ရန်ကုန်၊ ပဲခူး၊ ဧရာဝတီ သတိထားရန်လို၊ လေဖိအားနည်းဆဲလ်မေလ(၂၃)မှာ ဖြစ်နိုင်ပြီး ၊မေလ (၂၅) ရက်မှာ မြန်မာနိုင်ငံ၊ မြစ်ဝကျွန်း ပေါ်ဒေသသို့ ဦးတည်ရွေ့လျားနိုင်တယ်လို့ ECMWF Data၊ Indian Monsoon Data၌ ဖော်ပြထားတယ်။
Yangon_Times/tthl
#Local_News
#Published_ 17 May 2024
#Yangon_Times #YMG_News #Yangon_Media_Group

Published_ 17 May 2024

မြန်မာအမျိုးသားလေကြောင်း၏ ရန်ကုန်-နန်နင်း-ရန်ကုန် ကုန်ပစ္စည်းသယ်ယူ ပို့ဆောင်ရေးလေကြောင်းခရီးစဉ်များ (Cargo Flight)ကို မေလ(၁၆)ရက်တွင် စတင်ပြေးဆွဲခဲ့ကြောင်း သိရသည်။

အဆိုပါခရီးစဉ်ကို  ရန်ကုန်အပြည်ပြည်ဆိုင်ရာလေဆိပ်မှ Boeing 737 - 800 Freighter လေယာဉ်ဖြင့် နန်နင်းသို့ စတင်ပျံသန်းပြေးဆွဲခဲ့ခြင်းဖြစ် သည်။

 ရန်ကုန်-နန်နင်းခရီးစဉ်(UB-8503)ဖြင့် ရေထွက်ကုန်ပစ္စည်းများဖြစ်သော ကဏန်း နှင့်ငါးရှဉ့် ၁၆ တန် တင်ဆောင်ခဲ့ပြီး ရန်ကုန်-နန်နင်း -ရန်ကုန် ကုန်ပစ္စည်းသယ်ယူပို့ဆောင်ရေးလေကြောင်းခရီးစဉ် Cargo Flight အား တစ်ပတ်လျှင်သုံးကြိမ် အင်္ဂါ၊ ကြာသပတေးနှင့် စနေနေ့များတွင် ပျံသန်းပြေးဆွဲသွားမည်ဖြစ်သည်ဟုဆိုသည်။

Boeing 737-800 Freighter လေယာဉ်သည် ၂၀၂၄ ခုနှစ်၊ ဇန်နဝါရီ ၂၄ ရက်တွင် မြန်မာနိုင်ငံသို့ ဆိုက်ရောက်ခဲ့ပြီး မြန်မာအမျိုးသားလေကြောင်း၏ ကုန်ပစ္စည်းသယ်ယူပို့ဆောင်ရေး လေကြောင်းခရီးစဉ်များဖြစ်သော ရန်ကုန်-ကူမင်း-ရန်ကုန်၊ ရန်ကုန်-ဘန်ကောက်-ရန်ကုန်၊ ရန်ကုန်-စင်ကာပူ-ရန်ကုန်နှင့် ရန်ကုန်-မန်စီ-ရန်ကုန် Cargo ခရီးစဉ်များတွင် ပျံသန်းပြေးဆွဲပေးလျက်ရှိကြောင်း သိရသည်။
Yangon_Times/tthl
#Local_News
#Published_ 17 May 2024
#Yangon_Times #YMG_News #Yangon_Media_Group

Published 17 May 2024

ကိုရီးယား သမ္မတ နိုင်ငံ သို့ E -9 Visa ဖြင့် သွားရောက်သည့် မြန်မာအလုပ်သမား များ အနေဖြင့် သတ်မှတ်ချက် ရမှတ် များ နှင့် ပြည့်မှီပါက E-7 Visa ကျွမ်းကျင်လုပ်သားဗီဇာ ကို ပြောင်းလဲ လျှောက် ထား နိုင်ကြောင်း မြန်မာသံရုံး ဆိုးလ်မြို့က မေလ၁၆ရက်က အသိပေးကြေညာလိုက်သည်။

ကိုရီးယား သမ္မတ နိုင်ငံ တရားရေးဝန်ကြီး ဌာန မှ ကြီးမှုး ကျင်းပသည့် 2024 Briefing Session on visa policy အစည်းဝေး ကို မြန်မာသံရုံးဆိုးလ်မြို့ မှ ပါဝင် တတ်ရောက်ခဲ့ရာ အဆိုပါ အစည်းဝေး တွင် ကိုရီးယားသမ္မတ နိုင်ငံ တွင် ကျွမ်းကျင် လုပ်သားရှားပါးလာသည့် အခက်ခဲ များ ကို ဖြေရှင်း နိုင်ရန် အတွက် E-9 visa လုပ်သားများအနေဖြင့် သတ်မှတ်ရမှတ်များနှင့်ပြည့်မှီပါက E-7-4 visa (ကျွမ်းကျင်လုပ်သားဗီဇာ)ပြောင်းလဲ လျှောက်ထားနိုင်ကြောင်း သံရုံး မှ တစ်ဆင့် အသိပေးကြေညာနိုင်ရန် ဆွေးနွေးဆုံးဖြတ် ခဲ့ကြောင်းသိရသည်။

အဆိုပါ ဆွေးနွေးချက်များ အရ E-7-4 visa (ကျွမ်းကျင်လုပ်သားဗီဇာလျှောက်ထားရန် သက်မှတ် ချက် များ မှာ E-9,E-10နှင့်H-2 Visa ဖြင့် နေထိုင်သူများလျှောက်ထားနိုင်ကြောင်း၊ကိုရီးယားနိုင်ငံအ တွင်း လွန်ခဲ့သည့် ၁၀နှစ် အတွင်း လေးနှစ် နှင့်အထက် နေထိုင်သူ များ၊လက်ရှိလုပ်ကိုင်နေသည့် ကုမ္ပဏီ တွင် အလုပ်သမားစာချုပ် နှစ်နှစ် အနည်းဆုံး ရှိရမည် ဖြစ်ပြီး နှစ်စဉ် လုပ်ခ လုပ်ခလစာ ကိုရီးယားဝမ် ၂၆သန်း အထက်ရရှိသူများ၊ လုပ်သက်၁ နှစ် နှင့် အထက် အနည်းဆုံး ရရှိထားသော လက်ရှိ လုပ်ကိုင်နေသည့် ကုမ္ပဏီ ၏ ထောက်ခံချက် နှင့် ကိုရီးယားဘာသာစကားတတ်ကျွမ်း မှု ရမှတ် ၂၀၀နှင့် အထက် ရရှိသူ ၊ကိုရီးယားနိုင်ငံ အတွင်း တွင် နေထိုင်ပြီး ပြစ်မှုတစ်စုံတရာ ကျူးလွန် ဖူးခြင်း မရှိသူ ဖြစ်ရမည် ဖြစ်ကြောင်း သံရုံး၏အသိပေးကြေညာ ချက် တွင် ဖေါ်ပြထားသည်။

ထို့ပြင် ကိူရီးယား နိုင်ငံ၏ မွေးဖွားနှုန်း ကျဆင်းခြင်းနှင့် သက်ကြီးရွယ်အို များပြားလာခြင်း လုပ်ငန်းခွင် ဝင်ရောက်နိုင်သူ နည်းပါးလာခြင်း စတဲ့လအခြေနေ တို့ကြောင့် နယ်မြို့ ၆၆မြို့ တွင် နိုင်ငံခြားသား များ အတွက် ရည်ရွယ်၍ Regional-specialized visa (F-2-R) ကိုလည်း လျှောက်ထားနိုင်ကြောင်း သိရသည်။
Yangon_Times/LW
#Local_News
#Published_ 17 May 2024
#Yangon_Times #YMG_News #Yangon_Media_Group

Published_ 17 May 2024

ရန်ကုန်တိုင်းဒေသကြီး ၊သင်္ဃန်းကျွန်းမြို့နယ်၊လေးထောင့်ကန်လမ်းမကြီး၊ဇဝနCity Martအနီးလူတစ်ဦး စျေးရောင်းနေစဥ်ကွယ်လွန်သွားကြောင်း Medical လူငယ်များ လူမှုကူညီရေးအသင်းမှသိရသည်။

 ဇဝန City Mart အနီး အသက် (၅၀)ဝန်းကျင်အမျိုးသားတစ်ဦးသေဆုံးနေကြောင်း ဖုန်းဆက် အကူအညီတောင်းခံလာ၍ သွားရောက်ကူညီပို့ ဆောင်ပေးခဲ့သည်ဟုဆိုသည်။

"မနေ့က မေလ(၁၆)ရက်က ဇဝန City Mart အနီး အသက်(၅၀)ဝန်းကျင် အမျိုးသားတစ်ဦးဟာ အပူဒဏ် Heat Strokeကြောင့် ကွယ်လွန်ခဲ့တယ်လို့ ‌အဖြေထွက်ပါတယ်ရှင်"ဟု Medical လူငယ်များ လူမှုကူညီရေးအသင်းမှ တာဝန်ရှိသူတစ်ဦးက  YMGကိုပြောသည်။

မေလ(၁၆)ရက်မှာပဲရန်ကုန်မြို့၊မရမ်းကုန်းမြို့နယ်၊ ကမ္ဘာအေးစေတီလမ်း ၁၀၆ကားမှတ်တိုင် နှင့် ၁ဝ၆ မီးပွိုင့်အနီး၊အမျိုးသားတစ်ဦးလဲကျနေကြောင်း သိရပြီး အပူဒဏ်ရော ရောဂါအခံကြောင့်ပါ ကွယ်လွန်သွားခြင်းဖြစ်သည်ဟုဆိုသည်။

"သူက ရောဂါလည်းရှိတယ်။ အပူဒဏ်ကြောင့်လည်း ပိုဆိုးပြီး လဲကျကွယ်လွန်သွားတာပါ"ဟု 
မြန်မာ့ကြယ်ဖြူ လူမှုကူညီကယ်ဆယ် ရေးပရဟိတအဖွဲ့(ရန်ကုန်)မှ တာဝန်ရှိသူတစ်ဦးက ပြောသည်။
 

ရန်ကုန်တွင် ‌နေ့အပူချိန်များပြင်းနေပြီး နေ့လယ်ပိုင်း များတွင်  အရင်က နွေရာသီ ပုံမှန် ၃၆၊၃၇ဒီဂရီဆဲလ်စီးယပ်ကနေ အခုနှစ်မှာ အယ်နီညို သက်ရောက်မှုများရှိပြီး ၄၀ဒီဂရီဆဲလ်စီးယပ်နဲ့ ၄၁ဒီဂရီဆဲလ်စီးယပ်အထိတက်လာသည့် အထိပူပြင်းလာသောကြောင့် အပူကြောင့် သတိလစ်မေ့မျောကာ အသက်ဆုံးရှုံး ခြင်းHeat Strokeများဖြစ်ကာ အသက်ဆုံးရှုံးသူ များရှိနေကြောင်း သိရသည်။
#Yangon_Times/tthl
#Local_News
#Published_ 17 May 2024
#Yangon_Times #YMG_News #Yangon_Media_Group

Published_17 May 2024

၂၀၂၄ ခုနှစ်၊ ပြည်နယ်နှင့်တိုင်းဒေသကြီး ဘော်လီဘော(အမျိုးသား/အမျိုးသမီး) ပြိုင်ပွဲ တွင် အမျိုးသားအသင်း ၁၃ သင်းနှင့် အမျိုးသမီးအသင်း ၁၂ သင်း တို့ပါဝင်ကစားခဲ့ကြကြောင်း သိရသည်။

ဘော်လီဘောပြိုင်ပွဲကို ကျင်းပရခြင်းမှာ ဘော်လီဘောအားကစားသမားများ ချစ်ကြည်ရင်းနှီးမှုခိုင်မာလာစေရန်၊ နိုင်ငံ့ လက်ရွေးစင် မျိုးဆက်သစ်အားကစား သမားများ ပေါ်ထွက်လာစေရန်နှင့် မြန်မာ့ဘော်လီဘောအား က စားအဆင့်အတန်း ပိုမိုတိုးတက် မြင့်မားလာစေရန် ဖြစ်ကြောင်း နစက သတင်းထုတ်ပြန်ရေးအဖွဲ့က ထုတ်ပြန် ချက်အရ သိရသည်။

အဆိုပါ ပြိုင်ပွဲကို မေလ ၇ ရက်မှ ၁၆ ရက်ထိ နေပြည်တော်၊ဝဏ္ဏသိဒ္ဓိအားကစား ကွင်း (C)ရုံ ၌ ကျင်းပ ခဲ့ခြင်း ဖြစ်ကြောင်း၊ဗိုလ်လုပွဲနှင့် ဆုချီးမြှင့် ခြင်း အခမ်းအနားကို ယနေ့မေလ ၁၆ ရက် နံနက်ပိုင်းက ကျင်းပရာ နိုင်ငံ တော်စီမံအုပ်ချုပ်ရေးကောင်စီဥက္ကဋ္ဌ နိုင်ငံတော် ဝန်ကြီးချုပ် ဗိုလ်ချုပ်မှူးကြီး မင်းအောင်လှိုင် တက်ရောက် ကာ ဆုများ ပေးအပ်ချီးမြှင့်ခဲ့ကြောင်းသိရသည်။

ပြည်နယ်နှင့်တိုင်းဒေသကြီး ဘော်လီဘောပြိုင်ပွဲ (အမျိုးသမီး) ဗိုလ်လုပွဲ ပွဲစဉ်အဖြစ် ရန်ကုန်တိုင်းဒေသကြီး အ သင်းနှင့် မန္တလေးတိုင်းဒေသကြီးအသင်းတို့ ယှဉ်ပြိုင်ကစားကြရာ မန္တလေးတိုင်းဒေသကြီးအသင်းက ရန်ကုန် တိုင်းဒေသကြီး အသင်းကို ၃ ပွဲပြတ်ဖြင့် လည်းကောင်း၊ဘော်လီဘောပြိုင်ပွဲ(အမျိုးသား)ဗိုလ်လုပွဲပွဲစဉ်အဖြစ် ကရင်ပြည်နယ် အသင်းနှင့် ရှမ်းပြည်နယ်အသင်းတို့ ယှဉ်ပြိုင်ကစားကြရာ ရှမ်းပြည်နယ်အသင်းက ကရင် ပြည် နယ်အသင်းကို ၃ ပွဲ ၁ ပွဲဖြင့်လည်းကောင်း အနိုင်ရရှိခဲ့ကြကြောင်း သိရသည်။

နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ နိုင်ငံတော်ဝန်ကြီးချုပ် ဗိုလ်ချုပ်မှူးကြီး မင်းအောင်လှိုင်က ဘော်လီ ဘော(အမျိုးသား)ပြိုင်ပွဲတွင် ပထမဆုရရှိသည့် ရှမ်းပြည်နယ် ဘော်လီဘော(အမျိုးသမီး)ပြိုင်ပွဲတွင် ပထမ ဆုရရှိသည့်မန္တလေးတိုင်း ဒေသကြီး အသင်းတို့အား ဂုဏ်ပြုချီးမြှင့်ငွေနှင့် တံခွန်စိုက်ဖလား တို့ကိုပေးအပ်ချီး မြှင့်ခဲ့ကြောင်း သိရသည်။

ဘော်လီဘော ပြိုင်ပွဲ(အမျိုးသမီး)တွင် အကောင်းဆုံးအားကစားသမားဆု ရရှိခဲ့ကြသူများအားနိုင်ငံတော် စီမံအုပ်ချုပ် ရေးကောင်စီဥက္ကဋ္ဌရုံး ဝန်ကြီးဌာန(၂) ပြည်ထောင်စုဝန်ကြီး ဦးကိုကိုလှိုင်၊ ကောင်စီဝင်များ ဖြစ် ကြသည့် ဦးရန်ကျော်၊ ဦးရွှေကြိမ်းတို့ကလည်းကောင်း၊ ဘော်လီဘော (အမျိုးသား)ပြိုင်ပွဲတွင် အကောင်း ဆုံးအားကစားသမားဆု ရရှိခဲ့ကြသူများကို ကောင်စီဝင် များ ဖြစ်ကြသည့် ခွန်စံလွင်၊ ဒေါက်တာဘရွှေ၊ ဒေါက် တာ မှုထန်တို့က ဂုဏ်ပြုဆုနှင့်ချီးမြှင့် ငွေများကို ပေးအပ်ချီးမြှင့်ကြကြောင်း၊ ဘော်လီဘော (အမျိုးသမီး)ပြိုင်ပွဲ တွင် ပူးတွဲတတိယဆုရရှိကြသည့် ရှမ်း ပြည်နယ်အသင်းနှင့် ကချင်ပြည်နယ်အသင်းတို့အား ကောင်စီဝင် ပိုးရယ်အောင်သိန်း ကလည်းကောင်း၊ ဘော်လီဘော(အမျိုးသား)ပြိုင်ပွဲတွင် ပူးတွဲတတိယဆုရရှိကြသည့် မန္တလေးတိုင်းဒေသကြီးအသင်း နှင့် ပြည်ထောင်စုနယ်မြေ နေပြည်တော် အသင်းတို့အား ကောင်စီဝင် ဒေါ်ဒွဲဘူ ကလည်းကောင်း၊ ဘော်လီဘော(အမျိုးသမီး) ပြိုင်ပွဲတွင် ဒုတိယ ဆုရရှိသည့် ရန်ကုန်တိုင်းဒေသကြီး အသင်း နှင့် ဘော်လီဘော(အမျိုးသား) ပြိုင်ပွဲတွင် ဒုတိယဆုရရှိသည့် ကရင်ပြည်နယ်အသင်းအား ကောင်စီဝင် ဒုတိယ ဗိုလ်ချုပ်ကြီး ရာပြည့် က လည်းကောင်း တစ်ဦးချင်းဆုတံဆိပ်နှင့် ချီးမြှင့်ငွေများကို ပေးအပ်ချီး မြှင့်ကြကြောင်း သိရသည်။

ယင်းနောက် ဘော်လီဘော(အမျိုးသမီး) ပြိုင်ပွဲတွင် ပထမဆုရရှိသည့် မန္တလေး တိုင်းဒေသကြီး အသင်းနှင့် ဘော်လီဘော(အမျိုးသား)ပြိုင်ပွဲတွင် ပထမဆုရရှိသည့် ရှမ်းပြည်နယ် အသင်းကိုကောင်စီတွဲဖက်အတွင်းရေးမှူး ဒုတိယဗိုလ်ချုပ်ကြီး ရဲဝင်းဦးက တစ်ဦးချင်း ဆု တံဆိပ်များ ပေးအပ်ချီးမြှင့်ခဲ့ကြောင်း သိရသည်။
Yangon_Times/PP
#Local_News
#Published_ 17 May 2024
#Yangon_Times #YMG_News #Yangon_Media_Group

Published 17 May 2024

တရုတ်သမ္မတ ရှီကျင့်ဖျင်နဲ့ ရုရှားသမ္မတ ဗလာဒီမာပူတင်တို့ဟာ အမေရိကန်ရဲ့ အင်အားကြီးပြိုင်ဘက် နိုင်ငံများအဖြစ် လက်တွဲပူးပေါင်းခြင်းဆိုင်ရာ ခေတ်သစ်တစ်ခု ထူထောင်ရန် ကြာသပတေးနေ့က ကတိပြုလိုက်ပါတယ်။

အမေရိကန်ဟာ ကမ္ဘာတဝှမ်းမှာ ပဋိပက္ခတွေ ဖန်တီးနေပြီး ရန်ဆောင်နေတဲ့ စစ်အေးကာလ ဗိုလ်ကျအုပ်စိုးနေတဲ့သူ ဖြစ်တယ်လို့ ယင်းနှစ်နိုင်ငံက မှတ်ယူနေကြပါတယ်။

ရှီကျင့်ဖျင်က ပေကျင်းမြို့ ပြည်သူ့ခန်းမကြီးအပြင်ဘက် ကော်ဇောနီပေါ်မှာ ပူတင်ကို နှုတ်ဆက်ခဲ့ပြီး တရုတ်ပြည်သူ့သမ္မတ တပ်မတော်သားများ သေနတ်ပစ်ဖောက် ဂုဏ်ပြုခဲ့ကြကာ ကလေးများက တရုတ်နဲ့ ရုရှားအလံများ ဝေ့ယမ်းနေခဲ့ပါတယ်။

ရုရှားတပ်များ ယူကရိန်းသို့ မကျူးကျော်ခင် ရက်ပိုင်းအတွင်းက တရုတ်ပြည်သို့ ပူတင်လာရောက်ခဲ့ပြီး ၂၀၂၂ ဖေဖော်ဝါရီမှာ အကန့်အသတ်မရှိ မိတ်ဖက်ပူးပေါင်းခြင်းကို တရုတ်နဲ့ ရုရှားတို့ ကြေညာခဲ့ပါတယ်။

အမေရိကန်နဲ့ ပတ်သက်လို့ လုံခြုံရေးပြဿနာများကို ဆန့်ကျင်ထားကြသလို ထိုင်ဝမ်၊ ယူကရိန်းကစလို့ မြောက်ကိုရီးယားအရေးအထိ အမြင်တူညီနေပြီး နျူကလီးယား နည်းပညာ ငြိမ်းချမ်းစွာ အသုံးပြုရေးနဲ့ ဘဏ္ဍာရေးကိစ္စများ ပူးပေါင်းဆောင်ရွက်ရေးတို့မှာ ခေတ်သစ်တစ်ခု ထူထောင်ရန် လက်မှတ်ရေးထိုးခဲ့ကြပါတယ်။

ယနေ့ရရှိလာတဲ့ တရုတ်-ရုရှား ဆက်ဆံရေးက ခက်ခက်ခဲခဲ ရရှိလာတာဖြစ်ပြီး ဒါကို ထိန်းသိမ်းပြုစုသွားရမယ်လို့ ရှီကျင့်ဖျင်က ပူတင်ကို ပြောပါတယ်။

ရုရှားတို့က နေတိုး(NATO)မှ ထောက်ပံ့ပေးနေတဲ့ ယူကရိန်းတပ်များကို စစ်ဆင်နွှဲနေပြီး တရုတ်ကတော့ ယင်းရဲ့စီးပွားရေးနဲ့ စစ်ရေးအင်အား တိုးချဲ့ကြီးထွားလာမှုကို တန်ပြန်ဖို့ကြိုးစားနေတဲ့ အမေရိကန်ရဲ့ ဖိအားကို ရင်ဆိုင်နေရကာ ယင်းနှစ်နိုင်ငံက ဘုံတူတဲ့ ပထဝီနိုင်ငံရေးကိစ္စ ရှိနေတာ ဖြစ်ပါတယ်။

တရုတ်နဲ့ ရုရှားပူးပေါင်းပြီး ကမ္ဘာကြီးမှာ ရာစုနှစ်အတွင်း မမြင်ဖူးတဲ့ ပြောင်းလဲမှုများ ပြုလုပ်ရန် အခွင့်အရေးရှိတယ်လို့ ပြောကြားခဲ့ကြပါတယ်။

တရုတ်နဲ့ ရုရှားတို့က အခက်အခဲများ ရင်ဆိုင်နေရပြီး တရုတ်က စီးပွားရေးဖွံ့ဖြိုးမှု နှောင့်နှေးနေသလို ရုရှားက ယူကရိန်းကို ကျူးကျော်ပြီးနောက် နေတိုးက နေရာတိုးချဲ့လာပါတယ်။

အမေရိကန်ကလည်း တရုတ်ကို အကြီးမားဆုံး ယှဥ်ပြိုင်ဘက်အဖြစ် သတ်မှတ်ထားပြီး ရုရှားကိုတော့ တိုင်းပြည်အဆင့် အကြီးမားဆုံး ခြိမ်းခြောက်နေတဲ့ နိုင်ငံအဖြစ် သတ်မှတ်ထားပါတယ်။

စစ်အေးကာလပုံစံမျိုး ပြုမူနေတဲ့ အမေရိကန်ကို ရှီကျင့်ဖျင်နဲ့ ပူတင်နှစ်ဦးစလုံးက ရှုတ်ချလိုက်ပါတယ်။
Source: Reuters
#World_News
#Published_ 17 May 2024
#Yangon_Times #YMG_News #Yangon_Media_Group

Published 17 May 2024

အာရှနိုင်ငံတွေက စားစရာတွေထဲမှာ ဆားအများအပြား အသုံးပြုလေ့ရှိပြီး အစာအိမ်ကင်ဆာ ဖြစ်နိုင်ခြေများစေတဲ့ အထောက်အထားတွေ တွေ့ရှိထားပါတယ်။

ဗီယင်နာဆေးတက္ကသိုလ်မှ သုတေသီများ နှစ်ရှည်လများ လေ့လာထားရာမှာ ထိုအချက်အလက်တွေက အနောက်တိုင်းနိုင်ငံတွေမှာလည်း သက်ရောက်နေပါတယ်။

အစာအိမ်ကင်ဆာက ကမ္ဘာတဝှမ်းမှာ ပဥ္စမမြောက် အဖြစ်အများဆုံး ကင်ဆာဖြစ်ပြီး အာရှမှာတော့ အများဆုံး တွေ့ရပါတယ်။

အသက်ကြီးလာတာနဲ့အမျှ ဖြစ်နိုင်ခြေများလာသလို အခုနောက်ပိုင်း အသက် ၅၀ အောက်တွေမှာလည်း ဖြစ်လာကြပါတယ်။

ဩစတြီးယား ပြည်သူ့ကျန်းမာရေး စင်တာမှ သုတေသီများဦးဆောင်တဲ့ အဖွဲ့ဟာ သုတေသနပြုလုပ်ပြီးနောက် အစားအစာတွေထဲမှာ ဆားထည့်စားသူတွေက အစာအိမ်ကင်ဆာ ဖြစ်နိုင်ခြေ ၄၀ ရာခိုင်နှုန်း ပိုများတာကို တွေ့ရှိခဲ့ကြပါတယ်။

ထိုတွေ့ရှိချက်များအရ လူမှုစီးပွားရေး၊ နေထိုင်စားသောက်မှုပုံစံ စတဲ့ အချက်အလက်များကို ထည့်သွင်းစဥ်းစားစရာ ဖြစ်လာပြီး အသက်အန္တရာယ် ကာကွယ်ဖို့ အရေးပါလာကြောင်း ဖော်ပြသွားပါတယ်။

အစာအိမ်ကင်ဆာ ဖြစ်နိုင်စေတဲ့ အခြားအကြောင်းအရာတွေကတော့ ဆေးလိပ် အရက်သောက်သုံးခြင်း၊ ဟယ်လီကိုဘက်တာ ပိုင်လော်ရီဘက်တီးရီးယား ကူးစက်ဝင်ရောက်ခြင်း၊ ကိုယ်အလေးချိန်တက်ခြင်းတို့ ပါဝင်ပါတယ်။

ထိုလေ့လာချက်တွေကနေ ဆားအလွန်အကျွံ အသုံးပြုခြင်းရဲ့ ဆိုးကျိုးတွေကို သတိပြုမိစေပြီး အစာအိမ်ကင်ဆာ ကာကွယ်ဖို့ အတိုင်းအတာတွေ အခြေခံသိရှိစေမှာဖြစ်ပါတယ်။
Source: The Jerusalem Post.
#World_Health
#Published_ 17 May 2024
#Yangon_Times #YMG_News #Yangon_Media_Group

Published 17 May 2024

ဘဝမှာ စောစီးစွာ မီးယပ်သွေးဆုံး ခံစားရတဲ့ အမျိုးသမီးတွေက စောစီးစွာ အသက်ဆုံးပါးနိုင်ခြေ များတယ်လို့ သုတေသနအသစ်မှာ တွေ့ရှိထားပါတယ်။

အသက် ၄၀ မတိုင်ခင် စောစီးစွာ မီးယပ်သွေးဆုံးသွားတဲ့ သူတွေက အကြောင်းတစ်ခုခုကြောင့် အသက်သေဆုံးနိုင်ခြေ နှစ်ဆပိုများတယ်လို့လည်း တွေ့ရှိထားပါတယ်။

မမျိုးဥမလုံလောက်ဘဲ စောစီးစွာ မီးယပ်သွေးဆုံးသူတွေက ကင်ဆာကြောင့် အသက်ဆုံးရှုံးနိုင်ခြေလည်း ၄ ဆပိုများတယ်လို့ စတော့ဟုမ်းမှ သုတေသီများက လေ့လာတွေ့ရှိထားပါတယ်။

ထိုဖြစ်စဥ်ဟာ မျိုးဥအိမ်ကနေ အီစထရိုဂျင်၊ ပရိုဂျက်စထရုန်းတို့လို ဟော်မုန်းတွေ ထုတ်လုပ်မှု နည်းပါးသွားတာကြောင့် ဖြစ်ပါတယ်။

များသောအားဖြင့် အသက် ၄၅ နှစ်မှ ၅၅ နှစ်အတွင်း ဓမ္မတာသွေးဆုံးခြင်း ဖြစ်တတ်ကြပါတယ်။

အူလူတက္ကသိုလ်ဆေးရုံမှ သုတေသီများက စောစီးစွာ ဓမ္မတာသွေးဆုံးတဲ့ ဖင်လန်မှအမျိုးသမီး ၆၀၀၀ နီးပါးခန့်ကို ပုံမှန်သွေးဆုံးတဲ့ အမျိုးသမီး ၂၂၀၀၀ ကျော်နဲ့ နှိုင်းယှဥ်လေ့လာခဲ့ကြပါတယ်။

ထိုအမျိုးသမီးတွေဟာ နှလုံးရောဂါများနဲ့ အခြားရောဂါများကြောင့် အသက်ဆုံးပါးနိုင်ခြေ ၂ ဆပိုများနေပြီး ကင်ဆာကြောင့် သေဆုံးနိုင်ခြေ ၄ ဆလောက် ပိုများနေပါတယ်။

ယခင်ကလည်း ဒီလိုကိစ္စမျိုးကို လေ့လာခဲ့ဖူးပေမယ့် အခုတစ်ခေါက်ကတော့ လူအများအပြားဖြင့် စမ်းသပ်ခဲ့ကြတာ ဖြစ်ပါတယ်။

ဒီလိုအခြေအနေမျိုး ဖြစ်တဲ့အမျိုးသမီးတွေကို အသက်အန္တရာယ်ဖြစ်ခြင်းမှ ကာကွယ်နိုင်အောင် ဂရုပြုသင့်တယ်လို့ ဖင်လန်နိုင်ငံ အူလူတက္ကသိုလ်မှ သုတေသနပြုစုသူ ဟေလာဟာပါကိုစကီက ပြောပြသွားပါတယ်။
Source: WION
#World_Health
#Published_ 17 May 2024
#Yangon_Times #YMG_News #Yangon_Media_Group

၁၆ မေ ၂၀၂၄

မြန်မာနိုင်ငံမြောက်ပိုင်း ငြိမ်းချမ်းရေးလုပ်ငန်းစဉ်ကို တရုတ်နိုင်ငံက ဆက်လက်ပြီးထောက်ခံအားပေးကူညီမှာဖြစ်တယ်လို့ တရုတ်နိုင်ငံခြားရေးဝန်ကြီးဌာနကပြောပါတယ်။ ကြာသပတေးနေ့ မေလ ၁၆ ရက်ကျင်းပတဲ့ သတင်းစာရှင်းလင်းပွဲမှာ တရုတ်နိုင်ငံခြားရေးဝန်ကြီးဌာနပြောရေးဆိုခွင့်ရသူကပြောကြားခဲ့တာဖြစ်ပါတယ်။

Source CCTV+

Published 16 May 2024

မြန်မာ့ခရီးသွားဘဏ် (MTB) နှင့် GGI Nippon Life Insurance Company (GGINL) တို့ မြန်မာနိုင်ငံတွင်းရှိ မိဘပြည်သူများ၏ အနာဂတ်ဘဝအားကာကွယ်စောင့်ရှောက်နိုင်ရန်အတွက် ပြီးပြည့်စုံသော အသက်အာမခံ ဝန်ဆောင်မှုများကို ဖြည့်ဆည်းပေးနိုင်ရန်နှင့် အာမခံဝန်ဆောင်မှုများ ပိုမိုဖွံ့ဖြိုးတိုးတက်လာစေရန် Bancassurance မိတ်ဖက်အဖြစ် ပူးပေါင်းဆောင်ရွက်ခဲ့ကြောင်း ထုတ်ပြန်ကြေညာလိုက်သည်။

ယခုကဲ့သို့ ပူးပေါင်းဆောင်ရွက်မှုမှတစ်ဆင့်မြန်မာနိုင်ငံတစ်ဝှမ်းရှိ မိဘပြည်သူများအတွက် မရှိမဖြစ်လိုအပ်သော GGINL ၏အာမခံဝန်ဆောင်မှုများကို မေလ (၁) ရက်မှ စတင်၍ MTB ဘဏ်ခွဲ (၁၇) ခုလုံးတွင် ရရှိနိုင်မည် ဖြစ် သောကြောင့် ပြည်သူများအနေဖြင့် ၎င်းတို့၏ဘဏ္ဍာရေးဆိုင်ရာကိစ္စရပ်များတွင် စိတ်အေးချမ်းသာ စွာစီမံ ဆောင်ရွက်နိုင်ခြင်း၊ ၎င်းတို့၏ချစ်ရသူများအား ကာကွယ်စောင့်ရှောက်နိုင်ခြင်းတို့အပြင် ၎င်းတို့ကလေး များ ၏အနာဂတ်ပညာရေးအတွက်လည်း စိတ်ပူပန်စရာမလိုဘဲ ကြိုတင်စီစဉ်ထားနိုင်မည်ဖြစ်ကြောင်း သိရ သည်။

MTB Bank မှ Bancasurrance Partnership အဖြစ် ခရီးသွားအာမခံ၊ ကျန်းမာရေးအာမခံ၊ လုပ်သားပြည်သူ အသက်အာမခံ စသည်ဖြင့် "အသက်အာမခံ" အမျိုးအစားများစွာကို ဝန်ဆောင်မှုပေးလျက်ရှိသောမြန်မာနိုင်ငံ၏ ထိပ်တန်းအာမခံလုပ်ငန်းများအနက်မှ တစ်ခုဖြစ်သည့် "GGI Nippon Life" ဖြင့် လက်တွဲ၊ ပူးပေါင်းဆောင် ရွက်ကာ မြန်မာနိုင်ငံ၏ လိုအပ်ချက်များနှင့်ကိုက်ညီသည့် ကမ္ဘာ့အဆင့်မီအာမခံဝန်ဆောင်မှုများပေးအပ်သွားရန် ရည်ရွယ်ခြင်း ဖြစ်ကြောင်းလည်း သိရသည်။

“ကျွန်တော်တို့ အဖွဲ့အစည်းနှစ်ခုရဲ့အားသာချက်များကို ပေါင်းစည်းပြီး မြန်မာနိုင်ငံတစ်ဝှမ်းမှာရှိတဲ့ မိသားစု တွေကို မှန်ကန်တဲ့ ဘဏ္ဍာရေးဆိုင်ရာ ဆုံးဖြတ်ချက်များချနိုင်စေဖို့၊ မိဘပြည်သူတို့ရဲ့ ချစ်ရသူတွေကို ကာကွယ် နိုင်စေဖို့၊ အနာဂတ်ဘဝတွေ လုံခြုံစိတ်ချရစေဖို့နဲ့ မြန်မာနိုင်ငံတစ်ဝှမ်းမှာရှိတဲ့ မိသားစုများကို ခွန်အားပေး နိုင်စေဖို့ ရည်ရွယ်လုပ်ဆောင်ခြင်းဖြစ်ပါတယ်။ အခုလို ပူးပေါင်းဆောင်ရွက်ခွင့်ရတာဟာ ကျွန်တော်တို့ရဲ့ Customer တွေအတွက် အာမခံဝန်ဆောင်မှုတွေကို ကျယ်ကျယ်ပြန့်ပြန့် အသုံးပြုနိုင်စေဖို့ ပံ့ပိုးကူညီမှု တစ်ခုဖြစ်ပြီး မြန်မာနိုင်ငံတွင်း အာမခံဝန်ဆောင်မှုတွေ ပိုမိုဖွံ့ဖြိုးတိုးတက်လာစေဖို့အတွက် ပူးပေါင်းဆောင် ရွက်တာလည်းဖြစ်ပါတယ်" ဟု မြန်မာ့ခရီးသွားဘဏ်၏ အမှုဆောင်အရာရှိချုပ် ဦးဝင်းလွင် က ပြောသည်။

MTB နှင့် GGINL တို့ လုပ်ငန်းမိတ်ဖက်အဖြစ် ပူးပေါင်းဆောင်ရွက်ခြင်းသည် မြန်မာနိုင်ငံရှိ ဘဏ္ဍာရေး ဝန်ဆောင်မှုများ၏ ဒစ်ဂျစ်တယ်အသွင်ကူးပြောင်းရေးကို အဖွဲ့အစည်းနှစ်ခုလုံးမှ ပူးပေါင်း မြှင့်တင်ရန် ရည်ရွယ်ပြီး နည်းပညာနှင့် ဆန်းသစ်တီထွင်မှုများဖြင့် MTB နှင့် GGINL တို့သည် သုံးစွဲသူ Customer များအတွက် လိုအပ်သော ကာကွယ်စောင့်ရှောက်မှုများနှင့် ငွေကြေးဆိုင်ရာ ကိစ္စရပ်များစီမံဆောင်ရွက်ခြင်းဖြင့် အာမခံဝန်ဆောင်မှုများကို အသုံးပြုမည့် မိဘပြည်သူများအတွက် ပိုမိုအဆင်ပြေ၊ လွယ်ကူချောမွေ့စွာ အသုံးပြုနိုင်စေရန်လည်း ရည်ရွယ်ခြင်း ဖြစ်ကြောင်း သိရသည်။

“မြန်မာနိုင်ငံမှာရှိတဲ့ မိဘပြည်သူတွေရဲ့လိုအပ်ချက်တွေကို ဖြည့်ဆည်းပေးမယ့် ကမ္ဘာ့အဆင့်မီ အာမခံဝန် ဆောင်မှုများကို ပေးအပ်နိုင်စေဖို့နဲ့ အာမခံလုပ်ငန်းတွေ အခုထက်ပိုပြီးဖွံ့ဖြိုးတိုးတက်လာစေဖို့လည်း ရည်မှန်း ထားပါတယ်။ GGINL ရဲ့ အမျိုးအစားစုံလင်ပြီး အဆင့်မြင့်တဲ့ အသက်အာမခံဆိုင်ရာ ဝန်ဆောင်မှုတွေကို MTB ဘဏ်ရဲ့ခိုင်မာ၊ ကျယ်ပြန့်တဲ့ဘဏ်လုပ်ငန်းကဏ္ဍနဲ့ ပေါင်းစည်းခြင်းဟာ မိဘပြည်သူများအတွက်လည်း အကျိုးဖြစ်ထွန်းစေမယ့် အာမခံဝန်ဆောင်မှုတွေကို ဖန်တီးပေးနိုင်မှာဖြစ်ပြီးတော့ မြန်မာနိုင်ငံရဲ့အာမခံလုပ်ငန်း တိုးတက်မှုကိုလည်း အထောက်အကူဖြစ်စေမယ်လို့ ကျွန်တော်ယုံကြည်ပါတယ်"ဟု GGI Nippon Life Insurance ကုမ္ပဏီ၏ အမှုဆောင်အရာရှိချုပ် ဦးချမ်းမြက ပြောသည်။

မြန်မာ့ခရီးသွားဘဏ် (MTB) သည် မြန်မာနိုင်ငံ၏ ခရီးသွားကဏ္ဍအတွက် ဆန်းသစ်သော ဘဏ်လုပ်ငန်း ဆိုင်ရာဝန်ဆောင်မှုများနှင့် ပံ့ပိုးကူညီမှုများပေးဆောင်ရန် ရည်ရွယ်ထားသည့် မြန်မာနိုင်ငံ၏ ကူးသန်းရောင်းဝယ်ရေး ဘဏ်များအနက်မှ တစ်ခုဖြစ်သည်။

MTB Bank အနေဖြင့် ၂၀၁၉ ခုနှစ် မှ ၂၀၂၄ ခုနှစ်အထိ (၅) နှစ်တာကာလအတွင်း ရန်ကုန်၊ မန္တလေး၊ နေပြည် တော်၊ မုံရွာ၊ မူဆယ်၊ တောင်ကြီး၊ မြဝတီ စသဖြင့် မြန်မာနိုင်ငံတစ်ဝှမ်းလုံးတွင် ဘဏ်ခွဲပေါင်း (၁၇) ခုအထိ တိုးချဲ့ ဖွင့်လှစ်ထားပြီး ခေတ်မီအဆင့်မြင့်သော Digital နည်းပညာများနှင့် ဘဏ်လုပ်ငန်းဆိုင်ရာ ကိစ္စအဝဝ များတွင် အကောင်းမွန်ဆုံးဝန်ဆောင်မှုများပေးနိုင်စေရန် အစဉ်အမြဲကြိုးစားလျက်ရှိကြောင်း၊MTB ဘဏ်၏ ကျယ်ပြန့်သော ဘဏ်လုပ်ငန်းဝန်ဆောင်မှုများမှတစ်ဆင့် မြန်မာနိုင်ငံသားတစ်ဦးချင်းစီ၏ စီးပွားရေးလုပ် ငန်းများနှင့်

လူနေမှုအဆင့်အတန်းများကို မြှင့်တင်ပေးနိုင်ရန် ကြိုးပမ်းဆောင်ရွက်လျက်ရှိကြောင်း သိရသည်။
GGI Nippon Life Insurance (GGINL) သည် မြန်မာနိုင်ငံရှိ မိဘပြည်သူများ စိတ်အေးချမ်းသာစွာဖြင့် ငွေ ကြေး ဆိုင်ရာကိစ္စရပ်များတွင် လုံခြုံစိတ်ချရစေရန် အာမခံထားသည့် ဂုဏ်သိက္ခာကြီးမား၍ ကျော်ကြားသော "အသက်အာမခံကုမ္ပဏီ" တစ်ခုဖြစ်ကာ မြန်မာနိုင်ငံသားတစ်ဦးချင်းစီနှင့် မိသားစုများ၏ မတူညီသော လိုအပ် ချက်များကိုဖြည့်ဆည်းပေးနိုင်ရန်အတွက် အာမခံဝန်ဆောင်မှုအမျိုးမျိုးကို ပေးဆောင်လျက်ရှိကြောင်း သိရ သည်။
#Yangon_Times/PP
#Local_News
#Published_ 16 May 2024
#Yangon_Times #YMG_News #Yangon_Media_Group

မော်တော်ယာဥ်ကဏ္ဍကို ပြောင်းလဲမြှင့်တင်ရန် ကြိုးပမ်းနေတဲ့ ကားကုမ္ပဏီတွေ အပါအဝင် အမေရိကန်လျှပ်စစ်ကား လုပ်ငန်းကဏ္ဍဟာ နှောင့်နှေးကြန့်ကြာနေတဲ့ပုံ ရှိနေတယ်လို့ လုပ်ငန်းအတွင်းသိတစ်ဦးက ဆိုပါတယ်။
#World_Industry
#Published_ 16 May 2024
#Yangon_Times #YMG_News #Yangon_Media_Group

#Daily_News
Published_ 16 May 2024

၁။ ချင်း ဈေးမြင့်နေသော်လည်း အရည်သွေးကောင်သည့် ကုန်ပစ္စည်း မရှိသလောက်နည်းနေ

၂။ မြေပဲဆီ၊ နှမ်းဆီထုတ်ရန် တောင်ကြီး၊ ကျောက်ပန်းတောင်း၊ မကွေး၊ ရွှေဘိုမှ ဆီကြိတ်စက်များ အမှာများနေ

၃။ ရွှေဈေး ၄၉သိန်းကျော်အထိ မြင့်တက်လာပြီး ရည်ညွန်းဈေးနှင့် ၁၀သိန်းခန့် ကွာဟနေ

၄။ အမေရိကန်တွင် လျှပ်စစ်ကားဈေးကွက် တိုးတက်မှုနှောင့်နှေးနေ ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Times #Daily_News #YMG_News #Yangon_Media_Group