#local_news
Published_ 6 March 2022

သင်္ဃန်းကျွန်းမြို့နယ်၊ လေးထောင့်ကန်လမ်းရှိ အာရှစိမ်းလန်းဖွံဖြိုးရေး (AGD) ဘဏ်အား ဓားပြတိုက်မှုကိုကျူးလွန်ခဲ့တဲ့ ဆေးဆိုင်ပိုင်ရှင်ဟောင်းတစ်ဦးအပါအဝင်ကျူးလွန်သူတွေကို ဖမ်းဆီးရမိကြောင်း သတင်းထုတ်ပြန်ထားပါတယ်။

၂၀၂၂ ခုနှစ်၊ ဖေဖော်ဝါရီ ၅ ရက်တွင် AGD Bank ၌ ဘဏ်ဓားပြတိုက်သူများက HIACE အမျိုးအစားခဲရောင်ယာဉ်ဖြင့် ဘဏ်သို့ရောက်ရှိလာခဲ့ပြီး WIFI တပ်ဆင်သူများ အသွင်ဖြင့် လုံခြုံရေးဝန်ထမ်း ၃ ဦးအားသေနတ်ဖြင့်ထောက်၍ ချုပ်နှောင်ကာ မီးခံ သေတ္တာအား လက်လုပ်မိုင်းဖြင့်ဖောက်ခွဲပြီး ဘဏ်စာရွက်စာတမ်းများ၊ CCTV ထိန်းချုပ် စက်၊ ကွန်ပျူတာများနှင့် ငွေကျပ်သိန်း ၆၀၀ ကျော်တိုအား ယူဆောင်သွားခဲ့ပါတယ်။

ဓားပြတိုက်မှု ဖြစ်စဉ်နှင့်ပတ်သက်၍ တရားခံများအား ဖမ်းဆီးရမိရေး ဆောင်ရွက်ခဲ့ရာ ၂၀၂၂ ခုနှစ်၊ မတ်လ ၄ ရက်တွင် ဓားပြတိုက်မှုဖြစ်စဉ်၌ တရားခံများ အသုံးပြုခဲ့သည့် Toyota HIACE (ခဲရောင်)ယာဉ်အား မှတ်တမ်းတိုက်ဆိုင် စစ်ဆေးခဲ့ရာ ယာဉ်ပိုင်ရှင်မှာ သင်္ဃန်းကျွန်းမြို့နယ်၊ သုဝဏ္ဏမြို့သစ်၊ ရန်ကုန်သစ်ရပ်ကွက်၊ နှင်းဆီဖြူ လမ်းနေ ဒေါက်တာကောင်းချစ်စိုး ပိုင်ဆိုင်ကြောင်း သိရှိရသဖြင့် ၎င်း၏နေအိမ်အား စောင့်ကြည့်မှုများပြုလုပ်ခဲ့ရာ ဘဏ်ဓားပြတိုက်မှုဖြစ်စဉ်တွင် ပါဝင်သောတရားခံ ရှိင်းထက်အောင် (၂၈)နှစ်အား မင်္ဂလာတောင်ညွန့်မြို့နယ်၊ ပုသိမ်ညွန့်ရပ်ကွက်၌ ယာဉ်အမှတ်၊ 4N/7883 Nissan ယာဉ်နှင့်အတူ ဖမ်းဆီးရမိခဲ့ပါတယ်။

ရှိင်းထက်အောင်၏ ထွက်ဆိုချက်အရ ယင်းနေ့ညနေပိုင်းတွင် ဘဏ်ဓားပြတိုက်မှု အား ဦးဆောင်သူ ဒေါက်တာကောင်းချစ်စိုး၏ သင်္ဃန်းကျွန်းမြို့နယ်၊ သုဝဏ္ဏမြို့သစ်၊ ရန်ကုန်သစ်ရပ်ကွက်၊ နှင်းဆီဖြူလမ်းရှိနေအိမ်အား ဝင်ရောက်ရှာဖွေစစ်ဆေးခဲ့ရာ နေအိမ်အတွင်း၌ ဒေါက်တာ ကောင်းချစ်စိုး (၃၄)နှစ်၊ သီဟအောင် (၂၈)နှစ်၊ ပြည်သိမ်းခိုင် (၂၈)နှစ်၊ ပိုင်စစ်(ခ) ပိုင်စစ်သွေး (၂၅)နှစ်တို ၄ ဦးအား ငွေစက္ကူ ရောရာ ၅,၀၆၉,၅၀၀ ကျပ်၊ အမေရိကန်ဒေါ်လာ ၈၀၀၀၊ လက်ကိုင်ဖုန်းမျိုးစုံ ၄ လုံး၊ CCTV အထိုင်စက် ၁ လုံး၊ Hard Disk ၉ ခုနှင့် ဓားပြတိုက်ရာတွင် အသုံးပြုခဲ့သော သံကျောက်ဖြတ် အဝိုင်းပြား ၁၅ ပြား၊ တူ ၂ လက်၊ သံတူရွင်း ၂ ချောင်း၊ ကတ်ကြေး ၂ လက်၊ ယာဉ်အမှတ်၊ 8K/2658 Toyota HIACE (ခဲရောင်)မော်တော်ယာဉ် ၁ စီး တို့ နှင့်အတူ ဖမ်းဆီးရမိခဲ့ပါတယ်။

ဖြစ်စဉ်တွင် တရားခံ ကျား ၅ ဦးအား ငွေစက္ကူရောရာ ၅,၀၆၉,၅၀၀ ကျပ်၊ အမေရိကန်ဒေါ်လာ ၁၀၀ တန် ၈၀ ရွက် (ဒေါ်လာ ၈၀၀၀) ၊ လက်ကိုင်ဖုန်းမျိုးစုံ ၄ လုံး၊ CCTV အထိုင်စက် ၁ လုံး၊ Hard Disk ၉ ခုနှင့် ဓားပြတိုက်ရာတွင် အသုံးပြုခဲ့သော ဆက်စပ်ပစ္စည်းများနှင့်အတူ ဖမ်းဆီးရမိခဲ့ပါတယ်လို့ သိရပါတယ်။

ဘဏ်ဓားပြတိုက်ရာတွင် ရရှိခဲ့သော ငွေသိန်း ၆၁၀ ကျပ်အား ကောင်းချစ်စိုးသည် သီဟအောင်၊ ပိုင်စစ်သွေး၊ ပြည်သိမ်းခိုင်၊ ရှိင်းထက်အောင်တို့ ၄ ဦးအား တစ်ဦးလျှင် ငွေကျပ် သိန်း ၃၀ စီ ခွဲဝေပေးခဲ့ပြီး ကျန်ငွေများအား ၎င်းမှ ယူဆောင်ခဲ့ကာ ၎င်းငွေများမှ ကျပ်သိန်း ၁၆၀ အား အမေရိကန်ဒေါ်လာဖြင့် လဲလှယ်ခဲ့ရာ ဒေါ်လာ ၈,၀၀၀ ရရှိခဲ့တယ်လို့ ဆိုပါတယ်။

ဒေါက်တာကောင်းချစ်စိုးဟာ ဓားပြတိုက်ရာတွင် အသုံးပြုခဲ့တဲ့ မော်တော်ယာဉ်အား ၂၀၂၂ ခုနှစ်၊ ဖေဖော်ဝါရီလ ၈ ရက်တွင် ကျော်စိန်ဝင်းထံသို့ ပြန်လည်ပေးအပ်ခဲ့သော်လည်း လုံခြုံရေးတပ်ဖွဲ့ဝင်များက မော်တော်ယာဉ်နှင့်ပတ်သက်၍ လိုက်လံရှာဖွေစစ်ဆေးမှုများ ပြုလုပ်ခဲ့သောကြောင့် ကျော်စိန်ဝင်းထံမှ မော်တော်ယာဉ်အား ငွေကျပ် သိန်း ၂၅၀ ဖြင့် အပိုင်ဝယ်ယူခဲ့ကြောင်း၊ ၎င်းနောက် ကောင်းချစ်စိုးဟာ လုယက်ရာမှ ရရှိသည့် ငွေများဖြင့် ယာဉ်အမှတ်၊ 4N/7883 Nissan ယာဉ်အား ငွေကျပ် သိန်း ၉၀ ဖြင့် ထပ်မံဝယ်ယူခဲ့တယ်လို့ သတင်းထုတ်ပြန်ထားပါတယ်။

ဒေါက်တာကောင်းချစ်စိုးဟာ ၂၀၁၉ခုနှစ်မှာ ဇနီးဖြစ်သူနှင့်အတူ ဆေးဆိုင်ဖွင့်လှစ်ရောင်းချခဲ့ရာ ဆေးပစ္စည်းများအရှုးပေါ်တဲ့အတွက် ဆေးကုမ္ပဏီတွေနှင့် ငွေကြေးပြဿနာတွေဖြစ်ပြီး အမှုရင်ဆိုင်ခဲ့ရပါတယ်။ အဲဒီအတွက် ငွေကြေးလိုအပ်မှုကြောင့် ဘဏ်ဓားပြတိုက်မှုကို သူ့ကုမ္ပဏီက ဝန်ထမ်းတွေနှင့်အတူ ကျူးလွန်ခဲ့တာဖြစ်တယ်လို့ အမှုစစ်ဆေးရာမှသိရှိရတယ်လို့သတင်းထုတ်ပြန်ချက်မှာဖော်ပြထားပါတယ်

#ymg_mnn
Yangon_Media_Group

Published 5 March 2022

ရုရှားကာကွယ်ရေးဝန်ကြီးဌာနက အရပ်သားတွေကို စစ်တပ်ဝိုင်းထားတဲ့ မာရီယူပူးလ်ဆိပ်ကမ်းမြို့နှင့် ဗိုလိုနိုဗာခါမြို့တွေ ကနေ ကယ်ထုတ်နိုင်ဖို့ အပစ်အခတ်ရပ်ပေးမယ်လို့ကြေညာခဲ့ပြီးနောက် မာရီယူပူးလ်မြို့တော်ဝန် ဘွိင်ချင်ကိုက ကယ်ထုတ်တဲ့လုပ်ငန်းတွေ GMT (၉)နာရီမှာစတင်မယ်လို့ပြောခဲ့ပါတယ်။

ယူကရိန်းနိုင်ငံမြို့တော်ကိဗ်ရဲ့ဆင်ခြေဖုံးက အိုင်ပင်မြို့ကလေးက အရပ်သားတွေကို စစ်သားတွေရဲ့အကူအညီနှင့် ပြင်ပကို ကယ်ထုတ်နေကြပါတယ်။

Source AFP

#WorldFinance
Published 05 March 2022

ယခုဖေဖော်ဝါရီလအတွင်း တူရကီနိုင်ငံမှာ ငွေကြေးဖောင်းပွမှု ၅၄.၄ ရာခိုင်နှုန်းမြင့်တက်လာခဲ့ကာ ၂၀၀၂ ခုနှစ် ဧပရယ်လ်လနောက်ပိုင်းကတည်းက အမြင့်ဆုံးငွေကြေးဖောင်းပွမှုဖြစ်လာခဲ့ပါတယ်။

#Yangon_Media_Group

Published 5 March 2022

ပါကစ္စတန်နိုင်ငံအနောက်မြောက်ပိုင်း ပက်ရှ်ဝါမြို့က ရှီအိုက်ဗလီတစ်ခုအတွင်း မတ်(၄)ရက်သောကြာနေ့က အသေခံဗုံးခွဲတိုက်ခိုက်မှုကြောင့် အနည်းဆုံးလူ(၅၆)ဦးသေဆုံးခဲ့ရပြီး ၁၉၄ဦးကျော် ဒဏ်ရာရရှိခဲ့ကြပါတယ်။

ဒီတိုက်ခိုက်မှုဟာ ၂၀၁၈ခုနှစ်နောက်ပိုင်းမှာ ကြောက်မက်ဖွယ်ရာအကောင်းဆုံး တိုက်ခိုက်မှုတစ်ခုဖြစ်ပါတယ်။

ဒီပေါက်ကွဲမှုဟာ သူတို့လက်ချက်လို့ အစ္စလမ်မစ်နိုင်ငံတော် (အိုင်အက်စ်)အုပ်စုကပြောပါတယ်။ သောကြာနေ့ဝတ်ပြုဆုတောင်းပွဲ မစတင်မီကလေးမှာ ပေါက်ကွဲခဲ့တာဖြစ်ပြီး အတွင်းခန်းတွေ အစိတ်စိတ်အမွှာမွှာပျက်စီးကုန်ပြီး မှန်ကွဲတွေဟာ လမ်းပေါ်ကို လွင့်စင်ကျပြီး ပြန့်ကျဲသွားရပါတယ်။

Source AFP

#HealthMatter
Published - 5 Mar 2022

၁။ ရင်ကွဲနာဆိုတဲ့ Broken Heart Syndrome ဆိုတာ ??

၂။ ကိုဗစ်ကူးစက်မှုရဲ့နောက်ဆက်တွဲအဖြစ် Broken Heart Syndrome အဖြစ်ဆက်စပ်ခံစားနေကြရတယ်လို့ အချို့နိုင်ငံတကာသတင်းတွေမှာတွေ့ရပါတယ်။
မြန်မာနိုင်ငံမှာရော တွေ့ရပါသလား ??

၃။ Broken Heart Syndrome မဖြစ်အောင် ဒါမှမဟုတ် ဖြစ်ရင်လည်း သက်သာပျောက်ကင်းအောင် ဘယ်လိုနေထိုင်ပြုမူဆောင်ရွက်ဖို့လိုမလဲ??? ..... ဆိုတာတွေကို ကျန်းမာရေးပညာပေးပညာရှင် ဆရာကြီးဒေါက်တာခင်မောင်လွင်က ဆွေးနွေးပြောဆိုတင်ပြထားပါတယ်။

#Yangon_Media_Group

Published 5 March 2022

တရုတ်နိုင်ငံရဲ့ အမြင့်ဆုံး နိုင်ငံတော်အာဏာ ယန္တယားဖြစ်တဲ့ ၁၃ကြိမ်မြောက် အမျိုးသား ပြည်သူ့ကွန်ဂယက်                         (NPC)ညီလာခံကို တရုတ်နိုင်ငံ ဘေဂျင်းမြို့တော်ရဲ့ မဟာခန်းမကြီးမှာ မတ်လ(၅)ရက် စနေနေ့ မနက်က ကျင်းပပါတယ်။

တရုတ်ကွန်မြူနစ်ပါတီဗဟိုကော်မတီ အထွေထွေအတွင်းရေးမှူးနှင့် ဗဟိုစစ်ကော်မရှင် ဥက္ကဋ္ဌဖြစ်တဲ့ သမ္မတရှီကျင့်ဖျင်နှင့် အခြား တရုတ်ခေါင်းဆောင်တွေဟာ ဖွင့်ပွဲအခမ်းအနားမှာ ကွန်ဂယက်ကိုယ်စားလှယ် သုံးထောင်နီးပါးနှင့်အတူ တက်ရောက် လာကြပါတယ်။

Source CCTV Plus

#LocalNews
Published_ 5 March 2022

မြန်မာနိုင်ငံကို အခုလတတိယပတ်မှာလာမယ်ဆိုတဲ့ အာဆီယံအထူးကိုယ်စားလှယ် ပရက်ဆော့ခွန်း( Prak Sokhonn) နဲ့ တွေ့ဆုံနိုင်ဖို့ PPST မှာပါတဲ့ အဖွဲ့ဝင်တစ်ခုချင်းစီက ကိုယ်စားလှယ်တွေ တက်ရောက်နိုင်ဖို့ နစက အနေနဲ့ အကြောင်းကြားထားပါပြီ။

#Yangon_Media_Group

#LocalNews
Published _5 March 2022

ရခိုင်ပြည်နယ် စစ်တွေမြို့နယ်က ပြည်တော်သာ-ရေချမ်းပြင် မီးရထားလမ်းပိုင်းကို မတ်လ ၂၇ ရက်နေ့ မတိုင်ခင် ပြေးဆွဲဖို့လုပ်နေပါပြီ။

#Yangon_Media_Group

#LocalNews
Published -5 Mar 2022

ပဲခူးတိုင်းဒေသကြီး၊ ရေတာရှည်မြို့နယ်တွင် ထိန်းချုပ်ဓာတုပစ္စည်း အမိုနီယမ်နိုက်ထရိတ်များ ဖမ်းဆီးရမိခဲ့တယ်လို့ မူးယစ်ဆေးဝါးတားဆီးနှိမ်နှင်းရေးရဲတပ်ဖွဲ့ကသိရပါတယ်။

မတ်လ ၄ ရက်နေ့ ညနေ ၅ နာရီအချိန် မူးယစ်ဆေးဝါးတားဆီးနှိမ်နင်းရေးရဲတပ်ဖွဲ့မှ တပ်ဖွဲ့ဝင်များပါဝင်သော ပူးပေါင်းအဖွဲ့သည် သတင်းအရသက်သေများနှင့်အတူ ရေတာရှည်မြို့နယ်၊ ရန်ကုန်-မန္တလေး သွားကားလမ်းဟောင်း၊ မိုင်တိုင်အမှတ်(၁၉၀/၅)နှင့်(၁၉၀/၆)ကြားတွင် ရပ်တန့်ထားသည့် NISSAN DIESEL TRUCK အမျိုးအစား ၁၂ ဘီး မော်တော်ယာဉ်အား စစ်ဆေးရှာဖွေရာယာဉ်ပေါ်တွင် အောင်မြင့်မြတ်နှင့်အတူ ဆာလာအိတ်များအတွင်းမှ အမိုနီယမ် နိုက်ထရိတ် အလေးချိန် ၁၂,၈၇၅ ကီလို(ဒေသကာလ ပေါက်ဈေးတန်ဖိုးငွေကျပ် ၂၅၇.၅ သိန်း)နှင့် လက်ကိုင်ဖုန်း ၁ လုံးတို့အား တွေ့ရှိသိမ်းဆည်းရမိခဲ့တာဖြစ်တယ်လို့သိရပါတယ်။

ဖမ်းဆီးရမိမှုမှ အောင်မြင့်မြတ်(၃၇)နှစ်အား သာဂရနယ်မြေရဲစခန်းတွင် မူးယစ်ဆေးဝါးနှင့် စိတ်ကိုပြောင်းလဲစေသောဆေးဝါးများဆိုင်ရာဥပဒေအရ အမှုဖွင့်အရေးယူထားရှိပြီး ကွင်းဆက်များ ဖော်ထုတ်လျက်ရှိတယ်လို့ သိရပါတယ်။

ymg/hm
#Yangon_Media_Group

#LocalNews
Published - 5 Mar 2022

ရန်ကုန်တိုင်းဒေသကြီး၊ ဒဂုံမြို့သစ်ဆိပ်ကမ်းမြို့နယ်၊ (၆၀)ရပ်ကွက်တွင် မီးလောင်မှုဖြစ်စဥ်တစ်ခု ဒီကနေ့(မတ် ၅ ရက်)၊ နေ့လည် ၃ နာရီအချိန်က ဖြစ်ပွားခဲ့ပြီး အဆိုပါ မီးလောင်မှုဖြစ်စဥ်ကြောင့် လူနေအိမ်ခြေ ၄၀ ကျော်ခန့်ဆုံးရှုံးခဲ့ရတယ်လို့ သိရပါတယ်။

"ဒဂုံဆိပ်ကမ်း ၆၀ ရပ်ကွက်မီးလောင်မှုက ကျူးကျော်တဲနေအိမ်ကစတာပါ။ ကလေးငယ်တစ်ဦးက ထမင်းအိုးတည်ရာကနေ မီး လောင်မှုစတင်ဖြစ်ပွားခဲ့တာလို့ သိရတယ်။ လောလောဆယ်တော့ အိမ်ခြေ ၄၀ လောက် မီးသင့်သွားတယ်လို့ သိရပါတယ်။ လက်ရှိမှာ တော့ မီးငြိမ်းပါပြီ။ မီးအကြွင်းအကျန်လေးတွေကိုပဲ ဆက်လက်ငြိမ်းသတ်နေပါတယ်။"လို့ အဆိုပါမြို့နယ်တွင် နေထိုင်သူတစ်ဦးက ပြောပြခဲ့ပါတယ်။

ဒဂုံမြို့သစ်ဆိပ်ကမ်းမြို့နယ်၊ (၆၀)ရပ်ကွက် မီးလောင်မှုကို Level -1ယာဉ်အုပ်စုများဖြင့် ထွက်ခွာငြိမ်းသတ်ခဲ့ရပြီး နေ့လည် ၃ နာရီ မိနစ် ၂၀ အချိန်တွင် မီးထိန်းနိုင်ခဲ့ကာ ၃ နာရီ ၂၈ မိနစ်အချိန်မှာ မီးငြိမ်းနိုင်ခဲ့ပြီဖြစ်တယ်လို့ သတင်းရရှိပါတယ်။

Photo - CJ

ymg/kg
#Yangon_Media_Group

#LocalNews
Published - 5 Mar 2022

ဒီကနေ့(မတ်လ ၅ ရက်)၊ မွန်းလွဲပိုင်းအချိန်က အာရှလမ်းမကြီးတွင် ခရီးသည်တင် Express ယာဥ်တစ်စီးနှင့် ကုန်တင်တွဲကားတို့ တိုက်မိမှုဖြစ်ပွားခဲ့ပြီး လူတစ်ဦး ထိခိုက်ဒဏ်ရာရခဲ့တယ်လို့ သိရပါတယ်။

အဆိုပါယာဥ်တိုက်မှုဟာ အာရှလမ်းမကြီး မြဝတီ-ကော့ကရိတ် အာရှလမ်းကွင်းကလေးတံတားအပေါ်ကွေ့တွင် ဖြစ်ပွားခဲ့ခြင်းဖြစ်ပါတယ်။

ယာဥ်တိုက်မှုဖြစ်ပွားရာသို့ သဃ်န်းညီနောင် မြို့သစ်လူမှုကယ်ဆယ်ရေးအဖွဲ့မှ သွားရောက်၍ ကူညီကယ်ဆယ်ရေးလုပ်ငန်းများကို ဆောင်ရွက်ပေးခဲ့ရတယ်လို့ ဆိုပါတယ်။

ဒါ့အပြင် ယာဥ်တိုက်မှုဖြစ်စဥ်ကြောင့် ထိခိုက်ဒဏ်ရာရရှိသူ အမျိုးသား(၁)ဦးကိုလည်း သဃ်န်းညီနောင် မြို့သစ်လူမှုကယ်ဆယ်ရေးအဖွဲ့မှ လူနာတင်ယာဥ်ဖြင့် မြဝတီဆေးရုံကြီးသို့ ကူညီပို့ဆောင်ပေးခဲ့တယ်လို့လည်း သိရပါတယ်။

ဓါတ်ပုံ - သဃ်န်းညီနောင် မြို့သစ်လူမှုကယ်ဆယ်ရေးအဖွဲ့။

ymg/kg
#Yangon_Media_Group

#LocalNews
Published - 5 Mar 2022

ကချင်ပြည်နယ်ရှိ ပူတာအိုမြို့တွင် စက်သုံးဆီများကို ဒေသခံများက အလုအယက်ဝယ်ယူနေကြရတယ်လို့ သိရပါတယ်။

" ဆီဘောက်ဆာကား နှစ်စီးဝင်လို့ရောင်းပေးတာပါ ။ တစ်ယောက်ကို ၃,၀၀၀ ဖိုးပဲရောင်းပေးတယ်၊ လုံလောက်မှုမရှိဘူးပေါ့။ ရတဲ့ဆီက ဆိုင်ကယ်တစ်စီးတောင် မပြည့်ပါဘူး။ ရောင်းတာကလည်း မြို့ပေါ်က တိုင်းကျော် ဆီဆိုင်တစ်ခုထဲမှာပဲ ရောင်းပေးနေတာပါ။
ပြောရရင် အခုထိအဆင်မပြေသေးပါဘူး၊ ပူတာအိုမှာ ဓါတ်ဆီစျေးက တက်နေတုန်းပါပဲ။"လို့ ပူတာအိုမြို့ဒေသခံတစ်ဦးက ပြောပြခဲ့ပါတယ်။

လက်ရှိ ပူတာအိုဒေသတွင် ဓါတ်ဆီ ၁ လီတာ တစ်ပုလင်းလျှင် ကျပ် ၃,၀၀၀ မှ ကျပ် ၄,၀၀၀ အထိ ပေါက်စျေးရှိနေတာဖြစ်တယ်လို့လည်း သိရပါတယ်။

"အခက်အခဲတွေက ရှိနေတုန်းပါပဲ။ ဒီမနက်ဆို ဘာဖြစ်လဲဆိုရင် နာရေးအိမ်တစ်ခုက အကူအညီတောင်းတာတောင် Body ကို သွားသယ်ပေးလို့ မရဘူးဖြစ်ခဲ့တယ်။

ကားဆီမရှိလို့လေ၊အခုရောင်းပေးတယ်ဆိုတာကလည်း တစ်ယောက်ကို ၃,၀၀၀ ဖိုးလောက် ကားဆိုရင် ၆,၀၀၀ ဖိုးလောက် ဒါ လောက်ပဲရောင်းပေးတော့ အဆင်မပြေခဲ့ပါဘူး။ စက်သုံးဆီအခက်အခဲက ရှိနေတုန်းပါပဲ။"လို့ ပူတာအိုမြို့ ဒေသခံတစ်ဦးက ဆက်လက် ပြောပြခဲ့ပါတယ်။

အဆိုပါ ပူတာအိုဒေသတွင် စက်သုံးဆီတွေ လနဲ့ချီကြာအောင် ပြတ်တောက်မှုတွေဖြစ်ပေါ်ခဲ့တာ ဖြစ်ပါတယ်။

သို့သော်လည်း ယမန်နေ့က ပူတာအိုမြို့သို့ ဆီဘောက်ဆာကားနှစ်စီး ပြန်လည်ဝင်ရောက်လာတဲ့အတွက် ဒီကနေ့မှစတင်ပြီး စက်သုံးဆီများကို ခွဲတမ်းနဲ့ ရောင်းချပေးခဲ့တာဖြစ်တယ်လို့လည်း သိရပါတယ်။

Photo - CJ

ymg/kg
#Yangon_Media_Group