#Local_News
Published 11 December 2024

▪️ ထိုင်းဘုရင့်သမီးတော်ဖလား၊ အသက်(၁၄)နှစ်မှ(၁၈)နှစ်အတွင်း၊မြင်းစီးတန်းခုန်ပြိုင်ပွဲတွင် မြန်မာလူငယ်မြင်းစီးသမား ဖြိုးကျော်မြင့်သန်းသည် ကြေးတံဆိပ်ဆုရရှိခဲ့ကြောင်း မြန်မာနိုင်ငံမြင်းစီးအားကစားအဖွဲ့ချုပ်မှ သိရသည်။

▪️ မြန်မာနိုင်ငံမြင်းစီးအားကစားအဖွဲ့ချုပ်သည် ထိုင်းနိုင်ငံ၊ပတ္တယားမြို့၌  ဒီဇင်ဘာ ၇ရက်မှ ၁၀ရက်အထိ ကျင်းပသည့် ထိုင်းဘုရင့်သမီးတော်ဖလား၊ အသက်(၁၄)နှစ် မှ(၁၈)နှစ်အတွင်း၊မြင်းစီးတန်းခုန်ပြိုင်ပွဲ "Princess Cup - FEI SEA Cup (CSIJ-B PATTAYA 2024) သို့ ဖြိုးကျော်မြင့်သန်းအားဝင်ရောက်ယှဥ်ပြိုင်စေခဲ့ခြင်းဖြစ်သည်။

▪️ ထိုသို့ ဝင်ရောက်ယှဉ်ပြိုင်ခဲ့ရာ(Junior တန်း)မှ မြန်မာ့လက်ရွေးမြင်းစီးအားကစားသမား ဖြိုးကျော်မြင့်သန်းသည် ဒီဇင်ဘာ  ၁၀ရက်‌နေ့ပြိုင်ပွဲနောက်ဆုံးနေ့ ယှဥ်ပြိုင်ရာ၌ ကြေးတံဆိပ်ဆုကြီးအား တိုင်းပြည်ဂုဏ်ဆောင်လျှက် ပိုင်ဆိုင်ရယူလာပြီဖြစ်ကြောင်း သိရသည်။

▪️ အဆိုပါပြိုင်ပွဲသို့ မြန်မာနိုင်ငံမြင်းစီးအားကစားအဖွဲ့ချုပ်ဥက္ကဌဦးပြုံးမောင်မောင်နှင့် ဗဟိုအလုပ်အမှုဆောင်များ လိုက်ပါအားပေးချီးမြှင့်ခဲ့‌ကြောင်း သိရသည်။

#YMG/NN #Yangon_Times

#Local_News
Published 11 December 2024

▪️ ရွှေတိဂုံစေတီတော်ရှိ သိင်္ဂုတ္တရ ဥယျာဉ်တော်နှင့် ရှင်ဥပဂုတ္တ မင်္ဂလာကန်တော် ဥယျာဉ်သို့ ဓာတ်အားပေးသော ထရန်စမော်အား (၂၄)နာရီ ဓာတ်အားရရှိရေးအတွက် တင်ဒါခေါ်ယူနေကြောင်း ရွှေတိဂုံစေတီတော်ဂေါပကအဖွဲ့ရုံးမှ သိရသည်။

▪️ အဆိုပါ ရွှေတိဂုံစေတီတော်သိင်္ဂုတ္တရ ဥယျာဉ်တော်နှင့် ရှင်ဥပဂုတ္တ မင်္ဂလာကန်တော် ဥယျာဉ်သို့ ဓာတ်အားပေးသော 6.6/0.4 kV,(315kV) ထရန်စဖော်မာအား (၂၄)နာရီ ဓာတ်အားရရှိရေး အတွက် 6.6kV မြေအောက်ဓာတ်ကြိုးပေ (၁၄၅၀)ခန့် ချမြှုပ်ခြင်းလုပ်ငန်း ဆောင်ရွက်ရန်ရှိသောကြောင့် လုပ်ငန်း
အားဆောင်ရွက်ရန် စိတ်ပါဝင်စားသူလုပ်ငန်းရှင်များဈေးပြိုင်တင်ဒါစနစ်ဖြင့်ခေါ်ယူနေခြင်းဖြစ်ကြောင်း သိရသည်။

▪️ ထိုသို့ခေါ်ယူရာတွင် (တင်ဒါပုံစံနှင့် စည်းကမ်းချက် တစ်စုံလျှင် ၃၀,၀၀၀/- (နှုန်း)ဖြင့် ဒီဇင်ဘာလ (၁၀)ရက် (အင်္ဂါနေ့) မှစ၍ ရုံးချိန်အတွင်း ဂေါပကအဖွဲ့ရုံး လျှပ်စစ်နှင့် ရေသန့်ဌာနတွင် ဝယ်ယူပြီး ၂၀၂၅ ခုနှစ် ၊ ဇန်နဝါရီလ (၁၄) ရက် (အင်္ဂါနေ့) ညနေ (၄)နာရီ နောက်ဆုံးထား၍ ဈေးပြိုင် (တင်ဒါ) တင်သွင်းနိုင်ကြောင်း၊ အသေးစိတ်အချက်အလက်များကို လျှပ်စစ်နှင့်ရေသန့်ဌာနရုံးခန်းတွင် ရုံးချိန်အတွင်း စုံစမ်းနိုင်ကြောင်းလည်း သိရသည်။

#YMG/NN #Yangon_Times

၁၁ ဒီဇင်ဘာ ၂၀၂၄

◾️ စုံစမ်းစစ်ဆေးရေး ၁၈ ဦးပါဝင်တဲ့ ရဲတပ်ဖွဲ့ဟာ ပြီးခဲ့တဲ့အပတ်က စစ်အုပ်ချုပ်ရေးကြေညာခဲ့တဲ့ အမှု   နှင့်ဆက်စပ်ပြီး တောင်ကိုရီးယားသမ္မတ ယွန်းဆတ်ယိုးရဲ့ ရုံးကို ဒီဇင်ဘာ ၁၁ရက် ဗုဒ္ဓဟူးနေ့က ဝင်ရောက်စီးနင်း ရှာဖွေမှုတွေ ပြုလုပ်ခဲ့ကြပါတယ်။  

◾️ သူတို့ဟာ စစ်အုပ်ချုပ်ရေးအမိန့်ထုတ်ပြန်တာနှင့်ဆက်စပ်တဲ့ အရာတွေကိုရှာဖွေခဲ့ကြပြီး အဲဒီအထဲမှာ ယွန်းအနေနှင့်စစ်အုပ်ချုပ်ရေးမကြေညာခင်ကလေးမှာ ပြုလုပ်ခဲ့တဲ့ ဝန်ကြီးအဖွဲ့အစည်းအဝေးအသံမှတ် တမ်းလည်းပါဝင်ပါတယ်လို့ တောင်ကိုရီးယားနိုင်ငံရဲတပ်ဖွဲ့ရဲ့ အမျိုးသားစုံစမ်းစစ်ဆေးရေးရုံးက ပြောပါ တယ်။

◾️ရှာဖွေဝရမ်းမှာ သမ္မတယွန်းကို သံသယရှိသူအဖြစ်ဖော်ပြထားပြီး သမ္မတရုံး၊ဝန်ကြီးအဖွဲ့ အစည်းအဝေး ခန်းမနှင့်  သမ္မတလုံခြုံရေးဌာတို့ကို စီးနင်းဝင်ရောက်တဲ့နေရာများအဖြစ်သတ်မှတ်ထားပါတယ်။

◾️စီးနင်းမှုတွေလုပ်ချိန်မှာ ယွန်းဟာ ရုံးအဆောက်အဦမှာရှိမနေဘူးလို့သိရပြီး  နောက်ပိုင်းဘာတွေဖြစ်   သလဲ ဆိုတာတော့ အတည်ပြုလို့မရသေးပါဘူး။

◾️ယွန်းကို ပုန်ကန်ခြားနားမှုသံသယတရားခံတစ်ဦးအဖြစ်သတ်မှတ်ထားပြီး သူ့ကို နိုင်ငံမှထွက်ခွာခွင့် တားမြစ်ထားပါတယ်။သူဟာ နိုင်ငံခြားသွားခွင့်အပိတ်ခံရတဲ့ ပထမဆုံး အာဏာလက်ကိုင်သမ္မတ ဖြစ်ပါတယ်။

◾️ရဲတွေက သူဟာ ဒီအမှုကြီးတစ်ခုလုံးရဲ့ နောက်ကွယ်ကဆရာကြီးအဖြစ်သံသယဝင်နေပါတယ်။  ပြီးခဲ့တဲ အပတ်စစ်အုပ်ချုပ်ရေးအမိန့်ကြေညာပြီးနောက် ပါလီမန်အဆောက်အဦထဲကနေ အမတ်တွေကို ဆွဲထုတ် ပစ်ဖို့ ယွန်းက သူ့ကိုအမိန့်ပေးခဲ့တယ်လို့ စစ်တပ်အထူးစစ်ရေးတပ်မှူးကြီး ဒုတိယဗိုလ်ချုပ်ကြီး ကွပ်ဂျွန် ကွန်းက အမတ်တွေကိုပြောပြခဲ့ပါတယ်။

◾️ရဲတွေဟာ ရဲချုပ် ဂျီဟိုနှင့် ပါလီမန်ရဲအစောင့်ဌာနမှူး ကင်မ်ဘွန်ဆစ်တို့ကိုလည်း ဗုဒ္ဓဟူးနေ့ ခပ်စော စောပိုင်းမှာဖမ်းဆီးခဲ့ပြီး  ရဲချုပ်ရုံး၊ ဆိုးလ်မြို့ပြရဲဌာနနှင့် ပါလီမန်ရဲအစောင့်တပ်တွေကိုလည်း စီးနင်းရှာ ဖွေမှုတွေပြုလုပ်ခဲ့ကြပါတယ်။

Source: Yonhap

#Local_News
Published 11 December 2024

▪️ ယနေ့ ဒီဇင်ဘာလ ၁၁ရက် နံနက်ပိုင်းက မော်လိုက်မြို့အနီး ရစ်(ခ်) တာစကေး (၄.၅)အဆင့်ရှိ အင်အားအနည်းငယ်ရှိသော မြေငလျင်တစ်ခု လှုပ်ခတ်ခဲ့ကြောင်း မိုးလေဝသနှင့်ဇလဗေဒညွန်ကြားမှုဦးစီးဌာနမှ သိရသည်။

▪️ ထုတ်ပြန်ချက်တွင်၂၀၂၄ ခုနှစ်၊ ဒီဇင်ဘာလ ၁၁ ရက်နေ့၊ မြန်မာစံတော်ချိန် (၀၇)နာရီ၊ (၅၅)မိနစ်၊ (၅၈) စက္ကန့် အချိန်တွင် တမူးမြေငလျင်စခန်းမှ တောင်-အရှေ့တောင်ဘက် (၄၂) မိုင်ခန့် ကွာဝေးသော မြန်မာနိုင်ငံပြည်တွင်း (မော်လိုက်မြို့၏ အရှေ့ဘက် (၃) မိုင်ခန့် အကွာ)၊ မြောက်လတ္တီတွဒ် (၂၃.၆၃) ဒီဂရီ၊ အရှေ့လောင်ဂျီတွဒ် (၉၄.၄၆)ဒီဂရီ၊ အနက် (၇၁)ကီလိုမီတာကို ဗဟိုပြု၍ အင်အား ရစ်(ခ်) တာစကေး (၄.၅)အဆင့်ရှိ အင်အားအနည်းငယ်ရှိသော မြေငလျင်တစ်ခု လှုပ်ရှားသွားကြောင်း တိုင်းထွာရရှိပါသည်ဟု ဖော်ပြထားသည်။

▪️ ယခုလအတွင်း ငလျင် လေးကြိမ်ခန့်လှုပ်ခတ်ခဲ့ပြီး ၉ရက်နေ့က သိန္နီမြို့အနီးလှုပ်ခတ်ခဲ့သည့် အင်အားရစ်(ခ်) တာစကေး (၄.၅)အဆင့်ရှိမြေငလျင်တွင် နေအိမ်တချို့ အက်ကွဲကြောင်းများဖြစ်ပေါ်ခဲ့ကြောင်း သိရသည်။

#YMG/SW #Yangon_Times

#World_Health
Published 11 December 2024

▪️ ယခုခေတ်မှာ ခေါင်းတစ်ခြမ်းကိုက်ခြင်းက အဖြစ်များလာကြပြီး ဖြစ်တဲ့အခါမှာ နာရီပိုင်းကြာနိုင်သလို ဆိုးရွားတဲ့အခါ ရက်ပိုင်းအထိပင် ကြာမြင့်နိုင်ပါတယ်။

▪️ ဒီဝေဒနာကို အိမ်တွင်းကုထုံးနဲ့လည်း ခေါင်းကိုက်ခြင်းသက်သာအောင် ပြုလုပ်နိုင်ပါတယ်။

▪️ ခေါင်းတစ်ခြမ်းကိုက် ဝေဒနာ သက်သာစေနိုင်မယ့် အကြမ်းရည်တစ်မျိုးမှာဆိုရင် ပါဝင်ပစ္စည်းများအနေနဲ့..

- အာရုံကြောစနစ် ငြိမ်သက်စေတဲ့ ပူဒီနာရွက်

- ရောင်ရမ်းဆန့်ကျင် အာနိသင်ရှိတဲ့ ဂျင်းမှုန့် လက်ဖက်ရည်ဇွန်း တဝက်

- အယ်လ်ကာလီဓာတ် ထိန်းညှိပေးတဲ့ သံပယိုသီး တဝက်အရည်

- သွေးကြောကျဉ်းစေကာ ခေါင်းကိုက်မှုသက်သာစေမယ့် ရေခဲတုံးတို့ ပါဝင်ပါတယ်။

▪️ ဘယ်လိုပြုလုပ်ရမလဲဆိုတော့..

- ပူဒီနာပြုတ်ရည် တစ်ခွက်ကို အအေးခံပါ

- ဂျင်းမှုန့် ဇွန်းတဝက်ကို ထည့်မွှေပါ

- သံပယိုတခြမ်း အရည်ညှစ်ထည့်ပါ

- ရေခဲတုံးထည့်ပြီး သုံးဆောင်ပါ

ဘာကြောင့် အသုံးဝင်သလဲဆိုတော့..

▪️ (၁) ပူဒီနာက အတွင်းစိတ် ငြိမ်သက်စေကာ အာရုံကြောစနစ်ကို ပြေလျော့စေပါတယ်။

▪️ (၂) ဂျင်းက ရောင်ရမ်းခြင်းနဲ့ ကိုက်ခဲခြင်းကို ဖြစ်စေတဲ့ ဓာတုပစ္စည်းများကို တားဆီးပေးပြီး ခေါင်းကိုက်ခြင်းကို သက်သာစေပါတယ်။

▪️ (၃) သံပယိုက ခန္ဓာကိုယ်မှာ အယ်လ်ကာလီဓာတ် ဖြစ်စေပြီး ရောင်ရမ်းခြင်းကို လျှော့ချပေးပါတယ်။

▪️ (၄) ရေခဲတုံးက သွေးကြောများကို ကျုံ့စေသဖြင့် ကိုက်ခဲမှုအာရုံကို လျှော့ချပေးပါတယ်။

#Source: DoctorNDTV

#Local_News
Published 11 December 2024

▪️ ပြည်သူအားလုံးက လိုလားသည့် ပါတီစုံဒီမိုကရေစီလမ်းကြောင်းကို မလွဲမသွေ ရှေ့ဆက်လျှောက်လှမ်းရမည်ဖြစ်သည့်အတွက် လွတ်လပ်ပြီးတရားမျှတသည့် ပါတီစုံ ဒီမိုကရေစီအထွေထွေရွေးကောက်ပွဲကြီးကို မဖြစ်မနေ အောင်မြင်စွာ ကျင်းပပေးသွား မည်ဖြစ်ရာ ရွေးကောက်ပွဲကျင်းပနိုင်ရေးလိုအပ်မည့် တည်ငြိမ်အေး ချမ်းရေး၊ တရားဥပဒေစိုးမိုးရေး၊ လုံခြုံရေးဆိုင်ရာကိစ္စရပ်များကို ပိုမိုတိုးတက်ကောင်းမွန်အောင် ဆောင်ရွက်သွားမည်ဖြစ်ကြောင်း နစက ဥကက္ကဌက ပြောသည်။

▪️ ယနေ့ ဒီဇင်ဘာလ ၁၀ ရက်က နေပြည်တော်ရှိ မြန်မာအပြည်ပြည်ဆိုင်ရာ ကွန်ဗင်းရှင်းဗဟို ဌာန-၁ ၌ ကျင်းပပြုလုပ်သည့် (၇၆)နှစ်မြောက် အပြည်ပြည်ဆိုင်ရာ လူ့အခွင့်အရေးနေ့ အခမ်းအနားအတွင်း နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ နိုင်ငံတော် ဝန်ကြီးချုပ် ဗိုလ်ချုပ်မှူးကြီး မင်းအောင်လှိုင်ကပြောကြားခဲ့ခြင်း ဖြစ်သည်။

▪️ နိုင်ငံအတွင်း တည်ငြိမ်အေးချမ်းမှုပျက်ပြားအောင် လုပ်ဆောင်နေခြင်းများသည် တိုင်းရင်းသားပြည်သူများရရှိမည့် လွတ်လပ်ခွင့်နှင့် လူ့အခွင့်အရေးများကို ပျက်ပြားအောင်ဖျက်ဆီးနေခြင်းပင်ဖြစ်ကြောင်း၊ တိုင်းရင်းသားပြည်သူများ၏ လူ့အခွင့်အရေးများကို လက်နက်ကိုင်အကြမ်းဖက်သည့် နည်းလမ်းများဖြင့် ချိုးဖောက်နေကြခြင်းပင်ဖြစ်သောကြောင့် တိုင်းရင်းသားလူမျိုးများတန်းတူအခွင့်အရေးရရှိရန်နှင့် အေးချမ်းသာယာစွာနေထိုင် နိုင်ကြရန်အတွက် အဖျက်အမှောင့်လုပ်ရပ်များကို ဆန့်ကျင်တိုက်ဖျက်သွားကြရန်လည်း နစက ဥက္ကဌက တိုက်တွန်းခဲ့ကြောင်း သိရသည်။
#Yangon_Times/PP

#Local_News
Published 11 December 2024

▪️  နိုင်ငံရေး၊ စီးပွားရေးအင်အားကြီးအုပ်စုများက ဒီမိုကရေစီအသွင်ကူးပြောင်းစ ဖွံ့ဖြိုးဆဲနိုင်ငံများကို ဝင်ရောက်စိုးမိုးခြယ်လှယ်နိုင်ရန် မီဒီယာသမားများကို လက်ကိုင်တုတ်အဖြစ် မွေးမြူလာကြဟု နစက ဥက္ကဌကပြောသည်။

▪️ ယနေ့ ဒီဇင်ဘာလ ၁၀ ရက်က မြန်မာနိုင်ငံ သတင်းမီဒီယာကောင်စီဝင်များ ကတိသစ္စာပြုခြင်း အခမ်းအနားကို နေပြည်တော်ရှိ နိုင်ငံတော်စီမံအုပ်ချုပ်ရေးကောင်စီ ဥက္ကဋ္ဌရုံး သဘင်ဆောင်၌ ကျင်းပပြုလုပ်ရာတွင် နိုင်ငံတော် စီမံအုပ်ချုပ်ရေးကောင်စီဥက္ကဋ္ဌ နိုင်ငံတော် ဝန်ကြီးချုပ် ဗိုလ်ချုပ်မှူးကြီး မင်းအောင်လှိုင်က
ပြောကြားလိုက်ခြင်း ဖြစ်သည်။

▪️ ယနေ့အချိန်တွင် နိုင်ငံရေး၊ စီးပွားရေး အင်အားကြီး သည့် အုပ်စုများသည် ဒီမိုကရေစီအသွင်ကူးပြောင်းစ ဖွံ့ဖြိုးဆဲနိုင်ငံများကို ဝင်ရောက် စိုးမိုးခြယ်လှယ်နိုင်ရန်အတွက် မီဒီယာသမားများကို လက်ကိုင်တုတ်အဖြစ် မွေးမြူလာ ကြသည့်နည်းကို အသုံးပြုနေကြသည်မှာ အားလုံးအသိပင်ဖြစ်ကြောင်း၊ ယင်းမီဒီယာ သမား များမှတစ်ဆင့် ပြည်သူများ၏ သဘောထားခံစားချက်များ၊ နစ်နာချက်များကို ပစ်ပယ်ပြီး ၎င်းတို့လိုလားသည့်ပုံစံများအတိုင်း ပုံဖော်သွတ်သွင်းထုတ်လွှင့် ဖော်ပြနေကြသည်ကို တွေ့မြင်ရမည်ဖြစ်ကြောင်း၊ အဆိုး ရွားဆုံးမှာ ဖွံ့ဖြိုးဆဲနိုင်ငံငယ်လေးများကို မတည်မငြိမ်ဖြစ်အောင်၊ ပဋိပက္ခများကြီးထွားလာအောင်၊ ဆူပူအုံကြွပြီး တိုင်းပြည်ပြိုကွဲပျက်စီးအောင် ရည်ရွယ်ချက်အမျိုးမျိုး၊ ပုံသဏ္ဍာန်အမျိုးမျိုးဖြင့် ပြုလုပ်နေကြခြင်းပင်ဖြစ်ကြောင်း ၎င်းက ဆိုသည်။

▪️ ဒီမိုကရေစီ၏ သဘောတရားများအနက် လူတိုင်း နားလည်လက်ခံ ထားကြသည့် သဘောတရားတစ်ခုမှာ “မတူကွဲပြားမှုကို လက်ခံနိုင်ခြင်း”ပင်ဖြစ်ကြောင်း၊ မိမိနှင့်အမြင်မတူ၊ အတွေးမတူ၊ အလုပ်မတူခြင်းများကို နားလည်လက်ခံပြီး အပြန်အလှန် ရပ်တည်နိုင်ခွင့်ကို လေးစားအသိအမှတ်ပြုသည့် ယဉ်ကျေးမှု တစ်ရပ်ကို မီဒီယာသမားတိုင်း လက်ခံကျင့်သုံးရန်လည်း လိုအပ်ကြောင်းလည်း နစက ဥက္ကဌက ပြောသည်။

▪️ မြန်မာနိုင်ငံသည်လွတ်လပ်ရေးကြိုးပမ်းမှုကာလတလျှောက်နှင့် လွတ်လပ်ရေး ရပြီး ကာလတလျှောက်တို့တွင် ခေတ်အမျိုးမျိုး ဖြတ်သန်းခဲ့ရပြီး အမျိုးမျိုးသောဖိအား များကြောင့် ပြည်သူလူထုအတွင်း အသိပညာ၊ အတန်းပညာ၊ အတတ်ပညာ ကွာဟမှု များ ရှိနေကြောင်း၊ ယနေ့အချိန်တွင် နိုင်ငံတော်၏ လိုအပ်ချက်အရ တပ်မတော်သည်နိုင်ငံ့တာဝန်အရပ်ရပ်ကို ထမ်းဆောင်နေရချိန်လည်း ဖြစ်ကြောင်း၊ ထိုသို့ဆောင်ရွက် နေချိန်တွင် ကျင့်ဝတ်သိက္ခာမဲ့သည့် ပြည်ပ ဩဇာခံမီဒီယာသမားများသည် ခေတ် အမျိုးမျိုးကဖြတ်သန်းလာခဲ့ရသည် ပြည်သူ လူ ထုကို သတင်းတု၊ သတင်းမှားများ၊ အမုန်းစကား များနှင့် မှိုင်းတိုက်ပြီး အတွေးအမြင်များ မှားလာအောင်၊ အယူအဆများ လွဲလာအောင်လုပ်ဆောင်ခြင်းဖြင့်သာ ထုတ်လွှင့်ဖော်ပြနေမည်ဆိုပါက ဖြောင့်မတ်တည်ကြည်မှုကင်းမဲ့သည့် သတင်း မီဒီယာသမားများအဖြစ် မှတ်ယူခံရနိုင်သည်ကို သတိပြုပေးကြရန် အသိပေး ပြောကြား လိုကြောင်းလည်း ၎င်းက ပြောသည်။

▪️ သတင်းမီဒီယာကို စောင့်ကြည့်ခြင်းနှင့် အရည်အသွေး မြှင့်တင်ပေးရန်၊ သတင်းမီဒီယာလုပ်ငန်းသုံး ပစ္စည်း များကိုပြည်ပမှ တင်သွင်းရာတွင် အဆင်ပြေချောမွေ့အောင် သက်ဆိုင်ရာဌာနများနှင့် ညှိနှိုင်းပေးရန်၊ သတင်း မီဒီယာ ဆိုင်ရာ အလုပ်ရုံ ဆွေးနွေးပွဲများ၊ ဟောပြောပွဲများ စီစဉ်ကျင်းပပေးရန်၊ သတင်းဆိုင်ရာ ထူးချွန်သူများ ကို ဆုချီးမြှင့်ရေးအတွက် စာနယ်ဇင်းအဖွဲ့အစည်းများနှင့် ညှိနှိုင်းဆောင် ရွက်ပေးရန်၊ သတင်းမီဒီယာလုပ်ငန်း တိုးတက်ရေးအတွက် စီမံချက်များ ရေးသား ဆောင်ရွက်ရန် စသည့်အချက်များကို ပြီးခဲ့သည့် သတင်းမီဒီယာ ကောင်စီအနေဖြင့် အတတ်နိုင်ဆုံး ကြိုးစားဆောင်ရွက်ခဲ့ကြောင်း၊ ယခုသတင်းမီဒီယာကောင်စီအနေဖြင့် အောင် မြင်စွာ ထမ်းဆောင်နိုင်မည်ဟု ယုံကြည်တိုက် တွန်းလိုကြောင်း နစက ဥက္ကဌက ပြောသည်။

▪️ သတင်းမီဒီယာသမားများသည် လူသား များပင်ဖြစ်သည့်အတွက် လူ့သ ဘာဝအတိုင်း အကြိုက်မတူခြင်း၊ ပုဂ္ဂလဓိဋ္ဌာန် အစွဲများ ရှိနေတတ်ခြင်းကို မိမိတို့အနေဖြင့် နားလည်လက်ခံသော်လည်း နိုင်ငံ့ အရေး၊ ပြည်သူ့ အရေးကိစ္စများတွင် မိမိအကျိုးစီးပွားအပါအဝင် မိမိယူဆချက်၊ မိမိ သဘောထားကို ရှေ့တန်းမတင်ဘဲ“အတ္တ နောမတိ”ကင်းကင်းဖြင့် အရာရာကို ရေးသား ရှုမြင် ဆင်ခြင် ပေးကြရန် ၊မြန်မာနိုင်ငံသည် ဒီမိုကရေစီကူးပြောင်းကာစ ဖွံ့ဖြိုးဆဲနိုင်ငံတစ်နိုင်ငံ ဖြစ်ကြောင်း၊ အင်အားကြီးနိုင်ငံအချို့က လူ့ အခွင့်အရေးများ၊ ဒီမိုကရေစီ စံနှုန်းများနှင့် မိမိတို့နိုင်ငံကိုအပြစ်ရှာပြောဆိုပြီး ၎င်းတို့လိုချင်သည့်ပုံစံပေါ်အောင် သွတ်သွင်းပုံဖော်ရန်ကြိုးပမ်းနေကြကြောင်းလည်း ယင်းကပြောသည်။

▪️ စတုတ္ထမဏ္ဍိုင်ဟု အမည်ခံထားကြသည့် သတင်း မီဒီယာ သမားများအနေဖြင့် အမှန်နှင့် အမှား၊ အကောင်းနှင့် အဆိုးကို သမာသမတ်ကျကျ၊ မျှမျှတတရေးသားဖော်ပြ ထုတ်လွှင့်ပေးကြရန်၊ မည်သည့် ပုဂ္ဂိုလ်၊ မည်သည့် အဖွဲ့အစည်း၏ အသုံးချခံ လက်ကိုင်တုတ်မှ အဖြစ်မခံဘဲ နှောင်ကြိုးမဲ့စွာ ဆောင်ရွက်ပေး ကြရန်၊ ကျင့်ဝတ် သိက္ခာစောင့်ထိန်းပြီး နိုင်ငံနှင့်ပြည်သူအကျိုးကို ဦးထိပ်ထားပေးကြ ရန်၊ လွတ်လွတ်လပ်လပ် အမှီအခိုကင်း ကင်း အရောင်အသွေးကင်းကင်းဖြင့် သတင်း မီဒီယာလောကအကျိုး သယ်ပိုးပေးကြရန်၊ တိုင်း ပြည်မငြိမ်သက် အောင်၊ ဆူပူအုံကြွအောင်သွေးထိုးမှိုင်းတိုက်ထုတ်လွှင့်နေမှုများကိုလည်း ဝိုင်းဝန်းဆန့်ကျင် တားမြစ်ပေးကြရန်လည်း နစကဥက္ကဌက တိုက်တွန်းခဲ့ကြောင်း သိရသည်။
#Yangon_Times/PP

#World_Health
Published 11December 2024

▪️ အိုင်ယိုဝါ ကျန်းမာရေးစောင့်ရှောက်မှု ဆေးပညာကောလိပ်တက္ကသိုလ်က ပန်ကရိယကင်ဆာလူနာတွေမှာ ဗိုက်တာမင်-စီ မြင့်မားတဲ့ပမာဏဖြင့် သွေးကြောသွင်း ဓာတုကုထုံးနည်းဖြင့် ဒုတိယအဆင့် စမ်းသပ်မှုပြုလုပ်ခဲ့တာကို ဖော်ပြခဲ့ပါတယ်။

▪️ ဗိုက်တာမင်-စီကို တစ်ပတ် ၇၅ ဂရမ် ၃ ကြိမ် ပေးခဲ့ရာမှာ ပန်ကရိယကင်ဆာ နောက်ပိုင်းအဆင့်လူနာတွေမှာ ၈ လမှ ၁၆ လအတွင်း အသက်ရှင်နိုင်ခြေ ၂ ဆပိုများလာတာကို တွေ့ရှိခဲ့ကြပါတယ်။

▪️ ရောဂါဆက်လက် ဆိုးရွားခြင်းမရှိဘဲ အသက်ရှင်နိုင်ခြေက ၄ လကနေ ၆ လအထိ မြင့်တက်လာပါတယ်။

▪️ အိုင်ယိုဝါ သုတေသီများက ဗိုက်တာမင်-စီ မြင့်မားစွာအသုံးပြုခြင်းက ကင်ဆာဆဲလ်တွေကို သေစေနိုင်တဲ့အကြောင်း စမ်းသပ်တွေ့ရှိခဲ့ကြပါတယ်။

▪️ ဗိုက်တာမင်-စီ (အက်စ်ကောဘိတ်)တွေဟာ ပမာဏမြင့်မားတဲ့အခါ ဟိုက်ဒရိုဂျင်ပါအောက်ဆိုဒ်တွေကို ထုတ်လုပ်ပေးပြီး ကင်ဆာဆဲလ်တွေကို သေစေနိုင်တယ်လို့ အိုင်ယိုဝါတက္ကသိုလ်မှ ဓာတ်ရောင်ခြည်ကင်ဆာဌာနမှ ပရော်ဖက်ဆာ ဂျိုဆက်ဖ်ကာလန်က ပြောပါတယ်။

▪️ ဒါ့အပြင် ဒုတိယအဆင့်မှာ ဗိုက်တာမင်-စီ အသုံးပြုရတဲ့ လူနာတွေဟာ ဓာတုကုထုံးတွေကိုလည်း ခံနိုင်ရည်ပိုရှိစေတယ်လို့ တွေ့ရပါတယ်။

▪️ ဒါကြောင့် ဓာတုကုထုံးများကို ပိုကြာရှည်စွာ ခံယူနိုင်ပြီး အကျိတ်ဆဲလ်တွေကို ပိုသတ်နိုင်မှာ ဖြစ်ပါတယ်။

▪️ သွေးကြောထဲ ဗိုက်တာမင်-စီ ထည့်သွင်းခြင်းဖြင့် အခြားကင်ဆာတွေကိုလည်း တိုက်ဖျက်နိုင်ကာ အဆုတ်နဲ့ ဦးနှောက်ကင်ဆာတွေကို လေ့လာနေကြပါတယ်။
ဒီနည်းလမ်းဟာ ဓာတုကုထုံးနဲ့လည်း အကျိုးပြုနိုင်ဖွယ်ရှိတယ်လို့ ဂျော်ဂါကစ်က ပြောသွားပါတယ်။

▪️ ဗိုက်တာမင်-စီကို ရှောက်သီးကဲ့သို့ အချဉ်သီးများ၊ ခရမ်းချဉ်သီး၊ အာလူး၊ ပန်းဂေါ်ဖီစိမ်း၊ စတော်ဘယ်ရီ၊ ဂေါ်ဖီထုပ်၊ ဟင်းနုနွယ်တို့မှာ အများအပြား တွေ့ရပါတယ်။

▪️ တစ်ရှူးကြီးထွားခြင်းနဲ့ ပြုပြင်ခြင်း၊ ကော်လာဂျင် ထုတ်လုပ်ခြင်း၊ အနာကုသခြင်း၊ အရိုးနဲ့အရေပြား ကျန်းမာရေး၊ ကိုယ်ခံအားစနစ်တို့အတွက် အထောက်အကူပြုပါတယ်။

▪️ ယခုရလဒ်များကို အတည်ပြုနိုင်ရန် တတိယအဆင့် စမ်းသပ်မှုများ ပြုလုပ်ရန်လိုအပ်ပါသေးတယ်။

#Source: New York Post

၁၀ ဒီဇင်ဘာ ၂၀၂၄

တရုတ်နိုင်ငံအနေနှင့် မြန်မာနိုင်ငံရဲ့ ငြိမ်းချမ်းရေးလုပ်ငန်းစဉ်ကို အစွမ်းဆောင်နိုင်ဆုံး ကူညီပေးနေပြီး  ငြိမ်းချမ်းရေးဆွေးနွေးပွဲတွေအတွက် တက်ကြစွာတိုးမြှင့်လုပ်ဆောင်နေတယ်လို့ တရုတ်နိုင်ငံက ပြောပါ  တယ်။

ဒီဇင်ဘာ၁၀ရက်က တရုတ်နိုင်ငံခြားရေးဝန်ကြီးဌာနရဲ့ ပုံမှန်သတင်းစာရှင်းလင်းပွဲမှာ တရုတ်နိုင်ငံခြားရေး ဝန်ကြီးဌာန ပြောရေးဆိုခွင့်ရသူ မစ္စ မော်နင်းက မီဒီယာများရဲ့မေးမြန်းမှုကိုပြန်လည်ဖြေကြားခဲ့တာ ဖြစ်ပါတယ်။

Source CCTV+

တတိယအကြိမ်မြောက် တန်ချောင်သိပ္ပံပညာရှင်များ ဖိုရမ်ကို တရုတ်ပြည် ယူနန်ပြည်နယ်မှာ သောကြာနေ့က ဖွင့်လှစ်လိုက်ပြီး ကဏ္ဍအသီးသီးမှ ဦးဆောင်သိပ္ပံပညာရှင်များ၊ သင်ကြားရေး ပညာရှင်များ၊ စီးပွားရေးခေါင်းဆောင်များ တက်ရောက်ခဲ့ကာ နည်းပညာအသုံးပြုပြီး အရည်အသွေးမြင့် တိုးတက်မှု မြှင့်တင်ဖို့ကို ဆွေးနွေးလေ့လာခဲ့ကြပါတယ်။
#World_Development
Published 10 December 2024
#သိပ္ပံပညာရှင်များဖိုရမ် #ယူနန်တွင်ကျင်းပ
#YMG #Yangon_Times #Yangon_Media_Group

#Daily_News
Published 10 December 2024

၁။ ယခုနှစ် တက္ကသိုလ်ဝင်စာမေးပွဲ ဝင်ရောက်ဖြေဆိုရန်စာရင်းပေးသွင်းသူ ယမန်နှစ်ဖြေဆိုသူထက် တစ်သိန်းကျော်များပြား

၂။ YGEA က နေ့စဉ်တွက်ချက်ထုတ်ပြန်ပေးနေသည့် ရွှေပေါက်စျေးကို ရည်ညွှန်းဈေးသတ်မှတ်ရေးကော်မတီက သတ်မှတ်ထုတ်ပြန်ပေးမည်

၃။ လေဖိအားနည်းရပ်ဝန်းအရှိန်ကြောင့် တိုင်းနှင့်ပြည်နယ်ရှစ်ခု၌ မိုးရွာနိုင်

၄။ တတိယအကြိမ်မြောက် သိပ္ပံပညာရှင်များဖိုရမ်အား ယူနန်တွင်ကျင်းပရာမြန်မာနိုင်ငံမှတက်ရောက် ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

မြန်မာ့ရိုးရာနှစ်သစ်ကူးရိုးရာ အတာသင်္ကြန်ပွဲတော်ကို ကမ္ဘာ့ဒြပ်မဲ့ယဉ်ကျေးမှုအမွေ အနှစ်စာရင်းအဖြစ်သတ်မှတ်ခံရအောင်တင်သွင်းနိုင်ပြီး ပြန်လည်ရောက်ရှိလာတဲ့  မြန်မာ့ယဉ်ကျေးမှုအမွေအနှစ်များ ထိန်းသိမ်းစောင့်ရှောက်ရေးအဖွဲ့ကို
ရန်ကုန်မြို့ရှိ စိမ်းလမ်းစိုပြေမှာ ဒီကနေ့ ဒီဇင်ဘာ ၁၀ရက်‌နေ့က  ကြိုဆိုဂုဏ်ပြုပွဲပြုလုပ်ခဲ့ပါတယ်။
#Local_News
Published 10 December 2024
#မြန်မာ့ရိုးရာအတာသင်္ကြန်ပွဲတော် #ကမ္ဘာ့ဒြပ်မဲ့ယဉ်ကျေးမှုအမွေအနှစ်
#YMG/NN #Yangon_Times