#Local_News
Published_11 May 2024

▪️ ကမ္ဘာ့ဗုဒ္ဓနေ့၊ ချီကျိနေ့အထိမ်းအမှတ်အဖြစ် မင်္ဂလာဒုံမြို့နယ်မှာ‌ မေလ(၁၂)ရက်၊ မနက်ပိုင်း၌ထမင်းဗူးတစ်ထောင်လှူဒါန်းမည်ဖြစ်ကြောင်း ပုလဲအရန်တပ်ဖွဲ့မှ သိရသည်။

▪️ ကဆုန်လပြည့်နေ့သည် ကမ္ဘာ့ဗုဒ္ဓနေ့ ဘုရား‌ရေ သပ္ပာယ်‌နေ့ဖြစ်ပြီး ချီကျိအသက်(၅၈)နှစ် ဗုဒ္ဓရေသပ္ပာယ်အခမ်းအနားအဖြစ်အလှူရှင်မှလှူဒါန်းခြင်းဖြစ်သည်ဟု ဆိုသည်။

▪️ ပုလဲအရန်တပ်ဖွဲ့အနေဖြင့် ထမင်းဗူး(၁၀၀၀)ကို ချက်ပြုတ်ပြင်ဆင်ခဲ့ပြီး ပုလဲအရန်တပ်ဖွဲ့ဝင်များ၊ ပုလဲအရန်တပ်ဖွဲ့တွင် အားကိုးခိုလုံနေရသူများ စုစုပေါင်း(၅၀၀)ဦးနှင့် နွမ်းပါးမိသားစု (၅၀၀)ဦး စုစုပေါင်း (၁၀၀၀)ဦးစာအတွက် ထမင်းဗူးများလှူမည်ဟုဆိုသည်။

▪️ မေလ(၁၂)ရက် မနက်ဖြန်မနက် (၁၀)နာရီတွင် ပုလဲအရန်မီးသတ်စခန်းတွင် အသားမပါ ထမင်းဘူး ဟင်း(၃)မျိုးအပါ ကုသိုလ်ပြုလှူဒါန်းသွားမည်ဖြစ်ပြီး မည်သူမဆိုလာရောက် သုံးဆောင်နိုင်ကြောင်း သိရသည်။

#tthl #Yangon_Times

#World_Science
Published 11 May 2024

▪️ တရုတ်သိပ္ပံပညာရှင်တွေက ငယ်ရွယ်တဲ့ ကြွက်တွေရဲ့ သွေးထဲမှာ အိုမင်းရင့်ရော်ခြင်းကို ဆန့်ကျင်တဲ့ပစ္စည်း တွေ့ရှိခဲ့တယ်လို့ ဆိုလိုက်ကာ သူတို့ရဲ့ သုတေသန စမ်းသပ်ချက်ထဲမှာ သက်တမ်းအရှည်ဆုံး ဖြစ်ခဲ့တဲ့ကြွက်က ၁၂၆၆ ရက်အထိ နေနိုင်ခဲ့ကာ လူ့သက်တမ်းနဲ့ဆိုရင် အသက် ၁၂၀-၁၃၀ နှစ်လောက်အထိ ရှိခဲ့ပါတယ်။

▪️ အသက်ရှင်သန်သက်တမ်း အလယ်အလတ်အားဖြင့် ၈၄၀ ရက်ခန့်ရှိတဲ့ လ ၂၀ သက်တမ်းရှိကြွက်ထီးတွေကို ထိုပစ္စည်းပါဝင်တဲ့ သွေးများ အပတ်စဥ် ထိုးသွင်းပေးခဲ့ပါတယ်။

▪️ ထိုအခါမှာ ပျမ်းမျှရှင်သန်သက်တမ်းက ၂၂.၇ ရာခိုင်နှုန်းတက်လာပြီး ၁၀၃၁ ရက်အထိ ဖြစ်လာပါတယ်။

▪️ အသက်ကြီးတဲ့ ကြွက်တွေမှာလည်း အသက်အရွယ်ကြောင့် လုပ်ဆောင်ချက် ကျဆင်းလာတာတွေ သိသိသာသာ လျော့နည်းသွားတယ်လို့ သုတေသန ပူးတွဲခေါင်းဆောင် ကျန်းချင်ယုက ပြောပြပါတယ်။

▪️ လူငယ်လူရွယ်တွေရဲ့ သွေးကို အသုံးပြုမယ်ဆိုရင် အထင်လွဲမှားတာတွေလိုမျိုး ကျင့်ဝတ်နဲ့မညီတဲ့ ပြဿနာတွေ ဖြစ်ပေါ်လာနိုင်တယ်လို့လည်း ဆိုပါတယ်။

▪️ ကုသနည်းလမ်း ပေါ်ပေါက်လာပြီဆိုရင် သွေးရည်ကြည် တိုက်ရိုက်ထိုးသွင်းတာမျိုး မဟုတ်ဘဲ ဆေးဝါးများဖြင့်သာ ပြုလုပ်သင့်တယ်လို့ ဆိုပါတယ်။

▪️ တရုတ်အဖွဲ့ဟာ ယခင်ကလည်း လူငယ်တွေရဲ့ သွေးမှာတွေ့ရတဲ့ ပရိုတိန်း အစိတ်အပိုင်းတွေရဲ့ အိုမင်းဆန့်ကျင်နိုင်စွမ်းကိုလည်း လေ့လာခဲ့ကြပါတယ်။

▪️ ကြွက်ပေါင်းရာချီထံမှ အချက်အလက်များ ရရှိဖို့ အချိန် ၇ နှစ်ကြာမြင့်ခဲ့ပါတယ်။

▪️ ပျမ်းမျှရှင်သန်သက်တမ်း ၂၂.၇ ရာခိုင်နှုန်း မြင့်တက်လာတယ်ဆိုတာ ကမ္ဘာပေါ်မှာပါ အများဆုံးဖြစ်တယ်လို့ ကျန်းချင်ယုက ဆိုပါတယ်။

▪️ ဒီသုတေသနက အစသာရှိသေးပြီး လက်တွေ့စမ်းသပ်မှုများနဲ့ ဆေးဝါးများ မထုတ်လုပ်နိုင်ခင်မှာ သိပ္ပံနည်းကျ ပြဿနာတွေ ဖြေရှင်းရဦးမှာ ဖြစ်ပါတယ်။

▪️ ဒီမတိုင်ခင် လူသားများနဲ့ အနီးစပ်ဆုံးဖြစ်တဲ့ မျောက်ဝံကြီးတွေမှာ စမ်းသပ်မှုတွေ ပြုလုပ်ရဦးမှာ ဖြစ်ပါတယ်။

#Source: WION

#Local_News
Published 11 May 2024

▪️ မော်လမြိုင် -ရန်ကုန်လမ်းမကြီး ကားလမ်းပေါ်ဘီးလင်းမြို့နှင့်သထုံမြို့အစပ်ရှိ  ဘီးလင်းကျုံအိတ် တံတားမှာ ယနေ့မနက်ပိုင်းက ထပ်မံကျိုးသွားသည့်အတွက် ယာဉ်များလှည့်ပြန်နေရပြီး ခရီးစဉ်‌များနှောင့်နှေးနေရကြောင်း ဒေသခံနှင့် ယာဉ်မောင်းများထံမှသိရသည်။

▪️ ဒေသခံများ၏အဆိုအရ အဆိုပါ ကျုံအိတ်တံတားဘက်မှ ယနေ့မေလ (၁၁) ရက်နေ့ ၄နာရီ အချိန်ခန့်တွင် ပေါက်ကွဲသံထွက်‌လာပြီးနောက် တံတားပြိုကျပျက်စီး‌နေသည့်အတွက် အသုံးပြု၍မရတော့ကြောင်း သိရသည်။

▪️ "မော်လမြိုင် ရန်ကုန်လမ်းမကြီး ကားလမ်း ဘီးလင်းကျုံအိတ်တံတားကျိုးသွားပါပြီ။ မနက် ၄ နာရီလောက်က ဖြစ်သွားတာပါ။ မိုင်းထိထားတဲ့တံတား၊ ထပ်ပြီးထိတာပါ။ လက်ရှိမှာတံတားက ဆက်သွားလို့မရတော့ပါဘူး။ အခုပဲပြန်‌ကွေ့လာရတယ်"ဟု အဝေးပြေးယာဉ်မောင်းတစ်ဦးကပြောသည်။

▪️ ကုန်တင်ယာဉ်များပိတ်ဆို့နေပြီး မော်လမြိုင်မြို့ဘက်မှ ရန်ကုန်မြို့ဘက်သို့ သွားနေကြသည့် အိမ်စီးကားများနှင့် ခရီးသည်တင်ယာဉ်များ မော်လမြိုင်မြို့ဘက်သို့ ပြန်လှည့်လာကြကြောင်း သိရသည်။

▪️ "ရော်ဘာတောလမ်းလေးတော့ရှိတယ်။ ဒါပေမယ့် အခြေအနေကဘာလဲမသိတော့ ပြန်လှည့်တာပဲကောင်းပါတယ်" ဟု ဒေသခံတစ်ဦးက ပြောသည်။

▪️ ပြီးခဲ့သည့် ၂၀၂၃ ခုနှစ် ဇွန်လ ၂၉ ရက် နံနက် (၄) နာရီခွဲအချိန်ခန့်ကလည်း သထုံမြို့နယ်နှင့် ဘီးလင်းမြို့နယ်ကြား ရန်ကုန် - မော်လမြိုင် ကားလမ်းမိုင်တိုင်အမှတ် (၁၃၁/၆) နှင့် (၁၃၁/၇) ကြားရှိ တံတားအမှတ် (၁၃၂/၃) ကျုံအိတ်တံတားအား KNU တပ်မဟာ (၁) ၊ တပ်ရင်း (၂) မှ KNLA/PDF ပူးပေါင်းတပ်ဖွဲ့က မိုင်းခွဲဖျက်ဆီးခဲ့ကြောင်းသိရသည်။

▪️ အဆိုပါ  တံတားမိုင်းခွဲခံရသည့်အတွက် တံတားတစ်ခြမ်းပြိုကျပျက်ဆီးခဲ့ပြီး  တံတားကျိုးကျချိန်တွင် အိမ်စီးကား သုံးစီးပျက်ဆီးခဲ့ရာ နှစ်စီးမှာ ချောင်းအတွင်းပြုတ်ကျပျက်ဆီးခဲ့ပြီး အမျိုးသားတစ်ဦးသေဆုံးခဲ့ပြီး တစ်ဦးထိခိုက်ဒဏ်ရာများရရှိခဲ့ကြောင်း သိရသည်။

▪️ ထို့နောက် ၂၀၂၃ခုနှစ် ၊ဇွန်လ ၂၉ ရက် နံနက် ၆ နာရီဝန်းကျင်အချိန်ခန့်တွင် မိုင်းခွဲခံရပြီးနောက် ထိခိုက်ပျက်ဆီးခဲ့သည့် ကျုံအိတ်တံတားအား စစ်ဆေးရန်လာရောက်ခဲ့သည့် လုံခြုံရေးတပ်ဖွဲ့ဝင်များ၊ ဌာနဆိုင်ရာတာဝန်ရှိသူများ ထပ်မံတိုက်ခိုက်ခံရပြီး သထုံခရိုင်လမ်းဦးစီးမှူးတစ်ဦးသေဆုံးကာ (၂၈) ဦးထိခိုက်ဒဏ်ရာများ ရရှိခဲ့ကြောင်း သိရသည်။

▪️ ထို့အပြင် မိုင်းခွဲဖျက်ဆီးခံခဲ့ရသည့် ကျုံအိတ်တံတားအား ယာယီဘေလီတံတားထိုးရန် တံတားတည်ဆောက်ရေးအဖွဲ့များက လုပ်ဆောင်နေစဉ် (၈) ကြိမ်ထက်မနည်း Drop Bomb ချတိုက်ခိုက်ခံခဲ့ရကြောင်း သိရသည်။

▪️ သို့သော်လည်း (၂၀၂၃) ခုနှစ် ဇူလိုင်လ (၂၆) ရက်တွင် ယာယီဘေလီတံတားထိုးနိုင်ခဲ့ပြီး မော်တော်ယာဉ်များ ပုံမှန်နီးပါး ပြန်လည်သွားလာနိုင်ခဲ့ကြောင်း သိရသည်။

#YMG/NN #Yangon_Times

#World_Health
Published 11 May 2024

▪️ လူတွေဟာ မိနစ်အနည်းငယ်မျှ စိတ်ဆိုးဒေါသထွက်တဲ့အခါ သွေးကြောနံရံများရှိ ဆဲလ်များအလုပ်လုပ်ပုံ ထိခိုက်နိုင်ကာ သွေးစီးဆင်းမှု ကျဥ်းမြောင်းစေပါတယ်။

▪️ ခဏတာမျှ ဒေါသထွက်လျှင်ပင် နှလုံးရောဂါများ၊ နှလုံးဖောက်ခြင်း၊ လေဖြတ်ခြင်းတို့ ဖြစ်စေနိုင်ကြောင်း အမေရိကန်နှလုံး အဖွဲ့အစည်းဂျာနယ်မှာ ဖော်ပြထားပါတယ်။

▪️ လူရွယ်များဖြင့် စမ်းသပ်ရာမှာ ဒေါသထွက်စရာ အကြောင်းတွေကို ပြန်စဥ်းစားခိုင်းခြင်းဖြင့် သွေးကြောလုပ်ဆောင်ချက်များ ချို့ယွင်းလာတာကို တွေ့ရှိခဲ့ကြပါတယ်။

▪️ နှလုံးကျန်းမာရေး ပြဿနာရှိပြီးသားသူတွေအတွက်တော့ ပိုပြီးစိုးရိမ်စရာ ဖြစ်တယ်လို့ ကိုလံဘီယာ တက္ကသိုလ်မှ ဒိုင်အိချီရှင်ဘိုက ဖော်ပြထားပါတယ်။

▪️ နှလုံးဖောက်ခြင်းနဲ့ အပြင်းအထန် စိတ်ခံစားချက်များကြား ဆက်စပ်ပုံကိုလည်း တွေ့ရှိခဲ့ကြပါတယ်။

▪️ ရှင်ဘိုနဲ့အဖွဲ့က ဒေါသ၊ စိုးရိမ်ပိုပန်မှု၊ ဝမ်းနည်းမှုတို့ကို လေ့လာဖို့ စမ်းသပ်ခံ ၂၈၀ ကိုခေါ်ယူခဲ့ပါတယ်။

▪️ ထိုအခါမှာ ဒေါသထွက်တဲ့လူတွေက သွေးကြောနံရံချဲ့နိုင်စွမ်း သိသိသာသာ လျော့နည်းပြီး မိနစ် ၄၀ မျှကြာမြင့်တာကို တွေ့ရှိရပါတယ်။

▪️ ကြိမ်ဖန်များစွာ ဒေါသထွက်ခြင်းက နှလုံးသွေးကြော ကျန်းမာရေးအပေါ် ရေရှည်မှာ ထိခိုက်စေပါတယ်။

▪️ ထိုလေ့လာချက်က ဒေါသထွက်ခြင်းဟာ သွေးကြောနံရံ လုပ်ဆောင်ချက်တွေကို ထိခိုက်ပုံတွေ၊ သွေးကြောနံရံတွေဆိုတာက နှလုံးရောဂါတွေ ဖြစ်စေတဲ့ အဓိကအကြောင်းအရင်း ဖြစ်ပုံတွေကို သိရှိစေပါတယ်။

▪️ ဒီဖြစ်စဥ်တွေအကြောင်း နောက်ထပ်လေ့လာမှုတွေ ပြုလုပ်ဖို့ လိုအပ်သေးပေမယ့် နှလုံးကျန်းမာရေးအတွက် စိတ်ဖိစီးမှုများနဲ့ ခံစားမှုများကို ထိန်းချုပ်ဖို့က အရေးကြီးပါတယ်။

#Source: India Today

Published_10 May 2024
မြန်မာ-အိန္ဒိယ တိုက်ရိုက်လေ ကြောင်းပျံသန်းရေးကိစ္စကို ယနေ့ မေလ ၁၀ ရက်တွင် မြန်မာနိုင်ငံတော်စီမံ အုပ်ချုပ်ရေးကောင်စီဥက္ကဋ္ဌ နိုင်ငံတော်ဝန်ကြီးချုပ် ဗိုလ်ချုပ်မှူး ကြီး မင်းအောင်လှိုင် နှင့် မြန်မာနိုင်ငံဆိုင်ရာ အိန္ဒိယနိုင်ငံသံအမတ်ကြီးအဖြစ် ခန့်အပ်ရန် သဘောတူညီပြီးဖြစ်သော သံအ မတ်ကြီး Abhay Thakur တို့ ဆွေးနွေးခဲ့ကြခြင်း ဖြစ်ကြောင်း သိရသည်။
မြန်မာနိုင်ငံဆိုင်ရာအိန္ဒိယနိုင်ငံသံအမတ်ကြီးအဖြစ် ခန့်အပ်ရန် သဘောတူညီပြီးဖြစ်သော သံအ မတ်ကြီး Abhay Thakur က ၎င်း၏သံအမတ်ခန့်အပ်လွှာကို နေပြည်တော်ရှိ နိုင်ငံတော်စီမံ ကောင်စီဥက္ကဋ္ဌရုံး၊ သံတမန် ဆောင်ဧည့်ခန်းမ မြန်မာနိုင်ငံတော်စီမံအုပ်ချုပ်ရေးကောင်စီဥက္ကဋ္ဌ နိုင်ငံတော်ဝန်ကြီးချုပ် ဗိုလ်ချုပ်မှူး ကြီး မင်း အောင်လှိုင်ထံ ပေးအပ်ခဲ့စဉ် အထက်ပါအတိုင်း ဆွေးနွေးခဲ့ကြခြင်း ဖြစ်ကြောင်း သိရသည်။
အဆိုပါ တိုက်ရိုက်လေ ကြောင်းပျံသန်းရေးဆိုင်ရာ ကိစ္စရပ် များအပြင် မြန်မာ-အိန္ဒိယ နှစ်နိုင်ငံ နယ်စပ်ဒေသ တည်ငြိမ် အေး ချမ်းရေးနှင့် ဖွံ့ဖြိုးတိုး တက် ရေးဆိုင်ရာကိစ္စရပ်များ၊ ကုန်သွယ်မှုမြှင့်တင်ရေးဆိုင်ရာကိစ္စရပ်များ၊ ပညာတော်သင်များ စေလွှတ်လျက်ရှိမှု အခြေ အနေများ၊ ကာကွယ် ရေးဆိုင်ရာကိစ္စရပ်များတွင် ပူးပေါင်း ဆောင်ရွက်လျက် ရှိမှုအခြေအနေများ၊ မြန်မာနိုင်ငံ ၏နိုင်ငံရေး ဖြစ်ပေါ် ပြောင်းလဲမှု အခြေအနေများနှင့် လွတ် လပ်ပြီး တရားမျှတ သည့် ပါတီစုံဒီမိုကရေစီ အထွေထွေရွေး ကောက် ပွဲကျင်းပနိုင်ရေးကြိုတင်ပြင်ဆင် ဆောင်ရွက်လျက်ရှိမှု အခြေအနေများနှင့် စပ်လျဉ်းပြီး ရင်းရင်းနှီးနှီး ဆွေးနွေး ခဲ့ကြကြောင်း သိရသည်။
ယင်း သံအမတ်ခန့်အပ်လွှာပေးအပ်ပွဲသို့ ကောင်စီတွဲဖက်အတွင်းရေးမှူး ဒုတိယဗိုလ်ချုပ်ကြီး ရဲဝင်းဦး၊ ဒုတိယ ဝန်ကြီးချုပ်နှင့် နိုင်ငံခြားရေးဝန်ကြီးဌာန ပြည်ထောင်စုဝန်ကြီး ဦးသန်းဆွေနှင့် နိုင်ငံခြားရေး ဝန်ကြီးဌာန၊ သံတမန်ရေးရာဦးစီးဌာနညွှန်ကြားရေးမှူးချုပ် ဦးဝဏ္ဏဟန်တို့ တက်ရောက် ခဲ့ကြကြောင်းလည်း သိရသည်။
Yangon_Times/PP

အီရန်အနေနဲ့ နျူကလီးယား လက်နက်များ မပြန့်ပွားရေး (NPT) သဘောတူညီချက် အပါအဝင် သက်ဆိုင်ရာ နိုင်ငံတကာ သဘောတူညီချက်များ ဖွဲစည်းမှုဘောင်အတွင်းကနေ နိုင်ငံတကာ နျူကလီးယားစွမ်းအင် အေဂျင်စီ(IAEA)နဲ့ ဆက်လက်ပူးပေါင်း လုပ်ဆောင်သွားမယ်လို အီရန်နျူကလီးယား အကြီးအကဲ မိုဟာမက်အက်စ်လာမီက နျူကလီးယားသိပ္ပံနှင့် နည်းပညာဆိုင်ရာ နိုင်ငံတကာကွန်ဖရင့်(ICNST) ၂၀၂၄ ဖွင့်ပွဲအခမ်းအနားမှာ ပြောကြားလိုက်ပါတယ်။
#World_News
Published_10 May 2024
#နိုင်ငံတကာနျူကလီးယားစွမ်းအင်အေဂျင်စီ #(NPT)သဘောတူညီချက်
#Yangon_Times #YMG_News #Yangon_Media_Group

၁၀ မေ ၂၀၂၄

CB Bank ဥက္ကဌဦးခင်မောင်အေးဖမ်းဆီးခံရသည်ဟု လူမှုကွန်ရက်‌ပေါ်၌ပျံ့နှံ့နေပြီး  CB Bank ဥက္ကဌဦးခင်မောင်အေးဖမ်းဆီးခံရသည့်သတင်းမဟုတ်မှန်ကြောင်း ဦးခင်မောင်အေး၏မိသားစုနှင့်နီးစပ်သည့်အသိုင်းအဝိုင်းမှ အတည်ပြု‌ပြောခဲ့ကြောင်းသိရသည်။

CB Bank ဥက္ကဌဦးခင်မောင်အေးဖမ်းဆီးခံရသည့် သတင်းမဟုတ်မှန်ကြောင်း ၎င်း၏မိသားစုနှင့် နီးစပ်သည့် အသိုင်းအဝိုင်းမှ YMGကို အတည်ပြုဖြေကြားထားခြင်းဖြစ်သည်။

အဆိုပါသတင်းမဟုတ်ဘူးလို့သိရကြောင်းလည်း ဦးခင်မောင်အေးနှင့်နီးစပ်သည့် စီးပွားရေးလုပ်ငန်းရှင်တစ်ဦးက YMG ကိုပြောသည်။

CB Bank ဥက္ကဌဦးခင်မောင်အေးနှင့်နီးစပ်သည့် ရုပ်သံလုပ်ငန်းလုပ်ကိုင်သူများကလည်း လက်ရှိအချိန်အထိ ဥက္ကဌအဖမ်းခံရသည်ကို မကြားမိသေးကြောင်း ‌ဖြေကြားထားသည်။

ထို့အပြင် ယနေ့မေလ၁၀ရက်နေ့ ညနေ ၆နာရီခွဲခန့်က ဆိုရှယ်မီဒီယာဖေ့စ်ဘုတ်ခ်တွင် အကောင့်ပိုင်ရှင် Sai Moe San ဆိုသူက  KBZ နာယကကြီးဦးအောင်ကိုဝင်းနှင့်ဇနီးဒေါ်နန်းသန်းထွေးရဲ့မွေးနေ့မင်္ဂလာညစာစားပွဲသို့ တက်ရောက်လာသည့် ဦးခင်မောင်အေးနှင့်ဇနီးဖြစ်သူတို့၏ ဓာတ်ပုံများကို တင်ထားပြီး ကျန်းမာပါစေကြောင်း ဆုတောင်းပေးထားသည်ကိုတွေ့ရသည်။

မေလ(၁၀)ရက်တွင် CB Bank ဥက္ကဌဦးခင်မောင်အေးဖမ်းဆီးခံရကြောင်း၊   ကျားဖြန့်များနှင့်ပတ်သက်၍ စစ်ဆေးမေးမြန်းခံနေရကြောင်း လူမှုကွန်ရက်ပေါ်၌ သတင်းများထွက်ပေါ်ခဲ့ပြီး ယင်းကဲ့သို့ ဖမ်းဆီးခံရခြင်းမရှိကြောင်း ဦးခင်မောင်အေး မိသားစုနှင့်နီးစပ်သည့် အသိုင်းအဝိုင်းမှ ပြန်လည် ဖြေကြားခဲ့ခြင်းဖြစ်သည်။

ဓာတ်ပုံများ - Sai Moe San’s FB

tthl

Yangon_Time

#Daily_News
Published_10 May 2024

၁။ ပြည်ထောင်စုအကျိုးကို ရှေ့ရှု့ကြမည်ဆိုပါက သက်ဆိုင်သူများအားလုံးပါဝင်သော နိုင်ငံရေးတွေ့ဆုံဆွေးနွေးပွဲများ အကောင်အထည်ဖော်နိုင်မည်ဟုဆို

၂။ မြန်မာ့ရွှေထည်ကို ဂျပန်မှအားပေးနေပြီး ကျောက်ထည်များကိုUS၊ ဥ‌ရောပ၊ တရုတ်၊ ဟောင်ကောင်၊ တိုင်ဝမ်တို့မှ အားပေးနေ

၃။ စက်သုံးဆီအရောင်းဆိုင်များအား ရှောင်တစ်ခင်ဝင်ရောက်စစ်ဆေးပြီးနောက် ဓာတ်ဆီနှင့်ဒီဇယ်ဈေးနှုန်းများကျဆင်းလာ

၄။ နိုင်ငံတကာနျူကလီးယားစွမ်းအင်အေဂျင်စီနှင့် အီရန်ဆက်လက်ပူးပေါင်းလုပ်ဆောင်သွားမည်ဟုပြော... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Times #Daily_News #YMG_News #Yangon_Media_Group

#Local_News
Published_10 May 2024

▪️ '၂၀၂‌၄ခုနှစ်အိုလံပစ်နေ့'အထိမ်းအမှတ်အမျိုးသား၊ အမျိုးသမီးကာယဗလနှင့်ကာယကြံ့ခိုင်မှုပြိုင်ပွဲFitnessပြိုင်ပွဲများ ကျင်းပသွားမည်ဖြစ်ကြောင်း မြန်မာနိုင်ငံကာယဗလနှင့် ကာယကြံ့ခိုင်မှုအားကစားအဖွဲ့ချုပ်မှ သိရသည်။

▪️ ပြိုင်ပွဲကို မေလ (၂၂)ရက်တွင်ကျင်းပမည်ဖြစ်ပြီး အမျိုးသားကာယဗလမောင်ပြိုင်ပွဲတွင်  အငယ်တန်း၊ သက်ကြီးတန်း၊ အလွတ်တန်းဆိုပြီးပြိုင်ပွဲ အမျိုးအစား(၃)မျိုးကျင်းပသွားမည်ဖြစ်သည်။

▪️ အမျိုးသားကာယကြံ့ခိုင်မှုပြိုင်ပွဲအဖြစ် Men's Athletic Physique အမျိုးအစားတွင်အငယ်တန်းပြိုင်ပွဲ၊ အကြီးတန်းပြိုင်ပွဲ(ဆုရရှိပြီးသူများသာ)နှင့် Men's Sport Physique အမျိုးအစားတွင်အငယ်တန်း၊ အကြီးတန်းပြိုင်ပွဲ(ဆုရရှိပြီးသူများသာ) နှင့် Men's Fitness Physique(open)ပြိုင်ပွဲများပါဝင်မည် ဖြစ်သည်။

▪️ အမျိုးသမီဲးကာယ​ကြံ့ခိုင်မှုပြိုင်ပွဲများအဖြစ် Women's Model Physiqueအမျိုးအစားပြိုင်ပွဲတွင်အငယ်တန်း၊အကြီးတန်းပြိုင်ပွဲ( ဆုရရှိပြီးသူများသာ)နှင့် Women's Athletic Physique ပြိုင်ပွဲတွင်အငယ်တန်း၊ အကြီးတန်းပြိုင်ပွဲ (ဆုရရှိပြီးသူများသာ)နှင့်  Women's Fitness Physique ပြိုင်ပွဲ (Open) ပြိုင်ပွဲတို့ပါဝင်ကြောင်း သိရသည်။

▪️ အငယ်တန်းကာယဗလမောင်ပြိုင်ပွဲတွင် ဆုရရှိခဲ့ဘူးခြင်းမရှိသူများသာ ကိုယ်အလေးချိန်ကန့်သတ်ထားခြင်းမရှိဘဲ ပါဝင်ယှဥ်ပြိုင်ခွင့်​​ပြုကြောင်းနှင့်  အလွတ်တန်းနှင့်အကြီးတန်းပြိုင်ပွဲများအတွက်ဆုရှိပြီးသူများဆိုရာတွင်ပြည်နယ်နှင့်တိုင်းဒေသကြီးအဆင့်ပြိုင်ပွဲများနှင့်နိုင်ငံတကာပြိုင်ပွဲများတွင်ဆုရရှိပြီးသူများအားလုံးယှဥ်ပြိုင်ခွင့်ပြုမည်ဖြစ်ကြောင်းနှင့်

▪️ အပြည်ပြည်ဆိုင်ရာ ပြိုင်ပွဲများတွင် ရွှေ၊ငွေ၊ကြေး ဆုတံဆိပ်ရရှိပြီးသူများ၊ အဖွဲ့ချုပ်မှ​​ကြီးမှူးကျင်းပသော​​ပြိုင်ပွဲများနှင့်ပြည်နယ်/တိုင်းပြိုင်ပွဲများတွင်ပထမဆုရရှိပြီးသူများအားလုံးအလွတ်တန်းနှင့်အကြီးတန်းတို့တွင်ပါဝင်ယှဥ်ပြိုင်နိုင်ကြောင်း သိရသည်။

▪️ ပြိုင်ပွဲဝင်လိုသူများနှင့် အသေးစိတ်သိလိုသူများ အနေဖြင့် မြန်မာနိုင်ငံကာယဗလနှင့်ကာယကြံ့ခိုင်မှုအားကစားအဖွဲ့ချုပ်(MBPF)သို့ ဆက်သွယ်စုံစမ်းမေးမြန်းနိုင်ကြောင်း သိရသည်။

#tthl #Yangon_Times

နယ်မြေလုံခြုံမှုအရတစ်နှစ်ကျော်တဲ့အထိ ပင်စင်လစာတွေ မထုတ်ယူနိုင်သေးတဲ့အငြိမ်းစားတွေကို  ပြန်လည်ထုတ်ယူခွင့်လျှောက်ထားနိုင်ဖို့ ဆောင်ရွက်ပေးမယ်လို့  စီမံကိန်းနှင့် ဘဏ္ဍာရေးဝန်ကြီးဌာန၊ ပင်စင်ဦးစီးဌာနက အသိပေးကြေညာထားပါတယ်။
#Local_News
Published_10 May 2024
#နှစ်လွန်ပင်စင် #ပြန်လည်ထုတ်ယူခွင့်လျှောက်ထားနိုင်
#YMG/NN #Yangon_Times

တစ်ပိုင်တစ်နိုင်မွေးမြူရေးလုပ်ငန်းများ လုပ်ကိုင်နေတဲ့ တောင်သူတွေအတွက် စနစ်တကျမွေးမြူရေးလုပ်ငန်းတွေ လုပ်ကိုင်နိုင်စေဖို့အတွက် သင်တန်းတွေပြုလုပ်ပေးနေတယ်လို့ ပေါင်းစုလုပ်အားကူညီပေးရေးအဖွဲ့ထံက သိရပါတယ်။
#Local_News
Published_10 May 2024
#တစ်ပိုင်တစ်နိုင်မွေးမြူရေးလုပ်ငန်း #သင်တန်းတွေပြုလုပ်ပေး
#YMG/LW #Yangon_Times

ရန်ကုန်၊ နေပြည်တော်နဲ့ မန္တလေးမှာရှိတဲ့  စက်သုံးဆီအရောင်းဆိုင်တွေကို ရှောင်တခင်ဝင်ရောက်စစ်ဆေးပြီး နောက်ရက်ပိုင်းအတွင်း ဓာတ်ဆီနဲ့ ဒီဇယ်ဈေးနှုန်း‌တွေကျဆင်းလာတယ်လို့
စက်သုံးဆီ ဈေးကွက်ထဲက သိရပါတယ်။
#Local_News
Published_10 May 2024
#စက်သုံးဆီဈေးနှုန်း‌တွေကျဆင်း #ရှောင်တခင်ဝင်ရောက်စစ်ဆေး
#NN #Yangon_Times