#LocalNews
Published - 2 Feb 2022

ကိုဗစ်ကြောင့် ပိတ်ထားရတဲ့ တမူးမြို့ အဝင်အထွက်ဂိတ်များကို ပြန်ဖွင့် ပေးဖို့ ဒေသခံများလိုလားလျက်ရှိနေတယ်လို့ သိရပါတယ်။

ကိုဗစ်လူနာအများအပြားနှင့် အိုမီခရွန် အတည်ပြု လူနာများကို ပြီးခဲ့သည့် ရက်ပိုင်း တွေ အတွင်းမှာ တမူးမြို့မှာတွေ့ ရှိခဲ့တာကြောင့် ဒေသဆိုင်ရာ အုပ်ချုပ် ရေးအဖွဲ့ က တမူးမြို့ ရှိ အိန္ဒိယ-မြန်မာ နယ်စပ်ဂိတ် တွေ အပါအဝင် မြို့အဝင်၊အထွက် ဂိတ်များကို ပိတ်လိုက်ပြီး ရောဂါထိန်းချုပ်ရေးတွေကို ဆောင်ရွက်ခဲ့တာပါ။

သို့ သော်လည်း တမူးမြို့နေ ပြည်သူများအနေနဲ့ ယခုကာလ၏ အခြေအနေအရပ်ရပ်ကြောင့် မိသားစု
စားဝတ်နေရေးအခက်အခဲများဖြစ်နေချိန် ယခုကဲ့သို့ မြို့အဝင်၊အထွက် တွေကို ပိတ်ထားခြင်းမှာ ရေရှည်မှာ အခက်အခဲများစွာဖြစ်ပေါ်လာနေသည့်အတွက် မြို့အဝင်၊အထွက်ဂိတ် တွေကို ပြန်လည်ဖွင့်ပေးဖို့ တောင်းဆိုရခြင်းဖြစ်တယ်လို့ ဒေသခံ တွေက ဆိုပါတယ်။

ဒါ့အပြင် တမူးမြို့တွင် ယခုကူးစက်ခံနေရသော ရောဂါပိုးတွေ့လူနာများမှာ ဝေဒနာပြင်းထန်စွာခံစား
နေရသောလူနာများမရှိဘဲ မြို့နေလူထုမှာ ရာသီဥတုအပြောင်းအလွဲကြောင့် နှာစေးချောင်းဆိုးဖြစ်ယုံနှင့် စစ်ဆေးကြည့်ပါက ပိုးတွေ့ ရှိအဖြေထွက်ပြီး ဆေးရုံတွင်နေရသော(၁၀)ရက်အတွင်းဝေဒနာ ပြင်းထန်စွာခံစားနေရသောလူနာများမရှိသလောက်ဖြစ်တယ်လို့ လည်း ဒေသခံတွေက ပြောပါတယ်။

"တမူးမြို့ မှာ အခု(၁)လအတွင်း COVID-19 ရောဂါပိုးကူးစက်မှုက မယုံနိုင်လောက်အောင်များပြားလာတာဟာမှန်ပါတယ်။ ပြောရရင် တမူးမြို့ဟာ မြန်မာနိုင်ငံရဲ့ အစွန်းဆုံးမြို့ ဖြစ်တယ်။ အဲ့ဒါ ကြောင့် မြို့အဝင်၊အထွက် တွေကို (၇)ရက်ခန့်ပိတ်လိုက်တာနဲ့ လူအသုံးအဆောင် အစားအစာတွေသာမက ကြက်စာ၊ဝက်စာများပါ အခက်အခဲဖြစ်ပေါ်လာစေပါတယ်။ တမူးမြို့ ကနေ အနီးဆုံးဖြစ်တဲ့ ကလေးမြို့ဘက်မှကားများ ဝင်လာပါမှသာ မြို့နေပြည်သူ တွေက အစားအစာအသုံးဆောင်များနေ့စဉ်အဆင်ပြေကြတာ လေ။ ဒါကြောင့် ဖြစ်ပေါ်နေတဲ့ ရောဂါအခြေအနေ မြို့သူ၊မြို့သား တွေရဲ့ စားဝတ်နေရေး လူနေမှုအခြေအနေ တွေပေါ် သုံးသပ်ပြီး တော့ တမူးမြို့ကို အဝင်အထွက်ပိတ်ပင်ထား တွေကို ပြန်ပြီး တော့သုံးသပ်ပေးစေလိုတာပါ။ ဘာလို့လဲဆိုရင် ရေရှည်မှာ မြို့သူ၊မြို့သား တွေက ရောဂါဘေးထက် စားဝတ်နေရေးအခက်အခဲကြောင့်ဖြစ်ပေါ်လာနိုင်တယ်။ အဲ့ဒါ ကြောင့် တာဝန်ရှိလူကြီး တွေ အနေနဲ့ သိရှိ ညှိနှိင်းကူညီပေးနိုင်ဖို့ အောက်ခြေမှာ ဖြစ်ပေါ်နေတဲ့အခြေအနေ တွေကို တင်ပြရခြင်းဖြစ်ပါတယ်။" လို့ တမူးမြို့ ဒေသခံတစ်ဦးက ပြောပြခဲ့ပါတယ်။

အဆိုပါ ဓါတ်ခွဲစစ် ဆေးမှု တွေအရ တမူးမြို့ မှာ (ဇန်နဝါရီလ ၂၄ ရက် နေ့)တစ်ရက်ထဲမှာပင် ကိုဗစ်အတည်ပြုလူနာ ၅၉ ဦးကို စတင်တွေ့ ရှိခဲ့ခြင်းဖြစ်ပြီးအဲ့ဒီလို တွေ့ ရှိပြီး နောက်ပိုင်း ၄ ရက်အကြာ (ဇန်နဝါရီလ ၂၇ ရက် နေ့)မှာ ကိုဗစ်အတည်ပြု လူနာသစ် ၂၄ ဦး၊ (ဇန်နဝါရီလ ၂၈ ရက် နေ့)တွင် ကိုဗစ်အတည်ပြုလူနာ ၂၉ ဥှီးနှင့် ဒီကနေ့(ဇန်နဝါရီလ ၃၀ ရက် နေ့)တွင် ကိုဗစ်အတည်ပြု လူနာသစ် ၂၉ ဦးတို့ကို ထပ်မံ တွေ့ ရှိခဲ့တာဖြစ်ပါတယ်။

ဒါ့အပြင် ယမန် နေ့ ဖေဖော်ဝါရီလ ၁ ရက် မှာ တမူးမြို့တွင် ကိုဗစ်အတည်ပြုလူနာ(၆)ဦးကို ထပ်မံ
တွေ့ ရှိခဲ့သည့်အတွက် ယင်းနေ့ ညနေပိုင်းအထိ ရရှိထား သော စာရင်းများအရ တမူးမြို့ ပြည်သူ့ဆေးရုံကြီးတွင် အတည်ပြုလူနာ (၁၁၆)ဦး၊ တမူးမြို့ အ .ထ. က (၂)တွင် အတည်ပြုလူနာ (၁၀၁)ဦးနှင့် တမူးမြို့ အ. ထ .က (၁)တွင် အတည်ပြုလူနာ (၄၂)ဦးရှိသည့် အတွက် လက်ရှိ တမူးမြို့တွင် ရောဂါပိုးကူးစက်ခံရပြီးဆေးကုသမှုခံယူနေဆဲ လူနာစုစုပေါင်း (၂၅၉)ဦးအထိ ရှိ နေတာဖြစ်တယ်လို့ သိရပါတယ်။

ဓါတ်ပုံ - တမူးဇွဲမာန်

ymg/kg
#Yangon_Media_Group

#LocalNews
Published -2 Feb 2020
ဖေဖော်ဝါရီလ ၁ရက်နေ့ နံနက်ပိုင်းကရခိုင်ပြည်နယ်ကျောက်ဖြူမြို့ ပင်လယ်ကမ်းစပ်တွင် ဘင်္ဂလား‌ဒေ့ရှ်နိုင်ငံမှ စက်ပျက်မျောပါလာသောငါးဖမ်းလှေသောင်တင်ခဲ့တယ်လို့သိရပါတယ်။

ရခိုင်ပြည်နယ်၊ ကျောက်ဖြူမြို့၊ စေတီယျရပ်ကွက်၊ NRC အအေးခန်းစက်ရုံကြီးအနီး၊ ပင်လယ်ကမ်းစပ်တွင်၊ စက်လှေတစ်စီးရေမျောကမ်းတင်နေကြောင်းသတင်းအရ ဖေဖော်ဝါရီလ၁ရက်နံနက် ပိုင်းက တာဝန်ရှိသူများမှ သွားရောက်စစ်ဆေးခဲ့ရာ အဆိုပါစက်လှေမှာ ဘင်္ဂလားဒေနိုင်ငံမှ စက်ပျက်ကာမျောပါလာတဲ့ ငါးဖမ်းစက်လှေဖြစ်တယ်လို့သိရပါတယ်။

အဆိုပါငါးဖမ်းစက်လှေမှာ ဘင်္ဂလားဒေ့ရှ်နိုင်ငံ၊ တက္ကနက်မြို့မှဖြစ်ပြီး ဇန်နဝါရီလ ၂၅ ရက်နေ့က ပင်လယ်ပြင်သို့စတင်ငါးဖမ်းထွက်ခဲ့ရာဇန်နဝါရီလ ၂၆ ရက်နေ့တွင် စက်ချို့ယွင်းမှုဖြစ် ပေါ်ကာ ရေစီးနဲ့အတူမျောပါရောက်ရှိလာခြင်းဖြစ်ကာ စက်လှေပေါ်တွင် အမျိုးသား(၆)ဦးနဲ့ ငါးဖမ်းပိုက်များ၊ ဆီဗူးများနှအပြင်ချို့ယွင်းနေသောစက်အားတွေ့ရှိခဲ့ရတယ်လို့သိရပါတယ်။

စက်ပျက်ရောက်ရှိလာတဲ့ ဘင်္ဂလားဒေ့ရှ်နိုင်ငံသား လှေသား(၆)ဦးအား ကျန်းမာ ရေးဌာနမှ တာဝန်ရှိသူများက ကိုဗစ်-၁၉ ရောဂါပိုး ရှိ/မရှိစစ်ဆေးခဲ့ရာ လှေသား(၆)ဦးလုံးတွင် ရောဂါပိုးမတွေ့ရှိရဘူးလို့သိရပါတယ်။

အဆိုပါလှေသား (၆)ဦးကို ခရိုင်/မြို့နယ် စီမံအုပ်ချုပ်ရေးအဖွဲ့တာဝန်ရှိသူများမှ သွားရောက်ကွင်းဆင်းစစ်ဆေးခဲ့ပြီး စားသောက်ရေးများစီစဉ်ဆောင်ရွက်ပေးကာချို့ ယွင်းနေသောစက်အားပြန် လည်ပြုပြင်နိုင်ရေး ဆောင်ရွက်ပေးနေတယ်လို့သိရပါတယ်။

ygm/hm

#LocalNews

Published - 2 Feb 2022

#DailyNews

Published - 2 Feb 2022

(၁) KNU ၏ ၁၇ ကြိမ်မြောက် ဗဟိုညီလာခံကျင်းပမည့်နေ့ရက် တိတိကျကျ မသိရသေး

(၂) ကော်မတီဝင်သစ်များ ရွေးချယ်ခြင်းမှာရွေးကောက်ပွဲ ကြိုတင်ပြင်ဆင်မှုမဟုတ်ဟု ဒေါက်တာနန္ဒာလှမြင့်ပြောကြား (

၃) နေ့စဉ်မိုးလေသ သတင်း

(၄) သားရဲငှက်သတ္တဝါတွေကို အိန္ဒိယညီအစ်ကိုနှစ်ယောက်က ကယ်တင်ပေးနေ..... အစရှိတဲ့သတင်းတွေကို တင်ဆက်ပေးသွားမှာပဲ ဖြစ်ပါတယ်။

#Yangon_Media_Group 

#LocalNews
Published - 2 Feb 2022

လာမယ့် ဖေဖော်ဝါရီ ၅ ရက်နေ့မှစပြီး ၇ ရက်နေ့အတွင်း ရန်ကုန်အပါအဝင် နေပြည်တော်နဲ့ တခြားဒေသအချို့မှာ နေရာကွက်ကျား မိုးထစ်ချုန်းရွာနိုင်တယ်လို့ မိုးလေဝသနှင့် ဇလဗေဒညွှန်ကြားမှုဦးစီးဌာနက ကြေညာလိုက်ပါတယ်။။

ရန်ကုန်တိုင်း၊ နေပြည်တော်၊ စစ်ကိုင်းတိုင်းအောက်ပိုင်း၊ မန္တလေးတိုင်း၊ မကွေးတိုင်း၊ ပဲခူးတိုင်း၊ ဧရာဝတီတိုင်း၊ ရှမ်းပြည်နယ် (မြောက်ပိုင်း) နဲ့ ရခိုင်ပြည်နယ်တို့မှာ နေရာ ကွက်ကျား မိုးထစ်ချုန်းရွာနိုင်ပါတယ်။

ဒါ့အပြင် စစ်ကိုင်းတိုင်းဒေသကြီးအထက်ပိုင်း၊ တနင်္သာရီတိုင်းဒေသကြီး၊ ကချင်ပြည်နယ်၊ ရှမ်းပြည်နယ်(တောင်ပိုင်းနှင့် အရှေ့ပိုင်း)၊ ချင်းပြည်နယ်၊ ကယားပြည်နယ်၊ ကရင်ပြည်နယ်နဲ့ မွန်ပြည်နယ်တို့မှာ နေရာကျဲကျဲ မိုးထစ်ချုန်းရွာနိုင်တယ်လို့ သိရပါတယ်။

ဒါ့ကြောင့် ပြည်သူတွေအနေနဲ့ အချိန်အခါမဟုတ်မိုးရွားခြင်းနဲ့အတူ မိုးထစ်ချုန်းရွာတာ၊ မိုးကြိုးပစ်တာ၊ လျှပ်စီးလက်တာနဲ့ မိုးသီးကြွေတာစတဲ့ မိုးလေဝသဖြစ်စဉ်တွေ ဖြစ်ပေါ်နိုင်သဖြင့် ကြိုတင်သတိပြုနိုင်ဖို့ အကြံပြုထားပါတယ်။

တိုင်းတွာချက်တွေအရ အနောက်ဘက်မှ ရွေ့လျားလာတဲ့ လေပွေလှိုင်းတွေရဲ့ အရှိန်ကြောင့်လည်းကောင်း၊ ကပ္ပလီပင်လယ်ပြင်နဲ့ ဘင်္ဂလားပင်လယ်အော်တို့မှ လေနွေးတွေနဲ့ တရုတ်ပြည်မကြီးပေါ်ရှိ လေဖိအားကြီးရပ်ဝန်းဒေသမှ ရွေ့လျားလာတဲ့ လေအေးများ တွေ့ဆုံမှုတွေကြောင့် အချိန်အခါမဟုတ် မိုးရွာနိုင်မယ်လို့ ခန့်မှန်းထားပါတယ်။

မြန်မာနိုင်ငံမှာ လာနီညာဖြစ်စဉ်မှာ မတ်လအထိ ဖြစ်ပေါ်မယ်လို့ ကြေညာထားပြီး လာနီညာ အကျိုးသက်ရောက်မှုကြောင့် ဇန်နဝါရီ လအတွင်းမှာလည်း အချိန်အခါမဟုတ် မိုးရွာသွန်းတာတွေ ပိုမိုဖြစ်ပေါ်ခဲ့ပြီး ဇန်နဝါရီ ၁၃ ရက်နေ့ကလည်း ကချင်ပြည်နယ် မြစ်ကြီးနားမြို့ နေရာအချို့မှာ မိုးရွာသွန်းမှုနဲ့အတူ မိုးသီးများ ကျရောက်ခဲ့တာတွေ ဖြစ်ပေါ်ခဲ့ပါတယ်။

ymg/ei
#Yangon_Media_Group

Published 2 February 2022

ရုရှားနိုင်ငံခြားရေးဝန်ကြီး ဆာဂျီလာဗရော့ဗ်က မော်စကိုရဲ့ လုံခြုံရေးဆိုင်ရာစိုးရိမ်ပူပန်မှုနှင့်ပတ်သက်လို့ ဝါရှင်တန်က ဆွေးနွေးဖို့အဆင်သင့်ရှိနေတယ်လို့ပြောကြားလိုက်ပါတယ်။ ရုရှားနိုင်ငံခြားရေးဝန်ကြီးက အမေရိကန်နိုင်ငံခြားရေးဝန်ကြီး အန်တိုနီ ဘလင်ကန်နှင့် ဖုန်းပြောဆိုအပြီးမှာ သူကထုတ်ဖော်ပြောကြားလိုက်တာပါ။ ရုရှားက သူတို့တောင်းဆိုချက် အပေါ် ဆက်လက်ကိုင်စွဲရပ်တည်သွားမယ်လို့လည်းသူကပြောပါတယ်။

Source AFP

#LocalNews
Published- 2 Feb 2022

ကယားပြည်နယ်အတွင်းကတိုက်ပွဲတွေကြောင့် လူပေါင်းတစ်သောင်းသုံးထောင်ခန့်ဟာရှမ်းပြည်နယ်တောင်ပိုင်းကို ထွက်ပြေးတိမ်းရှောင်နေရတယ်လို့ ကုလသမဂ္ဂလူသားချင်းစာနာမှုပေါင်းစပ်ညှိနှိုင်းရေရုံး OCHA ကသိရပါတယ်။

OCHAက ထုတ်ပြန်ရာမှာမြန်မာနိုင်ငံအရှေ့တောင်ပိုင်းမှာ တပ်မတော်၊ တိုင်းရင်းသားလက်နက်ကိုင်တပ်ဖွဲ့တွေနဲ့ ဒေသခံလက်နက်ကိုင်အဖွဲ့တွေကြား ဖြစ်ပွားတဲ့ တိုက်ပွဲတွေဟာ ပိုမိုပြင်းထန်လာပြီး အထူးသဖြင့် ကယားပြည်နယ်မှာ လက်နက်ကြီးအသုံးပြုမှု၊ လေကြောင်းမှ တိုက်ခိုက်မှု၊ မြေမြှုပ်မိုင်းပေါက်ကွဲမှုတွေ ရှိနေကာ ကယားပြည်နယ်ထဲက လူ‌ပေါင်း ၁၃,၀၀၀ ခန့်ဟာ ရှမ်းပြည်နယ်တောင်ပိုင်းက မြို့နယ်လေးခုသို့ အိုးအိမ်စွန့်ခွာထွက်ပြေးလာခဲ့ကြရတယ် လို့ဖော်ပြထားပါတယ်။

လတ်တလောမှာတိုက်ပွဲရှောင်တွေဟာ ဆီဆိုင်မြို့နယ်မှာ ၅,၀၀၀၊ ပင်လောင်းမြို့နယ်မှာ ၄,၀၀၀၊ ညောင်ရွှေမြို့နယ်မှာ ၃,၀၀၀ နဲ့ တောင်ကြီးမြို့နယ်တို့မှာ ၁,၀၀၀ ခန့် ယာယီနေထိုင်နေကြရကာလုံခြုံရေးမတည်ငြိမ်မှုတွေကြောင့် ကယားပြည်နယ်ထဲမှာ လူသားချင်းစာနာမှုလုပ်ငန်းဆောင်ရွက်သူအချို့ ဟာ လုပ်ငန်းတွေကို ရပ်နားထားရသလို ဝန်ထမ်းတွေကို လုံခြုံတဲ့ နေရာတွေဆီကို ပြောင်းရွှေ့ထားရတယ်လို့ သိရပါတယ်။

ဆက်လက်လုပ်ငန်းဆောင်ရွက်နေကြသူ မိတ်ဖက်များကတော့ အရပ်ဖက်လူမှုအဖွဲ့အစည်း၊ လူထုအခြေပြုအဖွဲ့အစည်းတွေက တဆင့် ထိခိုက်လွယ်သူနဲ့ တိုက်ပွဲရှောင်လာသူများအတွက် အရေးပေါ် အကူအညီနဲ့ အကာအကွယ်ပေးရေးအစီအစဉ်တွေ ဆက်လက်ပေးအပ်နေပြီး၂၀၂၁ ခုနှစ် ဖေဖေါ်ဝါရီလ ၁ ရက်နေ့မှစပြီး မြန်မာနိုင်ငံတဝှမ်းမှာ လူဦးရေ ၄၂၅,၀၀၀ ကျော်ဟာ နေရပ်စွန့်ခွာထွက်ပြေးခဲ့ကြရတယ်လို့ OCHAရဲ့ အချက်အလက်အရသိရပါတယ်။
ymg/hm
#Yangon_Media_Group

#LocalNews
Published - 2 Feb 2022

ဒီကနေ့( ဖေဖော်ဝါရီ ၂)ရက်၊ နံနက်အစောပိုင်း အချိန်က ရန်ကုန်တိုင်းအတွင်းရှိ အလုံနှင့် တောင်ဒဂုံမြို့နယ်တို့တွင် မီးလောင်မှုဖြစ်ပွားခဲ့တယ်လို့ သိရပါတယ်။

ပထမဖြစ်စဉ်မှာယနေ့နံနက် ၁ နာရီ ၄၉ မိနစ် အချိန်ခန့်က ရန်ကုန်တိုင်းဒေသကြီး၊ ဒဂုံမြို့သစ်(တောင်ပိုင်း)၊ (၅၅)ရပ်ကွက်၊ ပုဂံလမ်းနှင့် မင်းဘူးလမ်းထောင့်တွင် မီးလောင်မှုဖြစ်ပွားခဲ့ခြင်းဖြစ်ပြီး အဆိုပါ မီး လောင်မှုကို ဒဂုံမြို့သစ်(တောင်ပိုင်း)မြိုနယ်မီးသတ်စခန်းမှ မီးသတ်ယာဉ်(၃)စီး၊ ဒဂုံဆိပ်ကမ်းမြို့နယ်မီးသတ်စခန်းမှ မီးသတ်ယာဉ်(၁)စီး၊ (၇၀)နယ်မြေမီးသတ်စခန်းမှ မီးသတ်ယာဉ်(၁)စီးတို့ ထွက်ခွာငြိမ်းသတ်ခဲ့ရတာပါ။

"မနက်ကလောင်တဲ့မီးကသိပ်မများပါဘူး။ တစ်အိမ်ထဲလောင်သွားတာပါ။ ထိခိုက်ဒဏ်ရာရမှုလည်း မရှိခဲ့ဘူးလို့ သိရပါတယ်။ပြောရရင် မီးကို အချိန်မီငြှိမ်းနိုင်ခဲ့တယ်လို့ဘဲ ပြောရပါမယ်။" လို့ တောင်ဒဂုံမြို့နယ်မှာ နေထိုင်သူတစ်ဦးကပြောပြခဲ့ပါတယ်။

အဆိုပါ မီးလောင်မှုကို နံနက် ၂ နာရီ ၃ မိနစ် အချိန်မှာ ငြှိမ်းသတ်နိုင်ခဲ့တယ်လို့လည်း မီးသတ်တပ်ဖွဲ့က ထုတ်ပြန်ထားပါတယ်။

အလားတူ ဒီက နေ့ နံနက် ၄ နာရီ ၅၉ မိနစ် အချိန်ခန့်က ရန်ကုန်တိုင်းဒေသကြီး၊ အလုံမြို့နယ်၊ ဆင်မင်းရပ်ကွက်၊ ကွင်းကျောင်းလမ်းတွင် မီးလောင်မှုတစ်ခုဖြစ်ပွားခဲ့ပြီး level -1 ယာဉ်အုပ်စုတွေထွက်ခွာငြိမ်းသတ်ခဲ့ရပါတယ်။

အဆိုပါ မီးလောင်မှုကိုလည်း နံနက် ၅ နာရီ ၇ မိနစ် အချိန်မှာ ငြှိမ်းသတ်နိုင်ခဲ့တယ်လို့ မီးသတ်တပ်ဖွဲ့က ထုတ်ပြန်ခဲ့ပါတယ်။

"မနက်အ စောကြီးက ပေါက်ကွဲသံ ၂ ချက်ကြားရပြီးမီးခိုးနံ့တွေနဲ့ အိမ် ပေါ်က နေ ကြောက်စရာမြင်နေရတာအဲ့ဒါဖြစ်ပြီး မီးလောင်တော့တာပါဘဲ။ မီးသတ်ကားတွေလည်း တဝီဝီနဲ့သွားနေကြတယ်။ ပေါက်ကွဲပြီး မီးလောင်မှုဖြစ်တဲ့ နေရာက Mytel ရုံးလို့လည်း ပြောနေကြပါတယ်။"လို့ အလုံမြို့နယ်တွင် နေထိုင်သူတစ်ဦးက ပြောပြခဲ့ပါတယ်။

အဆိုပါ မီးလောင်မှုဖြစ်စဉ်များနဲ့ ပတ်သက်ပြီး အုပ်ချုပ် ရေးဆိုင်ရာအဖွဲ့အစည်းများနှင့် မီးသတ်တပ်ဖွဲ့က စုံစမ်းစစ်ဆေးမှုတွေကို ဆက်လက် ပြုလုပ်လျက်ရှိတယ်လို့လည်း သိရပါတယ်။

ဒါ့အပြင် ယမန်နေ့( ဖေ ဖော်ဝါရီ ၁)ရက် နေ့ နံနက်ပိုင်းမှာလည်း ရန်ကုန်မြို့ ရှိ ကမာရွတ်မြို့နယ်၊ ကျွန်းတောလမ်းနှင့် အလုံမြို့နယ်၊ ထော်လီကွေ့အနီးရှိ မိုးကောင်းလျှပ်စစ်ဝန်းအတွင်းမှာ မီးလောင်မှု တွေ ဖြစ်ပွားခဲ့ပါသေးတယ်။

Photo - MFSD

ymg/kg
#Yangon_Media_Group

#LocalHealth
Published - 2 Feb 2022

ရန်ကုန်တိုင်းဒေသကြီး မင်္ဂလာဒုံမြို့နယ်က စက်ရုံတစ်ခုမှာ ကိုဗစ် -၁၉ ရောဂါ လူဦးရေ ၇၀၀ ကျော် တစ်နေရာတည်းမှာ ရောဂါကူးစက်ခံရပြီး အစုလိုက်ရောဂါဖြစ်ပွားခဲ့တယ်လို့ ကျန်းမာရေးဝန်ကြီးဌာနက သိရပါတယ်။

မင်္ဂလာဒုံမြို့နယ် စက်ရုံတစ်ခုမှာ ဓာတ်ခွဲ နမူနာ ၂,၂၃၃ ခုကို စစ်ဆေးခဲ့ရာ ၇၁၈ ဦးမှာ ကိုဗစ် ရောဂါတွေ့ရှိခဲ့တာဖြစ်ပါတယ်။

ရောဂါပိုးတွေ့ရှိသူ ၇၁၈ ဦးထဲက ရောဂါလက္ခဏာရှိသူ ၈ ဦးကို သတ်မှတ်ဆေးရုံမှာလည်းကောင်း၊ ကျန်လူနာ ၇၁၀ ဦးကိုလည်း သီးခြားထားကာ ကုသမှုဆောင်ရွက်ပေးနေတယ်လို့ သိရပါတယ်။

လက်ရှိ ဖေဖော်ဝါရီလ ၁ ရက်နေ့မှာ တစ်နိုင်ငံလုံးအတိုင်းအတာအရ ၈၆၁ ဦးမှာ ကိုဗစ်ရောဂါပိုးသစ်တွေ့ရှိခဲ့ပြီး ရန်ကုန်တိုင်းဒေသကြီးမှာ ၁၈၈ ဦးနဲ့ အများဆုံးတွေ့ရှိခဲ့တာပါ။

ရောဂါပိုးတွေ့ရှိမှုရာခိုင်နှုန်းအနေနဲ့ ၂ ဒသမ ၁၅ ရာခိုင်နှုန်းရှိလာပြီး ရောဂါပိုးတွေ့ရှိမှုရာခိုင်နှုန်းမှာ အနည်းငယ်မြင့်တက်လာတာကို တွေ့ရှိရပါတယ်။

မြန်မာနိုင်ငံမှာ ကိုဗစ် -၁၉ ဓာတ်ခွဲအတည်ပြုလူနာ စုစုပေါင်း ၅၃၆,၃၉၃ ဦးရှိနေပြီး သေဆုံးသူ့မှာ ဇန်နဝါရီ ၂၃ ရက်အထိ ၁၉,၃၁၀ ဦးရှိနေရာ နောက်ပိုင်း ဖေဖော်ဝါရီ ၁ ရက်နေ့အထိ ၉ ရက်ဆက်တိုက် သေဆုံးသူမရှိတာကို တွေ့ရပါတယ်။

ymg/ ei
#Yangon_Media_Group

#WorldPolitics
Published - 2 February 2022
အမေရိကန်တို့က စစ်ပွဲဖြစ်လာစေရန် ရည်ရွယ်ချက်ရှိရှိ ဖန်တီးလုပ်ကြံနေပြီး ယူကရိန်းအရေးနဲ့ပတ်သက်၍လည်း ရုရှားရဲ့လုံခြုံရေးကိစ္စရပ်များကို လျစ်လျူရှုထားကြောင်း ရုရှားသမ္မတ'ဗလက်ဒီမီယာပူတင်'က အနောက်နိုင်ငံကို အင်္ဂါနေ့က စွပ်စွဲပြောကြားလိုက်ပါတယ်။

၆ ပတ်နီးပါးကြာမြင့်နေပြီဖြစ်တဲ့ ယူကရိန်းအရေးကိစ္စတွင် ပူတင်က ပထမဆုံးလူသိရှင်ကြားကြေညာချက်ကို တိုက်ရိုက်ပြောဆိုခဲ့ရာမှာ သူတောင်းဆိုထားတဲ့ လုံခြုံရေးကိစ္စရပ်တွေကို အလျှော့ပေးမယ့်ပုံမရှိကြောင်း ထင်သာနေပါတယ်။

ရုရှားတို့တောင်းဆိုထားတဲ့ ကိစ္စရပ်တွေဟာ သင့်လျော်ခြင်းမရှိဘဲ ကျူးကျော်မှုပြုလုပ်ဖို့ အကြောင်းပြချက်သက်သက်သာဖြစ်ကြောင်း အမေရိကန်တို့က သတ်မှတ်ခဲ့ပါတယ်။

ရုရှား-အမေရိကန်ပြဿနာ ကြီးထွားလာနေတာကြောင့် ကြားဝင်ဖြေရှင်းဖို့ကြိုးပမ်းနေတဲ့ နေတိုး(NATO)တပ်ဖွဲ့ခေါင်းဆောင်တစ်ဦးဖြစ်တဲ့ ဟန်ဂေရီဝန်ကြီးချုပ်ဆီ အလည်အပတ်သွားရင်း မီဒီယာရှင်းလင်းပွဲတစ်ခုမှာ ပူတင်ပြောကြားခဲ့ရာမှာ "ရုရှားဘက်က တောင်းဆိုတဲ့ လုံခြုံရေးကိစ္စရပ်တွေက လုံးဝလျစ်လျူရှုခြင်းခံထားရတယ်ဆိုတာ ရှင်းနေပါပြီ" လို့ ဆိုခဲ့ပါတယ်။

ယူကရိန်းက နေတိုးအဖွဲ့ဝင်ဖြစ်လာမယ်ဆိုရင် ၂၀၁၄ ခုနှစ်က ရုရှားတို့ သိမ်းပိုက်ခဲ့တဲ့ ခရီမီယာကျွန်းဆွယ်ကို ယူကရိန်းတို့ပြန်လည်သိမ်းပိုက်ဖို့ ကြိုးပမ်းလာနိုင်ကြောင်း ပူတင်က ခန့်မှန်းပုံဖော်လိုက်ပါတယ်။

"ယူကရိန်းက နေတိုးအဖွဲ့ဝင်ဖြစ်လာပြီး စစ်ဆင်ရေးတွေ စတင်ပြုလုပ်လာပြီဆိုပါစို။ အဲဒီအခါကျရင် ကျုပ်တို့က နေတိုးအဖွဲ့ အစည်းကြီးနဲ့ စစ်ဖြစ်ရတော့မှာလား။ အဲဒီလိုတွေးမိတဲ့သူရှိလား" လို့ ပူတင်ကပြောကြားလိုက်ပါတယ်။
ယူကရိန်းနယ်စပ်မှာ ရုရှားစစ်အင်အား ၁ သိန်းကျော် နေရာချထားခြင်းကြောင့် ပူတင်အနေနဲ့ ကျူးကျော်မှုပြုလုပ်လာမှာကို အနောက်နိုင်ငံတွေက စိုးရိမ်နေကြပါတယ်။

ရုရှားဘက်ကတော့ ကျူးကျော်မယ့်အစီအစဉ်မရှိဘူးလို့ ငြင်းဆိုထားပေမယ့် လုံခြုံရေးတောင်းဆိုချက်တွေကို မလိုက်လျောဘူးဆိုရင်တော့ စစ်ရေးဆောင်ရွက်မှုတွေ ပြုလုပ်ရလိမ့်မယ်လို့ သတိပေးလိုက်ပါတယ်။
ရုရှားအနေနဲ့ မည်သည့်ကျူးကျော်မှုပြုလုပ်သည်ဖြစ်စေ ဒဏ်ခတ်ပိတ်ဆိုမှုတွေနဲ့ ရင်ဆိုင်ရမှာဖြစ်ကြောင်း အနောက်နိုင်ငံတွေက သတိပေးထားပါတယ်။

အခုပြဿနာအကျပ်အတည်းရဲ့ အရင်းအမြစ်က ၁၉၉၉ သဘောတူညီချက်အရ အခြားနိုင်ငံတွေအပေါ် အသုံးချပြီး ကိုယ်ပိုင်လုံခြုံရေးတောင့်တင်းအောင် ဆောင်ရွက်ခြင်းမပြုဖို့ ကို ရုရှားတို့ က အလိုရှိနေတာဖြစ်ကြောင်း နိုင်ငံခြားရေးဝန်ကြီး 'ဆာဂျီလက်ဗ်ရော့ဗ်'က ပြောကြားလိုက်ပါတယ်။

"သမ္မတပူတင်သာ စစ်ပွဲမဖြစ်ချင်ဘူးဆိုရင် စစ်တပ်တွေနဲ့ လက်နက်ကြီးတွေနေရာချထားတာကို တပ်ဆုတ်ပြီး အသေအချာဆွေးနွေးတိုင်ပင်ဖို အချိန်ကျပါပြီ" လို့ နိုင်ငံခြားရေးဌာနမှ အကြီးတန်းအရာရှိတစ်ဦးက သတင်းထောက်တွေကို ပြောကြားလိုက်ပါတယ်။

ရုရှားအခြေစိုက်စခန်းအချို့ရှိ ဒုံးကျည်လက်နက်အချက်အလက်တွေကို ရုရှားတို့မျှဝေထုတ်ဖော်ပေးပါက ရိုမေးနီးယားနဲ့ပိုလန်တို့ ရှိ နေတိုးအခြေစိုက်စခန်းတွေမှာ တော်မာဟော့ခ်ပဲ့ထိန်းဒုံးကျည်များ မထားရှိကြောင်း စစ်ဆေးနိုင်ဖို့ အမေရိကန်တို့ ဘက်က ဆွေးနွေးပေးသွားမှာဖြစ်ပါတယ်။

အိမ်ဖြူတော်နဲ့ နိုင်ငံခြားရေးဌာနတို့က မှတ်ချက်ပြုဖြေကြားပေးဖို့ကို ချက်ချင်းအကြောင်းမပြန်သေးပေမယ့် စစ်လက်နက်ထိန်းချုပ်ကန့်သတ်ရေးနဲ့ ရုရှားတို့ရဲ့ စိုးရိမ်မှုတွေအကြောင်းကိုသာ အမေရိကန်တို့ က ဆွေးနွေးဖို့ ကမ်းလှမ်းခဲ့ကြောင်း ခိုင်မာတဲ့သတင်းအရင်းအမြစ်က ဖော်ပြထားပါတယ်။
Source: Reuters

  #Yangon_Media_Group 

#WorldHealth
Published - 02 February 2022
ကိုရိုနာဗိုင်းရပ်စ်ရဲ့ ဒယ်လ်တာမျိုးဗီဇကွဲဟာ ဟမ်းစတားကြွက်တွေကနေ တဆင့် ဟောင်ကောင်ကို ပြန်လည်ရောက်ရှိလာပြီဖြစ်ပါတယ်။တိရိစ္ဆာန်တွေကနေ လူတွေဆီ ကို‌ဗစ်ရောဂါကူးစက်စေနိုင်တဲ့အထဲမှာ မြွေပါကတိုးတွေအပြင် အခုအခါ ဟမ်းစတားကြွက်တွေပါ ပါဝင်လာပြီဖြစ်ပါတယ်။

လေ့လာတွေ့ရှိချက်အသစ်အရ ကိုဗစ်ရောဂါဖြစ်ပွားစေတဲ့ ကိုရိုနာဗိုင်းရပ်စ်ဒယ်လ်တာမျိုးဗီဇကွဲဟာ လူသားတွေဆီကနေ ဟမ်းစတားကြွက်တွေထံသို့ ကူးစက်စေနိုင်ပြီး အဲဒီနောက် လူသားတွေထံသို့ ပြန်လည်ကူးစက်စေနိုင်ပါတယ်။

ကိုရိုနာဗိုင်းရပ်စ်ကပ်ရောဂါဟာ ၂၀၁၉ နှောင်းပိုင်းမှာ တရုတ်နိုင်ငံ ဝူဟန်မြို့ကနေစတင်ပျံ့ပွားလာခဲ့ပြီး ကမ္ဘာတဝန်းလုံးကူးစက်စေခဲ့ကာ ဗိုင်းရပ်စ်ကြောင့် လူသန်းပေါင်းများစွာ အသက်သေဆုံးခဲ့ပါတယ်။

ကိုရိုနာဗိုင်းရပ်စ်အစပြုရာနဲ့ ပတ်သက်ပြီး အငြင်းပွားစရာတွေ ရှိနေသေးပေမယ့် တိရိစ္ဆာန်တွေ အထူးသဖြင့် လင်းနို့တွေကနေ အစပြုတယ်လို့ အများအပြားယူဆထားကြပါတယ်။
The Lancet ဂျာနယ်မှာဖော်ပြထားတဲ့ လေ့လာချက်အရ ဟမ်းစတားကြွက်တွေဟာလည်း လူသားတွေထံ ကိုရိုနာဗိုင်းရပ်စ်ကူးစက်စေတဲ့ တိရိစ္ဆာန်တစ်မျိုးဖြစ်ကြောင်း ဖော်ပြထားပါတယ်။

ဟမ်းစတားကြွက်တွေ ကိုရိုနာဗိုင်းရပ်စ်ကူးစက်နိုင်တယ်ဆိုတဲ့အချက်က အထူးအဆန်းတော့မဟုတ်ပါဘူး။လူသားတွေဆီကနေ ကိုရိုနာ‌ဗိုင်းရပ်စ်ကူးစက်ခံရတဲ့ အခြားတိရိစ္ဆာန်တွေလည်း ရှိနေပြီး ကြောင်၊ ခွေး၊ မြွေပါကတိုး၊ ကြွက်၊ သမင်၊ မျောက်ဝံ၊ ဝက်၊ ဖျံ တို့ပါဝင်ပါတယ်။

ဒါပေမဲ့ သတ္တဝါတစ်မျိုးနဲ့တစ်မျိုး ကိုရိုနာဗိုင်းရပ်စ်ကို တုန့်ပြန်ပုံချင်း မတူကြပါဘူး။
ဥပမာအားဖြင့် ကြောင်တွေဆိုရင် ကူးစက်ခံရမှုမှ အလျင်အမြန်သက်သာလာတတ်ပါတယ်။
သမင်တွေဆိုရင် ရောဂါလက္ခဏာမပြပေမယ့် တစ်ကောင်ကနေ တစ်ကောင်ကူးစက်တတ်ပါတယ်။

ဝက်တွေဆိုရင် ရောဂါလက္ခဏာလုံးဝမပြတဲ့အပြင် နောက်ထပ်ကူးစက်မှုလည်း မဖြစ်စေတတ်ပါဘူး။ဒီလေ့လာချက်ရဲ့ ထူးခြားချက်က ဟမ်းစတားကြွက်တွေကနေ လူတွေဆီ ပြန်လည်ကူးစက်စေနိုင်တာပဲ ဖြစ်ပါတယ်။

လူတွေထံသို့ ကိုရိုနာဗိုင်းရပ်စ်ပြန်လည်ကူးစက်စေတဲ့ နောက်ထပ်သတ္တဝါကတော့ မြွေပါကတိုးတွေဖြစ်ပြီး ဒိန်းမတ်ရှိ မွေးမြူရေးခြံတွေမှာ ကူးစက်မှုတွေဖြစ်ခဲ့ပါတယ်။
ဟောင်ကောင်မှ လူနှစ်ယောက်ဟာ ဟမ်းစတားကြွက်တွေဆီကနေ ကိုရိုနာကူးစက်ထားပြီး အဲဒီကနေတဆင့် လူလူချင်းကူးစက်သူ တစ်ယောက်ကိုလည်းတွေ့ရှိထားကြောင်း အတည်ပြုထားပါတယ်။

Source: The Jerusalem Post