#LocalNews
Published- 6 Feb 2022
ဖေဖော်ဝါရီလ ၅ရက်နေ့ကမကွေးတိုင်းဒေသကြီး၊ မင်းဘူးခရိုင်၊ မင်းဘူး(စကု)မြို့နယ်ရှိ မန်းရွှေစက်တော်ဘုရား ဗုဒ္ဓပါဒ စေတီတော်ဖွင့်ပွဲနှင့် ဓါတ်လှေကားတာဝါဖွင့်ပွဲ အခမ်းအနားကျင်းပခဲ့တယ်လို့ သိရပါတယ်။

နိုင်ငံတော်ဩဝါဒါစရိယဆရာတော် ဘဒ္ဒန္တဥတ္တရမှ မန်းရွှေစက်တော်ဘုရား အောက်ခြေတော်ရာ ပါဒစေတီတော် အလင်းပေါက်ဖန်အုပ်ဆောင်းတော်အား စက်ခလုပ်နှိပ် ဖွင့်လှစ် ပေးခြင်းနဲ့ အထက်စက်တော်ရာ ပါဒစေတီတော် ခြေတော်ရာသံတံခါးအား ဖွင့်လှစ်ပေးခြင်းများ ဆောင်ရွက်ပေးခဲ့ပြီး ဩဝါဒါစရိယဆရာတော်ကြီးများက ဗုဒ္ဓပါဒ စေတီတော်နှစ်ဆူအား ဗုဒ္ဓါဘိသေက အနေကဇာတင် ဘိသိတ်သွန်းတော်မူခဲ့ကြတယ်လို့ သိရပါတယ်။

မန်းရွှေစက်တော်ဘုရား ဓါတ်လှေကားတာဝါနှင့် စင်္ကြန်လျှောက်လမ်းကို Phase-1နှင့် Phase-2 ဟူ၍ နှစ်ကျိပ်ရှစ်ဆူစေတီတော်အနီးမှ ကိုးခန်းကြီးဘုရားအထိ (အလျား ပေ ၂၁၀ x အမြင့် ၁၁၉ ပေ x အကျယ် ၁၂ ပေ) ရှိပြီး၊ ဘုရားကြီးဘဏ္ဍာငွေမှ ခွင့်ပြုငွေကျပ်သိန်းပေါင်း (၁၈၀,၀၀၀)ခန့်ဖြင့် ၂၀၂၁ ခုနှစ်၊ ဇွန်လ ၂၉ ရက်နေ့က စတင်တည်ဆောက်ခဲ့ရာ (ဖေဖော်ဝါရီ ၅ ရက်) ယမန်နေ့တွင် စတင်ဖွင့် လှစ်ပေးခဲ့ကြောင်း၊ ဓာတ်လှေကားတစ်စင်းကို လူ(၂၀)နှုန်းဖြင့် စုစုပေါင်း လူ(၄၀) လိုက်ပါ စီးနင်းနိုင်မယ်လို့ သိရပါတယ်။

မန်းရွှေစက်တော်ရာ ပါဒစေတီတော် ဗုဒ္ဓပူဇနိယပွဲတော်ကာလမှာ နှစ်စဉ်တပို့တွဲလဆန်း ၅ ရက်နေ့မှ မြန်မာနှစ်ဆန်း ၁ ရက်နေ့အထိဖြစ်တယ်လို့ သိရပါတယ်။
ymg/hm

#Yangon_Media_Group 

#LocalNews
Published - 6 Feb 2022

တမူးမြို့မှ ကိုဗစ်လူနာ ၂၈ ဦး ဆေးရုံဆင်းခွင့် ထပ်မံရရှိခဲ့သည့် အတွက် ယနေ့( ဖေ ဖော်ဝါရီလ ၆ ရက် နေ့)အထိ ရောဂါပိုးကင်းစင်သူ(၆၀)ဦး အထိ ဆေးရုံဆင်းခွင့်ရရှိခဲ့ပြီဖြစ်တယ်လို့ သိရပါတယ်။

ယနေ့တွင် ကိုဗစ်ပိုးတွေ့လူနာ(၂၈)ဦးအား သတ်မှတ်ရက်ပြည့်မြောက်ပြီး ရောဂါပိုးမတွေ့ ရှိတော့သဖြင့် နေအိမ်သို့ ပြန်လည်စေလွှတ်ပေးခဲ့တာဖြစ်တယ်လို့ သိရပါတယ်။

တမူးမြို့တွင် ယခုကူးစက်ခံနေရသော ကိုဗစ်ရောဂါပိုးမှာ ကူးစက်မှုမြန်သော်လည်း ကူးစက်ခံရသောလူနာများမှာ ကျန်းမာရေးအတွက် စိုးရိမ်စရာမတွေ့ရပါဘဲ အားလုံးကျန်းမာစွာရှိနေ တယ်လို့လည်း သိရပါတယ်။

အဆိုပါ တမူးမြို့ တွင်(ဇန်နဝါရီလ ၂၄ ရက် နေ့)တစ်ရက်ထဲမှာပင် ကိုဗစ်အတည်ပြုလူနာ ၅၉ ဦးကို စတင်တွေ့ ရှိခဲ့ခြင်းဖြစ်ပြီး အဲ့ဒီလို တွေ့ ရှိပြီး နောက်ပိုင်း ၄ ရက်
အကြာ(ဇန်နဝါရီလ ၂၇ ရက် နေ့)မှာ ကိုဗစ်အတည်ပြု လူနာသစ် ၂၄ ဦး၊ (ဇန်နဝါရီလ ၂၈ ရက် နေ့)တွင် ကိုဗစ်အတည်ပြုလူနာ ၂၉ ဦးနှင့် (ဇန်နဝါရီလ ၃၀ ရက် နေ့)တွင် ကိုဗစ်အတည်ပြု လူနာသစ် ၂၉ ဦးတို့ကို ထပ်မံ တွေ့ ရှိခဲ့တာဖြစ်ပါတယ်။

ဒါ့အပြင် ယခုဖေဖော်ဝါရီလ ၁ ရက်နေ့မှာ တမူးမြို့တွင် ကိုဗစ်အတည်ပြုလူနာ(၆)ဦးကို ထပ်မံတွေ့ ရှိခဲ့ရတာပါ။

ဒါကြောင့် တမူးမြို့တွင် ရောဂါပိုးကူးစက်ခံရပြီးဆေးကုသမှုခံယူနေဆဲ လူနာစုစုပေါင်း(၂၅၉)ဦး အထိ ရှိ နေခဲ့တာဖြစ်ပြီး ယနေ့အထိတော့ ရောဂါပိုးကင်းစင်ပြီဖြစ် တဲ့ ကိုဗစ်လူနာ(၆၀)ဦး အထိ ဆေးရုံဆင်းခွင့်ရရှိခဲ့တာဖြစ်တယ်လို့ သိရပါတယ်။

ကျန်ရှိနေသည့် ပိုးတွေ့လူနာများကိုလည်း ဆေးဝါးကုသမှုတွေကို ဆက်လက်ပြုလုပ်ပေး နေတယ်လို့လည်း ဆိုပါတယ်။

ymg/kg
#Yangon_Media_Group 

#LocalNews
Published- 6 Feb 2022
စစ်ကိုင်းတိုင်းဒေသကြီး၊မြင်မူမြို့နယ်တွင် ဆီဘောက်ဆာယာဥ် တစ်စီးတမ်းမှောက်ခဲ့ပြီး ယာဥ်မောင်းနှင်သူထိခိုက်ဒဏ်ရာရရှိခဲ့တယ်လို့ သိရပါတယ်။

ဖြစ်စဥ်မှာ ဖေဖေည်ဝါရီလ ၆ရက်ယနေ့ နံနက် ၁၁နာရီ ၄၅မိနစ်အချိန်ခန့်၊ စစ်ကိုင်းတိုင်းဒေသကြီး၊ မြင်းမူမြို့နယ်၊ ကံပြားကျေးရွာအနီးတွင် ဆီဘောက်ဆာယာဉ် တိမ်းမှောက်မှုဖြစ်ပွားကြောင်း သတင်းရရှိတာကြောင့်မြင်းမူမြို့ နယ်မီးသတ်စခန်းမှ Foam မီးငြှိမ်းသတ်ယာဉ်(၁)စီး၊ ထီးဆောင်းနယ်မြေမီးသတ်စခန်းမှ မီးငြှိမ်းသတ်‌ယာဉ်(၁)စီးတိုဖြင့် မီးလောင်မှုမဖြစ်ပွားစေရေး ကူညီဆောင်ရွက်ပေးခဲ့တယ်လို့ သိရပါတယ်။

ဆီဘောက်ဆာတွဲကား တိမ်းမှောက်မှုမှဖြစ်ပွား မှုကြောင့်ယာဥ်မောင်းထိခိုက်ဒဏ်ရာရှိခဲ့ပြီး မြင်းမူဆေးရုံသို့ ပို့ဆောင်ကူညီပေးခဲ့တယ်လို့ သိရပါတယ်။

ymg/hm

#Yangon_Media_Group 

#LocalNews
Pubnlished - 6 Feb 2022
ရန်ကုန် - မန္တလေး လမ်းပိုင်း အမြန်ရထားခရီးစဥ်အားတစ်ပတ်လျှင် (၃)ရက် ပုံမှန် ပြေးဆွဲ ပေး နေတယ်လို့ မြန်မာ့မီးရထားမှ သိရပါတယ်။

အဆိုပါ အမြန်ရထား ခရီးစဥ်ကို တနဂ်နွေ၊ ဗုဒ္ဓဟူးနှင့် သောကြာ နေ့တိုင်း ပြေးဆွဲပေးနေတာဖြစ်ပြီးရန်ကုန်မှ မန္တလေးမြို့သို့ ညနေ ၃ နာရီ ၄၅ မိနစ်တွင်လည်း ကောင်း၊ မန္တလေးမှ ရန်ကုန်မြို့သို့ ညနေ ၃ နာရီတွင်လည်းကောင်း ပုံမှန် ထွက်ခွာ ပြေးဆွဲပေးနေတာဖြစ်တယ်လို့ သိရပါတယ်။

ယင်းခရီးစဥ်အတွက် လက်မှတ်ခနှုန်းထား အ နေနဲ့ ရိုးရိုးတန်း ၄၆၅၀ ကျပ်၊ အထက်တန်း ၉၃၀၀ ကျပ်နှင့်အိပ်စင်ဆိုပါက ၁၃၀၀၀ ကျပ် ကျသင့်မှာဖြစ်ပြီးရန်ကုန် - မန္တလေး အမြန်ရထားခရီးစဥ် အတွက်ခုတ်မောင်းချိန်ဟာ (၁၆)နာရီ ကြာမြင့်မှာ ဖြစ်တယ်လို့ဆိုပါတယ်။

ဒါ့အပြင် စာပို့ရထားခရီးစဥ်ကိုလည်း (နေ့စဥ်)ပုံမှန် ပြေးဆွဲပေးနေပြီး ရန်ကုန်မှ မန္တလေးမြို့သို့ မနက် ၈ နာရီတွင်လည်း ကောင်း၊ မန္တလေးမှ ရန်ကုန်မြို့သို့ ညနေ ၃ နာရီ ၁၅ မိနစ်တွင်လည်းကောင်း ထွက်ခွာ ပြေးဆွဲပေးနေပြီး လက်မှတ်ခနှုန်းထားက ရိုးရိုးတန်းအနေဖြင့် ၃၅၀၀ ကျပ် ကျသင့်မှာဖြစ်တယ်လို့ သိရပါတယ်။

အဆိုပါ စာပို့ရထားခရီးစဥ်က တော့ ခုတ်မောင်းချိန် (၂၆)နာရီ ကြာမြှင့်မှာဖြစ်တယ်လို့ ဆိုပါတယ်။

ယခုလို ရထားခရီးစဥ် တွေကို ပြေးဆွဲ ပေးရတာဟာကားခတွေ စျေးအဆမတန် မြင့်တက်နေတဲ့အချိန်ဖြစ်လို့ ခရီးသွားအခြေခံလူတန်းစား မိဘပြည်သူများ ခရီးစရိတ်သက်သာစေရန်နှင့် အခြားလမ်းပိုင်းရှိ ထားများ ဆက်လက်ထွက်နိူင်ရန်အတွက် မီးရထားဌာနမှ အစွမ်းကုန်ကြိုးပမ်းလျက်ရှိတယ်လို့လည်း မြန်မာ့မီးရထား၏ ထုတ်ပြန်ချက်မှာ ဖော်ပြထားပါတယ်။

ဓါတ်ပုံ - မြန်မာ့မီးရထား

ymg/kg
#Yangon_Media_Group 

#LocalNews
Published - 6 Feb 2022
သုံးဘီးယာဉ် ယာဉ်မောင်းဘေးက မတ်တပ်ရပ် တွယ်လိုက်ရင်း ခါးဝတ်ပုဆိုးညပ်ကာ ခြေထောက်နှစ် ချောင်းပါသွားတဲ့ လူငယ်အား ကယ်ဆယ် ရေးအဖွဲ့ တွေက ခက်ခက်ခဲခဲ ကယ်ထုတ်ခဲ့ရသည့် ဖြစ်စဥ်တစ်ခုက ယမန်နေ့ (ဖေ ဖော်ဝါရီလ ၅ ရက် နေ့)က မကွေးမြို့ မှာ ဖြစ်ပွားခဲ့တယ်လို့ သိရပါတယ်။

အဆိုပါ သုံးဘီးယာဉ် ကရောင်းထဲ ညပ်နေတဲ့လူနာအား မကွေးမီးသတ်ဦးစီးဌာန ရှာဖွေကယ်ဆယ်ရေးနှင့် ဒေသခံ လူမှုကူညီ ရေးအဖွဲ့ တွေက ဝိုင်းဝန်းကြိုးစားကယ်ထုတ်ခဲ့ရတာလည်းဖြစ်ပါတယ်။

"အချိန် ၁ နာရီခွဲအကြာ သုံးဘီးယာဉ်ကိုယ်ထည်များ ဖြတ်ထုတ်ပြီး လူနာအား ကယ်ဆယ်ထုတ်ယူနိုင်ခဲ့ပါတယ်။ သုံးဘီးယာဉ်မောင်းဘေးမှာ မတ်တပ်ရပ် တွယ်လိုက်ရင်း ပုဆိုးနဲ့ညှိကာ ခြေနှစ်ချောင်းပါဝင်သွားခြင်းဖြစ်ပါတယ်။"လို့ ဒေသခံ ကယ်ဆယ် ရေးအဖွဲ့မှ

တာဝန်ရှိသူတစ်ဦးက ပြောပြခဲ့ပါတယ်။

ကယ်ထုတ်ရရှိခဲ့သည့် လူနာဟာ ခြေထောက် နှစ်ချောင်းလုံးကျိုးသွားခဲ့ပြီး လူနာအား မကွေးတိုင်းဆေးရုံကြီး အရေးပေါ် ဌာနသို့ ဒေသခံ လူမှုကူညီ ရေးအသင်းကကူညီ ပို့ဆောင်ပေးခဲ့ရတယ်လို့လည်း သိရပါတယ်။

Photo - KS Rescue Magway (မကွေးလူမှုကူညီရေးအသင်း)

ymg/kg
#Yangon_Media_Group 

#LocalNews
Published - 6 Feb 2022
ပူတာအို ဒေသရှိ ကျေးရွာအချို့မှ ပြည်သူများနေရပ်စွန့်ခွာ၍ စစ်ဘေးရှောင် နေရတယ်လို့
ပူတာအိုမြို့ ဒေသခံများထံမှ သိရပါတယ်။

ယခုလ ဖေဖော်ဝါရီ(၃)ရက်နေ့က ဆွမ်ပီယာန်ရွာအား လေကြောင်းဖြင့် ဗုံးကြဲတိုက်ခိုက်ခြင်းကြောင့် ရွာသူ ရွာသားများအားလုံး ဘေးလွှတ်ရာတောတွင်းများသို့ ထွက်ပြေးတိမ်း ရှောင်ခဲ့ရတာဖြစ်ပြီး တဆက်တည်းမှာ လုံရှာယာန်ကျေးရွာမှာလည်း ဖေဖဝါရီ ၃ ရက်နှင့် ၄ ရက် နေ့များက လက်နက်ကြီးများနဲ့ တိုက်ခိုက်ခံရတဲ့အတွက် ဒေသခံပြည်သူများစွာ ဘေးလွှတ်ရာ တောတောင်များသို့ ထွက်ပြေးခိုလှုံ နေရတာဖြစ်တယ်လို့ ဒေသခံ တွေက ဆိုပါတယ်။

ပူတာအိုဒေသဟာ လတ်တလောအချိန်မှာ မိုးရွာသွန်းခြင်း၊ ရာသီဥတုအေးခဲခြင်းဖြစ်နေတာ
ဖြစ်ပြီး ဒီလို ရာသီဥတုအချိန်ခါမျိုးမှာ မိမိတို့နေအိမ်များကို စွန့်ခွာပြီး လုံခြုံမှုမရှိတဲ့ တောတောင်တွေမှာ ဒုက္ခပေါင်းများစွာနဲ့ ခိုလှုံ နေရတာဟာ အစစ အရာရာအတွက် အလွန်စိုးရိမ်စရာဖြစ်တယ်လို့လည်း စစ် ဘေးရှောင်အ ရေးကိစ္စရပ်များကို ကူညီ ဆောင်ရွက် ပေး နေ
သည့် ဒေသခံတစ်ဦးက ပြောပြခဲ့ပါတယ်။

ဒါ့အပြင် ပူတာအို ဒေသမှာ တပ်မတော်နဲ့ ဒေသကာကွယ် ရေးလက်နက်ကိုင်အဖွဲ့ တွေနဲ့ ထိ တွေ့တိုက်ပွဲ ဖြစ်ပွားမှု တွေလည်းရှိ နေတာဖြစ်ပြီး အဆိုပါဒေသခံ လက်နက်ကိုင်အဖွဲ့တစ်ဖွဲ့ကလည်း ယမန် နေ့မှာ ပူတာအိုမြို့သို့ ၎င်းတို့အဖွဲ့ ေတွ စစ် ကြောင်းချီလာတဲ့ ဗီဒီယိုဖိုင်များကိုလွှင့်တင်ခဲ့ပြီး ဒေသခံပြည်သူ တွေအ နေနဲ့ စစ် ရေးတင်းမာမှု တွေရှိ နေတဲ့အတွက် ဂရုပြုသွားလာ နေထိုင်ကြဖို့ ကိုလည်း ၎င်းအဖွဲ့က အသိ ပေးထုတ်ပြန်ထားတာပါ။

ပူတာအိုမြို့နယ်အတွင်းရှိ ဆွမ်ပီယာန်နဲ့ လုံရှာယာန်ကျေးရွာများမှ ဒေသခံရွာသူ/ရွာသား၊ သက်ကြီးရွယ်အို၊ ကလေး၊ မိခင်များ ဘေးလွှတ်ရာတောတောင်များတွင် ထွက်ပြေးခိုလှုံ နေကြရတဲ့ မှတ်တမ်းပုံအချို့ သည်လည်း လူမှုကွန်ရက်ပေါ်မှာ ယခုလို ပျံ့နှံ့နေခဲ့တာဖြစ်ပါတယ်။

Photo - CJ

ymg/kg
#Yangon_Media_Group 

Published 6 Feb 2022

ဗြိတိန်ရဲ့အဲလစ်ဇဘက်ဘုရင်မကြီးက ချားလ်မင်းသား ဗြိတိန်ဘုရင်ဖြစ်လာတဲ့အခါ မင်းသားချားလ်စ်၏ဇနီးကမ်မီလာကို ကြင်ရာတော် မိဖုရားကြီးဖြစ်စေလိုတယ်လို့ ထုတ်ဖော်ပြောကြားလိုက်ပါတယ်။ အဲဒါကြောင့် တစ်ချိန်က ပြင်ပလူတစ်ဦးလို့သတ်မှတ်ခံထားရတဲ့ကမ်မီလာကို တော်ဝင်မိသားစုရဲ့ ဗဟိုချက်မနေရာမှာ ရှိလာစေဖို့ ခိုင်မာသွားစေပါတယ်။

ယခုအချိန်ဟာ ဗြိတိန်ပြည်သူလူထုက ပြသခဲ့တဲ့ သူမအပေါ်သစ္စာစောင့်သိမှုနှင့် ချစ်မြတ်နိုးမှုတို့ကို ပြန်လည်ဆင်ခြင်မိတဲ့ အခါသမယဖြစ်တယ်လို့ ထီးနန်းသက် (၇၀) ပြည့်နှစ်အထိမ်းအမှတ် ရေးသားတဲ့စာတစ်စောင်မှာ အဲလစ်ဇဘက်ဘုရင်မကြီးက ပြောထားပါတယ်။

ချားလ်စ်နှင့်ကမ်မီလာတို့ကိုလည်း အဲသလိုပဲ ထောက်ခံအားပေးကြလိမ့်မယ်လို့ သူမမျှော်လင့်တယ်လို့ လည်း ဘုရင်မကြီးက ဆိုပါတယ်။

“ အချိန်ရောက်လာရင် ကမ်မီလာဟာ သူမရဲ့ကိုယ်ပိုင်သစ္စာစောင့်သိမှုကို ဆက်လက်ထိန်းသိမ်းထားနေတဲ့အလျောက်  ကြင်ရာတော်မိဖုရားကြီးအဖြစ်သိလာကြလိမ့်မယ်” လို့ အဲလစ်ဇဘက်က ပြောပါတယ်။

ချားလ်စ်နှင့်ကမ်မီလာဟာ ကာလရှည်ချစ်သူတွေဖြစ်ခဲ့ကြပြီး ၂၀၀၅ခုနှစ်မှာ ဝင်ဆာမှာ အရပ်ဖက်အခမ်းအနားတစ်ခုနှင့် လက်ထပ်ခဲ့ကြပါတယ်။ဘုရင်မကြီးရဲ့စကားတွေကြောင့် ဝမ်းသာဂုဏ်ယူမဆုံးဖြစ်ရတယ်လို့  သူတို့ရဲ့ “ကလာရင့်စ်ဟောက်စ်” အိမ်တော်ကပြောပါတယ်။

ဘုရင်မကြီးရဲ့ဆောင်ရွက်မှုဟာ ကမ်မီလာကို တော်ဝင်အဖြစ် လူတွေကျယ်ကျယ်ပြန့်ပြန့်လက်ခံလာနေတာကို ထင်ဟပ်နေပါတယ်။ ချားလ်စ်ရဲ့ ပထမဇနီးဒိုင်ယာနာ ၁၉၉၇ခုနှစ်မှာ ကွယ်လွန်ခဲ့ပြီးတဲ့နောက် ဆယ်စုနှစ်ကြာမှာ သူမကို အပျော်ဖတ်သတင်းစာတွေက ပစ်မှတ်မထားခဲ့တာကြာပါပြီ။

လက်ရှိမှာကွန်ဝေါမြို့စားကတော်ဘွဲ့ကိုရထားတဲ့ ကမ်မီလာဟာ ချားလ်နှင့်အတူ တရားဝင်တာဝန်များကို တော်ဝင်မိသားစု ကိုယ်စားပြုပြီး ပုံမှန်ဆောင်ရွက်နေသူဖြစ်ပါတယ်။

ဗြိတိန်သမိုင်းတစ်လျောက်မှာ ဘုရင့်ရဲ့ဇနီးကို ကြင်ရာတော်မိဖုရားကြီးဘွဲ့ဂုဏ်ထူးကို ပေးလေ့ပေးထရှိပြီးဖြစ်ပါတယ်။ သူတို့နှစ်ဦးလက်ထပ်စဉ်က ချားလ်စ်သာ ဘုရင်ဖြစ်လာမယ်ဆိုရင် ကမ်မီလာဟာ ကြင်ရာတော်မင်းသမီးဘွဲ့ဂုဏ်ဖူးကို သုံးလို့ရမယ်လို့ဆုံးဖြတ်ထားခဲ့ပါတယ်။

အမေရိကန်မှာ ဘုရင်မကြီးရဲ့သား မင်းသားအင်ဒရူး လိင်ပိုင်းဆိုင်ရာ မတော်မတရားပြုမှုအတွက် တရားရံးရင်ဆိုင်နေရတာမှသည် တော်ဝင်မိသားစုအတွင်း လူမျိုးရေးခွဲခြားမှုရှိနေသည်ဟု မြေးဖြစ်သူ ဟယ်ရီနှင့်ဇနီးတို့က စွပ်စွဲနေခြင်းများအထိ အသက်၉၅နှစ်အရွယ် ဘုရင်မကြီးအဲလစ်ဇဘက်မိသားစုတွေ ဂုဏ်ထိခိုက်မှုတွေ မကြုံစဖူး ကြုံနေရပါတယ်။

ပြီးခဲ့တဲ့နှစ်က သူမဟာ အသက်၇၃နှစ်အရွယ်ခင်ပွန်းဖိလစ်ကို ဆုံးရှုံးခဲ့ရပါတယ်။အဲဒါကိုလည်း ဘုရင်မကြီးက စာထဲမှာ ထည့်ရေးထားပါတယ်။

Source Reuters

#WorldHealth
Published - 6 February 2022
တောင်အာဖရိကနိုင်ငံမှ အာဖရိဂျန်ဘိုင်အိုလော့ဂျစ် (Afrigen Biologics)ကုမ္ပဏီက မိုဒါနာကုမ္ပဏီကထုတ်တဲ့ mRNA ကိုဗစ်ကာကွယ်ဆေးရဲ့ နည်းပညာအချက်အလက်တွေကို ကူးချအသုံးပြုပြီး ကိုယ်ပိုင်ကာကွယ်ဆေး ထုတ်လုပ်သွားမှာဖြစ်ပါတယ်။

အဆိုပါကာကွယ်ဆေးကို ယခုနှစ်မကုန်ခင် လူသားတွေနဲ့စမ်းသပ်သွားမှာဖြစ်ကြောင်း အာဖရိဂျန်ကုမ္ပဏီမှ ထိပ်သီးအမှုဆောင်တစ်ဦးက ကြာသပတေးနေ့က ပြောကြားလိုက်ပါတယ်။
မူရင်းထုတ်လုပ်သူရဲ့ အကူအညီအထောက်အပံ့မယူဘဲ လူသုံးများတဲ့ကာကွယ်ဆေးတစ်ခုကို အခြေခံပြီး ထုတ်လုပ်မယ့် ပထမဆုံးကာကွယ်ဆေးအမျိုးအစားဖြစ်ပါတယ်။

ဒါ့အပြင် အာဖရိကတိုက်မှာ အဆင့်မြင့်ဓာတ်ခွဲခန်းအဆင့်နဲ့ တီထွင်ထုတ်လုပ်မယ့် ပထမဦးဆုံး mRNA ကာကွယ်ဆေးလည်းဖြစ်ပါတယ်။mRNA ကိုဗစ်ကာကွယ်ဆေးထုတ်လုပ်လျက်ရှိတဲ့ နာမည်ကြီး ဖိုင်ဇာ၊ ဘိုင်အိုတက်ခ်၊ မိုဒါနာကုမ္ပဏီတိုက သူတို့ရဲ့ကာကွယ်ဆေးထုတ်လုပ်ပုံ နည်းပညာတွေကိုမျှဝေဖို့ WHO ရဲ့တောင်းဆိုချက်ကို ငြင်းဆန်လိုက်တာကြောင့် ဆင်းရဲတဲ့နိုင်ငံတွေနဲ့ အလယ်အလတ်နိုင်ငံတွေမှာ ကိုဗစ်ကာကွယ်ဆေးထုတ်လုပ်နိုင်ရေးအတွက် ကမ္ဘာ့ကျန်းမာရေးအဖွဲ့အစည်း WHO က အာဖရိဂျန်အပါအဝင် လုပ်ငန်းစုကြီးတစ်ခုကို ပြီးခဲ့တဲ့နှစ်ကရွေးချယ်ခဲ့ကြပါတယ်။

WHO နဲ့ လုပ်ငန်းစုအဖွဲ့ဝင်တွေက သူတို့ရဲ့ နည်းပညာစုံရပ်ကြီးဟာ ချမ်းသာတဲ့နိုင်ငံတွေနဲ့ ဆင်းရဲတဲ့နိုင်ငံတွေကြား ကာကွယ်ဆေးတန်းတူမရရှိမှုကို ဖြေရှင်းသွားနိုင်မယ်လို့ မျှော်လင့်နေကြပါတယ်။

ကိုဗစ်ကပ်ရောဂါကာလမှာ ချမ်းသာတဲ့နိုင်ငံတွေက ကိုဗစ်ကာကွယ်ဆေးအများစုကို သိမ်းပိုက်ဝယ်ယူထားကြပါတယ်။တောင်အာဖရိကကာကွယ်ဆေးထုတ်လုပ်ရေးကုမ္ပဏီ ဘိုင်အိုဗက်က အဆိုပါနည်းပညာတွေကို အသုံးပြုမယ့် ပထမဆုံးကုမ္ပဏီဖြစ်လာပါတယ်။
အာဖရိဂျန်က အာဂျင်တီးနားနဲ့ဘရာဇီးလ်တို့မှာရှိတဲ့ ကုမ္ပဏီတွေကို လေ့ကျင့်သင်ကြားပေးဖို့လည်း သဘောတူထားပါတယ်။

ကြာသပတေးနေ့က အာဖရိဂျန်ကြေညာချက်ထုတ်ပြန်လိုက်တဲ့အပေါ် မိုဒါနာက မှတ်ချက်ပြုပြောကြားခြင်း မရှိသေးပါဘူး။WHO က မိုဒါနာကာကွယ်ဆေးရဲ့ နည်းပညာကိုအသုံးပြုရတဲ့အကြောင်းအရင်းက မိုဒါနာမှ လူသိရှင်ကြားရှင်းလင်းချက်တွေ ထုတ်ပြန်ထားတာကြောင့်နဲ့ ကပ်ရောဂါကာလအတွင်း ကာကွယ်ဆေးမူပိုင်ခွင့်ပြဌာန်းချက် မထုတ်ပြန်ဖို့ ကုမ္ပဏီက ကတိပြုထားတာကြောင့် ဖြစ်ပါတယ်။ကပ်ရောဂါပြီးတဲ့အချိန်မှာ မူပိုင်ခွင့်ထုတ်ပြန်သွားမှာလားဆိုတာကတော့ သေချာမသိရသေးပါဘူး။
Source: The Jerusalem Post

#WorldHealth
Published - 6 February 2022
သာမန်ကိုဗစ်ရောဂါခံစားရမှုကနေ ကိုဗစ်ရောဂါအပြင်းအထန်ခံစားရပြီး ဆက်ဖ်တာဇီဒင်း သို့မဟုတ် ဆက်ဖာပင်းပိုးသတ်ဆေးတစ်မျိုးမျိုးနဲ့ စတီးရွိက် တွဲသောက်နေတဲ့လူနာတွေရဲ့ ရောဂါသက်သာလာဖို့ ကြာတဲ့အချိန်ဟာ သာမန်ကုသနည်းအတိုင်း ကုသနေတဲ့ကိုဗစ်လူနာတွေရဲ့ ရောဂါသက်သာလာဖို ကြာတဲ့အချိန်နဲ့ အတူတူနီးပါးဖြစ်ကြောင်း အီဂျစ်ဆေးရုံတစ်ခုမှ လေ့လာချက်အရ သိရှိရပါတယ်။

ဆေးဝါးတွေရဲ့ အခြေခံသဘောတရားအရ antibiotics ပိုးသတ်ဆေးတွေဟာ ဘက်တီးရီးယားကူးစက်မှုတွေအတွက်သာ အသုံးပြုရတာဖြစ်ပြီး ဗိုင်းရပ်စ်တွေကို ထိရောက်တဲ့ဆေးတွေ မဟုတ်ပါဘူး။

အမေရိကန်ရောဂါထိန်းချုပ်ကာကွယ်ရေးစင်တာရဲ့ ဝက်ဘ်ဆိုက်မှာ "Antibiotics ပိုးသတ်ဆေးတွေက အအေးမိဖျားနာရောဂါတွေနဲ့ ကိုဗစ်-၁၉ လိုရောဂါတွေကိုဖြစ်စေတဲ့ ဗိုင်းရပ်စ်တွေမှာ မထိရောက်နိုင်ပါဘူး" လို့ ဖော်ပြထားပါတယ်။

ဒါပေမဲ့ ဘန်နီဆုဖ်တက္ကသိုလ်မှ ဒေါက်တာ'ရာဂေးအာမက်အိတ်'နဲ့ နာဒါတက္ကသိုလ်မှ ဒေါက်တာ'မာဝါအိုအယ်ဂန်ဒီ'တို ဦးဆောင်တဲ့သုတေသနအဖွဲ့က antibiotics ပိုးသတ်ဆေးတွေက ဗိုင်းရပ်စ်မျိုးပွားခြင်းအဆင့်မှာ ဝင်ရောက်တားဆီးနိုင်ပြီး ခန္ဓာကိုယ်ကနေ ဗိုင်းရပ်စ်ကို တိုက်ထုတ်နိုင်အောင် ခုခံအားစနစ်ကို မြှင့်တင်ပေးနိုင်ကြောင်း သိရှိထားကြပါတယ်။
ဥပမာအားဖြင့် လွန်ခဲ့တဲ့ ၅ နှစ်က အမေရိကန်မှလေ့လာချက်တစ်ခုမှာ အဇီသရိုမိုင်ဆင်ပိုးသတ်ဆေးဟာ ကိုယ်ဝန်ထဲရှိသန္ဓေသားဦးနှောက်ထဲမှ ဇီကာဗိုင်းရပ်စ်ပုံတူပွားခြင်းကို ထိန်းချုပ်ကန့်သတ်ပေးနိုင်ကြောင်း တွေ့ရှိခဲ့ကြပါတယ်။

၂၀၁၆ ခုနှစ်က ထိုင်းနိုင်ငံရဲ့လေ့လာချက်မှာလည်း မိုင်နိုဆိုက်ကလင်းပိုးသတ်ဆေးဟာ တုပ်ကွေးဗိုင်းရပ်စ်ဖွံဖြိုးမှုကို တားဆီးပေးနိုင်ကြောင်း တွေ့ရှိရပါတယ်။
ဓာတ်ခွဲခန်းစမ်းသပ်ချက်တွေမှာ ဆက်ဖ်တာဇီဒင်းနဲ့ ဆက်ဖာပင်းတိုလို ပိုးသတ်ဆေးတွေဟာ ကိုရိုနာဗိုင်းရပ်စ်ပွားခြင်းကို အနှောင့်အယှက်ဖြစ်စေကြောင်း တွေ့ရှိရပါတယ်။

ဘန်နီဆုဖ်တက္ကသိုလ်ဆေးရုံရဲ့ သီးသန့်ဌာနမှာပြုလုပ်ခဲ့တဲ့ စမ်းသပ်ချက်အရ ပုံမှန်ကုသနည်းအတိုင်း ကုသခံယူခဲ့တဲ့ ကိုဗစ်လူနာတွေရဲ့ ရောဂါသက်သာလာဖို့ ကြာတဲ့ပျှမ်းမျှအချိန်က ၁၉ ရက်ဖြစ်ပြီး ဆက်ဖ်တာဇီဒင်းအသုံးပြုတဲ့လူနာတွေရဲ့ ရောဂါသက်သာလာဖို့ ကြာတဲ့အချိန်က ၁၃ ရက်ဖြစ်ကာ ဆက်ဖာပင်းအသုံးပြုသူတွေကတော့ ၁၂ ရက်ဖြစ်ပါတယ်။

စမ်းသပ်တဲ့သူအားလုံး သေဆုံးသူမရှိဘဲ သက်သာပျောက်ကင်းလာခဲ့ပါတယ်။
antibiotics ပိုးသတ်ဆေးတွေက အဆုတ်ရောင်ရောဂါကဲ့သို့ ထပ်ဆင့်ရောဂါဖြစ်ပွားမှုတွေမှာ ဘယ်လောက်အထိ ထိရောက်နိုင်ကြောင်းနဲ့ ဗိုင်းရပ်စ်ပွားခြင်းကို ဘယ်လောက်အထိ တားဆီးနိုင်သလဲဆိုတာတွေကိုတော့ သေချာမသိရသေးပါဘူး။

၂၀၂၁ အောက်တိုဘာလအတွင်း Antibiotics ဂျာနယ်မှာ သုတေသီတို့ရဲ့ သုံးသပ်ထားချက်အရ ဆက်ဖ်တာဒင်းနဲ့ ဆက်ဖာပင်းတို့ဟာ ဘက်တီးရီးယားကို ဆန့်ကျင်ပေးနိုင်တဲ့စွမ်းရည်ရှိတဲ့အပြင် ကိုဗစ်ရောဂါလူနာတွေမှာလည်း အကျိုးအာနိသင်ပေးနိုင်ကြောင်း၊ ကိုဗစ်ရောဂါသာမန်နဲ့ အပြင်းအထန်ခံစားရတဲ့လူနာတွေမှာ ထိုဆေးတွေထဲမှတစ်မျိုးနဲ့ စတီးရွိက်ပေါင်းစပ်သုံးစွဲခြင်းက ပုံမှန်ကုသနည်းထက် ပိုမိုစိတ်ချရကြောင်း သုံးသပ်ပြောကြားထားပါတယ်။
Source: The Jerusalem Post

#LocalNews
Published -6 Feb 2022

နောင်ချိုမြို့နယ်တွင် ငွေကျပ်သိန်း ၆,၆၀၀ တန်ဖိုးရှိ ဘိန်းဖြူများ ဖမ်းဆီးရမိကြောင်းမူးယစ်ဆေးဝါးတားဆီးနှိမ်နှင်းရေးရဲတပ်ဖွဲ့ကသိရပါတယ်။

ဖြစ်စဥ်မှာမူးယစ်ဆေးဝါးတားဆီးနှိမ်နင်းရေးရဲတပ်ဖွဲ့မှ တပ်ဖွဲ့ဝင်များပါဝင်သောပူးပေါင်းအဖွဲ့သည် ဖေဖော်ဝါရီလ ၁ ရက်နေ့ ည ၁၀ နာရီအချိန်တွင် ရှမ်းပြည်နယ်(မြောက်ပိုင်း)၊ နောင်ချိုမြို့နယ်၊ လားရှိး-မန္တလေးသွားကားလမ်း၊ အိုရီယမ်တယ် တိုးဂိတ်အနီးတွင် သီပေါမှ မန္တလေးဘက်သို့ စိုင်းမျိုးမင်းထွန်း(၃၈)နှစ် မောင်းနှင်ပြီး စိုင်းနန္ဒာအောင်(ခ)နန္ဒ(၃၆)နှစ် လိုက်ပါလာသည့် Wish မော်တော်ယာဉ်ကို သတင်းအရရှာဖွေရာ ယာဉ်ပေါ်မှ ဒေသကာလတန်ဖိုးငွေကျပ်သိန်း ၆,၆၀၀ တန်ဖိုးရှိ ဘိန်းဖြူ ၄၄ ကီလို သိမ်းဆည်းရမိခဲ့တယ်လို့သိရပါတယ်။

စစ်ဆေးဖော်ထုတ်ချက်များအရ သိမ်းဆည်းရမိ ဘိန်းဖြူများအား ရှမ်းပြည်နယ်(မြောက်ပိုင်း)မှ မန္တလေးတိုင်းဒေသကြီးသို့ သယ်ဆောင်ခြင်းဖြစ်ကြောင်း သိရှိရသဖြင့် ၎င်းတို့ ၂ ဦးအား ဥပဒေအရအရေးယူထားရှိပြီး ကွင်းဆက်ပြစ်မှုကျူးလွန်သူများအား ဆက်လက်စစ်ဆေးဖော်ထုတ် လျက်ရှိ တယ်လို့ သိရပါတယ်။
ymg/hm
#Yangon_Media_Group

Published 5 Feb 2022

အင်ဂျင်တစ်လုံးတပ် ဆက်စနာ၂၀၇ Cessna 207 လေယာဉ်ငယ်တစ်စီး သောကြာနေ့က ပီရူးနိုင်ငံရဲ့ နာမည်ကျော် နဇကာလိုင်းကို ရှုမျှော်လင်းကြည့်ဖို့အသွားလမ်းခရီးမှာ ပျက်ကျခဲ့တဲ့အတွက် ကမ္ဘာလှည့်ခရီးသည် (၅)ဦး နှင့် လေယာဉ်အမှုထမ်း(၂)ဦးတို့ သေဆုံးခဲ့ကြရပါတယ်။

Source AFP