#LocalNews
Published_7 May 2022

နစက ဥက္ကဌ ဖိတ်ခေါ်ထားတဲ့ငြိမ်းချမ်းရေးတွေ့ဆုံပွဲကို NCA လက်မှတ်ထိုးထားတဲ့ အဖွဲ့တွေထဲက လတ်တလောအနေနဲ့ ၅ ဖွဲ့ က တက်ရောက်ဖို့ ရှိနေပါတယ်။

#Yangon_Media_Group

#HealthMatter
Published - 7 May 2022

၁။ အခုမြန်မာနိုင်ငံအပါအဝင် ကမ္ဘာ့နိုင်ငံတော်တော်များများမှာ ကိုဗစ်-၁၉ ကူးစက်မှုလျော့ပါးသက်သာလာလို့ နိုင်ငံတွေရဲ့ တံခါးတွေဖွင့်လိုက်ပြီး ခရီးသွားလုပ်ငန်းတွေပြန်စနေကြပါတယ်။ ဒီလိုလုပ်ဆောင်မှုဟာ အချိန်တန်ပြီလား??

၂။ တစ်ဖက်မှာလည်း တံခါးတွေပိတ်ထားရလို့ စီးပွားတွေက ပျက်လုနီးဖြစ်နေကြတော့ စီးပွားရေးနှင့်ကျန်းမာရေး ချိန်ဆလုပ်နေကြရတဲ့အပေါ် ဘယ်လိုမြင်ပါသလဲ??

၃။ ကိုဗစ်နှင့်အတူ ယှဉ်တွဲနေဖို့ ခရီးသွားလုပ်ငန်းတွေကိုဖွင့်လိုက်တော့ “ငြိမ်းချမ်းစွာအတူနေနိုင်ဖို” “အတူနေရင်းကိုဗစ် အနိုင်ကျင့်တာပြန်မခံရဖို့” ဘယ်လိုအစီအမံတွေရှိသင့်သလဲ?? ဆိုတာတွေကို ဆရာကြီးဒေါက်တာခင်မောင်လွင်က ပြောဆိုဆွေးနွေးထားပါတယ်။

#Yangon_Media_Group

#LocalNews
Published_7 May 2022

စက်ရုံအလုပ်ရုံတွေများလာတာ၊ စက်မှုဇုန်တွေများလာကြောင့် ဓာတုဗေဒပစ္စည်းတွေ ပေါက်ကွဲမီးလောင်တဲ့ ဖြစ်စဉ်တွေ ရှိလာတဲ့အတွက် အဲဒီလို မီးလောင်မှုတွေမှာ မီးသတ်လုပ်ငန်းက စနစ် တကျ လုပ်ကိုင်နိုင်ဖို့ ပြည်ပနိုင်ငံတွေက သင်တန်းတွေကို မြန်မာနိုင်ငံ မီးသတ်ရဲဘော်တွေ သင်တန်းတက်ထားကြတယ်လို့ သိရပါတယ်။

#Yangon_Media_Group

#LocalNews

Published_7 May 2022

ထိုင်းနိုင်ငံတွင် ပြစ်ဒဏ်ကျခံပြီး လွတ်ရက်စေ့ မြန်မာရွှေ့‌‌ပြောင်းလုပ်သား ၁၃၀ ကျော်အား မြန်မာနိုင်ငံဘက်သို့ မေလ ၆ ရက်က ပို့ဆောင်ပေးခဲ့ကြကြောင်း သိရသည်။

အမျိုးသား ၁၀၃ ဦး ၊ အမျိုးသမီး ၂၉ ဦး ဖြစ်ပြီး ယင်းတွင် အရွယ်မရောက်သေးသည့် ကလေး (ကျား) ၇ ဦး၊ (မ) ၂ ဦး ပါဝင်ကြောင်း၊ထိုင်းနိုင်ငံ အလုပ်သမားသံအရာရှိ ၊ နယ်ခြားကော်မတီမှ တာဝန်ရှိသူများ၊ ရနောင်းခရိုင်လူဝင်မှု ကြီးကြပ်ရေးဌာနမှ တာဝန်ရှိသူများ၊ နယ်စပ်ဖြတ်ကျော်အထူးတပ်ဖွဲမှ တာဝန်ရှိသူများက ယင်းတိုအား ရနောင်းမြို့မှ ကော့သောင်းမြို့သို့ ပဲ့ချိတ်လှေ (၈) စီးဖြင့် ပြန်လည်ပို့ဆောင်ပေးခဲ့ခြင်းဖြစ်ကြောင်း ထိုင်းနိုင်ငံဆိုင်ရာ အလုပ်သမားသံအရာရှိရုံးက ထုတ်ပြန်ထားသည်။

အဆိုပါ ပြည်တော်ပြန်များအား ကိုဗစ်စစ်ဆေးမှုများပြုလုပ်ရာ ၂၄ ဦးတွင် ကိုဗစ်ပိုးကူးစက်ခံထားရသည့်အတွက် သီးသန့်ထားရှိကာ ကျန်းမာရေးစောင့်ရှောက်မှုများ ပေးထားကြောင်းလည်း သိရသည်။

ymg/mt
#Yangon_Media_Group

#LocalNews
Published - 7 May 2022

စာကြည့်တိုက်တွေ ဖွံ့ဖြိုးတိုးတက်ဖို့၊ စာကြည့်တိုက် ပညာရှင်တွေထွန်းကားဖို့ဆိုတဲ့ ရည်ရွယ် ချက်နဲ့ စာကြည့်တိုက်ဒီပလိုမာသင်တန်းတွေကို ပြန်လည်ဖွင့်လှစ်သွားမှာဖြစ်တယ်လို့ သမိုင်းသုတေသနနှင့် အမျိုးသားစာကြည့်တိုက်များဦးစီးဌာန၊ ညွှန်ကြားရေးမှူးချုပ်ဦးအောင်မြင့်က ပြောပါတယ်၊၊

#Yangon_Media_Group

#LocalNews
Published_7 May 2022

သီလဝါအထူးစီးပွားရေးဇုန်တွင် သုံးစွဲနေသော လျှပ်စစ်ဓာတ်အားကို Gas ၊ LNG ကဲ့သိုနိုင်ငံခြားငွေဖြင့်ဝယ်ယူသုံးစွဲမှုကို အစားထိုးနိုင်ရေးအတွက် ဆိုလာနှင့် လေအားလျှပ်စစ် ထုတ်ယူနိုင်မှုများ ပြုလုပ်နိုင်ရန် ကုမ္ပဏီတစ်ခုချင်း သိုမဟုတ် ဇုန်အလိုက် စီစဉ်သွားရန်လိုအပ်ကြောင်း သိရသည်။

နိုင်ငံတော်စီမံအုပ်ချုပ်မှုကောင်စီရုံး၏ စာရင်းများအရ မြန်မာနိုင်ငံအစိုးရနှင့် ဂျပန်နိုင်ငံအစိုးရတို့ ၂၀၁၅-၂၀၁၆ ဘဏ္ဍာရေးနှစ်တွင်စတင်တည်ထောင်ခဲ့သော သီလဝါအထူးစီးပွားရေးဇုန်၏ ၈ နှစ်တာကာလအတွင်း ရင်းနှီးမြှုပ်နှံမှု စုစုပေါင်း အမေရိကန် ဒေါ်လာ ၂ ဒသမ ၁၂ ဘီလီယံရှိကြောင်း သိရသည်။

ယင်းတွင် မြန်မာကုမ္ပဏီ ၉ ခု မြန်မာအစုရှယ်ယာရှင် ၁၇,၀၀၀ ကျော်နှင့် ဂျပန်ကုမ္ပဏီ ၃ ခုတို့မှ ပါဝင်ပူးပေါင်း၍ မြန်မာနိုင်ငံအစိုးရမှ ၁၀ ရာခိုင်နှုန်း၊ မြန်မာနိုင်ငံသားကုမ္ပဏီမှ ၄၁ ရာခိုင်နှုန်း၊ ဂျပန်နိုင်ငံအစိုးရမှ ၁၀ ရာခိုင်နှုန်း၊ ဂျပန်ကုမ္ပဏီမှ ၃၉ ရာခိုင်နှုန်း အသီးသီး အချိုးကျ ထည့်ဝင်ဆောင်ရွက်ထားကြကြောင်းလည်း စာရင်းများတွင် ဖော်ပြထားသည်။

ပြီးခဲ့သည့် ကိုဗစ် တတိယလှိုင်းကာလက နိုင်ငံပေါင်း ၂၁ နိုင်ငံမှ ကုမ္ပဏီပေါင်း ၉၄ ခု လာရောက်ရင်းနှီး မြှုပ်နှံခဲ့သည့်အနက် ၈၉ ခု ယာယီရပ်ဆိုင်း ခဲ့ကြောင်း၊လက်ရှိတွင် ကုမ္ပဏီစုစုပေါင်း ၈၂ ခုမှ လုပ်ငန်းလည်ပတ်နေပြီဖြစ်ကြောင်းလည်းသိရသည်။

သီလဝါအထူးစီးပွားရေးဇုန်၏ လုပ်ပိုင်ခွင့်ရမြေအကျယ်မှာ ဧက ၅၀၀၀ ကျော်ရှိပြီး ယင်းတွင် ကျန်ရှိမြေနေရာများပေါ် လုပ်ငန်းအမြန် အကောင်အထည်ဖော်နိုင်ရန် ညွှန်ကြားထားပြီး အထူးစီးပွားရေးဇုန် အဆင့်လိုက်စီမံကိန်းများပြီးစီးပါက လက်ရှိ အလုပ်အကိုင် အခွင့်အလမ်း ၁၃၃၀၀ ကျော်မှ ၃ သိန်းကျော်ခန့်ထိ တိုးတက်လာမည်ဖြစ်ကြောင်း သိရသည်။

ymg/mt
#Yangon_Media_Group

Published 7 May 2022

ကျူးဘားနိုင်ငံ ဟားဗားနားမြို့တော်အလယ်မှာရှိတဲ့ ကြယ်ငါးပွင့်ဟိုတယ်တစ်ခုဟာ မေ၆ရက်က  ဓာတ်ငွေ့ယိုစိမ့်မှုကြောင့် ဖြစ်ပေါ်ပုံရတဲ့ အင်အားပြင်းထန်လှတဲ့ ပေါက်ကွဲမှုကြောင့် လူ၈ ဦးသေဆုံးပြီး လူ၃၀ခန့် ဒဏ်ရာရရှိခဲ့ကြတယ်လို့ ကျူးဘား အစိုးရကပြောပါတယ်။

နံနက်ခင်းနှောင်းပိုင်းပေါက်ကွဲမှုကြောင့် မီးခိုတွေနှင့်ဖုန်မှုန့်တွေဟာ ဂုဏ်သတင်းကြီးလှတဲ့ ဆာရာတိုဂါဟိုတယ်ကနေ  အလိပ်လိုက်ကောင်းကောင်ပေါ် တက်လာခဲ့ပြီးနောက် ကယ်ဆယ်ရေးသမားတွေက အပျက်အစီးတွေကြားထဲမှာ ရှင်ကျန်ရစ်သူတွေကို ပိုက်စိတ်တိုက်ရှာဖွေနေကြပါတယ်။

ပြန်လည်မွမ်းမံနေတဲ့အတွက်  တည်းခိုသူမရှိတဲ့ အောက်ဆုံးလေးထပ်မှာ မီးက တစ်ဖျစ်ဖျစ်လောင်ကျွမ်းနေခဲ့ပါတယ်။

ဟိုတယ်အတွင်းကယ်ဆယ်ရေးလုပ်ငန်းတွေလုပ်နေပြီး လူတွေပိတ်မိနေနိုင်တယ်လို့ ဟာဗားနားကွန်မြူနစ်ပါတီအရာရှိ လူဝစ်အန်တိုနီယိုကပြောပါတယ်။ လူ(၁၃)ဦးပျောက်ဆုံးနေတယ်လို့လည်းသူကဖြည့်စွက်ပြောပါတယ်။

ဟိုတယ်ဆင်ဝင်ကြီးရဲ့ကြီးမားတဲ့ အစိတ်အပိုင်းကြီးဟာ ပေါက်လောင်မှုကြောင့် ပေါက်ပြဲထွက်သွားပါတယ်။ ပြတင်းတံခါးတွေလည်းပျက်စီးပြီး ဟိုတယ်ရှေ့မှာရပ်ထားတဲ့ကားတွေလည်းပျက်စီးသွားပါတယ်။ ဟိုတယ်ဟာ မက်ဒိုနား၊ ဘီယွန်စေး၊မိုက်ဂျက်ဂါနှင့်ရီဟားနားတို့လို ဆယ်လီတွေလာတည်းတဲ့အတွက် နာမည်ကြီးခဲ့တာဖြစ်ပါတယ်။

ဒဏ်ရာရလို့ဆေးရုံရောက်နေသူ ၃၀ဦးထဲမှာ ၁၁ဦးဟာ အလွန့်ကိုစိုးရိမ်ရတဲ့အခြေအနေမှာရှိတယ်လို့ ကာလီဇီတိုဂါဇီယာ ဆေးရုံက ညွှန်ကြားရေးမှူး မစ်ဂူး ဂါဆီယာကပြောပါတယ်။

ဟိုတယ်ထဲမှာရှိနေကြသူတွေဟာ လာမယ့်အင်္ဂါနေ့မှာ မွမ်းမံပြီးလို့ ဟိုတယ်ဖွင့်ပွဲလုပ်ဖို့ ပြင်ဆင်နေကြတဲ့ ဝန်ထမ်းတွေ ဖြစ်ကြပါတယ်။

ဓာတ်ငွေ့ရည်ဆလင်ဒါတစ်လုံးကို မနေ့က အသစ်လဲခဲ့တယ်လို့ ဒေသခံအရာရှိအလက်ဇစ်ကောစတာ ဆီဗာကို ကိုးကားပြီး ဒေသမီဒီယာတစ်ခုက သတင်းပေးပိ့ပါတယ်။

“ဒါဟာ ဗုံးခွဲမှုမဟုတ်သလို တိုက်ခိုက်မှုလည်းမဟုတ်ဘူး။ကံဆိုးရှာတဲ့ မတော်တဆဖြစ်မှုပဲ” လို့ ပေါက်ကွဲမှုဖြစ်ပြီး သိပ်မကြာခင် အခင်းဖြစ်ပွားရာကို  ဝန်ကြီးချုပ်နှင့်လွှတ်တော်ဥက္ကဋ္ဌတို့နှင့် အတူရောက်ရှိလာတဲ့ သမ္မတ မီဂူဒီယက်ဇ်ကန်နယ်လ် ကပြောပါတယ်။ သူဟာ ဒဏ်ရာရသူတွေဆေးကုသခံယူနေတဲ့‌ ဆေးရုံကိုလည်း ဆက်သွားခဲ့ပါသေးတယ်။

ဓာတ်ငွေ့ပေါက်ကွဲမှုတစ်ခုလို့ပြောကြတယ်။ တိုက်ခိုက်မှုလို့ မပြောကြဘူး။ ကျွန်တော်တို့ဟာ မတော်တဆဖြစ်မှုလို့ပဲ ပြောနေကြတယ်လို့ ဟာဗားကွန်မြူနစ်ပါတီအရာရှိ လူဝစ်တောရက်စ်အီရီဘာကပြောပါတယ်။

Source AFP

#LocalNews 
Published_7 May 2022

ရန်ကုန်တိုင်းဒေသကြီး၊ လမ်းမတော်မြို့နယ်၊ ဘုန်းကြီးလမ်းနဲ့ ဒလမြို့နယ်၊ ကမာကဆစ်ရပ်ကွက်၊ ဗိုလ်မင်းရောင်လမ်းမကြီးကို ချိတ်ဆက်ဆောက်လုပ်နေတဲ့ ကိုရီးယာ-မြန်မာချစ်ကြည်ရေး(ဒလ)မြစ်ကူးတံတားစီမံကိန်း လုပ်ငန်းရဲ့ ၅၀ ရာခိုင်နှုန်းဟာ ဒီနှစ်ကုန်မှာ ပြီးစီးမှာ ဖြစ်ပါတယ်။

#Yangon_Media_Group

#LocalNews
Published - 7 May 2022

IELTS ဖြေဆိုဖို့ပြင်ဆင်နေတဲ့သူတွေအတွက် အမှတ်ကောင်းစေဖိုနဲ့ အခြားလိုအပ်ချက်တွေသိရှိနိုင်ဖို့ ကြိုတင်လေ့လာနိုင်မယ့် အွန်လိုင်းဆွေးနွေးပွဲ webinar တစ်ခုကို British Council Myanmarက ကြီးမှူးကျင်းပပေးသွားမှာဖြစ်ပါတယ်၊၊

မေလ(၁၅)ရက်နေ့၊ညနေ(၆)နာရီမှာပြုလုပ်မှာဖြစ်ပြီး ဝါရင့်အတွေ့အကြုံရှိသောဆရာမှဆွေးနွေးပြောကြားသွားမှာ ဖြစ်တယ်လိုဆိုပါတယ်၊၊

IELTS Writing အပိုင်း ၁ နဲ့ ၂ ဖြေဆိုမှုမှာ စစ်ဆေးတဲ့ပုံစံနဲ့ နမူနာအရေးအသားတချို့ကို လေ့လာကြည့်တာတွေအပြင် ပိုမိုကောင်းမွန်တဲ့အမှတ်တွေရရှိနိုင်စေဖို့အတွက် အခြားလိုအပ်ချက်တွေကို ပိုမိုနားလည်နိုင်စေဖို လေ့လာတာတွေကို IELTS သင်ကြားမှုမှာ ဝါရင့်အတွေ့အကြုံရှိတဲ့ ဆရာမှ အွန်လိုင်း webinar တစ်ခုကျင်းပပေးသွားမှာ ဖြစ်ပါတယ်၊၊

အဲဒီ့အွန်လိုင်းဆွေးနွေးပွဲတက်ရောက်ရန်အတွက် https://bit.ly/37y69jO လင့်ခ်မှာစာရင်းပေးသွင်း နိုင်ပါတယ်၊၊

IELTS သင်တန်းအကြောင်းကို အသေးစိတ်သိရှိလိုပါက https://bit.ly/37sPpdX နဲ့ဝင်ခွင့်စာမေးပွဲနဲ့ သင်တန်းအကြောင်းဆွေးနွေးမှုအတွက် စာရင်းပေးသွင်းဖို့ https://sforce.co/3L9amJ9
https://bit.ly/3uQQPYS လင့်ခ်တိုကိုဝင်ရောက်နိုင်တယ်လိုသိရပါတယ်၊၊

ymg/tthl
#Yangon_Media_Group

#DailyNews
Published - 8 May 2022

၁။ ဒလ မြစ်ကူးတံတားစီမံကိန်း ယခုနှစ်ကုန်တွင် ၅၀ ရာခိုင်နှုန်းပြီးစီးမည်။

၂။ ကိုဗစ်ကာလတွင်ရပ်နားခဲ့ရသည့် စာကြည့်တိုက်ဒီပလိုမာသင်တန်းများ ပြန်လည်ဖွင့်မည်။

၃။ နေ့စဉ်မိုးလေဝသသတင်း။

၄။ ကျောင်းတစ်ကျောင်းတည်းဆင်းလာကြသူများ ထူးဆန်းတိုက်ဆိုင်စွာ ဦးနှောက်အကျိတ်ဖြစ်ပွားနေကြရ...အစရှိတဲ့သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Media_Group

#LocalNews
Published - 7 May 2022

လတ်တလောမှာ ပုဂံဒေသမှာ သဲပန်းချီရေးဆွဲဖို့ အသုံးပြုရတဲ့ပိတ်စနဲ့ ရေးဆွဲတဲ့ ဆေးတွေဈေးတက်လာတဲ့အတွက် သဲပန်းချီကားဈေးနှုန်းတွေ အနည်းငယ်မြင့်တက်လာတယ်လို့ သဲပန်းချီရေးဆွဲသူ ကိုအေးမင်းက YMG ကို ပြောပါတယ်၊၊

အဲဒီလို သဲပန်းချီကားဈေးနှုန်းတွေ မြင့်လာပေမယ့်လည်း အရောင်းအဝယ်ပါးတဲ့အတွက် သဲပန်းချီကား ရောင်းချနေသူတွေအခက်တွေ့နေတယ်လို့ ဆိုပါတယ်၊၊

ပုဂံဒေသက စူဠာမဏိဘုရားမှာ သဲပန်းချီဆိုင်ဖွင့်ထားတဲ့ ကိုအေးမင်းက အခုလိုပြောပါတယ်၊၊

"နိုင်ငံခြားသားခရီးသွားမရှိတဲ့အတွက် အရောင်းအဝယ်တော်တော်ပါးတယ်၊၊ ပြည်တွင်းက ဘုရားဖူးတွေပဲအားကိုးနေရတယ်၊၊ သဲပန်းချီကားတွေကို အွန်လိုင်းကနေ ရောင်းပေမယ့်လည်းသိပ်မရောင်းရပါဘူး၊၊

ပြည်ပကနေဝယ်ယူတာမျိုး မရှိသေးဘူး၊၊ ဘုရားကိုလာတဲ့ဘုရားဖူးဧည့်သည်တွေကိုပဲ အားကိုးပြီးရောင်းနေရတယ်၊၊ အခုလောလောဆယ် သဲပန်းချီကားဈေးတွေတက်နေတယ်၊၊ သဲပန်းချီရေးဆွဲရတဲ့ ပိတ်စနဲ့ ဆေးဖိုးတွေတက်လာတော့ ကျွန်တော်တို့ သဲပန်းချီကားတွေ လည်းဈေးတက်လာတယ်၊၊ ရောင်းအားကတော့ အခုချိန်တော့ မကောင်းသေးဘူး"လို့ ကိုအေးမင်းက ပြောပါတယ်၊၊

အချို့ အွန်လိုင်းအသုံးပြုပြီး မရောင်းချတတ်သူတွေအနေနဲ့ သဲပန်းချီကားတွေ မရောင်းရတဲ့အတွက် သဲပန်းချီရေးဆွဲသူတွေ အခက်တွေ့နေပြီ စားဝတ်နေရေးအတွက် အခြားအလုပ်တွေလည်းတွဲလုပ်နေရတယ်လို့ ဆိုပါတယ်၊၊

သဲပန်းချီကားချပ်တစ်ချပ်(အသေးဆုံး)ကို အရင်က ကျပ် ၈၀၀၀၊ ကျပ် ၁၀၀၀၀ နဲ့ ရောင်းနိုင်ခဲ့ပေမယ့် အခုချိန်မှာတော့ ကုန်ကြမ်းဈေးတွေတက်လာတဲ့အတွက် အနည်းဆုံးကျပ်(၁၂၀၀၀)လောက်နဲ့မှ ရောင်းနိုင်တော့မှာဖြစ်တယ်လို့ သိရပါတယ်၊၊

ymg/tthl
#Yangon_Media_Group

#WorldPolitics
Published 07 May 2022

ရုရှားကျူးကျော်တိုက်ခိုက်ခြင်းကို ခံနေရတဲ့ ယူကရိန်းနိုင်ငံရဲ့ ငြိမ်းချမ်းရေးနဲ့လုံခြုံရေးဆက်လက်တည်မြဲမှုအပေါ် အလွန်စိုးရိမ်ပူပန်ပါကြောင်း ရုရှားအပါအဝင် ကုလလုံခြုံရေးကောင်စီက သောကြာနေ့က ထုတ်ပြန်ကြေညာလိုက်ပြီး ကုလအဖွဲ့အစည်းရဲ့ပထမဆုံးဖော်ပြချက်အတိုင်း ငြိမ်းချမ်းရေးရရှိဖို့ ကုလအကြီးအကဲကြိုးပမ်းအားထုတ်နေမှုကို ထောက်ခံအားပေးကြောင်း ကြေညာသွားပါတယ်။

လုံခြုံရေးကောင်စီရဲ့ထုတ်ပြန်ကြေညာချက်ကို အားလုံးကတညီတညွတ်တည်း သဘောတူထောက်ခံခဲ့ကြပါတယ်။

သောကြာနေ့က သဘောတူအတည်ပြုခဲ့တဲ့ ထုတ်ပြန်ချက်ကို နော်ဝေးနဲ့မက္ကဆီကိုတို့က မူကြမ်းရေးဆွဲခဲ့တာဖြစ်ပါတယ်။

"လုံခြုံရေးကောင်စီက ယူကရိန်းရဲ့ငြိမ်းချမ်းရေးနဲ့ လုံခြုံရေးဆက်လက်တည်မြဲမှုအပေါ် အလွန်စိုးရိမ်ပူပန်မိပါတယ်။ အဖွဲ့ဝင်နိုင်ငံအားလုံးက သဘောထားကွဲလွဲမှုတွေကို ကုလသမဂ္ဂပဍိညာဉ်သဘောတူညီချက်များအရ တာဝန်ယူထားကြပြီး ငြိမ်းချမ်းရေးလမ်းစဉ်ဖြင့် နိုင်ငံတကာအငြင်းပွားမှုတွေကိုဖြေရှင်းရမှာဖြစ်ပါတယ်"လို့ ဖတ်ပြသွားပါတယ်။

ငြိမ်းချမ်းပြေလည်ရေးရရှိဖို့ ကြိုးစားအားထုတ်နေတဲ့ ကုလအထွေထွေအတွင်းရေးမှူးချုပ်ကိုလည်း ထောက်ခံအားပေးပါကြောင်း ကြေညာခဲ့ပြီး ကုလထွေချုပ်'အန်တိုနီယိုဂူတာရက်စ်'ကို ကောင်စီအတွက်အကျဉ်းချုပ်ပြောကြားပေးဖို့ ဖိတ်ခေါ်ခဲ့ပါတယ်။

ကောင်စီရဲ့ထောက်ခံမှုကို 'ဂူတာရက်စ်'ကဝမ်းမြောက်စွာကြိုဆိုလိုက်ပြီး အရပ်သားများဒုက္ခရောက်နေမှုကိုလျှော့ချကာ အသက်ကယ်ဆယ်နိုင်ဖို့ မလျှော့ဘဲကြိုးစားသွားမှာဖြစ်ပြီး ငြိမ်းချမ်းရေးလမ်းစဉ်ကို ရှာဖွေသွားမှာဖြစ်ကြောင်း သောကြာနေ့က ပြောကြားလိုက်ပါတယ်။

'ဂူတာရက်စ်'က ပြီးခဲ့တဲ့အပတ်က ရုရှားသမ္မတ'ပူတင်'နဲ့ မော်စကိုမှာတွေ့ဆုံခဲ့ပြီး ယူကရိန်းသမ္မတ'ဇယ်လန်စကီ'နဲ့ ကိဗ်မြို့တော်မှာ တွေ့ဆုံခဲ့ပါတယ်။

'ဂူတာရက်စ်'သွားရောက်ခဲ့ခြင်းက ပြီးခဲ့တဲ့အပတ်အတွင်း ကုလသမဂ္ဂနဲ့နိုင်ငံတကာကြက်ခြေနီကော်မတီတို့ပူးပေါင်းကာ ရုရှားတပ်များ ဝိုင်းရံထားတဲ့ ယူကရိန်းနိုင်ငံမာရီယူပိုလ်ဆိပ်ကမ်းမြို့ရှိ အာဇော့ဗ်စတယ်သံမဏိစက်ရုံမှ အရပ်သား ၅၀၀ ခန့်ကို ကယ်ဆယ်နိုင်ခဲ့ပါတယ်။

ဖေဖော်ဝါရီ ၂၄ ရက်နေ့ရုရှားတို့က အထူးစစ်ဆင်ရေးကြေညာကာ ကျူးကျော်စစ်ဆင်နွှပြီးနောက်ပိုင်း နိုင်ငံရေးတင်းမာမှုများ မြင့်တက်နေခဲ့ပေမယ့် လုံခြုံရေးကောင်စီရဲ့ထုတ်ပြန်ကြေညာချက်ကို သဘောတူညီခဲ့ကြပြီး 'ဂူတာရက်စ်'က ရုရှားကိုအဓိပ္ပာယ်မဲ့ စစ်ပွဲဖန်တီးခဲ့တယ်လို့ အပြစ်တင်လိုက်ပါတယ်။

ရုရှားစစ်ကျူးကျော်ခြင်းကို ရှုတ်ချပြစ်တင်တဲ့ လုံခြုံရေးကောင်စီရဲ့ ဆုံးဖြတ်ချက်မူကြမ်းကို ဖေဖော်ဝါရီ ၂၅ ရက်နေ့က ရုရှားကဗီတိုအာဏာဖြင့်ပယ်ချလိုက်ပါတယ်။

တရုတ်၊ ယူအေအီးနဲ့ အိန္ဒိယတို့ကတော့ ကြားနေမဲပေးခဲ့ပါတယ်။ ကောင်စီရဲ့ဆုံးဖြတ်ချက်အတည်ပြုဖို့ မဲ ၉ မဲလိုအပ်တာဖြစ်ပြီး အမေရိကန်၊ ရုရှား၊ တရုတ်၊ ပြင်သစ်၊ အင်္ဂလန်တို့က ဗီတိုအာဏာသုံးလို့မရပါဘူး။

ယူကရိန်းကို ကျူးကျော်ခဲ့တဲ့ရုရှားအပေါ် နိုင်ငံတကာမှခွဲခြားဆက်ဆံဖို့ ဆုံးဖြတ်ချက်နှစ်ခုကို ၁၉၃ နိုင်ငံပါဝင်တဲ့ ကုလအထွေထွေညီလာခံမှာ တခဲနက်အတည်ပြုခဲ့ကြပါတယ်။

ဒီလိုဆုံးဖြတ်ချက်တွေက တာဝန်ယူမှုအပိုင်းမှာလေးလေးနက်နက်မရှိပေမယ့် နိုင်ငံရေးအရ ဖိအားပေးနိုင်ခဲ့ပါတယ်။

ကုလအထွေထွေညီလာခံက ယူကရိန်းကိုကျူးကျော်တဲ့ ရုရှားကို ရှုတ်ချလိုက်ကာ ရုရှားတပ်ဖွဲ့များ တိုက်ခိုက်နေမှုအားရပ်တန့်ရန်၊ အရပ်သားများ ဘေးကင်းရေးနဲ့ အကူအညီရရှိရေး တပ်ဆုတ်ပေးရန် တောင်းဆိုလိုက်ပြီး လူသားချင်းစာနာထောက်ထားမှုကို အရေးမစိုက်တဲ့ရုရှားကို ဝေဖန်ပြစ်တင်လိုက်ပါတယ်။

Source: Reuters
#Yangon_Media_Group