Published 15 June 2024

ရန်ကုန်မြို့​ ဒဂုံမြို့နယ်ပြည်လမ်းမပေါ် ပြည်သူ့ရင်ပြင်အရှေ့ တွင် YBS၊TAXIနှင့် အိမ်စီးကားတစ်စီးစုစုပေါင်းယာဉ်(၃)စီးဆင့်တိုက်မှုဖြစ်ပွားခဲ့ကြောင်း သိရသည်။

ဇွန်လ ၁၄ရက် ည ၈နာရီ ခွဲ ခန့် က ဖြစ်ပွားခဲ့ ခြင်း ဖြစ်ကာခရီးသည်များ၊ယာဉ်မောင်းများလူထိခိုက်မှုမရှိခဲ့ဘဲ ကားလမ်းပိတ်ဆို့မူအနည်းငယ်သာဖြစ်ပွားခဲ့ကြောင်း သိရသည်။

အဆိုပါ ယာဉ်တိုက်မှုနေရာသို့ အနာဂတ်အလင်းတန်းပရဟိတအသင်းမှအရေးပေါ်လူနာတင်ယာဉ်(04)တစ်စီးထွက်ခွါ၍ကူညီခဲ့ကာ ယာဉ်တိုက်မှုဖြစ်စဉ်နေရာတွင်ခရီးသည်များ၊ယာဉ်မောင်းများနှင့်လူများထိခိုက်မှုမရှိသဖြင့် ကားလမ်းရှင်းပေးခြင်းနှင့်လိုအပ်သည်များအားကူညီဆောင်ရွက်ပေးခဲ့ကြောင်း သိရသည်။
Yangon_Times/LW
#Local_News
#Published_ 15 June 2024
#YMG #Yangon_Times #Yangon_Media_Group

Published_ 15 June 2024

ကျောင်းသုံးပစ္စည်းလိုအပ်ချက်များကို တင်ပြဖြည့်ဆည်းရန်နှင့်နေရပ်စွန့်ခွာဒေသမှ ကလေးများကျောင်းအပ်ရာ၌အဆင်ပြေအောင်ဆောင်ရွက်ပေးရန် ပညာရေးဝန်ကြီးဌာနမှ လမ်းညွှန်ထားကြောင်း သိရသည်။

ယင်းလိုအပ်ချက်များဖြည့်ဆည်းပေးရန် ညွှန်ကြား ချက်ကို ပညာရေးဝန်ကြီးဌာန ပြည်ထောင်စုဝန်ကြီး ဒေါက်တာညွန့်ဖေ၊ဒုတိယဝန်ကြီးနှင့်  တက္ကသိုလ်ပါမောက္ခချုပ်များ၊ ပညာရေးဒီဂရီကောလိပ် ကျောင်းအုပ်ကြီးများ၊ တိုင်းဒေသကြီး/ ပြည်နယ် ပညာရေးမှူးများနှင့် အွန်လိုင်းမှတွေ့ဆုံစဉ်  ထည့်သွင်းဆွေးနွေးခဲ့ခြင်းဖြစ်သည်။

ပြည်ထောင်စုဝန်ကြီးက ကျောင်းများအားလုံးဖွင့်လှစ်ခဲ့သည်မှာ ရက်သတ္တနှစ်ပတ်ရှိခဲ့ပြီ ဖြစ်ပါကြောင်း၊ သက်ဆိုင်ရာကျောင်းများ၊ ဌာနများအလိုက် ဆရာ ဆရာမ၊ ကျောင်းသားဦးရေစာရင်း များမှအစ ရုံးလုပ်ငန်းဆိုင်ရာ စာရင်းဇယားများ ဆောင်ရွက်ရာတွင် အချက်အလက်များကို တိကျမှန်ကန်မြန်ဆန်ရေးအတွက် စနစ်တကျအလေးထား ဆောင်ရွက်ကြရမည်ဖြစ်ပါကြောင်း၊ ကျောင်းများတွင်ရှိသည့် သုတေသနစက်ပစ္စည်းများ၊ သင်ထောက်ကူပစ္စည်းများစာရင်းနှင့် ထပ်မံလိုအပ်သည့်ပစ္စည်းစာရင်းများ စနစ်တကျတင်ပြရန်လိုကြောင်း၊ သုတေသနပစ္စည်းများကို အကျိုးရှိထိရောက်အောင် စနစ်တကျသုံးစွဲဆောင်ရွက်ကြစေလိုပါကြောင်း ပြောကြားခဲ့သည်။

ယင်းအပြင် ဒုတိယဝန်ကြီး ဒေါက်တာမိုးဇော်ထွန်းက အခြေခံပညာကျောင်းများတွင် ကျောင်းအပ်လက်ခံဆောင်ရွက်မှုများ ဆက်လက်ဆောင်ရွက်ပေးလျက်ရှိပါကြောင်း၊ ယာယီနေရပ်စွန့်ခွာဒေသမှ ကလေးများ ကျောင်းလာအပ်ပါက အဆင်ပြေချောမွေ့စေရေး ဝိုင်းဝန်းဆောင်ရွက်ပေးကြရန်နှင့် ကျောင်းသား ကျောင်းသူများ ပညာသင်ယူမှုအခွင့်အလမ်း အပြည့်အဝရရှိစေရေး အားလုံးလက်တွဲဆောင်ရွက်ပေးကြရန်တို့ကို မှာကြားခဲ့သည်။

ဒုတိယဝန်ကြီး ဒေါက်တာဇော်မြင့်ကလည်း e-government အောင်မြင်စွာအကောင်အထည် ဖော် တည်ဆောက်နိုင်ရေးအတွက် အားလုံးပါဝင်ဆောင်ရွက်ကြရန်၊ Project Based Learning အောင်မြင်အောင် ဆောင်ရွက်ရန်နှင့် သင်ကြားရေး၊ စီမံခန့်ခွဲရေးဆိုင်ရာ အရည်အသွေးများ ပိုမိုဖွံ့ဖြိုးတိုးတက်စေရေးအတွက် ဝိုင်းဝန်းကြိုးစား ဆောင်ရွက်ရန်တို့ကို ပြောကြားခဲ့‌ ကြောင်း သိရသည်။
Yangon_Times/tthl
#Local_News
#Published_ 15 June 2024
#YMG #Yangon_Times #Yangon_Media_Group

Published 15 June 2024

ယူကရိန်းအနေနဲ့ ငြိမ်းချမ်းရေး ဆွေးနွေးချင်တယ်ဆိုရင် ရုရှားဆီမှာ အညံ့ခံရမယ်လို့ သမ္မတ ဗလာဒီမာပူတင်က ဇွန်လ ၁၄ ရက်နေ့မှာ ပြောကြားလိုက်သဖြင့် ယူကရိန်းနဲ့ အနောက်တိုင်းတို့ အမျက်ဒေါသထွက်စရာ ဖြစ်ခဲ့ကာ ပြင်းပြင်းထန်ထန် အပြစ်တင်လိုက်ပါတယ်။

ဆွစ်ဇာလန်မှာ ပြုလုပ်မယ့် ယူကရိန်း ငြိမ်းချမ်းရေး ထိပ်သီးအစည်းအဝေးကြီး မတိုင်ခင်နေ့မှာ ပူတင်က မိန့်ခွန်းပြောကြားခဲ့တာ ဖြစ်ပြီး ယူကရိန်းအနေနဲ့ အရှေ့ပိုင်းနဲ့ တောင်ပိုင်းတို့ကနေ လုံးဝတပ်ဆုတ်ခွာပြီး နေတိုး(NATO)အဖွဲ့ဝင်အဖြစ် လျှောက်ထားခြင်းမှ ပြန်ရုပ်သိမ်းမှသာ ရုရှားဘက်က စစ်ဆင်ရေး ရပ်တန့်မှာဖြစ်တယ်လို့ ပြောကြားသွားပါတယ်။

နှစ်နိုင်ငံဟာ စစ်ပွဲပဋိပက္ခဖြစ်နေတာ ၂ နှစ်ကျော် ကြာနေပြီဖြစ်ပြီး တိုက်ရိုက်ညှိနှိုင်းဆွေးနွေးမှု မလုပ်ဖူးသေးပါဘူး။
ခရိုင်းမီးယားကျွန်းဆွယ် အပါအဝင် ယူကရိန်းပိုင် နယ်မြေအဖြစ် နိုင်ငံတကာမှာပါ အသိအမှတ်ပြုထားတဲ့ နေရာတွေကနေ ရုရှားလုံးဝ ဆုတ်ခွာဖို့ကို ယူကရိန်းက တောင်းဆိုထားပါတယ်။

ပူတင်ရဲ့ ရာဇသံက အဒေါ့ဖ်ဟစ်တလာကိုတောင် ပြန်လည် အမှတ်ရစေတယ်လို့ ယူကရိန်းသမ္မတ ဗိုလိုဒီမီယာဇယ်လန်စကီက ပြောပါတယ်။

ရုရှားဟာ ယူကရိန်းရဲ့ နယ်မြေ ၄ ခုကို သိမ်းပိုက်ခဲ့ပြီလို့ ၂၀၂၂ တုန်းက ကြေညာခဲ့ပေမယ့် တစ်ခုမှ အပြည့်အဝ ထိန်းချုပ်နိုင်ခြင်း မရှိပါဘူး။

ယူကရိန်းအနေနဲ့ တပ်ဆုတ်ပြီး နေတိုးထဲဝင်မယ့် အစီအစဥ်ကို ပြောင်းလဲဖို့ အသင့်ဖြစ်ပြီဆိုပါက ချက်ချင်းအပစ်အခတ် ရပ်စဲပြီး စတင်ဆွေးနွေးသွားမယ်လို့ ပူတင်က ဆိုပါတယ်။

ရုရှားဟာ ယူကရိန်း ကြားနေရေး၊ ဘက်လိုက်မတည်ရှိရေး၊ နျူကလီးယား မတည်ရှိရေး၊ စစ်တပ် မတည်ရှိရေးနဲ့ နာဇီဝါဒ မရှိရေးတို့ကို အလိုရှိတယ်လို့ ပြောပြသွားပါတယ်။
Source: CNA
#World_News
#Published_ 15 June 2024
#YMG #Yangon_Times #Yangon_Media_Group

Published 15 June 2024

ဖလော်ရီဒါမှ အမျိုးသားတစ်ဦး ခပ်ပြင်းပြင်းနှာချေလိုက်ရာ အူများထွက်လာတာကို ခွဲစိတ်ဆရာဝန်တွေက အောင်မြင်စွာ ပြန်ထည့်ပေးနိုင်ခဲ့ပါတယ်။

အသက် ၆၃ နှစ်ရှိ ထိုလူဟာ ဒီမတိုင်ခင်က ဆီးကျိတ်ကင်ဆာ ဖြစ်ပွားခဲ့ပြီး ဝမ်းဗိုက်ခွဲစိတ်မှု ခံယူခဲ့ရပါတယ်။

ထိုမနက်မှာ ယင်းတို့ဇနီးမောင်နှံက နံနက်စာစားနေရင်း အမျိုးသားက ချောင်းတွေဆိုးပြီးနောက် အားပြင်းပြင်း နှာချေလိုက်ရာ ခွဲစိတ်ထားတဲ့နေရာမှ အူများအခွေလိုက် ထွက်လာခဲ့ပါတယ်။

ဇနီးက လူနာတင်ကားခေါ်လိုက်ပြီး အမျိုးသားက သူ့ရဲ့အူတွေကို အင်္ကျီဖြင့် ဖုံးအုပ်ထားခဲ့ပါတယ်။

ထိုနေရာသို့ ဆေးပညာရှင်များ ရောက်ရှိလာချိန်မှာ ထောင်လိုက် ၃ လက်မရှိတဲ့ ခွဲစိတ်ကြောင်းကနေ အူတွေထွက်နေပါတယ်။

အနည်းငယ် သွေးထွက်နေခဲ့ကာ အနီးနားရှိ ဆေးခန်းသို့ အလျင်အမြန် သွားရောက်ခဲ့ပါတယ်။

ဆီးနှင့်ကျောက်ကပ် ခွဲစိတ်ဆရာဝန်တွေက ထွက်နေတဲ့ အူတွေကို ဝမ်းဗိုက်ထဲသို့ အောင်မြင်စွာ ပြန်ထည့်နိုင်ခဲ့ပြီး အူသိမ်တစ်ခုလုံးကို ကြည့်ရှုစစ်ဆေးရာ ဒဏ်ရာဒဏ်ချက် မရှိခဲ့ပါဘူး။

နောက်တစ်ကြိမ် ပွင့်ထွက်လာတာမျိုး မဖြစ်စေရန် ၈ ချက်ချုပ်ခဲ့ကြပါတယ်။

အကိုက်အခဲပျောက်ဆေးများဖြင့် တဖြည်းဖြည်းနဲ့ သက်သာလာခဲ့ပြီး ဆေးရုံမှာ ၆ ရက်နေပြီးနောက် ပုံမှန်အတိုင်း ပြန်စားသောက်နေပါပြီ။
Source: New York Post.
#World_Health
#Published_ 15 June 2024
#YMG #Yangon_Times #Yangon_Media_Group

Published_ 15 June 2024

ရွှေဆိုင်များဖြစ်ကြသော ရွှေစင်အကယ်ဒမီရွှေဆိုင်၊ အကယ်ဒမီရွှေဆိုင်နှင့်အောင်သမာဓိရွှေဆိုင်များမှ YGEA စျေးနှုန်းဖြင့် ရောင်းချပေးနေကြောင်း ရန်ကုန်တိုင်းရွှေလုပ်ငန်းရှင်များအသင်း (YGEA)၏ထုတ်ပြန်ချက်အရသိရသည်။

၂၀၂၄ ခုနှစ်၊ ဇွန်လ (၁၄) ရက်၊ နေ့လယ်ပိုင်း (12:00)pm၊အကယ်ဒမီ မီးလင်းရွှေစျေးကွက် ဈေးနှုန်းကို4,629,551/-(ကျပ် လေးဆယ့် ခြောက်သိန်း နှစ်သောင်း ကိုးထောင့် ငါးရာ ငါးဆယ့် တစ်ကျပ်) သတ်မှတ်ထားပြီးရွှေဆိုင်များ ရွှေလုပ်ငန်းရှင်များအားလုံး YGEA သတ်မှတ်စျေးဖြင့်သာ အရောင်းအဝယ်ပြုလုပ်ကြရန် အသိပေး ထုတ်ပြန်ထားသည်။

 ယနေ့ ဇွန်လ(၁၄)ရက်တွင် ကမ္ဘာ့ရွှေဈေး (World Gold Price)1 Ounce = 2317 USD$ပေါက်ဈေး ရှိကြောင်း YGEAမှ သိရသည်။
Yangon_Times/tthl
#Local_News
#Published_ 15 June 2024
#YMG #Yangon_Times #Yangon_Media_Group

Published 15 June 2024

ပုရွက်ဆိတ်တွေက အရွယ်အစား အလွန်သေးငယ်ပေမယ့် သူတို့ရဲ့ အနံ့ခံအာရုံစနစ်မှာ အနံ့လက်ခံဆဲလ် ၄၀၀ လောက်ရှိပါတယ်။

အဆိုပါ လက်ခံဆဲလ်တွေက ပုရွက်ဆိတ်မျိုးတူချင်း ဆက်သွယ်တဲ့ ဓာတုပစ္စည်း ဖီရိုမုန်းတွေကတဆင့် ချိတ်ဆက်နိုင်တာ ဖြစ်ပါတယ်။

ပုရွက်ဆိတ်များရှိ အနံ့အာရုံနျူရွန်တွေရဲ့ လုပ်ဆောင်ချက်နဲ့ အသက်ရှင်သန်မှုပိုင်းမှာ အော်ကိုလို့ခေါ်တဲ့ ပရိုတိန်းရဲ့ အရေးပါပုံကို နယူးယော့ခ်တက္ကသိုလ်နဲ့ ဖလော်ရီဒါတက္ကသိုလ်မှ သုတေသီများက လေ့လာဖော်ပြခဲ့ပါတယ်။

အော်ကိုက လက်ခံဆဲလ်များ ကြီးထွားမှုနဲ့ ထိန်းသိမ်းရေးတို့မှာ မရှိမဖြစ် အရေးပါတယ်လို့ တွေ့ရှိလာပါတယ်။

ပုရွက်ဆိတ်တွေဟာ လူသားတွေလိုပဲ ပေါင်းသင်းဆက်ဆံရေး မြင့်မားပြီး ပူးပေါင်းဆောင်ရွက်တတ်ကြတယ်လို့ သုတေသန ပြုစုသူ ဟွာယန်းက ပြောပြပါတယ်။

အဆိုပါ လက်ခံဆဲလ်နျူရွန်များ လုပ်ဆောင်ချက် ပျက်စီးပါက အနံ့ခံအာရုံ ချို့ယွင်းသွားပြီး ပေါင်းသင်းဆက်ဆံရေးပိုင်းမှာ ထိခိုက်လာပါတယ်။

သုတေသီတွေက CRISPR နည်းပညာဖြင့် အော်ကိုမျိုးဗီဇတွေကို ဆင့်ကဲပြောင်းလဲစေပါတယ်။

ဒီနောက် ထိုပုရွက်ဆိတ်တွေရဲ့ အနံ့ခံအင်္ဂါတွေမှာ ပြောင်းလဲစေတဲ့အခါမှာ မျိုးတူချင်း ဆက်သွယ်ဖို့ အခက်အခဲရှိတာကို မြင်တွေ့ရပါတယ်။

လေ့လာချက်အရ အော်ကိုချို့ယွင်းတဲ့ ပုရွက်ဆိတ်တွေဟာ အနံ့ခံနျူရွန်အများစုပါ ပျောက်ဆုံးနေတာကို တွေ့ရှိရပါတယ်။

အနံ့ခံဆဲလ်တွေက အော်ကိုအဖြစ်သို့ မပြောင်းလဲနိုင်တဲ့အခါ စောစီးစွာ နျူရွန်သေဆုံးခြင်း ဖြစ်ပေါ်လာပါတယ်။
အော်ကိုမရှိတဲ့အခါ အနံ့ခံဆဲလ်တွေက ပြည့်စုံစွာ မဖွံ့ဖြိုးတော့ဘဲ သေဆုံးလာစေပါတယ်။
Source: WION
#World_Science
#Published_ 15 June 2024
#YMG #Yangon_Times #Yangon_Media_Group

မက္ကဆီကိုမှာ ဆယ်စုနှစ်များအတွင်း မိုးခေါင်ရေရှားမှု အဆိုးဆုံးအခြေအနေ ကြုံတွေ့နေရကာ ရေလှောင်ကန်တွေမှာ စံချိန်တင်လောက်အောင် ရေပမာဏနည်းပါးနေသဖြင့် လူဦးရေ ၂၁ သန်းရှိတဲ့ မက္ကဆီကိုစီးတီးမြို့ကြီးမှာ ရေရှားပါးမှုပြဿနာ ဖြစ်နေပါတယ်။
#World_News
#Published_ 14 June 2024
#YMG #Yangon_Times #Yangon_Media_Group

#Daily_News
Published_ 14 June 2024

၁။ ကျိုက်ထီးရိုး တောင်တက်ကားလမ်း မြေပြိုကျသည်ကို ရှင်းလင်းပြီးဖြစ်၍ လမ်းပြန်ပွင့်နေပြီဖြစ်

၂။ ဓာတ်ဆီဈေးအနည်းငယ်နှင့်  ဒီဇယ်ဈေး အတက်ကြမ်း

၃။ ကြက်သွန်နီ ဈေးတည်ငြိမ်သော်လည်း ရန်ကုန်ဈေးကွက်တွင် အရောင်းဝယ်အေးနေ

၄။ အဆိုးရွားဆုံး မိုးခေါင်ရေရှားမှုကြီး ကြုံတွေ့နေရသည့် မက္ကဆီကိုစီးတီး ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Daily_News #Yangon_Times #Yangon_Media_Group #TV Yangon Times

Published 14 June 2024

၂၀၂၄ ခုနှစ်၊ အိုလံပစ်နေ့အထိမ်းအမှတ် ကာယဗလ နှင့် ကာယကြံ့ခိုင်မှုအားကစားပြိုင်ပွဲကို ဇွန် ၂၂ ရက်၊ နံနက် ၁၀ နာရီကစတင်၍ ရန်ကုန်မြို့၊ မရမ်းကုန်းမြို့နယ်၊ မင်းဓမ္မ လမ်းရှိ မြန်မာကွန်ဗင်းရှင်းစင်တာ (MCC) ခန်းမ၌ ကျင်းပမည်ဖြစ်ကြောင်းသိရသည်။

အဆိုပါ အားကစားပြိုင်ပွဲကို အားကစားနှင့်လူငယ်ရေးရာဝန်ကြီး ဌာန အားကစားနှင့် ကာယပညာဦးစီး ဌာနနှင့် မြန်မာနိုင်ငံ ကာယဗလနှင့် ကာယကြံ့ခိုင်မှု အားကစားအဖွဲ့ချုပ်တို့ ကြီးမှူးကျင်းပခြင်းဖြစ်ကြောင်းသိရသည်။

ယခုပြိုင်ပွဲတွင် အမျိုးသား ကာယဗလမောင်ပြိုင်ပွဲ၊ အငယ်တန်း ကာယဗလမောင်ပြိုင်ပွဲ၊ အကြီးတန်း ကာယဗလမောင်ပြိုင်ပွဲ (အသက် ၄၅ နှစ်မှ အသက် ၆၀ နှစ်အထိ)၊ အလွတ် တန်း ကာယဗလမောင်ပြိုင်ပွဲ (ဆုရရှိ ပြီးသူများသာ)၊ အမျိုးသားကာယဗလ ပြိုင်ပွဲ (၇၀ ကီလိုအထိ)၊ အမျိုးသား ကာယဗလပြိုင်ပွဲ (၇၀ ကီလိုအထက်)၊ အမျိုးသားကာယကြံ့ခိုင်မှုပြိုင်ပွဲ (Men's Athletic Physique) အငယ်တန်း ပြိုင်ပွဲ၊ အကြီးတန်းပြိုင်ပွဲ (ဆုရရှိပြီးသူ များသာ)၊ Men's Sport Physique အငယ်တန်းပြိုင်ပွဲ၊ အကြီးတန်းပြိုင်ပွဲ (ဆုရရှိပြီးသူများသာ)၊ Men's Fitness Physique (Open) အမျိုးသမီးကာယ ကြံ့ခိုင်မှုပြိုင်ပွဲတွင် Women's Model Physique အငယ်တန်းပြိုင်ပွဲ၊ အကြီး တန်းပြိုင်ပွဲ (ဆုရရှိပြီးသူများသာ)၊ Women's Athletic Physique အငယ် တန်းပြိုင်ပွဲ၊ အကြီးတန်းပြိုင်ပွဲ (ဆုရရှိ ပြီးသူများသာ)၊ Women's Fitness Physique ပြိုင်ပွဲ (Open) အလွတ်တန်း နှင့်အကြီးတန်းပြိုင်ပွဲများအတွက် ဆုရရှိ ပြီးသူများတွင် ပြည်နယ်နှင့် တိုင်း ဒေသကြီးအဆင့် ပြိုင်ပွဲများတွင် ပထမ ဆုရရှိပြီးသူများနှင့် နိုင်ငံတကာပြိုင်ပွဲ များတွင် ဆုရရှိပြီးသူများအားလုံး ယှဉ်ပြိင်ခွင့်ပြုမည်ဖြစ်ကြောင်းသိရသည်။
Yangon_Times/LW
#Local_News
#Published_ 14 June 2024
#YMG #Yangon_Times #Yangon_Media_Group

တရုတ်မှ ဝယ်လိုအားများနေတဲ့အတွက် မိုးတွင်းကာလမှာတင် ဇီဝဇိုးငှက်သိုက်ဈေးနှုန်းမှာ စံချိန်တင်မြင့်တတ်နေတယ်လို့ ဇီဝဇိုးငှက်သိုက် ရောင်းဝယ်သူတွေထံက သိရပါတယ်။
Yangon_Times/LW
#Local_News
#Published_ 14 June 2024
#YMG #Yangon_Times #Yangon_Media_Group

မုတ်သုံအားကောင်းလို့ ရန်ကုန်၊ ပဲခူး၊ ဧရာဝတီ၊ ကချင်၊ ရခိုင်နှင့် မွန်တို့မှာ နေရာကွက်ပြီးမိုးကြီးပြီး‌ ရေကြီးရေလျှံဖြစ်နိုင်ပါတယ်။
Yangon_Times/tthl
#Local_News
#Published_ 14 June 2024
#YMG #Yangon_Times #Yangon_Media_Group

ပြီးခဲ့တဲ့ လဆန်းပိုင်းက ဆက်တိုက်လိုလိုကျဆင်းခဲ့တဲ့ စက်သုံး‌ဆီဈေးနှုန်းတွေက ဒီကနေ့မှာဓာတ်ဆီ‌‌ ဈေးအနည်းငယ်နဲ့ ဒီဇယ်ဈေးတစ်လီတာကို ကျပ်၃၅၀ကျော်အထိ မြင့်တက်ပြီးအတက်ကြမ်း လာတယ်လို့ စက်သုံးဆီဈေးကွက်ထဲကသိရပါတယ်။
Yangon_Times/NN
#Local_News
#Published_ 14 June 2024
#YMG #Yangon_Times #Yangon_Media_Group