#Ukraine_Crisis
Published 29 April 2022

ယူကရိန်းနိုင်ငံအနှံ့အပြားကို ရုရှားတို့ကကြာသပတေးနေ့က ဗုံးကျဲတိုက်ခိုက်ခဲ့ပါတယ်။
လွန်ခဲ့တဲ့ရက်သတ္တပတ်များအတွင်း ရုရှားတပ်များဆုတ်ခွာသွားပြီးနောက် ကုလသမဂ္ဂထွေချုပ်က မြို့တော်ကိဗ်ကို လာရောက်လည်ပတ်စဉ်မှာ ဗုံးကျဲတိုက်ခိုက်ခဲ့ကြတာဖြစ်ပါတယ်။

ကိဗ်မြို့တိုက်ခိုက်ခံရမှုအတွင်း အရပ်သားတစ်ဒါဇင်နီးပါးထိခိုက်ဒဏ်ရာရခဲ့ပါတယ်။ အဆောက်အဦနှစ်ခုထိမှန်ခဲ့ကာ အပျက်အစီးတွေကြား ပိတ်နေခဲ့ကြသူများရှိသလို အရပ်သားတစ်ယောက်ကတော့ ခြေထောက်တစ်ချောင်း ဆုံးရှုံးခဲ့ရပါတယ်။

ယူကရိန်းသမ္မတ'ဗိုလိုဒီမီယာဇယ်လန်စကီ'နဲ့ ကုလသမဂ္ဂအထွေထွေအတွင်းရေးမှူးချုပ်'အန်တိုနီယိုဂူတာရက်စ်'တို့ တွေ့ဆုံဆွေးနွေးပြီးနောက် တစ်နာရီအကြာမှာ ဗုံးကျဲတိုက်ခိုက်ခဲ့ကြတာပါ။
'ဂူတာရက်စ်'နဲ့အဖွဲ့ကတော့ ဘေးကင်းစိတ်ချရပြီဖြစ်ကြောင်း ပြောရေးဆိုခွင့်ရှိသူတစ်ဦးကဆိုပါတယ်။

ယူကရိန်းအနောက်ဘက်က ပိုလန်နီ၊ ဘီလာရုစ်နယ်စပ်အနီးက ခါနီဟစ်ဗ်၊ မြို့တော်အနောက်တောင်ဘက်ရှိ ရထားလမ်းစုံဖက်စ်တစ်ဗ်အပါအဝင် နိုင်ငံအနှံ့အပြားမှာ ပေါက်ကွဲမှုများဖြစ်ပွားခဲ့တယ်လို့ သတင်းပေးပို့လာကြပါတယ်။

ယူကရိန်းတောင်ဘက်မှ အိုဒီဆာမြို့တော်ဝန်က ဒုံးကျည်တွေကို ဝေဟင်ပစ်ကာကွယ်ရေးလက်နက်များဖြင့် တားဆီးနိုင်ခဲ့ကြောင်း အကြောင်းကြားလာပါတယ်။

အရှေ့ဘက်ရှိ စက်မှုဇုံအချက်အခြာ ဒွန်ဘက်စ်ဒေသကို ရုရှားတို့က အဓိကအာရုံစိုက်တိုက်ခိုက်နေတယ်လို့ ယူကရိန်းအာဏာပိုင်များ အကြောင်းကြားလာကြပြီး ရုရှားသမ္မတအိမ်တော်ခရမ်မလင်နန်းတော်ကတော့ သူတို့ရဲ့ အဓိကပစ်မှတ်တွေက ဒွန်ဘက်စ်ဒေသအပြင်ဘက်ရှိ ခါကိဗ်မြို့အနီးတဝိုက်ဖြစ်ကြောင်း အသိပေးထားပါတယ်။

နိုင်ငံတောင်ဘက်ရှိ မာရီယူပိုလ်ဆိပ်ကမ်းမြို့က သံမဏိစက်ရုံမှာ ယူကရိန်းတိုက်ခိုက်ရေးသမားများ အလုံပိတ်ခုခံလျက်ရှိကာ မြို့ထဲမှာ သန့်ရှင်းတဲ့သောက်သုံးရေမရရှိပါက ကာလဝမ်းရောဂါနဲ့ သွေးဝမ်းရောဂါကဲ့သို့ ရောဂါဆိုးအန္တရာယ်ကျရောက်လာနိုင်ကြောင်း အာဏာပိုင်တွေကသတိပေးထားလိုက်ပါတယ်။

မာရီယူပိုလ်မြိုမှ သောင်းပေါင်းများစွာသောအရပ်သားထွက်ပြေးရာရထားဘူတာရုံတည်ရှိတဲ့ ဇာပိုရစ်ဇ်ဇီယာမှာ ဒုံးကျည်ဖြင့်တိုက်ခိုက်ခံရမှုကြောင့် အသက် ၁၁ နှစ်အရွယ်ကလေးတစ်ဦးအပါအဝင် အနည်းဆုံး ၃ ဦးဒဏ်ရာရရှိခဲ့ပါတယ်။
မြိုတော်အပြင်ဘက်ရှိ မြိုလေးတွေမှအပျက်အစီးများကို 'ဂူတာရက်စ်'လှည့်လည်စစ်ဆေးခဲ့ပြီး စစ်ပွဲရဲ့အကျည်းတန်မှုကို မြင်တွေ့ခဲ့ရပါတယ်။

ပြီးခဲ့တဲ့လက ယူကရိန်းတပ်များအပြင်းအထန်ခုခံကြရာ ဧပြီအစောပိုင်းက ရုရှားတပ်များဆုတ်ခွာသွားပြီးနောက် ဘူချာမြို့လိုမျိုးနေရာတွေမှာ အရပ်သားအစုလိုက်အပြုံလိုက်သေဆုံးနေတာကို တွေ့ရှိခဲ့ပြီး ရုရှားရဲ့လုပ်ရပ်ကို 'ဂူတာရက်စ်'က ရှုတ်ချဝေဖန်လိုက်ပါတယ်။

ယခုတိုက်ခိုက်မှုအတွင်း ကိဗ်မြို့တော်ပေါက်ကွဲခဲ့မှုမှာ အဆောက်အဦနှစ်ခုပျက်စီးခဲ့ပြီး လူ ၁၀ ဦးဒဏ်ရာရရှိခဲ့ကြောင်း ယူကရိန်းအရေးပေါ်ကယ်ဆယ်ရေးက ပြောကြားလိုက်ပါတယ်။

ကိဗ်မြို့တော်အနောက်မြောက်ဘက်ရှိ ရှက်ဗ်ချန်ကိဗ်စကီခရိုင်မှာ အရပ်သားများကပြန်ရောက်လာကြပြီး ကော်ဖီဆိုင်နဲ့ အခြားစီးပွားရေးလုပ်ငန်းများ ပြန်လည်ဖွင့်လှစ်နေကြကာ လူအများအပြား အပြင်ထွက်အပန်းဖြေနေခဲ့ကြချိန်မှာ အခုလိုပေါက်ကွဲမှုတွေဖြစ်ပွားခဲ့တာဖြစ်ပါတယ်။

Source: AP News
#Yangon_Media_Group

#WorldHealth
Published 29 April 2022

သွေးတိုးဝေဒနာခံစားနေရပြီး နေ့စဉ်သွေးပေါင်ကျဆေးသောက်သုံးနေရသူများအနေနဲ့ မကြာခင်ထိုးဆေးဖြင့် ကုသနိုင်တော့မှာဖြစ်ပါတယ်။

အဆိုပါထိုးဆေးကို ၆ လခြားပြီးတစ်နှစ် ၂ ကြိမ်ထိုးနှံရကာ အမျိုးသားကျန်းမာရေ;ဝန်ဆောင်မှု(NHS)မှ လူနာများနဲ့ လက်ရှိစမ်းသပ်လျက်ရှိပါတယ်။

သွေးပေါင်ကျထိုးဆေးကို လာမယ့် ၃ နှစ်မှ ၅ နှစ်အတွင်းရရှိနိုင်မယ်လို့ ပညာရှင်များမျှော်လင့်လျက်ရှိပြီး အင်္ဂလန်မှ သွေးတိုးရောဂါရှင် ၁၄ သန်းအတွက် အားထားရာဖြစ်လာနိုင်မှာဖြစ်ပါတယ်။

Zilebesiran သွေးပေါင်ကျဆေးဟာ angiotensinogen ပရိုတိန်းကိုပစ်မှတ်ထားတာဖြစ်ပါတယ်။
angiotensinogen ကို အသည်းမှထုတ်လုပ်ပြီး သွေးပေါင်ချိန်ထိန်းညှိရာမှာ အရေးပါပါတယ်။

ဒီထိုးဆေးက လူနာရှင်တွေအတွက် လက်တွေ့ထိရောက်မှုရှိစေမှာဖြစ်ပြီး နေ့စဉ်ဆေးသောက်ဖို့မေ့လျော့တတ်တဲ့အခြေအနေမျိုးမှ ကင်းဝေးစေမှာပါ။

Alnylam Pharmaceuticals နဲ့ NIHR တို့မှ ထောက်ပံ့တဲ့စမ်းသပ်မှုမှာ zilebesiran ထိုးဆေးရဲ့ဘေးကင်းစိတ်ချရမှုနဲ့ သွေးတိုးရောဂါဝေဒနာရှင်တွေမှာ သွေးပေါင်ချိန်ကိုဘယ်လောက်အထိ ထိရောက်စွာထိန်းချုပ်နိုင်သလဲဆိုတာကို လေ့လာမှာဖြစ်ပါတယ်။

အသုံးအများဆုံး သွေးပေါင်ကျဆေးတွေဖြစ်တဲ့ ACE inhibitors တွေဟာ သွေးကြောကျဉ်းပြီးသွေးပေါင်တက်စေတဲ့ပရိုတိန်းအင်ဇိုင်းကို တားဆီးပေးပါတယ်။

လူနာ ၈၄ ယောက်ကို ပထမအဆင့်စမ်းသပ်မှုပြုလုပ်ရာမှာ ဆေးတစ်ကြိမ်ထိုးခြင်းဖြင့် ၃ ပတ်နောက်ပိုင်း ဟော်မုန်းပမာဏ ၉၀ ရာခိုင်နှုန်းလျှော့ချပေးနိုင်တာကို တွေ့ရှိခဲ့ကြပါတယ်။

အဲဒီနောက် သွေးပေါင်ချိန်ထိန်းသိမ်းပေးတဲ့အာနိသင်က ၁၂ ပတ်ကျော်ကြာရှည်ခံတာကြောင့် သိပ္ပံပညာရှင်တွေက ဒီထက်တာရှည်ခံစေနိုင်ဖို့ မျှော်လင့်နေကြပါတယ်။

အဆိုပါထိုးဆေးကို အရေပြားအောက်ထိုးသွင်းရတာဖြစ်ပြီး တစ်နှစ် ၂ ကြိမ်ထိုးနှံရမှာဖြစ်ပါတယ်။
အမေရိကန်မှာ သွေးတိုးရောဂါကုသခံနေရသူ ၃၄ သန်းရှိနေပါတယ်။

သွေးတိုးရောဂါက သိသားထင်ရှားတဲ့ဝေဒနာမျိုးမတွေ့ရတတ်ပေမယ့် မကုသဘူးဆိုရင်တော့ နှလုံးရောဂါနဲ့ နှလုံးသွေးကြောပြတ်ခြင်းတို့ ဖြစ်တတ်ပါတယ်။

တစ်နှစ် ၂ ကြိမ်ထိုးဆေးဖြင့်ကုသခြင်းက အချိန်အတိုင်းအတာတစ်ခုအထိ တာရှည်ခံမယ်ဆိုပါက နေ့စဉ်ဆေးသောက်နေရတဲ့လူနာတွေအတွက် အစားထိုးကုသနိုင်တော့မှာဖြစ်ပါတယ်။

Source: DailyMail
#Yangon_Media_Group

#WorldHealth
Published 29 April 2022

ပုံမှန်အောက် ကိုယ်ခံအားကျဆင်းခြင်းက ကိုဗစ်နောက်ဆက်တွဲလက္ခဏာဖြစ်ပေါ်ရခြင်းရဲ့ အဓိကအကြောင်းအရင်းဖြစ်နိုင်ကြောင်း လော့စ်အိန်ဂျလိစ် ကယ်လီဖိုးနီးယားတက္ကသိုလ်(UCLA)မှ သုတေသီများ တွေ့ရှိခဲ့ကြပါတယ်။

သူတို့ရဲ့တွေ့ရှိချက်ကို Clinical Infectious Diseases ဂျာနယ်မှာ ဧပြီ ၂၂ ရက်နေ့က အွန်လိုင်းကနေဖော်ပြခဲ့ပါတယ်။

ကိုရိုနာဗိုင်းရပ်စ်ကို ခန္ဓာကိုယ်ခုခံအားကအလွန်အကျွံတုန့်ပြန်လိုက်တဲ့အခါ ကိုဗစ်ရောဂါဖြစ်ပွားလာပြီး ဗိုင်းရပ်စ်ကူးစက်ခံရသူတွေမှာ အဆုတ်နဲ့အခြားကိုယ်တွင်းအင်္ဂါများထိခိုက်စေပါတယ်။

ကိုဗစ်ရောဂါမှ ပြန်လည်သက်သာလာသူတွေမှာ နောက်ဆက်တွဲဝေဒနာတွေခံစားရတတ်ပါတယ်။

ကိုယ်ခံအားအလွန်အကျွံတုန့်ပြန်မှုကြောင့် ကိုဗစ်နောက်ဆက်တွဲလက္ခဏာဖြစ်ပွားတယ်လို့ အစပိုင်းမှာ ထင်ခဲ့ကြပါတယ်။

ရောင်ရမ်းခြင်းကိုဖြစ်စေတဲ့ ကိုယ်ခံအားလက်ခံဆဲလ် CCR5 ကို ဟန့်တားဖြင်းဖြင့် ကိုယ်ခံအားတုန့်ပြန်မှုကိုလျော့ကျစေပြီး ကိုဗစ်နောက်ဆက်တွဲလက္ခဏာတွေသက်သာစေမယ်လို့ UCLA မှ သုတေသီများက ထုတ်နုတ်ဖော်ပြခဲ့ကြပါတယ်။

ဒါပေမယ့် အဲဒီအဆိုနဲ့ ဆန့်ကျင်ဘက်သဘောကို တွေ့ရှိခဲ့ကြကြောင်း အကြီးတန်းသုတေသီပညာရှင် ဒေါက်တာ'အော့တိုယန်း'က ဆိုပါတယ်။

"တီဆဲလ်တွေမှာ CCR5 ပမာဏနည်းတဲ့လူနာတွေက နောက်ဆက်တွဲလက္ခဏာခံစားရခြင်းမှ သက်သာလာခဲ့ပါတယ်။ သူတို့ရဲ့ကိုယ်ခံအားတုန့်ပြန်မှုက ပုံမှန်ထက်နှေးပြီး သက်သာလာတဲ့လူနာတွေမှာ တကယ်တမ်းက CCR5 များလာတာဖြစ်ပါတယ်" လို့ ပြောကြားခဲ့ပါတယ်။

ကိုဗစ်ကာကွယ်ဆေးထိုးနှံခြင်းဖြင့် နောက်ဆက်တွဲလက္ခဏာဖြစ်ပေါ်နိုင်ချေနည်းပါးတာကို စမ်းသပ်လေ့လာမှုအများအပြားမှာတွေ့လာရကြောင်း New York Times မှာဖော်ပြထားပါတယ်။

ဇန်နဝါရီလက ဘာအီလန်တက္ကသိုလ်မှအကြံပြုချက်အရ ကိုဗစ်ကာကွယ်ဆေးထိုးခြင်းက ကိုဗစ်ရောဂါမပြင်းထန်အောင်ကာကွယ်နိုင်တဲ့အပြင် နောက်ဆက်တွဲလက္ခဏာတွေကိုပါ ကာကွယ်ပေးနိုင်ဖွယ်ရှိပါတယ်။

"ကိုဗစ်ရောဂါကူးစက်ခံရခြင်းမှ သက်သာလာပြီးနောက် နောက်ဆက်တွဲဝေဒနာခံစားနေရတဲ့သူတွေမှာ ကိုယ်ခံအားတုန့်ပြန်မှုနှေးတာကို တွေ့ရှိရပါတယ်။ ဒါကြောင့် ဒီလိုလူနာတွေမှာ ကိုယ်ခံအားမြှင့်တင်ပေးခြင်းဖြင့် ကုသလို့ရမှာဖြစ်ပါတယ်" လို့ ဒေါက်တာ'ယန်း'က ဆက်လက်ပြောကြားပါတယ်။

ဆေးသုတေသနလုပ်ငန်းများက အရှိန်မရသေးဘဲရှိနေကာ ကိုဗစ်နောက်ဆက်တွဲလက္ခဏာများအကြောင်းကို သုတေသီများကတိတိကျကျမထုတ်ဖော်နိုင်သေးပါဘူး။

Source: The Jerusalem Post
#Yangon_Media_Group

#LocalNews
Published - 29 Apr 2022

သျှမ်းပြည်မြောက်ပိုင်းတွင် ရှမ်းပြည်တိုးတက်ရေးပါတီ (SSPP) တို့၏ တပ်ပေါင်းစုများနှင့် သျှမ်းပြည်ပြန်လည်ထူထောင်ရေးကောင်စီ RCSS/SSA တို့အကြား ဖြစ်ပွားခဲ့သော တိုက်ပွဲများတွင် ဖမ်းဆီးရမိသည့် SSPP တပ်ပေါင်းစုတို့၏ တပ်ဖွဲ့ဝင်များအား ဧပြီလ ၂၈ ရက်မွန်းလွဲပိုင်းတွင် လွတ်မြောက်ခွင့်ပေးခဲ့တယ်လို့ သိရပါတယ်။

၂၀၂၂ ခုနှစ် ဧပြီလ ၂၈ ရက်နေ့တွင် သျှမ်းပြည်ပြန်လည်ထူထောင်‌ရေးကောင်စီ (RCSS/SSA)၏ ဗဟိုဌာနချုပ် လွယ်တိုင်းလျဲန်း၌ ထိန်းသိမ်းထားသော SSPP တပ်ပေါင်းစုတို့၏ တပ်ဖွဲ့ဝင်များဖြစ်သည့် ကျောက်မဲမြို့နယ် လွယ်ခေါ်ကျေးရွာအုပ်စုတွင်နေထိုင်သော လုံးဝိရိယ ၊ နမ္မတူမြို့နယ် ဆိုင်ခေါင်ကျေးရွာအုပ်စုတွင်နေထိုင်သော လုံးခေးမိုင် ၊ ရှောင်းဆာကျေးရွာအုပ်စု ရေအိုးကျေးရွာတွင် နေထိုင်သော ဦးကြာယုံ နှင့် သားဖြစ်သူ မောင်နေလင်းဦး ၊ မောင်နေလင်းစွာတို့အား လွတ်မြောက်ခွင့်ပေးခဲ့ပြီး သက်ဆိုင်ရာ မိဘဆွေမျိုးများထံသို့ ပြန်လည်လွှဲပြောင်းပေးအပ်ခဲ့တယ်လို့ သိရပါတယ်။

ထို့နောက် လွတ်မြောက်ခွင့်ရရှိသောသူများ၊ သက်ဆိုင်ရာ မိဘဆွေမျိုးများ နှင့် RCSS/SSA ၏ တာဝန်ရှိပုဂ္ဂိုလ်များတို့ တွေ့ဆုံခဲ့ကြပြီး RCSS/SSA၏ တာဝန်ရှိပုဂ္ဂိုလ်များမှ အမှာစကား ပြောကြားခဲ့ကြောင်း လွတ်မြောက်ခွင့်ရရှိသောသူတို့၏ မိဘဆွေမျိုးများအား လွယ်တိုင်းလျဲန်းသို့ ဖိတ်ခေါ်ရသည့် အကြောင်းအရင်းများ၊ သျှမ်းပြည်တိုင်းရင်းသားအချင်းချင်း တိုက်ပွဲဖြစ်ခဲ့ရသည်မှာလည်း ရန်သူတွေရဲ့ ပရိယာယ်ပိုင်းမျှသာဖြစ်ကြောင်း ရှင်းပြပြောကြားခဲ့တယ်လို့ သိရပါတယ်။

၂၀၂၂ ခုနှစ် မတ်လ နှင့် ဧပြီလထဲမှာလည်း သျှမ်းပြည်မြောက်ပိုင်းတွင်ဖြစ်ပွားခဲ့သော တိုက်ပွဲများအတွင်း ဖမ်းဆီးခံရသည့် တပ်ပေါင်းစုတို့၏ တပ်ဖွဲ့ဝင်များ စုစုပေါင်း ၁၅ ဦးအား လွတ်မြောက်ခွင့် ပေးခဲ့ပါတယ်။

သျှမ်းပြည်ပြန်လည်ထူထောင်‌ရေးပါတီ (RCSS/SSA)သည် တိုက်ပွဲများအတွင်း ဖမ်းဆီးရမိသူများကို ဘေးကင်းလုံခြုံစွာ ထိန်းသိမ်းစောင့်ရှောက်ထားပြီး နိုင်ငံတကာကျင့်သုံးသည့် စစ်သုံးပန်းများအပေါ် ပြုကျင့်ရမည့် ဝတ်တရားနှင့်အညီ လိုက်နာဆောင်ရွက်သည့်အပြင် စိတ်ပိုင်းဆိုင်ရာ ကုသမှုများ၊ ကိုယ်ပိုင်းဆိုင်ရာ ကုသမှုများလည်း ဆောင်ရွက်ပေးခဲ့တယ်လို့ သိရပါတယ်။

ymg/hm
#Yangon_Media_Group

#LocalNews
Published 29 Apr 2022

ပုဂံဘုရားအမှတ် ၇၁၆ နှင့် ၄၁၈ မှ ရှေးဟောင်းပစ္စည်းများခိုးယူသူ စုစုပေါင်းတရားခံ (၆)ဦးအား ဖမ်းဆီးရမိခဲ့ပြီး ရှေးဟောင်းပစ္စည်းများကိုလည်း ပြန်လည်ရရှိထားတယ်လို့ ညောင်ဦးခရိုင်ရဲတပ်ဖွဲ့မှူးရုံးက သိရပါတယ်။

၂၀၂၂ ခုနှစ် ဧပြီလအတွင်း ကမ္ဘာ့ယဉ်ကျေးမှုအမွေအနှစ်ဒေသ ပုဂံ၌ ဘုရားအမှတ် ၇၁၆ နှင့် ၄၁၈ တို့တွင် ဘုရားဆင်းတုတော်၏ ပလ္လင်ရှိ သဲကျောက်ရုပ်တုအချို့အား ဖြုတ်ခိုးခံရမှုဖြစ်စဉ် ဖြစ်ပေါ်ခဲ့ပါတယ်။

ဘုရားအမှတ် (၇၁၆)၏ ဂန္ဓကုဋိတိုက်အတွင်းရှိ ဆင်းတုတော်ကြီးအောက်မှ ပလ္လင်ခုံ မျက်နှာစာ မှန်ကွက်တန်းတွင် ၆ လက်မပတ်လည်အရွယ် မှန်ကွက်(၁၀)ကွက်အတွင်း သဲကျောက်ရုပ်ငယ်များဖြင့် တန်ဆာဆင်ပူဇော်ထားသည်ဟု ယူဆရသော်လည်း ယခုအခါ မှန်ကွက်(၁၀)ကွက်တွင် မည်သည့်ရုပ်တုမှ တွေ့ရှိရခြင်းမရှိတော့ဘဲ မှန်ကွက်(၇)ကွက် ၏ အောက်ခြေ (ဘုရားရင်ပြင်)တွင် ထွင်းဖဲ့ထားသည်ဟုယူဆရသော အင်္ဂတေအပိုင်းအစငယ်များကို တွေ့ရှိခဲ့ရတယ်လို့သိရပါတယ်။

ထို့ပြင် ဘုရားအမှတ်(၄၁၈)၏ ဂန္ဓကုဋိတိုက်အတွင်းရှိ ဆင်းတုတော်ကြီးအောက်မှ ပလ္လင်ခုံမျက်နှာစာမှန်ကွက်တန်းတွင် ၆ လက်မပတ်လည်အရွယ် မှန်ကွက် (၅) ကွက်အတွင်း သဲကျောက်ရုပ်ငယ်များဖြင့် တန်ဆာဆင်ပူဇော်ထားပြီး သဲကျောက်ရုပ်(၁)ရုပ်ကိုသာ တွေ့ရှိရပြီး ကျန်မှန်ကွက်(၄)ကွက်တွင် မတွေ့ရှိရတော့ဘဲ ၎င်းမှန်ကွက်များ၏ အောက်ခြေ (ဘုရားရင်ပြင်)တွင် ထွင်းဖဲ့ထားသည်ဟု ယူဆရသော အင်္ဂတေအပိုင်းအစငယ်များကို တွေ့ရှိခဲ့ရပါတယ်။

ပျောက်ဆုံးသဲကျောက်ရုပ်တုများ ပြန်လည်ရရှိရေး၊ သတင်းပေါက်ကြားမှုမရှိစေရေးနှင့် ဆက်စပ်ကျူးလွန်သူများအား အလျင်အမြန်ဖော်ထုတ်နိုင်ရေးအတွက် ဌာနဆိုင်ရာများနဲ့ ရှေးဟောင်းပစ္စည်းများ ပြည်ပသို့ တရားမဝင်ရောက်ရှိမသွားစေရန်အတွက် နိုင်ငံတကာရဲတပ်ဖွဲ့ (Interpol)နှင့်လည်း ချိတ်ဆက်ဆောင်ရွက်ခဲ့ရာ ဧပြီလ ၁၉ ရက်နေ့မှ ယနေ့အချိန်အထိ စုစုပေါင်းတရားခံ (၆)ဦးအား ဖမ်းဆီးရမိခဲ့ပြီး ဘုရားအမှတ်(၇၁၆) နှင့် ဘုရားအမှတ်(၄၁၈)တို့ မှ ပစ္စည်းများအပြင် အခြားသော ရှေးဟောင်းပစ္စည်းများဖြစ်တဲ့

(က) ဦးခေါင်းသုံးလုံးပါ ဗြဟ္မာရုပ်တု (၄)ခု ( ဘုရားအမှတ် - ၄၁၈)

(ခ ) ခြင်္သေ့ရုပ်တု (၄)ခု (ဘုရားအမှတ် - ၇၁၆)

(ဂ ) ဗုံတီးဟန်ရုပ်တု (၂)ခု (ဦးခေါင်းနှင့် အပိုင်းအစအချို့ ပဲ့လျက်ရှိ)

(ဃ) ပလ္လင်ထမ်းဟန် ရုပ်တု(၁)ခု

(င ) ကချေသည်ရုပ်တု (၁)ခု

(စ ) အုတ်ခွက်စာပါအုတ် (၁၉)ချပ်

(ဆ) ၂ ပေပတ်လည် ကျောက်ပြားတွင် သမင်ရုပ်ပုံပါ (၁)ချပ်
ပြန်လည်ရရှိခဲ့တယ်လို့ သိရပါတယ်။

ymg/hm
#Yangon_Media_Group

#Local_News
Published_ 29 April 2022

မန္တလေးနှင့် ပြင်ဦးလွင်မြို့နယ်ကြား ရဲရွာရေလှောင်တမံသွား ကားလမ်းဘေးတွင် ဖွင့်လှစ်ထားတဲ့ ဝါးနက်ဆင်စီးအပန်းဖြေစခန်းကို ဧပြီ ၂၇ ရက်မှစ၍ ပြန်လည်ဖွင့်လှစ်ထားကြောင်း သိရပါတယ်။

အဆိုပါဆင်စခန်း၌ ပြည်တွင်း၊ ပြည်ပခရီးသွားများ လာရောက်လည်ပတ်ပါက ဆင်စီးပြီး သဘာဝတောတောင် ရှုခင်းအလှများဖြင့် အပန်းဖြေနိုင်မှာ ဖြစ်ပါတယ်။ ဆင်စီးစခန်းကို ကိုဗစ်-၁၉ ရောဂါအခြေအနေကြောင့် ယာယီပိတ်ထားခဲ့ရကြောင်း၊ ယခုအချိန်တွင် ရောဂါဖြစ်ပွားမှုအခြေနေများ လျော့နည်းလာတဲ့အတွက် ဆင်စခန်းကို ပြန်လည်ဖွင့်လှစ်ခဲ့ခြင်းဖြစ်တယ်လို့ဆိုပါတယ်။

ဝန်ဆောင်မှုများအနေဖြင့် နံနက် ၇ နာရီမှ ၁၁ နာရီအထိ၊ ညနေပိုင်းတွင် ၄ နာရီမှ ၆ နာရီအထိ ဆင်များစီးပြီး အပန်းဖြေလာရောက်လေ့လာနိုင်ကြောင်း သိရပါတယ်။ ဆင်စခန်းမှာ ဆင် ၈ ကောင်ရှိပြီး၊ အထီး ၃ ကောင်နဲ့ အမ ၅ ကောင်ဖြစ်ကာ ဆင်အစာအတွက် တစ်ခါကျွေးမွေးလို့ပါက ငွေကျပ် ၅ သောင်း သတ်မှတ်ထားပါတယ်။

ထို့ပြင် ဆင်စာများဝယ်ယူ၍ လာရောက်ပေးကာ ကျွေးမွေးခိုင်းသူများလည်းရှိတယ်လို့ ဆိုပါတယ်။ ဆင်စီးပြီး သဘာဝရှုခင်းများကြည့်ရူလိုတဲ့ ပြည်တွင်းခရီးသွားများအနေဖြင့် တစ်ဦးလျှင် စခန်းဝင်ကြေး ၁၀၀၀ ကျပ်၊ ဆင်စီးခဈေးနှုန်းများအနေဖြင့် ခရီးတို ၃၀၀၀ ကျပ်နှင့် ခရီးရှည် ၅၀၀၀ ကျပ်နှုန်းဖြင့် ပို့ဆောင်ပေးနေကြောင်း သတင်းရရှိပါတယ်။

ymg-mnn
#Yangon_Media_Group.

#WorldArchaeology
Published 28 April 2022

ရှေးနတ်ဘုရားမတစ်ပါးရဲ့ မျက်နှာအတိုင်းပုံဖော်ထားတဲ့ နှစ်ပေါင်း ၄,၅၀၀ သက်တမ်းရှိ ကျောက်တုံးရုပ်ထုတစ်ခုကို ဂါဇာကမ်းမြောင်တောင်ပိုင်းမှာတွေ့ရှိခဲ့ကြကြောင်း ပါလက်စ်တိုင်းရှေးဟောင်းသုတေသနဆိုင်ရာအာဏာပိုင်များက တနင်္လာနေ့က ထုတ်ဖော်ကြေညာလိုက်ပါတယ်။

#Yangon_Media_Group

Published 28 April 2022

ကမ္ဘာ့ပထမဆုံး အလိုအလျောက်တည်နေရာ ထိန်းကျောင်းမောင်းနှင်တဲ့ စနစ်တပ်ဆင်ထားတဲ့ ရေတိမ်သွား စူးစမ်းလေ့လာရေး ရေယာဉ်ကို တရုတ်ပြည်က တည်ဆောက်ပြီး ရေချလိုက်ပါတယ်။ “BGP Innovator”လို့ အမည်ရတဲ့ အဲဒီရေယာဉ်ကို တရုတ်နိုင်ငံအရှေ့မြောက်ပိုင်း လျောင်းနင်းပြည်နယ်က ဒီလျင်းမြို့မှာ ဧပြီ ၂၂ရက်က ရေချပွဲပြုလုပ်ခဲ့ပါတယ်လို့ တရုတ်အမျိုးသားရေနံကော်ပိုရေးရှင်းကပြောပါတယ်။

Source CMG

Published 28 April 2022

တာတာစတန်စီးပွားရေးလုပ်ငန်းတွေဟာ မြန်မာနိုင်ငံကို အဆင့်မြင့်နည်းပညာတွေနှင့် ယှဉ်ပြိုင်နိုင်စွမ်းရှိတဲ့ ထုတ်ကုန်တွေကို ပေးပို့ဖို့ အဆင်သင့်ရှိနေတယ်လို့ တာတာစတန်သမ္မတက ရပ်စတမ် မင်နစ်ခနော့Rustam Minnikhanov ကပြောပါတယ်။ သူဟာ နစက ဥက္ကဋ္ဌ ဗိုလ်ချူပ်မှူးကြီးမင်းအောင်လှိုင်နှင့် ဆွေးနွေးစဉ် အဲသလိုပြောကြားခဲ့တာဖြစ်တယ်လို့ တာတာစတန် သမ္မတရုံးရဲ့ သတင်းထုတ်ပြန်ချက်မှာဖော်ပြထားပါတယ်။

နှစ်နိုင်ငံအကြားကုန်သွယ်မှုတန်ဖိုးဟာ နည်းနေတုန်းဖြစ်ပေမယ့် စီးပွားရေးကိုယ်စားလှယ်အဖွဲ့တွေ အပြန်အလှန်စေလွှတ်ပြီး အပြန်အလှန်ကုန်သွယ်မှုတွေတိုးမြှင့်ခြင်းဖြင့် ကုန်သွယ်မှုတန်ဖိုးတက်အောင်ပြုလုပ်နိုင်တ်ယ်လို့ မစ္စတာရမ်ပစမ်မင်နစ်ခနေ့ က ပြောပါတယ်။

မြန်မာဟာ အာရှ-ပစိဖိတ်ဒေသနှင့် နိုင်ငံတကာနယ်ပယ် မှာ ရုရှားဖက်ဒရေးရှင်းရဲ့ နီးကပ်ပြီးယုံကြည်စိတ်ချရတဲ့ မိတ်ဖက်နိုင်ငံဖြစ်ပြီး  ဆက်ဆံရေးဟာ ရှည်လျားတဲ့သမိုင်းကြောင်းရှိကြောင်းနှင့် ၂၀၂၃ ဇန်နဝါရီမှာ ရုရှား-မြန်မာ သံတမန်ဆက်ဆံရေး ၇၅နှစ်ပြည့်အခမ်းအနားကို ကျင်းပသွားမယ်လို့လည်း သူကပြောပါတယ်။

ခေါင်းဆောင်နှစ်ဦးဟာ ၂၀၁၆ခုနှစ်ကတည်းက မြန်မာနိုင်ငံနှင့်ပူးပေါင်းလုပ်ကိုင်နေတဲ့ KAMAZ ကို ဆက်ဆံရေးတိုးချဲ့ဖို့ ဆွေးနွေးခဲ့ကြတယ်လို့သိရပါတယ်။ KAMAZဟ ကာဇန်ရဟတ်ယာဉ်ထုတ်လုပ်ရေးစက်ရုံဖြစ်ပြီး မြန်မာနှင့်ပူးပေါင်း‌ဆောင်ရွက်မှုမှာ အောင်မြင်တဲ့ သမိုင်းရှိခဲ့တယ်လို့ တာတာစတန်သမ္မတက ပြောပါတယ်။ KER-Holding ကလည်း မြန်မာနိုင်င့မှာ သတ္တုစက်ရုံတည်ဆောက်ရေး ညှိနှိုင်းနေတယ်လို့ သတင်းထုတ်ပြန်ချက်အရသိရပါတယ်။ အဲဒီအပြင် Zelenodolsk သင်္ဘောကျင်းကလည်း မြန်မာနိုင်ငံမှာ အလုပ်လုပ်ကိုင်ဖို့ အထူးစိတ်ဝင်စားနေတယ်လို့ ဆွေးနွေး ပြောဆိုခဲ့ကြပါတယ်။

တာတာဆန်ဟာ နှစ်စဉ် နိုင်ငံတကာစီးပွားရေးဖိုရမ်ကို ကမကထပြုလုပ်ကျင်းပပေးနေပြီး ယခုနှစ်မှာ ရုရှား-အစ္စလမ်မစ် ကမ္ဘာ- ကာဇန်းထိပ်သီးဆွေးနွေးပွဲ” အမည်နှင့်ကျင်းပမှာဖြစ်ကြောင်း၊  ဗိုဂါဘူဂေးရီးယားက အစ္စလမ်ကို လက်ခံခဲ့တာ နှစ်ပေါင်း ၁၁၀၀ ပြည့်နှစ်အထိမ်းအမှတ်နှင့်ကျင်းပတာဖြစ်ပြီး မေ၁၉ကနေ ၂၁ထိကျင်းပမှာမို့ မြန်မာကိုယ်စားလှယ်အဖွဲ့ တက်ရောက်ဖို့ကိုလည်း တာတာစတန်သမ္မတက ဖိတ်ကြားခဲ့တယ်လို့ ယင်းရဲ့သမ္မတရုံးသတင်းထုတ်ပြန်ချက်မှာ ဖော်ပြ ထားပါတယ်။

၂၀၂၁ခုနှစ်တုန်းက ကာဇန်ကိုသွားခဲ့တဲ့ခရီးဟာ အကျိုးရလာဒ်တွေထွက်ခဲ့တယ်လို့ နစကဥက္ကဋ္ဌက ပြန်လည်ပြောဆိုပါတယ်။ ကုန်သွယ်မှုတန်ဖိုးတွေတက်လာပြီး တာတာစတန်သမ္မတရဲ့အပြန်အလှန်လည်ပတ်မှုကို ကျေးဇူးတင်ကြောင်းနှင့် ပူးပေါင်း‌ ဆောင်ရွက်မှုတွေ တိုးချဲ့သွားမယ်လို့ ပြောကြားခဲ့ကြောင်း တာတာစတန်ဘက်က သတင်းထုတ်ပြန်ထားပါတယ်။

“ တာတာစတန်ကို ကျွန်တော်ရောက်ခဲ့တုန်းက အဆွေတော်တို့ဟာ ဓာတုစက်မှုလုပ်ငန်းနှင့် ခရီးသွားလုပ်ငန်းတွေ အလွန် တိုးတက်တာ သတိထားမိပါတယ်။ ဆေးဝါးဆိုင်ရာ ကိရိယာတွေထုတ်လုပ်ဖို့ ဒီမှာ အလားအလာအလွန်ကောင်းပါတယ်” လို့ နစကဥက္ကဋ္ဌက ပြောခဲ့ကြောင်း သတင်းမှာဖော်ပြထားပါတယ်။

အဲဒီအပြင် မြန်မာနိုင်ငံမှာ ကိုယ်ပိုင်ရေနံမြေတွေရှိပေမယ့် တူးဖော်ထုတ်လုပ်မှုတွေက သိပ်မတိုးတက်သေးကြောင်းနှင့် တာတာစတန်ရဲ့အတွေ့အကြုံတွေက အသုံးတည့်လိမ့်မယ်ဖြစ်တယ်လို့‌ ဆွေးနွေးခဲ့ပါတယ်။ ဒီကိစ္စနှင့်ပတ်သက်လို့ ပူးပေါင်းဆောင်ရွက်မှုအတွက် နည်းလမ်းတွေရှာသွားမယ်လို့ တာတာစတန်သမ္မတက ပြန်ဆွေးနွေးခဲ့ပါတယ်။

အရှေ့တောင်အာရှဒေသတစ်ခုလုံးအတွက် မြန်မာကိုအခြေပြုပြီး တာတာစတန်ရဲ့ထုတ်ကုန်တွေကို ရောင်းချနိုင်တဲ့ အခွင့်အလမ်းရှိတယ်လို့လည်း ဗိုလ်ချူပ်မှူးကြီးက ဆွေးနွေးခဲ့တယ်လို့ တာတာစတန်ရဲ့ သတင်းထုတ်ပြန်ချက်အရသိရပါတယ်။

တာတာစတန်က တက္ကသိုလ်တွေမှာ တက်ရောက်မယ့် မြန်မာတွေရဲ့ ခွဲတမ်းတိုးမြှင့်လက်ခံရေးအတွက်လည်း ဆွေးနွေးခဲ့ကြကြောင်းသတင်းရရှိပါတယ်

တာတာစတန်သမ္မတဟာ နစက ရင်းနှီးမြှပ်နှံမှုနှင့် နိုင်ငံခြားစီးပွားဆက်သွယ်ရေးဝန်ကြီးဌာန ပြည်ထောင်စုဝန်ကြီး ဦးအောင်နိုင်ဦး ဦးဆောင်တဲ့ အဖွဲ့နှင့် နှစ်ဘက်ရင်းနှီးမြှပ်နှံမှုကိစ္စတွေ ယနေ့(ဧပြီ၂၈)ရက်မှာ ဆွေးနွေးခဲ့ကြကြောင်း လည်းသိရှိရပါတယ်။

Source: Tatarstan President Office’s Press Release

#LocalNews
Published - 28 April 2022

ပူတာအိုဒေသမှ စစ်ဘေးရှောင်ပြည်သူ ၂၀၀ ကျော်တို့ဟာ ၄င်းတို့ရဲ့ နေရပ်အသီးသီးသို့ ပြန်သွားကြပြီဖြစ်တယ်လို့ စစ်ဘေးရှောင်အရေးကိစ္စရပ်များအား ကူညီဆောင်ရွက်ပေးနေသူများထံမှ သိရပါတယ်။

#Yangon_Media_Group

#LocalNews
Published-28 April 2022

လာမယ့်မေလ(၈)ရက်မတိုင်မီ မုန်တိုင်းဖြစ်လာနိုင်ခြေရှိတယ်လို့ မိုးလေဝသနှင့်ဇလဗေဒညွှန်ကြားမှုဦးစီးဌာန၊ညွှန်ကြားရေးမှူးဦးလှထွန်းက သတိပေးပြောကြားလိုက်ပါတယ်၊၊

လာမယ့် မေလအတွင်း လေဖိအားနည်းရပ်ဝန်း(၃) ကြိမ်ဖြစ်နိုင်ပြီး နှစ်ကြိမ်မှာ အားကောင်းပြီး မုန်တိုင်းဖြစ်လာနိုင်ခြေရှိတယ်လို့ ဆိုပါတယ်၊၊

လတ်တလောမှာတော့ မြန်မာ့ပင်လယ်ပြင်မှာ လေဖိအားနည်းရပ်ဝန်းဖြစ်ပေါ်မှုတွေ မရှိသေးပေ မယ့်လည်း မေလ(၈)ရက်မတိုင်မီ မုန်တိုင်းဝင်နိုင်ခြေရှိတယ်လို့ မိုးလေဝသနှင့် ဇလဗေဒညွှန်ကြားမှုဦးစီးဌာနအနေနဲ့ ခန့်မှန်းထားတယ်လို့ ၊ညွှန်ကြားရေးမှူးဦးလှထွန်းက သတိပေးပြောကြားပါတယ်၊၊

မုတ်သုန်မဝင်မီ လေဖိအားနည်းရပ်ဝန်းတွေဖြစ်ပြီး မုန်တိုင်းဖြစ်ပေါ်လာနိုင်ခြေရှိသလို မေလအတွင်းမှာ နာဂစ်မုန်တိုင်းဖြစ်ခဲ့ဖူးတဲ့အတွက် အထူးသတိပြုစောင့်ကြည့်ရမှာဖြစ်တယ်လို့ သိရပါတယ်၊၊

ymg/tthl
#Yangon_Media_Group

#LocalNews
Published-28 April 2022

နိုင်ငံခြားသားခရီးသွားတွေ ပြန်လည်ဝင်ရောက်လာနိုင်တဲ့ ကမ္ဘာ့အမွေအနှစ်ဒေသတွေမှာ ပုံမှန်ထိန်းသိမ်းရေးတွေအပြင် လုံခြုံရေးစီမံချက်နှင့် ကိုဗစ်ကာကွယ်ရေးများ ကြိုတင်ပြင်ဆင်ထားတယ်လို့ ကမ္ဘာ့အမွေအနှစ်ဒေသများဌာနခွဲ၊ညွှန်ကြားရေးမှူးချုပ် ဦးသန်းဇော်ဦးကပြောပါတယ်၊၊

#Yangon_Media_Group