#WorldHealth
Published 28 February 2022

၂၀၂၃ ခုနှစ်ရောက်တဲ့အချိန်မှာ ကိုဗစ်ရောဂါကို ကာကွယ်ဆေးများ ကုသနည်းများဖြင့်ထိန်းချုပ်သွားနိုင်တဲ့ ရာသီအလိုက် ဒေသတွင်းကူးစက်တဲ့ရောဂါအဖြစ် သတ်မှတ်နိုင်ဖို့ မိုဒါနာကာကွယ်ဆေးထုတ်လုပ်ရေးကုမ္ပဏီက မျှော်မှန်းထားကြောင်း ကြာသပတေးနေ့က ပြောကြားလိုက်ပါတယ်။

ဘိုင်အိုတက်ခ်ကုမ္ပဏီက ပြီးခဲ့တဲ့နှစ်နောက်ဆုံး ၃ လအတွင်း ကိုဗစ်ကာကွယ်ဆေးရောင်းချခြင်းမှ ဒေါ်လာ ၇ ဘီလီယံရရှိခဲ့ပါတယ်။

မိုဒါနာကုမ္ပဏီကတော့ ကာကွယ်ဆေးရောင်းချခြင်းမှ ဒေါ်လာ ၇.၂ ဘီလီယံ ရရှိထားပါတယ်။
၂၀၂၂ ဆောင်းဦးကာလအရောက်မှာ ဗိုင်းရပ်စ်ကာကွယ်နိုင်စွမ်းဆက်လက်မြင့်မားနေစေရန်အတွက် စတုတ္ထအကြိမ်ကာကွယ်ဆေးထိုးဖို့ လိုအပ်လာမယ်လို့ အခိုင်အမာယုံကြည်ထားကြောင်း မိုဒါနာမှ ဆေးမှူးအရာရှိချုပ် ဒေါက်တာ'ပေါလ်ဘာတန်'က ပြောကြားခဲ့ပါတယ်။

ကူးစက်မြန်အိုမီခရွန်မျိုးဗီဇကွဲကြောင့် ရောဂါပြင်းထန်စွာခံစားရခြင်းနဲ့ ဆေးရုံတက်ကုသခံယူရခြင်းတို့အပေါ် ကာကွယ်ဆေးတွေရဲ့ခုခံနိုင်စွမ်းက အချိန်ကြာလာတာနဲ့အမျှ လျော့နည်းလာကြောင်း ယူကေမှကျန်းမာရေးတာဝန်ရှိသူတွေရဲ့ပြောကြားချက်အရ သိရှိရပါတယ်။

ဒါကြောင့် မိုဒါနာကုမ္ပဏီက မူလကာကွယ်ဆေးနဲ့ အိုမီခရွန်သီးသန့်အားမြှင့်ကာကွယ်ဆေးတို့ကို ပေါင်းစပ်ကာ နောက်ထပ်အားမြှင့်ကာကွယ်ဆေး(booster)ထုတ်လုပ်ဖို့ ရည်ရွယ်ထားတာဖြစ်ပါတယ်။

အမေရိကန်မှာ လူဦးရေအများဆုံးခရိုင်ဖြစ်တဲ့ လော့စ်အိန်ဂျလိစ်ကတော့ သောကြာနေ့ကစပြီး ကာကွယ်ဆေးထိုးပြီးတဲ့သူတွေအတွက် နှာခေါင်းစည်းမဖြစ်မနေတပ်ဆင်ရခြင်းကို ရုတ်သိမ်းလိုက်ပြီဖြစ်ကြောင်း ဒေသတွင်းတာဝန်ရှိသူတွေနဲ့ မီဒီယာဖော်ပြချက်များအရ သိရှိရပါတယ်။

"နယူးယော့ခ်မြို့မှာ နှာခေါင်းစည်းတပ်ဆင်ခြင်းတွေ၊ ကာကွယ်ဆေးထိုးနှံခြင်းတွေ၊ ခပ်ခွာခွာနေထိုင်မှုတွေ ပြုလုပ်ပေးခဲ့တဲ့သူတိုင်းကို လေးစားဂုဏ်ပြုလိုက်ပါတယ်။ ကိုဗစ်ရောဂါကို ကြံ့ကြံ့ခိုင်တုန့်ပြန်ခဲ့ကြတဲ့ နယူးယော့ခ်သားတွေအတွက် ဂုဏ်ယူဝမ်းမြောက်မိပါတယ်။ ပုံမှန်နေထိုင်မှုဘဝအတိုင်း ရှေ့ဆက်သွားဖို့ ဆုံးဖြတ်ထားပြီဖြစ်ပါတယ်။ ဒါပေမယ့် လိုက်နာရမယ့်စံနှုန်းလေးတွေတော့ ရှိနေပါတယ်" လို့ နယူးယော့ခ်မြို့တော်ဝန်'အဲရစ်အဒမ်စ်'က ဗုဒ္ဓဟူးနေ့က ပြောကြားခဲ့ပါတယ်။

Source: MarketWatch.
#Yangon_Media_Group

#Local_Health
Published_ 28 Feb 2022

မြန်မာနိုင်ငံတွင် အသက် ၁၂ နှစ်အောက် ကလေးများအတွက် ကိုဗစ်-၁၉ ရောဂါ ကာကွယ်ဆေးထိုးနှံရန် တရားဝင်ခွင့်ပြုထားသည့်ဆေး မရှိသေးကြောင်းသိရပါတယ်။

ရန်ကုန်တိုင်းဒေသကြီး၊ တာမွေမြို့နယ်ရှိ ပုဂ္ဂလိကဆေးခန်းတစ်ခုတွင် အသက် ၂ နှစ်မှ ၁၈ နှစ်အတွင်း ကိုဗစ်ကာကွယ်ဆေးထိုးနှံနိုင်ပြီဖြစ်ကြောင်း သတင်းထွက်ပေါ်လာမှုကိုလည်း FDA မှ တာဝန်ရှိသူများက စုံစမ်းစစ်ဆေးမှုများ ဆောင်ရွက်နေတယ်လို့လည်း ဆိုပါတယ်။
ကိုဗစ်-၁၉ ရောဂါကာကွယ်ဆေးကို ဦးတည်အုပ်စုများသတ်မှတ်၍ ထိုးနှံပေးလျက်ရှိရာ ဖေဖော်ဝါရီ ၂၆ ရက်နေ့အထိ မြန်မာနိုင်ငံတွင် ကိုဗစ်-၁၉ ရောဂါကာကွယ်ဆေး အကြိမ်ရေ စုစုပေါင်း ၄၄,၅၀၆,၇၅၅ ကြိမ် ထိုးနှံပြီးဖြစ်တယ်လို့ သိရပါတယ်။

အဆိုပါ ကာကွယ်ဆေးများဝယ်ယူရန် အမေရိကန်ဒေါ်လာ ၂၇၆.၆၄ သန်း သုံးစွဲခဲ့ကာ၊ ကာကွယ်ဆေးစုစုပေါင်း ၆၂ သန်း Doses ရရှိပြီးဖြစ်တယ်လို့ ကျန်းမာရေးဝန်ကြီး ဒေါက်တာသက်ခိုင်ဝင်းက မြန်မာနိုင်ငံကျန်းမာရေးဆိုင်ရာ သုတေသန ညီလာခံပိတ်ပွဲမှာ ပြောကြားထားပါတယ်။

ဖေဖော်ဝါရီ ၂၇ ရက် ဒီကနေ့အထိ မြန်မာနိုင်ငံမှာ ကိုဗစ်-၁၉ ကူးစက်ခံရသူပေါင်း ၅၈၆,၁၉၈ ဦးရှိကာ သေဆုံးသူ ၁၉,၃၆၅ ဦး ရှိနေပါတယ်။ ကူးစက်ခံရသူ ၅၃၃,၃၉၅ ဦး ကတော့ ဆေးရုံဆင်းခွင့်ရရှိပြီး ဖြစ်ပါတယ်။

ymg-mnn
#Yangon_Media_Group

Published 27 February 2022

ယူကရိန်းနိုင်ငံ ကိဗ်မြို့တော်တွင် တနင်္လာနေ့မနက်အထိ နေ့ည ကာဖျူးအမိန့်ထုတ်ပြန်လိုက်တဲ့အတွက် မြို့ရဲ့လမ်းတွေဟာ လူသူကင်းမဲ့သွားပါတယ်။

အပြင်မှာရှိနေတဲ့လူတွေကို ရန်သူရဲ့ အဖျက်သမားတွေနှင့်ကင်းထောက်အဖွဲ့တွေလို့ သတ်မှတ်ရမှာဖြစ်တယ်လို့ အမိန့် ထုတ်ပြန်ထားတာဖြစ်ပါတယ်။

ကျူးကျော်မှုစတင်ချိန်မှ ယခုအချိန်အထိ ကလေးငယ်(၃)ဦးအပါအဝင် အရပ်သား(၁၈၉)ဦးသေဆုံးခဲ့တယ်လို့ အေအက်ဖ်ပီရဲ့ သတင်းအရသိရပါတယ်

တနင်္ဂနွေနေ့က ယူကရိန်းရဲ့ ဒုတိယမြောက်အကြီးဆုံး မြို့ဖြစ်တဲ့ ခါကစ်မြို့မှာ လမ်းပေါ်တိုက်ပွဲတွေရှိနေပြီး စက်သေနတ်သံတွေနှင့်ပေါက်ကွဲသံတွေကြားနေကြရပါတယ်။

ရုရှားနှင့်ယူကရိန်းစေ့စပ်ဆွေးနွေးကြဖို့ ဘီလာရု(စ်)မှာစီစဉ်ခဲ့ပေမယ့် ယူကရိန်းသမ္မတက ပယ်ဖျက်ခဲ့ပြီး ဝါဆော၊ဘရက်တစ်လာဗား၊ ဘူဒါပက်စ်၊အီစတန်ဘူလ်နှင့် ဘာကူးမြို့တွေထဲက တစ်မြို့မြို့ကို ရွေးပေးဖို့ သူက ရုရှားကို ပြန်လည်အဆိုပြုခဲ့ပါတယ်။

Source AFP

Published 27 February 2022

အမေရိကန်အစားအစာနှင့်ဆေးဝါးဌာနက ပထမဆုံးအဖြစ် ဒီတစ်ပတ်ထဲမှာ စအိုဖြင့်လိင်ဆက်ဆံမှုပြုရန် ရည်ရွယ်ထုတ် လုပ်ထားတဲ့ ကွန်ဒုံးကို အတည်ပြုပေးလိုက်ပါတယ်။

အမျိုးသားကွန်ဒုံးတစ်ခုဟာ အခြားသော ရာပေါင်းများစွာသော ကွန်ဒုံးများနှင့် ဈေးကွက်ထဲမှာ သိသာစွာကွာခြားမှုမရှိပေမယ့်  စအိုဖြင့်လိင်ဆက်ဆံစဉ်အတွင်း လိင်ပိုင်းဆိုင်ရာရောဂါတွေကူးစက်မှုကိုလျှော့ချပေးနိုင်ဖို့အတွက် “ လုံခြုံစိတ်ချ ထိရောက်စွာ အသုံးပြုနိုင်” ဆိုတဲ့ အမှတ်တံဆိပ်ရေးသား  အသုံးပြုခွင့်ပြုတာဖြစ်ပါတယ်။အဲဒီအပြင် ကွန်ဒုံးကို သန္ဓေတားဖို့နှင့် သဘာဝ အတိုင်းလိင်ဆက်ဆံမှုအတွင်း လိင်ကတစ်ဆင့်ကူးစက်ရောဂါတွေဖြစ်ပွားခြင်းကိုလျှော့ချရာတွင် အသုံးပြုဖို့လည်း အတည်ပြု ပေးခဲ့တာဖြစ်ပါတယ်။

သုတေသနပညရှင်တွေ၊ရှေ့နေတွေနှင့် ကုမ္ပဏီတွေအတူတကွပူးပေါင်းဆောင်ရွက်မှုကြောင့် ဒီလိုပြောင်းလဲမှုကြီးတစ်ခု လုပ်ဆောင်နိုင်ခဲ့ကြတာဖြစ်တယ်လို့ ဘောစတွန်အခြေစိုက် Global Protection Corpရဲ့ ဥက္ကဋ္ဌနှင့် တည်ထောင်သူ ဒေဗင် ဝီဒဲလ်က သတင်းထုတ်ပြန်ချက်ထဲမှာပြောပါတယ်။ သူတို့ကုမ္ပဏီဟာ One Male Condom ဆိုတဲ့ကွန်ဒုံးထုတ်လုပ်သူ ဖြစ်ပါတယ်။  “ မွေးလမ်းကြောင်းဖြင့်လိင်ဆက်ဆံတဲ့ အချက်အလက်တွေအပေါ်အခြေခံပြီး အတည်ပြုချက်ရထားတဲ့ ကွန်ဒုံးပေါင်း ၃၀၀ကျော်ရှိပါတယ်။ ဒါပေမယ့် စအိုဖြင့်လိင်ဆက်ဆံတဲ့ အချက်အလက်တွေအပေါ်အခြေခံပြီးလုပ်ထားတဲ့ ကွန်ဒုံးကို အတည်ပြုတာအရင်ကမရှိခဲ့ဖူးပဲ ဒါပထမဆုံးဖြစ်တယ်” လို့ အဲဒီကုမ္ပဏီကပြောပါတယ်။

အစားအသောက်နှင့်ဆေးဝါးဌာနရဲ့ GastroRenal, ObGyn, General Hospital and Urology Devices ညွှန်ကြားရေးမှူး တစ်ဦးဖြစ်တဲ့ ကော့တ်နေလိုင်ယတ်စ်က  ပုံမှန်မွေးလမ်းကြောင်းဖြင့်လိင်ဆက်ဆံရာကရတဲ့ ကူးစက်ရောဂါတွေထက် စအိုဖြင့်လိင်ဆက်ဆံရာကရတဲ့ ကူးစက်ရောဂါတွေက သိသိသာသာမြင့်တက်နေတယ်လို့ ပြောပါတယ်။

စအိုဖြင့်လိင်ဆက်ဆံအတွက်သီးသန့်၊တွက်ချက်ပြီး အမှတ်တံဆိပ်ကပ်ထားတဲ့ ကွန်ဒိုတစ်ခုကို အက်ဖ်ဒီအေက အတည်ပြုပေးလိုက်တာဟာ စအိုဖြင့်လိင်ဆက်ဆံနေစဉ်အတွင်း ကွန်ဒိုအသုံးပြုလာနိုင်ခြေကို တိုးတက်စေလာနိုင်ပါတယ်” လို့လည်း လီယတ်စ်က သတင်းထုတ်ပြန်ချက်ထဲမှာ ပြောထားပါတယ်။

စအိုဖြင့်လိင်ဆက်ဆံခြင်းဟာ အိတ်ချ်အိုင်ဗွီအကူးခံရမယ့်အန္တရာယ်အမြင့်မားဆုံးဖြစ်ပြီး  မွေးလမ်းကြောင်းက လိင်ဆက်ဆံခံရခြင်းထက် စအိုဖြင့်လိင်ဆက်ဆံခံရခြင်းက အိတ်ချ်အိုင်ဗွီကူးစက်မှု ၁၈ဆမြင့်မားကြောင်းတွေရပါတယ်။  အမေရိကန်အစိုးရရဲ့ ရောဂါထိန်းချုပ်ကာကွယ်ရေးဌာနရဲ့အဆိုအရ ၂၀၁၉ခုနှစ်အတွင်း အမေရိကန်ပြည်ထောင်စုမှာ  အိတ်ချ်အိုင်ဗွီရောဂါကူးစက်ခံရသူ အသစ် ၃၆၈၀၁ ဦးထဲက ၆၉ရာခိုင်နှုန်းဟာ လိင်တူဆက်ဆံသူအမျိုးသားတွေနှင့် နှစ်ဖက်ချွန်လိင်ဆက်ဆံသူအမျိုးသားတွေဖြစ်ကြောင်းတွေ့ရပါတယ်။

One Male Condoms တွေကို ပုံမှန်၊အပါးနှင့် အံကိုက်ဆိုပြီး ပုံစံသုံးမျိးရှိပြီး အံကိုက်ပုံစံတစ်ခုတည်းမှာကိုပဲ အရွယ်အစားပေါင်း၅၄မျိုးကို ထုတ်လုပ်ထားပါတယ်။

အဲဒီကွန်ဒုံးတွေနှင့် အမျိုးသား အချင်းချင်းဆက်ဆံတဲ့ အမျိုးသား ၂၅၂ဦးနှင့် အမျိုးသမီးနှင့်ဆက်ဆံတဲ့အမျိုးသား ၂၅၂ ဦးတို့ကို အသုံးပြုစေပြီး စမ်းသပ်ခဲပါတယ်။အဲဒီအခါမှာ စအိုဖြင့်ဆက်ဆံသူတွေကြားထဲ မအောင်မြင်မှု ၀.၆၈ ရာခိုင်နှုန်းဖြစ်ပြီး မွေးလမ်းကြောင်းဖြင့်ဆက်ဆံသူတွေကြားထဲ မအောင်မြင်မှု ၁.၈၉  ရာခိုင်နှုန်းရှိတာတွေ့ရတယ်လို့ အက်ဖ်ဒီအေရဲ့ အချက်အလက်တွေအရသိရပါတယ်။မအောင်မြင်ဖူးဆိုတာက ကွန်ဒုံးလျောထွက်တာနှင့်ပေါက်ပြဲတာတို့ကိုဆိုလိုတာဖြစ်ပါတယ်။

Source NBC News

#TV_Yangon_Times_Mattersအစီအစဉ်
Published - 27 Feb 2022

အစီအစဉ်တင်ဆက်သူ ဆရာဟိန်းလတ်နဲ့ အတူ ဆရာပန်းချီတင်ထွဏ်းက သူ့ရဲ့ ထင်ပေါ်ကျော်ကြားခဲ့တဲ့ လိုဂိုဒီဇိုင်းတွေနဲ့ပတ်သက်ပြီး အဲဒါတွေကိုဖန်တီးခဲ့ပုံနှင့် လိုဂိုဒီဇိုင်းပညာရပ်နှင့်ပတ်သက်ပြီး ဖြတ်သန်းခဲ့တဲ့အတွေ့အကြုံတွေကို ဗဟုသုတဖြစ်ဖွယ်ရာဆွေးနွေးထားတာဖြစ်ပါတယ်။

#Yangon_Media_Group

Published:27 February 2022

ခေတ်မီလယ်ယာစိုက်ပျိုးရေးအလေ့အထတွေနှင့်နည်းပညာတွေဖြစ်တဲ့  ဟိုက်ဒရိုပိုနစ်နည်းလို နည်းပညာတွေဟာ တရုတ်နိုင်ငံအရှေ့ပိုင်း ကျက်ကျန်းပြည်နယ်၊ဘိုင်ယန်မြို့က ယာခင်းတစ်ခုထဲမှာအသုံးပြုနေပြီး အဲဒီနည်းပညာကြောင့် ဟင်းသီးဟင်းရွက် ထုတ်လုပ်မှုစွမ်းအား တိုးတက်နေပါတယ်။

ဟိုက်ဒရိုပိုနစ်နည်းပညာဆိုတာက မြေဆီလွှာမသုံးဘဲနှင့် အပင်တွေကို အဟာရဖြည့်ရေတွေကိုသာ အသုံးပြုပြီး စိုက်ပျိုးတဲ့ နည်းပညာဖြစ်ပါတယ်။

အဲဒီယာခင်းထဲမှာ ဟိုက်ဒရိုပိုနစ်ဆလတ်ရွက်တွေကို စက်ရုပ်လက်ကြီးတွေနှင့် ရိတ်သိမ်းနေပါတယ်။ အဲဒီနောက် ထုတ်ပိုးမယ့် အလုပ်သမားတွေဆီ ရွေ့လျားစက်ခါးပတ်ကြီးတွေနှင့် ပို့ဆောင်ပေးပါတယ်။

Source CMG

#LocalNews
Published -27 Feb 2022

ဖေဖော်ဝါရီလ ၂၇ ရက်နေ့ ယနေ့ နံနက်ပိုင်းက မုံရွာ -ဘုတလင် ကားလမ်းမပေါ်တွင် ကုန်တင်ယာဉ်နဲ့ ခရီးသည်တင်ယာဉ်တိုက်မိခဲ့ပြီး ယာဉ်တိုက်မှုကြောင့် ၂ ဦးသေဆုံးခဲ့တယ်လို့ သိရပါတယ်။

ဖြစ်စဉ်မှာ ယနေ့ နံနက် ၁၀ နာရီ မိနစ် ၃၀ အချိန်ခန့်က မုံရွာ -ဘုတလင်လမ်း ဘုတလင်မြို့အဝင် Denko ဆီဆိုင်အနီးတွင် ခရီးသည်တင်ယာဉ် တစ်စီးနှင့် ကုန်တင်ကားတစ်စီး တိုက်မှု ဖြစ်ပွားကာ ဒဏ်ရာရ လူနာများရှိကြောင်း တာဝန်သိပြည်သူတစ်ဦးမှ ဖုန်းဆက်အကြောင်းကြားမှုအရ လူမှုကူညီရေးအသင်း မုံရွာမှ ကယ်ဆယ်ရေးယာဉ် (၂)စီး လူနာတင်ယာဉ် (၃)စီး စုစုပေါင်း (၅)စီး ထွက်ခွာကာသွားရောက်ကူညီခဲ့တယ်လို့ သိရပါတယ်။

အဆိုပါယာဉ်တိုက်မှုကြောင့် အမျိုးသား (၂)ဦးသေဆုံးကာ (၃)ဦးဒဏ်ရာရရှိခဲ့ပြီး ၎င်းတို့ကိုဘုတလင်မီးသတ်တပ်ဖွဲ့နဲ့အတူ အနီးကျေးရွာမှ လူမှူကူညီရေးအသင်းများနှင့် ပူးပေါင်းကာဘုတလင်ဆေးရုံသို့ ပို့ဆောင်ပြီး သေဆုံးသူအမျိုးသားအလောင်းတစ်လောင်းအား မုံရွာ နေအိမ်သို့ ပို့ဆောင်ခဲ့တယ်လို့ သိရပါတယ်။

Photo-မြန်မာနိုင်ငံလူမှုကယ်ဆယ်ရေးအဖွဲ့
မုံရွာမြို့နယ်ရုံး

ymg/hm
#Yangon_Media_Group

Published 27 February 2022

ရုရုားကိုယ်စားလှယ်အဖွဲ့ဟာ ယူကရိန်းနှင့်ဆွေးနွေးဖို့အတွက် ဘီလာရု(စ်)နိုင်ငံကို ရောက်ရှိနေတယ်လို့ ကရင်မလင်ရဲ့ ပြောရေးဆိုခွင့်ရပုဂ္ဂိလ် ဒီမစ်ထရီ ပက်ကော့ဗ်က တနင်္ဂနွေနေ့ကပြောပါတယ်။

“သဘောတူညီချက်နှင့်အညီ နိုင်ငံခြားရေးဝန်ကြီးဌာန၊ကာကွယ်ရေးဝန်ကြီးဌာန၊အခြားဝန်ကြီးဌာနတွေနှင့် သမ္မတရုံးကကိုယ်စားလှယ်တွေ ပါဝင်တဲ့ ရုရှားကိုယ်စားလှယ်အဖွဲ့ဟာ ယူကရိန်းတွေနှင့်စကားပြောဖို့ ဘီလာရု(စ်)နိုင်ငံကို ရောက်နေပါပြီလို့ ပက်စ်ကော့ဗ်က ပြောပါတယ်။

“ ကျွန်တော်တို့ဟာ ဂိုမဲလ်မှာ ဆွေးနွေးပွဲတွေစတင်မှာဖြစ်ပါတယ်”

ရုရှားဟာ အထူးစစ်ဆင်ရေးဆိုပြီး ဖေဖော်ဝါရီ(၂၄)ရက်မှာ ယူကရိန်းထဲ တပ်တွေဝင်ရောက်ခဲ့ပါတယ်။ အဲဒီနောက် ယူကရိန်းနှင့်ဆွေးနွေးညှိနှိုင်းဖို့မျှော်လင့်ချက်နှင့် စစ်ဆင်ရေးကို ခေတ္တရပ်ဆိုင်းပေးခဲ့ပါတယ်။ စနေနေ့မှာတော့ ယူကရိန်းက စေ့စပ်ဆွေးနွေးဖို့ ငြင်းဆန်လိုက်တဲ့အတွက် စစ်ဆင်ရေးကိုပြန်စတင်ခဲ့ပါတယ်။

ဖေဖော်ဝါရီ(၂၆)ရက်မှာတော့ ဘီလာရု(စ်)ဟာ စေ့စပ်ညှိနှိုင်းဖို့ အတွက် စီစဉ်ပေးဖို့ အဆင်သင့်ရှိတယ်လို့ သူ့ရဲ့သမ္မတ အလက်ဇင်းဒါး လူကာရှင်ကိုက ပြောဆိုလိုက်ပါတယ်။ တူရကီနှင့်အဇာဘိုင်ဂျန်တို့ရဲ့သမ္မတတွေက ဆွေးနွေးပွဲတွေ ရှေ့ဆက်သွားဖို့ အဆိုပြုခဲ့တယ်လို့ ယူကရိန်းသမ္မတ ဇီလင်ကကီးက စနေနေ့နှောင်းပိုင်းမှာတွေ့ခဲ့ပါတယ်။

Source TASS

#LocalNews
Published - 27 Feb 2022

ဂမ်ဘီယာဟာ ကြားနာပွဲကို ပလက်ဖောင်းတစ်ခုအဖြစ်အသုံးချနေမှုအပေါ် တရားရုံးတော်၌ နှုတ်ဆိတ်နေနိုင်မှာမဟုတ်ဘူးလို့ မြန်မာက ဂမ်ဘီယာရဲ့ တရားရုံးမှာ ပြောဆိုချက်တွေအပေါ် ပြန်လည်တုံ့ပြန်ခဲ့ပါတယ်။

ဖေဖော်ဝါရီ (၂၅)ရက်က နယ်သာလန်နိုင်ငံ သည်ဟိဂ်မြို့မှာ ဂမ်ဘီယာနိုင်ငံက မြန်မာနိုင်ငံကို တရားစွဲဆိုထားတာနဲ့ပတ်သတ်ပြီး တရားရုံးတွင် စီရင်ပိုင်ခွင့်မရှိကြောင်းနဲ့ ဂမ်ဘီယာနိုင်ငံအနေနဲ့ တရားစွဲဆိုပိုင်ခွင့်မရှိကြောင်း တရားရုံးကဆုံးဖြတ်ပေးဖို့ အပြည်ပြည်ဆိုင်ရာတရားရုံး (ICJ) တရားရုံးကို ကနဦးကန့်ကွက်လွှာတင်သွင်းတဲ့နောက်ဆုံးနေ့မှာ နစကဝန်ကြီး ဦးကိုကိုလှိုင်က နိဂုံးချုပ်မိန့်ခွန်းမှာ အဲသလိုပြောကြားခဲ့တာဖြစ်ပါတယ်။

“ ပြီးခဲ့တဲ့ဗုဒ္ဓဟူးနေ့က ဂမ်ဘီယာဘက်ကရှေ့နေကြီးများကတော့ဖြင့် ကနဦးကန့်ကွက်ကြားနာပွဲနှင့် သက်ဆိုင်ဆီလျှော်မှုမရှိတဲ့ အချက်အလက်ပိုင်းဆိုင်ရာနှင့် နိုင်ငံရေးဆိုင်ရာ စွပ်စွဲပြောဆိုချက်တွေကို ပြလုပ်လျှောက်ထားခဲ့ခြင်းဟာ တရားရုံးတော်ဥပဒေအရ ယခုတရားရင်ဆိုင်မှုအဆင့်မှာ လျောကန်သင့်မြတ်ခြင်းမရှိဘူးလို့ မြန်မာနိုင်ငံကိုယ်စားလှယ်ဖြစ်တဲ့ နစက အပြည်ပြည်ဆိုင်ရာပူးပေါင်းဆောင်ရွက်ရေးဝန်ကြီး ဦးကိုကိုလှိုင်က တုံ့ပြန်ပြောဆိုခဲ့ပါတယ်။

မြန်မာနိုင်ငံ ဒုတိယအကြိမ် လျှောက်လဲမှုကို ဖေဖော်ဝါရီ ၂၅ ရက်နေ့က ပြုလုပ်ခဲ့ပြီး ဦးကိုကိုလှိုင်နဲ့ မြန်မာကိုယ်စားပြု နိုင်ငံတကာရှေ့နေတွေက ဂမ်ဘီယာနိုင်ငံရဲ့ ပထမအကြိမ် လျှောက်လဲမှုတွေအပေါ် တရားရုံးမှာ တုံ့ပြန်ချေပပြောဆိုခဲ့ကြပါတယ်။

ကန့်ကွက်လွှာနဲ့ပတ်သက်ပြီး ကြားနာမှုကို နယ်သာလန်နိုင်ငံ၊ သည်ဟိဂ်မြို့မှာ ၂၀၂၂ ခုနှစ်၊ ဖေဖော်ဝါရီလ ၂၁ ရက်နေ့ကစတင်ပြီး ၂၈ ရက်နေ့အထိ ပြုလုပ်သွားမှာဖြစ်ပါတယ်။

ယခင်က မြန်မာနိုင်ငံအနေနဲ့ ဂျီနိုဆိုက်မြောက်တယ်၊ မမြောက်ဘူး ဆုံးဖြတ်ချက်မပြုလုပ်နိုင်သေးတဲ့ ကြားကာလမှာ ကြားဖြတ်အစီအမံချက် ၄ ချက်ကို ၂၀၂၀ ခုနှစ် ဇန်နဝါရီ ၂၃ ရက်နေ့က ICJ တရားရုံးက တရားသူကြီး ၁၇ ယောက်လုံးက တညီတညွတ်တည်း သဘောတူချမှတ်ခဲ့ပါတယ်။

နိုင်ငံအချင်းချင်း တရားစွဲတဲ့အမှုတွေကိုသာ ICJ က လက်ခံကြားနာစစ်ဆေးပြီးတော့ လူပုဂ္ဂိုလ်၊ အဖွဲ့အစည်းအနေနဲ့ နိုင်ငံတစ်နိုင်ငံကို တရားစွဲလို့ မရနိုင်ဘူးလို့ သိရပါတယ်။

၂၀၁၇ ခုနှစ်တုန်းက ရခိုင်ပြည်နယ်မြောက်ပိုင်းမှာ ရိုဟင်ဂျာ မွတ်ဆလင်တွေအပေါ် လူမျိုးတုံး သတ်ဖြတ်တယ်ဆိုပြီး ဂမ်ဘီယာက မြန်မာကို စွဲဆိုထားတာဖြစ်ပြီး ၂၀၁၉ ခုနှစ်က မြန်မာနိုင်ငံအနေနဲ့ ဒီအမှုကို နယ်သာလန်တရားရုံးမှာ ရင်ဆိုင်ခဲ့ပါတယ်။

ymg/ei
#Yangon_Media_Group

#Local_News
Published_ 27 Feb 2022

မြန်မာနိုင်ငံကြက်ခြေနီအသင်းနှင့် ကမ္ဘာ့စားနပ်ရိက္ခာအစီအစဉ်တို့ ပူးပေါင်းကာ ရန်ကုန်မြို့၊ ရွှေပြည်သာမြို့နယ်ရှိ ရပ်ကွက် ၂၇ ခုတွင်နေထိုင်သည့် အိမ်ထောင်စုပေါင်း ၁၀၀,၂၄၂ စုအတွက် ဒုတိယအကြိမ် ဆန်ဖြန့်ဝေမှုကို ဖေဖော်ဝါရီလ (၁၈) ရက်နေ့မှ စတင်ဆောင်ရွက်ခဲ့ကြောင်း သိရပါတယ်။

ဖေဖော်ဝါရီ ၂၆ ရက် ယမန်နေ့က အမှတ် (၁၈) ရပ်ကွက်အတွင်းရှိ အိမ်ထောင်စု ၃,၇၅၄ စုအတွက် တစ်အိမ်ထောင်လျှင် ဆန် ၅၀ kg/၂၅ ပြည်နှုန်းနဲ့ ဖြန့်ဝေပေးခဲ့ပါတယ်။

အဆိုပါ ဆန်ဖြန့်ဝေခြင်းမှာ လက်ရှိအချိန်အထိ အိမ်ထောင်စု စုစုပေါင်း ၈၈,၇၂၄ စု၊ လူဦးရေ ၃၄၀,၄၇၄ ဦးအတွက် ဖြန့်ဝေပြီးဖြစ်တယ်လို့ ဆိုပါတယ်။ ဆက်လက်ပြီး ကျန်ရှိတဲ့ အိမ်ထောင်စုတွေကို မတ်လပထမပတ်အတွင်း ပြီးစီးအောင် ဖြန့်ဝေသွားမယ်လို့သိရပါတယ်။

မြန်မာနိုင်ငံကြက်ခြေနီအသင်းဟာ နှစ်စဉ်သဘာဝဘေးအန္တရာယ်ကြောင့် ဘေးဒုက္ခခံစားနေရသူများနှင့် ပဋိပက္ခဖြစ်မှုများကြောင့် ဘေးဒုက္ခခံစားနေရသူများကို ခွဲခြားမှုမရှိဘဲ လူမှုကရုဏာအကူအညီများ ပေးလျက်ရှိတယ်လို့ ဆိုပါတယ်။

ဒီလိုအကူအညီပေးရာမှာ ပြည်တွင်း၊ ပြည်ပရှိ အလှူရှင်များလှူဒါန်းသော လှူဒါန်းငွေနဲ့ ထောက်ပံ့ပစ္စည်းများလည်း ပါဝင်ပါတယ်။ လှူဒါန်းလိုသော ပစ္စည်းများနှင့် အလှူငွေများကို မြန်မာနိုင်ငံကြက်ခြေနီအသင်းရုံးသို့ လူကိုယ်တိုင်ဖြစ်စေ Online မှဖြစ်စေ လှူဒါန်းနိုင်ကြောင်း သိရပါတယ်။

ပြည်တွင်းအလှူရှင်များက Mobile Banking အမျိုးမျိုးဖြင့် လှူဒါန်းနိုင်ပြီး ပြည်ပအလှူရှင်များက Visa, Master, JCB အစရှိတဲ့ Credit Card များဖြင့် လှူဒါန်းနိုင်ကြောင်း မြန်မာနိုင်ငံကြက်ခြေနီအသင်းက ဖိတ်ခေါ်ထားပါတယ်။

ymg-mnn
#Yangon_Media_Group