ဂျပန်ကုမ္ပဏီထုတ် ဖြည့်စွက်ဆေးများ အသက်အန္တရာယ်ဖြစ်စေသည်အထိ ပြဿနာဖြစ်ခဲ့သဖြင့် ပိုမိုထိန်းသိမ်းကွပ်ကဲပေးရန်အစိုးရကို တောင်းဆိုနေကြ

ဂျပန်ဆေးဝါး ထုတ်လုပ်ရေး ကိုဘာယာရှီကုမ္ပဏီမှ ထုတ်လုပ်တဲ့ ဖြည့်စွက်ဆေးများ ပါဝင်တဲ့ သတင်းကိစ္စဆိုးကြီး ဖြစ်ပျက်နေရာ ကျန်းမာရေး စားသုံးထုတ်ကုန်များကို အစိုးရအနေနဲ့ ပိုမိုထိန်းသိမ်းကြီးကြပ်ပေးဖို့ ဂျပန်မှ ဝယ်ယူသုံးစွဲသူများအဖွဲ့က တောင်းဆိုလာကြပါတယ်။
#World_News
Published 18 June 2024
#ဂျပန်ကုမ္ပဏီထုတ်ဖြည့်စွက်ဆေး #အသက်အန္တရာယ်ဖြစ်စေ
#YMG #Yangon_Times #Yangon_Media_Group

#Daily_News
Published_ 18 June 2024

၁။ ရန်ကုန်၊ မန္တလေးရှိရွှေဆိုင်(၉)ဆိုင်တွင် ရွှေထည်‌များကို  YGEA စျေးနှုန်း(၄၅)သိန်းကျော်ဖြင့် ရောင်းချပေးနေ

၂။ ဇီဝဇိုးငှက်အိမ်ဆောက်လုပ်မွေးမြူသည့်လုပ်ငန်းတွင် သိန်းထောင်ချီအထိ ရင်းနှီးမြှုပ်နှံသူများရှိလာဟုဆို

၃။ နောင်တရားဒေသ၌ နယ်သာလန်နှင့်တရုတ်မျိုး မိုးအာလူး ဧက ၃၀၀၀‌ခန့် နောင်တရားဒေသမှာနယ်သာလန်နှင့်တရုတ်မျိုးများ စိုက်ပျိုး

၄။ ဂျပန်ကုမ္ပဏီထုတ်ဖြည့်စွက်ဆေးများ အသက်အန္တရာယ်ဖြစ်စေသည်အထိပြဿနာဖြစ်ခဲ့သဖြင့် ပိုမိုထိန်းသိမ်းကွပ်ကဲပေးရန်အစိုးရကိုတောင်းဆိုနေကြ ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Daily_News #Yangon_Times #Yangon_Media_Group #TV Yangon Times

ပြည်ပနိုင်ငံများကို အေဂျင်စီများကတစ်ဆင့် တရားဝင်သွားရောက်အလုပ်လုပ်ကိုင်နေတဲ့ မြန်မာအလုပ်သမားများအနေနဲ့ မိမိတို့ရဲ့ လုပ်ခလစာကို မိသားစုထံလွှဲပို့ရာမှာ လစာရဲ့ ၂၅ ရာခိုင်နှုန်းကို တရားဝင်ဘဏ်‌တွေမှတစ်ဆင့် လွှဲပို့ထားကြောင်း အထောက်အထားများအား ပို့ဆောင်ပေးခဲ့တဲ့ အေဂျင်စီက စာရင်းပြုစုပြီး အလုပ်သမားဝန်ကြီးဌာနကို တင်ပြရမှာဖြစ်တယ်လို့ မြန်မာပြည်ပအလုပ်အကိုင်ဝန်ဆောင်မှုလုပ်ငန်းရှင်များအသင်း(MOEAA)ထံ က သိရပါတယ်။
#Local_News
Published 18 June 2024
#မြန်မာအလုပ်သမား #(MOEAA)
#YMG/LW #Yangon_Times

ရှမ်းပြည်နယ်တောင်ပိုင်း နောင်တရားဒေသမှာ အခုနှစ်အတွက် မိုးအာလူး ဧက ၃၀၀၀‌ခန့် စိုက်ပျိုးထားပြီး နယ်သာလန်နဲ့ တရုတ်မျိုးတွေ  စိုက်ပျိုးထားတယ်လို့  နောင်တရားအာလူးအသင်းက သိရပါတယ်။
#Local_News
Published 18 June 2024
#နယ်သာလန်နှင့်တရုတ်မျိုး #မိုးအာလူးစိုက်ပျိုး
#YMG/NN #Yangon_Times

ဇီဝဇိုးငှက်တွေကို ငှက်အိမ်ဆောက်လုပ်ပေးပြီး ငှက်သိုက်ခွာယူရတဲ့လုပ်ငန်းမှာ ဈေးကွက် အလားလာ ကောင်းလာတဲ့အတွက် သိန်းထောင်ချီ ရင်းနှီးမြှုပ်နှံသူတွေ ရှိလာတယ်လို့ ဇီဝဇိုး ငှက်သိုက်မွေးမြူထုတ်လုပ်သူတွေ ထံက သိရပါတယ်။
#Local_News
Published 18 June 2024
#ရင်းနှီးမြှုပ်နှံသူများရှိလာ #ဇီဝဇိုးငှက်အိမ်ဆောက်လုပ်မွေးမြူသူ
#YMG/LW #Yangon_Times

ရန်ကုန်နဲ့မန္တလေးရှိရွှေဆိုင်‌တွေဖြစ်တဲ့ရွှေနန်းတော်၊ မြန်မာချမ်းသာ၊ တာလီ၊ ဇွဲထက်၊ 2.9၊ ဝိန့်စိန်၊အကယ်ဒမီ၊ ရွှေစင်အကယ်ဒမီ၊ အောင်သမာဓိဆိုင်တွေမှာ YGEAဈေးနှုန်း(၄၅)သိန်းကျော်ဖြင့် ရွှေထည်တွေရောင်းပေးနေတယ်လို့ သိရပါတယ်။
#Local_News
Published 18 June 2024
#တစ်ကျပ်သား(၄၅)သိန်း #ရွှေဆိုင်(၉)ဆိုင်
#tthl #Yangon_Times

#Local_News
Published 18 June 2024

▪️ ရခိုင်ပြည်နယ်၊ သံတွဲခရိုင်၊ ဂွမြို့နယ်အတွင်းရှိ ကုန်းမြေ ၇၈၁ ဧကနှင့် ရေပြင် ၂၂၂၁၉ ဧက စုစုပေါင်းဧရိယာ ဧက၂၃၀၀၀ ကို ဇီဝမျိုးစုံမျိုးကွဲများ ထိန်းသိမ်းကာကွယ်ရန် ကျွန်းနံ့သာ" အဏ္ဏဝါအမျိုးသားဥယျာဉ် အဖြစ်သတ်မှတ်ဖွဲ့စည်းလိုက်ကြောင်းသယံဇာတနှင့်သဘာဝပတ်ဝန်းကျင် ထိန်းသိမ်းရေးဝန်ကြီးဌာနမှ သိရသည်။

▪️ အဆိုပါနေရာတွင် ဝေလငါးအပါအဝင် ရှားပါးသည့် ဗျိုင်းမည်းငှက်မျိုးစိတ်တို့နေထိုင်ကျက်စားရာနေရာဖြစ်ကာ၂၀၁၈ ခုနှစ် မေလတွင်ထုတ်ပြန်သည့် ဇီဝမျိုးစုံမျိုးကွဲနှင့် သဘာဝထိန်းသိမ်းရေးနယ်မြေများ ကာကွယ်စောင့်ရှောက်ခြင်းဆိုင်ရာ ဥပဒေပုဒ်မ ၉၊ ပုဒ်မခွဲ (က) အရ အပ်နှင်းထားသည့် အခွင့်အာဏာများကို ကျင့်သုံး၍ ဇွန်လ၁၂ရက်မှစပြီး အမျိုးသားဥယျာဉ်အဖြစ် သတ်မှတ်လိုက်ခြင်းဖြစ်သည်။

▪️ ကျွန်းနံ့သာသည် ဘူမိရုပ်သွင်ထူးခြားသည့် ကျွန်းတစ်ခုဖြစ်ပြီး ဂွမြို့နယ်၊ ကျိန္တလီမြို့၏ အနောက်ဘက် ရေမိုင် ၂၄ မိုင်အကွာတွင် တည်ရှိသော ရခိုင်ကမ်းရိုးတန်းဒေသတစ်ခုဖြစ်သည့်အပြင် အဆိုပါဒေသတွင် သဘာဝဝန်းကျင်ထိန်းသိမ်းရေး အပြည်ပြည်ဆိုင်ရာအဖွဲ့ (IUCN) ၏ ကာကွယ်ထိန်းသိမ်းမှုအဆင့် သတ်မှတ်ချက်ဝင် ပင်လယ်ကမ်းရိုးတန်းဒေသများ၌ ကျက်စားနေထိုင်သော အဏ္ဏဝါမျိုးစိတ်များဖြစ်သည့် ပြင်သာလိပ်၊ လိပ်လှောင်း၊ လိပ်ကြက်တူရွေး၊ လိပ်စောင်းလျားနှင့် လိပ်ခွေးစသည်တို့နှင့် ဝေလငါး၊ ငါးမန်းဖလောင်း၊ ရေဝက်၊ ငါးမန်း အမျိုးမျိုး၊ ငါးလိပ်ကျောက်၊ ရှားပါးသည့် ဗျိုင်းမည်းငှက်မျိုးစိတ်တို့ နေထိုင်ကျက်စားခြင်း၊ ကျွန်း၏ပတ်လည်ပင်လယ်ရေအောက်တွင် ပင်လယ်ရေအောက်ရွှံ့မီးတောင်နှင့် သန္တာကျောက်တန်းများ တည်ရှိနေခြင်းတို့ကြောင့် ကမ်းရိုးတန်းဒေသရှိ အဏ္ဏဝါမျိုးစိတ်များနှင့် ထူးခြားသည့် ဘူမိရုပ်သွင်များ တည်ရှိနေခြင်းဖြစ်သည်။

▪️ ထိုသို့သတ်မှတ်လိုက်ခြင်းဖြင့် အဆိုပါ ဧရိယာအတွင်းရှိ ထူးခြားသည့် ဘူမိရုပ်သွင်တစ်ခုဖြစ်သော ပင်လယ်ရေအောက်ရွှံ့မီးတောင်နှင့် သန္တာကျောက်တန်းများအား ထိန်းသိမ်းနိုင်မည်ဖြစ်ခြင်း၊ မျိုးသုဉ်းရန်အန္တရာယ်ရှိသည့် အဏ္ဏ ဝါ မျိုးစိတ်များနှင့် ၎င်းတို့၏နေရင်းဒေသများ၊ ကမ်းရိုးတန်းဂေဟစနစ်များအား ကာကွယ်စောင့်ရှောက်နိုင်မည်ဖြစ်ခြင်း၊ ကျွန်းအနီးပတ်ဝန်းကျင်ရှိ ဒေသခံကျေးရွာ (၁၀) ရွာမှ ဒေသခံ ရခိုင်လူမျိုးများ၏ မိရိုးဖလာငါးဖမ်းဆီးသည့် လုပ်ငန်းအတွက် အဓိကအားထားရာနေရာတို့အား စနစ်တကျစီမံအုပ်ချုပ်နိုင်မည်ဖြစ်ခြင်းနှင့် ဥပဒေနှင့်အညီ ကာကွယ်ထိန်းသိမ်းနိုင်မည်ဖြစ်ခြင်းစသည့်အကျိုးကျေးဇူးများ ရရှိနိုင်မည်ဖြစ်ကြောင်း သိရသည်။

#YMG/LW #Yangon_Times

#World_News
Published 18 June 2024

▪️ ရုရှားသမ္မတ ဗလာဒီမာပူတင်ဟာ ၂၄ နှစ်အတွင်း ပထမဆုံးအကြိမ်အဖြစ် မြောက်ကိုရီးယားနိုင်ငံသို့ အင်္ဂါနေ့နဲ့ ဗုဒ္ဓဟူးနေ့တို့မှာ သွားရောက်လည်ပတ်မှာ ဖြစ်တယ်လို့ နှစ်ဖက်နိုင်ငံတို့က ပြောကြားလိုက်ပါတယ်။

▪️ ဒါဟာ ယူကရိန်းကို ကျူးကျော်ပြီးကတည်းက ရုရှားနဲ့ မြောက်ကိုရီးယားတို့ ဆက်ဆံရေး အလျင်အမြန် တိုးတက်လာတာကို ဖော်ပြနေပါတယ်။

▪️ ပြီးခဲ့တဲ့ စက်တင်ဘာလတုန်းက မြောက်ကိုရီးယား ခေါင်းဆောင် ကင်မ်ဂျုံအန်း ရုရှားသို့ လာရောက်စဥ်က ပူတင်ကို ဖိတ်ကြားခဲ့တာ ဖြစ်ပါတယ်။

▪️ ပူတင်ဟာ ၂၀၀၀ ခုနှစ် ဇူလိုင်လတုန်းက မြောက်ကိုရီးယားသို့ နောက်ဆုံးရောက်ရှိခဲ့ပါတယ်။

▪️ အမေရိကန် အနေနဲ့ကတော့ မြောက်ကိုရီးယားနဲ့ ရုရှားတို့ ဆက်ဆံရေးမြှင့်တင်လာခြင်းဟာ စိုးရိမ်ဖြစ်လာပြီး ပူတင်က ယူကရိန်းစစ်ပွဲအတွက် လက်နက်ထောက်ပံ့မှုတွေရရှိဖို့ ကြိုးပမ်းနိုင်တယ်လို့ ဆိုပါတယ်။

▪️ ထိုခရီးစဥ်အတွင်း ရုရှားနဲ့ မြောက်ကိုရီးယားတို့ဟာ လုံခြုံရေးကိစ္စရပ်များ အပါအဝင် ရင်းနှီးချစ်ကြည်ရေး သဘောတူညီချက်ကို လက်မှတ်ရေးထိုးနိုင်ဖွယ်ရှိတယ်လို့ ရုရှားနိုင်ငံခြားရေး ပေါ်လစီအကြံပေး ယူရီအူရှာကော့ဗ်က ဆိုပါတယ်။

▪️ ပူတင်က မြောက်ကိုရီးယားကို သွားပြီးရင် ဇွန်လ ၁၉-၂၀ ရက်နေ့တွေမှာ ဗီယက်နမ်သို့ သွားရောက်မှာဖြစ်ကြောင်း ခရမ်လင်ဌာနချုပ်က ဆိုပါတယ်။

▪️ ရုရှားက ယူကရိန်းကို တိုက်ခိုက်ဖို့အတွက် မြောက်ကိုရီးယားက လက်နက်တွေ ထောက်ပံ့ပေးနေတယ်လို့ အမေရိကန်က စွပ်စွဲထားပေမယ့် နှစ်နိုင်ငံစလုံးက ငြင်းဆိုထားပါတယ်။

▪️ ထိုခရီးစဥ်ကြောင့် မြောက်ကိုရီးယားနဲ့ ရုရှားတို့ကြား စစ်ရေးပူးပေါင်းမှု ပိုမိုမြှင့်တင်လာမှာကို တောင်ကိုရီးယား နိုင်ငံခြားရေးဝန်ကြီးဌာနက စိုးရိမ်နေပါတယ်။

#Soure: Reuters

#Local_News
Published 18 June 2024

▪️ “Common Rose”လိပ်ပြာပုံ (၂၀၀ ကျပ်တန်) စာပို့တံဆိပ်ခေါင်းသစ် ဇွန်လ ၂၀ရက်တွင်စတင် ရောင်းချမည်ဖြစ်ကြောင်း ပို့ဆောင်ရေးနှင့် ဆက်သွယ်ရေးဝန်ကြီးဌာန မြန်မာ့စာတိုက်လုပ်ငန်းမှ သိရသည်။

▪️ ပို့ဆောင်ရေးနှင့် ဆက်သွယ်ရေးဝန်ကြီးဌာန မြန်မာ့စာတိုက်လုပ်ငန်းမှ သယံဇာတနှင့်သဘာဝပတ်ဝန်းကျင်ထိန်းသိမ်းရေးဝန်ကြီးဌာနက မြန်မာနိုင်ငံ၌တွေ့ရှိရသော လိပ်ပြာမျိုးစိတ်အဖြစ် မှတ်တမ်းတင်သဘောထားမှတ်ချက်ပြုထားသည့် “Common Rose” လိပ်ပြာပုံ (၂၀၀ ကျပ်တန်) စာပို့တံဆိပ်ခေါင်းသစ်တစ်မျိုးအား‌ ရောင်းချပေးမည် ဖြစ်ကြောင်းသိရသည်။

▪️ အဆိုပါ တံဆိပ်ခေါင်းကို ၂၀၂၄ ခုနှစ် ဇွန် ၂၀ ရက်၊ မြန်မာသက္ကရာဇ် ၁၃၈၆ ခုနှစ် နယုန်လဆန်း ၁၄ ရက်(ကြာသပတေးနေ့) နံနက် ၉ နာရီခွဲ မှစတင်၍ နေပြည်တော် ဗဟိုစာတိုက်ကြီး၊ ရန်ကုန်စာတိုက်ကြီး၊ မန္တလေးစာတိုက်ကြီးတို့နှင့် တိုင်းဒေသကြီး/ ပြည်နယ်များရှိ စာတိုက်ကြီးများတွင် တစ်ပြိုင်တည်း ရောင်းချပေးသွားမည်ဖြစ်ကြောင်းသိရသည်။

▪️ အထူးအစီအစဉ်တစ်ရပ်အနေဖြင့် နေပြည်တော်ဗဟိုစာတိုက်ကြီး၊ ရန်ကုန်စာတိုက်ကြီးနှင့် မန္တလေးစာတိုက်ကြီးတို့တွင် ၂၀၂၄ ခုနှစ် ဇွန် ၂၀ ရက် (ကြာသပတေးနေ့) တွင် ဝယ်ယူသော စာပို့တံဆိပ်ခေါင်းများပေါ်တွင် နေ့စွဲအမှတ်အသားတံဆိပ်ရိုက်နှိပ်ပေးသွားမည်ဖြစ်သည်။

#YMG/LW #Yangon_Times

#Local_News
Published 18 June 2024

▪️ ထိုင်းနိုင်ငံတွင် အကြောင်းအမျိုးမျိုးကြောင့် ပြစ်ဒဏ်ကျခံပြီးသည့် မြန်မာအလုပ်သမား ၁၂၀ဦးကို နေရပ်သို့ ပြန်လည်ပို့ဆောင်ခဲ့ကြောင်း ရနောင်းလူဝင်မှုကြီးကြပ်ရေးဌာနထံမှ သိရသည်။

▪️ အဆိုပါ မြန်မာရွှေ့ပြောင်းအလုပ်သမားများမှာ ထိုင်းနိုင်ငံတောင်ပိုင်းရှိ အချုပ်များတွင်ပြစ်ဒဏ်ကျခံပြီးသူများဖြစ်ကာ ထိုင်းအာဏာပိုင်များက မြန်မာနိုင်ငံသို့ ပြန်လည်ပို့ဆောင်ပေးခြင်းဖြစ်ကြောင်း သိရသည်။

▪️ နေရပ်ပြန်ပို့ပေးသည့် မြန်မာအလုပ်သမား ၁၂၀ဦး တွင် အမျိုးသမီး ၂၀ဦးနှင့် အမျိုးသား၁၀၀ဦးတို့ ပါဝင်ကာ ရနောင်းမြို့မှ စက်လှေနှင့် ကော့သောင်းမြို့သို့ ပြန်ပို့ပေးခဲ့ကြောင်း သိရသည်။

▪️ ကော့သောင်းမြို့သို့ ရောက်လာသည့် မြန်မာနိုင်ငံသားများကို ဒေသအာဏာပိုင်များ က ကိုဗစ်-၁၉ စစ်ဆေးခြင်း၊ ကိုယ်ရေးအချက်အလက်စစ်ဆေးခြင်းနှင့် အသိပညာပေးခြင်းများပြုလုပ်မည်ဖြစ်ကာ ရောဂါပိုးတွေ့ရှိသူများကို စောင့်ကြည့်ရေးစင်တာတွင် ထားရှိမည်ဖြစ်ကြောင်း သိရသည်။

#YMG/LW #Yangon_Times

Published 17 June 2024

ရှားပါးရောဂါတစ်မျိုး ခံစားနေရတဲ့ အင်္ဂလန်မှ အမျိုးသမီးတစ်ဦးဟာ အိပ်နေစဥ် ဈေးဝယ်ထွက်ခဲ့ရာ ယူရိုငွေ ၃၀၀၀ (ရူပီး ၃.၂  သိန်း)ကျော် ကုန်သွားခဲ့ပါတယ်။

အသက် ၄၂ နှစ်အရွယ် ကယ်လီနိုက်စ်ဟာ အိပ်နေစဥ် လှုပ်ရှားမှုပြုလုပ်ခြင်း (parasomnia)လို့ ခေါ်တဲ့ရောဂါမျိုး ခံစားနေရတယ်လို့ South West သတင်းဌာနသို့ ပြောကြားခဲ့ကာ ဒီရောဂါကြောင့် လူကမသိဘဲ ဈေးဝယ်ထွက်မိတာ ဖြစ်တယ်လို့ ဆိုပါတယ်။

အိပ်ရာဝင်တဲ့အခါ ဒီညဘာတွေဖြစ်လာမလဲဆိုတာ စဥ်းစားရင်း အလွန်စိတ်ညစ်ရတယ်လို့ ကလေး ၃ ယောက်အမေဖြစ်သူက ပြောပြပါတယ်။

ညဥ့်နက်ကြီးမှ ဈေးဝယ်ထွက်မိတဲ့အခါမှာ ပလတ်စတစ် ဘတ်စ်ကတ်ဘောကွင်းကြီး၊ ဆေးရောင်ဗူး၊ စာအုပ်များ၊ ကလေးကစားကွင်း၊ ရေခဲသေတ္တာများ၊ စားပွဲများ၊ Haribo သကြားလုံးရာနဲ့ချီ ပါဝင်ပါတယ်။

စားစရာများကို ပြန်အပ်လို့မရသလို ကလေးများက ဆေးရောင်ဗူးများမြင်ပြီး သိမ်းထားလိုက်ရပါတယ်။

သူမရဲ့ ခရက်ဒစ်ကတ်နဲ့ ငွေကြေး အချက်အလက်များအကြောင်းကို လူလိမ်တွေထံ မသိလိုက်ဘဲ ပေးလိုက်မိသဖြင့် ၃၁၇ ဒေါ်လာ ဆုံးရှုံးခဲ့ပါတယ်။

သူ့အချက်အလက်တွေ ရောင်းစားခံလိုက်ရတယ်လို့ သံသယရှိသဖြင့် အကောင့်ထဲကငွေတွေ ထုတ်ထားလိုက်ရကာ ဘဏ်ကလည်း အကောင့်ကို ပိတ်သိမ်းပေးခဲ့ပါတယ်။

ဒါ့အပြင် ဆီးချိုဆေးများ အလွန်အကျွံ သုံးစွဲခဲ့မိသလို ပြတင်းပေါက်များ၊ တံခါးများ ဖွင့်ခြင်းတို့လည်း တွေ့ရှိရသဖြင့် ဆေးရုံတင်ခဲ့ရပါတယ်။

ဒီအခြေအနေအတွက် အသက်ရှူလမ်းကြောင်းကို ဖိအားပေးတဲ့စက် (CPAP)ကို ညဘက်အသုံးပြုနေရကာ အနည်းငယ် အထောက်အကူ ဖြစ်ပေမယ့် အိပ်နေစဥ် မသိလိုက်ဘဲ ထိုကိရိယာကို ဖြုတ်ပစ်တတ်ပါတယ်။

ထိုရောဂါဟာ အိပ်ပျော်နေစဥ်မှာ ပုံမှန်မဟုတ်တဲ့ လှုပ်ရှားမှုတွေ ပြုလုပ်တတ်ကာ အိပ်စက်ခြင်းကို အနှောင့်အယှက် ဖြစ်စေပါတယ်။

ဦးနှောက်က တစ်စိတ်တစ်ပိုင်း နိုးကြားနေပြီး လူနာတွေဟာ ကိုယ်တိုင်မသိလိုက်ဘဲ ပြုလုပ်နေမိတာ ဖြစ်ပါတယ်။
non-REM အိပ်စက်ခြင်းအဆင့်မှာ ထိုရောဂါ အသက်ဝင်လာတယ်ဆိုရင် အိပ်နေစဥ်လမ်းလျှောက်ခြင်း၊ စားသောက်ခြင်းတို့ ပြုလုပ်တတ်ပါတယ်။

REM အဆင့်မှာဆိုရင်တော့ အိပ်မက်ဆိုးမက်ခြင်း၊ အိပ်နေစဥ်လေဖြတ်ခြင်းတို့ ဖြစ်တတ်ပါတယ်။
Source: India Today
#World_Health
#Published 18 June 2024
#YMG #Yangon_Times #Yangon_Media_Group

Published 18 June 2024

မြေပဲထောပတ်ဟာ ပရိုတိန်း၊ အမျှင်ဓာတ်၊ မပြည့်ဝဆီများ၊ ဗိုက်တာမင်များ၊ သတ္တုဓာတ်များ စသဖြင့် အာဟာရဓာတ်များ ကြွယ်ဝပါတယ်။

မြေပဲထောပတ် တစ်ဇွန်းမှာ ၉၀ ကယ်လိုရီခန့် ပါဝင်ပြီး သင်မသိသေးတဲ့ အခြားအကျိုးကျေးဇူးလည်း ရှိပါသေးတယ်။
 
(၁) အပင်မှရတဲ့ ပရိုတိန်းများ ကြွယ်ဝစွာပါဝင်ပြီး အာဟာရလိုအပ်ချက်များနဲ့ ကိုက်ညီပါတယ်။
 
(၂) မရှိမဖြစ် အာဟာရဓာတ်များ ဖြစ်တဲ့ ပိုတက်ဆီယမ်၊ မဂ္ဂနီဆီယမ်၊ ဗိုက်တာမင်-အီးတို့ ပါဝင်ပါတယ်။
 
(၃) သကြားမပါတဲ့ မြေပဲထောပတ် စားမယ်ဆိုရင် သွေးတွင်းသကြားဓာတ် မတက်စေပါဘူး။
 
(၄) သူ့မှာပါတဲ့ မပြည့်ဝဆီက ကောင်းကျိုးပြု ကိုလက်စ်ထရောလ် (HDL) ထုတ်လုပ်ပေးသဖြင့် နှလုံးသွေးကြောရောဂါများ ကာကွယ်ပေးပါတယ်။
 
(၅) အဆီဓာတ်နဲ့ အမျှင်ဓာတ်များကြောင့် ဗိုက်ပြည့်ဝနေစေပါတယ်။
 
(၆) ပရိုတိန်းဓာတ် မြင့်မားတာကြောင့် အမိုင်နိုအက်ဆစ် ကြွယ်ဝကာ ကိုယ်လက်လှုပ်ရှားမှုများ ပြုလုပ်ပြီးနောက် ကြွက်သားကို ပြန်လည်အားဖြည့်စေပါတယ်။
 
(၇) ကလေးငယ်များ အသက် ၅ လခန့်အရွယ်မှာ မြေပဲထိတွေ့စေခြင်းဖြင့် နောက်ပိုင်းမှာ မြေပဲဓာတ်မတည့်ခြင်းမျိုး ကာကွယ်ပေးနိုင်ပါတယ်။
 
(၈) စက်ရုံတွေကထုတ်တဲ့ မြေပဲထောပတ်ပစ္စည်းတွေမှာ သကြား၊ ဆား၊ ဟင်းရွက်ဆီများ ထည့်သွင်းကြတာကို သတိပြုသင့်ပါတယ်။
 
အရသာရှိပြီး အာဟာရဓာတ်တွေ ကြွယ်ဝပေမယ့် စားသုံးတဲ့ ပမာဏ၊ ကန့်သတ်ချက်တွေကို သတိပြုရမှာ ဖြစ်ပါတယ်။

ဒါကြောင့် သဘာဝအတိုင်း ပြုလုပ်ထားတဲ့ မြေပဲထောပတ်တွေကိုသာ ဝယ်ယူသင့်ပါတယ်။
Source: The Jerusalem Post.
#World_Health
#Published 18 June 2024
#YMG #Yangon_Times #Yangon_Media_Group