Published 14 May 2024

၂၀၂၄ခုနှစ် ပြည်နယ်နှင့် တိုင်းဒေသကြီး ရေကူးပြိုင်ပွဲတွင် ရန်ကုန်တိုင်းဒေသကြီးကိုယ်စားပြု ဝင်ရောက်ယှဉ်ပြိုင်ရန် ရေကူးအားကစားသမားများကို ဖိတ်ခေါ်ကြောင်း ရန်ကုန်တိုင်းဒေသကြီးအားကစားနှင့်ကာယပညာဦးစီးဌာနထံမှ သိရသည်။

ပြည်နယ်နှင့် တိုင်းဒေသကြီး ရေကူးပြိုင်ပွဲကို နေပြည်တော် ဝဏ္ဏသိဒ္ဓိ ရေကူးကန်တွင် ဇွန်လ၁၂ရက်မှ ၁၄ရက်အထိ ကျင်းပပြုလုပ်သွားမည်ဖြစ်ကကြာင်း သိရသည်။

အဆိုပါရေကူးပြိုင်ပွဲတွင် ဝင်ရောက်ယှဉ်ပြိုင်စေရန်အတွက် လူရွေးချယ်ရေးပြိုင်ပွဲအား မေလ၂၅ရက် နေ့လည် ၁နာရီတွင် အမျိုးသားရေကူးကန် (ဦးဝိဇာရ) မှာ ကျင်းပပြုလုပ်မည်ဖြစ်ကြောင်းသိရသည်။

ထို့ကြောင့် ရန်ကုန်တိုင်းဒေသကြီးအတွင်းရှိ ရေကူးအားကစားသမားများ မည်သူမဆို လာရောက်ပြီး ပါဝင်ယှဉ်ပြိုင်နိုင်တယ်လို့ အသိပေးထားသည်။
#Yangon_Times/LW
#Local_News
#Published_ 14 May 2024
#Yangon_Times #YMG_News #Yangon_Media_Group

Published 14 May 2024

ပင်လယ်ရေ‌ကြောင်းမှတဆင့် ‌ဆန်တန်ချိန် ၁၈,၀၀၀ကျော်နှင့် ပြောင်းဆံ တန်ချိန်၂၃၀,၀၀၀ ကျော်တင်ပို့မည် ဖြစ်ကြောင်း စီးပွားရေးနှင့်ကူးသန်းရောင်းဝယ်ရေးဝန်ကြီးဌာနမှ သိရသည်။

ထိုသို့တင်ပို့ရာတွင် လာမည့် မေ (၁၅) ရက်တွင် ဆူးလေဆိပ်ကမ်း (SPW) မှ  ဆန်တန်ချိန် (၆,၀၀၀)၊အလုံ အပြည်ပြည်ဆိုင်ရာဆိပ်ကမ်း (AIPT) မှ  ဆန်တန်ချိန် (၁၂,၅၀၀) စုစုပေါင်း ဆန်တန်ချိန် ၁၈,၅၀၀ကို တင်ပို့သွားမည်ဖြစ်ကြောင်း သိရသည်။

ထို့အပြင် ဆူးလေဆိပ်ကမ်း (SPW) မှပြောင်းဖူးစေ့တန်ချိန် (၇၁၉၀၀) နှင့် မြန်မာ့စက်မှုဆိပ်ကမ်း (MIP)မှ ပြောင်းဖူးစေ့တန်ချိန် (၅၃၅၀၀)၊ အလုံ အပြည်ပြည်ဆိုင်ရာဆိပ်ကမ်း (AIPT) မှ ပြောင်းဖူးစေ့တန်ချိန် (၅၈၄၀၀) ၊ ဆန်တန်ချိန် (၁၂၅၀၀) ၊ ယခင်ဗိုလ်အောင်ကျော်ဆိပ်ကမ်း (The Myanmar Terminal- TMT)မှ ပြောင်းဖူးစေ့ တန်ချိန် (၂၉၅၀၀)၊ မင်းထက်မင်းဆိပ်ကမ်း (MHM)မှ ပြောင်းဖူးစေ့တန်ချိန် (၅၄၀၀)၊ Yangon International Gateway Terminal(YIGT)မှ ပြောင်းဖူးစေ့တန်ချိန် (၁၁၀၀၀) ၊ Myanmar Five Star Line (MFSL) ဆိပ်ကမ်းမှ ပြောင်းဖူးစေ့တန်ချိန် (၂၇၀၀) စုစုပေါင်း တန်ချိန် (၂၃၂၄၀၀) တင်ပို့သွားမည်ဖြစ်ကြောင်း သိရသည်။

ပြည်တွင်းမှထွက်ရှိသည့်ပြောင်းကို ထိုင်းနိုင်ငံသို့ အဓိကတင်ပို့လေ့ရှိပြီး အိန္ဒိယ၊ဖိလစ်ပိုင်စသည့်နိုင်ငံများကိုလည်းတင်ပို့လေ့ရှိကြောင်းသိရသည်။

ဆန်ကိုမူ တရုတ်စသည့်နိုင်နီးချင်းနိုင်ငံများအပြင် ဥရောပ၊အာဖရိကနိုင်ငံများသို့လည်းတင်ပို့လေ့ရှိကြောင်းသိရသည်။
#Yangon_Times/NN
#Local_News
#Published_ 14 May 2024
#Yangon_Times #YMG_News #Yangon_Media_Group

Published 14 May 2024

ရန်ကုန်မြို့တွင်းYBS မော်တော်ယာဉ်ကြီး မောင်းနှင်ရန်အတွက် ကျွမ်းကျင်ယာဉ်မောင်းများလိုအပ်လျှက်ရှိသောကြောင့် ရန်ကုန်တိုင်းဒေသကြီး ပုဂ္ဂလိကသယ်ယူပို့ဆောင်ရေးကြီးကြပ်မှုကော်မတီYRTC ၏ ကြီးကြပ်မှုဖြင့် ရန်ကုန်ဘတ်စ်ကားအများနှင့်သက်ဆိုင်သောကုမ္ပဏီလီမိတက်ကYBS မော်တော်ယာဉ်ကြီး မောင်းသင်တန်းကျောင်းမှသင်တန်းသားများခေါ်ယူ နေကြောင်းသိရသည်။

အဆိုပါ YBSမော်တော်ယာဉ်ကြီး မောင်းသင်တန်းအမှတ်စဉ်၄/၂၀၂၄အား မေလနောက်ဆုံးအပတ်၌ ဖွင့်လှစ်သွားမည်ဖြစ်သည်။

"  သင်တန်းအမှတ်စဉ် ၄/၂၀၂၄ အတွက်သင်တန်းသားတွေစခေါ်နေပါပြီ၊ သင်တန်းက မေ၃၁ရက်နေ့မှာဖွင့်လှစ်မှာပါ၊သင်တန်းကာလကတစ်လကြာမြင့်ပါမယ်၊" ဟု ရန်ကုန်ဘတ်စ်ကားအများနှင့်သက်ဆိုင်သောကုမ္ပဏီလီမိတက်မှတာဝန်ရှိသူတစ်ဦးကပြောသည်။

သင်တန်းတက်ရောက်လိုသူများသည်  "ခ"လိုင်စင်အနည်းဆုံးငါးနှစ်သက်တမ်းရှိရမည်ဖြစ်ပြီးအသက်၂၃နှစ်မှ ၅၅နှစ်အတွင်းရှိရမည်ဖြစ်ကြောင်းသိရသည်။

ထို့အပြင် အခြေခံပညာအလယ်တန်းအဆင့်အောင်မြင်ပြီးသူ အခြေခံယာဉ်မောင်းမောင်းနှင်နိုင်မှုအား သင်တန်းမှစစ်ဆေးရွေးချယ်မည်ဖြစ်ကာ သင်တန်းကာလ တစ်လတက်ရောက်ရမည်ဖြစ်ပြီးသင်တန်း‌ ကြေးမှာ တစ်ဦးလျှင် နှစ်သိန်းလေးသောင်းကျပ်ဖြစ်ကြောင်း သိရသည်။

လျှောက်လွှာများကို မှော်ဘီမြို့နယ်ရှိ ရန်ကုန်ဘတ်စ်ကားအများနှင့် သက်ဆိုင်သောကုမ္ပဏီလီမိတက်၌ ရယူ၍လျှောက်လွှာတင်သွင်းရမည်ဖြစ်ကြောင်း၊ သင်တန်းသားဦးရေကန့်သတ်ထားပြီး စိတ်ပါဝင်စားသူများအနေဖြင့် ၀၉-၇၆၆၀၂၉၂၈၀၊ ၀၉-၄၂၀၇၃၂၅၀၈၊၀၉-၇၇၉၅၅၈၅၅၂ သို့ ဆက်သွယ်မေးမြန်းနိုင် ကြောင်းသိရသည်။
Yangon-Times/NN
#Local_News
#Published_ 14 May 2024
#Yangon_Media_Group #YMG #Yangon_Times

Published_ 14 May 2024

ကိုဗစ်ကာလပြီးနောက် ရုပ်ရှင်ရုံ(၃၆)ရုံဖြင့် စတင်ဖွင့်လှစ်နိုင်ခဲ့ရာမှ ယနေ့အချိန်တွင် ရုပ်ရှင်ရုံ(၉၀) အထိ တိုးမြှင့်ရုံတင်ပြသနိုင်ခဲ့ကြောင်း ပြန်ကြား ရေးဝန်ကြီးဌာနမှသိရသည်။

ယင်းကဲ့သို့ တိုးမြှင့်ဆောင်ရွက်နိုင်‌ကြောင်းကိုပြန်ကြားရေးဝန်ကြီးဌာန ပြည်ထောင်စုဝန်ကြီး ဦးမောင်မောင်အုန်းကရုပ်ရှင်ရုံလုပ်ငန်းရှင်များ၊ ထုတ်လုပ်ရေး လုပ်ငန်းရှင်များနှင့်တွေ့ဆုံ၍ ရုပ်ရှင်ဇာတ်ကားများ ရုံတင်ပြသရေးဆိုင်ရာကိစ္စများအား ဆွေးနွေးမှာကြားရာတွင်ထည့်သွင်း‌ ပြောကြားခဲ့သည်။

ပြည်ထောင်စုဝန်ကြီးက"ကိုဗစ်-၁၉ ကာလမတိုင်မီရုပ်ရှင်ရုံ ၁၈၂ ရုံ၊ ပိတ်ကား ၂၀၇ ခု ရှိခဲ့ပါကြောင်း၊ကိုဗစ်ကာလပြီးနောက် ရုပ်ရှင်ရုံ(၃၆)ရုံဖြင့် စတင်ဖွင့်လှစ်နိုင်ခဲ့ပြီး  ယနေ့အချိန်တွင် ရုပ်ရှင်ရုံ ၉၀ အထိ တိုးမြှင့်ရုံတင်ပြသနိုင်ခဲ့ကာ မြန်မာဇာတ်ကား ၆၈ ရုံအထိ ပြသနိုင်ခဲ့သည့်အတွက် အတိုင်းအတာတစ်ခုအနေဖြင့် တိုးတက်လာခဲ့ကြောင်း" ထည့်သွင်းပြောသည်။

ရုပ်ရှင်ထုတ်လုပ်ရေးများအနေဖြင့်လည်း တစ်လတွင်ရုံတင်နိုင်သည့် အရေအတွက်နှင့်တစ်နှစ်တွင် ရုံတင်ပြသနိုင်သည့်အရေအတွက်ကို ချင့်ချိန်၍ ရိုက်ကူးသင့်ပါကြောင်း၊ 

နိုင်ငံတော်အနေဖြင့်လည်း ရုပ်ရှင်ရုံလုပ်ငန်းရှင်များနှင့် ထုတ်လုပ်သူများကို ကိုဗစ်-၁၉ ကြောင့် စီးပွားရေးထိခိုက်မှုများ ကုစားနိုင်ရန် ချေးငွေများထုတ်ချေးပေးခဲ့သလို ချေးငွေပြန်ဆပ်ရမည့်ကာလအား တိုးမြှင့်ပေးခဲ့ခြင်း၊ 

နိုင်ငံပိုင်ရုပ်ရှင်ရုံများအတွက် ရုံငှားရမ်းခကင်းလွတ်ခွင့်ပေးခြင်း၊ ရာခိုင်နှုန်းတစ်ခုသာ ပေးသွင်းစေခြင်းစသည်ဖြင့် ဆောင်ရွက်ပေးခဲ့ပါကြောင်း၊ 

ရုံပိုင်ရှင်များအနေဖြင့် ဇာတ်ကားများရွေးချယ်ရာတွင် ပရိသတ်အကြိုက် ဇာတ်ကားများရွေးချယ်မှုများပြီး အနုပညာဖန်တီးမှု၊ မိမိနိုင်ငံယဉ်ကျေးမှု၊ ဓလေ့ထုံးတမ်း၊ အနုပညာမြောက်ဖန်တီးမှုဇာတ်ကားများကို ပရိသတ်ကြိုက်မှုအားနည်းသည်ဟုယူဆပြီး ရုံတင်ရန်ရွေးချယ်မှုမရှိသည်ကိုလည်း ဝေဖန်သံများကြားနေရသည့်အတွက် အဖြေရှာကြရန်လိုအပ်ကြောင်း၊ 

ရုံတင်ပြသရေးပိုင်းအပြင် ရုပ်ရှင်ကားများကိုခိုးကူး၍ အွန်လိုင်းပေါ်တွင် ရောက်ရှိနေမှုများရှိနေသည်ဟုသိရပါသဖြင့် တားဆီးရန်နည်းလမ်းရှာဖွေသင့်ကြောင်း၊ 

ရုံပိုင်ရှင်များအနေဖြင့်လည်း မိမိရုံများတွင် ပြသသည့်ကားများကို ယခုလိုခိုးကူးမခံရအောင် စစ်ဆေးမှုများ၊ တားဆီးမှုများ၊ စောင့်ကြည့်မှုများ အထူးလိုအပ်ကြောင်း၊

ယနေ့အချိန်တွင် စီးပွားရေးတစ်ခုတည်း မတွက်စေဘဲနိုင်ငံအတွက်၊ ပြည်သူအတွက်၊ ရုပ်ရှင်လောကအတွက် မျှမျှတတစဉ်းစားပြီး အားလုံးအကျိုးရှိမည့် ရုံတင်ပြသရေးစနစ် ဖြစ်စေချင်ကြောင်းကိုလည်း ထည့်သွင်းပြောကြားခဲ့ကြောင်း သိရသည်။
#Yangon_Times/tthl
#Local_News
#Published_ 14 May 2024
#Yangon_Times #YMG_News #Yangon_Media_Group

Published_ 14 May 2024

ပြည်သူ့အပေါ် မလိုလားအပ်သည့် အနိုင်ကျင့်မှုများ၊ အဓမ္မငွေကြေး ကောက်ခံမှုများ မပြုလုပ်ရန် သက်ဆိုင်ရာ တာဝန်ရှိသူများက အထူးကြပ်မတ်၍ ဥပဒေဘောင်အတွင်းမှ စနစ်တကျ စီမံဆောင်ရွက်ရန်လိုကြောင်း နစကဒုတိယဥက္ကဋ္ဌ ဒုတိယဝန်ကြီးချုပ် ဒုတိယဗိုလ်ချုပ်မှူးကြီးစိုးဝင်း က ရန်ကုန်တိုင်းဒေသကြီးအစိုးရအဖွဲ့ဝင်များ၊ ခရိုင်/မြို့နယ် များမှ တာဝန်ရှိသူများအား မေ ၁၃ ရက်တွင် ရန်ကုန်တိုင်းဒေသကြီး အစိုးရအဖွဲ့ရုံး အစည်းအဝေးခန်းမ၌တွေ့ဆုံစဉ် ပြောကြားခဲ့ပါတယ်။

ထို့ပြင် ပြည်သူ့လုံခြုံရေးအဖွဲ့ ဖွဲ့စည်းထားရှိမှုနှင့်ပတ်သက်၍ စာရင်းဇယားများအရ မဟုတ်ဘဲမြေပြင်တွင် အမှန်တကယ် ထိထိရောက်ရောက် အကောင်အထည်ဖော် ဆောင်ရွက်နိုင်ရန် လိုအပ်တယ်လို့ ဆိုပါတယ်။

လုံခြုံရေးလုပ်ငန်းများနှင့်ပတ်သက်၍ တိုင်းဒေသကြီးအတွင်း လစ်ဟာမှုမရှိ စေရန် လုံခြုံရေးအသိ၊ လုံခြုံရေးသတိရှိရန်လိုအပ်ပြီး ပြည်သူ့စစ်မှုထမ်းမှုနှင့်ပတ်သက်၍ ဥပဒေများထုတ်ပြန်ပြီး ဥပဒေဘောင်အတွင်းမှ ဆောင်ရွက်နေမှုများအပေါ် တည်ငြိမ် အေးချမ်းမှုကို ပျက်စီးစေလိုသည့် ပြည်ဖျက် မီဒီယာအချို့က ပြည်သူများ စိုးရိမ် ထိတ်လန့်မှုဖြစ်စေရန် မဟုတ်မမှန် ကောလာဟလသတင်းများ ထုတ်လွှင့်လျက်ရှိတာကို တွေ့ရှိရပြီး မိမိတို့အနေဖြင့် သတ်မှတ်ပြဋ္ဌာန်းထားသည့် ဥပဒေဘောင်အတိုင်း အကောင်အထည်ဖော် ဆောင်ရွက်လျက်ရှိတယ်လို့ ပြောကြားပါတယ်။

ရန်ကုန်တိုင်းဒေသကြီးအတွင်း မွေးမြူရေးလုပ်ငန်းနှင့်ပတ်သက်၍ ဥစားကြက်၊ အသားတိုးကြက်များကို စီးပွားဖြစ်နှင့် တစ်ပိုင်တစ်နိုင် မွေးမြူထားရှိမှုကိုကြည့်ပါက အကောင်ရေ ၁၇ သန်းမှ သန်း ၂၀ နီးပါးအကြား တွေ့ရှိရကြောင်း၊ အဆိုပါ မွေးမြူထားရှိမှု နှင့်ပတ်သက်၍ ထုတ်လုပ်မှုစရိတ် လျှော့ရန်အတွက် နိုင်ငံတော်အကြီးအကဲ၏ လမ်းညွှန်ချက်ဖြစ်သည့် အစာစပ်စက်ရုံများ တည်ဆောက်၍ ကိုယ်တိုင် အစာထုတ်လုပ်သည့်စနစ်ဖြင့် ဆောင်ရွက်ပါက အစာဈေးနှုန်း ကုန်ကျစရိတ်မှာ ပြင်ပပေါက်ဈေးထက် ၂၀ ရာခိုင်နှုန်းခန့် သက်သာနိုင်သည့်အပြင် မိမိကိုယ်တိုင် ထုတ်လုပ်သဖြင့် လိုအပ်ချက်အပေါ်မူတည်၍ လိုအပ်သလို ဆောင်ရွက်နိုင်သည့်အတွက် ပုဂ္ဂလိကစီးပွားရေးလုပ်ငန်းများအပေါ် မှီခိုစရာမလိုသည့်အပြင် ဥတစ်လုံးချင်းထုတ်လုပ်မှု စရိတ်သက်သာစွာဖြင့် ထုတ်လုပ်နိုင်သဖြင့် ပြင်ပပေါက်ဈေးထက် သက်သာသော ဈေးနှုန်းများဖြင့် ရောင်းချဖြန့်ဖြူးပေးနိုင်မယ်လို့ ဆိုပါတယ်။

ရန်ကုန်တိုင်းဒေသကြီးသည်နိုင်ငံ၏ စီးပွားရေးမြို့တော်ဖြစ်သည့် အားလျော်စွာ နိုင်ငံတော်စီးပွားရေး ဖွံ့ဖြိုးတိုးတက်မှုအတွက် အဓိကအထောက်အကူဖြစ်စေရန်အတွက် ဆောင်ရွက်ရာတွင် နှစ်စဉ်နိုင်ငံတော်မှခွဲဝေပေးသည့် ဘတ်ဂျက်ဖြင့်သာ မရပ်တည်ဘဲ မိမိတိုင်းဒေသကြီး၏ ရှာဖွေရရှိသည့်ဘတ်ဂျက်ဖြင့် ရပ်တည်နိုင်သည်အထိ အဆင့်လိုက် အစီအမံကောင်းများ ရေးဆွဲဆောင်ရွက်သွားကြဖို့ တိုက်တွန်းပြောကြားပါတယ်။

ထို့ပြင် စီးပွားရေးဇုန်များအလိုက်လုပ်ငန်းများ အကောင်အထည်ဖော်ဆောင်ရာ၌ လစ်ဟင်းမှုမရှိစေရေး ရေ၊ မီး၊ အလုပ်သမား စသည့်ကိစ္စရပ်များကိုလည်း ချမှတ်ထားသည့် မူဘောင်အတွင်းမှသက်ဆိုင်ရာ တာဝန်ရှိသူများက ပေါင်းစပ်ညှိနှိုင်း ဆောင်ရွက်ပေးရန် လိုကြောင်းပြောကြားခဲ့ပါတယ်။
Ymg_mnn
#Local_News
#Published_ 14 May 2024
#Yangon_Times #YMG_News #Yangon_Media_Group

Published 14 May 2024

ကာဇက်စတန် စီးပွားရေးဝန်ကြီးဟောင်းတစ်ဦးဟာ ဇနီးဖြစ်သူကို ညှင်းပန်းနှိပ်စက် သတ်ဖြတ်မှုဖြင့် ကျယ်ကျယ်ပြန့်ပြန့် အမှုစစ်ဆေးခံရပြီးနောက် တနင်္လာနေ့က ထောင်ဒဏ် ၂၄ နှစ် ပြစ်ဒဏ်ပေးခံခဲ့ရပါတယ်။

ထိုအမှုစစ်ဆေးချက်ကို လူအများစောင့်ကြည့်ခဲ့ကြပြီး အမျိုးသမီးများရဲ့ အခွင့်အရေးရပိုင်ခွင့်များကို မြှင့်တင်ပေးမယ်ဆိုတဲ့ နိုင်ငံတော်သမ္မတရဲ့ ကတိကဝတ် တိကျပြတ်သားမှုကို မြင်တွေ့ခဲ့ရတယ်လို့ ဆိုကြပါတယ်။

အသက် ၄၄ နှစ်ရှိ ကွမ်ဒစ်ဘီရှင်ဘာယက်ဗ်ဟာ ညှင်းပန်းနှိပ်စက်မှုနဲ့ လူသတ်မှုတို့ ကျူးလွန်တယ်လို့ တရားရုံးက အပြစ်တွေ့ရှိခဲ့တာ ဖြစ်ပါတယ်။

အဆိုပါ အမှုစစ်ဆေးခြင်းကို လွန်ခဲ့တဲ့ သီတင်းပတ် ၇ ပတ်စလုံး ရုပ်သံကနေ တိုက်ရိုက်ပြသခဲ့ပြီး အထက်တန်းလွှာ လူတန်းစားတွေလည်း ဥပဒေအထက်မှာ ရှိမနေဘူးဆိုတာကို အာဏာပိုင်တွေက ချပြဖို့ ကြိုးပမ်းနေတယ်လို့ ယူဆကြပါတယ်။

အမှုစစ်ဆေးစဥ် ပြသတဲ့ စီစီတီဗီ မှတ်တမ်းများအရ ဘီရှင်ဘာယက်ဗ်ဟာ အသက် ၃၁ နှစ်အရွယ် ဇနီးဖြစ်သူ ဆယ်လ်တာနက်နွတ်ခယ်နိုဗာကို အကြိမ်ကြိမ် ထိုးကြိတ်ကန်ဆောင့်ခဲ့ပြီး ဆံပင်ကနေဆွဲကာ အခန်းတစ်ခန်းသို့ တရွတ်တိုက်ဆွဲသွားခဲ့ပြီးနောက် ထိုအခန်းမှာပင် သေဆုံးသွားခဲ့ပါတယ်။

ဘီရှင်ဘာယက်ဗ်ရဲ့ လက်ကိုင်ဖုန်းထဲက ဗီဒီယိုတွေထဲမှာလည်း ၂၀၂၃ နိုဝင်ဘာ ၉ ရက်နေ့နံနက်ခင်း ဒဏ်ရာတွေရပြီး သွေးတွေထွက်နေတဲ့ နွတ်ခယ်နိုဗာ သတိမလစ်ခင် နောက်ဆုံးအချိန်တွေမှာ စော်ကားပြောဆိုခဲ့တာတွေကို တွေ့ရှိရပါတယ်။

လွန်ခဲ့တဲ့ ၅ နှစ်က သမ္မတဖြစ်လာတဲ့ ကာဆင်ယိုမတ်တိုကာယက်ဗ်က အမျိုးသမီးများ အခွင့်အရေး တိုးမြှင့်ခြင်း အပါအဝင် ပိုမိုမျှတမှုရှိတဲ့ လူ့အသိုင်းအဝိုင်း ဖန်တီးလိုကြောင်း ပြောကြားထားပါတယ်။

ပြီးခဲ့တဲ့လက လွှတ်တော်မှာ အတည်ပြုခဲ့တဲ့ အိမ်တွင်းအကြမ်းဖက်မှု ပြစ်မှုမြောက်ခြင်းဥပဒေ နောက်ကွယ်က လူထုထောက်ခံမှုကို ထိုအမှုကိစ္စက စုစည်းစေခဲ့ပါတယ်။

အစိုးရအချက်အလက်များအရ ကာဇက်စတန်မှာ အမျိုးသမီး ၆ ဦးမှာ ၁ ဦးနှုန်းက အမျိုးသားလက်တွဲဖော်ရဲ့ နှိပ်စက်ခြင်းကို ခံစားနေရပါတယ်။

အမှုစစ်ဆေးစဥ်မှာ ဘီရှင်ဘာယက်ဗ်က သူ့ဇနီးကို ရိုက်နှက်ခဲ့တယ်လို့ ဝန်ခံခဲ့ပေမယ့် အချို့ဒဏ်ရာတွေက သူမကိုယ်တိုင် ပြုလုပ်ခဲ့တာလို့ ဆိုပါတယ်။

ညှင်းပန်းနှိပ်စက်ခြင်းနဲ့ သတ်ဖြတ်ရန် ကြိုးပမ်းခြင်းမျိုး မရှိဘူးလို့ ငြင်းဆိုခဲ့ပါတယ်။

သူဟာ ၂၀၁၆ မေလကနေ ဒီဇင်ဘာလအထိ စီးပွားရေးဝန်ကြီးအဖြစ် တာဝန်ထမ်းဆောင်ခဲ့ပြီး လာဘ်ပေးလာဘ်ယူမှုဖြင့် ၂၀၁၈ ခုနှစ်က တရားစွဲဆိုခံခဲ့ရကာ ထောင်ဒဏ် ၁၀ နှစ် ချမှတ်ခံခဲ့ရပါတယ်။

ဒါပေမဲ့ လွတ်ငြိမ်းချမ်းသာခွင့်နဲ့ ကတိဝန်ခံချက်တို့ကြောင့် ၃ နှစ်မပြည့်ခင်မှာပဲ ထောင်မှလွတ်လာခဲ့ပါတယ်။
Source: Reuters
#World_News
#Published_ 14 May 2024
#Yangon_Times #YMG_News #Yangon_Media_Group

#World_Climate
Published 14 May 2024

▪️ ရာသီဥတု ဆိုးရွားပြင်းထန်လွန်းခဲ့တဲ့ ပြီးခဲ့တဲ့ ၁၁ အတွင်း ဧပြီလဟာ အပူပြင်းဆုံးလအဖြစ် ထပ်မံမှတ်တမ်းဝင်သွားပါတယ်။
ပြီးခဲ့တဲ့ ၁၁ လအတွင်း လတိုင်းမှာ အပူချိန်စံချိန်အသစ် ထွက်ပေါ်ခဲ့ပါတယ်။

▪️ ၂၀၂၃ ဇွန်လကတည်းက လတိုင်းဟာ အပူဆုံးလများအဖြစ် စံချိန်တင်တိုင်းတာခဲ့ရကြောင်း ဥရောပသမဂ္ဂ ရာသီဥတုပြောင်းလဲမှု စောင့်ကြည့်ရေး အဖွဲ့က မေလ ၈ ရက်နေ့က ပြောကြားလိုက်ပါတယ်။

▪️ ဒါဟာ ယမန်နှစ်တွေက လတွေနဲ့ နှိုင်းယှဥ်ထားတာ ဖြစ်ပါတယ်။

▪️ ပြီးခဲ့တဲ့ ၁၂ လအတွင်း ကမ္ဘာကြီးရဲ့ ပျမ်းမျှအပူချိန်က အမြင့်ဆုံးဖြစ်ခဲ့ပြီး စက်မှုခေတ်မတိုင်ခင် ကာလကထက် ၁.၆၁ ဒီဂရီဆဲလ်စီးယပ်စ် ပိုများနေတာ ဖြစ်ပါတယ်။

▪️ စက်မှုခေတ်မတိုင်မီ ဧပြီလတိုင်းထက်လည်း အပူဆုံးဧပြီလအဖြစ် တိုင်းတာရရှိခဲ့ပါတယ်။

▪️ ရုပ်ကြွင်းလောင်စာများ လောင်ကျွမ်းခြင်းကနေ ထွက်လာတဲ့ ကာဗွန်ဒိုင်အောက်ဆိုဒ်နဲ့ မီသိန်းဓာတ်ငွေ့များက ရာသီဥတု ဖောက်ပြန်ခြင်းရဲ့ အဓိကအကြောင်းအရင်း ဖြစ်နေပါတယ်။

▪️ အယ်လ်နီညို ရာသီဥတုဖြစ်စဥ်က အရှေ့ပစိဖိတ် သမုဒ္ဒရာရှိ မျက်နှာပြင်ရေများ ပူနွေးလာစေကာ အပူချိန်မြင့်တက်လာစေပါတယ်။

▪️ ရာသီဥတုပုံစံ ပြောင်းလဲလာအောင် ပြုလုပ်နိုင်မလားဆိုတာကို သိပ္ပံပညာရှင်များ စဥ်းစားလာကြမယ်ထင်တယ်လို့ C3S မှ ရာသီဥတု အကြီးတန်းသိပ္ပံပညာရှင် ဂျူလီယန်နီကိုလက်စ်က ပြောပြသွားပါတယ်။

▪️ ပြီးခဲ့တဲ့လက ကမ္ဘာတဝှမ်းမှာ ရာသီဥတု အစွန်းရောက်ခြင်းများကြောင့် ရာသီဥတု ဖောက်ပြန်ရတယ်လို့ သိပ္ပံပညာရှင်များ ပြောကြားထားပါတယ်။

▪️ ကမ္ဘာကြီးဟာ ရာသီဥတု ဖောက်ပြန်မှုကြီးနဲ့ ရင်ဆိုင်ရာမှာ အရေးနိမ့်နေပြီလို့ နယူးကာဆယ်တက္ကသိုလ်မှ ရာသီဥတု သိပ္ပံပညာရှင် ဟေလီဖောင်လာက AFP ကို ပြောကြားခဲ့ပါတယ်။ 

▪️ အပူချိန်မြင့်တက်လာတဲ့ ပမာဏကို ၁.၅ ဒီဂရီအောက် ထားရှိဖို့က မဖြစ်နိုင်တော့ဘဲ ၂ ဒီဂရီအောက် ထိန်းသိမ်းဖို့နဲ့ ကာဗွန်ဒိုင်အောက်ဆိုဒ်ဓာတ်ငွေ့ ထုတ်လွှတ်မှု အတတ်နိုင်ဆုံး အမြန်ဆုံးလျှော့ချဖို့ကို အရေးတကြီး စဥ်းစားသင့်ကြောင်း ပြောပြသွားပါတယ်။

#Source: WION

#World_Health
Published 14 May 2024

▪️ ဗြိတိန်ဆေးဝါးထုတ်လုပ်ရေး ကုမ္ပဏီကြီး အက်စ်ထရာဇန်နက်ကာ (AstraZeneca)က ယင်းတို့ထုတ်လုပ်တဲ့ ကိုဗစ်ကာကွယ်ဆေးရဲ့ ဘေးထွက်ဆိုးကျိုးများအကြောင်းကို တရားရုံးစာရွက်စာတမ်းတွေထဲမှာ ပထမဆုံးအကြိမ် ဝန်ခံပြီးရက်ပိုင်းအကြာမှာပဲ တစ်ကမ္ဘာလုံးမှ ကာကွယ်ဆေးများကို ရုတ်သိမ်းကြောင်း ကြေညာလိုက်ပါတယ်။

▪️ နောက်ဆုံးထွက် ကာကွယ်ဆေးအများအပြား ရှိလာတဲ့အတွက်ကြောင့် တစ်ကမ္ဘာလုံးမှ အက်စ်ထရာဇန်နက်ကာ ကာကွယ်ဆေး ရုတ်သိမ်းခြင်းအစီအစဥ်ကို ပြုလုပ်ခဲ့တာ ဖြစ်တယ်လို့ ဗုဒ္ဓဟူးနေ့က ကြေညာခဲ့ပါတယ်။

▪️ နောက်ဆုံးပေါ် မွမ်းမံထုတ်လုပ်ထားတဲ့ ကာကွယ်ဆေးတွေ ထွက်ရှိလာသဖြင့် ရောင်းအားကျသွားတာကြောင့် ရုတ်သိမ်းရဖို့ဖြစ်လာကြောင်း ရုတ်သိမ်းဖို့ ဆုံးဖြတ်ခဲ့တာဖြစ်တယ်လို့ ဆိုပါတယ်။

▪️ ယင်းတို့ရဲ့ ကိုဗစ်ကာကွယ်ဆေးများ ရောင်းအားကျဆင်းသွားသဖြင့် ယမန်နှစ်က အသက်ရှူလမ်းကြောင်းဆိုင်ရာ ဗိုင်းရပ်စ်ကာကွယ်ဆေးတွေနဲ့ အဝလွန်ခြင်းကုသဆေးဘက်ကို စတင်လှုပ်ရှားခဲ့ပါတယ်။

▪️ ဒါပေမဲ့ အက်စ်ထရာဇန်နက်ကာဟာ မျှော်မှန်းထားတာထက် ပိုမြတ်အောင် ရောင်းချနိုင်ခဲ့ပါတယ်။

▪️ ယင်းတို့ရဲ့ ကိုဗစ်-၁၉ ကာကွယ်ဆေးဟာ သွေးခဲခြင်းနဲ့ ဆက်စပ်နေတဲ့ TTS အခြေအနေ ဖြစ်နိုင်ဖွယ်ရှိတယ်လို့ တရားရုံးစာတမ်းထဲမှာ မကြာသေးမီက ဝန်ခံထားပါတယ်။

▪️ TTS ရောဂါက အသက်အန္တရာယ်ကို ခြိမ်းခြောက်စေနိုင်တဲ့အထိ ပြင်းထန်တဲ့ အခြေအနေဖြစ်ပါတယ်။

▪️ သူတို့ရဲ့ ဘေးထွက်ဆိုးကျိုးတွေကို လက်တွေ့စမ်းသပ်ချက်တွေထဲမှာလည်း ဖော်ပြထားပြီးဖြစ်ပါတယ်။

▪️ လက္ခဏာများအနေနဲ့ ကာကွယ်ဆေးထိုးပြီး ၄ ရက်မှ ၄၂ ရက်အတွင်း ခေါင်းကိုက်ခြင်း၊ အမြင်ဝါးခြင်း၊ အသက်ရှူကြပ်ခြင်း၊ ရင်ဘတ်အောင့်ခြင်း၊ ခြေထောက်ဖောရောင်ခြင်းတို့ ပေါ်ပေါက်တတ်ပါတယ်။

▪️ ဥရောပသမဂ္ဂကနေ ကာကွယ်ဆေးရုတ်သိမ်းဖို့ ဆုံးဖြတ်ချက်က မတ်လ ၅ ရက်နေ့မှာ ပြုလုပ်ခဲ့တာဖြစ်ပြီး မေလ ၇ ရက်နေ့မှာ စတင်အကျုံးဝင်မှာဖြစ်ကြောင်း တယ်လီဂရပ်ဖ်က ဖော်ပြထားပါတယ်။

▪️ ကိုဗီရှီးလ်လို့ခေါ်တဲ့ အက်စ်ထရာဇန်နက်ကာ ကိုဗစ်ကာကွယ်ဆေးဟာ သာမန်အအေးမိဗိုင်းရပ်စ်ကို ပြုပြင်ထားကာ မပျံ့ပွားအောင် ထိန်းသိမ်းပေးတာ ဖြစ်ပါတယ်။

▪️ ထိုကာကွယ်ဆေးရဲ့ အက်ဒီနိုဗိုင်းရပ်စ်က ကိုယ်ခံအားတုန့်ပြန်မှုကို လှုံ့ဆော်ပေးပြီး ကာကွယ်ဆေးရဲ့ အာနိသင်ကို ပိုမိုထိရောက်စေပါတယ်။

▪️ ယင်းကာကွယ်ဆေးတွေကို စံနှုန်းသတ်မှတ်ထားတဲ့ အေးခဲအပူချိန်မှာ ထိန်းသိမ်းပြီး သယ်ယူပို့ဆောင်နိုင်တာကြောင့် တစ်ကမ္ဘာလုံးကို ဖြန့်ဖြူးရလွယ်ကူစေပါတယ်။

#Source: India Today

ကားအရောင်းအဝယ်တက်လာစေရန် ကားအဟောင်းနှင့်အသစ်အလဲအထပ်လုပ်သူများအတွက် တရုတ်ကအခွန်လျော့ပေါ့မှုနှင့်မက်လုံးများပေး

လျှပ်စစ်ကားများနဲ့ ကာဗွန်ဒိုင်အောက်ဆိုဒ် ထုတ်လွှတ်မှုနည်းပါးတဲ့ လောင်စာဆီကားများ ဝယ်ချင်စေရန် ရည်ရွယ်ကာ ကားဟောင်းနဲ့ ကားသစ် လဲလှယ်ချင်သူတွေအတွက် အခွန်ကင်းလွတ်ခွင့်၊ ဘဏ္ဍာရေးထောက်ပံ့မှုများ အပါအဝင် လျှော့ဈေးအမျိုးမျိုးခံစားနိုင်မှာဖြစ်ကြောင်း တရုတ်စီးပွားကူသန်းဝန်ကြီးဌာနက ကြာသပတေးနေ့မှာ ကြေညာလိုက်ပါတယ်။
#World_News
Published_13 May 2024
#ကားအဟောင်းနှင့်အသစ် #တရုတ်ကအခွန်လျော့ပေါ့မှုပေး
#Yangon_Times #YMG_News #Yangon_Media_Group

#Daily_News
Published_13 May 2024

၁။ ရန်ကုန်တွင်(၂၄)နာရီပတ်လုံး EVကားများ အားသွင်းနိုင်၍ EV တက်စီယာဉ်လိုင်းများ အဆင်ပြေနေဟုဆို

၂။ သန်လျင်အမှတ် ၃ တံတားရာနှုန်းပြည့်နီးပါးပြီးစီးနေပြီဖြစ်သောကြောင့် သန်လျင်အိမ်ခြံမြေ ဈေးနှုန်းအတက်ပိုင်း၌သာရှိနေ

၃။ ရာသီကုန်ချိန်ရောက်မှ ဝယ်လိုအား ပြန်မြင့်လာသည့်အတွက် ဂေါ်ဖီထုတ်ဈေးပြန်မြင့်လာ

၄။ ကားအရောင်းအဝယ်တက်လာစေရန် ကားအဟောင်းနှင့်အသစ် အလဲအထပ်လုပ်သူများအတွက် တရုတ်က အခွန်လျော့ပေါ့မှုနှင့်မက်လုံးများပေး... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Times #Daily_News #YMG_News #Yangon_Media_Group

ဒဂုံမြို့သစ်(တောင်ပိုင်း)မြို့နယ်တွင် တည်ဆောက်ထားတဲ့ သုခဒဂုံ ပြည်သူ့အငှါးအိမ်ရာရှိ အခန်းပေါင်း၁၉၀၀ ကျော်ကို လာမယ့်ဇွန်လကစတင်ပြီး သုံးကြိမ်ခွဲကာ အသုတ်လိုက်နေရာချထားပေးသွားမယ်လို့ မြို့ပြနှင့်အိမ်ရာဖွံ့ဖြိုးရေးဦးစီးဌာနမှ သိရပါတယ်။
#Local_News
Published_13 May 2024
#အခန်းပေါင်း၁၉၀၀ကျော် #သုခဒဂုံ ပြည်သူ့အငှါးအိမ်ရာ
#YMG/ NN #Yangon_Times

ပဲစိုက်ဖို့ မိုးမျှော်နေတာ။ မိုးကျတာနဲ့တန်းစိုက်မှာ။ ယာတစ်လယ်ကို အရင်ကလယ်ထွန်ခ ၅သောင်း လောက်ကုန်ကျရာကနေ အခုနှစ်မှာစက်သုံးဆီဈေးမြင့်လာလို့ ၆သောင်း၊ ၇သောင်းလောက်တိုးတောင်း တာမျိုးတွေရှိနိုင်တယ်။ နွားငှားရမ်းခအပါအဝင် ပဲစိုက်ပျိုးဖို့အလုပ်သမားခစုစုပေါင်းတစ်ဦးကိုကျပ် တစ်သောင်းခွဲ၊ နှစ်သောင်းကုန်ကျနိုင်တယ်။
#Local_News
Published_13 May 2024
#ပဲစိုက်တောင်သူများ #နွားငှားသုံးပြီးစက်သုံးဆီစရိတ်ခြွေတာ
#tthl #Yangon_Times