Published 24 April 2022

မော်စကိုက တောင်ပိုင်းမြို့ မာယီယူပူးလ်ကို သိမ်းပိုက်ကြောင်းနှင့် စက်ရုံကိုသိမ်းရန်မလိုကြောင်းကြေညာခဲ့ပြီးနောက် ရက် အနည်းငယ်မှာ ရုရှားတပ်တွေက ယူကရိန်းရဲ့ နောက်ဆုံးခုခံကာကွယ်သူတွေရှိနေကြတဲ့ သံမဏိစက်ရုံကြီးကို ပြန်လည် တိုက်ခိုက်မှုတွေ ဧပြီ၂၄ ရက်က စတင်လာကြပါတယ်။

ယူကရိန်းသမ္မတ ဗိုလိုဒီမာ ဇီလင်စကီးက ယူကရိန်းစစ်တပ်ဟာ မာယီယူပူးလ်ဆိပ်ကမ်းမြို့ကို ပြန်သိမ်းယူဖို့ အဆင်သင့် မဖြစ်သေးဘူးလို့ပြောပါတယ်။

ဒါပေမယ့် အမေရိကန်က ထိပ်တန်းသံတမန်တွေဖြစ်တဲ့ နိုင်ငံခြားရေးဝန်ကြီး အန်တိုနီဘလင်ကင်၊ကာကွယ်ရေးဝန်ကြီး လွိုက်အော်စတင်တို့ ဧပြီ၂၄ ရက်(တနင်္ဂနွေ)နေ့မှာ ကိဗ်ကိုလာရောက်ကြမှာဖြစ်ပြီး ရုရှားကျူးကျော်မှုတတိယပတ်ထဲ ရောက်လာတဲ့အချိန်မှာ ယူကရိန်းဟာ ဘယ်လိုလက်နက်တွေလိုအပ်တယ်ဆိုတာ ဆွေးနွေးကြမယ်လို့ သူက ပြောပါတယ်။

“ ကျွန်တော်တို့ လက်နက်တွေပိုရလာတာနှင့်အမျှ လက်နက်တွေလုံလောက်ပြီဆိုတာနှင့် ယာယီသိမ်းပိုက်ခံထားရတဲ့ ဒီနယ်မြေကို ချက်ခြင်းပြန်သိမ်းပိုက် မှာပါ။ကျွန်တော့်ကိုယုံပါ” လို့ ဇီလင်စကီးက စနေနေ့ညနေခင်းသတင်းစာရှင်းလင်းပွဲမှာ ပြောပါတယ်။

ဘလင်ကင်နှင့်အော်စတင်တို့ရဲ့ ခရီးနှင့်ပတ်သက်လို့ အိမ်ဖြူတော်က အတည်ပြုချက်မပေးပါဘူး။ နိုင်ငံခြားရေးဌာနနှင့် ပင်တဂွန်ကလည်း မှတ်ချက်ပေးဖို့ငြင်းဆန်ပါတယ်။

မာရီယူပူးလ်ကို တိုက်ခိုက်မှုတွေဟာ ရက်သတ္တပတ်များစွာ ပစ်ခတ်နေပြီး ပဋိပက္ခအတွင်း အကြီးကျယ်ဆုံးဖြစ်ပါတယ်။  ဒီမြို့ကို သိမ်းပိုက်မှုဟာ အရှေ့ပိုင်းဒွန်ဘတ်ဒေသနှင့် ၂၀၁၄မှာ မော်စကိုက သိမ်းပိုက်ထားတဲ့ ပင်လယ်နက်ကျွန်းဆွယ်က  ခရိုင်းမီးယားကို ချိတ်ဆက်နိုင်မယ့် ရုရှားရဲ့ မရှိမဖြစ်လိုအပ်တဲ့  ဆောင်ရွက်မှုဖြစ်ပါတယ်။

မော်စကိုက ထောက်ခံထားတဲ့ ခွဲထွက်ရေးသမားတွေဟာ ဒွန်ဘတ်စ်ဒေသမှာ နှစ်ပေါင်းများစွာ နယ်မြေစိုးမိုးထားပါတယ်။

ပင်လယ်နက်ဆိပ်ကမ်းမြို့ အိုဒီဆာမှာ ဒုံးကျည်တိုက်ခိုက်ခံရမှုကြောင့် လူ(၇)ဦး သေဆုံးခဲ့တယ်လို့ ဇီလင်စကီးကပြောပါတယ်။ ဒုံးကျည်တွေဟာ စစ်ဘက်အဆောက်အဦတစ်လုံးနှင့် လူနေအဆောက်အဦနှစ်လုံး  ဖျက်ဆီးခံရတယ်လို့  ယူကရိန်းစစ်တပ်ကပြောပါတယ်။

အသေအပျောက်များနှင့်ပတ်သက်လို့ အတည်ပြုလို့မရသေးပါဘူး။ အိုဒီဆာကို  နောက်ဆုံးအကြီးအကျယ်တိုက်ခိုက်ခဲ့တာဟာ ဧပြီလစောစောပိုင်းမှာဖြစ်ပါတယ်။

ရုရှားဟာ ယူကရိန်းကို သူတို့ရဲ့ ဒုံးကျည်အများဆုံး ပစ်ခတ်ပြီးပြီလို့ ဇီလင်စကီးကပြောပါတယ်။ “  သူတို့မှာ ကျန်သေးတာပေါ့။ အဲဒါကြောင့်လည်း သူတို့ ကျွန်တော်တို့ပြည်သူတွေကို ဒုံးကျည်နှင့်အကြမ်းဖက်မှုတွေ ဆက်လုပ်နိုင်ကြတာပေါ့” လို့ သူကပြောပါတယ်။

ရုရှားကတော့ အရပ်သားတွေပစ်မှတ်ထားတိုက်ခိုက်တယ်ဆိုတာတွေကို ငြင်းဆိုထားပါတယ်။

သူတို့ရဲ့ ပစ်မှတ်တိကျတဲ့ ဒုံးကျည်တွေဟာ အမေရိကန်နှင့် ဥရောပနိုင်ငံတွေက ပေးပို့ထားတဲ့ လက်နက်တွေရှိနေတဲ့ အိုဒီဆာက ထောက်ပို့ရုွတစ်ခုကို ဖျက်ဆီးပစ်လိုက်နိုင်တယ်လို့ ရုရှား ကာကွယ်ရေးဝန်ကြီးဌာနက ပြောပါတယ်။

အဲဒီအပြင် ယူကရိန်းတပ်သား၂၀၀အထိ သတ်ပစ်ခဲ့ပြီး နှင့် ယန္တယားပေါင်း ၃၀ကျော်ကို ဖျက်ဆီးခဲ့တယ်လို့လည်း ရုရှားက ပြောပါတယ်။

Source Reuters

#LocalNews
Published_24 April 2022

မြဝတီ-ကော့ကရိတ် အာရှလမ်းမကြီးပေါ်တွင်ပြေးဆွဲနေသော မော်တော်ယာဉ်အားလုံးကို နှောင့်ယှက်ဖျက်ဆီးခြင်းမပြုလုပ်ရန် KNU - ကရင်အမျိုးသားအစည်းအရုံး ဗဟိုအလုပ်အမှုဆောင်ကော်မတီက ထုတ်ပြန်လိုက်သည်။

ကရင်အမျိုးသားလွတ်မြောက်ရေးတပ်မတော်ဗဟိုစစ်ဦးစီးဌာနချုပ် ကော်သူးလေ မှ တပ်မဟာ (၆)တပ်မဟာ (၇) ၏ တပ်မဟာမှူးထံ လိပ်မူ၍ KNLA ဗဟို စစ်ဌာနချုပ် ဗိုလ်ချုပ်ကြီး စောဂျော်နီက ဧပြီလ ၂၃ ရက် ရက်စွဲဖြင့် ထုတ်ပြန်လိုက်ခြင်းဖြစ်သည်။

ထုတ်ပြန်ချက်တွင် "KNU - ကရင်အမျိုးသားအစည်းအရုံး ဗဟိုအလုပ်အမှုဆောင်ကော်မတီ၏ ဆုံးဖြတ်ချက်အရ မြဝတီ-ကော့ကရိတ် အာရှလမ်းမကြီးပေါ်တွင် သွားလာပြေးဆွဲနေကြသော ခရီးသည်တင်မော်တော်ယာဉ်များ၊အရပ်သားကားများ၊ကုန်တင်ယာဉ်များကို အကြောင်းမဲ့ နှောင့်ယှက်ဖျက်ဆီးခြင်း၊မီးရှို့ဖျက်ဆီးခြင်းများ မပြုလုပ်ရန် သက်ဆိုင်ရာ မိမိတို့ တပ်မဟာ၊တပ်ရင်းအတွင်းရှိ အောက်ခြေအတင့်တင့်ရှိ တပ်မှုးတပ်သားများထံ ထပ်မံညွှန်ကြားရန်နှင့် ညွှန်ကြားချက်ကိုမလိုက်နာဘဲ ဖောက်ဖျက်ကျူးလွန်ပါက လိုအပ်သလို အရေးယူမည်ဖြစ်ကြောင်း" ဖော်ပြထားသည်။

မြဝတီ–ကော့ကရိတ် အာရှလမ်းကို ပြည်သူများအနေဖြင့် ဖြတ်သန်းသွားလာခြင်းမပြုကြရန် KNU အနေဖြင့် ပြီးခဲ့သည့် မတ်လအတွင်းက စာထုတ်ပြန်ထားခဲ့သေးသည်။

အဆိုပါလမ်းတွင် ကုန်တင်ယာဉ်များအပါအဝင် ယာဉ်များကို မီးရှို့ဖျက်ဆီးခြင်း၊တံတားများကို မိုင်းခွဲဖျက်ဆီးခြင်းများ မကြာခဏ ပြုလုပ်ခံရလေ့ရှိကြောင်းလည်း သိရသည်။

ymg/mt
#Yangon_Media_Group

#WorldHealth
Published 24 April 2022

ကုလကျန်းမာရေးအေဂျင်စီရဲ့ လေ့လာသုံးသပ်ချက်အရ ဖိုင်ဇာ(Pfizer)မှထုတ်လုပ်တဲ့ ကိုဗစ်ကုသဆေးဟာ ဆေးရုံတက်ကုသခံယူရမှုနှုန်းကိုလျှော့ချနိုင်ကြောင်း တွေ့ရှိပြီးနောက် ရောဂါကြောင့် အသက်အန္တရာယ်ရှိနိုင်တဲ့သူတွေမှာ အသုံးပြုနိုင်တယ်လို့ WHO က ကြာသပတေးနေ့က ထောက်ခံလိုက်ပါတယ်။

လတ်တလောမှာ ကိုဗစ်ကူးစက်မှု တဖြည်းဖြည်းလျော့နည်းလာပြီဖြစ်ပေမယ့် ကိုဗစ်ရောဂါကြောင့် အပတ်တိုင်း လူထောင်နဲ့ချီပြီး သေဆုံးနေဆဲဖြစ်ပါတယ်။

လက်ရှိအသုံးပြုနိုင်တဲ့ ကို‌ဗစ်ကုသဆေးတွေထဲမှာ ဖိုင်ဇာကထုတ်တဲ့ ပက်ဇ်လိုဗစ်(Paxlovid)က အာနိသင်အထိရောက်ဆုံးဖြစ်နေကြောင်း WHO က ဆိုပါတယ်။

အခြားဆေးတွေထဲမှာတော့ Merck ကုမ္ပဏီမှထုတ်တဲ့ Molnupiravir, Gilead Sciences' မှထုတ်တဲ့ remdesivir နဲ့ ပဋိပစ္စည်းဆေးများပါဝင်ပါတယ်။

ပက်ဇ်လိုဗစ်ဆေးဖြင့် လူနာပေါင်း ၃,၁၀၀ ပါဝင်တဲ့ စမ်းသပ်မှုနှစ်ခုကို WHO က လေ့လာဆန်းစစ်ခဲ့ရာမှာ ဆေးရုံတက်ကုသခံယူမှုနှုန်း ၈၅ ရာခိုင်နှုန်းလျှော့ချပေးနိုင်တာကို တွေ့ရှိခဲ့ပါတယ်။

ရောဂါအန္တရာယ်များတဲ့ လူနာ ၁,၀၀၀ မှာ ဆေးရုံတက်ကုသခံယူရမှု ၈၄ ယောက်လျော့နည်းခဲ့ပါတယ်။

"ဒီဆေးတွေက ကိုဗစ်ကာကွယ်ဆေးနေရာမှာ အစားထိုးလိုရမယ့်ဆေးမဟုတ်ပါဘူး။

ရောဂါကူးစက်ပြီး နာတာရှည်ရောဂါရှိသူတွေ၊ ခုခံအားချို့တဲ့သူတွေ၊ ကာကွယ်ဆေးမထိုးရသေးသူတွေအတွက် နောက်ထပ်အသုံးပြုနိုင်တဲ့ကုသနည်းသာဖြစ်ပါတယ်" လို့ WHO မှ 'ဂျဲနတ်ဒီယာ့ဇ်'က ဆိုပါတယ်။

ပက်ဇ်လိုဗစ်ကို အသုံးပြုနိုင်ဖို့အတွက်က ရောဂါပိုးကူးစက်ပြီး အစောပိုင်းရက်အတွင်း အသုံးပြုရမှာဖြစ်သလို ရောဂါပိုးရှိ/မရှိ စစ်ဆေးသိရှိဖို့လည်း လိုအပ်ပါတယ်။

အခြားဆေးဝါးတွေနဲ့ တွဲစပ်အသုံးပြုရာမှာလည်း သတိထားစရာတွေရှိနေပါတယ်။

ဒါ့အပြင် ပက်ဇ်လိုဗစ်ကို ကိုယ်ဝန်ဆောင်များ၊ နို့တိုက်မိခင်များ၊ ကလေးများမှာ အသုံးပြုလို့ရ/မရကို မလေ့လာရသေးပါဘူး။

ဒီအချက်တွေကြောင့် အချို့နိုင်ငံတွေမှာ အဆိုပါဆေးတွေရရှိနိုင်ပေမယ့် ဝယ်လိုအားက နည်းပါးနေတာဖြစ်ပါတယ်။

ဖိုင်ဇာကုမ္ပဏီက ၂၀၂၂ ခုနှစ်အတွင်း ပက်ဇ်လိုဗစ်ရောင်းချမှုကနေ ဒေါ်လာ ၂၂ ဘီလီယံရရှိမယ်လို့ခန့်မှန်းထားပါတယ်။

Source: Reuters.
#Yangon_Media_Group

#LocalNews
Published -24 Apr 2022

ဧပြီလ ၂၄ ရက် ယနေ့ နံနက် ၅ နာရီခန့်က ရန်ကုန်-မန္တလေးအမြန်လမ်း ၉၉ မိုင် ၅ဖာလုံတွင်ခရီးသည်တင်ယာဉ်တစ်စီးသည် ကားဘီးပေါက်ပြီး အရှိန်လွန်ကာ ချောင်းထဲတိမ်းမှောက်သွားခဲ့ခြင်းကြောင့် ယာဉ်ပေါ်ပါ လူ ၁၁ ဦး ဒဏ်ရာရရှိခဲ့တယ်လို့ အမြန်လမ်းမကြီးရဲတပ်တပ်ဖွဲ့ထံမှ သိရပါတယ်။

" ယာဥ်တိမ်းမှောက်မှုဖြစ်စဥ်မှာ ခရီးသည်တင်ကားပေါ်က ၁၁ ယောက်ပဲ ထိခိုက်ဒဏ်ရာရတယ်" လို့ အမြန်လမ်းမကြီးရဲတပ်တပ်ဖွဲ့မှ ရဲအရာရှိတစ်ဦးက ပြောပါတယ်။

အဆိုပါ တိမ်းမှောက်သွားသော နန်းထိုက်တော်ဝင် ခရီးသည်တင်ယာဉ်မှ ထိခိုက်ဒဏ်ရာရရှိသူများကို မြို့ချောင်းဆေးရုံသို့ ပို့ဆောင်ထားပေးကြောင်း သိရသည်။

" ဒဏ်ရာရသူတွေကလည်း ခေါင်းပေါက်တယ်၊ လက်ထိတယ်၊ ခြေထိတယ် ဒါမျိုးတွေရတယ်၊ပြင်းပြင်းထန်ထန်စိုးရိမ်စရာအခြေအနေတော့ မတွေ့ရပါဘူး။" ဟု ကယ်ဆယ်ရေးတွင်ပါဝင်ခဲ့သော ဆင်ဖြူတော်လူမှုကူညီရေးအသင်းမှ တာဝန်ရှိသူတစ်ဦးက ပြောပါတယ်။

ymg/hm
#Yangon_Media_Group

#Local_News
Published_ 24 April 2022

၂၀၂၂-၂၀၂၃ ပညာသင်နှစ်တွင် Grade-5၊ Grade-8 နှင့် Grade-11 သင်ရိုးသစ်တန်းများကို ဖွင့်လှစ်သွားမှာဖြစ်တယ်လို့ တိုင်းဒေသကြီး/ ပြည်နယ် ပညာရေးမှူးများ နှင့်ခရိုင်ပညာရေးမှူးများအတွက် ဖွင့်လှစ်ပို့ချတဲ့ စီမံခန့်ခွဲမှုစွမ်းဆောင်ရည်မြင့်မားရေး အလုပ်ရုံဆွေးနွေးပွဲတွင် ဒုတိယဝန်ကြီး ဦးဇော်ဝင်းက ပြောကြားခဲ့ပါတယ်။

မြန်မာနိုင်ငံ၌ ပညာရေး ပြုပြင်ပြောင်းလဲမှုများကို ဆောင်ရွက်လျက်ရှိရာ KG+12 စနစ်သစ် သင်ရိုးတန်းများကို နှစ်အလိုက်အကောင်အထည်ဖော်ဆောင်ရွက်နေတာ ဖြစ်ပါတယ်။

လက်ရှိတွင် Grade-5၊ Grade-8 နှင့် Grade-11 သင်ရိုးသစ် TOT သင်တန်းများကို ဧပြီ ၄ ရက်မှစ၍ ဖွင့်လှစ်ပို့ချလျက်ရှိကြောင်း သိရပါတယ်။

ပညာရေးမှူးများအနေဖြင့် သက်ဆိုင်ရာ ဒေသအလိုက် ဆင့်ပွားသင်တန်းများကို စနစ်တကျ ဆက်လက်ဖွင့်လှစ်ပို့ချနိုင်ရေးအတွက် ဆောင်ရွက်သွားမှာဖြစ်တယ်လို့ ဆိုပါတယ်။

အခြေခံပညာရေးကဏ္ဍ ဖွံ့ဖြိုးတိုးတက်ရေးသည် ဆရာ/ဆရာမများအပေါ်တွင် များစွာမူတည်သည့်အတွက် လက်ရှိတာဝန်ယူဆောင်ရွက်နေတဲ့ တိုင်းဒေသကြီး/ ပြည်နယ်ပညာရေးမှူးများ၊ ခရိုင်ပညာရေးမှူးများ၊ မြို့နယ်ပညာရေးမှူးများနှင့် ကျောင်းအုပ်ကြီးများအနေဖြင့် စီမံ/ဘဏ္ဍာ/ပညာ ကဏ္ဍများကို စနစ်တကျ ဖွံ့ဖြိုးတိုးတက်အောင် ဆောင်ရွက်ရမှာလည်း ဖြစ်ပါတယ်။

ymg-mnn
#Yangon_Media_Group

#WorldHealth
Published 24 April 2022

ကိုဗစ်ကပ်ရောဂါစတင်ပျံ့ပွားချိန်ကစလို့ အင်္ဂလန်ရှိ လူ ၁၀‌ ယောက်မှာ ၇ ယောက်ခန့်က ကိုရိုနာဗိုင်းရပ်စ်ကူးစက်ခံရပြီးနေပြီဖြစ်တယ်လို့ မှတ်တမ်းမှတ်ရာများအရ သိရှိရပါတယ်။

လူဦးရေအားလုံးရဲ့ ၇၀.၇ ရာခိုင်နှုန်း သို့မဟုတ် လူနေအိမ်များရှိ လူပေါင်း ၃၈.၅ သန်းဟာ ၂၀၂၀ ဧပြီလနောက်ပိုင်း အနည်းဆုံးတစ်ကြိမ်တော့ ရောဂါကူးစက်ခဲ့ပြီးဖြစ်ပါတယ်။

နိုင်ငံတော်စာရင်းအင်းပြုစုဌာန(ONS)က ကိုဗစ်ရောဂါ ကူးစက်မှုစစ်တမ်းများကိုကြည့်ပြီး ထုတ်ပြန်ခဲ့တာဖြစ်ပါတယ်။

အဆိုပါစစ်တမ်းကို အင်္ဂလန်မှာ ၂၀၂၀ ဧပြီလကစပြီး ကောက်ယူခဲ့တာကြောင့် အစောပိုင်းမတ်လက ကူးစက်မှုတွေကိုတော့ ထည့်သွင်းထားခြင်းမရှိပါဘူး။

ဒါပေမယ့် ကိုဗစ်ကပ်ရောဂါပျံ့ပွားမှုကာလတလျှောက်လုံးက ကူးစက်သူအားလုံးနီးပါးပါဝင်ခဲ့တဲ့ ပထမဦးဆုံးစစ်တမ်းဖြစ်နေပါတယ်။

ONS ကကောက်ယူခဲ့တဲ့မှတ်တမ်းများက ၂၀၂၂ ဖေဖော်ဝါရီ ၁၁ ရက်နေ့အထိ ပါဝင်နေပါတယ်။

ယူကေပြည်ထောင်စုမှ နောက်ထပ် ၃ နိုင်ငံရဲ့အချက်အလက်တွေကိုလည်း ဖော်ပြထားပါသေးတယ်။

ဝေးလ်စ်နိုင်ငံမှာ ၂၀၂၀ ဇွန်လ ၃၀ ရက်နေ့မှ ၂၀၂၂ ဖေဖော်ဝါရီ ၁၁ ရက်နေ့အထိ လူဦးရေ ၅၆ ရာခိုင်နှုန်း ကို‌ဗစ်ရောဂါကူးစက်ခဲ့ပါတယ်။

စကော့တလန်နိုင်ငံမှာ ၂၀၂၀ စက်တင်ဘာ ၂၂ ရက်နေ့မှ ၂၀၂၂ ဖေဖော်ဝါရီ ၁၁ ရက်နေ့အထိ လူဦးရေ ၅၁.၅ ရာခိုင်နှုန်း ကိုဗစ်ရောဂါကူးစက်ခဲ့ပါတယ်။

မြောက်အိုင်ယာလန်နိုင်ငံမှာ ၂၀၂၀ ဇူလိုင် ၂၇ ရက်နေ့မှ ၂၀၂၂ ဖေဖော်ဝါရီ ၁၁ ရက်နေ့အထိ လူဦးရေ ၇၂.၂ ရာခိုင်နှုန်း ကိုဗစ်ရောဂါကူးစက်ခဲ့ပါတယ်။

အထက်ပါမှတ်တမ်းဖော်ပြချက်များမှာ လူနေအိမ်များရှိ ကူးစက်သူအရေအတွက်သာဖြစ်ပြီး ဆေးရုံတက်ရောက်သူများ၊ ကျန်းမာရေးစောင့်ရှောက်မှုစင်တာမှလူများ၊ လူအများနေထိုင်ရာနေရာများမှလူများ မပါဝင်ပါဘူး။

Source: Bloomberg.
#Yangon_Media_Group

#Local_News
Published_ 24 April 2022

၂ဝ၂၄ ခုနှစ်၊ သန်းခေါင်စာရင်းကို ကြိုတင်ပြင်ဆင်ခြင်းလုပ်ငန်း၊ စာရင်းကောက်ယူခြင်းလုပ်ငန်း၊ စာရင်းဇယား ပြုစုခြင်းလုပ်ငန်း၊ ဆန်းစစ်လေ့လာခြင်းနှင့် အစီရင်ခံစာထုတ်ပြန်ခြင်းလုပ်ငန်း စသည့် လုပ်ငန်းစဉ် ၄ ရပ်ဖြင့် ၂ဝ၂၁ ခုနှစ်၊ အောက်တို ဘာလမှ ၂ဝ၂၅ ခုနှစ်၊ ဒီဇင်ဘာလအထိ ၅၁ လခန့်နဲ့ လျာထားဆောင်ရွက်လျက်ရှိကြောင်း သိရပါတယ်။

၂ဝ၂၄ ခုနှစ် ပြည်လုံးကျွတ်သန်းခေါင်းစာရင်း ကောက်ယူခြင်းလုပ်ငန်း၏ ပထမအဆင့်ဖြစ်တဲ့ ကြိုတင်ပြင်ဆင်ခြင်းလုပ်ငန်းများထဲမှ အဆင့် ၅ ဆင့်ကို ဦးစွာ အကောင်အထည်ဖော် ဆောင်ရွက်သွားမယ်လို့ နစကဝန်ကြီး ဦးခင်ရီက ပြောပါတယ်။

၂ဝ၂၄ ခုနှစ်၊ လူဦးရေနှင့် အိမ်အကြောင်းအရာ သန်းခေါင်စာရင်း ကောက်ယူနိုင်ရေးအတွက် ဗဟိုသန်းခေါင်စာရင်းကော်မရှင်နှင့် ဗဟိုသန်းခေါင်စာရင်းကော်မတီဖွဲ့စည်းနိုင်ရေး လုပ်ငန်းညှိနှိုင်းအစည်းအဝေးကို ဧပြီ ၂၁ ရက်က နေပြည်တော်ရှိ လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာန၊ အစည်းအဝေးခန်းမမှာ ကျင်းပခဲ့တာ ဖြစ်ပါတယ်။

ပထမအဆင့်ဖြစ်သည့် ကြိုတင်ပြင်ဆင်ခြင်း လုပ်ငန်းအတွက် လုပ်ငန်းစဉ် အဆင့် (၈) ဆင့်ရှိသည့်အနက် အဆင့် (၅) ဆင့်ဖြစ်သည့် အခြေခံဒေသစာရင်းများ ပြုစုခြင်း၊ သန်းခေါင်စာရင်းလုပ်ငန်း အသေးစိတ် စီမံချက် (Project Document) ရေးဆွဲခြင်း၊ သန်းခေါင်စာရင်းကော်မရှင်နှင့် ကော်မတီအဆင့်ဆင့် ဖွဲ့စည်းခြင်း၊ GIS နည်းပညာ အသုံးပြု၍ မြေပုံရေးဆွဲပြုစုခြင်း၊ စာရင်းကောက်ကွက်များ ဖွဲ့စည်းခြင်း၊ မေးခွန်းပုံစံနှင့် လက်စွဲစာစောင်များ ပြုစုခြင်းတို့ကို လုပ်ငန်းအချိန်ဇယားရေးဆွဲကာ ပထမဦးစွာအကောင်အထည်ဖော် ဆောင်ရွက်သွားမှာဖြစ်ကြောင်း သိရပါတယ်။

မြန်မာနိုင်ငံတွင် ပြည်လုံးကျွတ်အဆင့် သန်းခေါင်စာရင်းကို ၁၉၇၃ ခုနှစ်နှင့် ၁၉၈၃ ခုနှစ်တို့တွင် ကောက်ယူခဲ့ပြီးနောက် အကြောင်းအမျိုးမျိုးကြောင့် နှစ်ပေါင်း ၃ဝ ကျော်ကြာ ၂ဝ၁၄ ခုနှစ်တွင် အောင်မြင်စွာ ကောက်ယူနိုင်ခဲ့ပါတယ်။

ymg-mnn
#Yangon_Media_Group

#LocalNews
Published_23 April 2022

ငြိမ်းချမ်းရေးကို လက်တွေ့ကျကျ ထိထိရောက်ရောက် အကောင်အထည်ဖော်နိုင်ဖို့ လိုအပ်တဲ့အတွက်ကြောင့် တိုင်းရင်းသားလက်နက်ကိုင်အဖွဲ့တွေရဲ့ ခေါင်းဆောင်တွေကို တွေ့ဆုံဆွေးနွေးဖို့ ဖိတ်ခေါ်ပါတယ်လို့ နစက ဥက္ကဌက ဧပြီလ ၂၂ ရက်မှာ ပြောလိုက်တာပါ။

#Yangon_Media_Group

Published 23 April 2022

အမေရိကန်နိုင်ငံခြားရေးဝန်ကြီး အန်တိုနီ ဘလင်ကင်ဟာ ယူကရိန်းဝန်ကြီးချုပ် ဒင်နီရှီမားဟဲလ်ကို ဧပြီ ၂၂ရက်က ဝါရှင်တန်ဒီစီမီမှာ လက်ခံတွေ့ဆုံပါတယ်။ နှစ်ဖက်စလုံးက အရာရှိတွေက ရုရှားနှင့်တိုက်တဲ့စစ်ပွဲ အောင်နိုင်လိမ့်မယ် လို့ ပြောကြားကြပါတယ်။

Source AFP

#WorldTourism
Published 23 April 2022

မနက်မိုးသောက်အလင်းရောက်လာတဲ့အချိန်မှာ ကမ္ဘောဒီးယားနိုင်ငံကို လာရောက်လည်ပတ်တဲ့ နိုင်ငံခြားခရီးသွားဧည့်သည်တွေက အန်ကာဝတ်ဘုရားကျောင်းကြီးရဲ့ ရှေးဟောင်းမျှော်စင်တွေအောက်မှာ စုရုံးနေကြပြီဖြစ်ပါတယ်။

#Yangon_Media_Group

#LocalNews
Published_23 April 2022

မြောက်ဦးဒေသ ကမ္ဘာ့အမွေအနှစ်စာရင်းဝင်ရောက်ရေး အနဂ္ဃရတနာမြေ ဓာတ်ပုံပြပွဲကို မြောက်ဦးမြို့ အံတော်သိမ် ပုထိုးတော်ကြီး၊ ဓမ္မသာလဆောင်၌ သာသနာရေးနှင့် ယဉ်ကျေးမှုဝန်ကြီးဌာနနှင့် ရခိုင်ပြည်နယ် အစိုးရအဖွဲ့တို့ ကြီးမှူး၍ ယနေ့ ၂၃ ရက်တွင် စတင်ကျင်းပခဲ့ကြကြောင်း သိရသည်။

"ဒါက ကမ္ဘာ့အမွေအနှစ်ဝင်နိုင်ဖို့ အကြိုလှုပ်ရှားမှု ဖြစ်ပါတယ်။မြောက်ဦးဒေသရဲ့ လူနေမှုဘဝတွေကို ဓာတ်ပုံပညာနဲ့ ပြည်သူတွေကို ထုတ်ဖော်ပြသနိုင်ဖို့အတွက် အနဂ္ဃရတနာမြေ - မြောက်ဦး ဓာတ်ပုံပြပွဲကို ပြုလုပ်ရတာပါ။ စေတီပုထိုးတွေရဲ့ ခမ်းနားထည်ဝါမှုနဲ့ အနုပညာလက်ရာတွေ ၊ ရှုခင်းတွေ၊ လူနေမှုဘဝတွေ၊ ပွဲတော်တွေ၊ မြောက်ဦးဒေသအလေ့အထတွေကို ရိုက်ကူးပုံဖော်ထားတဲ့ ဓာတ်ပုံတွေဖြစ်ပါတယ်"ဟု ရခိုင်ပြည်နယ်အစိုးရအဖွဲ့ဝင် လူမှုရေးဝန်ကြီး ဦးအောင်မျိုးက ပြောသည်။

အနဂ္ဃရတနာမြေ - မြောက်ဦး ဓာတ်ပုံပြပွဲတွင် မြောက်ဦးဒေသခံ ဓာတ်ပုံပညာရှင်များက ဓာတ်ပုံ (၁၂၀)ကို ခင်းကျင်းပြသထားကြောင်း၊ဘိုးဘွားလက်ထက်က တည်ဆောက်ထားခဲ့သော အလွန်တန်ဖိုးရှိသည့် ယဉ်ကျေးမှုအမွေအနှစ်များကို အကောင်းဆုံး ထိန်းသိမ်းစောင့်ရှောက်ကာ နောင်မျိုးဆက်သစ်များကို လက်ဆင့်ကမ်းအမွေပေးနိုင်ရန် ရည်ရွယ်၍ အမျိုးသားရေးတာဝန်တစ်ရပ်အဖြစ် ခံယူဆောင်ရွက်ကြရန်လုပ်ဆောင်ခြင်းဖြစ်ကြောင်းလည်း သိရသည်။

ymg/mt
#Yangon_Media_Group

Published 23 April 2022

ထိုင်းနိုင်ငံ ဓမ္မကာယ ဗုဒ္ဓဘာသာ ဂိုဏ်းက ဗုဒ္ဓဘာသာ ဘုန်းတော်ကြီးတွေဟာ ဧပြီ ၂၂ရက်ညက ကမ္ဘာမြေနေ့အခမ်းအနားကို ကျင်းပခဲ့ပါတယ်။ အာကာသယာဉ်သဏ္ဍာန်ရှိတဲ့ ရွှေစေတီတစ်ဝိုက်မှာ  ဘုန်းတော်ကြီးတွေဟာ ဆုတောင်းပတ္ထနာပြုကြပြီး LED မီးသီးနှင့် ဖယောင်းတိုင်ပေါင်း သုံးသိန်းကို ကမ္ဘာ့တိုက်ကြီးတွေ အသွင် ထွန်းညှိရင်း ဗုဒ္ဓဘုရားရှင်မြတ်ကို ပူဇော်ခဲ့ကြ  ပါတယ်။

Source AFP