#Local_News
Published 12 May 2024

▪️ ရန်ကုန်-မန္တလေးအမြန်လမ်းမကြီး၊ မိုင်တိုင်အမှတ်(၆၂/၄)နှင့် (၆၂/၅)ကြားတွင် ယာဉ်တစ်စီး အရှိန်မထိမ်းနိုင်ဘဲ တိမ်းမှောက် တာကြောင့် အမျိုးသားနှစ်ဦး ထိခိုက်ဒဏ်ရာရရှိခဲ့ကြောင်း အမြန်လမ်းမီးသတ်တပ်ဖွဲ့ထံက သိရသည်။

▪️ မေလ ၁၂ရက် နေ့လည် ၁နာရီ ၁၅မိနစ်ကရန်ကုန်-မန္တလေးအမြန်လမ်းမကြီး၊ မိုင်တိုင်အမှတ်(၆၂/၄)နှင့် (၆၂/၅)ကြားတွင် MITSUBISHI CANTER (အပြာရောင်)ယာဉ်(၁)စီးသည် အရှိန်မထိန်းနိုင်ဘဲ လမ်းဘေးရှိ ဘယ်ရီယာတုံးများအား တိုက်မိတိမ်းမှောက်မှုဖြစ်ပွားခဲ့သည်။

▪️ အဆိုပါယာဉ် တိမ်းမှောက် မှု သတင်းရရှိသဖြင့်ဥသျှစ်ကုန်းအမြန်လမ်းနယ်မြေမီးသတ်စခန်းမှ သန္ဓေမီးသတ်တပ်ဖွဲ့ဝင်များဖြင့် ရှာဖွေကယ်ဆယ်ရေးလုပ်ငန်းများ ထွက်ခွာဆောင်ရွက်ခဲ့ကြောင်း သိရသည်။

▪️ အဆိုပါဖြစ်စဉ်ကြောင့် ယာဉ်ပေါ်ပါ အမျိုးသား (၂)ဦးထိခိုက်ဒဏ်ရာရ(စိုးရိမ်ရ)တို့အား 192 ယာဉ်ဖြင့် မြို့ချောင်းတိုက်နယ်ဆေးရုံသို့ ကူညီပို့ဆောင်ပေးခဲ့ကြောင်း သိရသည်။

#YMG/LW #Yangon_Times

လယ်ယာမြေကထွက်ရှိတဲ့ အမှိုက်တွေကို ထိုက်သင့်တဲ့ငွေကြေးနဲ့ပေးဝယ်ပြီး သဘာဝမြေဩဇာ ပြုလုပ်မယ် အစီအစဉ်တစ်ခု ဆောင်ရွက်မယ်လို့ မကွေးတိုင်းတောင်သူဖွံ့ဖြိုးရေးအဖွဲ့ထံက သိရပါတယ်။
#Local_News
Published_12 May 2024
#မိုးနှမ်းရိတ်သိမ်းပြီး #သဘာဝမြေဩဇာ
#YMG/LW #Yangon_Times

#Local_News
Published 12 May 2024

▪️ ရန်ကုန် တိရစ္ဆာန်ဥယျာဉ် တွင် Happy Monsoon & Back to School ပွဲတော်ကို မေလ (၁၇) ရက်မှ မေလ (၁၉) ရက်အထိ (၃) ရက်တိုင်တိုင်ကျင်းပပြုလုပ်သွားမည်ဖြစ်ကြောင်း Yangon Zoo လူမှုကွန်ယက်စာမျက်နှာတွင်ကြေညာထာသည်။

▪️ အဆိုပါ ပွဲတော်အချိန်ကာလအတွင်း သားသားမီးမီးတို့၏ Baby Talent Show ရင်သက်ရှုမောဖွယ် မျက်လှည့်ပြကွက်များ၊ JOY Band ၏ တေးဂီတဖျော်ဖြေတင်ဆက်မှုများ၊ ချစ်စရာကောင်းသည့် ငှက်လိမ္မာလေးများနှင့် ဓါတ်ပုံရိုက်ကူးခြင်း၊ Yangon Zoo (Education Department) မှ တိရစ္ဆာန်လေးများ ၏ စိတ်ဝင်စားဖွယ်ကောင်းသည့် ထူးခြားချက်လေးများနှင့် အထွေထွေဗဟုသုတများကို ဆွေးနွေးပြောပြပေးသွားမည့် Talk Show အစီအစဉ်များပါဝင်မည်ဖြစ်ကြောင်း သိရသည်။

▪️ ထို့ပြင် တိရစ္ဆာန်လေးများ၏ အကြောင်းကို Keeper များမှ ပြောပြပေးသွားမည့် Keeper Talks Program၊ ဓါတ်ပုံလှလှလေးများ ရိုက်ကူးလို့ရမည့် Photo Booth ၊ သားသားမီးမီးနှင့် မိဘပြည်သူများပါဝင်ယှဉ်ပြိုင်နိုင်မည့် ဂိမ်းအစီအစဉ်များအပြင် တခြားသော ဖျော်ဖြေရေးအစီအစဉ်များလည်း ပါဝင်သွားမည်ဖြစ်ကြောင်း သိရသည်။

▪️ ပွဲတော်အချိန် ကာလအတွင်း လာရောက်လည်ပတ်ကြမည့် သားသားမီးမီးများနှင့် မိဘပြည်သူများအတွက် ကျောင်းသုံးနှင့် လူသုံးကုန်ပစ္စည်းများ၊ စားသောက်ဖွယ်ရာများရော င်းချပေးမည့် ဆိုင်ခန်းများစွာလဲ ပါဝင်သွားမည်ဖြစ်သည့်အတွက် မိသားစု၊ အပေါင်းအသင်း သူငယ်ချင်းများနှင့်အတူ တိရစ္ဆာန်ဥယျာဉ် (ရန်ကုန်) သို့ လာရောက် အပန်းဖြေလည်ပတ်ရန် ဖိတ်ခေါ်ထားသည်။

#YMG/LW #Yangon_Times

#Local_News
Published 12 May 2024

▪️ ရန်ကုန်တိုင်းဒေသကြီး၊ လှိုင်သာယာမြို့နယ်၊ ညောင်တုန်းလမ်း၊ သမကုန်းအနီးတွင် YBS ယာဥ်တစ်စီး မီးလောင်မှုဖြစ်ပွားခဲ့ကြောင်း မီးသတ်တပ်ဖွဲ့၏သတင်းထုတ်ပြန်ချက်အရသိရသည်။

▪️ မေလ၁၂ ရက် မနက် ၁၀နာရီ ၄၄မိနစ် ခန့်က မီးလောင်မှု ဖြစ်ပွားခဲ့ကာလှိုင်သာယာမြို့နယ်မီးသတ်စခန်းမှ မီးသတ်ယာဉ်(၁)စီး ထွက်ခွာငြှိမ်းသတ်ခဲ့သဖြင့်၁၀နာရီ ၄၈မိနစ်တွင် မီးငြိမ်းသွားကြောင်း သိရသည်။

▪️ အဆိုပါ မီးလောင်မှုကြောင့် ထိခိုက်ဒဏ်ရာ ရသူမရှိကြောင်းနှင့် မီးလောင်သည့်အကြောင်းရာနှင့် ဆုံးရှုံးမှုတန်ဖိုးကို သက်ဆိုင်ရာက စစ်ဆေးလျက်ရှိကြောင်း သိရသည်။

#YMG/LW #Yangon_Times

#Local_News
Published 12 May 2024

▪️ စိုက်ပျိုးရေးဦးစီးဌာန. ကော်ဖီ-ရာသီသီးနှံဌာနခွဲမှ မှိုမျိုးစုံမွေးမြူစိုက်ပျိုးထုတ်လုပ်နည်းသင်တန်း ကို ဖွင့်လှစ်သင်ကြားပေးမည် ဖြစ်ကြောင်း အဆိုပါဌာနမှသိရသည်။

▪️ မှိုမျိုးစုံမွေးမြူစိုက်ပျိုးထုတ်လုပ်နည်းသင်တန်း ၂/၂၀၂၄ ကို ပဲခူးမြို့ရှိဘက်စုံစိုက်ပျိုးမွေးမြူရေးစခန်း(၁၀)မိုင်သင်တန်းကျောင်း တွင် ၂၉-၅-၂၀၂၄မှ ၄-၆-၂၀၂၄ထိ တစ်ပတ်တာ သင်ကြားပေးမှာဖြစ်ကြောင်းသိရသည်။

▪️ အဆိုပါသင်တန်းကို သင်တန်းကြေးအခမဲ့ဖြင့် သင်ကြားပေးမှာဖြစ်ပြီး သင်တန်းကာလတွင် ဌာနမှ သင်တန်းဆောင်တွင် အခမဲ့ နေထိုင်ခွင့်ပြုမည်ဖြစ်သည်။

▪️ သင်တန်းတွင် စားစရိတ် သင်တန်းမှတ်စု လက်တွေ့လုပ်ငန်းဆောင်ရွက်မှုနှင့် ပြင်ပမှိုခြံလေ့လာရေးအတွက် ကို သင်တန်းသားများ က ကျခံရမည်ဖြစ်ကြောင်း သိရသည်။

▪️ တက်ရောက်လိုသူများ အနေဖြင့် ၂၆-၅-၂၀၂၄နောက်ဆုံးထား၍စာရင်းပေးသွင်းနိုင်ကာ သင်တန်းသား ၃၀ဦး ကို သာ လက်ခံသင်ကြားပေးမည် ဖြစ်ကြောင်းသိရသည်။

#YMG/LW #Yangon_Times

အထူး စီးပွားရေးသုံးသပ်ချက် (ဘာသာပြန်)

၁၂ မေ ၂၀၂၄

နိုင်ငံတကာငွေကြေးရန်ပုံငွေအဖွဲ့ (အိုင်အမ်အက်ဖ်)က ၂၀၂၅ခုနှစ်တွင် အိန္ဒိယသည် ဂျပန်ကိုကျော်ဖြတ် ကာ ကမ္ဘာ့စီးပွားရေးအင်အားအကောင်းဆုံး စတုတ္ထမြောက်နိုင်ငံအဖြစ်ရောက်ရှိလာမယ်လို့ ကြေညာ ခဲ့တဲ့အပေါ် တိုကျိုဟာ အတော်တုန်လှုပ်သွားခဲ့ပါတယ်။ ဂျပန်ဟာ ၂၀၁၀ခုနှစ်အထိ ကမ္ဘာ့ စီးပွားရေး အင်အားအကြီးဆုံး ဒုတိယမြောက်နိုင်ငံအဖြစ် ပြိုင်ဘက်မရှိနေလာခဲ့ရာမှ ယခုဆို အဆင့် (၅)သို့ လျောကျ သက်ဆင်းရတော့မှာဖြစ်ပါတယ်။

အိုင်အမ်အက်ဖ်က ဧပြီလကုန်မှာ ထုတ်ပြန်တဲ့ အစီရင်ခံစာအရ အိန္ဒိယရဲ့ ဂျီဒီပီ(ပြည်တွင်းအသားတင် ထုတ်လုပ်မှု) ဟာ ၂၀၂၅ခုနှစ်အရောက်မှာ အမေရိကန်ဒေါ်လာ ၄.၃၄ ထရီလီယံကို ရောက်ရှိမယ်လို့ ခန့်မှန်းထားပြီး ဂျပန်ရဲ့  ဂျီဒီပီ အမေရိကန်ဒေါ်လာ ၄.၃၄ ထရီလီယံကို ဖြတ်ကျော်သွားမှာဖြစ်ပါတယ်။ အိန္ဒိယနိုင်ငံဟာ ကမ္ဘာ့စတုတ္ထမြောက်စီးပွာရေးအင်အားကြီးနိုင်ငံအဖြစ် ယခင်အိုင်အမ်အက်ဖ် ခန့်မှန်း  ချက်ထက် တစ်နှစ်စောပြီး ရောက်ရှိသွားတာဖြစ်ပါတယ်။ ဂျပန်ယမ်းငွေ အားနည်းလာခြင်းကြောင့် အိန္ဒိယဟာ တစ်နှစ်စောပြီး ကမ္ဘာ့အဆင့် ၄ ဖြစ်လာရတော့မှာပါ။

ဂျပန်ဟာ ကမ္ဘာ့စီးပွားရေးမှာ ရပ်တည်တဲ့အဆင့် တောက်လျောက်ကျဆင်းနေခဲ့တာဖြစ်ပြီး ၂၀၂၃ခုနှစ် မှာ ဂျပန်ဟာ ဂျာမနီရဲ့နောက်ကိုရောက်သွားရပါတယ်။ အိန္ဒိယဟာ လာမယ့်နှစ်မှာ ဂျပန်ကိုဖြတ်ကျော် တက်ဖွယ်ရှိနေတာဟာ ဂျပန်အတွက် ၂၀၁၀ တုန်းက တရုတ်က ကျော်ဖြတ်ပြီး ကမ္ဘာ့ဒုတိယအဆင့် စီးပွးရေးအင်အားကြီးဖြစ်သွားတုန်းကလိုပဲ အတော်တုန်လှုပ်စရာဖြစ်နေပါတယ်။

“ ဂျပန်အတွက် ဒါဟာ စိတ်ပူစရာ အကြီးကြီးပဲ။ ဒါပေမယ့် လူနည်းနည်းလောက်ကပဲ ဒါကို ပွင့်ပွင်းလင်း လင်းပြောကြတယ်။ ဘာဖြစ်လို့လဲ ဆိုတော့ သိပ်ရှက်စရာကောင်းပြီး ဖြေရှင်းရခက်နေလို့ပဲ” လို့ ဖူဂျစ်ဆု ကမ္ဘာလုံးဆိုင်ရာ ဈေးကွက်ထောက်လှမ်းရေးဌာနရဲ့ မူဝါဒစီးပွားရေးပညာရှင်ချုပ် မာတင်ရှိုးက ပြောပါ တယ်။

ဂျပန်ရင်ဆိုင်နေရတဲ့ ပြဿနာကို ရှင်ဇိုအားဘေး ၂၀၁၂ မှာ ဝန်ကြီးချုပ်ဖြစ်ကတည်းက သူက သတိမူမိခဲ့ တာပါ။ အဲဒါကြောင့်သူဟာ အာဘေးနိုမစ်လို့အမည်ပေးထားတဲ့ စီးပွားရေးပြုပြင်ပြောင်းလဲရေး အစီအစဉ်  တွေကို ကြေညာခဲ့ပါတယ်လို့ ရှိုးကပြောပါတယ်။

သူဟာ မြှားသုံးစင်းမူဝါဒကိုချမှတ်ကျင့်သုံးခဲ့ရာမှာ မြှားနှစ်စင်းဖြစ်တဲ့ ဂျပန်ဗဟိုဘဏ်ရဲ့ ငွေကြေးမူဝါဒ  ဖြေလျော့ဖို့နှင့် အစိုးရရဲ့အသုံးစရိတ်တွေကနေတစ်ဆင့် ဘဏ္ဍာငွေကြေးလှုပ်နိုးဖို့က အောင်မြင်မှု အတော်ကလေးရခဲ့ပါတယ်။ ဒါပေမယ့် တတိယမြှားဖြစ်တဲ့ ဖွဲ့စည်းတည်ဆောက်ပုံပြုပြင်ပြောင်းလဲရေး ကတော့ အောင်မြင်မှုနှင့်အလှမ်းဝေးခဲ့ရပါတယ်။

“ အာဘေးနိုမစ်ရဲ့ စိတ်ကူးကြီးတစ်ခုလုံးက စီးပွားရေးတွေတက်လာအောင် မောင်းနှင်ပေးဖို့ဖြစ်တယ်။ ဒါပေမယ့် ဖွဲ့စည်းတည်ဆောက်ပုံပြုပြင်ပြောင်းလဲရေးကလည်း ထုတ်လုပ်မှုစွမ်းအားကို တွန်းပေးဖို့ လိုအပ်နေတယ်။ အဲဒါက သက်ကြီးရွယ်အိုတွေများနေပြီး အပြောင်းအလဲကိုခုခံဆန့်ကျင်နေကြတဲ့ ဂျပန် နိုင်ငံအတွက် လုပ်ရတော်တော်ခက်တယ်။ ဒစ်ဂျစ်တယ်ပြောင်းလဲရေးအတွက်ကလည်း လူတွေဟာ နည်းလမ်းဟောင်းကြီးတွေနှင့်ပဲ နှစ်များစွာအသားကျနေကြတာ့ ခက်ခဲတယ်” လို့ သူက ဆက်ပြောပါ တယ်။

အခြားနိုင်ငံတွေလိုပါပဲ ကိုဗစ်-၁၉ ကပ်ဘေးနှင့် ယူကရိန်းက ရုရှားစစ်ပွဲကလည်း ဂျပန်စီးပွားရေးကို ထိခိုက်စေခဲ့ပါတယ်။

အဲဒီအချိန်မှာပဲ စီးပွားရေးပူးပေါင်းဆောင်ရွက်ရေးနှင့်ဖွံ့ဖြိုးရေး (အိုအီးစီဒီ) အဖွဲ့က မေလ ၂ရက်မှာ ထုတ်  ပြန်တဲ့ ကမ္ဘာ့စီးပွားရေးဖွံ့ဖြိုတိုးတက်မှု သုံးသပ်ချက်ကလည်း တိုကျိုအတွက် ဖိအားထပ်ဖြစ်စေပါတယ်။

အိုအီးစီဒီက တစ်ကမ္ဘာလုံးကို စီးပွားရေးတိုးတက်မှု ၃.၁ ရာခိုင်နှုန်းရှိတယ်လို့ခန့်မှန်းလိုက်ရာ အဲဒါဟာ ဖေဖော်ဝါရီတုန်းက သူတို့ထုတ်ပြန်တဲ့အစီရင်ခံစာထက် ၂.၉ ရာခိုင်နှုန်းတက်လာတာဖြစ်ပါတယ်။ အမေရိကန်နှင့်တရုတ်တို့ဟာလည်း ယခင်ခန့်မှန်းတာထက်ကျော်လွန်တိုးတက်မယ်လို့လည်း ဆိုပါတယ်။ ဒါပေမယ့် ဂျပန်ရဲ့စီးပွားရေးတိုးတက်မှုကိုတော့ ၀.၅ ရာခိုင်နှုန်းပဲ တိုးလာပြီး ၁ရာခိုင်နှုန်းလို့ အဲဒီ ပါရီ အခြေစိုက်အဖွဲ့အစည်းကြီးက ခန့်မှန်းထားပါတယ်။

ဂျပန်ရဲ့ စီးပွားရေး မအီမသာဖြစ်ရဲ့အချို့အချက်တွေဟာ ဆယ်စုနှစ်သုံးစု စီးပွားရေး တံ့နေတာနှင့် ချိတ်ဆက်နေတယ်လို့ တိုကျိုမှာရှိတဲ့ နစ်ကိုပိုင်ဆိုင်မှုပစ္စည်းစီမံခန့်ခွဲရေးကုမ္ပဏီရဲ့ ကမ္ဘာလုံးဆိုင်ရာ မဟာဗျူဟာပညာရှင်နှင့် အုပ်ချုပ်မှုဒါရိုက်တာ နာအိုမီဖလင့်ခ်ကပြောပါတယ်။

“  အမေရိကန်နှင့် ဂျပန်တို့ဟာ ဖွံ့ဖြိုးပြီးဈေးကွက်တွေဖြစ်နေလို့ ထွန်းသစ်စဈေးကွက်တွေဖြစ်တဲ့ တရုတ် နှင့်အိန္ဒိယတို့လို ခပ်မြန်မြန်တိုးတက်လာဖို့ မမျှော်လင့်နိုင်ဘူး။ အဲဒီနိုင်ငံတွေမှာ အလယ်အလတ်တန်းစား တွေဟာ ဂျီဒီပီတိုးတက်လာနေပြီး အခြေခံအဆောက်အအုံတွေ ဆက်တည်ဆောက်နေတုန်းဖြစ်တယ်” သူမက ဂျာမန်မီဒီယာ DW ကိုပြောပါတယ်။

“ ဖွံ့ဖြိုးပြီးနိုင်ငံတွေဟာ ထွန်းသစ်စဈေးကွက်နိုင်ငံတွေထက် တိုးတက်မှုနှေးကွေးတာဟာ ပုံမှန်ဖြစ်တယ်။  တိုးတက်မှုနှေးကွေးပြီးမှသာ သူတို့ကို ဖွံ့ဖြိုးတိုးတက်မှုမျှခြေတစ်ခုကိုရောက်လိမ့်မယ်” လို့ ဖလင့်က ဖြည့်စွက်ပြောပါတယ်။

ဂျပန်နိုင်ငံအနေနှင့် အနာဂတ်မှာ ဖွံ့ဖြိုးတိုးတက်ဖို့ သော့ချက်က ထုတ်လုပ်မှုစွမ်းရည်တိုးတက်မှုမှာ ရင်းနှီးမြှပ်နှံဖို့ပဲဖြစ်ပါတယ်။ အဲဒါတွေက နည်းပညာ၊လူသားအရင်းအနှီးတွေပြီးတော့ စီးပွားရေးလုပ်ငန် စဉ်တွေမှာ တိုးတက်မှုတွေဖြစ်ပါတယ်။ စီးပွားရေးချဲ့ထွင်မှုအတွက် လူဦးရေးတိုးတက်မှုဟာ အခြေခံ ကျတဲ့ မောင်းနှင်အားအဖြစ်ဆက်တည်ရှိတော့မှာမဟုတ်ပါဘူး။

အိန္ဒိယရဲ့ အခြေံခံအဆောက်အအုံရင်းနှီးမြှုပ်နှံမှု၊ အလယ်အလတ်တန်းလွှာခပ်မြန်မြန်ဖွံဖြိုးကြီးထွား လာမှုတွေဟာ ဂျပန်နှင့် မဟပ်စပ်ပါဘူးလို့ ဖလင့်ခ်ကပြောပါတယ်။ လွန်ခဲ့တဲ့ ၁၂နှစ်အတွင် ဂျပန် ယန်းငွေဟာ ယူရိုငွေနှင့် တန်ဖိုး စောက်ထိုးကျဆင်းလာခဲ့တာဟာ ဂျာမနီက ဂျပန်ကိုကျော်ဖြတ်သွားရတဲ့ အခြေခံအချက်တစ်ခုဖြစ်ပါတယ်။

လက်ရှိအခြေအနေမှာ ဂျပန်ယန်းငွေ ချိနဲ့နေတာဟာ ဂျပန်အစိုးရအတွက် အကြီးမားဆုံးစိန်ခေါ်မှု ဖြစ်နေပါတယ်လို့ ရှိုးကပြောပါတယ်။

“ ယန်းငွေဟာ အဓိကပြဿနာဖြစ်လာနေတယ်။ အတိတ်တုန်းကအစိုးရဟာ အဲဒါပြန်တက်လာဖို့ ဘာတစ်ခုမှမလုပ်ခဲ့ဘူး။ ဒါ အခုမှဖြစ်တာမဟုတ်ဘူး” လို့ သူကပြောပါတယ်။ ဈေးကွက်စွက်ဖက်မှုဟာ အလကားပဲ။ အတိုးနှုန်းတွေ ငြိမ်နေသမျှ ဒီအတိုင်းဆက်ရှိနေမှာပဲ” လို့သူကဆက်ပြော ပါတယ်။

ဂျပန်ဗဟိုဘဏ်အနေနှင့် ပိုပြီးတင်းကြပ်တဲ့ ငွေကြေးမူဝါဒကို ချမှတ်သင့်ပြီး ထုတ်လုပ်မှုစွမ်းအားတွေ တက်လာဖို့ အာရုံစိုက်လုပ်ဆောင်သင့်တယ်လို့ ပညာရှင်တွေက အဖြေထုတ်ထားကြပါတယ်။

ဖလင့်ကတော့ တိုးတက်မှုတွေရှိလာနိုင်တယ်လို့ ချိန်ချိန်ဆဆနှင့်အကောင်းမြင်နေပါတယ်။

“ ဂျပန်အတွက် အဓိက ပန်းတိုင်က မည်ကာမတ္တ ဖွံ့ဖြိုးတိုးတက်မှုရရှိဖို့မဟုတ်ဘူး။ကုန်ပစ္စည်းတွေ ငွေကြေးဖောင်းပွမှုလျှော့ချနိုင်ဖို့နှင့် လက်ရှိ ဖွံဖြိုးတိုးတက်မှုအလားအလာနိမ့်ကျနေတာကို တက်လာ အောင်လုပ်ဖို့ပဲဖြစ်တယ်” လို့ သူမကဆက်ပြောပါတယ်။

Source DW

@ymg/knl

#Local_News
Published 12 May 2024

▪️ ပြည်ပအလုပ်အကိုင် အကျိုးဆောင်လိုင်စင်ရအေဂျင်စီများအနေဖြင့် အခွန်လျှော့ပေါ့စေရန်ရည်ရွယ်၍ စာရင်းများအား လိမ်လည်ပြုစုတင်ပြလာကြောင်း စိစစ်တွေ့ရှိပါက ထိရောက်စွာအရေးယူခံရမည်ဖြစ်ကြောင်း အလုပ်သမားဝန်ကြီးဌာ၏ တရားဝင် လူမှုကွန်ရက် ဖြစ်သည့် Safe Migration တွင် အသိပေးကြေညာထားသည်။

▪️ ပြည်ပအလုပ်အကိုင်အကျိုးဆောင်လိုင်စင်ရအေဂျင်စီများမှ ၂၀၂၃-၂၀၂၄ခု ဘဏ္ဍာရေးနှစ်အတွင်း ပြည်ပသို့စေလွှတ်ရန် OWIC ပြုလုပ်ခဲ့သည့် အေဂျင်စီများအားလုံးအနေဖြင့် OWIC ပြုလုပ်ခဲ့သည့် စာရင်း၊ အမှန်စေလွှတ်ခဲ့သည့် စာရင်းများအားပူး(၂)ပါ ပုံစံအတိုင်းပြုစု၍ မေ ၁၇ ရက်နောက်ဆုံးထား၍ This email address is being protected from spambots. You need JavaScript enabled to view it. သို့ တင်ပြရမည်ဖြစ်ကြောင်း၊ သတ်မှတ်ရက်အတွင်း အချိန်မီတင်ပြလာခြင်းမရှိပါက ဦးစီးဌာနမှ ပြုစုထားသည့် နိုင်ငံအလိုက် စေလွှတ်စာရင်း၊ OWIC ပြုလုပ်ခဲ့သည့် စာရင်းများအတိုင်း အခွန်ပေးဆောင်ကြရမည်ဟု ပါရှိသည်။

▪️ ပြည်ပအလုပ်အကိုင်အကျိုးဆောင်လိုင်စင်ရ အေဂျင်စီများမှ ၂၀၂၃-၂၀၂၄ ဘဏ္ဍာရေးနှစ်အတွင်း ထိုင်းနိုင်ငံအတွက် မြဝတီနှင့်ကော့သောင်းမှ MOU စနစ်ဖြင့်လည်းကောင်း၊ U-Turn စနစ်ဖြင့်လည်းကောင်း အမှန်တကယ်စေလွှတ်ခဲ့သည့်စာရင်းများကို စိစစ်ရန်၊ အခြားနိုင်ငံများအတွက် OWIC ပြုလုပ်ခဲ့သည့် စာရင်းများအပေါ် စာရင်းများမှန်ကန်မှုရှိ၊ မရှိစိစစ်ရန်လည်း Safe Migration ၏ အသိပေးထုတ်ပြန်ချက်တွင် ပါရှိသည်။

▪️ OWIC ပြုလုပ်ခဲ့မှုစာရင်းများကို ဂျပန်နှင့် စင်ကာပူနိုင်ငံအတွက် အလုပ်အကိုင်အမျိုးအစားအလိုက် ခွဲခြား၍လည်းကောင်း၊ Zero Cost လုပ်သားစေလွှတ်ခဲ့ပါက သက်ဆိုင်ရာ နိုင်ငံအလိုက်ခွဲခြားဖော်ပြ၍လည်းကောင်း ပူးတွဲဇယားပုံစံအတိုင်း ပြုစုတင်ပြရမည်ဖြစ်ကြောင်း သိရသည်။ ထိုသို့ခွဲခြားဖော်ပြရာတွင် Zero Cost ဖြင့် စေလွှတ်ခဲ့သည့် စာရင်းများကိုဖော်ပြမည်ဆိုပါက အေဂျင်စီအမည်၊ ပြည်ပကုမ္ပဏီအမည်၊ လိပ်စာ (Email၊ ဖုန်းနံပါတ်) စေလွှတ်လုပ်သားဦးရေတို့ပါသည့် ဇယားအား OWIC ပြုလုပ်ခွင့်ပြုခဲ့သည့် Telegram ပါကြေညာချက်ဇယားကိုပူးတွဲတင်ပြရန်၊ ဂျပန်နိုင်ငံအတွက် U-Turn (အလုပ်မပြောင်း)စာရင်းအား ဖော်ပြမည်ဆိုပါက အလုပ်သမားများ၏ ကိုယ်ရေးကိုယ်တာအချက် အလက်စာရင်းပြုစု၍ ယခင်ကပြုလုပ်ခဲ့သည့် OWIC ကတ်မိတ္တူနှင့် အသစ်ထုတ်ယူခဲ့သည့် OWIC ကတ် မိတ္တူပူးတွဲ၍ တင်ပြရန်လည်း ပါရှိသည်။

▪️ ထို့အတူ ပူးတွဲစာရင်းတွင် အေဂျင်စီမှ OWIC ပြုလုပ်ထားခြင်းမရှိဘဲ နိုင်ငံအလိုက်စာရင်းများ လွဲမှားစွာပါရှိနေခြင်း၊ စာရင်းများကိုက်ညီမှုမရှိခြင်းများဖြစ်နေပါက မြောက်ဒဂုံတာဝန်ခံအရာရှိထံသို့ သွားရောက်၍ စာရင်းစစ်ဆေးညှိနှိုင်းပြင်ဆင်၍ မှန်ကန်ကြောင်းထောက်ခံချက်ရယူပြီး ပူးတွဲတင်ပြရန်နှင့် OWIC ပြုလုပ်ထားသော်လည်း အကြောင်းအမျိုးမျိုးကြောင့် ပြည်ပသို့စေလွှတ်နိုင်သည့် လုပ်သားစာရင်းများကိုပယ်ဖျက်လိုပါက မြောက်ဒဂုံတာဝန်ခံအရာရှိထံသို့ OWIC အပ်နှံထားသည့် ထောက်ခံစာပူးတွဲတင်ပြရမည်ဟု သိရသည်။

#YMG/LW #Yangon_Times

#Local_News
Published 12 May 2024

▪️ မလေးရှားနိုင်ငံ၊ ကွာလာလမ်ပူမြို့ရှိ တီတီ ဝမ်ဆာ အားကစားကွင်း၌ ၂၀၂၄ ခုနှစ်၊ မေ ၂၁ ရက်မှ ၂၆ ရက်အထိကျင်းပမည့် ISTAF WORLD CUP 2024 ကမ္ဘာ့ပိုက်ကျော်ခြင်းပြိုင်ပွဲသို့ မြန်မာ့ လက်ရွေးစင် ပိုက်ကျော်ခြင်းအားကစားသမား များ သွားရောက်ယှဉ်ပြိုင်မည်ဖြစ်ကြောင်း သိရသည်။

▪️ မြန်မာ့လက်ရွေးစင်အသင်းတွင် ဦးအောင်မျိုးစံမြင့်က အသင်းအုပ်ချုပ်သူအဖြစ်လည်းကောင်း၊ ဦးအောင်ချိုမြင့်က (နည်းပြ) အဖြစ်လည်းကောင်း လိုက်ပါပြီး ကစားသမားများတွင် (နောက်ထိန်း) ထူးအောင်ကျော်၊ သန့်ဇင်ထွန်း (ခ) ဓာတ်လုံး၊ မင်းသန့်သူ၊ ဝင်းကျော်၊ (လစ်) ဝင်းဇော်ဇော်ဦး (ခ) တရုတ်ကြီး၊ ဇင်ကိုကို၊ ဇင်မင်းဦး(ခ)အားဒစ်၊ အောင်မျိုးကျော် (ခ) မျိုးလေး၊ (ဖိုက်တာ) ရှိန်းဝဏ္ဏ ဇော် (ခ) ရှိန်းလေး၊ စစ်လင်းထွဋ်၊ ဖေငြိမ်းချမ်း၊ ရန်ပိုင်ဦး (ခ) ကျောင်းတိုက်တို့ ပါဝင်ယှဉ်ပြိုင်ကြ မည်ဖြစ်သည်။

▪️ ပြိုင်ပွဲတွင် Regu event ၊ Team event နှင့် Double event တို့ပါဝင်ပြီး Premier တန်းနှင့် Division တန်းဟူ၍ ခွဲခြားယှဉ်ပြိုင်ရမည်ဖြစ်ကာ မြန်မာ၊ ထိုင်း၊ မလေးရှား၊ အင်ဒိုနီးရှားတို့ကဲ့သို့ ပိုက်ကျော်ခြင်း ထိပ်တန်းနိုင်ငံများက လက်ရွေးစင် အသင်းများသည် Premier တန်းတွင် ယှဉ်ပြိုင် ကြရမည်ဖြစ်ကြောင်းသိရသည်။

▪️ ယခင်ပြိုင်ပွဲများကဲ့သို့ မိမိတို့ အားသာသည့် Event ကို ရွေးချယ်ခွင့်မရှိဘဲ Event အားလုံး ယှဉ်ပြိုင်ကြရမည်ဖြစ်ကြောင်းလည်း သိရသည်။

▪️ ထို့ပြင် ယခုသွားရောက်ယှဉ်ပြိုင်ရမည့် World Cup 2024 ပြိုင်ပွဲသည် ယခင် ကျင်းပခဲ့ဖူးသော ပြိုင်ပွဲများထက် ထူးခြားချက်တစ်ခုမှာ ပြိုင်ပွဲဝင် အသင်းများ၏ ရလဒ်နှင့် ကစားသမားများ၏ အရည်အသွေးပေါ် မူတည်၍ နိုင်ငံများအား Rank အဆင့် သတ်မှတ်မည့် ပြိုင်ပွဲကြီးလည်းဖြစ်သည်။

▪️ ပြိုင်ပွဲသို့ ထိုင်း၊ ဗီယက်နမ်၊ အင်ဒိုနီးရှား၊ ဂျပန်၊ ဘရူနိုင်း၊ မလေးရှား၊ စင်ကာပူ၊ တရုတ်၊ အိန္ဒိယ၊ ကိုရီးယား၊ ဖိလစ်ပိုင်၊ မြန်မာ၊ ဂျာမနီ၊ ပြင်သစ်၊ နီပေါ၊ အီရန်၊ ဘင်္ဂလားဒေ့ရှ်၊ သီရိလင်္ကာ၊ ပါကစ္စတန်၊ တရုတ်(တိုင်ပေ)၊ ဆော်ဒီအာရေးဗီးယား နိုင်ငံတို့ ပါဝင်ပြီး Premier တန်းနှင့် Division တန်းဟူ၍ ခွဲခြားယှဉ်ပြိုင်ကြမည်ဖြစ်သည်။

▪️ မြန်မာအသင်းသည် Premier တန်းတွင် ယှဉ်ပြိုင်ကြရမည်ဖြစ်ပြီး Regu Event ပြိုင်ပွဲတွင် အိန္ဒိယ၊ ဂျပန်တို့နှင့် အုပ်စု (ဃ) တွင်လည်းကောင်း၊ Double Event ပြိုင်ပွဲတွင် ဖိလစ်ပိုင်၊ အင်ဒိုနီးရှား တို့နှင့် အုပ်စု (ဂ) တွင်လည်းကောင်း၊ Team Event ပြိုင်ပွဲတွင် ဖိလစ်ပိုင်၊ ကိုရီးယားတို့နှင့် အုပ်စု (ဃ) တွင်လည်းကောင်း ပါဝင်ယှဉ်ပြိုင်မည်ဖြစ်ကြောင်းသိရသည်။

#YMG/LW #Yangon_Times

#World_Health
Published 12 May 2024

▪️ လက်ဖက်ပင်က Camellia sinensis အပင်မျိုးမှဖြစ်ပြီး အခြားအပင်များနဲ့ ရောစပ်ကာ အနံ့အရသာ အမျိုးမျိုးဖြစ်ပေါ်စေပါတယ်။

▪️ ဘယ်လိုအမျိုးအစားပဲဖြစ်ဖြစ် လက်ဖက်အကြမ်းရည် တစ်ခွက်မှာ ကျန်းမာရေးအကျိုးကျေးဇူးတွေ ပါဝင်နေပါတယ်။

(၁) ဓာတ်တိုးဆန့်ကျင်အာနိသင်
▪️ သဘာဝဇီဝသတ္တိကြွ အပင်ဒြပ်ပေါင်းဖြစ်တဲ့ ပိုလီဖီနောလ် ကြွယ်ဝစွာပါဝင်ပြီး ဆဲလ်များအိုမင်းပျက်စီးခြင်းမှ ကာကွယ်ပေးပါတယ်။

▪️ လက်ဖက်ရည်ထဲကို နို့ထည့်သောက်ခြင်းက အာနိသင်လျော့ကျစေလား ဆိုတာကတော့ မသေချာဖြစ်နေပါတယ်။

(၂) နှလုံးကျန်းမာရေး ထောက်ပံ့ခြင်း
▪️ ပိုလီဖီနောလ်က သွေးကြောစီးဆင်းမှု ကောင်းမွန်စေပြီး သွေးပေါင်ချိန်ကျစေပါတယ်။

▪️ သွေးပေါင်ချိန်ကျခြင်းက လေဖြတ်ခြင်းနဲ့ နှလုံးဖောက်ခြင်း ဖြစ်နိုင်ခြေကို လျှော့ချပေးပါတယ်။

(၃) အူလမ်းကြောင်းကျန်းမာရေး တိုးတက်စေခြင်း
▪️ လက်ဖက်မှာလည်း အူလမ်းကြောင်းရှိ ဘက်တီးရီးယားများကို အကျိုးပြုစေတဲ့ ပစ္စည်းများပါဝင်ပါတယ်။

▪️ ဒါကြောင့် ဝမ်းချုပ်ခြင်း၊ အူလမ်းကြောင်းရောဂါ၊ အသက်ရှူလမ်းကြောင်း ကူးစက်မှုများ ဖြစ်နိုင်ခြေနည်းစေသလို ကိုယ်ခံအားစနစ် ပိုမျှစေပါတယ်။

(၄) သွေးတွင်းသကြားဓာတ်လျော့ကျခြင်း
▪️ လက်ဖက်ရည်ကို တစ်နေ့ ၄ ခွက်ထက် ပိုသောက်သုံးခြင်းက ဆီးချိုရောဂါ ဖြစ်နိုင်ခြေ ၁၇ ရာခိုင်နှုန်း လျော့နည်းစေပါတယ်။

(၅) ကင်ဆာဖြစ်နိုင်ခြေလျော့ကျစေခြင်း
▪️ ပိုလီဖီနောလ်ဓာတ်က အချို့သောကင်ဆာတွေကို ကာကွယ်ပေးပြီး ကင်ဆာဆဲလ်များကို ပျက်စီးစေပါတယ်။

(၆) အာရုံစူးစိုက်မှုကောင်းမွန်စေခြင်း
▪️ လက်ဖက်မှာ ကဖင်းဓာတ် ၄၀-၅၀ ဂရမ်လောက် ပါဝင်ပြီး မှတ်ဉာဏ်ပိုင်း၊ နိုးကြားနိုင်စွမ်း၊ အာရုံစူးစိုက်မှုတို့ကို မြှင့်တင်ပေးပါတယ်။

(၇) စိတ်ကျန်းမာရေးမြှင့်တင်ပေးခြင်း
▪️ ဖလေဗိုနောလ်က ဦးနှောက်လုပ်ဆောင်ချက် တိုးတက်စေပြီး ကျန်းမာပျော်ရွှင်စေပါတယ်။

#Source: Telegraph

ရှမ်းပြောင်းဖူးတွေရဲ့ ဈေးနှုန်းကတော့ သိပ်မတည်ငြိမ်ဘဲ ရက်အလိုက်အပြောင်းအလဲရှိပြီး ပြောင်းဖူးထွက်အားပေါ်မူတည်ပြီး ဈေးနှုန်းအတက်အကျရှိနိုင်တယ်။ တစ်ဖူးကိုကျပ်၂၀၀မှ ၆၀၀အထိရှိ။
#Local_News
Published_11 May 2024
#ရာသီစာတောင်ကြီး‌ဒေသထွက်ရှမ်းပြောင်း #ရောင်းအားပုံမှန်ရှိ
#tthl #Yangon_Times

#World_Health
Published 12 May 2024

▪️ လူတွေအိပ်စက်တဲ့ ပုံစံအနေအထားက ဘယ်လောက်အထိ နှစ်ခြိုက်စွာ အိပ်ပျော်စေသလဲဆိုတာကို သက်ရောက်တဲ့အပြင် ရေရှည်ကျန်းမာရေးကိုလည်း ထိခိုက်နိုင်ပါတယ်။

▪️ အိပ်စက်တဲ့ပုံစံ ဆိုးရွားပါက ဖြည်းဖြည်းချင်း အသက်အန္တရာယ် ရှိစေသည်အထိ ဖြစ်နိုင်ပါတယ်။

▪️  အိပ်စက်မှုပုံစံ မမှန်ပါက ဒီမန်ရှာ၊ နှလုံးရောဂါတို့ ဖြစ်စေနိုင်သလို နာကျင်ကိုက်ခဲခြင်းတွေလည်း ဖြစ်နိုင်ပါတယ်။

▪️ အိပ်စက်မှုပုံစံ တစ်ခုချင်းစီက ကောင်းကျိုးဆိုးကျိုးတွေ ရှိနေတာကြောင့် ချိန်ညှိဖို့ လိုအပ်ပါတယ်။

▪️ အချို့သော အိပ်စက်မှုပုံစံတွေကြောင့် ကျန်းမာရေးထိခိုက်နိုင်တဲ့ အချက်တွေကတော့..

 
(၁) ဘေးတိုက်အိပ်ခြင်း
▪️ ဘေးတိုက်အိပ်ခြင်းက အအိပ်အများဆုံး ပုံစံတွေထဲက တစ်မျိုးဖြစ်ပြီး ဘယ်ဘက်စောင်းတာလား ညာဘက်စောင်းတာလား ဆိုတာက ကျန်းမာရေးအပေါ် သက်ရောက်မှုရှိပါတယ်။

▪️ ကိုယ်ဝန်ဆောင် အမျိုးသမီးတွေ၊ အစာအိမ်အက်ဆစ် လျှံတက်ခြင်း ခံစားရတတ်သူတွေ၊ အခြားအူလမ်းကြောင်း ပြဿနာရှိသူများအနေနဲ့ ဘယ်ဘက်ကို စောင်းအိပ်သင့်တယ်လို့ ဇီဝကမ္မအထူးပြု ဆမ်မီမာဂိုက အကြံပြုပါတယ်။

▪️ နှလုံးပြဿနာရှိသူများကတော့ ညာဘက်ကို စောင်းအိပ်သင့်ပါတယ်။

▪️ ဘေးစောင်းအိပ်ခြင်းရဲ့ ပြဿနာတွေကို ဖြေရှင်းဖို့အတွက် ခေါင်းအုံးထူထူထားခြင်းဖြင့် ဦးခေါင်းနဲ့လည်ပင်းကို ကျောရိုးမနဲ့ တတန်းတည်း ဖြစ်စေကာ ဒူးခေါင်းကြားမှာ ဖက်လုံးထားအိပ်သင့်ပါတယ်။

 
(၂) ပက်လက်အိပ်ခြင်း
▪️ ပက်လက်အိပ်ခြင်းရဲ့ အဖြစ်အများဆုံး ပြဿနာကတော့ ဟောက်ခြင်းနဲ့ အသက်ရှူရ ခက်ခဲခြင်းတို့ ဖြစ်ပါတယ်။

▪️ နှစ်ခြိုက်စွာအိပ်ပျော်ရန် ခက်ခဲသဖြင့် ဆီးချိုရောဂါ၊ နှလုံးရောဂါ၊ အဝလွန်ခြင်းတို့ ဖြစ်နိုင်ခြေ များစေပါတယ်။

▪️ ကျောနဲ့လည်ပင်း ကိုက်ခဲသူတွေအတွက်တော့ ပက်လက်အိပ်ခြင်းက သင့်လျော်ပါတယ်။

▪️  အိပ်နေစဥ် လန့်နိုးတာမျိုး မဖြစ်တဲ့သူတွေကတော့ ပက်လက်အိပ်ခြင်းက သင့်လျော်တဲ့ပုံစံ ဖြစ်ပါတယ်။
 
(၃) မှောက်အိပ်ခြင်း
▪️ ဒီပုံစံက ဟောက်ခြင်းကို သက်သာစေပေမယ့် လည်ပင်းနဲ့ ကျောနာကျင်ကိုက်ခဲစေပါတယ်။

▪️  လည်ပင်းကို ဘေးသို့စောင်းထားရတာကြောင့် လည်ပင်းနဲ့ ကျောရိုးမကို ထိခိုက်စေနိုင်ပါတယ်။

▪️  ဒီအတွက် ခေါင်းအုံးပါးပါး ဒါမှမဟုတ် ခေါင်းအုံးမပါဘဲ မှောက်အိပ်ခြင်းဖြင့် လည်ပင်းကို ပုံမှန်အတိုင်း ရှိစေမှာဖြစ်ပါတယ်။
 
▪️ ညအိပ်စဥ်မှာ ပုံစံပြောင်းလဲခြင်းက ပုံမှန်ဖြစ်ပြီး အိပ်စက်မှုပြဿနာ မဟုတ်ပါဘူး။

#Source: Telegraph

၁၁ မေ ၂၀၂၄

နယ်မြေခံတပ် များအနေဖြင့်လည်း မိမိတို့တပ်များအလိုက် နယ်မြေဒေသလုံခြုံရေး၊ နယ်မြေစိုးမိုးရေး လုပ်ငန်း  များကို ကြိုတင်မျှော်တွေး၍ ဆောင်ရွက်ကြရန် နစက ဥက္ကဋ္ဌ တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး  မင်းအောင်လှိုင်က တြိဂံဒေသတိုင်းစစ်ဌာနချုပ်မှ အရာရှိ၊စစ်သည်များကို မှာကြားခဲ့တယ်လို့ နစကသတင်းထုတ် ပြန်ချက်အရသိရပါတယ်။

ဗိုလ်ချုပ်မှူးကြီးမင်းအောင်လှိုင်သည် မေလ ၁၁ရက်နေ့က တြိဂံဒေသတိုင်းစစ်ဌာနချုပ်၊ ကျိုင်းတုံတပ်နယ်မှ အရာရှိ၊ စစ်သည်၊ မိသားစုဝင်များအား တိုင်းစစ်ဌာနချုပ် ပြည်ငြိမ်းအေးခန်းမ၌ တွေ့ဆုံအမှာစကား ပြောကြား   ရာမှာ ယင်းကို ထည့်သွင်းပြောကြားခဲ့ခြင်းဖြစ်ပါတယ်။

နိုင်ငံတော်ကာကွယ်ရေးနှင့် လုံခြုံရေးတာဝန်များကို ထမ်းဆောင်ရာတွင် ခေတ်နှင့်အညီပြောင်းလဲ တိုးတက်  လာသည့် စစ်လက်နက်နည်းပညာများကိုလည်း မျက်ခြည် မပြတ်လေ့လာ သိရှိနေရကြရန်၊ ဖြစ်ပေါ်  လာနိုင် သည့်အခြေအနေများကို ကြိုတင်မျှော်တွေးပြင်ဆင်၍ လိုအပ်သည်မှန်သမျှကိုပြင်ဆင်ဆောင်ရွက် ကြရန်နှင့်  စစ်သည်တစ်ဦးချင်းစီအလိုက် အမြဲတမ်းတိုက်ပွဲဝင်အသင့် (Fit for Fight) ဖြစ်စေရေးအတွက် လေ့ကျင့်မှုများကို  မှန်မှန်ကန်ကန်ဆောင်ရွက်နေရကြရန်လည်း ဗိုလ်ချုပ်မှူးကြီးကမှာကြားခဲ့တယ်လို့ သတင်းထုတ်ပြန်ချက်မှာ ဖော်ပြထားပါတယ်။

လက်ရှိ အချိန်တွင် နိုင်ငံတော်တွင်ဖြစ်ပေါ်နေသော အခြေအနေများအရ လုံခြုံရေးနှင့် ကာကွယ်ရေး တာဝန်ထမ်း ဆောင်နေရသည့် တပ်များမှ စစ်သည်များနှင့် မိသားစုဝင် များအတွက်လည်း ထိုက်သင့်သည့်ချီးမြှင့်မှုများနှင့် လိုအပ်သည့်သက်သာချောင်ချိရေး ကိစ္စရပ်များကို ဖြည့်ဆည်းဆောင်ရွက်ပေးလျက်ရှိတယ်လို့လည်း ဗိုလ်ချုပ်မှူးကြီးကပြောပါတယ်။

အဲဒီနောက် ဗိုလ်ချုပ်မှူးကြီးကကျိုင်းတုံတပ်နယ်မှ အရာရှိ၊ စစ်သည်၊ မိသားစုများအတွက် စားသောက် ဖွယ်ရာပစ္စည်းများကိုပေးအပ်ရာတိုင်းမှူးက လည်းကောင်း၊ ဗိုလ်ချုပ်မှူးကြီး၏ဇနီးက တပ်နယ်မိခင်နှင့် ကလေးစောင်ရှောက်ရေးအသင်းအတွက် ချီးမြှင့်ငွေများကို ပေးအပ်ရာ တိုင်းမှူး၏ ဇနီးက လည်းကောင်း အသီးသီး လက်ခံရယူခဲ့ကြပါတယ်။

အဆိုပါ တွေ့ဆုံပွဲသို့ ဗိုလ်ချုပ်မှူးကြီးနှင့်အတူ ကာကွယ်ရေးဦးစီးချုပ် (ရေ) ဒုတိယ ဗိုလ်ချုပ်ကြီး ဇွဲဝင်းမြင့်နှင့်ဇနီး၊ကာကွယ်ရေးဦးစီးချုပ်(လေ) ဗိုလ်ချုပ်ကြီး ထွန်းအောင် နှင့် ဇနီး၊ ကာကွယ်ရေးဦးစီးချုပ်ရုံးမှ တပ်မတော်အရာရှိကြီးများ၊ တြိဂံ ဒေသ တိုင်းစစ်ဌာနချုပ်တိုင်းမှူးနှင့် ကျိုင်းတုံတပ်နယ်မှ အရာရှိ၊ စစ်သည်၊ မိသားစုဝင် များ တက်ရောက်ခဲ့ကြကြောင်းသတင်းရရှိပါတယ်။

@ymg/knl