#Local_News
Published 8 June 2024

▪️ ဧရာဝတီတိုင်းဒေသကြီး၊ ဖျာပုံခရိုင်၊ ဒေးဒရဲမြို့နယ်၊ ရှမ်းရွာကျေးရွာအုပ်စု၊ ရှမ်းရွာကျေးရွာအနီး ဖျာပုံ-ဒေးဒရဲကားလမ်း၊ မိုင်တိုင်အမှတ်(၉/၀)တွင် TOYOTA Axio(အဖြူရောင်)တစ်စီးတိမ်းမှောက်မှုကြောင့် အမျိုးသားတစ်ဦး​ေ-သဆုံးကာ လေးဦး ထိခိုက်ဒဏ်ရာရရှိခဲ့ကြောင်း မီးသတ်တပ်ဖွဲ့၏ သတင်းထုတ်ပြန်ချက်အရ သိရသည်။

▪️ ဇွန်လ ၇ရက် ည ၁၁နာရီခွဲခန့်က ဖြစ်ပွားခဲ့ကာ ရှမ်းရွာကျေးရွာအနီး ဖျာပုံ-ဒေးဒရဲကားလမ်း၊ မိုင်တိုင်အမှတ်(၉/၀)တွင် TOYOTA Axio(အဖြူရောင်)ယာဉ်သည် အရှိန်မထိန်းနိုင်ဘဲ လမ်းဘေးမြောင်းထဲသို ထိုးကျတိမ်းမှောက်မှုဖြစ်ပွားခဲ့ခြင်း ဖြစ်ကြောင်း သိရသည်။

▪️ အဆိုပါယာဉ်တိမ်းမှောက်မှုကြောင့် ယာဉ်ပေါ်ပါ အမျိုးသား(၅)ဦးအနက် အမျိုးသား (၁)ဦးသေဆုံးခဲ့ကာ အမျိုးသား(၄)ဦးထိခိုက်ဒဏ်ရာ(မစိုးရိမ်ရ)တို့ ရရှိခဲ့ကြောင်း သိရသည်။

▪️ ယာဉ်တိမ်းမှောက်သည့်နေရာသို့ ဒေးဒရဲမြို့နယ်မီးသတ်စခန်းမှ သန္ဓေမီးသတ်တပ်ဖွဲ့ဝင်များ၊ အရန်မီးသတ်တပ်ဖွဲ့ဝင်များက လာရောက်ပြီး ရှာဖွေကယ်ဆယ်ရေးလုပ်ငန်းများ ဆောင်ရွက်ပေးခဲ့ကာ ထိခိုက်ဒဏ်ရာရရသူများကို လူသားချင်းလူမှုကူညီရေးအသင်းမှ သူနာတင်ယာဉ်ဖြင့် ဒေးဒရဲမြို့နယ်ပြည်သူ့ဆေးရုံသို့ ပို့ဆောင်ပေးခဲ့ကြောင်း သိရသည်။

#YMG/LW #Yangon_Times

#Local_News
Published 8 June 2024

▪️ မကွေးတိုင်းဒေသကြီး မင်းဘူးမြို့နယ် ဧရာဝတီတံတားအောက် ဧရာဝတီမြစ်ထဲတွင် CPတွဲ သင်္ဘောတစ်စီး နစ်မြူပ်မှုဖြစ်ပွားခဲ့ကြောင်း မီးသတ်တပ်ဖွဲ့၏ သတင်းထုတ်ပြန်ချက်အရ သိရသည်။

▪️ ဇွန်လ ၇ ရက်နေ့လည် ၂နာရီ ခန့်ကမင်းဘူးမြို့နယ်၊ ထောင်ရှာပင်ကျေးရွာအနီ၊ ဧရာဝတီတံတားတိုင်အမှတ် ၁၇/၁၈ ကြားတွင် ဘိလပ်မြေအိပ်များတင်ဆောင်လာသော CP တွဲသင်္ဘောမှ တံတားတိုင်အား ဝင်ရောက်ပွတ်တိုက်မိပြီး ဝမ်းဗိုက်ပေါက်၍ ရေဝင်ရောက်နစ်မြုပ်မှုဖြစ်ပွားခဲ့ကြောင်း သိရသည်။

▪️ အဆိုပါ အခင်းဖြစ်ပွါးရာသို့ မင်းဘူးမြို့နယ်မီးသတ်မှ မီးသတ်စက်ယာဉ်(၁)စီး၊ အုပ်ချုပ်မှုယာဉ်(၁)စီး၊ ရှာဖွေကယ်ဆယ်ရေးတပ်ဖွဲ့ဝင်များဖြင့် ရှာဖွေကယ်ဆယ်ရေးလုပ်ငန်းများ ထွက်ခွာဆောင်ရွက်ပေးခဲ့ရာ ညနေ ၅နာရီ အချိန်တွင် ပြီးစီးခဲ့ကြောင်း သိရသည်။

▪️ ယင်းတွဲသင်္ဘောပေါ်ပါရှိသူများကို ကမ်းပေါ်သို့ရောက်ရှိရန် ကူညီဆောင်ရွက်ပေးခဲ့ကြောင်း သိရသည်။

#YMG/LW #Yangon_Times

#World_News
Published 08 June 2024

▪️ နျူကလီးယားစွမ်းအင်သုံး ရုရှားရေငုပ်သင်္ဘောတစ်စင်း လာမယ့်သီတင်းပတ်အတွင်း ဟာဗားနားကို ရောက်ရှိလာမယ်လို့ ကျူးဘားနိုင်ငံ ကွန်မြူနစ်အာဏာပိုင်များက ဇွန်လ ၆ ရက်နေ့မှာ ပြောကြားလိုက်ပါတယ်။

▪️ ရေငုပ်သင်္ဘောဟာ နျူကလီးယားလက်နက်များ တင်ဆောင်လာမှာ မဟုတ်ပေမယ့် နာမည်ကျော် ၁၉၆၂ ကျူးဘားဒုံးကျည်ပြဿနာကို ပြန်လည်အမှတ်ရစေပါတယ်။

▪️ နျူကလီးယား ရေငုပ်သင်္ဘော ကာဇန်၊ အစောင့်သင်္ဘော အက်ဒ်မရယ်ဂေ့ါရှ်ကော့ဗ်၊ ဆီတင်သင်္ဘောတစ်စင်းနဲ့ ကုန်ဆယ်တင်ရေး သင်္ဘောတစ်စင်းတို့ဟာ ဇွန် ၁၂ ရက်နေ့မှ ၁၇ ရက်နေ့အထိ ကျူးဘားမြို့တော်မှာ ဆိုက်ကပ်ထားမှာ ဖြစ်ကြောင်း၊ နျူကလီးယားလက်နက်တွေ မပါဝင်တာကြောင့် အန္တရာယ်ခြိမ်းခြောက်မှု မရှိကြောင်း ကျူးဘားတော်လှန်ရေး တပ်မတော်ဝန်ကြီးဌာနက ကြေညာလိုက်ပါတယ်။

▪️ ဒီလိုမျိုး နေရာချထားခြင်းက အနောက်တိုင်းကို အချက်ပေးသလို ဖြစ်နေပြီး ရုရှားစစ်တပ်က အမေရိကားနဲ့ အတော်လေး နီးစပ်လာမှာဖြစ်ပါတယ်။

▪️ ရုရှားသမ္မတ ဗလာဒီမာပူတင်က မကြာသေးမီက နျူကလီးယား ခြိမ်းခြောက်မှုများ ပြုလုပ်ထားရာ ယူကရိန်းအရေးနဲ့ ပတ်သက်ပြီး ရုရှားနဲ့ အမေရိကန်တို့ တင်းမာမှုမြင့်တက်နေချိန် ဖြစ်ပါတယ်။

▪️ အနောက်တိုင်းကို ပစ်ခတ်ချင်တဲ့ နိုင်ငံတွေအတွက် လက်နက်များ ထောက်ပံ့ပေးနိုင်တယ်လို့ ပူတင်က ပြောထားပါတယ်။

▪️ ၁၉၆၂ ကျူးဘားဒုံးကျည်ပြဿနာ ဆိုတာက အမေရိကန်နဲ့ ယခင်ဆိုဗီယက်ပြည်ထောင်စုတို့ ရင်ဆိုင်ခဲ့ကြတာဖြစ်ပြီး တစ်လနဲ့ ၄ ရက်ကြာမြင့်ခဲ့ကာ နျူကလီးယားစစ်ပွဲ ဖြစ်လုနီးပါးအန္တရာယ် ကျရောက်ခဲ့ပါတယ်။

▪️ အမေရိကန်က တူရကီများ ဒုံးကျည်များနေရာချထားခဲ့ရာ ဆိုဗီယက်ကလည်း ကျူးဘားထံ ဒုံးကျည်များ ပေးပို့ခဲ့ပါတယ်။

▪️ ကျူးဘားကနေသာပစ်ရင် အမေရိကန်အရှေ့ပိုင်း နေရာအများစုကို မိနစ်ပိုင်းအတွင်း ထိမှန်နိုင်ပါတယ်။

▪️ ထိုအချိန် အမေရိကန်သမ္မတ ဂျွန်အက်ဖ်ကနက်ဒီက ဆိုဗီယက်မှ ဒုံးကျည်ပေးပို့မှုများ ကျူးဘားသို့မရောက်နိုင်အောင် ရေကြောင်းပိတ်ဆို့မှု ချမှတ်ဖို့ ဆုံးဖြတ်ခဲ့ပါတယ်။

▪️ ဒီနောက် ဆိုဗီယက်သင်္ဘောများ တဖြည်းဖြည်း ဆုတ်ခွာသွားကာ ကျူးဘားမှ ဒုံးကျည်တွေကို ဆိုဗီယက်သို့ ပြန်လည်သယ်ဆောင်သွားပြီလို့ အကြောင်းကြားခဲ့သလို ကနက်ဒီကလည်း တူရကီမှ ဒုံးကျည်များကို ရုပ်သိမ်းကာ ကျူးဘားကို ဘယ်တော့မှ မကျူးကျော်ဘူးလို့ လျှို့ဝှက်စွာ ကတိပြုခဲ့ရကြောင်း သတင်းထွက်ပေါ်ခဲ့ပါတယ်။

#Source: WION

#Local_News
Published_08 June 2024

▪️ မြန်မာ့အော်တာနေးတစ်ဂီတလောက၏  ကြယ်ပွင့်တစ်ဦးဖြစ်သည့် အဆိုတော် ဂလဲ (အာတီချုပ်) သည် ယနေ့ ဇွန်လ(၈)ရက် မနက် 1:00 အချိန်က ကွယ်လွန်သွားကြောင်း ဂီတလောကသားများထံမှ သိရသည်။

▪️'စိတ်ကူး'ဆိုသည့် သီချင်းလေးဖြင့် တစ်ခေတ်တစ်ခါက လူငယ်အမျိုးသား‌များကြိုက်နှစ်ခဲ့ကြသည့် အဆိုတော်တစ်‌ဦးဖြစ်သလို တေးရေးဆရာ တစ်ဦးလည်းဖြစ်သည်။

▪️ "တကယ်စိတ်ထဲတော်တော်မကောင်းဘူး။ အခု ဆို 16 နှစ်ရှိပြီပေါ့။ ဒီပွဲလေးမှာ အမှတ်တရတွေများစွာ အာတီချုပ်ဂလဲ သူငယ်ချင်းကြီးရေ၊အေးချမ်းစွား အနားယူပါ၊ဒီနေ့မနက် အာတီချုပ် အဖွဲ့က Vocal ဂလဲလူလောက ထဲ က ထွက်သွားပါပြီ"ဟုလည်း အဆိုတော်ယုန်လေးက ဖော်ပြထားသည်။

▪️ ယ‌ခုမေလ(၂၇)ရက်မှာဘဲ ပရိတ်သတ်ရင်ထဲရောက်မည့် သီချင်းများပြင်ဆင်ထားပြီဖြစ်ကြောင်းအင်တာဗျူးတစ်ခု၌ ဖြေဆိုခဲ့ပြီး သူ့၏လသား အရွယ်ကလေးလေးနှင့်အမျိုးသမီးအားလည်း မိတ်ဆက်ခဲ့ပြီးနောက် ယခုဇွန်လ(၈)ရက်၌ ကွယ်လွန်သွားခဲ့ခြင်းဖြစ်သည်။

▪️ တစ်ကျော့ပြန်ဂီတလောကထဲ သီချင်းများဖန်တီးရန်ကြိုးပမ်းနေချိန်မှာဘဲ အသည်းရောဂါကြောင့် ကွယ်လွန်သွားကြောင်း ဂီတလောကသားများနှင့် သူ၏မိတ်ဆွေများမှ ဖော်ပြထားသည်။

#tthl #Yangon_Times

#Local_News
Published_08 June 2024

▪️ မြန်မာ့လူငယ်ဆရာ၊ ဆရာမကိုယ်စားလှယ်အဖွဲ့ဝင်(၁၇)ဦးသည် တရုတ်နိုင်ငံသို့ ချစ်ကြည်ရေးနှင့် ကူးလူးဖလှယ်ရေးခရီးစဉ်သွားရောက်ခဲ့ကြောင်း မြန်မာနိုင်ငံဆိုင်ရာတရုတ်သံရုံးမှ သိရသည်။

▪️ မြန်မာနိုင်ငံ ရန်ကုန်၊ နေပြည်တော်၊ မန္တလေး၊ မကွေး၊ ရခိုင်စသည့် တိုင်းဒေသကြီးနှင့်ပြည်နယ်အသီးသီးရှိ တရုတ်-မြန်မာ ချစ်ကြည်ရေးကျောင်းမှ လူငယ်ဆရာ၊ ဆရာမကိုယ်စားလှယ် ၁၇ ဦးသည် မေလ ၂၆ ရက်နေ့မှ ဇွန်လ ၄ ရက်နေ့ထိ တရုတ်နိုင်ငံ ပေကျင်း၊ ရှန်ဟိုင်း၊ ကူမင်းစသည့် မြို့များရှိ အထက်တန်းနှင့် အလယ်တန်းကျောင်းပေါင်း ၈ ကျောင်းသို လေ့လာရေးခရီး လာရောက်ခဲ့ကြသည် ဟုဆိုသည်။

▪️ ယင်းသို့လာရောက်ပြီး တရုတ်နိုင်ငံကျောင်းများ၏ ပညာသင်ကြားမှုနှင့် လုပ်ငန်းလည်ပတ်မှုအတွေ့အကြုံများကို သုတေသနပြုရင်း တရုတ်ကျောင်းမှဆရာ၊ ဆရာမ၊ ကျောင်းသား ကျောင်းသူများနှင့်အတူ ရင်းနှီးစွာကူးလူးဖလှယ်ခဲ့ကြရာ နှစ်ဦးနှစ်ဘက်မှကူးလူးဖလှယ်ပူးပေါင်းဆောင်ရွက်မှုကို မြှင့်တင်လိုသည့် တက်ကြွသောဆန္ဒကို ဖော်ပြခဲ့ကြသည်ဟုဖော်ပြထားသည်။

▪️ ပေကျင်းမြို့ကျင်းယွမ် (Jingyuan) ကျောင်းတွင် မြန်မာနိုင်ငံမှ ကိုယ်စားလှယ်အဖွဲ့သည် မူကြို၊ မူလတန်း၊ အလယ်တန်းနှင့် အထက်တန်းကျောင်းဌာနသို့ သွားရောက်လေ့လာရင်း အဆိုပါကျောင်း၏ နှစ်ပေါင်း ၁၅ နှစ်တိုင် ကျင့်သုံးခဲ့သည့် လက်တွေ့သင်ကြားမှုပုံစံများကို လေ့လာခဲ့ကြသည်။ ကူမင်းမြို့ရှီလိန် (Shilin) ခရိုင် တိုင်းရင်းသား အထက်တန်းကျောင်း၌ ကိုယ်စားလှယ်အဖွဲသည် ကျောင်းသားကျောင်းသူများမှ ဖျော်ဖြေသည့် တိုင်းရင်းသားရိုးရာအဆိုအကများကို ရှုစားခဲ့ကြသည်။

 ▪️ Affiliated School of Kunming NSAU Research Institute တွင် ကိုယ်စားလှယ်အဖွဲ့ကို ကျောင်းသားကျောင်းသူများမှ ၎င်းတို့ကိုယ်တိုင်ပြုလုပ်ထားသည့်မုန့်များ၊ အလှစက္ကူညှပ်လက်ရာများ၊ ပန်းထိုးအလှလက်ရာများဖြင့် ကြိုဆိုခဲ့ကြသည်။

▪️ တရုတ်နိုင်ငံရှိကျောင်းများ၏ ပြီးပြည့်စုံသော အဆောက်အအုံပစ္စည်းများ၊ သန့်ရှင်း၍ အလင်း ရောင်ကောင်းကောင်းရရှိသော စာသင်ကျောင်းဆောင်များ၊ ခေတ်မီသည့် ကျောင်းလည်ပတ်မှုအယူအဆများ၊ နွေးထွေးသည့် ကျောင်းဝင်းယဉ်ကျေးမှုများ၊ ကြွယ်ဝပြီးစိတ်ဝင်စားဖွယ်ရာ သင်ရိုးညွန်းတမ်းများသည် မြန်မာလူငယ် ဆရာ၊ ဆရာမများကို နက်ရှိင်းသော အမှတ်ထင်ကျန်ရစ်စေခဲ့သည်။

▪️ ထို့နောက် မြန်မာကိုယ်စားလှယ်အဖွဲ့သည် တရုတ်ယဉ်ကျေးမှု ရှေးဟောင်းအမွေအနှစ်ကိုလည်း လေ့လာကြည့်ရှုပြီး ဗုဒ္ဓမြတ်စွယ်တော်ကိုလည်း ဖူးမြော်ကြည်ညိုခဲ့ကြကြောင်း သိရသည်။

#tthl #Yangon_Times

#World_Health
Published 08 June 2024

▪️ အသက်အရွယ် ကြီးလာတဲ့အခါ အသားအရေဟာလည်း သဘာဝအတိုင်း ရင့်ရော်ယိုယွင်းလာကြပါတယ်။

▪️ ကော်လာဂျင်နဲ့ တင်းရင်းစေတဲ့ အမျှင်များ လျော့နည်းလာခြင်း၊ ဆဲလ်အသစ်ဖြစ်ပေါ်မှု နှေးသွားခြင်း၊ အစိုဓာတ် မထိန်းသိမ်းနိုင်ခြင်းတို့ကြောင့် အရေပြား တွန့်ခေါက်ခြင်း၊ ခြောက်သွေ့ခြင်း၊ အရောင်အသွေးမဲ့ခြင်းတို့ ဖြစ်ပေါ်လာပါတယ်။

▪️ ထိုကဲ့သို့ အသားအရည်ရင့်ရော်ခြင်းကို ပိုပြီးလျင်မြန်စွာ ဖြစ်ပေါ်စေမယ့် အလေ့အထများကို ဖော်ပြလိုက်ပါတယ်။

 
(၁) ဆေးလိပ်သောက်ခြင်းဖြင့် အရေပြားဆီသို့ သွေး၊ အောက်ဆီဂျင်နဲ့ အာဟာရဓာတ်များ ရောက်ရှိမှု နည်းပါးသွားကာ ကော်လာဂျင်များ ပျက်စီးစေပါတယ်။

 
(၂) ခရမ်းလွန်ရောင်ခြည်က ကော်လာဂျင်နဲ့ အီလက်စ်တင်တို့ကို ပျက်စီးစေကာ အရေးကြောင်းများ၊ အစက်အပြောက်များနဲ့ အရေပြားကင်ဆာတို့ ဖြစ်နိုင်ခြေ များစေပါတယ်။

 
(၃) အိပ်ရေးပျက်တဲ့အခါ ကော်တီဆောဟော်မုန်း များပြားလာပြီး ကော်လာဂျင်ကို ပျက်စီးစေကာ အရေပြားဆဲလ်အသစ် ဖြစ်ပေါ်ခြင်းကို နှောင့်နှေးစေပါတယ်။

 
(၄) အချိုဓာတ်များတဲ့ အစားအစာတွေနဲ့ အဆင့်ဆင့်ထုတ်လုပ်ထားတဲ့ စားစရာတွေက ရောင်ရမ်းခြင်းကို ဖြစ်စေပြီး ကော်လာဂျင်နဲ့ အီလက်စ်တင်တို့ကို ပျက်စီးစေပါတယ်။

 
(၅) ရေဓာတ်ခန်းခြောက်ခြင်းက အရေပြားခြောက်သွေ့ခြင်း၊ အရေးကြောင်းပေါ်ခြင်းတို့ ဖြစ်စေတာကြောင့် တစ်နေ့ကို အနည်းဆုံး ရေ ၈ ခွက်ခန့် သောက်သုံးသင့်ပါတယ်။

 
(၆) အယ်လ်ကိုဟော အလွန်အကျွံ သောက်သုံးခြင်းဖြင့် အရေပြားကို ရေဓာတ်ခန်းခြောက်စေပြီး အရေပြားကျန်းမာရေးအတွက် လိုအပ်တဲ့ အာဟာရဓာတ်များနဲ့ ဗိုက်တာမင်များ ချို့တဲ့စေပါတယ်။

 
(၇) ရေရှည်ဖိစီးမှုခံစားရခြင်းဖြင့် ကော်တီဆောဟော်မုန်း မြင့်တက်စေပြီး ကော်လာဂျင်ပျက်စီးစေပြီး အရေပြားကာကွယ်ရေး လုပ်ဆောင်ချက်ကို ယိုယွင်းစေပါတယ်။

 
(၈) လှုပ်ရှားလေ့ကျင့်ခန်း မပြုလုပ်ပါက သွေးလည်ပတ်စီးဆင်းမှု မကောင်းတော့ဘဲ အရေပြားမွဲခြောက်ကာ ကော်လာဂျင်ထုတ်လုပ်မှု အားလျော့စေပါတယ်။

 
(၉) အသားအရေ ထိန်းသိမ်းမှု မှန်ကန်စွာမပြုလုပ်ပါက သဘာဝအဆီဓာတ်များ လျော့ပါးသွားနိုင်တာကြောင့် အလွန်အကျွံ ပွတ်တိုက်လွန်းခြင်းမျိုး မပြုလုပ်သင့်ပါဘူး။

 
(၁၀) ပတ်ဝန်းကျင်လေထု ညစ်ညမ်းမှုကြောင့် အညစ်အကြေးတွေက အရေပြားထဲကို ဖောက်ဝင်ကာ ကော်လာဂျင်နဲ့ အီလက်စ်တင်တို့ကို ပျက်စီးစေပါတယ်။

 
▪️ ထိုအလေ့အထများကို ရှောင်ရှားခြင်းဖြင့် အရေပြားကျန်းမာရေး သိသိသာသာ တိုးတက်စေမှာဖြစ်ပြီး ရင့်ရော်ခြင်းဖြစ်စဥ်ကို နှေးစေမှာဖြစ်ပါတယ်။

#Source: DoctorNDTV

#Local_News
Published_08 June 2024

▪️ လုံခြုံရေးနှင့်ပတ်သက်၍ သက်စွန့်ဆံဖျားစရိတ်များကို တိုးမြှင့်ပေးနိုင်ရေးဆောင်ရွက်ခဲ့သည့်အပြင် အလားတူ နိုင်ငံ့ဝန်ထမ်းများဖြစ်သည့် မြန်မာနိုင်ငံမီးသတ်တပ်ဖွဲ့ဝင်များအတွက်လည်း ထောက်ပံ့မှုများတိုးမြှင့်ပေးခဲ့သကဲ့သို့ အခြားနိုင်ငံ့ဝန်ထမ်းများကို လည်းထောက်ပံ့မှုများပိုမိုဆောင်ရွက်ပေးနိုင်ရေး စီမံဆောင်ရွက်လျက်ရှိ ကြောင်း နစက ဥက္ကဌက ပြောသည်။

▪️ တပ်မတော်နှင့် မြန်မာနိုင်ငံရဲတပ်ဖွဲ့ဝင်များမှာ လုံခြုံရေးဆိုင်ရာတာဝန်ရှိသူများ အနေဖြင့် တစ်နိုင်ငံလုံး ဖြန့်ကျက်၍ လုံခြုံရေးလုပ်ငန်းများကို စဉ်ဆက်မပြတ်ဆောင်ရွက်လျက်ရှိကြောင်း၊ ထိုသို့ဆောင်ရွက်ခြင်းမှာ နိုင်ငံတော်၏ အချုပ်အခြာအာဏာတည်တံ့ခိုင်မြဲရေးအတွက် တာဝန်ထမ်းနေခြင်းပင်ဖြစ်ကြောင်း၊ ထို့ကြောင့် ၎င်းတို့အတွက် သက်စွန့်ဆံဖျားစရိတ်များကိုတိုးမြှင့်ပေးနိုင်ရေးဆောင်ရွက်ခဲ့ခြင်းဖြစ်ကြောင်း ယင်းက ပြောသည်။

▪️ ဇွန်လ ၇ ရက်က ပြုလုပ်သော နိုင်ငံတော်စီမံအုပ်ချုပ်ရေးကောင်စီ အစည်းအဝေး(၃/၂ဝ၂၄)တွင် နိုင်ငံတော်စီ မံအုပ်ချုပ်ရေးကောင်စီဥက္ကဋ္ဌနိုင်ငံတော်ဝန်ကြီးချုပ်ဗိုလ်ချုပ်မှူးကြီးမင်းအောင်လှိုင်က အထက်ပါအတိုင်း ပြေကြားလိုက်ခြင်းဖြစ်သည်။

▪️ ပြည်ပနိုင်ငံများအနေဖြင့် အကြမ်းဖက်လုပ်ရပ်ဆောင်ရွက်နေသည့်အဖွဲ့အစည်းများကိုအကြောင်းအမျိုးမျိုးဖြင့် တိုက်ရိုက်နှင့် သွယ်ဝိုက်၍ အကူအညီများပေးလျက်ရှိသည်ကို တွေ့ရှိရကြောင်း၊ အချို့ဒေသများတွင် ငြိမ်းချမ်းမှုကိုလိုလားသည့်တိုင်းရင်းသားအဖွဲ့များ၊ တပ်မတော်သားများနှင့် မြန်မာနိုင်ငံရဲတပ်ဖွဲ့ဝင်များပူးပေါင်း၍ အကြမ်းဖက်သောင်းကျန်းသူများကို တိုက်ခိုက်ချေမှုန်းနိုင်ခဲ့ပြီး သောင်းကျန်းသူများထံပေးပို့မည့် လက်နက်ခဲယမ်းများကို တားဆီးပိတ်ဆို့နိုင်ခဲ့ကြောင်းလည်း သိရသည်။

▪️ တပ်မတော်မှ ပြန်လည်ထိန်းချုပ်နိုင်ခဲ့သည့်ဒေသများရှိ မြို့ရွာများပြန်လည်ထူထောင်ရေး လုပ်ငန်းများကိုလည်း စဉ်ဆက်မပြတ် ဆောင်ရွက်ပေးလျက်ရှိကြောင်း၊ အကြမ်းဖက်သောင်း ကျန်းသူများအနေဖြင့် ၎င်းတို့လက်လွတ်ခဲ့ရသော မြို့ရွာများကိုမီးရှို့ဖျက်ဆီးခြင်းမှာ အလွန်စိတ်ထားသေးသိမ်သည့် လုပ်ရပ်များပင်ဖြစ်ကြောင်းလည်း ၎င်းက ဆိုသည်။

▪️ အကြမ်းဖက်သမားများအနေဖြင့် နိုင်ငံရေးကိစ္စကို အကြမ်းဖက်သည့်နည်းလမ်းများဖြင့် ဖြေရှင်းဆောင်ရွက်နေကြသည်ကိုတွေ့ရှိရကြောင်း၊ ပါတီစုံဒီမိုကရေစီလမ်းကြောင်းပေါ်တွင် လျှောက်လှမ်းရေးထက် နယ်မြေအလိုက်အာဏာရရှိရေးကို ဆောင်ရွက်နေကြသည်ကိုတွေ့ရကြောင်းလည်း နစက ဥက္ကဌက ပြောသည်။

▪️ အကြမ်းဖက်သမားများ၏ တရားမဝင်မူးယစ်ဆေးဝါး သယ်ယူရောင်းဝယ်မှုများကို တားဆီးနိုင်ရေးနှင့် လက်နက် ခဲယမ်းမီးကျောက်သယ်ယူမှုများ တားဆီးနိုင်ရေး အတွက်ဆောင်ရွက်လျက်ရှိကြောင်း၊ အချို့နေရာများရှိ လုံခြုံရေးစခန်းများကို လာရောက်တိုက်ခိုက်မှုများရှိသောကြောင့် လုံခြုံရေးပိုင်းနှင့်ပတ်သက်၍ လုပ်သင့်လုပ်ထိုက်သည်များကို အရှိန်အဟုန်မြှင့်၍ ဆက်လက်၍ဆောင်ရွက်သွားမည် ဖြစ်ကြောင်း ယင်းကပြောကြားခဲ့သည်။

#Yangon_Times/PP

#World_Health
Published 08 June 2024

▪️ အချို့လူတွေက အစားမစားခင်မှာ စားစရာတွေကို ဓာတ်ပုံရိုက်ကြလေ့ရှိပါတယ်။ 

▪️ ထိုကဲ့သို့ စားစရာတွေကို ဓာတ်ပုံရိုက်ခြင်းဟာ ဆိုရှယ်မီဒီယာမှာ တင်ဖို့အတွက်သာမက လူတွေရဲ့ စားသောက်မှုကိုလည်း တိုးတက်စေတယ်လို့ ဩစတြေးလျနိုင်ငံ ကာတင်တက္ကသိုလ်မှ သုတေသီများ တွေ့ရှိခဲ့ကြပါတယ်။

▪️ ယခင်က စမ်းသပ်ပါဝင်သူတွေ စားသုံးတာကို စစ်တမ်းကောက်ယူရာမှာ ၂၄ နာရီပတ်လုံး စားခဲ့တာတွေကို လေ့လာခဲ့ကြပါတယ်။

▪️ ယခုလေ့လာချက်ကတော့ လက်ကိုင်ဖုန်းထဲက Food Record အက်ပ်ဖြင့် စားစရာတွေကို ဓာတ်ပုံရိုက်ခိုင်းခဲ့ပြီး အာဟာရပညာရှင်က ဓာတ်ပုံတွေကို အကဲဖြတ်ခဲ့ပါတယ်။

▪️ ဒီလောက်လူပမာဏဖြင့် စမ်းသပ်ခဲ့တာဟာ ပထမဆုံးဖြစ်ပြီး မစားခင် စားစရာတွေကို ဓာတ်ပုံရိုက်တာက ဘယ်လောက်အထိ သက်ရောက်မှုရှိသလဲဆိုတာကို တွေ့ရှိခဲ့ကြပါတယ်။

▪️ လူတွေက စားခဲ့တာတွေကို မေ့တတ်ပြီး ယခုစမ်းသပ်ချက်က ဓာတ်ပုံရိုက်တာကြောင့် စားတာတွေကို အမှတ်ရနေစေပြီး မမှတ်မိမှာကို ဝန်ထုပ်ဝန်ပိုး မဖြစ်စေကြောင်း၊ စားခဲ့တာတွေကို ဓာတ်ပုံပြန်ကြည့်ပြီး လိုအပ်တဲ့ အစားအစာ အာဟာရတွေကို ဖြည့်စွက်စားသုံးနိုင်မှာဖြစ်ကြောင်း သုတေသနပြုစုသူ ကလဲဝစ်တန်က ပြောပါတယ်။

▪️ AI စနစ်ကို အသုံးပြုကာ ဓာတ်ပုံထဲက အစားအစာတွေကို အလိုအလျောက် အကဲဖြတ်ခဲ့ကြပါတယ်။

▪️ Food Record အက်ပ်ဖန်တီးသူ ပရော်ဖက်ဆာ ဒီဘိုရာကားက နေ့စဥ်ဓာတ်ပုံရိုက်သွားရုံဖြင့် စားခဲ့တာတွေကို အလွယ်တကူ ပြန်ကြည့်ရှုနိုင်မှာ ဖြစ်တယ်လို့ မှတ်ချက်ပြုလိုက်ပါတယ်။

▪️ ထိုကနေ လိုအပ်တဲ့ အာဟာရဓာတ်တွေကို တွက်ဆပြီး ချင့်ချိန်စားသောက်နိုင်မှာ ဖြစ်တယ်လို့ ပြောပြသွားပါတယ်။

#Source: The Jerusalem Post

၇ ဇွန် ၂၀၂၄

မြန်မာငွေတန်ဖိုး ကျဆင်းစေရေးအတွက် မည်သို့မျှမဖြစ်နိုင်သည့် ရွှေနှင့်ငွေကြေး ဈေးနှုန်းများကို ဆွဲတင်၍ တိုင်း ပြည်၏စီးပွားရေး ကျဆင်းမှုရှိစေရန်ရည်ရွက်ချက်ရှိရှိဆောင်ရွက်ခဲ့ကြကြောင်း ဗိုလ်ချုပ်မှူးကြီး မင်းအောင်လှိုင် က ပြောပါတယ်။

ယနေ့ ဇွန်လ(၇) ရက်က နေပြည်တော်မှာကျင်းပတဲ့နိုင်ငံတော်စီမံအုပ်ချုပ်ရေးကောင်စီ  အစည်းအဝေး  (၃/၂၀၂၄)  တွင် နစက ဥက္ကဋ္ဌ နိုင်ငံတော်ဝန်ကြီးချုပ်ဗိုလ်ချုပ်မှူးကြီး မင်းအောင်လှိုင်က ကောင်စီဝင်များကို ပြောကြားရာမှာ အဆိုပါအချက်ကိုထည့်သွင်းပြောကြားခဲ့တာဖြစ်ပါတယ်။

ဧပြီလအတွင်း ရွှေဈေးနှင့်ငွေကြေးဈေးနှုန်းများ သဘာဝမကျဘဲအဆမတန် ပြောင်းလဲလာသည်ကိုတွေ့ရပြီး ဝိသမစီးပွားရေးသမားများအနေဖြင့်ငွေကြေးတန်ဖိုး ကမောက်ကမ ဖြစ်အောင်ဆောင်ရွက်ခြင်းပင်ဖြစ်ကြောင်းနှင့် လိုအပ်သည့် စစ်ဆေးမှုများ ဆောင်ရွက်ခဲ့ရာ ရွှေဈေးနှင့်ငွေကြေးဈေးများသည့်ရှိသင့်ရှိထိုက်သည့်၊ ဖြစ်သင့်သည့်   ဈေးနှုန်းသို့ တဖြည်းဖြည်းကျဆင်းရှိလာခဲ့ပြီလို့လည်း ဗိုလ်ချုပ်မှူးကြီးရဲ့ပြောကြားကြောင်း နစကရဲ့ သတင်းထုတ် ပြန်ချက်မှာဖော်ပြထားပါတယ်။

ယခင်ကလည်း စီးပွားရေးအရ အရေးယူပိတ်ဆို့မှုများ၊ ဘဏ်စနစ်များပြိုလဲအောင် လုပ်ဆောင်မှုများနှင့် ငွေကြေး   ကမောက်ကမဖြစ်အောင်ဆောင်ရွက်ခြင်းများကိုမိမိတို့အနေဖြင့်ကြုံတွေ့ခဲ့ရပြီးထိုသို့သောအခက်အခဲအကြပ်  အတည်းများကြားမှနိုင်ငံ့စီးပွားရေး အတိုင်းအတာတစ်ခုအထိပြန်လည်ဦးမော့လာအောင်ဆောင်ရွက်နိုင်ခဲ့တယ် လို့ လည်း ဗိုလ်ချုပ်မှူးကြီးကပြောပါတယ်။

ငွေကြေးတန်ဖိုးတက်ခြင်း၊ ကျခြင်းထက် ငွေကြေးခိုင်မာမှုရှိစေရန် လိုအပ်မည်ထင်ကြောင်း ဗိုလ်ချုပ်မှူးကြီးက ဆက်လက်ပြောဆိုပြီး နိုင်ငံ့စီးပွားရေးကျဆင်းစေရန်ရည်ရွယ်၍ အဖက်ဖက်မှ ဝိုင်းဝန်းတိုက်ခိုက်နေကြခြင်းဖြစ်လို့  ငွေဈေး တည်ငြိမ်ရန်အရေးကြီးတယ်လို့လည်း  ပြောဆိုခဲ့ကြောင်းသိရပါတယ်။

ပြီးခဲ့တဲ့ ရက်များမှာ ရွှေဈေး၊ဒေါ်လာဈေးများ ထူးခြားစွာမြင့်တက်ခဲ့ခြင်းနှင့်ဆက်စပ်၍ ရွှေလုပ်ငန်းရှင်အချို့၊ ရွှေကုန်သည်အချို့၊ ငွေကြေးကစားသူအချို့ကို ဖမ်းဆီးထိန်းသိမ်းထားတဲ့အပြင် ထိုင်းနိုင်ငံတွင် ကွန်ဒိုတိုက်ခန်း ရောင်းချသူနှင့်ဝယ်ယူသူအချို့ကိုလည်း ဖမ်းဆီးထိန်းသိမ်းခဲ့ပါတယ်။ ယင်းတို့အထဲတွင် အချို့မှာ ထွက်ပြေး တိမ်းရှောင်လျက်ရှိကြောင်းလည်း နစကသတင်းထုတ်ပြန်ချက်များမှာဖော်ပြခဲ့ပါတယ်။

@ymg/knl

ကမ္ဘာပေါ်မှာ ဒုတိယအကြီးဆုံး ကုန်စည်သယ်ယူပို့ဆောင်ရေး ဆိပ်ကမ်းဖြစ်သလို တစ်ကမ္ဘာလုံး ကုန်စည်ဖြတ်သန်းပို့ဆောင်ခြင်းရဲ့ ၅ ပုံ ၁ ပုံလောက်အထိ ထိန်းချုပ်ထားတဲ့ စင်ကာပူဆိပ်ကမ်းမှာ လတ်တလော ကုန်ပစ္စည်းများ ပိတ်ဆို့နေပြီး ကုန်စည်သယ်ယူပို့ဆောင်ရေး စရိတ်များ သေချာပေါက်မြင့်တက်လာလိမ့်မယ်လို့ လုပ်ငန်းအတွင်းလူများမှ ဆိုပါတယ်။
#World_Industry
Published_07 June 2024
#ကုန်ပစ္စည်းများပိတ်ဆို့ #သယ်ယူပို့ဆောင်ရေးစရိတ်မြင့်တက်
#YMG #Yangon_Times #Yangon_Media_Group

#Daily_News
Published_07 June 2024

၁။ မြန်မာ့ရိုးရာ ဆေးမင်ကြောင်ထိုးခြင်း တစ်ခေတ်ဆန်းရန် ‌ကြိုးပမ်းဆောင်ရွက်နေ

၂။ မိုးကာလတွင် အပူပိုင်းဒေသများ၌ မိုးရေစုကန်၊ လျိုပိတ်ကန်များ တူးဖော်ဆောင်ရွက်နေ

၃။ ထိုင်းရောက်မြန်မာအလုပ်သမား‌‌များ၏ ဘဏ်စာအုပ်များကို လောင်းကစားလုပ်သူများနဲ့ ငွေကြေးခဝါချလိုသူတွေက အသုံးချတာတွေရှိနေတယ်ဟု မြန်မာသံရုံး ထုတ်ပြန်

၄။ စင်ကာပူဆိပ်ကမ်းတွင် ကုန်ပစ္စည်းများပိတ်ဆို့နေကာ သင်္ဘောဖြင့်သယ်ယူပို့ဆောင်ရေး စရိတ်မြင့်တက် ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Daily_News #Yangon_Times #Yangon_Media_Group #TV Yangon Times

၇ ဇွန် ၂၀၂၄

အိန္ဒိယရဲ့ နာရင်ဒရာမိုဒီကို ယနေ့ ဇွန်လ ၇ရက်နေ့ သောကြာနေ့မှာ သူ့ရဲ့ အမျိုးသားဒီမိုကရက်တစ်မဟာမိတ် ( အင်န်ဒီအေ)ရဲ့ အမတ်တွေက ဝန်ကြီးချုပ်အဖြစ် တရားဝင်တင်မြှောက်လိုက်ကြတဲ့အတွက်  သူဟာ တတိယသက်တမ်းဝန်ကြီးချုပ်အဖြစ် သမိုင်းဝင်သွားပါတယ်။ ယခုဆိုကမ္ဘာ့ လူဦးရေအထူထပ်ဆုံးအိန္ဒိယ နိုင်ငံဟာ ညွန့်ပေါင်းအုပ်ချုပ်တဲ့အစိုးရတစ်ခုအဖြစ် ပြန်လည်ရောက်ရှိသွားရတာလည်းဖြစ်ပါတယ်။

မိုဒီဟာ ဒီနေ့နှောင်းပိုင်းမှာ သမ္မတ ဒရိုပါဒီမာမူးနှင့်တွေ့ဆုံပြီး အစိုးရအဖွဲ့သစ်ဖွဲ့စည်းဖို့တင်ပြဖို့ရှိတယ်လို့ ပြောရေးဆိုခွင့်ရသူကပြောပါတယ်။ သူဟာ တနင်္ဂနွေညနေခင်းမှာ ကျမ်းသစ္စာကျိန်ဆိုဖို့ရှိမယ်လို့လည်း သူက ပြောပါတယ်။

မိုဒီရဲ့ ဘီဂျေပီပါတီဟာ အစိုးရဖွဲ့ဖို့ ဒေသဆိုင်ရာပါတီတွေနှင့် ထောက်ခံချက်ရယူရတာ ဆယ်စုနှစ်တစ်စု အတွင်း ဒါဟာ ပထမဆုံးအကြိမ်ဖြစ်ပါတယ်။ သူ့ပါတီဟာ အစိုးရဖွဲ့ဖို့ အမတ်နေရာ ၂၇၂ နေရာ လိုအပ်ခဲ့တာ ပါ။

အင်န်ဒီအေဟာ လော့ခ်ဆာဘာလို့ခေါ်တဲ့ အောက်လွှတ်တော်အမတ်နေရာ ၅၄၃ နေရာထဲမှာ ၂၉၃နေရာ နိုင်ခဲ့ပါတယ်။ ရာဟူးဂန္ဒီရဲ့ စင်ထရစ်ကွန်ဂရက် ပါတီက နေရာ၂၃၀ကျော်နိုင်ခဲ့ပြီး ခန့်မှန်းထာထက်  ပိုနိုင်ခဲ့ တာဖြစ်ပါတယ်။

ဘီဂျေပီနှင့် တီဒီပီနှင့် ဂျန်နာတာဒါ(ယူနိုက်တက်)ပါတီတွေပါဝင်တဲ့ ယင်းရဲ့မဟာမိတ်တွေက မိုဒီကို ခေါင်းဆောင်အဖြစ် ကန့်ကွက်သူမရှိဘဲ တစ်ခဲနက်မဲပေးခဲ့ကြတာပါ။

မိုဒီရဲ့အမည်ကို ရာထူးစွန့်လွှတ်တော့မယ့် ကာကွယ်ရေးဝန်ကြီး ရာနက်ဆင်းက တင်သွင်းခဲ့ပြီး တာဝန်ပြီးဆုံး တော့မယ့် ဝန်ကြီးတွေနှင့် မဟာမိတ်ပါတီခေါင်းဆောင်တွေက ထောက်ခံခဲ့ကြတာဖြစ်ပါတယ်။

အမတ်အသစ်တွေနှင့် မဟာမိတ်အဖွဲ့တွေရဲ့ ဝါရင့်ခေါင်းဆောင်တွေက မိုဒီကို တစ်ခဲနက်ထောက်ခံကြပြီး မိုဒီ မိုဒီလို့ ပါလီမန်အဆောက်အဦဟောင်းရဲ့ ဗဟိုခန်းမအတွင်း ဟစ်ကြွေးခဲ့ကြပါတယ်။ ဘီဂျေပီက နိုင်ငံခြားရေး၊ ကာကွယ်ရေး၊ပြည်ထဲရေးနှင့်ဘဏ္ဍာရေး အဓိကဝန်ကြီးဌာနလေးခုကိုရယူဖို့ရှိနိုင်ပြီး မဟာမိတ်တွေက အောက်လွှတ်တော်ဥက္ကဋ္ဌနေရာ မျက်စေ့ကျနေကြပါတယ်လို့ အိန္ဒိယမီဒီယာတွေက သတင်းရေးသားကြပါ တယ်။

Source Reuters