ရန်ကုန်တိုင်း၊ ဧရာဝတီတိုင်း၊ ပဲခူးတိုင်း၊ တနင်္သာရီတိုင်း၊ ရခိုင်ပြည်နယ်၊ ကရင်ပြည်နယ်နဲ့ မွန်ပြည်နယ်တို့မှာ ‌မေလ(၂၄)/(၂၅)ရက်မှာ ဒေသအလိုက်နှင့် နေရာကွက်ပြီး  မိုးကြီးနိုင်တယ်။ လေပြင်းတိုက်နိုင်တယ်။
မေလ၂၄ ရက်နေ့မှာ မုန်တိုင်းငယ်အဖြစ်သို့ ရောက်ရှိနိုင်ပြီး မေလ ၂၅ ရက်မှာ မြန်မာနိုင်ငံ၊ ရခိုင်ကမ်းရိုးတန်းသို့ ဦးတည်ရွေ့လျားနိုင်တယ်။ (အိန္ဒိယရာသီဥတုတိုင်းတာ‌ရေးစက် Global Forecasting Model (GFS) Dataအရ) 
#Local_News
Published_ 23 May 2024
#ကရင်ပြည်နယ် #ဧရာဝတီတိုင်း
#tthl #Yangon_Times

မွန်ပြည်နယ်၊ ဘီးလင်းမြို့နဲ့ သထုံမြို့ကို ဆက်သွယ်ထားတဲ့ မစောတံတား ဖောက်ခွဲခံရပြီး လူ ‌ေ-သ
ဆုံးမှုရှိတာကြောင့် ဘီးလင်းတိုးဂိတ်ဟောင်းကနေစတင်ပြီး လမ်းပိတ်ထားတယ်လို့ ပရဟိတအသင်း‌တွေနဲ့ ဒေသခံတွေဆီက သိရပါတယ်။
#Local_News
Published_ 23 May 2024
#မစောတံတားကျိုး #ဘီးလင်း-ကျိုက္ကော်ကြားတောင်ကလေးရွာ
#NN #Yangon_Times

သင်္ကြန်မတိုင်ခင် ကာလတည်းက အရောင်းအဝယ်အေးနေတဲ့ ဆိတ်သားသတ် ဈေးကွက်မှာ ယခုလမှာတော့ ဝယ်လို အားရှိလာပြီး ဈေးကွက်ပြန်ကောင်းလာတယ်လို့ ဆိတ်မွေးမြူရေးလုပ်သူတွေထံက သိရပါတယ်။
#Local_News
Published_ 23 May 2024
#ဆိတ်သားသတ်ဈေးကွက် #အရောင်းအဝယ်အေး
#YMG/LW #Yangon_Times

ဂီတအကယ်ဒမီ‌ရွှေစင်ဆုကို ၂၀၂၂၊ ၂၀၂၃ ခုနှစ်အတွင်း ထွက်ရှိထုတ်လုပ်ထားတဲ့ မြန်မာအသံ၊ ခေတ်ပေါ်၊ စတူဒီယို၊Pop /Rock /Hip Hop စတဲ့ဂီတတွေ၊ တေးဂီတတီးခတ်၊ ဖန်တီးသူတွေ၊ တေးဂီတထုတ်လုပ်သူတွေကို ဂီတအကယ်ဒမီထူးချွန်ဆုတွေပေးအပ်သွားမှာဖြစ်ပြီး People Choice လူအများနှစ်သက်တဲ့ ဂီတဆုကိုလည်း ပေးဖို့ရှိတယ်။
(မြန်မာနိုင်ငံဂီတအစည်းအရုံးဥက္ကဌ ဦးလွင်မြင့်)
#Local_News
Published_ 23 May 2024
#ဂီတအကယ်ဒမီ‌ရွှေစင်ဆု #ရွှေသားရွှေစင်ရုပ်တုချီးမြှင့်
#tthl #Yangon_Times

#Local_News
Published 23 May 2024

▪️ ၁၆ ကြိမ်မြောက် ကိုရီးယားဘာသာ အရည်ချင်းစစ်စာမေးပွဲ ကုန်ထုတ်လုပ်ငန်း ပထမအသုတ်အတွက် ဖြေဆိုမည့်နေ့ရက်နှင့်အချိန်ဇယားများ အစိုးရပြည်ပအလုပ်အကိုင်အေဂျင်စီ(POEA-EPS) မှ မေလ ၂၃ရက်တွင်၏ ကြေညာလိုက်သည်။

▪️EPS-TOPIK စာမေးပွဲ ကုန်ထုတ်လုပ်ငန်းအား ပထမအသုတ်အဖြစ် ဖြေဆိုခွင့်အမှတ်စဉ် ၅၁၀၀၀၀၀၁ မှ ၅၁၀၄၁၆၀၀ အထိ ဖြေဆိုရမည်ဖြစ်ကြောင်း သိရသည်။

▪️ အဆိုပါစာမေးပွဲကို ဇွန် ၃ ရက်မှ စက်တင်ဘာ ၁၀ ရက်အထိ စာမေးပွဲကျင်းပမည်ဖြစ်ကြောင်း၊ ဒုတိယအသုတ်ဖြေဆိုမည့်သူများအတွက် အချိန်ဇယားကို HRD-Korea မှ ပေးပို့လာပါက ဆက်လက်ကြေညာမည်ဖြစ်ကြောင်း သိရသည်။

▪️ စာမေးပွဲဖြေဆိုမည့်သူများသည် မိမိဖြေဆိုရမည့် ဖြေဆိုခွင့်အမှတ်စဉ် နေ့ရက်၊ အခန်းနှင့် အချိန်တို့ကို သေချာစွာမှတ်သားထားရန်၊ ဖြေဆိုရမည့်အချိန်ထက် ၁ နာရီစော၍ စာမေးပွဲခန်းမသို့ လာရောက်ရန်၊ ဖြေဆိုရမည့်နေရာသည် ပင်လုံခန်းမ၊ ၄၃ ရပ်ကွက်၊ ဒဂုံမြို့သစ်မြောက်ပိုင်းမြို့နယ်ဖြစ်ပြီး Passport စာအုပ်မူရင်း၊ နိုင်ငံသားစိစစ်ရေးကတ်ပြား၊ ဖြေဆိုခွင့်အမှတ်စဉ်ပါစာရွက် ယူဆောင်လာရန်၊ EPS-TOPIK နှင့် Color Blind စစ်ဆေးပြီး အောင်မြင်သူများအား ပထမအဆင့် အောင်စာရင်းထုတ်ပြန်ပေးမည်ဖြစ်ကြောင်း၊ ပထမအဆင့် အောင်မြင်သူများသည် Skills Test ဖြေဆို၍ အပြီးသတ်အောင်စာရင်းတွင် ပါရှိမှသာ ကျန်းမာရေးစစ်ဆေးမှုခံယူ၍ အလုပ်လျှောက်လွှာ တင်သွင်းခွင့်ရရှိမည်ဖြစ်ကြောင်း၊ လူစားထိုးဝင်ရောက်ဖြေဆိုခွင့်မပြုကြောင်း၊ စာမေးပွဲဖြေဆိုချိန်တွင် မမှန်ကန်သည့် နည်းလမ်းဖြင့် ပြုလုပ်နိုင်သည့် လက်ကိုင်ဖုန်းအပါအဝင် အီလတ်ထရောနစ်ပစ္စည်း၊ စက်ပစ္စည်းများအား ယူဆောင်ခွင့်မပြုကြောင်း၊ စည်းကမ်းလိုက်နာရန် ပျက်ကွက်ပါက အဖြေလွှာအား ပယ်ဖျက်ခြင်းခံရခြင်းနှင့် လေးနှစ်ကြာ ပိတ်ပင်ခြင်းခံရမည်ဖြစ်ပြီး တည်ဆဲဥပဒေများအရလည်း အရေးယူခံရနိုင်ကြောင်း၊ စာမေးပွဲဖြေဆိုမည့်သူများ ရှပ်အကျီနှင့်ပုဆိုးဝတ်ဆင်လာရန်နှင့် အရက်သေစာ သောက်စားထားပါက စာမေးပွဲခန်းသို့ ဝင်ခွင့်ပြုမည်မဟုတ်ကြောင်း အစိုးရပြည်ပအလုပ်အကိုင်အေဂျင်စီ(POEA-EPS)က ကြေညာထားသည်။

#YMG/LW #Yangon_Times

#Local_News
Published_ 23 May 2024

▪️ ပြီးခဲ့သည့်အပတ်များက ကိုဗစ်ပိုးတွေ့သူ(၁၀၀) အောက်ရှိခဲ့ရာမှ မေလ(၁၂)ရက်မှမေလ(၁၉)ရက် အ‌တွင်းတွင် ကို‌ဗစ်ပိုးတွေ့သူ(၁၁၀)ဦးအထိရှိလာ ကြောင်းကျန်းမာရေးဝန်ကြီးဌာနမှ သိရသည်။

▪️ ကိုဗစ်ပိုးတွေ့ရှိမှုတွင် ရန်ကုန်တိုင်းဒေသကြီးက အများဆုံးဖြစ်ပြီး ကို‌ဗစ်ပိုးတွေ့သူ(၁၁၀)အနက် (၈၃)ဦးမှာ ရန်ကုန်တိုင်းတွင်း ‌နေထိုင်သူများဖြစ်သည် ဟုဆိုသည်။

▪️ မြို့နယ်အလိုက် ကို‌ဗစ်ပိုးတွေ့ရှိမှုအများဆုံး မြို့နယ်သည် မင်္ဂလာဒုံမြို့နယ်ဖြစ်ပြီး ကိုဗစ်ပိုး‌တွေ့သူ (၄၆)ဦးအထိရှိကာ  မကွေး၊ မင်းဘူးမြို့နယ်တွင် ၈ဦး၊ ရန်ကုန်တိုက်ကြီးမြို့နယ်တွင် (၆)ဦးတို့ တွေ့ရခြင်းဖြစ်သည်။

▪️ မကြာမီမိုးဦးရာသီရောက်တော့မည်ဖြစ်ပြီး တစ်ကျော့ပြန်ကို‌ဗစ်ရောဂါများမဖြစ်ပွားအောင် သတိပြုကာကွယ်ကြရန်လိုအပ်ကြောင်း ကျန်းမာရေးဝန်ကြီးဌာနမှ သိရသည်။

#tthl #Yangon_Times

#Local_News
Published 23 May 2024

▪️ ၂၀၂၄ခုနှစ် မိုးရာသီ စိုက်ပျိုးစရိတ်ချေးငွေကို မေလ ၂၀ရက်မှစတင် ချေးငွေထုတ်ပေးနေပြီဖြစ်သောကြောင့် ယခင်ကြွေးကျန်ကင်းရှင်းသည့် တောင်သူများ အနေဖြင့် သက်ဆိုင်ရာခရိုင် / မြို့နယ် ဘဏ်ခွဲများနှင့် အမြန်ဆုံးဆက်သွယ် နိုင်ပြီ ဖြစ်ကြောင်း မြန်မာ့လယ်ယာဖွံ့ဖြိုးရေးဘဏ်က မေလ၂၃ရက်တွင် အသိပေးကြေညာထားသည်။

▪️ မြန်မာ့လယ်ယာ ဖွံ့ဖြိုးရေးဘဏ် အနေဖြင့် စိုက်ပျိုးစရိတ်ချေးငွေများကို စိုက်ပျိုးရာသီအလိုက်ထုတ်ချေးပေးလျက်ရှိရာ တောင်သူကြီးများ အနေဖြင့် အချိန်စေ့ချေးငွေ ပြေကျေမှသာ(ယခင်ကြွေးကျန်ကင်းရှင်းမှသာ)ချေးငွေအသစ်ကို ထုတ်ချေးခွင့်ရရှိမှာဖြစ်ပြီး အခြားနှစ်တို၊ နှစ်လတ်ချေးငွေများကိုလည်း သတ်မှတ်စည်းကမ်းချက်နှင့်အညီ ထုတ်ချေးခွင့်ရရှိမည်ဖြစ်ကြောင်း သိရသည်။

▪️ ၂၀၂၄ခုနှစ် မိုးရာသီ စိုက်ပျိုးစရိတ်ချေးငွေကို ယခင်နှစ်များ အတိုင်းတစ်နှစ်လျှင် အတိုးနှုန်း ၅ရာခိုင်နှုန်းဖြင့် မေလ၂၀ရက်မှ စတင်၍ သက်ဆိုင်ရာခရိုင်နှင့်မြို့နယ်ဘဏ်ခွဲများကတစ်ဆင့် ထုတ်ချေးပေးနေကြောင်း သိရသည်။

▪️ထို့ကြောင့် ယခုနှစ် မိုးရာသီစိုက်ပျိုးစရိတ်ချေးငွေကို တောင်သူလယ်သမားဦးကြီးများ အချိန်မီရရှိစေရေးအတွက် မြန်မာ့လယ်ယာဖွံ့ဖြိုးရေးဘဏ် သက်ဆိုင်ရာခရိုင်မြို့နယ်ဘဏ်ခွဲများကို အမြန်ဆုံးဆက်သွယ်နိုင်ပြီ ဖြစ်ကြောင်း အသိပေးကြေညာထားသည်။

#YMG/LW #Yangon_Times

၂၃ မေ ၂၀၂၄

နီကိုလ်း ရှာနာဟန်သည် ၂၀၂၁ခုနှစ်က သီးသန့်ပါတီပွဲတစ်ခုတွင် အီလွန်မတ်စ်နှင့်အတူ ကက်တမင်း အတူတူ သုံးစွဲခဲ့ပြီး Tesla စီအီးအိုမတ်စ်တ်နှင့် လိင်ဆက်ဆံခဲ့တယ်လို့  ထိုစဉ်က သူမရဲ့ခင်ပွန်းဖြစ်သူ Google တည် ထောင်သူ ဆာဂေးဘရင်းကို သူမကိုယ်တိုင်ပြောခဲ့တယ်လို့ သတင်းအရင်းအမြစ်များစွာကို ကိုးကားပြီး နယူး ယောက်တိုင်းမ်သတင်းစာကြီးက ဖွင့်ချရေးသားလိုက်ပါတယ်။

မေ၂၂ရက် ဗုဒ္ဓဟူးနေ့ထုတ် နယူးယောက်တိုင်းမ်သတင်းစာကြီးမှာပါဝင်တဲ့ အဆိုပါဆောင်းပါးက ၂၀၂၄ သမ္မတ ရွေးကောက်ပွဲအတွက် ရောဘတ်အက်ဖ်ကနေဒီရဲ့ ဒုသမ္မတလောင်းအဖြစ်ဝင်ပြိုင်မယ့် ရှာနာဟန် အကြောင်းဖွင့်ချထားတာဖြစ်ပါတယ်။

အဆိုပါသတင်းစာကြီးရဲ့ဆောင်းပါးမှာ နီကိုးလ်ရှာနာဟန်နှင့် သူမနှင့် ၂၀၁၈မှာ လက်ထပ်ခဲ့  ပြီး ၂၀၂၃မေလ    မှာ ကွာရှင်းခဲ့တဲ့ ခင်ပွန်းဟောင်း ဘရင်တို့ရဲ့ ဆက်ဆံရေး အသေးစိတ်ကို ရေးသားထားပါတယ်။ အဲဒီဆောင်းပါးမှာ ရှာနာဟန်ရော မတ်စ်ကပါ နှစ်ဦးစလုံးငြင်းဆိုထားတဲ့ ၂၀၂၁ခုနှစ်မှာ သူမနှင့်မတ်စ်တို့ အချစ်ဇာတ်လမ်းခင်းခဲ့ကြတယ်လို့ အတိတ်မှာ စွပ်စွဲထားတာတွေပေါ် နောက်တစ်မျိုးပုံဖော်ထားတာတွေ ပါဝင်ပါတယ်။

ဘရင်နှင့်လက်ထပ်တားတဲ့ အချိန်တွေမှာ ရှာနာဟန်ဟာ ဆီလီကွန်တောင်ကြားက အထက်တန်းလွှာတွေနှင့် အတူပါတီပွဲတွေတက်ခဲ့ပြီး  ကက်တမင်းနှင့်ကိုကင်းတွေကို သုံးစွဲပြီး အပန်းဖြေခဲ့ကြတယ်လို့ သတင်းအရင်း အမြစ်(၈)ခုနှင့် စာရွက်စာတမ်းအထောက်အထားတွေကို ကိုးကားပြီး သတင်းစာကြီးက ရေးသားပါတယ်။

ကိုဗစ်-၁၉ကပ်ရောဂါနှင့် အော်တစ်ဇင်ဖြစ်နေတဲ့ သမီးကလေးကို ကုသပေးနေရတဲ့ စိတ်ဖိအားတွေကြောင့် ရှန်နာဟန်ဟာ အပြင်ကို စထွက်ပြီး ပွဲလမ်းတွေကိုလည်း ခင်ပွန်း ဘင်မပါဘဲ တစ်ယောက်တည်းစပြီး တက်ရောက်လာခဲ့တာဖြစ်ပါတယ်။

“ ၂၀၂၁ခုနှစ်စောစောပိုင်းမှာကျင်းပတဲ့ မီယာမီက ပါတီပွဲတစ်ပွဲမှာ ရှန်နာဟန်ဟာ မူးယစ်ဆေးတွေကြောင့် အမူးလွန်ပြီး နောက်ဆုံးမှာ အကြောဆေးတွေသွင်းပြီးကုသခဲ့ရတယ်လို့ သတင်းစာကရေးပါတယ်။

ရှာနာဟန်နှင့်မတ်စ်တို့ဟာ ၂၀၂၁ ခုနှစ်ဒီဇင်ဘာလမှာ မီယာမီက သီးသန့်ပါတီပွဲအတွင်း အချစ်ဇာတ်လမ်းစ ခဲ့ကြတယ်လို့ သတင်းအရင်းအမြစ်သုံးခုက နယူးယောက်တိုင်းမ်ကိုပြောပါတယ်။  သူတို့နှစ်ဦးစလုံးဟာ ကက်တမင်းအတူသုံးခဲ့ကြပြီး နာရီများစွာ လူမြင်ကွင်းထဲက နှစ်ယောက်စလုံးပျောက်သွားခဲ့ကြတယ်လို့ သတင်းစာကရေးပါတယ်။

၂၀၂၄မတ်လမှာ မတ်ခ်က သူဟာ တစ်ပတ်တစ်ကြိမ် ကက်တမင်းကို ဆရာဝန်ညွှန်ကြားချက်အရ ပမာဏအနည်းငယ် သုံးစွဲခဲ့တယ်လို့ ပြောခဲ့ပါတယ်။

သူမဟာ မတ်စ်နှင့် လိင်ဆက်ဆံခဲ့တယ်လို့ ရှန်နာဟန်က သူ့ခင်ပွန်း ဘရင်ကိုပြောခဲ့ပါတယ်လို့ လူ(၃)ဦးက သတင်းစာကိုပြောပါတယ်။သူမဟာ အဲဒီအသေးစိတ်ကို သူငယ်ချင်းတွေ၊ မိသားစုဝင်တွေနှင့် အကြံပေးတွေ ကိုလည်း ပြောခဲ့တယ်လို့ သတင်းစာက ရေးသားပါတယ်။  ဘရင်ဟာ နောက်တစ်လအကြာ ၂၀၂၂ ဇန်န  ဝါရီမှာ ရှာနာဟန်ကို ကွာရှင်းဖို့ လျှောက်ထားခဲ့ပါတယ်။ ပြန်လည်ပေါင်းစည်းလို့မရတဲ့ ကွာခြားချက်တွေ ကြောင့်လို့ဆိုပါတယ်။

ရှာနာဟန်၊မတ်နှင့် ဘရင်တို့ကို Business Insider မီဒီယာက မှတ်ချက်တောင်းခဲ့ပေမယ့် ချက်ခြင်း တုန့်ပြန်မှုမရခဲ့ပါဘူး။

ရှန်နာဟန်နှင့်မတ်ခ်တို့ရဲ့ စွပ်စွဲခံထားရတဲ့ အချစ်ဇာတ်လမ်းကြောင့် မတ်ခ်နှင့် ဘရင်တို့အကြားမှာ အကွဲအပြဲ ဖြစ်ခဲ့တရယ်လို့ ဝေါစထရိဂျာနယ်က ၂၀၂၂ ဇူလိုင်မှာ သတင်းရေးသားခဲ့ပါတယ်။ သူတို့နှစ်ဦးဟာ ယခင်က အလွန်နီးကပ်ချစ်ခင်ကြတဲ့ သူငယ်ချင်းတွေဖြစ်ခဲ့ကြပါတယ်။

ဝေါစထရိဂျာနယ်ရဲ့သတင်းကို မတ်ချ်က ငြင်းဆိုလိုက်ပြီး ဒီသတင်းဟာ ကလိမ်ကလည်သတင်းတစ်ခု ဖြစ်တယ်လို့ သူက သူ့မီဒီယာ “အိတ်စ်”မှာ ပို့တင်ရေးသားခဲ့ပါတယ်။ထိုစဉ်က မတ်ဟာ သားသမီး(၃)ဦး ထွန်းကားခဲ့တဲ့ ဇနီးသည် အဆိုတော် ဂရင်းမ်စ်နှင့် ဆက်ဆံရေးအဆုံးသတ်ထားတာဖြစ်ပါတယ်။

“ ဆာဂေးနှင့် ကျွန်တော်တို့ဟာ သူငယ်ချင်းတွေဖြစ်ပြီး မနေ့ညကတောင် ပါတီတစ်ခုမှာ အတူရှိခဲ့သေးတယ်။ နီကိုးလ်ကို ကျွန်တော် သုံးနှစ်အတွင်း နှစ်ကြိမ်သာ တွေ့ဖူးတယ်။နှစ်ကြိမ်စလုံးမှာလည်း အနားမှာ လူတွေ အများကြီးရှိနေကြတယ်။ ဘာအချစ်ဇာတ်လမ်းမှမရှိဘူး” လို့ မတ်စ်က ရေးသားခဲ့ပါတယ်။

မတ်ခ်က ဘရင်နှင့်သူတို့ရဲ့ပုံကို တင်ခဲ့ပါသေးတယ်။ အဲဒီပုံဟာ ပို့စ်မတင်ခင် ပြီးခဲ့တဲ့ရက်က ပါတီတစ်ခုမှာ ရိုက်ခဲ့တာလို့ မတ်စ်ကပြောပါတယ်။ ( သူ့ဓာတ်ပုံဆရာ ဝေါ်တာ အိုက်ဆက်ဆွန်က ဘရင်ဟာ ဆဲလ်ဖီဆွဲတာကို ရှောင်လွှဲဖို့ကြိုးစားခဲ့တယ်လို့ နောက်ပိုင်းမှာ ဖွင့်ချပါတယ်)

“ ကျွန်တော်တို့ဟာ ကျွန်တော်တို့ရဲ့သတင်းအရင်းအမြစ်တွေကိုယုံကြည်တယ်။ ကျွန်တော်တို့ သတင်းနှင့် အတူကျွန်တော်တို့ရပ်တည်ထားတယ်” လို့ အဲဒီအချိန်တုန်းက ဝေါစထရိဂျာနယ်က သတင်းထုတ်ပြန်ခဲ့ ပါတယ်။

ရှန်နာဟန်ကလည်း သူတို့နှစ်ယောက်ဇာတ်လမ်းရှုပ်ခဲ့တယ်ဆိုတာကို ငြင်းခဲ့ပါတယ်။ ထင်ရာမြင်ရာ ပြောနေ  တာတွေဟာ အဓိပ္ပါယ်မရှိဘူး လို့ သူမက‌ လူတွေကိုပြောခဲ့ပါတယ်။

နယူးယောက်တိုင်းမ်သတင်းစာက ယခုသတင်းဆောင်းပါးကိုရေးသားဖို့ သူမကိုမေးခွန်းတွေမေးတဲ့အခါ  “ နယူးယောက်တိုင်းမ်က ရှင့်ကိုဒီလိုသတင်းမျိုးရေးခိုင်းတာ အတော်အံ့အားသင့်စရာပဲ” လို့ အဲဒီ သတင်း     ထောက်ကို သူမက ပြန်တုန့်ပြန်ခဲ့ပါတယ်။

Source: Business Insider

#Local_News
Published 23 May 2024

▪️ ဆောက်လုပ်ရေးဝန်ကြီးဌာန မြို့ပြနှင့် အိမ်ရာဖွံ့ဖြိုးရေးဦးစီးဌာနမှ အကောင်အထည်ဖော် တည်ဆောက်နေသည့် ကျန်စစ်မင်းအိမ်ရာနှင့် ယုဇနအိမ်ရာ စီမံကိန်းများရှိ အဆောက်အအုံ (၂၆)လုံးအတွက် တင်ဒါခေါ်ယူနေကြောင်းဆောက်လုပ်ရေးဝန်ကြီးဌာနမှ သိရသည်။

▪️ ထိုသို့ခေါ်ယူရာတွင်  လှိုင်သာယာမြို့နယ် ကျန်စစ်မင်းအိမ်ရာစီမံကိန်း အပိုင်း (၁)၊ အပိုင်း(၂)၊ ဒဂုံမြို့သစ်(ဆိပ်ကမ်း)မြို့နယ်၊ ယုဇနအိမ်ရာစီမံကိန်းအပိုင်း (၃)တို့တွင် အိမ်ရာအဆောက်အအုံ (၂၆) လုံးလုပ်ငန်းတည်ဆောက်ခြင်းလုပ်ငန်းများအတွက် အိတ်ဖွင့်တင်ဒါများခေါ်ယူထားခြင်း ဖြစ်သည်။

▪️ အဆိုပါ အိမ်ရာစီမံကိန်းများအတွက်တင်ဒါလျှောက်လွှာပုံစံများကို မေလ၊ (၂၃)ရက်  မှ ဇွန်လ (၇)ရက်အထိ ဝယ်ယူနိုင်ပြီး ဇွန်လ (၁၀)ရက် ညနေ  (၃)နာရီတွင် တင်ဒါနောက်ဆုံးတင်သွင်းရမည်ဖြစ်ကြောင်း၊စိတ်ဝင်စားသည့် လုပ်ငန်းရှင်များအနေဖြင့် အိမ်ရာဖွံ့ဖြိုးရေးဌာနခွဲ မြို့ပြနှင့် အိမ်ရာဖွံ့ဖြိုးရေးဦးစီးဌာန ရုံးအမှတ် (၄၀) နေပြည်တော်တွင် ပုံစံများဝယ်ယူတင်သွင်းရမည်ဖြစ်ကြောင်း သိရသည်။

#YMG/NN #Yangon_Times

#Local_News
Published_ 23 May 2024

▪️ မြန်မာနိုင်ငံမှ အိမ်ရှင်နိုင်ငံအဖြစ်လက်ခံကျင်းပရန်ရှိသည့် Miss Grand International 2024 ပြိုင်ပွဲ မြန်မာနိုင်ငံတွင်မကျင်းပဖြစ်‌တော့ဟု  Miss Grand Internationalအဖွဲ့ကြီးက ယနေ့မေလ(၂၃)ရက်၌ တရားဝင်ကြေညာလိုက်ကြောင်းသိရသည်။

▪️ Miss Grand International အဖွဲ့ကြီးက မြန်မာနိုင်ငံတွင် Miss Grand International 2024 ကို ကျင်းပတော့မည် မဟုတ်ကြောင်း တရားဝင် ကြေငြာလို ကြောင်း၊ ယခုလာမည့်အောက်တိုဘာလတွင် အိမ်ရှင်နိုင်ငံအကြောင်း တရားဝင်သတင်းများကို စောင့်မျှော်ကြည့်ရှုရန် ထုတ်ပြန်ထားသည်။

▪️ မကျင်းပဖြစ်ရသည့် အဓိကအကြောင်းရင်းကိုတော့ ထုတ်ပြန်ချက်၌ ဖော်ပြထားခြင်းမရှိကြောင်း သိရသည်။

▪️ Grand Beauty Queen Pageမှာတော့ "Miss Grand International 2024 Myanmar နိုင်ငံမှာ အိမ်ရှင်အဖြစ် မပြုလုပ်တော့တဲ့အတွက် သဲသဲအတွက်ပိုပြီး တာဝန်ကြီးလာပါပြီ ဒီထက်မကလဲ ပိုပြီးကြိုးစားပြရတော့မယ် မြန်မာမှာမပြုလုပ်တော့တဲ့အတွက် သဲသဲအတွက်ကောင်းဒါတွေလဲရှိပါတယ် အကယ်၍ မြန်မာမှာ ပွဲလုပ်ပြီး Top 5 သို့မဟုတ် Winner ရခဲ့သည်ရှိသော် အိမ်ရှင်မို့လို့ အဲလို့အခွင့်အရေးရဒါလို့ ကဲ့ရက်တိုက်ခိုက်တဲ့သူတွေတော့ရှိနေလိပ်မယ်သဲသဲ အကောင်းအဆိုးတွေတော့ရှိပါတယ် ဘယ်နိူင်ငံမှာပဲ့ဖြစ်ဖြစ် မြန်မာကဘာဆိုဒါပြပြီး မမနီနီလိုမျိုး မလျှော့သောဇွဲနဲ့ အကောင်းဆုံးကြိုးစားပြီး Gold Crown ကြီးကိုယ် ယူလာပြလိုက်ပါ သဲသဲနောက်မှာ မြန်မာတစ်နိူင်ငံလုံးရှိနေပါတယ် We Love" ဟုဖော်ပြထားသည်။

▪️ အဆိုပါ Miss Grand International 2024 တွင် မြန်မာကိုယ်စားပြုအလှမယ်အဖြစ် သဲစုငြိမ်းက ပါဝင်ယှဉ်ပြိုင်ရန်ရှိပြီး ယခင်နှစ်က မြန်မာ အလှမယ် နီနီလင်းအိမ်မှ 1st Runner's upဆုရှင်အဖြစ် နိုင်ငံဂုဏ်ကိုဆောင်ခဲ့ကြောင်း သိရသည်။

#tthl #Yangon_Times

#Local_News
Published_ 23 May 2024

▪️ ယခုနှစ်တွင်  FIFA-MFF TDS Scouting Program  ဖြင့်နယ်ဒေသအသီးသီးမှ ဘောလုံးအကယ်ဒမီ ကျောင်းသို့တက်ရောက်ခွင့်‌သောလူငယ်ဘောလုံးသမား(၉၀)ဦးရှိကြောင်း မြန်မာနိုင်ငံဘောလုံးအဖွဲ့ချုပ်မှ သိရသည်။

▪️ လူငယ်ဘောလုံး ဖွံ့ဖြိုးရေး နည်းစနစ်ဒါရိုက်တာ ဂျပန်နည်းပြ မစ္စတာ မိတနှင့် ရွေးချယ်ရေး အဖွဲ့များသည် မြစ်ကြီးနား၊ တောင်ကြီး၊ မန္တလေး၊ ပဲခူး၊ ပုသိမ် နှင့် ရန်ကုန် မြို့များတွင် မေလ ၄ ရက်မှ စတင်ကာ FIFA-MFF TDS Scouting Program ပဏာမ အဆင့် ၊ အပြီးသတ်အဆင့်ရွေးချယ်ရေး အစီအစဉ်များအား စတင်ခဲ့ခြင်းဖြစ်သည်။

▪️ပဏာမ ရွေးချယ်ရေး အစီအစဉ်များအရ ရန်ကုန်-၄၃၂ဦး၊ မန္တလေး-၃၂၀ ဦး၊ တောင်ကြီး-၁၉၆ ဦး၊ မြစ်ကြီးနား-၁၅၀ ဦး၊  ပုသိမ်-၅၉ ဦး၊ ပဲခူး ၄၈ ဦး စုစုပေါင်း ၁၂၀၅ ဦးလာရောက်ရွေးချယ်မှုခံယူခဲ့ကြသည်။ 

▪️ အဆိုပါ လူငယ် ကစားသမားများအား  ပဏာမ အဆင့်၊ အပြီးသတ်အဆင့် ရွေးချယ်မှုများ ပြုလုပ်ခဲ့ကြပြီး‌ မန္တလေးဘောလုံးအကယ်ဒမီ ကျောင်းတွင် ၅၇ဦး ရန်ကုန် ဘောလုံးအကယ်ဒမီကျောင်းတွင် ၃၃ဦး စုစုပေါင်း(၉၀)ဦးတက်ရောက်ခွင့်ရခဲ့သည်ဟုဆိုသည်။

▪️ အောင်စာရင်းတွင် ပါရှိသော ကျောင်းသားများ အနေဖြင့် ၂၉ မေ ၂၀၂၄ ရက်နောက်ဆုံးထား၍ မိမိတက်ရောက်ရမည် အကယ်ဒမီများသို့ မူရင်းအထောက်အထား စာရွက်စာတမ်းများနှင့်တကွ လာရောက်သတင်းပို့ရမည် ဖြစ်ကြောင်း သိရသည်။

▪️ ဘောလုံးအကယ်ဒမီကျောင်းတက်ရောက်ခွင့် ရသူများသည် ဘောလုံးပညာရော အတန်းပညာပါ အခမဲ့သင်ကြားခွင့်ရရှိမည်ဖြစ်ကြောင်း သိရသည်။

#tthl #Yangon_Times

#World_News
Published 23 May 2024

▪️ ရီပတ်ဘလစ်ကန် သမ္မတရွေးကောက်ခံ ကိုယ်စားလှယ်ဟောင်း နစ်ကီဟာလေက နိုဝင်ဘာလ ရွေးကောက်ပွဲအတွက် ဒေါ်နယ်ထရမ့်ကို မဲပေးမှာဖြစ်တယ်လို့ ဗုဒ္ဓဟူးနေ့က ပြောကြားလိုက်ပါတယ်။

▪️ ဟာလေက စည်းရုံးရေးဆင်းကာလများအတွင်း သူ့ရဲ့ပြိုင်ဘက်ထရမ့်ကို ပြင်းပြင်းထန်ထန် ဝေဖန်ခဲ့ဖူးပါတယ်။

▪️ ဒေါ်နယ်ထရမ့်နဲ့ လက်ရှိသမ္မတ ဂျိုးဘိုင်ဒင်တို့ ထပ်မံယှဉ်ပြိုင်ရမယ့် နိုဝင်ဘာ ၅ ရက်နေ့ ရွေးကောက်ပွဲအတွက် ဘယ်သူက ဟာလေထောက်ခံသူတွေရဲ့ မဲတွေကို ရရှိသွားမလဲဆိုတာကို အများက စောင့်ကြည့်နေကြပါတယ်။ 

▪️ ဟာလေက မတ်လမှာ ရီပတ်ဘလစ်ကန် သမ္မတရွေးကောက်ခံ အမည်စာရင်းကနေ နုတ်ထွက်ခဲ့ပြီး စည်းရုံးရေးတွေ မလုပ်တော့ပေမယ့် မဲစာရင်းမှာ သူ့နာမည်ပါဝင်နေဆဲဖြစ်ကာ ပြည်နယ်အလိုက် အဓိကမဲယှဉ်ပြိုင်မှုတွေမှာ ၁၀ ရာခိုင်နှုန်းကျော် ပုံမှန်ရရှိထားပါတယ်။

▪️ ဟာလေကို မဲပေးသူတွေက အဓိကအားဖြင့် ရီပတ်ဘလစ်ကန်များနဲ့ ထရမ့်ကို မကျေနပ်သူတွေဖြစ်ပါတယ်။
ဒေါ်နယ်ထရမ့် သမ္မတဖြစ်စဉ်အခါက ဟာလေဟာ ကုလသမဂ္ဂဆိုင်ရာ အမေရိကန်သံအမတ်အဖြစ် ၂ နှစ် တာဝန်ထမ်းဆောင်ခဲ့ပါတယ်။

▪️ ထရမ့်က ပေါ်လစီမူဝါဒတွေနဲ့ ပတ်သက်ပြီး ပြီးပြည့်စုံသူမဟုတ်ပေမယ့် ဘိုင်ဒင်ကတော့  ကပ်ဘေးကျလောက်တဲ့အထိ ဆိုးရွားတာကြောင့် ထရမ့်ကိုပဲ မဲပေးမယ်လို့ ဟာလေက အမေးအဖြေကဏ္ဍမှာ ပြောကြားသွားပါတယ်။

▪️ ဟာလေဟာ ယှဉ်ပြိုင်မှုကနေ နုတ်ထွက်ပြီးကတည်းက ပထမဆုံးအကြိမ် အများရှေ့ထွက်လာတာ ဖြစ်ပါတယ်။ 
ထရမ့်ကို မဲပေးမှာဆိုပေမယ့် သူ့ကိုထောက်ခံအားပေးတဲ့ သဘောမဟုတ်ဘဲ သူမကို မဲပေးသူတွေအနေနဲ့ ထရမ့်ကို ပြောင်းလဲမဲပေးဖို့သာဖြစ်ပြီး သူမကိုသာ ဆက်လက်ထောက်ခံကြမှာဖြစ်ကြောင်း ဟာလေက ဆိုပါတယ်။

#Source: Reuters