တရုတ်အလယ်ပိုင်း ဟူနန်ဒေသမှာ ဒရုန်းများဖြင့် ပစ္စည်းပို့လုပ်ငန်း လုပ်ဆောင်နေပြီဖြစ်ပြီး အနိမ့်ပျံသန်းစီးပွားရေး စတင်လည်ပတ်ပြီဖြစ်ကာ ဝယ်ယူသုံးစွဲသူများအနေဖြင့် ပစ္စည်းပို့လုပ်ငန်းကဏ္ဍနဲ့ ပတ်သက်ပြီး ရွေးချယ်စရာ ပိုများလာပါတယ်။
#Asia_Development
#Published_ 29 May 2024
#Yangon_Times #YMG_News #Yangon_Media_Group

#Daily_News
Published_ 29 May 2024

၁။ မနှစ်ကထက် ဈေးတက်ပေမည့်လည်း ဂျပန်ထီးများ ရောင်းအားတက်နေ၊ မစောတံတားဖြတ်ရန် ထီးကုန်တင်ယာဉ်များ စောင့်ဆိုင်းနေရ

၂။ သယ်ယူပို့ဆောင်ရန်အခက်အခဲနှင့် အရည်အသွေးကြောင့် ကြက်သွန်နီဈေးနှုန်းကျဆင်း

၃။ ဆိတ်မွေးမြူသူ နည်းလာသည့်အတွက် မွေးမြူရေးဆိတ်မဈေးကွက် တစ်ကောင်လျှင် ကျပ်သုံးသောင်းခန့် ဈေးကျဆင်း

၄။ တရုတ်ပြည်အလယ်ပိုင်းဟူနန်ဒေသတွင် ဒရုန်းဖြင့် ပစ္စည်းပို့လုပ်ငန်း စတင်လည်ပတ် ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Times #Daily_News #YMG_News #Yangon_Media_Group

အချို့ စစ်ဘေးရှောင်ပြည်သူတွေဟာ နေရပ်ကို ပြန်သွားကျတာရှိပေမယ့် နေရပ်ပြန်ရန် အဆင်မပြေသေးသူများနဲ့ ထပ်တိုးရောက်ရှိလာသူတွေအပါအ၀င် တောင်ငူမြို့နယ်အတွင်းက စစ်ဘေးရှောင်စခန်း ၆၅ ခုမှာ နေထိုင်ရတဲ့ နေရပ်စွန့်ခွာ ပြည်သူတစ်သောင်းဝန်းကျင်ခန့် ရှိသေးတယ်၊ စားနပ်ရိက္ခာနှင့် ဆေးဝါးလိုအပ်ချက်များ ရှိနေတယ်လို့ သိရပါတယ်။
Yangon_Times/LW
#Local_News
#Published_ 29 May 2024
#Yangon_Times #YMG_News #Yangon_Media_Group

၂၉ မေ ၂၀၂၄

မြန်မာနိုင်ငံမှာ အငယ်စား နျူကလီးယားစွမ်းအင်သုံး ဓာတ်အားပေးစက်ရုံ တည်ဆောက်ဖို့  ပူးပေါင်းဆောင်  ရွက်ရေး အခြေခံမူဆိုင်ရာ သဘောတူညီချက်မူကြမ်းကို ရုရှားဖက်ဒရေးရှင်း အစိုးရက အတည်ပြုပေးလိုက်   ပြီလို့ သိရပါတယ်။

အဆိုပါသဘောတူညီချက်မူကြမ်းကို ရုရှားအစိုးရက ၂၀၂၄ခုနှစ် မေလ ၂၃ရက်နေ့တွင် အမိန့်အမှတ် 1225-r ဖြင့် အတည်ပြုလိုက်တာဖြစ်တယ်လို့ ရုရှားနိုင်ငံရဲ့ နျူကလီးယားစွမ်းအင်ဆိုင်ရာ မီဒီယာများက သတင်း ရေးသားဖော်ပြကြပါတယ်။

“ ၂၀၂၄ ခုနှစ်၊ မေလ ၂၃ ရက် နေ့စွဲပါ အစိုးရအမိန့်အမှတ် 1255-R အရ မြန်မာနိုင်ငံတွင် water reactor ကို   အခြေခံ၍ နျူကလီးယားဓာတ်အားပေးစက်ရုံတည်ဆောက်ရန်ပံ့ပိုးပေးသည့် Rosatom နိုင်ငံပိုင်ကော်ပိုရေး  ရှင်း မှတစ်ဆင့် စာရွက်စာတမ်းတစ်ခု လက်မှတ်ရေးထိုးနိုင်မည် ဟု မျှော်လင့်ပါသည်” လို့ မြန်မာနိုင်ငံဆိုင်ရာ ရုရှားနိုင်ငံရဲ့ကုန်သွယ်ရေးကိုယ်စားလှယ် တယ်လီဂရမ်စာမျက်နှာမှာလည်း အဆိုပါသတင်းကို ဖော်ပြထား   ပါတယ်။

အဆိုပါသဘောတူညီချက်မူကြမ်းကို Rosatom ကော်ပိုရေးရှင်းက တင်ပြခဲ့တာဖြစ်ပြီး ရုရှားနိုင်ငံခြားရေး ဝန်ကြီးဌာနနှင့် အခြားသောဖက်ဒရယ်အဆင့်သက်ဆိုင်ရာအာဏာပိုင်အဖွဲ့အစည်းတွေက သဘောတူခဲ့ကြ  တယ်လို့လည်း သတင်းထုတ်ပြန်ချက်အရသိရပါတယ်။ ဒီစီမံကိန်းကို မြန်မာဘက်က တွက်ချက်မှုတွေ‌ ဆောင်   ရွက်ပြီးစီးပြီဖြစ်တယ်လို့ဆိုပါတယ်။

မူကြမ်းမှာ မြန်မာနိုင်ငံ၌ ရုရှားရဲ့ ဖိအားသိပ်ရေဓာတ်ပေါင်းဖို pressurized water reactors တွေအပေါ် အခြေခံပြီး အနည်းဆုံး ၁၁၀ မဂ္ဂါဝပ်ထွက်ရှိမယ့် နျူကလီးယားဓာတ်အားပေးစက်ရုံတစ်ရုံ တည်ဆောက်မှာ  ဖြစ်ပါတယ်။

မူကြမ်းရဲ့အခန်း(၂)မှာ ပူးပေါင်းဆောင်ရွက်ရေးနယ်ပယ်တွေကိုဖော်ပြထားပါတယ်။ အဲဒါတွေကတော့ အင်ဂျင်နီယာလုပ်ငန်းဆိုင်ရာ တိုင်းတာတွက်ချက်မှု engineering surveys ၊ ပတ်ဝန်းကျင်အကျိုးသက်  ရောက်မှုဆိုင်ရာ လေ့လာဆန်းစစ်မှု EIA၊ နျူကလီးယားဓာတ်အားပေးက်ရုံ ဒီဇိုင်းနှင့်ဆောက်လုပ်ရေး၊  စက်ကိရိယာများနှင့်ပစ္စည်းများ ထောက်ပံ့ခြင်း၊ လောင်စာဆီထောက်ပံ့ခြင်း၊စက်တပ်ဆင်ခြင်းနှင့် လုပ်ငန်း    အပ်နှံခြင်း၊ အာမခံဝန်ဆောင်မှု၊အသုံးပြုလောင်စာဆီစီမံခန့်ခွဲမှု၊ လေ့ကျင့်သင်တန်းများနှင့် အခြားသော နယ်ပယ်တွေပါဝင်တယ်လို့ အဆိုပါသတင်းမှာရေးသားထားပါတယ်။

ရုရှားဘက်မှာ Rosatom နှင့် RTN တို့ပါဝင်ပြီး မြန်မာဘက်အခြမ်းမှာ အမျိုးသား နျူကလီးယားအစီအစဉ် အကောင်အထည်ဖော်ရေးကော်မတီနှင့် သိပ္ပံနှင့်နည်းပညာဝန်ကြီးဌာနတို့ပါဝင်တယ်လို့လည်းသိရပါတယ်။

ရုရှားနိုင်ငံမှာတည်ဆောက်သကဲ့သို့ ရုရှားမှာကျင့်သုံးနေတဲ့ နျူကလီးယားစွမ်းအင်ဆိုင်ရာ လုပ်ထုံးလုပ်နည်း   တွေနှင့်အညီ စီမံကိန်းကိုအကောင်အထည်ဖော်သွားမှာလည်းဖြစ်ပါတယ်။

ရုပ်ဝတ္ထုဆိုင်ရာ အကာအကွယ်ပေးရေးစနစ်ကိုတော့ နိုင်ငံတကာနျူကလီးယားစွမ်းအင်အေဂျင်စီရဲ့ စာရွက်   စာတမ်းတွေထဲမှာ‌ ထောက်ခံထားပြီးဖြစ်တဲ့ ဒီဇိုင်းတွေအတိုင်းဆောင်ရွက်သွားမယ်လို့လည်း သတင်းမှာ      ဖော်ပြထားပါတယ်။

Source: Atomic Energy မီဒီယာ

Photo: Rosatomက ပြသထားသည့် အသေးစားနျူကလီးယားဓာတ်အားပေးစက်ရုံပုံစံငယ်

ပုပ္ပါးတောင်တစ်ဝှိက်မှရရှိတဲ့ နိုတိုက်သတ္တဝါနှင့် အင်ကြင်းပင်ကျောက် ဖြစ်ရုပ်ကြွင်း (၁၄၀)ခုကို လင်းဟိုတယ်ကိုကိုယ်ပိုင်ထိန်းသိမ်းပြသခွင့်အဖြစ် ရှေးဟောင်းဝတ္ထုပစ္စည်းထိန်းသိမ်းခွင့်လက်မှတ် ပုံစံ(၄)ထုတ်ပေးခဲ့တယ်။
Yangon_Times/tthl
#Local_News
#Published_ 29 May 2024
#Yangon_Times #YMG_News #Yangon_Media_Group

Published_ 29 May 2024

ချင်းတွင်းမြစ်ရေသည် မေလ(၂၉)ရက်မှ နောက်(၁)ရက် ဟုမ္မလင်းမြို့၏စိုးရိမ်ရေအမှတ်သို့ ရောက်နိုင်ကြောင်း မိုးလေဝသနှင့်ဇလဗေဒညွှန်ကြားမှုဦးစီးဌာနမှသတိပေးထားသည်။

လက်ရှိ မေလ(၂၉)ရက်တိုင်းတာချက်များအရ ချင်းတွင်းမြစ်ရေသည် ဟုမ္မလင်းမြို့၏ စိုးရိမ်ရေအမှတ်အောက် (၉)ပေခန့်တွင်ရောက်ရှိနေပြီး နောက်(၁)ရက် မေလ(၃၀)ရက်တွင် ဟုမ္မလင်းမြို့၏စိုးရိမ်ရေအမှတ်သို့ ရောက်နိုင်သည်ဟုဆိုသည်။

သို့ဖြစ်၍ ဟုမ္မလင်းမြို့နယ်အတွင်းရှိ မြစ်ကမ်းအနီးနှင့်မြေနိမ့်ပိုင်းနေထိုင်သူများအနေဖြင့် အထူးသတိပြု နေထိုင်ကြရန် သတိပေးထားကြောင်းသိရသည်။

ဇွန်လထဲတွင် ဧရာဝတီမြစ်ရေရောချင်းတွင်းမြစ်ရေပါ လက်ရှိရေအမှတ်များမှ (၆)ပေမှ(၁၃)ပေခွဲအထိ မြင့်တက်လာနိုင်သဖြင့်အထူးသတိထားရန်လည်း သတိပေးချက်ထုတ်ပြန်ထားကြောင်း သိရသည်။
Yangon_Times/tthl
#Local_News
#Published_ 29 May 2024
#Yangon_Times #YMG_News #Yangon_Media_Group

Published_ 29 May 2024

အခြေခံပညာစနစ်သစ် Grade - 9 အောင်မြင်ပြီးသူများ အနေဖြင့် သမဝါယမစာရင်းကိုင် သက်မွေးပညာသင်တန်းကျောင်းသို့ တက်ရောက်နိုင် မည်ဖြစ်ကြောင်းသိရသည်။

သမဝါယမစာရင်းရေး စာရင်းကိုင်သက်မွေးပညာသင်တန်းကျောင်းများမှာ  မကွေး၊ မန္တလေး၊ တောင်ကြီး၊ မော်လမြိုင်၊ ပုသိမ် တို့တွင်   (၃) နှစ်တာသင်တန်းများအဖြစ် တက်ရောက်ရမည် ဖြစ်သည်။ အဆိုပါ သင်တန်းကျောင်းများ၌ အထက်တန်းပညာရေးနှင့် စာရင်းကိုင်သက်မွေးပညာကို တွဲဖက်သင်ကြားပေးမည့်သင်တန်းအား  လာမည့် ဇွန်လ (၁၇) ရက်နေ့မှာ စတင် ဖွင့်လှစ်သွားမည်ဖြစ်ကြောင်းသိရသည်။

ယင်း သင်တန်းပြီးဆုံးအောင်မြင်ပါက Certificate in Business Accounting (စီးပွားရေးစာရင်းကိုင်ပညာ) အောင်လက်မှတ်ကို ရရှိမည့်အပြင် သတ်မှတ်ထားသော အရည်အချင်းများ ပြည့်မီပါက သမဝါယမကောလိပ်များသို့ ပေါင်းကူး၍ ဆက်လက်ပညာသင်ကြားနိုင်မည်ဖြစ်ကြောင်းသိရသည်။

သင်တန်းကာလမှာ (၃) နှစ်ဖြစ်ပြီး Grade-10, Grade-11, Grade-12 တို့၏ မြန်မာစာ၊ အင်္ဂလိပ်စာ၊ သင်္ချာ၊ ဘောဂဗေဒတို့ကို သင်ကြားပေးမည့်အပြင် ကျောင်း၏ အဓိကဘာသာရပ်များဖြစ်သော ကွန်ပျူတာ၊ ICT ဘာသာရပ်များ၊ Cost Accounting၊ Financial Accounting၊ Computerized Accounting နှင့် သမဝါယမစာရင်းကိုင်စာရင်းစစ် ဘာသာရပ်များကို လေ့လာရမည်ဖြစ်သည့် အပြင် လက်တွေ့လုပ်ငန်းခွင်များတွင် သွားရောက်လေ့လာလုပ်ကိုင်ရမည့် လက်တွေ့သင်ခန်းစာများလည်း ပါဝင် ကြောင်းသိရသည်။

သင်တန်းပြီးဆုံးအောင်မြင်ပါက Certificate in Business Accounting အောင်လက်မှတ်ကို ရရှိမည်ဖြစ်ပြီး ဂုဏ်ထူးဖြင့် ထူးချွန်အောင်မြင်သူများသည် သမဝါယမကောလိပ် (မန္တလေး၊ ဖောင်ကြီး) နှင့် သမဝါယမနှင့် စီမံခန့်ခွဲမှုပညာတက္ကသိုလ် (သန်လျင်၊ စစ်ကိုင်း) တို့တွင် ဆက်လက်ပညာသင်ကြားနိုင်ပြီး  ရိုးရိုးအဆင့်ဖြင့်အောင်မြင်သူများသည် ဘဏ်များ၊ ကုမ္ပဏီများ၊ စီးပွားရေးအဖွဲ့အစည်းများနှင့် သမဝါယမအသင်းများနှင့် ချိတ်ဆက်၍ အလုပ်အကိုင်အခွင့်အလမ်းများ ရရှိနိုင်မည်ဖြစ်ကြောင်းသိရသည်။
Yangon_Times/NN
#Local_News
#Published_ 29 May 2024
#Yangon_Times #YMG_News #Yangon_Media_Group

Published_ 29 May 2024

မုတ်သုန်မိုးနှင့် မိုးတိမ်တောင်များကြောင့် ကချင်၊မွန်၊စစ်ကိုင်းအပါအဝင်ဒေသတော်တော်များများ ၌မိုးရွာသွန်းခြင်း၊မိုးသည်းခြင်းနှင့်‌လေပြင်းတိုက်ခြင်းဖြစ်နိုင်ကြောင်း မိုးလေဝသနှင့်ဇလ‌ဗေဒညွှန်ကြားမှုဦးစီးဌာနမှသိရသည်။

 မနက်ဖြန် မေလ(၃၀)ရက်နံနက်အထိခန့်မှန်းချက်အဖြစ် မန္တလေးတိုင်း‌ဒေသကြီး၊ မကွေးတိုင်းဒေသကြီး၊ ရှမ်းပြည်နယ် (အရှေ့ပိုင်း)နှင့် ကယားပြည်နယ်တို့တွင် နေရာကျဲကျဲ၊ စစ်ကိုင်းတိုင်းဒေသကြီး အောက်ပိုင်းနှင့် ရှမ်းပြည်နယ်(မြောက်ပိုင်းနှင့် တောင်ပိုင်း)တို့တွင် နေရာစိပ်စိပ်နှင့် ကျန်တိုင်းဒေသကြီးနှင့် ပြည်နယ်တို့တွင် နေရာအနှံ့အပြား မိုးထစ်ချုန်းရွာပြီး၊ စစ်ကိုင်းတိုင်းဒေသကြီးအထက်ပိုင်း၊ ကချင်ပြည်နယ်နှင့် မွန်ပြည်နယ်တို့တွင် နေရာကွက်၍ မိုးကြီးနိုင်သည်ဟုဆိုသည်။

မိုးတိမ်တောင်ဖြစ်‌ပေါ်မှုအခြေအနေအဖြစ် စစ်ကိုင်းတိုင်းဒေသကြီး၊ မကွေးတိုင်းဒေသကြီး၊ ပဲခူးတိုင်းဒေသကြီး၊ ရန်ကုန်တိုင်းဒေသကြီး၊ ဧရာဝတီတိုင်းဒေသကြီး၊ တနင်္သာရီတိုင်းဒေသကြီး၊ ကချင်ပြည်နယ်၊ ရှမ်းပြည်နယ်(မြောက်ပိုင်း)၊ ချင်းပြည်နယ်၊ ရခိုင်ပြည်နယ်၊ ကရင်ပြည်နယ်နှင့် မွန်ပြည်နယ်တို့တွင် မိုးတိမ်တောင်များ ဖြစ်ထွန်းမှု အားကောင်းလျက်ရှိပြီး 

အဆိုပါ မိုးတိမ်တောင်များ ရွေ့လျားရာ နေရာတစ်လျှောက်တွင် မိုးရွာသွန်းခြင်းနှင့်အတူ လေပြင်းတိုက်ခတ်ခြင်း၊ မိုးထစ်ချုန်းခြင်း၊ မိုးကြိုးပစ်ခြင်း၊ လျှပ်စီးလက်ခြင်းနှင့် မိုးသီးကြွေခြင်း စသည့် မိုးလေဝသဖြစ်စဉ်များ ဖြစ်ပေါ်နိုင်ပါသဖြင့် ကြိုတင်သတိပြုနိုင်ပါရန် အကြံပြုထားသည်။

မြန်မာ့ကမ်းရိုးတန်းတစ်လျှောက်နှင့် ကမ်းလွန်ပင်လယ်ပြင်တို့တွင် တစ်ခါတစ်ရံ မိုးသက်လေပြင်းများကျရောက်ပြီး လှိုင်းအသင့်အတင့်မှ လှိုင်းကြီးနိုင်‌သည်။

နောက်(၂)ရက် မေလလ(၃၀)ရက်နှင့်(၃၁)ရက်အတွက်ခန့်မှန်းချက်က‌‌တော့အနောက်တောင်မုတ်သုံလေသည် ကချင်၊ချင်း၊စစ်ကိုင်းအထက်ပိုင်း စသည့်မြန်မာနိုင်ငံမြောက်ပိုင်းဒေသများသို့ ဝင်ရောက်နိုင်ကြောင်း သိရသည်။
Yangon_Times/tthl
#Local_News
#Published_ 29 May 2024
#Yangon_Times #YMG_News #Yangon_Media_Group

Published 29 May 2024

မလေးရှားနိုင်ငံရှိ မြန်မာနိုင်ငံသားများကို နိုင်ငံကူးလက်မှတ်လျှောက်ထားခြင်းနှင့် CI‌ လျှောက်ထားခြင်း ဆိုင်ရာ ကိစ္စရပ်များနှင့် ပက်သက်ပြီး လူမှုကွန်ယက်စာမျက်နှာများမှတစ်ဆင့် လ်ိမ်လည်လှည့်ဖျားခြင်းများ ရှိနေသောကြောင့် ထိုသို့ လုပ်ဆောင်သူများကို ဥပဒေနှင်အညီ အရေးယူဆောင်ရွက်သွားမည်ဖြစ်ကြောင်း မလေးရှားနိုင်ငံဆိုင်ရာ မြန်မာသံရုံးက ကြေညာလိုက်သည်။

နိုင်ငံကူးလက်မှတ် သက်တမ်းတိုးခြင်း၊ အသစ်လျှောက်ထားခြင်းနှင့်C of I လျှောက်ထားခြင်းကိစ္စရပ်များနှင့် ပက်သက်၍ အခြေနေမှန်ကို မသိနားမလည်သည် မြန်မာနိုင်ငံသားများကို လိမ်လည်လှည့်ဖျားလိုသူများက Facebook နှင့် Tik Tok များ အသုံးပြု၍ သတင်းအမှား ၊ မမှန်ကန်သည့် ရေးသား ဖြန့်ဝေနေသည်ကို တွေ့ရှိရကြောင်း သံရုံး၏ ကြေညာချက်တွင် ဖေါ်ပြထားသည်။

အဆိုပါလူမှုကွန်ယက်စာမျက်နှာများတွင် သံရုံး၏ အမည်များကိုပါ ထင်ရောင်ထင်မှား ဖြစ်စေရန် ရေးသားခြင်းများ ရှိနေသဖြင့် ယင်းလူမှုကွန်ယက်စာမျက်နှာများ မြန်မာသံရုံးနှင့်လုံဝ သက်ဆိုင်ခြင်းမရှိကြောင်း နှင့်မြန်မာနိုင်ငံသားများအား လိမ်လည်လှည့်ဖြားနေသူများကို မြန်မာသံရုံးမှ ဥပဒေနှင့်အညီ အရေးယူဆောင်ရွက်သွားမည် ဖြစ်ကြောင်း အသိပေးထားသည်။

မလေးရှားရောက် မြန်မာနိုင်ငံ သားများ ၏ နိုင်ငံကူးလက်မှတ်နှင့်CI ထုတ်ပေးသည့် ကိစ္စရပ်များ ကို ကွာလာလမ်ပူမြို့ မြန်မာသံရုံး အနေဖြင့် ညွန်ကြားချက်များနှင့်အညီ www.mekl.org တွင်ရက်ချိန်းရယူပြီး ဆောင်ရွက်ပေးလျက်ရှိကြောင်း သိရသည်။
Yangon_Times/LW
#Local_News
#Published_ 29 May 2024
#Yangon_Times #YMG_News #Yangon_Media_Group

Published_ 29 May 2024

လာမည့်ဒီဇင်ဘာလတွင်ကျင်းပမည့် ပဉ္စမအကြိမ် ‘အမျိုးသားအားကစားပွဲတော်’၌ဝန်ကြီးဌာနအလိုက် ပြိုင်ပွဲတွင် အားကစားနည်း (၆)နည်း၊တိုင်းဒေသကြီးနှင့် ပြည်နယ်တွင်အားကစားနည်း(၂၃) နည်းဖြင့်ခန့်မှန်း အားကစား သမာ စုစုပေါင်း (၆၅၀၀)ခန့်ပါဝင်ယှဉ်ပြိုင်ရန် လျာထားကြောင်းသိရသည်။

ယင်းကဲ့သို့ လျာထားဆောင်ရွက်နေကြောင်းကို ၂၀၂၄ ခုနှစ် ပဉ္စမအကြိမ် အမျိုးသားအားကစားပွဲတော် ကျင်းပရေး ဦးစီးကော်မတီ ပထမအကြိမ် အစည်းအဝေးတွင် ပဉ္စမအကြိမ် အမျိုးသားအားကစားပွဲတော် ကျင်းပရေး ဦးစီး ကော်မတီနာယက နစက၊ဒုတိယဥက္ကဋ္ဌ ဒုတိယဝန်ကြီးချုပ် ဒုတိယဗိုလ်ချုပ်မှူးကြီး စိုးဝင်းကထည့်သွင်း ပြောကြားချက်အရသိရခြင်းဖြစ်သည်။

‘‘မြန်မာ့အားကစားအဆင့်အတန်း တိုးတက်မြင့်မားရေး အတွက် မဖြစ်မနေဆောင်ရွက်ပေးရမည့် လုပ်ငန်းတာဝန် နယ်ပယ်များစွာရှိသည့်အနက် ကဏ္ဍအစုံတွင် အားကစားပြိုင်ပွဲမျိုးစုံကို ပုံမှန်ကျင်းပပြုလုပ်ပေးရမည်ဆိုသည့် အတိုင်း နိုင်ငံတော်စီမံအုပ်ချုပ်ရေးကောင်စီအနေဖြင့် နှစ်များအလိုက် အားကစားပြက္ခဒိန်ရေးဆွဲပြီး ပြိုင်ပွဲများ ကျင်းပပေးခဲ့သည့်အတွက် ယခုကဲ့သို့ ၂၀၂၄ ခုနှစ် ဒီဇင်ဘာလတွင် ကျင်းပမည့် ပဉ္စမအကြိမ် အမျိုးသား အားကစားပွဲတော်ကြီး ကျင်းပနိုင်ရေးကိုလည်း စီစဉ်ဆောင်ရွက်ပေးခြင်းဖြစ်ကြောင်း၊

အမျိုးသားအားကစားပွဲတော်ဆိုသည့် ဂုဏ်ဒြပ်နှင့်အညီ ပြိုင်ပွဲ ပွဲစဉ်တိုင်း ပြိုင်ဆိုင်မှုပြင်းထန်မည် ဖြစ်သော် လည်း အားကစားစိတ်ဓာတ်၊ အားကစားအဓိဋ္ဌာန်များနှင့်အညီ ယှဉ်ပြိုင်ပြီး တစ်ဖက်ကလည်း မှန်ကန်မျှတပြီး စည်းကမ်းစနစ်ကျသည့် ပြိုင်ပွဲများဖြစ်စေရေး တာဝန်ရှိသူအဆင့်ဆင့်က အငြင်းပွားဖွယ်ရာများမဖြစ်အောင် မှန်မှန်ကန်ကန်မျှမျှတတ စီမံဆုံးဖြတ်ဆောင်ရွက်သွားကြရန်လိုကြောင်း၊

သို့မှသာ (၃၃)ကြိမ်မြောက် အရှေ့တောင်အာရှအားကစား ပြိုင်ပွဲကြီးနှင့်အတူ အခြားသော နိုင်ငံတကာအားကစား ပြိုင်ပွဲများတွင် အဆင့်မီပြီး အဆင့်အတန်းရှိသည့် မျိုးဆက်သစ် နိုင်ငံ့ဂုဏ်ဆောင် အားကစားသမားများ ထူးချွန်စွာပေါ်ထွက်လာမည်ဖြစ်ကြောင်း၊

အမျိုးသားအားကစားပွဲတော်တွင် ဝန်ကြီးဌာနအလိုက် အားကစားပြိုင်ပွဲနှင့် တိုင်းဒေသကြီး/ ပြည်နယ်အလိုက် အားကစားပြိုင်ပွဲများဖြင့် အပိုင်းနှစ်ပိုင်း ဆောင်ရွက်သွားရန် စီမံထားကြောင်း၊ ဝန်ကြီးဌာနအလိုက် ပြိုင်ပွဲ တွင် အားကစားနည်း ခြောက်နည်း၊ တိုင်းဒေသကြီးနှင့် ပြည်နယ်တွင် အားကစားနည်း ၂၃ နည်းဖြင့် ခန့်မှန်းအားကစားသမား စုစုပေါင်း (၆၅၀၀)ခန့် ပါဝင်ယှဉ်ပြိုင်ရန် လျာထားကြောင်း” ထည့်သွင်းပြောကြား ခဲ့သည်။

၂၀၂၄ ခုနှစ် ပဉ္စမအကြိမ် အမျိုးသားအားကစားပွဲတော် ကျင်းပရေးဦးစီးကော်မတီ ပထမအကြိမ် အစည်းအဝေးကို မေလ၂၈ရက်မွန်းလွဲပိုင်းတွင် နေပြည်တော်ရှိ အားကစားနှင့်လူငယ်ရေးရာဝန်ကြီးဌာန စုပေါင်းအစည်း အဝေးခန်းမ၌ကျင်းပခဲ့ကြောင်းသိရသည်။

၂၀၁၅ ခုနှစ်တွင် စတုတ္ထအကြိမ်အဖြစ် အမျိုးသား အားကစားပွဲတော်ကို နေပြည်တော်တွင် ခမ်းခမ်းနားနား ကျင်းပပေးခဲ့ကြောင်းနှင့်၂၀၁၅ခုနှစ်က ကျင်းပခဲ့သည့်အမျိုးသားအားကစားပွဲတော်တွင် ပြေးခုန်ပစ် ၊ကြက်တောင် ရိုက်၊ ဘတ်စကက် ဘော၊ဘီလိယက်နှင့် စနူကာ၊ ကာယကြံ့ခိုင်မှု၊လက်ဝှေ့၊စစ်တုရင်၊ ခြင်းလုံး၊စက်ဘီးစီး၊ ဘောလုံး၊ ဖူဆယ်၊ ဝူရူးစသည့်ကစားနည်း(၂၆)နည်းပါဝင်ခဲ့ပြီး မသန်စွမ်းအားကစားနည်းများလည်း ပါဝင်ခဲ့ကြောင်းသိရသည်။
Yangon_Times/tthl
#Local_News
#Published_ 29 May 2024
#Yangon_Times #YMG_News #Yangon_Media_Group

မွေးမြူရေးအတွက် အဓိကထားမွေးမြူတဲ့ ဆိတ်မဈေးကွက်ဟာ မွေးမြူသူနည်းပါး လာတာကြောင့် ယခင်ထက် တစ်ကောင်လျှင် ငွေကျပ်သုံးသောင်းခန့် ဈေးကျလာတယ်လို့ ဆိတ်မွေးမြူသူတွေထံက သိရပါတယ် ။ပြီးခဲ့တဲ့ ၂၀၂၃ခုနှစ် နှစ်ကုန်ပိုင်းမှာ ရောဂါကျရောက်ပြီး မွေးမြူရေးဆိတ်အများစု သေဆုံးခြင်းနဲ့ အရောင်းဝယ်အေးတာတွေကြောင့် မွေးမြူရေးဆိတ်ဈေးကွက်ဟာ ဈေးကျဆင်းလာတာ ဖြစ်တယ်လို့ဆိုပါတယ်။
Yangon_Times/LW
#Local_News
#Published_ 29 May 2024
#Yangon_Times #YMG_News #Yangon_Media_Group

ဂျပန်ထီး ကုန်တင်ယာဉ်တွေ မစောတံတားကို ဖြတ်ဖို့ စောင့်ဆိုင်းနေပါတယ်။ ဂျပန်ထီးမှာ အရည် အသွေးပေါ်မူတည်ပြီး Grade အမျိုးအစား(၄)မျိုးရှိတဲ့အနက် Grade A အမြင့်ဆုံးအဆင့်ရှိတဲ့ ထီးအရှည်အလက် (၁၀၀)ကို ကျပ်၉သိန်းခွဲ၊ထီးအတိုအလက်(၁၀၀)ကို ကျပ်(၇)သိန်းခွဲခန့် ပေါက်ဈေးရှိနေတယ်။
Yangon_Times/tthl
#Local_News
#Published_ 29 May 2024
#Yangon_Times #YMG_News #Yangon_Media_Group