#World_News
Published 09 December 2024

▪️ အမေရိကန် ရွေးချယ်ခံသမ္မတ ဒေါ်နယ်ထရမ့်က ရုရှားခေါင်းဆောင် ဗလာဒီမာပူတင်ကို ယူကရိန်းစစ်ပွဲ ချက်ချင်း အပစ်အခတ်ရပ်စဲရေး ပြုလုပ်ရန် တိုက်တွန်းလိုက်ကာ သမ္မတရာထူး တာဝန်ယူရန် ၁ လခွဲခန့်လိုသေးပေမယ့် စစ်ပွဲအဆုံးသတ်ရေးအတွက် တက်ကြွစွာ လှုပ်ရှားအားထုတ်နေတာကို တွေ့ရပါတယ်။

▪️ ဇယ်လန်စကီနဲ့ ယူကရိန်းအနေနဲ့ သဘောတူညီမှုရယူပြီး အဆုံးသတ်သင့်တယ်လို့ ထရမ့်က ဆိုရှယ်မီဒီယာမှာ ရေးသားထားပါတယ်။

▪️ ထရမ့်နဲ့ အင်တာဗျူးရာမှာ ယူကရိန်းကို စစ်ရေးအကူအညီ လျှော့ချရေးနဲ့ နေတိုး(NATO)အဖွဲ့ထံမှ အမေရိကန် ထွက်ခွာရေးအတွက် ဆွေးနွေးသွားမယ်လို့လည်း ပြောသွားပါတယ်။

▪️ ယူကရိန်းသတိထားရမယ့် အန္တရာယ် ၂ ခုက နေတိုးမဟာမိတ်တွေနဲ့ အမေရိကန် အမျိုးသားလုံခြုံရေး အဖွဲ့အစည်းတွေထဲက နိုင်ငံတွေဖြစ်ပါတယ်။

▪️ သဘောတူညီချက်ကို အဟန့်အတားဖြစ်စေမယ့် အရာတွေ မပြုလုပ်လိုတာကြောင့် ပူတင်နဲ့ ပြောဆိုစရာမရှိဘူးလို့ ပြောပါတယ်။

▪️ ယူကရိန်းက အပေးအယူ ပြုလုပ်ချင်နေကာ ပူတင်အနေနဲ့ ဆုံးဖြတ်ချက် ချရမယ့်အချိန် ရောက်နေပြီး တရုတ်ကလည်း ကူညီနိုင်သလို တစ်ကမ္ဘာလုံးကလည်း စောင့်မျှော်နေကြတယ်လို့ ဆိုပါတယ်။

▪️ ယူကရိန်းလိုအပ်တဲ့ ငြိမ်းချမ်းရေးက ထိရောက်မှုရှိပြီး နှစ်အနည်းငယ်နဲ့ မပျက်စီးနိုင်တဲ့ ငြိမ်းချမ်းရေးဖြစ်တယ်လို့ ပြောပါတယ်။

▪️ လက်ရှိဘိုင်ဒင်အစိုးရနဲ့ ယူကရိန်းထောက်ခံသူတွေက အလျင်စလို အပစ်အခတ်ရပ်စဲရေးကို မပြုလုပ်ချင်ပါဘူး။

▪️ ဒါဟာ ရုရှားအနေနဲ့ စစ်အင်အား ပြန်လည်ဖြည့်တင်းချိန် ရသွားမယ်လို့ ယူဆနေကြပါတယ်။

▪️ ထရမ့်က ဒုတိယအကြိမ် သမ္မတဖြစ်လာတဲ့အခါ နေတိုးအဖွဲ့အစည်းထဲမှာ အမေရိကန်ဆက်လက် ပါဝင်ရေး မသေချာတဲ့အကြောင်း ပြောသွားပါတယ်။

#Source: AP News

#Local_News
Published 9 December 2024

▪️ ယနေ့ဒီဇင်ဘာလ ၉ရက် နံနက်စောပိုင်းက သိန္နီမြို့အနီး အင်အားရစ်(ခ်)တာစကေး (၄.၅) အဆင့်ရှိ ငလျင်တစ်ခုလှုပ်ခတ်ခဲ့ကြောင်း မိုးလေဝသနှင့်ဇလဗေဒဦးစီးဌာနမှ ထုတ်ပြန်ချက်ထားသည်။

▪️ ထုတ်ပြန်ချက်တွင် ဒီဇင်ဘာလ ၉ ရက်နေ့၊ မြန်မာစံတော်ချိန် (၀၃)နာရီ၊ (၂၈)မိနစ်၊ (၀၃)စက္ကန့် အချိန်တွင် သီပေါမြေငလျင်စခန်းမှ အရှေ့မြောက်ဘက် (၆၉)မိုင်ခန့် ကွာဝေးသော မြန်မာနိုင်ငံ ပြည်တွင်း (သိန္နီမြို့၏ အရှေ့မြောက်ဘက် (၇) မိုင်ခန့်အကွာ)၊ မြောက်လတ္တီတွဒ် (၂၃.၃၈) ဒီဂရီ၊ အရှေ့လောင်ဂျီတွဒ် (၉၈.၀၃) ဒီဂရီ၊ အနက်(၁၀)ကီလိုမီတာကို ဗဟိုပြု၍ အင်အားရစ်(ခ်)တာစကေး (၄.၅) အဆင့်ရှိ အင်အားအနည်းငယ်ရှိသော မြေငလျင်တစ်ခု လှုပ်ရှားသွားကြောင်း တိုင်းထွာရရှိ‌ေကြာင်း ဖော်ပြထားသည်။

▪️ ယခုမြေငလျင်လှုပ်ခတ်မှုသည် ဒီဇင်ဘာလအတွင်း သုံးကြိမ်မြောက်လှုပ်ခတ်ခဲ့ခြင်းဖြစ်ပြီး ဒီဇင်ဘာလ ၁ရက်ကကြံခင်းမြို့အနီးတွင် တစ်ကြိမ် ဒီဇင်ဘာလ ၂ရက်က မိုင်းပြင်းမြို့အနီးတွင်တစ်ကြိမ် လှုပ်ခတ်ခဲ့သေးကြောင်း သိရသည်။

#YMG/SW #Yangon_Times

#World_Health
Published 09 December 2024

▪️ လမ်းလျှောက်ခြင်းဖြင့် နှလုံးကျန်းမာရေး၊ အိပ်စက်ခြင်း၊ စိတ်အခြေအနေတို့ တိုးတက်စေတာ သိရှိထားသလို ယခုသုတေသနမှာတော့ နေ့စဉ် တစ်နာရီ ၃ မိုင်နှုန်းဖြင့် မိနစ် ၁၆၀ လမ်းလျှောက်ပါက သက်တမ်း ၁၀ နှစ်ကျော် အသက်ရှည်စေတယ်လို့ တွေ့ရှိလာပါတယ်။

▪️ အမေရိကန်မှ အသက် ၄၀ နဲ့အထက်လူတွေကို လေ့လာခဲ့ကြပြီး အနည်းဆုံး ၄ ရက်ကြာအောင် စောင့်ကြည့်ရေးကိရိယာ တပ်ဆင်ခိုင်းခဲ့ပါတယ်။
ဒီနောက် လှုပ်ရှားမှုအတိုင်းအတာနဲ့ အသက်ဘယ်လောက် ရှည်လဲဆိုတာကို ခန့်မှန်းတွက်ချက်ခဲ့ကြပါတယ်။

▪️ ရုပ်ပိုင်းဆိုင်ရာ ပိုပြီးလှုပ်ရှားသူတွေက ပျမ်းမျှနေထိုင်သက်တမ်း အရှည်ဆုံးဖြစ်နေတာကို နှိုင်းယှဉ်တွေ့ခဲ့ကြပါတယ်။

▪️ နေ့စဉ် တစ်နာရီ ၃ မိုင်နှုန်းဖြင့် မိနစ် ၁၆၀ လမ်းလျှောက်ပါက ပျမ်းမျှသက်တမ်းဟာ ၇၈.၆ နှစ်ကနေ ၈၄ နှစ်အထိ မြင့်တက်လာပါတယ်။

▪️ လှုပ်ရှားမှုအနည်းဆုံးသော ၂၅ ရာခိုင်နှုန်းကတော့ ပျမ်းမျှသက်တမ်း ၆ နှစ်ခန့် တိုတောင်းခဲ့ပေမယ့် နေ့စဉ် ၁၁၁ မိနစ်ပိုပြီး လှုပ်ရှားပေးပါက အသက် ၁၁ နှစ်နီးပါး အသက်ပိုရှည်လာတာကို တွေ့ခဲ့ကြပါတယ်။

▪️ လှုပ်ရှားမှုအနည်းဆုံးသူတွေဟာ တစ်နေ့ကို ၁ နာရီမျှ လမ်းပိုလျှောက်ပေါးပါက အသက်ရှည်လာနိုင်တယ်လို့ နှလုံးကာကွယ်ရေးဆရာဝန် အက်ဒီဒါပိုအီလူယိုမာဒီက ပြောသွားပါတယ်။

▪️ လမ်းလျှောက်ခြင်းက အလွယ်ကူဆုံး လှုပ်ရှားမှုဖြစ်ပြီး အကျိုးကျေးဇူးအများဆုံးလည်း ဖြစ်ပါတယ်။

▪️ နှလုံးသွေးကြော ကျန်းမာရေးတိုးတက်စေခြင်း၊ သွေးပေါင်ချိန်ကျစေခြင်း၊ ကိုယ်အလေးချိန် ထိန်းသိမ်းခြင်းတို့ ပေးစွမ်းနိုင်ပြီး နာတာရှည်ရောဂါများ ဖြစ်ခြင်းမှ လျှော့ချပေးပါတယ်။

▪️ ဒါကြောင့် အချိန်အများကြီးပေးပြီး မလျှောက်နိုင်ရင်တောင် နည်းနည်းချင်းစီ အချိန်ပေးလမ်းလျှောက်ခြင်းဖြင့် အသက်ရှည်ကျန်းမာခြင်းရဲ့ အကျိုးကျေးဇူးတွေ ရရှိစေနိုင်မှာ ဖြစ်ပါတယ်။

#Source: Prevention.

#World_Health
Published 09 December 2024

▪️ အအေးမိ ဖျားနာခြင်းကြောင့် အဆက်မပြတ် ချောင်းဆိုးနိုင်ကာ နေ့စဉ်ဘဝမှာ အားအင်ကုန်ခမ်း စိတ်ပျက်ရပါတယ်။

▪️ လည်ချောင်းနဲ့ အသက်ရှူလမ်းကြောင်းတို့ကို ရှင်းထုတ်ရန် ခန္ဓာကိုယ်ကနေ သဘာဝအတိုင်း တုံ့ပြန်တာလည်း ဖြစ်ပါတယ်။

▪️ ချောင်းဆိုးသက်သာစေဖို့အတွက် ချောင်းဆိုးပျောက်ဆေးတွေ ရှိနေသလို အိမ်တွင်းနည်းလမ်းများကလည်း ချောင်းဆိုးခြင်းကို ဘေးထွက်ဆိုးကျိုး မရှိဘဲ ဈေးသက်သက်သာသာဖြင့် သက်သာစေနိုင်ပါတယ်။

▪️ (၁) ပျားရည် - လည်ချောင်းယားယံမှုကို သက်သာစေပြီး ပိုးသေစေတဲ့ အာနိသင်ရှိကာ ချောင်းဆိုးခြင်း၊ လည်ချောင်းနာခြင်းများကို သက်သာစေပါတယ်။

▪️ (၂) ဂျင်း - ဂျင်းပြုတ်ရည်သောက်ခြင်းဖြင့် ရောင်ရမ်းခြင်းကို သက်သာစေပြီး ကြွက်သားများကို ပြေလျော့စေကာ ချွဲသလိပ်ကင်းစေပါတယ်။

▪️ (၃) နနွင်း - နနွင်းမှာပါတဲ့ ကာကူမင်ဓာတ်က ရောဂါပိုးမွှားသေစေနိုင်ကာ လည်ချောင်းထဲမှာ ခုခံအားမြှင့်တင်ပေးပါတယ်။

▪️ (၄) ဆားရည် - ဆားရည်ဖြင့် အာလုတ်ကျင်းခြင်းက လည်ချောင်းရောင်ရမ်းမှုကို လျှော့ချပေးကာ ချွဲသလိပ်များ ပျော်စေပြီး ယားယံမှုကို သက်သာစေပါတယ်။

▪️ (၅) ရေနွေးငွေ့ရှူခြင်း - ချောင်းဆိုးခြင်း ချွဲကြပ်ခြင်းတို့ကို သဘာဝအတိုင်း ရှင်းလင်းစေကာ အသက်ရှူလမ်းကြောင်းကို စိုစွတ်စေပြီး အသက်ရှူရ လွယ်ကူစေပါတယ်။

▪️ (၆) နွယ်ချိုမြစ် - နွယ်ချိုမြစ်က တစ်ရှူးရောင်ရမ်းခြင်းကို ချောမွေ့စေကာ ချွဲပျော်စေပါတယ်။

▪️ (၇) ကြက်သွန်နီရည် - ရောဂါပိုးသန့်စင်ပေးတဲ့ အစွမ်းသတ္တိကြောင့် လည်ချောင်းချောမွေ့စေပြီး ချွဲသလိပ်များ ဖယ်ရှားပေးပါတယ်။

▪️ (၈) ပူရှိန်းအကြမ်းရည် - လည်ချောင်းရှင်းစေပြီး ချွဲပျော်စေတဲ့အပြင် ချောင်းဆိုးချင်စိတ်ကိုလည်း လျှော့ချပေးပါတယ်။

▪️ (၉) စမုန်ဖြူအကြမ်းရည် - လည်ချောင်းကြွက်သားကို ပြေလျော့စေကာ ချောင်းဆိုးခြင်းကို သက်သာစေပြီး ချွဲသလိပ်ရှင်းစေပါတယ်။

#Source: DoctorNDTV

၈ ဒီဇင်ဘာ ၂၀၂၄

◾️ရုရှားက ဆီးရီးယားသမ္မတ ဘာရှာအယ်အာဆတ်ကို  စွန့်လွှတ်လိုက်သောကြောင့်  အာဆတ် ကျရှုံး သွားတာဖြစ်တယ်လို့ အမေရိကန်ရွေးကောက်ခံသမ္မတ ဒေါ်နယ်ထရမ့်ကပြောလိုက်ပါတယ်။

◾️အဲဒီအကြောင်းကို ထရမ့်က သူ့ရဲ့ ဆိုရှယ်မီဒီယာ Truth မှာရေးခဲ့တာဖြစ်ပြီး “ အာဆတ်က သွားပြီ။ နိုင်ငံက ထွက်ပြေးသွားပြီ။ သူ့ကို အကာအကွယ်ပေးတဲ့ ဗလက်ဒီမာပူတင်ဦးဆောင်တဲ့ ရုရှား..ရုရှား..ရုရှား ဟာ သူ့ကို ဆက်ပြီးအကာအကွယ်ပေးဖို့ စိတ်မဝင်စားတော့ဘူး” လို့ ရေးခဲ့ပါတယ်။

◾️“ ရုရှားအနေနှင့် ပထမနေရာကို ပေးစရာအကြောင်းမရှိဘူး။ မစသင့်ခဲ့တဲ့ ပြီးတော့ အမြဲတမ်းရှိနေမယ့် ယူကရိန်းစစ်ပွဲကြောင့် သူတို့က ဆီရီးယားကို စိတ်ဝင်စားမှုမရှိတော့ဘူး” လို့ ထရမ့်ကရေးပါတယ်။

◾️ထရမ့်ဟာ ယူကရိန်းသမ္မတ ဗိုလိုဒီမာဇီလင်စကီးနှင့် စနေနေ့က ပါရီမှာ Notre-Dame ကျောင်းတော် ကြီး ပြန်ဖွင့်ပွဲအတွင်း တွေ့ခဲ့ကြပါတယ်။

◾️ယူကရိန်းစစ်ကိုမြန်မြန်ရပ်တန့်ပစ်ဖို့ကြိုးစားမယ်လို့ ထရမ့်ကပြောပါတယ်။

◾️ရုရှားရော ယူကရိန်းနှစ်နိုင်ငံစလုံး  စစ်သားတွေရာထောင်သေပြီးဒဏ်ရာရရှိထားကြတယ်။ ယူကရိန်း ဆိုရင် အရပ်သားတွေ တော်တော်များများသေဆုံးကြရတယ်။ ယူကရိန်းခေါင်းဆောင်က အပေးအယူ  လုပ်ပြီး ဒီမိုက်မဲမှုကို အဆုံးသတ်ချင်နေတယ်။ အပစ်အခတ်ချက်ခြင်းရပ်ကြပြီး စေ့စပ်ညှိနှိုင်းပွဲတွေ   စသင့်တယ် လို့ ထရမ့်ကပြောပါတယ်။

◾️“ ကျွန်တော် ဗလက်ဒီမာကိုကောင်းကောင်းသိတယ်။ ဒီအချိန်ဟာလုပ်ရတော့မယ်အချိန်ပါ၊ တရုတ်က ကူညီနိုင်တယ်။ ကမ္ဘာကစောင့်ဆိုင်းနေတယ်” လို့သူကဆက်ပြောပါတယ်။

Source: Reuters

၈ ဒီဇင်ဘာ ၂၀၂၄

တရုတ်နှင့်ရုရှား ရေတပ်များအကြား နားလည်မှုနှင့်ချစ်ကြည်ရင်းနှီးမှု နက်ရှိုင်းစေရေးအတွက်ရည်ရွယ်ပြီး  စစ်ရေယာဉ် လေးစီးပါဝင်တဲ့ ရုရှားရေတပ်အုပ်စုဟာ ပြီးခဲ့တဲ့ကြာသပတေးနေ့က တရုတ်နိုင်ငံ အရှေ့ပိုင်း ချင်းဒေါင်ဆိပ်ကမ်းမြို့ကို ဆိုက်ကပ်ရောက်ရှိခဲ့ကြပါတယ်။

Source CCTV+

#World_Health
Published 08 December 2024

▪️ ကင်းစ်ကောလိပ်လန်ဒန်မှ သိပ္ပံပညာရှင်များ ဦးဆောင်တဲ့ ABRA လက်တွေ့စမ်းသပ်မှု ဒုတိယအဆင့်ရဲ့ ရလဒ်များအရ ရင်ကြပ်နဲ့ အဆုတ်လေပြွန်ရောဂါခံစားရသူများအတွက် အပြောင်းအလဲ ဖြစ်လာနိုင်ပါတယ်။

▪️ ထိုဆေးဟာ ထွက်ရှိနေပြီးသားဖြစ်သလို အရေးပေါ်အခြေအနေမှာ အသုံးပြုနိုင်ပြီး ဆေးရုံတက်ကုသရမှုများနဲ့ နောက်ထပ်ကုသမှုများ လျှော့ချနိုင်တယ်လို့ တွေ့ရှိလာပါတယ်။

▪️ Benralizamab လို့ခေါ်တဲ့ဆေးဟာ သွေးဖြူဥဆဲလ်များကို ပစ်မှတ်ထားပြီး အဆုတ်ရောင်ရမ်းခြင်းကို လျှော့ချပေးကာ လက်ရှိမှာ ရင်ကြပ်ပြင်းထန်လူနာများမှာ ကုသဖို့ အသုံးပြုနေပါတယ်။

▪️ စတီးရွိုက်ဆေးတွေနဲ့ မတူတာက ABRA စမ်းသပ်ချက်မှာ ဖြစ်ပွားတဲ့နေရာကို ဆေးတစ်ကြိမ်တည်း ထိုးလိုက်ခြင်းဖြင့် ထိရောက်မှုပိုရှိတယ်လို့ တွေ့ရှိထားပါတယ်။

▪️ ရင်ကြပ်နဲ့ အဆုတ်လေပြွန်ရောဂါ ဆိုးရွားမှုတွေက နှစ် ၅၀ အတွင်း မပြောင်းလဲဘဲ တစ်နှစ်အတွင်း သေဆုံးသူ ၃.၈ သန်း ရှိတယ်လို့ စမ်းသပ်မှု ပရော်ဖက်ဆာ မိုနာဘာဖက်ဟယ်က ပြောသွားပါတယ်။

▪️ "Benralizumab က ရင်ကြပ်ပြင်းထန်မှုကို ထိန်းချုပ်နိုင်တဲ့ စိတ်ချရတဲ့ ဆေးဖြစ်ပြီးသားပါ။ အသုံးပြုပုံ ကွဲပြားသွားတာက ဖြစ်တဲ့နေရာမှာ ထိုးနှံလိုက်တာဖြစ်ပြီး လက်ရှိကုသမှုထက် ပိုမိုထိရောက်တယ်လို့ တွေ့ရှိထားပါတယ်" လို့ ပြောသွားပါတယ်။

▪️ ဒီနည်းလမ်းကို ကျန်းမာရေးပညာရှင်များမှ ထိုးနှံရတာဖြစ်ပေမယ့် မကြာခင် အရေးပေါ်ဆေးပေးခန်းတွေမှာပါ အသုံးပြုနိုင်မှာ ဖြစ်ပါတယ်။

▪️ စမ်းသပ်မှုမှာ ပါဝင်တဲ့ အသက် ၇၇နှစ်အရွယ် လူနာက ဒီဆေးထိုးနှံမှုကြောင့် စတီးရွိုက် ဘေးထွက်ဆိုးကျိုးတွေ မခံစားရဘူးလို့ ဆိုပါတယ်။

#Source: India_Today

#World_Health
Published 08 December 2024

▪️ ၁ နှစ်ကို ၂ ကြိမ်ထိုးရတဲ့ AIDS ကာကွယ်ဆေးဟာ အမျိုးသမီးတွေနဲ့ လေ့လာရာမှာ ၁၀၀ ရာခိုင်နှုန်း ထိရောက်မှုရှိပြီး အမျိုးသားတွေမှာလည်း ထိရောက်မှုရှိတယ်လို့ ဖော်ပြလာပါတယ်။

▪️ ဈေးသက်သာတဲ့ အမျိုးအစားတွေကို အာဖရိက၊ အရှေ့တောင်အာရှ၊ ကာရစ်ဘီယံ အပါအဝင် HIV ကူးစက်မှုနှုန်းအများဆုံး နိုင်ငံ ၁၂၀မှာ ရောင်းချခွင့် ပြုသွားမှာဖြစ်တယ်လို့ ဆေးဝါးထုတ်လုပ်ရေး Gilead က ပြောပါတယ်။

▪️ အခြားကာကွယ်ရေးနည်းလမ်းတွေထက် ပိုပြီးစိတ်ချရပေမယ့် ဖြစ်ပွားမှုနှုန်းမြင့်တဲ့ နိုင်ငံတွေမှာတော့ စိုးရိမ်ရဆဲ ဖြစ်တယ်လို့ UNAIDS မှ အမှုဆောင်ညွှန်ကြားရေးမှူး ဝင်နီဘီယန်ယီမာက ဆိုပါတယ်။

▪️ ယမန်နှစ်က AIDS ကြောင့် သေဆုံးသူ ၆၃၀၀၀၀ ခန့်ရှိကာ ၂၀၀၄ ခုနှစ်နောက်ပိုင်း အနည်းဆုံးဖြစ်ခဲ့သဖြင့် ဒီကပ်ရောဂါကြီးကို အဆုံးသတ်ဖို့ အခွင့်အရေး ရလာပြီလို့ UNAIDS က ဖော်ပြလိုက်ပါတယ်။

▪️ လက်ရှိမှာ ရောဂါကာကွယ်ရေး နည်းလမ်းများအနေနဲ့ ကွန်ဒုံး၊ တားဆေး၊ သားအိမ်ထည့်ပစ္စည်းများ၊ ထိုးဆေးများ ရှိနေပေမယ့် Gilead ရဲ့ ကာကွယ်ဆေးကတော့ ကျန်းမာရေး စောင့်ရှောက်မှုခံယူရန် စိုးရွံ့တဲ့သူတွေအတွက် အသုံးဝင်နိုင်တယ်လို့ ပညာရှင်များ သုံးသပ်ထားပါတယ်။

▪️ ဆေးခန်းကို ၁ နှစ်မှ ၂ ကြိမ်တည်း လာရမှာဖြစ်တဲ့အတွက် ထိုလူတွေအတွက် အဆင်ပြေနိုင်တယ်လို့ ဆိုပါတယ်။

▪️ လက်တင်အမေရိက နိုင်ငံတွေမှာဆိုရင် လူတွေက ဆေးတွေကို မေးရမှာ ရှက်ကြောက်ကြတယ်လို့ ဂွာဒယ်လာဂျာရာမှ ဒေါက်တာ အယ်မာမီနာဗာပီရက်ဇ်က ပြောပါတယ်။

▪️ HIV ကာကွယ်မှု အလိုအပ်ဆုံး နေရာတွေမှာ ကုသကာကွယ်ရေး နည်းလမ်းများ ရရှိနိုင်ရန် ကူညီသွားမယ်လို့ Gilead က ဖော်ပြထားပါတယ်။

▪️ အာဖရိက ၁၈ နိုင်ငံဟာ ကမ္ဘာမှာ HIV ဖြစ်ပွားမှုရဲ့ ၇၀ ရာခိုင်နှုန်းရှိနေပါတယ်။
ဖြစ်ပွားမှုအများဆုံး အာဖရိကနဲ့ အာရှတို့မှာ အရင်ပေးသွားဖို့ရှိသလို လက်တင်အမေရိကမှာ လိင်တူများကြား HIV ဖြစ်ပွားမှုနှုန်းကလည်း မြင့်တက်နေပါတယ်။

▪️ မက္ကဆီကိုမှာဆိုရင် ချမ်းသာတဲ့သူတွေ ရှိသလို အလွန်ဆင်းရဲတဲ့သူတွေလည်း ရှိနေတယ်လို့ မက္ကဆီကိုမှ လိင်အင်္ဂါပြောင်း အမျိုးသမီးက ဆိုပါတယ်။

▪️ ကမ္ဘာတဝှမ်းမှာ HIV ကူးစက်သူ နှစ်စဉ် ၁ သန်းကျော်ရှိနေပြီး လက်ရှိမှာ ကာကွယ်ရေးနည်းလမ်းတွေက လုံလောက်ခြင်း မရှိပါဘူး။

▪️ ယခုအချိန်မှာ လိုအပ်ချက်က Gilead ကာကွယ်ဆေးကို လိုအပ်တဲ့သူတွေဆီရောက်ရှိအောင် ဘယ်လိုလုပ်ရမလဲဆိုတာ ဖြစ်တယ်လို့ တောင်အာဖရိကတက္ကသိုလ်မှ AIDS ပညာရှင် ဒေါက်တာ ဆလမ်အက်ဒူလ်ကာရင်က ပြောသွားပါတယ်။

#Source: AP News

တောင်ကိုရီးယားသမ္မတ ယွန်ဆော့ယောလ် ယာယီထုတ်ပြန်ခဲ့တဲ့ စစ်အုပ်ချုပ်ရေးအမိန့် ကြေညာချက်က စီးပွားရေးနဲ့ဘဏ္ဍာရေးရိုက်ခတ်မှုများ ရှိလာနိုင်ကာ ရင်းနှီးမြှုပ်နှံသူများရဲ့ ယုံကြည်မှုနဲ့ကုန်သွယ်မှု ဆက်ဆံရေးတို့ကိုပါ ထိခိုက်လာနိုင်တယ်လို့ ပြည်တွင်းစီးပွားရေး ပညာရှင်တစ်ဦး သတိပေးလိုက်ပါတယ်။

#World_News
Published 07 December 2024
#တောင်ကိုရီးယားစစ်အုပ်ချုပ်ရေး
#စီးပွားရေးနဲ့ဘဏ္ဍာရေးရိုက်ခတ်မှုများရှိလာနိုင်

၇ ဒီဇင်ဘာ ၂၀၂၄

🔳တောင်ကိုရီးယားသမ္မတ ယွန်ဆပ်ယိုးအပေါ် ပါလီမန်က စွပ်စွဲပြစ်တင်ခြင်းအတွက် ယနေ့မဲခွဲဆုံးဖြတ်ရာ လုံလောက်သောမဲမရသဖြင့် အရေးနိမ့်သွားပါတယ်။

🔳တောင်ကိုရီးယားသမ္မတ ယွန်ကို ဖြုတ်ချရန်ကြိုးစားမှု ပထမအကြိမ်တွင် မအောင်မြင်ဖြစ်သွားခဲ့တာပါ။

🔳လိုအပ်တဲ့မဲအရေအတွက်ရဖို့ ငါးမဲအလိုနှင့် အရေးနိမ့်သွားခဲ့တာဖြစ်ပါတယ်။

🔳အတိုက်အခံအမတ်၁၉၂ဦးနှင့် ယွန်ရဲ့အာဏာရ ပြည်သူ့အာဏာပါတီမှအမတ်(၃)ဦးတို့က ထောက်ခံမဲ ပေးခဲ့ကြတာပါ။

🔳“စုစုပေါင်း ၁၉၅မဲရရှိပြီး အဲဒီအရေအတွက်ဟာ စုစုပေါင်းအမတ်ဦးရေရဲ့ သုံးပုံနှစ်ပုံကို ပြည့်မီခြင်း မရှိခဲ့ပါဘူး။ အဲဒါကြောင့် ဒီကိစ္စအပေါ်မဲပေးဆုံးဖြတ်မှုအထမမြောက်ကြောင်းကြေညာ ပါတယ်” လို့ ပါလီမန်ဥက္ကဋ္ဌ ဝူဝန်ရှစ်က ပြောပါတယ်။

🔳အာဏာရပါတီရဲ့ ပါလီမန်ခေါင်းဆောင်က ပြစ်တင်စွပ်စွဲမှု အထမမြောက်ခဲ့ခြင်းကြောင့် သူရာထူးက နှုတ်ထွက်မည်ဖြစ်ကြောင်းကြေညာပါတယ်။

🔳အတိုက်အခံပါတီခေါင်းဆောင်ကတော့ လက်လျှော့ဦးမှာမဟုတ်ဘဲ ဘယ်လိုနည်းနှင့်ပဲဖြစ်ဖြစ် သမ္မတကို မရရအောင် စွပ်စွဲပြစ်တင်မှုအထမြောက်အောင်လုပ်ဆောင်မယ်လို့ ပြောပါတယ်။

#Daily_News
Published 07 December 2024

၁။ ထိုင်းရောက် မြန်မာလုပ်သားများသို့ သက်သေခံလက်မှတ်များထုတ်ပေးရာတွင် ငွေကြေးကောက်ခံခြင်းမရှိကြောင်း သံရုံးထုတ်ပြန်

၂။ တရုတ်-မြန်မာ အထည်အလိပ်နှင့် စက်ယန္တရားကုန်စည်ပြပွဲရန်ကုန်၌ ကျင်းပနေ

၃။ ပြည်တွင်းဆီစက် ၇၀ရာခိုင်နှုန်းအထိ ပြန်လည်လည်ပတ်လာနိုင်ခဲ့

၄။ တောင်ကိုရီးယား စစ်အုပ်ချုပ်ရေးအမိန့်ရုပ်သိမ်းပြီးနောက်တိုင်းပြည်စီးပွားရေးနှင့်ဘဏ္ဍာရေးထိခိုက်မှုမှကာကွယ်ရန်လိုအပ်ဟု ပညာရှင်များသတိပေး... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။
#YMG #Yangon_Times #Yangon_Media_Group

ပြည်ပနိုင်ငံတွေကနေ  စားအုန်းဆီတင်သွင်းတဲ့ မူဝါဒများပြောင်းလဲခဲ့ပြီးနောက် ပြည်တွင်းဆီစက်၇၀ရာခိုင်နှုန်းအထိ ပြန်လည်လည်ပတ်လာနိုင်ခဲ့တယ်လို့မြန်မာနိုင်ငံဆီစက်လုပ်ငန်းရှင်များအသင်းက သိရပါတယ်။

#Local_News
Published 7 December 2024
#ပြည်တွင်းဆီစက် #၇၀ရာခိုင်နှုန်းပြန်လည်လည်ပတ်
#YMG/NN #Yangon_Times