#WorldHealth
Published - 26 February 2022
အိုမီခရွန်မျိုးဗီဇကွဲဗိုင်းရပ်စ် အများဆုံးကူးစက်ခံနေရတဲ့နိုင်ငံတွေထဲက တစ်နိုင်ငံဖြစ်တဲ့ဒိန်းမတ်နိုင်ငံရှိလူအချို့မှာ အဆိုပါမျိုးဗီဇကွဲနှစ်ခါပြန်ကူးစက်နေတာကို ရှားရှားပါးပါးမြင်တွေ့နေရကြောင်း လေ့လာချက်တစ်ခုမှာဖော်ပြထားပါတယ်။
ကိုရိုနာဗိုင်းရပ်စ်တွေ့ရှိခဲ့တဲ့လူပေါင်း ၁.၈ သန်းကို စမ်းသပ်စစ်ဆေးခဲ့ရာမှာ ၄၇ ဦးက ရက်ပေါင်း ၂၀ မှ ၆၀ ရက်ခြားပြီး အိုမီခရွန်မျိုးဗီဇကွဲ BA.1 နဲ့ သူ့ရဲ့မျိုးနွယ်ခွဲ BA.2 နှစ်မျိုးစလုံးကူးစက်ခံခဲ့ရတာကို တွေ့ရှိခဲ့ကြောင်း ဒိန်းမတ်ကူးစက်ရောဂါတက္ကသိုလ်မှ အင်္ဂါနေ့က ပြောကြားလိုက်ပါတယ်။
မျိုးဗီဇကွဲနှစ်မျိုးစလုံးကူးစက်ခံခဲ့ရတဲ့သူတွေဟာ ငယ်ရွယ်ပြီး ကိုဗစ်ကာကွယ်ဆေးမထိုးရသေးတဲ့လူတွေဖြစ်ကာ ရောဂါအပျော့စားမျှသာ ခံစားခဲ့ရတာဖြစ်ပါတယ်။အခြားလူ ၂၀ ဦးကတော့ အိုမီခရွန်မျိုးဗီဇကွဲတစ်မျိုးတည်းကိုပဲ နှစ်ခါပြန်ကူးစက်ခံခဲ့ရပါတယ်။
အိုမီခရွန်ရဲ့ BA.2 မျိုးနွယ်ခွဲ ကူးစက်မှုအများဆုံးဖြစ်ခဲ့တဲ့နှစ်စပိုင်းတုန်းက လူဦးရေ ၅.၈ သန်းရှိတဲ့ဒိန်းမတ်နိုင်ငံမှာ လူပေါင်း ၂.၆ သန်းကူးစက်မှုဖြစ်ပွားခဲ့ပါတယ်။နိုင်ငံအတွင်း ကိုဗစ်ကန့်သတ်ပိတ်ပင်ချက်တွေကို ဖြေလျှော့လိုက်ပြီဖြစ်ပြီး ကိုဗစ်ရောဂါက လူမှုနေထိုင်မှုမှာ အနှောင့်အယှက်မဖြစ်စေတော့ဘူးလို့ ဖေဖော်ဝါရီ ၁ ရက်နေ့မှာ ကြေညာခဲ့ပါတယ်။
Source: Bloomberg
#Sport
Published - 26 Feb 2022
ONE FULL CIRCLE ပြိုင်ပွဲမှာအောင်လအန်ဆန်းနှင့် ရုရှားနိုင်ငံသား ဗစ်တာလီဗစ်ဒက်ရှ်တို့ မနေ့ညနေပိုင်းမှာ စင်ကာပူနိုင်ငံ၌ ယှဉ်ပြိုင်ထိုးသတ်ခဲ့ရာ ငါးမိနစ်သုံးချီအပြည့်ထိုးသတ်ခဲ့ပြီးနောက် အဆုံးအဖြတ်အရ ဗစ်ဒက်ရှ်ကအနိုင်ရရှိသွားခဲ့ပါတယ်။
အဆိုပါပွဲရှုံးနိမ့်မှုနဲ့ပတ်သတ်ပြီး အောင်လအန်ဆန်းက"ချစ်ရပါသော မြန်မာ ပရိသတ်များ ခင်ဗျာ ဒီနေ့ပွဲအတွက် ကျွန်တော်အကောင်းဆုံး ပြင်ဆင် ကြိုးစားခဲ့ပါတယ်။ သို့ပေမယ့် ကျွန်တော် ကြိုးစားခဲ့သလို မဖြစ်ခဲ့တဲ့ အတွက် ပရိသတ်များကို စိတ်မကောင်းဖြစ်စေခဲ့တဲ့ အတွက် များစွာ စိတ်မကောင်းဖြစ်ရပါတယ်။ နောက် များ အတွက် ကျွန်တော် အကောင်းဆုံးကြိုးစား ပြင်ဆင်သွားပါမယ်လို့ ဂတိပေးရင်း ချစ်တဲ့ မြန်မာပြည်ကြီးနဲ့ ပြည်သူပြည်သားများအတွက် အမြဲဆုတောင်းပေးလျက်ပါခင်ဗျာ ။"လို့ လူမှုကွန်ယက်မှာရေးသားခဲ့ပါတယ်
မနေ့ကပွဲစဉ်ဟာ ပရိတ်သတ်တွေအပြန်အလှန်ထိုးသတ်မယ်လို့ခန့်မှန်းထားသော်လည်း ပြိုင်ပွဲပုံစံက ထင်သလိုဖြစ်မလာပဲရုရှားနိုင်ငံသားအနေနဲ့ အောင်လအန်ဆန်းကို အရင်တွေ့ဆုံခဲ့တဲ့ပွဲတွေကို ရင်ဆိုင်ထိုးသတ်တာတွေမလုပ်တော့ပဲ သုံးချီလုံးချုပ်ကွက်ရရေးကိုသာကြိုးပမ်းခဲ့ကာ ဗစ်ဒက်ရှက်က အနိုင်ယူခဲ့ပါတယ်။
ပွဲကိုတော့ One Championship က စီစဉ်တာဖြစ်ပြီး စင်ကာပူ နိုင်ငံမှာ ပြုလုပ်ခြင်းဖြစ်ကာ ၎င်းတို့ပွဲစဉ်အပါအဝင် တွဲဆိုင်း ၁၂ ဆိုင်း ပါဝင်ကာ ပွဲစဉ်တွေမှာ ကမ္ဘာ့ချန်ပီယံလုပွဲ ၂ ပွဲ ပါဝင်ပြီး မစ်ဒယ်ဝိတ်တန်း ကမ္ဘာ့ချန်ပီယံလုပွဲမှာ လက်ရှိချန်ပီယံ နယ်သာလန်နိုင်ငံသား ဒီရစ်ဒါနှင့် စိန်ခေါ်သူ ကာဂျစ္စတန် နိုင်ငံသား အဘာဆော့ဗ်တို့ ထိုးသတ်ကာ ဒီရစ်တာကပဲဟအနိုင်ယူကာ ချန်ပီယံခါးပတ်ကိုကာကွယ်နိုင်ခဲ့ပါတယ်။
ymg/hm
#Yangon_Media_Group
#WorldHealth
Published - 26 February 2022
ဥရောပမှဆေးဝါးထုတ်လုပ်ရေးကုမ္ပဏီတွေဖြစ်တဲ့ Sanofi နဲ့ GSK ကုမ္ပဏီတို့ စမ်းသပ်ထုတ်လုပ်နေတဲ့ ဗစ်ပရက်ဗ်တင်(Vidprevtyn) ကိုဗစ်ကာကွယ်ဆေးအသစ်ဟာ နောက်ပိုင်းအဆင့်လက်တွေ့စမ်းသပ်ချက်များအရ ကိုဗစ်ရောဂါပြင်းထန်စွာခံစားရခြင်းကို ထိထိရောက်ရောက်ကာကွယ်နိုင်မှာဖြစ်ကြောင်း ကြေညာလိုက်ပါတယ်။
အဆိုပါကုမ္ပဏီတွေက သူတို့ ရဲ့ကာကွယ်ဆေးအသစ်ကို အမေရိကန်နဲ့ ဥရောပတို့ မှာထိုးနှံခွင့်ရရှိရန် အာဏာပိုင်များထံမှခွင့်ပြုချက်တောင်းခံသွားဖို့ စီစဉ်နေကြပါတယ်။ဗစ်ပရက်ဗ်တင်ဟာ ပရိုတိန်းအခြေပြုကာကွယ်ဆေးဖြစ်ကာ ခန္ဓာကိုယ်ခုခံအားစနစ်ကနေ SARS-CoV-2 ဗိုင်းရပ်စ်ကိုတိုက်ထုတ်ဖို့ ပရိုတိန်းအစိတ်အပိုင်းလေးတွေ အသုံးပြုထားတာဖြစ်ပါတယ်။
mRNA နဲ့ adenovirus vector ကာကွယ်ဆေးတွေထက် ပိုမိုရိုးရှင်းတဲ့ကာကွယ်ဆေးအမျိုးအစားဖြစ်ပါတယ်။
ဒီကာကွယ်ဆေးတွေကို သာမန်ရေခဲသေတ္တာအပူချိန်မှာ ထိန်းသိမ်းထားနိုင်တာကြောင့် အချို့အခက်အခဲရှိတဲ့နေရာတွေအတွက် ပိုမိုလွယ်ကူစေမှာဖြစ်ပါတယ်။
ပိုမိုရိုးရှင်းတဲ့နည်းပညာကို အသုံးပြုထားတာဖြစ်တဲ့အတွက် အခြားကိုဗစ်ကာကွယ်ဆေးနဲ့အဆင်မပြေတဲ့သူတွေအနေနဲ့ ဒီကာကွယ်ဆေးအမျိုးအစားကို ရွေးချယ်နိုင်မှာဖြစ်ပါတယ်။
ဗစ်ပရက်ဗ်တင်ကာကွယ်ဆေးနှစ်ကြိမ်ကို ၃ ပတ်ခြားပြီးထိုးနှံရမှာဖြစ်ပါတယ်။
တတိယအဆင့်စမ်းသပ်မှုအတွက် အမေရိကန်၊ အာရှ၊ အာဖရိက၊ လက်တင်အမေရိကတို့ မှ လူပေါင်း ၁ သောင်းကျော်စာရင်းသွင်းခဲ့ပါတယ်။ဒါ့အပြင် တတိယအကြိမ်ထိုးနှံမှုအဖြစ် အားမြှင့်ကာကွယ်ဆေး(booster)စမ်းသပ်ဖို့ကိုလည်း ဆန်းစစ်လေ့လာနေပြီ ဖြစ်ပါတယ်။
SARS-CoV-2 ဗိုင်းရပ်စ်ကိုခုခံနိုင်မယ့် ပဋိပစ္စည်း(antibody)မရှိသေးတဲ့ လူတွေကို ဗစ်ပရက်ဗ်တင်ကာကွယ်ဆေး နှစ်ကြိမ်ထိုးနှံခဲ့ပြီးနောက် လေ့လာခဲ့ကြရာမှာ ကိုဗစ်ရောဂါလက္ခဏာဖြစ်ပေါ်မှုကို ၅၈ ရာခိုင်နှုန်း၊ ကိုဗစ်ရောဂါအလယ်အလတ်မှ ပြင်းထန်အဆင့်အထိဖြစ်ပွားနိုင်ချေကို ၇၅ ရာခိုင်နှုန်း၊ ဆေးရုံတက်ကုသခံယူရနိုင်ချေကို ၁၀၀ ရာခိုင်နှုန်း အသီးသီးကာကွယ်နိုင်ကြောင်း တွေ့ရှိရပါတယ်။
"စမ်းသပ်မှုအချက်အလက်တွေက အားရစရာကောင်းပါတယ်။ မျိုးဗီဇကွဲများစွာပေါ်ပေါက်နေတဲ့ကာလအတွင်း အခြားဘယ်ကာကွယ်ဆေးကမှ ကမ္ဘာ့အတိုင်းအတာနဲ့ တတိယအဆင့်စမ်းသပ်မှုကို မလုပ်နိုင်ခဲ့ပါဘူး။ အခုရရှိထားတဲ့ကာကွယ်နိုင်စွမ်းတွေက အသိအမှတ်ပြုလက်မှတ်ရရှိထားတဲ့ကာကွယ်ဆေးတွေနဲ့ ဆင်တူနေပါတယ်" လို့ Sanofi မှ အမှုဆောင်ဒုဥက္ကဌ'သောမတ်စ်ထရီယမ့်'က ပြောကြားလိုက်ပါတယ်။
ဗစ်ပရက်ဗ်တင်ကာကွယ်ဆေးတစ်မျိုးတည်းနဲ့လည်း ထိရောက်စွာကာကွယ်နိုင်သလို ဖိုင်ဇာ၊ မိုဒါနာ၊ အက်စ်ထရာဇန်နီကာ၊ ဂျွန်ဆန်အန်ဂျွန်ဆန် ကာကွယ်ဆေးထိုးထားတဲ့သူတွေမှာလည်း ဗစ်ပရက်ဗ်တင်ကို အားမြှင့်ကာကွယ်ဆေးအဖြစ်အသုံးပြုပါက ပဋိပစ္စည်းခုခံနိုင်စွမ်း ၁၈ ဆ မှ အဆ ၃၀ အထိမြင့်တက်လာကြောင်း ဖော်ပြထားပါတယ်။
ဗစ်ပရက်ဗ်တင်ကာကွယ်ဆေးပေါင်း သန်း ၁၀၀ ကိုထုတ်လုပ်ထားပြီးဖြစ်ပြီး နောက်ထပ်ဆေးပေါင်းသန်း ၄၀၀ အထိထုတ်လုပ်သွားဖို့ ရည်ရွယ်နေကြပါတယ်။
Source: CNN
Published 25 February 2022
တရုတ်သမ္မတ ရှီကျင့်ဖျင်နှင့် ရုရှားသမ္မတဗလက်ဒီမီယာပူတင်တို့ဟာ ယူကရိန်းအကျပ်အတည်းနှင့်ပတ်သက်လို့ ဖေဖော်ဝါရီ(၂၅)ရက် သောကြာနေ့မွန်းလွဲပိုင်းမှာ တယ်လီဖုန်းဆက်သွယ်ပြောဆိုခဲ့ကြပါတယ်။
ရုရှားရဲ့သမ္မတပူတင်က အမေရိကန်နှင့်နေတိုးအဖွဲ့ဟာ ရုရှားရဲ့ တရားဝင် လုံခြုံရေးရာစိတ်ပူပန်မှုကိုမျက်ကွက်ပြုပြီး ရုရှားရဲ့ မဟာဗျူဟာမျဉ်းနီကို စိန်ခေါ်ခဲ့တယ်လို့ပြောလိုက်ပြီး ယူကရိန်းနှင့်အဆင့်မြင့်အပိုင်းဆွေးနွေးဖို့ဆန္ဒရှိတယ်လို့ပြောပါတယ်။ တရုတ်သမ္မတရှီကလည်း ရုရှားရဲ့ စေ့စပ်ဆွေးနွေးမှုက တစ်ဆင့်ဖြေရှင်းမယ်ဆိုတာကို ထောက်ခံတယ်လို့ပြန်လည်ဆွေးနွေးခဲ့ပါတယ်။
Source CMG
Published 25 February 2022
ရုရှားကျူးကျော်တိုက်ခိုက်မှုအပေါ် ဥရောပသမဂ္ဂ၏ တုန့်ပြန်မှုဟာ သိပ်ပြီးနှေးကွေးလွန်းတယ်လို့ ယူကရိန်းသမ္မတ ဗိုလိုဒီမီယာဇီလင်စကီး က ဖေဖော်ဝါရီ ၂၅ရက်က ဝေဖန်ပြောကြားလိုက်ပါတယ်။ လက်စားချေတုန့်ပြန်မယ့်အစီအစဉ်တွေဟာ အဆင်သင့်ရှိနေရမယ်လို့သူကတောင်းဆိုလိုက်ပါတယ်။
Source AFP
Published 25 February 2022
အိမ်နီးချင်းဥရောပနိုင်ငံတွေဟာ ယူကရိန်းနိုင်ငံသားတွေ ထွက်ပြေးဖို့ ပိုသင့်တော်တဲ့နေရာတွေဖြစ်ပေမယ့် အမေရိကန်ပြည်ထောင်စုအနေနှင့်လည်း ယူကရိန်းက ဒုက္ခသည်တွေကို လက်ခံဖို့ပြင်ဆင်နေတယ်လို့ အိမ်ဖြူတော် သတင်းပြန်ကြားရေးမှူး ဂျင်းနစ်ဆာကီက ပြောပါတယ်။ ဒါပေမယ့် ယူကရိန်းအများစုကတော့ ဥရောပမှာပဲ အခြေချချင်ကြမှာြဖစ်တယ်လို့ သူမက စောဒကတက်လိုက်ပါတယ်။
ဖေဖော်ဝါရီ၂၄ရက်ကပြုလုပ်တဲ့သတင်းစာရှင်းလင်းပွဲမှာ “ အမေရိကန်အနေနှင့် ယူကရိန်းဒုက္ခသည်တွေကို လက်ခံမှာလား” ဆိုတဲ့ မေးခွန်းကို ဆာကီက တုန့်ပြန်ပြောဆိုခဲ့တာဖြစ်ပါတယ်။
“ ဒါပေမယ့် အများစုကတော့ အိမ်နီးချင်းဥရောပနိုင်ငံတွေကိုပဲသွာချင်ကြမယ်လို့ ကျွန်မတို့ အသေအချာမျှော်လင့်ထားပါတယ်” လို့ သူမကပြောပါတယ်။
ဘိုင်ဒင်ရဲ့အစိုးရအနေနှင့် သူတို့ရဲ့လိုအပ်ချက်တွေက ဘာတွေဖြစ်မလဲ၊ ဒုက္ခသည်တွေအတွက် သူတို့လက်ခံနိုင်မယ့်နေရာက ဘယ်မှာလဲဆိုတာတွေနှင့်ပတ်သက်ပြီး ဥရောပနိုင်ငံတွေနှင့်အလုပ်လုပ်နေတယ်လို့လည်း သူမကဆက်ပြောပါတယ်။
ဥပမာပြရရင် ပိုလန်နိုင်ငံဆိုရင် လွန်ခဲ့သော ၂၄နာရီကတည်းက ယူကရိန်းတွေ အလုံးလိုက်အရင်းလိုက်ဝင်ရောက်လာနေတဲ့ အတွေ့အကြုံတွေရှိနေပြီ လို့လည်းသူမက ရည်ညွှန်းပြောဆိုပါတယ်။
ဒုက္ခသည်တွေကို အမေရိကန်ကိုယ်တိုင်က လက်ခံဖို့ ပြင်ဆင်နေပြီလားလို့ ထပ်မေးတဲ့အခါ “ သမ္မတအနေနှင့် ဒါအတွက် အသေအချာပြင်ဆင်မှာပါ”လို့ သူမကဖြေပါတယ်။ အိမ်နီးချင်းဥရောပနိုင်ငံတော်တော်များများဟာ ဒုက္ခသည်တွေအတွက်ဖွင့်ပေးမယ်လို့ပြောဆိုထားပါတယ်။ ယူကရိန်းနိုင်ငံသားတော်တော်များများကတော့ ဥရောပနိုင်ငံတွေကိုပဲသွာချင်ကြမှာပါ လို့သူမကပြောပါတယ်။
ရုရှားသမ္မတပူတင်က လူဟန့်နှင့်ဒွန်ညက်တို့ကို ကာကွယ်ဖို့ ဒွန်ဘတ်စ်ဒေသမှာ အထူးစစ်ဆင်ရေးလုပ်မယ်လို့ ကြေညာပြီးတဲ့နောက် ရုရှးဟာ ကြာသပတေးနေက ယူကရိန်းကို လေကြောင်း တိုက်ခိုက်မှုတွေစတင်ခဲ့ပါတာဖြစ်ပါတယ်။
ယူကရိန်းနိုင်ငံသားတော်တော်များများဟာ နိုင်ငံကထွက်ခွာနေကြတာကို ဗွီဒီယိုတွေမှာမြင်တွေ့ကြရပါတယ်။ အများစုကတော့ ပိုလန်နှင့် အိမ်နီးချင်ဥရောပနိုင်ငံတွေဘက် ဦးတည်သွားနေကြတာဖြစ်ပါတယ်။
Source RT
#LocalNews
Published - 25 Feb 2022
အရှိန်မထိန်းနိုင်သည့်ကားက ဆိုင်ကယ်အား တိုက်ပြေးမှုကြောင့် ဆိုင်ကယ်စီးလာသူ တစ်ဦးသေဆုံးခဲ့ပြီးတစ်ဦးဒဏ်ရာရခဲ့သည့်ဖြစ်စဉ်တစ်ခု မုံရွာမြို့မှာ ဖြစ်ပွားခဲ့တယ်လို့ သိရပါတယ်။
ဖြစ်စဉ်မှာ ဒီကနေ့( ဖေဖော်ဝါရီ ၂၅)ရက်တွင် မုံရွာ -မန်းလေးလမ်း ချောင်းဦးမြို့အဝင် "စိုး" ဆီဆိုင်အနီး
တွင် ကားတစ်စီမှ ဆိုင်ကယ်တစ်စီးအား တိုက်ပြေးသဖြင့် ဒဏ်ရာရ လူနာ(၂)ဦး ရှိကြောင်း တာဝန်သိပြည်သူတစ်ဦးက သတင်း ပေးပို့လာသဖြင့် မြန်မာနိုင်ငံလူမှူကယ်ဆယ်ရေးအဖွဲ့ (မုံရွာမြို့)က ကူညီကယ်ဆယ်ရေးလုပ်ငန်းများကို သွားရောက်ဆောင်ရွက်ပေးခဲ့ရတာ ဖြစ်ပါတယ်။
ယင်းဖြစ်စဉ်ကြောင့် တစ်ဦးသေဆုံးပြီး တစ်ဦးဒဏ်ရာရရှိခဲ့တာလည်း ဖြစ်ပါတယ်။အဆိုပါ ထိခိုက်ဒဏ်ရာရသူနှင့် သေဆုံးသူအား ချောင်းဦး မီးသတ်တပ်ဖွဲ့ နဲ့အတူ ချောင်းဦးဆေးရုံသို့ ပို့ဆောင်ပေးခဲ့ပြီး ထိုမှတစ်ဆင့် မုံရွာဆေးရုံကြီးသို့ ကူညီပို့ဆောင်ခဲ့တယ်လို့လည်း မြန်မာနိုင်ငံလူမှုကယ်ဆယ်ရေးအဖွဲ့ (မုံရွာမြို့)က သတင်းထုတ်ပြန်ထားပါတယ်။
ဓါတ်ပုံ - မြန်မာနိုင်ငံလူမှူကယ်ဆယ်ရေးအဖွဲ့ (မုံရွာမြို့)
ymg/kg
#Yangon_Media_Group
#LocalNews
Published - 25 Feb 2022
ပြည်ပစားသုံးဆီတင်သွင်းမှုအနေနဲ့ ယခင်နှစ်ထက် ၃၀ ရာခိုင်နှုန်း လျှော့ချနိုင်တယ်လို့ စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၊ ဝန်ကြီး ဒေါက်တာပွင့်ဆန်း ပြောကြားချက်အရသိရပါတယ်။
ပြည်ပကနေ စားသုံးဆီတင်သွင်းမှုအနေနဲ့ ကာလတူနှိုင်းယှဉ်ချက်အရ ယခင်နှစ်တွင် တန်ချိန် ၃ ဒဿမ ၁ သိန်းကျော်ခန့် တင်သွင်းခဲ့ပြီး ယခုနှစ်မှာ ၂ ဒဿမ ၃ သိန်းခန့်သာ တင်သွင်းခဲ့တဲ့အတွက် ရာခိုင်နှုန်းအနေနဲ့ ၃၀ ရာခိုင်နှုန်း အထိ လျှော့ချထိန်းညှိနိုင်ခဲ့တယ်လို့ စားသုံးဆီ အရည်အသွေး၊ ဈေးနှုန်းကိစ္စရပ်တွေနဲ့ ပတ်သက်တဲ့ ညှိနှိုင်းအစည်းအဝေးမှာ ဝန်ကြီးက အခုလို ထည့်သွင်းပြောဆိုခဲ့တာပါ။
ဒ့ါအပြင် ပြည်ပမှ စားသုံးဆီတင်သွင်းမှုကို မူဝါဒအရ လျှော့ချပြီး အကန့်အသတ်နဲ့ တင်သွင်းတဲ့အစီအစဉ်ကို ယခု Mini Budget မှစတင်ပြီး အကောင်အထည်ဖော်ဆောင်ရွက်ခဲ့တယ်လို့ ဆိုပါတယ်။
ပြည်တွင်းလိုအပ်ကြောင့် စားသုံးဆီကို ပြည်ပကနေ တင်သွင်းနေရတာကြောင့် နိုင်ငံခြားငွေ ဆုံးရှုံးတဲ့အတွက် ဆီလျှော့စားသုံးဖို့ နစက ဥက္ကဋ္ဌက သတိပေးတာတွေရှိခဲ့ပါတယ်။
ကမ္ဘာ့ဈေးနှုန်းမှာ ယခုနှစ် ဇန်နဝါရီလအတွင်း စားသုံးဆီ တစ်တန်ကို ပျမ်းမျှ ၁၄၀၇ ဒေါ်လာရှိပြီး ဖေဖော်ဝါရီလ ပထမပတ်အတွင်း ပျမ်းမျှအားဖြင့် ၁၅၅၀ ဒေါ်လာခန့်မှ ယခုအပတ်အတွင်း ပျမ်းမျှအားဖြင့် ၁၆၄၀ ဒေါ်လာခန့်ထိ တဖြည်းဖြည်းမြင့်တက်လာခဲ့ပါတယ်။
ပြည်တွင်းစားသုံးဆီဈေးနှုန်းမှာ စားသုံးဆီတင်သွင်း သိုလှောင်ဖြန့်ဖြူးခြင်းလုပ်ငန်း ကြီးကြပ်ရေးကော်မတီက ဖေဖော်ဝါရီ ၂၁ ရက်နေ့မှ ၂၇ ရက်အထိ ရည်ညွှန်းဈေးနှုန်းအနေနဲ့ တစ်ပိဿာကို လက်ကားဈေးနှုန်း ၅၄၀၀ ကျပ်၊ လက်လီပေပါဈေးနှုန်း ၅၄၅၀ ကျပ်နဲ့ လက်လီပုံးဆွဲဈေးနှုန်းမှာ ၅၅၅၀ ကျပ်ရှိ ကြောင်း သိရပါတယ်။
ymg/ei
#Yangon_Media_Group
Published 25 February 2022
အင်ဒိုနီးရှားနိုင်ငံ ဆူမတ်တြာကျွန်းမြောက်ပိုင်းမှာ သောကြာနေ့မနက်က
ပြင်းအား ၆.၂အဆင့်ရှိတဲ့ ငလျင်ကြီးတစ်ခု လှုပ်ရှားသွားပါတယ်။
ဆူမတ်တြာကျွန်း၊ ဘူကစ်တင်ဂီမြို့ကနေ ၆၆ကီလိုမီတာဝေးတဲ့အရပ်ကို ဗဟိုပြုပြီး
ငလျင်ဟာ မြေအောက် အနက်၇.၅မိုင်ခန့်ကနေ လှုပ်ရှားသွားတာဖြစ်ပါတယ်။
ငလျင်ကြောင့်မြေပြိုမှုတွေဖြစ်ပွားပြီး အနည်းဆုံးလူနှစ်ဦးသေဆုံးပြီး လူ(၂၀)ခန့် ဒဏ်ရာရရှိကာ အိမ်နှင့်အဆောက်အဦအချို့ပြိုကျပျက်စီးခဲ့တယ်လို့ ကနဦးသတင်းတွေအရသိရပါတယ်။
အနောက်ပါဆာမန်မှာရှိတဲ့ဆေးရုံမှာ ထိခိုက်ဒဏ်ရာရရှိသူတွေကို ပို့ဆောင်ပေးနေပါတယ်
မလေးရှားနှင့်စင်္ကာပူမှာရှိတဲ့သူတွေကလည်း ငလျင်ဒဏ်ခံစားကြရတယ်လို့ပြောပါတယ်
Source AFP
Page 1364 of 1403