Published 4 February 2022
ကိုလံဘီယာပို့ဆောင်ရေးရဲတွေဟာ ဖေဖော်ဝါရီ (၁)ရက်က ကိုလံဘီယာအနောက်မြောက်ပိုင်း လာပင်တာဒါအရပ်က လမ်းတစ်လမ်းပေါ်မှာ မောင်းနှင်နေတဲ့ လူနာတင်ယာဉ်တစ်စီးပေါ်ကနေ ကိုကင်း ၁၂၀ ကီလိုဖမ်းဆီးရမိခဲ့ပါတယ်။

အဲဒီလူနာတင်ယာဉ်ပေါ်ပါလာတဲ့ သူက သူ့ကိုယ်သူ ဆရာဝန်တစ်ဦးလို့ပြောပါတယ်။ သူက ကိုဗစ်လူနာကို သယ်ဆောင်လာတာလို့ ရဲအရာရှိတွေက မေးမြန်းတဲ့အခါ ပြောခဲ့တာပါ။

Source AFP

Published 4 February 2022

နက်ဖလစ် Netflix ရဲ့ နံပါတ်(၁)ထိပ်ဆုံးကပြေးနေတဲ့ စီးရီးအသစ် "All Of Us Are Dead “ကျွန်ုပ်တို့အားလုံးသေဆုံးခဲ့ပြီ”ကို အဲဒီစီးရီးထဲမှာပါတဲ့  သွေးဆာနေတဲ့ ဖုတ်ကောင်တွေရဲ့မြင်ကွင်းတွေကြောင့် တစ်ကမ္ဘာလုံးကပရိသတ်တွေက နှစ်ချိုက် နေကြပါတယ်။ ဒါပေမယ့် လူငယ်ပရိသတ်တော်တာ်များများအတွက်တော့ အဲဒီမြင်ကွင်းတွေဟာ တောင်ကိုးရီးယားရဲ့ နာကျင်ခံစားရတဲ့  သတိရစရာတွေထဲက တစ်ခုဖြစ်တဲ့ သိပ်မကြာသေးခင်က ဖယ်ရီသင်္ဘောနစ်မြုပ်ခဲ့တဲ့ ကြောက်ဖက်ဖွယ် အကောင်းဆုံးဘေးဆိုးကြီးကို ပြန်ဖော်ထုတ်သလိုဖြစ်နေပါတယ်။

ကိုရီးယားစကားပြော အဲဒီစီးရီးထဲက ဇာတ်ဝင်ခန်းတော်တော်များများဟာ ၂၀၁၄ခုနှစ်တုန်းက လူပေါင်း၃၀၄ဦးသေဆုံးခဲ့ရဲတဲ့ ဆီဝေါင်းဖယ်ရီသင်္ဘောနစ်မြုပ်မှုဘေးဒုက္ခဆိုးကြီးကို နှလုံးကြေကွဲစရာ ပြန်လည်သတိပေးနေတယ်လို့ တွစ်တာမှာ ရေးသားနေကြ ပါတယ်။ အဲဒီသေဆုံးသူ ၃၀၄ဦးထဲမှာ ကလေးငယ်၂၅၀ပါဝင်ပြီး သူတို့လေးတွေဟာ ဆိုးလ်မြို့ဆင်ခြေဖုံးက အထက်တန်း  ကျောင်းတစ်ကျောင်းထဲက ကျောင်းသားကျောင်းသူတွေပါ။

အဲဒီစီးရီးရဲ့ အပိုင်းသုံးပိုင်းကြည့်ပြီးတဲ့အခါ ဖယ်ရီနစ်မြုပ်ခဲ့တဲ့ကြေကွဲစရာဖြစ်ရပ်ကိုပဲ သူတို့ပြေးမြင်နေမိကြပါတယ်လို့ တွစ်တာမှာ တစ်ဦးကပြန်လည်မျှဝေထားပါတယ်။

“ကလေးတွေက အားကိုးတစ်ကြီးရှိခဲ့တဲ့ လူကြီးတွေက ကလေးတွေကို ဘယ်လောက်များလျစ်လျူရှုခဲ့ကြသလဲ” လို့ တွစ်တာမှာ  ငိုယိုနေတဲ့ အီမိုဂျီအရုပ်ကလေသုံးရုပ်နှင့်အတူ ရေးတင်ထားပါတယ်။

အမ်ဗွီ ဆီဝေါင်းဖယ်ရီသင်္ဘောဟာ အင်ချီယွန်ကနေ ဂျေဂျူကို အသွားမှာ ၂၀၁၄ခုနှစ် ဧပြီ၁၆ရက်က နစ်မြုပ်ခဲ့ ရတာဖြစ်ပါတယ်။

ခရီးသည်တွေကို သင်္ဘောထဲဆက်နေပေးကြဖို့ ပြောပြီးတဲ့နောက် သင်္ဘောမာလိန်မှူးအပါအဝင် သင်္ဘောအမှုထမ်း  တော်တော် များများက သင်္ဘောကိုစွန့်ပြီးကိုယ်လွတ်ရုန်းခဲ့တယ်ဆိုတဲ့ သတင်းတွေကြောင့် အဲဒီကြေကွဲဖွယ်ဖြစ်ရပ်ဆိုးကြီးမှာ လူတွေ ဒေါသူပုန်ထခဲ့ကြရပါတယ်။

ကိုးရီးယားရဲ့ ရို့ကျိုးတဲ့ ယဉ်ကျေးမှုဓလေ့ကြောင့် ကျောင်းသူကျောင်းသား အနည်ငယ်ကသာ အဲဒီအမိန့် အပေါ်   မေးခွန်းထုတ်ခဲ့တဲ့အတွက် ကလေးတွေရာနှင့်ချီသေဆုံးခဲ့ရတာပါ။

အဲဒီဖြစ်ရပ်နှင့်ဆင်တူစွာပဲ “ ကျွန်ုပ်တို့အားလုံးသေဆုံးခဲ့ပြီ” ဆိုတဲ့ စီးရီးမှာ  ဖုတ်ကောင်ဗိုင်းရပ်စ်တွေ က ကျောင်းကို သိမ်းပိုက်လိုက်တဲ့အခါ အထက်တန်းကျောင်းသူကျောင်းသားတွေဟာ သူတို့ကိုယ်သူတို့ ကာကွယ်စောင့်ရှောက်ဖို့ ကျန်ရစ်ခဲ့ကြပါတယ်။ကလေးတွေက အကူအညီသွားတေင်းကြတဲ့အခါ သူတို့ရဲ့ဆရာတွေတော်တော်များများဟာ အသုံးမကျ၊ အတ္တကြီးမားနေကြတာကို တွေ့ကြရပါတယ်။

ပြကွက်တော်တော်များများမှာ အဝါရောင်ဖဲကြိုးကလေးတွေကို အသားပေးဖော်ပြထားပါတယ်။ အဲဒီအဝါရောင်ဖဲကြိုးကို ဆီဝေါင်းကြေကွဲဖွယ်ဖြစ်ရပ်ဆိုးကြီးရဲ့ သင်္ကေတအဖြစ် မှတ်ယူထားကြတာဖြစ်ပါတယ်။

နောက်ပြကွက်တစ်ခုမှာ ကျောင်းသူကျောင်းသားတွေက သူတို့ရဲ့မိဘတွေထံ ဗွီဒီယိုမက်ဆေ့ချ်ရုပ်သံသွင်းနေကြတာကိုတွေ့ရ ပါတယ်။ သင်္ဘောနစ်တဲ့အခါ နောက်ဆုံးနှုတ်ဆက်တဲ့ဗွီဒီယိုမက်ဆေ့ချ်တွေပို့ကြတာကို သတိရစရာဖြစ်ပါတယ်။

“ကျွန်ုပ်တို့အားလုံးသေဆုံးခဲ့ကြပြီ” ဆိုတဲ့ စီးရီးကို ပြီးခဲ့တဲ့သောကြာနေ့က နက်ဖလစ်မှာ စတင်ပြသခဲ့တာပါ။  အဲဒီကားဟာ အခုဆို ကမ္ဘာ့နိုင်ငံပေါင်း ၉၁နိုင်ငံမှာ အင်္ဂလိပ်စကားပြောမဟုတ်တဲ့ ဇာတ်ကားများထဲမှာ ထိပ်ဆုံး၁၀ကားစာရင်းမှာ နံပါတ်(၁) ချိတ်ထားပါတယ်။

နစ်ဖလစ်ရဲ့အဆိုအရ ပထမ(၃)ရက်အတွင်းမှာပဲ နာရီပေါင်း ၁၂၄.၇၉သန်းအထိကြည့်ရှုသူများခဲ့တယ်လို့ဆိုပါတယ်။ အခုဆို နက်ဖလစ်ရဲ့ လူကြိုက်များဆုံးစီးရီးဖြစ်လာပါပြီ။

ဒီစီးရီးမတိုင်ခင် စကွစ်ဂိမ်း ဟာ အကြီးအကျယ်အောင်မြင်ခဲ့ပါတယ်။ အဲဒါကြောင့် နက်ဖလစ်ဟာ ၂၀၂၂ခုနှစ်အတွင်း ကိုးရီးယား စကားပြောစီးရီးပေါင်း၂၅ခုအထိ ထုတ်လွှင့်ပြသဖို့ရှိနေပါတယ်။

Source Insider

#WorldNews

#LocalHealth 
Published - 4 Feb 2022

ရောဂါပိုးကင်းစင်ပြီဖြစ် တဲ့ တမူးမြို့ ရှိ ကိုဗစ်လူနာ၂၂ ဦးဟာ ဒီကနေ့( ဖေ ဖော်ဝါရီ ၄ ရက်)မှာဆေးရုံမှ ဆင်းခွင့်ရရှိပြီး အိမ်ပြန်ခွင့်ရခဲ့ပြီ ဖြစ်တယ်လို့ သိရပါတယ်။

"ဝမ်းသာစရာသတင်းကောင်းပါ။ ကိုဗစ် ၁၉ ရောဂါပိုး စစ်ဆေးတွေ့ ရှိပြီး ထူးခြားစွာဆေးကုသမှုခံယူရခြင်းမရှိပါဘဲ ရောဂါပိုးကင်းစင်သွားခဲ့တာပါ။ သူတို့အားလုံး ယနေ့မနက်မှာဘဲ အိမ်ပြန်ခွင့်ရရှိခဲ့ပါပြီ။"လို့ တမူးမြို့ ဒေသခံ တစ်ဦးက ပြောပြခဲ့ပါတယ်။

ယနေ့တွင် တမူးပြည်သူ့ဆေးရုံမှ ကျား/မ(၆)ဦး ၊အ .ထ .က(၂)မှ ကျား/မ(၁၆)ဦး၊ စုစုပေါင်း(၂၂)ဦး
ဆေးရုံဆင်းခွင့်ရရှိခဲ့တာဖြစ်တယ်လို့ သိရပါတယ်။

"မြို့သူ၊မြို့သားတွေက အခြေအနေအရ ဘယ်လိုပင်အခက်အခဲများကြုံတွေခဲ့ကြပါစေ မြို့သူ/မြို့သား တွေရဲ့ စေတနာမေတ္တာပေါ့ လေ။ တစ်ဦးအခက်အခဲဖြစ်ရင် တစ်ဦးက ဝိုင်းဝန်းကူညီပေးကြတာကြောင့် အခက်အခဲ တွေကို လွယ်ကူစွာဖြတ်ကျော်သွားနိုင်တာကို ကျနော်တို့လက်တွေ့ မြင်ရတွေ့ ခဲ့ကြရပါပြီ။ ဒီကနေ့မှာ စုပေါင်းညီညာအောင်ကြောင်းဖျာဆိုတဲ့ စကားပုံအတိုင်း ဝမ်းသာဖွယ်ရာမြင်တွေ့ ခဲ့ရပါတယ်။"လို့ ၄င်းက ဆက်လက် ပြောပြခဲ့ပါတယ်။

တမူးမြို့ မှာ (ဇန်နဝါရီလ ၂၄ ရက် နေ့)တစ်ရက်ထဲမှာပင် ကိုဗစ်အတည်ပြုလူနာ ၅၉ ဦးကို စတင်တွေ့ ရှိခဲ့ခြင်းဖြစ်ပြီး အဲ့ဒီလို တွေ့ ရှိပြီး နောက်ပိုင်း ၄ ရက်အကြာ (ဇန်နဝါရီလ ၂၇ ရက် နေ့)မှာ ကိုဗစ်အတည်ပြု လူနာသစ် ၂၄ ဦး၊ (ဇန်နဝါရီလ ၂၈ ရက် နေ့)တွင် ကိုဗစ်အတည်ပြုလူနာ ၂၉ ဥှီးနှင့် (ဇန်နဝါရီလ ၃၀ ရက် နေ့)တွင် ကိုဗစ်အတည်ပြု လူနာသစ် ၂၉ ဦးတို့ကို ထပ်မံ တွေ့ ရှိခဲ့တာဖြစ်ပါတယ်။

ဒါ့အပြင် ယခုဖေ ဖော်ဝါရီလ ၁ ရက် နေ့မှာ တမူးမြို့တွင် ကိုဗစ်အတည်ပြုလူနာ(၆)ဦးကို ထပ်မံ
တွေ့ ရှိခဲ့ရတာပါ။ဒါ ကြောင့် တမူးမြို့တွင် ရောဂါပိုးကူးစက်ခံရပြီးဆေးကုသမှုခံယူနေဆဲ လူနာစုစုပေါင်း(၂၅၉)ဦးအထိ ရှိ နေခဲ့တာဖြစ်ပြီး ယနေ့မှာတော့ ရောဂါပိုးကင်းစင်ပြီဖြစ်တဲ့ ကိုဗစ်လူနာ ၂၂ ဦးက ဆေးရုံဆင်းခွင့် ရရှိခဲ့တာဖြစ်ပါတယ်။

ဓါတ်ပုံ - တမူးဇွဲမာန်

ymg/kg
#Yangon_Media_Group 

#LocalNews

Published - 4 Feb 2022

ပြည်တွင်းဈေးကွက်မှာ ရေသန့်အတုရောင်းတဲ့သူတွေကို ထိထိရောက်ရောက်လုပ်လို့ရတဲ့ ဥပဒေ မရှိသေးတဲ့ အတွက် ရေသန့်အရည်အသွေး ကိစ္စနဲ့ ပတ်သက်ရင် ခံဝန်ကတိထိုးတာကလွဲရင် ဘာမှ လုပ်လို့ မရဘူးဖြစ်နေတယ်လို့ မြန်မာနိုင်ငံရေသန့်လုပ်ငန်းရှင်များ အသင်းက သိရပါတယ်။

#Yangon_Media_Group 

#LocalNews
Published - 4 Feb 2022
စစ်ကိုင်းတိုင်းဒေသကြီးရှိ ကလေးမြို့တွင် အိုမီခရွန်လူနာ အများအပြားတွေ့ရသော်လည်း ယနေ့အထိ ရောဂါလက္ခဏာပြင်းထန်သူမရှိသေးဘူးလို့ ဒေသခံ လူမှုကူညီရေးအဖွဲ့များထံမှ သိရပါတယ်။

ပြီးခဲ့တဲ့လပိုင်းအတွင်းမှာ ကျန်းမာ ရေးဌာနက တမူးနှင့် ကလေးမြို့ ရှိ ကိုဗစ်သံသယလူနာများအား စစ် ဆေးမှု တွေ ပြုလုပ်ခဲ့ရာမှ အခုလို ကိုဗစ်ဓါတ်ခွဲအတည်ပြုလူနာ အများအပြားကို တွေ့ ရှိခဲ့ရခြင်းဖြစ်ပြီး ၄င်းတို့ထဲမှ အိုမီခရွန် ရောဂါပိုးရှိသူများကိုလည်း တွေ့ ခဲ့ရခြင်း ဖြစ်ပါတယ်။

"ကလေးမြို့ ပေါ်မှာ အိုမီခရွန်က ၂၀ လောက် တွေ့တယ် ။ ထပ်တွေ့တယ်လို့တော့ အခုထိ မကြားမိသေးပါဘူး။အိုမီခရွန်လူနာ တွေကိုလည်း ဆေးရုံမှာ ဆက်လက်ပြီး တော့ သူတို့က ဆေးဝါးကုသမှု တွေကို ပြုလုပ် ပေးနေတယ်။ ပြောရရင် ကိုဗစ် တွေ့တာက တွေ့တာပေါ့ နော်။ဒါပေမဲ့ ရောဂါလက္ခဏာ ဆိုးရွားပြင်းထန်တဲ့သူတော့ ယနေ့အထိ မရှိ သေးပါဘူး။ အ သေအပျောက်လည်း မရှိပါဘူး။ မြို့ မှာ တော့ ရောဂါကာကွယ်ထိန်းချုပ် ရေး တွေကိုပဲ အဓိကထား ဆောင် နေပါတယ်။ ကိုဗစ်နဲ့ ပတ်သက်ပြီး မြို့အဝင်၊အထွက် တွေမှာ စစ်တာတို ဘာတို့ပေါ့ လေ၊ ဒါ တွေကို လုပ် နေပါတယ်။"လို့ ကလေးမြို့ ဒေသခံတစ်ဦးက ယခုလို ပြောပြခဲ့တာပါ။

ဇန်နဝါရီ ၂၈ ရက်နေ့က ကျန်းမာ ရေးဝန်ကြီးဌာန၏ ထုတ်ပြန်မှုအရ စစ်ကိုင်းတိုင်းအတွင်းရှိ တမူးမြို့ မှ ၄၈ ဦးနှင့် ကလေးမြို့မှ ၂၀ ဦးတို့တွင် အိုမီခရွန်ဗီဇ ပြောင်းပိုးကို တွေ့ ရှိခဲ့ခြင်းဖြစ်ပြီး ပြည်တွင်းကူးစက်မှူတွေ စတင်ရှိလာခဲ့တာပါ။

ဒါ့ ကြောင့် က လေးနဲ့ တမူးမြို့မှာရှိတဲ့ သံသယလူနာ တွေ အပါအဝင် စျေးတွေ ကျောင်း တွေမှာ ကိုဗစ်စစ်ဆေးခြင်း လုပ်ငန်းစဥ်တွေကို ကျန်းမာရေးဌာနက ဆက်လက် ဆောင်ရွက် ပေး နေတာဖြစ်တယ်လို့ သိရပါတယ်။

ကျန်းမာရေးဝန်ကြီးဌာန၏ နောက်ဆုံးထုတ်ပြန်ထားတဲ့ ကိန်းဂဏန်းများအရ မြန်မာနိုင်ငံမှာ အိုမီခရွန်ရောဂါပိုးကို နိုင်ငံခြားသားရော၊ မြန်မာနိုင်ငံသား အပါအဝင် စုစုပေါင်း ၃၄၈ ဦးထံမှာ တွေ့ ရှိထားတာဖြစ်ပါတယ်။

ymg/kg
#Yangon_Media_Group 

#WorldBusiness
Published- 4 Feb 2021
မာ့ခ်ဇူကာဘတ်ဟာ ကြာသပတေးနေ့တစ်ရက်တည်းမှာပဲ သူ့ရဲ့ Meta Platform က စတော့ဈေးတွေထိုးကျသွားလို့ သူ့ရဲ့ကြွယ်ဝချမ်းသာမှုတွေထဲက ဒေါ်လာ ၂၉ဘီလျံဆုံးရှုးမှုဖြစ်ပါတယ်။ အဲဒီအချိန်မှာပဲ ဘီလျံနာ ဂျက်ဖ်ဘီဇော့ဗ်ဟာ အမေဇုန် Amazon ရဲ့ ဝက်ဝက်ကွဲဝင်ငွေတွေကြောင့် ဒေါ်လာ ၂၀ဘီလျံ ပိုပြီးချမ်းသာကြွယ်ဝသွားပါတယ်။

ဇူကာဘတ်ရဲ့ Metaဟာ အမေရိကန်ကုမ္ပဏီတစ်ခုအနေနှင့် တစ်ရက်တည်းမှာပဲ ဈေးကွက်တန်ဖိုးအများဆုံးထိုးကျတဲ့ ကုမ္ပဏီဖြစ်ခဲ့ရပါတယ်။ အဲဒီရိုက်ခတ်မှုကြောင့် အမှုဆောင်အရာရှိချုပ် ဇူကာဘတ်ရဲ့ အသားတင် ချမ်းသာကြွယ်ဝမှု တန်ဖိုးဟာ ၈၅ဘီလျံသို့ကျဆင်းသွားတယ်လို့ Forbes မဂ္ဂဇင်းအရသိရပါတယ်။

ဇူကာဘတ်ဟာ ယခင်ဖေ့စ်ဘုတ်လို့သိကြတဲ့ အဲဒီနည်းပညာကုမ္ပဏီရဲ့ ရှယ်ယာ ၁၂.၈ ရာခိုင်နှုန်းပိုင်ဆိုင်ထားသူဖြစ်ပါတယ်။အမေဇုန် Amazonကို တည်ထောင်သူနှင့် ဥက္ကဋ္ဌဖြစ်တဲ့ ဘီဇော့ဗ်ဟာ ကုမ္ပဏီရဲ့ရှယ်ယာ ၉.၉ ရာခိုင်နှုန်းပိုင်ဆိုင်တယ်လို့ ရီဖီနီတစ်ပ်ဒေတာ အရသိရပါတယ်။ Forbes အဆိုအရ သူဟာ ကမ္ဘာ့တတိယမြောက်အချမ်းသာဆုံးပုဂ္ဂိုလ်ဖြစ်ပါတယ်။

အမေဇုန်ဟာ ရီဗီယန်ဆိုတဲ့ လျှပ်စစ်ကားကုမ္ပဏီမှာရင်းနှီးမြှပ်နှံလိုက်တဲ့အတွက် ယင်းရဲ့ အမြတ်တွေတက်လာပါတယ်။ ပြီးတော့ အမေရိကန်က လပေးကြည့်ရှုသူတွေရဲ့ နှုန်းထားတွေကိုလည်းမြှင့်မယ်လို့ဆိုထားတဲ့အတွက် သူ့ရှယ်ယာတွေ ၁၅ရာခိုင်နှုန်းမြင့်တက်သွားပါတယ်။ဒါဟာ ၂၀၀၉ အောက်တိုဘာကတည်းကဆိုရင် အကြီးမားဆုံး အမြတ်ထွက်ရှိမှုဖြစ်ပါတယ်။

ဘီဇော့ဗ်ရဲ့ အသားတင်ချမ်းသာကြွယ်ဝမှုဟာ လွန်ခဲ့တဲ့တစ်နှစ်ကထက်စာရင် ၂၀၂၁ခုနှစ်မှာ ၅၇ ရာခိုင်နှုန်း ပိုချမ်းသာလာပြီး စုစုပေါင်း ပိုင်ဆိုင်မှု ဒေါ်လာ ၁၇၇ဘီလျံအထိရှိလာပါတယ်။ ကပ်ဘေးအတွင်း လူတွေဟာ အွန်လိုင်းဈေးဝယ်တဲ့အပေါ် အကြီးအကျယ်မှီခိုနေရတာကြောင့် ဝင်ငွေတွေအမြင့်ဆုံးတိုးတက်ရရှိလာခြင်းဖြစ်ပါတယ်။

ဆူကာဘတ်ဟာ အခုဆိုရင် ကမ္ဘာ့အချမ်းသာဆုံးဘီလျံနာတွေထဲမှာ အဆင့် ၁၂နေရာရရှိနေပါတယ်။ သူဟာ အိန္ဒိယက ထိပ်သီးတွေဖြစ်တဲ့ မူကက်ခ်အမ်ဘာနီနှင့် ဂေါ်တန်အက်ဒါနီတိုရဲ့ နောက်မှာရောက်သွားပါတယ်။
Source Reuters

#DailyNews

Published - 4 Feb 2022

(၁ ) ကိုဗစ်အထူးချေးငွေ၏ ၁၃ ရာခိုင်နှုန်းခန့် တောင်သူတွေ ပြန်လည်ပေးဆပ်

(၂) ရေသန့်အတုထုတ်လုပ်သူများအား ထိရောက်ပြစ်ဒဏ်ပေးမည့် ဥပဒေမရှိဖြစ်နေ

(၃) နေ့စဉ်မိုးလေဝသသတင်း

(၄) ကွန်ဂိုနိုင်ငံရှိဈေးတစ်ခုတွင် ဗို့အားမြင့်ဓာတ်ကြိုးပြတ်ကျ၍ ၂၆ ဦးသေဆုံး ....အစရှိတဲ့သတင်းတွေကိုတင်ဆက်ပေးသွားမှာပဲဖြစ်ပါတယ်။

#Yangon_Media_Group 

#WorldPolitics
Published - 4 February 2022

အမေရိကန်တပ်များ ဆီးရီးယားသို့ ဝင်ရောက်စီးနင်းခဲ့ရာ အစ္စလာမ်အကြမ်းဖက် ISIS အဖွဲ့ခေါင်းဆောင်ဖြစ်သူဟာ သူ့မိသားစုတစ်စုလုံးနဲ့အတူ ကိုယ့်ကိုယ်ကို ဗုံးဖောက်ခွဲပြီးအဆုံးစီရင်ခဲ့ကြောင်း အမေရိကန်သမ္မတ'ဂျိုးဘိုင်ဒန်'က ကြာသပတေးနေ့က ပြောကြားလိုက်ပါတယ်။

ဒီသတင်းက ဂျီဟတ်ဒ်အဖွဲ့ တွေအနေနဲ့ နယ်မြေအများအပြားဆုံးရှုံးရပြီးနောက် ပျောက်ကြားတပ်ဖွဲ့တွေအဖြစ် ရပ်တည်ဖို့ကြိုးပမ်းနေမှုကို အထိနာစေခဲ့တာလည်းဖြစ်ပါတယ်။
အစ္စလာမ်အကြမ်းဖက်အဖွဲ့တည်ထောင်သူ 'အဘူဘာကာအယ်လ်ဘဂ္ဂဒက်ဒီ' ၂၀၁၉ ခုနှစ်ကသေဆုံးပြီးနောက် 'အဘူအီဘရာဟင်အယ်လ်ဟာရှ်မီအယ်လ်ကူရိုင်ရီ'က ဆက်လက်ဦးဆောင်နေခဲ့တာဖြစ်ပါတယ်။

အရင်ခေါင်းဆောင်ဟောင်း 'အဘူဘာကာအယ်လ်ဘဂ္ဂဒက်ဒီ'ကလည်း ၂၀၁၉ ခုနှစ်မှာ အမေရိကန်ကွန်မန်ဒိုများ ဝင်ရောက်စီးနင်းခဲ့စဉ် အသေခံဗုံးဖောက်ခွဲခဲ့ကာ သေဆုံးခဲ့သူဖြစ်ပါတယ်။

ယခုဖြစ်စဉ်မှာ အမေရိကန်တပ်များက ဆီးရီးယားအနောက်မြောက်ဘက်ကနေ ဝင်ရောက်ကာ 'ကူရိုင်ရှီ'နေထိုင်ရာအနီးသို့ ချဉ်းကပ်ခဲ့ကြပါတယ်။
ပေါက်ကွဲမှုက ပြင်းထန်လှသဖြင့် ခန္ဓာကိုယ်အပိုင်းအစတွေဟာ 'ကူရိုင်ရှီ'နေထိုင်ရာ သုံးထပ်တိုက်အဆောက်အအုံကနေ လမ်းပေါ်ကို လွင့်စင်ခဲ့ပြီး အရပ်သားနေထိုင်သူတွေ ထိခိုက်ခဲ့မှုအတွက် ISIS အဖွဲ့ကို အပြစ်တင်စွပ်စွဲလိုက်ကြောင်း အမေရိကန်မှတာဝန်ရှိသူများက ထုတ်ပြန်ကြေညာလိုက်ပါတယ်။

ဗုံးဖောက်ခွဲမှုကြောင့် 'ကူရိုင်ရှီ'သေဆုံးရတယ်လို့ ယူဆထားကြပြီး အမေရိကန်တပ်ဖွဲ့ဝင်တွေ ပစ်ခတ်နှိမ်နှင်းမှုကြောင့် တတိတအထပ်ရှိ သူ့ဇနီး ၂ ဦး ကလေး ၁ ယောက်အပြင် ဒုတိယအထပ်ရှိ ဒုဗိုလ်နဲ့ သူ့ရဲ့ဇနီးနဲ့ကလေးတို့ပါ သေဆုံးခဲ့တယ်လို့ အိမ်ဖြူတော်မှ အကြီးတန်းအရာရှိတစ်ဦးက ပြောကြားခဲ့ပါတယ်။

အမေရိကန်တပ်ဖွဲ့ရဟတ်ယာဉ်တွေပေါ်မှ ပစ်ခတ်မှုကြောင့် နောက်ထပ်တိုက်ခိုက်ရေးသမား ၂ ဦးလည်း သေဆုံးခဲ့ပါတယ်။"ရဲရဲဝင့်ဝင့်တိုက်ခိုက်ခဲ့ကြတဲ့ ကျွန်တော်တို့ရဲ့တပ်ဖွဲ့ဝင်တွေကို ကျေးဇူးတင်ဂုဏ်ပြုလိုက်ပါတယ်။ ဒီအကြမ်းဖက်ခေါင်းဆောင်ဆိုတာ မရှိတော့ပါဘူး" လို့ 'ဘိုင်ဒန်'က အိမ်ဖြူတော်ကနေ ပြောကြားလိုက်ပါတယ်။

'ကူရိုင်ရှီ'နေထိုင်ခဲ့တဲ့အိမ်ရဲ့ ပထမအထပ်မှာ အမည်မသိမိသားစုတစ်ခုက အကာအကွယ်အဖြစ် နေထိုင်နေတာကြောင့် ဝင်ရောက်စီးနင်းဖိုအစီအစဉ်ဆွဲရာမှာ အနည်းငယ်စဉ်းစားစရာဖြစ်နေခဲ့ပါသေးတယ်။

အမေရိကန်ဘက်မှ ဖော်ပြထားတဲ့ သေဆုံးမှုစာရင်းနဲ့ ဆီးရီးယားကယ်ဆယ်ရေးအဖွဲ့မှ ထုတ်ပြန်တဲ့ သေဆုံးမှုစာရင်းအကြား ကွာခြားမှုကိုတော့ အမေရိကန်အရာရှိက မရှင်းပြနိုင်သေးပါဘူး။

ဆီးရီးယားကယ်ဆယ်ရေးအဖွဲ့ဘက်ကတော့ လူအနည်းဆုံး ၁၃ ယောက်သေဆုံးပြီး အမျိုးသမီး ၄ ယောက်နဲ့ ကလေး ၆ ယောက်ပါဝင်ကြောင်း ပြောဆိုခဲ့ပါတယ်။
"စစ်ဆင်ရေးပြုလုပ်မှုကို ပြန်ကြည့်တဲ့အခါကျရင် တတိယအထပ်က ပေါက်ကွဲမှုကြောင့် သေဆုံးပျက်စီးမှုတွေဖြစ်ရတယ်ဆိုတာ ရှင်းလင်းသိသာနေပါတယ်" လို့ အရာရှိက ပြောလိုက်ပါတယ်။

ISIS အဖွဲ့က ကိုယ်တိုင်ကြေညာခဲ့တဲ့ မွတ်ဆလင်အုပ်ချုပ်ရေးစနစ်ကို လွန်ခဲ့တဲ့ ၃ နှစ်ခန့်က ဖျက်သိမ်းခဲ့ပြီး သူတို့ရဲ့တိုက်ခိုက်ရေးသမားတွေဟာလည်း အမေရိကန်နဲ့အီရတ်တပ်ဖွဲ့ ဝင်များရဲ့ နှိမ်နှင်းခြင်းကို ခံခဲ့ရပြီးနောက် အခုအခါ 'ကူရိုင်ရှီ'သေဆုံးရခြင်းက အစ္စလာမ်အကြမ်းဖက်အဖွဲ့ အတွက် နောက်ထပ်နစ်နာမှုတစ်ခုဖြစ်လာပါတယ်။

ပြီးခဲ့တဲ့လက အစ္စလာမ်အကြမ်းဖက်တရားခံတွေကို ထိန်းသိမ်းဖမ်းဆီးထားတဲ့ ဆီးရီးယားအရှေ့မြောက်ဘက်ရှိ အကျဉ်းထောင်ကိုလည်း သေနတ်သမားတွေ ဝင်ရောက်အကြမ်းဖက်ခဲ့ပါတယ်။

ISIS အဖွဲ့က ဆီးရီးယားနဲ့အီရတ်တို့ရှိ နေရာအများအပြားကို သိမ်းပိုက်ခဲ့ကာ လူသန်းပေါင်းများစွာကို တင်းကျပ်တဲ့အစ္စလာမ်အုပ်ချုပ်ရေးစနစ်နဲ့ အုပ်ချုပ်နေခဲ့ပြီး အနောက်နိုင်ငံမှာလည်း လှုံ့ဆော်တိုက်ခိုက်မှုတွေ ပြုလုပ်ခဲ့ပါတယ်။

"ပြီးခဲ့တဲ့ညက စီးနင်းဝင်ရောက်မှုမှာ အဓိကအကြမ်းဖက်ခေါင်းဆောင်တစ်ဦးကို ရှင်းလင်းနိုင်ခဲ့ပါတယ်။ ကမ္ဘာပေါ်က အကြမ်းဖက်သမားတွေကိုလည်း သတိပေးလိုက်ပါပြီ။ မင်းတို့ကိုရှာပြီး နှိမ်နှင်းမှာပါ" လို့ 'ဘိုင်ဒန်'က ပြောကြားခဲ့ပါတယ်။

ဝင်ရောက်စီးနင်းတဲ့ညက ရဟတ်ယာဉ်အသံတွေ လက်နက်အသံတွေ ပေါက်ကွဲမှုအသံတွေ ကြားခဲ့ရတယ်လို့ အနီးအနားမှ နေထိုင်သူတွေက ဆိုပါတယ်။

အမေရိကန်တပ်ဖွဲ့ ဝင်တွေက အမျိုးသမီးတွေနဲ့ ကလေးတွေကို လွတ်မြောက်ရာထွက်ပြေးကြဖို့ လော်စပီကာဖြင့် သတိပေးခဲ့ကြကြောင်း ဆိုပါတယ်။
Source: Reuters

#LocalNews
Published - 4 Feb 2022
စွန့်ပစ်ခံ ရက်သားကလေးငယ်လေးဟာ ခွေးဆွဲခံထားရသောဒဏ်ရာများဖြင့် ယနေ့ ဖေ ဖော်ဝါရီ ၄ ရက်၊ မနက် ၁ နာရီအချိန်တွင် ရန်ကင်းကလေး ဆေးရုံကြီး၌ ဆေးကုသမှုခံယူ နေစဉ်မှာပင် ကွယ်လွန်သွားခဲ့ပြီဖြစ်တယ်လို့ သိရပါတယ်။

ယမန် နေ့က ခွေးများ ဆွဲထားသောဒဏ်ရာများနှင့် ရက်သား ကလေးငယ်တစ်ဦးအား ကန်တော်ကြီးအနီးမှာစွန့်ပစ်ထားကြောင်း ဒီဃာယုက လူမှုကူညီရေးအသင်းကြီးက ခိုင်နှင်းဝေ ပရဟိတဂေဟာသို့ ဆက်သွယ်အကြောင်းကြားလာမှုကြောင့် သရုပ်ဆောင် ခိုင်နှင်းဝေက သွားရောက်ခေါ် ဆောင်ပြီး ကလေးငယ်ကို ရန်ကင်းကလေး ဆေးရုံကြီး၌ ဆေးဝါးကုသမှုကို ခံယူစေခဲ့တာဖြစ်ပါတယ်။

"စိတ်မကောင်းပါဘူးကလေးရယ် ဝဠ်ကြွေးတွေရှိရင် ဒီဘဝနဲ့ပဲ ကျေအောင်ဆပ်သွားနိုင်ပါစေ။ ဘယ်ချိန်ထဲက စွန့်ပစ်ထားမှန်းမသိပဲ ခွေးများဆွဲထားသောကြောင့် ငယ်ထိပ်ပေါက်ပြဲ ၊တကိုယ်လုံး ဒဏ်ရာများနှင့်နှုတ်ခမ်းများပြာနှမ်းနေပြီး ည(၁)နာရီဝန်းကျင်ခန့်ကပဲ ဆုံးသွားပါတယ်။အစွမ်းကုန် ကုသပေးပါသော ရန်ကင်းကလေးဆေးရုံကြီးမှ ဆရာဝန်ကြီးများနှင့် ဒီဃာယုက လူမှုကူညီရေးအသင်းကြီးကိုလဲ ကျေးဇူးအများကြီးတင်ပါတယ်။ကလေးအတွက် သက်ပျောက်ဆွမ်းလေး ကပ်ပြီးသဂြိုလ်ပေးဖို့ အတွက် လိုအပ်တာများ စီစဉ်ဆောင်ရွက်ထားပါတယ်။"လို့ သရုပ်ဆောင်ခိုင်နှင်းဝေ ကဒီကနေ့ မနက်မှာ ၎င်း၏ လူမှုကွန်ရက်စာမျက်နှာကနေ အသိ ပေး ရေးသားခဲ့တာပါ။

ဒါ့အပြင် မိဘတွေက က လေးငယ်များကို အခုလို စွန့်ပစ်မှုတွေ မလုပ်ကြဖို့ သရုပ်ဆောင် ခိုင်နှင်းဝေက မေတ္တာရပ်ခံထားပြီး မလိုချင်ပါက ဂေဟာများသို့ ဆက်သွယ်ပို့ဆောင်ပေးပါရန်အသိပေးချင်ပါတယ်လို့ သူမကရေးသားထားခဲ့ပါတယ်။

"အသက်ဆုံးရှုံးမှုများ မကြာခဏ တွေ့ ကြုံနေရသောကြောင့် စိတ်မကောင်းလဲ ဖြစ်မိပါတယ်ရှင်"လို့လည်း သရုပ်ဆောင် ခိုင်နှင်းဝေက ရေးသားထားခြင်းဖြစ်ပါတယ်။

ymg/kg
#Yangon_Media_Group

#LocalNews
Published - 4 Feb2022

ထိုင်းနိုင်ငံ ကန်ချနဘူရီပြည်နယ်အတွင်း တရားမဝင် မြန်မာလုပ်သားများတင်ဆောင်လာသော ယာဉ်တိမ်းမှောက်မှုဖြစ်ပွားကာသေဆုံးခဲ့သောမြန်မာလုပ်သား၅ဦးကို ယနေ့ တွင် မြန်မာထုံးထမ်းစဉ်လာအတိုင်းသင်္ဂြိုလ်မှုပြုလုပ်ပေးသွားမယ်လို့ အလုပ်သမားသံအရာရှိရုံးကသိရပါတယ်။

ဖြစ်စဉ်မှာ ဇန်နဝါရီလ ၂၀ရက်နေ့ကကန်ချနဘူရီပြည်နယ်အတွင်း အမှတ် ၃၂၃ လမ်းမကြီး၊ သွန်ဖာဖမ်ခရိုင်မှ တရားမဝင်အလုပ်သမား တင်ဆောင်လာသော ပစ်ကပ်မော်တော်ယာဉ်တစ်စီးမှာ ဆိုင်ရိုခရိုင်သို့ မောင်းနှင်လာစဉ် စစ်ဆေးရေးဂိတ် အခြေအနေအရ သွန်ဖာဖမ်ဘက်သို ပြန်လှည့်ခဲ့ပြီး ဆယ်ဘီး ကားအား နောက်မှ ဝင်တိုက်ကာဟန်ချက်ပျက်တိမ်းမှောက်ခဲ့ရာ အလုပ်သမား ကျား ၄ ဦး၊ မ ၆ ဦးအနက် ၅ ဦးသေဆုံးခဲ့တာဖြစ်တယ်လို့ သိရပါတယ်။

အလုပ်သမားသံအရာရှိရုံးအနေနဲ့မော်တော်ယာဉ်တွင် လိုက်ပါခဲ့သူများရဲ့ ခရီးဆောင်အိတ် များမှ တစ်ဆင့်အထောက်အထားများ ရရှိခဲ့ပြီး ကန်ချနဘူရီ လူမှုကယ်ဆယ်ရေး ဖောင်ဒေးရှင်း တွင် ထားရှိသော သေဆုံးသူများရဲ့ရုပ်အလောင်းများကိုပါ စိစစ်ခဲ့ရာ အချို့ကို မည်သူ မည်ဝါ ဖြစ်ကြောင်း ဖော်ထုတ်ရန် ခက်ခဲနေဆဲလို့သိရပါတယ်။

ယာဉ်တိမ်းမှောက်မှုတွင်ပါဝင်သူများမှာ ဇန်နဝါရီလ ၁၃ရက်နေ့က ပဲခူးမြို့မှ ဘုရားသုံးဆူမြို့နယ်သို့ ရောက်ရှိကာ ထိုမှတစ်ဆင့် ထိုင်းနိုင်ငံ၊ သွန်ဖာဖမ်ခရိုင်သို့ ဝင်ရောက်လာပြီး တောလမ်းခရီးဖြင့် စိုင်ရိုခရိုင်နယ်စပ်သို့ ရောက်ရှိပြီး ကန်ချနဘူရီပြည်နယ်အတွင်း ဝင်ရောက်စဉ် စစ်ဆေးရေးဂိတ် အား တွေ့၍ လှည့်ပြန်ရာမှ ယာဉ်တိမ်းမှောက်မှု ဖြစ်ပွားကြောင်း၊ ယာဉ်မောင်းသူမှာ မူးယစ် ဆေးဝါးသုံးစွဲထားသည်ဟု ယူဆရကြောင်း၊ ပွဲစားများကို လုပ်အားခရရှိပါက ဘတ် ၂၇၀၀၀ ပေးချေရမည်ဖြစ်ပါကြောင်း ထိခိုက်ဒဏ်ရာအနည်းငယ်သာရရှိသူ များထံကသိရပါတယ်။

မော်တော်ယာဉ်တွင် လိုက်ပါခဲ့သူ ၁၀ ဦးအနက် ကျား ၄ ဦးတွင် ၃ ဦးသေဆုံးကာ ၁ ဦး ဆေးရုံ တက်လျှက်ရှိပြီး မ ၆ ဦးတွင် ၃ ဦး ကျန်းမာ၊ ၂ ဦး သေဆုံး၊ ၁ ဦး ဆေးရုံတက်ရောက်လျှက်ရှိပြီး အလုပ်သမားသံအရာရှိရုံးကသေဆုံးသူ၏ မိဘ၊ ဇနီး/ခင်ပွန်း၊ သားသမီးများ လျော်ကြေးရရှိနိုင်ရေး ဆက်လက်ဆောင်ရွက်ပေးသွားမယ်လို့သိရပါတယ်။

ymg/hm
#Yangon_Media_Group