#LocalNews
Published - 6 Feb 2022
ပူတာအို ဒေသရှိ ကျေးရွာအချို့မှ ပြည်သူများနေရပ်စွန့်ခွာ၍ စစ်ဘေးရှောင် နေရတယ်လို့
ပူတာအိုမြို့ ဒေသခံများထံမှ သိရပါတယ်။
ယခုလ ဖေဖော်ဝါရီ(၃)ရက်နေ့က ဆွမ်ပီယာန်ရွာအား လေကြောင်းဖြင့် ဗုံးကြဲတိုက်ခိုက်ခြင်းကြောင့် ရွာသူ ရွာသားများအားလုံး ဘေးလွှတ်ရာတောတွင်းများသို့ ထွက်ပြေးတိမ်း ရှောင်ခဲ့ရတာဖြစ်ပြီး တဆက်တည်းမှာ လုံရှာယာန်ကျေးရွာမှာလည်း ဖေဖဝါရီ ၃ ရက်နှင့် ၄ ရက် နေ့များက လက်နက်ကြီးများနဲ့ တိုက်ခိုက်ခံရတဲ့အတွက် ဒေသခံပြည်သူများစွာ ဘေးလွှတ်ရာ တောတောင်များသို့ ထွက်ပြေးခိုလှုံ နေရတာဖြစ်တယ်လို့ ဒေသခံ တွေက ဆိုပါတယ်။
ပူတာအိုဒေသဟာ လတ်တလောအချိန်မှာ မိုးရွာသွန်းခြင်း၊ ရာသီဥတုအေးခဲခြင်းဖြစ်နေတာ
ဖြစ်ပြီး ဒီလို ရာသီဥတုအချိန်ခါမျိုးမှာ မိမိတို့နေအိမ်များကို စွန့်ခွာပြီး လုံခြုံမှုမရှိတဲ့ တောတောင်တွေမှာ ဒုက္ခပေါင်းများစွာနဲ့ ခိုလှုံ နေရတာဟာ အစစ အရာရာအတွက် အလွန်စိုးရိမ်စရာဖြစ်တယ်လို့လည်း စစ် ဘေးရှောင်အ ရေးကိစ္စရပ်များကို ကူညီ ဆောင်ရွက် ပေး နေ
သည့် ဒေသခံတစ်ဦးက ပြောပြခဲ့ပါတယ်။
ဒါ့အပြင် ပူတာအို ဒေသမှာ တပ်မတော်နဲ့ ဒေသကာကွယ် ရေးလက်နက်ကိုင်အဖွဲ့ တွေနဲ့ ထိ တွေ့တိုက်ပွဲ ဖြစ်ပွားမှု တွေလည်းရှိ နေတာဖြစ်ပြီး အဆိုပါဒေသခံ လက်နက်ကိုင်အဖွဲ့တစ်ဖွဲ့ကလည်း ယမန် နေ့မှာ ပူတာအိုမြို့သို့ ၎င်းတို့အဖွဲ့ ေတွ စစ် ကြောင်းချီလာတဲ့ ဗီဒီယိုဖိုင်များကိုလွှင့်တင်ခဲ့ပြီး ဒေသခံပြည်သူ တွေအ နေနဲ့ စစ် ရေးတင်းမာမှု တွေရှိ နေတဲ့အတွက် ဂရုပြုသွားလာ နေထိုင်ကြဖို့ ကိုလည်း ၎င်းအဖွဲ့က အသိ ပေးထုတ်ပြန်ထားတာပါ။
ပူတာအိုမြို့နယ်အတွင်းရှိ ဆွမ်ပီယာန်နဲ့ လုံရှာယာန်ကျေးရွာများမှ ဒေသခံရွာသူ/ရွာသား၊ သက်ကြီးရွယ်အို၊ ကလေး၊ မိခင်များ ဘေးလွှတ်ရာတောတောင်များတွင် ထွက်ပြေးခိုလှုံ နေကြရတဲ့ မှတ်တမ်းပုံအချို့ သည်လည်း လူမှုကွန်ရက်ပေါ်မှာ ယခုလို ပျံ့နှံ့နေခဲ့တာဖြစ်ပါတယ်။
Photo - CJ
ymg/kg
#Yangon_Media_Group
Published 6 Feb 2022
ဗြိတိန်ရဲ့အဲလစ်ဇဘက်ဘုရင်မကြီးက ချားလ်မင်းသား ဗြိတိန်ဘုရင်ဖြစ်လာတဲ့အခါ မင်းသားချားလ်စ်၏ဇနီးကမ်မီလာကို ကြင်ရာတော် မိဖုရားကြီးဖြစ်စေလိုတယ်လို့ ထုတ်ဖော်ပြောကြားလိုက်ပါတယ်။ အဲဒါကြောင့် တစ်ချိန်က ပြင်ပလူတစ်ဦးလို့သတ်မှတ်ခံထားရတဲ့ကမ်မီလာကို တော်ဝင်မိသားစုရဲ့ ဗဟိုချက်မနေရာမှာ ရှိလာစေဖို့ ခိုင်မာသွားစေပါတယ်။
ယခုအချိန်ဟာ ဗြိတိန်ပြည်သူလူထုက ပြသခဲ့တဲ့ သူမအပေါ်သစ္စာစောင့်သိမှုနှင့် ချစ်မြတ်နိုးမှုတို့ကို ပြန်လည်ဆင်ခြင်မိတဲ့ အခါသမယဖြစ်တယ်လို့ ထီးနန်းသက် (၇၀) ပြည့်နှစ်အထိမ်းအမှတ် ရေးသားတဲ့စာတစ်စောင်မှာ အဲလစ်ဇဘက်ဘုရင်မကြီးက ပြောထားပါတယ်။
ချားလ်စ်နှင့်ကမ်မီလာတို့ကိုလည်း အဲသလိုပဲ ထောက်ခံအားပေးကြလိမ့်မယ်လို့ သူမမျှော်လင့်တယ်လို့ လည်း ဘုရင်မကြီးက ဆိုပါတယ်။
“ အချိန်ရောက်လာရင် ကမ်မီလာဟာ သူမရဲ့ကိုယ်ပိုင်သစ္စာစောင့်သိမှုကို ဆက်လက်ထိန်းသိမ်းထားနေတဲ့အလျောက် ကြင်ရာတော်မိဖုရားကြီးအဖြစ်သိလာကြလိမ့်မယ်” လို့ အဲလစ်ဇဘက်က ပြောပါတယ်။
ချားလ်စ်နှင့်ကမ်မီလာဟာ ကာလရှည်ချစ်သူတွေဖြစ်ခဲ့ကြပြီး ၂၀၀၅ခုနှစ်မှာ ဝင်ဆာမှာ အရပ်ဖက်အခမ်းအနားတစ်ခုနှင့် လက်ထပ်ခဲ့ကြပါတယ်။ဘုရင်မကြီးရဲ့စကားတွေကြောင့် ဝမ်းသာဂုဏ်ယူမဆုံးဖြစ်ရတယ်လို့ သူတို့ရဲ့ “ကလာရင့်စ်ဟောက်စ်” အိမ်တော်ကပြောပါတယ်။
ဘုရင်မကြီးရဲ့ဆောင်ရွက်မှုဟာ ကမ်မီလာကို တော်ဝင်အဖြစ် လူတွေကျယ်ကျယ်ပြန့်ပြန့်လက်ခံလာနေတာကို ထင်ဟပ်နေပါတယ်။ ချားလ်စ်ရဲ့ ပထမဇနီးဒိုင်ယာနာ ၁၉၉၇ခုနှစ်မှာ ကွယ်လွန်ခဲ့ပြီးတဲ့နောက် ဆယ်စုနှစ်ကြာမှာ သူမကို အပျော်ဖတ်သတင်းစာတွေက ပစ်မှတ်မထားခဲ့တာကြာပါပြီ။
လက်ရှိမှာကွန်ဝေါမြို့စားကတော်ဘွဲ့ကိုရထားတဲ့ ကမ်မီလာဟာ ချားလ်နှင့်အတူ တရားဝင်တာဝန်များကို တော်ဝင်မိသားစု ကိုယ်စားပြုပြီး ပုံမှန်ဆောင်ရွက်နေသူဖြစ်ပါတယ်။
ဗြိတိန်သမိုင်းတစ်လျောက်မှာ ဘုရင့်ရဲ့ဇနီးကို ကြင်ရာတော်မိဖုရားကြီးဘွဲ့ဂုဏ်ထူးကို ပေးလေ့ပေးထရှိပြီးဖြစ်ပါတယ်။ သူတို့နှစ်ဦးလက်ထပ်စဉ်က ချားလ်စ်သာ ဘုရင်ဖြစ်လာမယ်ဆိုရင် ကမ်မီလာဟာ ကြင်ရာတော်မင်းသမီးဘွဲ့ဂုဏ်ဖူးကို သုံးလို့ရမယ်လို့ဆုံးဖြတ်ထားခဲ့ပါတယ်။
အမေရိကန်မှာ ဘုရင်မကြီးရဲ့သား မင်းသားအင်ဒရူး လိင်ပိုင်းဆိုင်ရာ မတော်မတရားပြုမှုအတွက် တရားရံးရင်ဆိုင်နေရတာမှသည် တော်ဝင်မိသားစုအတွင်း လူမျိုးရေးခွဲခြားမှုရှိနေသည်ဟု မြေးဖြစ်သူ ဟယ်ရီနှင့်ဇနီးတို့က စွပ်စွဲနေခြင်းများအထိ အသက်၉၅နှစ်အရွယ် ဘုရင်မကြီးအဲလစ်ဇဘက်မိသားစုတွေ ဂုဏ်ထိခိုက်မှုတွေ မကြုံစဖူး ကြုံနေရပါတယ်။
ပြီးခဲ့တဲ့နှစ်က သူမဟာ အသက်၇၃နှစ်အရွယ်ခင်ပွန်းဖိလစ်ကို ဆုံးရှုံးခဲ့ရပါတယ်။အဲဒါကိုလည်း ဘုရင်မကြီးက စာထဲမှာ ထည့်ရေးထားပါတယ်။
Source Reuters
#WorldHealth
Published - 6 February 2022
တောင်အာဖရိကနိုင်ငံမှ အာဖရိဂျန်ဘိုင်အိုလော့ဂျစ် (Afrigen Biologics)ကုမ္ပဏီက မိုဒါနာကုမ္ပဏီကထုတ်တဲ့ mRNA ကိုဗစ်ကာကွယ်ဆေးရဲ့ နည်းပညာအချက်အလက်တွေကို ကူးချအသုံးပြုပြီး ကိုယ်ပိုင်ကာကွယ်ဆေး ထုတ်လုပ်သွားမှာဖြစ်ပါတယ်။
အဆိုပါကာကွယ်ဆေးကို ယခုနှစ်မကုန်ခင် လူသားတွေနဲ့စမ်းသပ်သွားမှာဖြစ်ကြောင်း အာဖရိဂျန်ကုမ္ပဏီမှ ထိပ်သီးအမှုဆောင်တစ်ဦးက ကြာသပတေးနေ့က ပြောကြားလိုက်ပါတယ်။
မူရင်းထုတ်လုပ်သူရဲ့ အကူအညီအထောက်အပံ့မယူဘဲ လူသုံးများတဲ့ကာကွယ်ဆေးတစ်ခုကို အခြေခံပြီး ထုတ်လုပ်မယ့် ပထမဆုံးကာကွယ်ဆေးအမျိုးအစားဖြစ်ပါတယ်။
ဒါ့အပြင် အာဖရိကတိုက်မှာ အဆင့်မြင့်ဓာတ်ခွဲခန်းအဆင့်နဲ့ တီထွင်ထုတ်လုပ်မယ့် ပထမဦးဆုံး mRNA ကာကွယ်ဆေးလည်းဖြစ်ပါတယ်။mRNA ကိုဗစ်ကာကွယ်ဆေးထုတ်လုပ်လျက်ရှိတဲ့ နာမည်ကြီး ဖိုင်ဇာ၊ ဘိုင်အိုတက်ခ်၊ မိုဒါနာကုမ္ပဏီတိုက သူတို့ရဲ့ကာကွယ်ဆေးထုတ်လုပ်ပုံ နည်းပညာတွေကိုမျှဝေဖို့ WHO ရဲ့တောင်းဆိုချက်ကို ငြင်းဆန်လိုက်တာကြောင့် ဆင်းရဲတဲ့နိုင်ငံတွေနဲ့ အလယ်အလတ်နိုင်ငံတွေမှာ ကိုဗစ်ကာကွယ်ဆေးထုတ်လုပ်နိုင်ရေးအတွက် ကမ္ဘာ့ကျန်းမာရေးအဖွဲ့အစည်း WHO က အာဖရိဂျန်အပါအဝင် လုပ်ငန်းစုကြီးတစ်ခုကို ပြီးခဲ့တဲ့နှစ်ကရွေးချယ်ခဲ့ကြပါတယ်။
WHO နဲ့ လုပ်ငန်းစုအဖွဲ့ဝင်တွေက သူတို့ရဲ့ နည်းပညာစုံရပ်ကြီးဟာ ချမ်းသာတဲ့နိုင်ငံတွေနဲ့ ဆင်းရဲတဲ့နိုင်ငံတွေကြား ကာကွယ်ဆေးတန်းတူမရရှိမှုကို ဖြေရှင်းသွားနိုင်မယ်လို့ မျှော်လင့်နေကြပါတယ်။
ကိုဗစ်ကပ်ရောဂါကာလမှာ ချမ်းသာတဲ့နိုင်ငံတွေက ကိုဗစ်ကာကွယ်ဆေးအများစုကို သိမ်းပိုက်ဝယ်ယူထားကြပါတယ်။တောင်အာဖရိကကာကွယ်ဆေးထုတ်လုပ်ရေးကုမ္ပဏီ ဘိုင်အိုဗက်က အဆိုပါနည်းပညာတွေကို အသုံးပြုမယ့် ပထမဆုံးကုမ္ပဏီဖြစ်လာပါတယ်။
အာဖရိဂျန်က အာဂျင်တီးနားနဲ့ဘရာဇီးလ်တို့မှာရှိတဲ့ ကုမ္ပဏီတွေကို လေ့ကျင့်သင်ကြားပေးဖို့လည်း သဘောတူထားပါတယ်။
ကြာသပတေးနေ့က အာဖရိဂျန်ကြေညာချက်ထုတ်ပြန်လိုက်တဲ့အပေါ် မိုဒါနာက မှတ်ချက်ပြုပြောကြားခြင်း မရှိသေးပါဘူး။WHO က မိုဒါနာကာကွယ်ဆေးရဲ့ နည်းပညာကိုအသုံးပြုရတဲ့အကြောင်းအရင်းက မိုဒါနာမှ လူသိရှင်ကြားရှင်းလင်းချက်တွေ ထုတ်ပြန်ထားတာကြောင့်နဲ့ ကပ်ရောဂါကာလအတွင်း ကာကွယ်ဆေးမူပိုင်ခွင့်ပြဌာန်းချက် မထုတ်ပြန်ဖို့ ကုမ္ပဏီက ကတိပြုထားတာကြောင့် ဖြစ်ပါတယ်။ကပ်ရောဂါပြီးတဲ့အချိန်မှာ မူပိုင်ခွင့်ထုတ်ပြန်သွားမှာလားဆိုတာကတော့ သေချာမသိရသေးပါဘူး။
Source: The Jerusalem Post
#WorldHealth
Published - 6 February 2022
သာမန်ကိုဗစ်ရောဂါခံစားရမှုကနေ ကိုဗစ်ရောဂါအပြင်းအထန်ခံစားရပြီး ဆက်ဖ်တာဇီဒင်း သို့မဟုတ် ဆက်ဖာပင်းပိုးသတ်ဆေးတစ်မျိုးမျိုးနဲ့ စတီးရွိက် တွဲသောက်နေတဲ့လူနာတွေရဲ့ ရောဂါသက်သာလာဖို့ ကြာတဲ့အချိန်ဟာ သာမန်ကုသနည်းအတိုင်း ကုသနေတဲ့ကိုဗစ်လူနာတွေရဲ့ ရောဂါသက်သာလာဖို ကြာတဲ့အချိန်နဲ့ အတူတူနီးပါးဖြစ်ကြောင်း အီဂျစ်ဆေးရုံတစ်ခုမှ လေ့လာချက်အရ သိရှိရပါတယ်။
ဆေးဝါးတွေရဲ့ အခြေခံသဘောတရားအရ antibiotics ပိုးသတ်ဆေးတွေဟာ ဘက်တီးရီးယားကူးစက်မှုတွေအတွက်သာ အသုံးပြုရတာဖြစ်ပြီး ဗိုင်းရပ်စ်တွေကို ထိရောက်တဲ့ဆေးတွေ မဟုတ်ပါဘူး။
အမေရိကန်ရောဂါထိန်းချုပ်ကာကွယ်ရေးစင်တာရဲ့ ဝက်ဘ်ဆိုက်မှာ "Antibiotics ပိုးသတ်ဆေးတွေက အအေးမိဖျားနာရောဂါတွေနဲ့ ကိုဗစ်-၁၉ လိုရောဂါတွေကိုဖြစ်စေတဲ့ ဗိုင်းရပ်စ်တွေမှာ မထိရောက်နိုင်ပါဘူး" လို့ ဖော်ပြထားပါတယ်။
ဒါပေမဲ့ ဘန်နီဆုဖ်တက္ကသိုလ်မှ ဒေါက်တာ'ရာဂေးအာမက်အိတ်'နဲ့ နာဒါတက္ကသိုလ်မှ ဒေါက်တာ'မာဝါအိုအယ်ဂန်ဒီ'တို ဦးဆောင်တဲ့သုတေသနအဖွဲ့က antibiotics ပိုးသတ်ဆေးတွေက ဗိုင်းရပ်စ်မျိုးပွားခြင်းအဆင့်မှာ ဝင်ရောက်တားဆီးနိုင်ပြီး ခန္ဓာကိုယ်ကနေ ဗိုင်းရပ်စ်ကို တိုက်ထုတ်နိုင်အောင် ခုခံအားစနစ်ကို မြှင့်တင်ပေးနိုင်ကြောင်း သိရှိထားကြပါတယ်။
ဥပမာအားဖြင့် လွန်ခဲ့တဲ့ ၅ နှစ်က အမေရိကန်မှလေ့လာချက်တစ်ခုမှာ အဇီသရိုမိုင်ဆင်ပိုးသတ်ဆေးဟာ ကိုယ်ဝန်ထဲရှိသန္ဓေသားဦးနှောက်ထဲမှ ဇီကာဗိုင်းရပ်စ်ပုံတူပွားခြင်းကို ထိန်းချုပ်ကန့်သတ်ပေးနိုင်ကြောင်း တွေ့ရှိခဲ့ကြပါတယ်။
၂၀၁၆ ခုနှစ်က ထိုင်းနိုင်ငံရဲ့လေ့လာချက်မှာလည်း မိုင်နိုဆိုက်ကလင်းပိုးသတ်ဆေးဟာ တုပ်ကွေးဗိုင်းရပ်စ်ဖွံဖြိုးမှုကို တားဆီးပေးနိုင်ကြောင်း တွေ့ရှိရပါတယ်။
ဓာတ်ခွဲခန်းစမ်းသပ်ချက်တွေမှာ ဆက်ဖ်တာဇီဒင်းနဲ့ ဆက်ဖာပင်းတိုလို ပိုးသတ်ဆေးတွေဟာ ကိုရိုနာဗိုင်းရပ်စ်ပွားခြင်းကို အနှောင့်အယှက်ဖြစ်စေကြောင်း တွေ့ရှိရပါတယ်။
ဘန်နီဆုဖ်တက္ကသိုလ်ဆေးရုံရဲ့ သီးသန့်ဌာနမှာပြုလုပ်ခဲ့တဲ့ စမ်းသပ်ချက်အရ ပုံမှန်ကုသနည်းအတိုင်း ကုသခံယူခဲ့တဲ့ ကိုဗစ်လူနာတွေရဲ့ ရောဂါသက်သာလာဖို့ ကြာတဲ့ပျှမ်းမျှအချိန်က ၁၉ ရက်ဖြစ်ပြီး ဆက်ဖ်တာဇီဒင်းအသုံးပြုတဲ့လူနာတွေရဲ့ ရောဂါသက်သာလာဖို့ ကြာတဲ့အချိန်က ၁၃ ရက်ဖြစ်ကာ ဆက်ဖာပင်းအသုံးပြုသူတွေကတော့ ၁၂ ရက်ဖြစ်ပါတယ်။
စမ်းသပ်တဲ့သူအားလုံး သေဆုံးသူမရှိဘဲ သက်သာပျောက်ကင်းလာခဲ့ပါတယ်။
antibiotics ပိုးသတ်ဆေးတွေက အဆုတ်ရောင်ရောဂါကဲ့သို့ ထပ်ဆင့်ရောဂါဖြစ်ပွားမှုတွေမှာ ဘယ်လောက်အထိ ထိရောက်နိုင်ကြောင်းနဲ့ ဗိုင်းရပ်စ်ပွားခြင်းကို ဘယ်လောက်အထိ တားဆီးနိုင်သလဲဆိုတာတွေကိုတော့ သေချာမသိရသေးပါဘူး။
၂၀၂၁ အောက်တိုဘာလအတွင်း Antibiotics ဂျာနယ်မှာ သုတေသီတို့ရဲ့ သုံးသပ်ထားချက်အရ ဆက်ဖ်တာဒင်းနဲ့ ဆက်ဖာပင်းတို့ဟာ ဘက်တီးရီးယားကို ဆန့်ကျင်ပေးနိုင်တဲ့စွမ်းရည်ရှိတဲ့အပြင် ကိုဗစ်ရောဂါလူနာတွေမှာလည်း အကျိုးအာနိသင်ပေးနိုင်ကြောင်း၊ ကိုဗစ်ရောဂါသာမန်နဲ့ အပြင်းအထန်ခံစားရတဲ့လူနာတွေမှာ ထိုဆေးတွေထဲမှတစ်မျိုးနဲ့ စတီးရွိက်ပေါင်းစပ်သုံးစွဲခြင်းက ပုံမှန်ကုသနည်းထက် ပိုမိုစိတ်ချရကြောင်း သုံးသပ်ပြောကြားထားပါတယ်။
Source: The Jerusalem Post
#LocalNews
Published -6 Feb 2022
နောင်ချိုမြို့နယ်တွင် ငွေကျပ်သိန်း ၆,၆၀၀ တန်ဖိုးရှိ ဘိန်းဖြူများ ဖမ်းဆီးရမိကြောင်းမူးယစ်ဆေးဝါးတားဆီးနှိမ်နှင်းရေးရဲတပ်ဖွဲ့ကသိရပါတယ်။
ဖြစ်စဥ်မှာမူးယစ်ဆေးဝါးတားဆီးနှိမ်နင်းရေးရဲတပ်ဖွဲ့မှ တပ်ဖွဲ့ဝင်များပါဝင်သောပူးပေါင်းအဖွဲ့သည် ဖေဖော်ဝါရီလ ၁ ရက်နေ့ ည ၁၀ နာရီအချိန်တွင် ရှမ်းပြည်နယ်(မြောက်ပိုင်း)၊ နောင်ချိုမြို့နယ်၊ လားရှိး-မန္တလေးသွားကားလမ်း၊ အိုရီယမ်တယ် တိုးဂိတ်အနီးတွင် သီပေါမှ မန္တလေးဘက်သို့ စိုင်းမျိုးမင်းထွန်း(၃၈)နှစ် မောင်းနှင်ပြီး စိုင်းနန္ဒာအောင်(ခ)နန္ဒ(၃၆)နှစ် လိုက်ပါလာသည့် Wish မော်တော်ယာဉ်ကို သတင်းအရရှာဖွေရာ ယာဉ်ပေါ်မှ ဒေသကာလတန်ဖိုးငွေကျပ်သိန်း ၆,၆၀၀ တန်ဖိုးရှိ ဘိန်းဖြူ ၄၄ ကီလို သိမ်းဆည်းရမိခဲ့တယ်လို့သိရပါတယ်။
စစ်ဆေးဖော်ထုတ်ချက်များအရ သိမ်းဆည်းရမိ ဘိန်းဖြူများအား ရှမ်းပြည်နယ်(မြောက်ပိုင်း)မှ မန္တလေးတိုင်းဒေသကြီးသို့ သယ်ဆောင်ခြင်းဖြစ်ကြောင်း သိရှိရသဖြင့် ၎င်းတို့ ၂ ဦးအား ဥပဒေအရအရေးယူထားရှိပြီး ကွင်းဆက်ပြစ်မှုကျူးလွန်သူများအား ဆက်လက်စစ်ဆေးဖော်ထုတ် လျက်ရှိ တယ်လို့ သိရပါတယ်။
ymg/hm
#Yangon_Media_Group
Published 5 Feb 2022
အင်ဂျင်တစ်လုံးတပ် ဆက်စနာ၂၀၇ Cessna 207 လေယာဉ်ငယ်တစ်စီး သောကြာနေ့က ပီရူးနိုင်ငံရဲ့ နာမည်ကျော် နဇကာလိုင်းကို ရှုမျှော်လင်းကြည့်ဖို့အသွားလမ်းခရီးမှာ ပျက်ကျခဲ့တဲ့အတွက် ကမ္ဘာလှည့်ခရီးသည် (၅)ဦး နှင့် လေယာဉ်အမှုထမ်း(၂)ဦးတို့ သေဆုံးခဲ့ကြရပါတယ်။
Source AFP
#HealthMatter
Published - 5 Feb 2022
၁။ မြန်မာနိုင်ငံမှာ လက်ရှိအိုမီခရွန်ပြည်တွင်းကူးစက်မှုမြင့်တက်လာနေတာ ဘယ်လောက် စိုးရိမ်ရမယ့် အနေအထားရှိပါသလဲ??
၂။ အမြဲတမ်းလိုလိုပြည်တွင်းကူးစက်မှုတွေဟာ ရခိုင်နှင့်ချင်းဖက်ကနေ စကြတာဖြစ်နေပါတယ်။ယခုလည်းချင်းပြည်နယ် နယ်စပ်ကနေစတင်ပျံ့နှံလာတဲ့သဘောရှိပါတယ်။
ဘာကြောင့်သင်ခန်းစာမယူနိုင်ဖြစ်ရသလဲ ??
၃။ ဒယ်လ်တာတုန်းကလို တစ်နိုင်ငံလုံးအတိုင်းအတာနှင့် ပျံ့နှံ့ မသွားအောင် တားဆီးလို့ရနိုင်ပါသေးသလား။ဘယ်လိုတားဆီးရပါမလဲ?? ဆိုတာတွေကို ကျန်းမာရေးပညာပေး ပညာရှင် ဆရာ ဒေါက်တာခင်မောင်လွင်က ဆွေးနွေးပြောကြားထားပါတယ်။
#Yangon_Media_Group
TV Yangon Times Matters အစီအစဉ်
Published -6 Feb 2022
အစီအစဉ်တင်ဆက်သူ ဆရာဟိန်းလတ်နဲ့အတူ နိုင်ငံရေးသိပ္ပံ သုတေသနပညာရှင် ဒေါက်တာ မင်းညို တို့က "နိုင်ငံကြီးပွားတိုးတက်ဖို့ဆိုရာတွင် " ခေါင်းစဉ်အောက်မှာ နိုင်ငံကြီးပွားတိုးတက်ဖို့ဘာတွေလိုအပ်သလဲ၊ဘာတွေလုပ်သင့်သလဲဆိုတာတွေကို အတွေ့အကြုံတွေ ဝေမျှဆွေးနွေးထားကြပါတယ်။
#Yangon_Media_Group
#LocalNews
Published - 5 Feb 2022
ရန်ကုန်တိုင်းဒေသကြီးအတွင်း ပြေးဆွဲလျက်ရှိတဲ့ YBS ကားတွေ ဖေဖော်ဝါရီ ၁၂ ရက် ပြည်ထောင်စုနေ့မှစတင်ပြီး ယာဉ်လိုင်းနံပါတ်အသစ်နဲ့ ပြောင်းလဲပြေးဆွဲသွားမယ်လို့ YRTC က ထုတ်ပြန်ထားပါတယ်။
ယာဉ်လိုင်းနံပါတ် ပြောင်းလဲသတ်မှတ်ရတာဟာ နံပါတ်တူတစ်ခုတည်းကနေ ဂိတ်စ၊ ဂိတ်ဆုံး မတူဘဲ ပို့ဆောင်နေရတဲ့ ယာဉ်လိုင်းနံပါတ်တွေ ရှိနေပါတယ်။
ခရီးသွားတွေဟာ သွားလိုတဲ့နေရာကို တိုက်ရိုက်မရောက်ဘဲ ထပ်ဆင့်ပြန်ပြောင်းစီးရတာတွေ သက်သာစေဖို့အတွက် ယာဉ်လိုင်းနံပါတ်သစ်တွေနဲ့ ယခင် ပြေးဆွဲနေတဲ့ လိုင်းကြောင်းအတိုင်း ပြေးဆွဲပေးသွားမှာ ဖြစ်တယ်လို့ သိရပါတယ်။
YBS ယာဉ်လိုင်း ၁၅ လိုင်းကို နံပါတ်ပြောင်းလဲ သတ်မှတ်သွားမှာ ဖြစ်ပြီး ယာဉ်လိုင်းအရေအတွက်အားဖြင့် ၁၂၆ လိုင်းဖြစ်သွားမှာ ဖြစ်ပါတယ်။
ယခင် YBS-37 ကို YBS-104 , 105 , 106 , 107 အဖြစ်၊ YBS-87 ကို YBS-108 အဖြစ်၊ YBS-96 ကို YBS-109 အဖြစ်၊ YBS-3 ကို YBS-110 အဖြစ်၊ YBS-7 ကို YBS-111, 112 , 113 အဖြစ်၊ YBS-24 ကို YBS-114 အဖြစ်၊ YBS-36 တိုကို YBS-115 , 116 တိုအဖြစ် သတ်မှတ်သွားမှာ ဖြစ်ပါတယ်။
ဒါ့အပြင် YBS-30 ကို YBS-117 အဖြစ်၊ YBS -97 ကို YBS-118 အဖြစ် YBS-16 ကို YBS-119 အဖြစ်၊ YBS-80 မီနီဘတ်စ်တွေကို YBS-120 အဖြစ်၊ YBS-42 ကို YBS-121 အဖြစ်၊ YBS-90 ကို YBS-122 , 123 , 124 တိုအဖြစ်၊ YBS-6 ကို YBS-125 အဖြစ်နဲ့ YBS-22 အား YBS-126 တို့အဖြစ်ယာဉ်လိုင်းနံပါတ်အသစ်များဖြင့် ပြောင်းလဲပြေးဆွဲပေးသွားမယ်လို့ သိရပါတယ်။
ymg/ei
#LocalNews
Published- 5 Feb 2022
ဖေဖော်ဝါရီလ ၅ရက်နေ့ ယနေ့ တစ်ရက်ထဲ မြန်မာလုပ်သား၅၈၀ကျော်ဖမ်းဆီးရမိခဲ့တယ်လို့ ထိုင်အခြေစိုက်မြန်မာနိုင်ငံသားတွေဆီကနေသိရပါတယ်။
ထိုင်းနိုင်ငံနယ်စပ် နေရာနှစ်ခုတို့မှ တရားမဝင် နယ်စပ်ဖြတ်ကျော် ဝင်ရောက်လာတဲ့ မြန်မာနိုင်ငံသား ၅၈၆ ဦးတို့ကို နံနက်ပိုင်းတွင် ဖမ်းဆီးခဲ့ကြောင်း ထိုင်းတပ်မတော် Army PR Center က ၎င်းတို့၏ လူမှုကွန်ရက်တွင် ထုတ်ပြန်ထား ပါတယ်။
အဆိုပါမြန်မာနိုင်ငံသား ၅၈၆ ဦးကို ထိုင်းနိုင်ငံ၊ ကန်ချဘုရီခရိုင်နှင့် ပရာကျွတ်ခီရီခန့်ခရိုင် အတွင်း တောလမ်းမှတစ်ဆင့် ဝင်ရောက်လာစဉ်ထိုင်း လုံခြုံရေးတပ်ဖွဲ့များက ဖမ်းဆီးခဲ့တာဖြစ်တယ်လို့သိရပါတယ်။
အဆိုပါတရားမဝင် ဝင်ရောက်လာသူတွေဟာပဲခူးတိုင်း၊ မော်လမြိုင်၊ ရန်ကုန်တိုင်း၊ မကွေးတိုင်း၊ ရခိုင်ပြည်နယ်၊ ထားဝယ်ခရိုင်၊ မန္တလေးတိုင်းနဲ့ မြိတ်ခရိုင်တို့မှ ဖြစ်တယ်လို့သိရပါတယ်။
ဖေဖော်ဝါရီလ ၄ရက်နေ့ကလည်းမြန်မာနိုင်ငံမှတဆင့်ကန်ချနဘူရီနယ်စပ်မှတဆင့် တရားမဝင် ဝင်ရောက်လာတဲ့ မြန်မာနိုင်ငံသား၁၃၈ ဦးကို ထိုင်းအာဏာပိုင်တွေကဖမ်းဆီးရမိခဲ့ပြီး ထိုင်းနိုင်ငံကိုဝင်ရောက်ဖို့ ပွဲစားခတစ်ဦးလျင် ၂၅,၀၀၀ ဘတ်အထိပေးခဲ့ရတယ်လို့သိရပါတယ်။
တရားမဝင်ဝင်ရောက်လာတဲ့ မြန်မာလုပ်သား ၁၃၈ ဦးကို နယ်ခြားစောင့်တပ်ကကန်ကျနဘူရီခရိုင်၊ ကန်ကျနဘူရီမြို့နယ်၊ ဘန့်ကောင်ကျေးရွာအုပ်စုမှာဖမ်းဆီးခဲ့ပီး ဖမ်းဆီးခံရသူများတွင် အမျိုးသား ၈၉ ဦး၊ အမျိုးသမီး ၄၉ ဦးပါဝင်တယ်လို့ သိရပါတယ်။
ygm/hm
Page 1448 of 1455
