13 June 2024

လူငယ်များအတွက် "ကုန်းပတ်သင်္ဘောသားအခြေ ခံလက်တွေ့အခမဲ့သင်တန်း"အခမဲ့ ဖွင့်လှစ်သွားမည်ဖြစ်ကြောင်း မြန်မာနိုင်ငံသင်္ဘောသားအလုပ်သမားများအဖွဲ့ချုပ်(MSF) မှ သိရသည်။

ကုန်းပတ်သင်္ဘောသားအခြေခံလက်တွေ့သင်တန်းအား MSF အဖွဲ့ချုပ်မှ အခမဲ့ဖွင့်လှစ်မည်ဖြစ်ပြီး စနေ၊ တနင်္ဂနွေ သင်ခန်းကာလ (၅) ရက် ကြာ သင်ကြားပေးမည်ဟုဆိုသည်။

 သင်ကြားအထောက်အကူပြုပစ္စည်းများဖြင့် ဆရာ (၂) ဦးမှ အနီးကပ်လက်တွေ့သင်ကြားပေးမည်ဖြစ်ပါသောကြောင့် သင်တန်းတစ်တန်းလျှင် (၃၀) ဦးသာလက်ခံမည်ဖြစ်ပါသဖြင့် လူ (၃၀) ကျော်ပါက ဒုတိယအပတ်စဉ်သင်တန်းတွင် တက်ရောက်ခွင့်ရမည်ဖြစ်ကြောင်း ဖော်ပြထားသည်။

 တက်ရောက်လိုသူများအနေဖြင့် မြန်မာနိုင်ငံသင်္ဘောသားအလုပ်သမားများအဖွဲ့ချုပ်(MSF)၏ Facebook Page နှင့် အဖွဲ့ချုပ်ရုံးသို့  ဆက်သွယ်စာရင်းပေးထားနိုင်ကြောင်း သိရသည်။
Yangon_Times/tthl
#Local_News
#Published_ 13 June 2024
#YMG #Yangon_Times #Yangon_Media_Group

၁၃ ဇွန် ၂၀၂၄

အာရပ်စော်ဘွားများပြည်ထောင်စု (ယူအေအီး)နိုင်ငံမှ ကုမ္ပဏီများ မြန်မာနိုင်ငံစွမ်းအင်ကဏ္ဍတွင် လာရောက်ရင်းနှီးမြှပ်နှံရေး အတွက် မကြာသေးမီက ခန့်အပ်ခဲ့တဲ့ ယူအေအီးသံမတ်ကြီး နှင့် မြန်မာစွမ်းအင်ဝန်ကြီးတို့ဆွေးနွေးခဲ့ကြတယ်လို့သိရပါတယ်။

စွမ်းအင်ဝန်ကြီးဌာ ပြည်ထောင်စုဝန်ကြီး ဦးကိုကိုလွင်အား မြန်မာနိုင်ငံဆိုင်ရာ အာရပ်စော်ဘွားများ ပြည်ထောင်စုနိုင်ငံ သံအမတ်ကြီး မစ္စတာမူတက်ခ်အဘ္ဘဒူလာ အဘ္ဘဒူဂျာလေ မိုဟာမက် အယ်လ်ဖာဟမ်က ဇွန်လ၁၂ရက်နေ့၌ လာရောက် တွေ့ဆုံရာတွင် အဆိုပါ ကိစ္စကို ဝန်ကြီးနှင့်သံအမတ်ကြီးတို့ ဆွေးနွေးခဲ့ကြတာဖြစ်ပါတယ်။

အဆိုပါကိစ္စအပြင် ရေနံနှင့်သဘာဝဓာတ်ငွေ့တူးဖော်ရေးနှင့် ထုတ်လုပ်ရေးနှင့် ရေနံချက်စက်ရုံဆိုင်ရာနည်း ပညာများ လေ့လာနိုင်ရေးအတွက် မြန်မာနိုင်ငံမှ ပညာရှင်များစေလွှတ်ရေး၊စွမ်းအင်ဆိုင်ရာ နည်းပညာဆွေးနွေးပွဲများကျင်းပရေး အပါအဝင် ရေနံနှင့်သဘာဝဓာတ်ငွေ့ကဏ္ဍ၊ Green Energy အသွင်ကူးပြောင်းရေးကဏ္ဍတို့တွင် နှစ်နိုင်ငံ နီးကပ်စွာပူးပေါင်း ဆောင်ရွက်ရေးတွေကိုလည်းဆွေးနွေးခဲ့ကြတယ်လို့ စွမ်းအင်ဝန်ကြီးဌာနရဲ့သတင်းထုတ်ပြန်ချက်မှာဖော်ပြထားပါတယ်။
-ymg/knl
#Local_News
#Published_ 13 June 2024
#YMG #Yangon_Times #Yangon_Media_Group

Publicshed 13 June 2024

ရန်ကုန်တိုင်းဒေသကြီးအတွင်း ၂၀၂၄ ခုနှစ်၊ ဇန်နဝါရီလမှ မေလအထိ (၅)လတာ ကာလအတွင်းဖြစ်ပွားသူ ၃၇၀ကျော်ရှိပြီးတစ်ဦး ‌ေ-သဆုံး ကြောင်း ရန်ကုန်မြို့တော်စည်ပင်
သာယာရေးကော်မတီ၊ ပြည်သူ့ကျန်းမာရေးဌာနမှ သိရသည်။

ထိုသို့ဖြစ်ပွားရာတွင် ရန်ကုန်တိုင်းတွင် ငါးလတာအတွင်း သွေးလွန်တုပ်ကွေးရောဂါ ဖြစ်ပွားသူဦးရေ (၃၇၇) ဦး ရှိပြီး ‌ေ-သဆုံးသူ(၁)ဦး ရှိကြောင်း၊ အဆိုပါသွေးလွန် တုပ်ကွေးရောဂါဖြစ်ပွားသူ (၃၇၇) ဦးတွင် မွေးကင်းစမှအသက်(၁)နှစ်အထိ (၃၅)ဦး၊ အသက်(၂)နှစ်မှ (၄)နှစ်အထိ (၈၃) ဦး၊ အသက်(၅)နှစ်မှ (၉)နှစ်အထိ (၁၅၂)ဦး၊ အသက် (၁၀)နှစ်မှ(၁၄)နှစ်အထိ (၇၆)ဦး၊ အသက်(၁၅)နှစ်အထက် (၃၅)ဦး ဖြစ်ပွားခဲ့ကြောင်းသိရသည်။

ထို့အပြင်  သွေးလွန်တုတ်ကွေး ဖြစ်ပွားမှုများတွင် ဒဂုံမြို့သစ်(တောင်ပိုင်း)မြို့နယ်သည်ရောဂါဖြစ်ပွားမှုအများဆုံးဖြစ်ပြီး မရမ်းကုန်းမြို့နယ်သည် ရောဂါဖြစ်ပွားမှု ဒုတိယအများဆုံးဖြစ်ကြောင်း သိရသည်။

ယခုနှစ်တွင် သွေးလွန်တုပ်ကွေးရောဂါကာကွယ်ရေးလုပ်ငန်းများကို မြို့နယ်အလိုက် အိမ်ရာဝင်းများအပြင်စာသင်ကျောင်းများကိုပါ တိုးချဲ့လုပ်ဆောင်လျက်ရှိကြောင်းသိရသည်။

သွေး လွန်တုပ်ကွေးရောဂါကာကွယ်ရေး လုပ်ငန်းစဉ်တွင်ဖုံး၊ သွန်၊ လဲ၊ စစ်၊ ပိုးလောက်လန်းနှိမ်နှင်းခြင်း၊ ခြင်နှိမ်နှင်းခြင်းနှင့် ရောဂါကာကွယ်ရေးလုပ်ငန်းများကို စနစ်တကျလုပ်ဆောင်ရန် လိုအပ်ကြောင်း၊ ခြင်ဆေးမှုတ်ခြင်းအပြင် အခြားကာကွယ်ရေးလုပ်ငန်းများကိုလည်း လုပ်ဆောင်ရန် မှာကြားလိုအပ်ကြောင်းသိရသည်။
Yangon_Times/NN
#Local_News
#Published_ 13 June 2024
#YMG #Yangon_Times #Yangon_Media_Group

နယုန်လပြည့်နေ့မှာ ရွှေတိဂုံမှာငြိမ်းချမ်းရေးခေါင်းလောင်းများ တစ်ပြိုင်နက်တီးခတ်မည်၊ မဟာသမယအခါတော်နေ့ဖြစ်ပေါ်လာပုံကို ဖော်ကျူးတဲ့အနေနဲ့ ဗုဒ္ဓဝေယျာဝစ္စအသင်းတွေနဲ့ ဝန်ထမ်းတွေက ကပိလဝတ်နဲ့ကော်လိယအုပ်စု(၂)စုခွဲပြီး ရွှေတိဂုံစေတီတော်မြတ်ကြီးအား လက်ယာရစ်ပူဇော်ပြီး ချမ်းသာကြီးတန်ဆောင်းမှာ မဟာသမယသုတ်ရွတ်ဖတ်ပူဇော်တဲ့ အခမ်းအနားကျင်းပသွားမှာ ဖြစ်ပါတယ်။
Yangon_Times/tthl
#Local_News
#Published_ 13 June 2024
#YMG #Yangon_Times #Yangon_Media_Group

အခု ၂၀၂၄-၂၀၂၅ ဘဏ္ဍာနှစ် မေလအတွင်း ပြည်ပနိုင်ငံ‌တွေကို ဆန်နဲ့ဆန်ကွဲ တန်ချိန်ခုနှစ်သောင်း ကျော်သာတင်ပို့နိုင်ခဲ့ပြီး  ယခင်လထက် တင်ပို့တာ လျော့ကျခဲ့တယ်လို့ မြန်မာနိုင်ငံဆန်စပါးအသင်းချုပ်က သိရပါတယ်။
Yangon_Times/NN
#Local_News
#Published_ 13 June 2024
#YMG #Yangon_Times #Yangon_Media_Group

ရှမ်းပြည်တောင်ပိုင်းက စိုက်ပျိုးထွက်ရှိတဲ့ (ချင်း)ဂျင်းနုဥမပေါ်ချိန် ရောက်ရှိလာတာကြောင့် ဂျင်းအခက်ဈေးကွက် မှာ တစ်ပိသာ ၈၀၀၀ကျပ်ဝန်းကျင်မှာသာ ရှိတော့တယ်လို့ အောင်ပန်းကုန်စိမ်းပွဲရုံတွေထံမှ သိရပါတယ်။
Yangon_Times/LW
#Local_News
#Published_ 13 June 2024
#YMG #Yangon_Times #Yangon_Media_Group

ရှမ်းပြည်နယ်မြောက်ပိုင်းကထွက်ရှိတဲ့ နာနတ်သီးတွေ လက်လီဈေးကွက်ထဲမှာ‌ ဈေးကောင်းရရှိ‌နေပေမယ့်  တောင်သူ‌ တွေဈေးမရဖြစ်နေတယ်လို့ နာနတ်သီးစိုက်ပျိုးသူတွေဆီက သိရပါတယ်။
Yangon_Times/NN
#Local_News
#Published_ 13 June 2024
#YMG #Yangon_Times #Yangon_Media_Group

မိုးရာသီမှာလှည်းကူးရှိ လယ်ဝောာအိမ် Farm အချို့မှာ ရာသီအလိုက်စပါးစိုက်တာ၊ မှိုစိုက်တာ‌တွေ လေ့လာနိုင်မှာဖြစ်သလို စက်ဘီးစီး၊ ငါးမျှား၊ ပန်းချီဆွဲ၊ ဂိမ်းကစား၊ စာဖတ်တာနဲ့ Wifi Freeပေးထားလို့ အရေးပေါ်အစည်း အဝေးတက်တာ အင်တာနက်လိုင်းအသုံးပြုတာတွေ အတွက်ပါ အဆင်ပြေမှာဖြစ်ပါတယ်။
Yangon_Times/tthl
#Local_News
#Published_ 13 June 2024
#YMG #Yangon_Times #Yangon_Media_Group

Published 13 June 2024

မွန်ပြည်နယ်၊ ကျိုက်ထိုမြို့နယ်၊ ကျိုက်ထီးရိုးစေတီတော် တောင်တက်လမ်းအပေါ်ဘက်ခြမ်း၊ စခန်းလေးအနီးတွင် မြေပြိုမှုဖြစ်ပွားကြောင်း မီးသတ်တပ်ဖွဲ့၏ သတင်းထုတ်ပြန်ချက်အရသိရသည်။

ဇွန်လ ၁၃ရက် နံနက် ၈နာရီ ဝန်းကျင် ခန့်က ကျိုက်ထီးရိုး တောင်တတ်ကားလမ်း ၇မိုင် ၆ဖာလုံ အနီး မြေသားပြိူကျမှု ဖြစ်ပွားခဲ့ကြောင်း သိရသည်။

အဆိုပါ မြေသားပြိုကျမှုကြောင့် ကားလမ်းမပေါ်သို့ ခန့်မှန်းပေ ၁၀၀ခန့် မြေသားများ ဖုံးအုပ် သွားခဲ့ကြောင်း လူမှုကူညီရေးအသင်းများထံကသိရသည်။

လက်ရှိ တွငိ မြေသားပြိုကျသည့်နေရာသို့ ကျိုက်ထီးရိုးနယ်မြေမီးသတ်စခန်းမှ သန္ဓေမီးသတ်တပ်ဖွဲ့ဝင်များ၊ အရန်မီးသတ်တပ်ဖွဲ့ဝင်များ၊ တောင်တက်အသင်းဝင်များ၊ ဈေးသူဈေးသားများ၊ သက်ဆိုင်ရာအဖွဲ့အစည်းများနှင့် ပူးပေါင်း၍ လမ်းရှင်းလင်းရေးလုပ်ငန်းများ ဆောင်ရွက်လျက်ကြောင်း သိရသည်။
Yangon_Times/LW
#Local_News
#Published_ 13 June 2024
#YMG #Yangon_Times #Yangon_Media_Group

Published_ 13 June 2024

ယခုကျောင်းဖွင့်ရာသီ၊ပထမရက်တွင် ရန်ကုန်တိုင်း လှိုင်သာယာမြိုနယ်၊အမှတ် (၄၂) အခြေခံပညာ မူလတန်းကျောင်းမှ ကျောင်းသား၊ကျောင်းသူများကို တရုတ်(CFRD)ဖောင်ဒေးရှင်းမှ အာဟာရဒါန အစား အသောက်များကျွေးမွေလှူဒါန်းခြင်း၊ စားနပ်ရိက္ခာများလှူဒါန်းခြင်းများဆောင်ရွက်ခဲ့ကြောင်း မြန်မာနိုင်ငံ ဆိုင်ရာတရုတ်သံရုံးမှသိရသည်။

တရုတ်နိုင်ငံ ကျေးလက်ဖွံဖြိုးတိုးတက်ရေး ဖောင်ဒေးရှင်း (CFRD) အနေဖြင့် မြန်မာနိုင်ငံ၏ ဒေသအများအပြားမှာ CFRD’s Smiling Children Program ကို ဖော်ဆောင်ကြပြီး အခြေခံပညာကျောင်းမှ ကျောင်းသားကျောင်းသူများ အတွက် အစားအသောက်များကျွေးမွေးခြင်း၊ စားနပ်ရိက္ခာများပေးဝေခြင်းဖြင့် ကလေးငယ်များ ကျန်းမာစွာ ကြီးထွားစေရန် ကူညီပေးခဲ့ကာ တရုတ်ပြည်သူများရဲ့ ချစ်ခြင်းမေတ္တာနှင့် ချစ်ကြည်ရေး သံယောဇဉ်ကို လက်ဆင့်ကမ်းပေးပို့ခဲ့သည်ဟုဆိုသည်။

ယင်း CFRD’s Smiling Children Program သည် ၂၀၂၂ ခုနှစ်မှာ မြန်မာနိုင်ငံကို စတင်ဝင်ရောက်လာပြီး မြန်မာနိုင်ငံရှိ ကျောင်းပေါင်း ၅၄ ကျောင်းမှ မူလတန်း ကျောင်းသားကျောင်းသူ ၁၂၀၀၀ ကျော်ကို အကျိုးပြုခဲ့ပြီး ငတ်မွတ်မှုကင်းစင်ခြင်း၊ ပညာရေးမြှင့်တင်ခြင်းနှင့် အမျိုးသမီးများလုပ်ငန်းခွင်ဝင်မှုကို တိုးမြှင့်ပေးခြင်းစသည့် ကဏ္ဍတွေမှာ ထင်ရှားစွာအကျိုးဖြစ်ထွန်းစေခဲ့တဲ့အတွက် ဒေသခံပြည်သူများ၏ အသိအမှတ်ပြုခြင်းကို ခံရကြောင်း သံရုံး၏ထုတ်ပြန်ချက်၌ဖော်ပြထားသည်။
Yangon_Times/tthl
#Local_News
#Published_ 13 June 2024
#YMG #Yangon_Times #Yangon_Media_Group

Published 13 June 2024

ရန်ကုန်တိုင်းဒေသကြီး၊ လှိုင်သာယာမြို့နယ်၊ ပန်းလှိုင်ဂေါက်ကွင်းအနီး ရန်ကုန်မြစ်အတွင်းတွင် စက်လှေ(၁)စီး မီးလောင်မှုဖြစ်ပွားခဲ့ကြောင်း မီးသတ်တပ်ဖွဲ့ထံမှ သိရသည်။

ဇွန်လ ၁၂ရက်နေ့လယ် (၂)နာရီ (၃၇)မိနစ်အချိန်ခန့်က စက်လှေ(၁)စီး မီး လောင်မှုဖြစ်ပွားခဲ့ရာ (၄)နာရီခန့် မီးငြှိမ်းသတ်ခဲ့ရကြောင်းသိရသည်။

အဆိုပါ စက်လှေ မီးလောင်မှုဖြစ်ပွားကြောင်း သတင်းရရှိသဖြင့် လှိုင်သာယာမြို့နယ်မီးသတ်စခန်းမှ မီးသတ်ယာဉ်(၁)စီး၊ လှိူင်မြို့နယ်မီးသတ်စခန်းမှ မီးသတ်ယာဉ်(၁)စီး၊ အင်းစိန်မြို့နယ်မီးသတ်စခန်းမှ မီးသတ်ယာဉ်(၁)စီး၊ မရမ်းကုန်းမြို့နယ်မီးသတ်စခန်းမှ မီးသတ်ယာဉ်(၁)စီးနှင့် ဘုရင့်နောင်မြို့နယ်မီးသတ်စခန်းမှ မီးသတ်ယာဉ်(၁)စီးတို့ မှ ထွက်ခွာငြှိမ်းသတ်ခဲ့ကြောင်း သိရသည်။
Yangon_Times/LW
#Local_News
#Published_ 13 June 2024
#YMG #Yangon_Times #Yangon_Media_Group

Published_ 13 Jun 2024

စစ်ဘက်ဆိုင်ရာများ ပိုမိုပူးပေါင်းဆောင် ရွက်ရေး မြန်မာနှင့် အိန္ဒိယတပ်မတော်တို့ ယနေ့ ဇွန်လ ၁၂ ရက် တွင် ဆွေးနွေးခဲ့ကြကြောင်း နစက သတင်းထုတ်ပြန်ရေးအဖွဲ့၏ ထုတ်ပြန်ချက်အရ သိရသည်။

ညှိနှိုင်းကွပ်ကဲရေးမှူး(ကြည်း၊ ရေ၊ လေ) ဗိုလ်ချုပ်ကြီး မောင်မောင်အေး နှင့် အိန္ဒိယတပ်မတော်မှ တွဲဖက် ထောက် လှမ်းရေးညွှန်ကြားရေးမှူးချုပ် Major General Charanjeet Singh Dewgun, YSM, ADG MI(A) ဦးဆောင်သော ကိုယ်စားလှယ်အဖွဲ့တို့ နေပြည်တော်ရှိ ဘုရင့်နောင်ရိပ်သာ ဧည့်ခန်းမ ဆောင်၌ တွေ့ဆုံစဉ် အထက်ပါအတိုင်း ဆွေးနွေးခဲ့ကြခြင်း ဖြစ်ကြောင်း သိရသည်။

နှစ်နိုင်ငံတပ်မတော်နှစ်ရပ်အကြား ဆက်ဆံရေးနှင့် ချစ်ကြည်ရင်းနှီးမှုတိုးမြှင့်ဆောင်ရွက်ရေး၊ စစ်ဘက်ဆိုင် ရာများ ပိုမိုပူးပေါင်းဆောင် ရွက်ရေးတို့ကို ဆွေးနွေးသည့်အပြင်သင်တန်းသားများ အပြန်အလှန် စေလွှတ်ရေး နှင့် လေ့ကျင့်ရေးဆိုင်ရာ ပူးပေါင်းဆောင်ရွက်ရေး ၊နယ်စပ် ဒေသတည်ငြိမ်အေးချမ်းရေး၊ လုံခြုံရေး၊ တရား ဥပဒေ စိုးမိုးရေး ဆိုင်ရာများတွင် နှစ်နိုင်ငံပူးပေါင်းဆောင်ရွက်မှု တိုးမြှင့်ဆောင် ရွက်ရေး တို့ကိုလည်း ဆွေးနွေး ခဲ့ကြကြောင်း သိရသည်။

အဆိုပါတွေ့ဆုံပွဲသို့ ညှိနှိုင်းကွပ်ကဲရေးမှူး(ကြည်း၊ ရေ၊ လေ)နှင့်အတူ ကာကွယ် ရေးဦးစီးချုပ်ရုံး(ကြည်း)မှ ဒုတိယဗိုလ်ချုပ်ကြီး ကိုကိုဦးနှင့် တပ်မတော်အရာရှိကြီးများ တက်ရောက်ကြပြီး အိန္ဒိယတပ်မတော်မှ တွဲဖက် ထောက်လှမ်းရေးညွှန်ကြားရေးမှူးချုပ် နှင့်အတူ မြန်မာနိုင်ငံဆိုင်ရာ အိန္ဒိယစစ်သံမှူး Colonel Jaswinder Singh Gill နှင့် အိန္ဒိယတပ်မတော်မှအရာရှိကြီးများ တက်ရောက်ခဲ့ကြကြောင်း သိရသည်။
Yangon_Times/PP
#Local_News
#Published_ 13 June 2024
#YMG #Yangon_Times #Yangon_Media_Group