ရန်ကုန်စက်သုံးဆီဈေးကွက်ထဲမှာ ဒီကနေ့ ဓာတ်ဆီ နဲ့ ဒီဇယ်ဈေးတွေ ကျဆင်း နေတယ်လို့ သိရပါတယ်။
Yangon_Times/NN
#Local_News
#Published 31 May 2024
#YMG #Yangon_Times #Yangon_Media_Group

ကုန်အဝင်နည်းလာခြင်းနဲ့ ပြည်တွင်း ဝယ်လိုအားရှိနေတဲ့အတွက် ကြက်သွန်ဖြူ ဈေးကွက်ဟာ ဈေးဆက်လက် မြင့်နိုင်ဖွယ်ရှိတယ်လို့ ရှမ်းပြည်နယ် အောင်ပန်းရှိ ပွဲရုံများထံက သိရသည်။
Yangon_Times/LW
#Local_News
#Published 31 May 2024
#YMG #Yangon_Times #Yangon_Media_Group

ကမ္ဘာ့ဖလားခြေစစ်ပွဲ ဂျပန်-မြန်မာပွဲစဉ် လက်မှတ်တွေကိုဇွန်လ ၄ ရက်နဲ့ ၅ရက်၊ ဇွန်လ ၆ ရက်တို့မှာ ရောင်းချပေးသွားမယ်။
Yangon_Times/tthl
#Local_News
#Published 31 May 2024
#YMG #Yangon_Times #Yangon_Media_Group

Published 31 May 2024

ဆိပ်ကမ်း၊ လေဆိပ်များသို့သွင်းကုန် လိုင်စင်/ပါမစ် ခွင့်ပြုချက်မရရှိသေးဘဲ ကုန်ပစ္စည်းကြိုတင်ရောက်ရှိခြင်းများကို အရေးယူသွားမည်ဖြစ်ကြောင်း စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ ကုန်သွယ်ရေးဦးစီးဌာန၏ ထုတ်ပြန်ချက်အရသိရသည်။

ထိုသို့အရေးယူဆောင်ရွက်ရာတွင် လာမည့် ဇူလိုင်လ ၁ ရက်နေ့မှစ၍ သွင်းကုန် လိုင်စင်/ပါမစ်ခွင့်ပြုချက်မရရှိသေးဘဲဆိပ်ကမ်း၊ လေဆိပ်များသို့ သွင်းကုန်များကြိုတင်ရောက်ရှိကြောင်းစိစစ်တွေ့ရှိရပါကပို့ကုန်သွင်းကုန်ဥပဒေနှင့်အညီအရေးယူသွားမည်ဖြစ်ကြောင်း သိရသည်။

  ထို့အပြင် အကောက်ခွန်ကုန်လှောင်ရုံအတွင်းထည့်သွင်းခွင့်ပြုထားသည့် ကုန်ပစ္စည်းများမှအပကျန်ပြည်ပမှ တင်သွင်းသောကုန်ပစ္စည်းများကိုခွင့်ပြုချက်မရှိဘဲဆိပ်ကမ်း၊ လေဆိပ်များသို့ တင်သွင်းရောက်ရှိခြင်းမပြုလုပ်ရန်လိုအပ်ကြောင်း၊

  ခွင့်ပြုချက်မရှိဘဲရောက်ရှိပါက ယင်းတင်သွင်းသောကုမ္ပဏီများကိုပို့ကုန်သွင်းကုန်ဥပဒေနှင့်အညီအရေးယူမည်ဖြစ်ကြောင်းကို ပြီးခဲ့သည့် ၂၀၂၀ ပြည့်နှစ် ဇူလိုင် ၈ ရက်က အမိန့်ကြေညာစာထုတ်ပြန်ထားသော်လည်း သတ်မှတ်စည်းကမ်းများကို လိုက်နာဆောင်ရွက်မှုမရှိဘဲဆိပ်ကမ်း၊ လေဆိပ်များသို့ ခွင့်ပြုချက်မရရှိသေးသည့် ကုန်ပစ္စည်းများကိုကြိုတင်တင်သွင်းဆောင်ရွက်လျက်ရှိသည်ကိုစစ်ဆေးတွေ့ရှိနေရကြောင်း ထုတ်ပြန်ချက်၌ ဖော်ပြထားသည် ။

လတ်တ‌လောတွင် ပြည်တွင်းကုန်ထုတ်လုပ်မှုလုပ်ငန်းများနှင့် ကျန်းမာရေးကဏ္ဍများ အတွက်သာလိုအပ်သောအရေးကြီးကုန်ပစ္စည်းများကိုအကောက်ခွန်ဦးစီးဌာန၏ လုပ်ထုံးလုပ်နည်းများနှင့်အညီအကောက်ခွန်ကုန်လှောင်ရုံများတွင် ထည့်သွင်းခွင့်ပြုထားကြောင်း၊ ထို့ကြောင့်  ထုတ်ပြန်ထားသည့် ဥပဒေနှင့်စည်းကမ်းများကိုအလေးအနက်ထားလိုက်နာရန်ရည်ရွယ်၍ သွင်းကုန် လိုင်စင်/ ပါမစ် ခွင့်ပြုချက် တစ်စုံတစ်ရာမရှိဘဲကုန်ပစ္စည်းများဆိပ်ကမ်းနှင့်လေဆိပ်များသို့ တင်သွင်းရောက်ရှိမှုမရှိစေရေးအတွက် နှိုးဆော်အသိပေးကြေညာခြင်းဖြစ်ကြောင်း သိရသည် ။
Yangon_Times/NN
#Local_News
#Published 31 May 2024
#YMG #Yangon_Times #Yangon_Media_Group

Published 31 May 2024

မန္တလေးတိုင်းဒေသကြီး၊ ချမ်းအေးသာစံမြို့နယ်၊ (၈၁x၈၂)နှင့် (၃၁x၃၃)ကြားတွင် မီးလောင်မှုဖြစ်ပွားကာ လူထိခိုက်ဒဏ်ရာရရှိမှုဖြစ်ပေါ်ခဲ့ကြောင်း မီးသတ်တပ်ဖွဲ့နှင့်ဒေသခံများ ထံ က သိရသည်။

မေလ ၃၁ရက် မနက် ၉နာရီ ၄၀မိနစ်က စတင်ခဲ့ပြီး Level 2 ယာဉ်အုပ်စု ဖြင့် ငြှိမ်းသတ်ခဲ့ရာ ၁၀နာရီ ၂၀မိနစ် တွင် မီးငြိမ်းခဲ့ကြောင်း သိရသည်။

'"နေအိမ် မှာ လောင်တာ ဂတ်စ်အိုးပေါက်တာကနေ လောင်တယ်လို့ သိရတယ် လူထိခိုက်ဒဏ်ရာ ရတာတွေရှိတယ် အရေပြားတွေ မီးလောင်ခံရတာ အခြား ထိခိုက်ဒဏ်ရာရတာရှိတယ် သေဆုံးတာတော့ မရှိဘူး''ဟု ဒေသခံတစ်ဦးကပြောသည်။

အဆိုပါ မီးလောင်ကျွမ်းမှုဖြစ်စဉ်ကြောင့် အနည်းဆုံး လူ ၄ဦး ခန့် မီးလောင်ဒဏ်ရာအချို့ ရရှိခဲ့ကြပြီး လူမှုကူညီရေးအသင်းများက မြေပြင်ကုသမှုများ ပြုလုပ်ပေးခဲ့ကြကြောင်းသိရသည်။

လက်ရှိတွင် မီးလောင်သည့် အကြောင်းရာနှင့်ဆုံးရှုံးမှုတန်ဖိုး ကို သက်ဆိုင်ရာက စစ်ဆေးလျက်ရှိကြောင်း သိရသည်။
Yangon_Times/LW
#Local_News
#Published 31 May 2024
#YMG #Yangon_Times #Yangon_Media_Group

Published 31 May 2024

ရုရှားနိုင်ငံထဲရှိ စစ်ရေးပစ်မှတ်များကို တိုက်ခိုက်ရာမှာ အမေရိကန်ထောက်ပံ့ လက်နက်များ အသုံးပြုခွင့်ကို သမ္မတဂျိုးဘိုင်ဒင်က ယူကရိန်းအား တိတ်တဆိတ်ခွင့်ပြုလိုက်ပြီ ဖြစ်ကာ ယူကရိန်းအရှေ့မြောက်ပိုင်းရှိ ခါကိဗ်မြို့ တိုက်ခိုက်ရေးကို ထောက်ပံ့အားပေးနေတာ ဖြစ်တယ်လို့ အမေရိကန် အရာရှိ ၄ ဦးက ကြာသပတေးနေ့မှာ ပြောကြားလိုက်ပါတယ်။

ဘိုင်ဒင်ဟာ အမေရိကန်လက်နက်များဖြင့် ရုရှားနိုင်ငံထဲသို့ ပစ်ခတ်ရန် ယူကရိန်းကို ခွင့်မပြုခဲ့ပေမယ့် အခုအခါမှာတော့ မူဝါဒပြောင်းလဲလာတဲ့ ဆုံးဖြတ်ချက်မျိုး မြင်လာရပါတယ်။

ဝါရှင်တန်ရှိ ရုရှားသံရုံးနဲ့ နယူးယော့ခ်ရှိ ကုလသမဂ္ဂဆိုင်ရာ ရုရှားသံအမတ်တို့က ဒါနဲ့ပတ်သက်ပြီး တုန့်ပြန်ပြောကြားခြင်း မရှိသေးပါဘူး။

ဘိုင်ဒင်ရဲ့ဆုံးဖြတ်ချက်က ခါကိဗ်ဒေသ နယ်စပ်အနီးရှိ ရုရှားတပ်များကိုသာ ပစ်ခတ်ရန် ခွင့်ပြုတာဖြစ်ပါတယ်။

ရုရှားက မေလ ၁၀ ရက်နေ့မှာ ထိုဒေသကို တိုက်ခိုက်ခဲ့ပြီး အချို့ရွာများကို ဝင်ရောက်ဖျက်ဆီးခဲ့ပါတယ်။

‘’ခါကိဗ်ဒေသမှာ တိုက်ခိုက်ရန် ပြင်ဆင်နေတဲ့ ရုရှားတပ်တွေကို ယူကရိန်းတို့ ပြန်လည်တိုက်ခိုက်နိုင်ရန် အမေရိကန် ထောက်ပံ့လက်နက်များ အသုံးပြုနိုင်အောင် သမ္မတက တိုက်ရိုက်ညွှန်ကြားခဲ့တယ်’’ လို့ အမေရိကန်အရာရှိ တစ်ဦးက ပြောပြပါတယ်။

ရုရှားတို့က ထိုဒေသမြောက်ပိုင်းအနီးမှာ တပ်စုနေပေမယ့် ချီတက်မှုကြီး ပြုလုပ်ရလောက်တဲ့အထိ တပ်သားမလောက်ဘူးလို့ ယူကရိန်း ထိပ်သီးတပ်မှူးချုပ်က ပြောပြပါတယ်။

ဘိုင်ဒင်က ယူကရိန်းအတွက် လက်နက်ထောက်ပံ့ရေး မူဝါဒများ တိတ်တဆိတ်လျှော့ချတာ ဒုတိယအကြိမ် ရှိပြီဖြစ်ပါတယ်။

အငြိမ်းစားဒုဗိုလ်မှူးကြီးနဲ့ ဥရောပရေးရာ ညွှန်ကြားရေးမှူးဟောင်း အဲလက်ဇန်ဒါဗိုင်းမန်းက ဘိုင်ဒင်ရဲ့ မူဝါဒပြောင်းလဲမှုကို ချီးကျူးလိုက်ပြီး ယူကရိန်းကို လွတ်လပ်စွာ တိုက်ခိုက်ခွင့်ပေးသင့်ကြောင်း ပြောကြားသွားပါတယ်။

ရုရှားတိုင်းပြည်အတွင်းထဲထိတော့ အမေရိကန်ထုတ် တာဝေးပစ်လက်နက်တွေ အသုံးပြုခွင့်ကိုတော့ ဆက်လက်တားမြစ်သွားမှာ ဖြစ်ပါတယ်။

ရုရှားရေနံစက်ရုံတွေကို ယူကရိန်းက ဒရုန်းဖြင့် တိုက်ခိုက်နေတာကိုလည်း အသိအမှတ်ပြုသေးတာ မဟုတ်ပါဘူး။

နေတိုး(NATO) မဟာမိတ်အချို့နဲ့ အမေရိကန် လွှတ်တော်အမတ်များက ယူကရိန်းကို အမေရိကန်ထောက်ပံ့ လက်နက်များ အသုံးပြုခွင့်ကန့်သတ်ထားတာကို ဖြေလျှော့ပေးဖို့ တောင်းဆိုနေခဲ့ကြပါတယ်။

ထောက်ပံ့လက်နက်များဖြင့် ရုရှားကိုပစ်ခတ်ဖို့အတွက် ယူကရိန်းကို ခွင့်ပြုပေးတဲ့ နေတိုးအဖွဲ့ဝင်များကို ပူတင်က အင်္ဂါနေ့မှာ သတိပေးလိုက်ပြီး နျူကလီးယားစစ်ပွဲအန္တရာယ် ကျရောက်နိုင်တယ်လို့ ဆိုလိုက်ပါတယ်။
Source: Reuters.
#World_News
#Published 31 May 2024
#YMG #Yangon_Times #Yangon_Media_Group

Published 31 May 2024

ကျန်းမာရေးကဏ္ဍ အမျိုးမျိုးအတွက် ကောင်းစွာအိပ်စက်ဖို့ အရေးကြီးပါတယ်။

ဒါပေမဲ့ ပြဿနာအမျိုးမျိုးကြောင့် လုံလောက်စွာ အိပ်စက်ရဖို့ ခက်ခဲနေကြပါတယ်။

ဒါကြောင့် နှစ်ခြိုက်စွာ အိပ်ပျော်စေမယ့် နည်းလမ်းတွေကို ဖော်ပြလိုက်ပါတယ်။
 
(၁) အိပ်ချိန်သတ်မှတ်ပါ
အိပ်ချိန်ထချိန်ကို ပုံမှန်သတ်မှတ်ပြီး ကျင့်သုံးပေးခြင်းဖြင့် ကိုယ်တွင်း လည်ပတ်မှုစနစ်နဲ့ ကိုက်ညီစေပြီး အကျင့်ဖြစ်သွားပါက ပုံမှန်အိပ်စက်မှုကို အထောက်အကူပြုပါတယ်။
 
(၂) ညအိပ်ချိန်မတိုင်ခင် စိတ်ဖြေလျှော့ပါ
ညမအိပ်ခင်မှာ စိတ်ငြိမ်စေတဲ့ အပြုအမူတွေ ပြုလုပ်ခြင်းဖြင့် ခန္ဓာကိုယ်ကလည်း အိပ်ချိန်ရောက်ပြီဆိုတာကို သိရှိစေပါတယ်။
 
(၃) မအိပ်ခင်တီဗီ၊ဖုန်းကြည့်ခြင်း မပြုရန်
ဖုန်း၊ တီဗီ၊ ကွန်ပျူတာတို့မှထွက်တဲ့ အလင်းပြာက အိပ်စက်ခြင်းဟော်မုန်း မယ်လာတိုနင် ထွက်ရှိမှုကို အဟန့်အတား ဖြစ်စေပါတယ်။
 
(၄) အိပ်ခန်းကိုသက်တောင့်သက်သာဖြစ်အောင် ပြင်ဆင်ပါ
တိတ်ဆိတ်ပြီး သက်တောင့်သက်သာရှိတဲ့ အနေအထားက နှစ်ခြိုက်စွာ အိပ်စက်စေနိုင်ပါတယ်။ 
 
(၅) များများစားခြင်းနဲ့ ကဖင်းဓာတ်ရှောင်ရှားပါ
ကဖင်းဓာတ်နဲ့ နီကိုတင်းတို့က အိပ်စက်မှုကို အနှောင့်အယှက်ဖြစ်စေပြီး အစားများများစားခြင်းကတော့ မအီမသာ ဖြစ်စေပါတယ်။
 
(၆) စိတ်ပြေလျော့စေမည့် နည်းလမ်းသုံးပါ
အသက်ပြင်းပြင်းရှူခြင်း၊ ကြွက်သားဖြေလျှော့ခြင်းတို့က စိတ်နဲ့ခန္ဓာကိုယ်ကို ပြေလျော့စေပါတယ်။
 
(၇) တရေးအိပ်ခြင်းကို လျှော့ပါ
နေ့ခင်းဘက် တရေးအိပ်ခြင်းက ညဘက်အိပ်စက်ခြင်းကို အနှောင့်အယှက် ဖြစ်စေပါတယ်။
 
(၈) သဘာဝအလင်းရောင်နဲ့ ထိတွေ့ပေးပါ
နေ့ပိုင်းမှာ သဘာဝအလင်းရောင်နဲ့ ထိတွေ့ခြင်းဖြင့် ခန္ဓာကိုယ် နေ့ညလည်ပတ်မှုပုံစံကို ထိန်းညှိပေးပါတယ်။
 
(၉) အရက်လျှော့သောက်ပါ
အရက်သောက်ပြီး အစပိုင်းမှာ အိပ်ပျော်ပေမယ့် နောက်ပိုင်းမှာတော့ အိပ်စက်မှုပုံစံကို နှောင့်ယှက်စေပါတယ်။
အိပ်ခါနီးမှာ အရက်ရှောင်ရှားပြီး ကျန်တဲ့အချိန်တွေမှာလည်း ကန့်သတ်သောက်သုံးသင့်ပါတယ်။
Source: DoctorNDTV
#World_Health
#Published 31 May 2024
#YMG #Yangon_Times #Yangon_Media_Group

Published 31 May 2024

လူသားများ အရွယ်ရောက်ခြင်း၊ မျိုးပွားခြင်း၊ လိင်စိတ်ဆန္ဒတို့အတွက် အီစထရိုဂျင်၊ တက်စ်တိုစတီရုန်း၊ ပရိုဂျက်စထရုန်းစတဲ့ ဟော်မုန်းတွေက အဓိကပတ်သက်နေပါတယ်။

ဟော်မုန်းတွေက ခန္ဓာကိုယ်မှာ ညီတူမျှတ လုပ်ဆောင်ကြတာ ဖြစ်ပြီး တစ်ချိန်ချိန်မှာ မျှခြေချို့ယွင်းကာ သက်ရောက်မှုတွေ ရှိလာနိုင်ကြောင်း ကျန်းမာရေးပညာရှင် ဒေါက်တာ ရှီရင်လက္ခဏိက ပြောပြသွားပါတယ်။

သိပ္ပံပညာရှင်တွေဟာ လိင်ပိုင်းဆိုင်ရာ ဟော်မုန်းများ၊ လိင်စိတ်ဆန္ဒ၊ ကျန်းမာရေးနဲ့ ရောဂါတို့ကြား ဆက်စပ်မှုများကို နားလည်ရန် ကြိုးပမ်းခဲ့ကြပါတယ်။

ကလေးဘဝနဲ့ ဆယ်ကျော်သက်ဘဝတွေမှာ ကျားဟော်မုန်း တက်စ်တိုစတီရုန်း စတင်ထုတ်လုပ်နေပြီဖြစ်ပြီး ကျားအင်္ဂါဖွံ့ဖြိုးကြီးထွားဖို့အတွက် အရေးပါပါတယ်။

မိန်းကလေးတွေမှာတော့ မ’ဟော်မုန်း အီစထရိုဂျင်က ကလေးဘဝမှာ မလိုသေးပေမယ့် အပျိုဖော်ဝင်စမှာတော့ ရင်သားကြီးထွားမှုနဲ့ ဓမ္မတာလာခြင်းတို့အတွက် လိုအပ်လာပါပြီ။

အသက် ၂၀ ဝန်းကျင် ယောက်ျားလေးတွေမှာ ကျားဟော်မုန်း မြင့်တက်လာပြီး လိင်စိတ်ဆန္ဒလည်း မြင့်တက်လာပေမယ့် အတွေ့အကြုံနုနယ်တဲ့ သူတွေမှာ ပူပန်စိတ်တွေ ဖြစ်တတ်ပါတယ်။

အသက် ၂၀ ဝန်းကျင် အမျိုးသမီးငယ်တွေမှာ မျိုးအအောင်နိုင်ဆုံး အချိန်ဖြစ်ပေမယ့် လိင်စိတ်ဆန္ဒကတော့ သိပ်ပြီး ရှိချင်မှရှိဦးမှာပါ။

အသက် ၂၀ ကျော်သွားပြီးနောက်ပိုင်းမှ စိတ်ဆန္ဒမြင့်တက်လာတတ်ပါတယ်။

မေတ္တာရေး နှစ်အနည်းငယ်ကြာလာတဲ့အခါ အမျိုးသမီးအများစုက လိင်စိတ်ဆန္ဒ လုံးဝလျော့ပါးသွားတာမျိုး မဟုတ်ဘဲ အခြားစိတ်ဆန္ဒပုံစံမျိုး ပြောင်းသွားတာ ဖြစ်တယ်လို့ လိင်ပိုင်းဆိုင်ရာ ကျွမ်းကျင်ပညာရှင် နာတာရှာဆေးလ်ဗားမန်းက ပြောပြပါတယ်။

အသက် ၃၀ ဝန်းကျင်နဲ့ ၄၀ အစောပိုင်း အမျိုးသားတွေက စိတ်ဆန္ဒပြင်းပြနေဆဲဖြစ်ပြီး ၃၅ နှစ်နောက်ပိုင်းကစလို့ တက်စ်တိုစတီရုန်းက တစ်နှစ်ကို ၁ ရာခိုင်နှုန်း လျော့နည်းလာကာ အခြားပြဿနာများကလည်း သက်ရောက်နေပါတယ်။

အသက် ၃၀ ဝန်းကျင်နဲ့ ၄၀ အစောပိုင်း အမျိုးသမီးတွေက ထိုကာလအတွင်း စိတ်ဆန္ဒအပြင်းပြဆုံး ဖြစ်နေနိုင်ပါတယ်။

အသက် ၄၀ နောက်ပိုင်းနဲ့ ၅၀ ဝန်းကျင် အမျိုးသားတွေဟာ ကျန်းမာရေး ကောင်းမွန်လို့ လိင်မှုကိစ္စကို သာယာချင်သေးတယ်ဆိုရင် ရနိုင်ပေမယ့် နာတာရှည်ရောဂါတွေ ဖြစ်လာရင်တော့ စိတ်ဆန္ဒလျော့နည်းလာစေပါတယ်။

အသက် ၄၀ နောက်ပိုင်းနဲ့ ၅၀ ဝန်းကျင် အမျိုးသမီးတွေဟာ လိင်စိတ်ဆန္ဒ မြင့်တက်လာနိုင်ပြီး ဓမ္မတာသွေးမဆုံးခင် ကိုယ်ဝန်နောက်ဆုံးရနိုင်တဲ့ အခြေအနေဖြစ်ပါတယ်။

ထိုအသက်အရွယ် အမျိုးသမီးတွေက စိတ်ဆန္ဒမြင့်တက်နေတတ်ပေမယ့် အမျိုးသားအများစုကတော့ ထောင်မတ်ဖို့ ပြဿနာတွေ အဖြစ်များပါတယ်။

အသက် ၆၀ နဲ့အထက် အမျိုးသားတွေမှာ တက်စ်တိုစတီရုန်း ပမာဏ ဆက်လက်ကျဆင်းနေပေမယ့် ကျန်းမာရေးကောင်းရင် လိင်စိတ်ဆန္ဒ ရှိနေတုန်းပါပဲ။

အသက် ၆၀ အထက် အမျိုးသမီးတွေမှာ ဓမ္မတာသွေးဆုံးခြင်း လက္ခဏာများ လျော့ကျသွားပြီဖြစ်ပြီး စိတ်ဆန္ဒကိုလည်း သက်ရောက်လာပါတယ်။ 
Source: Telegraph
#World_Health
#Published 31 May 2024
#YMG #Yangon_Times #Yangon_Media_Group

တရုတ်အလယ်ပိုင်းနဲ့ အရှေ့ပိုင်းဒေသတွေမှာ ဆောင်းရာသီ စိုက်ပျိုးခဲ့တဲ့ဂျုံတွေကို ရိတ်သိမ်းဖို့အတွက် ဉာဏ်ရည်ထည့်သွင်း စိုက်ပျိုးရေးစက်ပစ္စည်းများ၊ နည်းပညာများဖြင့် လယ်ယာလုပ်ငန်းကဏ္ဍကို အထောက်အကူ ပေးနိုင်ရန် ကျင့်သုံးလာကြပါတယ်။
ဟေနန်ဒေသ ဟွေကျောင်ရွာဟာ ဂျုံသီးနှံတွေ အစောဆုံးရင့်သီးပြီး ရိတ်သိမ်းနေပြီ ဖြစ်ပါတယ်။
#Asia_Technology
#Published 30 May 2024
#YMG #Yangon_Times #Yangon_Media_Group

#Daily_News
Published_ 30 May 2024

၁။ အကောင့်တုများသုံးပြီး နိုင်ငံခြားငွေလဲလှယ်နှုန်း မတည်ငြိမ်အောင် လုပ်သူများကို အရေးယူ‌နေ၊ AD လိုင်စင်ရဘဏ်များတွင် ဈေးနှုန်းအမှန်ဖြင့် လဲလှယ်နိုင်

၂။ ရွှေတစ်ကျပ်သား (၅၈) သိန်းနီးပါးအထိ စံချိန်သစ် ထပ်မံတင်လာ 

၃။ ဈေးမြင့်တတ်ခဲ့သည့် ခရမ်းချဉ်သီး ရောင်းချသူ များလာသဖြင့် တစ်ပိသာ ၅၀၀ကျပ်ခန့် ဈေးပြန်ကျ

၄။ တရုတ်တွင် ဉာဏ်ရည်ထည့်သွင်းစိုက်ပျိုးရေး စက်ပစ္စည်းများဖြင့် ဂျုံသီးနှံများ ရိတ်သိမ်းရန်ပြင်ဆင် ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။
#YMG #Daily_News #Yangon_Times #Yangon_Media_Group #TV Yangon Times

နှစ်နိုင်ငံကုန်ပစ္စည်းချင်းဖလှယ်တဲ့  ဘာတာ  စနစ်အရ ပို့ကုန်/သွင်းကုန် ကင်းလွတ်ခွင့်ပုံစံတွေ ပေးပို့ဖို့ ညီနောင်အသင်း‌တွေဆီကို အသိပေးအကြောင်းကြားထားတယ်လို့ ကုန်သည်များနှင့် စက်မှုလက်မှုလုပ်ငန်းရှင်များ အသင်းချုပ် UMFCCI က သိရပါတယ်။
Yangon_Times/NN
#Local_News
#Published 30 May 2024
#YMG #Yangon_Times #Yangon_Media_Group

မစောတံတားနှင့် ကျုံအိတ်တံတား ယာယီပြုပြင်ထားပြီး ယာဉ်ငယ်တွေကို တံတားပေါ်က၊ ယာဉ်ကြီးတွေကို တံတားအောက်က မြေသားလမ်းကနေပေးဖြတ်တယ်။ ကုန်တင်ကားကြီးတွေက တံတားအောက်ယာယီမြေသား လမ်းက ဖြတ်ရတာမို့ ရုန်းတက်ရလို့ ကြန့်ကြာမှုအနည်းငယ်တော့ရှိတယ်။
Yangon_Times/tthl
#Local_News
#Published 30 May 2024
#YMG #Yangon_Times #Yangon_Media_Group