#WorldSports
Published 09 March 2022

ငယ်စဉ်က ကလေးစစ်သားဖြစ်ခဲ့ဖူးတဲ့ နီပေါနိုင်ငံမှ မာရသွန်တာဝေးအပြေးမယ်'မီရာရိုင်'ဟာ နှစ်ပေါင်းများစွာတိုင်အောင် နံနက်တိုင်းတစ်ဦးတည်း အပြေးလေ့ကျင့်နေခဲ့ပါတယ်။

#Yangon_Media_Group

#LocalNews
Published_9 March 2022

ရခိုင်ပြည်နယ်မှာရှိတဲ့ စစ်ဘေးရှောင် စခန်း ၁၇၀ မှာနေထိုင်တဲ့ စစ်ဘေးရှောင်တွေအနေနဲ့ နေရပ်ပြန်ချင်တယ်ဆိုရင် ပြန်ပို့ပေးမယ်လို့ ရခိုင်ပြည်နယ် စီမံအုပ်ချုပ်ရေးကောင်စီက သိရပါတယ်။

#Yangon_Media_Group

Published 9 March 2022

အမေရိကန်နှင့်ဗြိတိန်တို့က ရုရှားထံမှ စွမ်းအင် တင်သွင်းတာတွေကို ဖြတ်ပစ်လိုက်ပြီလို့ မတ်(၈)ရက် နေ့က ကြေညာခဲ့ပါတယ်။ နိုင်ငံတကာစွမ်းအင်ကုမ္ပဏီတွေဖြစ်တဲ့ ရှဲလ်နှင့် ဘီပီတို့ကလည်း ရုရှားဆီက ရေနံနှင့် သဘာဝဓာတ်ငွေ့ တင်သွင်းမှုအသစ်တွေရပ်ဆိုင်းမယ်လို့ပြောပါတယ်။

အဲဒါကြောင့် လက်ရှိမှာ ရုရှားနှင့်ယူကရိန်းပဋိပက္ခတွေကြောင့် စက်သုံးဆီဈေးနှုန်းတွေမြင့်တက်နေတဲ့ အမေရိကန်မှာ အခုလို တင်သွင်းမှုပိတ်လိုက်တဲ့အတွက် ဈေးနှုန်းတွေ ထပ်မံမြင့်တက်မယ့်အလားအလာတွေရှိနေပါတယ်။

အခုဆို အမေရိကန်ပြည်ထောင်စုက  ဓာတ်ဆီဆိုင်တွေမှာ ဆီတစ်ဂါလံကို  ၄.၁၇ ဒေါ်လာပေးနေရပါပြီ။ တစ်လအတွင်း တစ်ဒေါ်လာနီးပါးဖြစ်တဲ့ ၇၂ ဆင့် တက်လာပါတယ်။ ဒီဈေးနှုန်းဟာ ၂၀၀၈ခုနှစ် ကမ္ဘာ့စီးပွားရေးကျဆင်းမှုနောက်ပိုင်းမှာ ဈေးအကြီးဆုံးဖြစ်ပါတယ်။

Source AFP

#LocalNews
Published_ 9 March 2022

ရန်ကုန်မြို့တော် သန့်ရှင်းရေးနဲ့ သပ်ရပ်စေရေးအတွက် အဓိကလမ်းမကြီးတွေမှာ ရန်ကုန်မြို့တော် စည်ပင်သာယာရေးကော်မတီက လုပ်ဆောင်နေတယ်လို့ သိရပါတယ်။

#Yangon_Media_Group

#LocalBusiness
Published - 9 Mar 2022

တောင်သူလယ်သမားတွေအနေနဲ့ နွေစပါးစိုက်ပျိုးရာသီစတင်နေပြီး လယ်ယာလုပ်ငန်းအတွက်လိုအပ်တဲ့ စိုက်ပျိုးရေးသွင်းအားစုတွေနဲ့ စက်သုံးဆီဈေးနှုန်းတွေက မြင့်တက်နေတာကြောင့် စိုက်စရိတ်ကြီးမားတာကြောင့် နွေစပါးစိုက်ပျိုးရေးအပေါ်ထိခိုက်မှုရှိလာတယ်လို့ ပဲခူးတိုင်းဒေသကြီး ပြည်ခရိုင်ကလယ်သမားတွေဆီက စုံစမ်းသိရှိရပါတယ်။

#Yangon_Media_Group

Published 9 March 2022

နစက ဥက္ကဋ္ဌ ဗိုလ်ချူပ်မှူးကြီးမင်းအောင်လှိုင်ဟာ တာဝန်ပြီးဆုံး၍ ပြန်လည်ထွက်ခွာတော့မယ့် မြန်မာနိုင်ငံဆိုင်ရာ ထိုင်းသံအမတ်ကြီး မစ္စစ် ဆူဖတ်ဖရာ ဆရီမိုင်းသရဖီတပ်ကို  ယနေ့မနက်ပိုင်းက နေပြည်တော်တွင် လက်ခံတွေဆုံ နှုတ်ဆက်ခဲ့တယ်လို့နစကရဲ့သတင်းထုတ်ပြန်ချက်အရ သိရပါတယ်။

ထိုင်းသံအမတ်ကြီးဟာ ကုလသမဂ္ဂနှင့် ဂျနီဗာအခြေစိုက် အပြည်ပြည်ဆိုင်ရာအဖွဲ့အစည်းတွေရဲ့ ထိုင်းနိုင်ငံဆိုင်ရာ အမြဲတမ်းကိုယ်စားလှယ်အဖြစ် တာဝန်တိုးမြှင့်ထမ်းဆောင်မှာဖြစ်တယ်လို့ သံတမန်အသိုင်းအဝန်းကသိရပါတယ်။ မြန်မာနိုင်ငံဆိုင်ရာ ထိုင်းသံအမတ်ကြီးအသစ်ရဲ့အမည်ကို ထိုင်းအစိုးရက ပေးပို့ထားပြီးဖြစ်တယ်လို့လည်း သတင်းအရင်းအမြစ်တွေကဆိုပါတယ်။

ထိုသို့တွေ့ဆုံရာတွင် မြန်မာ-ထိုင်း နှစ်နိုင်ငံသံတမန်ဆက်ဆံရေးနှင့် ချစ်ကြည် ရေးဆိုင်ရာ ကိစ္စရပ်များ၊ ကုန်သွယ်မှုလုပ်ငန်းများတွင် မြန်မာကျပ်ငွေနှင့် ထိုင်းဘတ်ငွေ များကို တိုက်ရိုက်ပေးချေနိုင်မှုကြောင့် နှစ်နိုင်ငံကုန်သွယ်မှုလုပ်ငန်းများ ပိုမိုတိုးတက် ကောင်းမွန်လာမည့်အခြေအနေများနှင့် ရင်းနှီးမြှုပ်နှံမှုလုပ်ငန်းများဖွံ့ဖြိုးတိုးတက်ရေး ကြိုးပမ်းဆောင်ရွက်လျက်ရှိမှု အခြေအနေများ၊ မြန်မာနိုင်ငံတွင် ကိုဗစ် - ၁၉ ရောဂါ ဒုတိယလှိုင်းကာလအတွင်း ကုသမှုအတွက်လိုအပ်သည့် အောက်ဆီဂျင်များရရှိရေး ထိုင်းနိုင်ငံမှ ကူညီဆောင်ရွက်ပေးခဲ့မှု  အခြေအနေများနှင့် လူသားချင်းစာနာ ထောက်ထားမှုဆိုင်ရာ အကူအညီများရရှိရေး ဆောင်ရွက်လျက်ရှိမှုအခြေအနေတွေကိုဆွေးနွေးခဲ့ကြတယ်လို့ သတင်းထုတ်ပြန်ချက်အရသိရပါတယ်။

နစကဥက္ကဋ္ဌ မြင်ကွင်းမှာ ရက်အတန်ကြာ ပျောက်ကွယ်နေခဲ့တဲ့အတွက် သူနှင့်ပတ်သက်လို့ ကျန်းမာရေးဆိုင်ရာ ကောလာဟလတွေများစွာထွက်ပေါ်ခဲ့ပြီးနောက် ယနေ့ ပထမဦးဆုံး ပြန်လည်ထွက်ပေါ်လာတာဖြစ်ပါတယ်။

#LocalNews
Published_9 March 2022

ရှားပါးမျိုးစိတ်ဖြစ်တဲ့ မြန်မာ့ကြယ်လိပ် မျိုးသုဉ်းမသွားဖို့ ခြံလှောင်မွေးမြူထားတဲ့ လိပ်သားပေါက်တွေကို မူရင်းဒေသတွေမှာ ပြန်ပို့လွှတ်ဖို့လုပ်နေတယ်လို့ လောကနန္ဒာဘေးမဲ့တောဥယျာဉ် အုပ်ချုပ်ရေးမှူး ဦးရွှေဌေးအောင်က YMG ကို ပြောပါတယ်။

#Yangon_Media_Group

#LocalNews
Published_ 9 March 2022

KNU အပါအဝင် NCA လက်မှတ်ရေးထိုးထားတဲ့ တိုင်းရင်းသားလက်နက်ကိုင်အဖွဲ့တော်တော်များများရဲ့ ခေါင်းဆောင်ပိုင်းတွေက အာဆီယံအထူးကိုယ်စားလှယ် ပရက်ဆော့ခွန်း( Prak Sokhonn) မြန်မာနိုင်ငံကိုလာရင် တွေ့ဆုံကြဖို့ရှိနေတယ်လို့ သိရပါတယ်။

#Yangon_Media_Group

#LocalNews
Published - 9 March 2022

သီတဂူကမ္ဘာ့ဗုဒ္ဓတက္ကသိုလ်(စစ်ကိုင်း)၏ စတုတ္ထအကြိမ်မြောက် မဟာဘွဲ့နှင်းသဘင်အခမ်းအနားကို ယနေ့ မတ်လ ၉ ရက်၊ နံနက်ပိုင်းက ကျင်းခဲ့ပြီး သီတဂူဆရာတော်ကြီး တက်ရောက်ချီးမြှင့်ခဲ့တယ်လို့ သိရပါတယ်။

စတုတ္ထအကြိမ်မြောက်မဟာဘွဲ့နှင်းသဘင်အခမ်းအနားကို ယနေ့နံနက်ပိုင်းတွင် သီတဂူကမ္ဘာ့ဗုဒ္ဓတက္ကသိုလ် (စစ်ကိုင်း)မဟာဘွဲ့နှင်းသဘင်ခန်းမဆောင်တွင်ကျင်းပခဲ့ရာ အခမ်းအနားသို့ သီတဂူအဓိပတိ ဆရာတော်ကြီးအမှူးပြုသော ပါမောက္ခ၊ ကထိက၊ ဘွဲခံကျောင်းသား ၄၀၀ နီးပါး တက်ရောက်ခဲ့ကြတယ်လို့ သိရပါတယ်။

အဆိုပါ အခမ်းအနားတွင် ဒေါက်တာ Ph.D ဘွဲရ (၃) ပါး၊ မဟာဝိဇ္ဇာ M.A ဘွဲရ (၁၀၁)ပါး၊ ဝိဇ္ဇာ B.A ဘွဲရ (၂၆၂)ပါး စုစုပေါင်း ဘွဲ့ခံကျောင်းသား (၃၆၆) ပါးအား သီတဂူဆရာတော်ဘုရားကြီးမှ ဘွဲ့တံဆိပ်များ ပေးအပ်ချီးမြှင့်ခဲ့တယ်လို့လည်း သီတဂူကမ္ဘာ့ဗုဒ္ဓတက္ကသိုလ်(စစ်ကိုင်း)မှ သတင်းထုတ်ပြန်ခဲ့ပါတယ်။

ဓါတ်ပုံ - သီတဂူစတား

ymg/kg
#Yangon_Media_Group

#LocalNews
Published - 9 March 2022
ကချင်ပြည်နယ်၊ ပန်နန်းဒင်မြို့ မှ (၆)ရက် ခရီးရှိခါကာဘိုရာဇီ တောင်ခြေရွာဖြစ်တဲ့ ထာလာထုရွာတွင်မီးလောင်မှုဖြစ်ပွားခဲ့ပြီး ရွာလုံးကျွတ်ပြာကျသည်အထိ မီးလောင်ဆုံးရှုံးမှုဖြစ်ပေါ်ခဲ့တယ်လို့ ဒေသခံများထံမှသိရပါတယ်။

မီးလောင်မှုကြောင့် လက်ရှိတွင် ထာလာထုရွာ အတွက် အရေးပေါ် အကူအညီများလည်း လိုအပ်နေတယ်လို့ ဆိုပါတယ်။အဆိုပါ ထာလာထုရွာတွင် အိမ်ခြေ ၁၁ အိမ် ရှိပြီး
လူဦးရေ ၇၀ ကျော်ရှိကာ မသန်းစွမ်းသူ ၃ ဦး နေထိုင်တဲ့ ရွာလေးဖြစ်တယ်လို့ လည်း သိရပါတယ်။

"ဘာကြောင့် မီးလောင်မှုဖြစ်ခဲ့တယ်ဆိုတာ တော့ တိတိကျကျ မသိရ သေးပါဘူး။ ရွာလုံးကျွတ်မီးဘေးသင့်ခဲ့ပါတယ်။ ရွာကလည်း အတော်လေးဝေးလံခေါင်ဖျားတဲ့ ဒေသမှာရှိပါတယ်။"လို့ ပူတာအိုမြို့ ရှိ လူမှု ကူညီရေးအသင်းမှ တာဝန်ရှိသူတစ်ဦးက ပြောပြခဲ့ပါတယ်။

အဆိုပါ ထာလာထုရွာဟာ ဆင်းရဲခေါင်ပါးလွန်းတဲ့အတွက် သွပ်မိုးပျဉ်အိမ် မဆောက်လုပ်နိုင်တဲ့အတွက်အိမ်တိုင်းက ဝါးအိမ်နှင့် သစ်လုံးလေးတွေနဲ့စီထားတဲ့ အိမ်တွေသာဆောက်လုပ်ပြီး အကုန်လုံးကို သက်ကယ်ရွက်နဲ့ပဲမိုးထားတဲ့ ခါကာဘိုရာဇီ တောင်ခြေက ရွာ လေးတစ်ရွာဖြစ်တယ်လို့ လည်း ဒေသခံတွေကပြောပါတယ်။

"ရွာနယ်မြေကျဉ်းမြောင်းတဲ့အတွက် တစ်အိမ်နဲ့တစ်အိမ်ကြား ၂ ပေ လောက်သာကွာခြားတယ်။ အမိုးချင်းထိ အောင် သက်ကယ်မိုးမိုးထားတယ်။ တစ်အိမ်မီးကူးရင် တစ်ရွာလုံးပြာကျဖို့သာ ကျန်တယ်။ စပါးကျီးတွေ အပါအဝင် ရှိသမျှ အကုန် မီးထဲပါသွားပါတယ်တဲ့။
အ ရေးပေါ် အတွက် စားဝတ်နေရေး အိုးခွက် ပန်းကန်း တွေ စောင်တွေ ယာယီထိုးဖို့ တဲမိုးကာဖြူတွေ လိုအပ်ပါမယ်။"လို့ ၎င်းက ဆက်လက်ပြောပြခဲ့ပါတယ်။

ထာလာထုရွာကို သွား ရောက်ဖို ဆိုပါက ကားဖြင့် ၁ ရက် ဆိုင်ကယ်နဲ့ ၁ ရက်၊ ခြေလျင် လမ်းလျောက် ၆ ရက်စုစုပေါင်း ၈ ရက် သွားရောက်ပို့ဆောင်ရတာဖြစ်ပြီး
အသွားအပြန်ဆိုပါက ၁၅ ရက်က နေ ၁၇ ရက် အထိ ကြာမြင့်တဲ့ ခရီးဖြစ်တယ်လို့ ဒေသခံ တွေက ဆိုပါတယ်။

"အစိုးရစာသင်ကျောင်းကလေးတော့ ရွာမှ ဘေးလွတ်ရာမှာ တည်ဆောက်ထားတဲ့အတွက် လွတ်မြောက်သွားတာ တွေ့ရပါတယ်။ ကျန်တဲ့ရွာက အိမ်တွေကတော့ မီးဘေးကြောင့် အကုန်ကုန်တာ ပေါ့ နော်။"လို့ ပူတာအိုမြို့ ဒေသခံတစ်ဦးက ပြောပြခဲ့ပါတယ်။

Photo - CJ

ပုံစာ - မီး လောင်မှုမဖြစ်ပွားခင်နှင့် မီးလောင်မှုဖြစ်ပွားပြီးထာလာထုရွာကိုတွေ့ မြင်ရစဉ်။

ymg/kg
#Yangon_Media_Group

#LocalNews
Published - 9 March 2022
ဒီကနေ့ မတ်လ ၉ ရက်၊ နံနက်(၁၀)နာရီ အချိန်တွင် ပြည်သူ့ပါတီ ဥက္ကဌ ဦးကိုကိုကြီးအား မြန်မာနိုင်ငံဆိုင်ရာ ပြင်သစ်သံအမတ်ကြီး H.E Mr.Christian Lechervy က ရန်ကုန်မြို့ရှိ ပြည်သူ့ပါတီ(ဗဟိုဌာနချုပ်)တွင် လာရောက်တွေ့ဆုံခဲ့တယ်လို့ သိရပါတယ်။

အဆိုပါတွေ့ဆုံမှုတွင် လက်ရှိ မြန်မာနိုင်ငံရေးအခြေအနေများအပေါ် ရင်းရင်းနှီးနှီး တွေ့ဆုံဆွေးနွေးခဲ့ကြတယ်လို့လည်း ပြည်သူ့ပါတီက သတင်းထုတ်ပြန်ထားပါတယ်။

အဆိုပါတွေ့ဆုံမှုတွင် ပြည်သူ့ပါတီ အတွင်းရေးမှူး (၁) ဦးကျော်ကျော်ထွေးနှင့် အတွင်းရေးမှူး (၂) ဦးကျော်ကျော်စိုးတို့ တက်ရောက်ခဲ့ကြပါတယ်။

ယင်းတွေ့ဆုံမှုအပေါ် ပြည်သူ့ပါတီ ဥက္ကဌ ဦးကိုကိုကြီးက "နိုင်ငံရေးနည်းလမ်း ပြန်လည်အသက်ဝင်လာစေဖို့ပြည်တွင်း၊ ပြည်ပကြိုးစားကြရမှာပါ။"လို့ လည်း သူ၏ လူမှုကွန်ရက်မှာ ရေးသားထားခဲ့ပါတယ်။

ဓါတ်ပုံ - ပြည်သူ့ပါတီ

ymg/kg
#Yangon_Media_Group

#DailyNews
Published - 9 Mar 2022

၁။ မျိုးသုဉ်းနိုင်သည့်ကြယ်လိပ်များကို မူရင်းဒေသများသို့ ပို့လွှတ်မည်

၂။ NCA ထိုးထားသည့်တိုင်းရင်းသားလက်နက်ကိုင်အဖွဲ့အများစု အာဆီယံအထူးကိုယ်စားလှယ်နှင့် တွေ့ဆုံနိုင်ရန်ရှိနေ

၃။ မိုးလဝေသ သတင်း

၄။ ကလေးစစ်သားဖြစ်ခဲ့ဖူးသည့် နီပေါမာရသွန်အပြေးမယ် ဆင်းရဲနွမ်းပါးမှုနှင့်လူတန်းစားခွဲခြားမှုကို အားကစားဖြင့်တိုက်ဖျက်ရန် လူငယ်မျိုးဆက်သစ်အပြေးသမားများလေ့ကျင့်ပေးနေ.......အစရှိတဲ့သတင်းတွေကိုတင်ဆက်ပေးသွားမှာပဲဖြစ်ပါတယ်။

#Yangon_Media_Group