သို့ အမျိုးသားများ ပြည်ပထွက်အလုပ်လုပ်ခွင့်အတွက် အသက်ကန့်သက်လိုက်သဖြင့် အလုပ်သမားရှာဖွေရာတွင်အခက်ခဲများ ဖြစ်စေကြောင်း သိရသည်။

#YMG/LW #Yangon_Times

#Local_News
Published_08 May 2024

▪️ EVလျှပ်စစ်သုံးယာဉ် ပြစ်ချက်ရှာဖွေနည်းနှင့် ပြုပြင်ထိန်းသိမ်းမှုသင်တန်းကို နည်းပညာ၊ သက်မွေးပညာနှင့် လေ့ကျင့်ရေးဆရာအတတ်သင်ကောလိပ် TTTC (ဘယ်လင်း) ၌ဖွင့်လှစ်ခဲ့ကြောင်း သိရသည်။

▪️ အဆိုပါသင်တန်းတွင် လျှပ်စစ်အန္တရာယ်ကင်းရှင်းရေး၊ UNR 100 ၊ လျှပ်စစ်ကား၏ ဗို့အားမြင့် မောင်းနှင်ခြင်းစနစ်၊ Battery နည်းပညာ၊ ထိန်းချုပ်မှုစနစ်များ၊ Special Hand Tools၊ လျှပ်စစ်သုံးယာဉ်စနစ်တစ်ခုလုံးအတွက် ပြစ်ချက်ရှာဖွေခြင်း၊ စမ်းသပ်ခြင်း၊ Traction Battery ကိုဖြုတ်ခြင်း၊ တပ်ဆင်ခြင်းနှင့် စမ်းသပ်ခြင်း၊ Electrical Power Train စနစ်ကိုဖြုတ်ခြင်း၊ တပ်ဆင်ခြင်းနှင့်စမ်းသပ်ခြင်းဆိုင်ရာ အကြောင်းအရာများကို လေ့ကျင့်သင်ကြားပေးလျက်ရှိသည်ဟုဆိုသည်။

▪️ လျှပ်စစ်သုံးယာဉ်ဆိုင်ရာ ပြစ်ချက်ရှာဖွေနည်းနှင့် ပြုပြင်ထိန်းသိမ်းမှုသင်တန်း (၁/၂၀၂၄) ဖွင့်ပွဲအခမ်းအနားကို သိပ္ပံနှင့်နည်းပညာဝန်ကြီးဌာန၊ဒုတိယဝန်ကြီး ၊လျှပ်စစ်သုံးယာဉ်နှင့် ဆက်စပ်ပစ္စည်းများ သုတေသနဖွံ့ဖြိုးရေးနှင့် နည်းပညာပြန့်ပွားရေးလုပ်ငန်းကော်မတီဥက္ကဋ္ဌဒေါက်တာအောင်ဇေယျတက်ရောက်အမှာစကားပြောခဲ့သည်။

▪️ ဒုတိယဝန်ကြီးက "နိုင်ငံတော်တွင် အခြားကမ္ဘာ့နိုင်ငံများနည်းတူ ရာသီဥတုဖောက်ပြန်မှုလျှော့ချနိုင်ရေး၊ ကာဗွန်ကင်းစင်ရေး၊ ရုပ်ကြွင်း‌လောင်စာအသုံးပြုမှုများမှ သက်ရောက်မှုများကို လျှော့ချနိုင်ရေး၊ ရေရှည်စဉ်ဆက်မပြတ် ဖွံ့ဖြိုးတိုးတက်မှုကို ဖော်‌ဆောင်နိုင်ရေး၊ စက်သုံးဆီအသုံးစရိတ်လျှော့ချနိုင်ရေး၊ လေထုအရည်အသွေးများကိုမြင့်မားစေပြီး ပြည်သူများအတွက် သန့်ရှင်းသောလေထုမှတစ်ဆင့် ကျန်းမာရေးကောင်းမွန်စေသည့် ဆုလာဘ်များကိုပါ ရရှိရေးတို့အတွက် EV ကဏ္ဍဖွံ့ဖြိုးရေး ဆောင်ရွက်လျက်ရှိရာကြောင်း၊

▪️ ယင်းကဲ့သို့ဆောင်ရွက်ရာတွင် အရည်အသွေးပြည့်မီသော EV နည်းပညာရှင်များကို ပျိုးထောင်ပေးရန်လည်းလိုအပ်သဖြင့် ဤသင်တန်းကို ဖွင့်လှစ်ရခြင်းဖြစ်ကြောင်း၊ 

▪️ သင်တန်းသားများအနေဖြင့် နိုင်ငံတော်နှင့်ပြည်သူ့အကျိုးပြု EV နည်းပညာရှင်များဖြစ်စေရေး ရည်မှန်းချက်ထားကာ ကြိုးပမ်းလေ့ကျင့်ကြရန်လိုအပ်ကြောင်း" တိုက်တွန်းပြောကြားခဲ့ကြောင်း သိရသည်။

#tthl #Yangon_Times

#Local_News
Published 8 May 2024

▪️ ရွှေတိဂုံစေတီတော်သို့ နှစ်လတာအတွင်း ကျပ်သိန်းပေါင်းနှစ်သောင်း  သုံးထောင်ကျော်တန်ဖိုးရှိ ရွှေပြားနှင့် အလှူငွေများအားအလှူရှင်များမှ စေတနာသဒ္ဒါတရားထက်သန်စွာ  လှူဒါန်းခဲ့ကြောင်း ရွှေတိဂုံစေတီတော်ဘဏ္ဍာတော်ထိန်းဂေါပကအဖွဲ့မှ သိရသည်။

▪️ ထိုသို့လှူဒါန်းရာတွင်  ၂၀၂၄ ခုနှစ်၊ မတ် ၁ ရက်မှ  ဧပြီ ၃၀ ရက်ထိကာလအတွင်း သုံးကျပ်သားရွှေပြား ခုနှစ်ချပ်နှင့်  တစ်ကျပ်သားရွှေပြား ၅၃ ချပ်တို့အား အလှူရှင် ၄၇ ဦးတို့ကလည်းကောင်း၊ ငွေသားအလှူရှင် ၁၁၆ ဦး အပါအဝင်  လှူဒါန်းငွေစုစုပေါင်းကျပ် ၂၃၁၆၅၀၉၅၅၇(ကျပ်သိန်းပေါင်းနှစ်သောင်း  သုံးထောင်တစ်ရာခြောက်ဆယ့်ငါးသိန်းကိုးထောင်ငါးရာငါးဆယ့်ခွန်)တို့အား လှူဒါန်းခဲ့ကြကြောင်း သိရသည်။

▪️ အဆိုပါ ရွှေတိဂုံစေတီတော်မြတ်ကြီးသို့ စေတနာသဒ္ဒါတရားထက်သန်စွာ လှူဒါန်းထားကြသည့် ကျပ်တစ် သိန်းနှင့်အထက်အလှူရှင်များအား ရွှေတိဂုံစေတီတော်ဘဏ္ဍာတော်ထိန်းဂေါပကအဖွဲ့က (၅၈၆)ကြိမ်မြောက် ထုတိအနုမောဒနာဂုဏ်ပြုလွှာ ပြန်လည်ချီးမြှင့်ခြင်းအခမ်းအနားနှင့် လှူဒါန်းမှု အစုစုအတွက် ရေစက်ချအလှူတော်မင်္ဂလာအခမ်းအနားကို ယမာန်နေ့နေ့လယ်ပိုင်းတွင် စေတီတော်ရင်ပြင်တောင်ဘက်ရှိ ရှေးဟောင်းဗုဒ္ဓရုပ်ပွားတော်များတန်ဆောင်း၌ ကျင်းပပြုလုပ်ခဲ့ရာ ရှေးဦးစွာ အခမ်းအနားကို နမောတဿသုံးကြိမ်ရွတ်ဆို ဘုရားကန်တော့၍ဖွင့်လှစ်ပြီး အလှူရှင်များက ရွှေစင်ရွှေပြားများနှင့်အလှူတော်ငွေများကိုပေးအပ်လှူဒါန်းကြရာ စေတီတော်ဘဏ္ဍာတော်ထိန်းဂေါပကအဖွဲ့ အလှည့်ကျသဘာပတိ ဦးလှမြင့်နှင့် ဂေါပကအဖွဲ့ဝင်များကလက်ခံရယူပြီး ထုတိအနုမောဒနာ ဂုဏ်ပြုမှတ်တမ်းလွှာများ ပြန်လည်ပေးအပ်ကြသည်။

▪️ ထို့နောက်ရွှေတိဂုံစေတီတော်ဘဏ္ဍာတော်ထိန်းဂေါပကအဖွဲ့သြဝါဒါစရိယ၊ တိပိဋကဓရ ဓမ္မဘဏ္ဍာဂါရိက အဂ္ဂမဟာပဏ္ဍိတ တိပိဋကဓရ တိပိဋကကောဝိဒရွေးချယ်ရေးအဖွဲ့ သြဝါဒါစရိယ  ဘဒ္ဒန္တ ဝါယာမိန္ဒာဘိဝံသ (ရေစကြိုဆရာတော်) ထံမှ အခမ်းအနားတက်ရောက်သူများက ငါးပါးသီလခံယူဆောက်တည်ကြပြီး ရေစက်ချအနုမောဒနာ တရားနာယူကာ အခမ်းအနားကိုရုပ်သိမ်းခဲ့‌ကြောင်း သိရသည်။

#YMG/ NN #Yangon-Times

#World_Health
Published 08 May 2024

▪️ စိတ်ဖိစီးစရာအဖြစ်ကို ပြန်လည်တွေးတောပြီး ဒေါသထွက်နေတာဟာ သွေးစီးဆင်းမှုအတွက် လိုအပ်တဲ့ သွေးကြောများ ပြေလျော့နိုင်စွမ်းကို ယာယီအားဖြင့် ထိခိုက်စေတယ်လို့ လေ့လာဖော်ပြထားပါတယ်။

▪️ နယူးယော့ခ်မြို့မှ လူ ၂၈၀ ဦးကို စိတ်ဆိုးစိတ်ပျက်စရာအဖြစ်များ ၈ မိနစ်ကြာအောင် ပြန်လည်စဥ်းစားခိုင်းခဲ့ပါတယ်။

▪️ ပြန်လည်စဥ်းစားခြင်းမပြုခင်နဲ့ စမ်းသပ်ပြီးနောက် သွေးကြောများရှိ ဆဲလ်များကို တိုင်းတာစစ်ဆေးခဲ့ကြပါတယ်။

▪️  သွေးစီးဆင်းမှု ကောင်းမွန်စေတဲ့ သွေးကြောကျယ်ခြင်းကို မိနစ် ၄၀ ခန့်အထိ ထိခိုက်စေကြောင်း တွေ့ရှိခဲ့ကြပါတယ်။

▪️  စိတ်ဆိုးစိတ်ပျက်စရာများ စဥ်းစားပြီးနောက် သွေးကြောနံရံတွေမှာ သိသိသာသာ ပြောင်းလဲသွားခြင်း မရှိတာကို တွေ့ရှိခဲ့ကြပါတယ်။

▪️ ဒေါသထွက်ခြင်းနဲ့ သွေးကြောများ ထိခိုက်ခြင်းတို့ကြား ဆက်စပ်မှုများကို လေ့လာခြင်းဖြင့် နှလုံးသွေးကြောပြဿနာ ဖြစ်နိုင်ခြေများတဲ့သူတွေမှာ ထိရောက်စွာ ကာကွယ်ကုသနိုင်စေမှာဖြစ်ကြောင်း ကိုလံဘီယာတက္ကသိုလ် အာဗင်းဆေးဘက်ဆိုင်ရာဌာနမှ ပရော်ဖက်ဆာ ဒေါက်တာ ဒိုင်အိချိရှင်ဘိုက ပြောပြပါတယ်။

▪️ နှလုံးနဲ့ ဦးနှောက်သို့ သွေးစီးဆင်းမှု ပိတ်ဆို့သွားတဲ့အခါ နှလုံးဖောက်ခြင်း၊ လေဖြတ်ခြင်းတို့ ဖြစ်တတ်ပါတယ်။

▪️ အမေရိကန်မှာ စက္ကန့် ၄၀ ကြာတိုင်း တစ်ယောက်နှုန်းဖြင့် နှလုံးဖောက်နေကြပြီး နှလုံးသွေးကြောရောဂါကြောင့် ၃၃ စက္ကန့်ကြာတိုင်း ၁ ယောက်နှုန်း သေဆုံးနေကြကြောင်း အမေရိကန် နှလုံးအဖွဲ့အစည်းက ဖော်ပြထားပါတယ်။

▪️ ထိုတွေ့ရှိချက်တွေက နှလုံးရောဂါရှိပြီး ဒေါသမထိန်းနိုင်တဲ့ သူတွေအနေနဲ့ ယောဂကျင့်ခြင်း၊ လေ့ကျင့်ခန်းလုပ်ခြင်း၊ အခြားကုသနည်းလမ်းတို့ဖြင့် ဒေါသထိန်းနိုင်ဖို့ အထောက်အကူ ဖြစ်စေနိုင်ကြောင်း နှလုံးအထူးကု ဒေါက်တာ ဟိုလီမစ်ဒယ်ကော့ဖ်က ဆိုပါတယ်။

▪️ စမ်းသပ်ချက်က လက်တွေ့အခြေအနေတွေမှာ စမ်းသပ်တာ မဟုတ်သလို အချိန်ကြာမြင့်စွာ စမ်းသပ်တာမျိုး မဟုတ်ပါဘူး။

#Source: New York Post