ပြည်တွင်း၊ ပြည်ပဈေးကွက်တွေကို  ကြက်သွန်နီတင်ပို့တဲ့အခါမှာ  သယ်ယူပို‌‌ ဆောင်တဲ့စရိတ်၊ လမ်းခရီးအခက်အခဲနဲ့ အခုနှစ်အတွင်းမှာ ရောဂါပိုးဒဏ်ကြောင့်  အရည်အသွေးပိုင်းဆိုင်ရာကျဆင်းတာ‌ တွေ ရှိခဲ့တဲ့အတွက်  ဒီရက်ပိုင်းအတွင်းမှာ ကြက်သွန်နီဈေးနှုန်းတွေ ကျဆင်းနေတယ်လို့ မြင်းခြံကုန်စည်ဒိုင်က သိရပါတယ်။
Yangon_Times/NN
#Local_News
#Published_ 29 May 2024
#Yangon_Times #YMG_News #Yangon_Media_Group

၂၉ မေ ၂၀၂၄

ထိုင်းနိုင်ငံရှေ့နေချုပ်က ဝန်ကြီးချုပ်ဟောင်း သက်ဆင်ရှင်နာဝါထရာအပေါ် ၂၀၁၉ခုနှစ်တုန်းက တေင်ကိုရီးယားမှာ အင်တာ   ဗျုးတစ်ခုကနေထိုင်းဘုရင်စနစ်ကိုစော်ကားမှု၊ ကွန်ပျူတာ ရာဇဝတ်မှုတွေနှင့် စွဲချင်တင်လိမ့်မယ်လို့ ဘန်ကောက်ပို့စ်က  သတင်းရေးပါတယ်။

ရှေ့နေချုပ်အမ်နက်ချက်ချာရိုအင်ရက်ဟာ ရဲတပ်ဖွဲ့ကအဆိုပြုထားတဲ့ အဆိုပါအမှုနှစ်ခုနှင့် သက်ဆင်အပေါ်စွဲချက်တင်ဖို့ ဆုံး    ဖြတ်ခဲ့တာလို့ ရှေ့နေချုပ်ရုံးပြောရေးဆိုခွင့်ရပုဂ္ဂိုလ် ပရာရွတ်ဖက်ချာရက်ခွန်က ယနေ့မေလ၂၉ရက်မနက်က ပြောကြားပါ   တယ်။

ဆုံးဖြတ်ချက်ဟာ ၂၀၁၅ခုနှစ် ဖေဖော်ဝါရီ ၂၁ရက်မှာ သက်ဆင်ပေးခဲ့တဲ့ အင်တာဗျူးကို ကိုးကားထားပါတယ်။ သက်ဆင်ဟာ  အမျိုးသားလုံခြုံရေးကို ခြိမ်းခြောက်စေနိုင်တဲ့ သတင်းအချက်အလက်တွေကို ကွန်ပျူတာထဲ ထည့်သွင်းခဲ့တဲ့အတွက်လည်း ကွန်ပျူတာရာဇဝတ်မှုနှင့်သူ့ကိုစွဲချက်တင်တာဖြစ်ပါတယ်။

ဒါပေမယ့် အမှုစွဲရှေ့နေတွေက သက်ဆင်ကို တရားရုံး ချက်ခြင်းဆင့်ခေါ်ခြင်းတော့မပြုခဲ့ပါဘူး။ ဘာဖြစ်လို့လဲဆိုတော့ သူ့ရဲ့ ရှေ့နေက သက်ဆင်ဟာ ကိုဗစ်ဖြစ်နေလို့ လာမယ့် တနင်္လာနေ့အထိ အနားယူဖို့လိုအပ်တယ်ဆိုပြီး ဆေးစာရွက် တင်သွင်းခဲ့ လို့ဖြစ်ပါတယ်။ သူဟာ ကြားနာမှုကို ဇွန် ၁၅ ရက်အထိရွှေ့ဆိုင်းဖို့ ကြိုးစားခဲ့ပါတယ်။

အဲဒါကြောင့် ဝန်ကြီးချုပ်ဟောင်းသက်ဆင်ဟာ ဇွန်လ ၁၈ ရက်နေ့ မနက်၉နာရီမှာ ရှေ့နေချုပ်ရုံးကို လာရောက်ဖို့  အစိုးရ ရှေ့နေတွေက သူ့ကို ဆင့်ခေါ်ထားတယ်လို့ မစ္စတာ ပရာရွတ်ကပြောပါတယ်။

ဧပြီ ၁၀ရက်နေ့တုန်းက မစ္စတာအမ်နက်ဟာ ဆုံးဖြတ်ချက်ကို ယခုဗုဒ္ဓဟူးနေ့ကို ရွှေ့ဆိုင်းပေးခဲ့တာဖြစ်ပါတယ်။

သက်ဆင်ဟာ ဖေဖော်ဝါရီ ၁၈ရက်မှာ ခံဝန်ဖြင့်လွတ်လာပြီးနောက် နည်းပညာမှုခင်းရဲဌာနခွဲက အဲဒီအမှုနှစ်ခုကို လွှဲယူခဲ့ပြီး သူ့ကို ယာယီလွတ်ငြိမ်းခွင့်ပြုခဲ့ပါတယ်။

ရှေ့နေချုပ်ရဲ့ကြေညာချက်နောက်မှာ သက်ဆင်ရဲ့ရှေ့နေ ဝင်ယတ်ချတ်မွန်ထရီက သူ့အမှုထည်ဟာ စွဲချက်တွေကို ရင်ဆိုင်ဖြေ ရှင်းလိမ့်မယ်လို့ပြောခဲ့ပါတယ်။

“ သက်ဆင်ဟာ သူအပြစ်မရှိကြောင်း သက်သေပြဖို့အဆင်သင့်ပဲ” လို့သူကပြောပါတယ်။

အင်တာဗျူးမှာသက်ဆင်ပြောထားခဲ့တာတွေဟာ ဘုရင်စနစ်ကိုစော်ကားပြီး ကွန်ပျူတာရာဇတ်ဝတ်မှုဥပဒေနှင့်ညိစွန်းထား တယ်လို့ ရဲတပ်ဖွဲ့ကစွပ်စွဲထားပါတယ်။

Source: Bangkok Post

@ymg/knl

Publicshed 29 May 2024

လှိုင်သာယာအရှေ့ပိုင်းမြို့နယ် မဟာတေဇမုနိစေတီတော်အတွင်း ကမ်းထိန်းလုပ်ငန်းဆောင်ရွက်ခြင်းလုပ်ငန်းများ ၉၅ရာခိုင်နှုန်းအထိပြီးစီး ပြီဖြစ်ကြောင်း ရန်ကုန်မြို့တော်စည်ပင်သာယာရေးကော်မတီမှသိရသည်။

အဆိုပါ  မဟာတေဇမုနိ စေတီတော်အတွင်း ကမ်းထိန်း လုပ်ငန်း ဆောင်ရွက်နေမှုများအား တိုင်းဒေသကြီး ရေအရင်းအမြစ်နှင့်  မြစ်ချောင်း များ ဖွံ့ဖြိုးတိုးတက်ရေးဦးစီး ဌာနက ဆောင်ရွက် နေခြင်းဖြစ်သည်။

မဟာတေဇမုနိပင်မစေ‌တီတော်အနီး ကမ်းပြိုခြင်းအား ဘိုးပိုင်အခြေ ပြု သံကူကွန်ကရစ် မြေထိန်းနံရံ အလျား ၂၀၀ ပေ တည်ဆောက် ခြင်း၊ ရင်ပြင်တော်အလျား ၁၄၀ ပေ၊ အကျယ် ၂၈ ပေ ချဲ့ခြင်းလုပ်ငန်း ခြင်း ၊ နဂါးရုံဘုရားအနီးတွင် အလျား ၁၅၄ ပေ၊ အနံ ၃၂ ပေ  ရှိ ရင်ပြင်တော်ချဲ့ခြင်းလုပ်ငန်း ဆောင်ရွက်ခြင်း ၊ အရိပ်ရပင်  စိုက်ပျိုးခြင်း၊ အမြင့်ဆုံးဒီရေ တက်လာချိန်တွင်လည်း‌ အပေါ် သို့ ဒီရေမတက်နိုင် စေရန်  ဆောင်ရွက်ထား ခြင်းများပြုလုပ်လျှက်ရှိရာလတ်တလောတွင် ယင်း လုပ်ငန်းများအားလုံး ၉၅ ရာခိုင်နှုန်းခန့် ပြီးစီးနေပြီဖြစ်ကြောင်းသိရသည်။
Yangon_Times/NN
#Local_News
#Published_ 29 May 2024
#Yangon_Times #YMG_News #Yangon_Media_Group

Published 29 May 2024

ယူကရိန်းကို အနောက်နိုင်ငံများမှ လက်နက်များ အသုံးပြုစေပြီး ရုရှားနိုင်ငံထဲသို့ ပစ်ခတ်ဖို့ အကြံပြုကြတဲ့ ဥရောပမှ နေတိုး(NATO)အဖွဲ့ဝင်များဟာ မီးနဲ့ကစားနေတာ ဖြစ်လိမ့်မယ်လို့ ရုရှားသမ္မတ ဗလာဒီမာပူတင်က အင်္ဂါနေ့မှာ သတိပေးလိုက်ပြီး တစ်ကမ္ဘာလုံးမှာ ပဋိပက္ခဖြစ်လာနိုင်တယ်လို့ ဆိုလိုက်ပါတယ်။

ယူကရိန်းမှာ ရုရှားတပ်တွေ ဆက်လက်ချီတက်လာတာနဲ့ ပတ်သက်ပြီး အနောက်နိုင်ငံက ဘယ်လိုလုပ်မလဲဆိုတာကို ကြိုးပမ်းလျက်ရှိရာ ပဋိပက္ခက တစ်ကမ္ဘာလုံးထံသို့ ကျယ်ပြန့်လာနိုင်ကြောင်း ပူတင်က ပြောကြားလာပါတယ်။

ယူကရိန်းအနေနဲ့ အနောက်နိုင်ငံမှ လက်နက်များ အသုံးပြုပြီး ရုရှားနိုင်ငံထဲသို့ ပစ်ခတ်ဖို့ကို နေတိုးအဖွဲ့ဝင်များက ခွင့်ပြုသင့်တယ်လို့ နေတိုးအထွေထွေ အတွင်းရေးမှူးချုပ် ယန်းစ်စတိုလ်တန်ဘာ့ဂ်က ပြောလိုက်ပြီး ဒီအမြင်ကို အချို့အဖွဲ့ဝင်များက ထောက်ခံနေကြပါတယ်။

တင်းမာမှုတွေ ဆက်တိုက်မြင့်တက်နေရင် အကျိုးဆက်တွေ ဆိုးရွားလာလိမ့်မယ်လို့ ပူတင်က ဥဇဘက်မြို့တော်မှာ သတင်းထောက်များကို ပြောပါတယ်။

ယူကရိန်းက တာဝေးပစ်လက်နက်များဖြင့် ရုရှားကို တိုက်ခိုက်မယ်ဆိုရင် အနောက်နိင်ငံတွေရဲ့ ဂြိုဟ်တု၊ ကင်းထောက်စနစ်များနဲ့ စစ်ရေးအကူအညီများ လိုအပ်တာကြောင့် အနောက်နိုင်ငံတွေက တိုက်ရိုက်ပါဝင် ပတ်သက်လာမှာဖြစ်သလို ယူကရိန်းထံသို့ ပြင်သစ်တပ်များ စေလွှတ်တာကလည်း တစ်ကမ္ဘာလုံးဆိုင်ရာ ပဋိပက္ခ ဖြစ်လာစေနိုင်တယ်လို့ ပူတင်က ဆိုပါတယ်။

နေတိုးအဖွဲ့ဝင် နိုင်ငံငယ်လေးတွေအနေနဲ့ ယင်းတို့ဘယ်သူနဲ့ ရင်ဆိုင်နေရလဲဆိုတာ သိထားသင့်တယ်လို့ ပြောပါတယ်။

ယူကရိန်းတို့က ရုရှားမြို့တွေ၊ ရေနံချက်စက်ရုံတွေကို အကြိမ်ကြိမ် တိုက်ခိုက်ခဲ့ရာ ရုရှားအနေနဲ့ သည်းမခံနိုင်ဖြစ်နေကြောင်း ရုရှားအရာရှိများက ဆိုပါတယ်။

ယူကရိန်းသမ္မတ တရားဝင်သတ်မှတ်ရေးနဲ့ ပတ်သက်ပြီး ရုရှားနိုင်ငံပိုင်ရုပ်သံက မေးမြန်းရာမှာ ယခုအချိန် ယူကရိန်းမှာ တရားဝင်အသိအမှတ်ပြု အာဏာပိုင်ဆိုလို့ ပါလီမန်လွှတ်တော်သာ ရှိကြောင်း ပူတင်က ပြောပြသွားပါတယ်။
Source: Reuters
#World_News
#Published_ 29 May 2024
#Yangon_Times #YMG_News #Yangon_Media_Group

Published_ 29 May 2024

အာဆီယံကော်မတီ(ဆိုးလ်)၏ အလှည့်ကျဥက္ကဋ္ဌတာဝန်ယူထားသည့် ကိုရီးယား သမ္မတနိုင်ငံဆိုင်ရာ မြန်မာသံအမတ်ကြီး ဦးသန့်စင်သည် မေ ၂၈ ရက်နေ့တွင် ဆိုးလ်မြို့၌ ပြုလုပ်သည့် အာဆီယံအတွင်းရေးမှူးချုပ် H.E. Dr. Kao Kim Hourn နှင့် အာဆီယံ ကော်မတီ(ဆိုးလ်)မှ သံရုံးအကြီးအကဲများနှင့်တွေ့ဆုံပွဲသို့တက်ရောက်ဆွေးနွေးခဲ့ကြောင်း သိရပါတယ်။

အာဆီယံအတွင်းရေးမှူးချုပ်က အာဆီယံဒေသတွင်း လတ်တလော တိုးတက် ဖြစ်ထွန်းမှုများနှင့် အာဆီယံနှင့်ကိုရီးယားသမ္မတနိုင်ငံတို့အကြားတည်ရှိသည့် ဆက်ဆံရေး အခြေအနေများကိုဆွေးနွေးခဲ့ပြီး အာဆီယံသံရုံး အကြီးအကဲများက ဖြစ်ပေါ်တိုးတက်မှု အခြေအနေများကို ဆွေးနွေးခဲ့ကြပါတယ်။

မြန်မာသံအမတ်ကြီးက မြန်မာနိုင်ငံသို့ သွားရောက်ခဲ့သည့် အာဆီယံဉက္ကဋ္ဌ၏ မြန်မာနိုင်ငံဆိုင်ရာအထူးကိုယ်စားလှယ် H.E. Mr. Alounkeo Kittikhoun ၏ အလုပ်သဘော ခရီးစဉ်အတွင်း ဖြစ်ပေါ်တိုးတက်မှုများ၊ အာဆီယံတူညီဆန္ဒ (၅) ချက်အား အကောင်အထည်ဖော်ရာတွင် မြန်မာနိုင်ငံအနေဖြင့် လူသားချင်းစာနာထောက်ထားမှု အကူအညီများပေးအပ်မှုအကြောင်း ဆွေးနွေးခဲ့ပါတယ်။

ထို့ပြင် အာဆီယံနှင့် ပူးပေါင်းဆောင်ရွက်လျက်ရှိသည့် အခြေအနေများနှင့် ယခုနှစ်အတွင်း အာဆီယံနှင့်ကိုရီးယားနိုင်ငံတို့အကြား ဘက်စုံ မဟာဗျူဟာမြောက် မိတ်ဖက်ဆက်ဆံရေး တိုးမြှင့်ဆောင်ရွက်မည့်ကိစ္စရပ်များကို ထည့်သွင်းဆွေးနွေးခဲ့ တယ်လို့ သတင်းရရှိပါတယ်။
Ymg_mnn
#Local_News
#Published_ 29 May 2024
#Yangon_Times #YMG_News #Yangon_Media_Group

Published 29 May 2024

လူတစ်ယောက်ဟာ လှုပ်ရှားမှုမရှိဘဲနဲ့ တစ်နေ့ကို ၈ နာရီကျော် ထိုင်လေ့ရှိတယ်ဆိုရင် ယင်းရဲ့အသက်ဆုံးရှုံးနိုင်ခြေက ဆေးလိပ်သောက်သူများ၊ အဝလွန်သူများကဲ့သို့ အတူတူပဲဖြစ်ကြောင်း အပိုလိုဆေးရုံမှ အာရုံကြောပညာရှင် ဒေါက်တာ ဆူဒီယာကူမာက X ဆိုရှယ်မီဒီယာမှာ ပြောပြသွားပါတယ်။

အထိုင်များတဲ့အခါ ဆီးချို၊ သွေးတိုး၊ အဝလွန်၊ LDL ကိုလက်စထရောလ်နဲ့ ထရိုင်ဂလစ်ထရိုက်များ မြင့်တက်ခြင်း၊ နှလုံးဖောက်ခြင်း၊ လေဖြတ်ခြင်း၊ ကင်ဆာနဲ့ အရွယ်မတိုင်ခင် သေဆုံးခြင်းတို့ ဖြစ်နိုင်ခြေများကြောင်း ရေးသားထားပါတယ်။

လက်တွေ့လေ့လာချက်များအရ အထိုင်များခြင်းဟာ ဆေးလိပ်သောက်သလိုမျိုး ကျန်းမာရေးပြဿနာအမျိုးမျိုး ဖြစ်လာစေနိုင်တယ်လို့ နာနာဗာတီမက်စ်စူပါအထူးကုဆေးရုံမှ ဒေါက်တာ ရာဟူတမ်ဘယ်ကလည်း ဆိုပါတယ်။

ကြာကြာထိုင်တဲ့အခါ ဂလူးကို့စ်ဇီဝဖြစ်ပျက်ခြင်းနဲ့ အဆီဓာတ်ဖြစ်တည်မှုများ ထိခိုက်စေကာ အင်ဆူလင်ယဥ်ပါးလာပြီး အန္တရာယ်ရှိ ကိုလက်စ်ထရောလ်များ မြင့်တက်လာစေနိုင်ပါတယ်။

ခြေထောက်သွေးကြောတွေထဲမှာ သွေးခဲပိတ်ဆို့မှုတွေ ဖြစ်လာပြီး သွေးခဲတွေက အဆုတ်သို့ရောက်တဲ့အခါ အသက်အန္တရာယ် ရှိလာနိုင်ပါတယ်။

ဒီပြဿနာကို ဖြေရှင်းဖို့က ပုံမှန်လှုပ်ရှားမှု ပြုလုပ်ဖို့ ဖြစ်ပါတယ်။

မကြာမကြာ လမ်းလျှောက်ခြင်း၊ မတ်တပ်ရပ်ပေးခြင်း၊ လှေကားထစ်တက်ခြင်းတို့ဖြင့် ဆိုးကျိုးများကို လျှော့ချနိုင်ပါတယ်။

နေ့စဥ် သိပ်ပြီးမပြင်းထန်တဲ့ လေ့ကျင့်ခန်းမျိုးတွေကို မိနစ် ၆၀ မှ ၇၅ မိနစ်လောက် ပြုလုပ်သင့်ပါတယ်။

နာရီဝက်ခန့် ထိုင်ပြီးတိုင်းမှာ ၅ မိနစ်လောက် ထပြီးလမ်းလျှောက်တာမျိုး ပြုလုပ်သင့်တယ်လို့လည်း ဆရာဝန်များက အကြံပြုပါတယ်။

အမောပြေ ထိုင်တာမျိုးတွေလျှော့ချပြီး ဆွေးနွေးတာတွေ၊ ကော်ဖီသောက်တာမျိုးတွေမှာ မတ်တပ်ရပ်ပြီး ပြုလုပ်သင့်ပါတယ်။

ဖြည်းဖြည်းချင်း ပုံမှန်ပြောင်းလဲသွားခြင်းက အချိန်ကြာလာတာနဲ့အမျှ ကျန်းမာရေးအပေါ် ကောင်းကျိုးသက်ရောက်လာနိုင်တယ်လို့ မဏိပူရဆေးရုံမှ ဒေါက်တာရှက်တီက ပြောပြသွားပါတယ်။
Source: India Today
#World_Health
#Published_ 29 May 2024
#Yangon_Times #YMG_News #Yangon_Media_Group

Published 29 May 2024

လူသားများကြောင့် ကမ္ဘာပေါ်မှာ သဘာဝပတ်ဝန်းကျင် ပြောင်းလဲဖောက်ပြန်ခြင်းကနေ လေဖြတ်ခြင်း၊ ဝက်ရူးပြန်၊ အာရုံကြော ရောဂါကူးစက်ခြင်း၊ အိပ်ရေးပျက်ခြင်းစတဲ့ ဦးနှောက်ပုံမှန်မဟုတ်ခြင်းတွေ ဖြစ်စေနိုင်ပါတယ်။

ရာသီဥတုပြောင်းလဲခြင်း၊ ရာသီဥတုဖြစ်စဥ်များအပေါ် သက်ရောက်မှုများ၊ ရာသီဥတု ဆိုးရွားခြင်းတို့က ဦးနှောက်ပြဿနာရှိသူတွေမှာ ကျန်းမာရေးကို ဆိုးရွားစေတယ်လို့ ပညာရှင်များက ဆိုပါတယ်။

ထိုသက်ရောက်မှုများအပေါ် သိရှိနားလည်အောင်လုပ်ပြီး ကျန်းမာရေးအခြေအနေ ကျဆင်းလာမှုတို့ကို ကာကွယ်ဖို့ လိုအပ်တယ်လို့ ဗြိတိန်ဦးဆောင်တဲ့ သုတေသနအဖွဲ့က တိုက်တွန်းလိုက်ပါတယ်။

၂၀၁၆ ခုနှစ်က လေ့လာချက်ကို အခြေခံပြီး အမျိုးမျိုးသော အာရုံကြောပြဿနာ ၁၉ မျိုးကို လေ့လာခဲ့ကြပြီး စိတ်ရောဂါပြဿနာတွေကိုလည်း ဆန်းစစ်ခဲ့ကြပါတယ်။ 

အပူချိန် နည်းလွန်းခြင်း များလွန်းခြင်း၊ တစ်နေ့တာအတွင်း အပူချိန် ကွာခြားပြောင်းလဲချက် များလွန်းခြင်းက ပုံမှန်မဟုတ်သလို ညဘက်မှာ အပူချိန်များလွန်းခြင်းက အိပ်စက်မှုကို ထိခိုက်စေကြောင်း ယူကေရာသီဥတုပြောင်းလဲခြင်းအဖွဲ့မှ ဆစ်ဆိုဒီယာက ပြောပြပါတယ်။

အပူလှိုင်းဖြတ်ခြင်း၊ အပူချိန်များလွန်းခြင်းကြောင့် ဆေးရုံတက်ရခြင်း၊ လေဖြတ်ခြင်း၊ အသက်သေဆုံးခြင်းတို့ပင် အဖြစ်များလာတယ်လို့ သုတေသီများ တွေ့ရှိလာပါတယ်။

အယ်လ်ဇိုင်းမားလိုမျိုး ဒီမန်ရှာရောဂါရှိသူတွေဟာ အပူချိန်လွန်ကဲခြင်းရဲ့ ဒဏ်ကို ပိုမိုခံစားရနိုင်ပြီး ယင်းတို့ရဲ့ အသိဉာဏ်ချို့တဲ့ခြင်းကြောင့် ပြောင်းလဲမှုနဲ့အညီ မပြုမူနိုင်ကြပါဘူး။

ကျန်းမာရေးအန္တရာယ်တွေကို မသိရှိကြသလို အကူအညီ တောင်းရမှန်းမသိ၊ ပူပြင်းတဲ့အခါ ရေများများ သောက်ရမှာတွေ အဝတ်ပါးပါးဝတ်ရမှာတွေကို မသိတာမျိုး ဖြစ်ကြပါတယ်။

ယခုသုတေသနတွေက လက်ရှိ ရာသီဥတု ပြောင်းလဲမှုသာမက အနာဂတ်အတွက်ပါ စဥ်းစားလုပ်ကိုင်သွားရမယ်လို့ ဖော်ပြသွားပါတယ်။
Source: The Jerusalem Post.
#World_Science
#Published_ 29 May 2024
#Yangon_Times #YMG_News #Yangon_Media_Group

လူလုပ်အသိဉာဏ်(AI)နည်းပညာဖြင့် အချက်အလက်များကို အမြင့်ဆုံး အနေအထား ဖော်ထုတ်ပြီး ရှားပါးရောဂါများကို ကုသရာမှာ အထောက်အကူ ဖြစ်နိုင်သလို ကမ္ဘာတဝှမ်းမှာ ပိုမိုထိရောက်တဲ့ ကုသနည်းတွေ ထွက်ပေါ်စေနိုင်ကြောင်း အမေရိကန် ဆေးဖက်ဆိုင်ရာ ပညာရှင်တစ်ဦးက သောကြာနေ့မှာ ပြောကြားလိုက်ပါတယ်။
၂၀၂၄ ကမ္ဘာလုံးဆိုင်ရာ ရှားပါးရောဂါများ သုတေသနစာတမ်းဖတ်ပွဲကို ရှန်ဟိုင်းမှာ အင်္ဂါနေ့က စတင်ပြုလုပ်ခဲ့ပါတယ်။
#World_Technology
#Published_ 28 May 2024
#Yangon_Times #YMG_News #Yangon_Media_Group

#Daily_News
Published_ 28 May 2024

၁။ ကျောင်းအပ်ချိန်ဖြစ်၍ စာအုပ်အဖုံးချုပ်သူများလာ၊ ဖလင်နှင့်ကတ်ထူဈေး နှစ်ဆတက်

၂။ ရာသီဥတုအခြေနေကြောင့် မွေးမြူရေး ငါးကန်အချို့ ကန်ဖေါ်ယူမှု ရပ်နားထားရဟုဆို

၃။ တစ်လတာအတွင်း သဘာဝ‌ဘေးပေါင်း၁၈၀ကျော်ဖြစ်ပွားခဲ့၊ နေပြည်တော်အပါအဝင် တိုင်းဒေသကြီးနှင့် ပြည်နယ်အသီးသီး၌  သဘာဝဘေး ကယ်ဆယ်ရေးပစ္စည်းများ အဆင်သင့်ပြင်ဆင်ထားဟုဆို

၄။ ရှားပါးရောဂါလက္ခဏာများရှာဖွေကုသရာ၌ AI နည်းပညာများဖြင့် အထောက်အကူဖြစ်စေနိုင်ဟု ပညာရှင်များသုံးသပ် ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Times #Daily_News #YMG_News #Yangon_Media_Group

မိုးရွာသွန်းမှုများဝာာကြောင့် ရန်ကုန်-မော်လမြိုင်ကားလမ်းမပေါ်ရှိ မစောတံတား မြေသားလမ်းလွှဲဖြတ်သန်းဖို့ ခက်ခဲနေပြီး ကားတွေစောင့်ဆိုင်းနေရတယ်လို့ ဒေသခံတွေဆီက သိရပါတယ်။
Yangon_Times/NN
#Local_News
#Published_ 28 May 2024
#Yangon_Times #YMG_News #Yangon_Media_Group

ဇွန်လမှာဧရာဝတီမြစ်‌ရေနဲ့ ချင်းတွင်းမြစ်ရေတွေဟာ အနည်းဆုံး(၆)ပေမှ အများဆုံး(၁၃)ပေခွဲအထိ ထပ်မြင့်တက်လာနိုင်ခြေရှိလို့  လှေ၊ စက်လှေ၊ သင်္ဘော၊ ရေယာဉ်တွေနဲ့ သဲသောင်ခုံ‌ပေါ်မှာ စိုက်ပျိုးနေထိုင်နေသူ‌တွေ သတိထားဖို့လိုတယ်။
Yangon_Times/tthl
#Local_News
#Published_ 28 May 2024
#Yangon_Times #YMG_News #Yangon_Media_Group

Published 28 May 2024

ကမ္ဘာ့အမွေအနှစ် ပုဂံဒေသတွင် မြေယာဝယ်ယူမည်ဆိုပါက ဝယ်ယူသူနှင့် လုပ်ငန်းဆောင်ရွက်သူ ကာယကံရှင်များ ငွေကြေးဆိုင်ရာ ဆုံးရှုံးနစ်နာမှားယွင်းမှု မရှိစေရန် ဝယ်ယူမှုမပြုခင် ရှေးဟောင်းသုတေသနနှင့် အမျိုးသားပြတိုက်ဦးစီးဌာန ပုဂံဌာနခွဲတွင် ဆက်သွယ်မေးမြန်း စုံစမ်းနိုင်ကြောင်းရှေးဟောင်းသုတေသနနှင့် အမျိုးသားပြတိုက်ဦးစီးဌာန ပုဂံဌာနခွဲမှ သိရသည်။

ပုဂံဒေသရှိ ယဉ်ကျေးမှုအမွေအနှစ် ဒေသများ တည်ရှိရာဒေသ (Property Area) ၁၂၃၄၂ ဒသမ ၂၉ ဧကနှင့် ကြားခံဒေသ (Buffer Area) ၄၄၃၄၆ ဒသမ ၂၉ ဧက စုစုပေါင်း ၅၆၆၈၉ ဒသမ ၂၁ ဧကအတွင်းတွင် ညောင်ဦးမြို့၊ ပုဂံမြို့ စသည့် မြို့နှစ်မြို့နှင့် ကျေးရွာပေါင်း ၄၁ ရွာ ပါဝင်ကြောင်း ရှေးဟောင်းသုတေသနနှင့် အမျိုးသားပြတိုက်ဦးစီးဌာန ပုဂံဌာနခွဲမှ ထုတ်ပြန်ထားသည်။

ယဉ်ကျေးမှုအမွေအနှစ်များ တည်ရှိရာ ဒေသအတွင်း ရှေးဟောင်းအဆောက်အအုံပေါင်း ၃၅၉၅ ဆူ၊ ကြားခံဒေသအတွင်း ၂၄၂ ဆူ စုစုပေါင်း ၃၈၃၇ ဆူ ပုဂံဌာနခွဲမှ ထိန်းသိမ်းထားကြောင်းသိရသည်။

ရှေးဟောင်းအမွေအနှစ် အဆောက်အအုံ များပြားကာ ၎င်းအဆောက်အအုံများနှင့် တွဲလျက်ရှိသော မြေယာရှုခင်းများနှင့် မြေယာထွန်ယက်စိုက်ပျိုးခြင်း ဓလေ့သည်လည်း လှပသော အမွေအနှစ်ပင်ဖြစ်၍ ထိန်းသိမ်းစောင့်ရှောက်နိုင်ရေးအတွက် ယဉ်ကျေးမှုအမွေအနှစ်ဒေသအတွင်း လယ်ယာမြေအခြားနည်း သုံးစွဲခွင့်နှင့် ဂရန်ထုတ်ပေးခြင်းများနှင့် ပတ်သက်၍ ရှေးဟောင်း သုတေသနနှင့် အမျိုးသားပြတိုက် ဦးစီးဌာန၌ ၂၀၂၀ ပြည့်နှစ် အောက်တိုဘာ ၈ ရက်တွင် ပြုလုပ်သည့် ပုဂံဒေသအမျိုးသားအဆင့် ပူးပေါင်းဆောင်ရွက်ရေးကော်မတီ (BAGANCOM) ပဉ္စမအကြိမ် အစည်းအဝေးတွင် “ပုဂံ ယဉ်ကျေးမှုဒေသအတွင်း စက်မှုစီးပွားမြေငှားဂရန် ပြောင်းလဲထုတ်ပေးခြင်း၊ လယ်ယာမြေ အခြားနည်းသုံးစွဲခွင့်နှင့် ထုတ်ပေးခြင်းများ ထိန်းချုပ်ကန့်သတ်ရန်နှင့် ဇုန်ပြင်ပတွင်သာ ခွင့်ပြုရန်” ဟု ဆုံးဖြတ်ခဲ့ကြကြောင်းလည်း ပါရှိသည်။

ကမ္ဘာ့အမွေအနှစ်ပုဂံဒေသတွင် သတ်မှတ်ထားသော မြို့ပြလူနေထိုင်ရာ ဧရိယာပြင်ပရှိ ယာမြေကွက်၊ မြေလွတ်မြေလပ်ကွက်များသည် လယ်ယာမြေ အခြားနည်းသုံးစွဲခွင့် ထုတ်ပေးမရသော နေရာများဖြစ်သဖြင့် မြေကွက်များ၊ ယာမြေကွက်များကို ဝယ်ယူ၍ အခြားနည်းအသုံးပြု လိုသူများ၊ လူနေအဆောက်အအုံများ၊ သာသနိကအဆောက်အအုံများ၊ ဈေးဆိုင်ခန်းများ ဆောက်လုပ်လိုသူများသည် လုပ်ငန်းဆောင်ရွက် ခွင့်မရနိုင်သောကြောင့် ဝယ်ယူသူနှင့် လုပ်ငန်းဆောင်ရွက်သူ ကာယကံရှင်များ ငွေကြေးဆိုင်ရာ ဆုံးရှုံးနစ်နာမှုရှိနိုင်ကြောင်း သိရသည်။

ထို့ပြင် ပုဂံဒေသ ဘက်စုံလွှမ်းခြုံသော စီမံခန့်ခွဲရေးမူဘောင် (၅.၂) တွင် “ကမ္ဘာ့အမွေအနှစ်ဇုန်အတွင်းရှိ မြို့ပြဧရိယာများသည် အပြည့်အဝကာကွယ်ရန် လိုအပ်ပြီး ဖွံ့ဖြိုးရေးလုပ်ငန်းများကို အကန့်အသတ်ဖြင့် အသုံးပြုနိုင်ကြောင်း၊ အဆောက်အအုံ မဆောက်ရသေးသည့် နေရာများသည် ယခုအတိုင်းထားရှိပြီး မည်သည့် ဆောက်လုပ်ရေးလုပ်ငန်း ကိုမျှ ဆောက်လုပ်ခွင့်မပြုကြောင်းနှင့် အမွေအနှစ်ဇုန်အတွင်းရှိ မြေယာရှုခင်းဆိုင်ရာ စည်းကမ်းချက်များကို လိုက်နာရပါမည်” ဟု ဖော်ပြပါရှိသည်။

ထို့ကြောင့် မြေယာဝယ်ယူမည်ဆိုပါက မှားယွင်းမှုမရှိစေရေးအတွက် ဝယ်ယူမှုမပြုခင် ရှေးဟောင်းအမွေအနှစ်များ ကာကွယ်ထိန်းသိမ်း စောင့်ရှောက်လျက်ရှိသည့် ရှေးဟောင်းသုတေသနနှင့် အမျိုးသားပြတိုက်ဦးစီးဌာန ပုဂံဌာနခွဲသို့ ဆက်သွယ်မေးမြန်း စုံစမ်းနိုင်ပါကြောင်း အသိပေးထားသည်။
Yangon_Times/LW
#Local_News
#Published_ 28 May 2024
#Yangon_Times #YMG_News #Yangon_Media_Group