#WorldAgriculture
Published 02 April 2022

ခရိုအေးရှားနိုင်ငံမှာ အသစ်ဖွင့်လှစ်လိုက်တဲ့ ဆေးခြောက်ပြတိုက်မှာ ဆေးခြောက်အသုံးပြုခြင်းသမိုင်းဝင်အကြောင်းတွေ၊ ရက်ဂေးသံစဉ်နဲ့ ဆေးစွဲသူတို့ရဲ့အကြောင်းအရာတွေကို ဖော်ပြထားပါတယ်။

#Yangon_Media_Group

#LocalNews
Published_2 April 2022

ရခိုင်ပြည်နယ်၊ သံတွဲမြို့မှာ အမျိုးသမီး ၃ ဦးကို မတ်လ ၃၁ ရက်နေ့မှာ အကြမ်းဖက်မှုပုဒ်မနဲ့ ထောင် ၁၀ နှစ်စီ ချလိုက်တာနဲ့ ပတ်သက်ပြီးတော့ အယူခံဝင်မယ် မဝင်ဘူးဆိုတာကို သူတို့ မိသားစုတွေနဲ့ မဆွေးနွေးရသေးဘူးလို့ အမှုကို လိုက်ပါဆောင်ရွက်နေတဲ့ ရှေ့နေက ပြောပါတယ်။

#Yangon_Media_Group

#HealthMatter

Published - 2 April 2022

၁။ ကိုဗစ်ကပ်ဘေးနှင့်အတူတွဲပါလာတဲ့ သတင်းအချက်အလက်ကပ်ဘေးအကြောင်း

၂။ သတင်းအချက်အလက် ကပ်ဘေးဟာ ဘယ်လောက်ကြောက်စရာကောင်းသလဲ??

၃။ ကိုဗစ်ကပ်ဘေးအတွက်တော့ ကာကွယ်ဆေးတွေရှိလာပြီ။ သတင်းအချက်အလက်ကပ်ဘေးအတွက်ရော ကာကွယ်ဆေး ဖော်စပ်နိုင်ပြီလား ?? ဆိုတဲ့ အကြောင်းအရာတွေနဲ့ပတ်သက်ပြီး ဆရာကြီးဒေါက်တာခင်မောင်လွင်က ယခုလို ဆွေးနွေးပြောဆိုခဲ့ပါတယ်။

#Yangon_Media_Group

Published 2 April 2022

အိုမီခရွန်ကနေထပ်ခွဲလာတဲ့  ဗိုင်းရပ်မျိုးကွဲအခွဲအသစ်တစ်ခု "XE" (အိတ်စ်အီး) ကို ရှာတွေ့ခဲ့ပြီး အဲဒါဟာ လက်ရှိကူးစက်မှုအမြန်ဆုံးဖြစ်နေတဲ့ အိုမီခရွန်အခွဲ BA.2 ထက် ကူးစက်မှု ၁၀ရာခိုင်နှုန်း မြန်ဆန်တယ်လို့ ကမ္ဘာ့ကျန်းမာရေးအဖွဲ့ကပြောပါတယ်။

"XE" (အိတ်စ်အီး)ဟာ အိုမီခရွန်၊, BA.1နှင့်  BA.2 တို့ပေါင်းစပ်မိပြီး ထပ်မံပေါ်ပေါက်လာတဲ့ မျိုးကွဲအခွဲတစ်ခုဖြစ်ပြီး သိသာစွာကွဲပြားတဲ့ ရောဂါဆိုးရွားမှုအပါအဝင် ရောဂါအသွင်အပြင်တွေမပြမချင်း အိုမီခရွန်ရဲ့ အခွဲဖြစ်နေဦးမှာပါလို့ ကမ္ဘာ့ကျန်းမာရေးအဖွဲ့ရဲ့  မတ်၂၉ရက်က ထုတ်ပြန်တဲ့ ကပ်ရောဂါဆိုင်ရာ နောက်ဆုံးအစီရင်ခံစာမှာဖော်ပြထားပါတယ်။

Source CMG

#LocalNews
Published_2 April 2022

လုံးခင်း၊ဖားကန့်၊မော်လု၊မော်ဟန်၊မိုးညှင်းရတနာနယ်မြေတွေမှာ လွန်ခဲ့တဲ့ ၂၀၂၀ ပြည့်နှစ် ဇူလိုင်လအတွင်းကစလို့ မိုးတွင်းမှာအန္တရာယ်မဖြစ်ရအောင်ဆိုပြီးတော့ ယာယီရပ်နားခဲ့တာကနေ အခုဆိုရင် မြန်မာ့ကျောက်မျက်ရတနာရောင်းဝယ်ရေးလုပ်ငန်းက အမြဲတမ်းသဘောမျိုး ပိတ်သိမ်းလိုက်ပါပြီ။

#Yangon_Media_Group

#LocalNews
Published - 2 April 2022

ရန်ကုန်ကားဝိုင်းစျေးကွက်တွင် ကျပ်သိန်း ၂၀၀ ပတ်လည်ချာကားများ အဝယ်လိုက်နေပြီး ကား စျေးနှုန်းတန်းတွေကလည်း အမြင့်ပိုင်းမှာရှိနေတယ်လို့ ကားဝယ်ရောင်းလုပ်ငန်းလုပ်ကိုင်သူများထံမှ သိရပါတယ်။

#Yangon_Media_Group

#LocalNews
Published - 2 April 2022

ထိုင်းနိုင်ငံက မြန်မာနိုင်ငံသို့ ကိုဗစ်ကာကွယ်ဆေးအလုံးရေ ၅ သိန်းနှင့် ဆေးထိုးပြွန် ၅ သိန်းတို့အား ဒုတိယအကြိမ်အဖြစ် လှူဒါန်းပေးအပ်ခဲ့တယ်လို့ သိရပါတယ်။

အဆိုပါ လှူဒါန်းဆေးပစ္စည်းများဟာ ယနေ့ ဧပြီလ ၂ ရက်နေ့တွင် ရန်ကုန်အပြည်ပြည်ဆိုင်ရာလေဆိပ်သို့ ရောက်ရှိလာခဲ့တာပါ။

အဲ့ဒီအထဲကမှ မြန်မာနိုင်ငံကြက်ခြေနီအသင်းအား AstraZeneca ကာကွယ်ဆေးထိုးဆေး ၅ သိန်းကို ရန်ကုန်အပြည်ပြည်ဆိုင်ရာလေဆိပ်၌ မြန်မာနိုင်ငံကြက်ခြေနီအသင်းထံ လှူဒါန်းပေးအပ်ခဲ့ပြီး ထိုင်းနိုင်ငံက မြန်မာနိုင်ငံကိုပေးခဲ့တဲ့ ကာကွယ်ဆေးစုစုပေါင်း အကြိမ်ရေ (၁,၀၀၀,၀၀၀)ကို ဒုတိယအကြိမ် လှူဒါန်းခဲ့တာဖြစ်ပါတယ်။

ယနေ့ ရန်ကုန်လေဆိပ်၌ပြုလုပ်ခဲ့တဲ့ မြန်မာနိုင်ငံကြက်ခြေနီအသင်းသို့ AstraZeneca ကာကွယ်ဆေးနှင့် ဆေးထိုးပြွန် ၅ သိန်း လွှဲပြောင်းပေးအပ်ပွဲအခမ်းအနားသို့ ထိုင်းတော်ဝင်သံရုံးမှ တာဝန်ခံ မစ္စစ်ကန်နိုဝမ်ပင်းဆူဝမ် တက်ရောက်ခဲ့ပြီး မြန်မာဘက်မှ အထွေထွေအတွင်းရေးမှူး ပါမောက္ခ ဒေါက်တာထင်ဇော်စိုးတို့ တက်ရောက်ခဲ့ပါတယ်။

ဤလှူဒါန်းမှုသည် ဒုတိယအသုတ်ဖြစ်ပြီး မြန်မာနိုင်ငံအတွက် ပံ့ပိုးပေးသည့် ကာကွယ်ဆေးစုစုပေါင်းမှာ အကြိမ်ရေ ၁,၀၀၀,၀၀၀ ဖြစ်တယ်လို့ သိရပါတယ်။

Photo - မြန်မာနိုင်ငံဆိုင်ရာ ထိုင်းသံရုံး

ymg/kg
#Yangon_Media_Group

#LocalNews
Published - 2 April 2022

ပူတာအိုဒေသရှိ ခါကာဘိုရာဇီရေခဲတောင်သွားရာလမ်းရှိ ဟောင်းနွမ်းကြိုးတံတားနှစ်စင်းအား ပြန်လည်ပြုပြင်မှုဟာ မကြာမီရက်ပိုင်းအတွင်း ပြီးစီးတော့မှာဖြစ်တယ်လို့ သိရပါတယ်။

အဆိုပါ ကြိုးတံတားနှစ်စင်းအား ပြင်ဆင်မှုပြီးစီးသွားပါက ရေခဲတောင်တက်အားကစားသမားများနှင့် ရေခဲတောင်တက်ဝါသနာရှင်များ ဒေသခံများအတွက် သွားလာဆက်သွယ်ရေးအပိုင်းမှာ ပိုမိုလွယ်ကူအဆင်ပြေစေမှာဖြစ်တယ်လို့လည်း တံတားပြုပြင်ရေးကိုဦးဆောင်သည့် ပူတာအို ဒေသခံ ပရဟိတသမားတစ်ဦးကပြောပါတယ်။

"လက်ရှိ မီးလောင်ထားတဲ့ရွာ ထလာထု၊ အရွမ်ဒမ်းရွာနဲ့ လူသိများတဲ့ ညီအစ်ကို တိဗက်တွေ နေထိုင်တဲ့ မြောက်ဖျားအစွန်းဆုံး တဟွန်ဒမ်းရွာနဲ့ တဆူထုရွာ ကျွန်တော်နေထိုင်တဲ့ဒဇုံဒမ်းရွာ ဆန်ခူးချောင်းဒေသရှိ ထအွန်ဒမ်း ဆန်ဒမ်း မဒိန်ရွာ စတဲ့ ဒေသတစ်လျောက်ရှိ ဒေသခံတွေ အချင်းချင်းဆက်နွယ်အသုံးပြုခဲ့တဲ့ တံတားတစ်စင်းဖြစ်ပါတယ်။ သူတို့တွေရဲ့အသက်မွေးဝမ်းကျောင်းအတွက် တန်ဖိုးဖြတ်မရတဲ့ ကြားခံတံတားတစ်စင်းဖြစ်ပါတယ်။ နမ်ဆဘွမ် ချောင်းကူးကြိုးတံတားလည်း မကြာမီ ပြီးစီးပါတော့မယ်။ ချောင်း - ၁၊ ချောင်း - ၂
နောက်အပတ်ထဲ ၂ ခုစလုံး ပြီးစီးနိုင်ပါတယ်။"လို့ ၄င်းက ပြောပြခဲ့ပါတယ်။

ခါကာဘိုရာဇီရေခဲတောင်ခြေသွားရာလမ်းမှာရှိတဲ့ ကြိုးတံတားဟာ ဒဇွမ်းဝမ်( ဒဇွမ်ချောင်း)လို့ ခေါ်ပြီး လျှောက်လမ်းပေအရှည် ၁၀၀ ကျော်ရှိတာဖြစ်ပါတယ်။

အဲ့ဒီနေရာကို ပူတာအိုမြို့မှဆိုပါက ၇ ရက်တာသွားရောက်မှ ရောက်ရှိမည့်ခရီးဖြစ်တယ်လို့ သိရပါတယ်။

ပူတာအိုဒေသဟာ ရေခဲတောင်တန်းတွေကြောင့် ထင်ရှားကျော်ကြားတဲ့ ဒေသတစ်ခုဖြစ်ပြီး ပြည်တွင်း၊ပြည်ပ ရေခဲတောင်တက်ခရီးသွားတွေ အများဆုံးလာရောက်လည်ပတ်ကြတဲ့ ဒေသတစ်ခုလည်းဖြစ်ပါတယ်။

Photo - CJ

ymg/kg
#Yangon_Media_Group

#DailyNews
Published -2 April 2022

၁။ သိန်း ၂၀၀ ပတ်ချာလည်ကားများ အဝယ်လိုက်နေပြီး ကားဈေးနှုန်းတွေမြင့်တက်နေ

၂။ ကျောက်စိမ်းရိုင်းတူးဖော်ထုတ်လုပ်ခွင့်ကို အမြဲတမ်းသဘောမျိုးပိတ်သိမ်း

၃။ မိုးလေဝသ သတင်း

၄။ ဆေးခြောက်ပြတိုက် ခရိုအေးရှားတွင်ဖွင့်လှစ်ပြသ...အစရှိတဲ့သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Media_Group

#LocalNews
Published - 2 April 2022

ငါးလအတွင်း စင်ကာပူနှင့် တရုတ်ရင်းနှီးမြှုပ်နှံမှုများ အများဆုံးဝင်ရောက်လာခဲ့ပြီး အီးယူ အပါအဝင် အနောက်နိုင်ငံများမှလည်း ပြန်လည်ဝင်ရောက်လာခဲ့တယ်လို့ ISP Myanmar ၏ သု တေသနစစ်တမ်းတစ်ရပ်မှာ ဖော်ပြခဲ့ပါတယ်။

နစက အစိုးရက မီနီဘတ်ဂျက်အဖြစ် သတ်မှတ်ခဲ့တဲ့ ၂၀၂၁ ခုနှစ် အောက်တိုဘာလကနေ ၂၀၂၂ ခုနှစ် ဖေဖော်ဝါရီလအထိ ငါးလအတွင်း စုစုပေါင်း နိုင်ငံခြားရင်းနှီးမြှုပ်နှံမှု အမေရိကန်ဒေါ်လာ သန်း ၅၃၀ ကျော် ဝင်ရောက်ခဲ့တဲ့အနက် အာဆီယံနိုင်ငံတွေက အမေရိကန်ဒေါ်လာ ၂၈၅ သန်းကျော်ဖြင့် အများဆုံးဝင်ရောက်ခဲ့တာဖြစ်တယ်လို့ သိရပါတယ်။

အဲ့ဒီအထဲမှာမှ စင်ကာပူနိုင်ငံက အမေရိကန်ဒေါ်လာ ၂၇၇ သန်းကျော်ဖြင့် အများဆုံးဝင်ရောက်ခဲ့တဲ့နိုင်ငံဖြစ်သလို တရုတ်နိုင်ငံကလည်း အမေရိကန်ဒေါ်လာ ၁၁၈ သန်းကျော်ဖြင့် ဒုတိယအများဆုံးဝင်ရောက်ခဲ့တာဖြစ်တယ်လို့ ISP Myanmar က ဖော်ပြပါတယ်။

ဒါ့အပြင် ထိုင်း၊ မလေးရှား တို့လို အခြားအာဆီယံနိုင်ငံတွေဆီကလည်း ရင်းနှီးမြှုပ်နှံမှု အမေရိကန်ဒေါ်လာ ခုနှစ်သန်းနဲ့ အမေရိကန်သုံးသိန်းကျော် အသီးသီးဝင်ရောက်ခဲ့ကြတယ်လို့ ဆိုပါတယ်။

ထို့အပြင် ဂျပန်နိုင်ငံကလည်း အမေရိကန်ဒေါ်လာ တသန်းကျော် ဝင်ရောက်ခဲ့ပြီး ထူးခြားတာကတော့ ငါးလအတွင်းမှာ ဥရောပသမဂ္ဂအဖွဲ့ဝင် နယ်သာလန်နိုင်ငံမှ အမေရိကန်ဒေါ်လာ လေးသန်း၊ ပြင်သစ်နိုင်ငံမှ အမေရိကန်ဒေါ်လာ လေးသိန်းကျော် စသဖြင့် ယခု နစက အစိုးရလက်ထက်မှာ အီးယူနိုင်ငံတွေကနေ ရင်းနှီးမြှုပ်နှံမှုတွေ ပထမဆုံး ပြန်လည်ဝင်ရောက်လာခဲ့တာ ဖြစ်ပါတယ်။

ဝင်လာတဲ့ရင်းနှီးမြှုပ်နှံမှုတွေကို ကဏ္ဍအလိုက် ခွဲခြမ်းစိတ်ဖြာကြည့်မယ်ဆိုပါက ဝန်ဆောင်မှုကဏ္ဍမှာ အမေရိကန်ဒေါ်လာ ၂၀၆ သန်းကျော်နဲ့ အများဆုံးဝင်ရောက်ထားတာကို တွေ့ရပါတယ်။

ဒါကြောင့် ဝန်ဆောင်မှုကဏ္ဍမှာ ၄၀ ရာခိုင်နှုန်းနီးပါးအထိရှိနေသလို ကုန်ထုတ်လုပ်ရေး ကဏ္ဍမှာ ဒုတိယအများဆုံး ဝင်ရောက်ထားတာဖြစ်ပြီး ပမာဏအားဖြင့် အမေရိကန်ဒေါ်လာ ၁၃၉ သန်းခန့် ရင်းနှီးမြှုပ်နှံထားတာဖြစ်ပါတယ်။

သတ္တုတူးဖော်ရေး၊ ရေနံနှင့် သဘာဝဓာတ်‌ငွေ့၊ အိမ်ခြံမြေ၊ စက်မှုဇုန်များ စတဲ့ ကဏ္ဍတွေမှာတော့ ရင်းနှီးမြှုပ်နှံမှုဝင်ရောက်ခြင်း လုံးဝမရှိခဲ့တာတွေ့ရတယ်လို့လည်း ISP Myanmar ၏ သုတေသနစစ်တမ်းမှာ ဖော်ပြထားပါတယ်။

ဓါတ်ပုံ - ISP Myanmar

ymg/kg
#Yangon_Media_Group

Published 2 April 2022

တရုတ်နှင့်မြန်မာတို့ဟာ အပြန်အလှန်နိုင်ငံရေးယုံကြည်မှု ရှေ့သို့တက်လှမ်းရေး၊အပြန်အလှန်အကျိုးအမြတ်နှင့် နှစ်ဖက်လုံး အောင်မြင်မှုရလာဒ်ရရှိရေး၊ ပြည်သူအချင်းချင်းအတုံအလှယ်ပြုမှုဖန်တီးရေး၊ယဉ်ကျေးမှုလှုပ်ရှားဆောင်ရွက်မှုများတွင် အပြန်အလှန်သင်ယူမှုတိုးမြှင့်ရေးတို့အတွက် အပြန်အလှန်ဖလှယ်မှုနှင့်ပူးပေါင်းဆောင်ရွက်မှုတို့ကို နက်ရှိုင်းစွာ ဆောင်ရွက်ကြဖို့ သဘောတူခဲ့ကြတယ်လို့ CCTV ကသတင်းထုတ်ပြန်ပါတယ်။

တရုတ်နိုင်ငံအရှေ့ပိုင်း အန်ဟွေးပြည်နယ်မှာ တရုတ်နိုင်ငံတော်ကောင်စီဝင်နှင့် နိုင်ငံခြားရေးဝန်ကြီး မစ္စတာ ဝမ်ယီဟာ မြန်မာနိုင်ငံခြားရေးဝန်ကြီး ဦးဝဏ္ဏမောင်လွင်နှင့် သောကြာနေ့က တွေ့ဆုံဆွေးနွေးစဉ်မှာ အဲဒီသဘောတူညီချက်ရရှိခဲ့ကြတာဖြစ်ပါတယ်။

တရုတ်နိုင်ငံအနေနှင့်  အိမ်နီးချင်းသံတမန်ခင်းအရ မြန်မာနိုင်ငံကို အရေးကြီးတဲ့ နေရာမှာ အမြဲထားရှိတယ်လို့ တရုတ်နိုင်ငံခြားရေးဝန်ကြီး ဝမ်ကပြောပါတယ်။ အခြေအနေတွေ ဘယ်လိုပဲပြောင်းပြောင်း  မြန်မာနိုင်ငံက ယင်းရဲ့အချုပ်အခြာအဏာ၊လွတ်လပ်ရေးနှင့် နယ်မြေတည်တံ့ခိုင်မြဲမှုတို့ စောင့်ရှောက်ထိန်းသိမ်းမှု၊ပြီးတော့ နိုင်ငံရဲ့ အနေအထားနှင့် လိုက်ဖက်တဲ့ ဖွံ့ဖြိုးတိုးတက်ရေးလမ်းကြောင်းတစ်ခုဖော်ဆောင်မှု အပေါ် တရုတ်နိုင်ငံဟာ အမြဲ ထောက်ခံအားပေးတယ်လို့ သူကဆက်ပြောပါတယ်။ 

အတူမျှဝေခံစားတဲ့ အနာဂတ်နှင့်အတူ တရုတ်-မြန်မာ အသိုက်အဝန်းတည်ထောင်ရေး ရည်မှန်းချက်ရရှိဖို့အတွက် မြန်မာနှင့် အပြန်အလှန်ပူးပေါင်းဖလှယ်မှုနက်ရှိုင်းစွာဆောင်ရွက်ရေး တရုတ်က အသင့်ရှိနေတယ်လို့ ဝမ်ကပြောပါတယ်။

အဲဒီအပြင်  တရုတ်-မြန်မာ စီးပွားရေ စင်္ကြံ တည်ဆောက်မှုကို နှစ်ဖက်လုံးက  အရှိန်မြှင့်တင်ဆောင်ရွက်ဖို့ ဝမ်က တိုက်တွန်း နှိုးဆော်လိုက်ပါတယ်။ အဲဒီအတွက် အထင်ကရ အဓိကကျတဲ့ စီမံကိန်းတွေ ကိုပိုမိုလုပ်ဆောင်ဖို့နှင့် ကိုဗစ်-၁၉ ကပ်ရောဂါကို ညီညွတ်နက်ရှိုင်းစွာ တွန်းလှန်ကြဖို့လည်း သူက တိုက်တွန်းလိုက်ပါတယ်။

 ဦးဝဏ္ဏမောင်လွင်ကလည်း တရုတ်ရဲ့ ပဓာနကျတဲ့ အကျိုးစီးပွားနှင့်သက်ဆိုင်တဲ့ကိစ္စတွေအပေါ် တရုတ်ရပ်တည်ချက်ကို မြန်မာက အပြည့်အဝထောက်ခံကြောင်းနှင့် မြန်မာနိုင်ငံဖွံ့ဖြိုးတိုးတက်ရေးနှင့်ကပ်ဘေးတွန်းလှန်ရေးတို့မှာ တရုတ်ရဲ့ ကြီးမားတဲ့ အားပေးထောက်ခံမှုအတွက် တရုတ်နိုင်ငံကိုကျေးဇူးတင်တယ်လို့ပြောကြားခဲ့ပါတယ်။

မြန်မာနိုင်ငံအနေနှင့် စီးပွားရေးနှင့်ကုန်သွယ်ရေးပူးပေါင်းဆောင်ရွက်မှုတွေကို တိုးချဲ့ဆောင်ရွက်ဖို့ ဆန္ဒရှိကြောင်းနှင့် တရုတ်-မြန်မာ စီးပွားရေးစင်္ကြံတည်ဆော်ကရေးအရှိန်မြှင့်လိုကြောင်းပြန်လည်ပြောကြားခဲပါတယ်။ အဲဒီအပြင် ရပ်ဝန်းတစ်ခု လမ်းကြောင်းတစ်သွယ်မူဘောင်အတွင်းကနေ မြင်တွေ့လို့ရတဲ့ ရလာဒ်တွေပိုမိုရရှိဖို့ တွန်းအားပေးဆောင်ရွက်မယ်လို့လည်း သူကဆက်ပြောပါတယ်။

နှစ်ဦးစလုံးက တောင်တရုတ်ပင်လယ်နှင့် ယူကရိန်းကိစ္စတို့ကိုလည်း အမြင်ချင်းဖလှယ်ခဲ့ကြပါတယ်။

နိုင်ငံခြားရေးဝန်ကြီးနှစ်ဦးဟာ စီးပွားရေး၊နည်းပညာနှင့်စိုက်ပျိုးရေး နှစ်နိုင်ငံပူးပေါင်းဆောင်ရွက်မှုဆိုင်ရာ သဘောတူညီချက်တွေကို လက်မှတ်ရေးထိုးရာမှာ သက်သေအဖြစ်ပါဝင်ခဲ့ကြပြီး ချုံချင်းမြို့မှာ မြန်မာကောင်စစ်ဝန်ရုံးသစ် ဖွင့်လှစ်ပွဲသို့တက်ရောက်ခဲ့ကြပါတယ်။

Source CMG

#LocalNews
Published_2 April 2022

စီးပွားရေးနှင့် နည်းပညာပူးပေါင်းဆောင်ရွက်ရေးဆိုင်ရာ သဘောတူစာချုပ်အရ တရုတ်နိုင်ငံမှ ယွမ်သန်း (၆၅၀)ကို မြန်မာအတွက် ကူညီထောက်ပံ့သွားရန်ရှိကြောင်း နိုင်ငံခြားရေးဝန်ကြီးဌာနက သိရသည်။

တရုတ်ပြည်သူ့သမ္မတနိုင်ငံ၊ နိုင်ငံတော်ကောင်စီဝင်နှင့် နိုင်ငံခြားရေးဝန်ကြီး မစ္စတာဝမ်ယိ၏ ဖိတ်ကြားချက်အရ တရုတ်ပြည်သူ့သမ္မတနိုင်ငံ၊ အန်းဟွေး ပြည်နယ်၊ ဟွမ်းရှမ်မြို့သို့ မတ်လ ၃၁ ရက်မှ မတ်လ ၂ ရက်ထိ နိုင်ငံခြားရေးဝန်ကြီးဌာန၊ ပြည်ထောင်စုဝန်ကြီး ဦးဝဏ္ဏမောင်လွင် ၏ အလုပ်သဘော ခရီးစဉ်အတွင်း တရုတ်ပြည်သူ့သမ္မတနိုင်ငံအနေဖြင့် အထက်ပါအတိုင်း ပြောကြားခဲ့ခြင်းဖြစ်ကြောင်း သိရသည်။

တရုတ်-မြန်မာ နှစ်နိုင်ငံအကြား ပူးပေါင်းဆောင်ရွက်နေသည့်စီမံကိန်းများ အရှိန်အဟုန်မြှင့် အကောင်အထည်ဖော်သွားရေး၊ ကိုဗစ်-၁၉ ကာကွယ်၊ ထိန်းချုပ်ရေးဆိုင်ရာ ပူးပေါင်းဆောင်ရွက်ရေး၊မြန်မာ-တရုတ် နှစ်နိုင်ငံနယ်စပ်ဒေသတစ်လျှောက် ငြိမ်းချမ်းရေးနှင့် တည်ငြိမ်ရေးအတွက်ပူးပေါင်းဆောင်ရွက်ရေး၊ မြန်မာနိုင်ငံမှ စိုက်ပျိုးရေးထုတ်ကုန်များအတွက် နှစ်နိုင်ငံအကြား နယ်စပ်ကုန်သွယ်ရေးနှင့် စီးပွားရေးပူးပေါင်းဆောင်ရွက်မှုမြှင့်တင်ရေးနှင့် နှစ်နိုင်ငံအကြား ယာယီနယ်စပ်ဂိတ်နှင့် အမြဲတမ်းနယ်စပ်ဂိတ်တိုးမြှင့် ဖွင့်လှစ်သွားနိုင်မည့် အလားအလာများကိစ္စတို့ကို ပြည်ထောင်စုဝန်ကြီး၊ ဦးဝဏ္ဏမောင်လွင်နှင့် တရုတ်ပြည်သူ့သမ္မတနိုင်ငံ၊ နိုင်ငံတော် ကောင်စီဝင်နှင့် နိုင်ငံခြားရေးဝန်ကြီး မစ္စတာဝမ်ယိတို့ ဆွေးနွေးခဲ့ကြကြောင်း သိရသည်။

ယင်းအပြင် ကုလသမဂ္ဂနှင့် အာဆီယံမျက်နှာစာတွင် နှစ်နိုင်ငံအကြား ပိုမိုနီးကပ်စွာ ပူးပေါင်းဆောင်ရွက်သွားရေး အပါအဝင် အာဆီယံ၏ တူညီဆန္ဒ(၅)ရပ် ဆက်လက်အကောင်အထည်ဖော်မှုနှင့် တစ်နိုင်ငံနှင့်တစ်နိုင်ငံ ပြည်တွင်းရေးကို ဝင်ရောက်စွက်ဖက်မှုမပြုရေးမူဝါဒ ၊ အာဆီယံ ပဋိညာဉ် ၊ အခြေခံမူများကိုလည်း ဆွေးနွေးခဲ့ကြကြောင်း သိရသည်။

ymg/mt
#Yangon_Media_Group