Published_03 June 2024

မြောက်ဥက္ကလာပမြို့နယ်နှင့်ရွှေပေါက်ကံမြို့နယ်ရှိဓာတ်အားခွဲရုံများကို လျှပ်စစ်စွမ်းအားဝန်ကြီး ဌာန၊ ရန်ကုန်လျှပ်စစ်ဓာတ်အားပေးရေး ကော်ပိုရေးရှင်း ဥက္ကဋ္ဌ၊ ဦးအောင်ကျော်ဦးနှင့်အဖွဲ့ဝင်များ ကွင်းဆင်းစစ်ဆေးခဲ့ကြောင်း သိရသည်။

ယင်းကဲ့သို့ ကွင်းဆင်းစစ်ဆေးစဉ် နောင်တွင်ဖြစ်ပေါ်လာမည့် ဝန်အား တိုးတက်သုံးစွဲမှုအခြေအနေ များအရ ဓာတ်အားဖြန့်ဖြူးမှုလုပ်ငန်းများ စဉ်ဆက်မပြတ်ဆောင်ရွက်နိုင်ရေး၊ ဓာတ်အားခွဲရုံ တိုးချဲ့ တည်ဆောက်နိုင်ရေးနှင့် ဓာတ်အားခွဲရုံများ ကြံ့ခိုင်ကောင်းမွန်မှုရှိစေရေး၊ တရားမဝင်ဓာတ်အား သုံးစွဲမှုများမရှိစေရေး တာဝန်ရှိသူ အဆင့်ဆင့်တိုက စနစ်တကျ စစ်ဆေးဖော်ထုတ်ကြပ်မတ်မှုများ ဆောင်ရွက်ရန် မှာကြားခဲ့သည်ဟုဆိုသည်။

ကွင်းဆင်းစစ်ဆေးမှုအနေဖြင့် ရှေးဦးစွာ မြောက်ဥက္ကလာပမြိုနယ် လျှပ်စစ်မန်နေဂျာရုံး နှင့် အရေးပေါ်မီးပျက်ပြုပြင်ဌာနသို့သွားရောက်၍ ဓာတ်အား ပျောက်ဆုံးမှု လျော့နည်းကျဆင်းရေး၊ မီတာ များစနစ်တကျ မှန်ကန်စွာဖတ်ရှု၍ စာရင်းများ မှန်ကန်စွာရေးသွင်းရေး၊ ဓာတ်အားခ ကြွေးကျန်များ လျော့နည်းကျဆင်းရေး ဆောင်ရွက်ရန်မှာကြားကာ

အများပြည်သူတစ်ဦးချင်း ဓာတ်အားပြတ်တောက်မှု သတင်းပေးပို့ချက်များအပေါ် ဖြေရှင်းဆောင်ရွက်ပေးမှု၊ မှတ်တမ်းရေးသွင်းထား ရှိမှုများအား ကြည့်ရှု စစ်ဆေးပြီး ၃၃/၁၁ ကေဗွီ မြိုရုံးဓာတ်အားခွဲရုံမှ ဓာတ်အားဖြန့်ဖြူးပေးထားမှုအခြေအနေ၊ Switch Bay and Switch Gear များ ကြံ့ခိုင်မှုအခြေအနေ ဓာတ်အားနိုင်နင်းမှုရှိ/မရှိ အခြေအနေများကို ကြည့်ရှုစစ်ဆေးခဲ့သည်။

ထိုမှတစ်ဆင့် ၃၃ /၁၁ ကေဗွီ ဝေဘာဂီဓာတ်အားခွဲရုံသို သွားရောက်စစ်ဆေးပြီး ဓာတ်အားဖြန့်ဖြူး ပေးထားမှု၊ ဓာတ်အားခွဲရုံ ကြံ့ခိုင်ကောင်းမွန်မှုရှိစေရေး ဆောင်ရွက်ထားရှိမှု၊ ခွဲရုံအတွင်း/အပြင် သန့်ရှင်းသာယာလှပရေး ဆောင်ရွက်ထားမှုအခြေအနေများကို ကြည့်ရှုစစ်ဆေးကာ လိုအပ်သည်များ မှာကြားခဲ့သည်။

ဆက်လက်၍ ရွှေပေါက်ကံမြိုရှိ ၆၆/၃၃/၁၁ ကေဗွီ မော်ကျွန်းဓာတ်အားခွဲရုံသို သွားရောက်၍ ရွှေပေါက်ကံမြိုနှင့် မြောက်ဥက္ကလာပမြိုများအတွက် ဓာတ်အားလက်ခံရရှိမှုနှင့် ဓာတ်အားဖြန့်ဖြူးထားမှု အခြေအနေများ Switch Bay and Switch Gear များ၏ ကြံ့ခိုင်မှုအခြေအနေများကို ကြည့်ရှုစစ်ဆေးပြီး ၃၃/၁၁ ကေဗွီ ၁၅ အမ်ဗွီအေ ကုန်းဘောင်ဓာတ်အားခွဲရုံသို ရောက်ရှိကာ ၃၃ ကေဗွီ ဓာတ်အားလိုင်းဖြင့် လက်ခံရယူဖြန့်ဖြူးပေးနေမှု အခြေအနေများကို စစ်ဆေးခဲ့ကြောင်းသိရသည်။
Yangon_Times/tthl
#Local_News
#Published 03 June 2024
#YMG #Yangon_Times #Yangon_Media_Group

Published 03 June 2024

မြောက်ကိုရီးယားက အမှိုက်သရိုက်တွေ ချိတ်ဆွဲထားတဲ့ မိုးပျံပူဖောင်းတွေကို တောင်ကိုရီးယားဘက်သို့ လွှတ်နေတာတွေ ရပ်တန့်မယ်လို့ တနင်္ဂနွေနေ့က ပြောကြားလိုက်ပါတယ်။

ဒါပေမဲ့ တောင်ကိုရီးယားဘက်ကနေ မြောက်ကိုရီးယား ဆန့်ကျင်ရေး လက်ကမ်းစာစောင်များ ထပ်မံဖြန့်ကျဲပါက ပူစီဖောင်းများ ပြန်လည်လွှတ်တင်မယ်လို့ ကြိမ်းဝါးလိုက်ပါတယ်။

အမှိုက်တွေရောက်လာတာ တောင်ကိုရီးယားအနေနဲ့ မနှစ်မြို့စရာ ကောင်းသလို မြောက်ကိုရီးယားဘက်က ပူစီဖောင်း ၃၅၀၀ ခန့်ဖြင့် အမှိုက်တန်ချိန် ၁၅ တန်လောက် လွှတ်တင်လိုက်ပြီးနောက် ထိုအမှိုက်တွေကို ဘယ်လောက်ထိ ခက်ခက်ခဲခဲ လိုက်ကောက်ရကြောင်းကို မြောက်ကိုရီးယား ကာကွယ်ရေး လက်ထောက်ဝန်ကြီး ကင်မ်ဂန်အီလ်က ပြောကြားခဲ့တယ်လို့ KCNA သတင်းဌာနက ဖော်ပြထားပါတယ်။

မြောက်ကိုရီးယားက နယ်စပ်ကနေ ပူစီဖောင်းများ လွှတ်တဲ့အတွက် တောင်ကိုရီးယားဘက်ကလည်း တုန့်ပြန်ဆောင်ရွက်တာမျိုး ပြုလုပ်သွားမှာဖြစ်ကာ မြောက်ကိုဦးတည်ပြီး အသံချဲ့စက်များဖြင့် ဝါဒဖြန့်တာမျိုးတွေ ပြုလုပ်နိုင်တယ်လို့ ဆိုလိုက်ပါတယ်။

မြောက်ကိုရီးယားက ပူစီဖောင်းလွှတ်လိုက်ပြီးနောက် တောင်ကိုရီးယား အစိုးရအဖွဲ့က နိုင်ငံတော်လုံခြုံရေးကောင်စီနဲ့ ဆွေးနွေးခဲ့ပြီး ယခုလို ထုတ်ပြန်လိုက်တာ ဖြစ်ပါတယ်။

ဒီမိုကရက်တစ် တောင်ကိုရီးယားနိုင်ငံနဲ့ ကွန်မြူနစ် မြောက်ကိုရီးယားတို့ဟာ ကိုရီးယားစစ်ပွဲ ပြီးကတည်းက ငြိမ်းချမ်းရေး ရရှိဖို့ထက် စစ်ပွဲအခြေအနေသို့သာ ဦးတည်နေပါတယ်။

မြောက်ကိုရီးယား ဘက်ကူးသူများနဲ့ တောင်ကိုရီးယားမှ လှုပ်ရှားသူများက မြောက်ဆန့်ကျင်ရေး လက်ကမ်းစာစောင်များ၊ အစားအစာများ၊ ဆေးဝါးများ၊ ပိုက်ဆံများ၊ ကေပေါ့သီချင်းများနဲ့ ဇာတ်လမ်းတွဲများပါဝင်တဲ့ USB များကို လေသွင်းရုပ်များထဲ ထည့်သွင်းပေးပို့နေပြီး ဝါဒဖြန့်ချိရေး လုပ်နေခဲ့တာကြောင့် မြောက်ကိုရီးယားက လက်တုန့်ပြန်တဲ့အနေဖြင့် အမှိုက်ပူစီဖောင်းများကို လွှတ်တင်ခဲ့တာ ဖြစ်တယ်လို့ ဆိုပါတယ်။

မြောက်ကိုရီးယားက လွှတ်တင်လိုက်တဲ့ ပူစီဖောင်းတွေထဲမှာ အမှိုက်သရိုက်မျိုးစုံ ပါဝင်ပြီး ဆိုးလ်မြို့အနှံ့ စနေနေ့ ည ၈ နာရီမှ တနင်္ဂနွေနေ့ နေ့လယ် ၁ နာရီလောက်အထိ တွေ့ရှိခဲ့ရတယ်လို့ တောင်ကိုရီးယား ပူးတွဲစစ်ဦးစီးချုပ်က ပြောပါတယ်။

တောင်ကိုရီးယား အရာရှိများက ရိုင်ဖယ်များကိုင်ဆောင်ကာ ပူစီဖောင်းတွေထဲက အမှိုက်တွေကို ကောက်ယူထုပ်ပိုးနေတာတွေ မီဒီယာများမှ ဖော်ပြထားပါတယ်။

ဂျုံဆန်မြောက်ပိုင်း၊ ဂန်ဝန်ပြည်နယ်၊ ဆိုးလ်မြို့ အချို့နေရာတွေမှာ အရေးပေါ်သတိပေးချက်များ ထုတ်ပြန်ခဲ့ကြပြီး ပြည်သူများအနေဖြင့် ပူစီဖောင်းများကို မထိရန်နဲ့ ရဲတပ်ဖွဲ့ကို  အကြောင်းကြားရန် တိုက်တွန်းခဲ့ပါတယ်။
Source: Reuters
#World_News
#Published 03 June 2024
#YMG #Yangon_Times #Yangon_Media_Group

Published 03 June 2024

မွန်ပြည်နယ်ဘီးလင်းနှင့် သထုံမြို့ကို ဆက်သွယ်ထားသည့် ရန်ကုန်-မော်လမြိုင် ကားလမ်းပေါ် ရှိ မစောတံတား သံဘေလီတံတားထိုးခြင်း  ပြီးစီး၍ ကုန်တင်ယာဥ်များ စတင်ဖြတ်သန်းခွင့်ပြုလိုက်‌ ပြီဖြစ်‌‌ေကြာင်း ဒေသခံများဆီကသိရသည်။

အဆိုပါ   မစောတံတား မှာ မေလ၂၃ရက်က ဖျက်ဆီးခံရပြီး နောက် သံဘေလီတံတား အစားထိုးပြင်ဆင်မှုလုပ်ငန်းများကို စတင်ပြုလုပ်ခဲ့ခြင်းဖြစ်ကြောင်းသိရသည်။

" မနေ့ကညနေကစပြီးကုန်ကား‌ တွေ ဖြတ်လို့ရပါပြီ ၊ လမ်းခရီးခက်ခဲတော့အရင်လက တော်တော်ခက်ခဲတယ်ကုန်ပို့ရတာလေ၊ ကုန်တွေသယ်ရမလွယ်‌ရင် သယ်ယူစရိတ်မြင့်တာဈေးတက်တာတွေရှိလာတတ်တယ်လေ၊ "ဟု ဒေသခံတစ်ဦးက ပြောသည် ။

ယခင် မစောတံတား ပြုပြင်နေဆဲဖြစ်သောကြောင့် ယာယီလမ်းလွှဲမြေသားလမ်းမှ ဖြတ်သန်းရန် စောင့်ဆိုင်းနေသည့်ယာဉ်များ တန်းစီစောင့်ဆိုင်းရ၍ခရီးလမ်းကြန့်ကြာမှုများလည်းရှိခဲ့ကြောင်းသိရသည်။

ပြီးခဲ့သည့်  မေ ၁၁ ရက် ကလည်း မွန်ပြည်နယ်၊ ဘီးလင်းမြို့ အစပ်ရှိ ရန်ကုန်-မော်လမြိုင်လမ်းပေါ်မှ  ကျုံအိတ်တံတား ဖျက်ဆီးခံခဲ့ရပြီး လတ်တလောမှာ‌တော့ ဘေလီတံတားဆောက်လုပ်ပြီးစီးနေပြီဖြစ်သောကြောင့် ကုန်တင်ကားများပါပြန်လည်ဖြတ်သန်းနေပြီဖြစ်ကြောင်းသိရသည်။

မွန်ပြည်နယ်အတွင်းရှိ လမ်းတံတားများမှာ ပြီးခဲ့သည့်ရက်ပိုင်းက မိုးရွာသွန်းမှုများပြားခဲ့သည့်အတွက် လမ်းပျက်ဆီးမှုများနှင့် လမ်းခရီးကြန့်ကြာမှုများလည်း များစွာရှိခဲ့ကြောင်း သိရသည်။
Yangon_Times/NN
#Local_News
#Published 03 June 2024
#YMG #Yangon_Times #Yangon_Media_Group

Published 03 June 2024

လတ်ဆတ်တဲ့ အသီးအနှံ၊ ဟင်းသီးဟင်းရွက်တွေ စားခြင်း၊ အဆင့်ဆင့်ထုတ်လုပ်ထားတဲ့ အစားအစာများ လျှော့စားခြင်းတို့က ကျန်းမာရေးနဲ့ ညီညွတ်စေပါတယ်။

ကိုယ်ခံအားစနစ်ကို ထိခိုက်စေတဲ့ အဆင့်ဆင့်ထုတ်လုပ်ထားတဲ့ အစားအစာများ၊ အရက်သေစာများ၊ အချိုဓာတ်များကိုလည်း ရှောင်ရှားသင့်ပါတယ်။

ဒါကြောင့် လူကိုကျန်းမာစေပြီး ကိုယ်ခံအားကို မြှင့်တင်ပေးနိုင်မယ့် စားစရာတွေကို ဖော်ပြလိုက်ပါတယ်။

(၁) ငရုတ်ပွနီ- ဗိုက်တာမင် စီ၊ အေ၊ ဘီတို့ပါဝင်ပြီး ကိုယ်ခံအားစနစ်ကို မြှင့်တင်ပေးပါတယ်။

(၂) လိမ္မော်သီး- ဗိုက်တာမင်-စီနဲ့ အခြားအာဟာရဓာတ်တွေ ကြွယ်ဝပြီး အလုံးလိုက် စားသင့်ပါတယ်။

(၃) ဂရိတ်ဖရုပန်းရောင်သီး- အမျိုးသမီးတွေအတွက် လိုအပ်တဲ့ ဗိုက်တာမင်-စီများ ပါဝင်ပြီး ဗိုက်တာမင်-အေလည်း ပါဝင်ပါတယ်။

(၄) ပန်းသီး- ဓာတ်တိုးဆန့်ကျင်ပစ္စည်းများ ပါဝင်ပြီး တစ်နေ့တစ်လုံးစားခြင်းကို သိပ္ပံနည်းအရ ထောက်ခံထားကြပါတယ်။

(၅) ကြက်ဥ- ဗိုက်တာမင်-ဒီ ပါဝင်တာကြောင့် နာမကျန်းဖြစ်ခြင်းမှ ကာကွယ်ပေးပါတယ်။

(၆) ဘလူးဘယ်ရီ- ဓာတ်တိုးဆန့်ကျင် ပစ္စည်းများ ပါဝင်တဲ့အပြင် အအေးမိဖျားနာခြင်းမှ ကာကွယ်ပေးပါတယ်။

(၇) ဒိန်ချဥ်- ကောင်းကျိုးပြု ဘက်တီးရီးယားများ ပါဝင်ကာ အအေးမိခြင်းကို ကာကွယ်ပေးပါတယ်။

(၈) ချောကလက်- သူ့မှာပါတဲ့ သီယိုဘရိုမင်းက ချောင်းဆိုးခြင်းကို သက်သာစေပါတယ်။

(၉) ပန်းဂေါ်ဖီစိမ်း- ဂေါ်ဖီမျိုးနွယ်တွေက အအေးမိခြင်းမှ ကာကွယ်နိုင်ပါတယ်။

(၁၀) ဟင်းနုနွယ်- ဗိုက်တာမင် အေ၊ ကေ၊ ဖောလိတ်၊ သံဓာတ်၊ မဂ္ဂနီဆီယံ၊ ဓာတ်တိုးဆန့်ကျင်ပစ္စည်းများ စသဖြင့် အာဟာရအများအပြား ပါဝင်ပါတယ်။

(၁၁) ခရမ်းချဥ်သီး- ဗိုက်တာမင် စီပါဝင်တာကြောင့် ကိုယ်ခံအားကို မြှင့်တင်ပေးပါတယ်။

(၁၂) ကြက်သွန်ဖြူ- ပုံမှန်စားသုံးသူတွေက အခြားသူတွေထက် ဖျားနာတာမျိုး အဖြစ်နည်းပါတယ်။

(၁၃) ပေါင်မုန့်ကြမ်း- ဂျုံသီးနှံတွေမှာ ဓာတ်တိုးဆန့်ကျင် အစွမ်းသတ္တိရှိတာကြောင့် အူလမ်းကြောင်းကို ကျန်းမာစေပါတယ်။

(၁၄) လက်ဖက်ခြောက်အကြမ်းရည်နှင့် ဂျင်းပြုတ်ရည်- ဓာတ်တိုးဆန့်ကျင် အစွမ်းသတ္တိများ ပါဝင်ပါတယ်။  
Source: New York Post.
#World_Health
#Published 03 June 2024
#YMG #Yangon_Times #Yangon_Media_Group

Published 2 June 2024

Published_2 Jun 2024

ရှမ်းပြည်နယ်(တောင်ပိုင်း)၊ လွိုင်လင်မြို့နယ်တွင် ငွေကျပ် ၁ ဒသမ ၆၈ ဘီလီယံတန်ဖိုးရှိ စိတ်ကြွရူးသွပ် ဆေးပြား ၅၆ သိန်း ဖမ်းဆီးရမိခဲ့ကြောင်း သိရသည်။

၂ ဇွန် ၂၀၂၄

ပြည်တွင်းရွှေဈေးကွက်အတွင်း ရွှေဈေးနှုန်းမတည်မငြိမ်ဖြစ်အောင် ဆောင်ရွက်လျက်ရှိတဲ့ တရားမဝင်ရွှေပွဲစားများ အပါအဝင် စုစုပေါင်း ၂၁ ဦးကို ဖမ်းဆီးထားပြီး နာမည်ကြီးရွှေဆိုင်အချို့နှင့် ရွှေသန့်စင်လုပ်ငန်းအချိုမှ တာဝန်ရှိသူ ၁၀ ဦးသည် ထွက်ပြေးတိမ်းရှောင်နေတယ်လို့ နစကသတင်းထုတ်ပြန်ရေးအဖွဲ့မှသတင်းထုတ်ပြန်ပါတယ်၊

ထွက်ပြေးတိမ်းရှောင်နေသူတွေက စိန်ကျော်မိုးရွှေဆိုင်မှ ဦးကျော်ငြိမ်း၊အကယ်ဒမီရွှေသန့်စင်လုပ်ငန်းမှ ဦးမျိုးသူ ဝင်း၊ ခရမ်းသုံးခွရွှေဆိုင်မှ ဦးသက်နောင်ဝင်း၊ ဇွဲထက်ရွှေဆိုင်မှ ဦးဆန်းဝင်း၊ အောင်သမာဓိရွှေဆိုင်မှ ဦးအောင်ဆန်း ဝင်း၊ဝိန့်စိန်ရွှေဆိုင်မှ ဦးအောင်ကောင်းမြတ်၊ ရွှေစင်ဝင်းရွှေသန့်စင်လုပ်ငန်းမှ ဦးအေးကြူ၊ ပွဲစားတွေဖြစ်ကြတဲ့ ဦးကျော်ဝင်း(ခ)ပန်းသီး၊ ဦးညီညီဦး(ခ)ချက်ကြီးနှင့် ဒေါ်တင်တင်ခိုင်(ခ) စန္ဒာတင်တို့ဖြစ်ကြောင်း သတင်းထုတ်ပြန် ချက်မှာဖော်ပြထားပါတယ်။

အဆိုပါ တရားခံ ၁၀ ဦးကို  ဥပဒေနှင့်အညီ ခေါ်ယူစစ်ဆေးနိုင်ရေးဆောင်ရွက်ခဲ့ရာ တရားဥပဒေစိုးမိုးရေး အဖွဲ့အစည်းများ၏ ဖမ်းဆီးခြင်းမခံရစေရန် ထွက်ပြေးတိမ်းရှောင်လျက်ရှိတာလို့သိရပါတယ်။

အဆိုပါထွက်ပြေးတိမ်းရှောင်နေသည့်တရားခံများအား သိရှိပါက သက်ဆိုင်ရာလုံခြုံရေးအဖွဲ့အစည်းများထံ လျှို့ဝှက်စွာသတင်းပေးပို့နိုင်ကြောင်းလည်း သတင်းထုတ်ပြန်ချက်မှာ ဖော်ပြထားပါတယ်။

ထိုသူတွေဟာ ပြည်တွင်းရွှေဈေးကွက်အတွင်း အရောင်းအဝယ်တစ်ကယ်မဖြစ်သည့် လေပတ်ကား ရွှေဈေးနှုန်းများ ကို လူမှုကွန်ရက်မီဒီယာများမှတစ်ဆင့် ဝါဒဖြန့်ချိ၍ ရွှေဈေးနှုန်းများအား ဈေးကစားပြီး နိုင်ငံ့စီးပွားရေးမငြိမ်မသက်  ဖြစ်စေရန် ဆောင်ရွက်လျက်ရှိတာဖြစ်တယ်လို့လည်း သတင်းထုတ်ပြန်ချက်မှာပါရှိပါတယ်။

@ymg/knl

 Published 2June 2024

မန္တလေးမြို့၊ ချမ်းအေးသာစံမြို့နယ်၊ အောင်နန်းရိပ်သာအရှေ့ရပ်ကွက် ၊ ၈၁×၈၂လမ်းကြား ၃၂×၃၃လမ်းကြားရှိ လျှပ်စစ်နှင့် မီးဖိုချောင်သုံးပစ္စည်းရောင်းဝယ်ရေးဆိုင် တွင် ပြီးခဲ့သည့် မေလ (၃၁)ရက်မနက်ပိုင်းက မီးလောင်မှုဖြစ်ပွားခဲ့ရာ အဆိုပါမီးလောင်မှုကြောင့် ထိခိုက်ဒဏ်ရာရသူများထဲမှ ၂ဦးသေဆုံးခဲ့ကြောင်း မီးသတ်တဖွဲ့နှင့်ဒေသခံများထံက သိရသည်။

အဆိုပါမီးလောင်မှုကြောင့် ထိခိုက်ဒဏ်ရာရရှိသူ ၁၅ဦးခန့်ရှိပြီး စိုးရိမ်ရာအခြေနေမှာ၅ဦးခန့်ရှိကြောင်းသိရသည်။
""ဒဏ်ရာပြင်းထန်ပြီး စိုးရိမ်ရအခြေနေ ငါးဦးရှိတယ် အဲ့ဖြစ်တဲ့နေ့ ညနေမှာ တစ်ယောက်ဆုံးတယ် မနေ့က တစ်ယောက်ဆုံးတယ် သေဆုံးသူတွေက အမျိုးသမီးတစ်ယောက် အမျိုးသားတစ်ယောက် ကျန်တဲ့ဒဏ်ရာ ရသူတွေကတော့ ဆေးရုံမှာဆေးကုသနေရဆဲပဲ""ဟု‌ဒေသခံတစ်ဦးကပြောသည်။

ယင်းမီးလောင်မှုကြောင့် ထိခိုက်ဒဏ်ရသူများနှင့်သေဆုံးသူများကိုမန္တလေးတိုင်းဒေသကြီး မီးသတ်ဦးစီးဌာနနှင့်အလှူရှင်များက စုစုပေါင်းငွေကျပ် ၁၀၅သိန်း ကိုထောက်ပံပေးအပ်လှူဒါန်းခဲ့ကြောင်းသိရသည်။
Photo-Than Htay FB
Yangon Times/LW
#Published_ 2 June 2024
#Yangon_Times #YMG_News #Yangon_Media_Group

၂ ဇွန် ၂၀၂၄

ဆားကိုလျှော့စားဖို့ အခက်အခဲဖြစ်နေရသူတွေအတွက် ဆားအငန်ဓာတ်အရသာကို လျှပ်စစ်လှုံ့ဆော် မှုမှတစ်ဆင့် တိုးမြှင့်ပေးနိုင်မယ့် ဇွန်းတစ်မျိုးကို ဂျပန်နိုင်ငံမှာ ကီရင်ဟိုးလ်ဒင်းကုမ္ပဏီက မေလမှာ ဈေး ကွက်တင်ရောင်းချနေပြီဖြစ်ပါတယ်။

“ လျှပ်စစ်ဆားဇွန်း” လို့အမည်ပေးထားတဲ့ အဲဒီဇွန်းဟာ ဇွန်းရဲ့ထိပ်ဖျားကနေတစ်ဆင့် အားနည်းတဲ့ လျှပ်စီး ဖြတ်စီးစေခြင်းဖြင့် အလုပ်လုပ်ပေးပါတယ်။ အသုံးပြုသူတွေဟာ သူတို့နှစ်သက်တဲ့ အငန်ဓာတ်အဆင့်ကို လေးဆင့် အထိရွေးချယ်ပေးနိုင်တယ်လို့ အဆိုပါကုမ္ပဏီကပြောပါတယ်။

ကုမ္ပဏီက အဆိုပါ တူလိုပုံစံမျိုး ကိရိယာကလေးကို တီထွင်ထားတယ်လို့ ၂၀၂၂ကပြောဆိုထားခဲ့ပါတယ်။ ယခု ဇွန်းတစ်ချောင်းကို ယန်းငွေ ၁၉၈၀၀ ( အမေရိကန်ဒေါ်လာ ၁၂၆ ) နှင့်ရောင်းချပေးနေပါတယ်။

အဲဒီ လျှပ်စစ်ဆားဇွန်းကို ယမန်နှစ်က အဟာရဆိုင်ရာနိုဗယ်ဆုပူးတွဲရရှိခဲ့တဲ့ မေဂျီတက္ကသိုလ် ပါမောက္ခ ဟိုမေ မီယာရှီတာနှင့်အတူပူးပေါင်းဖန်တီးခဲ့တာဖြစ်ပါတယ်။

ကုမ္ပဏီဟာ မေလ ၂၀ရက်ကစပြီး အွန်လိုင်းကနေ အမှာတွေလက်ခံပေးနပါတယ်။ ယခု လောလောဆယ် ဇွန်းအချောင်း ၂၀၀ ရောင်းဖို့ရှိနေပါတယ်။

ဂျပန်နိုင်ငံမှာ ဆားအလွန်အကျွံစားသုံးခြင်းဟာ အရေးတကြီး ကျန်းမာရေးပြဿနာဖြစ်လာနေပါတယ်။ အသက်၂၀နှင့်အထက် လူတစ်ယောက်ဟာ တစ်ရက်ကို ဆား ၁၀ဂရမ် ပျှမ်းမျှစားသုံးနေပါတယ်။ ဒါဟာ ကမ္ဘာ့ကျန်းမာရေးအဖွဲ့က ထောက်ခံပေးထားတဲ့ ပမာဏထက် ၅ ဂရမ်များနေပါတယ်လို့ ကျန်းမာရေး ဝန်ကြီးဌာနကသိရပါတယ်။

ဒါပေမယ့် ဆားလျှော့ထည့်ဖို့ကြိုးစားတဲ့သူတွေဆီက “ဟင်းလျာတွေက ဘာမှအရသာမရှိဘူး” ဆိုတဲ့  ညည်းညူသံတွေကြားလာနေရပါတယ်လို့ ကီရင်ကပြုလုပ်တဲ့ ၂၀၂၁ ခုနှစ်စစ်တမ်းမှာဖော်ပြထားပါတယ်။

“ ဒီကိရိယာကလေးကနေ လူတွေဟာ အရသာရှိတဲ့ နည်းလမ်းတစ်ခုအနေနှင့် လူ့ဘဝဟန်ပန်ကို တိုးတက် စေလာနိုင်ဖို့ ရည်မှန်းထားပါတယ်” လို့ ကုမ္ပဏီကပြောပါတယ်။

Source  Japan Times

၂ ဇွန် ၂၀၂၄

ဘိုအင်းရဲ့ ပထမဆုံးသော အအာကာသယာဉ်မှူး ခရီးစဉ်ဟာ လွှတ်တင်ဖို့ မိနစ်အနည်းငယ်အလိုမှာ ဖျက်သိမ်းလိုက်ရပြီး အဲဒီလိုဖျက်သိမ်းလိုက်ရတာကြောင့်  ဆက်တိုက်အလုပ်တွေနောက်ကျကုန်ပါတယ်။

ဘိုအင်းရဲ့ စတားလိုင်နာ အာကာသယာဉ်အခန်းထဲကို နာဆာရဲ့ အာကာသယာဉ်မှူးနှစ်ဦးက နေရာယူထားပြီးချိန်  လွှတ်တင်ဖို့ သုံးမိနစ်နှင့် ၅၀စက္ကန့်အလိုမှာ ကွန်ပျူတာစနစ် ချို့ယွင်းသွားခဲ့တာဖြစ်ပါတယ်။

ဒုံးလွှတ်စင်အနီးမှာရှိတဲ့ ကွန်ပျူတာအများကြီးတွေထဲက တစ်ခုကြောင့် နှောင့်နှေးခဲ့ရတာဖြစ်ပြီး လာမယ့်ဗုဒ္ဓဟူးနေ့မှာ ထပ်မံလွှတ်တင်ဖို့ ရက်ကိုရွှေ့ဆိုင်းလိုက်ပါတယ်။

နာဆာက ဘိုအင်းကို အာကာသစခန်းထဲ လူတွေကိုသယ်ပို့ပေးမယ့် ဒုတိယမြောက်ကုမ္ပဏီအဖြစ် သတ်မှတ်ဖို့ကြိုးစား နေတာဖြစ်ပြီး ပထမဆုံးအဖြစ် အယ်လ်လွန်မတ်စ်ရဲ့ စပေ့အိတ်ချ်က လွန်ခဲ့တဲ့လေးနှစ်က အလားတူခရီးမျိုး လွှတ်တင်ခဲ့ပြီး ဖြစ် ပါတယ်။

ဘိုအင်းဟာ ဒုတိယအကြိမ်မြောက်ကြိးစားမှုအဖြစ် ယခုလွှတ်တင်ဖို့ဆောင်ရွက်ခဲ့တာဖြစ်ပါတယ်။ ဘိုအင်းရဲ့ ဒီအစီအစဉ်ဟာ နှစ်ပေါင်းများစွာနှောင့်နှေးနေခဲ့တာပါ။

Source: Wires