#WorldBusiness
Published- 14 February 2022

ကမ္ဘာ့လောင်စာဆီဈေးနှုန်းဟာ တနင်္လာနေ့က ၇ နှစ်ကျော်ကာလအတွင်း အမြင့်ဆုံးထိုးတက်သွားခဲ့ပါတယ်။ယူကရိန်းနိုင်ငံကို ရုရှားတို့ကျူးကျော်မယ်ဆိုပါက အမေရိကန်နဲ့ ဥရောပမှ ဒဏ်ခတ်ပိတ်ဆို့မှုများပြုလုပ်လာနိုင်ပြီး လောင်စာဆီအဓိကထွက်ရှိရာနိုင်ငံကြီးရဲ့ လောင်စာဆီတင်သွင်းမှုတွေကို အနှောင့်အယှက်ဖြစ်လာနိုင်ပါတယ်။

၂၀၁၄ အောက်တိုဘာလက Brent Crude ဆီတိုင်ကီ ၁ ပုံးကို ၉၆.၁၆ ဒေါ်လာအမြင့်ဆုံးရှိခဲ့ဖူးကာ အခုတနင်္လာနေ့ ဂရင်းနစ်စံတော်ချိန် ၂ နာရီ ၃၅ မိနစ်မှာ ၉၅.၅၆ ဒေါ်လာအထိ မြင့်တက်ခဲ့ပြီး ၁.၂ ရာခိုင်နှုန်းမြင့်တက်လာခဲ့တာဖြစ်ပါတယ်။

West Texas Intermediate (WTI) crude ကလည်း ၂၀၁၄ စက်တင်ဘာလက ဆီတစ်တိုင်ကီကို ၉၄.၉၄ ဒေါ်လာအမြင့်ဆုံးဖြစ်ခဲ့ကာ အခုအခါ ၉၄.၃၈ ဒေါ်လာအထိ ဖြစ်လာခဲ့ပါတယ်။
ယူကရိန်းကို ရုရှားတို့က ကျူးကျော်တိုက်ခိုက်လာနိုင်တယ်ဆိုတဲ့ အမေရိကန်တို့ရဲ့ပြောကြားချက်တွေက ကမ္ဘာ့စီးပွားရေးဈေးကွက်ကို တုန်လှုပ်သွားစေပါတယ်။

ရုရှားတို့က အကြောင်းပြချက်တစ်ခုဖန်တီးကာ ယူကရိန်းကို အချိန်မရွေးတိုက်ခိုက်လာနိုင်ကြောင်း အမေရိကန်တို့က တနင်္ဂနွေနေ့က ပြောကြားခဲ့ပါတယ်။"တကယ်ကျူးကျော်ဖြစ်ခဲ့ရင် Brent Crude ဆီဈေးက ဒေါ်လာ ၁၀၀ အထက်ကို ရောက်သွားမှာပါ။ ဆီဈေးက ငြိမ်သွားမှာမဟုတ်ပါဘူး။ ယူကရိန်းအရေးကိစ္စအခြေအနေပေါ် အလွန်မူတည်နေပါတယ်။" လို့ OANDA နိုင်ငံတကာငွေကြေးလဲလှယ်ရေးမှ 'အက်ဒ်ဝါ့ဒ်မိုယာ'က မှတ်ချက်ပြုလိုက်ပါတယ်။

ရေနံတင်ပို့ရေးနိုင်ငံများအဖွဲ့အစည်းနဲ့ မဟာမိတ်အဖွဲ့အစည်းတွေပါဝင်တဲ့ OPEC+ အဖွဲ့ဟာ မတ်လမတိုင်ခင်အထိ တစ်နေ့ကို ဆီတိုင်ကီ ၄ သိန်း တိုးမြှင့်ထုတ်လုပ်ဖို့ ကတိပေးထားပေမယ့် လက်တွေ့မှာတော့ တိုးမြှင့်ထုတ်လုပ်ဖို့က ခက်ခဲနေခဲ့ပါတယ်။

ဇန်နဝါရီလအတွင်း OPEC+ က ထုတ်လုပ်တဲ့ပမာဏနဲ့ သတ်မှတ်ချက်ပမာဏဟာ တစ်နေ့ကိုတိုင်ကီ ၉ သိန်းခန့်ကွာဟနေတယ်လို့ နိုင်ငံတကာစွမ်းအင်အေဂျင်စီက ဆိုလိုက်ပြီး OPEC အဖွဲ့အစည်းတစ်ခုတည်းကပင် တိုင်ကီ ၁.၂ သန်းကွာဟနေကြောင်း JP Morgan ကုမ္ပဏီက ပြောကြားခဲ့ပါတယ်။

"OPEC-10 အဖွဲ့က ၇ နိုင်ငံက ယခုလအတွင်း သတ်မှတ်ထားတဲ့ တိုးမြှင့်ထုတ်လုပ်မှုအတိုင်း မဆောင်ရွက်နိုင်ခဲ့ပါဘူး။ အီရတ်နိုင်ငံက ထုတ်လုပ်မှုလိုအပ်ချက် အများဆုံးဖြစ်နေခဲ့ပါတယ်" လို့ JP Morgan မှ သုံးသပ်လေ့လာသူတွေက ဖေဖော်ဝါရီ ၁၁ ရက်နေ့က မှတ်ချက်ပြုခဲ့ပါတယ်။

အမေရိကန်နဲ့အီရန်နိုင်ငံတို့ ကြား ၂၀၁၅ နျူကလီးယားသဘောတူညီချက်အကြောင်း ဆွေးနွေးနေမှုကိုလည်း ရင်းနှီးမြှုပ်နှံသူတွေက စောင့်ကြည့်နေကြပါတယ်။
ဒါပေမဲ့ ပြောဆိုဆွေးနွေးမှုတွေက ပိုမိုဆိုးရွားလာပြီဖြစ်ကြောင်း အီရန်အကြီးတန်းလုံခြုံရေးအရာရှိတစ်ဦးက တနင်္လာနေ့က ပြောကြားလိုက်ပါတယ်။

ဆီဈေးနှုန်းမြင့်တက်လာမှုကြောင့် အမေရိကန်တွင် စွမ်းအင်ထုတ်လုပ်ရေးလုပ်ငန်းတွေကနေ ပြီးခဲ့တဲ့အပတ်က ရေနံတူးစင်များစွာ ဆောက်လုပ်ခဲ့ကြကြောင်း စွမ်းအင်ထုတ်လုပ်ရေးလုပ်ငန်း Baker Hughes ကုမ္ပဏီက သောကြာနေ့က ပြောကြားခဲ့ပါတယ်။
Source: Reuters

#LocalPolitics
Published - 14 Feb 2022
ထာဝရငြိမ်းချမ်းရေးရရှိရေးအတွက် အစိုးရ၊ တပ်မတော်၊ တိုင်းရင်းသားလက်နက်ကိုင်အဖွဲ့အစည်းများ အနေဖြင့် အပေးအယူ မျှတစွာဖြင့် အတူတကွလက်တွဲဆောင်ရွက်ကြရန် တိုင်းရင်းသားစည်းလုံး ညီညွတ်ရေးပါတီမှ ဥက္ကဋ္ဌ ဦးဟန်ရွှေမှ တိုက်တွန်းပြောကြားလိုက်ပါတယ်။

(၇၅) နှစ်မြောက် စိန်ရတုပြည်ထောင်စုနေ့တွင် ပါတီဝင်များထံ ပေးပို့တဲ့ တိုင်းရင်းသားစည်းလုံးညွတ်ရေးပါတီဥက္ကဋ္ဌ ဦးဟန်ရွှေမှ သဝဏ်လွှာ ပေးပို့ခဲ့ရာတွင် ထည့်သွင်းပြောဆိုထားတာဖြစ်ပါတယ်။

ထာဝရငြိမ်းချမ်းရေးရရှိရေးအတွက် အစိုးရ၊ တပ်မတော်၊ တိုင်းရင်းသားလက်နက်ကိုင်အဖွဲ့အစည်းများ အနေဖြင့် အပေးအယူမျှတစွာ အတူတကွ လက်တွဲဆောင်ရွက်ကြရန် တိုင်းရင်းသားပြည်သူများ၏ လက်ရှိ ပကတိအခြေအနေကို ကိုယ်စားပြုကာ တိုက်တွန်နှိုးဆော်အပ်ကြောင်း ဦးဟန်ရွှေက ပြောပါတယ်။

“နှစ်ပေါင်း(၇၀)ကျော် ခံစားနေကြရတဲ့ ဆင်းရဲဒုက္ခအပေါင်းကို စာနာပြီး အကြောင်းအမျိုးမျိုးကြောင့် နှောင့် နှေးလျက်ရှိတဲ့ တစ်နိုင်ငံလုံး ပစ်ခတ်တိုက်ခိုက်မှုရပ်စဲရေး သဘောတူစာချုပ်မှာ တိုင်းရင်းသားလက်နက်ကိုင် အဖွဲ့အစည်းတွေက ပင်လုံစိတ်ဓာတ်၊ တိုင်းရင်းသား စည်းလုံးညီညွတ်ရေးစိတ်ဓာတ်အပြည့်အဝနဲ့ ပါဝင် လက်မှတ်ရေးထိုးကြရင် ငြိမ်းချမ်းရေးလုပ်ငန်းစဉ်တွေ အောင်မြင်မယ်လို့ ယုံကြည်ပါတယ်” လို့ တိုင်းရင်းသားစည်းလုံးညီညွတ်ရေးပါတီမှ ဥက္ကဋ္ဌ ဦးဟန်ရွှေက ပြောပါတယ်။

ဆက်လက်ပြီး လွတ်လပ်ရေး၊ အချုပ်အခြာအာဏာ တည်တံ့ခိုင်မြဲရေးနှင့် နယ်မြေတည်ရှိမှုတို့နှင့် စပ်လျဉ်း၍ ဖြစ်ပေါ်လာသည့် ပြည်တွင်းပြည်ပအန္တရာယ်နှင့် စိတ်ခေါ်မှုမှန်သမျှကို ရင်ဆိုင်ကျော်လွှားရာတွင် ပြည့်အင်အား သည် ပြည်တွင်းမှာသာရှိသည်ဟူသော အခြေခံမူအပေါ်တွင် အခိုင်အမာ ရပ်တည်ကြရမည်ဖြစ်ကြောင်း၊ သို့ပါ၍ တိုင်းရင်းသား စည်းလုံးညီညွတ်ရေးကို အခိုင်အမာ တည်ဆောက်ခြင်းဖြင့် ပြည်တွင်းအားကို ရယူကာ ပြည်တွင်းပြည်ပ စိတ်ခေါ်မှုမှန်သမျှကို တွန်းလှန်ဖယ်ရှားပြီး နိုင်ငံတော်ကြီး ငြိမ်းချမ်းသာယာရေးနှင့် ဖွံဖြိုးတိုး တက်ရေးအတွက် တိုင်းရင်းသားပြည်သူတစ်ရပ်လုံးက ပင်လုံစိတ်ဓာတ် အခြေခံဖြင့် အတူတကွ လက်တွဲ ကြိုးပမ်းဆောင်ရွက်ကြရန် တိုက်တွန်းအပ်ကြောင်း ထုတ်ပြန်ချက်မှာရေးသားပြောဆိုထားပါတယ်။

ymg/hm

#Yangon_Media_Group

Published 14 February 2022

ကိုဗစ်ရောဂါကူးစက်ထားတဲ့ အမျိုးသမီးတွေမှာ ကိုရိုနာဗိုင်းရပ်စ်က သားအိမ်အချင်းကို ဖျက်ဆီးပစ်ပြီး ကလေးအသေမွေးလာနိုင်ကြောင်း သုတေသနအသစ်တစ်ခုမှာ ဖော်ပြထားပါတယ်။

ဒီဖြစ်ရပ်က ကိုယ်ဝန်ဆောင်တွေမှာ အဖြစ်များတာမဟုတ်ပေမယ့် ကိုဗစ်ရောဂါကူးစက်မိတဲ့ ကိုယ်ဝန်ဆောင်မိခင်တွေမှာတော့ ဖြစ်လာနိုင်ချေရှိနေပါတယ်။

ကိုဗစ်ကာကွယ်ဆေးထိုးခြင်းဖြင့် ဒီလိုပြဿနာကို ကာကွယ်နိုင်မယ်လို့ အာဏာပိုင်တွေက ယုံကြည်ထားကြပါတယ်။

အမေရိကန်ပြည်ထောင်စုအပါအဝင် နိုင်ငံ ၁၂ နိုင်ငံမှ သုတေသနပညာရှင်များက အသေမွေးလာတဲ့ကလေး ၆၄ ယောက်နဲ့ မွေးဖွားပြီးခဏအတွင်း သေဆုံးသွားခဲ့တဲ့ကလေး ၄ ယောက်တို့ဆီမှ အသားစတစ်ရှူးများရယူပြီး အချင်းကို ခွဲခြမ်းစိတ်ဖြာခဲ့ကြပါတယ်။

ဒီဖြစ်ရပ်တွေအားလုံးမှာ ကိုယ်ဝန်ဆောင်စဉ်အတွင်း ကိုဗစ်ရောဂါကူးစက်ပြီး ကာကွယ်ဆေးမထိုးထားတဲ့ အမျိုးသမီးတွေပါဝင်နေတာကို တွေ့ရပါတယ်။

သန္ဓေသားကိုကူးစက်ခြင်းထက် အချင်းကိုထိခိုက်စေခြင်းက ကလေးအသေမွေးတာတွေ တွေ့လာရတာဖြစ်နိုင်ကြောင်း ဖိုင်းဘာ့ဂ်ဆေးပညာတက္ကသိုလ်မှ ဒေါက်တာ'ဂျက်ဖရီဂိုးလ်စတိုင်း'က ပြောပြသွားပါတယ်။

ကလေးအသေမွေးလာနိုင်တဲ့နှုန်းက ကိုဗစ်ရောဂါကူးစက်ထားတဲ့ ကိုယ်ဝန်ဆောင်မိခင်တွေမှာ ပိုဖြစ်နိုင်ပြီး အထူးသဖြင့် ဒယ်လ်တာမျိုးဗီဇကွဲကြောင့် ပိုပြီးဖြစ်နိုင်ပါတယ်။

ဇီကာဗိုင်းရပ်စ်လို အခြားဗိုင်းရပ်စ်တွေက အချင်းကိုဖြတ်သန်းဝင်ရောက်လာကာ သန္ဓေသားဆီကူးစက်တာကြောင့် ကလေးအသေမွေးခြင်းဖြစ်ပေါ်တတ်ကြောင်း ရောဂါဗေဒပညာရှင် ဒေါက်တာ'ဒေးဗစ်ရှဝါ့ဇ်'က ရှင်းပြပါတယ်။

ကိုဗစ်ရောဂါပိုးကူးစက်တဲ့ ကိုယ်ဝန်ဆောင်တွေမှာလည်း အဲဒီလိုသန္ဓေသားဆီကူးစက်ပြီး ကလေးအသေမွေးတာလားဆိုတာကို လေ့လာကြည့်ခဲ့ကြပါတယ်။

ဒါပေမဲ့ တကယ်တမ်းက သားအိမ်အချင်းကိုကူးစက်စေပြီး ပျက်စီးသွားတာဖြစ်ပါတယ်။

ဒီဖြစ်ရပ်အများစုမှာ အချင်းရဲ့ ၉၀ ရာခိုင်နှုန်းလောက်က ဖျက်ဆီးခံလိုက်ရတာကိုတွေ့ရပါတယ်လို့ 'ရှဝါ့ဇ်'ကဆိုပါတယ်။

ပုံမှန်အချင်းက နီသလိုလိုရှိပြီး ပွပွလေးဖြစ်နေပါတယ်။ပျက်စီးသွားတဲ့အချင်းတွေကတော့ မာတောင့်ပြီး တစ်ရှူးအသေတွေနဲ့ မဲညစ်နေခဲ့ပါတယ်။အခြားရောဂါပိုးကူးစက်မှုတွေက အချင်းကိုထိခိုက်နိုင်ပေမယ့် အခုလောက်တော့ ပျက်စီးခြင်းမရှိခဲ့ကြပါဘူး။

အချင်းအင်္ဂါက မိခင်ဝမ်းဗိုက်နဲ့ သန္ဓေသားကို ချက်ကြိုးဖြင့်ဆက်သွယ်ထားပြီး မိခင်သွေးကြောလည်ပတ်မှုစနစ်ကနေ အောက်ဆီဂျင်နဲ့ အဟာရဓာတ်တွေ ထောက်ပံ့ပေးပါတယ်။

ဗိုင်းရပ်စ်က သွေးကြောတွေကနေတဆင့် အချင်းကိုရောက်ရှိလာကာ အချင်းရှိ ဆဲလ်တွေနဲ့တစ်ရှူးတွေ ကူးစက်သေဆုံးကုန်ကြတာဖြစ်ပါတယ်။

အချင်းပျက်စီးပြီး သန္ဓေသား အောက်ဆီဂျင်မလုံမလောက်ဖြစ်ကာ ကလေးအသေမွေးလာရခြင်းဖြစ်နိုင်ပါတယ်လို့ ယူဆထားကြပါတယ်။

ကိုဗစ်ကူးစက်ထားတဲ့ ကိုယ်ဝန်ဆောင်တွေမှာ သွေးပေါင်ချိန်တက်ခြင်း၊ နာတာရှည်ရောဂါခံစားရခြင်း၊ သန္ဓေသားပုံစံမမှန်ခြင်း စသည်တို့ကလည်း ကလေးအသေမွေးလာနိုင်ချေ များလာစေပါတယ်။

ဒီလေ့လာချက်ကို အိုမီခရွန်ပျံ့ပွားမှုမဖြစ်ခင် ပြုလုပ်ထားတာကြောင့် အိုမီခရွန်မျိုးဗီဇကွဲက ကလေးအသေမွေးနိုင်ချေကို များလာစေသလားဆိုတာကိုတော့ သေချာမသိရသေးပါဘူး။

Source: AP News

Published 14 February 2022

ကိုဗစ်ရောဂါကူးစက်ခံရပြီးနောက် နောက်ဆက်တွဲဖြစ်လာနိုင်တဲ့ ကျန်းမာရေးပြဿနာတွေအကြောင်းကို လေ့လာဆန်းစစ်ကြည့်ရာမှာ ၂၀၂၀ အတွင်းရောဂါကူးစက်ခဲ့တဲ့ အသက် ၆၅ နှစ်နဲ့အထက်လူကြီး ၃ ပုံ ၁ ပုံလောက်ဟာ လအနည်းငယ်ကြာပြီးနောက် ကျန်းမာရေးပြဿနာအခြေအနေ အနည်းဆုံးတစ်မျိုး ဖြစ်ပေါ်တတ်ကြောင်း ဗြိတိန်ဆေးပညာဂျာနယ်မှာ ဖော်ပြခဲ့ပါတယ်။

အဆိုပါလူနာတွေဟာ နှလုံး၊ ကျောက်ကပ်၊ အဆုတ်၊ အသည်း စတဲ့အဓိကအင်္ဂါအစိတ်အပိုင်းတွေမှာ ဆေးကုသမှုခံယူရလောက်တဲ့ ရောဂါတွေခံစားရကြောင်း တွေ့ရှိရပြီး စိတ်ကျန်းမာရေးပြဿနာခံစားရသူတွေပါ ရှိနေပါတယ်။

UnitedHealth Group ရဲ့ ကိုဗစ်ကူးစက်မှုဆိုင်ရာ သုတေသနဒေတာစင်တာမှ အချက်အလက်တွေကိုအသုံးပြုကာ ဆေးကုသခံယူဖို့ စာရင်းပေးထားတဲ့ အသက် ၆၅ နှစ်အထက်လူကြီး ၁၃၃,၃၆၆ ယောက်ကို လေ့လာခဲ့ကြပါတယ်။

ဒီလူနာအားလုံးဟာ ၂၀၂၀ ဧပရယ် ၁ ရက်နေ့မတိုင်ခင်အထိ ကိုဗစ်ရောဂါတွေ့ရှိထားတဲ့သူတွေဖြစ်ပါတယ်။

အဆိုပါလူနာတွေကို ကိုဗစ်ရောဂါကူးစက်ခြင်းမရှိတဲ့ အဖွဲ့ ၃ ဖွဲ့နဲ့နှိုင်းယှဉ်လေ့လာခဲ့ကြရာ ၂၀၁၉ ခုနှစ်အတွင်းကလူနာတွေအဖွဲ့၊ ၂၀၂၀ အတွင်းကလူနာတွေအဖွဲ့နဲ့ အသက်ရှူလမ်းကြောင်းအောက်ပိုင်း ရောဂါပိုးကူးစက်သူတွေအဖွဲ့ ဆိုပြီး ခွဲခြားခဲ့ပါတယ်။

ဒီ ၃ ဖွဲ့နှိုင်းယှဉ်ပြီး ဖြစ်လာနိုင်တဲ့ရောဂါပြဿနာတွေကို တွက်ချက်ခန့်မှန်းနိုင်ရန်အတွက် ကိုဗစ်ရောဂါပိုးတွေ့ရှိပြီးနောက်ပိုင်း ၂၁ ရက်ကနေ ပေါ်ထွက်လာတဲ့ ကျန်းမာရေးပြဿနာတွေကို မှတ်သားခဲ့ကြပါတယ်။

နှိုင်းယှဉ်လေ့လာချက်တွေအရ ၂၀၂၀ ခုနှစ်အတွင်းက ကိုဗစ်ပိုးတွေ့လူနာ ၁၀၀ မှာ ၃၂ ယောက်က အနည်းဆုံးကျန်းမာရေးပြဿနာတစ်ခု ထွက်ပေါ်လာပြီး ဆေးကုသခံယူခဲ့ရပါတယ်။

ဒါဟာ ၂၀၂၀ အတွင်း ကိုဗစ်ကူးစက်ခြင်းမရှိတဲ့လူနာတွေနဲ့ယှဉ်ရင် ၁၁ ရာခိုင်နှုန်းပိုများနေတာဖြစ်ပါတယ်။

ဆေးကုသမှုခံယူရတဲ့အထဲမှာ အဖြစ်အများဆုံးပြဿနာက အသက်ရှူလမ်းကြောင်းဆိုင်ရာပြဿနာဖြစ်ပြီး လူနာ ၁၀၀ မှာ ၇.၅၅ ယောက်နှုန်းရှိခဲ့ပါတယ်။

ပင်ပန်းနွမ်းနယ်ခြင်းတွေ့ကြုံရသူ ၅.၆၆ ယောက်၊ သွေးပေါင်တက်ခြင်းပြဿနာတွေ့ကြုံရသူ ၄.၃၄ ယောက်၊ ကျောက်ကပ်ပြဿနာခံစားရသူ ၂.၅၉ ယောက်ရှိခဲ့ပြီး စိတ်ကျန်းမာရေးပြဿနာကြောင့် ကုသမှုခံယူရသူက ၁၀၀ မှာ ၂.၅ ယောက်ရှိခဲ့ပါတယ်။

ဒီလေ့လာသုံးသပ်ချက်ရဲ့ အနှစ်ချုပ်ကတော့ အသက် ၆၅ နှစ်နဲ့အထက်လူကြီးတွေမှာ SARS-CoV-2 ကူးစက်ခံရပြီးပါက နောက်ဆက်တွဲကျန်းမာရေးပြဿနာတွေ ပေါ်ပေါက်လာနိုင်တာပဲဖြစ်ပါတယ်။

ကိုဗစ်ရောဂါမှသက်သာလာပြီး နောက်ဆက်တွဲရောဂါပြဿနာကြုံတွေ့ရသူတွေ များလာတာကြောင့် ဒီလေ့လာတွေ့ရှိချက်တွေက ဆရာဝန်တွေနဲ့ သိပ္ပံပညာရှင်တွေကို အထောက်အကူပြုနိုင်မှာဖြစ်ပါတယ်။

Source: The Jerusalem Post

Published 13 Feb 2022

ဗာလင်တိုင်းနေ့နီးလာတာနဲ့အမျှ ဆော်ဒီရဲ့ ဆိုင်တွေမှာ အနီရောင်အဝတ်အစားတွေနှင့် အနီရောင်အတွင်းခံတွေကို ခင်းကျင်း အသားပေးတိုးမြှင့် ရောင်းချလာကြပါတယ်။ ဒါပေမယ့် တစ်ခုတော့ မြင်ကွင်းမှာ ပျောက်ကွယ်နေပါတယ်။ အဲဒါကတော့ ပွဲတော်ရဲ့ ဗာလင်တိုင်းဆိုတဲ့ အမည်ပဲဖြစ်ပါတယ်။

ရောင်းအားတွေတက်လာပြီး ဗာလင်တိုင်းလက်ဆောင်တွေဟာ ဆော်ဒီရဲ့လူငယ်လူရွယ်တွေအကြား ပိုပြီးမြင်တွေ့နေကျ ဖြစ်လာပေမယ့် ဗာလင်တိုင်း ဆိုတဲ့ အမည်ကိုတော့ ဘယ်နေရာမှာမှ မမြင်ကြရပါဘူး။

Source: AFP

Published -13 Feb 2022

Published 13 Feb 2022

ကိုဗစ်-၁၉ ကြောင့် ၂၀၂၀ပြည့်နှစ်မှာ အကျဉ်းရုံးခဲ့ရပြီး ၂၀၂၁မှာ ဖျက်သိမ်းခဲ့ရတဲ့ ပြင်သစ်ရဲ့ နိစ်ကာနီဗယ်လ် Nice carnival ပွဲတော်ဟာ ယခု ဖေဖော်ဝါရီ၁၁ရက်မှာ ပြန်လည်ကျင်းပခွင့်ရခဲ့ပါပြီ။ သောကြာနေ့ကကျင်းပတဲ့ နိစ်ပွဲတော်ဖွင့်ပွဲကို လူအုပ်ကြီးတက်ရောက်ခဲ့ကြရာမှာ သူတို့ရဲ့ပျော်ရွှင်မှုတွေကို ဘယ်လိုမှဖုံးကွယ်မရအောင်ဖြစ်ခဲ့ကြပါတယ်။ ယခုနှစ်ကျင်းပတဲ့ ပွဲတော်ဟာ ၁၃၇ကြိမ်မြောက်ပွဲတော်ဖြစ်ပြီး ပွဲတော်ကို ၁၈၇၃ခုနှစ်ကတည်းက စတင်ကျင်းပခဲ့ကြပါတယ်။

နိစ်ကာနီဗယ် စီတန်းလှည့်လည်ပွဲတော်ဟာ ကမ္ဘာပေါ်မှာ အရေးအကြီးဆုံးပွဲတော်(၃)ခုထဲက တစ်ခုဖြစ်ပါတယ်။

Source AFP

Published 13 Feb 2022

မြန်မာနိုင်ငံမှာ အိုမီခရွန်တွေ့ရှိရတဲ့ အတည်ပြုလူနာအရေအတွက်များပြားလာပြီ;ပိုးတွေ့နှုန်းတွေလည်းမြင့်တက်လာနေပါတယ်။

ဖျားနာနေသူတွေလည်းများနေကြတဲ့အတွက်အိုမီခရွန်ရဲ့ရောဂါလက္ခဏာကို အခြားမျိုးဗီဇကွဲတွေနှင့်နှိုင်းယှဉ်ထားတဲ့ ဇယားကို ပြန်လည်ဖော်ပြပေးလိုက်ပါတယ်။

Zoe ကိုဗစ်ရောဂါလက္ခဏာလေ့လာရေးအဖွဲ့က သုတေသနပြုလုပ်ထားတဲ့အချက်အလက်တွေ အပေါ် အခြေခံပြီးရေးဆွဲထားတဲ့ နှိုင်းယှဉ်ဇယားဖြစ်ပါတယ်။

Published 13 Feb 2022

ပြင်သစ်ဘီယာကုမ္ပဏီတစ်ခုဟာ သဘာဝဆိုးဆေးဖြစ်စေတဲ့ ရေညှိတစ်မျိုးကိုအသုံးပြုပြီး သူတို့ချက်တဲ့ ဘီယာတွေကို အပြာရောင်ဘီယာတွေအဖြစ် အသွင်ပြောင်းပေးခဲကြတယ်လို့ ရိုက်တာသတင်းတစ်ပုဒ်အရသိရပါတယ်။

အဲဒီဘီယာကို “ လိုင်း Line” လို့ အမှတ်တံဆိပ်အသစ်ပေးထားပါတယ်။ ဒါဟာ သဘာဝရေညှိတွေကို ဖြည့်စွက်အစားအစာတစ်ခု အဖြစ် လူကြိုက်များစေချင်တဲ့ ကုမ္ပဏီတစ်ခုနှင့် သူတို့ရဲ့ ဘီယာတွေကို အသွင်ကွဲပြားခြားနားလိုတဲ့ ဘီယာကုမ္ပဏီတစ်ခု တို့အကြားပူးပေါင်းဆောင်ရွက်မှုရဲ့ ရလာဒ်တစ်ခုဖြစ်ပါတယ်။

“ဒီဘီယာက ရောင်းကောင်းတယ်ဗျာ” လို့ အဲဒီဘီယာချက်လုပ်တဲ့ ဟောပီအာဘန်ဘီယာကုမ္ပဏီရဲ့ ဝန်ထမ်းတစ်ဦးဖြစ်တဲ့ ဆက်ဘက်ရှန်းဗာဘီကီက ပြောပါတယ်။ “  ပြည်သူတွေဆီက စိတ်ဝင်စားမှုနှင့် စူးစမ်းလိုစိတ်တွေ အတော်များများရရှိထား ပါတယ်” လို့ သူကဆက်ပြောပါတယ်။

အပြာရောင်ဆိုးဆေးဟာ သဘာဝရေညှိဖြစ်တဲ့ စပီရူလိုင်းနားလို့ခေါ်တဲ့ စိမ်းပြာရေညှိကနေရယူတာဖြစ်ပါတယ်။ အဲဒီစိမ်းပြာရေညှိကို ပြင်သစ်မြောက်ပိုင်းအီတစ်ကာစိမ်းပြာရေညှိကုမ္ပဏီက စိုက်ပျိုးထုတ်လုပ်တာပါ။  စိမ်းပြာရေညှိကနေ အပြာရောင်ထုတ်လုပ်ပေးတဲ့ အစိတ်အပိုင်းကို ဖိုက်ကိုဆိုင်ယာနင်း phycocyanin လို့ခေါ်ပါတယ်။ဘီယချက်နေတဲ့ လုပ်ငန်းစဉ်ထဲမှာ အဲဒီဖိုက်ကိုဆိုင်ယာနင်းကို ထည့်ပေးလိုက်တာဖြစ်ပါတယ်။

အဲဒီဘီယာအသစ်ကို မြည်းစမ်းကြည့်တဲ့ ဘီယာကုမ္ပဏီဝန်ထမ်း မက်သီလ်ဒီဗန်မန်ဆတ်က အပြာရောင်ဘီယာ” လိုက်” ဟာ ဗျစ်အရသာ၊ခပ်ဖျော့ဖျော့နှင့်သစ်သီးရနံရှိပြီး ရေညှိထည့်ထားတဲ့ သိသာတဲ့အထောက်အထားဆိုလို့ ထူးခြားတဲ့အရောင်ပဲရှိပါတယ်လို့ ပြောပါတယ်။

စိမ်းပြာရေညှိထုတ်လုပ်တဲ့ ကုမ္ပဏီက ဇာဗီးယားဒီလန်နွိုင်းက သူတို့ဟာ ကြိမ်ဖန်များစွာ စမ်းသပ်အပြီးမှာ ဘီယာကုမ္ပဏီက ဘီယာသောက်သူတွေကိုဆွဲဆောင်မယ့် အရောအနှောတစ်ခု ရှာဖွေတွေ့တယ်လို့ပြောပါတယ်။

မနှစ်က အောက်တိုဘာနှင့်ဒီဇင်ဘာအတွင်းဘီယာပုလင်းပေါင်း ၁၅၀၀ခန့်ရောင်းရတယ်လို့ပြောပါတယ်။အခုကုမ္ပဏီက ဝယ်လိုအားနှင့်ကိုက်ညီအောင် ထုတ်လုပ်အားမြှင့်တင်မယ်လို့ဆိုပါတယ်။

Source Reuters

#LocalNews
Published-13 Feb 2022

ရန်ကုန်မြို့၊ သဒ္ဒမ္မမာနိတာရုံကျောင်းတိုက် ပဓာနနာယကဆရာတော်မုံရွာမြို့၊သဒ္ဒမ္မဇောတက သုဗောဓာရုံ ကျောင်းတိုက်နာယကဆရာတော် ဒွါဒသမ တိပိဋိကဓရ ဓမ္မ ဘဏဂါရိက ဘဒ္ဒန္တ အဘိဇာတာဘိဝံသ (စစ်ကိုင်းတိပိဋိက)ဆရာတော်ဘုရားကြီး ရုပ်ကလာပ်အား ဖေဖော်ဝါရီလ ၁၃ရက် ယနေ့ မွန်းလွဲ ၃နာရီကအန္တိမအဂ္ဂိဈာပနအခမ်းအနားနဲ့ ပူဇော်လိုက်တယ်လို့ သိရပါတယ်။

စစ်ကိုင်းတိပိဋကဆရာတော် ဥတုဇရုပ်ကလပ်တော် စံကျောင်းတော်မှာ အန္တိမအဂ္ဂိဈာပနပူဇော်ရာနေရာသို့ တပည့်ရဟန်းသံဃာတော်နဲ့ လူပုဂ္ဂိုလ်များက ပင့်ဆောင်ပူဇော်ခဲ့ကြပြီး အဂ္ဂိစျာပနကျင်းပမည့် ခေါင်းတလားစင်မြင့်ကို လက်ဝဲသုံးပတ်ပတ်ကာ နောက်ဆုံးပူးဇော်ခဲ့ကြပြီး အန္တိမအဂ္ဂိဈာပနပူဇော်ခဲ့ကြတာဖြစ်ပါတယ်။

စစ်ကိုင်းတိပိဋကဆရာတော်ဘဒ္ဒန္တအဘိဇာတာဘိဝံသ ဆရာတော်ဟာထိုင်းနိုင်ငံ၊ဘန်ကောက်မြို့ Bumrungrad ဆေးရုံကြီးမှာ ရိုးတွင်းချဥ်ဆီအစားထိုးလဲလှယ်ကုသရန်နဲ့သွေးဖြူဥရောဂါတိုအတွက် ဆေးကုသမှုခံယူရင် ယင်းဆေးရုံတွင် ဖေဖော်ဝါရီ ၇ ရက်နေ့ မြန်မာစံတော်ချိန် ညနေ ၅ နာရီ ၄၉ မိနစ်မှာ ဘဝနတ်ထံ ပျံလွန်တော်မူခဲ့တာဖြစ်ပါတယ်။

ဆရာတော်ဟာ စစ်ကိုင်းတိုင်းဒေသကြီး ဝက်လက်မြို့နယ်၊ ဆင်နင်းကျေးရွာတွင် ခမည်းတော် ဦးတင်ရ၊မယ်တော် ဒေါ်ညွန့်ခင်တို့မှ ၁၃၃၀ ပြည့်နှစ်၊သီတင်းကျွတ်လဆန်း(၈)ရက်၊တနင်္ဂနွေနေ့တွင် ဖွားမြင်တော်မူသော သားရတနာဖြစ်ပြီး ဘဝနတ်ထံပျံလွန်တော်မူစဉ်မှာ သက်တော်(၅၄)နှစ်၊ သိက္ခာတော်(၃၄)ဝါရှိပြီဖြစ်ပါတယ်။

ymg/hm
#Yangon_Media_Group