Published_ 13 Jun 2024

စစ်ဘက်ဆိုင်ရာများ ပိုမိုပူးပေါင်းဆောင် ရွက်ရေး မြန်မာနှင့် အိန္ဒိယတပ်မတော်တို့ ယနေ့ ဇွန်လ ၁၂ ရက် တွင် ဆွေးနွေးခဲ့ကြကြောင်း နစက သတင်းထုတ်ပြန်ရေးအဖွဲ့၏ ထုတ်ပြန်ချက်အရ သိရသည်။

ညှိနှိုင်းကွပ်ကဲရေးမှူး(ကြည်း၊ ရေ၊ လေ) ဗိုလ်ချုပ်ကြီး မောင်မောင်အေး နှင့် အိန္ဒိယတပ်မတော်မှ တွဲဖက် ထောက် လှမ်းရေးညွှန်ကြားရေးမှူးချုပ် Major General Charanjeet Singh Dewgun, YSM, ADG MI(A) ဦးဆောင်သော ကိုယ်စားလှယ်အဖွဲ့တို့ နေပြည်တော်ရှိ ဘုရင့်နောင်ရိပ်သာ ဧည့်ခန်းမ ဆောင်၌ တွေ့ဆုံစဉ် အထက်ပါအတိုင်း ဆွေးနွေးခဲ့ကြခြင်း ဖြစ်ကြောင်း သိရသည်။

နှစ်နိုင်ငံတပ်မတော်နှစ်ရပ်အကြား ဆက်ဆံရေးနှင့် ချစ်ကြည်ရင်းနှီးမှုတိုးမြှင့်ဆောင်ရွက်ရေး၊ စစ်ဘက်ဆိုင် ရာများ ပိုမိုပူးပေါင်းဆောင် ရွက်ရေးတို့ကို ဆွေးနွေးသည့်အပြင်သင်တန်းသားများ အပြန်အလှန် စေလွှတ်ရေး နှင့် လေ့ကျင့်ရေးဆိုင်ရာ ပူးပေါင်းဆောင်ရွက်ရေး ၊နယ်စပ် ဒေသတည်ငြိမ်အေးချမ်းရေး၊ လုံခြုံရေး၊ တရား ဥပဒေ စိုးမိုးရေး ဆိုင်ရာများတွင် နှစ်နိုင်ငံပူးပေါင်းဆောင်ရွက်မှု တိုးမြှင့်ဆောင် ရွက်ရေး တို့ကိုလည်း ဆွေးနွေး ခဲ့ကြကြောင်း သိရသည်။

အဆိုပါတွေ့ဆုံပွဲသို့ ညှိနှိုင်းကွပ်ကဲရေးမှူး(ကြည်း၊ ရေ၊ လေ)နှင့်အတူ ကာကွယ် ရေးဦးစီးချုပ်ရုံး(ကြည်း)မှ ဒုတိယဗိုလ်ချုပ်ကြီး ကိုကိုဦးနှင့် တပ်မတော်အရာရှိကြီးများ တက်ရောက်ကြပြီး အိန္ဒိယတပ်မတော်မှ တွဲဖက် ထောက်လှမ်းရေးညွှန်ကြားရေးမှူးချုပ် နှင့်အတူ မြန်မာနိုင်ငံဆိုင်ရာ အိန္ဒိယစစ်သံမှူး Colonel Jaswinder Singh Gill နှင့် အိန္ဒိယတပ်မတော်မှအရာရှိကြီးများ တက်ရောက်ခဲ့ကြကြောင်း သိရသည်။
Yangon_Times/PP
#Local_News
#Published_ 13 June 2024
#YMG #Yangon_Times #Yangon_Media_Group

Published 13 June 2024

ကူဝိတ်နိုင်ငံရှိ နိုင်ငံခြားလုပ်သားများ နေထိုင်ရာ အဆောက်အအုံတစ်ခု ဗုဒ္ဓဟူးနေ့က မီးလောင်ကျွမ်းခဲ့သဖြင့် အနည်းဆုံးလူ ၄၉ ဦး သေဆုံးထားကာ ဒီလိုဖြစ်ရပ်မျိုး ဖြစ်လာတဲ့အတွက် ကူဝိတ် လက်ထောက်ဝန်ကြီးချုပ်က အဆောက်အအုံပိုင်ရှင်ကို စွပ်စွဲလိုက်ပါတယ်။

သေဆုံးသူတွေက ဘယ်နိုင်ငံသားတွေလဲ ဆိုတာကို အာဏာပိုင်များက ချက်ချင်းမဖော်ပြသေးပါဘူး။

အလုပ်သမားများ မီးသင့်ဒဏ်ရာကြောင့် တက်ရောက်ကုသနေတဲ့ ဆေးရုံတွေထံ အိန္ဒိယသံအမတ်က သွားရောက်ကြည့်ရှုခဲ့ပါတယ်။

ဆေးရုံတစ်ခုမှာဆိုရင် အိန္ဒိယလူမျိုးလုပ်သား ၃၀ ကျော် တက်ရောက်နေကြောင်း သံရုံးက ဆိုရှယ်မီဒီယာမှာ ဖော်ပြထားပါတယ်။

တောင်ပိုင်းပြည်နယ် ကယ်ရာလာအပါအဝင် အိန္ဒိယလူမျိုး အများအပြား မီးလောင်မှုထဲမှာ သေဆုံးသွားတယ်လို့ ကယ်ရာလာ ဝန်ကြီးချုပ် ပီနာရာယီဗီဂျေယန်က အိန္ဒိယနိုင်ငံခြားရေးဝန်ကြီးထံ စာရေးသားပေးပို့ခဲ့ပါတယ်။

ကယ်ရာလာမှ ၁၁ ဦးအပါအဝင် ကူဝိတ်ရှိ အိန္ဒိယလူမျိုး ၄၁ ဦး မီးဘေးထဲ သေဆုံးခဲ့တယ်လို့ ပြည်နယ်အပြင်ဘက်ရှိ ကယ်ရာလာ အစိုးရအေဂျင်စီတစ်ခုက ဆိုပါတယ်။

အဆောက်အအုံပိုင်ရှင်တွေရဲ့ လောဘကြောင့် ဒီလိုတွေဖြစ်လာရတယ်လို့ မီးလောင်ရာနေရာကို ရောက်လာတဲ့ လက်ထောက်ဝန်ကြီးချုပ် ရှိတ်ခ်ဖာဟက်ယူဆက်ဖ်ဆော့အယ်ဆဘာက ပြောပြပါတယ်။

ထိုနေရာမှာ ချိုးဖောက်မှုတွေ ရှိမရှိကိုတော့ သေချာမသိရသေးပါဘူး။

ကူဝိတ်နိုင်ငံဟာ ဆောက်လုပ်ရေးလုပ်ငန်းအတွက် တောင်အာရှနဲ့ အရှေ့တောင်အာရှတို့လို နိုင်ငံတွေအပါအဝင် နိုင်ငံခြားသား လုပ်အားတွေကို အလွန်အမင်း မှီခိုနေရပါတယ်။

မီးက အလွှာနိမ့်ကနေ စတင်လောင်ကျွမ်းတဲ့အတွက် အပေါ်ထပ်ကလူတွေ မလွတ်မြောက်နိုင်ခဲ့ဘူးလို့ အသက်ရှင်ကျန်ခဲ့တဲ့ အီဂျစ်ယာဥ်မောင်းတစ်ဦးက ပြောပြပါတယ်။

ဖိလစ်ပိုင်လုပ်သား ၁၁ ဦးထဲက ၃ ဦးကို ဆေးရုံသို့ ခေါ်ဆောင်ထားပြီး ၅ ဦးရဲ့ အခြေအနေကတော့ သေချာမသိရသေးကာ ကျန် ၃ ဦးကတော့ ဘေးကင်းစိတ်ချရတယ်လို့ ဖိလစ်ပိုင်ရွှေ့ပြောင်းလုပ်သား ဝန်ကြီးဌာနက ကြာသပတေးနေ့မှာ ထုတ်ပြန်ခဲ့ပါတယ်။

မီးလောင်ကျွမ်းရတဲ့ အကြောင်းအရင်းကို ချက်ချင်းစုံစမ်းစစ်ဆေးသွားမှာဖြစ်ပြီး တာဝန်ရှိသူတွေ တာဝန်ခံသွားရမှာ ဖြစ်ပါတယ်။

မီးလောင်ကျွမ်းမှုအကြောင်းကို နံနက် ၆ နာရီမှာ ဒေသတွင်းအာဏာပိုင်များသို့ အကြောင်းကြားခဲ့တာ ဖြစ်ပါတယ်။

အိန္ဒိယဝန်ကြီးချုပ် နရန်ဒရာမိုဒီက ထိုကိစ္စနဲ့ ပတ်သက်ပြီး ဝမ်းနည်းပူဆွေးမိကြောင်း ဆိုရှယ်မီဒီယာမှာ ရေးသားထားပါတယ်။
Source: Reuters
#World_News
#Published_ 13 June 2024
#YMG #Yangon_Times #Yangon_Media_Group

Published_ 12 Jun 2024

ရှမ်းပြည်နယ်(အရှေ့ပိုင်း)၊ ကျိုင်းတုံမြို့နယ်တွင် တာချီလိတ် မြို့နယ်သို့ သယ်ဆောင်မည့် ငွေကျပ် ၅ ဒသမ ၇ ဘီလီယံတန်ဖိုးရှိ အိုက်စ်(မက်သ် အဖက် တမင်း) ၅ဝဝ ကီလို နှင့် ကက်တမင်း ၂ဝဝ ကီလို ဖမ်းဆီးရမိခဲ့ ကြောင်း နစက သတင်းထုတ်ပြန်ရေးအဖွဲ့က သိရသည်။

ဇွန်လ ၈ ရက် မွန်းလွဲ ၂ နာရီအချိန်က ရှမ်းပြည်နယ်(အရှေ့ပိုင်း)၊ ကျိုင်းတုံမြို့နယ်၊ ကျိုင်းတုံ-တာချီ လိတ် သွားကားလမ်းနှင့် မြို့ရှောင်လမ်းဆုံတွင် ကျိုင်းတုံဘက်မှ တာချီလိတ်ဘက်သို့ မောင်းနှင်လာသည့် TOYOTA HILUX မော်တော်ယာဉ်ကို မူးယစ်ဆေးဝါးတားဆီးနှိမ်နင်းရေးရဲတပ်ဖွဲ့နှင့် လုံခြုံရေးတပ်ဖွဲ့ဝင်များပါဝင်သော ပူးပေါင်း အဖွဲ့က စစ်ဆေးရန်ရပ်တန့်ခိုင်းခဲ့ရာမှ အထက်ပါအတိုင်း ဖမ်းမိခဲ့ခြင်း ဖြစ်ကြောင်း သိရသည်။

မော်တော်ယာဉ်ကို ရပ်တန့်ခိုင်ရာတွင် မောင်းနှင် ထွက်ပြေးသဖြင့် လိုက်လံဖမ်းဆီးစဉ် အဆိုပါယာဉ်မှာ ဂျိုးဖြူ ကျေးရွာ လမ်းဆုံအနီးရှိ လမ်းဘေး ရေမြောင်းအတွင်းသို့ တိမ်းမှောက်သွားခဲ့ကြောင်း၊ ယာဉ်ပေါ်ပါ မျိုးကို(ခ) မျိုးကြီး အား ဖမ်းဆီးရမိခဲ့ပြီး ယာဉ်မောင်း ရဲကြီး မှာ ထွက်ပြေးတိမ်းရှောင်သွားခဲ့ကြောင်း သိရသည်။

အဆိုပါယာဉ်ကို ရှာဖွေရာ ယာဉ်ပေါ်မှ ဒေသကာလတန်ဖိုးငွေကျပ် ၅ ဒသမ ၇ ဘီလီယံတန်ဖိုးရှိ စိတ်ပြောင်း ဆေးဝါးများဖြစ်သည့် အိုက်စ် (မက်သ်အဖက်တမင်း) ၅၀၀ ကီလို၊ ကက်တမင်း ၂၀၀ ကီလို သိမ်းဆည်းရမိခဲ့ေ ကြာင်းသိရသည်။

စစ်ဆေး ဖော်ထုတ်ချက်အရ သိမ်းဆည်းရမိ စိတ်ပြောင်းဆေးဝါးများသယ်ဆောင်ရာတွင် ပူးပေါင်းပါ ဝင်သူ ယာဉ်ပိုင်ရှင်မှာ ထက်ကြည်စိုး ဆိုသူ ဖြစ်သောကြောင်း ၎င်းအား ဇွန်လ ၉ ရက်နံနက် ၁ နာရီအချိန် ကျိုင်းတုံမြို့၊ ရပ်ကွက်(၃)ရှိ ၎င်း၏ နေအိမ်တွင် ထပ်မံ ဖမ်းဆီးရမိခဲ့ကြောင်း သိရသည်။

၃င်း သိမ်းဆည်းရမိ စိတ်ပြောင်းဆေးဝါးများကို ရှမ်းပြည်နယ်(တောင်ပိုင်း)၊ ကွန်ဟိန်းမြို့နယ်မှ ကျိုင်းတုံသို့ သယ်ဆောင်ခဲ့သည့် NISSAN DIESEL ၁၀ ဘီးမော်တော်ယာဉ်ကို ကျိုင်းတုံမြို့နယ်၊ ယန်းလော ကျေးရွာကား ကြီးကွင်းရှေ့၌ ကွန်ဟိန်းမြို့နယ်သို့ ဆက်လက်မပို့ဆောင်မီ သိမ်းဆည်းရမိခဲ့ကြောင်းသိရသည်။

လက်ရှိတွင် ၎င်းတို့အား ဥပဒေအရအရေးယူထားရှိပြီး ကွင်းဆက်ပြစ်မှုကျူးလွန်သူများကို ဆက်လက်စစ် ဆေးဖော်ထုတ်လျက်ရှိကြောင်း သိရသည်။
Yangon_Times/PP
#Local_News
#Published_ 13 June 2024
#YMG #Yangon_Times #Yangon_Media_Group

Published 13 June 2024

ဦးနှောက်မှတ်ဉာဏ်နေရာအတွင်း လုပ်ဆောင်နေတဲ့ နျူရွန်အာရုံကြောမျှင်များဟာ လူတွေအိပ်နေတဲ့အချိန်မှာ ယခင်ဖြစ်ပျက်ခဲ့တာတွေကို ပြန်လည်စဥ်းစားတာမျိုးအပြင် အနာဂတ်မှာ ဖြစ်လာမယ့် အဖြစ်အပျက်တွေကိုလည်း ပြင်ဆင်နေနိုင်ဖွယ်ရှိတယ်လို့ လေ့လာတွေ့ရှိထားပါတယ်။

မီချီဂန်တက္ကသိုလ်မှ သုတေသီအဖွဲ့က ကြွက်တွေ အိပ်နေစဥ်နဲ့ နိုးကြားနေချိန်တို့မှာ ဦးနှောက်လှိုင်းများကို တိုင်းတာစစ်ဆေးခဲ့ကြပါတယ်။

ကြွက်များကို ဝင်္ကပါစမ်းသပ်ချက် မပြုလုပ်ခင်၊ ပြုလုပ်နေစဥ်နဲ့ ပြုလုပ်အပြီးတို့မှာ တိုင်းတာခဲ့ကြပြီး အာရုံကြောဆဲလ်များကို အကဲဖြတ်ခဲ့ကြပါတယ်။

ထိုအခါမှာ ဝင်္ကပါထဲက ကြွက်တွေ ရှာဖွေစူးစမ်းပြီးသား နေရာတွေကို အိပ်မက်မက်ရုံမက အိပ်နေစဥ်မှာ လမ်းအသစ်တွေကိုပါ ကြိုးပမ်းရှာဖွေနေကြတာကို တွေ့ရှိခဲ့ကြပါတယ်။

ဒါဟာ အချို့သော နျူရွန်တွေနဲ့ နေရာများကြား ဆက်စပ်မှုရဲ့ အဓိကရလဒ်များဖြစ်ပြီး အိပ်ပျော်နေတဲ့  ဦးနှောက်ပါ ပါဝင်လာတာ ဖြစ်ပါတယ်။

အိပ်စက်ခြင်းက မှတ်ဉာဏ်ဖြစ်ပေါ်မှုပိုင်းကို ကူညီထောက်ပံ့တယ်လို့ သိရှိထားကာ ယခုလေ့လာချက်အရ လူသားဦးနှောက်မှာလည်း အလားတူ ဖြစ်ပေါ်နိုင်ဖွယ်ရှိပြီး အနာဂတ်မှာ ဖြစ်လာမယ့် အဖြစ်အပျက်တွေအတွက် ကြိုတင်ပြုလုပ်တာမျိုး ဖြစ်လာနိုင်ပါတယ်။
Source: WION.
#World_Science
#Published_ 13 June 2024
#YMG #Yangon_Times #Yangon_Media_Group

Publiushed_ 13 June 2024

  အိန္ဒိယနိုင်ငံတွင် အကြောင်းအမျိုးမျိုးဖြင့် ပြစ်ဒဏ်များ ကျခံပြီးနောက်   Imphal အကျဉ်းထောင်တွင် ထိန်းသိမ်းထားရှိသည့် မြန်မာနိုင်ငံသား မှန်ကန်ကြောင်း စိစစ်ပြီးသူ ၃၈ ဦးအား နေရပ်သို့ ပြန်လည်ပို့ဆောင်ပေးခဲ့ကြောင်း သိရပါတယ်။

  အိန္ဒိယနိုင်ငံ၌ ထိန်းသိမ်းထားရှိသည့် မြန်မာနိုင်ငံသားမှန်ကန်ကြောင်း စိစစ်ပြီးသူ စုစုပေါင်း (၇၇) ဦးအနက် ကျန်ရှိနေသည့် မြန်မာနိုင်ငံသား(၃၈)ဦးအား ဒုတိယအသုတ် အဖြစ် ဇွန် ၁၁ ရက်တွင် မဏိပူပြည်နယ်မှ မိုရေးမြို့သို့ ရဟတ်ယာဉ်ဖြင့် ပို့ဆောင်ခဲ့ပြီး တမူးမြို့၊ အပြည်ပြည်ဆိုင်ရာ နယ်စပ်ဝင်/ထွက်ဂိတ်မှတစ်ဆင့် မြန်မာ-အိန္ဒိယ နှစ်နိုင်ငံ ပူးပေါင်းဆောင်ရွက်လျက် နေရပ်သို့ ပြန်လည်ပို့ဆောင်ပေးခဲ့တာ ဖြစ်ပါတယ်။

  အဆိုပါလုပ်ငန်းစဉ်များကို နယူးဒေလီမြို့ရှိ မြန်မာသံရုံးက အိန္ဒိယပြည်ပရေးရာ ဝန်ကြီးဌာနမှတစ်ဆင့် မဏိပူရ်ပြည်နယ်ရှိ သက်ဆိုင်ရာအဖွဲ့အစည်းများနှင့် ညှိနှိုင်းဆောင်ရွက်ပေးခဲ့ကြောင်း သတင်းရရှိပါတယ်။
Ymg_mnn
#Local_News
#Yangon_Media_Group
#Published_ 13 June 2024
#YMG #Yangon_Times #Yangon_Media_Group

Published 13 June 2024 

အမေရိကန်ကနေ သေနတ်အများအပြား ဝင်ရောက်လာတာဟာ အိမ်နီးချင်း လက်တင်အမေရိက နိုင်ငံတွေနဲ့ ကာရစ်ဘီယံဒေသအတွက်တော့ ပြဿနာများ ဖြစ်စေပါတယ်။
ထိုဒေသများမှ ဖွံ့ဖြိုးမှုအားနည်းဆဲ နိုင်ငံတွေမှာ သေနတ်များ ဝင်ရောက်လာတွေကို ထိန်းချုပ်ဖို့ ခက်ခဲနေပါတယ်။
ဖေဖော်ဝါရီလတုန်းက ဟေတီနိုင်ငံရဲ့ ဝန်ကြီးချုပ် နုတ်ထွက်ရသည်အထိ လက်နက်ကိုင် ဂိုဏ်းတစ်ခု ပေါ်ထွက်လာပြီးနောက် သေနတ်တွေ ဘယ်ကနေ အစပြုရောက်လာသလဲဆိုတာ သံသယရှိလာကြပါတယ်။
#World_News
#Published_12 June 2024
#YMG #Yangon_Times #Yangon_Media_Group

#Daily_News
Published_12 June 2024

၁။ အတန်းပညာမရှိသော လူငယ်များကို ဂျပန်နှင့်အင်္ဂလိပ်စာ ပညာဒါနသင်ကြားပေးမည်

၂။ ရှမ်းပြည်အောင်ပန်းဈေးကွက်တွင် သံပုရာသီး တစ်ပိသာ ကျပ်၅၀၀၀ကျော် ဈေးကျဆင်း

၃။ အုန်းသီးတန်ဖိုးကွင်းဆက်တစ်လျှောက် အဆင့်မြှင့်တင်ထုတ်လုပ်ခြင်း စီမံကိန်းကာလ ယခုလကုန်အထိ တိုးမြှင့်ဆောင်ရွက်နေ

၄။ အမေရိကန်မှသေနတ်များ တရားမဝင်ဝင်ရောက်လာခြင်းကြောင့် မက္ကဆီကိုတွင် ရာဇဝတ်မှုပြဿနာများ ကြုံတွေ့နေရ ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Daily_News #Yangon_Times #Yangon_Media_Group #TV Yangon Times

Published-12 June 2024

ပြောင်း ဈေး နှုန်းများ ဆက်တိုက်မြင့်တက်လာကြောင်း ပြောင်းစိုက်ပျိုး‌ ရောင်းချသူများထံမှ သိရသည်။

ထိုသို့မြင့်တက်ရာတွင် စားပြောင်း တစ်ဖူးလျှင် ကျပ် ၈၀၀မှ ၁၀၀၀ခန့်အထိ နှင့် ပြောင်းဆံ တစ်ပိသာလျှင် ကျပ် ၁၄၀၀ အထိဈေးနှုန်းရရှိနေကြောင်းသိရသည်။

ဖူးစားပြောင်းကိုပြည်တွင်း၌ အဓိကသုံးစွဲကြပြီး တိရစ္ဆာန်အစာအဖြစ်‌ ရောင်းချသည့် ပြောင်းဆံ ကိုမူပြည်တွင်းအပြင်  ပြည်ပနိုင်ငံများသို့ တင်ပို့ရောင်းချလေ့ရှိကြောင်းသိရသည်။

" ဖူးစားပြောင်းလဲဈေးကောင်းတယ် ၊ ပြောင်းဆံလည်းကောင်းတယ်ပေါ့ ၊အဓိက ဈေးကွက်ကောင်းတာရယ် ၊အထွက်နည်းတ့ာရယ်၊သယ်ယူပို့ဆောင်စရိတ်မြင့်တက်တာရယ်ကြောင့်ပါ " ဟု ပြောင်းစိုက်ပျိုးသူတစ်ဦး ကပြောသည်။

လက်ရှိတွင်  ပြောင်းဆံကို  အိန္ဒိယ၊ ထိုင်းနိုင်ငံ ၊ ဖိလစ်ပိုင်၊ ဗီယက်နမ်များသို့  အဓိကတင်ပို့နေပြီး  ထိုင်းနိုင်ငံသို့အဓိက တင်ပို့နေကြောင်း သိရသည် ။

ပြည်ပ နိုင်ငံများသို့  ပြောင်းဆံ တင်ပို့ရာမှာ နယ်စပ်လမ်းကြောင်းမှအနည်းငယ် နှင့်  ပင်လယ်ရေကြောင်းမှ  အဓိကတင်ပို့နေကြောင်း သိရသည်။
Yangon_Times/NN
#Local_News
#Published_12 June 2024
#YMG #Yangon_Times #Yangon_Media_Group

Published_12 June 2024

ယခု၂၀၂၄-၂၀၂၅ဘဏ္ဍာနှစ် နှစ်လတာအတွင်း ကံပိုင်တည်ကုန်သွယ်ရေးစခန်းမှ ကန်ဒေါ်လာသန်း၉၀ကျော် အထိကုန်သွယ်ထား ကြောင်းစီးပွားရေးနှင့်ကူးသန်း
ရောင်းဝယ်ရေးဝန်ကြီးဌာနမှ သိရသည်။

ထိုသို့ကုန်သွယ်ထားရာတွင် ၂၀၂၄ခုနှစ်ဧပြီလ ၁ရက်မှ မေလ၃၁ရက်နေ့အထိ ပို့ကုန်တင်ပို့မှုမှ ကန်ဒေါ်လာ ၇၂ဒဿမ၉၇၂သန်း ၊သွင်းကုန်တင်ပို့မှုမှ ကန်ဒေါ်လာ ၁၉ဒဿမ၈၂၄သန်း စုစုပေါင်း ကုန်သွယ်မှုပမာဏ ၉၂ဒဿမ ၇၉၆သန်း ကုန်သွယ်ထားကြောင်းသိရသည်။

ထို့အပြင် ကံပိုင်တည်ကုန်သွယ်ရေးစခန်းမှ ၂၀၂၄-၂၀၂၅ ဘဏ္ဍာနှစ်၊ ဇွန်လကုန်သွယ်မှုလျာထားချက်မှာ ပို့ကုန် (၄.၀၀၀) ဒေါ်လာသန်းနှင့် သွင်းကုန် (၁.၀၀၀) ဒေါ်လာသန်းဖြင့် စုစုပေါင်း (၅.၀၀၀) ဒေါ်လာသန်းဖြစ်ပြီး ဇွန်လ (၃) ရက်နေ့ထိအမှန်ဆောင်ရွက်နိုင်မှုမှာ ပို့ကုန် (၂.၃၂၃) ဒေါ်လာသန်း၊ သွင်းကုန် (၁.၀၂၄) ဒေါ်လာသန်း၊ စုစုပေါင်း (၃.၃၄၇) ဒေါ်လာသန်းဖြစ်သဖြင့် ကုန်သွယ်မှုလျာထားချက်အပေါ် (၆၆.၉၃၀%) ဆောင်ရွက်နိုင်ခဲ့ ကြောင်းသိရသည်။

၂၀၂၄-၂၀၂၅ ဘဏ္ဍာနှစ်၊ ဇွန်လ (၃) ရက်အတွင်း ပို့ကုန်အမယ်များအနေဖြင့် တစ်သျှူးငှက်ပျော၊ ပဲမျိုးစုံ၊ ငရုတ်ခြောက်၊ သရက်ပြားခြောက်၊ မန်ကျည်းသီး(အစေ့ပါ)၊ ချဉ်ပေါင်ဖာလာ၊ ကော်ဖီစေ့၊ ကြက်သွန်နီနှင့် အလူမီနီယံဖြတ်စတို့ တင်ပို့နိုင်ခဲ့‌ပြီးသွင်းကုန်အမယ်များအနေဖြင့် ရင်းနှီးမြှုပ်နှံမှု ပစ္စည်းများ၊ လုပ်ငန်းသုံးပစ္စည်းများ၊ ဆောက်လုပ်ရေးလုပ်ငန်းသုံးပစ္စည်းများ၊ လူသုံးကုန်အဝတ်အထည်များ၊ သစ်သီးများ၊ စက်သုံးဆီများနှင့် CMP ပစ္စည်းများတင်သွင်းနိုင်ခဲ့‌ ကြောင်းသိရသည်။

ထို့အပြင် ကံပိုင်တည်ကုန်သွယ်ရေးစခန်း၏ ၂၀၂၄  ခုနှစ်၊ ဇွန်လ (၂) ရက်မှ (၃) ရက်နေ့အထိ ပို့ကုန်ပိုင်းတွင် အဓိကပို့ကုန်ဖြစ်သည့် တစ်သျှူးငှက်ပျောတင်ပို့မှုအနေဖြင့် ဈေးနှုန်းတစ်တန်လျှင် (၂၅၃၀) ယွမ်/ (၃၄၇) ဒေါ်လာတို့ဖြင့် တန်ချိန် (၅၂၅) တန်၊ တန်ဖိုး (၀.၁၈၂) ဒေါ်လာသန်း၊ ငရုတ်ခြောက် တန်ချိန် (၄၆.၃)တန်၊ တန်ဖိုး (၀.၀၆၉) ဒေါ်လာသန်း၊ ပဲမျိုးစုံ တန်ချိန် (၅၈၉)တန်၊ တန်ဖိုး (၀.၅၀၁) ဒေါ်လာသန်း၊ ချဉ်ပေါင်ဖာလာ တန်ချိန် (၂၄.၉) တန်၊ တန်ဖိုး (၀.၀၅၀) ဒေါ်လာသန်း၊ကြက်သွန်နီ တန်ချိန် (၂၀၇.၅) တန်၊ တန်ဖိုး (၀.၀၈၂) ဒေါ်လာသန်း၊ ကော်ဖီစေ့ တန်ချိန် (၃၄) တန်၊ တန်ဖိုး (၀.၁၃၆) ဒေါ်လာသန်း၊ အလူမီနီယံဖြတ်စ တန်ချိန် (၆၆.၈၇) တန်၊ တန်ဖိုး (၀.၁၂၀) ဒေါ်လာသန်းနှင့် မကျည်းသီး(အစေ့ပါ) တန်ချိန် (၁၅.၅) တန်၊ တန်ဖိုး (၀.၀၀၃) ဒေါ်လာသန်း တင်ပို့နိုင်ခဲ့ကြောင်း၊ အများဆုံးသွင်းကုန်ပစ္စည်းများမှာ သံကြိုးခွေ၊ Hollow Pipe ၊ Iron Pipe၊ ကြွေးပြား၊ ကားတာယာ၊ လိမ္မော်သီး၊ ပန်းသီး၊ သစ်တော်သီး၊ လူသုံးအဝတ် အထည်များနှင့် စက်သုံးဆီတို့ဖြစ်ပြီး ရင်းနှီးမြှုပ်နှံမှုပစ္စည်းတန်ချိန် (၁၆၁.၂၅၀) တန်၊ တန်ဖိုး (၀.၁၃၇) ဒေါ်လာသန်း၊ လုပ်ငန်းသုံးပစ္စည်း တန်ချိန် (၂၀၃.၀၀၀) တန်၊ တန်ဖိုး (၀.၃၁၃) ဒေါ်လာသန်းနှင့် လူသုံးကုန်ပစ္စည်း တန်ချိန် (၂၁၀.၃၂၀) တန်၊ တန်ဖိုး (၀.၁၇၇) ဒေါ်လာသန်းတို့ တင်သွင်းနိုင်ခဲ့‌ ကြောင်း သိရသည်။
Yangon_Times/NN
#Local_News
#Published_12 June 2024
#YMG #Yangon_Times #Yangon_Media_Group

Published_12 June 2024

ရွှေတိဂုံစေတီတော်မြတ်ကြီးဖူးမြော်ခွင့်ကို ယခင်က မနက်(၅)နာရီမှည(၉)နာရီ အထိ သတ်မှတ်ထားရာမှ ဇွန်လ၂၁ရက်မှစတင်ပြီး မနက်(၄)နာရီမှည(၁၀)နာရီအထိ ဖူးမြော်ခွင့်တိုးမြှင့်ပေးလိုက်ကြောင်း ရွှေတိဂုံစေတီတော်ဂေါပကအဖွဲ့ထံမှသိရသည်။

မနက်အစောကြီးအာရုဏ်တက်ချိန် ၄နာရီကစလို့ ရွှေတိဂုံဘုရားဖူးမြော်နိုင်မှာဖြစ်၍ အဓိဌာန်ဝင်မည့်သူများ၊ အာရုဏ်ဆွမ်းဆက်ကပ်လှူမည့်သူများပိုမိုအဆင်ပြေစေသလို ညပိုင်း(၁၀)နာရီအထိ ဖူးမြော်ခွင့်ရသည့် အတွက် ရုံးဆင်းချိန် ရုံးသမား၊အလုပ်သမားများ ညပိုင်းဘုရားဖူးသွားရောက်ရာတွင်ပိုမိုအဆင်ပြေစေမည်ဖြစ်သည်ဟု ဘုရားဖူးများထံမှသိရသည်။

ကိုဗစ်မတိုင်ခင်က ရွှေတိဂုံစေတီတော်ကို မနက်(၄)နာရီမှည(၁၀)နာရီအထိဖူးမြော်ခွင့်ရခဲ့သော်လည်း ကိုဗစ်ကာလမှာ မနက်(၆)နာရီမှည(၆)နာရီအထိသာဖူးမြော်ခွင့်ရရှိခဲ့ခြင်းဖြစ်သည်။

၂၀၂၂ခုနှစ်တွင် မနက်(၅)နာရီမှ ည(၈)နာရီအထိသတ်မှတ်ခဲ့ပြီး၂၀၂၄ခုနှစ်နှစ်စတွင် မနက်(၅)နာရီမှည(၉)နာရီ အထိဘုရားဖူးချိန်တိုးမြှင့်ခဲ့ပြီး ယခုအခါ မနက်(၄)နာရီမှည(၁၀)နာရီအထိ ဖူးမြော်ခွင့်တိုးမြှင့်ပေးလိုက်ကြောင်း သိရသည်။
Yangon_Times/tthl
#Local_News
#Published_12 June 2024
#YMG #Yangon_Times #Yangon_Media_Group

ထိုင်းနိုင်ငံအပါအဝင် ပြည်ပနိုင်ငံအချို့က ဝယ်ယူမှုများနေတဲ့အတွက် ပြောင်းဈေးမှာ ဆက်လက်မြင့်တတ်လာတယ်လို့ ပြောင်းစိုက်ပျိုးထုတ်လုပ်ရောင်းဝယ်သူများ အသင်းထံက သိရပါတယ်။
Yangon_Times/LW
#Local_News
#Published_12 June 2024
#YMG #Yangon_Times #Yangon_Media_Group