Publicshed 17 June 2024

ရန်ကုန်တိုင်းဒေသကြီး ၊တိုက်ကြီးမြို့နယ်ရှိ မြေဧက ၂၀၀၀ ၌ မွေးမြူရေးဇုန် ဖော်ဆောင်နေကြောင်း တိုင်းဒေသကြီးအစိုးရအဖွဲ့မှ သိရသည်။

ထိုသို့ဆောင်ရွက်ရာတွင်တိုက်ကြီးမြို့နယ်၊ ချင်းကုန်း ကျေးရွာအုပ်စု၊ ခရိုင်ချင်းဆက် လမ်းမိုင်တိုင် ၃၄/၆ အနီး မြေဧရိယာဧက ၂၀၀၀ ကို တိုက်ကြီး မွေးမြူရေးဇုန်အဖြစ် အကောင်အထည်ဖော် ဆောင်ရွက် နေခြင်းဖြစ်ကြောင်းသိရသည်။

ထိုသို့ဆောင်ရွက်ရာတွင် ဇုန်အတွင်း ရေရရှိရေးအတွက် သနပ်ချောင်း ပိတ်တမံနှင့် တမံ ပေါင်များ ဆောင်ရွက်ပြီးစီးမှု၊  ရေထုတ်ပြွန်၊ ရေပိုလွှဲနှင့် Box Culvert တည်ဆောက်နေသည့်အပြင်   ဇုန်အတွင်းလမ်းများ ဆောင်ရွက်ခြင်း နှင့်  လျှပ်စစ်မီးရရှိရေးဆောင်ရွက် နေကြောင်းသိရသည်။

  ရန်ကုန်တိုင်းဒေသကြီးအတွင်း စိုက်ပျိုးမွေးမြူရေး ဇုန်များ ဖော်ဆောင်ရန် နိုင်ငံတော် အကြီးအကဲ၏ လမ်းညွှန်ချက် အရ တိုက်ကြီးမြို့နယ်ရှိ မြေဧရိယာဧက ၂၀၀၀ ကို တိုက်ကြီး မွေးမြူရေးဇုန် အဖြစ် အကောင်အထည်ဖော် ဆောင်ရွက်ခဲ့ကြောင်း၊ တိုက်ကြီး မွေးမြူရေးဇုန်ဖော်ဆောင်ခြင်း နှင့်စပ်လျဉ်း၍ ပုဂ္ဂလိကစီးပွား ‌ရေး လုပ်ကိုင်သူများအနေဖြင့် နိုင်ငံတော်က ခွင့်ပြုပေးထား သည့် စိုက်ပျိုးမွေးမြူရေး မြေနေရာများပေါ်တွင် အမှန် တကယ် စိုက်ပျိုးမွေးမြူမှုများ ဆောင်ရွက်ရန် လိုအပ်မည် ဖြစ်ကြောင်းသိရသည်။
angon_Times/NN
#Local_News
#Published 17 June 2024
#YMG #Yangon_Times #Yangon_Media_Group

Published 17 June 2024

ရှမ်းပြည်နယ်၊ ကျိုင်းတုံမြို့နယ်၌ ဆီဘောက်ဆာယာဉ်တိမ်းမှောက်မှုယမန်နေ့က ဖြစ်ပွားခဲ့ကြောင်းမြန်မာနိုင်ငံမီးသတ်တပ်ဖွဲ့မှသိရသည်။

ဖြစ်စဉ်မှာ ဇွန်၁၆ ရက်နေ့၊ နံနက်၁၁နာရီ  ၅၅ မိနစ်အချိန်က  ရှမ်းပြည်နယ်၊ ကျိုင်းတုံမြို့နယ်၊ ယန်းခအုပ်စု၊ ပန်တောင်းရွာအနီး မိုင်တိုင်အမှတ်(၃၁/၄)နှင့် (၃၁/၅)အကြားတွင် တာချီလိတ်မြို့မှ ကျိုင်းတုံမြို့သို့ မောင်းနှင်လာသော Cheng Long အမျိုးအစား(ခဲရောင်) ၂၂ ဘီး ဆီဘောက်ဆာယာဉ်(၁)စီးသည် လမ်းချော်၍ လမ်း၏ညာဘက်ခြမ်းသို့ တိမ်းမှောက်မှုဖြစ်ပွားခဲ့‌ကြောင်းသိရသည်။

အဆိုပါ သတင်းရရှိသဖြင့် ကျိုင်းတုံမြို့နယ်မီးသတ်စခန်းမှ မီးငြှိမ်းသတ်ယာဉ်(၁)စီး၊ သန္ဓေမီးသတ်တပ်ဖွဲ့ဝင်များ၊ အရန်မီးသတ်တပ်ဖွဲ့ဝင်များဖြင့် မီးလောင်မှုမဖြစ်ပွားစေရေး အအေးပေးခြင်းလုပ်ငန်းများ ထွက်ခွာဆောင်ရွက်ခဲ့ပြီးနောက် ည ၁၁နာရီ  ၄၅ မိနစ်အချိန်၌  လဲနေသော အဆိုပါယာဉ်မှ ဆီကယ့်ခြင်းလုပ်ငန်းနှင့် တိမ်းမှောက်နေသောယာဉ်အား ပြန်လည်တည့်မတ် ပြီးစီးခဲ့ကြောင်း သိရသည်။
angon_Times/NN
#Local_News
#Published 17 June 2024
#YMG #Yangon_Times #Yangon_Media_Group

၁၇ ဇွန် ၂၀၂၄

ရုရှားသမ္မတပူတင်ဟာ ယခုတစ်ပတ်အတွင်းမှာ ဗီယက်နမ်နိုင်ငံကိုလာရောက်လည်ပတ်ဖို့ရှိတယ်လို့ အရာရှိတော်တော်များများကပြောကြပါတယ်။ ဒါဟာ ကွန်မြူနစ်ဗီယက်နမ်အနေနှင့် ရုရှားကို သစ္စာရှိမှုကို ပြသလိုက်တာဖြစ်ပြီး အမေရိကန်ရဲ့ ပြင်းထန်စွာအပြစ်တင်တာစတင်ခံလိုက်ရပါတယ်။

ဆွစ်ဇာလန်မှာပြီးခဲ့တဲ့ ရုံးပိတ်ရက်များကပြုလုပ်ခဲ့တဲ့ ယူကရိန်းငြိမ်းချမ်းရေးထိပ်သီးဆွေးနွေးပွဲကို ဗီယက်နမ်က မတက်ရောက်ခဲ့တဲ့အပြင် ရုရှားမှာ ပြီးခဲ့တဲ့အပတ်စောစောပိုင်းကကျင်းပတဲ့ BRICS အစည်းအဝေးကို သူ့ရဲ့ ဒုတိယနိုင်ငံခြားရေးဝန်ကြီးကို စေလွှတ်ခဲ့ပြီးနောက် ပူတင်ရဲ့ဗီယက်နမ်ခရီးစဉ် ထွက်ပေါ်လာခဲ့တာပဲဖြစ်ပါတယ်။

ပြီးခဲ့တဲ့လကငါးကြိမ်သက်တမ်း သမ္မတအဖြစ် ကျမ်းသစ္စာကျိန်ဆိုခဲ့တဲ့ ပူတင်ဟာ ဗီယက်နမ်သမ္မတ အသစ် တိုလမ်နှင့် အခြားခေါင်းဆောင်တွေကို သူ့ရဲ့ ဗုဒ္ဓဟူးနှင့် ကြာသပတေး နှစ်ရက်တာခရီးစဉ်မှာ တွေ့ဆုံဖို့ရှိနေပါတယ်လို့ အရာရှိတွေကပြောပါတယ်။

ဗီယက်နမ်ရဲ့ ထိပ်ဆုံးကုန်သွယ်ရေးမိတ်ဖက်ဖြစ်တဲ့အပြင် ပြီးခဲ့တဲ့နှစ်က နှစ်နိုင်ငံအကြား ဆက်ဆံရေး   အဆင့်မြှင့်ခဲ့တဲ့ အမေရိကန်ပြည်ထောင်စုကတော့ ဒီသတင်းကို ခပ်ကြမ်းကြမ်းပြန်တုန့်ပြန်ပါတယ်။

“သူ့ရဲ့ ရန်လိုတဲ့စစ်ပွဲကို အားပေးထောက်ကူဖို့ ဘယ်နိုင်ငံကမှ သူ့ကိုပလက်ဖောင်းမပေးသင့်ဘူး။ အဲသလိုဆိုရင် သူရဲ့ ရက်စက်ကြမ်းကြုတ်မှုတွေကို ပုံမှန်တစ်ခုဖြစ်အောင်သူ့ကိုလုပ်ပေးလိုက်သလိုဖြစ် သွားလိမ့်မယ်” လို့ ဗီယက်နမ်နိုင်ငံ ဟနွိုင်းမြို့တော်က အမေရိကန်သံရုံး ပြောရေးဆိုခွင့်ရသူက ရိုက်တာရဲ့ ဗီယက်နမ်-အမေရိကန်ဆက်ဆံရေးအပေါ် ဘယ်လိုသက်ရောက်မှုရှိမလဲဆိုတဲ့အမေးကို ပြန်  ဖြေပါတယ်။

“သူသာ လွတ်လွတ်လပ်လပ်ခရီးသွားနိုင်ရင် ရုရှားရဲ့ နိုင်ငံတကာဥပဒေကို ရဲရဲတင်းတင်းချိုးဖောက်   တာကို ပုံမှန်တစ်ခုလို့လုပ်ပေးလိုက်သလိုဖြစ်သွားမယ်”လို့ သူကထပ်ပြောပါတယ်။

ဗီယက်နမ်နိုင်ငံခြားရေးဝန်ကြီးဌာနကတော့ ရိုက်တာအမေးကို ပြန်မတုန့်ပြန်ပါဘူး။

ဟနွိုင်းရဲ့အမြင်ကတော့ ပူတင်ခရီးစဉ်ဟာ ဗီယက်နမ်အနေနှင့် မည်သည့် အင်အားကြီးနိုင်ငံတွေကိုမှ ဘက်မလိုက်ဘူးဆိုတဲ့ မျှတတဲ့ နိုင်ငံခြားရေးမူဝါဒကို ပြသလိုတာဖြစ်တယ်” လို့ စင်္ကာပူအခြေစိုက် ISEAS-Yusof Ishak Institute ရဲ့ အကြီးတန်းပညာရှင် အိုင်ယန်စတိုရေးက ပြောပါတယ်။
ပူတင်ဟာ ဗီယက်နမ်ကို ၂၀၂၇မှာ ပထမဆုံးခရီးစဉ်အဖြစ်ရောက်ရှိခဲ့ပြီး ဒါဟာသူရဲ့ ငါးကြိမ်မြောက်ခရီး ဖြစ်ပါတယ်။  ကုန်သွယ်ရေး၊ရင်းနှီးမြှပ်နှံမှု၊နည်းပညာနှင့်ပညာရေးနယ်ပယ်တွေမှာ သဘောတူညီချက် တွေကြေညာဖို့ရှိနိုင်တယ်လို့ နှစ်ဘက်အရာရှိတွေက ပြောကြပါတယ်။ အမည်မဖော်လိုတဲ့အရာရှိကြီး တွေကတော့ ဗီယက်နမ်ခေါင်းဆောင်တွေနှင့်ပူတင်ဟာ ဒီထက်ပိုပြီးအရေးကြီးတဲ့ကိစ္စတွေ အာရုံစိုက် ပြောဆိုကြမှာဖြစ်တယ်လို့ ထုတ်ပြောပါတယ်။

အဲဒါတွေအထဲမှာ ရုရှားဟာ ဗီယက်နမ်ရဲ့ လက်နက်ရောင်းချပေးတဲ့ ထိပ်ဆုံးနိုင်ငံဖြစ်တဲ့အတွက် လက်နက်ကိစ္စ၊ရုရှားကုမ္ပဏီတွေဟာ ဗီယက်နမ်မှာ ရေနံနှင့်သဘာဝဓာတ်ငွေ့တွင်းတွေ လုပ်နေတဲ့   အတွက် စွမ်းအင်ကိစ္စတွေပါဝင်မှာဖြစ်ပြီး  ရုရှားဘဏ်တွေကို အမေရိကန်က အရေးယူပိတ်ဆို့ထားလို့ နှစ်နိုင်ငံအကြား ငွေပေးငွေယူကိစ္စတွေပါဝင်ပါလိမ့်မယ်လို့အရာရှိတွေကပြောပါတယ်။ ဒီကိစ္စတွေ ကြေညာမလားဆိုတာတော့ မသေချာပါဘူး။

လက်နက်အရောင်းအဝယ်အပါအဝင် စီးပွားရေးနှင့်ကူးသန်းရောင်းဝယ်ရေး ဆက်ဆံရေးတွေ တိုးမြှင့်ဖို့ အဓိကဖြစ်တယ်လို့ ကင်ဘာရာ ဩစတြေလျ စစ်တက္ကသိုလ်ရဲ့ ဗီယက်နမ်လုံခြုံရေးဆိုင်ရာ ကျွမ်းကျင် ပညာရှင် ကားလ်တသေယာက ပြောပါတယ်။

ပူတင်နှင့်ဗီယက်နမ်ခေါင်းဆောင်တွေဟာ ရူဘဲလ်နှင့်ဒွန်ငွေတွေ အသုံးပြုပြီး ငွေပေးငွေယူတွေကိုလုပ် မယ့် ဘဏ်စနစ်တစ်ခုကို သဘောတူကြနိုင်ဖွယ်ရှိတယ်လို့လည်း သူကပြောပါတယ်။

Source:  Reuters

Published 17 June 2024

ရန်ကုန်ကုန်တိုင်းဒေသကြီးအတွင်း မှော်ဘီဆေးရုံ၌ ဆေးကုသဆောင်အသစ်နှင့် ရန်ကုန်တိုင်းဒေသကြီး ကာကွယ်ဆေးသိုလှောင်အအေးခန်းအဆောက်အဦအသစ်များဖွင့်လှစ်ခဲ့ကြောင်း  ကျန်းမာရေးဝန်ကြီး ဌာနမှသိရသည်။

အရေးပေါ်လူနာစမ်းသပ်ခန်းနှင့်သားဖွားခန်းများပါဝင်သည့်မှော်ဘီဆေးရုံ၏နှစ်ထပ်ကုသဆောင်အသစ်ဖွင့်လှစ်လိုက်ခြင်းဖြစ်သည်။

အဆိုပါအဆောက်အအုံ မြေညီထပ်တွင် အရေးပေါ်လူနာစမ်းသပ်ခန်း၊ ကိုယ်ဝန်ဆောင်မိခင်စောင့်ကြပ် ကြည့်ရှုခန်း၊ သားဖွားခန်းနှစ်ခန်း၊ မွေးပြီးလူနာ စောင့်ကြပ်ကြည့်ရှုခန်း၊ မွေးကင်းစကလေးလူနာ စောင့်ကြပ်ကြည့်ရှုခန်း၊ စတိုခန်း၊ ဆေးပေးခန်းတို့ပါဝင်ပြီး ပထမထပ်တွင် အမျိုးသမီးလူနာဆောင် များ၊ ကြပ်မတ်ကုသခန်း၊ ကလေး လူနာကုသခန်းတို့ ပါဝင်သည်ဟု ကျန်းမာရေးဝန်ကြီးဌာန ပြည်ထောင်စုဝန်ကြီး ဒေါက်တာသက်ခိုင်ဝင်း၏ ပြောကြားချက်အရသိရသည်။

ပြည်ထောင်စုဝန်ကြီးက "လူနာများစိုက်ထုတ်ကုန်ကျရသည့် ဆေးကုသစရိတ်လျော့နည်းစေရေးအတွက် နိုင်ငံတော်မှပံ့ပိုးထားသော ဆေးဝါးများဖြင့် လူနာများအတွက် အကျိုးရှိစွာအသုံးပြုနိုင်ရေး အလေးထားဆောင်ရွက်ကြရန်"မှာကြားကာ ဆေးရုံတက်ရောက် ကုသမှုခံယူနေသော လူနာများကို အလှူငွေများ ပေးအပ်လှူဒါန်းခဲ့သည်။

ယခုဖွင့်လှစ်သည့် ပြည်သူ့ဆေးရုံမှော်ဘီမြို့၏ နှစ်ထပ်ကုသဆောင်သစ်သည် ၁၆၈၀၀ စတုရန်းပေအကျယ်အဝန်းရှိကာ နိုင်ငံတော်မှ ခွင့်ပြုရန်ပုံငွေကျပ် ၁၁၅၉ ဒသမ ၂၀၀ သန်း ကုန်ကျခဲ့ပြီး ဆောက်လုပ်ရေးဝန်ကြီးဌာန အဆောက်အအုံအထူးအဖွဲ့(၂)ကို လုပ်ငန်းအပ်နှံ၍ ၂၀၂၃ ခုနှစ် ဩဂုတ် ၁၈ ရက်တွင် စတင်ဆောက်လုပ်ခဲ့ရာ ၂၀၂၄ ခုနှစ် မတ် ၃၀ ရက်တွင် လုပ်ငန်းများပြီးစီးခဲ့သည်ဟုဆိုသည်။

 ရန်ကုန်တိုင်းဒေသကြီးဝန်ကြီးချုပ်က  မှော်ဘီဆေးရုံနှစ်ထပ်ဆေးကုသဆောင်သစ်တွင် လူနာများ အသုံးပြုရန်အတွက် လေအေးပေးစက်အလုံး ၂၀ ကို လှူဒါန်းရာ မြို့နယ်ကုသရေး ဦးစီးဌာနမှူး ဒေါက်တာစောမြထွန်းက လက်ခံရယူပြီး ကျေးဇူး တင်စကား ပြောကြားခဲ့သည်။

ရန်ကုန်တိုင်းဒေသကြီးအတွင်း ပုံမှန်ကာကွယ်ဆေးထိုး လုပ်ငန်းအတွက် လိုအပ်သောကာကွယ်ဆေး နှစ်လစာကို သိုလှောင်ထားနိုင်မည့်ရန်ကုန်တိုင်းဒေသကြီး ကာကွယ်ဆေးသိုလှောင်အအေးခန်း သုံးထပ်အဆောက်အအုံသစ်ဖွင့်ပွဲအခမ်းအနားလည်း ကျင်းပခဲ့ပြီး ပြည်ထောင်စုဝန်ကြီး၊ တိုင်းဒေသကြီးဝန်ကြီးချုပ်၊ ညွှန်ကြားရေးမှူးချုပ်တို့တက်ရောက် ခဲ့ကြောင်း သိရသည်။

ရန်ကုန်တိုင်းဒေသကြီး ကာကွယ်ဆေးသိုလှောင် အအေးခန်း သုံးထပ်အဆောက်အအုံသစ်သည် အလျား ပေ ၆၀၊ အနံ ၄၈ ပေ၊ အမြင့် ၃၉ ပေရှိသော သုံးထပ်ဆောင် အဆောက်အအုံဖြစ်ပြီး မြေညီထပ်တွင် ကာကွယ်ဆေးများကို သိုလှောင်ထားရှိမည့် (30m3 capacity) Walk in cooler အအေးခန်းတစ်လုံး၊ (20m3 capacity) ရှိ Walk in freezer အအေးခန်းတစ်လုံး၊ Washing room တစ်ခန်း၊ Dry store တစ်ခန်းနှင့် အအေးလမ်း ကြောင်း ရုံးခန်းတစ်ခန်းပါဝင်ကြောင်း၊ ပထမထပ်တွင် ရုံးခန်းတစ်ခန်း၊ Function Room သုံးခန်း၊ ဒုတိယထပ်တွင် သင်တန်းခန်းမကျယ်တစ်ခန်းနှင့် Store တစ်ခန်း၊ Function Room တစ်ခန်း၊ အစားသောက်ပြင်ဆင်ခန်းတစ်ခန်းတို့ ပါဝင်ကြောင်း  သိရသည်။

ယခုဖွင့်လှစ်သည့် ကာကွယ်ဆေးသိုလှောင် အအေးခန်းသုံးထပ်ဆောင်သစ်၏ အဆောက်အအုံ၊ ရေ၊ မီးတို့အတွက် ကုန်ကျစရိတ်သည် ခန့်မှန်းတန်ဖိုး မြန်မာငွေကျပ် သိန်းပေါင်း ၇၀၈၇ သိန်းခန့် (အမေရိကန်ဒေါ်လာ - ၃၃၇၅၀၀)၊ ကျခံကာ GAVI အထောက်အပံ့ဖြင့် Ultra Company Ltd. မှ တာဝန်ယူဆောက်လုပ်ခဲ့ခြင်းဖြစ်ကြောင်း သိရသည်။
Yangon_Times/tthl
#Local_News
#Published 17 June 2024
#YMG #Yangon_Times #Yangon_Media_Group

Published 17 June 2024

ဗြိတိန်ပြည်ထောင်စုမှ အမျိုးသားတစ်ဦးက အခြားဖုန်းပစ္စည်းတစ်ခုမှာ ပြည့်တန်ဆာများနဲ့ မက်ဆေ့ချ်ပို့ထားတာတွေကို ဖျက်ထားခဲ့ပေမယ့် သူ့ဇနီးဖြစ်သူ တွေ့ရှိသွားတာကြောင့် ထိုအမျိုးသားက မကျေမနပ်ဖြစ်နေပြီး အက်ပဲလ်(Apple)ကို တရားစွဲဆိုလိုက်ပါတယ်။

ဒီကိစ္စကြောင့်ပဲ အိမ်ထောင်ရေး ကွာရှင်းသည်အထိ ဖြစ်လာခဲ့ပြီး ထိုလူက အမေရိကန်မှ အက်ပဲလ်ဖုန်းထုတ်လုပ်သူတွေကို အပြစ်တင်လိုက်ပါတယ်။

သူ့အိမ်ထောင်ရေး ပြိုကွဲသွားစေခဲ့တဲ့ ဖျက်ပြီးသား မက်ဆေ့ချ်တွေနဲ့ ပတ်သက်လို့ အက်ပဲလ်က ပွင့်လင်းမြင်သာစွာ မဖော်ပြထားဘူးလို့ ဆိုလိုက်ပါတယ်။

အမည်မဖော်လိုတဲ့ အမျိုးသားက သူ့ရဲ့ အိုင်ဖုန်းထဲက iMessage အက်ပ်ဖြင့် ပြည့်တန်ဆာတွေကို ဆက်သွယ်ခဲ့တယ်လို့ အင်တာဗျူးမှာ ဝန်ခံခဲ့ပါတယ်။

ဒီနောက် ဖုန်းထဲက မက်ဆေ့ချ်တွေကို ဖျက်ပစ်ခဲ့ကာ အပြီးတိုင် ပျက်သွားပြီလို့ ထင်ခဲ့ပေမယ့် သူ့ဇနီးက iMac ပစ္စည်းထဲမှာ ထိုမက်ဆေ့ချ်တွေကို တွေ့ရှိသွားပါတယ်။

ဒီအဖြစ်အပျက်ကြောင့် နာကျင်ကြေကွဲစွာဖြင့် အိမ်ထောင်ကွာရှင်းသွားရတယ်လို့ ဆိုပါတယ်။

ထိုလူက အက်ပဲလ်ဆီကနေ နစ်နာကြေး ယူရိုငွေ ၅ သန်းရရှိရန် ကြိုးပမ်းနေပြီး သူ့ရဲ့အိမ်ထောင်ရေး ပျက်စီးရခြင်းအတွက် အက်ပဲလ်ကို အပြစ်တင်လိုက်ကာ မက်ဆေ့ချ်နဲ့ ပတ်သက်လို့ မှားယွင်းစွာသိရှိရခြင်းအတွက်လည်း စွပ်စွဲလိုက်ပါတယ်။

အက်ပဲလ်ဟာ ဖျက်ပြီးသား မက်ဆေ့ချ်တွေနဲ့ ပတ်သက်လို့ ပေါ်လစီတွေကို ရှင်းရှင်းလင်းလင်း မလုပ်ထားကြောင်း၊ အသုံးပြုသူတွေ ပေးပို့ လက်ခံ ဖျက်ပစ်တဲ့ မက်ဆေ့ချ်တွေ ဘာဖြစ်သွားလဲဆိုတာကို သေချာမဖော်ပြထားကြောင်း ထိုလူရဲ့ရှေ့နေ ဆိုင်မွန်ဝေါ်လ်တန်က ပြောပါတယ်။

ဖျက်ပြီးသား မက်ဆေ့ချ်တွေကို အကောင့်ချိတ်ဆက်ထားတဲ့ အခြားပစ္စည်းတွေမှာ ရှိနေသေးတာမျိုးကို အက်ပဲလ်က မဖော်ပြထားဘူးလို့ ဆိုပါတယ်။

အလားတူအဖြစ်မျိုး ကြုံဖူးတဲ့ အခြားသုံးစွဲသူများနဲ့ ဆက်သွယ်ဖို့ ဝေါ်လ်တန်က စိတ်ဝင်စားနေပါတယ်။

မက်ဆေ့ချ်ဖျက်ပစ်ခြင်းက အခြားပစ္စည်းတွေမှာ ဘယ်လိုဖြစ်လဲဆိုတာကို အက်ပဲလ်အနေနဲ့ သေချာရှင်းပြထားတယ်ဆိုရင် အိမ်ထောင်ပြိုကွဲတာမျိုး မဖြစ်နိုင်ဘူးလို့ ယုံကြည်နေပါတယ်။
Source: WION.
#World_News
#Published 17 June 2024
#YMG #Yangon_Times #Yangon_Media_Group

Published 17 June 2024

စိတ်ဖိစီးခြင်းက ဝမ်းဗိုက်အဆီ စုပြုံလာခြင်းနဲ့ သက်ဆိုင်နေပါတယ်။

စိတ်ဖိစီးမှု မြင့်တက်လာတဲ့အခါ ထွက်လာတဲ့ ကော်တီဆောလ် ဟော်မုန်းက မြင့်တက်တာ ကြာရှည်လာတဲ့အခါ ဝမ်းဗိုက်နေရာမှာ အဆီစုပြုံလာစေပါတယ်။

ဗိုက်ရွှဲခြင်းဆိုတာက လူတစ်ယောက်ရဲ့ ပုံပန်းသဏ္ဍာန်ကို ထိခိုက်စေရုံမက ကျန်းမာရေးပြဿနာ အမျိုးမျိုးလည်း ဖြစ်စေနိုင်ပါတယ်။

ကော်တီဆောလ်ပမာဏ မြင့်တက်လာခြင်းဖြင့် ဆာလောင်စိတ် ဖြစ်ပေါ်ပြီး ကယ်လိုရီများတဲ့ အချိုစာတွေ ပိုစားချင်လာပါတယ်။

ဝမ်းဗိုက်မှာ အဆီစုပြုံလာခြင်းကြောင့် ဆီးချိုရောဂါ၊ နှလုံးရောဂါ စသဖြင့် ကျန်းမာရေးပြဿနာများ ဖြစ်လာနိုင်ပါတယ်။

စိတ်ဖိစီးမှု မြင့်တက်တဲ့အခါ လေ့ကျင့်ခန်းလုပ်ခြင်း၊ အစားအသောက် ထိန်းချုပ်ခြင်းဖြင့်ပင် ဝမ်းဗိုက်အဆီကို လျှော့ချဖို့ မလွယ်တော့ပါဘူး။

ဝမ်းတွင်းအဆီဆိုတာက အသည်း၊ အူတွေစတဲ့ ဝမ်းဗိုက်ကြွက်သားများ အောက်က အင်္ဂါတွေတဝိုက်မှာ အဆီစုလာပါတယ်။

ဝမ်းတွင်းအဆီက အရေပြားအောက်အဆီထက် ပိုပြီးအန္တရာယ်များပါတယ်။

စိတ်ဖိစီးခြင်းကြောင့် ခန္ဓာကိုယ်မှာ ဟော်မုန်းပြောင်းလဲကာ အဆီပျံ့နှံ့လာစေတာ ဖြစ်ပါတယ်။

စိတ်ဖိစီးမှုမဖြစ်စေရန် ကြာရှည်အစားမစားဘဲ နေတာမျိုး ရှောင်ရှားသင့်သလို လေ့ကျင့်ခန်းမလုပ်ခင် အနည်းငယ် စားသုံးသင့်ပါတယ်။

ရေဓာတ်ခန်းခြောက်ခြင်းနဲ့ အိပ်ရေးပျက်ခြင်းတို့က ဖိစီးမှုပမာဏကို မြင့်တက်စေတာကြောင့် ရေဓာတ်ပြည့်ဝအောင် နေဖို့နဲ့ အိပ်ရေးဝအောင် အိပ်ဖို့ကလည်း အရေးကြီးပါတယ်။
Source: India Today.
#World_Health
#Published 17 June 2024
#YMG #Yangon_Times #Yangon_Media_Group

Published 17 June 2024

ရန်ကုန်တိုင်းဒေသကြီး၊ မင်္ဂလာဒုံမြို့နယ်၊ ရွှေနံ့သာကျေးရွာ၊ ပတ္တမြားလမ်းတွင်ရပ်ထားသော ထော်လာဂျီနှင့်သဲတင်ကားပေါ် ဓါတ်ကြိုးပြတ်ကျပြီး ကားမီးလောင်မှုဖြစ်ကာ ကလေးငယ်တစ်ဦးနှင့်အမျိုးသားနှစ်ဦးေ-သ ဆုံး ခဲ့ကြောင်း မီးသတ်တပ်ဖွဲ့ နှင့်ပရဟိတ အသင်းများထံကသိရသည်။

ဇွန်လ ၁၇ ရက် နံနက် ၈နာရီ ၂၀ မိနစ် ခန့်က ထော်လာဂျီနှင့်သဲတင်ကား မှာ ပစ္စည်း များ တင်နေစဉ် တွင် အပေါ် မှ ဓါတ်ကြိုး မှ ပြတ်ကျပြီး ယာဉ်များ မီးလောင်ခဲ့ ကြောင်း သိရသည်။

အဆိုပါ ယာဉ်များ မီးလောင်မှုကြောင့် ထော်လာဂျီ နှင့် သဲကား အနီးတွင် ရှိသော အမျိုးသား နှစ်ဦး နှင့် သုံးနှစ်အရွယ် ကလေးငယ် တစ်ဦး မီးလောင်ေ-သဆုံးခဲ့ကြောင်း သိရသည်။

မီးလောင်သည့်နေရာသို့ မင်္ဂလာဒုံမြို့နယ်မီးသတ်စခန်းမှ မီးသတ်ယာဉ်(၂)စီး နှင့် ပရဟိတအသင်းများက လာရောက်ကူညီခဲ့ရာ ၈နာရီ ၄၃ အချိန် တွင် မီးငြိမ်းခဲ့ ကြောင်း သိရသည်။
Yangon_Times/LW
#Local_News
#Published 17 June 2024
#YMG #Yangon_Times #Yangon_Media_Group

Published 17 June 2024

နှင်းဆီမျိုးနွယ်မှာ ပါဝင်တဲ့ စတော်ဘယ်ရီသီးဟာ ကျန်းမာရေးနဲ့ အလွန်ညီညွတ်ပြီး အာဟာရဓာတ်များစွာ ပါဝင်ပါတယ်။

အလုံးစုံကျန်းမာရေး ထိန်းသိမ်းဖို့အတွက် နေ့စဥ်စားသောက်သင့်တဲ့ စတော်ဘယ်ရီရဲ့ အကျိုးကျေးဇူးများကို ဖော်ပြလိုက်ပါတယ်။
 
(၁) ဓာတ်တိုးဆန့်ကျင်ပစ္စည်းများ ဖြစ်တဲ့ ဗိုက်တာမင်-စီ၊ အန်သိုဆိုင်ယာနင်၊ ကွာစ်တင်၊ ကမ့်ဖီရောလ်တို့ ကြွယ်ဝကာ နာတာရှည်ရောဂါများ ဖြစ်ပွားခြင်းမှ ကာကွယ်ပေးပါတယ်။
 
(၂) မကောင်းတဲ့ LDL ကိုလက်စ်ထရောလ်များကို လျှော့ချပေးသဖြင့် နှလုံးကျန်းမာရေးကို ကောင်းမွန်စေကာ နှလုံးရောဂါများမှ ကာကွယ်ပေးပါတယ်။
 
(၃) ရောင်ရမ်းခြင်းကို ဆန့်ကျင်ပေးတဲ့ အာနိသင်ကြောင့် အဆစ်အမြစ်နာခြင်းနဲ့ နာတာရှည်ရောင်ရမ်းခြင်း ရောဂါများကို သက်သာစေပါတယ်။
 
(၄) သူ့မှာပါဝင်တဲ့ ပိုလီဖီနော်လ်က သွေးတွင်းသကြားဓာတ်ကို ထိန်းသိမ်းပေးကာ ဆီးချိုသမားများအတွက် သင့်လျော်ပါတယ်။
 
(၅) ဗိုက်တာမင်-စီ မြင့်မားစွာ ပါဝင်တာကြောင့် ကိုယ်ခံအားကို မြှင့်တင်ပေးပါတယ်။
 
(၆) ကင်ဆာဆဲလ်များ ကြီးထွားမှုကို ဟန့်တားပေးကာ အကျိတ်ဖြစ်ပေါ်ခြင်းကို လျှော့ချပေးပါတယ်။
 
(၇) အမျှင်ဓာတ် ကြွယ်ဝစွာပါဝင်တာကြောင့် အစာခြေစနစ်ကို ထောက်ပံ့ပေးပြီး ဝမ်းပုံမှန်သွားစေပါတယ်။
 
(၈) ဗိုက်တာမင်-စီက ကော်လာဂျင်ထုတ်လုပ်မှုကို အားပေးကာ အသားအရည် တင်းရင်းတောက်ပစေပါတယ်။
 
(၉) ကယ်လိုရီနည်းပါးတာကြောင့် ဗိုက်ပြည့်ဝနေစေတာကြောင့် ကိုယ်အလေးချိန် ထိန်းသိမ်းပေးပါတယ်။
 
(၁၀) ဓာတ်တိုးဆန့်ကျင်ပစ္စည်းများက မျက်လုံးရောဂါများဖြစ်ခြင်းမှ ကာကွယ်ပေးပါတယ်။
Source: DoctorNDTV.
#World_Health
#Published 17 June 2024
#YMG #Yangon_Times #Yangon_Media_Group

Published_16 Jun 2024

 

၁၆ ဇွန် ၂၀၂၄

◼️ဆွစ်ထိပ်သီးဆွေးနွေးပွဲကို ရုရှားမပါဘဲ နိုင်ငံပေါင်း ၉၀ကျော်တက်

◼️အနာဂတ်ဆွေးနွေးပွဲများတွင် ရုရှားပါမပါ မသေမချာ

◼️အဆုံးသတ်ပူးတွဲကြေညာချက်အပေါ် အချို့နိုင်ငံများက မကြိုက်

◼️ယူကရိန်းက ရုရှား ရာဇသံကို ပယ်ချ

◼️ရုရှားက ဆွေးနွေးပွဲအတွက်အသင့် သို့သော် အာမခံပေးသူများလိုအပ်ဟုပြော

ဆွစ်ထိပ်သီးဆွေးနွေးပွဲတွင် ဇွန် ၁၆ ရက် တနင်္ဂနွေနေ့က အနောက်အင်အားကြီးနိုင်ငံများနှင့် အခြားနိုင်ငံ များက ယူကရိန်း၌ဖြစ်ပွားနေသည့် စစ်ပွဲကို မည်သို့အဆုံးသတ်မည်ဆိုသည့်အပေါ် အများသဘောတူညီ ချက်တစ်ခုရရှိရန် တွန်းနေသော်လည်း အချို့နိုင်ငံများက အပြီးသတ်ကောက်ချက်များကို ထောက်ခံရန် ငြင်းဆန်ဖွယ်ရှိကောင်းရှိနိုင်သဖြင့် မသေမချာမရေရာဖြစ်နေပါတယ်။

ယူကရိန်းသမ္မတ ဗိုလိုဒီမီယာဇီလင်စကီး တောင်းပန်ချက်အရ နိုင်ငံပေါင်း ၉၀ ကျော်ဟာ ဆွစ်ဇာလန် နိုင်ငံ ဆွစ်အယ်လ်ပိုင်း အပန်းဖြေစခန်းမှာကျင်းပတဲ့ နစ်ရက်ကြာဆွေးနွေးပွဲတက်ရောက်နေပါတယ်။

ရုရှားကို မဖိတ်ကြားခဲ့သလို ရုရှားကလည်း သူတက်မှာမဟုတ်ဘူးလို့ ရှင်းရှင်းလင်းလင်းငြင်းဆန်ထား ခဲ့ပါတယ်။ ရုရှားက ဒီထိပ်သီးနွေးနွေးပွဲမှာ အချိန်သက်သက်ဖြုန်းတာတစ်ခုလို့ပြောပါတယ်။ တရုတ်နိုင်ငံ ကလည်း ဒီပွဲကိုမတက်ခဲ့ပါဘူး။

ဒီကွန်ဖရင့်ဟာ မဟာမိတ်တွေဆီက ယူကရိန်းဟာ ကျယ်ကျယ်ပြန့်ပြန့်ထောက်ခံမှုရနေဆဲဆိုတာနှင့်  ရှည်ကြာနေတဲ့အပစ်အခတ်ရပ်စဲရေး စိန်ခေါ်မှုတွေကို ပြသနေပါတယ်။ အနောက်ရဲ့အကူအညီတွေ နှောင့်နှေးခဲ့လို့ ယူကရိန်းတပ်တွေဟာ အရှုံးနှင့်ရင်ဆိုင်နေရပြီး ရုရှားဟာယူကရိန်းရဲ့ ၂၀ရာခိုင်နှုန်းခန့်ကို ယခုထိန်းချုပ်ထားပါတယ်။

ရိုက်တာသတင်းဌာနကရရှိတဲ့ ဇွန်၁၃ရက်စွဲပါ ငြိမ်းချမ်းရေးမူကြမ်းမှာ ဇာပိုရစ်ဇား နျူကလီးယားစက်ရုံ ယူကရိန်းထိန်းချုပ်ဖို့ နှင့် ယင်းရဲ့ အာဇော့ပင်လယ်ဆိပ်ကမ်းကို ပြန်ပေးဖို့တောင်းဆိုထားပါတယ်။

ဒါပေမယ့် စစ်ပွဲအပြီးမှာ ယူကရိန်းဟာဘယ်လိုပုံစံရှိမလဲ၊ နေတိုးမဟာမိတ်အဖွဲ့ ဝင်နိုင်မှာလား နှစ်ဖက် တပ်တွေ ဘယ်လိုဆုတ်ကြမလဲဆိုတာတွေကို ချန်လှပ်ထားခဲ့ပါတယ်။

ဆွေးနွေးပွဲရဲ့ သဘောထားကြေညာချက်စာတမ်းဟာ တစ်ခဲနက်ထောက်ခံမှုရဖို့ မဖြစ်နိုင်လောက်ဘူးလို့ ဩစတြီးယား အဓိပတိ ကာလ်နီဟာမာက ပြောပါတယ်။

ယခုကျင်းပနေတဲ့ ထိပ်သီးဆွေးနွေးပွဲကနေ ဒုတိယအကြိမ်ဆွေးနွေးပွဲကျင်းပမယ့် နိုင်ငံကြေညာကောင်း ကြေညာနိုင်ပါတယ်။ ဆော်ဒီအာရေဗျဖြစ်ဖို့များတယ်လို့ သူကပြောပါတယ်။အဲဒီမှာလုပ်မယ့်ဆွေးနွေးပွဲ ဟာ ဘယ်လိုပုံစံဖြစ်မလဲ ရုရှားပါလာမှာလားဆိုတာလည်း ပြောဖို့စောသေးတယ်လို့ သူကပြောပါတယ်။

“ကျွန်တော့်အမြင်ပြောရရင် ပူးတွဲကြေညာချက်မှာ လူတိုင်းကတော့ လက်မှတ်ထိုးကြမှာမဟုတ်ဘူး။ စကားလုံးတွေရွေးချယ်မှုအပေါ် မေးခွန်းတွေထုတ်နေကြတယ်။ လူတိုင်းလက်မှတ်မထိုးပေမယ့် အားလုံး ရဲ့တူညီတဲ့ရပ်တည်ချက်က စစ်ပွဲဟာ အဆုံးသတ်ရမယ် ဆိုတာပဲ” လို့ သူကပြောပါတယ်။

အမေရိကန်ဒုသမ္မတ ကာမာလာဟာရစ်၊ဂျာမန်အဓိပတိ အိုလက်ဖ်ရှိုးနှင့် ပြင်သစ်သမ္မတ အီမန်နျူယယ် မာခရွန်တို့ဟာဘာဂျင်စတော့ခ် တောင်ပေါ်စခန်းမှာ စုရုံးကြပြီး စစ်ပွဲပြီးဆုံးရေဥးအတွက် နိုင်ငံတကာ ထောက်ခံမှုများလာအောင် စည်းရုံးနေတာဖြစ်ပါတယ်။

အနောက်ခေါင်းဆောင်တော်တော်များများက ကျူးကျော်မှုကိုရှုတ်ချပြီး ရုရှားသမ္မတ ပူတင်ရဲ့  ငြိမ်းချမ်းရေးအတွက် ယူကရိန်းရဲ့အစိတ်အပိုင်းတွေတောင်းဆိုတာကို ပယ်ချခဲ့ကြပါတယ်။

ယူကရိန်းနိုင်ငံခြားရေးဝန်ကြီး ဒီမီထရိုကူလီဘာကတော့က အပြီးသတ်ပူးတွဲကြေညာချက်ကို တနင်္ဂနွေ နေ့နှောင်းပိုင်းမှာ ထုတ်ပြန်မယ်လို့သတင်းထောက်တွေကိုပြောပြီး ကြေညာချက်ပါစာသားတွေဟာ မျှတ မှုရှိကြောင်းပြောပါတယ်။

အချို့ခေါင်းဆောင်တွေကတော့ စောစောပြန်သွားကြပါတယ်။ တနင်္ဂနွေနေ့မှာ သူတို့ဟာ နျူကလီး   ယားနှင့် စားနပ်ရိက္ခာလုံခြုံရေး၊စစ်အကျဉ်းသားများပြန်လွှဲရေးနှင့် ပဋိပက္ခအတွင်းမှ ကလေးငယ်များကို ဖယ်ထုတ်ရေးတွေပါဝင်ဖို့ ဦးတည်နေပါတယ်။

“ ငြိမ်းချမ်းရေးဖိုရမ်တက်တဲ့တစ်ယောက်မှ သူ့ကိုယ်သူဘာလုပ်နေသလဲ ဘယ်အခန်းကဏ္ဍကပါနေသလဲ ဆိုတာ သေသေချာချာမသိကြဘူး” လို့ ရုရှားသမ္မတဟောင်း ယခုရုရှားလုံခြုံရေးကောင်စီ ဒုတိယဥက္ကဋ္ဌ လုပ်နေတဲ့ ဒီမစ်ထရီ မက်ဗီဒေါ့က ပြောပါတယ်။

အိမ်ရှင်အဖြစ်ကျင်းပတဲ့ ဆွစ်ဇာလန်ကိုယ်၌က ဝေဖန်မှုတွေရင်ဆိုင်နေရပါတယ်။ ဆွစ်ဇာလန်ရဲ့ လက်ယာပါတီ ဆွစ်ပြည်သူ့ပါတီ(အက်စ်ဗွီပီ)က နီလ်ဖက်ရှာဟာ ရုရှားရုပ်သံ Russia Today မှာ ပေါ်  လာပြီး ယခုထိပ်သီးဆွေးနွေးပွဲကို “ ဟာသ” ကြီးလို့ ပြောလိုက်ပါတယ်။

ဒီဆွေးနွေးပွဲဟာ ဆွစ်ဇာလန်ရဲ့ ကြားနေရပ်တည်ချက်ကို လျော့ပါးအောင်လုပ်ပစ်လိုက်တာပဲလို့ သူက ဝေဖန်လိုက်ပြီး ရုရှားဟာ စားပွဲမှာ ထိုင်ခုံတစ်နေရာရရမယ်လို့လည်းပြောလိုက်ပါတယ်။

Source Reuters

၁၆ ဇွန် ၂၀၂၄

တရုတ်နိုင်ငံမှ ပုဂ္ဂလိက အာကာသကုမ္ပဏီတစ်ခုဟာ ထိုင်းတက္ကသိုလ်တစ်ခုနှင့် ပုးပေါင်းပြီး ပတ်လမ်းနိမ့် ဂြိုဟ်တု အင်တာနက် လှိုင်းကျယ်ဆက်သွယ်ရေး ကွန်ယက်တစ်ခုကို ထိုင်းနိုင်ငံမှာ အောင်မြင်စွာ စမ်းသပ်နိုင်ခဲ့ပါတယ်။

ဒါဟာ တရုတ်နိုင်ငံရဲ့ ပတ်လမ်းနိမ့် လှိုင်းကျယ် ဂြိုဟ်တုအင်တာနက်စနစ်တစ်ခုကို နိုင်ငံရပ်ခြားမှာ ပထမဦးဆုံးအဖြစ် စမ်းသပ်ဆောင်ရွက်နိုင်ခဲ့ခြင်းဖြစ်ပါတယ်။

Source CCTV+