Published_3 Jun 2024

BGF ထံ ခိုလှုံသည့် စောဝါးနေမူး (ခေါ်) စောအင်္ဂလိပ် ကို KTLA က ရာထူးမှ ထုတ်ပယ်ရပ်နားကြောင်း ကော်သူးလေတပ်မတော် ဗဟိုဌာနချုပ်ရုံး က ဇွန်လ ၃ ရက် ယနေ့တွင် ထုတ်ပြန်လိုက်သည်။

အဆိုပါထုတ်ပြန်ချက်တွင် ကော်သူးလေတပ်မတော်၊ ဗဟိုဌာနချုပ်တွင် ဒုတိယရုံးထိုင်မှူးချုပ်ရာထူးဖြင့်တာဝန် ထမ်း ဆောင်နေသော စောဝါးနေမူး (ခေါ်)စောအင်္ဂလိပ်သည်တာဝန်ထမ်းဆောင်နေသည့်ကာလအတွင်း သက် ဆိုင်ရာ တပ်ရင်းတပ်ဖွဲ့သို့ အကြောင်းကြားခြင်း မရှိဘဲ မိမိသဘောဆန္ဒအလျောက် အတူနေ မိသားစုဝင်များ၊ ရဲဘော် (၆) ဦးနှင့်အတူ လက်နက်အချို့ကို ယူဆောင်ကာ ထွက်ခွာသွားခဲ့ကြောင်း ဖော်ပြထားသည်။

ယင်းကြောင့် စောဝါးနေမူး (ခေါ်) စောအင်္ဂလိပ်အား ကော်သူးလေတပ်မတော်အက်ဥပဒေအရ ဒုတိယ- ရုံးထိုင် မှူးချုပ်ရာ ထူးမှ နှုတ်ပယ်၍ ကော်သူးလေတပ်မတော်မှ အပြီးအပိုင် ထုတ်ပယ်လိုက်ကြောင်း ဖော်ပြထားသည်။

လူမှုကွန်ရက်သတင်းများအရ စောဝါးနေမူး (ခေါ်) စောအင်္ဂလိပ် သည် လက်နက် ၃၀ ကျော်နှင့် လက်အောက် ခံ လူများခေါ်ဆောင်၍ BGF ထံ ခိုလှုံပူးပေါင်းသွားကြောင်း သိရသည်။
Yangon_Times/PP
#Local_News
#Published_03 June 2024
#YMG #Yangon_Times #Yangon_Media_Group

 

#Daily_News
Published_03 June 2024

၁။ ရန်ကုန်အိမ်ခြံမြေဈေးကွက်တွင် မြို့နယ်(၄)ခုမှ တိုက်ခန်း၊ ကွန်ဒိုများ ဝယ်ယူရင်းနှီးမြုပ်နှံသူ ပိုများနေ

၂။ အရင်းနှီး ယခင်ထက်နှစ်ဆများလာပေမယ့် အမြတ်စွန်း နည်းလာတာကြောင့် အုန်းသီးအရောင်းဝယ်ပြုသူများအခက်တွေ့နေ

၃။ ရက်ပိုင်းအတွင်း ရွှေဈေး ကျပ်ငါးသိန်းခန့်အထိ ကျဆင်းလာ

၄။ ကမ္ဘာ့လျှပ်စစ်ကားယာဥ်ပျံ ထုတ်လုပ်ရေးကဏ္ဍတွင် ဦးဆောင်လာနိုင်ရန် တရုတ်ကုမ္ပဏီရည်မှန်း ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Daily_News #Yangon_Times #Yangon_Media_Group #TV Yangon Times

Published_03 June 2024

ယခုရက်ပိုင်းအတွင်း ပဲခူးတိုင်းဒေသကြီး၊ ရန်ကုန်တိုင်းဒေသကြီး၊ ဧရာဝတီတိုင်းဒေသကြီး၊ တနင်္သာရီတိုင်းဒေသကြီး၊ ကရင်ပြည်နယ်နှင့် မွန် ပြည်နယ်တို့တွင် မိုးဆက်လက်ပိုနေမည်ဖြစ်ကြောင်း မိုးလေဝသနှင့်ဇလဗေဒညွှန်ကြားမှုဦးစီးဌာနမှ သိရသည်။

ဇွန်လ(၃)ရက်ညနေပိုင်း၃နာရီ‌ကျော်တွင် ရန်ကုန်  ၏မြို့နယ်အချို့ဖြစ်သော လှိုင်သာယာ နှင့်ဗဟန်းမြို့နယ်၌ မိုးသက်လေပြင်းများတိုက်ခတ်နေသည်ဟုဆိုသည်။

ဇွန်လ(၄)ရက်အထိခန့်မှန်းချက်အဖြစ်ချင်းပြည်နယ်တွင် နေရာကွက်ကျား၊ စစ်ကိုင်းတိုင်းဒေသကြီး၊ မကွေးတိုင်းဒေသကြီး၊ ရှမ်းပြည်နယ်(မြောက်ပိုင်း)နှင့် ကယားပြည်နယ်တို့တွင် နေရာကျဲကျဲ၊

 မန္တလေးတိုင်းဒေသကြီး၊ တနင်္သာရီတိုင်းဒေသကြီးနှင့် ကချင်ပြည်နယ်တို့တွင် နေရာစိပ်စိပ်နှင့် ကျန်တိုင်းဒေသကြီးနှင့် ပြည်နယ်တို့တွင် နေရာအနှံ့အပြား မိုးထစ်ချုန်းရွာပြီး၊ 

မွန်ပြည်နယ်တွင် ဒေသအလိုက်နှင့် နေပြည်တော်၊ ရန်ကုန်တိုင်းဒေသကြီး၊ ဧရာဝတီတိုင်းဒေသကြီး၊ ရခိုင်ပြည်နယ်နှင့် ကရင်ပြည်နယ်တို့တွင် နေရာကွက်၍ မိုးကြီးနိုင်သည်ဟုဆိုသည်။

မိုးတိမ်တောင်ဖြစ်ပေါ်မှုအခြေအနေအဖြစ် ရန်ကုန်တိုင်းဒေသကြီး၊ ဧရာဝတီတိုင်း‌ဒေသကြီး၊ ရှမ်းပြည်နယ်(တောင်ပိုင်းနှင့် အရှေ့ပိုင်း)၊ ရခိုင်ပြည်နယ်၊ ကရင်ပြည်နယ် နှင့် မွန်ပြည်နယ်တို့တွင် မိုးတိမ်တောင်များ ဖြစ်ထွန်းလျက်ရှိ၍ မိုး သက်လေပြင်းများတိုက်ခတ်နိုင်ကြောင်း သိရသည်။

မြန်မာ့ပင်လယ်ပြင်။ မြစ်ဝကျွန်းပေါ်၊ မုတ္တမကွေ့၊ မွန်-တနင်္သာရီကမ်းရိုးတန်းတစ်လျှောက်နှင့် ကမ်းလွန်ပင်လယ်ပြင်တို့တွင် တစ်ခါတစ်ရံ မိုးသက်လေပြင်းများ ကျရောက်ပြီး လှိုင်းအသင့်အတင့်မှ လှိုင်းကြီးနိုင်ပါသည်။ မိုးသက်လေပြင်းကျစဉ် ရေပြင်/မြေပြင်လေသည် တစ်နာရီလျှင် မိုင် ၃၀ မှ ၃၅ မိုင်အထိ တိုက်ခတ် နိုင်ပါသည်။ ကျန်မြန်မာ့ပင်လယ်ပြင်တွင် လှိုင်းအသင့်အတင့်ရှိမည်။ လှိုင်းအမြင့်မှာ မြစ်ဝကျွန်းပေါ်၊ မုတ္တမကွေ့၊ မွန်-တနင်္သာရီကမ်းရိုးတန်းတစ်လျှောက်နှင့် ကမ်းလွန်ပင်လယ်ပြင်တို့တွင် ၇ ပေမှ ၉ ပေခန့်နှင့် ရခိုင်ကမ်းရိုးတန်းတစ်လျှောက်နှင့် ကမ်းလွန်ပင်လယ်ပြင်တို့တွင် ၆ ပေမှ ၈ ပေခန့် ရှိနိုင်ပါသည်။

နောက်(၂)ရက်ဇွန်(၄)ရက်နဲ့ (၅)ရက်အတွက်ခန့်မှန်းချက်အနေဖြင့် ပဲခူးတိုင်းဒေသကြီး၊ ရန်ကုန်တိုင်းဒေသကြီး၊ ဧရာဝတီတိုင်းဒေသကြီး၊ တနင်္သာရီတိုင်းဒေသကြီး၊ ကရင်ပြည်နယ်နှင့် မွန် ပြည်နယ်တို့တွင် မိုးဆက်လက်ပိုနေမည်ဖြစ်ကြောင်း သိရသည်။
Yangon_Times/tthl
#Local_News
#Published_03 June 2024
#YMG #Yangon_Times #Yangon_Media_Group

Published 3 June 2024

ရန်ကုန်မြို့တွင်း၌ ရေစီးရေလာကောင်းမွန်စေရေး အတွက် မြစ်ထွက်ပေါက်‌ လေးခု နှင့် လှိုင်မြစ်အတွင်းစီးဝင်သည့် ကွင်းကျောင်းမြောင်းအား  တစ်ရက်ထဲ ဆယ်ယူရှင်းလင်းခဲ့ကြောင်း ရန်ကုန်မြို့တော်စည်ပင်သာယာရေးကော်မတီမှသိရသည်။

ထိုသို့ဆောင်ရွက်ရာတွင် ဗိုလ်တထောင်မြို့နယ်၊ အမှတ်(၆)ရပ်ကွက်၊ ကုန်သည်လမ်းနှင့် ကမ်းနားလမ်းကြား မြန်မာ့မီးရထားကုန်ရုံဝင်းအတွင်းရှိ ဗိုလ်မြတ်ထွန်းမြစ်ထွက်ပေါက်၊ လမ်းမတော်မြို့နယ်၊ မော်တင်ယာယီစျေးရပ်ကွက်၊ ကမ်းနားလမ်းသစ်ရှိ ရွာသစ်ချောင်းမြစ်ထွက်ပေါက်၊အလုံမြို့နယ်၊ ဧရာဝတီရပ်ကွက်၊ မိုးကောင်းလျှပ်စစ်အိမ်ရာဝင်းအတွင်းရှိ ဟာဘိချောင်းမြစ်ထွက်ပေါက်၊ အလုံမြို့နယ်နှင့် ကြည့်မြင်တိုင်မြို့နယ်အကြား အောက်ကြည့်မြင်တိုင် လမ်းရှိ ကွင်းကျောင်းမြောင်းနှင့် ကမာရွတ်မြို့နယ်နှင့် ကြည့်မြင်တိုင်မြို့နယ်အကြား ဟံသာဝတီလမ်းရှိ ဟံသာဝတီမြစ်ထွက်ပေါက်တို့ကို အင်ဂျင်နီယာဌာန(ရေစီးရေလာစီမံခန့်ခွဲမှု)မှ ဝန်ထမ်းများက ရေစီးရေလာကောင်းမွန်စေရေးအတွက်   အမှိုက်များ၊ မြောင်းချေးနှင့် နုန်းများဆယ်ယူ  ရှင်းလင်းဆောင်ရွက်ခဲ့‌ကြောင်းသိရသည်။

ဗိုလ်တထောင်မြို့နယ်၊ အမှတ် (၆) ရပ်ကွက်၊ ကုန်သည်လမ်းနှင့် ကမ်းနားလမ်းကြား မြန်မာ့မီးရထားကုန်ရုံဝင်းအတွင်းရှိ ဗိုလ်မြတ်ထွန်းမြစ်ထွက်ပေါက် သည် ဗိုလ်တထောင်မြို့နယ်၊ အမှတ် (၅)၊ အမှတ်(၆)၊ အမှတ်(၈)ရပ်ကွက် များနှင့် မဟာဗန္ဓုလလမ်း၊ အနော်ရထာလမ်းတို့ကို ဖြတ်သန်းစီးဆင်းပြီး ရန်ကုန်မြစ်အတွင်းသို့စီးဝင်ကြောင်း၊ ဗိုလ်မြတ်ထွန်းမြစ်ထွက်ပေါက်အား ရေစီးရေလာကောင်းမွန်စေရေး ရှင်းလင်းဆောင်ရွက်ခြင်းအားဖြင့် ဗိုလ်တထောင်မြို့နယ်၊ အမှတ် (၅)၊ အမှတ်(၆)၊ အမှတ်(၈) ရပ်ကွက်များ ရေကြီးရေလျှံမှုမှ ကာကွယ်နိုင် မည်ဖြစ်ကြောင်းသိရသည်။

၎င်းအပြင်  လမ်းမတော်မြို့နယ်၊ မော်တင်ယာယီစျေးရပ်ကွက်၊ ကမ်းနားလမ်းသစ်ရှိ  ရွာသစ်ချောင်းမြစ်ထွက်ပေါက် ရေတံခါး ချောင်းမြေထိန်း နံရံတွင်ပေါက်နေသည့် တွယ်ကပ်သစ်ပင်များရှင်းလင်းရန်၊ ဒီရေတက်ချိန်ရေတံခါးများပိတ်ထားပြီး မိုးရွာသွန်းချိန် ရေတံခါးများဖွင့်ထားရန်၊ အမှိုက်နှင့်နုန်းများအား ဆယ်ယူပြီးစနစ်တကျစွန့်ပစ်ရန် မှာကြားခဲ့ကြောင်းသိရသည်။

လသာမြို့နယ်နှင့် လမ်းမတော်မြို့နယ်မှ ရေများသည် ကျုံးကြီးမြောင်းအတွင်းသို့စီးဝင်ပြီး ထိုမှတစ်ဆင့် ရွာသစ်‌ချောင်းမြစ်ထွက်ပေါက် ရေတံခါးအား ဖြတ်သန်းစီးဆင်း၍ ရန်ကုန်မြစ်အတွင်းသို့စီးဝင်ကြောင်း၊ ရွာသစ်ချောင်းအား ရေစီးရေလာကောင်းမွန်စေရေး ရှင်းလင်းဆောင်ရွက်ခြင်းအားဖြင့် လသာမြို့နယ်နှင့် လမ်းမတော်မြို့နယ်များ ရေကြီးရေလျှံမှုမှ ကာကွယ်နိုင်မည်ဖြစ်ကြောင်းသိရသည်။

ထို့အပြင်    ဟာဘိချောင်းအတွင်းသို့ အလုံမြို့နယ်၊ စောရန်ပိုင်အရှေ့ရပ်ကွက်၊ စောရန်ပိုင်အနောက်ရပ်ကွက်၊ ဧရာဝတီရပ်ကွက်တို့မှ ရေများဝင်ရောက်ပြီး ဟာဘိချောင်းမှတစ်ဆင့် လှိုင်မြစ်အတွင်းသို့စီးဝင် ကြောင်း၊ ဟာဘိချောင်း ရေစီးရေလာကောင်းမွန်စေရေး ရှင်းလင်းဆောင်ရွက်ခြင်းအားဖြင့် အလုံမြို့နယ်၊ စောရန်ပိုင်အရှေ့ရပ်ကွက်၊ စောရန်ပိုင်အနောက်ရပ်ကွက်၊ ဧရာဝတီရပ်ကွက်များ ရေကြီးရေလျှံမှုမှ ကာကွယ်နိုင်မည်ဖြစ်ကြောင်းသိရသည်။

အလုံမြို့နယ်၊ ကရင်ခြံရပ်ကွက်နှင့် ကြည့်မြင်တိုင်မြို့နယ်၊ ကရင်အမျိုးသားရပ်ကွက်အကြား အောက်ကြည့်မြင်တိုင်လမ်းရှိ  ကွင်းကျောင်းမြောင်းသည် စမ်းချောင်းမြို့နယ် အောင်ချမ်းသာမြောင်း၊ အလုံမြို့နယ်၊ ဂဠုန်ရပ်ကွက်၊ ကရင်ခြံရပ်ကွက်တို့မှ ရေများစီးဝင်ပြီး လှိုင်မြစ်အတွင်းသို့ စီးဝင် ကြောင်း၊ ကွင်းကျောင်းမြောင်း အား ရေစီးရေလာကောင်းမွန်စေရေး ဆောင်ရွက်ခြင်းအားဖြင့် စမ်းချောင်းမြို့နယ်နှင့် အလုံမြို့နယ်များ ရေကြီးရေလျှံမှုမှ ကာကွယ်နိုင်မည်ဖြစ်သည်။

  ကမာရွတ်မြို့နယ်၊ အမှတ်(၄)ရပ်ကွက်နှင့် ကြည့်မြင်တိုင်မြို့နယ်၊ သရက်တောမြောက်ရပ်ကွက်အကြား ဟံသာဝတီလမ်းရှိ ဟံသာဝတီမြစ်ထွက်ပေါက်တည်ရှိပြီး   ဟံသာဝတီချောင်းသည် ကမာရွတ်မြို့နယ်၊ အမှတ်(၄)ရပ်ကွက်၊ အမှတ်(၅)ရပ်ကွက်နှင့် မြန်မာ့သင်္ဘောကျင်းဝင်းတို့ကို ဖြတ်သန်းစီးဆင်းပြီး လှိုင်မြစ်အတွင်းသို့စီးဝင်ကြောင်း၊ ဟံသာဝတီမြစ်ထွက်ပေါက်အား ရေစီးရေလာကောင်းမွန်စေရေး ရှင်းလင်းဆောင်ရွက်ခြင်းအားဖြင့် ကမာရွတ်မြို့နယ်၊ အမှတ်(၄)ရပ်ကွက်၊ အမှတ်(၅) ရပ်ကွက်များ ရေကြီးရေလျှံမှုမှ ကာကွယ်နိုင်မည်ဖြစ်ကြောင်းသိရသည်။
Yangon_Times/NN
#Local_News
#Published_03 June 2024
#YMG #Yangon_Times #Yangon_Media_Group

Published_03 June 2024

ပြည်တွင်း၌ထုတ်လုပ်မည့် လောင်စာဆီသုံးယာဉ်များ SKD( Semi Knocked Down)စနစ်နှင့် CKD(Completely Knocked Down)စနစ်တို့ဖြင့်တင်သွင်းခြင်းအတွက် အကောက်ခွန်နှုန်းထားများကို ၂၀၂၄ခုနှစ်မေလ၃၁ရက်အထိ ဖြေလျှော့ခွင့်ပြုလိုက်ကြောင်း စီမံကိန်းနှင့် ဘဏ္ဍာရေးဝန်ကြီးဌာနမှသိရသည်။

၂၀၀၀ CC နှင့်အောက် လူစီးမော်တော်ယာဉ်များကို ယခင်ကောက်ခံသည့် ၇ ဒသမ ၅ ရာခိုင်နှုန်းမှ ၅ ရာခိုင် နှုန်းသို့လည်းကောင်း၊ ၂၀၀၁ CC နှင့်အထက် လူစီးမော်တော်ယာဉ်များကို ယခင်က ၅ ရာခိုင်နှုန်းမှ ၃ ရာခိုင်နှုန်းသို့ လည်းကောင်း လျော့ချကောက်ခံမည်ဖြစ်ကြောင်း အမိန့်ကြေညာထုတ်ပြန်ချက်အရ သိရသည်။

ထို့ပြင် သုံးဘီးမော်တော်ဆိုင်ကယ်(လူစီး)ကိုလည်း (SKD စနစ်နှင့် တင်သွင်းမည့်) ၇.၅ရာခိုင်နှုန်းမှ ၃ ရာခိုင်နှုန်း၊ CKD စနစ်ဖြင့်ဆိုပါက၅ရာခိုင်နှုန်းမှ ၁ ဒသမ ၅ ရာခိုင်နှုန်း၊

သုံးဘီးမော်တော်ဆိုင်ကယ် (ကုန်တင်)၊ ဘတ်စ်များ၊ Truck/ Body Building ပြုလုပ်ရန် Track များ တင်သွင်းမှုအပေါ်၇.၅ရာခိုင်နှုန်းမှ ၃ ရာခိုင်နှုန်းနှင့် မော်တော်ဆိုင်ကယ်အတွက် ၃ရာခိုင်နှုန်းမှ ၁ ဒသမ ၅ ရာခိုင်နှုန်းကောက်ခံမည်ဟု ထုတ်ပြန်ချက်အရ သိရသည်။

ယခုလို အကောက်ခွန်ကောက်ခံမှုနှုန်းဖြေလျှော့ခွင့်ပြုရခြင်းမှာ စီးပွားရေးပြန်လည်ကောင်းမွန်လာစေရန်နှင့် ပြည်တွင်းအသေးစား၊အငယ်စားနှင့်အလတ်စားစီးပွားရေးလုပ်ငန်းများကိုအထောက်အကူပြုစေရန် မြန်မာနိုင်ငံရင်းနှီးမြုပ်နှံမှုကော်မရှင်၏ခွင့်ပြုချက်ဖြင့် ပြည်တွင်း၌ထုတ်လုပ်မည့် လောင်စာဆီသုံးယာဉ်များ စနစ်တို့ဖြင့်တင်သွင်းခြင်းအတွက် အကောက်ခွန်နှုန်းထားများဖြေလျှော့ခွင့်ပြုလိုက်ခြင်း ဖြစ်သည်။

ယခုအမိန့်ကြော်ငြာစာမှာ၂၀၂၃ ခုနှစ် ဇွန် ၁ ရက်မှ ၂၀၂၄ ခုနှစ် မေ ၃၁ ရက်အထိ အကျိုးသက်ရောက် စေမည်ဖြစ်ပြီး ၂၀၂၅ခုနှစ် မေလ၃၁ရက်အထိ အခွန်ဖြေလျှော့ခွင့်ရမည်ဖြစ်ကြောင်း ဖော်ပြထားသည်။
Yangon_Times/tthl
#Local_News
#Published_03 June 2024
#YMG #Yangon_Times #Yangon_Media_Group

ရန်ကုန်တိုင်းဒေသကြီး ကွမ်းခြံကုန်းမြို့နယ်မှာတည်ရှိတဲ့ ဆယ်အိမ်တန်းကမ်းခြေကို မိုးတွင်းကာလမှာလဲ ဖွင့်လှစ် လျက်ရှိပြီး လာရောက်လည်ပတ်သူများလည်း ရှိနေတယ်လို့ ကမ်းခြေရှိ စားသောက်ဆိုင်များနဲ့ ဒေသခံတွေထံက သိရပါတယ်။
Yangon_Times/LW
#Local_News
#Published_03 June 2024
#YMG #Yangon_Times #Yangon_Media_Group

တောင်ပေါ်၊ မြေပြန့်မကျန် ကျေးလက်နေပြည်သူတွေ အပါအဝင် မြန်မာနိုင်ငံသားတစ်သန်း လေးသိန်းကျော်ကိုစာတတ်မြောက်စေခဲ့တဲ့ အ, သုံးလုံးလှုပ်ရှားမှုမှာ ပါဝင်ခဲ့သူတွေကို ဂုဏ်ပြုတဲ့အနေနဲ့ အ, သုံးလုံးလှုပ်ရှားမှုနှစ် (၆၀)ပြည့် အခမ်းအနားကျင်းပဖို့ရှိတယ်။
Yangon_Times/tthl
#Local_News
#Published_03 June 2024
#YMG #Yangon_Times #Yangon_Media_Group

ဇွန်လဆန်းရက်ပိုင်းအတွင်း အခေါက်ရွှေဈေးတစ်ကျပ်သားကို ကျပ်ငါးသိန်းခန့်အထိ ကျဆင်းလာတယ်လို့ ရွှေလုပ်ငန်းလုပ်ကိုင်သူတွေနဲ့ ဈေးကွက်ထဲက သိရပါတယ်။
Yangon_Times/NN
#Local_News
#Published_03 June 2024
#YMG #Yangon_Times #Yangon_Media_Group

 

ယခင်ထက်ရင်းနှီးမြုပ်နှံငွေ နှစ်ဆပိုများလာပေမယ့် အမြတ်ငွေရရှိမှု နည်းလာတာကြောင်း အုန်းသီးအရောင်းဝယ်ပြု သူတွေ အခက်တွေ့နေတယ်လို့ ဧရာဝတီတိုင်းဒေသကြီးရှိ အရောင်းဝယ်ပြုလုပ်သူတွေထံက သိရပါတယ်။
Yangon_Times/LW
#Local_News
#Published_03 June 2024
#YMG #Yangon_Times #Yangon_Media_Group

ရန်ကုန်မြိုအိမ်ခြံမြေဈေးကွက်မှာ တောင်ဥက္ကလာ၊ မရမ်းကုန်း၊ ကမ္ဘာအေး၊ သမိုင်းဘက်အခြမ်းတွေက တိုက်ခန်းတွေ၊ ကွန်ဒိုတွေကိုဝယ်ယူပြီး ရင်းနှီးမြုပ်နှံနေကြတာများပြီး ကျန်မြို့နယ်တွေမှာတော့ နေထိုင်ဖို့အတွက်ပဲ အရောင်းအဝယ်ဖြစ်နေတယ်။
Yangon_Times/tthl
#Local_News
#Published_03 June 2024
#YMG #Yangon_Times #Yangon_Media_Group

Published 3 June 2024

အလုပ်သမားဝန်ကြီးဌာနအနေဖြင့် မလေးရှားနိုင်ငံ ကို ၂၀၁၇ခုနှစ်ဇန်နဝါရီမှ၂၀၂၄ခုနှစ်ဧပြီ လအထိ MOUမြန်မာအလုပ်သမား ၂သိန်းကျော် စေလွှတ်ခွင့်ပြုခဲ့ကြောင်း အလုပ်သမားဝန်ကြီးဌာန မှသိရသည်။

မလေးရှားနိုင်ငံသို့ မြန်မာလုပ်သားစေလွှတ်ရာတွင် ကုန်ထုတ်လုပ်ငန်း၊ဆောက်လုပ်ရေးလုပ်ငန်း၊ဝန်ဆောင်မှုလုပ်ငန်း၊စိုက်ပျိုးရေးနှင့် မွေးမြူရေးလုပ်ငန်း တို့ မှာ လုပ်ကိုင်မှု အများဆုံးဖြစ်ကြောင်းသိရသည်။

"" ၂၀၁၇ဇန်နဝါရီကနေ ၂၀၂၄ခုနှစ် ဧပြီလ အထိ မလေးရှားနိုင်ငံကိုMOU မြန်မာအလုပ်သမား 201540 ဦးကို စေလွှတ်ခွင့်ပြုခဲ့တယ်၊ဒါပေမယ့် ဆေးမအောင်တာတို့အကြောင်းအမျိူမျိုးကြောင့် မလေးရှားနိုင်ငံကို မရောက်ခြင်းတွေရှိတဲ့ အတွက် ခွင့်ပြုတဲ့ အရေတွက်ထက်တော့လျော့နည်းနိုင်မယ် ""ဟုမလေးရှားနိုင်ငံဆိုင်ရာ မြန်မာသံရုံး(ကွာလာလမ်ပူ)မှတာဝန်ရှိသူကပြောသည်။

ထို့ပြင် မလေးရှားနိုင်ငံဆိုင်ရာ မြန်မာသံရုံး အနေဖြင့် မလေးရှားနိုင်ငံရောက် မြန်မာနိုင်ငံသားများ လိမ်လည်လှည့်ဖြားခံမှု မဖြစ်စေရန် အတွက် သံရုံး တွင် Hot line ဖုန်းနံပတ်ကို ၂၀၂၃ခုနှစ်အောက်တိုဘာ ၁၂ရက်တွင် စတင်ဖွင့်လှစ်ထားကာ ဆက်သွယ်အကူညီတောင်းခံနိုင်ကြောင်းနှင့် ကောင်စစ်ဝန်ဆိုင်ရာကိစ္စရပ်များကို လည်း အချိန်နှင့်တပြေးညီ သံရုံး၏လူမှုကွန်ယက်စာမျက်နှာတွင်ကြေညာပေးကြောင်း၊ထို့ကြောင့် မြန်မာနိုင်ငံသားများအနေဖြင့်လည်း သံရုံး၏ကြေညာချက်များကို မျက်ခြေမပြတ် ကြည်ရူရန်လိုကြောင်း ယင်းကဆက်လက်ပြောကြားသည်။
Yangon_Times/LW
#Local_News
#Published 03 June 2024
#YMG #Yangon_Times #Yangon_Media_Group

Published 03 June 2024

ဂျပန်နိုင်ငံ၊Ishikawaပြည်နယ်၌အင်အား(၅.၉ ) အဆင့်ရှိငလျင်လှုပ်ခတ်ခဲ့၍ဂျပန်နိုင်ငံတွင် နေထိုင်ကြသည့် မြန်မာနိုင်ငံသားများအတွက် သဘာဝဘေးအန္တရာယ်အသိပေးထုတ်ပြန်ချက် တိုကျိုမြို့ရှိမြန်မာသံရုံးမှ ယနေ့ ဇွန်လ (၃)ရက်၌ထုတ်ပြန်လိုက်ကြောင်း သိရသည်။

ထုတ်ပြန်ချက်တွင်မဂ္ဂနီကျူ ၅.၉ ရှိသော အင်အားပြင်းငလျင်တစ်ခုသည် Ishikawa ပြည်နယ်၊ Noto ကျွန်းဆွယ်ကို ဗဟိုပြု၍ ယနေ့ ၃.၆.၂၀၂၄ ရက်နေ့ နံနက် ၆:၃၁နာရီတွင် လှုပ်ခတ်ခဲ့‌ကြောင်း၊

ယခုထုတ်ပြန်ချိန်အထိ ဆူနာမီ သတိပေးချက်များ ထုတ်ပြန်ထားခြင်း မရှိပါကြောင်း၊

အဆိုပါဒေသတွင် နေထိုင်ကြသည့် မြန်မာနိုင်ငံသားများအနေဖြင့် ဒေသအာဏာပိုင်များ၏ အချိန်နှင့်တစ်ပြေးညီ ထုတ်ပြန်ချက်များကို အထူးအလေးထားစောင့်ကြည့်ရန် လိုအပ်ကြောင်း

JMA: www.jma.go.jp/jma/indexe.html
NHK World-Japan: https://www3.nhk.or.jp/nhkworld/en/news/

သဘာဝဘေးအန္တရာယ်နှင့်ပတ်သက်၍ အကူအညီ လိုအပ်ပါက သံရုံး၏ Hot Line ဖုန်းနံပါတ် 070-4413-7383 သို့ဆက်သွယ်နိုင်ကြောင်း အသိပေးထုတ်ပြန်ထားကြောင်းသိရသည်။
Yangon_Times/tthl
#Local_News
#Published 03 June 2024
#YMG #Yangon_Times #Yangon_Media_Group