#Local_News
Published 24 May 2024

▪️ ရန်ကုန်တိုင်းဒေသကြီး၊ မရမ်းကုန်းမြို့နယ်ရှိ ကမ္ဘာအေးစေတီလမ်းတွင် ယာဉ်နှစ်စီးတိုက်မိမှုဖြစ်ပွားခဲ့ကြောင်း မြန်မာ့ကြယ်ဖြူလူမှုကူညီကယ်ဆယ်ရေးအဖွဲ့ထံက သိရသည်။

▪️ မေလ ၂၃ရက်နေ့ ည ၁၁နာရီအချိန်ခန့်က မရမ်းကုန်းမြို့၊ ၈ရပ်ကွက်၊ ကမ္ဘာအေးစေတီလမ်းရှိ စာတိုက်ကားမှတ်တိုင်အနီးမှာ ယာဉ်တိုက်မှုဖြစ်ပွားခဲ့ခြင်းဖြစ်ကာ အမျိုးသား၂ဦး ထိခိုက်ဒဏ်ရာ ရရှိခဲ့ကြောင်း သိရသည်။

▪️ အဆိုပါဖြစ်စဉ်ကြောင့် ထိခိုက်ဒဏ်ရာရရှိသူ အမျိုးသား ၂ဦး ကို မြန်မာ့ကြယ်ဖြူ အရေးပေါ်လူနာတင်ယာဥ် ဖြင့် မြောက်ဥက္ကလာပဆေးရုံ အရေးပေါ်သို့ ကူညီပို့ဆောင်ပေးခဲ့ကြောင်း သိရသည်။

#YMG/LW #Yangon Times

#Local_News
Published 24 May 2024

▪️ တရုတ်ပြည်သူ့ သမ္မတနိုင်ငံ၊ ပေကျင်းမြို့တွင်ကျင်းပမည့် CAFE SHOW CHINA 2024 ပြပွဲတွင် မြန်မာ့ကော်ဖီပါဝင်ပြသရန်ဖိတ်ခေါ်ထားကြောင်းစီးပွားရေးနှင့်ကူးသန်းရောင်းဝယ်ရေးဝန်ကြီးဌာနမှ သိရသည်။

▪️ အဆိုပါ  CAFE SHOW CHINA 2024 ပြပွဲကို ပေကျင်းမြို့၌ ၂၀၂၄ ခုနှစ်၊ သြဂုတ်လ (၃၀) ရက်မှ စက်တင်ဘာလ (၁) ရက်အထိ  ကျင်းပသွားမည်ဖြစ်ပြီး မြန်မာနိုင်ငံမှ စိတ်ပါဝင်စားသည့် ကော်ဖီလုပ်ငန်းရှင်များ ပါဝင်ပြသနိုင်ရန်ဖိတ်ခေါ်ထားကြောင်း  သိရသည်။

▪️ ပြီးခဲ့သည့်  ၂၀၂၃ ခုနှစ်တွင် ကျင်းပပြုလုပ်ခဲ့သည့် CAFE SHOW တွင် သံရုံးများ၊ ကော်ဖီစိုက်ပျိုး ထုတ်လုပ်သူအသင်းအဖွဲ့များနှင့် ကော်ဖီလုပ်ငန်းရှင်များ ပါဝင်ပြသခဲ့ပြီးဖြစ်ကြောင်း၊ ယခုနှစ်ကျင်းပပြုလုပ်မည့်ပွဲ ကုန်စည်ပြပွဲတွင် ပါဝင်ပြသလိုသည့် မြန်မာနိုင်ငံကော်ဖီအသင်းအဖွဲ့များနှင့် လုပ်ငန်းရှင်များ၏ အမည်စာရင်းအား မြန်မာကုန်သွယ်မှုမြှင့်တင်ရေးအဖွဲ့၊ ကုန်သွယ်မှုဖွံ့ဖြိုးရေးဌာနခွဲ  သို့ ဇူလိုင်လ(၁)ရက် (တနင်္လာနေ့) နောက်ဆုံးထားပြီး ပေးပို့နိုင်ကြောင်း သိရသည်။

#YMG/NN #Yangon_Times

#World_News
Published 24 May 2024

▪️ အမေရိကန်မှာ ထိန်းချုပ်ခံထားရတဲ့ ရုရှားပိုင်ဆိုင်မှုများ သိမ်းဆည်းခံရတဲ့အတွက် ဆုံးရှုံးသွားတာတွေကို အလျော်အစားအဖြစ် အသုံးပြုနိုင်မယ့် အမေရိကန်ရဲ့ ပိုင်ဆိုင်မှုများကို ရုရှားက ထုတ်ဖော်သွားမယ်လို့ သမ္မတဗလာဒီမာပူတင် ကြာသပတေးနေ့က လက်မှတ်ရေးထိုးတဲ့ အမိန့်ဒီကရီမှာ ဖော်ပြထားပါတယ်။

▪️ ယူကရိန်းကို ရုရှားကျူးကျော်ပြီးကတည်းက ထိန်းချုပ်ခံထားရတဲ့ ဒေါ်လာ ၃၀၀ ဘီလီယံတန်ကြေးရှိ ရုရှားဘဏ္ဍာရေး ပိုင်ဆိုင်မှုများကို ဘယ်လိုမျိုး အကောင်းဆုံး အသုံးချနိုင်မလဲဆိုတာကို ဂျီ၇ ညှိနှိုင်းစေ့စပ်သူများက သီတင်းပတ်များကြာအောင် ဆွေးနွေးနေကြပါတယ်။

▪️ အနောက်တိုင်းမှ ခေါင်းဆောင်များက ရုရှားပိုင်ဆိုင်မှုများကို သိမ်းဆည်းလိုက်ပါက ရုရှားရဲ့ နိုင်ငံခြားရင်းနှီးမြှုပ်နှံမှုအား ကျဆင်းကာ လက်တုန့်ပြန်နိုင်စွမ်း လျော့ပါးသွားနိုင်ပါတယ်။

▪️ ဒါပေမဲ့ အဲဒီအစား ပုဂ္ဂလိက ရင်းနှီးမြှုပ်နှံသူတွေရဲ့ ငွေသားအခြေအနေ ပြီးမှာသာ ဖြစ်လာနိုင်တယ်လို့ တာဝန်ရှိသူများနဲ့ စီးပွားရေးပညာရှင်များက ဆိုပါတယ်။

▪️ ကြာသပတေးနေ့က ထုတ်ပြန်တဲ့ အမိန့်ဒီကရီအရ ရုရှားအစိုးရ ဒါမှမဟုတ် ဗဟိုဘဏ်အနေနဲ့ ယင်းတို့ရဲ့ ပိုင်ဆိုင်မှုတွေ မမျှမတ သိမ်းဆည်းခံရသလား၊ လျော်ကြေးရနိုင်သလား ဆိုတာကို ဆုံးဖြတ်ဖို့အတွက် ရုရှားတရားရုံးတစ်ခုကို မေးမြန်းနိုင်ပါတယ်။

▪️ ဒီနောက် ရုရှားမှာရှိတဲ့ အမေရိကန် ပိုင်ဆိုင်မှုပုံစံအဖြစ် လျော်ကြေးလွှဲပြောင်းရန် တရားရုံးက အမိန့်ချနိုင်ပါတယ်။
အမိန့်ဒီကရီစာရင်းထဲမှာ အမေရိကန်ပိုင်ဆိုင်မှုတွေထဲမှ  လုံခြုံရေးပိုင်းဆိုင်ရာများ၊ ရုရှားကုမ္ပဏီများရှိ အစုငွေများ၊ အိမ်ခြံမြေ၊ ရွှေ့ပြောင်းနိုင်တဲ့ ပိုင်ဆိုင်မှုများနဲ့ ပိုင်ဆိုင်ခွင့်များ ပါဝင်ပါတယ်။

▪️ အမေရိကန် ထိန်းချုပ်မှုလက်အောက်ရှိ ပုဂ္ဂိုလ်တွေ ပိုင်ဆိုင်ထားတဲ့ အရာတွေကိုလည်း ပစ်မှတ်ထားနိုင်တယ်လို့ ဖော်ပြထားပါတယ်။

▪️ နိုင်ငံခြားရင်းနှီးမြှုပ်နှံသူများရဲ့ ပိုင်ဆိုင်မှုများကို ရုရှားက သတ်မှတ်ထားတဲ့ ပုံစံ-စီ အထူးအကောင့်တွေထဲ ထည့်သွင်းထားကာ ထိုအကောင့်တွေထဲက ငွေတွေကို ရုရှားအာဏာပိုင်များရဲ့ ခွင့်ပြုချက်မရဘဲ ရုရှားအပြင်ဘက်သို့ မလွှဲပြောင်းနိုင်ပါဘူး။

▪️ အမေရိကန်ဘဏ်တွေမှာ ထိန်းသိမ်းထားတဲ့ ရုရှားပိုင်ဆိုင်မှုတွေကို တိုင်းပြည်ဘဏ္ဍာအဖြစ် သိမ်းယူကာ ယူကရိန်းသို့ လွှဲပြောင်းခွင့်ရှိတဲ့ ဥပဒေကို အမေရိကန်က ထုတ်ပြန်ထားပြီး ရုရှားကတော့ ဒီလုပ်ရပ်ကို တရားမဝင်ဘူးလို့ အကြိမ်ကြိမ် ဆိုထားပါတယ်။

#Source: Reuters

#Local_News
Published_ 24 May 2024
▪️ တိုင်းရင်းသားများ၏ရိုးရာဝတ်စုံများကို အိမ်နီးချင်းနိုင်ငံများက ကူးယူရက်လုပ်ခြင်း၊ စက်ဖြင့် ထုတ်ခြင်းများကိုကျယ်ပြန့်စွာဆောင်ရွက်နေသည်ကိုတွေ့ရသဖြင့် မြန်မာနိုင်ငံမှ မူပိုင်ခွင့်ရရှိ အောင်ဆောင်ရွက်ရန်စီစဉ်လျက်ရှိကြောင်းသိရသည်။

▪️ ယင်းကဲ့သို့ မူပိုင်ခွင့်ဆောင်ရွက်နိုင်ရန်အတွက် ကနဦးအနေဖြင့် တိုင်းရင်းသားရှစ်မျိုး၏ အမျိုးသား၊ အမျိုးသမီးနေ့စဉ်သုံးဝတ်စုံနှင့် အခမ်းအနားသုံး ဝတ်စုံတစ်မျိုးစီကို အမြန်ပြုစုတင်ပြနိုင်ရေးကို သာသနာရေးနှင့်ယဉ်ကျေးမှုဝန်ကြီးဌာနမှဆောင်ရွက်လျက်ရှိသည် ဟုဆိုသည်။

▪️ ယင်းကဲ့သို့ဆောင်ရွက်လျက်ရှိကြောင်းကို မြန်မာနိုင်ငံတိုင်းရင်းသားလူမျိုးများ၏ အမျိုးသား ဝတ်စုံမှန်သတ်မှတ်ရေး ကော်မတီဥက္ကဋ္ဌ သာသနာရေးနှင့်ယဉ်ကျေးမှုဝန်ကြီးဌာန ဒုတိယဝန်ကြီး ဒေါ်နုမြဇံက မြန်မာနိုင်ငံတိုင်းရင်းသားလူမျိုးများ၏ အမျိုးသားဝတ်စုံမှန် သတ်မှတ်ရေး ကော်မတီဥက္ကဋ္ဌ သာသနာရေးနှင့်ယဉ်ကျေးမှုဝန်ကြီးဌာန ဒုတိယဝန်ကြီး ဒေါ်နုမြဇံက ‘‘တိုင်းရင်းသား ဝတ်စုံများနှင့်ပတ်သက်၍ ပထမအဆင့်အနေဖြင့် အဓိကတိုင်းရင်းသား ရှစ်မျိုး၏ နေ့စဉ်သုံးဝတ်စုံနှင့် အခမ်းအနားသုံးဝတ်စုံတစ်မျိုးစီကို မြန်မာနိုင်ငံတိုင်းရင်းသား လူမျိုးများ၏ အမျိုးသားဝတ်စုံမှန် သတ်မှတ်ရေးကော်မတီ အစည်းအဝေးသို့ အချိန်မီတင်ပြနိုင်ရေး ဆောင်ရွက်ရန်အချက်သည် အဓိကကျသည့် အချက်ဖြစ်ကြောင်း၊

▪️ သတ်မှတ်တင်ပြရာတွင် အသုံးပြုမည့်အထည်စ၊ ဒီဇိုင်း၊ အရောင်၊ တွဲဖက်အဆင်တန်ဆာများ စသည်တို့ကိုအသုံးပြုရသည့် အဓိပ္ပာယ်၊ ခေတ်အဆက်ဆက် ဝတ်စားဆင်ယင်မှု အသေးစိတ်တို့ကို ဓာတ်ပုံမှတ်တမ်းများနှင့်တကွ သက်ဆိုင်ရာ ပြည်နယ်စာပေနှင့် ယဉ်ကျေးမှုအဖွဲ့များမှ ကျွမ်းကျင် ပညာရှင်များ၏ အဆုံးအဖြတ်နှင့် သက်ဆိုင်ရာ ပြည်နယ်အစိုးရ၏ အတည်ပြုမှုနှင့်အတူ ဆွေးနွေး တင်ပြစေလိုကြောင်း။

▪️ ယဉ်ကျေးမှုရေစီးကြောင်းအရ မိမိတို့နိုင်ငံက အလွန်တန်ဖိုးရှိ လှပပြီးသမိုင်းကြောင်းရှည်လျားသည့် တိုင်းရင်းသားများ၏ ရိုးရာဝတ်စုံများကို အိမ်နီးချင်းနိုင်ငံများက ကူးယူရက်လုပ်ခြင်း၊ စက်ဖြင့်ထုတ် ခြင်းတို့ကို ကျယ်ပြန့်စွာ ဆောင်ရွက်နေကြသည်ကို တွေ့နေရကြောင်း၊ သို့ဖြစ်၍ တင်ပြအတည်ပြု ချက်များနှင့်အတူ မူပိုင်ခွင့်ရယူနိုင်ရန်အတွက် စီးပွားရေးနှင့်ကူးသန်းရောင်းဝယ်ရေးဝန်ကြီးဌာန ဖိတ်ကြားထားသူက ဆွေးနွေးပေးစေလိုကြောင်း”ပြောကြားခဲ့ကြောင်း သိရသည်။

#tthl #Yangon_Times

၂၄ မေ ၂၀၂၄

အိန္ဒိယနိုင်ငံရဲ့ နက္ခတ်ဗေဒင်ပညာရှင် ကူရှဲလ်ကူမားက ရက်သတ္တပတ်အနည်းငယ်မှာ တတိယကမ္ဘာစစ်ဖြစ်လာနိုင်တယ်လို့ ဟောကိန်းထုတ်လိုက်ပါတယ်။

သူကသူ့ရဲ့ဟောကိန်းကို Medium မှာ ပို့စ်တင်ခဲ့တဲ့အပြင် LinkedIn မှာလည်းထပ်မံမျှဝေခဲ့ပါတယ်။ သူဟာ ဗီဒစ် နက္ခတ်ဗေဒပညာရှင်တစ်ဦးဖြစ်ကြောင်းနှင့် အနာဂတ်ဖြစ်ရပ်တွေကို ဂြိုဟ်သွားဂြိုလ်လာတွေကို တွက်ချက်ပြီး ခန့်မှန်းဟောကိန်းထုတ်သူဖြစ်တယ်လို့  LinkedIn မှာ သူ့ရဲ့ ကိုယ်ရေးအကျဉ်းကိုတင်ထားပါတယ်။

“ ၂၀၂၄ခုနှစ်ဟာ တစ်ကမ္ဘာလုံးက အရေးကြီးနေရာတွေမှာ စစ်ပွဲအခြေအနေတွေနှင့်ဆက်နွယ်ပြီး အကြီးအကျယ်သောက ဖြစ်ရမယ့်နှစ်ဖြစ်တယ်။အထူးသဖြင့် မေလ ၈ရက်နေ့ ဝန်းကျင်မှာဖြစ်တယ်။ ကိုရီးယားနိုင်ငံတွေ၊ တရုတ်-တိုင်ဝမ်၊ အစ္စရေး နှင့် ပတ်သက်တဲ့ အရှေ့အလယ်ပိုင်းနှင့်အခြားအရှေ့အလယ်ပိုင်နေရာတွေ ပြီးတော့ ယူကရိန်း-ရုရှား။ နေတိုးရဲ့ဒေါသတွေဟာ အပြင်းထန်ဆုံးဖြစ်လာလိမ့်မယ်လို့ ခန့်မှန်းတယ်” လို့သူကပြောပါတယ်။

“အချို့နိုင်ငံတွေမှာ အစိုးရတွေဟာ ပေါ်ပေါက်လာတဲ့ အကြီးအကျယ်သောကရောက်စရာတွေကို ဖြေရှင်းဖို့ ခက်ခဲလာ နိုင်တယ်။ အချို့ခေါင်းဆောင်များ အကြီးအကျယ်နေမကောင်းဖြစ်ပြီး ရာထူးမှပင်နှုတ်ထွက်နိုင်တယ်။  နိုင်ငံရေး   မြင်ကွင်းတွေ   မှာ ထကြွမှုတွေဟာ မရှောင်လွှဲနိုင်ဖြစ်နိုင်တယ်၊ အတိုချုပ်ပြောရရင် စစ်တပ်ဟာ အလုံးချုပ်ထိန်းချုပ်ဖို့ ဝင်ရောက်လာလိမ့်  မယ်ဆိုပြီး ဂြိုဟ်တွေရဲ့သွားလာမှုကညွှန့်ပြနေတယ်” လို့ သူကဆက်လက်ဟောကိန်းထုတ်ပါတယ်။

အဲဒီနောက်သူဟာ ကမ္ဘာစစ်ကြီးတစ်ခုဖြစ်လာနိုင်မယ်လို့သူထင်ထားတဲ့ ရက်ကို ပြောပါတယ်။

“၂၀၂၄ခုနှစ် ဇွန်လ ၁၈ ရက်နေ့မှာ ဂြိုဟ်တွေရဲလှုံ့ဆော်မှုဟာ အပြင်းထန်ဆုံးဖြစ်လာလိမ့်မယ်။ အဲဒါကြောင့် တတိယကမ္ဘာစစ် ဖြစ်လာနိုင်တယ်။ ဒါပေမယ့် ဇန် ၁၀ ရက်နှင့် ၁၉ ရက်တွေကိုလည်း သတိထားရမယ်” လို့ သူကသူ့ဆောင်းပါးမှာရေးပါတယ်။

ယခုလိုဟောကိန်းထုတ်တာဟာ အရေးပေါ်ဖြစ်လာရင်အဆင်သင့်ဖြစ်အောင် ရိက္ခာ ဆေးဝါးတွေ စုဆောင်းသိုလှောင်ထားကြဖို့ ဗြိတိန်အစိုးရအရာရှိကြီးတွေက သူ့နိုင်ငံသားတွေကို တိုက်တွန်းထားပြီး သိပ်မကြာခင် ထွက်ပေါ်လာခဲ့တာဖြစ်ပါတယ်။

Source: NDTV

#World_Health
Published 24 May 2024

▪️ သက်သက်လွတ်စားသုံးခြင်းက နှလုံးသွေးကြောရောဂါများနဲ့ ကင်ဆာရောဂါ ဖြစ်နိုင်ခြေ လျော့နည်းစေကြောင်း သုတေသနအသစ်မှာ တွေ့ရှိထားပါတယ်။

▪️ အီတလီ ဘိုလော့ဂ်နာတက္ကသိုလ်မှ ဒေါက်တာအိန်ဂျလိုကာပိုဒီချီနဲ့ အဖွဲ့က ထိုဆက်စပ်မှုများကို လေ့လာခဲ့ရာ အပင်အခြေပြု အစားအစာတွေထဲမှာ ကျန်းမာရေးအကျိုးကျေးဇူးများစွာ တွေ့ရှိခဲ့ကြပါတယ်။

▪️ အဆင့်ဆင့်ထုတ်လုပ်ထားတဲ့ အသားကြီးများ စားသုံးခြင်းက အစာအိမ်အူလမ်းကြောင်း ကင်ဆာများ ဖြစ်နိုင်ခြေ မြင့်မားစေကြောင်း အထောက်အထားများ တွေ့ရှိထားတယ်လို့ ဖော်ပြထားပါတယ်။

▪️ ကင်ဆာသုတေသနဆိုင်ရာ WHO က အဆင့်ဆင့်ထုတ်လုပ်ထားတဲ့ အသားက လူတွေမှာ ကင်ဆာဖြစ်စေနိုင်တယ်လို့ သတ်မှတ်ထားကာ အူမကြီးကင်ဆာ ဖြစ်စေနိုင်တယ်ဆိုတဲ့ အထောက်အထား တွေ့ရှိခဲ့တယ်လို့ ဖော်ပြထားပါတယ်။

▪️ သက်သက်လွတ်စားသုံးမယ်ဆိုရင်တော့ ဗိုက်တာမင်နဲ့ အာဟာရဓာတ်များ ချို့တဲ့လာနိုင်တာကိုတော့ သတိထားသင့်ပါတယ်။

▪️ အပင်အခြေပြုအစာများ စားသုံးခြင်းဖြင့် သွေးပေါင်ချိန်ကျစေခြင်း၊ သွေးတွင်းသကြားဓာတ် ထိန်းသိမ်းပေးခြင်း၊ ကိုယ်အလေးချိန် ယိုင်ညွှန်းကိန်းတိုးတက်ခြင်းတို့ ရရှိစေပါတယ်။

▪️ ဒီလိုအစားအစာတွေက နေထိုင်စားသောက်မှုပုံစံကိုလည်း တိုးတက်လာစေမှာ ဖြစ်ပါတယ်။

▪️ သက်သက်လွတ်စားသုံးခြင်းရဲ့ သက်ရောက်မှုတွေကို ပိုမိုသုတေသနပြုလုပ်ဖို့ လိုအပ်ကြောင်း အကြံပြုသွားပါတယ်။  

Source: New York Post

#World_Health
Published 24 May 2024

▪️ သွေးတိုးရောဂါဆိုတာ သွေးဖိအားများတဲ့ အခြေအနေဖြစ်ပြီး ပုံမှန်အားဖြင့် ၉၀/၆၀ မီလီမီတာမာကျူရီမှ ၁၂၀/၈၀ မီလီမီတာမာကျူရီအတွင်းရှိပြီး ၁၄၀/၉၀ နဲ့အထက်ဆိုရင်တော့ သွေးတိုးတယ်လို့ သတ်မှတ်ပါတယ်။

▪️ အပေါ်သွေးတစ်ခုတည်း မြင့်တက်ပြီး အောက်သွေးပုံမှန်ဖြစ်နေခြင်းက အဖြစ်များတဲ့ အခြေအနေဖြစ်ပါတယ်။

▪️လူကြီးတွေမှာ အဖြစ်များပြီး နှလုံးသွေးကြော ပြဿနာများ ဖြစ်နိုင်ခြေများစေပါတယ်။

▪️ သွေးဖိအားမြင့်ခြင်းကို ထိန်းချုပ်ဖို့အတွက် ဆေးဝါးကုသမှု လိုအပ်သလို ရေရှည်အတွက် နေထိုင်စားသောက်မှုပုံစံ ပြောင်းလဲမြှင့်တင်ဖို့ကလည်း လိုအပ်ပါတယ်။

▪️ ဒါ့အပြင် လှုပ်ရှားမှု၊ ဆားလျှော့ချစားသုံးခြင်း၊ အရက်သေစာ ရှောင်ရှားခြင်း၊ အသီးနဲ့ အရွက်များများစားခြင်း၊ သကြားနဲ့ ပြည့်ဝဆီများ လျှော့ချခြင်းတို့လည်း လိုအပ်တယ်လို့ မဏိပူရဆေးရုံမှ နှလုံးအထူးကု ဒေါက်တာ ဆာမန်ဂျွိုင်းမွတ်ခါဂျီက ပြောပြပါတယ်။

▪️ ကိုယ်အလေးချိန်များခြင်း၊ အဝလွန်ခြင်းတို့က သွေးတိုးရောဂါ ဖြစ်နိုင်ခြေများစေပြီး နှလုံးနဲ့ သွေးကြောများအပေါ် ဖိအားပိုများစေပါတယ်။

▪️ အရက်သေစာနဲ့ ဆေးလိပ်တို့က သွေးဖိအားများစေပြီး နှလုံးရောဂါများ ဖြစ်စေပါတယ်။ 

▪️ လေ့ကျင့်ခန်းအနေနဲ့ တစ်ပတ်ကို အနည်းဆုံး ၅ ရက်ထက်မနည်း ပြုလုပ်သင့်ကြောင်း အကြံပြုပါတယ်။

▪️ နောက်တစ်နည်းကတော့ စိတ်ဖိစီးမှု လျှော့ချခြင်းဖြစ်ပါတယ်။ 

▪️ နှလုံးရောဂါမဖြစ်သေးတဲ့ သွေးတိုးအစပျိုးသူတွေကတော့ ၃ လမှ ၆ လလောက်အထိ နေထိုင်စားသောက်မှုပုံစံ ပြောင်းလဲဖို့ ဒေါက်တာက အကြံပြုလိုက်ပါတယ်။

▪️ သွေးပေါင်ချိန် မထိန်းနိုင်တော့ဘူးဆိုရင်တော့ ဆေးဝါးများဖြင့် ကုသရတော့မှာဖြစ်ပြီး ၁၆၀/၁၀၀ မီလီမီတာမာကျူရီထက် များပြီဆိုရင် ဆေးရုံတက်ကုသရတော့မှာ ဖြစ်ပါတယ်။

#Source: India Today

၂၃ မေ ၂၀၂၄

ဧရာဝတီမြစ်ဆုံ- မြစ်ညာမြစ်ဝှမ်းရေအားလျှပ်စစ်စီမံကိန်းအတွက် သုတေသနလုပ်ငန်းများ၊နည်းပညာဆိုင်ရာ ဖြေရှင်းချက်များနှင့် ပြည်သူ့ဆက်ဆံရေးလုပ်ငန်းများကို စီမံဆောင်ရွက်ရန် ဧရာဝတီမြစ်ဆုံ- မြစ်ညာ မြစ်ဝှမ်း ရေအားလျှပ်စစ်စီမံကိန်း ဦးဆောင်အဖွဲ့ ကို နစက၏ ၂၀၂၄ခုနှစ် ဧပြီ ၂၅ ရက် ရက်စွဲပါ အမိန့် ကြော်ငြာစာအမှတ် (၇၅/၂၀၂၄)ဖြင့်ဖွဲ့စည်းပေးခဲ့ကြောင်းသိရှိရပါတယ်။

အဆိုပါ ဧရာဝတီမြစ်ဆုံ- မြစ်ညာ မြစ်ဝှမ်း ရေအားလျှပ်စစ်စီမံကိန်း ဦးဆောင်အဖွဲ့တွင် အဖွဲ့ခေါင်းဆောင်အဖြစ် လျှစ်စစ်စွမ်းအားဝန်ကြီးဌာန ဒုတိယဝန်ကြီးနှင့်ဒုတိယအဖွဲ့ခေါင်းဆောင်အဖြစ် က ကချင်ပြည်နယ်အစိုးရအဖွဲ့ သယံဇာတရေးရာဝန်ကြီးတို့ကဆောင်ရွက်ကြမည်ဖြစ်ပြီး အဖွဲ့ဝင်(၉)ဦးပါဝင်ကြပါတယ်။

အဆိုပါအဖွဲ့ဟာ လုပ်ငန်းတာဝန်(၅)ရပ်ကို ဆောင်ရွက်ရမှာဖြစ််တယ်လို့သိရပါတယ်။

အဲဒါတွေကတော့

(က) SPIC Yunnan International Power Investment Co, Ltd (SPICYN) ၏ ဦးဆောင်အဖွဲ့နှင့်အတူပူးပေါင်း၍ ဧရာဝတီမြစ်ဆုံ- မြစ်ညာမြစ်ဝှမ်းရေအား လျှပ်စစ်စီမံကိန်းအတွက် သုတေသနလုပ်ငန်းများ၊နည်းပညာဆိုင်ရာ ဖြေရှင်းချက်များနှင့် ပြည်သူ့ဆက်ဆံရေးလုပ်ငန်းများကို စီမံဆောင်ရွက်ရန်၊

( ခ ) SPIC Yunnan International Power Investment Co.Ltd (SPICYN) ၏ ဦးဆောင်အဖွဲ့နှင့်အတူပူးပေါင်း၍ ဧရာဝတီမြစ်ဆုံ-မြစ်ညာမြစ်ဝှမ်းရေအားလျှပ်စစ်စီမံကိန်း၏ အဓိကကိစ္စရပ်များအပေါ်နည်းပညာဆိုင်ရာလုပ်ငန်းအဖွဲ့နှင့် ပြည်သူ့ဆက်ဆံရေးလုပ်ငန်းအဖွဲ့တို့အား လမ်းညွှန်မှုပေးခြင်းနှင့်ဆုံးဖြတ်ချက်ချမှတ်ခြင်းကို ဆောင်ရွက်ရန်၊

( ဂ ) လုပ်ငန်းဆောင်ရွက်မှုအခြေအနေများကို ပြည်ထောင်စုဝန်ကြီး၊ လျှပ်စစ်စွမ်းအားဝန်ကြီးဌာနသို့တင်ပြဆောင်ရွက်ရန်၊

(ဃ) နည်းပညာဆိုင်ရာလုပ်ငန်းအဖွဲ့နှင့် ပြည်သူ့ဆက်ဆံရေးလုပ်ငန်းအဖွဲ့များ ဖွဲ့စည်းနိုင်ရေးဆောင်ရွက်ရန်၊

( င ) ပြည်ထောင်စုသမ္မတမြန်မာနိုင်ငံနှင့် တရုတ်ပြည်သူ့သမ္မတနိုင်ငံ အစိုးရများအကြား စီမံကိန်းကိစ္စများညှိနှိုင်းဆောင်ရွက်နိုင်ရေးအတွက် အထောက်အကူပြုနိုင်ရေး ဆောင်ရွက်ရန်

တို့ဖြစ်တယ်လို့ နစကအတွင်းရေးမှူး ဒုတိယဗိုလ်ချုပ်ကြီးအောင်လင်းဒွေးလက်မှတ်ရေးထိုးထုတ်ပြန်တဲ့ အဆိုပါ အမိန့်ကြော်ငြာစာမှာဖော်ပြထားပါတယ်။

@ymg/knl

ကမ္ဘာပေါ်တွင်လီသီယမ်အိုင်းယွန်းဘက်ထရီထုတ်လုပ်မှု၌ ဦးဆောင်နေသည့် တရုတ်ကုမ္ပဏီက နည်းပညာဆန်းသစ်မှုများကို မျှဝေပေးသွားမည်

တရုတ်ပြည်ရဲ့ လီသီယမ်အိုင်းယွန်း ဘက်ထရီစက်မှုကဏ္ဍက စိမ်းလန်းဖွံ့ဖြိုးရေးကို တွန်းတင်ပေးနေပြီး ကွန်တမ်ပိုရာရီ အမ်ပရက်စ် တက်ခ်နော်လော်ဂျီ ကုမ္ပဏီလိမိတက်(CATL)က ရှေ့ဆုံးမှ ဦးဆောင်နေပါတယ်။
#World_Technology
Published_ 23 May 2024
#လီသီယမ်အိုင်းယွန်း #ဘက်ထရီစက်မှုကဏ္ဍက
#Yangon_Times #YMG_News #Yangon_Media_Group

၂၃ မေ ၂၀၂၄

လေပွေကြမ်းမိလို့ ဘန်ကောက်ကို အရေးပေါ်ဆင်းသက်ခဲ့ရတဲ့ စင်ကာပူလေကြောင်းလိုင်းမှ ခရီးသည် ၂၀ ဦးသည် ယခုထက်တိုင် ဘန်ကောက်ရှိဆေးရုံတစ်ရုံရဲ့ အထူးကြပ်မတ်ကုသဆောင်(အိုင်စီယူ)ထဲမှာ ဆက်လက်ရှိနေဆဲဖြစ်တယ်လို့ ဆေးရုံအရာရှိတစ်ဦးက ပြောကြောင်း ရိုက်တာသတင်းဌာနကရေးသားထားပါတယ်။

“ အိုင်စီယူထဲမှာရှိနေတဲ့ ခရီးသည်လူနာအရေအတွက်ဟာ မပြောင်းလဲသေးပါဘူး” ဘန်ကောက်မြို့ ဆမ်မီတီဗက်ချ်ဆရီနာ ကရင်ဆေးရုံရဲ့ ညွှန်ကြားရေးမှူး အက်ဒီနမ်ကစ်တီရက်တန်နာပိုင်ဘိုက ပြောပါတယ်။

“အိုင်စီယူမှာဆက်ရှိနေတယ်ဆိုတဲ့အဓိပ္ပါယ်က သူတို့ဟာ အနီးကပ်စောင့်ကြည့်ဖို့လိုနေတယ်ဆိုတဲ့သဘောပါပဲ” လို့ သူက ပြောပြီး အသက်အန္တရာယ်စိုးရိမ်စရာတော့ အခုထက်ထိမရှိကြသေးဘူးလို့လည်း ဖြည့်စွက်ပြောပါတယ်။

အဲဒီလေယာဉ်မှ ခရီးသည်(၄၀)ဦးကို ဆက်လက်ကုသစောင့်ရှောက်ပေးနေရဆဲဖြစ်ပြီး အဲဒီထဲက ၂၂ ဦးဟာ ကျောရိုးနဗ်ကြိုး ဒဏ်ရာရသွားသူတွေဖြစ်ပါတယ်။ ခြောက်ဦးကတော့ ဦးနှောက်နှင့် ဦးခေါင်းခွံဒဏ်ရာရရှိထားကြပါတယ်” လို့ သူကပြောပါ တယ်။

ဆေးရုံတက်နေရသူတွေမှာ အသက်အကြီးဆုံးက ၈၃နှစ်ရှိပြီး အငယ်ဆုံးက (၂)နှစ်သားကလေးဖြစ်ပြီး အဲဒီကလေးဟာ ပြင်းထန်စွာထိခိုက်ဒဏ်ရာရထားတာဖြစ်တယ်လို့ သူကဖြည့်စွက်ပြောပါတယ်။

ယခင်က ၄၁ဦးဆေးရုံတင်ထားရာမှ တစ်ဦးက ဆေးရုံဆင်းသွားလို့ ယခု လူနာ၄၀ဦးကျန်ခဲ့တာဖြစ်ပါတယ်။

ဆေးရုံတင်ခဲ့ရသူ ၄၁ဦမှာ ဗြိတိန်နိုင်ငံသား ၁၀ ဦး၊ ဩစတြေလျနိုင်ငံသား ၇ ဦး၊ မလေးရှားနိုင်ငံသား ၇ ဦးနှင့် ဖိလစ်ပိုင် နိုင်ငံသား ၄ ဦးတို့ပါဝင်ကြတယ်လို့အက်ဒီနမ်ကပြောပါတယ်။

သူကခရီးသည်တစ်ဦးချင်းအလိုက်ကုသနေရတဲ့အသေးစိတ်ကိုတော့ ထုတ်မပြောပါဘူး။ စင်္ကာပူလေကြောင်လိုင်းခရီးစဉ် အမှတ် SQ321 ဟာ အင်္ဂါနေ့ကမြန်မာနိုင်ငံအပေါ်မှဖြတ်ကျော်ပျံသန်းစဉ် အလွန်ပြင်းထန်တဲ့လေပွေကြမ်းနှင့်ရင်ဆိုင်တိုးခဲ့ရပြီး နောက်  ခရီးသည်တစ်ဦးဟာ နှလုံးဖောက်သေဆုံးခဲ့ရကာ ဒါဇင်ပေါင်းများစွာထိခိုက်ဒဏ်ရာရခဲ့ကြတာဖြစ်ပါတယ်။

ခရီးသည်တွေအနက် ခရီသည် ၁၄၀ကျော်ကတော့ ဗုဒ္ဓဟူးနေ့က ကယ်ဆယ်ရေးလေယဉ်ဖြင့် စင်ကာပူကို ရောက်ရှိသွားခဲ့ကြပြီးဖြစ်ပါတယ်။

Source Reuters

#Daily_News
Published_ 23 May 2024

၁။ ဂီတအကယ်ဒမီဆုကို ‌ရုပ်ရှင်အကယ်ဒမီဆုကဲ့သို့ ရွှေသားအစစ်‌ရွှေကြယ်ပါသည့် ရွှေစင်ရုပ်တုချီးမြှင့်မည်ဟုဆို

၂။ ဘီးလင်း - ကျိုက္ကော်ကြားတောင်ကလေးရွာအနီးမစောတံတားကျိုး၊ ဘီးလင်းတိုးဂိတ်ဟောင်းမှ လမ်းစတင်ပိတ်ထားဟုဆို

၃။ ဆိတ်သားသတ်ဈေးကွက် ယခုလအတွင်း ဈေးကွက်ပြန်ကောင်းလာ

၄။ ကမ္ဘာပေါ်တွင် လီသီယမ်အိုင်းယွန်းဘက်ထရီထုတ်လုပ်မှု၌ ဦးဆောင်နေသည့်တရုတ်ကုမ္ပဏီက နည်းပညာဆန်းသစ်မှုများကို မျှဝေပေးသွားမည်... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Times #Daily_News #YMG_News #Yangon_Media_Group

ရန်ကုန်၊ မန္တလေးအပါအဝင်ပြည်တွင်းဈေးကွက်မှာ ရွှေ‌စျေးစံချိန်တင်မြင့်တက်လာချိန်မှာ ဈေးနှုန်းတည်ငြိမ်ကျဆင်းစေရေးအတွက် မန္တလေးတိုင်းဒေသကြီး ရွှေလုပ်ငန်းရှင်အသင်းက ရွှေအရောင်းအဝယ်စျေးကွက်ကို ဒီကနေ့မှာ ခေတ္တရပ်နားလိုက်တယ်လို့ သိရပါတယ်။
#Local_News
Published_ 23 May 2024
#မန္တလေးရွှေအသင်း #ရွှေ‌စျေးစံချိန်တင်မြင့်တက်
#Yangon_Times #YMG_News #Yangon_Media_Group