#DailyNews
Published - 25 Feb 2022
(၁) ယခုရက်ပိုင်းတွင် ဘင်္ဂလားဒေ့ရှ်နိုင်ငံသို့ ကုန်သွယ်မှု ပြန်တက်လာ
(၂) လျှပ်စစ်မီးပုံမှန်မရသလို စက်သုံးဆီဈေးကြောင့် အထည်ချုပ်စက်ရုံများအပိုကုန်ကျစရိတ်များလျှော့ချနေရ
(၃) နေ့စဉ်မိုးလေဝသ သတင်း
(၄) ပြင်သစ်တွင် အဖိုးတန်သားရေအလုပ်ရုံနှစ်ရုံဖွင့်လှစ်ခဲ့သည့် လူးဝစ်ဗစ်တန်ကုမ္ပဏီ.....အစရှိတဲ့သတင်းတွေကိုတင်ဆက်ပေးသွားမှာပဲဖြစ်ပါတယ် ။
#Yangon_Media_Group
#sport
Publishes_ 25 Feb 2022
အောင်လအန်ဆန်းနှင့် ရုရှားနိုင်ငံသား ဗစ်တာလီဗစ်ဒက်ရှ်တို့ ယနေ့ ညနေပိုင်းမှာ စင်ကာပူနိုင်ငံ၌ ယှဉ်ပြိုင်ထိုးသတ်မှာ ဖြစ်ပါတယ်။သူတို့နှစ်ယောက်ရဲ့ ယခုအကြိမ် ထိုးသတ်မှုကတော့ တတိယအကြိမ်မြောက် တွေ့ဆုံပွဲလည်း ဖြစ်ပါတယ်။
ဒီကနေ့ပွဲကိုတော့ One Championship က စီစဉ်တာဖြစ်ပြီး စင်ကာပူ နိုင်ငံမှာ ပြုလုပ်ခြင်းဖြစ်ကာ ၎င်းတို့ပွဲစဉ်အပါအဝင် တွဲဆိုင်း ၁၂ ဆိုင်း ပါဝင်မှာဖြစ်ပါတယ်။ဒီကနေ့ ပွဲစဉ်တွေမှာ ကမ္ဘာ့ချန်ပီယံလုပွဲ ၂ ပွဲ ပါဝင်ပြီး မစ်ဒယ်ဝိတ်တန်း ကမ္ဘာ့ချန်ပီယံလုပွဲမှာ လက်ရှိချန်ပီယံ နယ်သာလန်နိုင်ငံသား ဒီရစ်ဒါနှင့် စိန်ခေါ်သူ ကာဂျစ္စတန် နိုင်ငံသား အဘာဆော့ဗ်တို့ ထိုးသတ်မှာဖြစ်ကာ လိုက်ဟဲဗီးဝိတ်တန်း ကမ္ဘာ့ချန်ပီယံလုပွဲမှာတော့ လက်ရှိ ချန်ပီယံ ယူကရိန်း နိုင်ငံသား ရိုမန်နှင့် စိန်ခေါ်သူ နယ်သာလန်နိုင်ငံသား မူရတ်တို့ ထိုးသတ်သွားမှာ ဖြစ်ပါတယ်။
ymg-mnn
#Yangon_Media_Group
Published 25 February 2022
လွန်ခဲ့တဲ့သုံးနှစ်ကျောက်က ရုပ်ရှင်မင်းသား၊ဟာသသရုပ်ဆောင်နှင့် ဖျော်ဖြေရေးကုမ္ပဏီအမှုဆောင်တစ်ဦးအဖြစ် လူသိထင်ရှားဖြစ်ခဲ့တဲ့ ဗိုလိုဒီမီယာ ဇီလင်စကီးဟာ အခုတော့ ယူကရိန်းသမ္မတအဖြစ်နှင့် ရုရှားနှင့်စစ်ဖြစ်ပွားနေတဲ့ နိုင်ငံကို ဦးဆောင်သူဖြစ်နေရပြီလို့ NPR သတင်းဌာနကသတင်းရေးသားလိုက်ပါတယ်။
ရွေးကောက်ပွဲမဝင်ခင်က ဇီလင်စကီးဟာ နာမည်ကျော် Servant Of the People ပြည်သူတို့၏ အစေခံ ဆိုတဲ့ ရုပ်သံဇာတ်လမ်းတွဲမှာ ဇာတ်လိုက်အဖြစ် သရုပ်ဆောင်ခဲ့ပါတယ်။ အဲဒီဇာတ်ကားကို သူကိုယ်တိုင်ထုတ်လုပ်ခဲ့တာဖြစ်ပြီး အသက်၃၀ကျော်အရွယ် အထက်တန်းကျောင်းက သမိုင်းဆရာကလေးတစ်ဦးအဖြစ်သရုပ်ဆောင်ခဲ့ပါတယ်။ တစ်ရက်မှာ သူဟာ အတန်းထဲမှာ အစိုးရရဲ့ အကျင့်ပျက်ခြာစားမှုတွေကို လှောင်ပြောင်ဝေဖန်ပြောဆိုခဲ့တာကို အတန်းထဲက တပည့် တစ်ဦးက ဆိုရှယ်မီဒီယာ ပေါ်တင်လိုက်တဲ့အတွက် နေ့ချင်းညချင်းနာမည်ကြီးသွားပြီး အဲဒီကနေ သမ္မတအဖြစ် အရွေးခံရတဲ့ သရော်တဲ့ ဇာတ်လမ်းဖြစ်ပါတယ်။
သူဟာ အသက်(၁၇)နှစ်အရွယ်ကတည်းက KVN လို့ခေါ်တဲ့ ပြည်တွငး်က ဟာသသရုပ်ဆောင်ပြိုင်ပွဲအဖွဲထဲ ဝင်ရောက်ခဲ့ရင်း ရုပ်ရှင်နှင့်ရုပ်သံလောကထဲရောက်ရှိလာသူပါ။ သူဟာ ရုပ်သံဇာတ်လမ်းတွေမှာ သရုပ်ဆောင်အဖြစ်ပါဝင်ခဲ့ပြီး ၂၀၁၅မှာ ထုတ်လွှင့်ပြသခဲ့တဲ့ Servant Of the People ဇာတ်လမ်းတွဲမှာတော့ ယူကရိန်းသမ္မတအဖြစ် သရုပ်ဆောင်ရင်း နာမည်ကျော်လူကြိုက်များခဲ့တာပါ။
အဲဒီအောင်မြင်မှုကိုရယူရင်း ၂၀၁၈ခုနှစ်မှာ သူဟာ သူရဲ့ Kvartal 95 ရုပ်သံထုတ်လုပ်ရေးကုမ္ပဏီကအဖွဲ့သားတွေနှင့်အတူတူ Servant Of the People အမည်နှင့်ပဲ နိုင်ငံရေးပါတီတည်ထောင်ခဲ့ပါတယ်။အဲဒီကမှတစ်ဆင့် လူကြိုက်များမှုအပေါ်အခြေခံကာ သမ္မတရွေးကောက်ပွဲအဆင့်ဆင့်ဖြတ်ကျော်ရင်း ယူကရိန်းသမ္မတဖြစ်လာခဲ့ပါတယ်။
တကယ်တမ်းအပြင်မှာ သူသမ္မတဖြစ်ခဲ့ရတာကတော့ တကယ့်ကိုမမျှော်လင့်ဘဲ ဖြစ်ခဲ့ရတာပါလို့ နယူးယောက်ကာသတင်းစာရဲ့ မော်စကိုသတင်းထောက် ဂျိုရှားယာဖာက ပြောပါတယ်။
ဒွန်ဘတ်စ်မှာဖြစ်ခဲ့တဲ့စစ်ရဲ့ရလာဒ်အဖြစ် ၂၀၁၉ခုနှစ်အထိ ယူကရိန်းမှာဖြစ်ခဲ့တဲ အားလျော့စိတ်ပျက်မှုတွေရဲ့အပေါ် သူက အမြတ်ထုတ်နိုင်ခဲ့ပြီး သမ္မတဖြစ်လာခဲ့တာပါ။အဲဒီပြသနာတွေက အခုထက်ထိဖြေရှင်းလို့လည်းမရသေးပါဘူးလို့ ယာဖာက ပြောပါတယ်။
“အဲဒီအချိန် ယူကရိန်းပြည်သူတွေက အခြားအပြောင်းလဲတစ်ခုကို အငမ်းမရလိုချင်ကြတယ်။အဲဒီအချိန်မှာ ဇီလင်စကီးက နိုင်ငံရေးမြင်ကွင်းမှာ ပေါ်လာပြီး သူရဲ့ နည်းပါးတဲ့အတွေ့အကြုံက အကျိုးရှိသွားစေတာလို့ ပွင့်ပွင့်လင်းလင်းပြောနိုင်တယ်” လို့ သူကဆက်ပြောပါတယ်။
“ရုရှားရဲ့ ယူကရိန်းအပေါ်ကျူးကျော်မှုဟာ ဇီလင်စကီးအတွက် ကြီးမားတဲ့ စိန်ခေါ်မှုတစ်ခု အသေအချာပဲ။ဒါပေမယ့် သူအစကနဦဲးမှာ အရင်ဆုံးရင်ဆိုင်ရတာက ရုပ်သံဇာတ်လမ်းထဲက သမ္မတနှင့် အပြင်က တကယ့်သမ္မတမတူတဲ့ ခက်ခဲရှုပ်ထွေးမှုတွေကို ထိန်းကျောင်းဆောင်ရွက်ရတဲ့ စိန်ခေါ်မှုပဲဖြစ်တယ်” လို့ ယာဖာကဆက်ပြောပါတယ်။
“အဲဒါကြောင့် သူ့ရဲ့သမ္မတအလုပ်ဟာ တကယ့်ကိုဖရိုဖရဲနှင့်အခက်အခဲတွေကြုံရတယ်။ဒါကို ဇီလင်စကီးနှင့် သူ့မိတ်ဆွေတွေက ကောင်းကောင်းသဘောပေါက်လိမ့်မယ်လို့ ကျွန်တော်တော့မထင်ဘူး။ လှည့်ဖျားမှုနှင့်ရှုပ်ထွေးမှုတွေအမျိုးမျိုးတွေနှင့် တကယ်တမ်းတော့ နိုင်ငံကိုအုပ်ချုပ်ရတာဖြစ်တယ်” လို့ယာဖာကပြောပါတယ်။
ယခုအချိန်မှာတော့ အသက်၄၄နှစ်ရှိပြီဖြစ်တဲ့ သမ္မတ ဇီလင်စကီးဟာ နိုင်ငံခြားသံရုံးတွေ ကိဗ်ကနေ ထွက်ပြေးနေတာ၊နိုင်ငံခြားသားကျွမ်းကျင်သူ တွေ၊ရင်းနှီးမြှပ်နှံသူတွေ ထွက်ပေးသွားကြတာကို စောင့်ကြည့်နေရတယ်။ နိုင်ငံခြားရင်းနှီးမြှပ်နှံမှုအသစ်ဆိုရင်လည်း ရပ်သွားပြီ” လို့ သူကဆက်ပြောပါတယ်။
“ပူတင်၊အနောက်နိုင်ငံတွေနှင့် ယူကရိန်းနိုင်ငံတွင်းက ပြည်တွင်း ဂိုဏ်းဂဏတွေအကြား သူ့အနေနှင့် ဖြေရှင်းပေးဖို့ အတော်မဖြစ်နိုင်ဘူး။ဒီစစ်ပွဲကို ဇီလင်စကီးမရပ်နိုင်ရတဲ့ ကြီးမားတဲ့အကြောင်းရင်းတစ်ခုကတော့ ဗလက်ဒီမာပူတင်ပဲ ဖြစ်ပါတယ် “လို့သူကပြောလိုက်ပါတယ်။
Source NPR/Wiki
#LocalNews
Published -25 Feb 2022
ကချင်ပြည်နယ်၊ မြစ်ကြီးနားမြို့ နယ်တွင်ဆပ်ပြာခွက်များဖြင့်ထည့်သွင်းသယ်ဆောင်လာသည့်ဘိန်းဖြူများဖမ်းဆီးရမိဖမ်းဆီးရမိခဲ့တယ်လို့ မူးယစ်ဆေးဝါးတာဆီးနှိမ်နှင်းရေးရဲတပ်ဖွဲ့ကသိရပါတယ်။
ဖေဖော်ဝါရီလ ၂၃ ရက်နေ့ မွန်းလွဲ ၃နာရီအချိန် မူးယစ်ဆေးဝါးတားဆီးနှိမ်နင်းရေးရဲတပ်ဖွဲ့မှ တပ်ဖွဲ့၀င်များပါ၀င်သော ပူးပေါင်းအဖွဲ့သည် သတင်းအရ သက်သေများနှင့်အတူ မြစ်ကြီးနားမြို့၊ (၂၁)မိုင်ပူးပေါင်းစစ်ဆေးရေးစခန်းတွင် မြစ်ကြီးနားမြို့ဘက်မှ မိုးကောင်းမြို့ဘက်သို့ ထွယ်နော် မောင်းနှင်ပြီး ဘရန်တောင်၊ စင်းယူတူးရိန် နှင့် လဖိုင်ဂမ်အောင် တို့လိုက်ပါလာသည့် LAND CRUISER အမျိုးအစား မော်တော်ယာဉ်အား ရပ်တန့်စစ်ဆေးရှာဖွေရာ မော်တော်ယာဉ်ပေါ်မှ ဆပ်ပြာခွက်များဖြင့်ထည့်ထားသည့် ဘိန်းဖြူအလေးချိန် ၂.၃၂ ကီလို(ဒေသကာလပေါက်စျေး တန်ဖိုးငွေကျပ်သိန်း ၅၈၀)နှင့် လက်ကိုင်ဖုန်း ၃ လုံးတို့အား တွေ့ရှိသိမ်းဆည်းရမိခဲ့ကြောင်းသိရသည်။
စစ်ဆေးဖော်ထုတ်ချက်အရ ညနေ ၄နာရီ၃၀မိနစ် အချိန် မြစ်ကြီးနားမြို့၊ နယ်မြေ(၁၁)၊ တပ်ကုန်း(ထွယ်ဆန်)ရပ်ကွက်ရှိ ဘရန်တောင် ငှားရမ်းနေထိုင်သည့် နေအိမ်အား ၀င်ရောက်ရှာဖွေရာ နေအိမ်အတွင်းရှိ ဆောင်းဘောက်များအတွင်းမှ ဘိန်းဖြူအလေးချိန် ၀.၉၃ ကီလို (ဒေသကာလပေါက်စျေးတန်ဖိုးငွေကျပ် ၂၃၂.၅ သိန်း)၊ စိတ်ကြွရူးသွပ်ဆေးပြား ၉၀၀ ပြား(ဒေသကာလပေါက်စျေး တန်ဖိုးငွေကျပ် ၁၈ သိန်း)နှင့် မြန်မာငွေကျပ် သိန်း ၃၀ တိုအား ထပ်မံတွေ့ရှိသိမ်းဆည်းရမိခဲ့သဖြင့် ထွယ်နော်(၂၂)နှစ်၊ ဘရန်တောင်(၃၄)နှစ်၊ စင်းယူတူးရိန်(၂၉)နှစ် နှင့် လဖိုင်ဂမ်အောင်(၃၂)နှစ်တိုအား သက်ဆိုင်ရာရဲစခန်းများတွင် မူးယစ်ဆေးဝါးနှင့် စိတ်ကိုပြောင်းလဲစေသောဆေးဝါးများဆိုင်ရာဥပဒေအရ အမှုဖွင့်အရေးယူထားရှိပြီး ကွင်းဆက်များ ဖော်ထုတ်လျက်ရှိတယ်လို့ သိရပါတယ်။
ymg/hm
#Yangon_Media_Group
#LocalNews
Published - 25 Feb 2022
၂၀၂၁ ခုနှစ်၊ လန်ချန်း-မဲခေါင်ပူးပေါင်းဆောင်ရွက်မှုအထူးရန်ပုံငွေ ထောက်ပံ့မှုဖြင့် ဖော်ဆောင်သည့် “ခရီးသွားလာရေးသုတေသနစင်တာတည်ဆောက်မှု” စီမံကိန်းစတင်ခြင်း အခမ်းအနားနှင့် စီမံကိန်းပမာဏဆိုင်ရာသုတေသန (Quantitative Research) လေ့ကျင့်ရေးသင်တန်းဖွင့်လှစ်ခြင်းအခမ်းအနားကို ယမန်နေ့(ဖေဖော်ဝါရီလ ၂၄ ရက်)နေ့က ကျင်းပ ပြုလုပ်ခဲ့ပြီး အဆိုပါ အခမ်းအနားသို့ မြန်မာနိုင်ငံဆိုင်ရာ တရုတ်သံအမတ်ကြီး Mr. Chen Hai တက်ရောက်ခဲ့တယ်လို့ သိရပါတယ်။
အခမ်းအနားတွင် သံအမတ်ကြီး Mr. Chen Hai က "လန်ချန်း-မဲခေါင်ပူးပေါင်းဆောင်ရွက်မှု စတင်ဖော်ဆောင်လာကတည်းက ပြည်သူများနှင့်တစ်သားတည်းဖြစ်ခြင်း၊ ဖွံ့ ဖြိုးတိုးတက်မှု ဖော်ဆောင်ခြင်း၊ ပြည်သူလူနေမှုဘဝအကျိုးပြုသည့်စီမံကိန်းဖြင့် လန်ချန်း-မဲခေါင်ဒေသ နိုင်ငံများ လူမှုစီးပွားဖွံ့ ဖြိုးတိုးတက်မှုနှင့် ပြည်သူလူနေမှုဘဝ ကောင်းမွန်လာစေရေးအတွက် အကျိုးထမ်းဆောင်ခဲ့ပါတယ်။ မြန်မာနိုင်ငံမှာ အထူးရန်ပုံငွေထောက်ပံ့မှုရရှိသည့် စီမံကိန်းပေါင်း ၇၃ ခု ရှိပြီးဖြစ်ပါတယ်။ စိုက်ပျိုးရေး၊ သိပ္ပံနည်းပညာ၊ လူ့စွမ်းအားအရင်းအမြစ်၊ ယဉ်ကျေးမှု၊ ခရီးသွားလာရေးစသည့်ကဏ္ဍမျိုးစုံ ပါဝင်တယ်။"လို့ ပြောကြားခဲ့ပါတယ်။
ခရီးသွားလာရေးသုတေသနစင်တာ တည်ဆောက်ခြင်းသည် ရန်ပုံငွေကထောက်ပံ့ထားသည့် ခရီးသွားလာရေးကဏ္ဍတွင်အရေးပါစီမံကိန်းဖြစ်ပြီး မြန်မာနိုင်ငံခရီးသွားလုပ်ငန်း ဖွံ့ဖြိုးတိုးတက်မှုသုတေသနနှင့် ခေတ်မီခရီးသွားရေးစနစ် တည်ဆောက်မှုကို ထိရောက်စွာဖော်ဆောင်ပြီး ကပ်ရောဂါအလွန် ခရီးသွားလုပ်ငန်း ပြန်လည်ဦးမော့လာမှုကို အထောက်အကူပြုမည်ဟုယုံကြည်ကြောင်း သံအမတ်ကြီး Mr. Chen Hai က
ဆိုပါတယ်။
ဆက်လက်၍ သံအမတ်ကြီးက မိမိတို့သည် မြန်မာနိုင်ငံနှင့်အတူ ခရီးသွားလာရေးကဏ္ဍ ကပ်ရောဂါကာကွယ်ရေးနှင့် ပြန်လည်ဦးမော့လာရေး အတွေ့အကြုံကိုမျှဝေလိုပြီး မူဝါဒညှိနှိုင်း မှုနှင့် လက်တွေ့ကျပူးပေါင်းဆောင်ရွက်မှုကိုမြှင့်တင်ကာ နှစ်နိုင်ငံနှင့် လန်ချန်း-
မဲခေါင်နိုင်ငံ လူမှုရေးနှင့်ယဉ်ကျေးမှုခရီးသွားလာရေး ပူးပေါင်းဆောင်ရွက်မှုကို အတူတကွဖော်ဆောင်သွားလိုတယ်လို့လည်း ပြောကြားခဲ့ပါတယ်။
မြန်မာဘက်ကမှ တရုတ်နိုင်ငံသည် လန်ချန်း-မဲခေါင်ပူးပေါင်းဆောင်ရွက်မှု အထူးရန်ပုံငွေဖြင့် မြန်မာနိုင်ငံခရီးသွားလုပ်ငန်းဖွံ ဖြိုးတိုးတက်မှုအား ထောက်ခံအားပေးမှုကို ကျေးဇူးတင်ရှိကြောင်း၊ လန်ချန်း-မဲခေါင်ပူးပေါင်းဆောင်ရွက်မှုသည် ဒေသတွင်းနိုင်ငံနှင့်ပြည်သူများကို လက်တွေ့ကျအကျိုးဖြစ်ထွန်းစေကြောင်း၊ လေ့ကျင့်ရေးစင်တာတည်ဆောက်မှုသည် မြန်မာနိုင်ငံခရီးသွားလုပ်ငန်း သက်ဆိုင်ရာဘက်အသီးသီးကို အကျိုးပြုမည်ဖြစ်ကြောင်းနှင့် တရုတ်နိုင်ငံပညာရှင်များပါဝင်မှုသည်လည်း မြန်မာနိုင်ငံခရီးသွားလာရေး သုတေသနလုပ်ငန်း အဆင့်အတန်းမြှင့်တင်မှုအတွက်လည်း အရေးပါသည့်အခန်းကဏ္ဍမှပါဝင်သွားမည်ဖြစ်ကြောင်း ပြောကြားခဲ့ တယ်လို့ သိရပါတယ်။
“ခရီးသွားလာရေးသုတေသနစင်တာတည်ဆောက်ခြင်း” စီမံကိန်းကာလသည် တစ်နှစ်ဖြစ်ပြီး သုတေသနစင်တာနှင့် သုတေသနအဖွဲ့ ဖွဲ့စည်းတည်ဆောက်ကာ မြန်မာနိုင်ငံထံ ခရီးသွားလုပ်ငန်းသက်ဆိုင်ရာအသိပညာဗဟုသုတ၊ ဆော့ဖ်ဝဲလ်နှင့် လေ့ကျင့်မှု ထောက်ပံ့သွားမှာဖြစ်တယ်လို့ ဆိုပါတယ်။
ဒါ့အပြင် ယူနန်ဘဏ္ဍာရေးတက္ကသိုလ် ခရီးသွားလာမှုစီမံခန့်ခွဲမှုပညာရှင် ပါရဂူ Ms. Zhang Min က ပြည်ပအတိုင်ပင်ခံပညာရှင်အနေဖြင့် စီမံကိန်းတွင်ပါဝင်သွားမှာ ဖြစ်တယ်လို့လည်း သိရပါတယ်။
ymg/kg
#Yangon_Media_Group
#LocalHealth
Published - 25 Feb 2022
ရှမ်းပြည်နယ်(မြောက်ပိုင်း)၊ ကျောက်မဲခရိုင်၊ သီပေါမြို့နယ်တွင် ဖေဖော်ဝါရီလ ၂၄ ရက်နေ့က ဖျားနာသူ၅၀၀ခန့်ကိုဗစ်ရောဂါပိုးတွေ့ အတည်ပြုလူနာ(၂၂)ဦးထပ်မံတွေ့ရှိရတယ်လို့ မြို့ နယ်ပြည်သူ့ကျန်းမာရေးနှင့် ကုသရေး ဦးစီးဌာနကသိရပါတယ်။
ဖေဖော်ဝါရီလ ၂၄ ရက်နေ့က သီပေါမြို့နယ်ခုတင်(၁၀၀)ဆံ့ပြည်သူ့ဆေးရုံတွင် ကိုဗစ်-၁၉ရောဂါ Positiveလူနာများနဲ့ထိတွေ့ခဲ့သူများ၊ ဖျားနာသူများ(၄၉၈)ဦးအား COVID-19 Antigen RDT Test Kit ဖြင့်ရောဂါပိုး ရှိ/မရှိ စစ်ဆေးခဲ့ရာ(၂၂)ဦးတွင်ကိုဗစ်-၁၉ရောဂါပိုးတွေ့ရှိရတာလို့ သိရပါတယ်။
"ဖျားနာတဲ့လူတွေရော ပိုးတွေ့လူနာနဲ့ထိစပ်သူတွေရော စစ်ဆေးတာမှာလူနာသစ် ၂၂ဦးတွေ့တာဖြစ်ပါတယ် အားလုံး ကိုဗစ်စည်ကမ်းနဲ့အညီကုသပေးနေပါတယ်"လို့ မြို့နယ်ကျန်းမာရေးနဲ့ကုသရေးဦးစီးဌာနကတာဝန်ရှိသူတစ်ဦးကပြောပါတယ်။
အဆိုပါပိုးတွေ့လူနာများအား သီပေါမြို့နယ် ပြည်သူ့ဆေးရုံရှိ သီးသန့်ကုသကြပ်မတ်ဆောင်(Isolation Ward)တွင် ဆေးကုသနိုင်ရေး ဆောင်ရွက် ထားရှိကြောင်းနှင့် ၎င်းပိုးတွေ့လူနာနှင့်ထိတွေ့ဆက်စပ်သူများအား Home Quarantine ထားရှိ ထားတယ်လို့ သိရပါတယ်။
သီပေါမြို့နယ်တွင်ဖေဖော်ဝါရီလ ၂၄ရက်အထိကိုဗစ်ရောဂါပိုးတွေ့ အတည်ပြု လူနာပေါင်း (၁၈၃၀)ဦးရှိပြီး၊ သေဆုံးသူ(၁၀၁)ဦးရှိပြီဖြစ် ကာလက်ရှိမြို့နယ် ပြည်သူ့ဆေးရုံ၌ ဆေးကုသမှုခံယူနေသူ(၆၂)ဦးရှိတယ်လို့ သိရပါတယ်။
ymg/hm
#Yangon_Media_Group
#LocalNews
Published - 25 Feb 2022
ဒီကနေ့ ( ဖေဖော်ဝါရီ ၂၅ ရက်)၊ နံနက်အစောပိုင်း အချိန်က တာချီလိတ်-ဝမ်ပုံသွားလမ်းတွင် (၁၂)ဘီးယာဉ်တစ်စီးမီးလောင်မှုဖြစ်ပွားခဲ့တယ်လို့ သိရပါတယ်။
ဖြစ်စဉ်မှာ ရှမ်းပြည်နယ်၊ တာချီလိတ်မြို့နယ်၊ မိုင်းဖုန်း(ခ)ကျေးရွာအုပ်စု၊ ပါခုတ်နိုကျေးရွာအနီး တာချီလိတ်-ဝမ်ပုံသွားလမ်းတွင် သံဖရိန်၊ ဘိလပ်မြေဖျော်အိုးနှင့် ကော်ဇောလိပ်များ တင်ဆောင်မောင်းနှင်လာသော Nissan အမျိုးအစား(အဖြူရောင်) (၁၂)ဘီးယာဉ်
တစ်စီးဟာ မီးလောင်မှုဖြစ်ပွားခဲ့ခြင်းဖြစ်ပါတယ်။
အဆိုပါ မီး လောင်မှုကို တာချီလိတ်ခရိုင် မီးသတ်ဦးစီးမှူးရုံးမှ မီးငြှိမ်းသတ်ယာဉ်(၁)စီး၊ ရေသယ်ယာဉ်(၁)စီး၊ ဖန်မင်(ဝမ်ပုံ)နယ်မြေမီးသတ်စခန်းမှ မီးငြှိမ်းသတ်ယာဉ်(၁)စီး၊ သန္ဓေမီးသတ်တပ်ဖွဲ့ဝင်များ၊ အရန်မီးသတ်တပ်ဖွဲ့ဝင်များဖြင့် ထွက်ခွာငြှိမ်းသတ်ခဲ့ရာ နံနက် ၆ နာရီ၊မိနစ် ၄၀ အချိန်မှာ မီးကိုငြိမ်းသတ်နိုင်ခဲ့တယ်လို့ မီးသတ်တပ်ဖွဲ့က သတင်းထုတ်ပြန်ထားပါတယ်။
Photo - MFSD
ymg/kg
#Yangon_Media_Group
#LocalNews
Published_ 25 Feb 2022
ဖေဖော်ဝါရီလ ၁၄ ရက်မှ ၂၀ ရက်အထိ တစ်ပတ်အတွင်း တစ်နိုင်ငံလုံးမှာ တရားမဝင်သစ် တန် ၃၃၀ ကျော်၊ တရားမဝင် သစ်ထုတ်သူ ၂၇ ဦးနဲ့ ယာဉ်/ယန္တရား ၁၄ စီး ဖမ်းဆီးရမိခဲ့တယ်လို့ သစ်တောဦးစီးဌာနက သတင်းထုတ်ပြန်ထားပါတယ်။
သစ်တောဦးစီးဌာနရဲ့စာရင်းများအရ တရားမဝင် ကျွန်းသစ် ၆၅ ဒသမ ၉၇၆၆ တန်၊ သစ်မာ ၃၁ ဒသမ ၉၁၅ တန်၊ အခြား ၂၃၃ ဒသမ ၈၇၈၆ တန်၊ စုစုပေါင်း ၃၃၁ ဒသမ ၇၇၀၂ တန်၊ လူ ၂၇ ဦး၊ ယာဉ်/ယန္တရား ၁၄ စီး ဖမ်းဆီးရမိခဲ့တယ်လို့ ဆိုပါတယ်။
အဆိုပါ ဖမ်းဆီးရမိမှုများအနက် အများဆုံးဖမ်းဆီးရမိမှုမှာ ဖေဖော်ဝါရီ ၈ ရက်က ရခိုင်ပြည်နယ်၊ သံတွဲခရိုင်၊ တောင်ကုတ်မြို့နယ်၊ လမူးဘိနယ်၊ ငှက်ပျောတောကျေးရွာ အနီး၊ လမူးချောင်းနံဘေးနဲ့ အနီးဝန်းကျင်မှ တရားမဝင် တောင်သရက်/ကညင်/သစ်ပုတ် ခွဲသား ၄၉၉ ချောင်း (၅၃ ဒသမ ၃၇၁ တန်) ၊ လက်ကိုင်စက်လွှနှစ်လက်တို့ ကို ပိုင်ရှင်မဲ့ ဖမ်းဆီးရမိမှု ဖြစ်ပါတယ်။
ဒါ့အပြင် ဖေဖော်ဝါရီလ ၁၄ ရက်မှ ၂၀ ရက်အထိ တစ်ပတ်အတွင်း ပဲခူးရိုးမ စိမ်းလန်းစိုပြည်ရေး ဧရိယာအတွင်း တရားမဝင် ကျွန်း၊ သစ်မာနှင့် အခြားသစ် အမျိုးစားများ စုစုပေါင်း ၉၂ ဒသမ ၅၂၃ တန် ဖမ်းဆီးရမိခဲ့တယ်လို့ ထုတ်ပြန်ချက်မှာ ဖော်ပြထားပါတယ်။
ymg-mnn
#Yangon_Media_Group
Published 25 February 2022
အမေရိကန်သမ္မတ ဂျိုဘိုင်ဒင်က ရုရှားအပေါ် ဒဏ်ခတ်ပိတ်ဆို့အရေးယူမှု တစ်ပုံတစ်ခေါင်းကြီး ထပ်မံချမှတ်လိုက်ပါတယ်။ အဲဒီအကြောင်းကို ဘိုင်ဒင်က ဖေဖော်ဝါရီ ၂၄ရက်က ကြေညာခဲ့ပြီး “ အမေရိကန်နှင့်ရုရှားတို့ ဆက်ဆံရေး မှာ လုံးဝမိတ်ပျက်သွားပြီဖြစ်တယ်” လို့လည်းပြောလိုက်ပါတယ်။
သမ္မတပူတင်ဟာ ဆိုဗီယက်ပြည်ထောင်စုဟောင်းကိုပြန်တည်ဆောက်ချင်နေတယ်လို့လည်း ဘိုင်ဒင်ကပြောပါတယ်။
Source AFP
#WorldPolitics
Published- 25 February 2022
ရုရှားတို့ ကျူးကျော်တိုက်ခိုက်လာမှုကို အဆုံးသတ်နိုင်ရန် ရုရှားတို့ နဲ့တွေ့ဆုံညှိနှိုင်းသွားဖို့ ထိတ်လန့်နေမှာမဟုတ်ကြောင်း ယူကရိန်းသမ္မတ'ဇဲလန်စကီ'က သောကြာနေ့ကပြောကြားလိုက်ပါတယ်။
ဒါပေမဲ့ ညှိနှိုင်းရာမှာ လုံခြုံရေးအာမခံချက်တွေရရှိဖို့ လိုအပ်ကြောင်း ထည့်သွင်းပြောကြားခဲ့တဲ့အပြင် ယူကရိန်းတို့စစ်ရေးအကူအညီမရရှိဘဲ ရုရှားနဲ့ရင်ဆိုင်နေရတဲ့အခြေအနေအပေါ် အနောက်နိုင်ငံကိုလည်း အပြစ်တင်စွပ်စွဲလိုက်ပါတယ်။
ယခုနံနက်အစောပိုင်းမှာ မြို့တော်ကိဗ်ကနေ 'ဇဲလန်စကီ'က အနောက်နိုင်ငံရှိ နိုင်ငံရေးမိတ်ဖက်များနဲ့ ဆက်သွယ်ပြောကြားခဲ့ပြီး ယူကရိန်းနိုင်ငံအနေနဲ့ ကျဉ်းထဲကျပ်ထဲအန္တရာယ်ရောက်နေကြောင်း အသိပေးခဲ့ပါတယ်။
"ခင်ဗျားတို့က ကျွန်တော်တို့ဘက်မှာရှိမှာလားလို့ မေးခဲ့ပါတယ်။ ယူကရိန်းဘက်မှာရှိနေမယ်လို့ သူတို့ပြန်လည်ဖြေကြားခဲ့ကြပေမယ့် ယူကရိန်းကို မဟာမိတ်အဖွဲ့ထဲ မခေါ်ချင်ကြပါဘူး။ ယူကရိန်းကို နေတိုး(NATO)အဖွဲ့ထဲ ဝင်ခိုင်းမှာလားလို့ ၂၇ နိုင်ငံကခေါင်းဆောင်တွေကို တိုက်ရိုက်မေးကြည့်တဲ့အခါ အားလုံးကစိုးရွံနေကြတဲ့ပုံပါပဲ" လို့ 'ဇဲလန်စကီ'က ဖွင့်ဟလိုက်ပါတယ်။
"အခုဆိုရင် ကျွန်တော်နိုင်ငံပဲ ဒီအတိုင်းကျန်နေပါတော့တယ်။ ကျွန်တော်တို့အတွက် ဘယ်သူတွေကစစ်ဝင်တိုက်ခိုက်ပေးမှာလဲ။ ပွင့်ပွင့်လင်းလင်းပြောရရင် ဘယ်သူမှမရှိပါဘူး။ ယူကရိန်းကို နေတိုးအဖွဲ့ဝင်အဖြစ်သတ်မှတ်ဖို့ ဘယ်သူကအာမခံချက်ပေးမှာလဲ။ အားလုံးက စိုးရွံနေကြပါတယ်" လို့ 'ဇဲလန်စကီ'က ဖြည့်စွက်ပြောကြားသွားပါတယ်။
ကြာသပတေးနေ့က ယူကရိန်းနိုင်ငံထဲသို့ ရုရှားတပ်များဝင်ရောက်လာခဲ့ပြီး ရုရှားသမ္မတ'ဗလက်ဒီမီယာပူတင်'က ယူကရိန်းစစ်တပ်အချက်အခြာနေရာတွေနဲ့ ဆန့်ကျင်လှုပ်ရှားမှုတွေကို ချေမှုန်းဖို့ စစ်ဆင်ရေးကြေညာခဲ့ပါတယ်။
ယူကရိန်းအစိုးရအနေနဲ့ ကြားနေရေးကိစ္စဆွေးနွေးဖို့သဘောတူမယ်ဆိုရင် ညှိနှိုင်းပြောဆိုဖို့ လက်ခံစဉ်းစားပေးမှာဖြစ်ကြောင်း ရုရှားက အသိပေးထားပါတယ်။
'ဇဲလန်စကီ'ကသောကြာနေ့မှာ တုန့်ပြန်ဖြေကြားရာ ယူကရိန်းရဲ့ကြားနေရေးအခြေအနေအကြောင်း ပြောဆိုဖို့အသင့်ရှိနေပြီး ပြင်ပအဖွဲအစည်းမှ လုံခြုံရေးအာမခံချက်ရရှိဖို့လည်း လိုအပ်ကြောင်းပြောဆိုလိုက်ပါတယ်။
"ကျွန်တော်တို့အတွက်လုံခြုံရေးအာမခံချက်တွေအကြောင်း၊ ကြားနေရေးကိစ္စအကြောင်းတွေကို ရုရှားနဲ့တွေ့ဆုံဆွေးနွေးဖို့ ကျွန်တော်တို့ကြောက်ရွံနေမှာမဟုတ်ပါဘူး။ ဒါပေမဲ့အခုကျွန်တော်တို့က နေတိုးအဖွဲ့ဝင်မဟုတ်တော့ ဘာလုံခြုံရေးအာမခံချက်ပေးနိုင်မှာလဲ။ ဘယ်နိုင်ငံက အာမခံပေးမှာလဲ" လို့ ဆိုလိုက်ကာ ရုရှားတို့စစ်ရေးတိုက်ခိုက်လာမှုကို ဆွေးနွေးညှိနှိုင်းပြီး အဆုံးသတ်ရမှာဖြစ်ကြာင်း ပြောကြားလိုက်ပါတယ်။
ယူကရိန်းတို့ရဲ့ကြားနေရေးအခြေအနေနဲ့ စစ်ရေးလက်နက်တပ်ဆင်ထားရှိဖို့ ငြင်းဆိုမှုတွေကို 'ပူတင်'ကသည်းမခံနိုင်ခဲ့တာဖြစ်ပြီး အခုဆိုရင်ဆုံးဖြတ်ချက်က ယူကရိန်းတို့အပေါ်သာမူတည်ကြောင်း ရုရှားစစ်အစိုးရမှပြောရေးဆိုခွင့်ရှိသူ 'ဒီမစ်ထရီပက်စ်ကော့ဗ်'က ကြာသပတေးနေ့က အသိပေးပြောကြားလိုက်ပါတယ်။
Source: RT
#WorldHealth
Published- 25 February 2022
အက်စ်ထရာဇန်နီကာ(AstraZeneca)ကိုဗစ်ကာကွယ်ဆေး ပထမအကြိမ်ထိုးပြီးတဲ့သူ ၁ သန်းမှာ လူ ၁ ယောက်မှ ၃ ယောက်အထိ ရှားရှားပါးပါးသွေးခဲခြင်းလက္ခဏာဖြစ်ပေါ်တတ်ကြောင်း လေ့လာတွေ့ရှိထားပါတယ်။
သုတေသီများက ကိုဗစ်ကာကွယ်ဆေးတွေနဲ့ ဦးနှောက်၊ သွေးလွှတ်ကြော၊ သွေးပြန်ကြောတိုမှာ ရှားပါးသွေးခဲခြင်းနဲ့ Platelet နည်းပါးခြင်းဖြစ်စဉ်တို့ အကြား ဆက်စပ်မှုတွေကို ဆန်းစစ်လေ့လာခဲ့ကြပါတယ်။
အဆိုပါလက္ခဏာဖြစ်စဉ်များပေါ်ပေါက်လာတာကြောင့် အောက်စ်ဖို့ဒ်တက္ကသိုလ်မှထုတ်လုပ်တဲ့ အက်စ်ထရာဇန်နီကာကာကွယ်ဆေးအသုံးပြုခြင်းကို နိုင်ငံအများအပြားမှာ ပြီးခဲ့တဲ့နှစ်က ရပ်ဆိုင်းခဲ့ရပါတယ်။
၂၀၂၀ ဒီဇင်ဘာလမှ ၂၀၂၁ မတ်လအတွင်း ဖိုင်ဇာ-ဘိုင်အိုတက်ခ် ဒါမှမဟုတ် အက်စ်ထရာဇန်နီကာ ကိုဗစ်ကာကွယ်ဆေးထိုးထားတဲ့ အင်္ဂလန်နိုင်ငံမှလူပေါင်း ၄၆ သန်းကို ကာကွယ်ဆေးမထိုးထားတဲ့သူတွေနဲ့ နှိုင်းယှဉ်ကာ သွေးခဲခြင်းဖြစ်ပေါ်နိုင်ချေကို လေ့လာခဲ့ကြပါတယ်။
အက်စ်ထရာဇန်နီကာထိုးနှံထားတဲ့ အသက် ၇၀ အောက်လူတွေမှာ ဦးခေါင်းအတွင်းသွေးပြန်ကြောသွေးခဲခြင်းဖြစ်စဉ်(ICVT) ဖြစ်နိုင်ချေက လူတစ်သန်းမှာ ၁ ယောက်မှ ၃ ယောက်အထိ ဖြစ်နိုင်ချေရှိပါတယ်။
ကိုဗစ်ရောဂါကူးစက်မှုနဲ့အသက်သေဆုံးနိုင်ချေကို ကာကွယ်ပေးနိုင်တဲ့ ကိုဗစ်ကာကွယ်ဆေးအကျိုးသက်ရောက်မှုက ICVT ဖြစ်ပွားနိုင်ချေနဲ့ သွေးကျဲခြင်းကြောင့်ဆေးရုံတက်ကုသခံယူရမှုတို့ ထက် ပိုများနေပါတယ်။
ဥရောပမှာ အက်စ်ထရာဇန်နီကာ-အောက်စ်ဖိုဒ် ကာကွယ်ဆေးစတင်တဲ့ထိုးနှံကြတဲ့အချိန် ပြီးခဲ့တဲ့နှစ်အစောပိုင်းက ရှားပါးသွေးခဲခြင်းဖြစ်စဉ်တွေ တွေ့ရှိခဲ့ပါတယ်။
ကိုဗစ်ကာကွယ်ဆေးထိုးနှံခြင်းကြောင့် အဆိုပါလက္ခဏာဖြစ်စဉ်များ ဆက်စပ်ဖြစ်ပေါ်နိုင်ကြောင်း ဥရောပသမဂ္ဂဆေးဝါးကွပ်ကဲရေးက အတည်ပြုပြီးနောက် အချို့ နိုင်ငံတွေမှာ ထိုကာကွယ်ဆေးအများအသုံးပြုခြင်းကို ဆိုင်းငံ့ထားခဲ့ပါတယ်။
နိုင်ငံတကာဆေးဝါးကွပ်ကဲရေးအဖွဲ့ ကတော့ ကာကွယ်ဆေးကြောင့်ရတဲ့ အကျိုးကျေးဇူးက ဖြစ်လာနိုင်တဲ့ဘေးထွက်အန္တရာယ်ထက် သာလွန်နေသေးကြောင်း ပြောကြားလိုက်ပါတယ်။
ပြီးခဲ့တဲ့နှစ်အတွင်း စမ်းသပ်မှုတစ်ခုမှာ အက်စ်ထရာဇန်နီကာကာကွယ်ဆေး ပထမအကြိမ်ထိုးအပြီး ရှားပါးသွေးခဲခြင်းဖြစ်ပေါ်တတ်ပေမယ့် ဒုတိယအကြိမ်ထိုးပြီးတဲ့အခါမှာတော့ မဖြစ်ပေါ်နိုင်ကြောင်း ဖော်ပြခဲ့ပါတယ်။
အက်စ်ထရာဇန်နီကာ-အောက်စ်ဖိုဒ်မှထုတ်လုပ်တဲ့ ကိုဗစ်ကာကွယ်ဆေးတွေကို Vaxzevria နဲ့ Covishield အမှတ်တံဆိပ်များဖြင့် ကမ္ဘာတစ်ဝန်းမှာ ဖေဖော်ဝါရီလအထိ ဆေးပေါင်း ၂.၆ သန်းကျော်ရောင်းချထားပြီဖြစ်ပြီး ဖွံ့ ဖြိုးဆဲနိုင်ငံများတွင် ကိုဗစ်ကပ်ရောဂါတိုက်ဖျက်ရာမှာ အဓိကအားထားနေရတဲ့ကာကွယ်ဆေးဖြစ်ပါတယ်။
Source: Reuters.
#WorldHealth
Published - 25 February 2022
ဆိုင်နိုဖမ်(Sinopharm)ကိုဗစ်ကာကွယ်ဆေး တတိယအကြိမ်ထိုးနှံတဲ့သူတွေမှာ ၆ လကြာသည့်အခါ ထွက်ရှိထားတဲ့ပဋိပစ္စည်း(antibody)တွေ သိသိသာသာလျော့နည်းလာတဲ့အပြင် စတုတ္ထအကြိမ်ထိုးနှံခြင်းဖြင့်လည်း အိုမီခရွန်ကာကွယ်နိုင်စွမ်း ထူးထူးခြားခြားကောင်းမွန်လာခြင်းမျိုးမတွေ့ရှိရကြောင်း တရုတ်နိုင်ငံမှလေ့လာချက်တစ်ရပ်မှာ ဖော်ပြထားပါတယ်။
အိုမီခရွန်မျိုးဗီဇကွဲကူးစက်မှုကိုကာကွယ်နိုင်မယ့် ပဋိပစ္စည်းထွက်ရှိမှုမြင့်မားချင်တယ်ဆိုရင် ဆိုင်နိုဖမ်လိုမျိုး သက်မဲ့ဗိုင်းရပ်စ်ကာကွယ်ဆေးအမျိုးအစားတွေကို အားမြှင့်ကာကွယ်ဆေး(Booster)အဖြစ် မသုံးစွဲသင့်ဘူးလို့ တနင်္လာနေ့က ဖော်ပြခဲ့တာဖြစ်ပါတယ်။
အဲဒီအစား အားမြှင့်ကာကွယ်ဆေးအဖြစ်ထိုးနှံချင်တယ်ဆိုရင် ပရိုတိန်းအခြေပြုကာကွယ်ဆေးမျိုး ဒါမှမဟုတ် ဗိုင်းရပ်စ်မျိုးဗီဇကွဲတွေရဲ့ မျိုးရိုးဗီဇအချက်အလက်တွေအပေါ် အခြေပြုထုတ်လုပ်ထားတဲ့ mRNA ကာကွယ်ဆေးအမျိုးအစားတွေကို ရွေးချယ်သင့်ကြောင်းဖော်ပြထားပါတယ်။
အိုမီခရွန်ကူးစက်မှုကြောင့် ကိုဗစ်ရောဂါဖြစ်ပွားနိုင်ချေနဲ့ အသက်သေဆုံးနိုင်ချေတို့ ကို လျှော့ချတဲ့နေရာမှာ တတိယအကြိမ် ဒါမှမဟုတ် စတုတ္ထအကြိမ်ကာကွယ်ဆေးထိုးနှံခြင်းမှရရှိတဲ့ ပဋိပစ္စည်းပမာဏက ဘယ်လောက်အထိသက်ရောက်မှုရှိသလဲဆိုတာကို သေချာမသိရှိရသေးပါဘူး။
ဆိုင်နိုဖမ်ကာကွယ်ဆေး တတိယအကြိမ်ထိုးနှံပြီး ၂၆ ပတ်ကြာတဲ့အခါ အိုမီခရွန်ကိုကာကွယ်နိုင်တဲ့ ပဋိပစ္စည်းပမာဏက ၅၃ ရာခိုင်နှုန်းအထိ လျော့နည်းသွားခဲ့ကြောင်း လေ့လာချက်မှာဖော်ပြထားပါတယ်။
လေ့လာချက်အရ တရုတ်မှကျန်းမာရေးဝန်ထမ်း ၃၈ ဦးကို ဆိုင်နိုဖမ်ကာကွယ်ဆေးပထမ ၂ ကြိမ်ထိုးပေးပြီး ၅ လအကြာမှာ အားမြှင့်ကာကွယ်ဆေးထိုးပေးခဲ့ပါတယ်။
နောက်ထပ် ၆ လအကြာမှာ စတုတ္ထအကြိမ်ထိုးပေးခဲ့ရာမှာတော့ အိုမီခရွန်ကိုကာကွယ်နိုင်မယ့် ပဋိပစ္စည်းပမာဏက သိသိသာသာမြင့်တက်လာခြင်းမရှိပေမယ့် တတိယအကြိမ်ထိုးနှံစဉ်ကအမြင့်ဆုံးရရှိခဲ့တဲ့ ပဋိပစ္စည်းပမာဏအတိုင်း ပြန်လည်ရောက်ရှိခဲ့တာကို တွေ့ရှိခဲ့ကြပါတယ်။
စွန်ယက်ဆန်တက္ကသိုလ်နဲ့ သုတေသနပညာရှင်များက ဆေးရုံတစ်ခုမှာ အဆိုပါလေ့လာချက်ကိုပြုလုပ်ခဲ့ရာ အသက်အရွယ်ကြီးသူတွေနဲ့ လေ့လာခဲ့ခြင်းမရှိသလို စတုတ္ထအကြိမ်ကာကွယ်ဆေးထိုးခြင်းရဲ့ ဆဲလ်တုန့်ပြန်မှုအပေါ်သက်ရောက်မှုကိုလည်း မလေ့လာခဲ့ပါဘူး။
Source: Reuters
Page 1365 of 1403