#Local_News
Published_05 June 2024

▪️ ရန်ကုန်တိုင်းရှိ သီလရှင်(၁၁၁၁)ပါးကို  ဗီယက်နမ်အလှူရှင်များမှအလှူငွေနှင့်ဆွမ်းဆန်တော်လောင်းလှူပွဲပြုလုပ်ပြီး လှူဒါန်းခဲ့ကြောင်း သိရသည်။

▪️ ရန်ကုန်တိုင်းဒေသကြီးအတွင်းရှိ သီလရှင်ကျောင်းတိုက်( ၁၂၃) တိုက်မှ သီလရှင်ဆရာလေး (၁၁၁၁) ပါးတို့အား တိုင်းဒေသကြီး လူမှုရေးရာဝန်ကြီး၊ ဂေါပကအဖွဲ့ဝင်များ နှင့် အလှူရှင်များ၊ ဗီယက်နမ်နိုင်ငံအလှူရှင်များက အလှူငွေနှင့်  ဆွမ်းဆန်တော်များ လောင်းလှူကြခြင်းဖြစ်သည်။

▪️ ဗီယက်နမ်နိုင်ငံမှ အလှူရှင်များ စုပေါင်းလှူဒါန်းသည့် ရန်ကုန်တိုင်းဒေသကြီးအတွင်းရှိ သီလရှင်ဆရာလေး ၁၁၁၁ ပါးတို့အား အလှူငွေနှင့် ဆွမ်းဆန်တော်လောင်းလှူပွဲအခမ်းအနားကို စွယ်တော်မြတ်စေတီတော် (ရန်ကုန်) ဂန္ဓကုဋိတိုက်အတွင်း၌ ကျင်းပခဲ့ကြောင်းသိရသည်။

▪️ အခမ်းအနားသို့ နိုင်ငံတော်သံဃမဟာနာယကအဖွဲ့ဝင် ဆရာတော်ကြီးများ၊ ဩဝါဒါစရိယဆရာတော်ကြီးများ၊ တိပိဋက ဓရဓမ္မဘဏ္ဍာဂါရိကဆရာတော်များ၊ ဗီယက်နမ်ဆရာတော်ဘဒ္ဒန္တ သီလဂုဏနှင့် ဆရာတော်၊ သံဃာတော်များ၊ သီလရှင်ဆရာ‌လေးများ ကြွရောက်တော်မူကြပြီး ရန်ကုန်တိုင်းဒေသကြီး၊ အစိုးရအဖွဲ့ လူမှုရေးရာဝန်ကြီး ဦးဌေးအောင်နှင့် ဂေါပကအဖွဲ့ဝင်များ၊ အလှူရှင်များ၊ ဗီယက်နမ်နိုင်ငံနှင့် ပြည်ပတိုင်းပြည်များ၌ နေထိုင်သော ဗီယက်နမ်အလှူရှင်များ တက်ရောက်ကြည်ညိုကြသည်။

▪️ အခမ်းအနားကို “နမောတဿ” သုံးကြိမ်ရွတ်ဆို ဘုရား ကန်တော့ ဖွင့်လှစ်ပြီး ဒဂုံအရှေ့ပိုင်းမြို့နယ်၊ တိပိဋကဂန္ဓဝင် ကျောင်းတိုက်ဦးစီးပဓာနနာယကဆရာတော် တိပိဋကဓရဓမ္မ ဘဏ္ဍာဂါရိက ဘဒ္ဒန္တဝါယမိန္ဒာဘိဝံသ အရှင်သူမြတ်ထံမှ ဧည့်ပရိသတ်များက ငါးပါးသီလခံယူ ဆောက်တည်ကြကာ ဆရာတော်၊ သံဃာတော်များ ရွတ်ပွားချီးမြှင့်သည့် ပရိတ်တရား တော်ကို ရိုသေစွာနာယူကြသည်။

▪️ ထို့နောက် ရန်ကုန်တိုင်းဒေသကြီး၊ အစိုးရအဖွဲ့လူမှုရေးရာ ဝန်ကြီး ဦးဌေးအောင်က ရန်ကုန်တိုင်းဒေသကြီး အစိုးရအဖွဲ့၏ ဆရာတော်ကြီး ၄၅ ပါးနှင့် သီလရှင်ဆရာလေး ၁၁၁၁ ပါးတို့အတွက် အလှူတော်ငွေ ၁၂၀,၀၀၀,၀၀ဝိ/- (ကျပ်သိန်းတစ်ထောင့်နှစ်ရာ တိတိ) လှူဒါန်း၍ ဗီယက်နမ်အလှူရှင်များက ဆရာတော်ကြီးများ အား လှူဖွယ်ဝတ္ထုပစ္စည်းများ ဆက်ကပ်လှူဒါန်းကြသည်ဟု ဆိုသည်။

▪️ ဆက်လက်၍ ဗီယက်နမ်ရဟန်းတော် ဘဒ္ဒန္တသမ္မာဒိဋ္ဌိက ကျေးဇူးတင်ဝမ်းမြောက်စကားလျှောက်ထားပြီး ရက္ခိတစွမ်းအား ပရဟိတအဖွဲ့ဥက္ကဋ္ဌ အခမ်း အနားကျင်းပရေး အကျိုးတော်ဆောင် ဦးဝင်းမောင်မောင်က ကျေးဇူးတင်ဝမ်းမြောက်စကား လျှောက်ထားခဲ့သည်။

▪️ ထို့နောက်ဆရာတော်ကြီးများက ဗီယက်နမ်အလှူရှင်များအား ဂုဏ်ပြုမှတ်တမ်းလွှာပေးအပ်ပြီး ဗီယက်နမ်ဆရာတော် ဘဒ္ဒန္တ  သီလဂုဏက ဝမ်းမြောက်ဩဝါဒစကား မိန့်ကြားတော်မူသည်။

▪️ ယင်းနောက် စွယ်တော်မြတ်စေတီတော် (ရန်ကုန်) ဘဏ္ဍာတော်ထိန်း ဂေါပကအဖွဲ့ဩဝါဒါစရိယ၊ ရန်ကုန်တိုင်း ဒေသကြီး သံဃနာယကအဖွဲ့ဥက္ကဋ္ဌ ဆရာတော်ဘဒ္ဒန္တအဂ္ဂသာမိ၊  ဒွိပိဋကဓရ၊ အဂ္ဂမဟာပဏ္ဍိတ၊ အဂ္ဂမဟာသဒ္ဓမ္မဇောတိကဓဇ၊ အရှင်သူမြတ်ထံမှ လှူဒါန်းမှုအစုစုတို့အတွက် အနုမောဒနာတရား နာကြား၍ ရေစက်သွန်းလောင်းအမျှပေးဝေကြကာ အခမ်းအနားကို ဗုဒ္ဓသာသနံစိရံတိဌတုသုံးကြိမ်ရွတ်ဆို ဆုတောင်းပြီး ရုပ်သိမ်းခဲ့‌  ကြောင်း သိရသည်။

▪️ ဗီယက်နမ်အလှူရှင်များသည်  ရွှေတိဂုံစေတီတွင် သံဃာတော် ၅၅၅၅ပါးအား အလှူငွေနှင့် လှူဖွယ်ပစ္စည်းများလှူဒါန်းခဲ့ကြောင်းလည်း သိရသည်။

#tthl #Yangon_Times

#World_News
Published 05 June 2024

▪️ နိုင်ငံတကာ ရာဇဝတ်ရေးရာတရားရုံး (ICC)အပေါ် ဒဏ်ခတ်ပိတ်ဆို့မှုများ ချမှတ်သွားမယ့် ဥပဒေကို ရီပတ်ဘလစ်ကန် ဦးဆောင်တဲ့ အမေရိကန် အောက်လွှတ်တော်က အတည်ပြုလိုက်ပါတယ်။

▪️ ဒါဟာ ဂါဇာစစ်ပွဲနဲ့ ပတ်သက်ပြီး အစ္စရေးလ်အရာရှိတွေကို ဖမ်းဝရမ်းထုတ်ရန် စီစဥ်နေတဲ့ ICC မှ အစိုးရရှေ့နေရဲ့ ဆုံးဖြတ်ချက်ကြောင့် ဖြစ်ပါတယ်။

▪️ မဲပေးမှုရလဒ် ၂၄၇ - ၁၅၅ ရရှိခဲ့ကာ ဒီမိုကရက် ၄၂ ဦးလည်း ပါဝင်ခဲ့ပြီး အရေးယူပိတ်ဆို့မယ့် အစီအစဥ်ကို ပါဝင်ထောက်ခံလာတာ ဖြစ်ပါတယ်။

▪️ ဒီဆုံးဖြတ်ချက်က ဥပဒေတစ်ရပ် ဖြစ်လာဖို့မရှိပေမယ့် ဂါဇာကမ်းမြောင်မှာ စစ်ဆင်ရေးဆင်နွှဲနေလို့ နိုင်ငံတကာမှ ဝေဖန်ခံနေရတဲ့ အစ္စရေးလ်ကို လွှတ်တော်မှာ ဆက်လက်ထောက်ခံတဲ့သဘော ပြသနေပါတယ်။

▪️ ဖမ်းဝရမ်းထုတ်မယ့် ICC ရဲ့ဆုံးဖြတ်ချက်ကို အိမ်ဖြူတော်ကလည်း ပြီးခဲ့တဲ့လက ဝေဖန်ခဲ့ပါသေးတယ်။

▪️ ဥပဒေကြမ်းက ဒီမိုကရက်တွေ ထိန်းချုပ်ထားတဲ့ အထက်လွှတ်တော်မှာတော့ မဲပေးဆန္ဒပြုတဲ့အထိ ဖြစ်လာဖွယ်မရှိပါဘူး။

▪️ ထိုဥပဒေက ICC အဖွဲ့ဝင်မဟုတ်တဲ့ အမေရိကန် မဟာမိတ်တွေရဲ့ နိုင်ငံသားတွေ၊ အမေရိကန်လူမျိုးတွေအပေါ် စွဲချက်တင်တဲ့ ICC မှလူတွေကို ဒဏ်ခတ်ပိတ်ဆို့သွားမှာ ဖြစ်ပါတယ်။

▪️ ICC အရာရှိတွေ အမေရိကန်သို့ ဝင်ရောက်ခွင့်ကို ပိတ်ပင်သွားမှာဖြစ်သလို ယင်းတို့ရဲ့ အမေရိကန်ဗီဇာများ ရုပ်သိမ်းခြင်း၊ အမေရိကန်မှ ပိုင်ဆိုင်မှု အရောင်းအဝယ်များ ပြုလုပ်ခြင်းမှ ကန့်သတ်ခြင်းတို့လည်း ချမှတ်လာနိုင်ပါတယ်။

▪️ ICC ရှေ့နေ ကာရင်ခန်းက ဂါဇာစစ်ပွဲ ၇ လကျော် ကြာမြင့်လာတဲ့အချိန်မှာ အစ္စရေးလ်ဝန်ကြီးချုပ် ဘင်ဂျမင်နေတန်ညာဟူ၊ အစ္စရေးလ် ကာကွယ်ရေးဝန်ကြီး၊ ဟားမတ်စ်ခေါင်းဆောင် ၃ ဦးတို့ဟာ စစ်ရာဇဝတ်မှုများနဲ့ လူသားများအပေါ် ရာဇဝတ်မှုကျူးလွန်ခြင်းများအတွက် တရားရေးအရ တာဝန်ယူသင့်တယ်လို့ ထင်မြင်ယူဆကြောင်း ပြီးခဲ့တဲ့လက ပြောကြားခဲ့ပါတယ်။

▪️ ICC ရှေ့နေရဲ့ဆုံးဖြတ်ချက်က အဓိပ္ပာယ်မရှိဘဲ အစ္စရေးလ်အားလုံးကို ပစ်မှတ်ထားဖို့ ရည်ရွယ်နေတယ်လို့ အစ္စရေးလ်ဝန်ကြီးချုပ်က ဆိုပါတယ်။

▪️ အောက်တိုဘာ ၇ ရက်နေ့ ဟားမတ်စ်တို့ အစ္စရေးလ်ရပ်ကွက်တွေထဲ ဝင်ရောက်ကျူးကျော် တိုက်ခိုက်ကာ ဓားစာခံများ ခေါ်ဆောင်သွားတဲ့အတွက် အစ္စရေးလ်တို့က လက်တုန့်ပြန်မယ်လို့ ကြုံးဝါးထားပြီး ဂါဇာကို စစ်ဆင်ရေး ပြုလုပ်နေခဲ့ပါတယ်။

#Source: Reuters

#Local_News
Published_05 June 2024

▪️ ယခုရက်ပိုင်းအတွင်းတွင်  နိုင်ငံခြားငွေကြေးကစားနေသူများနှင့် ဟွန်ဒီလုပ်ငန်းဆောင်ရွက်နေသူ (၃၉) ဦးကို အရေးယူထားပြီဖြစ်ကြောင်း မြန်မာနိုင်ငံတော် ဗဟိုဘဏ်မှဇွန်(၄)ရက်၌ ထုတ်ပြန်သည်။

▪️ မေလ(၂၄) ရက်နေ့မှ ဇွန်(၄)ရက်အထိ(၁၀)ရက် ကျော်ကာလအတွင်း နိုင်ငံခြားငွေကြေးကစားနေသူများနှင့် ဟွန်ဒီလုပ်ငန်းဆောင်ရွက်နေသူ (၃၉) ဦးအား စိစစ်‌ဖော်ထုတ်ပြီး အရေးယူထားခြင်းဖြစ်သည်။

▪️ ထုတ်ပြန်ချက်၌မေလ(၂၄) ရက်နေ့မှ ဇွန်(၄)ရက်အထိ နိုင်ငံခြားငွေကြေးကစားနေသူများနှင့် ဟွန်ဒီလုပ်ငန်းဆောင်ရွက်လျက်ရှိသည့် အောက်ဖော်ပြပါလူပုဂ္ဂိုလ် (၃၉)ဦးတို့အား စိစစ်ဖော်ထုတ်ပြီး ဘဏ်များနှင့် မိုဘိုင်းငွေရေးကြေးရေးဝန်ဆောင်မှုပေးသည့် အဖွဲ့အစည်းများတွင် ဖွင့်လှစ်ထားရှိသည့် ၎င်းတို့၏ဘဏ်ငွေစာရင်းများနှင့် Pay Account များအား ယာယီဆိုင်းငံ့ခြင်းများ ဆောင်ရွက်ထားပြီးဖြစ်သည်ဟုဆိုသည်။

▪️ မြန်မာနိုင်ငံတော်ဗဟိုဘဏ်သည် တရားမဝင်ဒီဂျစ်တယ်ငွေကြေးများ ရောင်းဝယ်လဲလှယ်ခြင်းနှင့် နိုင်ငံခြားငွေကြေးကစားနေသူများနှင့် ဟွန်ဒီလုပ်ငန်းဆောင်ရွက်နေသူများကို တရားဝင်လိုင်စင်မရှိဘဲ ဆောင်ရွက်နေသည့်အတွက် ငွေကြေးခဝါချမှုတိုက်ဖျက်ရေးဥပဒေနှင့် ငွေရေးကြေးရေးအဖွဲ့အစည်းများ ဥပဒေပါပြဋ္ဌာန်းချက်များနှင့်အညီ အရေးယူဆောင်ရွက်သွားမည်ဖြစ်ကြောင်း ၂၄-၅-၂၀၂၄ ရက်နေ့က အသိပေးကြေညာချက်တစ်ရပ် ထုတ်ပြန်ခဲ့ပြီးနောက်တွင် အဆိုပါတားမြစ်ချက်ကို လိုက်နာခြင်းမရှိသူများကို ငွေစာရင်းများပိတ်သိမ်းခြင်း၊ တရားစွဲဆိုအရေးယူခြင်းများ ဆောင်ရွက်လျက်ရှိသည်ဟုဖော်ပြထားသည်။

▪️ ဆက်လက်၍လည်း ၎င်းတို့အား တရားဥပဒေစိုးမိုးရေးအဖွဲ့အစည်းများက စုံစမ်းဖော်ထုတ်အရေးယူခြင်းများ ဆောင်ရွက်သွားမည်ဖြစ်ကြောင်း သိရသည်။

▪️ သို့ဖြစ်ပါ၍ ပြည်သူများအနေဖြင့် မလိုလားအပ်သည့် ဆုံးရှုံးနစ်နာမှုများ မဖြစ်ပေါ်စေရေးအတွက် တရားမဝင်ဒီဂျစ်တယ်ငွေကြေးများ အရောင်း အဝယ်ပြုလုပ်ခြင်းနှင့် ဟွန်ဒီဖြင့် တရားမဝင်ငွေလွှဲလုပ်ငန်းဆောင်ရွက်ခြင်းများ မပြုလုပ်ကြပါရန်မြန်မာနိုင်ငံတော်ဗဟိုဘဏ်မှထပ်မံအသိပေးထားကြောင်း သိရသည်။

#tthl #Yangon_Times

#Local_News
Published _5 Jun 2024

▪️ တစ်နိုင်ငံလုံးတွင် နိုင်ငံပိုင်သစ်တောစိုက်ခင်းများ အပါအဝင် တစ်နိုင်ငံလုံး သစ်ပင်ပေါင်း ၂၂ ဒသမ ၃၃၂ သန်းကို ယခုနှစ် မိုးရာသီ အတွင်းစိုက်ပျိုးမည်ဟု နေပြည်တော်၌ပြုလုပ်သည့်ပထမအကြိမ် မိုးရာသီသစ်ပင်စိုက်ပျိုးပွဲတွင် နိုင်ငံတော်စီမံအုပ်ချုပ်ရေး‌ကောင်စီ ဥက္ကဋ္ဌ ဗိုလ်ချုပ်မှူးကြီးမင်းအောင်လှိုင်က ပြောသည်။

▪️ မြန်မာနိုင်ငံအလယ်ပိုင်း မကွေး၊ မင်းဘူး၊ ညောင်ဦးနှင့် စစ်ကိုင်းမြို့တို့သည် ကမ္ဘာ့အပူဆုံးမြို့ ၁၅ မြို့တွင် ပါဝင်ခဲ့‌သောကြောင့်လည်း အပူပိုင်းဒေသ ၁၃ ခရိုင် စိမ်းလန်းစိုပြေရေးလုပ်ငန်းများအတွက် သစ်တောဦးစီးဌာနှင့် အပူပိုင်းဒေသ စိမ်းလန်းစိုပြေရေးဦးစီးဌာနတို့က ယခုနှစ် မိုးရာသီတွင် တစ်ရွာ ၂ ဧကစိုက်ခင်း၊ ဘက်စုံသုံးစိုက်ခင်းနှင့် ကျေးရွာထင်းစိုက်ခင်း စုစုပေါင်း ၃၅၅၁ ဒသမ ၂၀ ဧက၊ ပျိုးပင်ပေါင်းနှစ်သန်းကျော်ကို ကျေးရွာပေါင်း ၈၀၉ ရွာတွင် စိုက်ပျိုးသွားမည်ဖြစ်ကြောင်း ယင်းကပြောသည်။

▪️ အလားတူ ကျေးရွာ၊ မြို့ပြပတ်ဝန်းကျင်နေရာ အသီးသီးတွင်လည်း ဒေသအလိုက်သင့်တော်သည့် အရိပ်ရအပင်များ၊ လေကာပင်များကို စဉ်ဆက်မပြတ် စိုက်ပျိုးရန်၊ သစ်ပင်သစ်တော်ထိန်းသိမ်းရန် အာဆီယံလမ်းမကြီးများ ဘေးဝဲယာ၊ အမြန်လမ်းမကြီးဘေးဝဲယာနှင့် ရထားလမ်းများ ဘေးဝဲယာများတွင်လည်း သစ်ပင်များစဉ်ဆက်မပြတ် စိုက်ပျိုးပြုစုထိန်းသိမ်းကြရန်လိုကြောင်းလည်း ၎င်းကပြောသည်။

▪️ ၂၀၂၁ ခုနှစ် ဖေဖော်ဝါရီလ ၁ ရက်နောက်ပိုင်းကစ၍ နစကသက်တမ်းအတွင်း ကြိုးပြင်ကာကွယ်တော ၄၁ ခု၊ ဧရိယာဧက ၅၆၀,၀၀၀ ကျော်နှင့် သဘာဝထိန်းသိမ်းရေးနယ်မြေ ၁၄ ခု ဧရိယာဧက ၅၉၀,၀၀၀ ကျော် စုစုပေါင်း ဧရိယာဧက ၁ ဒသမ ၁၅ သန်းကျော်ကို တည်ထောင်ဖွဲ့စည်းနိုင်ပြီးဖြစ်ကြောင်း သိရသည်။

▪️ နစက‌အနေဖြင့် ၂၀၂၅ ခုနှစ် သစ်တောသယံဇာတ ဆန်းစစ်လေ့လာခြင်း အစီရင်ခံစာ ထုတ်ပြန်နိုင်ရန် ပြင်ဆင်ဆောင်ရွက်လျက်ရှိ‌ကြောင်း၊ ပဏာမ လေ့လာစမ်းစစ်မှုများအရ ပင်လယ်ကမ်းရိုးတန်းဒေသများတွင် ပေါက်ရောက်သည့် ဒီရေတိုးဧရိယာသည် ၂၀၂၀ ပြည့်နှစ်တွင် ဧက ၁ ဒသမ ၀၇ သန်းရှိခဲ့ပြီး ယခုအခါတွင် ဧက ၁ ဒသမ ၁၃ သန်းထိ တိုးတက်လာကြောင်းလည်း နစကဥက္ကဌကပြောသည်။

▪️ အာဆီယံအဖွဲ့ဝင်နိုင်ငံများအတွင်း၌ မြန်မာနိုင်ငံသည် သစ်တောဧရိယာ ဒုတိယအများဆုံးပိုင်ဆိုင်သည့် နိုင်ငံဖြစ်ပြီး ၂၀၂၀ ပြည့်နှစ်၊ ကုလသမဂ္ဂစားရေရိက္ခာနှင့် စိုက်ပျိုးရေးအဖွဲ့ (FAO) ၏ အစီရင်ခံစာအရ သစ်တောဖုံးလွှမ်းမှုသည် နိုင်ငံဧရိယာ၏ ၄၂ ဒသမ ၁၉ ရာခိုင်နှုန်းရှိကြောင်း၊ သစ်တောပြုန်းတီးမှုအနေဖြင့် ကြည့်ပါက ၂၀၁၀ ပြည့်နှစ်မှ ၂၀၁၅ ခုနှစ်အတွင်း နှစ်စဉ် ၁ ဒသမ ၇ ရာခိုင်နှုန်း ပြုန်းတီးခဲ့သော်လည်း ၂၀၁၀ မှ ၂၀၂၀ ပြည်နှစ်အတွင်း နှစ်စဉ် သုည ဒသမ ၉ ရာခိုင်နှုန်းသာ ပြုန်းတီးခဲ့သည်ကို တွေ့ရသည့်အတွက် သစ်တောပြုန်းတီးမှုကို လျော့နည်းအောင် ထိန်းသိမ်းနိုင်ခဲ့ခြင်းကို တွေ့ရခြင်းဖြစ်ကြောင်းလည်း ယင်းက ပြောကြားခဲ့သည်။

#Yangon _Times /PP

#World_Health
Published 05 June 2024

▪️ ဆိုရှယ်မီဒီယာများ အသုံးပြုခြင်းက အကျိုးကျေးဇူးများစွာ ရရှိစေနိုင်သလို ကျန်းမာရေးနဲ့ အိပ်စက်ခြင်းကိုလည်း ထိခိုက်စေနိုင်ပါတယ်။

▪️ ဆိုရှယ်မီဒီယာ အလွန်အကျွံ အသုံးပြုခြင်းကြောင့် စိတ်ပိုင်းဆိုင်ရာ ကျန်းမာရေးသာမက ရုပ်ပိုင်းဆိုင်ရာကိုပါ နည်းလမ်းအမျိုးမျိုးဖြင့် သက်ရောက်လာနိုင်ပါတယ်။

 
▪️ (၁) စမတ်ဖုန်း၊ တက်ဘလက်၊ ကွန်ပျူတာစတဲ့ စက်ပစ္စည်းများမှ ထွက်လာတဲ့ အလင်းပြာက အိပ်စက်မှုဟော်မုန်း မယ်လတိုနင်ထွက်ရှိမှုကို နှောင့်ယှက်ကာ အိပ်ပျော်ဖို့ ခက်ခဲစေပါတယ်။

 
▪️ (၂) ဆိုရှယ်မီဒီယာတွေ ကြည့်ရှုခြင်းကြောင့် ဦးနှောက်က ပိုမိုလှုပ်ရှားပြီး အိပ်ပျော်ဖို့ ခက်စေပါတယ်။

 
▪️ (၃) စိတ်ခံစားချက်များ ဖြစ်လွယ်စေကာ စိတ်ဖိစီးမှုများ ဖြစ်ပေါ်လာပြီး အိပ်မပျော်စေပါဘူး။

 
▪️ (၄) အွန်လိုင်းပေါ်မှာ ပြောဆိုငြင်းခုံနေတာတွေက စိတ်ပိုင်းဆိုင်ရာကို လှုံ့ဆော်ပေးပြီး အိပ်ချင်စိတ်ကို အနှောင့်အယှက် ဖြစ်စေပါတယ်။

 
▪️ (၅) အွန်လိုင်းပေါ်က အရေးကြီး အဖြစ်အပျက် သတင်းများကို လွတ်သွားမှာစိုးပြီး အဆက်မပြတ် ကြည့်နေရခြင်းက စိုးရိမ်စိတ်ကို ဖြစ်စေကာ စိတ်ပြေလျော့ဖို့ ခက်ခဲစေပါတယ်။

 
▪️ (၆) စိတ်ပျက်စရာသတင်းတွေ၊ အွန်လိုင်းမှာ အနိုင်ကျင့်ခံရတာတွေ၊ အဆိုးမြင်မှတ်ချက်တွေကြောင့် ဖိစီးမှုဖြစ်စေပါတယ်။

 
▪️ (၇) ဖုန်းနဲ့ ကွန်ပျူတာ ကြာရှည်အသုံးပြုခြင်းကြောင့် မျက်စိညောင်းခြင်း၊ ခေါင်းကိုက်ခြင်းစတာတွေ ခံစားရနိုင်ကာ ထိုဝေဒနာတွေကြောင့် အိပ်စက်ခြင်းကို ထိခိုက်စေပါတယ်။

 
▪️ (၈) ညဥ့်နက်တဲ့အထိ ဆိုရှယ်မီဒီယာ အသုံးပြုခြင်းကြောင့် အိပ်ချိန်နောက်ကျပြီး အိပ်စက်နိုးထခြင်းစက်ဝန်း ထိခိုက်စေပါတယ်။

 
▪️ (၉) အိပ်ချိန်နည်းသွားကာ အိပ်ရေးပျက်စေသဖြင့် ကျန်းမာရေးကို ထိခိုက်စေပါတယ်။

 
▪️ (၁၀) ဆိုရှယ်မီဒီယာတွေမှ အသိပေးချက်တွေက အိပ်ပျော်နေတာကို အနှောင့်အယှက် ဖြစ်စေပါတယ်။

#Source: DoctorNDTV

#World_Health
Published 05 June 2024

▪️ အစ္စရေးလ်ကုမ္ပဏီတစ်ခုက သုတ်လွှတ်စောခြင်း ကုသမှုကိရိယာတစ်ခုကို တီထွင်လိုက်ကာ ယူကေမှာ အောင်မြင်စွာ ထုတ်လုပ်နိုင်ခဲ့ပြီးနောက် အစ္စရေးလ်မှာလည်း စတင်ဖြန့်ချိတော့မှာ ဖြစ်ကြောင်း Virility Medical ကုမ္ပဏီက အင်္ဂါနေ့မှာ ကြေညာလိုက်ပါတယ်။

▪️ in2 လို့အမည်ပေးထားတဲ့ ကိရိယာဟာ လက်တွေ့စမ်းသပ်ချက်များ ပြုလုပ်ထားပြီးဖြစ်ပြီး လိင်ဆက်ဆံချိန် ကြာမြင့်စေကာ ခံစားမှုအထွတ်အထိပ် ရောက်ရှိအောင် ကူညီပေးနိုင်တယ်လို့ ကုမ္ပဏီက ဆိုထားပါတယ်။

▪️ သုတ်လွှတ်စောခြင်းဟာ အမျိုးသားများ အဖြစ်များတဲ့ လိင်ပိုင်းဆိုင်ရာ ကျန်းမာရေးပြဿနာ တစ်ခုဖြစ်ပါတယ်။

▪️ ထိုကိရိယာဟာ ချက်ချင်းသက်ရောက်မှုရှိကာ ဘေးထွက်ဆိုးကျိုးတွေနဲ့ နာကျင်မှု မဖြစ်စေပါဘူး။

▪️ ကွပ်ကွဲရေးအဖွဲ့များမှ အပြည့်အဝ အသိအမှတ်ပြုထားကာ အမေရိကန်မှာ ရောင်းချခြင်းအတွက် FDA ခွင့်ပြုချက်၊ ဥရောပမှာ ရောင်းချခွင့်၊ အစ္စရေးလ် ကျန်းမာရေးဝန်ကြီးဌာနရဲ့ အသိအမှတ်ပြုချက်တို့ ရရှိထားပါတယ်။

▪️ သုတ်လွှတ်စောခြင်းပြဿနာက ကမ္ဘာတဝှမ်းရှိ အမျိုးသားထုကြီးရဲ့ ၄ ပုံ ၁ ပုံလောက်မှာ ကြုံတွေ့နေရပါတယ်။

▪️ ထိုကိရိယာဟာ သုတ်လွှတ်စောခြင်း ပြဿနာအတွက် ကုသပေးမယ့် ပထမဆုံးကိရိယာဖြစ်တယ်လို့ ဆိုပါတယ်။

▪️ လိင်ပိုင်းဆိုင်ရာ ကျန်းမာရေးနယ်ပယ်ထဲက အထူးကုဆရာဝန်တွေ၊ ပညာရှင်တွေ၊ ဦးဆောင်သူတွေနဲ့ ပူးပေါင်းလုပ်ဆောင်ထားတာ ဖြစ်တယ်လို့ Virility Medical စီအီးအို ရှာရွန်ရေဗစ်က ပြောပြပါတယ်။

▪️ in2 ရဲ့လုပ်ဆောင်ပုံက လျှပ်စစ်ဖြင့် ကြွက်သားလှုံ့ဆော်ခြင်း နည်းပညာကို သုံးထားပြီး တင်ပါးကြွက်သားတွေကို လှုံ့ဆော်ပေးကာ သုတ်လွှတ်ခြင်းကို နှောင့်နှေးအောင် စွမ်းဆောင်နိုင်စေပါတယ်။

▪️ ထိုနည်းပညာက ဓာတုပစ္စည်းများနဲ့ ဆေးဝါးများမပါဝင်သလို ကုသမှုခံယူသူတွေမှာ အခြေအနေ တိုးတက်လာတယ်လို့ ၂၀၁၈ ဘရာဇီးလ်လေ့လာချက်မှာ တွေ့ရှိထားပါတယ်။

▪️ အစ္စရေးလ်နဲ့ အီတလီမှာ ပြုလုပ်တဲ့ စမ်းသပ်ချက်များအရ ကိရိယာအသုံးပြုသူတွေဟာ သာမန်လူတွေထက် လိင်ဆက်ဆံချိန် ၃.၂၅ ဆပိုမိုကြာမြင့်ခဲ့ပြီး ခံစားမှုပိုမိုကောင်းမွန်ခဲ့ကြပါတယ်။

▪️ ဒီကိရိယာဟာ အမျိုးသားတွေရဲ့ ယုံကြည်မှုကို တိုးတက်စေနိုင်ပြီး စိတ်ပိုင်းဆိုင်ရာ ဖိစီးမှုတွေ လျှော့ချနိုင်ဖွယ်ရှိတယ်လို့ စမ်းသပ်ချက်များအရ သိရှိရပါတယ်။

Source: The Jerusalem Post

အိန္ဒိယမှာ အပူလှိုင်းဖြတ်မှု ဖြစ်ပွားခဲ့ရာ ပြီးခဲ့တဲ့ ရက်အနည်းငယ်အတွင်း အပူလျှပ်ခြင်းနဲ့ နားမကျန်းဖြစ်ခြင်းတို့ကြောင့် အနည်းဆုံး လူ ၈၅ ဦးသေဆုံးခဲ့ပါတယ်။
#World_Climate
Published 04 June 2024
#အိန္ဒိယတွင်အပူလှိုင်းဖြတ် #ထိခိုက်သေဆုံးသူများရှိ
#YMG #Yangon_Times #Yangon_Media_Group

#Daily_News
Published_04 June 2024

၁။ အခြေခံစားကုန်ကြက်ဥ၊ ဘဲဥဈေးများ လက်လီဈေးကွက်၌အနည်းငယ်တက်၊ လက်ကားဈေးကွက်တွင်ပုံမှန်သာရှိ

၂။ ကုန်အဝင်နည်းသဖြင့် ငရုတ်သီးစိမ်း တစ်ပိဿာကျပ် ၂၀၀၀ခန့် ဈေးမြင့်တက်လာ

၃။ ရွှေဆိုင်များနှင့်ရွှေလုပ်ငန်းရှင်များအားလုံး YEGA ၏ သတ်မှတ်စျေးနှုန်းဖြင့်သာ အရောင်းအဝယ်ပြုလုပ်ကြရန် ထပ်မံတိုက်တွန်း

၄။ အိန္ဒိယတွင် အပူလှိုင်းဖြတ်ခြင်းကြောင့် ထိခိုက်သေဆုံးသူများရှိလာ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Daily_News #Yangon_Times #Yangon_Media_Group #TV Yangon Times

Published 03 June 2024

အမျိုးမျိုးသော ဗိုင်းရပ်စ်များကြား မျိုးစပ်ပေါက်ဖွားခြင်းကနေ အန္တရာယ်ပိုပေးနိုင်မယ့် ဗိုင်းရပ်စ်မျိုးနွယ်သစ် ပေါ်ထွက်လာနိုင်ဖွယ်ရှိတယ်လို့ သိပ္ပံပညာရှင်များ သတိပေးလိုက်ပါတယ်။

ဒီလိုဗိုင်းရပ်စ်တွေဟာ ကိုဗစ်ရောဂါလိုမျိုး နောက်ထပ်ကပ်ဘေးတစ်ခု ဆိုက်ကပ်နိုင်ဖွယ်ရှိတယ်လို့ ဂျာမန်ကင်ဆာ သုတေသနစင်တာ (DKFZ)မှ ဗိုင်းရပ်စ်ပညာရှင်များက ပြောပါတယ်။

ကျောရိုးရှိသတ္တဝါများရဲ့ အထဲမှာ ဗိုင်းရပ်စ်မျိုးစိတ်အမျိုးမျိုးက ရောဂါပိုးအသစ်များ ဖြစ်ပေါ်စေတဲ့အခါ ဗိုင်းရပ်စ်များ သဘာဝအတိုင်း ဗီဇဆင့်ကဲပြောင်းလဲခြင်း ဖြစ်ပေါ်နိုင်ပါတယ်။

လေ့လာခဲ့တဲ့ ဗိုင်းရပ်စ်အများစုက လူသားတွေမှာ သိပ်ပြီးမသိရသေးတာကြောင့် လူသားတွေ၊ ဒေသတွင်း တိရိစ္ဆာန်တွေ၊ စိုက်ပျိုးပင်တွေမှာ ရောဂါတွေဖြစ်စေတဲ့ ဗိုင်းရပ်စ်တွေကို ပိုပြီးအာရုံစိုက်လေ့လာနေကြပါတယ်။

AI ထောက်ကူပြု နည်းလမ်းအသစ်ဖြင့် အချက်အလက်ပေါင်း ၃ သိန်းကို လေ့လာနိုင်ခဲ့ကြပါတယ်။

နီဒိုဗိုင်းရပ်စ်ဆိုတာက RNA ဖြင့်ဖွဲ့စည်းထားပြီး အခြား RNA ဗိုင်းရပ်စ်များထံမှ ကွဲပြားတဲ့ လက္ခဏာများရှိပါတယ်။

တိရိစ္ဆာန်တွေအနေနဲ့ တစ်ချိန်တည်းမှာပဲ အမျိုးမျိုးသောဗိုင်းရပ်စ်များ ကူးစက်တဲ့အခါ ဗိုင်းရပ်စ်အသစ်တစ်မျိုး ပေါ်ထွက်လာတတ်ပါတယ်။

ထိုကဲ့သို့ ဆင့်ကဲပြောင်းလဲခြင်းက ကူးစက်ခံရသူမှာ အသက်အန္တရာယ်ဖြစ်စေတဲ့ ရောဂါဖြစ်လာစေနိုင်ပါတယ်။

ခန္ဓာကိုယ်ထဲမှာ ဗိုင်းရပ်စ်အများအပြား သယ်ဆောင်နိုင်တယ်လို့ သိထားတဲ့ လင်းနို့တွေမှာ ဗိုင်းရပ်စ်များ မျိုးစပ်ပေါက်ဖွားခြင်းမျိုး ဖြစ်နိုင်ပါတယ်။
Source: WION.
#World_Science
#Published_04 June 2024
#YMG #Yangon_Times #Yangon_Media_Group

မြန်မာအသင်းနဲ့ ကမ္ဘာ့ဖလားခြေစစ်ပွဲယှဉ်ပြိုင်ဖိုအတွက် ဂျပန်လက်ရွေးစင်အသင်း ရန်ကုန်သို ရောက်ရှိလာပြီဖြစ်တယ်။ဇွန်လ‌(၆)ရက်နေ့မှာ သုဝဏ္ဏဘောလုံးကွင်းမှာ ကန်ကြမှာ ဖြစ်ပြီးလက်မှတ်နှုန်းထားအနေဖြင့် ရိုးရိုး တန်း-၂၀၀၀ ကျပ်၊ အထူးတန်း- ၅၀၀၀ ကျပ်သတ်မှတ်ထားပါတယ်။
#Local_News
Published_04 June 2024
#ကမ္ဘာ့ဖလားခြေစစ်ပွဲ #ဂျပန်အသင်းမှဘောလုံးသမားများ
#tthl #Yangon_Times

နေ့စဉ်ဒေါ်လာဈေးအတိုင်း ရွှေဈေးနှုန်းသတ်မှတ်ထုတ်ပြန်ပေးမှာဖြစ်ပြီး ရွှေဆိုင်တွေနဲ့ ရွှေလုပ်ငန်းရှင်တွေအနေနဲ့ အခု YGEAရဲ့ သတ်မှတ်ဈေးနဲ့သာ ရွှေအရောင်းအဝယ်ပြုလုပ်ရမှာဖြစ်ပါတယ်။ ADလိုင်စင်ရဘဏ်တွေရဲ့ ငွေလဲလှယ်နှုန်းအတိုင်း ရွှေဈေးကိုသတ်မှတ်မှာ ဖြစ်ပါတယ်။
#Local_News
Published_04 June 2024
#ဒေါ်လာဈေးအတိုင်းရွှေဈေးသတ်မှတ် #သတ်မှတ်ဈေးနှုန်းအတိုင်းရောင်း
#tthl #Yangon_Times

တာမွေမှာကြက်ဥတစ်လုံးကို လက်လီဈေးကွက်ထဲမှာ ကြက်ဥဆိုက်သေးတစ်လုံးကို (၃၂၀)ကျပ်နဲ့ ဆိုက်ကြီး တစ်လုံးကို (၄၀၀)ကျပ်နဲ့ ဘဲဥတစ်လုံးကို(၅၀၀)ကျပ်ပေးပြီးဝယ်ယူနေရတယ်။ လက်ကားဈေးကွက်မှာတော့ကြက်ဥတစ်လုံးကို အရွယ်အစားအပေါ်မူတည်ပြီး (၂၅၀)မှ(၃၀၀)အထိရှိပြီး ဘဲဥတစ်လုံးကို(၃၅၀)ကျပ်မှ (၄၀၀)ကျပ်ရှိတယ်။
#Local_News
Published_04 June 2024
#ကြက်ဥဈေးကွက်အနည်းငယ်တက်
#tthl #Yangon_Times