Published_ 22 May 2024

မြန်မာနိုင်ငံဘောလုံးအဖွဲ့ချုပ် (MFF)နှင့်ဂျပန် ဘောလုံးအဖွဲ့ချုပ် (JFA)တို့ ပူးပေါင်းဆောင်ရွက်သွားရန် နှစ်ဖက်နားလည်မှုစာချွန်လွှာ (MOU) လက်မှတ်ရေးထိုးခဲ့ကြောင်း သိရသည်။

လူငယ်ဘောလုံး ဖွံ့ဖြိုးရေးလုပ်ငန်းများ၊ အကယ်ဒမီကျောင်းများဖွံ့ဖြိုးရေးနှင့် လူငယ်အသင်းပြိုင်ပွဲများ ယှဉ်ပြိုင်ကစားရေးအတွက်  နားလည်မှုစာချွန်လွှာ (MOU) လက်မှတ်ရေးထိုးခဲ့ ခြင်းဖြစ်သည်ဟုဆိုသည်။

MOU ကာလ (၃)နှစ် ကနဦး ထားရှိရန် သဘောတူခဲ့ကြပြီး MOU အရဆောင်ရွက်မည့် အခန်းကဏ္ဌများ 
အနေဖြင့်
  1.   Technical Development နည်းပညာဖွံ့ဖြိုးရေး
  2.   Referee Development ဒိုင်လူကြီးဖွံ့ဖြိုးရေး
  3.   Women's Football အမျိုးသမီးကစားသမား
  4.   Youth Developmentလူငယ်ကစားသမား ဖွံ့ဖြိုးရေးများပါဝင်သည်ဟုဆိုသည်။

ဧရာဝတီဖောင်ဒေးရှင်း၏ ပံ့ပိုးမှုဖြင့် မြန်မာ လူငယ် ယူ၁၂ အသင်းအား ဘာစီလိုနာ၊ ဂျူဗီတပ်စ်၊ ဂျပန်၊ J League လူငယ်ကလပ်များ ပါဝင်ယှဉ်ပြိုင်မည့် ယူ၁၂  နိုင်ငံတကာ ဖိတ်ခေါ် လူငယ်ပြိုင်ပွဲသို့ စေလွှတ် ယှဉ်ပြိုင်မည်ဖြစ်သည်ဟုဆိုသည်။

မေလ(၂၂)ရက်က JFA ရုံးချုပ်တွင် ပြုလုပ်ခဲ့သည့် MOU ရေးထိုးခြင်း အခမ်းအနားသို့ အာရှဘောလုံးအဖွဲ့ချုပ် AFC Senior Vice President ဦးဇော်ဇော် (ဥက္ကဌ၊ MFF) နှင့် ဂျပန် ဘောလုံးအဖွဲ့ချုပ် JFA ဥက္ကဌ Tsuneyasu Miyamoto တို့တက်ရောက် လက်မှတ် ရေးထိုးခဲ့ကြကြောင်းသိရသည်။
Yangon_Times/tthl
#Local_News
#Published_ 22 May 2024
#Yangon_Times #YMG_News #Yangon_Media_Group

Published 22 May 2024

အမေရိကန်အစိုးရက ကွန်ဂရက်လွှတ်တော်နဲ့ ပူးပေါင်းကာ နိုင်ငံတကာ ရာဇဝတ်မှုတရားရုံး(ICC)မှ အရာရှိများကို ဒဏ်ခတ်ပိတ်ဆို့မှုများ ချမှတ်ရန် လုပ်ဆောင်ဖို့ ဆန္ဒရှိနေကြောင်း အမေရိကန် နိုင်ငံခြားရေးဝန်ကြီး အန်တိုနီဘလင်ကန်က အင်္ဂါနေ့မှာ ပြောကြားလိုက်ပါတယ်။

အကြောင်းအရင်းကတော့ ဂါဇာစစ်ပွဲကြောင့် အစ္စရေးလ်ခေါင်းဆောင်များကို ဖမ်းဝရမ်းထုတ်ရန် ICC အစိုးရရှေ့နေမှ လျှောက်ထားလိုက်တဲ့ ဆုံးဖြတ်ချက်ကြောင့် ဖြစ်ပါတယ်။

ICC ရှေ့နေကာရင်ခန်းက ကြေညာလိုက်တဲ့အပေါ် တုန့်ပြန်တဲ့အနေဖြင့် ICC အပေါ် အမေရိကန်မှ ဒဏ်ခတ်ပိတ်ဆို့မှုများ ပြန်လည်ချမှတ်လိုကြောင်း ရီပတ်ဘလစ်ကန် အထက်လွှတ်တော်အမတ် လင်ဆေးဂရေဟမ်က ဘလင်ကန်ကို ပြောကြားလိုက်ပါတယ်။

စကားတွေနဲ့သာ မဟုတ်ဘဲ လက်တွေ့လုပ်ဆောင်လိုကြောင်း၊ အစ္စရေးလ်အပေါ် ဆက်ဆံပုံအတွက်သာမက အနာဂတ်မှာ တိုင်းပြည်အကျိုးစီးပွားကိုပါ ကာကွယ်ဖို့အတွက် ICC ကို ဒဏ်ခတ်ပိတ်ဆို့ဖို့ လွှတ်တော်နှစ်ရပ်ရဲ့ ကြိုးပမ်းမှုကို ထောက်ခံမည်လားလို့ ဂရေဟမ်က မေးမြန်းခဲ့ရာ ဘလင်ကန်က အတူတကွ လုပ်ဆောင်ရန်ကြိုဆိုကြောင်း ဖြေကြားခဲ့ပါတယ်။

ICC ရှေ့နေကာရင်ခန်းက စစ်ပွဲရာဇဝတ်မှုများနဲ့ လူသားများအပေါ် ပြစ်ဒဏ်ကျူးလွန်မှုများအတွက် အစ္စရေးလ်ဝန်ကြီးချုပ်၊ အစ္စရေးလ်ကာကွယ်ရေးဝန်ကြီး၊ ဟားမတ်စ်ခေါင်းဆောင် ၃ ဦးတို့ ရာဇဝတ်မှုတာဝန်ခံသင့်တယ်လို့ ယုံကြည်ကြောင်း ကြေညာခဲ့တာ ဖြစ်ပါတယ်။

သမ္မတဂျိုးဘိုင်ဒင်အပြင် သူ့ရဲ့နိုင်ငံရေးပြိုင်ဘက်များကပါ ကာရင်ခန်းရဲ့ ကြေညာချက်ကို အပြင်းအထန် ဝေဖန်လိုက်ပြီး တရားရုံးအနေဖြင့် ဂါဇာပဋိပက္ခအပေါ် တရားစီရင်ပိုင်ခွင့် မရှိဘူးလို့ ငြင်းဆိုလိုက်ကြပါတယ်။

အမေရိကန်ပြည်ထောင်စုက ICC အဖွဲ့ဝင်မဟုတ်ပေမယ့် ရုရှားသမ္မတပူတင်ကို ယူကရိန်းအရေးနဲ့ ပတ်သက်ပြီး ICC မှ ဖမ်းဝရမ်းထုတ်တဲ့ ဆုံးဖြတ်ချက်လိုမျိုးကိုတော့ ယခင်က ထောက်ခံခဲ့ဖူးပါတယ်။

ယခင်ကလည်း လွှတ်တော်မှ ရီပတ်ဘလစ်ကန်တွေက ICC ကို ဥပဒေရေးရာအတိုင်း ဒဏ်ခတ်ပိတ်ဆို့မှုများ ချမှတ်ရန် ခြိမ်းခြောက်ခဲ့ဖူးပြီး သမ္မတဘိုင်ဒင်နဲ့ အထက်လွှတ်တော် ဒီမိုကရက်များရဲ့ ထောက်ခံမှုမရရှိဘဲ ဥပဒေဖြစ်မလာနိုင်ပါဘူး။

အာဖဂန်နစ္စတန်မှာ စစ်ရာဇဝတ်မှုများ အမေရိကန်ကျူးလွန်ခဲ့တဲ့အပေါ် ၂၀၂၀ ခုနှစ်မှာ ICC မှ စုံစမ်းစစ်ဆေးရန် ခွင့်ပြုခဲ့ချိန်တုန်းက အမေရိကန်ရဲ့ အချုပ်အခြာအာဏာကို ထိပါးတယ်ဆိုပြီး သမ္မတဟောင်း ဒေါ်နယ်ထရမ့်လက်ထက်မှာ ICC ကို စွပ်စွဲခဲ့ကာ ICC ရှေ့နေဟောင်းအပါအဝင် တရားရုံးအဖွဲ့ဝင်များကို ပစ်မှတ်ထားပြီး ပိုင်ဆိုင်မှုများ သွားလာခွင့်များ ပိတ်ပင်ခဲ့ပါတယ်။

ဘိုင်ဒင်သမ္မတဖြစ်လာပြီး သိပ်မကြာခင် ၂၀၂၁ ဧပြီမှာ အဆိုပါပိတ်ဆို့မှုတွေကို ဖယ်ရှားခဲ့ပါတယ်။
Source: Reuters
#World_News
#Published_ 22 May 2024
#Yangon_Times #YMG_News #Yangon_Media_Group

၂၂ မေ ၂၀၂၄

မေ၂၁ ရက်က ပြင်းထန်သောလေပွေမိသဖြင့် ဘန်ကောက်သို့အရေးပေါ်ဆင်းသက်ခဲ့ရပြီး လူတစ်ဦး  သေဆုံးကာ ဒါဇင်များစွာ ဒဏ်ရာရရှိခဲ့ရသည့် စင်ကာပူလေကြောင်းလိုင်းဘိုအင်းလေယာဉ်မှ ခရီးသည် နှင့် လေယာဉ်အမှုထမ်း ၁၄၀ကျော် ဘန်ကောက်မှ စင်္ကာပူသို့ ကယ်ဆယ်ရေးအထူးလေယာဉ် ဖြင့် မေ၂၂ရက်မနက်စောစောတွင်ပြန်လည်ရောက်ရှိသွားပါတယ်။

သေဆုံးခဲ့ရသူမှာ အသက် ၇၃နှစ်အရွယ် ဗြိတိန်နိုင်ငံသားတစ်ဦးဖြစ်ပြီး နှလုံးဖောက်ကာသေဆုံးသွားရခြင်း ဖြစ်မည်လို့ ယူဆထားကြပါတယ်။ ဒဏ်ရာရရှိသူတွေကတော့ အနည်းဆုံးလူ၃၀ရှိတယ်လို့ ရိုက်တာက သတင်းရေးသားပါတယ်။

စင်္ကာပူလေကြောင်းလိုင်းပိုင် အဆိုပါဘိုအင်း777-300ER ခရီးသည်တင်လေယာဉ်ကြီးသည် လန်ဒန်မှ စင်္ကာပူသို့ခရီးစဉ်တွင် ၁၀နာရီခန့်အကြာ မြန်မာနိုင်ငံ မြစ်ဝကျွန်းပေါ် အပေါ်သို့ ဖြတ်ကျော်ပျံသန်းနေစဉ် ရုတ်တရက်ပြင်းထန်ဆိုးရွားလှတဲ့ လေပွေကြမ်း နှင့် တွေ့ခဲ့ရတာဖြစ်တယ်လို့လည်း စင်္ကာပူ   လေကြောင်း လိုင်းက သတင်းထုတ်ပြန်ပါတယ်။

အဲဒီနေရာတစ်ဝိုက်မှာ ထိုအချိန်က ပြင်းထန်တဲ့မိုးကြိုးမုန်တိုင်းတွေတိုက်နေတာတွေ့ရတယ်” လို့လည်း FlightRader24 ကပြောပါတယ်။

“ဘင်္ဂလားပင်လယ်အော်မှာ မိုးကြိုးမုန်တိုင်းကြီးတွေဆိုတာ ဖြစ်တောင့်ဖြစ်ခဲ့မျိုးမဟုတ်ဘူး။ အဲဒီနေရာမှာ အဲဒါတွေနှင့်ရင်ဆိုမိနိုင်တဲ့အခြေအနေ အမြဲလိုလိုရှိနေတယ်” လို့ စင်္ကာပူနှင့်အရှေ့တောင်အာရှကို လေယာဉ်မောင်းနှင်နေကျဖြစ်တဲ့ အမည်မဖော်လိုသူလေယာဉ်မှူးတစ်ဦးကပြောပါတယ်။

“လူတွေ မျက်နှာကြက်နှင့်ထိပြီး အောက်ကို ကိုးရိုးကားယားပြုတ်ကျကြတယ်။ ခေါင်းကွဲတဲ့သူနှင့် ထိခိုက်မူးမေ့တဲ့သူတွေနှင့်” လို့ စင်္ကာပူကိုပြန်ရောက်လာတဲ့ခရီးသည်တွေထဲက အသက်၂၈နှစ်အရွယ် ကျောင်းသားတစ်ဦးက ရိုက်တာသတင်းဌာနကိုအတွေ့အကြုံပြောပြပါတယ်။

ယခုဘန်ကောက်မှ ရောက်ရှိလာတဲ့သူတွေက ခရီးသည် ၁၃၁ဦးနှင့်လေယာဉ်အမှုထမ်း၁၂ ဦးတို့ဖြစ်ကြ ပါတယ်။ သူတို့ဟာ စင်္ကာပူလေဆိပ်ကိုမနက်၅နာရီမှာဆိုက်ရောက်လာကြတာပါ။  ထိခိုက်ဒဏ်ရာရ သူတွေနှင့် သူတို့မိသားစုတွေကတော့ ဘန်ကောက်မှာကျန်ရစ်ခဲ့ကြတာဖြစ်ပါတယ်။

Source Reuters

Published_ 22 May 2024

ကဆုန်လပြည့်၊ဗုဒ္ဓနေ့ မေလ(၂၂)ရက်တွင် ကျေးဇူးတော်ရှင် ချမ်း‌မြေ့ဆရာတော်ဘုရားကြီးသည် ချမ်းမြေ့ရိပ်သာကျောင်း(အောင်ပန်းမြို့)တွင် ကဆုန်လပြည့်၊ ဗုဒ္ဓနေ့အခမ်းအနား စည်ကားသိုက်မြိုက်စွာကျင်းပခဲ့ကြောင်းသိရသည်။

အခမ်းအနားတွင် သံဃာအပါး (၁၀၀) ဆွမ်းဆန် စိမ်းလောင်းလှူပွဲကျင်းပခဲ့ပြီး  ချမ်းမြေ့ရိပ်သာကျောင်း၀န်းအတွင်း၌  ကျင်းပပြုလုပ်ခဲ့သည်ဟုဆိုသည်။

"အောင်ပန်းမြို့ ချမ်းမြေ့ရိပ်သာကျောင်း ပြည်လုံးချမ်းမြေ့စေတီတော် ပထမအကြိမ် သံဃာအပါး(၁၀၀) ဆွမ်းဆန်လောင်းလှူပွဲကို မိုးထဲရေထဲမှာ အောင်မြင်စွာ ကျင်းပနိုင်ခဲ့ပါတယ်"ဟု ချမ်းမြေ့ရိပ်သာကျောင်းမှ သံဃာတော်တစ်ပါးက ‌မိန့်ကြား ဖော်ပြထားသည်။

ချမ်းမြေ့ရိပ်သာကျောင်း (အောင်ပန်းမြို့) တွင်ကျေးဇူးတော်ရှင် ချမ်း‌မြေ့ဆရာတော်ဘုရားကြီးသည်မေလ ၁၈ရက်မှ ၂၃ရက်အထိ သီတင်းသုံးနေထိုင်တော်မူမည်ဖြစ်၍ ကြွရောက်ကြည်ညိုဖူးမြော်နိုင်သည်ဟုဆိုသည်။

စင်္ကာပူနိုင်ငံရှိ ချမ်းမြေ့ရိပ်သာကျောင်းမှာလည်း ကဆုန်လပြည့် ဗုဒ္ဓနေ့ ဗုဒ္ဓပူဇနိယပွဲကျင်းပပြီး   အနေကဇာတင်မင်္ဂလာ၊အာမိသပူဇာ၊ဓမ္မပူဇာတွေနှင့်အတူ အန္တရာယ်ကင်း ပရိတ်တရားတော်များလည်းရွတ်ဖတ်ပူဇော်ခဲ့ကြောင်း သိရသည်။
Yangon_Times/tthl
#Local_News
#Published_ 22 May 2024
#Yangon_Times #YMG_News #Yangon_Media_Group

၂၂ မေ ၂၀၂၄
နိုင်ငံရဲ့အချုပ်အခြာအာဏာကို ကာကွယ်နိုင်ဖို့ ရေပြင်နှင့်ဝေဟင်ပိုင်နက်တွေကို ပိုင်နိုင်စွာစိုးမိုးထားဖို့ လိုအပ်တယ်လို့ နစက ဥက္ကဋ္ဌ ဗိုလ်ချုပ်မှူးကြီးမင်းအောင်လှိုင်က ပြောကြားပါတယ်။
မေလ ၂၁ ရက်က နေပြည်တော်ရှိ ဇေယျာသီရိဗိမာန်၌ ကျင်းပပြုလုပ်တဲ့ အခြေခံနှင့်တန်းမြင့် ရေကြောင်းလူငယ် သင်တန်း အမှတ်စဉ် (၁/၂၀၂၄) နှင့် အခြေခံနှင့်တန်းမြင့် လေကြောင်းလူငယ်သင်တန်း အမှတ်စဉ် (၁/၂၀၂၄) မှ သင်တန်းသား၊ သင်တန်း သူများနှင့် အုပ်ချုပ်သူနည်းပြများအား တွေ့ဆုံအမှာစကား ပြောကြားရာမှာ ဗိုလ်ချုပ်မှူးကြီးက ယင်းကဲ့သို့ ထည့်သွင်းပြောဆို သွားတာဖြစ်တယ်လို့ နစကရဲ့သတင်းထုတ်ပြန်ချက်အရသိရပါတယ်။
မြန်မာနိုင်ငံသည် မိုင်ပေါင်း ၁၂၀၀ ကျော်ရှည်လျားသည့် ပင်လယ်ပြင်ကမ်းရိုးတန်းကို ပိုင်ဆိုင်ထားသကဲ့သို ပထဝီအနေအထား အရလည်း အချက်အချာကျသည့်နေရာတွင် တည်ရှိနေခြင်းကြောင့် မိမိတို၏ရေပြင်၊ ဝေဟင်ပိုင်နက်များကို ပိုင်နိုင်စွာစိုးမိုး ထားနိုင်ရန်လိုအပ်တာဖြစ်တယ်လို့ ဗိုလ်ချုပ်မှူးကြီးကပြောဆိုခဲ့ခြင်းဖြစ်ပါတယ်။
နစကအနေဖြင့် ထူးချွန်ထက်မြက်သည့် ကျောင်းသား၊ ကျောင်းသူများကိုလည်း အနာဂတ်နိုင်ငံတော်အရေး မျှော်မှန်းပြီး ပြည်ပ နိုင်ငံများမှာ ပညာတော်သင်များအဖြစ် စေလွှတ်လျက်ရှိတယ်လို့လည်း နစက ဥက္ကဋ္ဌက လူငယ်တွေကို ပြောကြားပါတယ်။
အဲဒီနောက် ရေကြောင်းလူငယ်သင်တန်းမှ မနန်းစုစန္ဒီအောင်နှင့် လေကြောင်း လူငယ်သင်တန်းမှ မသဉ္ဇာနိုင်တိုက သင်တန်း အတွေ့အကြုံတွေကို ရှင်းလင်းတင်ပြခဲ့ကြတယ်လို့ သတင်းထုတ်ပြန်ချက်မှာဖော်ပြထားပါတယ်။
@ymg/knl

#World_Science
Published 22 May 2024

▪️ သိပ္ပံပညာရှင်တွေက အလွန်ကွာဝေးတဲ့ နေစကြဝဠာစနစ်ပေါင်း ၅ သန်းကို လေ့လာရာမှာ ကြယ်ပေါင်း ၆၀ နီးပါးခန့်ကို ဧရာမဂြိုဟ်ကမ္ဘာစွမ်းအားပြုအပင်များက ဝန်းရံထားတယ်လို့ တွေ့ရှိလာကြပါတယ်။

▪️ ကြယ်တွေဟာ နေရဲ့အရွယ်အစား ၆၀ ရာခိုင်နှုန်းကနေ ၈ ရာခိုင်နှုန်းလောက်အထိ ရှိကြပြီး အနီအောက်ရောင်ခြည် အပူလှိုင်းများ ထုတ်လွှတ်တယ်လို့ နက္ခတ္တပညာရှင်များ ဆိုပါတယ်။

▪️ ဒီတွေ့ရှိမှုကြောင့် နဂါးငွေ့တန်းကြယ်စင်စုကြီးမှာ ဂြိုဟ်သားတို့ရဲ့ စွမ်းအားထုတ်လုပ်ခြင်း နည်းပညာရှိမယ်လို့ ကာလရှည်ကြာ ယူဆထားတာကို ထောက်ခံသဖွယ်ရှိနေပါတယ်။

▪️ နည်းပညာအဆင့်အတန်း အလွန်မြင့်မားတဲ့ သက်ရှိတွေကသာ ဆောက်လုပ်ထားတဲ့ ဧရာမအရာကြီးတွေ တည်ရှိခြင်းနဲ့ ကြယ်တွေကနေ စွမ်းအင်စုပ်ယူရန် ပုံဖော်ထားခြင်းကို ဒစ်ဆွန်နက္ခတ်တာရာများလို့ ခေါ်ပါတယ်။

▪️ ဂြိုဟ်သားများ စွမ်းအားထုတ်လုပ်ခြင်း လက္ခဏာများကို ရှာဖွေဖို့နည်းလမ်း သုတေသီများ တွေ့ရှိခဲ့ပါတယ်။

▪️ WISE အာကာသ တယ်လီစကုပ်၊ ဥရောပအာကာသ အေဂျင်စီ ဂိုင်ယာဂြိုဟ်တု၊ MASS2 တယ်လီစကုပ် စစ်တမ်းများမှ ရရှိတဲ့ အချက်အလက်များကို ပေါင်းစည်းလိုက်ကြပါတယ်။

▪️ အနီအောက်ရောင်ခြည် လက္ခဏာတွေ တွေ့ရှိရပေမယ့် စိတ်ဝင်စားစရာ အကောင်းဆုံးဖြေရှင်းချက်က ဒစ်ဆွန်ဂြိုဟ်တာရာသာ ဖြစ်တယ်လို့ အချို့သိပ္ပံပညာရှင်များ ယူဆကြပါတယ်။

▪️ ဂြိုဟ်ပေါင်း ၅ သန်းခန့်ကို လေ့လာပြီးနောက် ဒစ်ဆွန်စက်ဝန်းများ ဖြစ်နိုင်ခြေရှိတာကို ဖော်ထုတ်လိုက်ကြပါတယ်။

▪️ ဂြိုဟ်သားတွေရဲ့ ဧရာမအရာကြီးတွေက အနီအောက်ရောင်ခြည် အများအပြား ထုတ်လွှတ်နိုင်ခြေ ရှိတာကို လေ့လာတွေ့ရှိခဲ့ကြတယ်လို့ ဖော်ပြခဲ့ကြပါတယ်။

#Source: WION

#World_Health
Published 22 May 2024

▪️ ပိုးသတ်ဆေး ဆောင်ရွက်ချက်ကွန်ရက် (PAN)ရဲ့ သုံးသပ်ချက်များအရ လတ်ဆတ်တဲ့ အသီးအနှံများနဲ့ ဟင်းရွက်တွေမှာ ပိုးသတ်ဆေးများ တွေ့ရှိထားပြီး အဲဒီထဲမှာမှ တာရှည်ခံဓာတုဆေးများလည်း ပါဝင်နေပါတယ်။

▪️ ယခုနှစ်အတွင်း ပိုးသတ်ဆေးအများဆုံး ပါဝင်နေတဲ့ အသီးအနှံနဲ့ ဟင်းရွက် ၁၂ မျိုးထဲမှာ ပန်းသီး၊ တရုတ်ဆီးသီး၊ မက်မွန်သီး၊ စပျစ်သီး၊ စတော်ဘယ်ရီ၊ ချယ်ရီသီး၊ ဟင်းနုနွယ်၊ ပဲပင်ပေါက်၊ သခွားသီး၊ ခရမ်းချဉ်သီး၊ ဆလတ်ရွက်၊ ပဲတောင့်တို့ ဖြစ်နေပါတယ်။

▪️ ဒါပေမဲ့ နှစ်စဉ်စာရင်းကောက်ယူချက်များအရ အပြောင်းအလဲရှိနိုင်ပါတယ်။

▪️ နောက်ထပ်ပြဿနာတစ်ခုက ပိုးသတ်ဆေးရောစပ်တာတွေ ဖြစ်ပြီး ဓာတုပစ္စည်းများ အမျိုးမျိုးပါဝင်နေနိုင်ပြီး အန္တရာယ်လည်း ပိုများနိုင်ပါတယ်။

▪️ ခန္ဓာကိုယ်ထဲ ဓာတုပစ္စည်းတွေ ရောက်ရှိစေတာဟာ ဟင်းသီးဟင်းရွက်များသာမကဘဲ ကြက်ဥ၊ ငါး၊ ပင်လယ်စာ၊ အသားတို့ကလည်း အဓိကပါဝင်နေပါတယ်။

▪️ အော်ဂဲနစ်မြေအများစုက တာရှည်ခံဓာတုပစ္စည်းများ ပါဝင်နိုင်ပေမယ့် ပမာဏက အနည်းငယ်မျှသာ ဖြစ်ပါတယ်။ 

▪️ အသီးအနှံတွေရဲ့ အစေ့ထဲမှာပင် တာရှည်ခံဓာတုပစ္စည်းများ ပါဝင်နေတာကြောင့် အသီးအနှံတွေကို ရေဆေးလည်း သိပ်ပြီးမထူးခြားလှပါဘူး။

▪️ စားစရာတွေကို သိမ်းဆည်းပို့ဆောင်တာတွေကလည်း မှိုလိုမျိုးအရာတွေ ကူးစက်နိုင်တာကြောင့် ဖြစ်နိုင်ရင် ပြည်တွင်းဖြစ် စိုက်ပျိုးခြင်း၊ အိမ်အပြင်ဘက် စိုက်ပျိုးခြင်းတို့ ပြုလုပ်သင့်ပါတယ်။

▪️ ငါးကြီးတွေက ငါးသေးတွေကို စားတဲ့အခါ ဓာတုပစ္စည်းများ အကြွင်းအကျန်များကို ပိုမိုစုပြုံလာနိုင်တာကြောင့် အစာကွင်းဆက်ရဲ့ အောက်ဆုံးမှာရှိတဲ့ ငါးသေးလေးတွေကို ရွေးချယ်သင့်ပါတယ်။

▪️ အသင့်စားစားစရာတွေကို ထုပ်ပိုးတဲ့ စက္ကူတွေ၊ ပလတ်စတစ်အိတ်တွေမှာလည်း ဓာတုပစ္စည်းများ ပါဝင်နိုင်တာကြောင့် ထိုအစားအစာတွေကို ရှောင်ရှားသင့်ပါတယ်။

▪️ တာရှည်ခံဓာတုပစ္စည်းတွေမှာ လူလုပ်ဓာတုပစ္စည်းပေါင်း ၁ သောင်းကျော်ပါဝင်ပြီး ပိုးသတ်ဆေးများမှာလည်း ပါဝင်ကာ ပတ်ဝန်းကျင်က အရာတွေကို ကူးစက်လာကြပါတယ်။

▪️ ထိုဓာတုတွေဟာ လူသားတွေထံ အရေပြား၊ အသက်ရှူလမ်းကြောင်း၊ အစားအစာတွေကနေ တဆင့်ဝင်ရောက်တတ်ပါတယ်။

▪️ အမေရိကန်လူမျိုး ၉၅ ရာခိုင်နှုန်းလောက်ရဲ့ သွေးထဲမှာ ထိုဓာတုပစ္စည်း အစအနများ တွေ့ရှိထားပြီး ကိုယ်ခံအာကျဆင်းခြင်း၊ ဇီဝကမ္မရောဂါများ၊ ကင်ဆာ စတဲ့ကျန်းမာရေးပြဿနာများ ဖြစ်စေနိုင်ပါတယ်။

#Source: The Telegraph

တွေ့ရှိဖူးသမျှထဲတွင် အပြည့်စုံဆုံးသော ပုစဉ်းကျောက်ဖြစ်ရုပ်ကြွင်းအား တရုတ်မြောက်ပိုင်းမွန်ဂိုလီးယားတွင်တွေ့ရှိ

တရုတ်မြောက်ပိုင်း မွန်ဂိုလီးယား ကိုယ်ပိုင်အုပ်ချုပ်ခွင့်ရဒေသမှာ လွန်ခဲ့တဲ့ နှစ်ပေါင်း ၁၆၅ သန်းခန့်က ပုစဉ်းကျောက်ဖြစ်ရုပ်ကြွင်းကို သုတေသီများ တွေ့ရှိခဲ့ပြီး ဒါဟာတွေ့ဖူးသမျှထဲမှာ အပြည့်စုံဆုံးသော ကျောက်ဖြစ်ရုပ်ကြွင်း ဖြစ်ပါတယ်။
#World_Discovery
Published_ 21 May 2024
#ပုစဉ်းကျောက်ဖြစ်ရုပ်ကြွင်း #တရုတ်မြောက်ပိုင်းမွန်ဂိုလီးယား
#Yangon_Times #YMG_News #Yangon_Media_Group

#Daily_News
Published_ 21 May 2024

၁။ ပြောင်းဈေးတက်လာသော်လည်း တောင်သူလက်ထဲတွင် ရောင်းချရန် ပြောင်းမရှိသည့်အချိန်ဖြစ်နေ

၂။ မေရီချက်ပ်မင်းနားမ‌ကြား‌သော ကလေးငယ်များကျောင်းတွင်  KG မှ Grade7အထိ ကျောင်းအပ်လက်ခံပြီ

၃။ ၂၀၂၅ ဆီးဂိမ်းပြိုင်ပွဲ၌ ယှဉ်ပြိုင်ရန် ၈၅ ကီလိုမီတာ ခရီးရှည်မြင်းစီးအားကစား *လက်ရည်စစ်*ပြိုင်ပွဲ နေပြည်တော်၌ပြုလုပ်မည်

၄။ တွေ့ရှိဖူးသမျှထဲတွင် အပြည့်စုံဆုံးသောပုစဉ်းကျောက်ဖြစ်ရုပ်ကြွင်းအား တရုတ်မြောက်ပိုင်းမွန်ဂိုလီးယားတွင်တွေ့ရှိ ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Times #Daily_News #YMG_News #Yangon_Media_Group

၂၁ မေ ၂၀၂၄

လန်ဒန်မှပျံသန်းလာတဲ့ စင်ကာပူလေကြောင်းလိုင်းပိုင်ခရီးသည်တင်လေယာဉ်သည် အလွန် ပြင်းထန်တဲ့လေတွေကြောင့်  ယနေ့ မေလ ၂၁ရက် ညနေပိုင်းက ဘန်ကောက်ကိုအရေးပေါ်ဆင်းသက်စဉ် ခရီးသည်တစ်ဦး သေဆုံးပြီး ခရီးသည် အများအပြား ဒဏ်ရာရရှိသွားခဲ့ပါတယ်။

သေဆုံးမှုနှင့်ဒဏ်ရာရရှိမှုတွေ ဘယ်အချိန်မှာဖြစ်ခဲ့တာလဲဆိုတာတော့ မသိကြရသေးပါဘူး။

ထိခိုက်ဒဏ်ရာရရှိသူ ၃၀ရှိတယ်လို့ ထိုင်းမီဒီယာတွေကရေးသားကြပေမယ့် စင်ကာပူလေကြောင်းလိုင်းက ဘယ်နှဦးဒဏ်ရာရတယ်ဆိုတာ ထုတ်မပြောပါဘူး။

ဘန်ကောက်သုဝဏ္ဏဘူမိလေဆိပ်အရာရှိတစ်ဦးကလည်း သေဆုံးသူတစ်ဦးရှိတယ်လို့အတည်ပြုပေမယ့် ဘယ်နှဦးဒဏ်ရာရတယ်ဆိုတာကိုတော့ အတည်ပြုမပေးပါဘူး။

စင်ကာပူလေကြောင်းလိုင်း ဘိုအင်း 777-300ER လေယာဉ်ဟာ ခရီးသည် ၂၁၁ ဦး ၊လေယာဉ်အမှုထမ်း၁၈ဦးနှင့် အတူ လန်ဒန်မှပျံသန်းလာတာဖြစ်ပြီး စင်ကာပူသို့ ဦးတည်ပျံသန်းနေရင်း ဘန်ကောက်မှာ အရေးပေါ်ဆင်းသက်ခဲ့ရတာဖြစ်ပါတယ်။

“ ကျွန်ုပ်တို့ရဲ့ ဦးစားပေးက လေယာဉ်ပါ ခရီးသည်တွေနှင့်လေယာဉ်အမှုထမ်းတွေကို အတတ်နိုင်ဆုံး အကူအညီပေးဖို့ဖြစ်တယ်” လို့ စင်ကာပူလေကြောင်းက သတင်းထုတ်ပြန်ပါတယ်။

“လိုအပ်တဲ့ကျန်းမာရေးစောင့်ရှောက်မှုတွေပေးဖို့ ဘန်ကောက်အာဏာပိုင်တွေနှင့်အလုပ်လုပ်နေပါတယ်” လို့လည်း သတင်းထုတ်ပြန်ချက်မှာဖော်ပြထားပါတယ်။

စင်ကာပူလေကြောင်းလိုင်းရဲ့ နောက်ဆုံးမတော်တဆမှုဟာ ၂၀၀၀ပြည့်နှစ် အောက်တိုဘာလတုန်းက တိုင်ဝမ်ကနေ ပျံအတက်ပျက်ကျခဲ့ပြီးလူပေါင်း ၈၃ ဦးသေဆုံးခဲ့ရတာဖြစ်ပါတယ်။

Source Reuters

တရုတ်နိုင်ငံအတွင်းသို့ အလုပ်ရမည်ဆိုကာ သွားရောက်ရာမှ လူကုန်ကူးခံရသဖြင့် ဆက်သွယ်အကူညီတောင်းခံသူတွေထဲမှာ လူကုန်ကူးခံရသူကိုယ်တိုင် လူကုန်ကူးမှုတပ်စီးနှိမ်နင်းရေးရဲတပ်ဖွဲ့ထံကို ဆက်သွယ်အကူအညီတောင်းခံတာရှိသလို လူကုန်ကူးခံရတဲ့ သူရဲ့မိသားစုဝင်တွေကတစ်ဆင့် အကူအညီတောင်းခံတာတွေရှိတယ်လို့ လူကုန်ကူးမှုတားဆီးနိုင်ရေးရဲတပ်ဖွဲ့ဝင်ထံက သိရပါတယ်။
#Local_News
Published_ 21 May 2024
#YMG/LW #Yangon_Times
#ဆက်သွယ်အကူညီတောင်းခံသူ #လူကုန်ကူးမှုတားဆီးနိုင်ရေးရဲတပ်ဖွဲ့

မွန်ပြည်နယ်က ထွက်ရှိတဲ့ကြက်မောက်သီး‌ တွေဈေးကောင်းရနေတယ်လို့ ကြက်မောက်သီးစိုက်ပျိုးရောင်းချသူတွေဆီက သိရပါတယ်။
#Local_News
Published_ 21 May 2024
#ကြက်မောက်သီးဈေးကောင်းရ #မွန်ဒေသထွက်ကြက်မောက်သီး
#YMG/NN #Yangon_Times