#Local_News
Published 22 June 2024

▪️ ပြည်တွင်းတွင် တစ်လလျှင် စားအုံးဆီတန်ချိန် (၇၅,၀၀၀)ခန့် လိုအပ်‌‌နေသောကြောင့်  ပြည်ပမှ  (၅၀)ရာခိုင်နှုန်းခန့် တင်သွင်းနေပြီး ကျန်လိုအပ်ချက်များကို ပြည်တွင်းဆီထွက်သီးနှံ စိုက်ပျိုးထုတ်လုပ်မှုများမှ ဖြည့်ဆည်းဆောင်ရွက်လျက်ရှိကြောင်းစီးပွားရေးနှင့်ကူးသန်းရောင်းဝယ်ရေးဌာန၊ စားသုံးသူရေးရာဌာနမှ သိရသည်။

▪️ လတ်တလောတွင်ပြည်သူအများစားသုံးရန်  စားအုန်ဆီတင်သွင်းသည့်ကုမ္ပဏီ ၂၆ခုဖြင့် စားအုံးဆီတန်ချိန် သုံးသောင်းကျော်တင်သွင်းနေသည့်အပြင် စက်မှုကုန်ကြမ်းများ အနေဖြင့် တန်ချိန်တစ်သောင်းကျော်ကို တင်သွင်းနေကြောင်း သိရသည်။

▪️ ပြည်တွင်းမှ စားသုံးဆီထုတ်လုပ်သည့် ဆီစက်များကို အားပေးမြှင့်တင်ရန်၊ ထုတ်လုပ်နိုင်စွမ်းအား တိုးတက်လာစေရန်နှင့်  နိုင်ငံခြားငွေသုံးစွဲမှု လျှော့ချနိုင်ရေးအတွက်ရည်ရွယ်ပြီး ဆောင်ရွက်နေခြင်းဖြစ်ကြောင်း သိရသည်။

▪️ ထို့အပြင်  သတ်မှတ်ဈေးနှုန်းအတိုင်း ဖြန့်ဖြူးရောင်းချခြင်းရှိမရှိကို သက်ဆိုင်ရာ တိုင်းနှင့် ပြည်နယ်အလိုက် ဖွဲ့စည်းထားသည့်  ကုန်ဈေးနှုန်းကြီးကြပ်ရေးလုပ်ငန်းအဖွဲ့များမှ  ကြီးကြပ်ဆောင်ရွက်နေကြောင်း သိရသည်။

#YMG/NN #Yangon_Times

#World_News
Published 22 June 2024

▪️ ယခုလအတွင်း တောင်ကိုရီးယား၊ ဂျပန်တို့နဲ့ ပူးတွဲစစ်ရေးလေ့ကျင့်မှုများ ပြုလုပ်ရန်အတွက် နျူကလီးယားစွမ်းအင်သုံး အမေရိကန် လေယာဥ်တင်သင်္ဘောကြီး သီယိုဒေါရုစ်ဗဲ့လ်ဟာ တောင်ကိုရီးယား ဘူဆန်ဆိပ်ကမ်းမြို့သို့ စနေနေ့မှာ ရောက်ရှိလာကြောင်း တောင်ကိုရီးယားရေတပ်က ပြောကြားလိုက်ပါတယ်။

▪️ ထို ၃ နိုင်ငံခေါင်းဆောင်တွေဟာ နှစ်စဥ်စစ်ရေးလေ့ကျင့်မှုများ ပြုလုပ်ရန် ၂၀၂၃ ဩဂုတ်လတုန်းက ကျင်းပတဲ့ ကမ့်ဒေးဗစ်အစည်းအဝေးပွဲမှာ သဘောတူညီခဲ့ကြပြီး တောင်တရုတ်ပင်လယ်မှာ တရုတ်ပြုမူနေတဲ့ ရန်ဆောင်မှုလုပ်ရပ်တွေကို ရှုတ်ချခဲ့ကြပါတယ်။

▪️ ရုရှားသမ္မတ ဗလာဒီမာပူတင်က ၂၄ နှစ်အတွင်း ပထမဆုံးအကြိမ်အဖြစ် ယခုသီတင်းပတ်အတွင်း မြောက်ကိုရီးယားသို့ လာရောက်ခဲ့ပြီး ခေါင်းဆောင်ကင်မ်ဂျုံအန်းနဲ့ အပြန်အလှန် ကာကွယ်ရေးသဘောတူညီချက်မှာ လက်မှတ်ရေးထိုးခဲ့ပါတယ်။

▪️ ဒါဟာ ယခုနှစ်များအတွင်း အာရှမှာ ရုရှားတို့ အထင်ရှားဆုံးလှုပ်ရှားမှုတွေထဲက တစ်ခုဖြစ်ပြီး ကင်မ်ဂျုံအန်းက မဟာမိတ်အဖြစ်သို့ ရောက်ရှိလာပြီလို့ ဖော်ပြခဲ့ပါတယ်။

▪️ လွန်ခဲ့တဲ့ ၇ လကလည်း မြောက်ကိုရီးယား နျူကလီးယားနဲ့ ဒုံးကျည်အစီအစဥ်များကို ဟန့်တားတဲ့အနေဖြင့် အမေရိကန် လေယာဥ်တင်သင်္ဘောကားလ်ဗင်ဆန် တောင်ကိုရီးယားသို့ ရောက်ရှိခဲ့ပါသေးတယ်။

#Source: Reuters

#Local_News
Published_ 22 June 2024

▪️ ပြည်ပနိုင်ငံများမှ  တင်သွင်းလာသည့်  ကုန်ပစ္စည်းများကို ခွင့်ပြုချက်မရှိဘဲ ဆိပ်ကမ်း၊ လေဆိပ်များသို့ကို တင်သွင်းရောက်ရှိခြင်းမရှိရန် စီးပွားရေးနှင့် ကူးသန်းရောင်းဝယ်ရေးဝန်ကြီးဌာနက ထပ်မံအသိပေးလာကြောင်း သိရသည်။

▪️ ခွင့်ပြုချက်မရဘဲ တင်သွင်းလာသည့်  ကုမ္ပဏီများကို အရေးယူမည်ဖြစ်ကြောင်း ထုတ်ပြန်ထားသော်လည်း  လိုက်နာခြင်းမရှိသည့်အတွက်  ထပ်မံနှိုးဆော် အသိပေးရခြင်းဖြစ်ကြောင်း ဆိုထားသည်။

▪️ ၂၀၂၄ ခုနှစ်၊ ဇူလိုင်လ ၁ ရက်မှစတင်၍ သွင်းကုန် လိုင်စင်/ပါမစ် ခွင့်ပြုချက်မရရှိသေးဘဲ ဆိပ်ကမ်း၊ လေဆိပ်များသို့ သွင်းကုန်များ ကြိုတင်ရောက်ရှိကြောင်း စိစစ်တွေ့ရှိရပါက ပို့ကုန်သွင်းကုန်ဥပဒေနှင့်အညီ အရေးယူသွားမည်ဖြစ်ကြောင်း ၂၀၂၄ ခုနှစ်၊ မေလ ၃၀ ရက်က စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ ကုန်သွယ်ရေး ဦးစီးဌာန၏  ပို့ကုန်သွင်းကုန်နှင့်ပတ်သက်သော သတင်းလွှာ (၃/၂၀၂၄) နှင့် ထုတ်ပြန်ထားပြီးဖြစ်ကြောင်းသိရသည်။

▪️ အကောက်ခွန်ကုန်လှောင်ရုံအတွင်း ထည့်သွင်းခွင့်ပြုထားသည့်  ကုန်ပစ္စည်းများမှအပ ကျန်ပြည်ပမှ တင်သွင်းသည့်  ကုန်ပစ္စည်းများကို ခွင့်ပြုချက်မရရှိဘဲ ဆိပ်ကမ်း၊ လေဆိပ်များသို့ တင်သွင်းရောက်ရှိခြင်း မပြုလုပ်ရန်နှင့် ခွင့်ပြုချက် မရရှိဘဲရောက်ရှိပါက အဆိုပါတင်သွင်းသည့်ကုမ္ပဏီများကို ပို့ကုန်သွင်းကုန်ဥပဒေနှင့်အညီအရေးယူမည်ဖြစ်ကြောင်းကို ၂၀၂၀ ပြည့်နှစ်၊ ဇူလိုင်လ ၈ ရက်၌  အမိန့်ကြော်ငြာစာအမှတ်(၅၀/၂၀၂၀)နဲ့ ထုတ်ပြန်ထားသော်လည်း  သတ်မှတ် စည်းကမ်းများကို လိုက်နာဆောင်ရွက်မှုမရှိဘဲ ဆိပ်ကမ်း၊ လေဆိပ်များသို့ ခွင့်ပြုချက်မရရှိသေးသည့်  ကုန်ပစ္စည်းများကို ကြိုတင်တင်သွင်း ဆောင်ရွက်လျက်ရှိကြောင်းတွေ့ရှိရကြောင်း ဆိုသည်။

▪️ ပြည်တွင်းကုန်ထုတ်လုပ်မှုလုပ်ငန်းများနှင့် ကျန်းမာရေးကဏ္ဍတို့အတွက် လိုအပ်သည့် အရေးကြီးကုန်ပစ္စည်းများ ကို အကောက်ခွန်ဦးစီးဌာန၏  လုပ်ထုံးလုပ်နည်းများနှင့်အညီ အကောက်ခွန်ကုန်လှောင်ရုံများတွင်  ထည့်သွင်းခွင့်ပြု ထားပြီးဖြစ်ကြောင်း၊ထို့ကြောင့် ထုတ်ပြန်ပေးထားသည့်  ဥပဒေနှင့်စည်းကမ်းများကို အလေးအနက်ထား လိုက်နာစေရန်ရည်ရွယ်၍ သွင်းကုန်လိုင်စင်/ပါမစ်ခွင့်ပြုချက် တစ်စုံတစ်ရာမရရှိဘဲ ကုန်ပစ္စည်းများဆိပ်ကမ်းနှင့် လေဆိပ်များသို့ တင်သွင်း ရောက်ရှိမှုမရှိစေရေးအတွက် စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ ကုန်သွယ်ရေးဦးစီးဌာနက ထပ်မံ နှိုးဆော်အသိပေးကြေညာထားခြင်းဖြစ်ကြောင်း သိရသည်။

#YMG/ NN #Yangon_Times

#Local_News
Published_ 22 June 2024

▪️ တရုတ်နိုင်ငံတွင် နှစ်(၆၀)ပြည့် ဗုဒ္ဓစွယ်တော်တိုက်သစ်ဖွင့်ပွဲအခမ်းအနားကျင်းပခဲ့ပြီး မြန်မာနိုင်ငံမှ ဆရာတော်၊သံဃာတော်များတက်ရောက်ခဲ့ကြောင်း သိရသည်။

▪️ နှစ်(၆၀)ပြည့်လင်ကွမ်းဗုဒ္ဓစွယ်တော်တိုက်သစ်ဆောက်လုပ်ပြီးစီးသည့် ဖွင့်ပွဲအခမ်းအနားကို တရုတ်ဗုဒ္ဓဘာသာအသင်းကြီး၏ ဖိတ်ကြားချက်အရ မြန်မာ - တရုတ် ချစ်ကြည်ရေးအသင်းဥက္ကဋ္ဌနှင့် ရွှေတိဂုံစေတီတော်ဩဝါဒါစရိယဆရာတော်၊ ရန်ကုန်တိုင်းဒေသကြီး သံဃနာယကအဖွဲ့ဥက္ကဋ္ဌ ဒေါက်တာ အဂ္ဂသာမိနှင့် ဆရာတော်သုံးပါးတို့ပါဝင်သောအဖွဲ့တက်ရောက်ကြပြီး ဇွန် ၁၈ ရက်မှ ၂၂ ရက်အထိ တက်ရောက်ပူဇော်ခဲ့ကြသည်။

▪️ ဗုဒ္ဓမြတ်စွယ်တော် စံကျောင်းတော်သစ်ဖွင့်ပွဲအထိမ်းအမှတ် ဗုဒ္ဓဘာသာနှင့် ပတ်သက်သော နှီးနှောဖလှယ်ဆွေးနွေးပွဲကို ဆက်လက်ကျင်းပရာ နိုင်ငံအသီးသီးမှအဖွဲ့ ခေါင်းဆောင်များက ဗုဒ္ဓဘာသာအဓွန့်ရှည်စွာတည်တံ့ရေး၊ ချစ်ကြည်ရင်းနှီးစွာ ပူးပေါင်းဆောင်ရွက်ရေး၊ နိုင်ငံအလိုက်သာသနာရေးဆောင်ရွက်ချက်များကို ဆွေးနွေးခဲ့ကြသည်။

▪️ နိုင်ငံအသီးသီးမှအဖွဲ့ဝင်များအား ဇွန် ၂၁ ရက်တွင် လားမားဗုဒ္ဓကျောင်းတော်နှင့် ဒေသန္တရလှည့်လည်ကြည့်ရှုခြင်းများ စီစဉ်ပေးခဲ့ကြောင်း သိရှိရသည်။ မြန်မာနိုင်ငံသို့ ဗုဒ္ဓစွယ်တော် (၄) ကြိမ် ဒေသစာရီကြွချီခဲ့ပြီး နောက်ထပ်တစ်ကြိမ် (၅) ကြိမ်မြောက် ကြွရောက်နိုင်ရေးလည်း ညှိနှိုင်းဆွေးနွေးခဲ့ကြောင်း သိရသည်။

▪️ ဖွင့်ပွဲအခမ်းအနားသို့ ဗုဒ္ဓဘာသာဝင် ကမ္ဘောဒီးယား၊ ကိုရီးယား၊ လာအို၊ မြန်မာ၊ သီရိလင်္ကာ၊ ထိုင်းနှင့် ဗီယက်နမ်နိုင်ငံတို့မှ ဆရာတော်၊ သံဃာတော်များနှင့် အဖွဲ့ဝင်များအင်အား ၇၀ ခန့်နှင့် တရုတ်ပြည်မှ ဗုဒ္ဓဘာသာဝင်များ စုစုပေါင်း ၅၀၀ ခန့် တက်ရောက်ခဲ့ကြသည်။

▪️ အခမ်းအနားတွင် တရုတ်ဗုဒ္ဓဘာသာအသင်းဥက္ကဋ္ဌဆရာတော်ကြီး Most.Ven. YANJUE က နိုင်ငံအသီး သီးမှအဖွဲ့ဝင်များကို အဖွဲ့လိုက်သီးခြားတွေ့ ဆုံနှုတ်လဆက်ကာ ဓမ္မပဏ္ဏာများပေးအပ်ချီးမြှင့်၍ နိုင်ငံများအချင်းချင်း ဗုဒ္ဓဘာသာသာသနာတော်အား ဝိုင်းဝန်းထိန်းသိမ်းကြရန်၊ ပူးပေါင်းဆောင်ရွက်ကြရန် မိန့်ကြားသည်။

▪️ ဒုတိယဥက္ကဋ္ဌဆရာတော်၊ ဗုဒ္ဓစွယ်တော်တိုက် ပဓာနဆရာတော်မဟာသဒ္ဓမ္မဇောတိကဓဇ Most. Ven. Zhan Chan ဦးစီး၍ နှစ်(၆၀)ပြည့် ဗုဒ္ဓစွယ်တော်တိုက်သစ်ဖွင့်ပွဲအခမ်းအနားကို ဆက်လက်ကျင်းပရာ နိုင်ငံအသီးသီးမှ သံဃာတော်အဖွဲ့များက ဗုဒ္ဓစွယ်တော်အား ဘုရားအနေကဇာတင်ခြင်း၊ ကမ္ဘာကြီးငြိမ်းချမ်းရေး ဆုတောင်းမေတ္တာပို့သခြင်းများ ပြုလုပ်ခဲ့ကြသည်။ 

▪️ ဆက်လက်၍ ဗုဒ္ဓစွယ်တော်နှင့် စပ်လျဉ်း၍ နိုင်ငံအသီးသီးမှ ဘုရားစေတီပုံတော်များနှင့် ဗုဒ္ဓအဆိုအမိန့်များပါဝင်သော ချစ်ကြည် ရေးပြခန်းကို ဖဲကြိုးဖြတ်ဖွင့်လှစ်ကြကြောင်း သိရသည်။

#tthl #Yangon_Times

#Local_News
Published_ 22 June 2024

▪️ ဆန်စပါးဈေးနှုန်းများအဆမတန်မြှင့်တက်နေ၍ မြန်မာနိုင်ငံဆန်စပါးအသင်းချုပ်မှတာဝန်ရှိသူများကိုခေါ်ယူစစ်ဆေးမေးမြန်း ဆွေးနွေးဆောင်ရွက်နေကြောင်း နစက၏ ထုတ်ပြန်ချက်အရ သိရသည်။

▪️ ထုတ်ပြန်ချက်တွင် မြန်မာနိုင်ငံဈေးကွက်အတွင်း ပြည်တွင်း၌ ဆန်စပါးဈေးနှုန်းများအဆမတန် မြှင့်တက်လျက်ရှိကြောင်း၊

▪️ ထိုသို့ပြည်တွင်း၌ ဆန်စပါးဈေးနှုန်းမျာအဆမတန်မြှင့်တက်မှုနှင့် ပတ်သက်၍ သက်ဆိုင်ရာ တာဝန်ရှိသူများက မြန်မာနိုင်ငံဆန်စပါးအသင်းချုပ်မှတာဝန်ရှိသူများအား ခေါ်ယူ၍ စစ်ဆေးမေးမြန်း ဆွေးနွေးဆောင်ရွက်လျက်ရှိကြောင်း ထုတ်ပြန်ချက်၌ ‌‌ဖော်ပြပါရှိကြောင်း သိရသည်။

#tthl #Yangon_Times

#Local_News
Published_ 22 June 2024

▪️ ဓာတ်အားလိုင်းနှင့်မလွတ်သည့် သစ်ပင်သစ်ကိုင်း ရှင်းလင်းမည်ဖြစ်၍ မြို့နယ်(၃)ခုမနက်ဖြန်ဇွန်လ (၂၃)ရက်၌ လျှပ်စစ်မီးယာယီပြတ်မည်ဖြစ်ကြောင်း ရန်ကုန်လျှပ်စစ်ဓာတ်အားပေးရေးကော်ပိုရေးရှင်း (YESC)၏ ထုတ်ပြန်ချက်အရသိရသည်။

▪️ ထုတ်ပြန်ချက်တွင်ရန်ကုန်အရှေ့ပိုင်းခရိုင်၊ 230 kV သာကေတဓာတ်အားပေးစက်ရုံမှ ဓာတ်အားပေးထားသော 66kV သာကေတ - ပုသိမ်ညွန့် ဓာတ်အားလိုင်းနှင့် မလွတ်ကင်းသော သစ်ပင်၊ သစ်ကိုင်းများ ခုတ်ထွင်ရှင်းလင်းခြင်းလုပ်ငန်းကို မြို့နယ်စုဖွဲ့အင်အားဖြင့် (၂၃.၆.၂၀၂၄)ရက်နေ့၊ (၁၀:၀၀) နာရီမှ (၁၄:၀၀)နာရီ အချိန်အထိ ဆောင်ရွက်သွားမည်ဖြစ်သည်ဟုဆိုသည်။

▪️ အဆိုပါလုပ်ငန်းဆောင်ရွက်နေစဉ်အတွင်း သာကေတမြို့ နယ်၊ တာမွေမြို့နယ်နှင့် မင်္ဂလာတောင်ညွန့်မြို့နယ်တို့၏ ရပ်ကွက်နေရာ အချို့တို့တွင် ယာယီဓာတ်အားပြတ်တောက်မှုရှိမည်ဖြစ်ကြောင်းနှင့် ဓာတ်အားပြတ်တောက်ချိန် ကြာမြင့်မှုမရှိစေရေး၊ ဓာတ်အားပြတ်ဧရိယာလျော့နည်းစေရေးအတွက် အလေးထားဆောင်ရွက်သွားမည်ဖြစ်ပါကြောင်း မိဘပြည်သူများထံသို့လေးစားစွာ အသိပေးပန်ကြားအပ်‌ကြောင်း ရန်ကုန်လျှပ်စစ်ဓာတ်အားပေးရေးကော်ပိုရေးရှင်းမှ သိရသည်။

#tthl #Yangon_Times

#World_Health
Published 22 June 2024

▪️ မိုဒါနာ(Moderna) ဆေးဝါးကုမ္ပဏီကြီးက ကိုဗစ်-၁၉ နဲ့ တုပ်ကွေးရောဂါတို့အတွက် ပေါင်းစပ်ထားတဲ့ ကာကွယ်ဆေးက အသက် ၅၀ နဲ့အထက်လူတွေကို တတိယအဆင့်စမ်းသပ်မှု ပြုလုပ်ရာမှာ ရောဂါတစ်ခုချင်းစီရဲ့ ကာကွယ်ဆေးတွေထက် ကိုယ်ခံအားစနစ် ပိုပြီးအားကောင်းစေကြောင်း ကြေညာလိုက်ပါတယ်။

▪️ ထိုပေါင်းစပ်ကာကွယ်ဆေးဟာ mRNA နည်းပညာကို အသုံးပြုထားပြီး လက်ရှိဈေးကွက်မှာရှိနေတဲ့ တုပ်ကွေးကာကွယ်ဆေးတွေ၊ မိုဒါနာကိုဗစ်ကာကွယ်ဆေးတွေထက် ပဋိပစ္စည်းများ ပိုမိုထုတ်လုပ်ပေးနိုင်ပါတယ်။

▪️ ယခုနောက်ဆုံး စမ်းသပ်ချက်မှာ လူပေါင်း ၈၀၀၀ ခန့်ပါဝင်ပြီး ရောဂါဖြစ်ပွားလေ့ရှိတဲ့ နွေဦးရာသီ ၂၀၂၅ ၊ ၂၀၂၆ လောက်မှာ ပေါင်းစပ်ကာကွယ်ဆေးကို စတင်ဖြန့်ဝေဖို့ မိုဒါနာဥက္ကဌ စတီဖင်ဟိုဂေးက ဆိုပါတယ်။

▪️ ယင်းတို့ရဲ့ ကိုဗစ်ကာကွယ်ဆေးများ ရောင်းချရမှု သိသိသာသာ ကျဆင်းသွားတာကို ကာကွယ်ဆေးအသစ်များက အစားထိုးဖြည့်ဆည်းပေးနိုင်ဖို့ မျှော်မှန်းထားပါတယ်။

▪️ ယင်းကာကွယ်ဆေးက ဘေးကင်းစိတ်ချရပြီး အခြားကာကွယ်ဆေးတွေလိုပဲ ဘေးထွက်ဆိုးကျိုးတွေ ရှိနေပါတယ်။ အဖြစ်အများဆုံးအနေနဲ့ အပ်ထိုးတဲ့နေရာ နာကျင်ခြင်း၊ ပင်ပန်းနွမ်းနယ်ခြင်း၊ ကြွက်သားကိုက်ခဲခြင်း၊ ခေါင်းကိုက်ခြင်းတို့ ဖြစ်နိုင်ပါတယ်။

▪️ မိုဒါနာက စမ်းသပ်ချက်ရလဒ် အပြည့်အစုံကို လာမယ့် ဆေးဘက်ဆိုင်ရာ အစည်းအဝေးပွဲမှာ တင်ပြဖို့ စီစဥ်ထားပါတယ်။

#Soure: India Today

#World_Health
Published 22 June 2024

▪️ လူတွေဟာ အသက်ဘယ်လောက်ရှည်စွာ နေထိုင်နိုင်လဲဆိုတဲ့အကြောင်းနဲ့ သက်ရှည်ကျန်းမာအောင် ဘယ်လိုနေထိုင်မလဲဆိုတဲ့ အကြောင်းတွေကို စိတ်ဝင်စားလာတာ ကြာပြီဖြစ်ပါတယ်။

▪️ အသက် ၉၀ ကျော်လူကြီးတွေရဲ့ အချို့သော ဇီဝလက္ခဏာများကို လေ့လာမှု ပြုခဲ့ကြပါတယ်။

▪️ အသက်ရှည်သူတွေနဲ့ အသက်တိုသူတွေရဲ့ ဇီဝလက္ခဏာများကို နှိုင်းယှဥ်ပြီး အသက်ရာကျော်ဖြစ်လာနိုင်တဲ့ ဆက်စပ်မှုကို လေ့လာတာ ဖြစ်ပါတယ်။

▪️ ပျမ်းမျှအသက် ၆၄ နှစ်မှ ၉၉ နှစ်ကြားရှိတဲ့ ဆွီဒင်လူမျိုး ၄၄၀၀၀ ရဲ့ အချက်အလက်များကို ရယူခဲ့ပါတယ်။

▪️ ၃၅ နှစ်လောက် စောင့်ကြည့်ပြီးတဲ့အခါ ထိုထဲက ၁၂၂၄ ဦးဟာ အသက် ၁၀၀ အထိ နေထိုင်နိုင်ခဲ့ပြီး ၈၅ ရာခိုင်နှုန်းလောက်က အမျိုးသမီးတွေ ဖြစ်ပါတယ်။

▪️ ဇီဝဖြစ်စဥ်၊ ရောင်ရမ်းခြင်း၊ အသည်းနဲ့ ကျောက်ကပ်လုပ်ဆောင်ချက်၊ အာဟာရချို့တဲ့ခြင်း၊ သွေးအားနည်းခြင်းတို့နဲ့ ပတ်သက်ပြီး သွေးအခြေပြု ညွှန်ပြပစ္စည်း ၁၂ မျိုးရှိပါတယ်။

▪️ အသက် ၁၀၀ အထိ နေခဲ့သူတွေမှာ အသက် ၆၀ လောက်ကစပြီး ယူရစ်အက်ဆစ်၊ ခရီအိတ်တနင်း၊ ဂလူးကို့စ်တို့ နည်းပါးနေတတ်ပါတယ်။

▪️ အယ်လ်ဗျူမင်နဲ့ အလက် ၂ မျိုးကလွဲပြီး ကျန်တာတွေက အသက် ၁၀၀ ရောက်နိုင်ခြေနဲ့ ဆက်စပ်နေပါတယ်။

အချို့ဇီဝလက္ခဏာတွေမှာ ပြောင်းလဲမှုတွေက အရမ်းကြီး မသိသာပေမယ့် အသက်ရှည်ခြင်း၊ စားသောက်ခြင်း၊ ဇီဝကမ္မ ကျန်းမာရေးတို့နဲ့ ဆက်စပ်နေပါတယ်။

▪️ ဒီလေ့လာချက်က စားသောက်နေထိုင်မှု ပုံစံတွေ၊ မျိုးဗီဇတွေနဲ့တော့ သက်ဆိုင်ခြင်းရှိမရှိ မလေ့လာထားပါဘူး။

#Soure: WION

ကုလသမဂ္ဂ အာကာသဆိုင်ရာဌာန (UNOOSA)မှကျင်းပတဲ့ ရေရှည်တည်တံ့မြဲ လကမ္ဘာလှုပ်ရှားမှုဆိုင်ရာ ကုလသမဂ္ဂပထမဆုံး ကွန်ဖရင့်အစည်းအဝေးကို ဩစတြီးယားမြိုတော် ဗီယင်နာမှာ အင်္ဂါနေ့က ကျင်းပခဲ့ပါတယ်။
#World_Space
Published 21 June 2024
#လကမ္ဘာစူးစမ်းရေးဆိုင်ရာ #ကုလကွန်ဖရင့်ဗီယင်နာတွင်ကျင်းပ
#YMG #Yangon_Times #Yangon_Media_Group

#Daily_News
Published_ 21 June 2024

၁။ နေပြည်တော်တွင် ဈေးအသင့်တင့်ရှိသော အိမ်ခြံမြေများ အရောင်းဝယ်သွက်နေဟုဆို

၂။ 'မြန်မာ့ဂီတနေ့'ဂီတဖျော်ဖြေပွဲကြီးတွင် တီးဝိုင်း(၈)ဝိုင်းနှင့်အဆိုတော် (၃၅)ဦးဖျော်ဖြေမည်၊ အခမဲ့လက်မှတ်ရယူကြည့်ရူနိုင်

၃။ ရွှေတိဂုံစေတီတော်၌နယုန်လပြည့်နေ့(မဟာသမယအခါတော်နေ့ )အခမ်းအနားကျင်းပပြီး ကမ္ဘာသူကမ္ဘာသား ဝေနေယျသတ္တဝါအပေါင်းတို့ ငြိမ်းချမ်းစေရန် ရင်ပြင်ပေါ်ရှိ ခေါင်းလောင်းများအား ပြိုင်တူတီးခတ်

၄။ လကမ္ဘာစူးစမ်းရေးဆိုင်ရာပထမဆုံးကုလကွန်ဖရင့် ဗီယင်နာတွင်ကျင်းပ ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

ဇွန်လအတွင်း YGEA ကသတ်မှတ်တဲ့ ရွှေဈေးနှုန်းတစ်သိန်းသုံးသောင်းကျော်ကျဆင်းခဲ့တယ်။ ဇွန်လ(၁၁)ရက်ကနေ(၂၁)ရက်အတွင်း ရွှေဈေးနှုန်း(၁၃၀၀၀)ကျော်ကျဆင်းခဲ့တယ်။ ရန်ကုန်၊ မန္တလေးနဲ့ ရမည်းသင်းမှာ YGEA ဈေးဖြင့်ရောင်းချတဲ့ရွှေဆိုင်တွေရှိနေပြီလို့ YGEA ရဲ့ထုတ်ပြန်ချက်အရ သိရပါတယ်။
#Local_News
Published_ 21 June 2024
#ရွှေဈေးနှုန်းကျဆင်း #YGEA
#tthl #Yangon_Times

နယုန်လပြည့်နေ့(မဟာသမယအခါတော်နေ့ )အခမ်းအနားကျင်းပပြီး ကမ္ဘာသူကမ္ဘာသား ဝေနေယျသတ္တဝါအပေါင်းတို ငြိမ်းချမ်းစေရန် ရွှေတိဂုံစေတီတော်ရင်ပြင်ပေါ်ရှိ ခေါင်းလောင်းများအား ပြိုင်တူတီးခတ်ခဲ့တယ်လိုဘဏ္ဍာတော်ထိန်းဂေါပကအဖွဲ့က သိရပါတယ်။
#Local_News
Published_ 21 June 2024
#(မဟာသမယအခါတော်နေ့) #ခေါင်းလောင်းများပြိုင်တူတီးခတ်
#YMG/NN #Yangon_Times