နယုန်လပြည့်နေ့(မဟာသမယအခါတော်နေ့ )အခမ်းအနားကျင်းပပြီး ကမ္ဘာသူကမ္ဘာသား ဝေနေယျသတ္တဝါအပေါင်းတို ငြိမ်းချမ်းစေရန် ရွှေတိဂုံစေတီတော်ရင်ပြင်ပေါ်ရှိ ခေါင်းလောင်းများအား ပြိုင်တူတီးခတ်ခဲ့တယ်လိုဘဏ္ဍာတော်ထိန်းဂေါပကအဖွဲ့က သိရပါတယ်။
#Local_News
Published_ 21 June 2024
#(မဟာသမယအခါတော်နေ့) #ခေါင်းလောင်းများပြိုင်တူတီးခတ်
#YMG/NN #Yangon_Times

'မြန်မာ့ဂီတနေ့'ဂီတဖျော်ဖြေပွဲကြီးဇွန်(၂၇)ရက်မှာကျင်းပဖို့ရှိပြီး မြန်မာအသံ၊ ခေတ်ပေါ်တီးဝိုင်း(၈) ဝိုင်းနှင့်နိုင်ငံကျော်အဆိုတော်(၃၅)ဦးဖျော်ဖြေမှာဖြစ်ပါတယ်။ ဂီတလောကသားတွေ၊ ဂီတဝါသနာရှင်တွေ၊ ဂီတချစ်ပရိတ်သတ်တွေအနေနဲ့ မြို့နယ်ဂီတအစည်းအရုံးတွေကနေ အခမဲ့လက်မှတ်ရယူကြည့်ရူနိုင်မှာ ဖြစ်တယ်လို့ သိရပါတယ်။
#Local_News
Published_ 21 June 2024
#ဂီတဖျော်ဖြေပွဲ #အခမဲ့လက်မှတ်ရယူကြည့်ရူနိုင်
#tthl #Yangon_Times

 

နေပြည်တော် အိမ်ခြံမြေဈေးကွက်မှာ ဈေးကျပ်သောင်းနဲ့ချီရှိတဲ့ အိမ်ခြံမြေများ ဈေးကွက်အရောင်းဝယ်အေးနေပေမယ့် ဈေးနှုန်းအသင့်တင့်ရှိတဲ့ အိမ်ခြံမြေတွေကတော့ အရောင်းဝယ်သွက်နေတယ်လို့ မြန်မာနိုင်ငံအိမ်ခြံမြေလုပ်ငန်းဖွံ့ဖြိုးတိုးတက်ရေးအသင်း (နေပြည်တော်)ထံက သိရပါတယ်။
#Local_News
Published_ 21 June 2024
#ဈေးအသင့်တင့်ရှိ #အိမ်ခြံမြေအရောင်းဝယ်သွက်
#YMG/LW #Yangon_Times

 

ရန်ကုန်ဈေးကွက်ထဲမှာ ဓာတ်ဆီဈေးနှင့် ဒီဇယ်ဈေးများ ဆက်တက်နေတယ်လို့ ဈေးကွက်ထဲက သိရပါတယ်။
#Local_News
Published_ 21 June 2024
#ဓာတ်ဆီနှင့်ဒီဇယ်ဈေးဆက်တက် #ရန်ကုန်ဈေးကွက်
#YMG/NN #Yangon_Times

#Local_News
Published-21 June 2024

▪️ ဆဌသင်္ဂါယနာ သာသနာ့သမိုင်းဝင် ကမ္ဘာအေးစေတီတော်၌ နယုန်လပြည့်နေ့ (မဟာသမယအခါတော်နေ့) အခမ်းအနား ကို ဇွန် ၂၁ ရက်နေ့ယနေ့တွင်ကျင်းပခဲ့ကြောင်း သိရသည်။

 

▪️ ရှေးဦးစွာနမောသတဿ သုံးကြိမ်ရွတ်ဖတ်၍ အခမ်းအနားကိုဖွင့်လှစ်ခဲ့ပြီး နတ်ဗြဟ္မာများကိုပင့်ဖိတ်ကာ သမ္ဗာသမ္ဗုဒ္ဓ သုံးလောက ထွဋ်ထားမြတ်စွာဘုရားနှင့် လက်ယာတော်ယံ ၊ လက်ဝဲတော်ယံ ရဟန္တာကိုယ်တော်မြတ်ကြီးများအားပင့်လျောက်ခဲ့ကြောင်း သိရသည်။

 

▪️ ထို့နောက် ပဌာန်းရောင်တော်ဖွင့်အဖွဲ့မှ  ကမ္ဘာအေးစေတီတော်ဘုရားရှစ်ခိုးဖြင့်ပူဇော်ပြီး မဟာသမယအခါတော်နေ့ကျင်းပရခြင်းအကြောင်းကို ဂေါကပအလှည့်ကျသဘာပတိဦးဝင်းမြင့်က ပြောကြားခဲ့သည်။

 

▪️ "နယုလပြည့်နေ့မဟာသမအခါတော်နေ့ဆိုတာ မြတ်စွာဘုရားရှင်လက်ထက်တော်ကထဲက  စစ်မက်ပြုကြမယ့်တိုင်းပြည်နှစ်ပြည်ကို ငြိမ်း‌အေးစေတဲ့အထိမ်းအမှတ်အနေနဲ့ ကျင်းပခြင်းဖြစ်ပါတယ်၊  ကျွန်တော်တို့ သီရိမင်္ဂလာကမ္ဘာအေးစေတီတော်ဂေါပကအဖွဲ့အနေနဲ့ကတော့ မဟာသမယသုတ်ဖြစ်ပေါ်လာသကဲ့သို့ပဲ မြန်မာနိုင်ငံသူမြန်မာနိုင်ငံသားများ တစ်ဦးနဲ့တစ်ဦးမေတ္တာသက်ဝင်ချစ်ခင်ပြီးတော့ စစ်မက်ဘေးအန္တရာယ်ကင်းပါစေလို့ ဆုတောင်မေတ္တာပို့သပါတယ်"ဟု ၎င်းကဆိုသည်။

 

▪️ ထို့နောက် ဓမ္မယောဂီဝတ်အဖွဲ့မှ မဟာသမယသုတ် အမွန်းကိုရွတ်ဖတ်ပူဇော်ခဲ့ပြီး  ဝိသာခါဝတ်အဖွဲ့မှ မဟာသမယလေးဂါထာကို  ရွတ်ဖတ်ပူဇော်ကာ  စင်္ကြဝဌာအရပ်လေးမျက်နှာမှ လာရောက်ကြသည့် နတ်ဗြဟ္မာများ၏ ချီးကျူးပုံများကို ဝတ်အသင်းအဖွဲ့များမှ ရွတ်ဖတ်ပူဇော်၍ ဝတ်အဖွဲ့အသီးသီးမှ မဟာသမယသုတ်ကို စုပေါင်းရွတ်ဖတ်ပြီးနောက် မေတ္တာပို့ဆုတောင်း၍ အခမ်းအနားကို ရုတ်သိမ်းခဲ့ကြောင်း သိရသည်။

 

#YMG/NN #Yangon_Times

 

 

#Local_News
Published 21 June 2024

▪️ မွန်ပြည်နယ်၊  မော်လမြိုင်မြို့တွင်တည်ဆောက်နေသည့် တိုင်းရင်းသားယဉ်ကျေးမှုစင်တာ၌ မွန်လူမျိုးအပါအဝင် တိုင်းရင်းသားလေးမျိုး၏ ရိုးရာအိမ်များထည့်သွင်းဆောက်လုပ်ရန်စီစဥ်နေကြောင်း သိရသည်။

 

‌ ▪️ အဆိုပါ စင်တာအတွင်း တိုင်းရင်းသားလူမျိုး(၄)မျိုးဖြစ်သည့် မွန်၊ ကရင်၊ ပအိုဝ်း၊ ဗမာတို့၏ ရိုးရာနေအိမ်များကို ထည့်သွင်းဆောင်လုပ်ရန် စီစဉ်နေခြင်းဖြစ်ပြီးစင်တာအတွင်း တိုင်းရင်းသားလူမျိုး (၄)မျိုး၏ ရိုရာနေအိမ်အဆောက်အဦးများ ဆောက်လုပ်မှုအတွက် ယမန်နေ့ ဇွန်(၁၉)ရက်က ပြည်နယ်အစိုးရအဖွဲ့ရုံးခန်းမအတွင်း ပြည်နယ်ဝန်ကြီးချုပ်အပါအဝင် တိုင်းရင်းသားစာပေနှင့် ယဉ်ကျေးမှူအဖွဲ့ဝင်များနှင့် UHM ကုမ္ပဏီတို့ ဆွေးနွေးခဲ့ကြကြောင်း သိရသည်။

 

▪️ ယင်းဆွေးနွေးပွဲတွင် ရိုးရာနေအိမ်လုပ်ငန်းတစ်ခုချင်းစီအလိုက် ဆောင်ရွက်မည့်လုပ်ငန်းစဉ်များနှင့် landmark သင်္ကေတများ ၊ ယဉ်ကျေးမှုအမွေအနှစ်များဖော်ဆောင်ရန်ဆွေးနွေးခဲ့ကြ‌ကြောင်း၊

 

▪️ တိုင်းရင်းသားယဉ်ကျေးမှု စင်တာကို မွန်ပြည်နယ်အတွင်းနေထိုင်သည့် တိုင်းရင်းသားလူမျိုးများ၏ စကား၊ စာပေ၊ အနုပညာ၊ ယဉ်ကျေးမှု၊ ရိုးရာဓလေ့ထုံးတမ်း၊ အမျိုးသားရေး လက္ခဏာနှင့် သမိုင်းအမွေအနှစ်များကို မပျောက်မပျက်ထိန်းသိမ်း‌စောင့်ရှောက်ရန်နှင့် တိုင်းရင်းသားအချင်းချင်း စည်းလုံးညီညွတ်ရေး၊ ချစ်ကြည်လေးစားရေးနှင့် ရိုင်းပင်းကူညီရေးကို တိုးတက်ဖြစ်ထွန်းစေရန် ရည်ရွယ်၍  တည်ဆောက်ခြင်းဖြစ်ကြောင်း သိရသည်။

 

#YMG/ NN #Yangon_Times

#World_News
Published 21 June 2024

▪️ အမေရိကန်နဲ့ တရုတ်တို့ဟာ ၅ နှစ်အတွင်း ပထမဆုံးအကြိမ်အဖြစ် မတ်လတုန်းက အလွတ်သဘော နျူကလီးယား လက်နက်ရေးရာ ဆွေးနွေးမှုတွေကို ပြန်လည်စတင်ခဲ့ပါတယ်။

 

▪️ တရုတ်တို့က ထိုင်ဝမ်ကို နျူကလီးယား အားကိုးဖြင့် ခြိမ်းခြောက်သွားမှာ မဟုတ်ဘူးလို့ တရုတ်ကိုယ်စားလှယ်များက အမေရိကန်ကိုယ်စားလှယ်များကို ပြောပြခဲ့ကြောင်း သိရပါတယ်။

 

▪️ တရုတ်က ထိုင်ဝမ်အရေးမှာ အရေးနိမ့်ခဲ့ရင် နျူကလီးယားလက်နက်များဖြင့် ခြိမ်းခြောက်လာမှာကို အမေရိကန်ဘက်က စိုးရိမ်နေတာနဲ့ ပတ်သက်ပြီး တရုတ်ကိုယ်စားလှယ်များက အာမခံချက် ပေးခဲ့ပါတယ်။

 

▪️ ဒီမိုကရေစီစနစ်ဖြင့် အုပ်ချုပ်နေတဲ့ ထိုင်ဝမ်ကျွန်းကို တရုတ်က ယင်းတို့ပိုင်နယ်မြေအဖြစ် ရှူမြင်နေပြီး ဒါကိုထိုင်ဝမ်အစိုးရက ငြင်းပယ်ထားပါတယ်။

 

▪️ ထိုဆွေးနွေးမှုက Track Two ဆွေးနွေးမှုလို့သတ်မှတ်ပြီး အစိုးရကိုယ်စား အရာရှိဟောင်းများက ပြောဆိုခွင့်ရထားကာ ပါဝင်ဆွေးနွေးကြတာ ဖြစ်ပါတယ်။

 

▪️ အမေရိကန်ဘက်မှ အရာရှိဟောင်းများနဲ့ တရုတ်ပြည်သူ့လွတ်မြောက်ရေး တပ်မတော် အရာရှိဟောင်းများ ပါဝင်ခဲ့ပါတယ်။

 

▪️ ယခုအချိန်မှာ အမေရိကန်နဲ့ တရုတ်တို့ဟာ စီးပွားရေးနဲ့ ဘူမိနိုင်ငံရေး ကိစ္စကြီးတွေမှာ အပြိုင်အဆိုင်ဖြစ်နေပြီး နှစ်ဖက်ခေါင်းဆောင်တွေက မယုံကြည်မှုများဖြင့် အပြန်အလှန် စွပ်စွဲနေကြပါတယ်။

 

▪️ တရုတ်ဟာ ၂၀၃၀ အရောက်မှာ နျူကလီးယားထိပ်ဖူးပေါင်း ၅၀၀ ခန့်ရှိလာမယ်လို့ အမေရိကန် ကာကွယ်ရေးဌာနက ယမန်နှစ်က ခန့်မှန်းခဲ့ပါတယ်။

 

▪️ တရုတ်ရဲ့ ဝင်ရောက်ဟန့်ဟားရေး ခေတ်မီလက်နက်အစီအစဥ်ဟာ အမေရိကန်ရဲ့ ဒုံးကျည်ကာကွယ်ရေး၊ စောင့်ကြည့်ရေးစနစ်၊ မဟာမိတ်အားကောင်းလာခြင်းတို့နဲ့အညီ လိုက်လံအားထုတ်ရခြင်း ဖြစ်တယ်လို့ တရုတ်ကိုယ်စားလှယ်များက ဆိုပါတယ်။

 

#Soure: Reuters

#Local_News
Published_21 Jun 2024

▪️ လုံခြုံရေးတပ်ဖွဲ့ အဆင့်ဆင့်သတင်းပို့မှုကို အခြေခံ၍ ပဲခူးမြို့၊ ဝင်းနိမ္မိတာရုံကျောင်းဆရာတော် ဘဒ္ဒန္တမုနိန္ဒာ ဘိဝံသ ပျံလွန်တော်မူခဲ့ရသည့်ဖြစ်စဉ်အပေါ် သတင်းထုတ်ပြန်ခဲ့သော်လည်း ကွဲလွဲမှုများဖြစ်ပေါ်နေ၍ ဖြစ်စဉ်မှန်ပေါ်ပေါက်ရေး စိစစ်ဖော်ထုတ်နေကြောင်း နစကသတင်းထုတ်ပြန်ရေးအဖွဲ့က ထုတ်ပြန်လိုက်သည်။

 

▪️ အခင်းဖြစ်စဉ်အတွင်းရှိနေခဲ့သော ကန်သုံးဆင့် ပရိယတ္တိစာသင်တိုက်ဆရာတော် ဘဒ္ဒန္တဂုဏိကာဘိဝံသ၏ ရှင်းလင်းမိန့်ကြားမှု ဇွန်လ ၂၀ ရက်ညနေပိုင်းက လူမှုကွန်ရက်စာမျက်နှာများ၌ ပျံ့နှံ့နေသည့်အပေါ် အထက်ပါအတိုင်း ထုတ်ပြန်ခြင်းလည်း ဖြစ်သည်။

 

▪️ ဖြစ်စဉ်နှင့်ပတ်သက်၍ နစက အနေဖြင့်ကနဦးသတင်းထုတ်ပြန်ခဲ့ရာတွင် လုံခြုံရေးတပ်ဖွဲ့ အဆင့်ဆင့်မှ သတင်းပို့တင်ပြလာသည့် အချက်အလက်များကို အခြေခံ၍ သတင်းထုတ်ပြန်ခဲ့ခြင်းဖြစ်ပြီး ဆရာတော်ကြီး၏ မိန့်ကြားမှုမှာ သတင်းထုတ်ပြန်ခဲ့မှုနှင့် ကွဲလွဲမှုများဖြစ်ပေါ်လျက်ရှိသည်ကို တွေ့ရှိရကြောင်း၊ ယင်းကြောင့် မြေပြင်ဖြစ်စဉ်အမှန်ပေါ်ပေါက်စေရေးအတွက် စိစစ်ဖော်ထုတ်မှုများ ဆောင်ရွက်လျက်ရှိကြောင်း အဆိုပါထုတ်ပြန်ချက်တွင်ဖော်ပြထားသည်။

 

▪️ ဖြစ်စဉ်မှန်ကိုသိရှိရပါက လိုအပ်သည့် အရေးယူမှုများ ဆက်လက်ဆောင်ရွက်သွားမည်ဖြစ်ကြောင်းလည်း ယင်းထုတ်ပြန်ချက်တွင် ဖော်ပြထားသည်။

 

#Yangon_Times/PP

#Local_News
Published_ 21 June 2024
▪️ တောင်ငူဘုရင်များနန်းစိုက်ရာ ကေတုမတီမြို့ဟောင်း၏ မြို့ရိုး၊ ကျုံးနှင့်မြို့ဝင်တံခါးပေါက်များကို ထိန်းသိမ်းရေးလုပ်ငန်းများမြှင့်တင် ဆောင်ရွက်‌နေကြောင်း သာသနာရေးနှင့်ယဉ်ကျေးမှုဝန်ကြီးဌာနမှ သိရသည်။

 

▪️ လတ်တလောတွင် တောင်ငူကေတုမတီမြို့ဟောင်း အနောက်ဘက်မြို့ရိုး စင်တံခါးအနီးရှိ ကေတုမတီမြို့ဟောင်း မြို့ရိုးပြန်လည်တူးဖော်ထိန်းသိမ်းခြင်း၊ ပဲခူးတိုင်းဒေသကြီးအစိုးရအဖွဲ့၏ ရန်ပုံငွေဖြင့် ကေတုမတီမြို့ဟောင်း၏ ကျုံးနှင့်မြို့ရိုး ဖော်ထုတ်ထိန်းသိမ်းထားခြင်း၊ ကျုံးနယ်နိမိတ် သတ်မှတ်စိုက်ထူထားသည့်တိုင်များ ဆောင်ရွက်ထားခြင်းများကိုဆောင်ရွက်လျက်ရှိသည်။

 

▪️ အဆိုပါလုပ်ငန်းဆောင်ရွက်မှုများကို သာသနာရေးနှင့်ယဉ်ကျေးမှုဝန်ကြီးဌာန ပြည်ထောင်စုဝန်ကြီး ဦးတင်ဦးလွင်သည် သာသနာရေးနှင့်ယဉ်ကျေးမှုဝန်ကြီးဌာန ဒုတိယဝန်ကြီး ဒေါ်နုမြဇံ၊ တိုင်းဒေသကြီးအစိုးရအဖွဲ့ လူမှုရေးရာဝန်ကြီး ဦးမျိုးအောင်၊ အမြဲတမ်းအတွင်းဝန်၊ တာဝန်ရှိသူများသွားရောက်ကြည့်ရူစစ်ဆေးခဲ့ကြကြောင်း သိရသည်။

 

▪️ ယင်းအပြင် တောင်ငူကေတုမတီမြို့ဟောင်း မြို့ရိုးနှင့်ပန်းချီ တံခါးပေါက်အနီးရှိ ယိုးဒယားပေါက်ကို ပဲခူးတိုင်း ဒေသကြီးအစိုးရအဖွဲ့ ရန်ပုံငွေနှင့် ထိန်းသိမ်းစောင့်ရှာက်ထားရှိမှုကိုလည်းကောင်း၊ တောင်ငူကေတုမတီမြို့ရိုး ပန်းချီတံခါးပေါက်မှ တစ်ဆင့်ကေတုမတီမြို့ရိုး၊ ကျုံးနှင့် မြို့ဝင်တံခါးပေါက်များ၏ လက်ရှိအခြေအနေများကိုလည်းကောင်း လိုက်လံကြည့်ရှုခဲ့ကြသည်။

 

▪️ ပြည်ထောင်စုဝန်ကြီးက တောင်ငူကေတုမတီမြို့ရိုးနှင့်ကျုံးကိုထိန်းသိမ်းမှုဆိုင်ရာ အစည်းအဝေးတွင်‘‘ တောင်ငူမြို့၊ ကေတုမတီမြို့ဟောင်း မြို့တည်၊ နန်းတည်နှစ် ၅၀၀ ပြည့်အထိမ်းအမှတ်ပွဲတော်ကို ၂၀၁၀ ပြည့်နှစ်မှစ၍ ပဲခူတိုင်းဒေသကြီး၊ တောင်ငူမြို့ရှိ တာဝန်ရှိသူများ၊ မြို့မိမြို့ဖများ၊ ဒေသခံမိဘပြည်သူများက နှစ်စဉ်နှစ်တိုင်း ခမ်းခမ်းနားနား စည်းကားသိုက်မြိုက်စွာ ကျင်းပပြုလုပ်လေ့ရှိကြောင်း၊ လွန်ခဲ့သောနှစ်ပေါင်း ၅၀၀ ကျော်ကမင်းကြီးညိုတည်ထောင်ခဲ့သော ကျုံးနှင့်မြို့ရိုးများ၊ အဆောက်အအုံများကို လက်ရှိအနေအထားထက် ပျက်ယွင်းမှုမရှိအောင် ပြန်လည်ဖော်ထုတ်ကာ ကွယ်ထိန်းသိမ်းသွားရမည်ဖြစ်ကြောင်းနှင့် မင်းကြီးမဟာ သီရိဇေယျသူရ မင်းကြီးညို(အေဒီ ၁၄၈၆-၁၅၃၁) တည်ထောင်ခဲ့သည့် တောင်ငူ ကေတုမတီမြို့ဟောင်း မြို့ရိုးနှင့် ကျုံးနေရာများ၊ ရှေးဟောင်းအဆောက်အအုံများကို ယဉ်ကျေးမှုအမွေအနှစ်များ အဖြစ် ထိန်းသိမ်းသွားနိုင်ရေးအတွက် တာဝန်ရှိသူများအားလုံး ပူးပေါင်းဆောင်ရွက်ကြရန်’’ တိုက်တွန်းပြော ကြားခဲ့သည်။

 

▪️ ယင်းနောက် ဒုတိယဝန်ကြီးဒေါ်နုမြဇံက ရှေးဟောင်းအမွေအနှစ်ဖြစ်သော တောင်ငူမြို့၊ ကေတုမတီမြို့ဟောင်း၊ မြို့ရိုး၊ ကျုံး၊ မြို့ဝင်ပေါက်များကို ရေရှည်တည်တံ့ရေးအတွက် ထိန်းသိမ်းသွားရန် လိုအပ်သည့် အချက်များကိုလည်းထည့်သွင်းပြောကြားခဲ့ကြောင်း သိရသည်။

 

#tthl #Yangon_Times

#World_Health
Published 21 June 2024

▪️ ခြေလှမ်းမညီစွာဖြင့် လမ်းလျှောက်ခြင်းက ကယ်လိုရီပိုမိုလောင်ကျွမ်းပြီး ဇီဝကမ္မဖြစ်စဥ် ပိုမိုမြန်ဆန်စေတယ်လို့ မာဆာချူဆက်စ်အမ်ဟာ့စ် တက္ကသိုလ်မှ လေ့လာတွေ့ရှိခဲ့ပါတယ်။

 

▪️ ခြေလှမ်းအကွာအဝေး အမျိုးမျိုး ပြောင်းလဲပြီး လျှောက်ခြင်းဖြင့် ဇီဝဖြစ်ပျက်မှုနှုန်း မြန်လာလိမ့်မယ်လို့ ယူဆရမှာဖြစ်ကြောင်း လေ့လာမှုပြုစုသူ အဒမ်ဂရင်မစ်က ပြောပြပါတယ်။

 

▪️ အသက် ၂၄ နှစ်အရွယ် ကိုယ်အလေးချိန် ၁၅၅ ပေါင်ခန့်ရှိတဲ့ လူ ၁၅ ဦးကို လမ်းလျှောက်စက်ဖြင့် သာမန်အတိုင်း လျှောက်စေခဲ့ပါတယ်။

 

▪️ ဒီနောက် ခြေလှမ်းအကွာအဝေးကို ၅ ရာခိုင်နှုန်းနဲ့ ၁၀ ရာခိုင်နှုန်းကြား လျှော့ခြင်း၊ တိုးခြင်း ပြုလုပ်ခိုင်းခဲ့ကာ ကာဗွန်ဒိုင်အောက်ဆိုဒ်ပမာဏကို တိုင်းတာခဲ့ပါတယ်။

 

▪️ ထိုအခါမှာ ခြေလှမ်းအကွာအဝေး ပြောင်းလဲမှု ၂.၇ ရာခိုင်နှုန်းတိုးတိုင်း ဇီဝကမ္မဖြစ်စဥ် ၁.၇ ရာခိုင်နှုန်း တက်လာပါတယ်။

 

▪️ အသက်ကြီးသူတွေမှာလည်း ဒီလိုမျိုး အကျိုးကျေးဇူး ရနိုင်မလားဆိုတာကို လေ့လာနေကြပါတယ်။

 

#Soure: New York Post

#World_Health
Published 19 June 2024

▪️ အရွယ်ရောက်စ အသက်အရွယ်တွေမှာ စိတ်ဓာတ်ကျလက္ခဏာမျိုးတွေ ခံစားရတယ်ဆိုရင် သက်လတ်ပိုင်းရောက်တဲ့အခါ စဥ်းစားတွေးတောမှုပိုင်းနဲ့ မှတ်ဉာဏ်ပိုင်းတို့မှာ ဆိုးရွားလာစေနိုင်ဖွယ် ရှိတယ်လို့ လေ့လာတွေ့ရှိထားပါတယ်။

 

▪️ စမ်းသပ်ပါဝင်သူ ၃၁၁၇ ဦးကို ၅ နှစ်တစ်ကြိမ်ဖြင့် နှစ် ၂၀ ကြာအောင် စိတ်ဓာတ်ကျလက္ခဏာများ အကဲဖြတ်ခဲ့ကာ ယင်းတို့ရဲ့ အစားစားချင်စိတ်၊ အိပ်စက်မှု၊ အာရုံစူးစိုက်မှု၊ ဝမ်းနည်းမှု၊ အထီးကျန်မှုတို့အကြောင်း မေးခွန်းများ ဖြေစေခဲ့ပါတယ်။

 

▪️ ယင်းတို့ရဲ့ လက္ခဏာများအရ စိတ်ဓာတ်ကျခြင်း အခြေအနေကို ၄ မျိုးခွဲခြားလိုက်ကာ လက္ခဏာ အမြဲနည်းပါးသူအဖွဲ့၊ အလယ်အလတ် ကျဆင်းသူအဖွဲ့၊ အမြဲအလယ်အလတ် လက္ခဏာပြသူအဖွဲ့၊ လက္ခဏာမြင့်မားသူအဖွဲ့ဆိုပြီး ရှိပါတယ်။

 

▪️ ထိုအခါမှာ လူမည်းတွေက လူဖြူတွေထက် စိတ်ဓာတ်ကျလက္ခဏာ ပိုမိုဖြစ်တတ်တာကို တွေ့ရှိခဲ့ပါတယ်။
ထိုသူတွေ အသက် ၅၅ နှစ် ရောက်တဲ့အချိန်မှာ စဥ်းစားတွေးတောခြင်းနဲ့ မှတ်ဥာဏ်ပိုင်းစွမ်းရည်များကို တိုင်းတာဖို့ စမ်းသပ်ချက် ၃ မျိုး ပြုလုပ်ခဲ့ကြပါတယ်။

 

▪️ အမှတ်တွေက ၀ မှတ်မှ ၁၃၃ မှတ်အထိရှိရာမှာ အဖွဲ့ ၄ ဖွဲ့က ၇၃၊ ၇၁၊ ၆၆၊ ၅၇ မှတ်အသီးသီး ရှိခဲ့ပါတယ်။

 

▪️ အရွယ်ရောက်ပြီး လူမည်းတွေက စိတ်ကျလက္ခဏာ ပိုမိုခံစားရရုံမက စဥ်းစားမှုပိုင်းနဲ့ မှတ်ဥာဏ်ပိုင်းတို့မှာလည်း ပိုမိုဆိုးရွားလာကြောင်း ပြင်သစ် ဘော်ဒိုးတက္ကသိုလ်မှ သုတေသနပြုစုသူ လက်စ်လီဂရက်ဆက်က ပြောပြပါတယ်။

 

▪️ စမ်းသပ်မှုတွေမှာ အမှတ်ပိုနည်းတဲ့သူတွေက အမှတ်များတဲ့သူတွေထက် ဦးနှောက်စွမ်းရည်တွေ ပိုမိုကျဆင်းနေပါတယ်။

 

▪️ အမေရိကန်မှာ လူ ၆ သန်းခန့်က အယ်လ်ဇိုင်းမားရောဂါနဲ့ ဒီမန်ရှာ ဆက်စပ်ရောဂါများ ခံစားနေရပါတယ်။

 

#Soure: New York Post

#World_Science
Published 19 June 2024

▪️ အင်္ဂါဂြိုဟ်မှ ဂြိုဟ်သားအချက်ပြချက်တစ်ခုကို အဖေနဲ့ သမီး သားအဖက အဓိပ္ပာယ်ဖော်နိုင်ခဲ့ကြပါတယ်။

 

▪️ အစိုးရအသီးသီးက ဒီတာဝန်ကို ပညာရှင်များထံ ပေးအပ်ခဲ့တာ ဖြစ်ပါတယ်။

 

▪️ ဒီဂြိုဟ်သားမက်ဆေ့ချ်ကို SETI အဖွဲ့အစည်းက ထုတ်ပြန်လိုက်ပြီးနောက် ထိုသမိုင်းပေးတာဝန်ကြီး ပြီးဆုံးသွားခဲ့ပါတယ်။

 

▪️ A Sign In Space လို့ ပရောဂျက်အမည်ပေးထားပြီး ဒန်နီယဲလာဒီပေါလစ်က အဓိကကိုင်တွယ်တာ ဖြစ်ပါတယ်။

 

▪️ ပြင်ပဂြိုဟ်မှ မက်ဆေ့ချ်တစ်ခု လက်ခံရရှိတာဟာ လူသားအားလုံးအတွက်တော့ ပြောင်းလဲမှုကြီး တစ်ခုဖြစ်ကြောင်း ဒီပေါလစ်က မှတ်ချက်ပြုလိုက်ပါတယ်။

 

▪️ ဒီမက်ဆေ့ချ်ကို ၂၀၂၃ မေလက ဥရောပအာကာသ အေဂျင်စီရဲ့ အာကာသယာဥ်ကနေ ပေးပို့လာတာ ဖြစ်ပါတယ်။

တစ်နှစ်ကျော် အကြာမှာတော့ ဂြိုဟ်သားမက်ဆေ့ချ်ကို အဓိပ္ပာယ်ဖော်နိုင်ခဲ့ပြီ ဖြစ်ပါတယ်။

 

▪️ ထိုသားအဖနှစ်ယောက်က Unity ဗီဒီယိုဂိမ်းအင်ဂျင်ကို အသုံးပြုပြီး ပုံစံပြောင်းလဲမှုပေါင်း ၆၆၂၅ ကြိမ်ပြုလုပ်ခဲ့ပါတယ်။

 

▪️ ထိုမက်ဆေ့ချ်ဟာ အမိုင်နိုအက်ဆစ် ၅ ခုရဲ့ပုံရိပ်ဖြစ်ပြီး ပစ်ဇယ်တုံးများဖြင့် ပုံဖော်ထားတာ ဖြစ်ပါတယ်။

 

▪️ ဥပမာအားဖြင့် အတုံးတစ်တုံးက ဟိုက်ဒရိုဂျင်ဆိုရင် ၆ တုံးက ကာဗွန်၊ ၇ တုံးက နိုက်ထရိုဂျင်၊ ၈ တုံးက အောက်ဆီဂျင်ဖြစ်ပါတယ်။

 

▪️ SETI အဖွဲ့အစည်းအနေဖြင့် ပြင်ပဂြိုဟ်အချက်ပြမှုများကို ဘယ်လိုမျိုး လက်ခံရရှိလဲ၊ ပြုလုပ်လဲ၊ အကဲဖြတ် နားလည်သလဲဆိုတာကို ဒီစမ်းသပ်ချက်ကနေ လေ့လာသိရှိနိုင်လိမ့်မယ်လို့ SETI မှ သိပ္ပံပညာရှင် ဒေါက်တာ ဝေးလ်ဖာရာက ပြောပြသွားပါတယ်။

 

#Soure: WION