Published 30 May 2024

မိုးဦးကာလတွင် မြစ်‌ကြောင်းများအတွင်း သွားလာကြမည့် ရေယာဉ်များ သဘာ‌ဝဘေးအန္တရာယ်မှဘေးကင်းအောင် ရေလမ်းသတိပေးချက်ထုတ်ပြန် လိုက်ကြောင်း ရေအရင်းအမြစ်နှင့် မြစ်ချောင်းများ ဖွံ့ဖြိုးတိုးတက်ရေးဦးစီးဌာနမှသိရသည်။

မိုးတွင်း၌မြစ်ရေတက်လာမှုပေါ် မူတည်၍ ရေယာဉ်များ အန္တရာယ်ကင်းစွာ ခုတ်မောင်းသွားလာနိုင်ရန် လိုအပ်သော ရေလမ်းညွှန်အမှတ်အသားများကို ပြသထားမည်ဖြစ်ပြီး ရာသီဥတုဒဏ်ကြောင့် ရေလမ်းညွှန်အမှတ်အသားများ တစ်ခါတရံပျက်စီးပျောက်ဆုံးနိုင်သဖြင့် ရေယာဉ်များဂရုပြုခုတ်မောင်းကြရန် လိုအပ်သည်ဟုဆိုသည်။

ရေများကာလတွင် ရေလမ်းများအတွင်း ရေစီးသန်ခြင်းနှင့် ဝဲလှည့်ခြင်းတို့ ဖြစ်ပေါ်နိုင်သည့်အပြင် မြစ်ရေတက်လာမှုကြောင့် ရေနည်းကာလတွင် ပေါ်ထွန်းခဲ့သော သောင်နှင့်ကျွန်းများ ရေမြုပ်၍ ရေမြွှာပေါက်ဖြတ်လမ်းများ ဖြစ်ပေါ်လာမည်ဖြစ်ကြောင်း၊

ရေအနက်မလုံလောက်သော ရေမြွှာပေါက်ဖြတ် လမ်းများကို ဖြတ်သန်းခုတ်မောင်းခြင်းမပြုကြရန်နှင့် မိမိရေယာဉ်၏ စက်အားနှင့် ရေစီးနှုန်းကိုချင့်ချိန်၍ သတ်မှတ်ရေလမ်းအတိုင်းသာ သတိပြုခုတ်မောင်းရန် လိုအပ်သည်ဟု ဖော်ပြထားသည်။

မြစ်ကူးတံတား ရေလမ်းများတွင် ရေယာဉ်များဝင်ရောက်ရမည့် ဝင်ပေါက်တွင် နေ့အခါအစိမ်းရောင် တြိဂံအမှတ်အသား ပြသထားပြီး ညအခါ မီးစိမ်းထွန်း ပြသထားကြောင်း၊ မဝင်ရမည့် ရေလမ်းတွင် နေ့အခါအနီရောင် ကြက်ခြေခတ်အမှတ်အသား ပြသထားပြီး ညအခါ မီးနီထွန်း ပြသထားကြောင်း နှင့်

ရေများကာလတွင် မြစ်ကူးတံတားကြီးများ၏ ရေလယ်တိုင် အုတ်ခုံများမှာ ရေမြုပ်နေပြီး ရေလယ်တိုင် နှစ်တိုင်အကြားတွင် ရေစီးသန်သောကြောင့် ရေယာဉ်များ မြစ်ကူးတံတား ရေလမ်းကို ဖြတ်သန်းရာတွင် စက်နှင့်တက်မစနစ်များကို ကြိုတင်စစ်ဆေးပြီး လုံလောက်သော အကွာအဝေးမှ ချဉ်းကပ်လမ်းကြောင်းမှန်ဖြင့် ဖြတ်သန်းခုတ်မောင်းကြရန်နှင့် တံတားရေလမ်းကို ဖြတ်သန်းရာတွင် ရေယာဉ်နှစ်စင်း ယှဉ်ပြိုင်ခုတ်မောင်းခြင်းမပြုကြရန် လိုအပ်သည်ဟု‌ဆိုသည်။

အထူးသဖြင့် သယ်ဆောင်ဝန်နှင့် စက်အားကို ချင့်ချိန်တွက်ဆ၍ ဂရုပြုခုတ်မောင်းကြရမည်ဖြစ် ကြောင်း၊ မနိုင်ဝန်ကို သယ်ဆောင်ခြင်းမပြုကြရန်နှင့် မြစ်ကူးတံတားကြီးများကို ဖြတ်သန်းရာတွင် တွဲတစ်တွဲချင်းသာ ချိတ်ဆွဲဖြတ်သန်းကြရမည် ဖြစ် ကြောင်း၊

ရာသီဥတုပြောင်းလဲမှုကြောင့် ရုတ်တရက် လေပြင်းတိုက်ခတ်မှုနှင့် မိုးမှောင်ကျမှုဖြစ်ပေါ်သည့်အခါ ရေယာဉ်များ အန္တရာယ်မဖြစ်စေရေးအတွက် သတိပြုခုတ်မောင်းကြရန်နှင့် လေပြင်းတိုက်ခတ်စဉ် ရေယာဉ်များလိုက်နာရမည့် ဥပဒေ၊ စည်းကမ်းချက်များအတိုင်း လိုက်နာကြရန် ရေအရင်းအမြစ်နှင့် မြစ်ချောင်းများ ဖွံ့ဖြိုးတိုးတက်ရေးဦးစီးဌာနမှ ရေလမ်းသတိပေးနှိုးဆော်ချက် ထုတ်ပြန်ထား ကြောင်း သိရသည်။
Yangon_Times/tthl
#Local_News
#Published 30 May 2024
#YMG #Yangon_Times #Yangon_Media_Group

အကောင့်(Fake Account)တွေ သုံးပြီး ငွေကြေးမတည်မငြိမ်ဖြစ်အောင် ဆောင်ရွက်နေတာကို အရေးယူဆောင်ရွက်မှုတွေ ပြုလုပ်လျက်ရှိတယ်။

AD လိုင်စင်ရဘဏ်တွေအနေနဲ့  ဘဏ်ရဲ့ တရားဝင် Website တွေမှာ Exchange Counter ရဲ့အရောင်း အဝယ်ငွေလဲလှယ်နှုန်း‌တွေကို ကြေညာပေးလျက်ရှိတယ်။လတ်တ‌လောမှာ အဲဒီ့လိုင်စင်ရ ဘဏ်(၉)ခုမှာ အမေရိကန်တစ်ဒေါ်လာကို မြန်မာငွေကျပ် ၃၃၀၀ကျော်ဖြင့် လဲလှယ်နိုင်တယ်လို့ ဖော်ပြထားတယ်။
Yangon_Times/tthl
#Local_News
#Published 30 May 2024
#YMG #Yangon_Times #Yangon_Media_Group

ပြည်တွင်းရွှေဈေးကွက်အတွင်း အခေါက်ရွှေတစ်ကျပ်သား (၅၈) သိန်းနီးပါးအထိ  စံချိန်သစ်ထပ်မံ မြင့်တက်လာတယ်လို့ ဈေးကွက်အတွင်းက သိရပါတယ်။
Yangon_Times/NN
#Local_News
#Published 30 May 2024
#YMG #Yangon_Times #Yangon_Media_Group

ယခင်တပတ်က ဈေးမြင့်တတ်ခဲ့တဲ့ ခရမ်းချဉ်သီး ဈေးကွက်ဟာ ယခုရက်ပိုင်းမှာတော့ တစ်ပိသာ ကျပ်၅၀၀ခန့် ဈေးပြန်ကျလာတယ်လို့ အောင်ပန်းရှိ ကုန်စိမ်းပွဲရုံတွေထံက သိရပါတယ်။ ဈေးမြင့်ရတဲ့အတွက် စိုက်ပျိုးသူ တောင်သူတွေ ရောင်းချမှု များလာတာကြောင့် ဈေးကွက်အတွင်း ကုန်အဝင်များလာကာ အခုလို ဈေးပြန်ကျလာတယ်လို့ ဆိုပါတယ်။
Yangon_Times/LW
#Local_News
#Published 30 May 2024
#YMG #Yangon_Times #Yangon_Media_Group

Published 30 May 2024

လာမည့်ဇွန်လတွင် ပြည်တွင်းသို့  နိုင်ငံတကာ ကုန်သေတ္တာတင်ယာဉ် အစင်း (၅၀) ဝင်ရောက်ဆိုက်ကပ်မည်ဖြစ်ရာယနှစ်ဝက်အတွင်း သင်္ဘောအစင်း၃၀၀ကျော်အထိ ဆိုက်ကပ်မည်ဖြစ်ကြောင်း

မြန်မာ့ဆိပ်ကမ်းအာဏာပိုင်မှ သိရသည်။၂၀၂၄ခုနှစအတွင်း လအလိုက် ကုန်သေတ္တာတင်ယာဉ်များ ဝင်ရောက်ဆိုက်ကပ်မှုအနေဖြင့် ဇန်နဝါရီလတွင် (၄၉) စင်း၊ ဖေဖော်ဝါရီလတွင် (၅၃) စင်း ၊ မတ်လတွင် (၅၅) စင်း၊ ဧပြီလတွင်လည်း (၅၀) စင်း၊ မေလတွင် (၅၂) စင်းဝင်ရောက် ဆိုက်ကပ်ခဲ့ကြောင်း သိရသည်။

ထို့ကြောင့် ၂၀၂၄ခုနှစ် ဇန်နဝါရီလမှမေလအထိ ငါးလတာကာလအတွင်း ပြည်တွင်းသို့ နိုင်ငံတကာ ကုန်သေတ္တာတင်ယာဉ် (၂၅၉) စင်းဝင်ရောက်ဆိုက်ကပ်ခဲ့ပြီးဖြစ်ရာ   ဇွန်လတွင်းအစင်းရေ၅၀ဆိုက်ကပ်ပါက ခြောက်လတာအတွင်း
အစင်းရေ ၃၀၉စင်းအထိဆိုက်ကပ်သွားမည်ဖြစ်သည်။

ကုန်သွယ်မှုလုပ်ငန်းများကို ပင်လယ်ရေကြောင်းကုန်သွယ်ရေးလမ်းကြောင်းမှ ပိုမိုဆောင်ရွက်နေပြီး ရန်ကုန်အပြည်ပြည်ဆိုင်ရာဆိပ်ကမ်းများသို့ အပြည်ပြည်ဆိုင်ရာ ကုန်သေတ္တာတင်သင်္ဘောများ လစဥ်ပုံမှန်ဝင်ရောက်ဆိုက်ကပ်လျက်ရှိရာ ပြီးခဲ့သည့် ၂၀၂၂ ခုနှစ်အတွင်းကလည်း နိုင်ငံတကာ သင်္ဘောလိုင်းများ၏ ကုန်သေတ္တာတင်သင်္ဘော (၆၄၇) စင်းဝင်ရောက်ခဲ့ကြောင်း သိရသည်။

ထို့ အပြင် ၂၀၂၃ ခုနှစ် ဇန်နဝါရီမှ ဒီဇင်ဘာလကုန်ထိ တစ်နှစ်တာကာလအတွင်း ရန်ကုန်ဆိပ်ကမ်းများသို့ နိုင်ငံတကာ သင်္ဘောလိုင်းများမှ ကုန်သေတ္တာတင်သင်္ဘော (၆၄၅) စင်း ဝင်ရောက်ခဲ့ကြောင်း သိရသည်။

ရန်ကုန်ဆိပ်ကမ်းဧရိယာတွင် အပြည်ပြည်ဆိုင်ရာ ရေယာဉ်ကြီးများ ဆိုက်ကပ်နိုင်သည့် ဆိပ်ကမ်းတံတား (၂၇) စင်း၊ ရန်ကုန်သီလဝါအပြင် ဆိပ်ကမ်းဧရိယာတွင် ဆိပ်ကမ်းတံတား (၁၉) စင်း စုစုပေါင်း (၄၆) စင်းဖြင့် ဝန်ဆောင်မှုပေးနေခြင်းဖြစ်ကြောင်း ၊ပို့ကုန်များ တိုးမြှင့်တင်ပို့နိုင်ရေး အတွက်လည်းကောင်း၊ ပြည်တွင်းလိုအပ်ချက်အရ သွင်းကုန်များလည်း တိုးမြှင့်တင်သွင်းနိုင်ရန်အတွက်လည်းကောင်း၊ ကုန်သေတ္တာသင်္ဘောလိုင်းအသီးသီးမှ ခရီးစဉ်များပြန်လည် တိုးချဲ့ပြေးဆွဲရန် စီစဉ်ထားရှိကြောင်း သိရသည်။
Yangon_Times/NN
#Local_News
#Published 30 May 2024
#YMG #Yangon_Times #Yangon_Media_Group

Publicshed 30 May 2024

နိုင်ငံ့စီးပွားမြှင့်တင်ရေး ရန်ပုံငွေဖြင့်ယခုနှစ် မိုးစပါးဧက ၉ ဒသမ ၆ သိန်းအား  လျာထားဆောင်ရွက်သွားမည်ဖြစ်ကြောင်း စိုက်ပျိုးရေး၊ မွေးမြူရေးနှင့်ဆည်မြောင်းဝန်ကြီးဌာနမှ သိရသည်။

နိုင်ငံ့စီးပွားမြှင့်တင်ရေးရန်ပုံငွေဖြင့် စိုက်ပျိုးရေးကဏ္ဍဆောင်ရွက်မှုတွင် ၂၀၂၂ - ၂၀၂၃ ခုနှစ်၌ ပဲတီစိမ်းနှင့် နွေစပါးစီမံကိန်းအတွက် သုံးစွဲခဲ့သည့် ချေးငွေနှင့် ဝန်ဆောင်ခအားလုံး ပြန်လည်ရရှိပြီးဖြစ်ကြောင်း ကျန်ရှိသော စီမံကိန်းလုပ်ငန်းများ၏ ချေးငွေနှင့် ဝန်ဆောင်ခများကို သတ်မှတ်ကာလ အချိန်မီရရှိရေးနှင့် အပြည့်အဝကောက်ခံရရှိရေးအတွက် တွန်းအားပေးဆောင်ရွက်လျက်ရှိကြောင်း သိရသည်။

ထို့ပြင် ဆက်လက်ဆောင်ရွက်မည့် ၂၀၂၄-၂၀၂၅ ခုနှစ်၊ မိုးစပါးစီမံကိန်းအား ရုံးချုပ်နှင့် တိုင်းဒေသကြီး လက်ကျန်ရန်ပုံငွေ နွေစပါးချေးငွေမှ ပြန်လည်ကောက်ခံရရှိမည့် ငွေများဖြင့် သမဝါယမနှင့်ကျေးလက်ဖွံ့ဖြိုးရေးဝန်ကြီးဌာန၏ အဆိုပြုဧကအပါအဝင် တိုင်းဒေသကြီး၊ ပြည်နယ်အစိုးရ အဖွဲ့များ၏ စိစစ်အဆိုပြု ဧက ၉ ဒသမ ၆ သိန်းအား လျာထားဆောင်ရွက်သွားမည်ဖြစ်ကြောင်း သိရသည်။

ထို့အတူ  နိုင်ငံ့စီးပွားမြှင့်တင်ရေး ရန်ပုံငွေမှ စိုက်ပျိုးရေရရှိရေးလုပ်ငန်းများကို ပြည်ထောင်စုနယ်မြေအပါအဝင် မန္တလေးတိုင်းဒေသကြီး၊ ပဲခူးတိုင်းဒေသကြီးနှင့် ရန်ကုန်တိုင်းဒေသကြီးရှိ မြို့နယ် (၁၈) မြို့နယ်၊ တောင်သူ (၁၃၃) ဦး၊ လု ပ်ငန်း (၁၆၃) ခုမှ စိုက်ပျိုးမြေဧက (၁၄၀၀)ကျော်အတွက် စိုက် ပျိုးရေ ရရှိရေးကိုလည်း  အကောင် အထည်ဖော် ဆောင်ရွက်သွားမည်ဖြစ်ကြောင်း သိရသည်။
Yangon_Times/NN
#Local_News
#Published 30 May 2024
#YMG #Yangon_Times #Yangon_Media_Group

Published 30 May 2024

နှစ်သက်တမ်း (၁၀၀)ကျော်ရှိပြီဖြစ်သည့် ရန်ကုန်၊ ဧရာဝတီနှင့်ရခိုင်ရှိ အဆောက်အုံ(၃၀)ကို ရှေးဟောင်းအဆောက်အအုံအဖြစ် သတ်မှတ်လိုက်ကြောင်း သာသနာရေးနှင့် ယဉ်ကျေးမှုဝန်ကြီးဌာနမှ သိရသည်။

ရန်ကုန်တိုင်းရှိနှစ်သက်တမ်း(၁၀၀)ကျော်ပြီဖြစ်သည့် (၁)ဒေါပုံသင်္ဘောကျင်း၊ (၂)ဆက်သွယ်ရေး ညွှန်ကြားမှုဦးစီးဌာန(ယခင် Government Telegraph Office)၊(၃) Kyaw Home Mart(ယခင် TeJoomal Department Store)၊(၄) အင်းဝဘဏ်(ယခင်  Mercantile Bank of India)၊(၅) ပင်စင်ဦးစီးဌာန(ယခင် CURRENCY DEPARTMENT) ၊(၆)မြန်မာနိုင်ငံသားများဘဏ် (ယခင် Misquit & Co) ၊(၇)မြန်မာ့ဆိပ်ကမ်းအာဏာပိုင်ရုံး၊ (၈)ပြည်တွင်းရေကြောင်းပို့ဆောင်ရေးရုံးအဆောက် အအုံတို့ကို ရှေးဟောင်းအဆောက်အအုံအဖြစ်သတ်မှတ်လိုက်သည်ဟုဆိုသည်။

ဧရာဝတီတိုင်းရှိ နှစ်သက်တမ်း(၁၀၀)ကျော်ပြီဖြစ်သည့်(၁)ပုသိမ်ရှိ ကတ်သလစ်သာသနာစိန့်ပီတယ် ဘုရား‌ကျောင်း၊(၂)ပုသိမ်ခရိုင်ထွေအုပ်ဦးစီးဌာနမှတ်တမ်းများ ထားရာရုံး၊(၃)ဓနုဖြူမြို့နယ်ရှိ ပုဗ္ဗာရုံကျောင်း၊(၄)အသောရုံကျောင်း(၅)တိုက်ကြီးကျောင်း၊(၆)သုဒဿနကျောင်း၊(၇)သုခိတာရာမ သုံးထပ်သိမ်ကျောင်း၊(၈)ရတနာစိန်ကျောင်း၊(၉)ဗောဓိကျောင်း၊(၁၀)မြကျောင်း၊(၁၁)မှန်ကင်း ကျောင်း၊(၁၂)ဝေဇယန္တာကျောင်း အဆောက်အအုံတို့ကို ရှေးဟောင်းအဆောက်အအုံအဖြစ်သတ်မှတ်လိုက်ခြင်းဖြစ်သည်။

ရခိုင်ပြည်နယ်ရှိ စစ်တွေမြို့နယ်ရှိ(၁) သဒ္ဓမ္မဇောတိကာရုံကျောင်း၊(၂)ဦးရဲကျော်သူကျောင်းတိုက်၊(၃) ဂြစ်ဘက်ကျောင်းတိုက်၊(၄)ပညာလင်္ကာရကျောင်း တိုက်၊(၅)ရွှေစေတီကျောင်းတိုက်၊ ပေါက်တောမြို့နယ်ရှိ(၆)ရွာချောင်းကြီးကျောင်းတိုက်၊(၇) ပန်းဖဲချောင်းကျောင်းတိုက်(ကျောက်‌တော်ကံဇောက်)၊မြောက်ဦးမြို့နယ်တွင်းရှိ(၈)ဘုရားပေါ်ဘုန်းတော် ကြီးကျောင်းတိုက် (၉)ကန်စောက်ကျောင်းတိုက်၊သံတွဲမြို့နယ်ရှိ(၁၀) ငလျင်တောင်‌ကျောင်း အဆောက်အအုံတို့ကို ရှေးဟောင်းအဆောက်အအုံအဖြစ်သတ်မှတ်လိုက်ခြင်းဖြစ်ကြောင်း ထုတ်ပြန်ချက်၌ ဖော်ပြထားသည်။

ယင်းအဆောက်အအုံ(၃၀)ကိုသာသနာရေးနှင့်ယဉ်ကျေးမှုဝန်ကြီးဌာနသည် ရှေးဟောင်း အဆောက်အအုံများကာကွယ်ထိန်းသိမ်းရေး ဥပဒေ ပုဒ်မ၃၄၊ပုဒ်မခွဲ(ခ)အရ အင်နှင်းထားသော လုပ်ပိုင် ခွင့်ကို ကျင့်သုံး၍ ရှေးဟောင်းအဆောက်အအုံအဖြ စ်သတ်မှတ် ထိန်းသိမ်းမည်ဖြစ်ကြောင်း သိရသည်။
Yangon_Times/tthl
#Local_News
Published 30 May 2024
#YMG #Yangon_Times #Yangon_Media_Group

Published 30 May 2024

ယခုလအတွင်း ရဟတ်ယာဥ်ပျက်ကျမှုကြောင့် သေဆုံးခဲ့တဲ့ အီရန်သမ္မတ အီဘရာဟင်ရိုင်စီအား ကြာသပတေးနေ့မှာ ကုလသမဂ္ဂမှ ချီးကျူးဂုဏ်ပြုမယ့်အစီအစဥ်ကို အမေရိကန်က သပိတ်မှောက်မယ်လို့ အရာရှိတစ်ဦးက ဆိုပါတယ်။

ကွယ်လွန်ချိန်မှာ တိုင်းပြည်တစ်ခုကို အုပ်စိုးနေတဲ့ မည်သည့်ခေါင်းဆောင်ကိုမဆို ဂုဏ်ပြုဖို့အတွက် အဖွဲ့ဝင် ၁၉၃ နိုင်ငံပါ ကုလအထွေထွေညီလာခံက အစဥ်အလာအတိုင်း တွေ့ဆုံဆွေးနွေးကြမှာဖြစ်ပြီး ရေစီအကြောင်း မိန့်ခွန်းတွေ ပြောကြားသွားမှာ ဖြစ်ပါတယ်။

ဒီတွေ့ဆုံပွဲကို တက်ရောက်မှာမဟုတ်ဘူးလို့ အမည်မဖော်သူ အမေရိကန် အရာရှိတစ်ဦးက ရိုက်တာသတင်းဌာနကို ပြောပြသွားပါတယ်။

ရိုင်စီဟာ ယင်းတို့ရဲ့ အကျော်ကြားဆုံးခေါင်းဆောင် အိုင်ယာတိုလာအလီခါမယ်နိုင်ရဲ့ နေရာကို ဆက်ခံဖို့ အလားအလာ ရှိနေသူဖြစ်ပါတယ်။

ရေစီက မေလ ၁၉ ရက်နေ့ အဇာဘိုင်ဂျန်နယ်စပ်အနီး တောင်တန်းတွေနားမှာ ရာသီဥတု ဆိုးရွားမှုကြောင့် ရဟတ်ယာဥ်ပျက်ကျပြီး သေဆုံးခဲ့ပါတယ်။

ကုလသမဂ္ဂအနေနဲ့ အီရန်ပြည်သူတွေဘက်က ရပ်တည်သင့်ပြီး ဆယ်စုနှစ်ကြာ တိုင်းပြည်ကို ဖိနှိပ်ခဲ့သူအတွက် အောက်မေ့ဖွယ် အခမ်းအနား မလုပ်သင့်ကြောင်း၊ ရိုင်စီဟာ ဆိုးရွားတဲ့ လူ့အခွင့်အရေး ချိုးဖောက်မှု အများအပြား ပြုလုပ်ခဲ့ပြီး ၁၉၈၈ ခုနှစ်က နိုင်ငံရေးအကျဥ်းသား ထောင်ပေါင်းများစွာကို သတ်ဖြတ်ခဲ့ကြောင်း အမေရိကန်က ဆိုပါတယ်။

ရဟတ်ယာဥ် ပျက်ကျမှုအတွင်း ပါဝင်ခဲ့သူများကို အမှတ်ရတဲ့အနေဖြင့် ကုလသမဂ္ဂ လုံခြုံရေးကောင်စီက မေလ ၂၀ ရက်နေ့မှာ အသံတိတ်ဂုဏ်ပြုခြင်းအတွက် အစည်းအဝေးပြုလုပ်ဖို့ ရပ်တည်ခဲ့ပါတယ်။

ရိုင်စီသေဆုံးမှုအတွက် အမေရိကန်က ဝမ်းနည်းပူဆွေးမိကြောင်း ထုတ်ဖော်ပြောကြားခဲ့ပေမယ့် အိမ်ဖြူတော် လုံခြုံရေး ပြောရေးဆိုခွင့်ရှိသူ ဂျွန်ကာဘီကတော့ ရိုင်စီဟာ လက်မှာ အလွန်အမင်း သွေးစွန်းထားသူ ဖြစ်တယ်လို့ ဆိုပါတယ်။

အီရန်အပေါ် ဝမ်းနည်းပူဆွေးကြောင်း ဖော်ပြခဲ့တဲ့ သမ္မတဂျိုးဘိုင်ဒင် အစိုးရအဖွဲ့ကို လွှတ်တော်မှ ရီပတ်ဘလစ်ကန်အချို့က ပြင်းပြင်းထန်ထန် ဝေဖန်ခဲ့ပါတယ်။

အသက် ၆၃ နှစ်ရှိခဲ့တဲ့ ရိုင်စီဟာ ၂၀၂၁ ခုနှစ်က သမ္မတအဖြစ် ရွေးချယ်ခံခဲ့ရပြီး ကိုယ်ကျင့်ရေးရာ ဥပဒေများ တင်းကြပ်ဖို့ အမိန့်ပေးခဲ့ကာ အစိုးရဆန့်ကျင်တဲ့ ဆန္ဒပြပွဲများကို သွေးထွက်သံယိုဖြစ်စေတဲ့အထိ နှိမ်နှင်းရာမှာ ကြီးကြပ်ပါဝင်ခဲ့သလို အင်အားကြီးနိုင်ငံများနဲ့ နျူကလီးယားရေးရာ ပြောဆိုမှုများပြုလုပ်ရန် ကြိုးပမ်းခဲ့ပါတယ်။
Source: Reuters
#World_News
Published 30 May 2024
#YMG #Yangon_Times #Yangon_Media_Group

#RegionNews

၃၀ မေ ၂၀၂၄

အိန္ဒိယနိုင်ငံ မြို့တော်နယူးဒေလီရဲ့ အပူချိန်ကို ၅၂.၉ ဒီဂရီ ဆဲလ်ဆိယတ်စ် ရှိလာတယ်လို့ အိန္ဒိယ မိုးလေဝသဌာနရဲ့ အပူချိန်ထုတ်ပြန်မှုကြောင့် အကြီးအကျယ်တုန်လှုပ်သွားပြိး အဲဒီအပူချိန်ဖတ်ထားမှုကို ပြန်လည်စစ်ဆေးဖို့လိုအပ်ကာ  ဒါဟာ အမှားတစ်ခုခုကြောင့်ဖြစ်နိုင်ကြောင်း မိုးလေဝသဌာနနှင့် ပြည်ထောင်စုဝန်ကြီး ကီရင်ရီဂျီဂျူးက ပြောပါတယ်။

“ဒေလီရဲ့ အမြင့်ဆုံးအပူချိန်ဟာ ၄၅.၂ မှ ၄၉.၁ ဒီဂရီဆဲဆိယတ်စ်ကြားရှိတယ်လို့ မြို့ရဲ့ ကွဲပြားတဲ့နေရာတွေကနေ ဖတ်ယူရရှိ ပေမယ့် မန်ဂက်စ်ဖာက အပူချိန်ဖတ်စခန်းက ၅၂.၉ ဒီဂရီဆဲဆိယတ်စ်လို့ အခြားစခန်းတွေနှင့်မတူပဲရရှိတယ်။ ဒါဟာ အပူချိန် တိုင်း အာရုံခံကိရိယာရဲ့ အမှားတစ်ခုခု ဒါမှမဟုတ် အခြားအကြောင်းအချက်တစ်ခုခုကြောင့်ဖြစ်နိုင်တယ်” လို့ အိန္ဒိယ မိုးလေ ဝသဌာနက သတင်းထုတ်ပြန်ပါတယ်။

“စခန်းတစ်ခုတည်းရဲ့အပူချိန်က အဲဒီလောက်မြင့်နေတယ်ဆိုတာ မဟုတ်လောက်တဲ့အတွက် အပူချိန်ဖတ်ထားတာတွေကို ပြန်  ပြီးစစ်ဆေးရလိမ့်မယ်” လို့ ပြည်ထောင်စုဝန်ကြီးကီရင်က အရာရှိတွေကိုညွှန်ကြားပါတယ်။

အင်္ဂါနေ့က မန်ဂက်စ်ဖာမိုးလေဝသစခန်းက ဒေလီရဲ့အပူချိန်ကို  ၅၂.၉ ဒီဂရီဆဲဆိယတ်စ်လို့ ကြေညာခဲ့တာဖြစ်ပြီး ယခင်ရက် ထက် ၃ ဒီဂရီခုန်တက်ခဲ့တာဖြစ်ပါတယ်။

Source NDTV

Published 30 May 2024

လန်ဒန်မှ စင်္ကာပူသို့ပျံသန်းတဲ့ စင်္ကာပူလေကြောင်းလိုင်း ခရီးစဥ် SQ321 ဟာ မေလ ၂၁ ရက်နေ့က လေပွေထန်ခြင်း ပြင်းထန်စွာ ကြုံတွေ့ခဲ့ရကာ တစ်ဦးသေဆုံးပြီး အများအပြား ဒဏ်ရာရရှိခဲ့ပါတယ်။

အမြင့်ပေ ရုတ်တရက်ကျသွားစဥ် လေယာဥ်ထဲမှာ ခရီးသည်များနဲ့ အရာဝတ္ထုများ ဗြောင်းဆန်သွားပြီး ဘန်ကောက်မှာ အရေးပေါ် ဆင်းသက်ခဲ့ရပါတယ်။

ဘိုးအင်း 777-300ER လေယာဥ်ဟာ မြန်မာနိုင်ငံ ဧရာဝတီမြစ်ဝှမ်းပေါ်မှ ပျံသန်းနေစဥ် ပြင်းထန်တဲ့ လေလှိုင်းထန်ခြင်း ကြုံတွေ့ခဲ့ရကာ ဖိအားရုတ်တရက် ကျဆင်းသွားခဲ့ပါတယ်။

ဒီလိုအခြေအနေမျိုးမှာ ခန္ဓာကိုယ်မှာ ဘာတွေဖြစ်သွားလဲ၊ ဘယ်လိုတုန့်ပြန်လဲ ဆိုတာကို သိထားဖို့လိုအပ်ပါတယ်။

မြစ်လေများ လျင်မြန်စွာစီးဆင်းခြင်း၊ ရာသီဥတု အခြေအနေများ၊ တောင်တန်းလေလှိုင်းများကြောင့် လေရွေ့လျားမှု ပုံမှန်မဟုတ်ဘဲ လေလှိုင်းထန်တာမျိုး ဖြစ်တတ်ပါတယ်။

ခေတ်မီလေယာဥ်တွေမှာ ဒီလိုလေထန်တာမျိုးကို ထိန်းချုပ်နိုင်ရန် ဆောက်လုပ်ထားပေမယ့် ခရီးသည်များအနေနဲ့ ထိုင်ခုံခါးပတ်များ တပ်ဆင်ထားသင့်ပြီး လေယာဥ်ဝန်ထမ်းများရဲ့ ညွှန်ကြားချက်များကို လိုက်နာရမှာ ဖြစ်ပါတယ်။

လေယာဥ်ရွေ့လျားမှု ရုတ်တရက် ပြောင်းလဲတဲ့အခါ ခန္ဓာကိုယ်ရဲ့ မျှခြေစနစ်ကို ထိခိုက်စေပါတယ်။

ရိုလာကိုစတာ စီးသလိုမျိုး ရုတ်တရက် မြင့်တက်ခြင်း၊ နိမ့်ဆင်းသွားခြင်း ဖြစ်ပေါ်ပါတယ်။

ထိုအခါ ခန္ဓာကိုယ်မျှခြေစနစ်ကို နှောင့်ယှက်ပြီး ဦးနှောက်ကနေ လက်ခံရရှိတဲ့ အချက်အလက်များ ရှုပ်ထွေးစေပါတယ်။

လှုပ်ခတ်မှုများကြောင့် နားထဲမှာလည်း အရည်များရွေ့လျားကာ ဦးနှောက်က သိရှိရန် ရုန်းကန်နေရပြီး ပုံမှန်အတိုင်း ပြန်ဖြစ်ဖို့ ၁၀ - ၂၀ စက္ကန့်လောက် ကြာတတ်ပါတယ်။

ဦးနှောက်ဟာ လေယာဥ်ရွေ့လျားမှုနဲ့ ခန္ဓာကိုယ်ရွေ့လျားမှုကို လွဲမှားမိကာ အမြင်အာရုံလျော့နည်းသွားပါတယ်။

မျှခြေတုန့်ပြန်မှုစနစ် အနှောင့်အယှက်ဖြစ်ကာ မူးဝေခြင်း၊ ချွေးပြန်ခြင်း၊ အော့အန်ခြင်းတို့ ဖြစ်တတ်ပါတယ်။

အက်ဒရီနယ်လင်နဲ့ ကော်တီဆောလ်လိုမျိုး ဖိစီးမှုဟော်မုန်းများ ထွက်လာကာ ခန္ဓာကိုယ်မှာ တုန့်ပြန်မှုတွေ ဖြစ်ပေါ်လာပြီး နှလုံးခုန်မြန်ခြင်း၊ အာရုံခံသိရှိမှု မြင့်မားခြင်း၊ စွမ်းအင်လျှံတက်ခြင်းတို့ ဖြစ်ပေါ်ပါတယ်။

ကြွက်သားတွေ တောင့်တင်းလာပြီး လက်မီရာကို တင်းကြပ်စွာ ဆုပ်ကိုင်ထားသဖြင့် လည်ပင်း၊ ကျော၊ ပခုံးတို့ မသက်မသာ ဖြစ်စေပါတယ်။

စိတ်ပိုင်းဆိုင်ရာအရဆိုရင် လေယာဥ်စီးရတာ ကြောက်တဲ့သူတွေမှာ လေလှိုင်းထန်ခြင်းမျိုး ကြုံတွေ့ရတဲ့အခါ ပိုမိုဆိုးရွားစေပါတယ်။

အသက်ရှူနှုန်းမြန်လာကာ ချွေးပြန်လာပြီး ဖိစီးမှုတိုးစေပါတယ်။

ဒါကို ခန္ဓာကိုယ်က လိုက်ပြီးတည်ငြိမ်အောင် ကြိုးစားပေးပြီး အသက်ရှူထိန်းသိမ်းခြင်း၊ သတိကပ်ခြင်းတို့ဖြင့် ပုံမှန်အတိုင်း ဖြစ်စေနိုင်ပါတယ်။

လေထန်ခြင်း ကြာရှည်နေရင် နားအတွင်းနဲ့ ဦးနှောက်တို့က လိုက်လျောညီလာပြီး မူးဝေအော့အန်ချင်တာတွေ သက်သာလာပါတယ်။

လှုပ်ခါနေချိန်မှာ ထိုင်ခုံမှာ တင်းရင်းစွာထိုင်ခြင်းဖြင့် ထိခိုက်ဒဏ်ရာရခြင်းမှ ကာကွယ်နိုင်ပါတယ်။

ခရီးသွားရင်း မူးဝေတာမျိုး ခံစားရတတ်သူတွေအနေနဲ့ ဆေးကြိုတင် သောက်သုံးထားရင် သက်သာစေနိုင်ပါတယ်။
Source: India Today
#World_Science
#Published_ 30 May 2024
#Yangon_Times #YMG_News #Yangon_Media_Group

Published 30 May 2024

ကြယ်အများစုဟာ ပေါက်ကွဲတဲ့အခါ စူးရှတောက်ပစွာဖြင့် ဖြည်းဖြည်းချင်း ပေါက်ကွဲလေ့ရှိကြပါတယ်။

အချို့သော ကြယ်ကြီးတွေကတော့ ညကောင်းကင်ယံမှာ ဘာအရိပ်အယောင်မှ မတွေ့ရဘဲ ပျောက်ကွယ်သွားကြတယ်လို့ သိပ္ပံပညာရှင်များ တွေ့ရှိထားပါတယ်။

ဂျာမနီနဲ့ ဒိန်းမတ်တက္ကသိုလ်တို့မှ နက္ခတ္တပညာရှင် အယ်လီယန်ဒရိုဗစ်နာဂိုမက်ဇ် ဦးဆောင်တဲ့အဖွဲ့က ဖော်ပြခဲ့တာဖြစ်ပြီး အချို့သော ကြယ်ကြီးတွေက ပေါက်ကွဲမှုကြီး မဖြစ်ဘဲနဲ့ တိတ်ဆိတ်စွာ ကြွေသွားကြတယ်လို့ လေ့လာတွေ့ရှိကြပါတယ်။

ကြယ်ကြွေတာကို အချိန်ကိုက် မြင်တွေ့ခဲ့ကြပြီး ရုတ်တရက် ပျောက်ကွယ်သွားတယ်လို့ ဗစ်နာဂိုမက်ဇ်က ဆိုပါတယ်။
နေထက် ၈ ဆကျော်ကြီးမားတဲ့ ကြယ်တစ်ခု ပေါက်ကွဲပြီဆိုရင် အလွန်ဗြောင်းဆန်တတ်ပြီး တွင်းနက်ကြီးတစ်ခု၊ နျူရွန်ကြယ်၊ အလွန်သိပ်သည်းဆများတဲ့ အရာများ ဖြစ်ပေါ်လာပါတယ်။

အချက်အလက်များအရ ဧရာမကြယ်ကြီးတွေဟာ တွင်းနက်များထဲသို့ တိုက်ရိုက်ဝင်ရောက်သွားပြီး စူးရှတောက်ပစွာ ပေါက်ကွဲခြင်းမျိုး မဖြစ်ပါဘူး။

ဒါကြောင့် တွင်းနက်များ ဖြစ်ပေါ်ခြင်းက တောက်ပစွာပေါက်ကွဲခြင်းမျိုး မဖြစ်စေဘဲ လေ့လာယူဆချက်များကလည်း ညွှန်ပြနေတယ်လို့ သိပ္ပံပညာရှင်များ ပြောပြသွားပါတယ်။
Source: WION
#World_Science
#Published_ 30 May 2024
#Yangon_Times #YMG_News #Yangon_Media_Group

Published_ 29 May 2024

ပြင်ဦးလွင်မြို့ရှိ တပ်မတော်ဆေးရုံ၌ ကျန်းမာရေးစောင့်ရှောက်မှု ခံယူနေသော သက်တော် ၉၆ နှစ်၊ ဝါတော် ၇၆ ဝါရှိ သက်တော်ရှည် မဟာဝိဇိတာရုံ ကျောင်းတိုက်ပဓာနနာယက နိုင်ငံတော် ဩဝါဒါစရိယ အဘိဓဇမဟာရဋ္ဌ ဂုရု အဘိဓဇ အဂ္ဂမဟာသဒ္ဓမ္မဇောတိ က အဂ္ဂမဟာပဏ္ဍိတ ဘဒ္ဒန္တ ဝိစာရိန္ဒာ ဘိဝံသ ၊ ဆရာတော်ကြီး နှင့်နိုင်ငံ တော် ကာကွယ်ရေးနှင့် လုံခြုံရေးတာဝန်များ ထမ်းဆောင်စဉ် ထိခိုက်ဒဏ်ရာရရှိခဲ့သော အရာရှိ၊ စစ်သည်များ၊ မြန်မာနိုင်ငံရဲတပ်ဖွဲ့ဝင်များနှင့် ပြည်သူ့စစ်ဌာနေတပ်ဖွဲ့ဝင်များ အား နစက ဥက္ကဌ က ယနေ့ မေလ ၂၉ ရက် တွင် သွား ရောက်ကြည့်ရှုခဲ့ကြောင်း သိရသည်။

ဆရာတော်ကြီး၏ ကျန်းမာ ရေးအခြေအနေများကို မပြတ်စောင့်ကြည့်၍ လို အပ်သည်များကိုဖြည့်ဆည်းဆောင် ရွက် ပေးရန်၊ ကိုယ်ခံစွမ်း အား ရှိစေရေး၊ တစ်ကိုယ်ရည် သန့်ရှင်းရေးနှင့် လုပ်ဆောင်နိုင်သည့် ကိုယ်လက်လှုပ် ရှားမှု လေ့ကျင့်ခန်း များလုပ်ဆောင်နိုင်ရေး တို့အတွက်ဆောင်ရွက်ပေးရန်၊ ဆရာတော်ကြီး၏ ကျန်း မာရေးအ ခြေအနေ သက်သာလာကာ ကျောင်းတိုက်၌ ပြန်လည်သီတင်းသုံးရာ တွင် အဆင်ပြေချောမွေ့စေရေး ကျန်းမာ ရေးဆိုင်ရာ အထောက် အကူပြုပစ္စည်းများ ဖြည့်ဆည်းဆောင်ရွက်ပေးသွားရန်နှင့် တို့ကို နိုင်ငံတော်စီမံအုပ်ချုပ် ရေးကောင်စီဥက္ကဋ္ဌ တပ်မတော်ကာကွယ်ရေး ဦးစီးချုပ်က မှာကြားခဲ့ကြောင်း သိရသည်။

အလားတူ နိုင်ငံတော် ကာကွယ်ရေးနှင့် လုံခြုံရေးတာဝန်များ ထမ်းဆောင်စဉ် ထိခိုက်ဒဏ်ရာရရှိခဲ့သော အရာရှိ၊ စစ်သည်များ၊ မြန်မာနိုင်ငံရဲတပ်ဖွဲ့ဝင်များနှင့် ပြည်သူ့စစ်ဌာနေတပ်ဖွဲ့ဝင်များအား အားပေးစကား ပြောကြား၍ အရာရှိ၊ စစ်သည်များ၊ မြန်မာနိုင်ငံရဲတပ်ဖွဲ့ဝင်များနှင့် ပြည်သူ့စစ်ဌာနေတပ် ဖွဲ့ဝင်များအား ဂုဏ်ပြုချီးမြှင့်ငွေနှင့် လက်ဆောင်ပစ္စည်းများပေးအပ်ခဲ့ကြောင်း သိရသည်။

နစက ဥက္ကဌ၏ အဆိုပါ ခရီးစဉ်အတွင်း တပ်မတော်နည်းပညာ တက္ကသိုလ်မှ နည်းပြအရာရှိကြီးများ၊ ကထိက အရာ ရှိကြီးများ၊ ဆရာကြီး၊ ဆရာမကြီးများ၊ သန္ဓေအရာရှိများနှင့် ဗိုလ်လောင်းများအား တပ်မတော်နည်းပညာ တက္ကသိုလ်၊ ဘွဲ့နှင်း သဘင်ခန်းမ၌ တွေ့ဆုံအမှာစကားပြောကြားခဲ့သေးကြောင်းလည်း သိရသည်။
Yangon_Times/PP
#Local_News
#Published_ 30 May 2024
#Yangon_Times #YMG_News #Yangon_Media_Group