ဒူးရင်းသီးစတုဒိသာပွဲအတွက် ဒူးရင်းသီး (၄၅၀၀)လုံး မှာယူထားပြီဖြစ်ပြီး လူဦးရေ (၁၀၀၀၀) စာလှူဒါန်းမယ်။   
တောင်ပေါ်မှာ(၁၀)နေရာခွဲပြီး ဒူးရင်းသီးအသင့်ခွဲစိတ်ပြီး လူတစ်ဦးစာဖော့ဗူးတွေကို ကတ်ပြားပေးကာ ထုတ်ယူကြရမှာဖြစ်တယ်။
(တောင်ပုလတောင်တော်စေတီတော်မှ ဆရာ‌တော်)
Yangon_Times/tthl
#Local_News
#Published_ 20 May 2024
#Yangon_Times #YMG_News #Yangon_Media_Group

ရွှေဈေးကွက်အတွင်း အ‌ရောင်းအဝယ်မသမာမှု‌များ ပပျောက်သွားနိုင်သည့် ရွှေရောင်းဝယ်မှုကို အရေးကြီးဝန်ဆောင်မှု လုပ်ငန်းအဖြစ် ဥပဒေရေးဆွဲနေတယ်လို့ ရန်ကုန်တိုင်းဒေသကြီး ရွှေလုပ်ငန်းရှင်များအသင်း ကသိရပါတယ်။
Yangon_Times/NN
#Local_News
#Published_ 20 May 2024
#Yangon_Times #YMG_News #Yangon_Media_Group

ပြည်တွင်းမုန့်လုပ်ငန်းတွေက ဝယ်ယူမှုများသလို လက်ရှိကာလဟာ အုန်းသီးအထွက်နည်းတဲ့အချိန် ဖြစ်တာကြောင့် အုန်းသီးတစ်လုံးကို လက်ကားဈေး ၁၈၀၀ ကျပ်အထိ ရှိလာကာ ဈေးအမြင့်ဆုံးကို ရောက်ရှိနေတယ်လို့ ဧရာဝတီတိုင်းဒေသကြီးရှိ အုန်းသီးအရောင်းဝယ်ပြုလုပ်သူတွေထံက သိရပါတယ်။
Yangon_Times/LW
#Local_News
#Published_ 20 May 2024
#Yangon_Times #YMG_News #Yangon_Media_Group

ကဆုန်လပြည့်နေ့မှာ နဂါးမောက်ဘုရားမှာ ဒံပေါက်စတုဒိတာ တစ်နေကုန်ကျွေးမွေးလှူဒါန်းမှာဖြစ်သလို ရွှေရင်အေး၊အအေးနဲ့မုန့်တွေကိုလည်း နိဗ္ဗာန်ဈေးပွဲတော်အလှူအဖြစ် လှူဒါန်းဖို့ ပြင်ဆင်ထားတယ်။
(နဂါး‌မောက်ဘုရားအကျိုးတော်ဆောင် ကိုဇင်မိုး)
Yangon_Times/tthl
#Local_News
#Published_ 20 May 2024
#Yangon_Times #YMG_News #Yangon_Media_Group

Published 20 May 2024

လိုင်ချင်းထယ်က ထိုင်ဝမ်သမ္မတသစ်အဖြစ် တနင်္လာနေ့မှာ စတင်တာဝန်ထမ်းဆောင်ပြီဖြစ်ပြီး တရုတ်ရဲ့ အမျက်ဒေါသထွက်ခြင်းကို ခံနေရပါတယ်။

လိုင်ချင်းထယ်ဟာ ခွဲထွက်ရေးသမား တစ်ဦးဖြစ်ပြီး လွှတ်တော်ပါလီမန်မှာ သဘောထားကွဲလွဲနေကြကာ အတိုက်အခံများက အပြိုင်အဆိုင် စိန်ခေါ်နေကြတယ်လို့ တရုတ်က ယုံကြည်နေပါတယ်။ 

သမ္မတဟောင်း ဆိုင်အင်ဝမ်ရဲ့ ဒုသမ္မတအဖြစ် လိုင်ချင်းထယ်က ၄ နှစ်ကြာ တာဝန်ထမ်းဆောင်ခဲ့ဖူးသူဖြစ်ပြီး ထိုင်ပေမြို့လယ် ဂျပန်ကိုလိုနီခေတ် သမ္မတရုံးမှာ ကျမ်းသစ္စာဆိုခဲ့ပါတယ်။

တနင်္လာနေ့နံနက်ခင်းက မိန့်ခွန်းပြောကြားရာမှာ တရုတ်ကို ချစ်ကြည်ရင်းနှီးတဲ့ သဘောပြသခဲ့ပြီး ထိုင်ဝမ်ရေလက်ကြားရဲ့ နှစ်ဖက်စလုံးက နိုင်ငံတွေအနေနဲ့ ငြိမ်းချမ်းရေးဖော်ဆောင်ဖို့ တောင်းဆိုလိုက်ကြောင်း အကြီးတန်းအရာရှိတစ်ဦးက ဆိုပါတယ်။

သမ္မတရာထူးအာဏာကို ရည်ညွှန်းတဲ့ ဂုဏ်ပြုအမှတ်တံဆိပ် ၂ ခုကိုလည်း လွှတ်တော်ဥက္ကဌထံမှ လက်ခံရရှိခဲ့ပါတယ်။

တရုတ်က ဒထိုင်ဝမ်ကို ယင်းတို့ပိုင်နယ်မြေအဖြစ် သတ်မှတ်နေပြီး ထိုင်ဝမ်ကျွန်းကို ထိန်းချုပ်နိုင်ဖို့ စစ်အင်အားသုံးလိုရင်လည်း သုံးနိုင်တယ်လို့ ဆိုထားပါတယ်။

ထိုင်ဝမ်ဘက်ကတော့ ဒီဆုံးဖြတ်ချက်ဟာ ပြည်သူတွေအပေါ်ပဲ မူတည်နေတယ်လို့ ဆိုပါတယ်။

ဇန်နဝါရီလ ရွေးကောက်ပွဲပြီးကတည်းက ထိုင်ဝမ်ကျွန်းနားမှာ တရုတ်က လေကြောင်းနဲ့ ရေကြောင်းလှုပ်ရှားမှုတွေ အစဥ်ပြုလုပ်နေရာ တရုတ်ရဲ့ဖိအားပေးမှုကို ခံနေရပါတယ်။ 

သမ္မတတင်မြှောက်ပွဲ အခမ်းအနားမှာ အမေရိကန်သမ္မတ ဂျိုးဘိုင်ဒင်စေလွှတ်လိုက်တဲ့ အရာရှိဟောင်းများ၊ ဂျပန် ဂျာမနီ ကနေဒါစတဲ့ နိုင်ငံများမှ လွှတ်တော်အမတ်များ၊ ထိုင်ဝမ်နဲ့ သံတမန်ရေးအရ ဆက်ဆံရေးရှိနေသေးတဲ့ နိုင်ငံ ၁၂ နိုင်ငံမှ ခေါင်းဆောင်များ တက်ရောက်ခဲ့ကြပါတယ်။

အမေရိကန် နိုင်ငံခြားရေးဝန်ကြီး အန်တိုနီဘလင်ကန်က လိုင်ချင်းထယ်ကို ဂုဏ်ပြုလိုက်ကာ ဘုံအကျိုးစီးပွား တိုးတက်ရေး၊ ရေရှည်ဆက်ဆံရေး၊ ထိုင်ဝမ်ရေလက်ကြားတလျှောက် တည်ငြိမ်အေးချမ်းရေးတို့အတွက် အတူတကွ လုပ်ကိုင်သွားဖို့ မျှော်လင့်နေတယ်လို့ ဆိုပါတယ်။

တရုတ်သတင်းစာ The Global Times မှ ဖော်ပြထားတာကတော့ လိုင်ချင်းထယ်ဟာ သမ္မတဖြစ်လာတာနဲ့ ပိုပြီးရန်စလာမယ့် သဘောရှိတယ်လို့ ဆိုပါတယ်။ 

ရှေရှည်မှာ ရေလက်ကြားဆက်ဆံရေး အခြေအနေ အကောင်းဖြစ်လာဖို့မမြင်ဘူးလို့လည်း အဆိုပါသတင်းစာကရေးသားကြောင်းရိုက်တာမှာဖော်ပြထားပါတယ်။
Source: Reuters
#World_News
#Published 20 May 2024
#YMG #Yangon_Times #Yangon_Media_Group

Published 18 May 2024

ရုံးပတီသီးတွေကို ညလုံးပေါက်ရေစိမ်ပြီး ရရှိလာတဲ့ ရုံးပတီသီးရည်ဟာ အာဟာရဓာတ်မျိုးစုံ ပါဝင်ပြီး ကျန်းမာရေးအကျိုးကျေးဇူး များစွာရှိတယ်လို့ လူပြောများနေကြပါတယ်။

ဒါကြောင့် ရုံးပတီသီးရည် သောက်ခြင်းဖြင့် ရရှိနိုင်တဲ့ အကျိူးကျေးဇူးများကို ဖော်ပြလိုက်ပါတယ်။
 
(၁) ဓာတ်တိုးဆန့်ကျင်ပစ္စည်းကြွယ်ဝခြင်း
ခန္ဓာကိုယ်ထဲမှာ ဓာတ်တိုးဖိစီးခြင်းများကို လျှော့ချပေးတဲ့အတွက် နာတာရှည်ရောဂါများ ဖြစ်နိုင်ခြေကို လျော့နည်းစေပါတယ်။
 
(၂) သွေးတွင်းသကြားဓာတ်ထိန်းညှိပေးခြင်း
အမျှင်ဓာတ်များခြင်းနဲ့ ဒြပ်ပေါင်းများ ပါဝင်ခြင်းက အူထဲမှာ သကြားစုပ်ယူမှု လျော့နည်းစေကာ သွေးတွင်းသကြားဓာတ်ကို ထိန်းသိမ်းပေးပါတယ်။
 
(၃) ရောင်ရမ်းခြင်းကိုဆန့်ကျင်ပေးခြင်း
ရုံးပတေသီးမှာပါတဲ့ ဓာတ်တိုးဆန့်ကျင်ပစ္စည်းများနဲ့ ပိုလီဆက်ခရိုက်တွေက ခန္ဓာကိုယ်မှာ ရောင်ရမ်းခြင်းကို လျှော့ချပေးပြီး အဆစ်ရောင်ရောဂါတွေကြောင့် ရောင်ရမ်းခြင်းကို သက်သာစေပါတယ်။
 
(၄) အစာခြေခြင်းကိုကောင်းမွန်စေခြင်း
ရုံးပတေသီးမှာပါတဲ့ ပျစ်ချွဲစေတဲ့အရာက အစာခြေလမ်းကြောင်းကို ချောမွေ့စေပြီး အစာခြေခြင်းကို ကောင်းမွန်စေကာ ဝမ်းချုပ်ခြင်းမှ ကာကွယ်ပေးပါတယ်။
 
(၅) နှလုံးကျန်းမာစေခြင်း
ကိုလက်စ်ထရောလ်ပမာဏကို လျှော့ချပေးတဲ့အတွက် နှလုံးရောဂါများနဲ့ လေဖြတ်ခြင်းကို ဖြစ်နိုင်ခြေနည်းစေပါတယ်။
 
(၆) ရေဓာတ်ဖြည့်ပေးခြင်းနှင့်အသားအရည်
ရုံးပတေသီးက ရေဓာတ်များပြီး ရေဓာတ်ထိန်းသိမ်းပေးကာ အသားအရည်ခြောက်သွေ့ခြင်းမှ ကာကွယ်ပေးတဲ့အပြင် တင်းရင်းစေပါတယ်။
 
(၇) ကိုယ်ခံအားစနစ်ထောက်ပံ့ခြင်း
ဗိုက်တာမင်-စီနဲ့ အေတို့ကြွယ်ဝတာကြောင့် ကိုယ်ခံအားစနစ် ကောင်းမွန်စေကာ ရောဂါကူးစက်မှုများမှ ကင်းဝေးစေပါတယ်။
 
(၈) အရိုးကျန်းမာရေး
ကယ်လ်စီယမ်နဲ့ ဗိုက်တာမင်-ကေ ပါဝင်ခြင်းကြောင့် အရိုးများကို သန်မာစေကာ အရိုးပွခြင်းမှ ကာကွယ်ပေးပြီး အရိုးသိပ်သည်းစေပါတယ်။
 
(၉) ကိုယ်အလေးချိန်ထိန်းသိမ်းခြင်း
အမျှင်ဓာတ်တွေက ဗိုက်ပြည့်ဝစေတာကြောင့် ကယ်လိုရီနည်းပါးသွားပြီး ကိုယ်အလေးချိန် မတက်အောင် ထိန်းသိမ်းပေးပါတယ်။
 
(၁၀) မျက်လုံးကျန်းမာရေး
ဗိုက်တာမင်-အေနဲ့ ဘီတာကယ်ရိုတင်းက အမြင်အာရုံနဲ့ မျက်လုံးကျန်းမာရေးကို ထိန်းသိမ်းပေးပြီး မျက်စိရောဂါများဖြစ်ခြင်းမှ ကာကွယ်ပေးပါတယ်။
Source: DoctorNDTV.
#World_Health
#Published 20 May 2024
#YMG #Yangon_Times #Yangon_Media_Group

#Just-In

၂၀ မေ ၂၀၂၄

အီရန်သမ္မတ အီဗရာဟင်ရိုင်စီလိုက်ပါသွားတဲ့ ရဟတ်ယာဉ်ပျက်ကို ရှာဖွေတွေ့ရှိပြီး အသက်ရှင်သူတစ်ဦးတစ်ယောက်မျှ မတွေ့ရဘူးလို့ အီရန် လခြမ်းကြက်ခြေနီအသင်း ဥက္ကဋ္ဌကပြောကြောင်း အီရန်နိုင်ငံပိုင်သတင်းဌာန IRNA က သတင်း  ထုတ်ပြန် ပါတယ်။

“ သမ္မတရိုင်စီရဲ့ရဟတ်ယာဉ်ဟာ အကုန်မီးလောင်ကျွမ်းသွားပြီ။ ကံမကောင်းလှစွာပဲ တစ်ယောက်မှအသက်မရှင်ဘူး” လို့လည်း အရာရှိတစ်ဦးရဲ့စကားကိုကိုးကားပြီးရိုက်တာကရေးသားပါတယ်။

သမ္မတရိုင်စီရဲ့ရဟတ်ယာဉ်ဟာ အီရန်နိုင်ငံအောက်မြောက်ပိုင်းမှာ ရာသီဥတုဆိုးရွားမှုကြောင့် မြေပြင်သို့ အရေးပေါ်ဆင်းသက် ရင်း ပျက်ကျသွားရတာဖြစ်ပါတယ်။သူနှင့်အတူ နိုင်ငံခြားရေးဝန်ကြီး ဟိုစိန်အမီယာဒိုလာဟီယန်လည်းလိုက်ပါသွားခဲ့ပါတယ်။

သူတို့ဟာ အဂျာဘိုင်ဇန်နိုင်ငံနယ်စပ်မှာ ဆည်တစ်ခုဖွင့်လှစ်ပြီး အပြန်မှာ အဖြစ်ဆိုးနှင့်ကြုံခဲ့ကြရတာပါ။

“ ရဟတ်ယာဉ်ပျက်နေရာရှာတွေ့ခဲ့ပြီး ရှင်ကျန်ရစ်သူတစ်ဦးတစ်ယောက်မျှမတွေ့ရဘူး” လို့ အီရန်လခြမ်းကြက်ခြေနီအသင်း ဥက္ကဋ္ဌက တက်စ်နင်းသတင်းအေဂျင်စီကို တနင်္လာနေ့(မေ၂၀)ရက်ကပြောပါတယ်။

နာရီများစွာ အပူတပြင်းရှာဖွေပြီးနောက် အရှေ့အဂျာဇိုင်ဘန်ပြည်နယ်က တောင်ထူထပ်တဲ့ ဒေသမှာ သမ္မတရိုင်စီနှင့်သူ့ရဲ့ အကြီးတန်းအရာရှိကြီးတွေလိုက်ပါသွားတဲ့ ရဟတ်ယာဉ်ပျက်ကျ တဲ့ နေရာကိုတွေ့ရှိခဲ့ပြီလို့ သူကအစောပိုင်းမှာပြောခဲ့ပါတယ်။

Ref : RINA/Reuters

Published 20 May 2024

ခံတွင်းအနံ့ဆိုးထွက်ခြင်းဟာ အကြောင်းအရင်း အမျိုးမျိုးကြောင့် ဖြစ်နိုင်ပါတယ်။
နယူးဂျာစီမှ ဆရာဝန် ဂျေဆန်အက်ဘ်ရာမိုဝစ်ဇ်က ခံတွင်းနံ့ဆိုးစေတဲ့ အကြောင်းအရင်း ၄ မျိုးကို ဖော်ပြလိုက်ပါတယ်။
 
(၁) ဗိုင်းရပ်စ် သို့မဟုတ် ရောဂါပိုးကူးစက်ခြင်း
အသက်ရှူလမ်းကြောင်းမှာ တစ်ခုခုရောဂါပိုးဝင်တဲ့အခါ ထိုဗိုင်းရပ်စ်တွေနဲ့ ဘက်တီးရီးယားတွေကို ခန္ဓာကိုယ်ကနေ ခုခံတိုက်ထုတ်တာကြောင့် အနံ့ဆိုးထွက်စေပါတယ်။

သလိပ်တွေနဲ့ ဘက်တီးရီးယားတွေ ရောထွေးပြီး အနံ့ဆိုးဖြစ်စေသလို အာခေါင်ခြောက်သွေ့ခြင်းကလည်း အနံ့ထွက်စေပါတယ်။ 

ဒီအတွက် ရေများများသောက်ပြီး အသက်ရှူလမ်းကြောင်းကို ဆေးကြောသင့်ပါတယ်။
 
(၂) အလာ့ဂျစ်များ
ဓာတ်မတည့်ခြင်းကြောင့်လည်း နှာခေါင်းတွင်း ရောင်ရမ်းစေပြီး ခံတွင်းနံ့ဆိုးစေပါတယ်။

အသက်ရှူလမ်းကြောင်း ဆေးကြောခြင်း၊ ရေသောက်ခြင်းတို့ဖြင့် အနံ့ဆိုးထွက်ခြင်းကို သက်သာစေနိုင်ပါတယ်။
 
(၃) အာသီးကျောက်တည်ခြင်း
အစားအစာ၊ ဆဲလ်သေများ၊ ဘက်တီးရီးယားတွေကနေ အကြွင်းအကျန်များ စုပြုံလာကာ အာသီးမျာ အဖုများဖြစ်လာပါတယ်။

ဘေးတဝိုက် ကယ်လ်စီယမ်တွေ ဖြစ်လာတဲ့အခါ မာကျောလာပြီး အာသီးမှာ ကျောက်တည်လာပါတယ်။

ထိုကျောက်တွေကို ဖယ်ဖို့အတွက် ဆားရည်ဖြင့် အာလုတ်ကျင်းနိုင်သလို သန့်စင်တဲ့ဂွမ်းတံဖြင့် ဖယ်ရှားနိုင်ပါတယ်။
 
(၄) အစာအိမ်ရေမျိုလျှံတက်ခြင်း
အစာအိမ်ကနေ အက်ဆစ်လျှံတက်ခြင်းကလည်း ခံတွင်းအနံ့ဆိုး ထွက်စေပါတယ်။

အစာအိမ်ထဲမှာ မကြေတဲ့အစာတွေ၊ သည်းခြေရည်တွေ၊ အစာအိမ်အက်ဆစ်တွေက အစာရေမျိုသို့ ပြန်တက်လာပြီး အနံ့ဆိုးထွက်စေပါတယ်။

အန်တဆစ်ဆေးများ သောက်ခြင်း၊ အကြော်အလှော်နဲ့ အစပ်များရှောင်ရှားခြင်းဖြင့် အစာအိမ်အက်ဆစ်ကို သက်သာစေပါတယ်။
Source: New York Post.
#World_Health
#Published 20 May 2024
#YMG #Yangon_Times #Yangon_Media_Group

၁၉ မေ ၂၀၂၄

အီရန်သမ္မတ အီဗရာဟင် ရိုင်စီနှင့် သူ့ နိုင်ငံခြားရေးဝန်ကြီးတို့ တင်ဆောင်လာတဲ့ ရဟတ်ယာဉ်တစ်စီး တနင်္ဂနွေနေ့က မြူများ ထူထပ်စွာကျဆင်းနေတဲ့ တောင်တွေအပေါ် ဖြတ်သန်းပျံသန်းစဉ် ပျက်ကျခဲ့တယ်လို့ အီရန် နိုင်ငံပိုင်မီဒီယာက သတင်းထုတ်လွှင့်သွားပါတယ်။

အသက် ၆၃နှစ်ရှိပြီဖြစ်တဲ့အီရန်သမ္မတ ရိုင်စီဟာ အဇာဘိုင်ဂျန်နယ်စပ်မှာ ဆည်တစ်ခုဖွင့်ပွဲကနေအပြန်မှာ ယခုလိုရဟတ်ယာဉ် ပျက်ကျခဲ့တာဖြစ်ပါ  တယ်။

သမ္မတရိုင်စီနှင့် နိုင်ငံခြားရေးဝန်ကြီးတို့ဟာ  အသက်အန္တရာယ်ရှိနေတယ်လို့ အရာရှိတွေကပြောပါတယ်။

“ ကျွန်တော်တို့မျှော်လင့်ထားတုန်းပဲ။ ဒါပေမယ့် ပျက်ကျတဲ့နေရာက သိပ်စိတ်ပူစရာကောင်းတယ်” လို့ အမည်မဖော်လိုတဲ့ အရာရှိတစ်ဦးကပြောပါတယ်။

ဆိုးရွာတဲ့ရာသီဥတုကြောင့် ကယ်ဆယ်ရေးလုပ်ရတာ ရှုပ်ထွေးမှုဖြစ်စေတယ်လို့ နိုင်ငံပိုင် အိုင်အာရ်အင်န်အေ သတင်းအေဂျင်စီ ကပြောပါတယ်။

Source NDTV

၁၉ မေ ၂၀၂၄

အာကာသယာဉ် ရှန်ကျိုး-၁၈ နှင့် ဧပြီ ၂၆ ရက်ကလိုက်ပါသွားတဲ့ ဇီဘရားငါးကလေး (၄)ကောင်ဟာ တရုတ်အာကာသစခန်းတွင် ရက်ပေါင်း ၂၀ နေထိုင်ပြီးနောက် အခြေအနေကောင်းမွန်နေတယ်လို့ သုတေသနပညာရှင်တွေကပြောကြပါတယ်။

Source CCTV+

၁၉ မေ ၂၀၂၄

CNN ရုပ်သံဌာနရဲ့  နာမည်ကြီး နိုင်ငံရေးသုံးသပ်သူနှင့် ဝါရင့် နိုင်ငံရေးအကြံပေးဖြစ်တဲ့ အဲလစ်စတီဝပ်ဟာ မေလ ၁၈ ရက် စနေ   နေ့က ကွယ်လွန်သွားပါတယ်။ ကွယ်လွန်ချိန်မှာ သူမဟာ အသက် ၅၈နှစ်ရှိပြီဖြစ်ပါတယ်။ သူမရဲ့ အသက်မဲ့ခန္တာကိုယ်ကို ဗာဂျင်းနီးယားပြည်နယ်မြောက်ပိုင်း ဘဲလ်ဗျူးရပ်ကွက်မှာ အပြင်ဘက်တွင်တွေ့ရှိရတာပါ။

သေဆုံးရခြင်းနှင့်ပတ်သက်ပြီး အသတ်ခံရတဲ့လက္ခဏာမျိုး သံသယဖြစ်ဖွယ်မတွေ့ရဘူးလို့ ရဲက CNN ကိုအကြောင်းကြား ပါတယ်။ ရီပတ်ဗလီကင် မဲဆွယ်ပွဲများစွာအတွက်အလုပ်လုပ်ပေးခဲ့တဲ့ သူမဟာ ကျန်းမာရေးအခြေအနေတစ်ခုခုကြောင့် သေဆုံးခဲ့ရပုံရတယ်လို့ ရဲတွေကယုံကြည်ထားကြပါတယ်။

CNN ကမ္ဘာလုံးဆိုင်ရာရဲ့ ဥက္ကဋ္ဌနှင့် စီအီးအို မတ်ခ်သော်မဆင်က အဆိုပါဝမ်းနည်းစရာသတင်းစကားကို ဝန်ထမ်းများထံသို့ အီးမေးလ်နှင့်အကြောင်းကြားခဲ့ပြီး မစ္စ စတီးဝပ်ကို “ အလွန်ခင်မင်ရတဲ့သူငယ်ချင်းတစ်ဦး” လို့သုံးနှုံးထားပါတယ်။

“ အဲလစ်ဟာ အလွန်ခင်မင်ရတဲ့ သူငယ်ချင်းတစ်ဦးဖြစ်ပြီး CNN မှာ ကျွန်တော်တို့အားလုံးရဲ့လုပ်ဖော်ကိုင်ဖက်ဖြစ်ပါတယ်။ CNN ရဲ့သတင်းထုတ်လွှင့်မှုတွေမှာ သူမဟာ တုနှိုင်းမရတဲ့ အမ်မီဆုရသတင်းစာဆရာမတစ်ဦးဖြစ်ပြီး ဝါရင့်နိုင်ငံရေးသမား   တစ်ဦးလည်းဖြစ်ပါတယ်။ ကျွန်တော်တို့ဟာ ဒီလို ထူးခြားလှတဲ့ ဆုံးရှုံးမှုခံစာနေရတဲ့အလျောက် ကျွန်တော်တို့နှလုံးသားတွေ လည်းကြေကွဲမဆုံးဖြစ်ရပါတယ်” လို့ စီအီးအို မတ်ခ်သော်မဆင်က ရေးသားပါတယ်။

သူမ ဘယ်လိုနာမကျန်းဖြစ်သွားရသလဲဆိုတာတေ့မသိကြရသေးပါဘူး။ အင်စတာဂရမ်မှာ သူမနောက်ဆုံးတင်ထားတဲ့ပို့စ်အရ သူမဟာ မသေဆုံးခင်တစ်ရက်အထိ ဘလစ်ဇာပွဲကို တက်ရောက်ခဲ့တာတွေ့ရပါတယ်။

သူမဟာအတ္တလန်တာမှာ ၁၉၆၆ခုနှစ်မှာမွေးဖွားခဲ့ပါတယ်။ သူမဟာ ဒေသတွင်းသတင်းထောက်ကလေးတစ်ဦးအဖြစ်နှင့် အလုပ်စဝင်ခဲ့ပါတယ်။ ၂၀၁၆ ရွေးကောက်ပွဲမတိုင်ခင်မှာ သူမဟာ CNN ကို နိုင်ငံရေးသုံးသပ်သူတစ်ဦးအဖြစ် အလုပ်ဝင်ရောက်ခဲ့ပါတယ်။ သူမဟာမကြာသေးခင်သောကြာနေ့ကပဲ CNN ရဲ့ “The Situation Room with Wolf Blitzer." ပါဝင်ခဲ့ပါသေးတယ်။

Source: NDTV