Published 28 May 2024

ရန်ကုန်တိုင်းဒေသကြီး၊ ရင်းနှီးမြှုပ်နှံမှုကော်မတီသည် ယခုရက်ပိုင်းအတွင်းလူဦးရေ ၂၃၀၀ကျော်  အတွက် ပြည်တွင်းအလုပ်အကိုင်ရနိုင်မည့်  ရင်းနှီးမြှုပ်နှံမှု များအားခွင့်ပြုပေးခဲ့ကြောင်းသိရသည်။

ရန်ကုန်တိုင်းဒေသကြီး ရင်းနှီး မြှုပ်နှံမှုကော်မတီ၏ (၅/၂၀၂၄) ကြိမ်မြောက် အစည်းအဝေးကို ယမန်နေ့ မေလ(၂၇) နံနက်ပိုင်းက ရန်ကင်းမြို့နယ်၊ တိုင်းဒေသကြီး ရင်းနှီးမြှုပ်နှံမှု ကော်မတီရုံး၌ ကျင်းပခဲ့ရာ အစည်းအဝေးတွင် ရန်ကုန်တိုင်းဒေသကြီး ရင်းနှီးမြှုပ်နှံမှု ကော်မတီသည် ဟိုတယ်ဝန်ဆောင်မှုကဏ္ဍတွင် ရာခိုင်နှုန်းပြည့် မြန်မာနိုင်ငံသား ရင်းနှီးမြှုပ်နှံမှုလုပ်ငန်း တစ်ခုနှင့် စက်မှုကဏ္ဍတွင် ရာခိုင်နှုန်းပြည့် နိုင်ငံခြား ရင်းနှီးမြှုပ်နှံမှု လုပ်ငန်း (၃) ခုတို့ကို အတည်ပြုပေးခဲ့ကြောင်း၊ယင်း အတည်ပြုပေးခဲ့သည့် လုပ်ငန်းများမှာ ဟိုတယ်ဝန်ဆောင်မှုလုပ်ငန်း၊ CMP စနစ်ဖြင့် အိတ်အမျိုးမျိုး ချုပ်လုပ်ခြင်းလုပ်ငန်း၊ CMP စနစ်ဖြင့် အဝတ်အထည် အမျိုးမျိုး ချုပ်လုပ်ခြင်းလုပ်ငန်းနှင့် CMP စနစ်ဖြင့် သတို့သမီး ဝတ်စုံအမျိုးမျိုး ချုပ်လုပ်ခြင်း လုပ်ငန်းတို့ဖြစ်ကြောင်း သိရသည်။

အဆိုပါ ရင်းနှီးမြှုပ်နှံမှု လုပ်ငန်းများ၏ မတည်ငွေရင်း ပမာဏမှာ မြန်မာငွေကျပ် ၁၅၅၅ ဒသမ ၈၀၀ သန်းနှင့် အမေရိကန် ဒေါ် လာ ၃ ဒသမ ၇၃၉ သန်းဖြစ်ပြီး ပြည်တွင်းအလုပ်အကိုင် အခွင့်အလမ်း ၂၃၀၁ ဦးအတွက် ဖန်တီးပေးနိုင်ခဲ့ကြောင်း သိရသည်။

ထို အစည်းအဝေးသို့ ရန်ကုန်တိုင်းဒေသကြီး ရင်းနှီးမြှုပ်နှံမှု ကော်မတီဥက္ကဋ္ဌ၊ တိုင်းဒေသကြီး ဝန်ကြီးချုပ် ဦးစိုးသိန်း၊ ကော်မတီအဖွဲ့ဝင် တိုင်းဒေသကြီး အစိုးရအဖွဲ့ဝင်များနှင့် ဌာနဆိုင်ရာ တာဝန်ရှိသူများ၊ အထူးဖိတ်ကြာ ထားသူများ တက်ရောက်ကြကြောင်း သိရသည်။

တိုင်းဒေသကြီး ဝန်ကြီးချုပ်နှင့်အဖွဲ့မှ ရင်းနှီးမြှုပ်နှံသူ လုပ်ငန်းရှင်များ ထုတ်လုပ်သည့် ပစ္စည်းနမူနာ ပြသထားရှိမှုများကို ကြည့်ရှုပြီးနောက် တိုင်းဒေသကြီး ဝန်ကြီးချုပ်က အမှာစကားပြောကြားခဲ့ကြောင်း၊၎င်းအပြင် အစည်းအဝေးတွင် အထွေထွေကိစ္စရပ်များ တင်ပြလာသည့် ကုမ္ပဏီ (၉)ခု၏ တင်ပြချက်များကိုလည်း ဆွေး နွေးဆုံးဖြတ်ခဲ့ကြကြောင်းသိရသည်။
Yangon_Times/NN
#Local_News
#Published_ 28 May 2024
#Yangon_Times #YMG_News #Yangon_Media_Group

မိုးကြိုကာလဖြစ်တဲ့ ပြီးခဲ့တဲ့ဧပြီလ တစ်လတာအတွင်း တစ်နိုင်ငံလုံးမှာ လေပြင်းတိုက်ခတ်မှုပေါင်း ၁၈၀ကျော် ဖြစ်ပွားခဲ့ပြီး လက်ရှိမိုးဦးကာလမှာလည်း  ရေကြီးရေလျှံတာ‌တွေ ဖြစ်ပေါ်နိုင်တာကြောင့် နေပြည်တော်အပါအဝင် တိုင်းဒေသကြီးနဲ့  ပြည်နယ်အသီးသီးမှာ ကယ်ဆယ်ရေးပစ္စည်း‌တွေ အဆင်သင့်ပြင်ဆင်ထားတယ်လို့ လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန၊ ဘေးအန္တရာယ်ဆိုင်ရာ စီမံခန့်ခွဲမှုဦးစီးဌာနက သိရပါတယ်။
Yangon_Times/NN
#Local_News
#Published_ 28 May 2024
#Yangon_Times #YMG_News #Yangon_Media_Group

ယခုရက်ပိုင်းဖြစ်ပေါ်နေတဲ့ ရာသီဥတုအခြေနေကြောင့် မိုးရွာသွန်းမှုများတဲ့အတွက် ငါးကန်သို့ သွားရတဲ့လမ်းများ ပျက်စီးမှုတွေ ဖြစ်ပေါ်နေတဲ့အတွက် မွေးမြူငါးကန်အချို့ ကန်ဖေါ်ယူမှု ခတ္တရပ်နားထားရတယ်လို့ ပဲခူးတိုင်းဒေသကြီးရှိ ငါးမွေးမြူရေး လုပ်ငန်းရှင်များထံက သိရပါတယ်။
Yangon_Times/LW
#Local_News
#Published_ 28 May 2024
#Yangon_Times #YMG_News #Yangon_Media_Group

ကျောင်းအပ်ချိန် မေလ(၂၃)ရက်မှစလို့ ကျောင်းသုံးဖတ်စာအုပ်အဖုံးချုပ်ဖို့ အပ်နှံသူတွေများလာတယ်။ ဖလင်နဲ့ကတ်ထူဈေးနှစ်ဆတက်လို့ စာအုပ်ချုပ်ခ(၁၀၀)ကျပ်တက်ထားတယ်။ ဈေးကွက်ထဲမှာ စာအုပ်အဖုံးချုပ်ခတွေကတော့ ကျပ်၅၀၀၊ ၆၀၀၊ ၈၀၀မှ ၁၀၀‌ဝခန့်ရှိပါတယ်။
Yangon_Times/tthl
#Local_News
#Published_ 28 May 2024
#Yangon_Times #YMG_News #Yangon_Media_Group

28 May 2024

ထိုင်းနိုင်ငံသို့ရောက်ရှိ‌နေသည့်မြန်မာလုပ်သား များ၏လွှဲပို့ငွေများ တရားဝင်လမ်းကြောင်းမှလွှဲပြောင်းနိုင်ရေး မြန်မာနိုင်ငံ‌တော်ဗဟိုဘဏ်ကထိုင်းဘဏ် (၄)ခုဖြင့်ဆွေးနွေးခဲ့ကြောင်း သိရသည်။

မြန်မာ-ထိုင်းနှစ်နိုင်ငံအကြား နိုင်ငံခြားငွေဖြင့်ဘဏ်လုပ်ငန်းဝန်ဆောင်မှုများတွင် ရင်းနှီးမြှုပ်နှံမှု၊ ကုန်သွယ်ရေးနှင့် မြန်မာလုပ်သားများ၏ လွှဲပို့ငွေများ တရားဝင်လမ်းကြောင်းမှ လွှဲပြောင်းနိုင်ရေးအတွက် မြန်မာနိုင်ငံတော်ဗဟိုဘဏ်ဥက္ကဋ္ဌ ဒေါ်သန်းသန်းဆွေ ဦးဆောင်သောအဖွဲ့နှင့် Siam Commercial Bank ၊ Bangkok Bank ၊ Kasikorn Bank၊ Krung Thai Bank တို့မှတာဝန်ရှိသူများ တွေ့ဆုံဆွေးနွေးပွဲကို မေလ(၂၇)ရက်နံနက် ၁၁ နာရီတွင် မြန်မာနိုင်ငံတော်ဗဟိုဘဏ် ရန်ကုန်ဘဏ်ခွဲရှိ အစည်းအဝေးခန်းမ၌ ကျင်းပခဲ့သည်ဟုဆိုသည်။

အစည်းအဝေးတွင် မြန်မာနိုင်ငံတော်ဗဟိုဘဏ်ဥက္ကဋ္ဌက မြန်မာနိုင်ငံတော်ဗဟိုဘဏ်အနေဖြင့် နိုင်ငံခြားငွေလဲလှယ်နှုန်းတည်ငြိမ်မှုရှိစေရန် မူဝါဒများချမှတ်၍ ထိန်းကျောင်းလျက်ရှိသည့် အခြေအနေ၊ တရားမဝင်ဟွန်ဒီများကို အသုံးပြုခြင်းအစား တရားဝင်လမ်းကြောင်းမှ ငွေလွှဲပြောင်းမှုများ တိုးတက်ဆောင်ရွက်နိုင်ရေးကိစ္စရပ်များ၊

 ရင်းနှီး မြှုပ်နှံမှုပိုင်းတွင် မြန်မာနိုင်ငံတွင် ထိုင်းနိုင်ငံမှ ရင်းနှီးမြှုပ်နှံမှုများ ပိုမိုဆောင်ရွက်နိုင်ရေးကိစ္စရပ်များ၊ ပညာရေး၊ ကျန်းမာရေးဆိုင်ရာကိစ္စရပ်များတွင် ဟွန်ဒီဆောင်ရွက်နေမှုများအပေါ် ထိုင်းဘဏ်များအနေဖြင့် ပူးပေါင်းဆောင်ရွက်ရန်ကိစ္စရပ်များ၊ ကုန်သွယ်ရေးပိုင်းတွင် ထိုင်း-မြန်မာနှစ်နိုင်ငံအကြား ကုန်သွယ်ရေးလုပ်ငန်းများ ပိုမိုဖွံ့ဖြိုးစေရေးအတွက် ငွေကြေးထောက်ပံ့ခြင်း (Pre-shipment Export Financing/ Post- shipment Export Financing)များ ဆောင်ရွက်ပေးနိုင်ရေးအခြေအနေ၊

မြန်မာလုပ်သားများ၏ လွှဲပို့ငွေများအပိုင်းတွင် ထိုင်းနိုင်ငံရှိ ပြည်ပရောက်မြန်မာလုပ်သားများ၏ လုပ်ခလစာလွှဲပို့ငွေများကို ပြည်တွင်း၌ မိသားစုများထံသို့ အဆင်ပြေချောမွေ့စွာရောက်ရှိစေနိုင်ရေး ဘဏ်များက ဝိုင်းဝန်းဆောင်ရွက်ပေးရန်ကိစ္စရပ်များ၊ နှစ်နိုင်ငံ နိုင်ငံခြားငွေလွှဲပြောင်းပေးချေမှုများကို အဆင်ပြေချောမွေ့စေရေး ပံ့ပိုးပေးနိုင်ရန်ကိစ္စရပ်များနှင့် နိုင်ငံခြားငွေလဲလှယ်နှုန်းဆိုင်ရာ ကိစ္စရပ်များကို ဆွေးနွေးပြောကြားခဲ့သည်။

ထို့နောက် တက်ရောက်လာကြသည့် Siam Commercial Bank၊ Bangkok Bank၊ Kasikorn Bank၊ Krung Thai Bank များမှ အမှုဆောင်အရာရှိချုပ်များနှင့် တာဝန်ရှိသူများက ဆောင်ရွက်လျက်ရှိ သည့်အခြေအနေနှင့် တိုးချဲ့ဆောင်ရွက်မည့်အစီအစဉ်များကို ပြန်လည်ဆွေးနွေးကာ အစည်းအဝေးကို မွန်းလွဲပိုင်းတွင်ရုပ်သိမ်းခဲ့ကြောင်း သိရသည်။
Yangon_Times/tthl
#Local_News
#Published_ 28 May 2024
#Yangon_Times #YMG_News #Yangon_Media_Group

Published 28 May 2024

ယခုရက်ပိုင်း မလေးရှားနိုင်ငံ အတွင်း တရားမ၀င် နိုင်ငံခြားသားအလုပ်သမားများကို‌ နေရာစုံ အဖမ်းအဆီး များနေတာကြောင့် မလေးရှားနိုင်ငံတွင် ရောက်ရှိနေသည့် မြန်မာနိုင်ငံသားများအနေဖြင့် သတိထားသွားလာနေထိုင်ရန် မြန်မာလူမှုကူညီရေး အသင်းများက အသိပေးထားကြောင်း သိရသည်။

မလေးရှားအစိုး ရ မှ အထောက်အထား မပြည့်စုံသည့် နိုင်ငံ ခြားသား အလုပ်သမားများ ကိုစီစီမံချက် ဖြင့် ဖမ်းစီးမှု များ ရှိသလို ပတ်ဝန်းကျင် မှ တိုင်ကြားမှုများကြောင့် နိုင်ငံခြားသားများနေထိုင်သည့် တိုက်ခန်းများနှင့် စားသောက်ဆိုင်များကို ၀င်ရောက် စစ်ဆေးမှု များနေကြောင်း သိရသည်။

'' အခုရက်ပိုင်းမှာ အဖမ်းဆီးတွေများနေတယ် နေရာစုံမှာ နိုင်ငံခြားသားအများစုနေတဲ့ နေရာတွေ မြန်မာစားသောက်ဆိုင်၊ မလေးစားသောက်ဆိုင်စတဲ့ နေရာ တွေ မှာ သူတို့ နိုင်ငံသားတွေ တိုင်တန်းတာတွေကြောင့် ၀င်ဖမ်းတာတွေ လည်း ရှိတယ်၊ ဒါကြောင့် ဒီလိုနေရာ မျိုးတွေမှာနေတဲ့ သူတွေ အထောက်အထား မပြည့်စုံတဲ့ အနေနဲ့ ပိုပြီး သတိထားနေထိုင်သင့်ပါတယ်''ဟု နှလုံးလှပရဟိတလူငယ်များသွေးအလှူရှင်အဖွဲ့(ကွာလာလမ်ပူ ) မှ ဥက္ကဌ ကိုသက် က ပြောသည်။

ထို့ပြင် မလေးရှားအာဏာပိုင်များ အော်ပရာစီအနေဖြင့် ဖမ်းဆီးချိန် တွင် အကြောက်လွန်ပြီး တိုက်ပေါ်မှ ခုန်ချခြင်းများ၊ ချောင်းအတွင်းသို့ ခုန်ချခြင်းများ မပြုလုပ်ဖို့ ယင်းကဆက်လက်ပြောကြားသည်။

မလေးရှား အစိုးရ အနေဖြင့် အထောက်ထား မပြည့်စုံသည့် နိုင်ငံခြားသား အလုပ်သမားများ မိခင်နိုင်ငံသို့ ပြန်လိုပါ က မလေးရှား လ၀က တွင် သတ်မှတ်ထားသော ဒဏ်ကြေးပေးဆောင်ပြီး လိုအပ်သည့် အချက်အလက် များ ပြသ ကာ Exit Pass (မလေးရှားနိုင်ငံ မှ ပြန်လည် ထွက်ခွာခွင့် ပြုသည့် စာရွက်) ကို ၂၀၂၄ ဒီဇင်ဘာလ ကုန်အထိ လျှောက်ထားနိုင်ကြောင်း သိရသည်။

မကြာခင်က လည်း မလေးရှားနိုင်ငံ ဆိုင်ရာ မြန်မာသံရုံး မှ ထုတ်ပေးနေသည့် သက်သေခံလက်မှတ်(C of I)နဲ့ မြန်မာနိုင်ငံသို့ ပြန်ကြမယ့် နိုင်ငံသားများအနေနဲ့ မလေးရှားအစိုးရက ဒဏ်ကြေးလျော့ပေါ့ပေးနေသည့်ကာလအတွင်း မလေးရှားလ၀က တွင် Exit Pass ကို မဖြစ်မနေလျှောက်ထားဖို့ တိုက်တွန်းထားသည်။
Yangon_Times/LW
#Local_News
#Published_ 28 May 2024
#Yangon_Times #YMG_News #Yangon_Media_Group

28 May 2024

ထိုင်း-မြန်မာ-လာအို နယ်စပ်ထိစပ်ရာဒေသ ရွှေတြိဂံရေပြင်သို့ သွားရောက်ကာ လေးနိုင်ငံပူးပေါင်းကင်းလှည့်မှုအခြေအနေကိုမြန်မာနိုင်ငံ ပြည်ထဲရေးဝန်ကြီးဌာန စသည့်ဌာနဆိုင်ရာအရာရှိများနှင့်အတူ သံအမတ်ကြီး Mr. Chen Hai နှင့်အဖွဲ့တို့ကြည့်ရူ စစ်ဆေးခဲ့ကြောင်း သိရသည်။

မြန်မာနိုင်ငံဆိုင်ရာ တရုတ်သံရုံးသံအမတ်ကြီး Mr. Chen Hai နှင့်အဖွဲ့မှ မဲခေါင်မြစ် နိုင်ငံဖြတ်ကျော်တရားဥပဒေစိုးမိုးရေးနှင့် လုံခြုံရေးပူးပေါင်းဆောင်ရွက်မှုအား သွားရောက်လေ့လာခဲ့ခြင်းဖြစ်သည်။

မြန်မာနိုင်ငံဆိုင်ရာ တရုတ်သံအမတ်ကြီး Mr. Chen Hai ဦးဆောင်သောအဖွဲ့သည် မေလ ၂၅ ရက်နေ့တွင် မြန်မာ၊ ထိုင်း၊ လာအို နယ်စပ်ရှိ မြန်မာနိုင်ငံ တာချီလိတ်မြို့သို့ သွားရောက်လေ့လာခဲ့သည်ဟုဆိုသည်။

 မြန်မာနိုင်ငံ ပြည်ထဲရေးဝန်ကြီးဌာန စသည့်ဌာနဆိုင်ရာအရာရှိများနှင့်အတူ သံအမတ်ကြီး Mr. Chen Hai နှင့်အဖွဲ့သည် လန်ချန်း-မဲခေါင် ပူးပေါင်းဆောင်ရွက်မှု အထူးရန်ပုံငွေ၏ ပံ့ပိုးကူညီမှုဖြင့် ဆောက်လုပ်ထားသည့် မြန်မာနိုင်ငံ ပြည်ထဲရေးဝန်ကြီးဌာန ရှမ်းပြည်နယ် ရေကြောင်းရဲတပ်ဖွဲ့(ခွဲ) ဝမ်ပုံ စခန်း အဆောက်အအုံအား သွားရောက်ကွင်းဆင်း လေ့လာခဲ့ကြပြီး တရုတ်နိုင်ငံမှလှူဒါန်းထားသည့် ရေပေါ်ကင်းလှည့်ရေယာဉ်ဖြင့် ထိုင်း-မြန်မာ-လာအို နယ်စပ်ထိစပ်ရာဒေသ ရွှေတြိဂံရေပြင်သို့ သွားရောက်ကာ လေးနိုင်ငံပူးပေါင်းကင်းလှည့်မှုအခြေအနေကို ကွင်းဆင်းလေ့လာခဲ့ကြခဲ့သည့်အပြင် တရုတ်နိုင်ငံဘက်မှအခြေစိုက်သော ရဲတပ်ဖွဲ့ဝင်များကိုလည်း တွေ့ဆုံအားပေးခဲ့ကြ ကြောင်း သိရသည်။  

သံအမတ်ကြီး Mr. Chen Hai နှင့် မြန်မာဘက်တို့က ကင်းလှည့်ရေးယန္တရားကို ကောင်းမွန်စွာ အသုံးပြု၍ နယ်စပ်ဖြတ်ကျော် ပြစ်မှုကျူးလွန်မှုများတိုက်ဖျက်မှု မြှင့်တင်ရေးတို့နှင့်စပ်လျဉ်း၍ နက်ရှိုင်းစွာအမြင်ချင်းဖလှယ်ခဲ့ပြီး အွန်လိုင်းဆက်သွယ်ရေးလိမ်လည်မှုနှင့် အွန်လိုင်းလောင်းကစား ပြစ်မှုကျူးလွန်မှုများ ပူးတွဲတိုက်ဖျက်မှု စဉ်ဆက်မပြတ်နက်ရှိုင်းစေရေးနှင့် ပြည်သူများ အသက်အိုးအိမ်စည်းစိမ်ဥစ္စာ ဘေးကင်းလုံခြုံမှုကို ကာကွယ်စောင့်ရှောက်ရေးအတွက် ရပ်တည်ချက်နှင့် လှုပ်ရှားမှုများကို ဆွေးနွေးညှိနှိုင်းခဲ့ကြောင်း သိရသည်။
Yangon_Times/tthl
#Local_News
#Published_ 28 May 2024
#Yangon_Times #YMG_News #Yangon_Media_Group

Published 28 May 2024

အာရှအလယ်ပိုင်းနိုင်ငံဖြစ်တဲ့ ဥဇဘက်ကစ္စတန်မှာ ရုရှားက နျူကလီးယား ဓာတ်အားပေးစက်ရုံတစ်ခု ဆောက်လုပ်ရန် ရုရှားနဲ့ ဥဇဘက်ကစ္စတန်တို့ တနင်္လာနေ့က သဘောတူလက်မှတ် ရေးထိုးခဲ့ကြပါတယ်။

ရုရှားသမ္မတ ဗလာဒီမာပူတင်နဲ့ ဥဇဘက်ကစ္စတန် ခေါင်းဆောင် ရှက်ဗ်ကက်မာဇီယိုယက်ဗ်တို့ ဥဇဘက်မြို့တော်မှာ တွေ့ဆုံဆွေးနွေးခဲ့ပြီး ယခုလို သဘောတူညီလိုက်ကြတာ ဖြစ်ပါတယ်။

ထိုစီမံကိန်းဟာ အလွန်အရေးပါတယ်လို့ မာဇီယိုယက်ဗ်က မှတ်ချက်ပြုလိုက်ပြီး ဥဇဘက်မှာ ယူရေနီယံ အများအပြား ထိန်းသိမ်းသိုလှောင်ထားတယ်လို့ ဆိုပါတယ်။

ဥဇဘက်ရဲ့ နျူကလီးယားစွမ်းအင်ကဏ္ဍ အထိရောက်ဆုံး အလုပ်ဖြစ်စေရန် ကြိုးပမ်းသွားမယ်လို့ ပူတင်က ကတိပြုလိုက်ပါတယ်။

အဆိုပါ သဘောတူညီချက်သာ အကောင်အထည် ဖော်လိုက်ပါက အာရှအလယ်ပိုင်းမှာ ပထမဆုံးစက်ရုံ ဖြစ်လာမှာဖြစ်ပြီး ထိုဒေသတွင်း ရုရှားရဲ့လွှမ်းမိုးမှု ဆက်လက်တိုးချဲ့လာမှာ ဖြစ်ပါတယ်။

ရုရှားနိုင်ငံပိုင် Rosatom စွမ်းအင်ကော်ပိုရေးရှင်းက ဓာတ်အား ၃၃၀ မဂ္ဂါဝပ်ရှိတဲ့ ဓာတ်ပေါင်းဖို ၆ ခုဆောက်လုပ်သွားရန် ရှိတယ်လို့ ရုရှားမှ RIA Novosti သတင်းဌာနက ဖော်ပြထားပါတယ်။

၂.၄ ဂစ်ဂါဝပ်ရှိတဲ့ နျူကလီးယား ဓာတ်အားပေးစက်ရုံကြီး ဆောက်လုပ်ရန်အတွက်လည်း အစောပိုင်းတုန်းက ထိုနှစ်နိုင်ငံ ဆွေးနွေးခဲ့ကြပါသေးတယ်။

ဒါ့အပြင် ဥဇဘက်ထံသို့ ဓာတ်ငွေ့ပေးပို့မှုများ တိုးမြှင့်ရန်လည်း ပူတင်က ကတိပေးခဲ့ပါတယ်။

ပူတင်ဟာ ၅ နှစ်ဆက်တိုက် သမ္မတအဖြစ် ရွေးချယ်ခံရပြီးနောက် တတိယမြောက် နိုင်ငံခြားခရီးစဥ်အဖြစ် တနင်္ဂနွေနေ့က ဥဇဘက်မြို့တော် တက်ရှ်ကန့်သို့ လာရောက်ကာ ဆွေးနွေးပြောဆိုမှုများ ပြုလုပ်ခဲ့တာ ဖြစ်ပါတယ်။
Source: AP News
#Published 28 May 2024
#World_News
#Yangon_Times #YMG_News #Yangon_Media_Group

#World_News
Published 28 May 2024

▪️ ဗြိတိန်လမ်းပန်းမတော်တဆမှု ဆန်းစစ်ချက်များအရ မျိုးစပ်ကားတွေနဲ့ လျှပ်စစ်ကားတွေဟာ ဓာတ်ဆီဒီဇယ်ဆီ ကားတွေထက်စာရင် လမ်းလျှောက်သူတွေကို ပိုမိုထိခိုက်စေနိုင်ကြောင်း တွေ့ရှိထားပါတယ်။

▪️ အချက်အလက်များအရ မျိုးစပ်ကားများနဲ့ လျှပ်စစ်ကားတွေဟာ လောင်စာဆီသုံးကားများထက် လမ်းသွားလမ်းလာတွေကို တိုက်နိုင်ခြေ နှစ်ဆလောက် ပိုများနေပါတယ်။

▪️ ယူဆချက်အချို့ကတော့ လျှပ်စစ်ကားမောင်းနှင်သူတွေဟာ ငယ်ရွယ်ပြီး အတွေ့အကြုံနည်းတာကြောင့် တစ်ကြောင်း၊ လျှပ်စစ်ကားတွေက အသံပိုတိတ်ဆိတ်တာကြောင့် ကားသံကို ကြားဖို့ခက်ခဲတာက တစ်ကြောင်း ဖြစ်နိုင်ပါတယ်။

▪️ လျှပ်စစ်ကားတွေက ကားအသစ်တွေများပြားပြီး အသံပိုတိတ်ဆိတ်တာကြောင့် မောင်းနှင်သူတွေအနေနဲ့ အထူးဂရုပြုသင့်တယ်လို့ လန်ဒန်မှ ပရော်ဖက်ဆာ ဖီးလ်အက်ဒ်ဝပ်က ဆိုပါတယ်။

▪️ ယင်းတို့ရဲ့ သုံးသပ်ချက်တွေက ထိခိုက်မှုပေါင်း ၉ သိန်းကျော်ကို ဆန်းစစ်ထားတာဖြစ်ကာ လမ်းသွားလမ်းလာ ၉၆၀၀၀ ကျော်လောက်က ကားတိုက်ခံခဲ့ရပါတယ်။

▪️ ၂၀၁၉ ဇူလိုင်လကတည်းက ဥရောပမှာရောင်းချတဲ့ မျိုးစပ်ကားတွေနဲ့ လျှပ်စစ်ကားအားလုံးမှာ ကားအရှိန်နှေးနှေးဖြင့် မောင်းနေစဥ် အသံထုတ်လွှတ်ပေးမယ့် အသံသတိပေးစနစ် ပါရှိရန်လိုအပ်ပေမယ့် ထိုကိရိယာမပါတဲ့ လျှပ်စစ်ကား ထောင်နဲ့ချီရှိနေပါတယ်။

▪️ လျှပ်စစ်ကားတိုင်းမှာ ထိုစနစ်ကို သေချာပေါက်ထည့်သွင်းအောင် အစိုးရအနေနဲ့ သေချာပြုလုပ်သင့်တယ်လို့ အက်ဒ်ဝပ်က ပြောပြသွားပါတယ်။

#Source: WION

#World_Health
Published 28 May 2024

▪️ ငါးကြီးဆီဖြည့်စွက်စာများ ပုံမှန်သုံးစွဲခြင်းက နှလုံးရောဂါဖြစ်နိုင်ခြေများခြင်းနဲ့ ပထမဆုံးအကြိမ် လေဖြတ်ခြင်းတို့ ဖြစ်နိုင်ခြေ များစေနိုင်သလို လက်ရှိရှိနေတဲ့ နှလုံးသွေးကြောပြဿနာများ ပိုမိုဆိုးရွားလာခြင်းကို နှောင့်နှေးနိုင်ပြီး သေဆုံးမှုအန္တရာယ် လျှော့ချနိုင်တယ်လို့လည်း ယူကေမှ လေ့လာချက်တစ်ခုမှာ တွေ့ရှိထားပါတယ်။

▪️ အိုမီဂါ-၃ ဖက်တီးအက်ဆစ် ကြွယ်ဝတဲ့ ငါးကြီဆီဟာ ဦးနှောက်နဲ့ နှလုံးကျန်းမာရေးကို ထောက်ပံ့ပေးတယ်လို့ တွေ့ရှိထားပြီး ဖြစ်ပါတယ်။

▪️ ဒါပေမဲ့ ငါးကြီးဆီဖြည့်စွက်စာရဲ့ အကျိုးကျေးဇူးတွေကို လေ့လာရာမှာတော့ ရလဒ်တွေက ရောထွေးနေပါတယ်။

▪️ အသက် ၄၀ မှ ၆၉ နှစ်ကြား လူပေါင်း ၄၁၅၇၃၇ ဦးကို ၁၂ နှစ်တိုင်အောင် စောင့်ကြည့်လေ့လာခဲ့ကြပါတယ်။

▪️ ထိုထဲက ၃၁ ရာခိုင်နှုန်းလောက်က ငါးကြီးဆီပုံမှန်သောက်သုံးကြပါတယ်။

▪️ ဖြည့်စွက်စာစားသုံးသူတွေမှာ နှလုံးခုန်မမှန်တဲ့ရောဂါ ဖြစ်နိုင်ခြေ ၁၃ ရာခိုင်နှုန်းပိုများနေပြီး နှလုံးသွေးကြောရောဂါ မရှိဖူးတဲ့သူတွေမှာ လေဖြတ်နိုင်ခြေ ၅ ရာခိုင်နှုန်းများတယ်လို့ ဆက်စပ်တွေ့ရှိရပါတယ်။

▪️ နှလုံးသွေးကြောရောဂါတွေက ကမ္ဘာတဝှမ်းမှာ သေဆုံးမှုအများဆုံး အကြောင်းအရင်း ဖြစ်နေပါတယ်။

▪️ အထက်ပါရောဂါ တစ်မျိုးမျိုး ယခင်တည်းက ရှိသူတွေမှာတော့ နှလုံးဖောက်နိုင်ခြေနဲ့ အသက်သေဆုံးနိုင်ခြေ လျော့ပါးသွားပါတယ်။

▪️ အထူးသဖြင့် အမျိုးသားတွေနဲ့ သက်ကြီးရွယ်အိုတွေက ငါးကြီးဆီကနေ အကျိုးကျေးဇူး ပိုရရှိနိုင်ပါတယ်။

▪️ ပါဝင်စမ်းသပ်ခံသူတွေ သုံးစွဲတဲ့ ငါးကြီးဆီဖြည့်စွက်စာ ပမာဏနဲ့ ဆေးဖော်စပ်ပုံတွေကို အတိအကျ မသိရသလို လူအများစုက လူဖြူတွေဖြစ်တာကြောင့် အခြားလူမျိုးများအတွက် သိပ်ပြီးယူဆလို့မရပါဘူး။

▪️ ဒီလိုမျိုးတွေ့ရှိရတဲ့ အကြောင်းအရင်းတွေကို ပိုမိုသိရဖို့ နောက်ထပ်လေ့လာမှုတွေ လိုအပ်ကြောင်း သုတေသနပြုစုသူများက ဆိုပါတယ်။

#Source: New York Post

ထိုင်ဝမ်ခွဲထွက်သမားများအား သတိပေးသည့်အနေဖြင့် ထိုင်ဝမ်ကျွန်းတစ်ဝိုက် တရုတ်စစ်ရေးလေ့ကျင့်မှုများပြုလုပ်

တရုတ်ပြည်သူ့လွတ်မြောက်ရေးတပ် (PLA)က ထိုင်ဝမ်ကျွန်းတစ်ဝိုက် စစ်ရေးလေ့ကျင့်မှုများ ပြုလုပ်နေပြီး ထိုင်ဝမ်လွတ်လပ်ရေးလမ်းစဥ် လျှောက်လှမ်းနေတဲ့ ခွဲထွက်ရေးတပ်များကို ပြတ်ပြတ်သားသား သတိပေးလိုက်တဲ့သဘော ဖြစ်ပါတယ်။
#Asia_Military
Published_ 27 May 2024
#ထိုင်ဝမ်ကျွန်းတစ်ဝိုက် #တရုတ်စစ်ရေးလေ့ကျင့်မှုများပြုလုပ်
#Yangon_Times #YMG_News #Yangon_Media_Group

၂၇ မေ ၂၀၂၄

နစက ဥက္ကဋ္ဌရုံးဝန်ကြီးဌာန(၃) ပြည်ထောင်စုဝန်ကြီး ဦးအောင်နိုင်ဦးနှင့် စီမံကိန်းနှင့်ဘဏ္ဍာရေးဝန်ကြီးဌာန ဒုတိယဝန်ကြီး ဦးမောင်မောင်ဝင်းတို့အား တာဝန်မှအနားယူခွင့်ပြုလိုက်တယ်လို့ နစကက အမိန့်ထုတ်ပြန်ကြေညာပါတယ်။

ယနေ့ မေလ ၂၇ ရက် ရက်စွဲဖြင့် နစကရဲ့ အမိန့်အမှတ် ၃၈/၂၀၂၄ နှင့် ၃၉/၂၀၂၄ တို့ဖြင့် အဆိုပါ ပြည်ထောင်စုဝန်ကြီးနှင့် ဒုတိယဝန်ကြီးတို့ကို တာဝန်မှအနားယူခွင့်ပြုလိုက်တာဖြစ်ပါတယ်။

ပြည်ထောင်စုဝန်ကြီးဦးအောင်နိုင်ဦးဟာ မြန်မာအထူးစီးပွားရေးဇုန်များကို တာဝန်ယူဆောင်ရွက်ရတဲ့ ပြည်ထောင်စုဝန်ကြီး ဖြစ်ပါတယ်။

@ymg/knl