Published 29 March 2022
ကိုဗစ်-၁၉ ကြောင့် စီးပွားရေး ချွတ်ခြုံလုနီးပါးကျဆင်းခဲ့ရတဲ့ ထိုင်းနိုင်ငံရဲ့ အပန်းဖြေကျွန်း ဖူးကက်မှာ ယခုဆိုရင် ငါးဖမ်း သင်္ဘောတွေရဲ့ မာလိန်မှူးတွေဟာ တူနာငါးတွေကြောင့် စီးပွားရေးပြန်ထူထလာနိုင်မယ်လို့ ယုံကြည်နေကြပါတယ်။

တူနာငါးဖမ်းတဲ့အလုပ်ဟာ ဖူးကက်မှာ အရေးကြီးတဲ့ အသက်မွေးမှုတစ်ခုဖြစ်ပါတယ်။ ကျွန်းသားတွေအတွက် အမေရိကန်ဒေါ်လာ ထောင်ချီပြီး ဝင်ငွေတွေရရှိတဲ့လုပ်ငန်းဖြစ်တာကြောင့်ပါ။ ဒါပေမယ့် ၂၀၁၄ခုနှစ်မှာ တရားမဝင် ဥပဒေမဲ့ ငါးဖမ်းဆီးခြင်းတွေကို နှိမ်နှင်းခဲ့ပြီး စည်းမျည်းတွေတင်းကြပ်လိုက်တဲ့အခါ လုပ်ငန်းတွေစွန့်လွှတ်ခဲ့ကြရပါတယ်။

ဒါပေမယ့် ကိုဗစ်ကြောင့် စီးပွားရေးအပေါ်ရိုက်ခတ်မှုတွေဖြစ်လာတဲ့အခါ ဖူးကက်အာဏာပိုင်တွေက  ကမ္ဘာလှည့်တွေအပေါ် လုံးလုံးလျားလျားမှီခိုတာတွေမလုပ်ချင်တော့ဘဲ တူနာငါးဖမ်းလုပ်ငန်းကို ပြန်လည်အသက်သွင်းချင်လာခဲ့ကြပါတယ်။

ဖူးကက်က သင်္ဘောမာလိန်မှူးတော်တော်များများဟာ ပြောင်းလဲတင်းကြပ်ထားတဲ့ ငါးဖမ်းစည်းမျည်းတွေနှင့် ကိုက်ညီအောင် သူတို့ရဲ့ သင်္ဘောတွေကို ပြန်ပြီးပြုပြင်မွမ်းမံနေကြပါတယ်။ တူနာငါးမဖမ်းဖူးတဲ့ သင်္ဘောသားတွေကိုလည်း ငါးဖမ်းနည်းတွေ သင်ပေးနေကြပါတယ်။

“ တူနာငါးတွေပြန်ဖမ်းတဲ့စိတ်ကူးဟာ အလွန်ကောင်းပါတယ်။ လူတွေ အလုပ်ပိုရလာမယ်။ အခြားဒေသတွင်းက စီးပွား ရေးလုပ်ငန်းတွေကို အထောက်အပံ့ဖြစ်စေမယ်။ တူနာဟာ ဈေးကောင်းရလို့ ဝင်ငွေတွေကောင်းလာမယ်” လို့ သင်္ဘာမာလိန်မှူးတစ်ဦးဖြစ်တဲ့ အမ်နတ်ဂျိုအေကော်က ပြောပါတယ်။

ကိုဗစ်ကပ်ဘေးမတိုင်ခင်က ဖူးကက်စီးပွားရေးဟာ ခရီးသွားလုပ်ငန်းကို လုံးလုံလျားလျားနီးပါး မှီခိုထားရတာပါ။ ဖူးကက်ဟာ နိုင်ငံတကာနှင့်ပြည်တွင်းခရီးသွားဝင်ငွေတွေရဲ့ ၉၅ ရာခိုင်နှုန်းရရှိနေတာပါ။ ဒါပေမယ့် (၂)နှစ်တာကာလအတွင်း ခရီးသွား မရှိသလောက်ဖြစ်ခဲ့ပြီး ရာပေါင်းများစွာသော လုပ်ငန်းတွေ ဖူးကက်မှာရပ်တန့်ခဲ့ရပါတယ်။

အဲဒီအခြေအနေကိုပြောင်းလဲပစ်ဖို့အတွက် ဖူးကက်ဟာ အစားအသောက်ကောင်းချက်ပြုတ်ခြင်း၊ပညာရေး၊လှေဆိပ်၊ ကျန်းမာရေး၊အားကစား၊စမတ်စီတီးနှင့် တူနာလုပ်ငန်းတွေ ဖွံ့ဖြိုးတိုးတက်စေဖို့ အစီအစဉ်ကို စတင်ခဲ့ပါတယ်။

“ဖူးကက်မှာ အခွင့်အလမ်းတွေ အများကြီးရှိတယ်။ ဒါပေမယ့် အရင်က ခရီးသွားလုပ်ငန်းကိုပဲ အာရုံထားခဲ့တယ်။ ကျွန်တော်တို့ ကျွန်းမှာ လုပ်လို့ရတာတွေအများကြီးပဲ။ အခုအစီအစဉ်က ကျွန်တော်တို့ကို အရင်ထက်ပိုပြီး သန်မာအားကောင်းစေလာလိမ့်မယ်” လို့ ဖူးကက် ကုန်သည်ကြီးများအသင်းဥက္ကဋ္ဌ သန်နူဆက် ဖွန်ဒက်ကပြောပါတယ်။

Source CMG

#LocalNews
Published_ 29 March 2022
စင်ကာပူနိုင်ငံတွင်ရောက်ရှိနေတဲ့ မြန်မာနိုင်ငံသား ၁၁၇ ဦးအား ကယ်ဆယ်ရေး လေယာဉ်ဖြင့် မနေ့က ရန်ကုန်မြို့သို့ ပြန်လည်ပို့ ဆောင်ပေးခဲ့ကြောင်း သိရပါတယ်။

မြန်မာနိုင်ငံသို့ ပြန်လည်ထွက်ခွာလိုသည့် မြန်မာနိုင်ငံသားများအား မတ် ၂၈ ရက်၊ တနင်္လာနေ့၊ ဒေသစံတော်ချိန် ၁၂နာရီခွဲတွင် (၉၇) ကြိမ်မြောက် ကယ်ဆယ်ရေး လေယာဉ် အဖြစ် မြန်မာအမျိုးသားလေကြောင်းလိုင်းဖြင့် စင်ကာပူနိုင်ငံမှရန်ကုန်မြို့သို့ ပြန်လည် ပို့ဆောင်ပေးခဲ့ခြင်းဖြစ်ပါတယ်။

အဆိုပါ ကယ်ဆယ်ရေး လေယာဉ်တွင် စင်ကာပူနိုင်ငံသို့ ကာလတို လာရောက်စဉ် COVID-19 ကြောင့် ပိတ်မိနေသူများ၊ စင်ကာပူနိုင်ငံတွင် ပညာသင်ကြားနေသည့် ကျောင်းသား/ ကျောင်းသူများ၊ ကိုယ်ဝန်ဆောင်မိခင်များ၊ အလုပ်လုပ်ခွင့်ပါမစ် ဖျက်သိမ်း/ ရပ်နားခြင်း ခံထားရသူများ၊ သင်္ဘောသားများနှင့် မြန်မာနိုင်ငံရှိ မိသားစုများထံ အလည်အပတ် ပြန်ကြသူများ အပါအဝင် စုစုပေါင်း ၁၁၇ ဦး လိုက်ပါသွားခဲ့ပါတယ်။

အဆိုပါ ကယ်ဆယ်ရေးလေယာဉ်ဖြင့် လိုက်ပါမည့် မြန်မာနိုင်ငံသားများ အနေဖြင့် လေဆိပ်၌ လူဝင်မှုကြီးကြပ်ရေးဆိုင်ရာ ကိစ္စရပ်များ ဆောင်ရွက်ရာတွင် အခက်အခဲ မရှိစေရေးနှင့် စင်ကာပူနိုင်ငံမှ အဆင်ပြေချောမွေ့စွာ ထွက်ခွာနိုင်ရေး အတွက် မြန်မာသံရုံးမှ တာဝန်ရှိသူများက ချန်ဂီအပြည်ပြည်ဆိုင်ရာ လေဆိပ်၌ လိုအပ်သည်များ ကူညီဆောင်ရွက်ပေးခဲ့ကြောင်း သိရှိရပါတယ်။

ymg-mnn
#Yangon_Media_Group

#LocalNews
Published_29 March 2022

ထိုင်းနိုင်ငံထဲကို တရားမဝင် ဝင်နေကြတဲ့ အထောက်အထားမဲ့ မြန်မာတွေ အဖမ်းခံရတာတွေ တောက်လျှောက် ရှိလာနေတဲ့အတွက် အများစုက တရားဝင်လမ်းကြောင်းကနေ သွားချင်လာကြပါပြီ။

#Yangon_Media_Group

#LocalNews
Published_29 March 2022

ရန်ကုန်တိုင်းဒေသကြီးအတွင်းမှ မြန်မာနိုင်ငံအနှံ့သို့ ပြေးဆွဲနေကြသည့် ခရီးသည်တင်ယာဉ်လိုင်းများ ဈေးတက်နေကြပြီ ဖြစ်ကြောင်း သိရသည်။

"အရင်က ရန်ကုန်ကနေ သံတွဲတောင်ကုတ်ကိုသွားတယ်ဆိုရင် လေအိတ်ကား တစ်ယောက်ကို နှစ်သောင်းခွဲကနေ ခုဆိုရင် သုံးသောင်းခွဲပါ။ကားဂိတ်တွေအားလုံးလိုလို ဈေးတက်ပါတယ်။ လက်မှတ်တွေကိုလည်း ဧပြီလ ပထမပတ်မှာ ပြန်မယ်ဆိုရင် အခုကတည်းက ကြိုဝယ်ရတာ ပါ"ဟု ရခိုင်ပြည်နယ်သို့ ပြန်မည့်ခရီးသည်တစ်ဦးက ပြောသည်။

လက်ရှိတွင် စက်သုံးဆီဈေးနှုန်းများ မြင့်တက်နေသောကြောင့် အဝေးပြေးယာဉ်စီးနင်းခကို ဈေးတိုးကောက်ခံခြင်း ဖြစ်ကြောင်း အဝေးပြေးယာဉ်လိုင်းများက သိရသည်။

"မကိုက်ဘူးလေဗျာ။ကျွန်တော်တို့က ခရီးသည်တွေကို ငဲ့ကွက်ပြီးတော့ ပြေးဆွဲပေးနေတာပါ။တကယ်တမ်းကတော့ ဆီဈေးတက်တာ အားလုံး သိတဲ့အတိုင်း ၊ မပြေးဆွဲဘဲ ရပ်ပစ်လိုက်ဖို့ အထိ စဉ်းစားနေကြသူတွေအများကြီးပါ။ဒါပေမယ့်လည်း ခရီးသွားတွေအဆင်ပြေအောင်လို့ ပါ ခင်ဗျာ"ဟု အဝေးပြေးယာဉ်လိုင်းလုပ်ငန်းတစ်ခုတွင် လုပ်ကိုင်နေသူက ပြောသည်။

သို့သော်လည်း ရန်ကုန်တိုင်းဒေသကြီး၊ ပုဂ္ဂလိက သယ်ယူပို့ဆောင်ရေး ကြီးကြပ်မှုကော်မတီ (YRTC) အနေဖြင့် အဝေးပြေး ယာဉ်လိုင်းခများ တိုးမြှင့်ကောက်ခံသည်ကို တိုင်ကြားသူရှိပါက အရေးယူမည်ဟု မီဒီယာများကို ထုတ်ပြန်ပေးထားသည်။

သင်္ကြန်ရုံးပိတ်ရက်ကာလ နေရပ်ပြန်ကြသူများရှိသောကြောင့် အဝေးပြေးယာဉ်လိုင်းများတွင် ပုံမှန်ကာလ ထက် စီးနင်းသူ များပြားကာ လက်မှတ်ဝယ်ယူသူများလည်း အလွန်များပြားကြောင်း ၊သို့သော်လည်း ၂၀၂၀ ပြည့်နှစ် ကိုဗစ်ကာလ နောက်ပိုင်းတွင် ခရီးသွားများ သိသိသာသာလျော့ကျခဲ့ကြောင်း သိရသည်။

အဝေးပြေး ယာဉ်လိုင်းတွေကို သင်္ကြန်မတိုင်မီ ကာလနှင့် သင်္ကြန်ပြီးကာလအတွင်း နေရပ်ပြန်ကြမည့်ခရီးသည်အပေါ်ကြည့်၍ ပြေးဆွဲပေးမည် ဖြစ်ရာသင်္ကြန်ပိတ်ရက်တွင် အဝေးပြေး ယာဉ်လိုင်းပြေးဆွဲမှုနည်းပါးမည် ဖြစ်ကြောင်း၊လက်ရှိတွင် အဝေးပြေးယာဉ်လိုင်း ၁၉၀ မှ ယာဉ်အစီးရေ ၄၉၉ စီးဖြင့် ခရီးသည် ၆၀၀၀ ခန့်ကို နေ့စဉ်ပြေးဆွဲပေးနေကြောင်း သိရသည်။

ymg/mt
#Yangon_Media_Group

#LocalNews
Published - 29 March 2022
အိန္ဒိယနိုင်ငံမှ မြန်မာမတ်ပဲနှင့် ပဲစဉ်းငုံတင်သွင်းခွင့်ကို ၂၀၂၃ခုနှစ် မတ်လအထိ တစ်နှစ်ထပ်တိုးသတ်မှတ်လိုက်တယ်လို့ ATC ဧရာကုန်သွယ်မှုဗဟိုဌာနက ထုတ်ပြန်ထားပါတယ်။

မြန်မာမတ်ပဲနှင့် ပဲစဉ်းငုံ လွတ်လပ်စွာ တင်သွင်းခွင့်ကို ယခုနှစ် မတ်လအထိသာ နောက်ဆုံးလို သတ်မှတ်ထားရာကနေ နောက်နှစ် မတ်လအထိ ထပ်တိုးသတ်မှတ်လိုက်တာ ဖြစ်ပါတယ်။

“ လာမယ့်နှစ် ၂၀၂၃ မတ်လအထိ တစ်နှစ်ထပ်တိုးလိုက်တာပေါ့။ အိန္ဒိယနိုင်ငံဘက်က သူတို့ ငွေကြေးဖေါင်းပွတာနဲ့ ရင်ဆိုင်နေရတာရယ်၊ နောက်တစ်ချက်က ပဲဈေးကွက်ကို ထိန်းချင်တာလည်းပါတယ်။ ပမာဏအကန့်အသတ်မရှိဆိုပြီး သတ်မှတ်လိုက်တာ။ အဲဒါကြောင့် သူတို့ ပြည်တွင်းဈေးကို ထိန်းလိုက်သလို ဖြစ်သွားတယ်။ သူတို့ ပြည်တွင်းမှာ ဈေးအများကြီး သိပ်မတက်တော့ဘူးပေါ့” လို့ ဧရာကုန်သွယ်မှု ဗဟိုဌာန ဦးနေဝင်းစိုးက YMG ကို ပြောပါတယ်။

လက်ရှိ ပြည်တွင်း မတ်ပဲဈေးကွက်မှာ ၂၀ ပိဿာ တစ်အိတ်ကို ၅၀၀၀၀ ဝန်းကျင်းမှာ ဈေးရရှိနေပြီး မြန်မာနိုင်ငံက အဓိကတင်သွင်းနေတဲ့ အိန္ဒိယနိုင်ငံက ပဲတင်သွင်းခွင့် တစ်နှစ်ထက်တိုးလိုက်တဲ့အတွက် ပြည်တွင်း ပဲဈေးကွက်အခြေအနေမှာ အေးသွားနိုင်တယ်လို့ ဦးနေဝင်းစိုးက သုံးသပ်ပါတယ်။

“ ကျွန်တော်တို့ပြည်တွင်းဈေးကွက်မှာလည်း အိန္ဒိယကို အေးဆေးလည်းတင်သွင်းလို့ ရပြီး တစ်နှစ်လောက်အချိန်ရပြီ ဆိုတော့ ပဲက အလုအယက်ဝယ်စရာမလိုတော့ဘူး ဆိုတော့ ပဲဈေးက နည်းနည်းတော့ ပြန်အေးသွားနိုင်တယ်။ ဒါ့ပေမယ့် လက်တလော အခြေအနေပဲ ပြန်အေးသွားနိုင်တာ၊ မြန်မာနိုင်ငံက ကုန်ဈေးနှုန်း အားလုံးဟာ ရွှေဈေး၊ ဒေါ်လာဈေး၊ မြန်မာငွေကြေး ဈေးနှုန်းပေါ်မှာ မူတည်နေတာဆိုတော့ အများကြီးတော့ မကျနိုင်ဘူး ပြန်တော့ ဈေးပြန်တက်နိုင်တယ်” လို့ ဦးနေဝင်းစိုးက ပြောပါတယ်။

မြန်မာနိုင်ငံနဲ့ အိန္ဒိယနိုင်ငံအကြား ၂၀၂၁-၂၀၂၂ ဘဏ္ဍာနှစ်ကနေ ၂၀၂၅-၂၀၂၆ ဘဏ္ဍာနှစ်အထိ အိန္ဒိယနိုင်ငံကို မတ်ပဲ တန်ချိန် ၂ ဒဿမ ၅ သိန်းနဲ့ ပဲစဉ်းငုံ တန်ချိန် ၁ သိန်းကို တင်ပို့ရောင်းချသွားဖို့ လက်မှတ်ရေးထိုးထားပါတယ်။

ymg/ei

#LocalNews
Published -29 Mar 2022

၂၀၂၂ခုနှစ် သင်္ကြန်ကာလမှာ ရခိုင်ရိုးရာသင်္ကြန်ပွဲတော် ကို ရန်ကုန်မှာ ကျင်းပသွားမှာမဟုတ်သော်လည်း ရခိုင်ရိုးရာ နံ့သာသွေးပွဲနဲ့ ဘုရား ရေသပ္ပာယ်ခြင်းပွဲတော်ကို ကျင်းပသွားမယ်လို့ ရခိုင်စာပေနဲ့ယဉ်ကျေးမှုအသင်း (ရန်ကုန်) ကသိရပါတယ်။

#Yangon_Media_Group

#LocalNews
Published - 29 March 2022
ရှစ်လအတွင်း တိုင်းရင်းသားလက်နက်ကိုင်အဖွဲ့ EAOs နယ်မြေများ၌ တိုက်ပွဲဖြစ်ပွားမှုက အ ရေအတွက် နှစ်ထောင်ကျော်ရှိလာတယ်လို့ ISP Myanmar ၏ သု တေသနစစ်တမ်းတွင် ဖော်ပြခဲ့ပါတယ်။

အဆိုပါ တိုက်ပွဲတွေဟာ ပြီးခဲ့တဲ့ ၂၀၂၁ ခုနှစ်၊ ဇူလိုင် ၁ ရက် ကနေ ၂၀၂၂ ခုနှစ်၊ မတ် ၂၀ ရက်အထိ ရှစ်လတာကာလအကြား တိုင်းရင်းသားလက်နက်ကိုင်တပ်ဖွဲ့တွေ (EAOs) ရဲ့ နယ်မြေတွေမှာ တပ်မတော်နဲ့ EAOs တွေရဲ့ အကြားတိုက်ပွဲ အကြိမ်ရေ( ၂,၁၉၃) ကြိမ်ထက်မနည်း ဖြစ်ပွားခဲ့ခြင်းဖြစ်တယ်လို့ ISP Myanmar က ဆိုပါတယ်။

တိုက်ပွဲတွေဟာ ကရင်ပြည်နယ်၊ ကချင်ပြည်နယ်၊ ကယားပြည်နယ်နဲ့ ချင်းပြည်နယ်အတွင်းက EAOs နယ်မြေတွေမှာ ဖြစ်ပွားခဲ့ခြင်း ဖြစ်ပါတယ်။

အဲ့ဒီအထဲကမှ ကရင်အမျိုးသားအစည်းအရုံး(KNU)ရဲ့ နယ်မြေ အတွင်းမှာတော့ (၁,၇၇၅)ကြိမ်ထက်မနည်း တိုက်ပွဲတွေ ဖြစ်ပွားခဲ့သလို ယခုမတ်လ ၁၉ ရက်နေ့ကလည်း KNU တပ်မဟာ ၃ ထိန်းချုပ်နယ်မြေထဲက ကွီးလားကျေးရွာနဲ့ တကက်ပူကျေးရွာတို့တွင် စစ်ရေးတင်းမာနေတဲ့ အခြေအနေတွေ ရှိနေတယ်လို့ ဆိုပါတယ်။

တဆက်တည်းမှာပဲ တိုင်းနှင့်ပြည်နယ် ဒေသအသီးသီးမှာ တပ်မတော်နဲ့ ဒေသခံကာကွယ်ရေးတပ်ဖွဲ့ တို့ အကြား တိုက်ပွဲဖြစ်ပွားမှုတွေကလည်း ပိုမိုကျယ်ပြန့်လာခဲ့သလို ၂၀၂၁ ခုနှစ်၊ ဇူလိုင် ၁ ရက်ကနေ ၂၀၂၂ ခုနှစ်၊ မတ် ၂၀ ရက်ထိ ကိုးလတာအတွင်း တပ်မ တော်နဲ့ ဒေသခံကာကွယ်ရေး တပ်ဖွဲ့တွေအကြား တိုက်ပွဲဖြစ်ပွားမှု ၇၆၈ ကြိမ်ထက်မနည်း ရှိခဲ့တာဖြစ်တယ်လို့ သိရပါတယ်။

ဒါ့အပြင် စစ်ကိုင်းတိုင်းမှာ တိုက်ပွဲဖြစ်ပွားမှု အများဆုံး ဖြစ်ခဲ့ပြီး ၂၉၃ ကြိမ်ထက်မနည်း ရှိခဲ့ကာ မြေပြင်အခြေအနေမှာတော့ အခုဖော်ပြတဲ့ ကိန်းဂဏန်းတွေထက် ပိုများနိုင်မယ်လို့ ဆိုပါတယ်။

ထို့အပြင် ၂၀၂၁ ခုနှစ်၊ ဇူလိုင် ၁ ရက်ကနေ ၂၀၂၂ ခုနှစ် ဖေဖော်ဝါရီ ၂၈ ရက်အထိ ရှမ်းပြည်နယ် အတွင်းမှာလည်း မြောက်ပိုင်းမဟာမိတ်တပ်ဖွဲ့တွေနဲ့ သျှမ်းပြည်ပြန်လည်ထူထောင်ရေးကောင်စီ (RCSS/SSA) တို့ အကြား တိုက်ပွဲဖြစ်ပွားမှုတွေရှိခဲ့ပြီး လက်ရှိအချိန်မှာတော့ ရှမ်းပြည်နယ် တောင်ပိုင်း ရပ်စောက်မြို့နယ်နဲ့ ပင်လုံမြို့နယ်တို့ မှာ အခြေအနေတွေ တင်းမာနေဆဲ ဖြစ်ပါတယ်။

ထူးခြားချက်အနေနဲ့ကတော့ ၂၀၂၂ ခုနှစ် မတ် ၁ ရက် ကနေ ၂၀ ရက်အတွင်း တိုင်းရင်းသား လက်နက်ကိုင်တပ်ဖွဲ့ တွေအကြား ထိပ်တိုက်ရင်ဆိုင်တိုက်ပွဲဖြစ်ပွားနှုန်းကတော့ သိသိသာသာကို လျော့နည်းလာခဲ့တယ်လို့ ISP Myanmar ၏ သု တေသနစစ်တမ်းတွင် ဖော်ပြထားပါတယ်။

Photo - RCSS/SSA

ymg/kg
#Yangon_Media_Group

#DailyNews
Published - 29 March 2022
(၁) ရန်ကုန်မြို့တွင် ရခိုင်ရိုးရာသင်္ကြန်ပွဲတော် မကျင်းပဖြစ်

(၂) တရားဝင်လမ်းကြောင်းမှ ထိုင်းနိုင်ငံသို့ သွားရောက်လိုသူများပြား

(၃) နေ့စဉ်မိုးလေဝသ သတင်းအစီအစဉ်

(၄) ဆန္ဒပြကန့်ကွက်နေသည့်ကြားထဲမှ ရှေးဟောင်းအာဖရိကမျက်နှာဖုံးကို ယူရို(၄.၂)သန်းဖြင့် ပြင်သစ်တွင် လေလံတင်ရောင်းချ .... အစရှိတဲ့သတင်းတွေကိုတင်ဆက်ပေးသွားမှာပဲဖြစ်ပါတယ်။

#Yangon_Media_Group

#LocalNews
Published -29 Mar 2022

ပြည်ထောင်စု ငြိမ်းချမ်းရေးဆွေးနွေးမှု ပူးတွဲကော်မတီ UPDJC၏နိုင်ငံရေးပါတီအစုအဖွဲ့ ကိုနိုင်ငံရေးပါတီအားလုံးပါဝင်နိုင်သည့် ရွေးချယ်ပွဲကို ဧပြီလ ၂၇ရက်နေ့မှ ပြန်လည်ကျင်းပမည်ဖြစ်ကြောင်းသိရပါတယ်။

ပြည်ထောင်စုရွေးကောက်ပွဲကော်မရှင် တွင်တရားဝင်မှတ်ပုံတင်ထားသော နိုင်ငံရေးပါတီ ၉၂ပါတီ အနက်မှာ ပြည်ထောင်စုငြိမ်းချမ်းရေးဆွေးနွေးမှု ပူးတွဲကော်မတီUPDJC ၏ နိုင်ငံရေးပါတီအစုအဖွဲ့ တွင် အမြဲတမ်းကော်မတီ၁၆ပါတီနှင့် အရန်ကော်မတီ ၁၆ပါတီရွေးချယ်သွားမည်ဖြစ်ပြီး ပါဝင်ရန်ဆန္ဒရှိပါက လက်ရှိ နိုင်ငံရေးပါတီအစုအဖွဲ့ ရုံးသို့ ဆက်သွယ်ရန်ထုတ်ပြန်ထားပါတယ်။

အမျိုးသားစည်းလုံးညီညွတ်ရေးနှင့် ငြိမ်းချမ်းရေးဖော်ဆောင်မှု ညှိနှိုင်းရေးကော်မတီ (NSPNC) နှင့်UPDJC နိုင်ငံရေးပါတီများ အစုအဖွဲ့တို့ မတ်လ ၆ ရက်နေ့က နေပြည်တော်မှာ တွေ့ဆုံခဲ့ကြပြီးနောက် UPDJC မှ ရခိုင့်ဦးဆောင်ပါတီ (AFP) ဥက္ကဋ္ဌ ဒေါက်တာ အေးမောင်နုတ်ထွက်ထားပါတယ်။

ပြည်ထောင်စု ငြိမ်းချမ်းရေးဆွေးနွေးမှု ပူးတွဲကော်မတီ (UPDJC) နိုင်ငံရေးပါတီများ အစုအဖွဲ့ ကို ဒုတိယ ဗိုလ်ချုပ်ကြီး ရာပြည့်က နောက်ထပ် သက်တမ်းနှစ်လ တိုးပေးလိုက်သော်လည်း နိုင်ငံရေးပါတီအားလုံးပါဝင်လာနိုင်ရေးနုတ်ထွက်ခြင်းဟု ဒေါက်တာ အေးမောင် က ပြောပါတယ်။

ပြည်ထောင်စု ငြိမ်းချမ်းရေးဆွေးနွေးမှု ပူးတွဲကော်မတီ (UPDJC) နိုင်ငံရေးပါတီများ အစုအဖွဲကို ပြီးခဲ့တဲ့ ၂၀၂၁ ခုနှစ် နိုဝင်ဘာလက နိုင်ငံရေးပါတီ ၅၃ ပါတီက ပါတီကိုယ်စားလှယ် ၁၆ ဦးကို ရွေးချယ်ပြီး လေးလသက်တမ်းဖြင့်ယာယီ ဖွဲ့စည်းခဲ့ကာလက်ရှိUPDJC နိုင်ငံရေးပါတီများ အစုအဖွဲ့ တွင် ၈၈ မျိုးဆက် ဒီမိုကရေစီပါတီ၊ အမျိုးသားနိုင်ငံရေး မဟာမိတ်များအဖွဲ့ချုပ်ပါတီ အပါအဝင် ပြည်မပါတီ ၇ ပါတီနင့်ရခိုင့်ဦးဆောင်ပါတီ(AFP)၊ ရှမ်းတိုင်းရင်းသားများ ဒီမိုကရက်တစ်ပါတီ (SNDP)၊ လီဆူ အမျိုးသားဖွံ့ဖြိုးတိုးတက်ရေးပါတီ၊ မွန်ညီညွတ်ရေးပါတီ၊ ကိုးကန့် ဒီမိုကရေစီနှင့်ညီညွတ်ရေးပါတီ စသည့် တိုင်းရင်းသားပါတီ ကိုးခုက ပါတီကိုယ်စားလှယ် ၁၆ ဦးက တာဝန်ယူလုပ်ဆောင်နေခြင်းဖြစ်ပါတယ်။

ymg/hm
#Yangon_Media_Group

#LocalNews
Published_ 29 March 2022

ယနေ့ မတ် ၂၉ ရက် မနက် (၉) နာရီတွင် ပြည်သူ့ပါတီ ဥက္ကဌ ဦးကိုကိုကြီးအား တရုတ်ပြည်သူ့ သမ္မတနိုင်ငံ၏ မြန်မာနိုင်ငံဆိုင်ရာ သံအမတ်ကြီး H.E. Mr.CHEN Hai က ပြည်ထောင်စုရိပ်သာလမ်းရှိ တရုတ်ပြည်သူ့သမ္မတနိုင်ငံသံရုံးတွင် လက်ခံ တွေ့ဆုံခဲ့ပါတယ်။

အဆိုပါတွေ့ဆုံမှုတွင် လက်ရှိ မြန်မာ့နိုင်ငံရေးအခြေအနေများနှင့် ရှေ့ဆက်ဖြစ်ပေါ် လာနိုင်မည့် အနာဂတ်နိုင်ငံရေး အလားအလာ အခြေအနေများအပေါ် ရင်းရင်းနှီးနှီး တွေ့ဆုံဆွေးနွေးခဲ့ကြောင်း သိရပါတယ်။

ပြည်သူ့ပါတီဥက္ကဋ္ဌ ဦးကိုကိုကြီးနှင့် ပါတီဗဟိုအလုပ် အမှုဆောင်များ၊ ဗဟိုကော်မတီဝင်များဟာ မတ် ၂၂ ရက်ကလည်း အာဆီယံအထူးကိုယ်စားလှယ်ဖြစ်သူ ကမ္ဘောဒီးယားနိုင်ငံ ဒုတိယဝန်ကြီးချုပ်နှင့် နိုင်ငံခြားရေးဝန်ကြီး H.E. Mr. PRAK Sokhoon နှင့်အဖွဲ့ ကိုလည်း တွေ့ဆုံခဲ့ပါသေးတယ်။

ပြည်သူ့ပါတီအနေဖြင့် ဗဟိုကော်မတီဖွဲ့စည်းခြင်းနှင့် ပထမအကြိမ် ဗဟိုကော်မတီ အစည်းအဝေးကို မတ် ၂၄ ရက်နှင့် ၂၅ ရက်နေ့များတွင် ကျင်းပခဲ့ပါတယ်။

ymg-mnn
#Yangon_Media_Group

#LocalNews

Published_29 March 2022

ကလေးမြို့ မှစာမေးပွဲမေးခွန်းများ သယ်လာသောတပ်မတော်ရဟတ်ယာဉ်တစ်စင်း ဟားခါးလေယာဉ်ကွင်းသို့ ဆင်းသက်စဉ် မတော်တဆမှု ဖြစ်ပွားခဲ့ကြောင်း ပြန်ကြားရေးဝန်ကြီးဌာန ဒုဝန်ကြီး ဗိုလ်ချုပ်ဇော်မင်းထွန်းက ပြောသည်။

ယနေ့ မတ်လ ၂၉ ရက် နံနက် ၉ နာရီ ကျော်အချိန်က ဖြစ်ပွားခဲ့သော အဆိုပါ မတော်တဆမှုတွင် သေဆုံးသူမရှိခဲ့သော်လည်း တပ်မတော်မှ နှစ်ဦးနှင့် အရပ်ဘက်ပညာရေးဝန်ထမ်း သုံးဦး ထိခိုက်ဒဏ်ရာ အနည်းငယ်စီ ရရှိခဲ့ကြကြောင်း သိရသည်။

"လမ်းပန်းဆက်သွယ်ရေးခက်ခဲတဲ့ နေရာဆိုတော့ စာမေးပွဲမေးခွန်းတွေကို တပ်မတော်ရဟတ်ယာဉ်သုံးပြီးပိုရတာရှိတယ်။ ဒီနေ့မနက် ၈ နာရီ မိနစ် ၅ဝ လောက်တုန်းက ဒီရဟတ်ယာဉ်က စာမေးပွဲ မေးခွန်းတွေထုတ်တော့ ကလေးကနေဟားခါးမှာရှိတဲ့ ရဟတ်ယာဉ်ကွင်းကိုသွားတယ်။ ၉ နာရီ ၂ဝ မိနစ်လောက်မှာ ဟားခါးကိုရောက်တယ်။ တောင်ပေါ်ဖြစ်တဲ့အတွက်ကြောင့် အောက်က လေပင့်အားနဲ့ မိသွားတဲ့အတွက် ရဟတ်ယာဉ်ကွင်းနဲ့ မီတာ ၁ဝဝ လောက်ကွာတဲ့ တောင်စောင်းပေါ်မှာပြုတ်ကျတယ်။ ရဟတ်ယာဉ်အမြီးကျိုးသွားတယ်။နည်းနည်းတော့လန်သွားခဲ့တယ်" ဟုယင်းကပြောသည်။

ymg/mt
Yangon_Media_Group

#LocalNews
Published - 29 March 2022
အိန္ဒိယ - မြန်မာနယ်စပ်မြို့တစ်မြို့ ဖြစ်တဲ့ တမူးမြို့တွင် ရာအိမ်မှူးတစ်ဦး လက်နက်ကိုင်အဖွဲ့တစ်ခု၏ လုပ်ကြံသတ်ဖြတ်ခြင်းကိုခံခဲ့ရတယ်လို့ သိရပါတယ်။

အဆိုပါ ဖြစ်စဉ်ဟာ မတ်လ ၂၈ ရက်၊ နံနက် ၃ နာရီ အချိန်ကဖြစ်ပွားခဲ့ခြင်းဖြစ်ပြီး လက်နက်ကိုင်အဖွဲ့ က အင်အားအများအပြားနဲ့ ရာအိမ်မှူး နေထိုင်ရာ နေအိမ်သို့ လာ ရောက်ဝိုင်းခဲ့ပြီး နောက် သေနတ်နဲ့ပစ်ခတ်ကာ သတ်ဖြတ်သွားခဲ့ခြင်းဖြစ်တယ်လို့ ဆိုပါတယ်။

"ပြောရမယ်ဆိုရင် မြို့ရှောင်လမ်း ဟိုဘက်နဲ့ ဒီဘက်ပေါ့၊ရာအိမ်မှူးနေတဲ့ အိမ်နဲ့ အိန္ဒိယနယ်စပ်နဲ့က ကပ်နေတာပေါ့။ ဘာလုံခြုံရေးမရှိဘူး၊ ဖြစ်တာက နံနက် ၃ နာရီ လောက်မှာဖြစ်တယ်လို့ သိရတယ်။ သူတို့က အိမ်ကိုဝိုင်းပြီးလုပ်သွားတာပေါ့၊ သတ်ပြီးတော့မှ အ လောင်းကို ပြန်လာထားတယ်။ အရင်တုန်းကလည်း သူ့အိမ်ကို မီးလာရှို့ဖူးတယ်။ အိမ်လည်း နှစ်ခါအဝိုင်းခံရဘူးတယ်။ ပထမတစ်ခါက သူကရှောင်နေတယ်၊ ဒီတစ်ခေါက်ကျ သူ့အိမ်မှာ အိပ်နေတဲ့အချိန် မနက် ၃ နာရီ လောက်ကြီး ဖြစ်သွားတာပါ။"လို့ တမူးမြို့ ဒေသခံ
တစ်ဦးကပြောပြခဲ့ပါတယ်။

အဆိုပါ တမူးမြို့ တွင် ရပ်/ ကျေးအဆင့် ရာအိမ်မှူး တွေ လုပ်ကြံသတ်ဖြတ်ခြင်းခံရသည်မှာ ယခုအကြိမ်နဲ့ဆိုပါက လူဦး ရေအားဖြင့် (၂၀)ခန့်ရှိနေပြီဖြစ်တယ်လို့ သိရပါတယ်။

"အခုဆိုကျနော်သိရသလောက်ဆို ၂၀ လောက်ရှိနေပြီ၊အသတ်ခံရတာပြောရရင် ဘုရားစာရွတ်ပြီး နေနေရတာ ပေါ့။ အကုန်လုံးကလည်း ကြောက်နေကြပြီ၊ လုံခြုံ ရေးအရ အကာအကွယ်လည်းမပေးနိုင်ဘူး လေ၊ တစ်ဖက်အဖွဲ့ တွေက ဝင်ချင်တိုင်းဝင် ထွက်ချင်တိုင်းထွက်ပြီးတော့လုပ်နေကြတာ ပေါ့။ ပြောရရင် အကုန်ကြောက်ကုန်ပြီ လေ။"လို့ ၎င်းက ဆက်လက် ပြောပြခဲ့ပါတယ်။

အဆိုပါ လက်နက်ကိုင်အဖွဲ့ဟာ အိန္ဒိယနယ်ကို အခြေပြု၍ လှုပ်ရှား နေတဲ့ အဖွဲ့တစ်ဖွဲ့ ဖြစ်တယ်လို့လည်း သိရပါတယ်။"သူတို့က ဒီဘက်လာတယ်၊လုပ်တယ် ပြီးရင် အိန္ဒိယ
နယ်ထဲဝင် သွားကြတယ်။ ဒီဘက်မှာက အသတ်ခံရပြီဆိုတော့မှ အ လောင်းလိုက် ကောက် အဲ့လိုဖြစ်နေတယ်။ ထိထိရောက်ရောက် လုံခြုံရေးလေး ပေးနိုင်ရင် ကာကွယ်ပေးနိုင်ရင် တော့ ပိုကောင်းတာ ပေါ့။"လို့ တမူး ဒေသခံတစ်ဦးက YMG ကို ပြောပြခဲ့ပါတယ်။

ymg/kg
#Yangon_Media_Group